YESAIA
1 Yuda ne Yerusalem ho anisoadehunu a Amus ba Yesaia*+ nyaa wɔ Yuda ahemfo+ Usia,+ Yotam,+ Ahas,+ ne Hesekia+ berɛ so no nie:
Na afunumu nim ne wura adididaka;
Me ankasa me man nni nteaseɛ.”
5 Moda so ara rete atua? Seesei mo hefa bio na wɔmmɔ?+
Etire no nyinaa yare,
Na akoma mu no nyinaa yare.+
6 Ɛfiri tire kɔsi nan ase, baabiara nni hɔ a ɛte apɔ.*
7 Mo asaase adane amamfo.
Wɔde gya ahye mo nkuro.
Ahɔhoɔ redi mo asaase so aba wɔ mo anim pɛɛ.+
Ɛte sɛ asaase a ahɔhoɔ abutu no ama no asɛe.+
8 Aka Sion babaa wɔ hɔ, te sɛ apata* a ɛsi bobefuo* mu,
Te sɛ apata a ɛwɔ ɛferɛ afuo mu,
Te sɛ kuro a atamfo aka emufoɔ ahyɛ mu.+
10 Sodom+ atumfoɔ atirimuɔdenfoɔ,* montie Yehowa asɛm.
Gomorafoɔ,+ monyɛ aso mma yɛn Nyankopɔn mmara.*
11 Yehowa asɛm nie: “Mfasoɔ bɛn na menya firi mo afɔreɛ bebrebe no so?+
Adwennini hyeɛ afɔreɛ+ ne mmoa a wɔte apɔ sradeɛ+ afono me,
Na anantwie+ ne nnwan mma ne mpɔnkye+ mogya+ nso, m’ani nsɔ.
13 Mommfa aduane afɔreɛ hunu mmma m’anim bio.
Mekyiri mo aduhwam kɔkɔkɔkɔ.+
14 Mekyiri* mo abosome foforɔ ne mo afahyɛ ahodoɔ no.
Ayɛ adesoa ama me;
Mabrɛ ne ne soa.
17 Monsua papayɛ, monhwehwɛ atɛntenenee,+
Montene osisifoɔ so,
Monni agyanka asɛm mma no,
Na monka bi mma okunafoɔ.”+
18 Yehowa asɛm nie: “Afei mommra, na momma yɛntoto nneɛma yie.+
Ɛwom, mo bɔne te sɛ koogyan,
Nanso ɛbɛyɛ fitaa sɛ sukyerɛmma;+
Ɛwom, ayɛ kɔɔ te sɛ kɔbene,
Nanso ɛbɛyɛ fitaa sɛ odwan nwi.
21 Hwɛ sɛdeɛ kuro nokwafoɔ+ no adane tuutuuni!+
23 W’atumfoɔ aso yɛ den na wɔne akorɔmfoɔ na ɛbɔ.+
Wɔn mu biara ani gye adanmudeɛ* ho, na wɔdi akyɛdeɛ akyi.+
Wɔmmu atɛntenenee mma nnyanka,
Na akunafoɔ asɛm nnuru wɔn anim da.+
24 Enti nokorɛ Awurade asafo Yehowa,
Israel Tumfoɔ no asɛm nie:
“Hwɛ! Mɛyi m’atamfo afiri me ho,
Na mɛtua wɔn a wɔtan me no ka.+
25 Mɛdane me nsa aba wo so,
Na mɛnane wo ayi wo mu fĩ te sɛ deɛ mede samina* reyi fĩ,
Na mɛyi wo mu fĩ nyinaa.+
Ɛno akyi wɔbɛfrɛ wo Tenenee Kuropɔn, Nokorɛ Kuro.+
31 Ɔbarima katakyie bɛyɛ sɛ asaawa,*
Na n’adwuma ayɛ sɛ egya a ɛretutu;*
Mmienu no nyinaa bɛkɔ gya mu,
Na obiara nni hɔ a ɔbɛdum no.”
2 Deɛ Amus ba Yesaia huu no wɔ Yuda ne Yerusalem ho nie:+
3 Na aman pii bɛkɔ akɔka sɛ:
“Mommra mma yɛmforo nkɔ Yehowa bepɔ so,
Nkɔ Yakob Nyankopɔn fie.+
4 Ɔbɛbu atɛn wɔ amanaman no mu,
Na ɔbɛsiesie nsɛm ama aman pii.
Ɔman bi rentwe sekan wɔ ɔman bi so,
Na wɔrensua akodie bio.+
Ɛfiri sɛ Apueeɛ nneɛma ahyɛ wɔn ma;
Wɔdi asumansɛm+ te sɛ Filistifoɔ,
Na ahɔhoɔ* mma abu so wɔ wɔn mu.
7 Dwetɛ ne sika kɔkɔɔ ahyɛ wɔn asaase so ma,
Na wɔn agyapadeɛ nni ano.
Apɔnkɔ ahyɛ wɔn asaase so ma,
Na wɔn nteaseɛnam nni ano.+
8 Anyamehunu* ahyɛ wɔn asaase so ma.+
Wɔkoto wɔn ankasa nsa ano adwuma,
Adeɛ a wɔde wɔn ankasa nsateaa ayɛ.
9 Enti onipa agu ne ho anim ase, wɔbɛbrɛ no ase,
Na worentumi mfa nkyɛ wɔn.
10 Monkɔhyɛ ɔbotan mu na momfa mo ho nsie mfuturo mu,
Yehowa ho hu,
N’animuonyam, ne ne kɛseyɛ a ɛnni ano nti.+
Yehowa nko ara na wɔbɛma ne so saa da no.
Ɛbɛba obiara a ɔyɛ ahantan ne ahomasoɔ* so,
Ɛbɛba obiara so, deɛ wɔama ne so ne deɛ wɔabrɛ no ase nyinaa.+
13 Ɛbɛba Lebanon sida nnua atenten kokuroo nyinaa,
Ne Basan adum nyinaa so.
14 Ɛbɛba mmepɔ atenten nyinaa,
Ne nkokoɔ atenten nyinaa so.
15 Ɛbɛba abantenten nyinaa ne afasuo denden nyinaa so,
16 Ɛbɛba Tarsis ahyɛn+ nyinaa,
Ne akodoɔ fɛfɛɛfɛ nyinaa so.
17 Wɔbɛbrɛ onipa ahantan ase,
Na nnipa ahomasoɔ bɛba fam.*
Yehowa nko ara na wɔbɛma ne so saa da no.
18 Na anyamehunu no bɛyera koraa.+
19 Sɛ Yehowa keka ne ho na ɔwoso asaase a,
Ne ho hu,
N’animuonyam, ne ne kɛseyɛ a ɛnni ano+ nti,
Nnipa bɛkɔ akɔhyehyɛ abodan*
Ne asaase mu ntokuro mu.+
20 Saa da no, nnipa bɛfa wɔn dwetɛ ne sika kɔkɔɔ anyamehunu
A wɔayɛ ama wɔn ho sɛ wɔbɛkoto wɔn no,
Na wɔato agu ama fiamo* ne apan,+
21 Na wɔakɔhyɛ abotan mu ntokuro
Ne abodan mu,
Yehowa ho hu,
N’animuonyam, ne ne kɛseyɛ a ɛnni ano nti,
Berɛ a ɔbɛkeka ne ho na wawoso asaase no.
Adɛn nti na ɛsɛ sɛ wobu ne ho akonta?
3 Hwɛ! Nokorɛ Awurade asafo Yehowa
Bɛyi adeɛ biara a ɛboa Yerusalem ne Yuda no afiri hɔ:
Aduane ne nsuo nyinaa,+
2 Ɔsabarima ne ɔkofoɔ,
Ɔtemmufoɔ ne odiyifoɔ,+ deɛ nkurɔfoɔ kɔ ne nkyɛn abisa ne ɔpanin,
3 Aduonum so panin,+ onimuonyamfoɔ, ne ɔfotufoɔ,
Deɛ waben asumansɛm mu ne deɛ waben kaberekyerɛ mu.+
4 Mɛma mmarimaa ayɛ wɔn so atumfoɔ,
Na deɛ n’adwene nsi pi adi wɔn so.
Abarimaa bɛkasa atia panin,
Na nipahunu de onimuonyamfoɔ+ anim atwitwiri fam.
6 Obiara bɛsɔ ne nua mu wɔ ne papa fie aka sɛ:
“Wowɔ ataadeɛ, bɛdi yɛn so.
Ma deɛ adwiri aguo yi mmɛhyɛ w’ase.”
7 Nanso saa da no, ɔbɛka sɛ:
“Merenkyekyere mo akuro;*
Menni aduane anaa ataadeɛ wɔ me fie.
Monnyɛ me otumfoɔ wɔ ɔman yi so.”
Wɔnnue,* ɛfiri sɛ wɔde mmusuo reba wɔn ho so!
11 Ɔbɔnefoɔ nnue!
Mmusuo bɛba ne so,
Ɛfiri sɛ deɛ ɔde ne nsa ayɛ no, ɛno ara bi na wɔde bɛyɛ no!
12 Me man deɛ, n’ahwɛfoɔ hyɛ ne so,
Na mmaa di ne so.
Me man, w’akwankyerɛfoɔ ama woafom kwan,
Na wɔama w’akwan ayɛ nworonworann.+
13 Yehowa gyina hɔ sɛ ɔde n’asɛm bɛto dwa,
Wasɔre sɛ ɔrebɛbu aman atɛn.
14 Yehowa bɛbu ne man mpanimfoɔ ne emu atumfoɔ atɛn.
15 Adɛn nti na mopɛkyɛ me man,
Na mode ahiafoɔ anim twitwiri fam?”+ Awurade Tumfoɔ asafo Yehowa asɛm nie.
16 Yehowa aka sɛ: “Ɛsiane
sɛ Sion mma mmaa yɛ ahantan,
Na wɔnante memamema wɔn mmati so,*
Na wɔpa wɔn ani akyi, na wɔyi akyẽa,
Na wɔma nkawa a ɛgu wɔn nan gyegyeɛ nti,
18 Saa da no, Yehowa bɛyi wɔn afɛfɛdeɛ afiri wɔn ho:
Nanpɔ so nkawa ne abotire ne agudeɛ a ɛte sɛ bosome,+
19 Nsomuadeɛ, nkapo, ne nkataanimu,
20 Abotire, ne kawa a wɔde to nan, ne abɔsoɔ,*
Aduhwam ntoa* ne nsɛbɛ,
22 Adehyetaadeɛ atenten, ngugusoɔ, nkatakɔnmu, ne sika nkotokuo,
Abotire ne nkataanimu.
24 “Afei adeɛ a ɛbɔn bɛsi balsam ngo+ ananmu;
Ahoma bɛsi abɔsoɔ ananmu;
Etire a ɛho apa bɛsi mmɛsa ananmu;+
Awerɛhoɔ ntoma* bɛsi ataade pa ananmu;+
Na kutwã* bɛsi ahoɔfɛ ananmu.
4 Saa da no, mmaa nson bɛsosɔ ɔbarima baako mu+ aka akyerɛ no sɛ:
“Yɛbɛdi yɛn ankasa aduane
Ahyɛ yɛn ankasa ataadeɛ;
Deɛ ɛhia ara ne sɛ wode wo din bɛto yɛn so
2 Ɛda no, deɛ Yehowa bɛma afifi* no bɛyɛ fɛ na anya animuonyam, na Israelfoɔ a wɔanya wɔn tiri adidi mu no de asaase no so aba bɛhoahoa wɔn ho, na ɛbɛyɛ wɔn fɛ.+ 3 Obiara a ɔbɛka Sion a wɔbɛgya no Yerusalem no, wɔbɛfrɛ no kronkron, wɔn a wɔwɔ Yerusalem a wɔatwerɛ wɔn din sɛ wɔntena nkwa mu+ no nyinaa.
4 Sɛ Yehowa de atemmuo honhom ne egya honhom*+ hohoro Sion mma mmaa ho fĩ*+ na ɔhohoro Yerusalem mogyahwieguo nso firi ne mu a, 5 Yehowa bɛma mununkum ne wisie akata Sion Bepɔ no so nyinaa ne ne nhyiamubea so awia, na gyaframa ahyerɛn hɔ anadwo,+ ɛfiri sɛ deɛ ɛwɔ animuonyam no nyinaa bɛnya ahobammɔ. 6 Na apata* bi bɛwɔ hɔ. Awiaberɛ a ahuhuro wom no, ɛbɛma nwunu,+ na ahum ne sutɔberɛ mu nso, ayɛ dwankɔbea ne hintabea.+
Ná me dɔfo wɔ bobefuo wɔ kokoɔ so, asaase pa bi so.
2 Ɔfuntum asaase no yiyii so aboɔ,
Afei ɔtwɛnee sɛ ɛbɛso bobe pa,
Nanso bobe a ɛnyɛ nko ara na ɛsoeɛ.+
Deɛn nti na m’ani da so sɛ ɛbɛso bobe pa
Na aso bobe fõ nko ara yi?
5 Afei momma menkyerɛ mo
Deɛ mɛyɛ me bobefuo no:
Mɛtutu ɛho ban,
Na wɔahye no.+
Mɛbubu n’afasuo a wɔde aboɔ ayɛ no,
Na wɔatiatia so.
Nkasɛɛ ne nwura bɛgye afa,+
Na mɛhyɛ mununkum sɛ ɔnntɔ nsuo nngu so.+
7 Asafo Yehowa bobefuo no ne Israel fie,+
Na afuo a n’ani ku ho no ne Yuda mmarima.
Ɔkɔɔ so hwɛɛ atɛntenenee kwan,+
Nanso hwɛ! ntɛnkyea na wɔbuiɛ;
Ɔhwehwɛɛ adetenenee,
Nanso hwɛ! esu ne nteateamu na ɔteeɛ.”+
8 Wɔnnue, wɔn a wɔka afie bɔ afie so,+
Na wɔhwim asaase ka asaase ho+
Kɔsi sɛ ɛkwan biara nna hɔ bio,
Na mo nko ara motena asaase no so!
9 Asafo Yehowa aka ntam agu m’asom sɛ,
Afie akɛseɛ pii a ɛyɛ fɛ
Bɛyɛ tantaantan,
Na obiara rentena mu.+
10 Bobefuo eka du* bɛma mo bobesa bat susuhina* baako pɛ,
Na modua aduaba homar susudeɛ* baako a, mobɛnya efa* baako pɛ.+
11 Wɔnnue, wɔn a wɔsɔre anɔpatutuutu kɔnom nsã a ano yɛ den,+
Wɔn a wɔtena nsã* ho ma adeɛ sa tumm kɔsi sɛ wɔbɛboro sram!
12 Wɔwɔ sankuo ne sankuten,
Mpintin, atɛntɛbɛn, ne nsã* wɔ wɔn apontoɔ ase;
Nanso Yehowa nneyɛɛ deɛ, wɔnnwene ho,
Na ne nsa ano adwuma nso, wɔnhunu.
13 Enti wɔbɛtu me man afiri wɔn asaase so akɔ,
Nimdeɛ a wɔnnie nti;+
Ɛkɔm bɛde wɔn animuonyamfoɔ,+
Na sukɔm ade wɔn nkurɔfoɔ nyinaa.
Na wabue n’anom kakraa.+
Na kuro no mu animuonyamfoɔ,* emu nnipadɔm a wɔyɛ dede, ne emufoɔ a wɔgye wɔn ani tra so
Bɛsiane akɔ hɔ.
16 Asafo Yehowa atemmuo* bɛma wayɛ kɛse;
Nokorɛ Nyankopɔn no, Ɔkronkronni+ no, nam tenenee+ so bɛte ne ho.
17 Na nnwan mma bɛdidi te sɛ deɛ wɔwɔ wɔn adidibea;
Mmeaeɛ a mmoa a wɔadɔre sradeɛ agyae hɔ adidie no, ɛhɔ na ahɔhoɔ bɛdidie.*
18 Wɔnnue, wɔn a wɔde nnaadaa nhoma twe wɔn afɔdie
Na wɔde teaseɛnam nhoma twe wɔn bɔne;
19 Wɔn a wɔka sɛ: “Ɔmma Ne ho nyɛ hare,
Ɛmmra ntɛm mma yɛnhwɛ.
20 Wɔnnue, wɔn a wɔka sɛ papa yɛ bɔne na bɔne yɛ papa,+
Wɔn a wɔde sum yɛ hann na wɔde hann yɛ sum,
Wɔn a wɔde nwononwono yɛ fremfrem na wɔde fremfrem yɛ nwononwono!
22 Wɔnnue, wɔn a wɔagye din wɔ asanom* mu
Ne wɔn a wɔyɛ akatakyie wɔ nsãfra* mu,+
23 Wɔn a wɔgye adanmudeɛ* bu ɔbɔnefoɔ bem+
Na wɔde atɛntenenee kame ɔteneneeni!+
24 Enti sɛdeɛ egya kɛtrɛma hye ɛserɛ
Na egyaframa mene serɛ a awoɔ no,
Saa ara na wɔn nhini bɛporɔ,
Na wɔn nhyerɛnee ahu akɔ sɛ mfuturo,
Ɛfiri sɛ wɔapo asafo Yehowa mmara,*
Na wɔmfa Israel Kronkronni no asɛm nyɛ hwee.+
Deɛ akɔ so nyinaa nti, ɔntwee n’abufuo nsaneeɛ,
Mmom, watene ne nsa, na ɔda so ara rekunkum.
26 Wama ahyɛnsodeɛ* bi so akyerɛ ɔman bi wɔ akyirikyiri;+
Wabɔ hwerɛma afrɛ wɔn afiri asaase ano nohoa;+
Na hwɛ! wɔde mmirika reba ntɛm.+
27 Wɔn mu biara mmrɛe anaa ɔnsuntiiɛ.
Obiara nni hɔ a ɔretɔ nko* anaa wada.
Abɔsoɔ a ɛbɔ wɔn asene nhodwoeɛ,
Na wɔn mpaboa mu ahoma nteeɛ.
Wɔpɔ kye aboa,
Na wɔde no kɔ a ɔgyefoɔ biara nni hɔ.
Obiara a ɔbɛhwɛ asaase no bɛhunu esum kabii;
Mununkum nti, hann mpo adane sum.+
6 Afe a Ɔhene Usia wuiɛ+ no, mehuu Yehowa sɛ ɔte ahennwa kokuroo a wɔama so bi so,+ na na n’ataadeɛ ano ayɛ asɔrefie hɔ ma. 2 Ná serafim gyinagyina ne nkyɛn; obiara wɔ ntaban nsia. Obiara de mmienu kata n’anim na ɔde mmienu kata ne nan ho, na wɔn mu biara de mmienu nso tu.
3 Baako ka kyerɛ baako sɛ:
“Kronkron, kronkron, kronkron ne asafo Yehowa.+
N’animuonyam ahyɛ asaase nyinaa so ma.”
4 Na nteamu no gyegyeeɛ* maa aponnwa no wosoe, na wisie hyɛɛ efie hɔ ma.+
5 Ɛnna mekaa sɛ: “Mennue!
Mawu awie,
Ɛfiri sɛ meyɛ onipa a m’ano ho nteɛ,
Na mete nkurɔfoɔ a wɔn ano ho nteɛ+ mu,
Ɛnna mede m’ani ahunu Ɔhene no, asafo Yehowa ankasa!”
