YESAYA

 2 Umva wa juru we, nawe wa si+ we tega amatwi,

Kuko Yehova ubwe avuga ati:

“Nareze abana ndabakuza,+

Ariko banyigometseho.+

 3 Ikimasa kimenya nyiracyo

N’indogobe ikamenya aho irira kwa nyirayo.

 4 Abantu bahora mu byaha bazahura n’ibyago,+

Abantu bahora bakosa,

Abakomotse ku bantu babi, abana bangiritse.

Bataye Yehova,+

Basuzugura Uwera wa Isirayeli

Kandi baramuta.

Umutwe wose urarwaye

Kandi umutima wose urarembye.+

 8 Umukobwa w’i Siyoni asigaye ameze nk’akazu ko kugamamo* mu murima w’imizabibu,

Nk’akazu kari mu murima w’uduhaza duto,

Ameze nk’umujyi wagoswe.+

 9 Iyo Yehova nyiri ingabo atadusigira abarokotse bake,

Tuba twarabaye nka Sodomu

Kandi tuba twarabaye nka Gomora.+

Ndambiwe ibitambo byanyu bitwikwa n’umuriro by’amapfizi y’intama+ n’ibinure by’amatungo abyibushye+

Kandi sinishimira amaraso+ y’ibimasa bikiri bito+ n’ay’ihene n’intama.+

12 Iyo muje imbere yanjye,+

Ni nde uba wabibasabye,

Ko muba muje kunyukanyuka* imbuga z’inzu yanjye?+

Byambereye umutwaro,

Kubyihanganira bimaze kunanira.

15 Iyo muntegeye ibiganza,

Simbareba.+

Nubwo muvuga amasengesho menshi,+

Sinyumva;+

Ibiganza byanyu byuzuye amaraso.+

Singishaka kubona ibikorwa byanyu bibi;

Mureke gukora ibibi.+

17 Mwige gukora ibyiza, mushake ubutabera,+

Mukosore ufata abandi nabi,

Muharanire uburenganzira bw’imfubyi*

Kandi murenganure umupfakazi.”+

Nubwo ibyaha byanyu bitukura,

Bizahinduka umweru nk’urubura;+

Nubwo bitukura cyane nk’umwenda utukura,

Bizahinduka umweru nk’ubwoya bw’intama.

19 Nimwemera mukumvira,

Muzarya ibintu byiza byo mu gihugu.+

20 Ariko nimwanga mukigomeka,

Muzicwa n’inkota,+

Kuko akanwa ka Yehova ari ko kabivuze.”

Wari wuzuye ubutabera;+

Gukiranuka ni ho kwabaga.+

22 Ifeza yawe yahindutse umwanda+

Kandi inzoga* yawe bayisutsemo amazi.

Ntibacira imfubyi urubanza rutabera

Kandi ntibakira ikirego cy’umupfakazi.+

24 Ni yo mpamvu Umwami w’ukuri, Yehova nyiri ingabo,

Intwari ya Isirayeli avuga ati:

“Nimutege amatwi. Nzikiza abandwanya,

Nihorere ku banzi banjye.+

25 Nzaguhana,*

Ngusukure nkumareho imyanda

Kandi nzagukuraho imyanda yawe yose.+

26 Nzongera ngusubirizeho abacamanza nk’uko byari bimeze mbere,

N’abajyanama bawe nk’uko byari bimeze bigitangira.+

27 Siyoni izacungurwa n’ubutabera+

Kandi abantu bayo bazayigarukamo, bazacungurwa no gukiranuka.

28 Abigomeka n’abanyabyaha bazarimburirwa rimwe+

Kandi abataye Yehova bazakurwaho.+

29 Bazakorwa n’isoni bitewe n’ibiti binini mwifuzaga+

Kandi muzamwara bitewe n’ubusitani* mwahisemo.+

30 Muzamera nk’igiti kinini gifite ibibabi byumye,+

Mumere nk’ubusitani butagira amazi.

31 Umugabo w’umunyambaraga azahinduka nk’ubudodo buva mu bimera*

Kandi imirimo ye izamera nk’igishashi cy’umuriro;

We n’ibikorwa bye bizahira rimwe

Kandi nta wuzashobora kubizimya.”

 2 Mu minsi ya nyuma,

Umusozi wubatsweho inzu ya Yehova

Uzakomera cyane usumbe indi misozi,+

Ushyirwe hejuru usumbe udusozi

Kandi abantu bo mu bihugu byose bazawugana ari benshi.+

“Nimuze tuzamuke tujye ku musozi wa Yehova,

Ku nzu y’Imana ya Yakobo.+

Izatwigisha ibyo dukwiriye gukora

Kandi natwe tuzabikurikiza.”+

Kuko amategeko* azaturuka i Siyoni

N’ijambo rya Yehova rigaturuka i Yerusalemu.+

 4 Azacira imanza abantu bo mu bindi bihugu

Kandi azakosora ibitagenda neza byose kugira ngo bigirire akamaro abantu benshi.

Inkota zabo bazazicuramo amasuka,

Amacumu yabo bayacuremo ibikoresho by’ubuhinzi.*+

Nta gihugu kizongera gutera ikindi cyitwaje inkota

Kandi ntibazongera kwiga kurwana.+

 5 Yemwe bantu bo mu muryango wa Yakobo,

Nimuze tugendere mu mucyo wa Yehova.+

 6 Wataye abantu bawe, ni ukuvuga umuryango wa Yakobo,+

Kuko biganye ibikorwa byinshi by’ab’Iburasirazuba,

Bakora ibikorwa by’ubumaji+ nk’Abafilisitiya

Kandi bafite abana benshi b’abanyamahanga.

 7 Igihugu cyabo cyuzuye ifeza na zahabu

Kandi bafite ibintu by’agaciro byinshi cyane.

Igihugu cyabo cyuzuye amafarashi

Kandi amagare yabo y’intambara nta wushobora kuyabara.+

Bunamira ibintu byakozwe n’amaboko yabo,

Bunamira ibyo bakoresheje intoki zabo.

 9 Umuntu arunama akitesha agaciro

Kandi ntushobora kubababarira.

10 Injira mu rutare maze wihishe mu mukungugu

Bitewe n’uburakari buteye ubwoba bwa Yehova

No gukomera kwe.+

11 Amaso y’ubwibone y’umuntu azacishwa bugufi

Kandi abibone bazashyirwa hasi.

Uzagera ku muntu wese wishyira hejuru kandi wibona,

Ugere ku muntu wese wo mu rwego rwo hejuru cyangwa urwo hasi.+

13 Uzagera ku biti byose by’amasederi byo muri Libani, ibiti birebire kandi byashyizwe hejuru,

No ku biti byose binini by’i Bashani,

14 No ku misozi miremire yose

N’udusozi tureture twose.

15 Uzagera ku minara miremire yose no ku nkuta zose zikomeye,

16 No ku mato yose y’i Tarushishi+

N’amato meza yose.

17 Umuntu wishyira hejuru azacishwa bugufi,

Kandi abibone bazashyirwa hasi.

19 Abantu bazinjira mu buvumo bwo mu bitare

No mu myobo yo mu butaka,+

Kubera uburakari buteye ubwoba bwa Yehova

No gukomera kwe,+

Igihe azaba aje gutigisa isi.

20 Kuri uwo munsi, abantu bazajugunya imana zabo zitagira umumaro z’ifeza n’iza zahabu,

Imana bikoreye kugira ngo bajye bazunamira,

Bazijugunyire imbeba n’uducurama,+

21 Kugira ngo binjire mu buvumo bwo mu bitare

No mu myobo yo mu bitare,

Kubera uburakari buteye ubwoba bwa Yehova

No gukomera kwe,

Igihe azaba aje gutigisa isi.

22 Ubwo rero ntimukiringire umuntu usanzwe,

Ubeshejweho no guhumeka.*

3 Dore Umwami w’ukuri Yehova nyiri ingabo,

Agiye kuvana muri Yerusalemu no mu Buyuda icyo bishingikirijeho cyose n’icyo bafite,

Waba umugati n’amazi,+

 2 Umugabo w’umunyambaraga n’umurwanyi,

Umucamanza n’umuhanuzi,+ uragura n’umuyobozi,

 3 Uyobora abantu 50,+ umunyacyubahiro n’umujyanama,

Umuhanga mu by’ubumaji n’umugombozi* w’umuhanga.+

 4 Nzatuma abana b’abahungu baba abatware babo

Kandi abantu badashyira mu gaciro ni bo bazabategeka.

 5 Abantu bazafata abandi nabi,

Buri wese afate mugenzi we nabi.+

Umwana w’umuhungu azarwanya umusaza

Kandi umuntu usuzuguritse arwanye umunyacyubahiro.+

“Sinzapfuka ibikomere byanyu,

Nta byokurya cyangwa imyenda mfite mu nzu yanjye.

 8 Yerusalemu yarasitaye

Na Yuda iragwa,

Kuko mu byo bavuga n’ibyo bakora barwanya Yehova;

Ufite ikuzo ryinshi abona ko bigometse.+

 9 Mu maso habo ni ho habashinja

Kandi kimwe na Sodomu ntibatinya kuvuga icyaha cyabo;+

Ntibagihisha.

10 Nimubwire abakiranutsi ko bizabagendekera neza;

Bazabona ibihembo by’ibyo bakora.*+

Azagerwaho n’ibyago

Kuko ibyo yakoze na we ari byo azakorerwa.

12 Abakoresha abantu banjye babagirira nabi

Kandi abagore ni bo babategeka.

Bantu banjye ababayobora barabayobya

Kandi batumye mutabona neza inzira mukwiriye kunyuramo.+

13 Yehova agiye kugushinja;

Arahagurutse kugira ngo asome urubanza yaciriye abantu.

“Mwatwitse umurima w’imizabibu

Kandi ibyo mwibye abakene biri mu mazu yanyu.+

15 Mutinyuka mute kumenagura abantu banjye

Kandi mugasya umukene?”+ Ni ko Yehova nyiri ingabo, Umwami w’Ikirenga abaza.

16 Yehova aravuga ati: “Kubera ko abakobwa b’i Siyoni ari abibone,

Bakagenda bashinze amajosi,

Bateretse amaso, bakagenda bakimbagira,

Bajegeza ibintu by’imirimbo bambaye ku maguru,

17 Yehova azatuma abakobwa b’i Siyoni barwara ibisebe mu mutwe

Kandi Yehova azambika ubusa uruhanga rwabo.+

Imirimbo yo ku maguru, udutambaro two ku mutwe n’imirimbo ifite ishusho y’ukwezi,+

19 Amaherena, ibikomo n’amavara,

20 Ibitambaro byo mu mutwe, udushene two ku maguru n’imishumi yo mu gituza,

Amacupa babikamo parufe* hamwe n’impigi,*

21 Impeta zo ku ntoki n’amaherena yo ku zuru,

22 Amakanzu yambarwa mu birori n’amakanzu y’inyuma, imyitero n’udusakoshi babikamo amafaranga,

23 Indorerwamo+ bireberamo batwara mu ntoki, imyenda yoroshye,*

Ibitambaro bazingira ku mutwe n’amavara.

24 Amavuta ahumura,+ azasimburwa n’umunuko;

Umukandara usimburwe n’umugozi;

Umusatsi usokoje neza usimburwe n’uruhara;+

Imyenda ihenze cyane isimburwe n’ibigunira;+

Ubwiza busimburwe n’inkovu.*

25 Abagabo bawe bazicwa n’inkota

Kandi abagabo bawe b’abanyambaraga bazapfira mu ntambara.+

26 Siyoni izajya mu cyunamo igire agahinda kenshi+

Kandi izicara hasi ku butaka isigayemo ubusa.”+

“Tuzajya twishakira ibyokurya,

Twishakire n’ibyo kwambara,

Ariko wemere ko twitirirwa izina ryawe,

Udukureho igisebo.”*+

5 Reka ndirimbire umukunzi wanjye

Indirimbo ivuga uwo nkunda n’umurima we w’imizabibu.+

Awuteramo umuzabibu utukura yatoranyije,

Yubakamo umunara hagati.

Nuko akomeza kwitega ko muri uwo murima hazera imizabibu myiza,

Ariko heramo imizabibu mibi gusa.+

 3 “None rero baturage b’i Yerusalemu namwe abatuye i Buyuda,

Nimuducire urubanza njye n’umurima wanjye w’imizabibu.+

 4 Ni iki kindi nari gukorera umurima wanjye w’imizabibu

Naba ntarakoze?+

Kuki nakomeje kwitega ko uzera imizabibu myiza,

Ariko wajya kwera ukera imizabibu mibi gusa?

 5 None rero, reka mbabwire

Icyo ngiye gukorera umurima wanjye w’imizabibu:

Nzakuraho uruzitiro rwawo,

Kandi nzawutwika.+

Urukuta rwawo rw’amabuye nzarusenya,

Maze barunyukanyuke.

 6 Nzawureka sinongere kuwitaho;+

Ntuzongera gukurwamo imizabibu idakenewe cyangwa ngo uhingirwe.

Uwo murima uzameramo amahwa n’ibihuru+

Kandi nzategeka ibicu ntibyongere kuwugushamo imvura.+

 7 Kuko umurima w’imizabibu wa Yehova nyiri ingabo ari umuryango wa Isirayeli;+

Abantu b’i Buyuda ni ibyatewe muri uwo murima yakundaga cyane.

Yakomeje kwitega ko bagaragaza ubutabera,+

Ariko bakarenganya abandi;

Yabitezeho gukiranuka,

Ariko abona agahinda gaterwa n’abica amategeko.”+

 8 Bazabona ishyano abafatanya amazu+

N’abongera imirima ku yindi,+

Kugeza ubwo nta handi haba hasigaye,

None byatumye mutura mu gihugu mwenyine!

 9 Yehova nyiri ingabo yarahiye numva

Ko amazu menshi nubwo yaba ari manini kandi ari meza,

Azahinduka amatongo ateye ubwoba,

Nta muntu uyatuyemo.+

10 Mu murima wa hegitari enye hazera imizabibu yavamo litiro 22* za divayi,

Kandi ibiro 160* by’ingano bizavamo ibiro 16* gusa mu gihe cyo gusarura.+

11 Bazabona ishyano ababyuka kare mu gitondo bazinduwe no kunywa inzoga,+

Bagakomeza kunywa bakageza nimugoroba bumaze kwira, kugeza ubwo inzoga zitangiye kubakoresha.