6 Na serafim baako tu baa me nkyɛn, na na ɔkura gyasramma+ a ɔde adeɛ a wɔde fa egya akɔyi afiri afɔrebukyia no so+ wɔ ne nsam. 7 Ɔde kaa m’ano, na ɔkaa sɛ:
“Hwɛ! Adeɛ yi aka w’ano,
Wɔayi wo mfomsoɔ* afiri hɔ,
Na wɔapata ama wo bɔne.”
8 Afei metee Yehowa nne sɛ ɛrebisa sɛ: “Hwan na mensoma no, na hwan na ɔbɛkɔ ama yɛn?”+ Na megyee so sɛ: “Menie! Soma me!”+
9 Na ɔkaa sɛ, “Kɔ, na kɔka kyerɛ ɔman yi sɛ:
Ma wɔn aso nyɛ den,+
Na ka wɔn ani femfam so,
Na wɔamfa wɔn ani anhunu adeɛ,
Na wɔamfa wɔn aso ante asɛm,
Na wɔn akoma ante aseɛ,
Na wɔansakra annya ayaresa.”+
11 Ɛnna mebisaa sɛ: “O Yehowa, ɛnkɔsi da bɛn?” Na ɔbuaa sɛ:
“Ɛnkɔsi sɛ nkuro yi bɛsɛe adane amamfo a obi nte mu,
Na afie ada mpan a nnipa nni mu,
Na asaase no asɛe na ayɛ amamfo;+
12 Ɛnkɔsi sɛ Yehowa bɛyi nnipa akɔ akyirikyiri,+
Na asaase no adane amamfo koraa.
13 “Nanso ɛbɛka du mu nkyɛmu baako wɔ hɔ, na wɔbɛsan ahye ɛno nso, te sɛ odupɔn ne odum a wɔatwa ama aka ne dunsini; aseni* kronkron no bɛyɛ dunsini no.”
7 Usia ba Yotam ba Ahas+ a ɔyɛ Yuda hene no berɛ so no, Siria hene Resin ne Remalia ba Peka+ a ɔyɛ Israel hene no baa sɛ wɔne Yerusalem rebɛko, nanso wɔantumi* anko amfa kuro no.+ 2 Na wɔbɛbɔɔ Dawid fie amanneɛ sɛ: “Siria ne Efraim aka wɔn ho abom.”
Na Ahas akoma ne ne man akoma wosoo te sɛ kwaeɛ mu nnua a mframa rewoso no.
3 Afei Yehowa ka kyerɛɛ Yesaia sɛ: “Mesrɛ wo, firi adi na wo ne wo ba Sear-Yasub*+ nkɔhyia Ahas wɔ baabi a atifi fam tadeɛ no mu nsuo nam no,+ kwantempɔn a ɛkɔ ntomasifoɔ asaase so no so. 4 Ka kyerɛ no sɛ, ‘Hwɛ yie; mma biribiara nnha wo. Nsuro, na mma w’akoma nntu, gyentia mmienu a ɛpu wisie yi nti, Resin ne Siria ne Remalia ba+ no abufuhyeɛ nti. 5 Ɛfiri sɛ Siria ne Efraim ne Remalia ba no abɔ wo ho pɔ bɔne sɛ: 6 “Momma yɛnkɔ Yuda so nkɔtete ne mu* na yɛnkɔko mfa,* na yɛnsi Tabeel ba hene wɔ hɔ.”+
7 “‘Deɛ Awurade Tumfoɔ Yehowa aka nie:
“Ɛrenyɛ yie,
Na ɛremma so.
8 Siria ti ne Damasko,
Na Damasko ti ne Resin.
Aka mfeɛ 65 pɛ,
Wɔbɛbubu Efraim pasaa na ɛrenyɛ ɔman bio.+
Sɛ moannya gyidie a ɛyɛ den a,
Mo ase rentim.”’”
10 Yehowa toaa so ka kyerɛɛ Ahas sɛ: 11 “Bisa Yehowa wo Nyankopɔn na ɔmma wo sɛnkyerɛnne bi;+ ɛbɛtumi akɔ fam akɔduru Adamena* mu tɔnn anaa akɔ soro akɔduru wiem mpo.” 12 Nanso Ahas kaa sɛ: “Meremmisa, na merensɔ Yehowa nhwɛ.”
13 Ɛnna Yesaia kaa sɛ: “Dawid fie, mesrɛ mo montie. Enti nnipa aboterɛ a moasɔ ahwɛ yi ara nnɔɔso anaa? Mopɛ sɛ mosɔ Onyankopɔn nso aboterɛ hwɛ?+ 14 Ɛno nti, Yehowa ankasa bɛma mo sɛnkyerɛnne: Hwɛ! Ababaawa* no bɛnyinsɛn awo ɔbabarima+ na wato ne din Imanuel.*+ 15 Berɛ a ɔbɛhunu sɛdeɛ wɔpo bɔne na wɔyi papa no, na ɔdi bɔta ne ɛwoɔ. 16 Ansa na abarimaa no bɛhunu sɛdeɛ wɔpo bɔne na wɔyi papa no, na wɔagya ahemfo mmienu a mosuro wɔn yi asaase ato hɔ a obiara rentena so.+ 17 Yehowa de nna bi bɛba wo so, ne wo manfoɔ so, ne w’agya fie so. Ɛfiri berɛ a Efraim tee ne ho firii Yuda ho+ no, ebi mmaa saa da, ɛfiri sɛ Onyankopɔn de Asiria hene bɛba.+
18 “Na saa da no, Yehowa bɛbɔ hwerɛma afrɛ nwansena a wɔwɔ Egypt Nil asuasu* ano nohoa ne nwowa a wɔwɔ Asiria asaase so no. 19 Wɔn nyinaa bɛba abɛsisi nsubɔn a emu dɔ ne abotan mu ntokuro mu ne nkasɛɛ so ne mmeaeɛ a nsuo wɔ nyinaa.
20 “Saa da no, Yehowa de yiwan a wɔabɔ no paa afiri Asubɔnten no* ho, kyerɛ sɛ Asiria hene,+ bɛyi etire ne nan ho nwi, na ɔde awerɛ abodwesɛ nso.
21 “Ɛda no, onipa bɛkora nantwie ba baako ne nnwan mmienu so. 22 Na nufosuo a ɛbɛbu so nti, ɔbɛdi bɔta, ɛfiri sɛ obiara a waka asaase no so bɛdi bɔta ne ɛwoɔ.
23 “Saa da no, baabi a na bobe 1,000 a ne boɔ yɛ nnwetɛbena 1,000 wɔ no, ɛhɔ bɛdane nkasɛɛ ne nwura nko ara. 24 Nnipa de bɛmma ne agyan bɛkɔ hɔ, ɛfiri sɛ asaase no nyinaa bɛdane nkasɛɛ ne nwura. 25 Na mmepɔ a kane no na wɔde asɔ dɔ so nyinaa no, worenkɔ hɔ bio, nkasɛɛ ne nwura nti; na ɛhɔ bɛdane anantwie adidibea, na nnwan adi hɔ aforosiane.”
8 Yehowa ka kyerɛɛ me sɛ: “Fa twerɛpono+ kɛseɛ na fa twerɛdua* twerɛ so sɛ, ‘Maha-salal-has-bas.’* 2 Mepɛ sɛ adansefoɔ anokwafoɔ, ɔsɔfoɔ Uria+ ne Yeberekia ba Sakaria, twerɛ di ho adanseɛ.”
3 Afei me ne odiyifoɔbaa* no dae,* na ɔnyinsɛnee, na ɔwoo ɔbabarima.+ Na Yehowa ka kyerɛɛ me sɛ: “To ne din Maha-salal-has-bas, 4 na ansa na abɔfra no bɛtumi aka ‘Me papa!’ ne ‘Me maame!’ no, na wɔasoa Damasko ahodeɛ ne nneɛma a Samaria nyaa wɔ ɛko mu kɔ Asiria hene anim.”+
5 Yehowa san ka kyerɛɛ me sɛ:
6 “Ɛsiane sɛ nkurɔfoɔ yi apo Siloa nsuo a ɛtene bɔkɔɔ,+
Na wɔdi Resin ne Remalia ba ho ahurisie+ nti,
7 Hwɛ! Yehowa bɛma
Asubɔnten no* mu nsuo a ano yɛ den na ɛdɔɔso no aba wɔn so,
Asiria hene+ ne n’animuonyam nyinaa.
Na wayiri afa mu akɔduru ne kɔn mu pɛɛ;+
Ne ntaban a watrɛ mu no bɛduru w’asaase ano nyinaa,
9 Aman, monyɛ wɔn bɔne, na wɔbɛbubu mo asinasini.
Montie, mo a mote asaase so akyirikyiri nyinaa!
Monsiesie mo ho nkɔko,* na wɔbɛbubu mo asinasini!+
Monsiesie mo ho nkɔko, na wɔbɛbubu mo asinasini!
10 Ɛpɔ biara a mopɛ no, mommɔ, nanso ɛrenyɛ yie!
11 Wei ne asɛm a Yehowa de ne nsa denden no too me so ka kyerɛɛ me de bɔɔ me kɔkɔ sɛ, menhwɛ yie na mannante ɔman yi kwan so:
12 “Deɛ nkurɔfoɔ yi frɛ no atirisopam* no, mommfrɛ no atirisopam!
Deɛ wɔsuro no, monnsuro,
Na mommma no mmmɔ mo hu.
14 Ɔbɛyɛ tenabea kronkron,
Nanso ɔbɛyɛ suntiboɔ
Ne watiri boɔ+
Ama Israel afie mmienu no,
Na wayɛ fidie ne asau
Ama wɔn a wɔte Yerusalem.
15 Wɔn mu pii bɛwatiri ahwe ase na wɔabubu;
Wɔbɛtɔ fidie mu ama ayi wɔn.
17 Yehowa a ɔde n’anim ahinta Yakob fie+ no, mɛtwɛn no,*+ na mede m’ani bɛto ne so.
18 Hwɛ! Me ne mmɔfra a Yehowa de wɔn ama me no,+ Asafo Yehowa a ɔte Sion Bepɔ so no de yɛn ayɛ nsɛnkyerɛnne+ ne anwanwadeɛ wɔ Israel.
19 Na sɛ wɔka kyerɛ mo sɛ: “Monkɔ akɔmfoɔ anaa asumanfoɔ a wɔkasa wɔn menem te sɛ nnomaa na wɔbesebese wɔn ano no hɔ abisa a,” ɛnyɛ ɔman no Nyankopɔn hɔ mmom na ɛsɛ sɛ ɔman no bisa? Awufoɔ nkyɛn na ɛsɛ sɛ wɔkɔ abisa ma ateasefoɔ?+ 20 Mmara no ne adanseɛ a wɔatwerɛ no mmom na ɛsɛ sɛ wɔhwehwɛ!
Sɛ wɔanka no sɛdeɛ asɛm yi teɛ a, wɔnni hann.*+ 21 Na obiara de ahoyera ne ɛkɔm na ɛbɛnante asaase no so;+ na ɛkɔm ne abufuo nti, ɔbɛma n’ani so ahwɛ soro adome ne hene ne ne Nyankopɔn. 22 Afei ɔbɛhwɛ asaase so, na ɔbɛhunu ɔhaw ne sum ne abɛbrɛsɛ ne kusuuyɛ nko ara, na hann nni baabiara.
9 Nanso, esum no renyɛ sɛ berɛ a na ahoyera wɔ asaase no so no, te sɛ kane a wɔbuu Sebulon asaase ne Naftali asaase animtia+ no. Nso akyire yi, Onyankopɔn bɛhyɛ no animuonyam, kyerɛ sɛ, ɛpo kwan a ɛda Yordan mpɔtamu, amanaman Galilea no.
2 Nnipa a na wɔnam sum mu no
Ahunu hann kɛseɛ bi.
Na wɔn a wɔte sum kabii asaase so no,
Hann apue wɔn so.+
3 Woama ɔman no mu nnipa adɔɔso pii;
Na woama wɔn anigyeɛ ayɛ kɛse.
Wɔn ani gye w’anim
Sɛdeɛ nnipa ani gye twaberɛ mu no,
Te sɛ wɔn a wɔde ahurisie kyɛ nneɛma a wɔanya wɔ ɛko mu.
4 Ɛfiri sɛ wɔn kɔndua a wɔde soa adeɛ,
Abaa a ɛda wɔn mmati, ne poma a wɔde ka wɔn kɔ adwuma no, woabubu mu pasapasa,
Te sɛ Midian da no.+
Edin a wɔde bɛfrɛ no ne Ɔfotufoɔ Nwanwafoɔ,+ Onyame Tumfoɔ,+ Daa Agya, Asomdwoeɛ Hene.
Na asomdwoeɛ a ɛnni awieeɛ bɛba+
Dawid ahennwa+ so ne n’ahennie so,
Na ɔde atɛntenenee+ ne tenenee+
Bɛtaa n’ahennie akyi ama no atim+
Afiri nnɛ akɔsi daa.
Asafo Yehowa ahokeka nti na ɔbɛyɛ wei.
Wɔatwitwa sikamɔɔ nnua agu,
Nanso yɛde sida nnua bɛsi ananmu.”
11 Yehowa bɛma Resin atamfo so atia no
Na wakanyan wɔn a wɔkyiri no ama wɔakeka wɔn ho,
12 Siria bɛfiri apueeɛ na Filistifoɔ afiri atɔeɛ,*+
Na wɔbɛbae wɔn anom amene Israel.+
Deɛ akɔ so nyinaa nti, ɔntwee n’abufuo nsaneeɛ,
Mmom, watene ne nsa, na ɔda so ara rekunkum.+
16 Ɔman yi akwankyerɛfoɔ ma wɔfom,
Na wɔn a saa nkurɔfoɔ yi kyerɛ wɔn kwan no de wɔn tiri pempem.
17 Ɛno nti na Yehowa ani rennye wɔn mmeranteɛ ho no;
Na wɔn nnyanka ne wɔn akunafoɔ nso, ɔrenhu wɔn mmɔbɔ,
Ɛfiri sɛ wɔn nyinaa yɛ awaefoɔ ne nnebɔneyɛfoɔ,+
Na obiara ano ka agyimisɛm.
Deɛ akɔ so nyinaa nti, ɔntwee n’abufuo nsaneeɛ,
Mmom, watene ne nsa, na ɔda so ara rekunkum.+
18 Ɛfiri sɛ atirimuɔdensɛm dɛre te sɛ egya,
Ɛhye nkasɛɛ ne nwura.
Ɛde gya bɛto kwaeɛ mu adɔtɔ mu,
Ama afiri wisie kumɔnn akɔ soro.
Obiara renkora ne nua mpo so.
Obiara bɛwe ɔno ankasa nsa ho nam,
21 Manase bɛwe Efraim,
Na Efraim awe Manase.
Wɔn nyinaa bɛsɔre atia Yuda.+
Deɛ akɔ so nyinaa nti, ɔntwee n’abufuo nsaneeɛ,
Mmom, watene ne nsa, na ɔda so ara rekunkum.+
10 Wɔnnue! wɔn a wɔhyehyɛ mmara bɔne,+
Wɔn a daa wɔtwerɛ ahyɛdeɛ a emu yɛ den,
2 Sɛdeɛ ɛbɛyɛ a ohiani rennya obiara nni n’asɛm mma no,
Na me man mu abrɛfoɔ nnya atɛntenenee.+
Wɔde akunafoɔ ayɛ sɛ nneɛma a wɔanya wɔ ɛko mu,
Na wɔde nnyanka ayɛ sɛ nneɛma a wɔafom afa!+
4 Deɛ ɛbɛba ara ne sɛ wɔbɛkotokoto nneduafoɔ mu,
Anaa wɔbɛhwehwe awufoɔ mu.
Deɛ akɔ so nyinaa nti, ɔntwee n’abufuo nsaneeɛ,
Mmom, watene ne nsa, na ɔda so ara rekunkum.+
6 Mɛsoma no akɔ ɔman a wate atua atia Onyankopɔn so,+
Na masoma no akɔ nnipa a wɔahyɛ me abufuo no so;
Mɛhyɛ no sɛ ɔnsesa wɔn nneɛma pii na ɔmfom wɔn nneɛma bebree,
Na ɔntiatia wɔn so sɛ abɔntenkwan so atɛkyɛ.+
7 Nanso ɔrente nka saa,
Na ɛremma n’akomam saa;
Ɛfiri sɛ ɛwɔ n’akomam sɛ ɔbɛtɔre aman pii ase,
Na watwitwa wɔn agu; ɛrenyɛ kakraa bi.
9 Kalno+ nte sɛ Karkemis+ anaa?
12 “Na sɛ Yehowa wie dwuma a ɔbɛdi wɔ Sion Bepɔ so ne Yerusalem nyinaa a, Ɔbɛtwe* Asiria hene aso ɛsiane n’akoma a apirim ne n’ani a atra n’ani ntɔn no nti.+ 13 Ɛfiri sɛ ɔka sɛ,
‘Mede me nsam tumi
Ne me nyansa bɛyɛ adeɛ, ɛfiri sɛ mewɔ nyansa.
14 Sɛdeɛ obi de ne nsa wura pirebuo mu no,
Mɛtene me nsa agye aman no agyapadeɛ;
Na sɛdeɛ obi tase nkosua a wɔagya no,
Saa ara na mɛboaboa asaase nyinaa ano!
Obiara remmɔ ne ntaban mu, ɔremmue n’ano, na ɔrensu.’”*
15 Akuma bɛma ne ho so wɔ deɛ ɔde no rebu nnua no so?
Sradaa bɛma ne ho so asene deɛ ɔde no retwa adeɛ no?
Poma+ bɛtumi ahim deɛ ɔma ne so no?
Anaa abaa bɛtumi ama deɛ wɔamfa dua anyɛ no no so?
16 Enti asafo Yehowa, nokorɛ Awurade no
Bɛma n’akɛsefoɔ afonfɔn,+
Na wasɔ gya ama adɛre wɔ n’animuonyam ase.+
Na ne Kronkronni ayɛ gyaframa;
Ɛbɛdɛre na ahye ne nwura ne ne nkasɛɛ nyinaa da koro.
19 Ne kwaeɛ mu nnua a aka no,
Ɛbɛyɛ kakraa bi, na abɔfra mpo bɛtumi akan atwerɛ ne dodoɔ.
20 Saa da no, Israel nkaefoɔ
Ne Yakob fiefoɔ a wɔnyaa wɔn tiri didii mu
Remfa wɔn ho ntwere deɛ ɔhwee wɔn no bio;+
Mmom wɔde wɔn ho bɛtwere Yehowa,
Israel Kronkronni no, wɔ nokorɛdie mu.
24 Enti deɛ Awurade Tumfoɔ, asafo Yehowa, aka nie: “Me man a mote Sion, monnsuro, Asiriani a ɔde abaa hwee mo+ na ɔde ne poma baa mo so sɛdeɛ Egypt yɛeɛ no+ nti. 25 Ɛrenkyɛ koraa, abufuhyeɛ no to bɛtwa; m’abufuo bɛsɛe wɔn.+ 26 Asafo Yehowa bɛhim abaa* wɔ ne so+ sɛdeɛ ɔtwi faa Midian so wɔ Oreb botan ho no.+ Na ɔde ne poma bɛkyerɛ po so, na wama so sɛdeɛ ɔyɛɛ Egypt no.+
27 Saa da no, Asiriani no adesoa bɛfiri w’abati so,+
Na ne kɔndua afiri wo kɔn ho,+
Na ngo no nti, kɔndua no bɛsɛe.”+
30 O Galim babaa, su na teateam!
Laisa, yɛ aso tie!
O Anatot,+ w’asɛm yɛ mmɔbɔ!
31 Madmena adwane.
Gebimfoɔ akɔpɛ baabi atɛ.
32 Ɛnnɛ da yi ara, ɔbɛgyina Nob.+
Ɔwoso ne nsa kyerɛ Sion babaa bepɔ,
Yerusalem kokoɔ no.
33 Hwɛ! Asafo Yehowa, nokorɛ Awurade no,
Retwitwa nnua mman* ama ɛrehwehwe fam birimbirim;+
Ɔretwitwa nnua atenten no gu,
Na deɛ ɛkorɔn no, ɔbrɛ no ase.
2 Na Yehowa honhom bɛtena ne so,+
Nyansa+ ne nteaseɛ honhom,
Afotuo ne tumi honhom,+
Nimdeɛ ne Yehowa suro honhom.
3 Na Yehowa suro bɛyɛ no anigye.+
Ɛnyɛ deɛ n’ani hunu na ɔbɛgyina so abu atɛn,
Na ɛnyɛ deɛ n’aso te kɛkɛ na ɔbɛgyina so anya obi kasakyerɛ.+
6 Pataku ne odwan ba bɛtena,*+
Na ɔsebɔ ne apɔnkye ba ada faako,
Na nantwie ba ne gyata* ne aboa a wadɔre sradeɛ bɛbom atena faako;*+
Na abarimaa ketewa aka wɔn.
7 Nantwibedeɛ ne sisire bɛbom adidi,
Na wɔn mma ada faako.
Gyata bɛwe wura sɛ nantwinini.+
8 Abɔfra a ɔtua nufoɔ ano bɛgoro prammire amena ano,
Na abɔfra a watwa nufoɔ de ne nsa aka ahuritia* bɔn.
Na wɔrensɛe adeɛ bio wɔ me bepɔ kronkron no nyinaa so,+
Ɛfiri sɛ Yehowa ho nimdeɛ bɛyɛ asaase so ma
Sɛdeɛ nsuo kata po so no.+
10 Saa da no, Yese nhini+ bɛsɔre agyina sɛ ahyɛnsodeɛ* ama aman no.+
11 Saa da no, Yehowa bɛsan atene ne nsa, ne mprenu so, de agye ne man nkaefoɔ afiri Asiria,+ Egypt,+ Patros,+ Kus,+ Elam,+ Sinar,* Hamat, ne po so nsupɔ+ so. 12 Ɔbɛma ahyɛnsodeɛ* bi so ama aman no na waboaboa Israelfoɔ a wɔahwete no ano,+ na ɔbɛboaboa Yudafoɔ a wɔahwete no ano afiri asaase afanan nyinaa.+
Efraim ani remmere Yuda,
Na Yuda nso rentan Efraim.+
16 Na kwantempɔn+ bi bɛfiri Asiria abɛda hɔ ama ne man nkaefoɔ a wɔaka no,+
Sɛdeɛ ebi bɛdaa hɔ maa Israel ɛda a ɔfirii Egypt asaase so no.
12 Ɛda no, wobɛka sɛ:
“O Yehowa, meda wo ase,
Ɛfiri sɛ wo bo fuu me deɛ,
Nanso nkakrankakra w’abufuo ano dwoe, na wokyekyee me werɛ.+
2 Hwɛ! Onyankopɔn ne me nkwagyeɛ.+
4 Na saa da no, mobɛka sɛ:
“Monna Yehowa ase, mommɔ ne din,
Monka ne nnwuma nkyerɛ amanaman!+
Mompae mu nka sɛ ne din korɔn.+
5 Monto dwom* nyi Yehowa ayɛ,+ ɛfiri sɛ wayɛ nneɛma akɛseɛ.+
Momma wɔnka wei ho asɛm asaase nyinaa so.
13 Babilon ho atemmusɛm+ a Amus ba Yesaia+ nyaa ho anisoadehunu nie:
2 “Momma ahyɛnsodeɛ* bi so+ mfa nsi bepɔ petee so.
Momma mo nne so mfrɛ wɔn, monto mo nsa mfrɛ wɔn,
Na wɔmmra atitire pono ano.
3 Mede ahyɛdeɛ ama wɔn a mayi wɔn no.*+
Mafrɛ me mmarima a wɔnim ko sɛ wɔnna m’abufuo adi,
Me nkurɔfoɔ a wɔde ahantan di ahurisie no.
4 Montie! Nnipadɔm bi wɔ mmepɔ so;
Wɔyɛ gyegyeegye te sɛ nnipa bebree!
Montie! Ahennie ahodoɔ hooyɛ,
Aman a wɔaboaboa wɔn ano+ dede!
Asafo Yehowa reboaboa asraafoɔdɔm ano ama ɛko.+
5 Wɔfiri akyirikyiri asaase so reba,+
Ɔsoro ano tɔnn,
Yehowa ne n’abufuhyeɛ akodeɛ,
Sɛ wɔrebɛsɛe asaase nyinaa.+
6 Monsu nteateam, na Yehowa da no abɛn!
Ɛbɛba sɛ ɔsɛeɛ a ɛfiri adeɛ nyinaa so Tumfoɔ no hɔ.+
8 Nkurɔfoɔ no adwene atu afra.+
Wɔasensene, na wɔte yea,
Te sɛ ɔbaa a awoɔ aka no.
Obiara de ehu hwɛ ne yɔnko anim,
Na wɔn anim ayeyɛ bosabosaa.
9 Hwɛ! Yehowa da no reba,
Ɛbɛyɛ aniberɛ ne abufuhyeɛ da; wɔrenhu obiara mmɔbɔ,
Ɛbɛma asaase no adane adeɛ a ɛyɛ hu,+
Na ama asaase no so abɔnefoɔ ase ahye.
10 Ɛfiri sɛ ɔsoro nsoromma ne wɔn nsorommakuo*+
Renhyerɛn;
Awia bɛduru sum berɛ a ɛrepue no ara,
Na bosome renhyerɛn.
Mɛma ahantanfoɔ agyae wɔn dwɛɛ,
Na mabrɛ atirimuɔdenfoɔ ahomasoɔ ase.+
13 Ɛno nti na mɛma ɔsoro awoso,
Na asaase ahinhim afiri ne siberɛ,+
Asafo Yehowa abufuo nti, n’abufuhyeɛ da no.
14 Obiara bɛdane ne ho akɔ ne nkurɔfoɔ nkyɛn;
Obiara bɛdwane akɔ n’asaase so,+
Te sɛ ɔtwe a wɔrepɛ no akye no, anaa nnwan a obiara mmoaboa wɔn ano.
19 Na Babilon, ahennie nyinaa mu nimuonyamfoɔ,*+
Afɛfɛdeɛ a Kaldeafoɔ de kyerɛ wɔn ho no,+
Ɛbɛyɛ te sɛ Sodom ne Gomora berɛ a Onyankopɔn kaa wɔn butuiɛ no.+
Arabni biara rensi ne ntomadan wɔ hɔ,
Na nnwanhwɛfoɔ biara remma wɔn nnwan nhome wɔ hɔ.
21 Serɛ so mmoa bɛda hɔ;
Mpatuo bɛhyɛ wɔn afie mu ma.
22 Mmoa a wɔsu te sɛ kraman bɛsu wɔ n’aban mu,
Na sakraman bɛsu wɔ n’ahemfie fɛfɛɛfɛ mu.
Ne berɛ abɛn, na wɔremfa nna no bi nka ho mma no.”+
14 Na Yehowa bɛhu Yakob mmɔbɔ,+ na ɔbɛsan ayi Israel.+ Ɔde wɔn bɛtena* wɔn asaase so,+ na ahɔhoɔ de wɔn ho bɛbɔ wɔn na wɔde wɔn ho afam Yakob fie ho.+ 2 Na nkurɔfoɔ bɛfa wɔn na wɔde wɔn aba wɔn asaase so, na Israel fie de wɔn bɛyɛ agyapadeɛ na wɔayɛ nkoa ne mfenaa+ wɔ Yehowa asaase so. Na wɔn a wɔkyee wɔn kɔeɛ no, wɔn nso bɛkye wɔn bi, na wɔn a wɔhyɛɛ wɔn maa wɔyɛɛ adwuma no bɛba abɛhyɛ wɔn ase.
3 Ɛda a Yehowa bɛma woahome afiri wo yea ne w’abɛbrɛsɛ ne wo nkoasom mu brɛ mu no,+ 4 wobɛbu Babilon hene bɛ* sɛ:
“Ei! Deɛ ɔhyɛ nkurɔfoɔ ma wɔyɛ adwuma no na n’awieeɛ aba yi!
Nhyɛsoɔ na ɛtoɔ atwa yi!+
5 Yehowa abubu abɔnefoɔ abaa,
Ne atumfoɔ poma,+
6 Deɛ ɔde abufuhyeɛ bobɔ aman a ɔnnyae,+
Deɛ ɔtan amanaman ani a ɔnnyae, na ɔde abufuo hyɛ wɔn so no.+
7 Asaase nyinaa so adwo; ɔhaw biara nni so.
Nkurɔfoɔ de anigyeɛ bɔ ose.+
8 Deɛ ato wo no ama papao nnua
Ne Lebanon sida nnua mpo ani agye.
Wɔka sɛ, ‘Ɛfiri berɛ a wohwee ase yi,
Obi a ɔbu nnua biara mmaa yɛn so.’
Wo nti, wanyane awufoɔ a wɔntumi nyɛ hwee no,
Asaase so atumfoɔ a wɔn tirim yɛ den* nyinaa.
Wama amanaman no ahemfo nyinaa asɔre afiri wɔn nhennwa so.
10 Wɔn nyinaa ka kyerɛ wo sɛ,
‘Wo nso woadwodwo te sɛ yɛn anaa?
Woayɛ sɛ yɛn anaa?
Mmoaa manyamanya abɛyɛ mpa a woda so,
Na nsonsono abɛyɛ ntoma a ɛkata wo ho.’
12 Hwɛ sɛdeɛ wofiri soro abɛhwe fam,
O wo a wohyerɛn, adekyeeɛ ba!
Hwɛ sɛdeɛ wɔatwa wo abɛhwe asaase so,
Wo a wobrɛɛ aman ase!+
13 Wokaa no wɔ w’akomam sɛ: ‘Mɛforo akɔ soro.+
Mɛma m’ahennwa so asi Onyankopɔn nsoromma atifi,+
Na mɛtena nhyiamu bepɔ no so,
Wɔ atifi fam akyirikyiri.+
14 Mɛforo atra ɔsoro mununkum;
Mɛyɛ me ho sɛ Ɔsorosoroni no.’
16 Wɔn a wɔbɛhu wo no bɛhwɛ wo hãã;
Wɔbɛgyene wɔn ani ahwɛ wo aka sɛ:
‘Ɛnyɛ ɔbarima a na ɔma asaase woso,
Na ɔmaa ahennie ahodoɔ hinhimiiɛ no nie?+
17 Ɛnyɛ ɔno na ɔmaa asaase danee serɛ,
Na ɔkaa ɛso nkuro butuiɛ,+
Na wamma ne nneduafoɔ kwan ankɔ wɔn fie no?’+
19 Nanso wo deɛ, woannya adamena biara. Wɔato wo atwene
Te sɛ dua foforɔ* a wɔapoɔ,
Te sɛ obi a mmarima a wɔatotɔ sekan ano akata ne ho baabiara,
Te sɛ mmarima a wɔasiane kɔ amena a aboɔ wom mu,
Te sɛ efunu a wɔatiatia so.
Wɔremmɔ abɔnefoɔ asefoɔ din bio da.
21 Monsiesie baabi a mobɛkum ne mma,
Wɔn agyanom bɔne nti,
Na wɔansɔre amfa asaase no,
Na wɔankyekyere nkuro anhyɛ so ma.”
22 “Mɛsɔre aba wɔn so,”+ asafo Yehowa na aka.
“Edin oo, nkaefoɔ oo, mma oo, mmanana oo, mɛpepa ne nyinaa afiri Babilon,”+ Yehowana aka.
23 “Mede no bɛma akɔtɔkɔ, na ɛhɔ bɛdane asaase a nsuo taa so,* na mede ɔsɛeɛ praeɛ bɛpra no akɔ,”+ asafo Yehowa na aka.
24 Asafo Yehowa aka ntam sɛ:
“Deɛ masusu no, ɛno ara na ɛbɛba mu,
Na gyinaeɛ a masi no, ɛno ara na ɛbɛyɛ hɔ.
Wɔbɛyi ne kɔndua afiri wɔn so,
Na wɔayi ne nnesoa afiri wɔn mmati so.”+
Watene ne nsa,
Hwan na ɔbɛtumi akoa mu?+
28 Afe a Ɔhene Ahas wuiɛ no,+ wɔde asɛm yi too dwa:
29 “Filistia, mo mu biara nnni ahurisie,
Ɛsiane sɛ abaa a mo tamfo de hwee mo no mu abu nti.
30 Mmɔborɔwafoɔ mmakan bɛdidi,
Na ahiafoɔ ada ama wɔn asom adwo wɔn.
Nanso wo deɛ, mede ɛkɔm bɛku wo nhini,
Na wɔn a wɔbɛka wɔ wo mu no nso, wɔbɛkunkum wɔn.+
31 O ɛponkɛseɛ, su teateam! Kurokɛseɛ, team!
O Filistia, mo nyinaa mo akoma bɛtu!
Ɛfiri sɛ wisie bi firi atifi reba,
Na n’asraafoɔ no mu biara nni hɔ a ɔbɛka akyire.”
32 Asɛm bɛn na wɔde bɛbua nkurɔfoɔ a ɔman no asoma wɔn* no?
Wɔbɛbua wɔn sɛ, Yehowa ato Sion fapem,+
Na ne man mu mmɔborɔwafoɔ bɛhwehwɛ dwankɔbea wɔ ne mu.
Ɛsiane sɛ wɔasɛe no anadwo baako nti,
Moab-Ar+ ayɛ komm.
Ɛsiane sɛ wɔasɛe no anadwo baako nti,
Moab-Kir+ ayɛ komm.
Nebo+ ne Medeba+ nti, Moab resu teateam.
Obiara abɔ tikwa,+ obiara ayi n’abɔdwesɛ.+
3 Wɔfirafira awerɛhoɔ ntoma* wɔ ne mmɔnten so.
Wɔn nyinaa resu teateam wɔ wɔn adan atifi ne wɔn mmɔnten so;
Wɔresiane nyinaa, na wɔresu.+
Ɛno nti na Moab asraafoɔ teateam.
Ne ho* rewoso biribiribiri.
5 Moab nti, m’akoma resu.
N’adwanefoɔ akɔ ara akɔduru Soar+ ne Eglat-Selisiya.+
Wɔreforo Luhit kokoɔ nyinaa, na wɔresu;
Wɔnam kwan so rekɔ Horonaim nyinaa, na wɔresu teateam wɔ ɔsɛeɛ no ho.+
7 Ɛno nti na wɔsoso wɔn ahodeɛ ne ne nneɛma a aka wɔ wɔn adekoradan mu rekɔ no;
Wɔretwa subɔn a nsuano nnua wom no.
8 Agyaadwoɔ no gyegye Moab asaase so baabiara.+
Esũ ne nteateamu no aduru Eglaim;
Esũ ne nteateamu no aduru Beer-Elim.
9 Dimon nsuo nyinaa adane mogya,
Nanso deɛ mede reba Dimon so no sene ɛno koraa:
Mede gyata bɛba Moabfoɔ a wɔredwane
Ne wɔn a wɔaka wɔ asaase no soɔ no so.+
16 Momfa dwennini nkɔma asaase no so hene,
Momfa no mfiri Sela mfa serɛ so,
Na momfa no nkɔ Sion babaa bepɔ no so.
2 Deɛ ɛbɛto Moab mma mmaa wɔ baabi a wɔfa twa Arnon nsuo+ no,
Ɛbɛyɛ sɛ anomaa a wɔapamo no afiri ne pirebuo mu.+
3 “Momfa akwankyerɛ mma, momfa gyinaeɛsie no nyɛ adwuma.
Ɛduru awia ketee a, ma wo nwunu nyɛ sɛ anadwo.
Wɔn a wɔahwete no, fa wɔn sie; na wɔn a wɔredwane no, nyi wɔn mma.
4 O Moab, ma me nkurɔfoɔ a wɔahwete no ntena wo mu.
Ɔsɛefoɔ no+ nti, fa wo ho yɛ hintabea ma wɔn.
Deɛ ɔhyɛ wɔn so no awieeɛ bɛba,
Ɔsɛeɛ no to bɛtwa,
Na wɔn a wɔtiatia afoforɔ so no bɛsɛe afiri asaase so.
5 Afei wɔde ahennwa bi bɛtim hɔ ɔdɔ* so.
Deɛ ɔbɛtena so wɔ Dawid ntomadan mu no bɛyɛ ɔnokwafoɔ;+
Ɔbɛbu atɛntenenee, na ɔbɛyɛ adetenenee ntɛm.”+
6 Yɛate Moab ahomasoɔ no, sɛ ɔyɛ dwɛɛ papaapa.+
Yɛate n’ahantan ne n’ahokyerɛ ne n’abufuo no;+
Nanso n’anomdwa bɛyɛ kwa.
Wɔn a wɔn ho yera wɔn no bɛdi abooboo, Kir-Hareset+ bobe keeki nti.
8 Ɛfiri sɛ Hesbon+ mfuo ahye,*
Sibma+ bobe no,
Aman no atumfoɔ atiatia ne mman a aso bobe pa dɔsɔɔ no so;
Ɛkɔe ara kɔduruu Yaser;+
Ɛkɔduruu serɛ so.
Ne mman trɛtrɛe, na ɛkɔe ara kɔduruu po mu.
9 Wei nti na mɛsu Sibma bobe sɛdeɛ mesu Yaser no.
Mede me nisuo bɛfɔ wo, Hesbon ne Eleale,+
Ɛfiri sɛ sɛdeɛ wɔteateam gu w’ahuhuro berɛ mu aba ne wo twaberɛ so no, aba awieeɛ.*
11 Wei nti na me nsono mu woso wɔ Moab ho+
Te sɛ sankuo ahoma a ɛrewoso,
Na me yam hyehye me wɔ Kir-Hareset ho no.+
12 Sɛ Moab brɛ ne ho som wɔ sorɔnsorɔmmea,* na ɔkɔ ne tenabea kronkron kɔbɔ mpaeɛ mpo a, ɛrenkɔsi hwee.+
13 Wei ne asɛm a Yehowa dii kan ka faa Moab ho. 14 Na seesei, deɛ Yehowa reka nie: “Akyɛ koraa mfeɛ mmiɛnsa, te sɛ ɔpaani mfeɛ,* Moab animuonyam bɛbutu na aporɔ atete koraa, na nnipa a wɔbɛka no bɛyɛ kakraa bi, wɔrenyɛ den.”+
3 Nkuro a wɔabɔ ho ban bɛyera afiri Efraim,+
Na ahennie ayera afiri Damasko;+
Na Siriafoɔ a wɔaka no
Bɛyɛ sɛ Israelfoɔ* animuonyam,” asafo Yehowa na aka.
6 Aseɛ kakraa bi na ɛbɛka,
Te sɛ berɛ a wɔwoso ngodua:
Ngodua aba a abere mmienu anaa mmiɛnsa pɛ na ɛbɛka wɔ dua no nkɔnmu,
Na nnan anaa nnum pɛ na ɛbɛka wɔ ne mman so,”+ Israel Nyankopɔn Yehowa na aka.