12 Inanga n’ibikoresho by’umuziki bifite imirya,

Ishako,* umwironge na divayi ntibibura mu birori byabo;

Ariko ntibita ku murimo wa Yehova

Kandi ntibabona umurimo w’amaboko ye.

13 Ni yo mpamvu abantu banjye bazajyanwa ahandi hantu ku ngufu

Kubera kubura ubumenyi;+

Abanyacyubahiro babo bazicwa n’inzara+

Kandi abaturage babo bazicwa n’inyota.

14 Imva* yarushijeho kuba nini

Kandi yasamura akanwa kayo irenza urugero.+

Ubwiza bwa Yerusalemu,* abantu bayo benshi basakuza n’abantu baho bahora mu birori,

Bizamanuka bijye muri iyo Mva byanze bikunze.

15 Umuntu azunama,

Umuntu azacishwa bugufi

Kandi amaso y’abibone azacishwa bugufi.

16 Yehova nyiri ingabo azashyirwa hejuru bitewe n’imanza* ze;

Imana y’ukuri, Uwera,+ iziyeza ikoresheje gukiranuka.+

17 Amasekurume y’intama azarisha nk’ari mu rwuri* rwayo;

Abanyamahanga bari muri iki gihugu bazarya ibyo mu matongo yahozemo amatungo yagaburiwe neza.

18 Bazabona ishyano abakuruza ikosa ryabo imigozi y’ikinyoma,

Bagakuruza icyaha cyabo imigozi ikurura igare;

19 Abavuga bati: “Niyihutishe umurimo wayo,

Uze vuba kugira ngo tuwubone.

Umugambi* w’Uwera wa Isirayeli nusohore

Kugira ngo tuwumenye!”+

20 Bazabona ishyano abavuga ko icyiza ari kibi,+

N’ikibi bakavuga ko ari cyiza, bagashyira umwijima mu mwanya w’umucyo n’umucyo bakawushyira mu mwanya w’umwijima,

Bagashyira ibisharira mu mwanya w’ibiryohereye n’ibiryohereye bakabishyira mu mwanya w’ibisharira!

21 Bazabona ishyano abibwira ko ari abanyabwenge

Kandi bakibwira ko bajijutse.+

22 Bazabona ishyano abigira intwari zo kunywa divayi

N’abagabo bigira abahanga bo kuvanga inzoga zitandukanye,+

23 Abakira ruswa maze umuntu mubi bakamugira umwere+

Kandi bakarenganya umukiranutsi.+

24 Ni yo mpamvu nk’uko ibirimi by’umuriro bitwika ibikenyeri

N’ibyatsi byumye bigatwikwa n’umuriro bigashira,

Imizi yabo izabora

N’uburabyo bwabo butumuke nk’ivumbi,

Kuko banze amategeko* ya Yehova nyiri ingabo,

Bagasuzugura ijambo ry’Uwera wa Isirayeli.+

25 Ni cyo gituma Yehova arakariye cyane abantu be

Kandi azarambura ukuboko kwe abakubite.+

Imisozi izatigita

Kandi intumbi zabo zizaba nk’imyanda mu mayira.+

Kwigomeka kwabo ni ko gutuma atareka kubarakarira,

Agakomeza kurambura ukuboko kwe kugira ngo abakubite.

26 Yahaye ikimenyetso abantu bo mu gihugu cya kure;+

Abahamagara avugiriza kugira ngo baze baturutse ku mpera z’isi;+

None dore baje bihuta cyane.+

Umukandara bambaye bawufunze barawukomeza

Kandi imishumi y’inkweto zabo ntiyacitse.

28 Imyambi yabo yose iratyaye

N’imiheto yabo irareze.*

Ibinono by’amafarashi yabo bimeze nk’amabuye atyaye

Kandi inziga z’amagare yabo zimeze nk’umuyaga mwinshi.+

29 Urusaku rwabo ni nk’urw’intare itontoma

Kandi basakuza nk’intare zikiri nto.*+

Bazatontoma bafate umuhigo

Kandi bazawutwara ntihagire uwukiza.

30 Uwo munsi bazivugira kuri uwo muhigo

Nk’urusaku rw’amazi y’inyanja.+

Umuntu wese uzitegereza igihugu azabona umwijima ubabaje;

N’urumuri ruzijima bitewe n’ibicu.+

Ndapfuye birarangiye,*

Kuko mfite iminwa yanduye

Kandi nkaba mbana n’abantu bafite iminwa yanduye.+

“Dore, iri rikoze ku minwa yawe,

None ikosa ryawe rikuvuyeho

N’icyaha cyawe urakibabariwe.”

‘Muzumva, mwongere mwumve,

Ariko ntimuzasobanukirwa;

Muzareba, mwongere murebe,

Ariko nta cyo muzamenya.’+

10 Utume umutima w’aba bantu winangira,+

Utume amatwi yabo atumva+

Kandi amaso yabo uyafunge,

Kugira ngo batarebesha amaso yabo,

Bakumvisha amatwi yabo,

Maze umutima wabo ugasobanukirwa,

Bakisubiraho maze bagakira.”

“Ni ukugeza igihe imijyi izaba yarasenyutse ikaba amatongo, itakibamo abaturage,

Amazu atakibamo abantu

N’igihugu cyarasenyutse kandi kidatuwe;+

12 Kugeza igihe Yehova azirukana abantu akabageza kure,+

Maze igice kinini cy’igihugu kigasigara nta bantu bakirimo.

“Ibyo ntibishoboka

Kandi ntibizigera biba.

 8 Kuko umurwa mukuru wa Siriya ari Damasiko,

Umwami wa Damasiko akaba Resini.

 9 Umurwa mukuru wa Efurayimu ni Samariya+

Kandi umwami wa Samariya ni umuhungu wa Remaliya.+

Nimutagira ukwizera,

Ntimuzakomera.”’”

 6 “Kubera ko aba bantu banze amazi y’i Shilowa*+ agenda atuje,

Ahubwo bakishimira Resini n’umuhungu wa Remaliya,+

 7 Ni yo mpamvu Yehova na we agiye kubateza amazi menshi

Kandi afite imbaraga nk’iza rwa Ruzi,*

Umwami wa Ashuri+ n’icyubahiro cye cyose.

Azasendera arenge aho anyura hose,

Arenge n’inkombe ze zose,

 8 Atembe agere mu Buyuda.

Azarambura amababa ye atwikire igihugu cyawe cyose,

Yewe Emanweli we!”*+

Muvuge ibyo mushaka ariko ntibizaba,

Kuko Imana iri kumwe natwe!*+

12 “Ibyo aba bantu bita ubugambanyi, ntimukabyite ubugambanyi,

Ntimugatinye ibyo batinya,

Ntibikabahahamure.

13 Yehova nyiri ingabo ni we mugomba kubona ko ari uwera,+

Ni we mugomba gutinya

Kandi ni we ugomba gutuma mwumva mugize ubwoba.”+

14 Imiryango ibiri ya Isirayeli

Azayibera nk’urusengero,

Ariko nanone abe nk’ibuye basitaraho+

N’urutare rubagusha,

Abere abaturage ba Yerusalemu

Urushundura n’umutego.

15 Benshi muri bo bazasitara bagwe kandi bamenagurike;

Bazagwa mu mutego maze bafatwe.

16 Zinga inyandiko yemejwe,*

Fatanya amategeko* hagati y’abigishwa banjye.

 2 Abantu bagenderaga mu mwijima

Babonye umucyo mwinshi,

Naho abari batuye mu gihugu cy’umwijima mwinshi cyane,

Babonye umucyo.+

 3 Watumye abaturage baba benshi,

Bagira ibyishimo byinshi.

Bishimiye imbere yawe,

Bagira ibyishimo nk’ibyo mu gihe cyo gusarura,

Nk’abishimira kugabana ibyo basahuye.

 4 Wavunaguye umugogo* w’imitwaro babahekeshaga,

Inkoni babakubitaga mu bitugu, inkoni y’ababakoreshaga imirimo y’agahato,

Nko ku munsi w’Abamidiyani.+

 5 Urukweto rwose rukandagira ubutaka bugatigita

N’umwitero wose winitswe mu maraso,

Bizatwikwa n’umuriro.

 6 Dore umwana yatuvukiye,+

Twahawe umwana w’umuhungu

Kandi ubutegetsi* buzaba ku bitugu bye.+

 7 Ubutegetsi bwe buzakwira hose

Kandi amahoro ntazagira iherezo+

Ku ntebe y’ubwami ya Dawidi+ no mu bwami bwe,

Kugira ngo abukomeze+ kandi abushyigikire

Akoresheje ubutabera+ no gukiranuka,+

Uhereye ubu ukageza iteka ryose.

 8 Yehova yohereje ubutumwa bwo gucira urubanza Yakobo

Kandi bwageze kuri Isirayeli.+

 9 Abantu bose bazabumenya,

Yaba umuryango wa Efurayimu n’abatuye i Samariya,

Bavugana ubwibone n’agasuzuguro ko mu mitima yabo bati:

10 “Amatafari yaraguye,

Ariko tuzubakisha amabuye aconze.+

Ibiti byo mu bwoko bw’imitini byaratemwe,

Ariko tuzabisimbuza amasederi.”

11 Yehova azashyira hejuru abanzi ba Resini bamurwanye

Kandi azamuteza abamurwanya.

12 Siriya izaturuka iburasirazuba* n’Abafilisitiya baturuke iburengerazuba,+

Kandi bazasamira Isirayeli bayimire.+

Kwigomeka kwayo ni ko gutuma atareka kuyirakarira,

Agakomeza kurambura ukuboko kwe kugira ngo ayikubite.+

13 Kuko abantu batagarukiye ubakubita;

Ntibashatse Yehova nyiri ingabo.+

14 Yehova azaca Isirayeli

Umutwe n’umurizo, ibyatsi bikiri kumera n’ibimaze gukura* abicire umunsi umwe.+

15 Umuyobozi n’uwubahwa cyane ni bo mutwe,

Naho umuhanuzi wigisha ibinyoma ni we murizo.+

16 Abayobora aba bantu barabayobya

Kandi abo bayobora ntibasobanukiwe.

17 Ni yo mpamvu Yehova atazishimira abasore babo

Kandi ntazababarira imfubyi* zabo n’abapfakazi babo,

Kuko bose ari abahakanyi kandi bakora ibibi,+

Akanwa kabo kakaba kavuga ibintu bidafite akamaro.

Ibyo byose ni byo bituma atareka gukomeza kubarakarira,

Agakomeza kurambura ukuboko kwe kugira ngo abakubite.+

18 Kuko ubugome bwabaye nk’umuriro ugurumana,

Bugatwika ibihuru by’amahwa n’ibyatsi bibi.

Buzakongeza ibihuru byo mu ishyamba

Kandi bizazamuka hejuru mu bicu byuzuye umwotsi.

19 Umujinya wa Yehova nyiri ingabo

Watwitse igihugu

Kandi abaturage bo mu gihugu bazashya.

20 Umuntu azatema ikiri iburyo bwe

Nyamara akomeze gusonza;

Undi azarya ikiri ibumoso bwe

Nyamara ntazahaga.

21 Manase azarya Efurayimu

Na Efurayimu arye Manase.

Ibyo byose ni byo bituma atareka gukomeza kubarakarira,

Agakomeza kurambura ukuboko kwe kugira ngo abakubite.+

10 Bazabona ishyano abashyiraho amategeko agamije ibibi+

N’abahora bandika amategeko abangamira abandi,

 2 Kugira ngo batarenganura abakene,

Bagatuma aboroheje bo mu bantu banjye batabona ubutabera,+

Bagatwara imitungo y’abapfakazi

Kandi bagasahura iby’imfubyi.*+

 3 None se, muzabigenza mute ku munsi wo kubabaza ibyo mwakoze,*+

Igihe kurimbuka bizaturuka kure?+

Muzahungira kuri nde+

Kandi se ni nde muzasigira ubukire* bwanyu?

 4 Nta kindi muzaba musigaje uretse kunama mu mfungwa,

Cyangwa kugwa mu bishwe.

Ibyo byose ni byo bituma akomeza kubarakarira,

Agakomeza kurambura ukuboko kwe kugira ngo abakubite.+

 5 “Dore Ashuri+

Ni inkoni y’uburakari bwanjye.+

 6 Nzamutuma guhana igihugu cy’abahakanyi,+

Abantu bandakaje;

Nzamutegeka kubasahura ibintu byinshi no gufata ibyo batunze

No kubanyukanyuka nk’uko bakandagira ibyondo byo mu nzira.+

 7 Icyakora si wo mugambi we

Kandi si byo ategura mu mutima we.

Kuko icyo atekereza mu mutima we ari ukurimbura,

Kurimbura ibihugu byinshi, aho kuba bike.

10 Ukuboko kwanjye kwafashe ubwami busenga imana zitagira akamaro,

Ubwami bufite ibishushanyo bisengwa biruta iby’i Yerusalemu n’i Samariya.+

11 Ese Yerusalemu n’ibigirwamana byayo,

Sinzayikorera nk’ibyo nakoreye Samariya n’imana zayo zitagira akamaro?’+

‘Ibyo nzabikoresha imbaraga z’ukuboko kwanjye

N’ubuhanga bwanjye kuko ndi umunyabwenge.

Nzakuraho imipaka y’ibihugu,+

Nsahure ubutunzi bwabyo+

Kandi nzategeka abaturage nk’umunyambaraga.+

14 Ukuboko kwanjye kuzafata ubutunzi bw’ibihugu,

Nk’uko umuntu akora mu cyari;

Nk’uko umuntu yegeranya amagi yatawe,

Nzegeranya abantu bo mu isi yose.

16 Ni yo mpamvu Umwami w’ukuri Yehova nyiri ingabo,

Azatuma abantu be babyibushye bananuka cyane;+

Kandi munsi y’icyubahiro cye azahatsa umuriro waka cyane.+

17 Umucyo wa Isirayeli+ uzahinduka umuriro+

N’Uwera we ahinduke ikirimi cy’umuriro.