7 Saa da no, onipa bɛma n’ani so ahwɛ ne Yɛfoɔ na ɔbɛgyene n’ani ahwɛ Israel Kronkronni no. 8 Ɔrenhwɛ afɔrebukyia+ a ɛyɛ ne nsa ano adwuma+ no; na ɔrennyene n’ani nhwɛ deɛ ɔde ne nsateaa ayɛ, abosonnua* anaa adeɛ a wɔde hye aduhwam.
9 Saa da no, ne nkuro a ɛyɛ den bɛyɛ sɛ beaeɛ a aka kwaeɛ mu,+
Te sɛ nkorabata a wɔgyaa no wɔ Israelfoɔ anim;
Ɛbɛdane amamfo.
Ɛno nti na wodua nnua fɛfɛɛfɛ
Na wotɛ ɔnanani dua* wɔ hɔ no.
11 Woto wo bo ase gye wo nnua ho ban awia,
Woma w’aba fifi anɔpa,
Nanso da a yareɛ ne yea a ɛrennyae da bɛba no, ɛso aba bɛtu ayera.+
12 Tie! Aman yɛ gyegyeegye,
Wɔbu fa so te sɛ po a ɛrehuru kutukutu!
Aman yɛ dede,
Wɔn dede te sɛ nsuo kɛseɛ a ɛreworo so!
13 Aman no bɛyɛ dede te sɛ nsuo bebree a ɛreworo so.
Ɔbɛka wɔn anim, na wɔbɛdwane akɔ akyirikyiri,
Wɔbɛti wɔn te sɛ bepɔ so ntɛtɛ a mframa de rekɔ,
Te sɛ nwura* a ahum ama ɛredi kyinhyia.
14 Ɛduru anwummerɛ a, akomatuo.
Ansa na adeɛ bɛkye no, na wɔnni hɔ.
Wei ne wɔn a wɔfom yɛn nneɛma no kyɛfa,
Ne wɔn a wɔgye yɛn ho nneɛma no kyɛfa.
“Monkɔ, asomafoɔ* a mo ho yɛ hare,
Monkɔ ɔman a emufoɔ yɛ atenten na wɔn ho yɛ tromtrom no nkyɛn,
Monkɔ nnipa a wɔsuro wɔn wɔ baabiara no nkyɛn,+
Monkɔ ɔman a wɔn ho yɛ den na wɔredi nkonim* no nkyɛn,
Ɔman a nsubɔnten ahohoro wɔn asaase no.”
3 Mo a mote wiase ne mo a mote asaase so nyinaa,
Deɛ mobɛhunu no bɛyɛ sɛ ahyɛnsodeɛ* a wɔde asi mmepɔ so,
Na mobɛte nne bi te sɛ deɛ wɔrebɔ abɛn.
4 Deɛ Yehowa aka akyerɛ me nie:
“Mɛyɛ komm na mahwɛ m’atenaeɛ,*
Te sɛ awia ketee ne emu ahuhuro,
Te sɛ bosuo mununkum wɔ twaberɛ mu ahuhuro mu.
5 Ansa na twaberɛ bɛduru no,
Sɛ nhyerɛnee gu wie na bobe no gyegye a,
Wɔde kantankrankyi* bɛtwitwa deɛ afefɛ wɔ ho no,
Na wɔatwitwa ɛho nhoma ato agu.
6 Wɔbɛgya wɔn afunu nyinaa ama mpɛtɛ
Ne asaase so mmoa.
Mpɛtɛ bɛtena wɔn nam ho ahuhuro berɛ,
Na asaase so mmoa nyinaa atena ho twaberɛ.
7 Saa berɛ no, wɔde akyɛdeɛ bɛbrɛ asafo Yehowa.
Wɔde bɛfiri ɔman a emufoɔ yɛ atenten na wɔn ho yɛ tromtrom no nkyɛn,
Nnipa a wɔsuro wɔn wɔ baabiara no,
Ɔman a wɔn ho yɛ den na wɔredi nkonim no,*
Ɔman a nsubɔnten ahohoro wɔn asaase no.
Na wɔde bɛba baabi a asafo Yehowa din wɔ, Sion Bepɔ so.”+
Hwɛ! Yehowa te mununkum a ɛho yɛ hare so, na ɔreba Egypt.
Egypt anyamehunu no ho bɛpopo n’anim,+
Na Egypt akoma bɛnane wɔ ne mu.
2 “Mɛma Egyptni asɔre atia Egyptni,
Na wɔne wɔn ho ako,
Onua ne onua, yɔnkoɔ ne yɔnkoɔ,
Kuro ne kuro, ahennie ne ahennie.
4 Mede Egypt bɛhyɛ tirimuɔdenfoɔ bi nsa sɛ ne wura,
Na ɔhene a ne tirim yɛ den adi wɔn so,”+ asafo Yehowa, nokorɛ Awurade no, asɛm nie.
6 Nsubɔnten no bɛbɔn;
Nil a ɛwɔ Egypt no asuasu bɛwe ayɛ asaase kesee.
Demmire ne sibire bɛporɔ.+
Mframa bɛhu akɔ ama no ayera koraa.
8 Apofofoɔ werɛ bɛho,
Wɔn a wɔto nnaawa wɔ Nil mu bɛdi abooboo,
Na wɔn a wɔgu asau wɔ nsuo no mu no, wɔn dodoɔ so bɛte.
11 Soan+ mpanimfoɔ yɛ nkwaseafoɔ.
Farao afotufoɔ mu anyansafoɔ afotuo yɛ nsɛnhunu.+
Ɛbɛyɛ dɛn na moatumi aka akyerɛ Farao sɛ:
“Meyɛ anyansafoɔ aseni,
Meyɛ tete ahemfo aseni”?
12 Afei w’anyansafoɔ no wɔ he?+
Sɛ wɔnim gyinaeɛ a asafo Yehowa asi wɔ Egypt ho a, ma wɔnka nkyerɛ wo.
13 Soan mpanimfoɔ adi nkwaseasɛm;
Nof*+ mpanimfoɔ nso, wɔadaadaa wɔn;
Egypt mmusua mu atitire ama ɔman no afom kwan.
14 Yehowa ahwie ahoyera honhom agu Egypt so;+
Na wɔama Egypt de ne ti repempem wɔ deɛ ɔyɛ biara mu,
Te sɛ sabofoɔ a ɔretete hwe ne feɛ mu.
15 Na Egypt rennya adwuma biara nyɛ,
Etire oo, dua* oo, dua foforɔ oo, ɛserɛ tenten* oo, ɛrennya adwuma biara nyɛ.
16 Saa da no, Egypt bɛyɛ sɛ mmaa. Ehu bɛma wɔn ho apopo, asafo Yehowa nsa a ɛyɛ hu a ɔbɛma so atia wɔn no nti.+ 17 Na Yuda asaase no bɛma Egypt abɔ hu. Sɛ wɔte Yuda asaase din a, wɔbɛsuro ɛsiane gyinaeɛ a asafo Yehowa asi wɔ wɔn ho nti.+
18 Saa da no, Egypt nkuro nnum bɛka Kaanan kasa+ na wɔaka ntam sɛ wɔbɛdi asafo Yehowa nokorɛ. Wɔbɛfrɛ kuro baako sɛ Ɔsɛeɛ Kuro.
19 Ɛda no, wɔbɛsi afɔrebukyia ama Yehowa wɔ Egypt asaase no mfimfini, na wɔde edum bɛsi ne hyeɛ so ama Yehowa. 20 Na ɛbɛyɛ sɛnkyerɛnne ne adanseɛ ama asafo Yehowa wɔ Egypt asaase so; ɛfiri sɛ nhyɛsofoɔ no nti, wɔbɛsu afrɛ Yehowa na ɔbɛsoma ɔgyefoɔ kɛseɛ bi ama wabɛgye wɔn. 21 Yehowa bɛma Egyptfoɔ ahu no, na saa da no, Egyptfoɔ bɛhunu Yehowa. Na wɔbɛbɔ afɔreɛ de akyɛdeɛ aba, na wɔbɛhyɛ Yehowa bɔ na wɔadi so. 22 Yehowa bɛbɔ Egypt.+ Ɔbɛbɔ no na wasa no yareɛ. Wɔbɛsan aba Yehowa nkyɛn, na ɔbɛtie wɔn adesrɛ na wasa wɔn yareɛ.
23 Ɛda no, kwantempɔn+ bi bɛfiri Egypt akɔ Asiria. Afei Asiria bɛba Egypt na Egypt akɔ Asiria. Na Egypt ne Asiria bɛbom asom Onyankopɔn. 24 Saa da no, Israel bɛkɔ akɔka Egypt ne Asiria ho,*+ na ɛbɛyɛ nhyira wɔ asaase mfimfini, 25 ɛfiri sɛ asafo Yehowa ahyira wɔn aka sɛ: “Nhyira nka me man Egypt, ne me nsa ano adwuma Asiria, ne m’agyapadeɛ Israel.”+
20 Afe a Asiria hene Sargon somaa Tartan* kɔɔ Asdod+ no, ɔne Asdod koe, na ɔfaa kuro no.+ 2 Saa berɛ no, Yehowa nam Amus ba Yesaia+ so kaa sɛ: “Kɔ na kɔyi awerɛhoɔ ntoma* no firi w’asene, na worɔ wo nan ase mpaboa.” Ɔyɛɛ saa, na ɔde adagya nantee.* Ná ɔnhyɛ mpaboa.
3 Na Yehowa kaa sɛ: “Sɛdeɛ m’akoa Yesaia de adagya nantee mfeɛ mmiɛnsa a wanhyɛ mpaboa na ɔde yɛɛ sɛnkyerɛnne+ ne kɔkɔbɔ maa Egypt+ ne Etiopia+ no, 4 saa ara na Asiria hene de wɔn a wɔakye wɔn afiri Egypt,+ ne Etiopiafoɔ a wɔatu wɔn afiri wɔn man mu, mmeranteɛ ne nkɔkoraa nyinaa bɛkɔ wɔ adagya mu. Wɔrenhyɛ mpaboa, na wɔn to ho bɛgu hɔ, na Egypt bɛda adagya.* 5 Na wɔbɛbɔ hu na wɔn ani awu, Etiopia a wɔn ani da ne so ne Egypt a wɔde hoahoa wɔn ho no nti.* 6 Saa da no, nnipa a wɔte mpoano asaase yi so bɛka sɛ, ‘Monhwɛ deɛ ato wɔn a yɛde yɛn ani too wɔn so no, wɔn a yɛdwane kɔtoaa wɔn sɛ wɔnnye yɛn mfiri Asiria hene nsam no! Afei yɛbɛyɛ dɛn adwane?’”
21 Ɛpo serɛ* ho atemmusɛm nie:+
Ɛreba te sɛ ahum a ɛtu wɔ anaafoɔ;
Ɛfiri serɛ so, ɛfiri asaase a ɛso yɛ hu so.+
2 Wɔayi anisoadehunu bi a ɛyɛ hu akyerɛ me:
Nkontomponi redi nkontomposɛm,
Na ɔsɛefoɔ resɛe adeɛ.
O Elam, foro kɔ! O Media,+ kɔtwa ho hyia!
Mɛma apinisie a ɔde aba nyinaa to atwa.+
3 Wei nti me ho tutu me paa.*+
Mete yea
Te sɛ ɔbaa a ɔrewo.
Me ho yera me, enti mente asɛm;
M’adwene atu afra, enti menhunu hwee.
4 M’akoma bɔ paripari; ehu ama mebɔ birimbirim.
Anwummerɛ hann a m’ani gye ho no adane me ahopopoɔ.
5 Momfa apono nsisi hɔ na monhyehyɛ nkonnwa!
Monnidi na monnom!+
Adehyeɛ, monsɔre, monsra* ɛkyɛm no!
6 Na deɛ Yehowa ka kyerɛɛ me nie:
“Kɔ, fa ɔwɛmfoɔ kɔgyina baabi ma ɔnwɛn na ɔnka deɛ ɔbɛhunu.”
7 Na ɔhuu ɛko teaseɛnam a apɔnkɔ mmienu retwe,
Ɛko teaseɛnam a mfunumu retwe,
Ɛko teaseɛnam a yoma retwe.
Ɔgyenee n’ani, na ɔhwɛɛ deɛ ɛrekɔ so no dinn.
8 Na ɔteaam te sɛ gyata sɛ:
9 Hwɛ deɛ ɛreba:
Nnipa a wɔtete ɛko teaseɛnam mu a apɔnkɔ mmienu retwe!”+
Ɛnna ɔteaam kaa sɛ:
“Wahwe ase! Babilon ahwe ase!+
Wabubu n’anyame ahoni nyinaa agu fam!”+
10 O me nkurɔfoɔ a wɔaporo wɔn sɛ hwiit,
Deɛ menya firii m’ayuporobea,*+
Deɛ mate afiri asafo Yehowa, Israel Nyankopɔn, nkyɛn no, maka akyerɛ mo.
Obi firi Seir+ reteam bisa me sɛ:
“Ɔwɛmfoɔ, da bɛn na adeɛ bɛkye?
Ɔwɛmfoɔ, da bɛn na adeɛ bɛkye?”
12 Ɔwɛmfoɔ no buaa sɛ:
“Adeɛ rebɛkye, na adeɛ nso bɛsa.
Sɛ mobɛbisa a, mommisa.
Monsan mmra!”
13 Asaase pradadaa ho atemmusɛm nie:
15 Ɛfiri sɛ wɔadwane afiri sekan anim, sekan a wɔatwe anim,
Wɔadwane afiri agyan a wɔakuntunu mu ne ɛko denden anim.
16 Na deɛ Yehowa aka akyerɛ me nie: “Akyɛ koraa ne afe, te sɛ ɔpaani mfeɛ,* Kedar+ animuonyam nyinaa bɛsa. 17 Na Kedar akatakyie mu agyantofoɔ kakraa bi na wɔbɛka, ɛfiri sɛ Israel Nyankopɔn Yehowa na aka.”
22 Anisoadehunu Bɔn*+ ho atemmusɛm nie:
Deɛn na ayɛ wo a wo nkurɔfoɔ nyinaa aforo kɔ ɛdan atifi yi?
2 Wo a na dede ayɛ wo ma,
Kuro a na wo mu ayɛ bagyabagya, ahurisie kuro.
Ɛnyɛ sekan ano na wo nkurɔfoɔ totɔeɛ,
Na ɛnyɛ ɛko mu na wɔwuwuiɛ.+
3 W’atumfoɔ atirimuɔdenfoɔ nyinaa abom adwane.+
Ɛnyɛ agyan na wɔde kyee wɔn sɛ nneduafoɔ.
Wɔn a wɔhuu wɔn nyinaa, wɔkyee wɔn sɛ nneduafoɔ,+
Ɛwom sɛ na wɔadwane kɔ akyirikyiri.
5 Ɛfiri sɛ ɛyɛ basabasayɛ, nkoguo, ne ahopopoɔ da+ a
Awurade Tumfoɔ, asafo Yehowa, de bɛba
Anisoadehunu Bɔn no mu.
Wɔbubu fasuo no,+
Na nnipa su ma ɛduru bepɔ so.
Ɔde nteaseɛnam a nnipa tete mu ne apɔnkɔ* reba,
7 Na w’asaasetraa* a ɛyɛ paa no,
Ɛko nteaseɛnam bɛhyɛ hɔ ma,
Na apɔnkɔ* bɛba abɛgyinagyina kuro no pono ano,
“Saa da no, wode w’ani bɛkyerɛ akodeɛ korabea a ɛwɔ Kwaeɛfie+ no, 9 na mobɛhunu sɛ Dawid Kuro no afasuo apaapae pii.+ Na mobɛsesa tadeɛ a ɛwɔ aseɛ no mu nsuo.+ 10 Mobɛkan adan a ɛwɔ Yerusalem. Na mobɛbubu adan no de ahyɛ fasuo no den. 11 Na mobɛyɛ ahina asi afasuo mmienu no ntam de akora tadeɛ dada no mu nsuo so. Nanso ne Yɛfoɔ Kɛseɛ no deɛ, morenhwehwɛ no, na Onii a ɔyɛɛ no tete no deɛ, morenhu no.
12 Saa da no, Awurade Tumfoɔ, asafo Yehowa,
Bɛfrɛ nnipa ama wɔasu na wɔadi awerɛhoɔ,+
Na wɔabɔ tikwa afira awerɛhoɔ ntoma.*
13 Nanso deɛ monim ara ne sɛ mobɛdi ahurisie agye mo ani,
Akunkum anantwie atwitwa nnwan mene,
Na moka sɛ, ‘Momma yɛnnidi na yɛnnom, na ɔkyena na yɛawu.’”+
14 Ɛnna asafo Yehowa yii me asotire sɛ: “‘Wɔrempata bɔne yi mma mo kɔsi sɛ mobɛwuo,’+ Awurade Tumfoɔ, asafo Yehowa, na aka.”
15 Deɛ Awurade Tumfoɔ, asafo Yehowa, aka nie: “Kɔ efiehwɛfoɔ yi, Sebna,+ a efie* no hyɛ ne nsa no nkyɛn, na ka kyerɛ no sɛ, 16 ‘Deɛn na worepɛ no wɔ ha, na wo ho nipa bɛn na ɔwɔ ha a woatwa ɛboda wɔ ha ama wo ho yi?’ Ɔretwa ne boda wɔ beaeɛ a ɛkorɔn; ɔreyɛ ne homebea* wɔ ɔbotan mu. 17 ‘Ɔbarima, hwɛ! Yehowa bɛto wo ahwe fam birim; ɔbɛyere wo dendeenden. 18 Ɔbɛmoa wo dendeenden ato wo atwene asaase tɛtrɛɛ so sɛ bɔɔl. Wobɛwu wɔ hɔ, na ɛhɔ na wo nteaseɛnam a ɛyɛ fɛ bɛka; ɛbɛyɛ animguaseɛ ama wo wura fie. 19 Mɛtu wo adeɛ so, na magye wo diberɛ afiri wo nsam.
20 “‘Saa da no, mɛfrɛ m’akoa Eliakim,+ Hilkia ba no. 21 Mede w’ataade tenten no bɛhyɛ no, na mede w’abɔsoɔ abɔ ne mu dendeenden.+ Afei mede wo tumidie* bɛhyɛ ne nsa, na wayɛ Yerusalemfoɔ ne Yuda fie agya. 22 Mede Dawid fie safoa+ bɛto n’abati. Sɛ ɔbue a, obiara rentom, na sɛ ɔtom a, obiara remmue. 23 Na mɛbɔ ne so sɛ dua a wɔasene ano,* na mede no atim baabi a obiara rentumi ntu, na ɔbɛyɛ sɛ animuonyam adwa ama ne papa fie. 24 Na wɔde ne papa fie animuonyam* nyinaa bɛma no,* n’asefoɔ ne ne mma,* anwenneɛ nketewa nyinaa, nyowa, ne nhina akɛseɛ nyinaa.
25 “Asafo Yehowa aka sɛ: ‘Saa da no, dua a wɔasene ano a wɔde atim baabi a obiara rentumi ntu no, wɔbɛtu,+ na wɔatwa ato fam, na adesoa a ɛsɛn so no bɛfiri so ahwe fam asɛe, ɛfiri sɛ Yehowa ankasa na aka.’”
Tarsis po so ahyɛn,+ montwa adwo!
Ɛfiri sɛ wɔasɛe po so hyɛn gyinabea no; obiara rentumi nkɔ hɔ.
Kitim asaase+ so na wɔyi kyerɛɛ wɔn.
2 Mo a motete mpoano asaase so, monyɛ dinn.
Sidon+ adwadifoɔ a wɔtwa po no ama woanya ahonyadeɛ bebree.
3 Sihor*+ hwiit* ne Nil nnɔbaeɛ faa nsuo bebree so bae;
Ɛno na ɛmaa ɔnyaa ne ho,
Na ɛmaa aman no nyaa mfasoɔ.+
4 O Sidon, wo a woyɛ ɛpo abandenden, ma w’ani nwu,
Ɛfiri sɛ ɛpo aka sɛ:
6 Montwa mmra Tarsis!
Mo a motete mpoano asaase so, montwa adwo!
7 Enti mo kuro a mfitiaseɛ pɛɛ, kyerɛ sɛ, kane tete no, na ɛdi ahurisie no nie?
Ná ne nan de no kɔ akyirikyiri kɔtena aman foforɔ so.
8 Hwan na watu agyina yi atia Tiro,
Tiro a ɔsi ahene,
A na n’adwadifoɔ yɛ adehyeɛ,
Deɛ wɔhyɛɛ n’adwadifoɔ animuonyam wɔ asaase so nyinaa no?+
9 Asafo Yehowa ankasa na atu agyina yi
Sɛ ɔbɛsɛe n’ahantan ne n’ahoɔfɛ nyinaa,
Na wagu wɔn a wɔhyɛɛ wɔn animuonyam wɔ asaase so no nyinaa anim ase.+
10 O Tarsis babaa, kyini fa w’asaase so te sɛ Asubɔnten Nil.
Ɛpo so hyɛn gyinabea biara nni hɔ bio.+
11 Watene ne nsa wɔ po so;
Wawoso ahennie ahodoɔ.
Yehowa ahyɛ sɛ wɔnsɛe Foinike abandenden nyinaa.+
Sɔre, twa kɔ Kitim.+
Ɛhɔ mpo wo ho rentɔ wo.”
Ɛyɛ Kaldeafoɔ na wɔama adane baabi a nkekaboa wɔ,
Na ɛnyɛ Asiriafoɔ.+
15 Saa da no, nnipa werɛ bɛfi Tiro mfeɛ 70,+ te sɛ ɔhene baako nkwa nna.* Mfeɛ 70 awieeɛ no, Tiro bɛyɛ sɛ tuutuuni bi ho dwom:
16 “O tuutuuni a nnipa werɛ afi wo, fa sankuo kyini kurom.
Bɔ wo sankuo no yie;
To nnwom pii,
Sɛdeɛ ɛbɛyɛ a nnipa bɛkae wo.”
17 Na mfeɛ 70 awieeɛ no, Yehowa bɛtwa n’ani ahwɛ Tiro, na ɔbɛsan anya n’akatua,* na ɔne wiase ahennie a ɛwowɔ asaase so baabiara bɛbɔ adwaman. 18 Nanso ne mfasoɔ ne n’akatua* bɛyɛ ade kronkron ama Yehowa. Wɔrenkora so, na wɔremfa nsie, ɛfiri sɛ wɔde n’akatua* bɛma wɔn a wɔte Yehowa anim, na wɔbɛdidi amee na wɔahyɛ ntaadeɛ a ɛyɛ fɛ.+
24 Hwɛ! Yehowa bɛpra obiara afiri asaase no so na wama no ada mpan.+
Wadane asaase no ani abutu+ na wabɔ ɛsofoɔ ahwete.+
2 Wɔn nyinaa gyinabea bɛyɛ pɛ:
Ɔmanfoɔ ne ɔsɔfoɔ bɛyɛ pɛ,
Akoa ne ne wura bɛyɛ pɛ,
Abaawa ne n’awuraa bɛyɛ pɛ,
Deɛ ɔretɔ ne deɛ ɔretɔn bɛyɛ pɛ,
Deɛ ɔde fɛm ne deɛ ɔfɛm bɛyɛ pɛ,
Deɛ ɔbɔ bosea ne deɛ ɔgye bosea bɛyɛ pɛ.+
4 Asaase no redi awerɛhoɔ;*+ ɛrehi.
Asaase* no akusa; ɛresa.
Asaase no so atitire so ate.
Ɛno nti na asaase no sofoɔ so ateɛ,
Na aka nnipa kakraa bi no.+
8 Nnwom dɛdɛ a wɔde mpintin bɔ no aba awieeɛ;
Ahosɛpɛfoɔ dede to atwa;
Nnwom dɛdɛ a wɔde sankuo bɔ no aba awieeɛ.+
11 Wɔsu hwehwɛ nsã* wɔ mmɔnten so.
Anigyeɛ nyinaa ayera;
Asaase no so ahurisidie atu ayera.+
13 Na sei na ɛbɛyɛ wɔ asaase no so, aman no mu:
14 Wɔbɛma wɔn nne so,
Wɔbɛdi ahurisie.
Wɔbɛfiri po so* aka Yehowa kɛseyɛ.+
15 Ɛno nti wɔbɛhyɛ Yehowa animuonyam wɔ hann fibea,*+
Na wɔbɛhyɛ Israel Nyankopɔn Yehowa din animuonyam wɔ po so nsupɔ so.+
16 Yɛte nnwom firi asaase no so akyirikyiri sɛ:
“Animuonyam* nka Ɔteneneeni no!”+
Na meka sɛ: “Merefɔn, merefɔn!
Asɛm ato me! Nkontompofoɔ di nkontomposɛm.
Nkontompofoɔ nam nkontompo so di nkontomposɛm.”+
17 Wo a wote asaase so, ehu ne amena ne fidie da hɔ retwɛn wo.+
18 Obiara a ɔbɛte nnyegyeeɛ a ɛyɛ hu a ɔbɛdwane no, ɔbɛtɔ amena mu,
Na obiara a ɔbɛpue afiri amena mu no, fidie bɛyi no.+
Ɛfiri sɛ wɔbɛbue ɔsoro mpomma,
Na asaase nnyinasoɔ awoso.
20 Asaase no hinhim sɛ sabofoɔ,
Na ɛkɔ afã-afã te sɛ apata a mframa rebɔ no.
N’amumuyɛsɛm ayɛ ne so duru,+
Na ɛbɛhwe ase a ɛrensɔre bio.
21 Saa da no, Yehowa bɛbu ɔsoro asraafoɔ atɛn,
Na ɔbɛbu asaase so ahemfo atɛn wɔ asaase so.
22 Na wɔbɛboaboa wɔn ano
Sɛdeɛ wɔboaboa nneduafoɔ ano gu amena mu,
Na wɔde wɔn bɛgu afiase ato wɔn mu,
Na nna bebree akyi no, wɔbɛba abɛhwɛ wɔn.
23 Bosome a apae anim bɛgu ase,
Na awia a ɛrehyerɛn ani bɛwu,+
Ɛfiri sɛ asafo Yehowa abɛyɛ Ɔhene+ wɔ Sion Bepɔ+ so ne Yerusalem,
25 O Yehowa, wone me Nyankopɔn.
Mema wo so, na meyi wo din ayɛ,
Ɛfiri sɛ woayɛ anwanwadeɛ pii,+
Nneɛma a wobɔɔ wo tirim* wɔ ho firi tete no,+
Ayɛ nokorɛ,+ na aba mu.
Ahɔhoɔ* aban no nyɛ kuro bio;
Wɔrensan nsi bio da.
4 Ɛfiri sɛ woabɛyɛ mmɔborɔwafoɔ abandenden,
Ohiani abandenden wɔ n’ahohia mu,+
Ahum ano dwankɔbea,
Ne ɔhyew mu nwunu.+
Berɛ a atirimuɔdenfoɔ abufuo* te sɛ ahum a ɛpem ɔfasuo,
5 Te sɛ serɛ so ɛhyew no,
Wobrɛ ahɔhoɔ* dede ase.
Sɛdeɛ mununkum nwunu gye ɛhyew no,
Saa ara na woma atirimuɔdenfoɔ dwom ano brɛ ase.
6 Bepɔ yi so+ na asafo Yehowa bɛto aman nyinaa pono;
Ɔde aduane pa,+
Ɔde nsã pa,*
Ɔde aduane pa a hon fra mu,
Ɔde nsã pa a wɔasɔne so.
Ɔbɛyi ne man animguaseɛ* afiri asaase nyinaa so,
Ɛfiri sɛ Yehowa ankasa na aka.
9 Saa da no wɔbɛka sɛ:
“Hwɛ! Yɛn Nyankopɔn nie!+
Yehowa nie!
Yɛde yɛn ani ato ne so.
Momma yɛn ani nnye, na yɛnni ne nkwagyeɛ mu ahurisie.”+
10 Ɛfiri sɛ Yehowa de ne nsa bɛto bepɔ yi so,+
Na wɔbɛtiatia Moab so wɔ ɔno ankasa asaase so+
Te sɛ nwura bebree a wɔtiatia so wɔ sumina* so.
11 Na ɔbɛtwe ne nsam wɔ so
Te sɛ deɛ osudwarefoɔ twe ne nsam dware no,
Na ɔbɛdanedane ne nsa yie
De abrɛ n’ahantan ase.+
26 Ɛda no, wɔbɛto dwom yi+ wɔ Yuda asaase so:+
“Yɛwɔ kuro a ɛyɛ den.+
Ɔde nkwagyeɛ ayɛ n’afasuo ne n’akoban.*+
3 Wɔn a wɔde wɔn ho to wo so koraa no,* wobɛbɔ wɔn ho ban;
Wobɛma wɔn asomdwoeɛ daa,+
Ɛfiri sɛ wo na wɔde wɔn ho to wo so.+
5 Wɔn a wɔte baabi a ɛwɔ soro, kuro a ɛkorɔn no mu no, wabrɛ wɔn ase.
Wama no ahwe ase,
Wama no ahwe fam,
Wama no ahwe mfuturo mu.
6 Ɛnan bɛtiatia so,
Abrɛfoɔ nan, ahiafoɔ anammɔn.”
Ɛsiane sɛ wotene nti,
Wobɛma ɔteneneeni kwan so ada so.
8 O Yehowa, berɛ a yɛnam w’atemmuo kwan so no,
Yɛn ani da wo so.
Yɛn* ani agyina wo din ne wo nkaeɛ.*
9 Ɛduru anadwo a, me nipadua* nyinaa ani gyina wo,
Na me honhom kɔ so hwehwɛ wo;+
Ɛfiri sɛ wobu asaase atɛn a,
Asaase sofoɔ sua adetenenee.+
11 O Yehowa, woama wo nsa so, nanso wɔnhunu.+
Wɔbɛhunu sɛdeɛ wode ahokeka di ma wo man, na wɔn ani bɛwu.
Aane, wo gya bɛhye w’atamfo.
13 O Yehowa yɛn Nyankopɔn, w’akyi no, atumfoɔ bi nso adi yɛn so,+
Nanso wo nko ara na yɛbɛbɔ wo din.+
14 Wɔawuwu, na wɔrentena ase.
Wɔyɛ awufoɔ a wɔnni tumi biara; wɔrensɔre.+
Ɛfiri sɛ wode w’ani asi wɔn so
Sɛ wobɛsɛe wɔn na wɔn din ayera.
Woatrɛ asaase no ahyeɛ nyinaa mu kɔ akyirikyiri.+
16 O Yehowa, berɛ a wɔhunuu amane no, wɔdane baa wo nkyɛn;
Berɛ a wotenee wɔn so no, wɔbɔɔ mpaeɛ besebesee wɔn ano.+
Yɛmfaa nkwagyeɛ mmaa asaase no so,
Na wɔnwoo obiara sɛ ɔntena asaase no so.
19 “W’awufoɔ bɛnya nkwa.
Monsɔre na mommɔ ose,
Mo a mote mfuturo mu!+
Momfa mo ho nsie kakra
Nkɔsi sɛ abufuhyeɛ no bɛtwam.+
21 Hwɛ! Yehowa firi ne tenabea reba
Abɛma asaase no sofoɔ abu wɔn bɔne ho akonta,
Na asaase no bɛma ne mogyahwieguo ada adi
Na ɛrenkata wɔn a wɔaku wɔn no so bio.”
27 Saa da no, Yehowa de ne sekan kɛseɛ dendeenden a ɛdi awuo no+
Bɛba Lewiatan* so, ɔwɔ a ne ho yɛ hare no.
Ɔde bɛba Lewiatan so, ɔwɔ a ɔkyinkyim ne ho no,
Na ɔbɛkum aboa kɛseɛ a ɔwɔ po mu no.
2 Ɛda no, monto dwom mma no* sɛ:
“Bobefuo* a emu nsã* pu ahuro!+
3 Me, Yehowa, me na mehwɛ no.+
Megugu ne so nsuo berɛ nyinaa.+
Mehwɛ no awia ne anadwo,
Na obi anyɛ no bɔne.+
Hwan na ɔde nkasɛɛ ne nwura bɛba m’anim wɔ ɛko mu?
Mɛtiatia so na mede gya ato ne nyinaa mu.
5 Gye sɛ ɔsɔ m’abandenden mu dendeenden.
Ma ɔne me mmɛka asomdwoeɛsɛm;
Asomdwoeɛsɛm na ɔne me mmɛka.”
6 Nna bi bɛba a Yakob bɛgye nhini,
Israel bɛfefɛ agu nhye rɛnee,+
Na wɔde nnɔbaeɛ bɛhyɛ asaase no so ma.+
7 Ɛsɛ sɛ wɔhwe no sɛdeɛ ne hwefoɔ hwee no no anaa?
Ɛsɛ sɛ wɔku no sɛdeɛ wɔkuu ne nkurɔfoɔ no anaa?
8 Sɛ worepamo no akɔ a, wobɛteam ne no adi asie.
Ɔbɛhu mframa denden apia no akɔ, ɛda a apueeɛ mframa bɛbɔ no.+
9 Enti saa kwan yi na wɔnam so bɛpata Yakob bɔne,+
Na sɛ wɔyi ne bɔne kɔ a, aba a ɛbɛfiri mu aba nyinaa nie:
Ɔbɛma afɔrebukyia aboɔ no nyinaa
Ayɛ sɛ akaadoo a wɔayam,
Ɛhɔ na nantwie ba bɛdidi na wabutu
Awe ne mman.+
Ɛfiri sɛ ɔman yi nni nteaseɛ.+
Ɛno nti wɔn Yɛfoɔ no yam renhyehye no mma wɔn,
Na wɔn Nwemfoɔ no renhu wɔn mmɔbɔ.+
12 Saa da no, Yehowa bɛporo aba no afiri Asubɔnten no* ano akɔsi Egypt Subɔn+ ano. Na mo Israelfoɔ nso, wɔbɛtase mo mmaako mmaako.+ 13 Ɛda no, wɔbɛbɔ abɛn kɛseɛ bi,+ na wɔn a wɔayera wɔ Asiria asaase so+ ne wɔn a wɔabɔ wɔn apansam Egypt asaase so+ no bɛba abɛkoto Yehowa wɔ bepɔ kronkron no so wɔ Yerusalem.+
28 Due! Efraim asabofoɔ ahenkyɛ* kɛseɛ,*+
N’animuonyam fɛfɛɛfɛ a ɛte sɛ nhwiren bi a ɛretwintwam
A wɔde abɔ kuro a ɛda asaase pa subɔn no atifi, baabi a wɔn a nsã* de wɔn ayɛ nkoa no teɛ no!
2 Hwɛ! Yehowa wɔ ɔhoɔdenfoɔ bi a ɔyɛ katakyie.
Na ɔbɛto ato fam ahoɔden so
Te sɛ asukɔtweaa a ɛretɔ a aprannaa nam mu, te sɛ mframa gyampantrudu a ɛsɛe adeɛ,
Te sɛ nsuo a ɛretɔ dendeenden a aprannaa nam mu a ayiri rebu fa so.
4 Na n’animuonyam fɛfɛɛfɛ a ɛte sɛ nhwiren a ɛretwintwam
A wɔde abɔ kuro a ɛda asaase pa subɔn no atifi no,
Ɛbɛyɛ sɛ borɔdɔma a ɛdi kan ba ansa na ahuhuro berɛ aduru no.
Sɛ obi hunu a, ɔte, na ntɛm ara na wamene.
5 Saa da no, asafo Yehowa bɛyɛ sɛ animuonyam ahenkyɛ ne nhwiren abotire fɛfɛɛfɛ ama ne manfoɔ a wɔaka no.+ 6 Na ɔbɛyɛ atɛntenenee honhom ama deɛ ɔtena ase bu atɛn, na wama wɔn a wɔbɔ kuro pono ho ban firi atamfo nsam no ahoɔden.+
Ɔsɔfoɔ ne odiyifoɔ nso, nsã a ɛborɔ ama wɔafom kwan;
Nsã* ama wɔn adwene atu afra.
8 Na ɛfeɛ pɔtɔɔ ayɛ wɔn apono so ma;
Baabiara nni hɔ a ebi nnie.
9 Hwan na obi bɛkyerɛ no nimdeɛ,
Na hwan na obi bɛma no ate asɛm no ase?
Wɔn a wɔtwaa wɔn nufoɔ nkyɛeɛ anaa?
Anaasɛ wɔn a afei ara na wɔate wɔn afiri nufoɔ ano?
11 Enti ɔnam wɔn a wɔworo dodoɔ* ne ahɔhoɔ kasa so na ɛbɛkasa akyerɛ ɔman yi.+ 12 Berɛ bi ɔka kyerɛɛ wɔn sɛ: “Ahomegyebea nie. Momma deɛ wabrɛ nhome; ahotɔbea nie,” nanso wɔantie.+ 13 Enti wɔbɛbu Yehowa asɛm sɛ:
Sɛdeɛ ɛbɛyɛ a sɛ wɔrenante a,
Wɔbɛsunti na wɔabu ahwe wɔn akyi,
Na wɔabubu wɔn na wɔatɔ fidie mu ama ayi wɔn.+
14 Ɛno nti, montie Yehowa asɛm, mo a mohoahoa mo ho,
Mo a modi ɔman yi so wɔ Yerusalem,
15 Na moaka sɛ:
Sɛ nsuo a ayiri na ɛrebu fa so no retwam a,
Ɛremma yɛn so,
Ɛfiri sɛ yɛde atorɔ ayɛ yɛn dwankɔbea,
Na yɛde nkontompo ayɛ yɛn hintabea.”+
16 Enti deɛ Awurade Tumfoɔ, asafo Yehowa, aka nie:
“Mede boɔ a wɔasɔ ahwɛ+ reto fapem wɔ Sion,
Na obiara a ɔnya mu gyidie no remmɔ hu.+
Asukɔtweaa bɛpra atorɔ dwankɔbea no akɔ,
Na nsuo ayiri afa hintabea no.
Sɛ nsuo a ayiri na ɛrebu fa so no retwam a,
Ɛbɛtwi afa mo so.
Ehu nko ara na ɛbɛma wɔate deɛ wɔteeɛ no ase.”*
20 Mpa no yɛ tia, enti obi ntumi ntene ne nan mu wɔ so,
Na ntoma* no sua, enti ɛntumi nkata ne ho nyinaa.