18 Azarimbura ubwiza bw’ishyamba rye n’umurima we w’ibiti byera imbuto,

Bimere nk’umurwayi warembye.+

19 Ibiti byo mu ishyamba rye bizaba bisigaye

Bizaba ari bike cyane, ku buryo n’umwana muto yashobora kubibara akandika umubare wabyo.

20 Kuri uwo munsi abasigaye bo muri Isirayeli

N’abarokotse bo mu muryango wa Yakobo,

Ntibazongera kwishingikiriza ku wabakubitaga.+

Ahubwo bazishingikiriza kuri Yehova,

Uwera wa Isirayeli mu budahemuka.

21 Abasigaye gusa,

Abasigaye ba Yakobo, bazagarukira Imana Ikomeye.+

22 Isirayeli we, nubwo abantu bawe

Ari benshi cyane nk’umucanga wo ku nyanja,

Bake gusa muri bo ni bo bazagaruka.+

Bafatiwe umwanzuro wo kurimbuka+

Kandi bazamarwa n’ubutabera.*+

23 Umwanzuro Yehova nyiri ingabo, Umwami w’Ikirenga yafashe wo kubarimbura,

Uzagera mu gihugu hose.+

27 Kuri uwo munsi, umutwaro uzabava ku bitugu,+

Umugogo* we ubave ku ijosi+

Kandi umugogo uvunagurwe+ kubera amavuta.”

28 Yaraje agera muri Ayati,+

Yanyuze i Miguroni,

Ashyira imitwaro ye i Mikimashi.+

29 Banyuze ku cyambu

Barara i Geba;+

Rama yagize ubwoba, Gibeya+ ya Sawuli irahunga.+

Azamura ikiganza cye akagitunga umusozi wubatseho umujyi wa Siyoni,

Kugira ngo atere ubwoba umusozi wubatseho Yerusalemu.

33 Dore Umwami w’ukuri Yehova nyiri ingabo

Agiye guca amashami agwe hasi mu buryo buteye ubwoba,+

Ibiti binini kurusha ibindi abiteme

N’ibiti birebire bicishwe bugufi.

34 Atemesha ibihuru byo mu ishyamba igikoresho cy’icyuma,*

Kandi Libani izagwa igushijwe n’umunyambaraga.

11 Ku gishyitsi+ cya Yesayi hazashibukaho ishami+

Kandi igiti kizashibuka+ ku mizi ye kizera imbuto.

 2 Umwuka wa Yehova uzaba kuri we,+

Umwuka w’ubwenge+ n’ubuhanga,

Umwuka w’inama n’umwuka w’imbaraga,+

Umwuka wo kumenya no gutinya Yehova.

Ntazaca urubanza ashingiye ku bigaragarira amaso ye,

Cyangwa ngo akosore umuntu ashingiye gusa ku byo amatwi ye yumvise.+

 4 Azacira aboroheje urubanza ruhuje n’ubutabera*

Kandi azakosora mu buryo bukwiriye abicisha bugufi bo mu isi.

Azakubitisha isi inkoni yo mu kanwa ke+

Kandi yicishe abantu babi umwuka wo mu kanwa ke.+

 5 Gukiranuka kuzaba umukandara yambara

N’ubudahemuka bube umukandara yambara mu nda.*+

 6 Isega izabana amahoro n’umwana w’intama,+

Ingwe izaryama hamwe n’umwana w’ihene,

Inyana n’intare* n’itungo ribyibushye bizabana*+

Kandi umwana muto ni we uzabiyobora.

 7 Inka n’idubu bizarisha hamwe

Kandi izo zizabyara zizaryama hamwe.

 8 Umwana wonka azakinira ku mwobo w’inzoka ifite ubumara

Kandi umwana muto azashyira ukuboko kwe ku mwobo w’inzoka ifite ubumara.

 9 Nta cyo bizangiza+

Cyangwa ngo bigire icyo bihungabanya ku musozi wanjye wera,+

Kuko kumenya ikuzo rya Yehova bizuzura isi

Nk’uko amazi atwikira inyanja.+

Ni we ibihugu bizabaza icyo byakora*+

Kandi aho atuye hazagira icyubahiro.

13 Ishyari rya Efurayimu rizashira+

Kandi abanga Yuda bazakurwaho.

Efurayimu ntazagirira Yuda ishyari

Na Yuda ntazanga Efurayimu.+

Bazatsinda Edomu+ na Mowabu+

Kandi Abamoni bazaba abayoboke babo.+

15 Yehova azagabanyamo kabiri* igice cy’inyanja ya Egiputa,+

Anyuze ikiganza cye hejuru ya rwa Ruzi,*+

Azakubitisha umwuka we ushyushye imigezi yarwo irindwi

Kandi azatuma abantu bambuka bambaye inkweto.

16 Hazabaho umuhanda munini+ uva muri Ashuri abantu be basigaye bazacamo,+

Nk’uko byagenze igihe Abisirayeli bavaga mu gihugu cya Egiputa.

“Yehova ndagushimira,

Kuko nubwo wandakariye,

Uburakari bwawe bwaje gushira maze ukampumuriza.+

Nzayiringira kandi sinzatinya,+

Kuko Yah* Yehova ari we mbaraga zanjye n’ububasha bwanjye

Kandi yambereye agakiza.”+

 3 Muzavoma amazi mwishimye,

Muyavome mu masoko y’agakiza.+

 6 Mwa batuye i Siyoni* mwe, muvuge cyane, muvuge mu ijwi ryumvikana mwishimye,

Kuko Uwera wa Isirayeli ari hagati yanyu kandi akomeye.”

Mubahamagare, mubarembuze,

Kugira ngo baze binjire mu marembo y’abanyacyubahiro.

Nahamagaye abarwanyi banjye kugira ngo bakore ibihuje n’uburakari bwanjye,

Bishima bafite ubwibone.

 4 Nimwumve! Nimwumve urusaku mu misozi,

Rumeze nk’urusaku rw’abantu benshi!

Nimwumve! Mwumve urusaku rw’ibihugu,

Urusaku rw’ibihugu biri hamwe!+

 5 Ziturutse mu gihugu cya kure,+

Ziturutse ku mpera z’ijuru.

Yehova azanye intwaro z’uburakari bwe,

Kugira ngo arimbure isi yose.+

 7 Ni yo mpamvu amaboko yose azabura imbaraga

N’imitima y’abantu bose igashongeshwa n’ubwoba.+

Barazungera kandi bafite ububabare,

Nk’umugore ufashwe n’ibise.

Bararebana buri wese afite ubwoba bwinshi,

Bafite agahinda mu maso.

 9 Dore umunsi wa Yehova uraje,

Umunsi w’amakuba n’umujinya n’uburakari bugurumana,

Kugira ngo utume igihugu kiba ikintu giteye ubwoba+

Kandi umareho abanyabyaha bari muri icyo gihugu.

10 Kuko inyenyeri zo mu ijuru n’amatsinda y’inyenyeri*+

Bitazamurika.

Izuba rizijima rikimara kurasa

N’ukwezi ntikuzatanga urumuri.

11 Nzahana abatuye isi kubera ibibi byabo+

N’abantu babi mbahanire amakosa yabo.

Nzakuraho ubwibone bw’abishyira hejuru

Kandi nzacisha bugufi ubwirasi bw’abategetsi b’abagome.+

12 Nzatuma umuntu usanzwe adapfa kuboneka, kurusha zahabu itunganyijwe,+

N’abantu be gupfa kuboneka, kurusha zahabu yo muri Ofiri.+

13 Ni yo mpamvu nzatuma ijuru ritigita

N’isi ikanyeganyega ikava mu mwanya wayo,+

Bitewe n’umujinya wa Yehova nyiri ingabo wo ku munsi w’uburakari bwe bugurumana.

14 Kimwe n’ingeragere ihigwa cyangwa umukumbi utagira uwo kuwuhuriza hamwe,

Buri wese azasubira mu bantu be,

Buri wese ahungire mu gihugu cye.+

15 Uwo bazabona wese bazamutera icumu

Kandi uwo bazafata wese bazamwicisha inkota.+

16 Abana babo bazicwa* babireba,+

Amazu yabo asahurwe

Kandi abagore babo bazafatwa ku ngufu.

17 Dore mbateje Abamedi,+

Babona ko ifeza nta cyo ivuze

Kandi ntibishimire zahabu.

18 Imiheto yabo izashwanyaguza abasore,+

Ntibazagirira impuhwe impinja

Kandi ntibazababarira abana.

19 Babuloni, itatse ubwiza* kurusha ubundi bwami bwose,+

Ubwiza n’ishema ry’Abakaludaya,+

Izamera nka Sodomu na Gomora, igihe Imana yaharimburaga.+

20 Nta muntu uzongera kuhaba

Kandi nta wuzongera kuhatura kugeza iteka ryose.+

Nta Mwarabu n’umwe uzahashinga ihema rye

Kandi abashumba ntibazongera kuhajyana amatungo yabo ngo aharuhukire.

21 Inyamaswa zo mu butayu ni ho zizaryama,

Amazu yabo azuzuramo ibihunyira.

Inyoni za Otirishe* ni ho zizaba+

Kandi ihene zo mu gasozi* zizahakinira.

22 Inyamaswa zihuma zizasakuriza mu minara yaho,

Ingunzu* zimokere mu mazu y’i bwami meza cyane.

 5 Yehova yavunaguye inkoni y’ababi,

Yavunnye inkoni y’abayobozi,+

 6 Avunagura uwahoraga akubitana umujinya+ abantu bo mu bindi bihugu,

Uwategekeshaga ibihugu uburakari kandi agahora abitoteza.+

 8 Ndetse n’ibiti by’imiberoshi n’amasederi yo muri Libani,

Byishimiye ibyakubayeho,

Biravuga biti: ‘uhereye igihe wagwiriye hasi,

Nta muntu utema ibiti wari waza kudutema.’

 9 No hasi mu Mva* harakubonye haravurungana,

Habonye uje haza kugusanganira.

Watumye hakangura abapfuye batagira icyo bimarira,

Abayobozi* bose b’isi b’abagome.

11 Ubwibone bwawe bwaramanutse bujya mu Mva,*

Hamwe n’ijwi ry’ibikoresho byawe by’umuziki, bifite imirya.+

Wisasira inyo

Kandi wiyorosa iminyorogoto.’

12 Mbega ngo urahanuka uvuye mu ijuru,

Wa nyenyeri we irabagirana, iboneka mu gitondo bwenda gucya!

Mbega ngo urajugunywa ku isi,

Wowe watsindaga ibihugu!+

Nzazamura intebe yanjye y’ubwami nyishyire hejuru y’inyenyeri z’Imana,+

Nicare ku musozi bateraniraho,

Mu bice bya kure cyane byo mu majyaruguru.+

14 Nzazamuka njye hejuru y’ibicu,

Nzaba nk’Isumbabyose.’

15 Nyamara uzajugunywa mu Mva,

Mu rwobo rwo hasi cyane.

16 Abazakubona bazakwitegereza,

Bakugenzure babyitondeye, bavuge bati:

‘Ese uyu si wa wundi wajyaga ahungabanya isi,

Agatera ubwoba ibihugu,+

17 Watumaga isi imera nk’ubutayu,

Agasenya imijyi yayo+

Kandi akanga ko abo yafunze basubira iwabo?’+

18 Abandi bami bose b’ibihugu,

Bose, bashyinguwe mu cyubahiro,

Buri wese ashyingurwa mu mva* ye.

19 Ariko wowe warajugunywe ntiwashyingurwa mu mva,

Umera nk’ishami ry’igiti ryanzwe,

Witwikira intumbi z’abicishijwe inkota,

Bamanuka bajya ku mabuye yo hasi mu rwobo,

Umera nk’intumbi banyukanyutse.

20 Ntuzashyingurwa hamwe na bo mu mva,

Kuko warimbuye igihugu cyawe,

Ukica abantu bawe.

21 Mutegure aho kwicira abahungu be,

Bitewe n’icyaha cya ba sogokuruza babo,

Kugira ngo batazahaguruka bakigarurira isi

Maze bakuzuza igihugu imijyi yabo.”

“Uko nabishatse ni ko bizaba

Kandi uko nabigennye ni ko bizagenda.

25 Nzajanjagurira Abashuri mu gihugu cyanjye,

Mbanyukanyukire ku misozi yanjye.+

Umugogo* bahekeshaga abantu banjye uzabakurwaho

Kandi umutwaro babikorezaga ukurwe ku bitugu byabo.”+

26 Uwo ni wo mwanzuro* wafatiwe isi yose

Kandi uko ni ko kuboko kwiteguye* gukubita amahanga yose.

27 Yehova nyiri ingabo yarabyiyemeje,

Ni nde wamubuza kubikora?+

Ukuboko kwe kurarambuye,

Ni nde waguhina?+

29 “Yewe Bufilisitiya we, ntihagire n’umwe wishima,

Bitewe n’uko inkoni yagukubitaga yavunitse.

Kuko ku muzi w’inzoka+ hazazaho inzoka y’ubumara+

Kandi urubyaro rwayo ruzaba inzoka iteye ubwoba iguruka.*

30 Mu gihe abana b’imfura b’abantu boroheje bazarya,

Abakene bakaryama bafite umutekano,

Umuzi wawe nzawicisha inzara

Kandi abawe basigaye bazicwa.+

Abo mu Bufilisitiya mwese mwihebe,

Kuko mu majyaruguru haturutse umwotsi

Kandi nta musirikare utandukana n’abandi.”

Bazasubiza ko Yehova yashyizeho fondasiyo ya Siyoni+

Kandi ko aboroheje bo mu bantu be bazayihungiramo.

Umujyi wa Ari+ w’i Mowabu waracecekeshejwe,

Bitewe n’uko washenywe mu ijoro rimwe.

Kiri+ y’i Mowabu yaracecekeshejwe,

Bitewe n’uko yashenywe mu ijoro rimwe.

 2 Yarazamutse ajya ku Rusengero* n’i Diboni,+

Ajya kuririra ahantu hirengeye.