21 Na Yehowa bɛsɔre agyina sɛdeɛ ɔyɛɛ wɔ Perasim Bepɔ so no;
Ɔbɛwoso ne ho sɛdeɛ ɔyɛɛ wɔ Gibeon bɔn mu* no,+
Sɛdeɛ ɛbɛyɛ a ɔbɛyɛ n’adeɛ, n’anwanwadeɛ no,
Na wadi ne dwuma, n’anwanwadwuma no.+
Na wɔansan ammia mo ahoma no mu,
Ɛfiri sɛ mate afiri Awurade Tumfoɔ, asafo Yehowa hɔ sɛ,
Wasi gyinaeɛ sɛ ɔbɛsɛe asaase no nyinaa pasaa.+
23 Monyɛ aso na montie me;
Monyɛ komm na montie deɛ mɛka.
24 Okuafoɔ funtum asaase da mu nyinaa ansa na wagu aba anaa?
Ɔfuntum asaase siesie so daa anaa?+
25 Sɛ ɔsiesie asaase no ani wie a,
Ɔpete pɛprɛ wɔ so na ɔdua nketenkete* wɔ so, ɛnte saa?
Ɔdua hwiit ne ayuo* ne baali* wɔ baabi a wɔatwa ato hɔ, ɛnte saa?
Mmom abaa na wɔde boro pɛprɛ,
Na poma na wɔde boro nketenkete.
28 Sɛ obi reboro hwiit* a ɔde bɛyɛ paanoo a, ɔboro ma ɛyɛ muhumuhu anaa?
29 “Due Ariel,* Ariel, kuro a Dawid tenaa mu!+
Monni no afe biara;
Monni mo afahyɛ nyinaa nhyia.+
Na mede nnua a ano yɛ mfeamfeaa bɛka wo ahyem
Na ɛbɛba mpofirim, prɛko pɛ.+
6 Asafo Yehowa bɛba abɛhwɛ wo;
Ɔde aprannaa ne asaasewosoɔ ne mmobɔmu,
Ɔde ahum ne mframa gyampantrudu ne gyaframa.”+
7 Afei aman a wɔne Ariel reko nyinaa mu nnipadɔm,+
Kyerɛ sɛ, wɔn a wɔne no reko nyinaa,
Akoban a wɔasi atwa ne ho ahyia,
Ne wɔn a wɔama ne ho ayera no nyinaa,
Ɛbɛyɛ sɛ daeɛ, anadwo anisoadehunu bi.
8 Ɛbɛyɛ sɛ obi a ɛkɔm de no a waso daeɛ sɛ ɔredidie,
Nanso ɔbɛsɔre no na ɛkɔm da so ara de no.*
Anaa obi a sukɔm de no a waso daeɛ sɛ ɔrenom nsuo,
Nanso ɔbɛsɔre no na wabrɛ, na na sukɔm da so ara de no.*
Saa ara na ɛbɛto amanaman mu nnipadɔm
A wɔne Sion Bepɔ bɛko no nyinaa.+
Wɔabobo, nanso ɛnyɛ nsã* ntira;
Wɔkɔ afã-afã, nanso ɛnyɛ nsã a ɛborɔ ntira.
Na wakata mo ti, mo a moyɛ adehunufoɔ no.+
11 Anisoadehunu biara bɛyɛ mo sɛ nwoma a wɔatare ano mu nsɛm.+ Sɛ wɔde ma obi a ɔnim akenkan, na wɔka kyerɛ no sɛ: “Yɛpa wo kyɛw kenkan wei den a,” ɔbɛka sɛ: “Merentumi, ɛfiri sɛ wɔatare ano.” 12 Na sɛ wɔde nwoma no ma obi a ɔnnim akenkan, na wɔka kyerɛ no sɛ: “Yɛpa wo kyɛw kenkan wei a,” ɔbɛka sɛ: “Mennim akenkan koraa.”
13 Yehowa ka sɛ: “Ɔman yi de wɔn ano na ɛbɛn me,
Na wɔde wɔn ano na ɛdi me ni,+
Na wɔn akoma deɛ, atwe afiri me ho kɔ akyirikyiri;
Wɔgyina nnipa ahyɛdeɛ a wɔakyerɛ wɔn so na ɛsuro me.+
14 Enti, me ne ɔman yi bɛdi anwanwasɛm bio,+
Ɛbɛyɛ wɔn nwanwa asan ayɛ wɔn nwanwa;
Na wɔn anyansafoɔ nyansa bɛsɛe,
Na wɔn mmadwemma nteaseɛ bɛtu ayera.”+
15 Wɔn a wɔde wɔn nhyehyɛeɛ* sie Yehowa fee no nnue.+
Wɔyɛ wɔn nnwuma wɔ sum mu,
Na wɔka sɛ: “Hwan na ɔhu yɛn?
Hwan na ɔnim deɛ yɛreyɛ?”+
16 Mo a mosi nneɛma tiri ase!*
Ɛsɛ sɛ wɔbu ɔnwemfoɔ ne dɔteɛ nyinaa pɛ anaa?+
Ɛsɛ sɛ adeɛ a wɔayɛ ka fa ne yɛfoɔ ho sɛ:
“Ɛnyɛ ɔno na ɔyɛɛ me”?+
Na anwenneɛ bɛtumi aka ne nwemfoɔ ho asɛm sɛ:
“Ɔnnim hwee” anaa?+
18 Saa da no, wɔn a wɔn aso asi bɛte nwoma no mu nsɛm,
Na anifirafoɔ bɛfiri kusuuyɛ ne sum mu ahunu adeɛ.+
19 Ahobrɛasefoɔ bɛdi ahurisie pii wɔ Yehowa mu,
Na nnipa mu ahiafoɔ bɛgye wɔn ani wɔ Israel Kronkronni no mu.+
20 Ɛfiri sɛ otirimuɔdenfoɔ bɛfiri hɔ,
Deɛ ɔhoahoa ne ho awieeɛ bɛba,
Na wɔbɛsɛe wɔn a wɔrepɛ bɔne adi nyinaa,+
21 Wɔn a wɔnam nkontompo so ma afoforɔ di fɔ,
Wɔn a wɔsum deɛ ɔhwɛ ma atɛntenenee yɛ adwuma* wɔ kuro pono ano no fidie,+
Na wɔnam akyinnyehunu so ma wɔbu ɔteneneeni atɛnkyea.+
22 Enti deɛ Yehowa a ɔgyee Abraham+ no aka akyerɛ Yakob fie nie:
23 Sɛ ɔhunu sɛ ne mma
A wɔyɛ me nsa ano adwuma no wɔ ne mfimfini a,+
Wɔbɛte me din ho,
Aane, wɔbɛte Yakob Kronkronni no din ho,
Na wɔbɛsuro Israel Nyankopɔn.+
24 Wɔn a wɔn adwene akyea no bɛnya nteaseɛ,
Na wɔn a wɔnwiinwii no bɛtie akwankyerɛ.”
30 Yehowa asɛm nie: “Monnue, mma atuatefoɔ,+
Wɔn a nhyehyɛeɛ* a wɔdi akyire no mfiri me,+
Wɔn a wɔyɛ apam,* nanso me honhom mpene so,
Sɛdeɛ ɛbɛyɛ a wɔde bɔne bɛka bɔne ho.
2 Wɔsiane kɔ Egypt+ berɛ a wɔmmisaa me,*+
Sɛ wɔrekɔpɛ ahobammɔ wɔ Farao nkyɛn*
Na wɔakɔhinta Egypt nwunu ase!
3 Nanso Farao ahobammɔ bɛma mo ani awu,
Na Egypt nwunu ase a mobɛkɔ akɔhinta no bɛdane mo animguaseɛ.+
5 Obiara ani bɛwu,
Ɛfiri sɛ ɔman no ho remma wɔn mfasoɔ.
Wɔrentumi mmoa wɔn na wɔrennya wɔn so mfasoɔ biara;
Aniwuo ne animguaseɛ nko ara na wɔde bɛgya wɔn.”+
6 Atemmusɛm a ɛtia anaafoɔ fam mmoa nie:
Wɔfa ahoyera ne ahokyerɛ asaase so,
Baabi a gyata wɔ, gyata a ɔrebobom,
Baabi a ahuritia* ne ɔwɔ a ɔto ne ho a n’ano yɛ gya* wɔ no.
Wɔde wɔn ahodeɛ gu afunumu akyi,
Na wɔde wɔn nneɛma gu yoma akyi apɔapɔ so.
Nanso saa nneɛma yi remma nnipa no nnya mfasoɔ biara.
7 Ɛfiri sɛ deɛ Egyptfoɔ yɛ de boa no, mfasoɔ biara nni so.+
Enti mafrɛ no: “Rahab,+ deɛ ɔte hɔ dinn.”
8 “Afei kɔ na kɔtwerɛ gu pono so wɔ wɔn anim,
Na twerɛ wɔ nwoma mu sɛdeɛ ɛrempepa,+
Na atena hɔ akɔsi daakye,
Na ayɛ adanseɛ afebɔɔ.+
10 Wɔka kyerɛ adehunufoɔ sɛ, ‘Monnhunu adeɛ,’
Na wɔka kyerɛ adiyifoɔ sɛ, ‘Monnka anisoadehunu a ɛyɛ nokorɛ nnkyerɛ yɛn.+
Monka adɔkɔdɔkɔsɛm nkyerɛ yɛn; monnya anisoadehunu a ɛyɛ nnaadaa.+
11 Momfiri kwan no so; mommane mfiri kwan no so.
Monyi Israel Kronkronni no mfiri yɛn ani so.’”+
12 Enti deɛ Israel Kronkronni no aka nie:
“Ɛsiane sɛ moapo asɛm yi,+
Na mode mo ho ato asisisɛm ne nkontomposɛm so
Na mode mo ani ato weinom so+ nti,
13 Mo bɔne nti, mote sɛ fasuo a apae,
Te sɛ fasuo tenten a akyea.
Ɛbɛbu agu mpofirim, prɛko pɛ.
14 Wɔbɛbubu no te sɛ ɔnwemfoɔ ahina kɛseɛ;
Ɛbɛbubu pasaa ama deɛ abubuo no mu sini bi mpo renka
Na wɔde ayi gya afiri bukyia mu,
Anaa wɔde asa nsuo afiri nsuo a ɛtaa hɔ* mu.”
15 Deɛ Awurade Tumfoɔ Yehowa, Israel Kronkronni no aka nie:
“Sɛ mosan ba me nkyɛn na moyɛ komm a, mobɛnya nkwa.
Na sɛ mode mo ho to me so na mo akoma antu a, mobɛnya ahoɔden.”+
Nanso moampene.+
16 Mmom mokaa sɛ: “Daabi, yɛbɛtena apɔnkɔ so adwane!”
Ɛno nti mobɛdwane nso.
“Apɔnkɔ a wɔn ho yɛ hare so na yɛbɛtena!”+
Enti wɔn a wɔti mo no ho bɛyɛ hare.+
17 Onipa baako bɛhunahuna nnipa apem ama wɔn ho apopo;+
Na nnum bɛhunahuna mo ama moadwane
Kɔsi sɛ mo a mobɛka no bɛyɛ sɛ frankaa bi a ɛsi bepɔ so,
Te sɛ ahyɛnsodeɛ bi a ɛsi kokoɔ so.+
Ɛfiri sɛ Yehowa yɛ atɛntenenee Nyankopɔn.+
Anigyeɛ ne wɔn a wɔtwɛn no nyinaa.*+
19 Sɛ ɔman no bɛtena Sion, kyerɛ sɛ, Yerusalem+ a, worensu bio.+ Wonya ma wo nne so su frɛ no a, sɛdeɛ ɛteɛ biara ɔbɛdom wo; ɔte ara pɛ, ɔbɛgye wo so.+ 20 Ɛwom, Yehowa de ahoyera bɛyɛ aduane ama wo na ɔde nhyɛsoɔ ayɛ nsuo ama wo.+ Nanso wo Kyerɛkyerɛfoɔ Kunini no renhinta bio, na wode w’ani bɛhu wo Kyerɛkyerɛfoɔ Kunini+ no. 21 Sɛ womane fa nifa oo, womane fa benkum oo,+ w’aso bɛte asɛm bi wɔ w’akyi sɛ: “Ɛkwan no nie.+ Fa so.”
22 Na dwetɛ a wode akata w’ahoni ho ne sika kɔkɔɔ a wode adura wo dadeɛ ahoni* ho no, wobɛgu ho fĩ.+ Wobɛto agu te sɛ ntoma a ɔbaa yɛ bra a ɔde siesie ne ho,* na wobɛka akyerɛ no sɛ, “Firi ha kɔ!”*+ 23 Na ɔbɛma nsuo atɔ agu w’aba a woadua wɔ asaase mu no so,+ na aduane a w’asaase bɛbɔ no bɛdɔɔso na ɛbɛmee wo.*+ Saa da no, wo mmoa bɛnya asaase tɛtrɛɛ adidi so.+ 24 Na anantwie ne mfunumu a wɔdɔ asaase no bɛdi nnuane pa a wɔakeka afra a wɔde sofi ne nkorabata ahu so. 25 Na nsubɔnten ne nsuka bɛba bepɔ tenten ne kokoɔ a ɛkorɔn biara so,+ ɛda a wɔbɛkunkum nnipa asam hɔ a abantenten bɛdwiri agu no. 26 Na bosome hann bɛyɛ sɛ awia hann; na awia hann bɛyɛ mmɔho nson+ te sɛ nnanson hann, ɛda a Yehowa bɛkyekyere ne man a abubuo,+ na wasa kuro kɛseɛ a ɔnyaeɛ berɛ a ɔbɔɔ no no.+
27 Hwɛ! Yehowa din firi akyirikyiri reba;
Ɛde n’abufuhyeɛ ne mununkum a emu yɛ duru reba.
Abufuo ayɛ n’anom ma,
Na ne kɛtrɛma te sɛ egya a ɛhye adeɛ.+
28 Ne honhom* te sɛ asubɔnten a ɛyiri duru kɔn mu pɛɛ,
Na ɔbɛwoso amanaman no wɔ ɔsɛeɛ sɔneeɛ* mu,
Na ɔde nnareka bɛhyɛ nkurɔfoɔ no afonom+ ama wɔafom kwan.
29 Na mo dwom bɛyɛ sɛ dwom a wɔto no anadwo
Berɛ a moresiesie* mo ho adi afahyɛ no.+
Na mo ani bɛgye mo akoma mu
Te sɛ obi a ɔde atɛntɛbɛn
Rekɔ Yehowa bepɔ so, Israel Botan no+ nkyɛn.
30 Yehowa bɛma nnipa ate n’animuonyam nne+ no,
Na wama wɔahunu n’abasa+ a ɛresiane wɔ n’abufuhyeɛ mu,+
Wɔ egya a ɛhye adeɛ+
32 Na berɛ biara a
Yehowa de asotwe abaa bɛtwa Asiria no,
Wɔbɛbɔ mpintin ne nsankuo,+
Berɛ a ɔrehim ne nsa atia wɔn ɛko mu no.+
Wama baabi a ɔde anyina guo no mu ayɛ tenten, na atrɛ,
Egya ne anyina bebree wɔ hɔ.
Yehowa home a ɛte sɛ sɔfe* asubɔnten no
De gya bɛto mu.
31 Wɔnnue, wɔn a wɔkɔ Egypt kɔpɛ mmoa,+
Na wɔde wɔn ho to apɔnkɔ so,+
Na wɔde wɔn werɛ hyɛ ɛko nteaseɛnam mu ɛsiane sɛ ɛdɔɔso nti,
Na wɔde wɔn werɛ hyɛ apɔnkɔ a wɔde kɔ ɛko* mu ɛsiane sɛ wɔn ho yɛ den nti.
Nanso Israel Kronkronni no deɛ, wɔmfa wɔn ho nto ne so,
Na wɔnhwehwɛ Yehowa akyiri akwan.
2 Nanso ɔnim nyansa, na ɔde amanehunu bɛba,
Na deɛ waka no, ɔrentwe nsan.
Ɔbɛsɔre atia nnebɔneyɛfoɔ fie
Ne wɔn a wɔboa abɔnefoɔ.+
Sɛ Yehowa tene ne nsa a,
Ɔboafoɔ biara bɛwatiri,
Na obiara a wɔaboa no no bɛhwe ase;
Wɔn nyinaa bɛbom asɛe.
4 Na deɛ Yehowa aka akyerɛ me nie:
“Sɛ gyata, gyata* a ne ho yɛ den kye aboa a, ɔbobom.
Na sɛ wɔfrɛfrɛ nnwanhwɛfoɔ pii sɛ wɔmmɛpamo no a,
Wɔn nteateamu mmɔ no hu,
Na wɔn dede nhunahuna no.
Saa ara na asafo Yehowa bɛba abɛko
Ama Sion Bepɔ ne ne kokoɔ no.
5 Sɛdeɛ nnomaa to hoo no, saa ara na Asafo Yehowa bɛko ama Yerusalem.+
Ɔbɛko ama no, na wagye no nkwa.
Ɔde ne ho bɛkyɛ no, na wagye no.”
6 “O Israelfoɔ, monsan mmra Deɛ mohyɛɛ da sɔre tiaa no no nkyɛn.+ 7 Ɛfiri sɛ saa da no, dwetɛ anyamehunu ne sika kɔkɔɔ anyame a mfasoɔ nni so a mode mo nsa ayɛ ama moayɛ bɔne no, obiara bɛto ne deɛ agu.
Sekan no nti, ɔbɛdwane,
Na wɔde ne mmeranteɛ bɛyɛ nkoadwuma.
9 Ehu nti, ne botan bɛtwam akɔ,
Na ahyɛnsodeɛ no nti, ne mpanimfoɔ akoma bɛtu.”
Yehowa a ne hann* wɔ Sion, a ne fononoo wɔ Yerusalem no asɛm nie.
2 Wɔn mu biara bɛyɛ sɛ mframa ano hintabea,
Ne ahum ano dwankɔbea,
Asaase a ɛso awo so nsutene,+
Ne asaase wesee so botan kɛseɛ nwunu.
3 Na wɔn a wɔhunu adeɛ no, wɔrenka wɔn ani mfemfam so bio,
Na wɔn a wɔte asɛm no bɛwɛn wɔn aso.
4 Wɔn a wɔn ho pere wɔn no akoma bɛdwendwene nimdeɛ ho,
Na wɔn a wɔworo dodoɔ no kɛtrɛma bɛkasa yɔɔ ama emu ada hɔ.+
5 Wɔremfrɛ ogyimifoɔ sɛ ɔyamyɛfoɔ bio,
Na deɛ ɔnka mmara no, wɔremfrɛ no otitire;
6 Ɛfiri sɛ ogyimifoɔ bɛka agyimisɛm,
Na n’akoma bɛsusu bɔne,+
Sɛdeɛ ɛbɛyɛ a ɔbɛma nkurɔfoɔ atwe wɔn ho afiri Yehowa ho* na wɔaka Ne ho nsɛmmɔne,
Na wama deɛ ɛkɔm de no* yafunu ada mpan,
Na wama nsuo abɔ deɛ sukɔm de no.
7 Na obi a ɔnka mmara deɛ, n’akwan* yɛ bɔne;+
Ɔma nkurɔfoɔ yɛ aniwudeɛ,
Na ɔde atosɛm sɛe mmɔborɔwafoɔ,+
Berɛ a ohiani ka nokorɛ mpo.
9 “Mmaa a mo ho atɔ mo, monsɔre na montie me!
Mma mmaa a hwee mfa mo ho,+ monyɛ aso mma m’asɛm!
10 Akyɛ koraa afe ne nna kakra, mo a hwee mfa mo ho no, mo ho bɛpopo,
Ɛfiri sɛ berɛ a wɔde tete bobe bɛba awieeɛ no, na mommoaa hwee ano.+
11 Mmaa a mo ho atɔ mo, ehu nka mo!
Mo a hwee mfa mo ho, mo ho mpopo!
12 Momfa mo nsa mmobɔ mo koko ntwa adwo,
Mo mfuo fɛfɛɛfɛ ne mo bobe a ɛso aba ho.
13 Ɛfiri sɛ nkasɛɛ ne nwura bɛgye me man asaase afa;
Ɛbɛgye anigyeɛ afie nyinaa
Ne ahurisie kuro no afa.+
Ofel+ ne ɔwɛn aban* adane ɛserɛ daa,
Na serɛ so mfunumu bɛdi hɔ agorɔ,
Na nnwan adidi hɔ,+
15 Kɔsi sɛ wɔbɛhwie honhom afiri soro agu yɛn so,+
Na serɛ no adane turo,
Na wɔabu turo no sɛ kwaeɛ.+
19 Nanso asukɔtweaa bɛsɛe kwaeɛ no,
Na wɔbɛbrɛ kuro no ase korakora.
Sɛ wosɛe adeɛ wie a, wo nso wɔbɛsɛe wo.+
Sɛ wotwa nkontompo wie a, wo nso wɔbɛtwa wo nkontompo.
Yɛn ani da wo so.
3 Wobobom a, aman dwane,
Wosɔre gyina a, amanaman hwete.+
4 Sɛdeɛ mmɛbɛ boaboa wɔn ho ano no, saa ara na wɔbɛboaboa w’asadeɛ ano;
Nnipa bɛtu agu so te sɛ ntutummɛ.
5 Wɔbɛma Yehowa so,
Ɛfiri sɛ ɔte soro tɔnn.
Ɔde atɛntenenee ne tenenee bɛhyɛ Sion ma.
6 Ɔno na ɔma w’abrabɔ* si yie.
Nkwagyeɛ+ ne nyansa ne nimdeɛ mmorosoɔ, ne Yehowa suro;+
Wei ne n’agyapadeɛ.
7 Hwɛ! Wɔn akatakyie su wɔ mmɔnten so;
Asomdwoeɛ abɔfoɔ su yayaaya.
8 Akwantempɔn ada mpan;
Obiara nni hɔ a ɔfa akwan no so.
9 Asaase no redi awerɛhoɔ,* na aboto.
Saron ayɛ sɛ anwea pradadaa,
Na Basan ne Karmel nhaban apo.+
11 Monyinsɛn serɛ a adwan, na mowo wura.
Mo ara mo honhom bɛhye mo te sɛ egya.+
12 Nnipa bɛyɛ sɛ akaadoo a wɔahyeɛ,
Na wɔde gya bɛto mu+ te sɛ nkasɛɛ a wɔatwa agu fam.
13 Mo a mowɔ akyirikyiri, montie deɛ mɛyɛ!
Mo a mobɛn, monnye m’ahoɔden ntom!
‘Yɛn mu hwan na ɔbɛtumi atena baabi a egyaframa kɛseɛ wɔ?+
Yɛn mu hwan na ɔbɛtumi ne egya a ɛredɛre daa atena?’
15 Deɛ ɔnante tenenee kwan so daa,+
Na ɔka deɛ ɛtene,+
Deɛ ɔkyiri asisie ne apoobɔ sika,
Deɛ ne nsa kyiri adanmudeɛ* na ɔnsɔ mu,+
Deɛ ɔsisi n’aso na ante mogyahwieguo ho asɛm,
Na ɔkata n’ani na anhunu bɔne.
16 Ɔno na ɔbɛtena mmepɔ so wɔ sorosoro;
Ne dwankɔbea a ɛyɛ den* bɛyɛ ɔbotan aban a ɛhɔ kɔ yɛ den.
Wɔde n’aduane bɛma no,
Na ne nsuo rensa da.”+
17 W’ani bɛhunu ɔhene bi wɔ n’animuonyam mu;
Ɛbɛhunu asaase bi wɔ akyirikyiri.
18 Wobɛkae adeɛ a ɛyɛ hu no wɔ w’akoma mu:*
“Ɔtwerɛfoɔ no wɔ he?
Deɛ ɔkari toɔ no wɔ he?+
Deɛ ɔkan abantenten no wɔ he?”
20 Hwɛ Sion, yɛn afahyɛ kuro no!+
W’ani bɛhunu Yerusalem, tenabea a ɛhɔ yɛ komm,
Ntomadan a obiara rentu no.+
Nnua a wɔde abobom atim fam no, wɔrentutu da,
Na n’ahoma biara mu rente.
21 Na Yehowa, Otumfoɔ no,
Bɛbɔ yɛn ho ban wɔ hɔ te sɛ baabi a nsubɔnten ne nsuka akɛseɛ wɔ.
Ɛhyɛn a wɔde kɔ ko biara remfa mu,
Na ahyɛn akɛseɛ biara rentwam wɔ hɔ.
22 Ɛfiri sɛ Yehowa ne yɛn Temmufoɔ,+
Yehowa ne yɛn Mmarahyɛfoɔ,+
Yehowa ne yɛn Hene;+
Ɔno na ɔbɛgye yɛn nkwa.+
23 Wo nhoma mu bɛgo;
Ɛrentumi nsosɔ hyɛn dua no mu dendeenden; na ɛrentumi ntrɛ hyɛn ntoma mu.
Saa berɛ no, wɔbɛnya atamfo nneɛma pii akyɛ afa;
Apakye mpo bɛfom nneɛma bebree.+
24 Na ɔmanfoɔ no mu biara renka sɛ: “Meyare.”+
Wɔde nnipa a wɔte asaase no so bɔne bɛkyɛ wɔn.+
34 Aman, mommra mmɛtie;
Amanaman, monyɛ aso.
Ma asaase ne ɛso nneɛma nyinaa ntie,
Wiase ne deɛ ɛwom nyinaa.
Ɔbɛsɛe wɔn;
Ɔbɛma wɔaku wɔn.+
4 Ɔsoro asafo nyinaa bɛporɔ,
Na wɔbɛbobɔ ɔsoro sɛ nwoma mmobɔeɛ.
Wɔn asafo nyinaa bɛtete agu,
Sɛdeɛ bobe so ahaban a awoɔ tete gu
Na borɔdɔma a atwintwam tete guo no.
5 “Me sekan ano bɛfɔ wɔ ɔsoro.+
Ɛbɛsiane aba Edom so abɛbu no atɛn,+
Ɛbɛba nnipa a mabu wɔn atɛn sɛ mɛsɛe wɔn no so.
6 Yehowa wɔ sekan bi; mogya bɛyɛ ho nyinaa.
Sradeɛ bɛyɛ ho nyinaa,+
Adwennini nkumaa mogya ne mpɔnkye mogya bɛyɛ ho nyinaa,
Adwennini asaabo ho sradeɛ bɛyɛ ho nyinaa.
Yehowa wɔ afɔreɛ bi bɔ wɔ Bosra;
Ɔwɔ okunkɛseɛ wɔ Edom asaase so.+
Mogya bɛfɔ wɔn asaase,
Na sradeɛ afɔ wɔn dɔteɛ twɔnn.”
10 Anadwo oo, anɔpa oo, ɛrennum;
Na ne wisie bɛkɔ soro daa daa.
Kuro no bɛkɔ so ayɛ amamfo wɔ awoɔ ntoatoasoɔ nyinaa mu,
Na obiara rentwam wɔ hɔ bio da.+
11 Na nsuo so dabodabo ne kɔtɔkɔ bɛgye hɔ afa,
Na patuo asotenten ne kwaakwaadabi bɛtena hɔ.
Na ɔde ɔsɛeɛ susuhoma
Ne amamfoyɛ prumo* bɛto so.
12 N’adehyeɛ no mu biara nni hɔ a wɔde no bɛdi hene,
Na n’aberempɔn nyinaa bɛyera koraa.
13 Nkasɛɛ bɛfifi n’abantenten so,
Na nsansono ne kokora afifi n’abandenden mu.
Ɔbɛyɛ sakraman fie,+
Ne nsohori tenabea.
Aane, anadwo anomaa* bɛba abɛdwodwo ne ho na ɔde hɔ ayɛ n’ahomegyebea.
15 Ɛhɔ na ɔkyereben bɛyɛ ne buo na wato ne nkosua,
Na ɛhɔ na ɔbɛhwane na waboaboa ne mma ano wɔ ne nwunu ase.
Aane, ɛhɔ na asansa bɛboaboa wɔn ano, obiara ne ne hokafoɔ.
16 Monhwehwɛ Yehowa nwoma mu na monkenkan no den:
Baako mpo renyera;
Obiara bɛnya hokafoɔ,
Ɛfiri sɛ ahyɛdeɛ no firi Yehowa anom,
Na ne honhom na aboa wɔn ano.
Ɛbɛyɛ wɔn agyapadeɛ afebɔɔ,
Na wɔbɛtena so awoɔ ntoatoasoɔ nyinaa mu.
Wɔbɛhunu Yehowa animuonyam, yɛn Nyankopɔn kɛseyɛ.
4 Wɔn a wɔn akoma atu no, monka nkyerɛ wɔn sɛ:
“Monhyɛ mo ho den. Monnsuro.
Hwɛ! Mo Nyankopɔn de awerɛdie bɛba,
Onyankopɔn bɛba abɛtua mo atamfo ka.+
Ɔbɛba abɛgye mo.”+
Nsuo bɛtue serɛ so,
Na nsubɔnten asene asaase pradadaa so.
Deɛ ne ho nteɛ remfa so.+
Wɔn a wɔfata sɛ wɔfa kwan no so na wɔbɛfa so,
Na kwasea biara remfom mmɛfa so.
9 Gyata biara remma hɔ,
Na wuram mmoa a wɔn ho yɛ hu biara remfa so.
10 Wɔn a Yehowa agye wɔn no bɛsan aba;+ wɔde osebɔ bɛba Sion.+
Wɔbɛnya anigyeɛ a ɛnni awieeɛ.+
Wɔbɛdi ahurisie na wɔasɛpɛ wɔn ho,
Na awerɛhoɔ ne apinisie adwane.+
36 Ɔhene Hesekia ahennie afe a ɛtɔ so 14 mu no, Asiria hene Senaherib+ foro ba bɛto hyɛɛ Yuda nkuro a wɔabɔ ho ban nyinaa so, na ɔfae.+ 2 Ɛnna Asiria hene somaa Rabsake*+ firii Lakis+ de asraafoɔdɔm kɛseɛ kaa ne ho sɛ ɔnkɔ Ɔhene Hesekia nkyɛn wɔ Yerusalem. Baabi a atifi fam tadeɛ no mu nsuo nam no, ɛhɔ na wɔkɔgyinaa+ kwantempɔn a ɛkɔ ntomasifoɔ asaase so no so.+ 3 Na Hilkia ba Eliakim+ a efie* no hyɛ ne nsa, ne Sebna+ a ɔyɛ ɔtwerɛfoɔ, ne Asaf ba Yoa a ɔyɛ ɔhene krakye bɛhyiaa no.
4 Ɛnna Rabsake ka kyerɛɛ wɔn sɛ: “Mesrɛ mo, monkɔka nkyerɛ Hesekia sɛ, ‘Deɛ ɔhenkɛseɛ, Asiria hene, aka nie: “Ɛdeɛn koraa na wode wo ho ato so yi?+ 5 Woka sɛ, ‘Mewɔ nyansa ne ahoɔden a mɛtumi de ako,’ nanso ne nyinaa yɛ nsɛnhunu ara kwa. Hwan koraa na wode wo ho ato ne so a enti woayɛ aniammɔnho ate atua atia me yi?+ 6 Hwɛ! Egypt na wode wo ho ato ne so, demmire* a emu abu a sɛ onipa twere a ɛbɛwɔ ne nsam apue yi! Saa na Egypt hene Farao teɛ ma wɔn a wɔde wɔn ho ato ne so nyinaa.+ 7 Na sɛ moka kyerɛ me sɛ, ‘Yehowa, yɛn Nyankopɔn na yɛde yɛn ho ato ne so’ a, ɛnyɛ ɔno ara na Hesekia atutu ne sorɔnsorɔmmea* ne n’afɔrebukyia+ na waka akyerɛ Yuda ne Yerusalem sɛ: ‘Afɔrebukyia yi anim na monkoto no’?”’+ 8 Afei wopɛ a, wo ne me wura Asiria hene+ nto nkyea: Mɛma wo apɔnkɔ 2,000, na hwɛ sɛ wobɛtumi anya mmarima atenatena wɔn so anaa. 9 Na sɛ nteaseɛnam ne nnipa a wɔbɛtenatena apɔnkɔ so nti na wode wo ho ato Egypt so a, ɛnneɛ wobɛyɛ dɛn atumi ako atia amrado baako a ɔyɛ me wura nkoa no mu kumaa koraa? 10 Wogye di sɛ Yehowa amma me kwan a anka mɛforo aba sɛ merebɛsɛe asaase yi? Yehowa ankasa na ɔka kyerɛɛ me sɛ, ‘Foro kɔ asaase yi so kɔsɛe no.’”
11 Ɛnna Eliakim ne Sebna+ ne Yoa ka kyerɛɛ Rabsake+ sɛ: “Yɛsrɛ wo, wo ne wo nkoa nka Aram kasa,*+ na yɛte; wo ne yɛn nnka Yudafoɔ kasa mmma nkurɔfoɔ a wɔwɔ fasuo no so no nnte.”+ 12 Nanso Rabsake kaa sɛ: “Mogye di sɛ mo wura ne mo nko ara nti na me wura somaa me sɛ memmɛka nsɛm yi anaa? Wɔn a wɔtete ɔfasuo no so no nka ho bi anaa? Wɔn na wɔbɛdi wɔn ankasa tiafi na wɔanom wɔn ankasa dwonsɔ te sɛ mo ara.”
13 Afei Rabsake gyinaa yie, na ɔde nne kɛseɛ teaam wɔ Yudafoɔ kasa mu+ sɛ: “Montie ɔhenkɛseɛ, Asiria hene no asɛm.+ 14 Deɛ ɔhene aka nie, ‘Mommma Hesekia nnnaadaa mo, na ɔrentumi nnye mo.+ 15 Monnni Hesekia akyi mmfa mo ho nnto Yehowa so+ nnka sɛ: “Sɛdeɛ ɛteɛ biara Yehowa bɛgye yɛn, na ɔremfa kuro yi nhyɛ Asiria hene nsa.” 16 Monntie Hesekia, na Asiria hene aka sɛ: “Mongo mo ho mma me na mommra me nkyɛn,* na obiara bɛdi ɔno ara ne bobe ne ne borɔdɔma, na wanom ɔno ara n’abura mu nsuo 17 kɔsi sɛ mɛba abɛfa mo akɔ asaase a ɛte sɛ mo ara mo asaase so,+ asaase a hwiit* ne bobesa foforɔ wɔ so, asaase a aduane* ne bobefuo* wɔ so no. 18 Mommma Hesekia nnnaadaa mo nnka sɛ, ‘Yehowa bɛgye yɛn.’ Amanaman no anyame no bi atumi agye ne nkurɔfoɔ afiri Asiria hene nsam pɛn?+ 19 Hamat ne Arpad anyame no wɔ he?+ Sefarwayim anyame no nso wɔ he?+ Wɔatumi agye Samaria afiri me nsam anaa?+ 20 Aman yi anyame nyinaa mu hwan na watumi agye ne man afiri me nsam a enti Yehowa bɛtumi agye Yerusalem afiri me nsam?”’”+
21 Nanso wɔyɛɛ komm na wɔamma no mmuaeɛ biara, ɛfiri sɛ na ɔhene aka sɛ: “Mommmua no.”+ 22 Ɛnna Hilkia ba Eliakim a efie* no hyɛ ne nsa, ne Sebna+ a ɔyɛ ɔtwerɛfoɔ, ne Asaf ba Yoa a ɔyɛ ɔhene krakye no sunsuan wɔn ntaadeɛ mu kɔɔ Hesekia nkyɛn, na wɔkaa Rabsake nsɛm no kyerɛɛ no.
37 Berɛ a Ɔhene Hesekia tee asɛm no pɛ, ɔsuan n’ataadeɛ mu, na ɔfiraa awerɛhoɔ ntoma* kɔɔ Yehowa fie hɔ.+ 2 Afei ɔsomaa Eliakim a efie* no hyɛ ne nsa, ne ɔtwerɛfoɔ Sebna ne asɔfoɔ no mu mpanimfoɔ no kɔɔ Amus ba odiyifoɔ Yesaia+ nkyɛn, na na wɔfirafira awerɛhoɔ ntoma. 3 Na wɔka kyerɛɛ no sɛ: “Deɛ Hesekia aka nie, ‘Ɛnnɛ yɛ ahokyerɛ ne animka* ne animguaseɛ da; ɛfiri sɛ yɛayɛ sɛ ɔbaa a awoɔ aka no* nanso ɔnni ahoɔden a ɔde bɛwo.+ 4 Ebia Yehowa, wo Nyankopɔn bɛte nsɛm a Rabsake aka no; ɔno na ne wura Asiria hene asoma no sɛ ɔmmɛbu Onyankopɔn teasefoɔ no animtia.+ Na nsɛm a Yehowa, wo Nyankopɔn ate no nti, ɔbɛma no abu ho akonta. Ɛno nti bɔ mpaeɛ+ ma wɔn a wɔaka a wɔwɔ ha no.’”+
5 Enti Ɔhene Hesekia nkoa no kɔɔ Yesaia nkyɛn.+ 6 Na Yesaia ka kyerɛɛ wɔn sɛ: “Monkɔka nkyerɛ mo wura sɛ, ‘Deɛ Yehowa aka nie: “Mma nsɛm a woteeɛ no mmmɔ wo hu,+ abususɛm a Asiria hene nkoa aka atia me no.+ 7 Mede adwene bi bɛhyɛ ne tirim,* na ɔbɛte amanneɛbɔ bi, na wasan akɔ ɔno ara n’asaase so;+ na mɛma wɔde sekan aku no wɔ ɔno ara n’asaase so.”’”+
8 Berɛ a Rabsake tee sɛ Asiria hene afiri Lakis no, ɔkɔɔ ne nkyɛn, na ɔkɔtoo sɛ ɔne Libna reko.+ 9 Afei ɔhene no tee sɛ Etiopia hene Tirhaka aba sɛ ɔne no rebɛko. Ɔtee saa no, ɔsan somaa nnipa* bi sɛ wɔnkɔ Hesekia nkyɛn.+ Ɔka kyerɛɛ wɔn sɛ: 10 “Monkɔka nkyerɛ Yuda hene Hesekia sɛ, ‘Mma wo Nyankopɔn a wode wo ho ato ne so no nnnaadaa wo sɛ: “Wɔremfa Yerusalem nhyɛ Asiria hene nsa.”+ 11 Deɛ Asiria ahemfo de yɛɛ nsaase no nyinaa ne sɛdeɛ wɔsɛee wɔn pasaa no, woate dada.+ Wo na wobɛnya wo tiri adidi mu anaa? 12 Aman a m’agyanom sɛee wɔn no anyame tumi gyee wɔn anaa?+ Ɛhe na Gosan, Haran,+ Resef, ne Edenfoɔ a na wɔwɔ Tel-Asar no wɔ? 13 Ɛhe na Hamat hene ne Arpad hene ne Sefarwayim+ ne Hena ne Iwa nkuro so ahemfo no wɔ?’”