Ku bisenge by’amazu yabo n’ahahurira abantu benshi, bose bararira cyane,

Bamanuka barira.+

 4 Imijyi ya Heshiboni na Eleyale+ birataka,

Ijwi ryabyo rirumvikanira i Yahasi.+

Bazamuka i Luhiti barira,

Banyura mu nzira ijya i Horonayimu barira cyane kubera ibyo byago.+

Ibyatsi bibisi byarumye,

Ubwatsi bwarashize kandi nta kimera kibisi kikihaba.

 7 Ni yo mpamvu batwara ibyasigaye mu bubiko bwabo n’ibyo batunze;

Bambuka ikibaya kirimo ibiti.*

Kurira kwageze muri Egulayimu,

Kurira kwaho kwageze i Beri-elimu.

 9 Amazi y’i Dimoni yuzuye amaraso;

Kandi mfite ibindi bintu nzateza i Dimoni:

Abarokotse b’i Mowabu

N’abasigaye mu gihugu nzabateza intare.+

16 Mwoherereze umuyobozi w’igihugu imfizi y’intama

Ive i Sela inyure mu butayu,

Ikomeze igere ku musozi w’umukobwa w’i Siyoni.

 2 Kimwe n’inyoni yirukanywe mu cyari cyayo,+

Ni ko abakobwa b’i Mowabu bazamera ku byambu bya Arunoni.+

Ugirira abandi nabi azavaho,

Kurimbura birangire

N’abanyukanyukaga abandi bazashira ku isi.

Umuntu wo mu ihema rya Dawidi uzayicaraho azaba indahemuka;+

Ace imanza ntawe abereye kandi yihutire guca imanza zikiranuka.”+

 7 Ni yo mpamvu abantu b’i Mowabu bazaririra Mowabu;

Bose bazarira.+

 8 Kubera ko imirima y’amaterasi y’i Heshiboni+ yumye

Ndetse n’umurima w’imizabibu w’i Sibuma+

Abayobozi b’ibihugu banyukanyutse amashami yawo* ariho imizabibu.

Yewe Heshiboni we, nawe Eleyale, nzabuhiza amarira yanjye,+

Kubera ko urusaku rwo kwishimira imbuto zo mu mpeshyi* n’ibyo mwasaruye bitazongera kubaho.*

10 Umunezero n’ibyishimo byakuwe mu murima wawe w’ibiti byera imbuto;

Nta ndirimbo z’ibyishimo cyangwa urusaku rw’ibyishimo bicyumvikanira mu mirima y’imizabibu.

11 Mu nda yanjye haratitira bitewe no kubabazwa na Mowabu,+

Mu nda yanjye haratitira nk’imirya y’inanga bari gucuranga,

Bitewe no kubabazwa na Kiri-hareseti.+

“Dore Damasiko ntizakomeza kuba umujyi

Kandi izahinduka ikirundo cy’amatongo.*+

 2 Imijyi ya Aroweri+ ntizakomeza guturwamo,

Hazaba ahantu amatungo azajya aba

Kandi nta muntu uyakanga.

 3 Muri Efurayimu ntihazongera kuba imijyi ikikijwe n’inkuta+

Kandi i Damasiko ntihazongera kuba ubwami.+

Icyubahiro cy’abasigaye bo muri Siriya

Kizamera nk’icy’Abisirayeli,”* ni ko Yehova nyiri ingabo avuga.

 4 “Kuri uwo munsi icyubahiro cya Yakobo kizagabanuka

Kandi nubwo abyibushye* azananuka.

 5 Icyo gihe bizamera nk’igihe umusaruzi asarura ingano mu murima,

Ukuboko kwe gusarura amahundo* y’ingano,

Nk’igihe umuntu ahumba* ingano mu Kibaya cya Refayimu.+

 6 Mu gihugu hazasigara utuntu duke two guhumba,

Nk’iyo ukubise igiti cy’umwelayo

Ku ishami ryo hejuru cyane hagasigara gusa utubuto tubiri cyangwa dutatu tw’imyelayo ihiye,

Ku ishami rifite imbuto hagasigaraho imbuto enye cyangwa eshanu,”+ ni ko Yehova Imana ya Isirayeli avuga.

 9 Icyo gihe imijyi yabo ikomeye izaba nk’ahantu ho mu ishyamba hatagituwe,+

Izamere nk’ishami ryatawe imbere y’Abisirayeli.

10 Kuko wibagiwe Imana yagukijije,+

Ntiwibutse Igitare cyawe cyo kwihishamo;+

Ni yo mpamvu ugira imirima myiza cyane*

Kandi ugateramo ingemwe* zo mu bindi bihugu.*

11 Ku manywa uzitira umurima wawe,

Mu gitondo ukameza imbuto zawe;

Ariko ku munsi w’indwara n’ububabare budakira, ntacyo uzasarura.+

Nimwumve urusaku rw’ibihugu byinshi

Rumeze nk’urw’amazi menshi asuma.

13 Urusaku rw’abantu bo mu bihugu ruzamera nk’urw’amazi menshi;

Ariko Imana izabacyaha maze bahungire kure

Bamere nk’umurama wo ku misozi utwawe n’umuyaga,

Bamere nk’ibyatsi bitwawe n’umuyaga ukaze.

14 Nimugoroba hazaba hari abantu bateye ubwoba,

Ariko mbere y’uko bucya bazaba batakiriho.

Uko ni ko bizagendekera abadusahura

Kandi ibyo ni byo bihembo by’abatwara ibintu byacu.

18 Igihugu cyo mu karere k’inzuzi za Etiyopiya

Kibamo udukoko dufite amababa tuduhira, kizagerwaho n’amakuba.+

 2 Cyohereza abantu bakanyura mu nyanja,

Bakagenda hejuru y’amazi bari mu mato akoze mu rufunzo, kikababwira kiti:

“Bantu mwihuta nimugende,

Mujye mu gihugu kibamo abantu barebare bafite umubiri unoze,

Abantu batinywa n’abantu bose,+

Igihugu kirimo abantu bafite imbaraga nyinshi* gitsinda ibindi bihugu,

Igihugu cyabo kikaba cyaratwawe n’amazi y’inzuzi.”

 3 Mwebwe mwese abatuye mu gihugu, namwe abatuye isi,

Ibyo mubona bizamera nk’ikimenyetso cyashinzwe ku misozi

Kandi muzumva ijwi rimeze nk’iryumvikana iyo bavugije ihembe.

“Nzakomeza gutuza ndeba ahantu ntuye,

Bimere nk’ubushyuhe buhuma umuntu amaso ntarebe ku manywa,

Bimere nk’ikime mu bushyuhe bwo mu gihe cyo gusarura.

 5 Kuko mbere y’isarura,

Igihe uburabyo buba butakiriho n’imbuto z’imizabibu zimaze guhisha,

Amashami azakatishwa ibikoresho by’ubuhinzi,*

Naho amashami adakenewe atemwe akurweho.

 6 Intumbi zabo zose zizahabwa ibisiga byo mu misozi

N’inyamaswa z’inkazi zo ku isi.

Ibisiga bizamara impeshyi* yose kuri izo ntumbi

Kandi inyamaswa zose z’inkazi zo ku isi zizamara igihe cy’isarura kuri izo ntumbi.

 7 Icyo gihe abantu barebare kandi bafite umubiri unoze,

Abantu batinywa n’abantu bose,

Igihugu kirimo abantu bafite imbaraga nyinshi gitsinda ibindi bihugu,

Abantu batuye mu gihugu cyatwawe n’amazi y’inzuzi,

Bazazanira Yehova nyiri ingabo impano

Ahantu hitirirwa izina rya Yehova nyiri ingabo, ku Musozi wa Siyoni.”+

Ibigirwamana byo muri Egiputa bizagira ubwoba bititire kubera we+

Kandi imitima y’Abanyegiputa izagira ubwoba bwinshi.

 2 “Nzatera Abanyegiputa kurwana,

Barwane hagati yabo.

Umuvandimwe azarwana n’umuvandimwe we n’umuntu wese arwane na mugenzi we;

Umujyi uzarwana n’undi mujyi n’ubwami burwane n’ubundi bwami.

 3 Abanyegiputa bazayoberwa icyo bakora

Kandi nzatuma imigambi yabo itagira icyo igeraho.+

Bazashakira ubufasha ku bigirwamana,

Abagombozi,* abashitsi n’abapfumu.+

 4 Nzateza Egiputa umutegetsi utegekesha igitugu

Kandi umwami w’umugome ni we uzabategeka,”+ ni ko Umwami w’ukuri, Yehova nyiri ingabo avuga.

 5 Amazi azakama mu nyanja

Kandi uruzi ruzakama rwume.+

 6 Amazi yo mu nzuzi azanuka;

Amazi y’imigende ya Nili muri Egiputa azagabanuka akame.

 7 Ibimera bikikije Uruzi rwa Nili, aho Uruzi rwa Nili rwisukira mu nyanja,

N’ubutaka bwose bateraho imbuto bwo ku nkombe zayo+ buzuma.+

Abarobesha indobani mu Ruzi rwa Nili bazagira agahinda

N’abarobesha inshundura muri ayo mazi ntibazongera kubaho.

 9 Abatunganya ibimera bivamo ubudodo+

N’ababoha imyenda y’umweru bazakorwa n’isoni.

10 Ababoshyi bo muri Egiputa bazamenagurwa

N’abakozi bose bakorera ibihembo bazagira agahinda.

“Nkomoka ku bantu b’abanyabwenge,

Nkomoka ku bami ba kera”?

Abatware b’i Nofu*+ barashutswe

Kandi abayobozi b’imiryango yo muri Egiputa barayiyobeje.

14 Yehova yatumye Egiputa iyoberwa icyo yakora+

Kandi bayobeje Egiputa mu byo ikora byose

Nk’uko umusinzi agenda anyerera mu birutsi bye.

15 Egiputa ntizagira umurimo uwo ari wo wose ikora,

Yaba umurimo ukorwa n’umutwe, umurizo, ishami cyangwa icyatsi* cyo ku nkombe.

Kimwe n’imiyaga ikaze ihuha ikambukiranya mu majyepfo,

Ibyago bije biturutse mu butayu, mu gihugu giteye ubwoba.+

Umugambanyi aragambana

N’uwangiza ibintu akangiza.

Nafashwe n’ububabare bwinshi,

Nk’ubw’umugore urimo kubyara.

Narahangayitse cyane ku buryo ntacyumva

Kandi kudatuza bituma ntabona.

 5 Mutegure ameza n’imyanya yo kwicaramo,

Murye kandi munywe.+

 7 Nuko abona igare ry’intambara rikuruwe n’amafarashi,

Igare ry’intambara rikuruwe n’indogobe,

Igare ry’intambara rikuruwe n’ingamiya.

“Yehova, ku manywa nkomeza guhagarara ku munara w’umurinzi,

Kandi buri joro ngahagarara aho ndindira.+

10 Bantu banjye mwahuwe* nk’imyaka,

Mwebwe binyampeke* byo ku mbuga yanjye bahuriraho imyaka,+

Nababwiye ibyo numvanye Yehova nyiri ingabo Imana ya Isirayeli.

Mwa bagendera ku ngamiya b’i Dedani mwe,+

Muzarara mu ishyamba mu kibaya cy’ubutayu.

14 Mwa baturage bo mu gihugu cya Tema mwe,+

Muzane amazi mujye guhura n’umuntu ufite inyota

Kandi muzanire umugati umuntu urimo guhunga.

15 Kuko bahunze inkota, bahunga inkota yakuwe mu rwubati,*

Bagahunga umuheto ureze, bahunga ubugome bwo mu ntambara.

 2 Wari umujyi wuzuye akavuyo,

Wuzuye urusaku n’umunezero.

Abantu bawe bishwe, ntibishwe n’inkota

Cyangwa ngo bapfire ku rugamba.+

Ababonetse bose bagizwe imfungwa+

Nubwo bari barahungiye kure.

 4 Ni yo mpamvu navuze nti: “Nimureke kundeba

Kandi nzarira cyane.+

Ntimugerageze kumpumuriza

Bitewe n’uko umukobwa* w’abantu banjye yarimbuwe.+

Uwo munsi woherejwe n’Umwami w’Ikirenga Yehova nyiri ingabo

Mu Kibaya Imana Ihishuriramo Ibintu.

Inkuta zarashenywe+

N’urusaku rwumvikanira ku musozi.

 6 Elamu+ yafashe igikoresho atwaramo imiheto ye,

Afata amagare y’intambara n’amafarashi* y’intambara

Na Kiri+ ategura* ingabo.

 7 Ibibaya byawe byiza kurusha ibindi

Bizuzura amagare y’intambara

Amafarashi azahagarara mu mwanya wayo ku irembo,

 8 Kandi umwenda ukingiriza* u Buyuda uzakurwaho.

12 Kuri uwo munsi, Umwami w’Ikirenga Yehova nyiri ingabo

Azahamagarira abantu kurira no gutaka cyane,+

Kwiyogoshesha umusatsi wose no kwambara imyenda y’akababaro.*

13 Ariko bo aho kubigenza batyo bazishima banezerwe,

Babage inka n’intama,

Barye inyama, banywe na divayi,+ bavuge bati:

Nimurire cyane mwa mato y’i Tarushishi mwe,+

Kubera ko icyambu cyasenywe, nta wushobora kuhinjira.

 3 Hejuru y’amazi menshi, hanyuze imbuto za Shihori,*+

Umusaruro wa Nili, ni ukuvuga ibyo yinjizaga

Bikazanira inyungu ibihugu.+

 4 Korwa n’isoni Sidoni we, wa mujyi we ufite umutekano wubatse ku nyanja,

Kuko inyanja yavuze iti:

“Sinigeze ngira ibise kandi sinabyaye,

Sinareze abahungu kandi sinakujije abakobwa.”*+

 5 Nk’uko abantu bumvise inkuru y’ibyabaye kuri Egiputa+ bakababara cyane,

Ni ko bazababara cyane bumvise inkuru ya Tiro.+

 8 Ni nde wafatiye Tiro uwo mwanzuro

Kandi ari yo yambikaga abantu amakamba,

Abacuruzi bayo bakaba bari abatware,

Abacuruzi bayo bakaba barubahwaga mu isi yose?+

 9 Yehova nyiri ingabo ni we wafashe uwo mwanzuro,

Kugira ngo ateshe agaciro ubwirasi iterwa n’ubwiza bwayo bwose

No kugira ngo akoze isoni abantu bose bubahwaga bo ku isi.+

11 Yarambuye ukuboko kwe hejuru y’inyanja,

Yatigishije ibihugu.

12 Yaravuze ati: “Yewe wa mukobwa w’isugi w’i Sidoni wagirirwaga nabi,

Ntuzongera kwishima.+

Ni bo bayihinduye* ahantu hatuwe n’inyamaswa zo mu butayu,

Si Abashuri.+

Bubatse iminara yabo yo kurwaniramo,

Basenya iminara yayo ikomeye,+

Bayihindura amatongo.

14 Mwa mato y’i Tarushishi mwe, nimurire cyane,

Kuko ahantu hanyu hari umutekano harimbutse.+

Ririmba indirimbo nyinshi,

Kugira ngo bazakwibuke.”

Ibizaba ku muturage ni byo bizaba ku mutambyi;

Ibizaba ku mugaragu ni byo bizaba kuri shebuja.

Ibizaba ku muja ni byo bizaba kuri nyirabuja;

Ibizaba ku muntu ugura ni byo bizaba ku muntu ugurisha,

Ibizaba ku muntu uguriza ni byo bizaba ku muntu umuguriza

Kandi ibizaba ku muntu waka inyungu ni byo bizaba ku muntu utanga inyungu.+

 3 Abantu bose bazakurwa mu gihugu bashiremo;

Ibirimo byose bizasahurwa,+

Kuko Yehova ari we ubwe wabivuze.

 5 lgihugu cyandujwe n’abaturage bacyo,+

Kuko barenze ku mategeko+

Bagahindura amabwiriza+

Kandi bakica isezerano rya kera.*+

 6 Ni yo mpamvu umuvumo* urya igihugu ukakimara+

Kandi abagituye bakabarwaho icyaha.

Ni cyo cyatumye abaturage bacyo bagabanuka,

None abantu bakaba basigaye ari bake cyane.+

 7 Divayi nshya iri mu gahinda, umuzabibu uruma+

Kandi abari bafite umunezero, bafite agahinda.+

 8 Ibyishimo bitewe n’ishako* byarashize,

Urusaku rw’abantu banezerewe rwararangiye.

 9 Banywa divayi nta ndirimbo bumva

Kandi abanywi b’inzoga irabasharirira.

10 Umujyi waretswe warasenyutse,+

Amazu yose yarafunzwe nta wukiyinjiramo.

Ibyishimo byose byararangiye,

Umunezero wavuye mu gihugu.+

12 Umujyi warasenyutse ntukiriho,

Irembo ryarasenyaguritse rihinduka ikirundo cy’amatongo.+

Bizamera nk’uko bigenda iyo bakubise igiti cy’umwelayo,+

Bimere nk’uko bigenda mu gihe cyo guhumba,* iyo gusarura imizabibu birangiye.+

14 Bazasakuza cyane,

Bazamure amajwi yabo bafite ibyishimo.

15 Ni yo mpamvu bazasingiriza Yehova mu karere k’umucyo,*+

Bagasingiriza izina rya Yehova Imana ya Isirayeli mu birwa byo mu nyanja.+

18 Umuntu wese uzaba ahunga urusaku rw’ibiteye ubwoba azagwa mu mwobo

N’uzamutse ava mu mwobo afatirwe mu mutego.+

Ingomero z’amazi zo mu ijuru zizafunguka

Na fondasiyo z’igihugu zinyeganyege.

19 Igihugu cyarasadutse,

Igihugu cyaratigishijwe

Kiranyeganyega cyane.+

20 Igihugu kiradandabirana nk’umusinzi

Kandi kirajya hirya no hino nk’akazu gato gahuhwa n’umuyaga.

Kiremerewe n’icyaha cyacyo+

Kandi kizagwa ku buryo kitazongera kubyuka.

21 Icyo gihe Yehova azahagurukira ingabo zo hejuru mu kirere

N’abami bo hasi ku isi.

22 Bazashyirwa hamwe

Nk’imfungwa zashyizwe mu mwobo,

Bafungirwe muri gereza yo munsi y’ubutaka.

23 Ukwezi kuzuye* kuzakorwa n’isoni

N’izuba ryaka rikorwe n’ikimwaro,+

Kuko Yehova nyiri ingabo yabaye Umwami+ ku Musozi wa Siyoni+ n’i Yerusalemu,

Agahabwa ikuzo imbere y’abayobozi b’abantu be.*+

Mvuga ukuntu ukomeye, nsingiza izina ryawe

Kubera ko wakoze ibintu bitangaje.+

Uhereye mu bihe bya kera wagiye usohoza ibyo wagambiriye*+ mu budahemuka+

Kandi uri uwiringirwa.

 2 Wahinduye umujyi ikirundo cy’amabuye,

Umujyi ukikijwe n’inkuta zikomeye, wawuhinduye amatongo.

Umunara w’umuntu ukomoka mu kindi gihugu, ntukiriho;

Ntuzongera kubakwa.

Umukene iyo ageze mu bibazo bikomeye, umubera aho ahungira,+

Ukamubera aho yugama imvura nyinshi

Kandi umubera igicucu cyo kugamamo izuba.+

Iyo uburakari bw’abategekesha igitugu bumeze nk’imvura nyinshi yikubita ku rukuta,

 5 Bukamera nk’ubushyuhe bwo mu gihugu cyumagaye,

Ucecekesha urusaku rw’abantu bo mu mahanga.

Nk’uko igicucu cy’ibicu kigabanya ubushyuhe,

Ni ko ucecekesha indirimbo y’abategekesha igitugu.

 6 Kuri uyu musozi,+ Yehova nyiri ingabo azahakoreshereza abantu bo mu bihugu byose

Umunsi mukuru urimo ibyokurya biryoshye cyane,+

Umunsi mukuru urimo divayi nziza,*

Umunsi mukuru urimo ibyokurya biryoshye cyane byuzuye umusokoro,

Urimo na divayi nziza iyunguruye.

 7 Kuri uyu musozi, azakuraho* umwenda utwikiriye abantu bose

N’umwenda uboshye utwikiriye ibihugu byose.

 8 Urupfu azarukuraho burundu kugeza iteka ryose+

Kandi Umwami w’Ikirenga Yehova azahanagura amarira ku maso yose.+

Abantu be bose azabakuraho ikimwaro mu isi yose,

Kuko Yehova ubwe ari we ubivuze.

Twarayiringiye+

Kandi izadukiza.+

Uyu ni we Yehova,

Twaramwiringiye.

10 Ukuboko kwa Yehova kuzaba kuri uyu musozi+

Kandi Mowabu izanyukanyukirwa aho iri+

Nk’uko banyukanyuka ibyatsi bigahinduka ikirundo cy’ifumbire.

11 Azarambura amaboko ye akubite Mowabu

Nk’uko umuntu woga mu mazi menshi akubita amaboko ye kugira ngo yoge;

Azakubita amaboko ye akoresheje ubuhanga,

Akureho ubwibone bwayo.+

12 Azasenya umujyi ukikijwe n’inkuta zikomeye n’inkuta zawo ndende zirinda umutekano,

Azawutura hasi

Awugeze hasi ku butaka, mu mukungugu.

 2 Mukingure amarembo+ kugira ngo abantu bakiranuka binjire,

Abantu bakomeza kuba abizerwa.

 3 Abantu bakwishingikirazaho mu buryo bwuzuye* uzabarinda,

Uzatuma bagira amahoro ahoraho,+

Kuko ari wowe biringira.+

 4 Mujye mwiringira Yehova iteka ryose,+

Kuko Yah* Yehova ari we Gitare gihoraho.+

Awucisha bugufi

Akawugeza ku butaka,

Akawugeza hasi mu mukungugu.

 6 Ibirenge by’abababaye bizawunyukanyuka

Kandi aboroheje bazawukandagira.”

Kubera ko utunganye,

Uzaringaniza inzira y’umukiranutsi.

 8 Yehova kuko dukurikiza ibyemezo ufata,

Turakwiringira.

 9 Nijoro ndakwifuza n’umutima wanjye wose,*

Rwose ngushaka nshyizeho umwete.+

Kubera ko iyo ari wowe ucira isi imanza,

Abatuye mu isi biga gukiranuka.+

10 Niyo umuntu mubi yagaragarizwa ineza,

Ntazigera yiga gukiranuka+

Ndetse no mu gihugu cyo gukiranuka azahakorera ibintu bibi+

Kandi ntazabona gukomera kwa Yehova.+

12 Yehova, uzaduha amahoro,+

Bitewe n’uko ibintu byose twakoze

Ari wowe wabidukoreye.

13 Yehova Mana yacu, hari abandi batware badutegetse,+

Ariko izina ryawe ni ryo ryonyine tuvuga.+

Warabahagurukiye kugira ngo ubarimbure,

Ubamaraho ntibongera kuvugwa.

Wongeye abantu mu gihugu,

Wihesheje ikuzo.+

17 Yehova, bitewe nawe,

Twabaye nk’umugore utwite wenda kubyara,

Ufatwa n’ibise agataka ari ku nda bitewe no kubabara.

18 Twaratwise, dufatwa n’ibise,

Ariko ni nk’aho twabyaye umuyaga.

Nta gakiza twahesheje igihugu

Kandi nta baturage twakibyariye.

Mwa bari mu mukungugu mwe,+

Nimukanguke, musakuze mwishimye.

Kuko ikime cyawe ari nk’ikime cya mu gitondo*

Kandi ubutaka buzatuma abapfuye baburimo baba bazima.*

20 Bantu banjye nimugende mwinjire mu byumba byanyu

Maze mwikingirane.+

Mwihishe akanya gato gusa,

Kugeza aho uburakari buzashirira.+

21 Dore Yehova avuye iwe,

Azanywe no guhana abaturage bo mu gihugu bitewe n’ikosa ryabo.

Igihugu kizagaragaza amaraso yakivushirijwemo

Kandi ntikizongera gutwikira abacyo bishwe.”

27 Icyo gihe Yehova azahana Lewiyatani,* ya nzoka igenda inyerera,

Lewiyatani ya nzoka igenda yihinahina,

Ayitere inkota ye nini ikomeye iteye ubwoba.+

Buri gihe ndamwuhira,+

Murinda ku manywa na nijoro

Kugira ngo hatagira umugirira nabi.+

 5 Naho ubundi, nafate ubuhungiro bwanjye abukomeze

Ashake uko twabana amahoro,

Rwose nashake uko twabana amahoro.”

 6 Mu gihe kizaza, Yakobo azashora imizi;

Isirayeli azazana uburabyo n’amashami+

Kandi bazuzuza igihugu imbuto zabo.+

 9 Uko ni ko ikosa rya Yakobo rizababarirwa+

Kandi izi ni zo mbuto azera namukuraho icyaha:

Azatuma amabuye yose yo ku gicaniro ashwanyagurika,

Amere nk’ibice by’ingwa

Kandi nta nkingi z’ibiti* zisengwa cyangwa ibicaniro byo gutwikiraho umubavu* bizasigara.+

10 Umujyi ukikijwe n’inkuta uzaba ahantu hadatuwe,

Aho amatungo yarishaga hazatabwa hasigare hameze nk’ubutayu.+

Aho ni ho ikimasa kizarisha kandi ni ho kizaryama,

Kirye amashami y’ibiti kiyamareho.+

11 Udushami nitwuma,

Abagore bazaza batuvune

Baducanishe umuriro

Kuko aba bantu batagira ubwenge.+

Ni yo mpamvu Umuremyi wabo atazabagirira imbabazi

Kandi Uwatumye babaho ntazabagirira impuhwe.+

28 Ikamba* ry’ubwibone ry’abasinzi bo muri Efurayimu rigushije ishyano+

N’indabyo zumye z’ubwiza bwayo buhebuje

Ziri ku mutwe w’ikibaya cyera imyaka myinshi cy’ababaswe na divayi, na zo zigushije ishyano!

Kimwe n’imvura y’amahindu irimo inkuba, ni ukuvuga umuyaga mwinshi urimbura,

Kimwe n’imvura nyinshi irimo inkuba n’imivu y’amazi menshi,

Azabijugunya hasi n’imbaraga nyinshi.

 3 Ikamba ry’ubwibone ry’abasinzi bo muri Efurayimu

Rizanyukanyukwa.+

 4 Ururabyo rwumye rw’ubwiza bwayo buhebuje

Ruri ku mutwe w’ikibaya cyera imyaka myinshi,

Ruzamera nk’imbuto za mbere z’igiti cy’umutini zera mbere y’impeshyi.*

 7 Abo na bo bayoba bitewe na divayi,

Inzoga banywa zituma badandabirana.

Divayi ituma bajijwa bakayoberwa icyo bakora

Kandi inzoga banywa zituma bagenda badandabirana.

Ibyo berekwa birabayobya

Kandi baribeshya mu manza baca.+

 8 Ameza yabo yuzuye ibirutsi biteye iseseme;

Nta ho bitari.

 9 Baravuga bati: “Ni nde azaha ubumenyi

Kandi se ni nde azasobanurira ubutumwa?

10 Kuko ahora avuga ati: ‘itegeko ku itegeko, itegeko ku itegeko,

Amabwiriza ku mabwiriza, amabwiriza ku mabwiriza,*+

Aha bike, hariya bike.’”

11 Ubwo rero azavugana n’aba bantu akoresheje abavuga badedemanga kandi bavuga ururimi rutandukanye n’urwabo.+ 12 Kuko yababwiye ati: “Dore aha ni ho hantu ho kuruhukira. Nimureke umuntu unaniwe aruhuke. Aha ni ho hantu hatuje,” ariko banze kumva.+ 13 Ubwo rero ijambo rya Yehova rizababera

“Itegeko ku itegeko, itegeko ku itegeko,

Amabwiriza ku mabwiriza, amabwiriza ku mabwiriza,+

Aha bike, hariya bike,”

Ku buryo nibagenda

Bazasitara bakagwa bagaramye,

Maze bakavunika bakagwa mu mutego kandi bakawufatirwamo.+

14 None rero nimutege amatwi ijambo rya Yehova mwa birasi mwe,

Mwebwe abayobora aba bantu muri i Yerusalemu.

“Twasezeranye n’Urupfu,+

Kandi twagiranye isezerano* n’Imva.*

Umwuzure w’amazi menshi nuza

Ntuzatugeraho,

Kuko kubeshya twabigize ubuhungiro bwacu,

Tukihisha mu kinyoma.”+

“Dore ngiye gushyira i Siyoni ibuye rya fondasiyo ryageragejwe,+

Ibuye ry’agaciro kenshi,+ rikomeza inguni ya fondasiyo.+

17 Ubutabera ni bwo nzagira umugozi upima,*+

Kandi gukiranuka ni ko kuzaba igikoresho cyo kuringaniza;*+

Urubura ruzakuraho ubuhungiro bw’ikinyoma

Kandi amazi menshi azuzura aho bihisha.

18 Ibyo mwasezeranye n’Urupfu bizaseswa

Kandi isezerano mwagiranye n’Imva nta cyo rizabamarira.+

Umwuzure w’amazi menshi nuza

Uzabamenagura.

19 Uko uzajya uza,

Uzajya ubatembana+

Kuko uzajya uza buri gitondo,

Ukaza ku manywa na nijoro.

20 Uburiri bwabaye bugufi ku buryo nta wubasha kurambya,

N’ishuka yabaye nto ku buryo umuntu ayiyorosa ntimukwire.

21 Yehova azahaguruka nk’igihe yahagurukaga ku Musozi wa Perasimu

Kandi azagira icyo akora nk’uko yagize icyo akora mu kibaya cyo hafi y’i Gibeyoni,+

Kugira ngo akore igikorwa cye, igikorwa cye kidasanzwe

Kandi akore umurimo we, umurimo we udasanzwe.+

22 Ntimubiseke+

Kugira ngo imigozi ibaboshye itarushaho gufungwa cyane,

Kuko numvanye Umwami w’Ikirenga Yehova nyiri ingabo,

Umugambi wemejwe w’uko igihugu cyose* kizarimbuka.+

23 Mutege amatwi, mwumve ijwi ryanjye,

Mwumve ibyo mvuga kandi mubyitondere.

25 Ese iyo amaze kuwutunganya,

Ntanyanyagizamo kumino* y’umukara na kumino isanzwe

Kandi se ntatera ingano zisanzwe, uburo n’ingano za sayiri ahantu bigomba guterwa,

Agatera na kusemeti*+ ku nkengero z’umurima we?

27 Kumino y’umukara ntihurishwa igikoresho basanzwe bahurisha imyaka+

Kandi ntiwahonyora kumino isanzwe ukoresheje uruziga rw’igare.

Ahubwo kumino y’umukara bayihurisha inkoni,

Kumino isanzwe bakayihurisha ikibando.

Nanone iyo azinyujijeho uruziga rw’igare rye rikuruwe n’amafarashi

Ntabwo azijanjagura.+

29 Ibyo na byo byaturutse kuri Yehova nyiri ingabo,

Utanga inama* ihebuje

Kandi agakora ibintu bikomeye.*+

Umwaka muwukurikize undi,

Iminsi mikuru+ ikomeze.

 2 Ariko Ariyeli+ nzayiteza ibyago,

Hazaba amarira no kuganya+

Kandi Ariyeli izambera nk’iziko ry’igicaniro cy’Imana.+

 3 Nzashinga amahema mu mpande zawe zose,

Nzakuzengurutsaho uruzitiro,

Nkubakeho ibyo kukugota.+

Uzajya uvugira hasi ku butaka

Kandi ibyo uzavuga ntibizumvikana bitewe n’umukungugu.

Ijwi ryawe rizaturuka hasi ku butaka+

Rimeze nk’ijwi ry’umushitsi

Kandi amagambo yawe azaturuka mu mukungugu atumvikana neza.

 5 Abanzi* bawe benshi bazahinduka nk’ivumbi+

Kandi abantu benshi bategekesha igitugu bazamera nk’umurama utumuka.+

 6 Yehova nyiri ingabo azakwitaho,

Akurindishe inkuba, umutingito, ijwi rikomeye,

Serwakira, umuyaga mwinshi n’ibirimi by’umuriro bitwika.”+

 7 Hanyuma abantu benshi bo mu mahanga barwanya Ariyeli,+

Abayirwanya bose,

Iminara barwaniramo

N’abayigirira nabi,

Bazahinduka nk’inzozi, iyerekwa rya nijoro.

 8 Koko rero, bizamera nk’umuntu ushonje urota arya

Ariko yakanguka agasanga ashonje*

Kandi bizamera nk’umuntu ufite inyota* urota anywa

Ariko agakanguka ananiwe kandi afite inyota.

Uko ni ko bizagendekera abantu benshi bo mu bihugu byose

Barwanya Umusozi wa Siyoni.+

Yahumye amaso yanyu, ari bo bahanuzi+

Kandi atwikira imitwe yanyu, ni ukuvuga abantu banyu bamenya ibyo Imana ishaka.+

13 Yehova aravuga ati: “Aba bantu banyegera mu magambo gusa

Kandi banyubahisha iminwa yabo,+

Ariko imitima yabo bayishyize kure yanjye.

14 Kubera iyo mpamvu ni njye ugiye kongera kubakorera ibintu bitangaje,+

Ikintu gitangaje kize gikurikiye ikindi.

Ubwenge bw’abanyabwenge babo buzarimbuka

Kandi ubushobozi bwo gusobanukirwa bw’abahanga babo buzahishwa.”+

Ibikorwa byabo babikorera ahantu hijimye,

Bakavuga bati: “Nta wutureba

Kandi nta wuzi ibyo dukora.”+

Ese icyakozwe cyakwihakana uwagikoze,

Kikavuga kiti: “Si we wankoze?”+

17 Hasigaye igihe gito, Libani igahinduka umurima w’ibiti byera imbuto+

N’umurima w’ibiti byera imbuto ugafatwa nk’ishyamba.+

18 Icyo gihe abatumva bazumva amagambo yo mu gitabo

Kandi amaso y’abatabona azarebera mu mwijima no mu mwijima mwinshi cyane.+

19 Abicisha bugufi bazarushaho kwishimira Yehova

Kandi abakene bazishimira Uwera wa Isirayeli.+

20 Kuko umuntu utegekesha igitugu atazongera kubaho,

Uwiyemera agakurwaho

N’abandi bantu bahora bategereje kugirira abandi nabi bakarimbuka,+

21 Abantu bashinja abandi amakosa bababeshyera,

Bagatega imitego umuntu uburanira ku marembo y’umujyi*+

Kandi bakarega umukiranutsi ibirego bidafite gihamya kugira ngo bamurenganye.+

“Yakobo ntazongera gukorwa n’isoni

Kandi mu maso he ntihazongera kugaragara ikimwaro.*+

23 Kuko ubwo azabona abana be,

Ari bo murimo w’amaboko yanjye, bari kumwe na we,+

Bazeza izina ryanjye.

Rwose bazeza Uwera wa Yakobo

Kandi bazatinya Imana ya Isirayeli.+

24 Abayobye mu mitima yabo bazagira ubushobozi bwo gusobanukirwa

Kandi abitotomba bazemera kwigishwa.”

Bahora biteguye gusohoza imigambi itanturutseho,+

Bakagirana n’abandi amasezerano, ariko batayobowe n’umwuka wanjye,

Kugira ngo bongere icyaha ku kindi.

 2 Bamanuka muri Egiputa+ batabanje kungisha inama,*+

Bakajya kwa Farawo kugira ngo abarinde

Kandi bagashakira ubuhungiro mu gicucu cya Egiputa.

 3 Ariko umutekano mushakira kuri Farawo uzabakoza isoni

N’ubuhungiro bwo mu gicucu cya Egiputa butume museba.+

 4 Kuko abatware be bari i Sowani+

Kandi abantu yatumye bakaba barageze i Hanesi.

 5 Bose bazakozwa isoni

N’abantu batabafitiye akamaro,

Badashobora kubatabara cyangwa ngo bagire icyo babamarira,

Ahubwo bazabakoza isoni kandi babatukishe.”+

Bazana ubutunzi bwabo buhetswe ku ndogobe

N’ibintu byabo biri ku mapfupfu y’ingamiya,

Bakanyura mu gihugu kigoye kandi giteye ubwoba,

Igihugu kibamo intare, intare zitontoma

Igihugu kibamo inzoka n’inzoka ziteye ubwoba ziguruka.*

 8 “None rero, genda ubyandike ku kibaho na bo bahari,

Ubyandike mu gitabo,+

Kugira ngo mu gihe kizaza

Bizababere gihamya.+

 9 Kuko ari abantu bigomeka;+ ni abana batavugisha ukuri,+

Banga kumva itegeko* rya Yehova.+

Bakanabwira abahanuzi bati: ‘ntimukaduhanurire ibintu by’ukuri,+

Ahubwo mujye mutubwira ibintu bidushimisha, mwerekwe ibidushuka.+

“Bitewe n’uko mwanze kumva ijambo ryanjye+

Kandi mukiringira ibinyoma n’uburiganya

Mukaba ari byo mwishingikirizaho,+

13 Icyo cyaha kizababera nk’urukuta rusadutse,

Nk’urukuta rurerure ruhengamye rugiye kugwa.

14 Ruzamenagurika nk’ikibindi kinini cy’umubumbyi,

Kimeneka kigahinduka ifu, ntihagire n’agace kacyo gasigara,

Agace ko kurahuza umuriro mu ziko,

Cyangwa ako kudahisha amazi mu gishanga.”*

Abantu batanu bazabakanga muhunge,

Ku buryo abazasigara muri mwe bazaba bameze nk’inkingi ishinze hejuru ku musozi,

Nk’ikimenyetso kiri ku gasozi.+

18 Ariko Yehova akomeza gutegereza kugira ngo abagirire neza+

Kandi azahaguruka kugira ngo abagirire imbabazi.+

27 Dore izina rya Yehova rije rituruka kure,

Rifite uburakari bwaka cyane, rizanye n’ibicu biremereye.

Iminwa ye yuzuye uburakari

Kandi ururimi rwe rumeze nk’umuriro utwika.+

28 Umwuka we umeze nk’umugezi wuzuye ukagera mu ijosi,

Kugira ngo atigise amahanga akoresheje akayunguruzo ko kurimbura.*

29 Ariko mwe, indirimbo yanyu izamera nk’iyo muririmba nijoro,

Iyo mwitegura umunsi mukuru+

Kandi muzagira ibyishimo mu mutima

Nk’umuntu ugenda avuza umwironge

Agiye ku musozi wa Yehova, Igitare cya Isirayeli.+

30 Yehova azumvikanisha ijwi rye rikomeye,+

Agaragaze ukuboko kwe+ kuzamanukana uburakari bwinshi+

N’ikirimi cy’umuriro utwika+

N’imvura irimo umuyaga mwinshi,+ imvura irimo inkuba n’imvura irimo urubura.+

31 Ashuri izagira ubwoba bwinshi bitewe n’ijwi rya Yehova;+

Azayikubitisha inkoni.+

32 Yehova nakubita Abashuri,

Akoresheje inkoni ye ihana

Hazajya humvikana amashako* n’inanga,+

Uko azajya azamura ukuboko kwe abarwanya.+

33 Tofeti*+ yamaze gutegurwa

Kandi yateguriwe umwami.+

Umwuka wa Yehova umeze nk’umugezi w’amazuku,*

Ni wo uzayitwika.

31 Bazabona ishyano abamanuka bajya muri Egiputa gushakirayo ubufasha,+

Abishingikiriza ku mafarashi+

Bakiringira amagare y’intambara kuko ari menshi,

Bakiringira amafarashi akurura amagare y’intambara* kuko afite imbaraga,

Ariko ntibarebe Uwera wa Isirayeli

Kandi ntibashake Yehova.

Azarwanya abakora ibibi

Kandi arwanye n’abafasha abakora ibibi.+

Yehova narambura ukuboko kwe,

Ufasha abandi azasitara

Kandi ufashwa na we azagwa.

“Nk’uko intare, ni ukuvuga intare ikiri nto ifite imbaraga,* yivugira ku cyo yafashe,

Igihe abashumba bose bayitereye icyarimwe,

Ntiterwe ubwoba n’amajwi yabo

Cyangwa ngo ihahamurwe n’urusaku rwabo,

Ni ko Yehova nyiri ingabo na we azamanuka akarwanirira

Umusozi wa Siyoni n’agasozi kayo.

Bazahunga bitewe n’inkota

Kandi abasore babo bazakoreshwa imirimo y’agahato.

 9 Igitare cyabo kizashiraho bitewe n’ubwoba bwinshi

Kandi abatware babo bazahahamuka bitewe n’ikimenyetso,” ni ko Yehova avuga,

We ufite umucyo* muri Siyoni n’itanura rye rikaba muri Yerusalemu.

32 Dore umwami+ uzajya ku butegetsi, azategekesha gukiranuka+

Kandi abatware bazategekesha ubutabera.

 2 Buri wese azaba nk’aho kwihisha* umuyaga

N’aho kugama* imvura y’amahindu,

Amere nk’imigezi itemba mu gihugu kitagira amazi,+

Amere nk’igicucu cy’urutare runini mu gihugu cyumagaye.

 3 Icyo gihe amaso y’abareba ntazongera guhumiriza

Kandi amatwi y’abumva azarushaho kumva.

 4 Umutima w’abantu bahubuka uziga gutekereza

Kandi ururimi rw’abavuga badedemanga ruzavuga ibintu byumvikana rudategwa.+

 5 Umuntu utubaha Imana ntazongera kwitwa umunyabuntu

Kandi umuntu utagira amahame agenderaho ntazitwa umunyacyubahiro.

 6 Kuko umuntu utubaha Imana azavuga ibyo kutubaha Imana

Kandi umutima we ukagambirira ibibi+

Kugira ngo atume abantu bigomeka* kandi avuge ibintu bitari byo kuri Yehova,

Atume ushonje* abura icyo arya

Kandi atume ufite inyota abura icyo anywa.

Ashishikariza abandi gukora ibikorwa biteye isoni

Kugira ngo arimbure umuntu ufite ibibazo, akoresheje amagambo y’ibinyoma+

Niyo uwo muntu ufite ibibazo yaba avuga ukuri.

 8 Umunyabuntu* ahora ashaka kugira ubuntu

Kandi akomeza gukora ibishoboka byose ngo agire ubuntu.

10 Mwa bantu batagira icyo bitaho mwe, mu gihe kingana n’umwaka urengaho gato,

Muzatitira bitewe n’ubwoba kuko nubwo igihe cyo gusarura kizaba kirangiye nta rubuto na rumwe rw’imizabibu muzaba mwasaruye.+

Mukuremo imyenda yanyu,

Maze mwambare imyenda y’akababaro.*+

12 Mwikubite mu gituza murire,

Kubera imirima yanyu myiza n’ibiti byanyu by’imizabibu byera imbuto.

13 Kuko ubutaka bw’abantu banjye buzuzuramo ibihuru by’amahwa,

Bizuzura amazu yose bishimiramo,

Ni byo koko, bizuzura umujyi w’ibyishimo.+

Hazaba ahantu hakundwa n’indogobe zo mu gasozi,

Aho baragirira amatungo,+

15 Kugeza igihe tuzasukwaho umwuka uturutse hejuru,+

Ubutayu bugahinduka umurima w’ibiti byera imbuto

N’umurima w’ibiti byera imbuto ugafatwa nk’ishyamba.+

16 Icyo gihe ubutabera buzaba mu butayu

No gukiranuka kube mu murima w’ibiti byera imbuto.+

17 Gukiranuka nyakuri bizatuma habaho amahoro+

Kandi gukiranuka nyakuri kuzazana umutuzo n’umutekano bitazigera bishira.+

18 Abantu banjye bazatura ahantu hari amahoro

Kandi bature ahantu hari umutekano n’umutuzo.+

19 Ariko imvura y’amahindu izagusha ibiti byo mu ishyamba

Kandi umujyi wose uzashyirwa hasi.

20 Muzagira ibyishimo mwebwe abatera imbuto iruhande rw’ahari amazi hose

Kandi mukohereza* ikimasa n’indogobe.”+

33 Uzabona ishyano wowe urimbura abandi kandi utararimbuwe,+

Wowe ugambanira abandi utaragambaniwe.+

 2 Yehova, tugirire neza,+

Ni wowe twiringiye.

 5 Yehova azahabwa icyubahiro

Kuko atuye hejuru.

Agakiza gakomeye,+ ubwenge, ubumenyi no gutinya Yehova,+

Ni byo butunzi bwe.*

 7 Dore intwari zabo ziraririra mu mihanda,

Intumwa zabo z’amahoro zirarira cyane.

Yishe* isezerano,

Yataye imijyi

Kandi nta muntu yitaho.+

Sharoni yabaye nk’ubutayu

Kandi Bashani na Karumeli byikuyeho amababi yabyo.+

10 Yehova aravuga ati: “Ubu noneho ngiye guhaguruka,

Ngiye kwihesha ikuzo;+

Ubu ngiye kugaragaza icyubahiro cyanjye.

15 “Umuntu uhora agendera mu nzira yo gukiranuka+

Akavuga ibikwiriye,+

Akanga inyungu zibonetse mu buryo bubi,

Ntiyemerere ibiganza bye kwakira ruswa,+

Ntiyemerere amatwi ye kumva imigambi y’ubwicanyi

Kandi agahumiriza kugira ngo atareba ibibi,

16 Azatura ahantu hirengeye.

Azahabwa ibyokurya

Kandi ikigega cye cy’amazi ntikizakama.”+

18 Mu mutima wawe uzibuka* ibintu biteye ubwoba,

Uvuge uti: “Umwanditsi ari he?

19 Ntuzongera kubona abantu bashira isoni,

Abantu bavuga ururimi rutumvikana,*

Abantu bavuga badedemanga ku buryo udashobora gusobanukirwa ibyo bavuga.+

Amaso yawe azareba Yerusalemu, abone ari ahantu ho gutura hatuje,

Ari ihema ritazigera ryimurwa.+

Imambo zaryo ntizizigera zishingurwa

Kandi nta mugozi waryo uzigera ucibwa.

21 Ahubwo aho ni ho Ukomeye Yehova

Azatubera nk’ahantu hari imigezi, imigende minini y’amazi,

Hadashobora kunyura amato y’intambara

Kandi hadashobora guca ubwato buhambaye.

22 Kuko Yehova ari Umucamanza wacu,+

Yehova ni we Udushyiriraho amategeko,+

Yehova ni we Mwami wacu.+

Icyo gihe bazagabana ibintu byinshi basahuye

Ndetse n’abamugaye bazasahura ibintu byinshi.+

34 Mwa bihugu mwe nimwigire hino mwumve,

Namwe bantu nimutege amatwi.

Isi n’ibiyuzuye na byo nibitege amatwi,

Ubutaka n’ibibuvamo byose na byo bitege amatwi.

 2 Kuko Yehova yarakariye ibihugu byose+

Kandi afitiye umujinya ingabo zabyo zose.+

Azabirimbura

Abimareho.+

 3 Abantu bishwe bazajugunywa hanze,

Umunuko w’intumbi zabo uzazamuka.+

 4 Ingabo zo mu kirere zose zizabora

N’ijuru rizingwe nk’umuzingo.

Ingabo zose zizuma

Nk’uko amababi y’umuzabibu yuma agahunguka,

Nk’uko imbuto z’igiti cy’umutini zumye zihunguka.

Izamanuka kugira ngo icire urubanza Edomu,+

Yice abantu bagomba kurimbuka.

Izuzuraho ibinure,+

Yuzure amaraso y’amasekurume y’intama n’ay’ihene

N’ibinure byo ku mpyiko by’amapfizi y’intama.

Kuko Yehova agiye gutambira igitambo i Bosira,

Mu gihugu cya Edomu hakabagirwa amatungo menshi.+

 7 Ayo matungo azamanukana n’ibimasa byo mu ishyamba,

Ibimasa bikiri bito bimanukane n’ibikuze bifite imbaraga.

Igihugu cyabo kizuzura amaraso,

Umukungugu waho uzuzuraho ibinure.”

 8 Kuko Yehova afite umunsi wo kwihorera ku banzi be,+

Umwaka wo guhorera Siyoni.+

 9 Imigezi yaho* izahinduka godoro*

N’umukungugu waho uhinduke amazuku*

Kandi ubutaka bwaho buzahinduka nka godoro yaka.

10 Ntizazima haba ku manywa cyangwa nijoro,

Umwotsi wayo uzakomeza kuzamuka kugeza iteka ryose.

Izakomeza kuba amatongo uko ibihe bizagenda bihita,

Nta muntu uzongera kuhanyura kugeza iteka ryose.+

11 Inzoya* n’ikinyogote bizayigarurira

Kandi ni ho ibihunyira by’amatwi maremare n’ibikona bizaba.

Imana izakoresha umugozi upima kugira ngo igaragaze ko izasigaramo ubusa,

Ikoreshe n’itimasi* kugira ngo igaragaze ko nta gaciro ifite.

12 Mu banyacyubahiro baho nta n’umwe uzahamagarwa ngo abe umwami

Kandi abatware baho bose bazahinduka ubusa.

13 Iminara yaho ikomeye izameraho amahwa

N’amazu akomeye yaho ameremo ibisura n’ibyatsi bihanda.

Ni ho ingunzu* zizaba+

Kandi ni ho inyoni za otirishe* zizatura.

14 Inyamaswa zo mu butayu ni ho zizajya zihurira n’inyamaswa zihuma

Kandi ihene zo mu gasozi* zizahamagara zigenzi zazo.

15 Aho ni ho inzoka yihuta nk’umwambi izashyira icyari cyayo, ihatere amagi

Kandi izayaturaga* iyarinde.

Muzabona ko nta n’imwe ibura,

Nta ngore n’imwe ibura ingabo yayo,

Kuko akanwa ka Yehova ari ko kabitegetse

Kandi umwuka we ni wo wazihurije hamwe.

17 Ni we wazikoreye ubufindo*

Kandi ukuboko kwe ni ko kwazipimiye aho zitura.*

Hazaba ahazo igihe cyose

Zizahatura iteka ryose.

35 Ubutayu n’akarere katagira amazi bizishima+

Kandi ikibaya cy’ubutayu kizishima cyuzuremo indabyo.*+

Kizahabwa ikuzo rya Libani,+

Gihabwe ubwiza buhebuje bwa Karumeli+ na Sharoni.+

 3 Mukomeze amaboko adafite imbaraga

Kandi mukomeze amavi atitira.+

Dore Imana yanyu izaza ije kubahorera,

Imana izaza ije guhana.+

 5 Icyo gihe amaso y’abatabona azareba+

N’amatwi y’abatumva yumve.+

 6 Icyo gihe umuntu wamugaye azasimbuka nk’impara+

Kandi ururimi rw’umuntu utavuga ruzavuga mu ijwi ryo hejuru rifite ibyishimo.+

Amazi azadudubiza mu butayu

Kandi imigezi itembe mu kibaya cy’ubutayu.

 7 Ubutaka bwumagaye bitewe n’ubushyuhe buzahinduka ibidendezi by’amazi bikikijwe n’urubingo+

N’ubutaka bwumye buhinduke amasoko y’amazi.

Aho ingunzu* ziba,+

Hazamera ibyatsi, urubingo n’urufunzo.

 8 Hazaba umuhanda munini,+

Ni byo koko hazabaho inzira yitwa Inzira yo Kwera.

Izanyurwamo n’ukwiriye kuyinyuramo,

Umuntu utubaha Imana ntazayigendagendamo.

 9 Nta ntare izahaba

Kandi nta nyamaswa z’inkazi zizayigeramo.

Bazagira ibyishimo n’umunezero

Kandi agahinda n’akababaro bizahunga.+

Uzi uwo wakankamiye+

Ukamurebana agasuzuguro?

‘Mfite amagare y’intambara menshi,

Nzazamuka njye hejuru cyane mu misozi,+

Mu turere twa kure cyane two muri Libani.

Nabiteguye kuva kera,+

None ngiye kubikora.+

27 Abaturage babo bazayoberwa icyo bakora;

Bazagira ubwoba bwinshi kandi bakorwe n’isoni.

Bazamera nk’ibimera byo mu murima n’ibyatsi bibisi,

Bamere nk’ibyatsi byo ku bisenge by’amazu byumishwa n’umuyaga w’iburasirazuba.

28 Ariko nzi neza igihe wicarira, igihe usohokera n’igihe winjirira,+

Kandi iyo wandakariye na byo ndabibona,+

29 Kuko numvise ukuntu wandakariye+ nkumva no gutontoma kwawe.+

Ni yo mpamvu nzashyira akuma barobesha mu zuru ryawe n’umugozi+ mu kanwa kawe,

Maze ngusubize iyo waturutse unyuze mu nzira yakuzanye.”

“Ntazinjira muri uyu mujyi,+

Cyangwa ngo aharase umwambi,

Cyangwa ngo awutere yitwaje ingabo imukingira,

Cyangwa ngo awurundeho ibyo kuririraho.”’+

35 Nzarwanirira uyu mujyi+ nywukize kubera izina ryanjye,+

No kubera umugaragu wanjye Dawidi.’”+

10 Naravuze nti: “Dore ndacyari muto

Ariko ngomba kwinjira mu marembo y’Imva.*

Igihe nzaba ndi kumwe n’abatuye aho ibintu byose biba byarangiye,

Sinzongera kubona abantu.

12 Aho nari ntuye hakuweho hajyanwa kure yanjye+

Kimwe n’ihema ry’abashumba.

14 Nkomeza kujwigira nk’akanyoni gato,+

Ngakomeza kuvuga nk’inuma.+

‘Yehova, dore ndi mu bibazo,

Ngwino untabare.’*+

Nzagenda nicishije bugufi* imyaka yanjye isigaye,

Kuko mbabaye cyane.*

16 ‘Yehova, ibi bintu* ni byo bituma abantu bose bakomeza kubaho

Kandi ni byo bituma ngira umwuka w’ubuzima.

17 Dore, aho kubona amahoro nahuye n’ibibazo bikomeye;

Ariko kubera urukundo rwinshi unkunda*

Wandinze urupfu.*+

18 Imva* ntishobora kugusingiza,+

Urupfu ntirushobora kugushima.+

19 Umuntu muzima ashobora kugusingiza

Nk’uko nshobora kubigenza uyu munsi.

20 Yehova, nkiza

Kandi tuzacuranga indirimbo zanjye dukoresheje ibikoresho by’umuziki bifite imirya,+

Tuzicurangire mu nzu ya Yehova, igihe cyose tuzaba tukiriho.’”+

 2 Muhumurize Yerusalemu muyigere ku mutima

Kandi muyitangarize ko igihe cyayo cy’imirimo y’agahato kirangiye,

Ko itakibarwaho ikosa ryayo.+

“Nimutunganyirize Yehova inzira,+

Nimukorere Imana yacu umuhanda ugororotse+ unyura mu butayu.+

 4 Buri kibaya nikizamurwe cyegere hejuru

Kandi umusozi wose n’agasozi kose bibe bigufi.

Ahantu hatareshya hose hagomba kuringanizwa

N’ahantu hataringaniye hagahinduka ikibaya.+

 5 Ikuzo rya Yehova rizagaragara+

Kandi abantu bose bazaribonera icyarimwe,+

Kuko akanwa ka Yehova ari ko kabivuze.”

“Abantu bose bameze nk’ubwatsi bubisi

Kandi urukundo rwabo rudahemuka rumeze nk’uburabyo bwo mu murima.+

 7 Ubwatsi bubisi buruma,

N’uburabyo bukenda kuma+

Bitewe n’uko umwuka wa Yehova wabuhushye.+

 8 Ubwatsi butoshye buruma

N’uburabyo bukenda kuma,

Ariko ijambo ry’Imana yacu rihoraho iteka ryose.”+

 9 Yewe mugore uzaniye Siyoni inkuru nziza we,+

Zamuka ujye ku musozi muremure.

Yewe mugore uzaniye Yerusalemu inkuru nziza we,

Vuga mu ijwi ryumvikana cyane.

10 Dore Umwami w’Ikirenga Yehova azaza afite imbaraga

Kandi ukuboko kwe ni ko kuzamutegekera.+

Dore aje afite ibihembo

Kandi ibihembo atanga biri imbere ye.+

Azahuriza hamwe abana b’intama akoresheje ukuboko kwe

Kandi azabatwara mu gituza cye.

12 Ni nde wapimishije amazi y’inyanja urushyi rwe,+

Agapima ijuru akoresheje intambwe z’ikiganza?*

Ni nde washyize hamwe umukungugu wo ku isi akawupima+

Cyangwa agapima imisozi,

Agapima n’udusozi akoresheje iminzani?

13 Ni nde wapimye* umwuka wa Yehova

Kandi se ni nde wamwigisha akanamubera umujyanama?+

14 Ni nde yagishije inama kugira ngo amufashe gusobanukirwa,

Cyangwa se ni nde umwigisha kugendera mu nzira y’ubutabera,

Akamwigisha ubwenge

Cyangwa agatuma amenya inzira y’ubuhanga nyabwo?+

15 Dore ibihugu bimeze nk’igitonyanga cy’amazi mu ndobo

Kandi bimeze nk’umukungugu wafashe ku munzani.+

16 N’ibiti byo muri Libani ntibyaba bihagije kugira ngo bitume umuriro ukomeza kwaka*

Kandi inyamaswa zaho ntizaba zihagije kugira ngo zitambwe zibe igitambo gitwikwa n’umuriro.

17 Ibihugu byose bimeze nk’ibitariho imbere ye;+

Bimeze nk’ubusa kandi abifata nk’ibitarigeze bibaho.+

19 Umunyabukorikori akora ikigirwamana,*

Umucuzi w’ibyuma akagisigaho zahabu+

Kandi agacura iminyururu y’ifeza.

20 Atoranya igiti cyo gutangaho ituro,+

Agatoranya igiti kitazabora.

Ashaka umunyabukorikori w’umuhanga

Kugira ngo amukorere igishushanyo kibajwe kitazanyeganyega.+

22 Hari utuye hejuru y’umubumbe* w’isi+

Kandi abayituyeho bameze nk’ibihore.

Arambura ijuru nk’umwenda mwiza,

Akarirambura nk’ihema ryo kubamo.+

23 Ahindura ubusa abayobozi bakuru

Kandi abacamanza* bo mu isi abahindura nk’abatarigeze babaho.

24 Bameze nk’ibimera bikimara guterwa,

Nk’imbuto zikimara guterwa,

Imizi yabo igitangira kumera mu butaka.

Umuyaga uraza ukabahuha bakuma

Umuyaga ukabagurukana nk’uko ugurukana ibyatsi.+

Ni we ubiyobora nk’uko bayobora ingabo akabara kimwe kimwe ukwacyo;

Byose abyita amazina.+

Kubera ko afite imbaraga nyinshi n’ububasha buhambaye,+

Nta na kimwe muri byo kibura.

‘Ibyanjye Yehova nta byo azi

Kandi Imana ntindenganura?’+

29 Ni we uha unaniwe imbaraga

Kandi ufite intege nke akamuha imbaraga nyinshi.+

30 Abahungu bazananirwa kandi bacike intege

Kandi abasore bakiri bato bazasitara bagwe.

Baziruka be gucika intege;

Bazagenda be kunanirwa.”+

 2 Ni nde wazanye umuntu amukuye iburasirazuba,+

Akamuhamagaza gukiranuka kugira ngo amukorere,

Akamuha ibihugu no gutegeka abami?+

Ni nde ubahindura umukungugu akoresheje inkota ye,

Akabatatanya akoresheje umuheto we,

Bakamera nk’ibyatsi bitwawe n’umuyaga?

 3 Arabakurikira, agakomeza kugenda nta wumutangiriye,

Akanyura mu nzira ibirenge bye bitigeze binyuramo.

Njyewe Yehova, ndi uwa Mbere+

Kandi no ku bazaza nyuma, nzakomeza kuba wa wundi.”+

 5 Ibirwa byarabibonye biratinya,

Impera z’isi zitangira gutitira kubera ubwoba.

 6 Buri wese afasha mugenzi we,

Akabwira umuvandimwe we ati: “Komera.”

 7 Umunyabukorikori ahumuriza ucura ibyuma,+

Uringaniza ibyuma akoresheje inyundo y’umucuzi

Agakomeza uhondera ibyuma ku ibuye bacuriraho.

 8 “Ariko wowe Isirayeli, uri umugaragu wanjye,+

Wowe Yakobo uwo natoranyije,+

Urubyaro* rw’incuti yanjye Aburahamu,+

 9 Nagufashe ukuboko nkuvana ku mpera z’isi,+

Ndaguhamagara nkuvana mu turere twa kure tw’isi.

Narakubwiye nti: ‘uri umugaragu wanjye;+

Naragutoranyije kandi sinagutaye.+

12 Abantu bakurwanyaga, uzabashaka ubabure,

Abantu bagutezaga intambara, bazaba nk’abatarigeze kubaho, bahinduke ubusa.+

13 Kuko njyewe Yehova Imana yawe ngufashe ukuboko kw’iburyo,

Ni njye ukubwira nti: ‘witinya. Nzagutabara.’+

15 “Dore nakugize igikoresho bahurisha* imyaka,+

Igikoresho gishya bahurisha cy’amenyo, gityaye impande zombi.

Uzanyukanyuka imisozi uyimenagure,

N’udusozi uduhindure nk’umurama.

16 Uzabigosora nk’uko bagosora imyaka

Kandi umuyaga uzabitwara;

Umuyaga mwinshi uzabitatanya.

Ariko wowe uzishimira Yehova,+

Uziratana Uwera wa Isirayeli.”+

18 Nzatuma imigezi itemba ku dusozi turiho ubusa+

Kandi mu bibaya hazaba amasoko y’amazi.+

Ubutayu nzabuhindura ibidendezi by’amazi bikikijwe n’urubingo

Kandi igihugu kitagira amazi nzagihindura amasoko y’amazi.+

19 Mu butayu nzahatera igiti cy’isederi,

Igiti cyo mu bwoko bw’umunyinya, igiti cy’umuhadasi n’igiti cyo mu bwoko bwa pinusi.+

Mu kibaya cyo mu butayu nzahatera igiti cy’umuberoshi

Hamwe n’igiti cy’umutidari n’icyo mu bwoko bwa sipure,+

20 Kugira ngo abantu bose babone, bamenye,

Bitegereze kandi basobanukirwe

Ko ukuboko kwa Yehova ari ko kwabikoze

Kandi ko Uwera wa Isirayeli ari we wabiremye.”+

Mutubwire ibya kera,*

Kugira ngo tubitekerezeho maze tumenye uko bizagenda.

23 Nimutubwire ibizaba mu gihe kizaza,

Kugira ngo tumenye ko muri imana.+

Ngaho nimugire ikintu mukora cyaba icyiza cyangwa ikibi,

Tukirebe dutangare.+

24 Dore mumeze nk’abatarigeze kubaho

Kandi ibyo mukora byose ni ubusa.+

25 Natumyeho umuntu uturutse mu majyaruguru kandi azaza;+

Umuntu uturutse mu burasirazuba,+ uzambaza izina ryanjye.

Azanyukanyuka abategetsi* nk’unyukanyuka ibumba,+

Nk’uko umubumbyi anyukanyuka ibumba ritose.

26 Ni nde wavuze ibi bintu ahereye mu ntangiriro, kugira ngo tubimenye,

Cyangwa akabivuga ahereye mu bihe bya kera, kugira ngo tuvuge tuti: ‘avuze ukuri?’+

28 Ariko nakomeje kureba, sinabona n’umwe;

Muri abo bose nta n’umwe watanga inama.

Namushyizemo umwuka wanjye;+

Azatuma abantu bo mu bihugu byinshi babona ubutabera.+

 2 Ntazasakuza cyangwa ngo azamure ijwi rye

Kandi ntazigera yumvikanisha ijwi rye mu muhanda.+

 3 Urubingo rumenaguritse ntazaruvuna

Kandi urumuri rwaka gake ntazaruzimya.+

 4 Ntazacika intege cyangwa ngo amenagurwe atarazana ubutabera mu isi+

Kandi ibirwa bikomeza gutegereza amategeko* ye.

 5 Imana y’ukuri Yehova,

Umuremyi w’ijuru kandi Ukomeye warirambuye,+

Uwaremye isi n’ibiyiriho,+

Agatuma abayiriho bahumeka+

Kandi abayigendaho akabaha umwuka, aravuga ati:+

 6 “Njyewe Yehova, naraguhamagaye ngo ukore iby’ubutabera;

Nagufashe ukuboko.

Nzagutanga ube isezerano ry’abantu+

Ube n’umucyo w’ibihugu,+

 7 Kugira ngo uhumure amaso y’abatabona,+

Urekure abari bafungiwe muri gereza yo munsi y’ubutaka

Kandi uvane muri gereza abicaye mu mwijima.+

 8 Ndi Yehova. Iryo ni ryo zina ryanjye;

Nta muntu n’umwe mpa icyubahiro cyanjye,*

Ikuzo ryanjye sindiha ibishushanyo bibajwe.+

 9 Dore ibya mbere byamaze kuba;

None ndavuga ibishya.

10 Muririmbire Yehova indirimbo nshya,+

Mumusingize muri ku mpera z’isi,+

Mwebwe abanyuza amato mu nyanja no mu biremwa biyirimo,

Namwe mwa birwa mwe n’ababituye.+

11 Ubutayu n’imijyi yabwo nibizamure ijwi,+

Imidugudu ituwe n’Abakedari.+

Abatuye ku rutare nibasakuze bishimye,

Nibasakurize hejuru y’imisozi.

12 Nibahe Yehova ikuzo

Kandi batangarize icyubahiro cye mu birwa.+

Azazamura ijwi rye avuze urusaku rw’intambara,

Azereka abanzi be ko abarusha imbaraga.+

Kimwe n’umugore urimo kubyara,

Nzaniha, nahagire umwuka wende guhera.

15 Nzarimbura imisozi n’udusozi,

Numishe ibimera byaho byose.

Inzuzi nzazihindura ibirwa,*

Nkamye ibidendezi by’amazi bikikijwe n’urubingo.+

16 Nzatuma abatabona bagenda mu nzira batigeze bamenya+

Kandi mbanyuze mu mihanda batigeze bamenya.+

Umwijima uri imbere yabo nzawuhindura umucyo+

Kandi ahataringaniye mpahindure ahantu haringaniye.+

17 Abiringira ibishushanyo bibajwe,

Ababwira ibishushanyo bikozwe mu byuma bati: “Muri imana zacu,”+

18 Abatumva nimwumve,

Namwe abatabona, nimurebe.+

Ni nde utabona nk’uwo nahaye ingororano,

Cyangwa se ni nde utabona nk’umugaragu wa Yehova?+

21 Yehova yishimiye gushyira hejuru amategeko* ye ayagira meza cyane,

Kubera ko akiranuka.

22 Ariko ni abantu bambuwe ibyabo baranasahurwa;+

Bose bafatiwe mu myobo bahishwa muri gereza.+

Bambuwe ibyabo ntihagira ubatabara+

Kandi barasahurwa habura uvuga ati: “Nimubigarure!”

24 Ni nde watanze Yakobo ngo asahurwe,

Agatuma Abisirayeli bamburwa ibyabo?

Banze kugendera mu nzira ze

Kandi ntibumvira amategeko* Ye.+

25 Ni cyo cyatumye akomeza kumurakarira cyane,

Amusukaho uburakari bwe n’urugomo rwo mu ntambara.+

43 Yakobo we, umva uko Yehova Umuremyi wawe,

Wakubumbye wowe Isirayeli, avuga ati:+

 2 Nunyura mu mazi menshi, nzaba ndi kumwe nawe+

Kandi nunyura mu nzuzi ntizizakurengera.+

Nunyura mu muriro ntuzashya

Kandi ntuzakubabura,

 3 Kuko ndi Yehova Imana yawe,

Uwera wa Isirayeli, Umukiza wawe.

Natanze Egiputa ngo ibe incungu yawe,

Ntanga Etiyopiya na Seba mu mwanya wawe.

 4 Kubera ko mbona ko uri uw’agaciro,+

Nagufashe nk’umunyacyubahiro kandi naragukunze.+

Nzatanga abantu mu mwanya wawe,

Ntange n’ibihugu byinshi kugira ngo ndokore ubuzima* bwawe.

Nzazana urubyaro rwawe ruve iburasirazuba

Kandi nzabahuriza hamwe bave iburengerazuba.+

Garura abahungu banjye bave kure n’abakobwa banjye bave ku mpera z’isi,+

 7 Ugarure uwitirirwa izina ryanjye wese,+

Uwo naremye kugira ngo agaragaze ikuzo ryanjye,

Uwo nabumbye ngatuma abaho.’+

 8 Zana abantu batabona nubwo bafite amaso,

Uzane n’abantu batumva nubwo bafite amatwi.+

 9 Ibihugu byose nibiteranire hamwe

N’abantu bahurire hamwe.+

Ngaho nibazane abatangabuhamya babo kugira ngo bagaragaze ko bavuga ukuri,

Cyangwa se abandi nibumve maze bavuge bati: ‘ibi ni ukuri!’”+

10 Yehova aravuga ati: “Muri abahamya banjye;+

Ndetse muri umugaragu wanjye natoranyije+

Kugira ngo mumenye, munyizere

Kandi musobanukirwe ko mpora ndi wa wundi.+

Mbere yanjye nta Mana yigeze kubaho

Kandi na nyuma yanjye nta yindi yigeze ibaho.+

12 Yehova aravuga ati: “Ni njyewe watangaje, ndakiza kandi ntuma bimenyekana,

Igihe nta yindi mana yari muri mwe.+

13 Nanone, mpora ndi wa wundi+

Kandi nta wushobora kugira icyo akura mu kuboko kwanjye.+