14 Ɛnna Hesekia gyee nwoma no firii nkurɔfoɔ a wɔsomaa wɔn no nsam kenkaneeɛ, na Hesekia kɔɔ Yehowa fie kɔtrɛɛ mu wɔ Yehowa anim.+ 15 Na Hesekia bɔɔ Yehowa mpaeɛ+ sɛ: 16 “O asafo Yehowa,+ Israel Nyankopɔn a wote kerubim so,* wo nko ara ne nokorɛ Nyankopɔn wɔ asaase so ahennie nyinaa so. Wo na woyɛɛ ɔsoro ne asaase. 17 O Yehowa, yɛ aso na tie!+ O Yehowa, bue w’ani na hwɛ!+ Tie nsɛm a Senaherib asoma sɛ wɔmfa mmɛbu Onyankopɔn teasefoɔ no animtia no nyinaa.+ 18 O Yehowa, ɛyɛ nokorɛ sɛ Asiria ahemfo asɛe nsaase nyinaa+ ne wɔn ankasa asaase. 19 Afei nso, wɔato wɔn anyame agu gya mu,+ ɛfiri sɛ wɔnyɛ anyame, na mmom nnipa nsa ano adwuma,+ nnua ne aboɔ; ɛno nti na wɔtumi sɛee wɔn no. 20 Enti afei, O Yehowa, yɛn Nyankopɔn, gye yɛn firi ne nsam na asaase so ahennie nyinaa nhu sɛ wo, Yehowa, wo nko ara ne Onyankopɔn.”+
21 Na Amus ba Yesaia soma kɔka kyerɛɛ Hesekia sɛ: “Deɛ Israel Nyankopɔn Yehowa aka nie, ‘Asiria hene Senaherib ho mpaeɛ a wobɔɔ me no nti,+ 22 Yehowa asɛm a waka atia no nie:
“Sion babaa, ɔbaabunu no, abu wo animtia, na wo ho yɛ no sere.
Yerusalem babaa no awoso ne ti akyerɛ wo.
23 Hwan na woabu no animtia+ aka abususɛm atia no yi?
Hwan na woateateam agu ne so+
Na woama w’ani atra w’ani ntɔn wɔ ne so yi?
Ɛyɛ Israel Kronkronni no!+
24 Wonam wo nkoa so abu Yehowa animtia+ aka sɛ,
‘Ɛko nteaseɛnam bebree a mewɔ no,
Mede bɛforo akɔ mmepɔ atifi,+
Lebanon akyirikyiri.
Mɛtwitwa sida nnua atenten ne papao nnua fɛfɛ a ɛwɔ hɔ no agu.
Mɛforo akɔ mmeaeɛ a ɛwɔ soro paa, ne ne kwaeɛbirentuo mu.
26 Wontee anaa? Ɛfiri tete na mebɔɔ me tirim sɛ mɛyɛ.*
Mehyɛ too hɔ nyɛ nnɛ.+
Afei mɛma no aba mu.+
Wobɛma nkuro a wɔabɔ ho ban adane amamfo.*+
27 Emu nnipa bɛyɛ mmɔbɔ;
Ehu bɛka wɔn na wɔn anim agu ase.
Wɔbɛyɛ sɛ asaase so wura ne serɛ mono,
Wɔbɛyɛ sɛ ɛdan so serɛ a apueeɛ mframa ama no ahye.*
28 Berɛ a wote hɔ ne berɛ a worekɔ ba nyinaa m’ani tua,+
Na w’ani bere me so nso a, mehunu,+
29 Ɛfiri sɛ sɛdeɛ w’ani abere me so+ na worebobom no, mate.+
Enti mede me daawa bɛwura wo hwenem, na mede me nnareka+ ato w’ano,
Na ɛkwan a wofaa so baeɛ no, ɛno ara so na mɛma woafa akɔ.”
30 “‘Wei bɛyɛ sɛnkyerɛnne ama wo:* Afe yi, mobɛdi hwiit* a ɛno ara afifi;* afe a ɛtɔ so mmienu no nso, mobɛdi hwiit a ɛno ara afifi; nanso afe a ɛtɔ so mmiɛnsa no deɛ, mobɛgu aba na moatwa, na moayeyɛ bobefuo* na moadi mu aba.+ 31 Yuda fiefoɔ a wɔbɛnya wɔn tiri adidi mu, wɔn a wɔbɛka no,+ wɔn nhini bɛwurawura fam, na wɔbɛnyini akɔ soro na wɔaso aba. 32 Na nkaefoɔ bi bɛfiri Yerusalem aba, na wɔn a wɔanya wɔn tiri adidi mu no bɛfiri Sion Bepɔ so aba.+ Asafo Yehowa ahokeka nti na ɔbɛyɛ wei.+
33 “‘Enti deɛ Yehowa aka afa Asiria hene ho nie:+
34 ‘Ɛkwan a ɔfaa so baeɛ no ara so na ɔbɛfa akɔ,
Na ɔremma kuro yi mu,’ Yehowa na aka.
36 Na Yehowa bɔfoɔ pue kɔɔ Asiriafoɔ asoɛeɛ hɔ kɔkunkum mmarima 185,000. Berɛ a nkurɔfoɔ sɔree anɔpatutuutu no, wɔhuu sɛ afunu ayɛ hɔ ma.+ 37 Enti Asiria hene Senaherib firii hɔ, na ɔsan kɔɔ Niniwe+ kɔtenaa hɔ.+ 38 Na berɛ a ɔkɔɔ ne nyame Nisrok fie* kɔkotoeɛ no, ɔno ara ne mma mmarima Adramelek ne Sareser de sekan kum no,+ na wɔdwane kɔɔ Ararat+ asaase so. Na ne ba Esar-Haddon+ bɛdii n’adeɛ.
38 Saa nna no mu no, Hesekia yare maa anka ɔreyɛ awu.+ Na Amus ba odiyifoɔ Yesaia+ bae, na ɔbɛka kyerɛɛ no sɛ: “Deɛ Yehowa aka nie, ‘Yɛ ntotoeɛ wɔ wo fie, ɛfiri sɛ wobɛwu; wo ho rentɔ wo.’”+ 2 Ɛnna Hesekia de n’ani kyerɛɛ dan, na ɔfirii aseɛ bɔɔ Yehowa mpaeɛ sɛ: 3 “O Yehowa, mesrɛ wo, kae+ sɛdeɛ mede nokorɛdie ne akoma mũ anante w’anim,+ na mayɛ deɛ ɛyɛ wɔ w’ani so.” Na Hesekia firii aseɛ suu pii.
4 Afei Yehowa ka kyerɛɛ Yesaia sɛ: 5 “San w’akyi na kɔka kyerɛ Hesekia sɛ,+ ‘Deɛ Yehowa, wo nana Dawid Nyankopɔn aka nie: “Mate wo mpaebɔ+ no. Mahunu wo nisuo.+ Enti mede mfeɛ 15 bɛka wo nkwa nna* ho,+ 6 na mɛgye wo ne kuro yi afiri Asiria hene nsam, na mɛbɔ kuro yi ho ban.+ 7 Wei ne sɛnkyerɛnne a ɛfiri Yehowa hɔ a ɛbɛma woahu sɛ Yehowa bɛyɛ deɛ waka no:+ 8 Hwɛ, mɛma sunsum a awia ama ɛresiane wɔ Ahas stɛps* so no akɔ n’akyi anammɔn du.”’”+ Enti awia sunsum a na asiane dada wɔ stɛps no so no kɔɔ n’akyi anammɔn du.
9 Asɛm yi na Yuda hene Hesekia twerɛeɛ* berɛ a ɔyareeɛ na ne ho tɔɔ no no.
Me mfeɛ a aka bɛbɔ me.”
11 Mekaa sɛ: “Merenhunu Yah,* merenhunu Yah wɔ ateasefoɔ asaase so.+
Merenhunu nnipa anim bio
Berɛ a mewɔ nkurɔfoɔ a wɔwɔ baabi a hwee nkɔ so mu no.
Mabobɔ me nkwa te sɛ deɛ ntomanwemfoɔ bobɔ ntoma;
Watwa me afiri hɔ te sɛ deɛ wɔtwitwa ntoma a wɔanwene awie ho nhoma firi nsadua* so no.
Ɛfiri awia kɔsi anadwo, wowie me nkakrankakra.+
13 Mebɔ mmɔden sɛ mɛyɛ komm akɔsi anɔpa.
Ɔbubu me nnompe nyinaa mu te sɛ gyata;
Ɛfiri awia kɔsi anadwo, wowie me nkakrankakra.+
Mahwɛ soro ama m’ani abrɛ:+
15 Deɛn na menka?
Waka akyerɛ me, na wayɛ.
Wobɛma manya ahoɔden na woama manya nkwa.+
17 Hwɛ! Mannya asomdwoeɛ, mmom medii awerɛhoɔ kɛse;
Nanso wode wo ho fam me ho,*
Woyii me firii ɔsɛeɛ amena mu.+
Woato me bɔne nyinaa agu w’akyi.*+
Wɔn a wɔkɔ amena mu no ntumi nhwɛ wo nokorɛdie kwan.+
19 Ateasefoɔ, ateasefoɔ na wɔbɛtumi akamfo wo,
Sɛdeɛ mɛtumi ayɛ nnɛ da yi.
Agya bɛtumi ama ne mma ahunu wo nokorɛdie.+
21 Ɛnna Yesaia kaa sɛ: “Momfa borɔdɔma a awo a wɔabɔ no toa mmra, na momfa ntare mpɔmpɔ no so na ne ho ntɔ no.”+ 22 Saa berɛ no, na Hesekia adi kan abisa sɛ: “Ɛdeɛn ne sɛnkyerɛnne a ɛkyerɛ sɛ mɛforo akɔ Yehowa fie?”+
39 Saa berɛ no, Babilon hene Merodak-Baladan a ɔyɛ Baladan ba no soma maa wɔde nkrataa ne akyɛdeɛ kɔmaa Hesekia,+ ɛfiri sɛ ɔtee sɛ wayare ama ne ho atɔ no.+ 2 Hesekia de anigyeɛ gyee wɔn,* na ɔde n’adekoradan mu nneɛma kyerɛɛ wɔn,+ kyerɛ sɛ, dwetɛ ne sika kɔkɔɔ ne balsam ngo ne ngo pa ne baabi a ɔkora n’akodeɛ nyinaa, ne biribiara a ɛwɔ n’akoraeɛ. Biribiara nni Hesekia fie* ne n’ahemman mu a wamfa ankyerɛ wɔn.
3 Ɛnna odiyifoɔ Yesaia baa Ɔhene Hesekia nkyɛn bɛbisaa no sɛ: “Asɛm bɛn na mmarima yi kaeɛ, na ɛhe na wɔfiri baeɛ?” Na Hesekia buaa sɛ: “Wɔfiri akyirikyiri asaase bi so, wɔfiri Babilon.”+ 4 Na ɔsan bisaa sɛ: “Ɛdeɛn na wɔhuu wɔ wo fie?”* Ɛnna Hesekia kaa sɛ: “Wɔhuu biribiara a ɛwɔ me fie.* Biribiara nni m’akoraeɛ a mamfa ankyerɛ wɔn.”
5 Ɛnna Yesaia ka kyerɛɛ Hesekia sɛ: “Tie asafo Yehowa asɛm yi, 6 ‘Hwɛ! Nna bi reba, na deɛ ɛwɔ wo fie* nyinaa, ne deɛ w’agyanom de asie abɛsi nnɛ nyinaa, wɔbɛfa akɔ Babilon. Biribiara renka,’+ Yehowa na aka.+ 7 ‘Na wɔbɛfa wo ara wo mma a wobɛwo wɔn no mu bi akɔ ama wɔakɔyɛ nhenkwaa wɔ Babilon hene ahemfie.’”+
8 Ɛnna Hesekia ka kyerɛɛ Yesaia sɛ: “Yehowa asɛm a woaka no yɛ.” Na ɔtoaa so kaa sɛ: “Ɛfiri sɛ asomdwoeɛ ne ahotɔ* bɛtena hɔ wɔ me berɛ so.”*+
40 “Monkyekye me man werɛ, monkyekye wɔn werɛ,” mo Nyankopɔn asɛm nie.+
2 “Monka asɛm mma no ntɔ Yerusalem akoma so,*
Na monka nkyerɛ no sɛ ne nkoadwuma aba awieeɛ.
Monka nkyerɛ no sɛ wɔatua ne bɔne ho ka awie.+
Wanya ne bɔne so akatua nyinaa* afiri Yehowa nsam.”+
3 Obi reteam wɔ serɛ so sɛ:
“Monsiesie Yehowa kwan!+
Mompae kwantempɔn a ɛda mu tee+ wɔ asaase pradadaa so mma yɛn Nyankopɔn.+
4 Momma abɔn nyinaa so,
Na mommrɛ mmepɔ ne nkokoɔ nyinaa ase.
Asaase a ɛso atutu no, momma ɛso nyɛ toromtorom,
Na asaase a ayɛ mmonkyimmɔnka no nyɛ asaasetraa.+
6 Tie! Obi se: “Team!”
Ɛnna obi foforɔ bisaa sɛ: “Menteam nka sɛn?”
“Ɔhonam nyinaa* te sɛ serɛ mono.
Ɔdɔ a ɛnni hwammɔ a wɔwɔ nyinaa te sɛ wuram nhwiren.+
Ampa ara ɔman no te sɛ serɛ mono.
Ma wo nne so dendeenden,
Ɔbaa a wode asɛmpa reba Yerusalem.
Ma so, nsuro.
Ka kyerɛ Yuda nkuro sɛ: “Mo Nyankopɔn nie.”+
Hwɛ! N’akatua ka ne ho,
Na deɛ ɔde tua ka di n’anim.+
11 Ɔbɛhwɛ ne nnwan sɛ odwanhwɛfoɔ.+
Ɔde ne basa bɛboaboa nnwan mma no ano,
Na waturu wɔn wɔ ne kokom.
Wɔn a wɔma nufoɔ no, ɔbɛka wɔn brɛoo.+
Hwan na ɔde susukuruwa asusu asaase so mfuturo,+
Anaa ɔde nsenia* akari mmepɔ,
Na ɔde nsenia akari nkokoɔ?
14 Hwan na ɔne no tuu agyina ansa na ɔrete biribi ase,
Anaa ɔkyerɛ no atɛntenenee kwan,
Anaa ɔkyerɛ no nimdeɛ,
Anaa ɔma no hunu nteaseɛ kwan ankasa?+
Hwɛ! Ɔma nsupɔ so sɛ mfuturo muhumuhu.
17 Aman nyinaa te sɛ biribi a ɛnni hɔ wɔ n’anim;+
Ɔbu wɔn sɛ adehunu bi, te sɛ biribi a mfasoɔ nni so.+
18 Hwan ho na mobɛtumi de Onyankopɔn atoto?+
Deɛn na mode no bɛtoto ho?+
19 Odwumfoɔ de dadeɛ a wɔanane yɛ ohoni,*
Ɔtomfoɔ de sika kɔkɔɔ fa ho,+
Na ɔyɛ dwetɛ kɔnmuadeɛ* toto wɔn kɔn mu.
Ɔhwehwɛ odwumfoɔ a ɔnim adwuma
Ma no sene ohoni a ɛnhinhim.+
21 Monnim?
Na montee?
Wɔnka nkyerɛɛ mo mfirii mfitiaseɛ?
Ɛfiri berɛ a wɔtoo asaase fapem no, montee aseɛ anaa?+
Ɔno na ɔretwe ɔsoro mu te sɛ ntoma nahanaha,
Na ɔtrɛ mu te sɛ ntomadan a wɔtena mu.+
23 Ɔbrɛ aberempɔn ase ma wɔba fam koraa a wɔnsɛ hwee,
Na ɔma asaase so atemmufoɔ* yɛ sɛ biribi a mfasoɔ nni so.
24 Sɛ wɔdua wɔn ara pɛ,
Na wɔtɛ wɔn ara pɛ,
Sɛ wɔnya nhini wɔ asaase mu ara pɛ a,
Mframa bɔ fa wɔn so ma wɔkusa,
Na mframa soa wɔn kɔ te sɛ ntɛtɛ.+
25 “Hwan ho na mode me bɛtoto ama ɔne me asɛ?” Ɔkronkronni no asɛm nie.
26 “Momma mo ani so nhwɛ soro, na monhwɛ.
Hwan na ɔbɔɔ weinom nyinaa?+
Ɔno ne Deɛ ɔdi wɔn anim de wɔn pue sɛ asraafoɔ; ɔkan wɔn nyinaa,
Na ɔbobɔ wɔn nyinaa din frɛfrɛ wɔn.+
Ɛsiane n’ahoɔden pii ne ne tumi a ɛyɛ hu nti,+
Wɔn mu baako mpo nyera.
27 O Yakob, deɛn nti na wokasa; O Israel, deɛn nti na woka sɛ,
‘Me kwan ahinta Yehowa,
Na mennya atɛntenenee mfiri Nyankopɔn hɔ’?+
28 Wonnim? Na wontee?
Yehowa a ɔbɔɔ asaase firi tire kɔsi tire no yɛ daa Nyankopɔn.+
Ɔmmrɛ da na n’ahoɔden nsa da.+
Obiara rentumi nhwehwɛ ne nteaseɛ mu nwie.*+
30 Mmarimaa bɛbrɛ, na wɔn ahoɔden bɛsa,
Na mmeranteɛ bɛsunti na wɔahwe ase,
31 Nanso wɔn a wɔn ani da Yehowa so no bɛsan anya ahoɔden.
Wɔde ntaban bɛtu te sɛ akɔdeɛ.+
Wɔbɛtu mmirika, nso wɔn ahoɔden rensa;
Wɔbɛnante, nso wɔremmrɛ.”+
Momma wɔmmra; afei momma wɔnkasa.+
Momma yɛnhyia nni asɛm.
2 Hwan na wanyane obi afiri apueeɛ,*+
Na ɔde tenenee afrɛ no aba Ne nan ase,*
Sɛ ɔde amanaman bɛhyɛ ne nsa,
Na wama no abrɛ ahemfo ase?+
Hwan na ɔde ne sekan ama wɔayɛ sɛ mfuturo,
Na n’agyan ayɛ wɔn sɛ ntɛtɛ a mframa ahuo?
3 Ɔti wɔn, na biribiara nsi no kwan
Wɔ akwan a ne nan nsii so da so.
4 Hwan na wakeka ne ho ayɛ wei?
Hwan na wafrɛ awoɔ ntoatoasoɔ mmaako mmaako firi mfitiaseɛ?
5 Nsupɔ ahunu, na wɔasuro.
Asaase afanan nyinaa firii aseɛ wosoe.
Wɔtwe bɛn, wɔba wɔn anim.
6 Obiara boa ne yɔnko,
Na obiara ka kyerɛ ne nua sɛ: “Hyɛ wo ho den.”
7 Enti odwumfoɔ hyɛ ɔtomfoɔ den;+
Deɛ ɔde hamma* bobɔ dadeɛ so ma ɛyɛ tratra no
Hyɛ deɛ ɔbɔ ɔtommoɔ* so no den.
Ɔka nnadeɛ a wɔasosɔ abom no ho asɛm sɛ: “Ɛyɛ.”
Afei wɔde nnadewa bobom na anhwe fam.
8 “Na wo, O Israel, woyɛ m’akoa,+
Wo, O Yakob, wo na mayi wo,+
9 Wo a mefaa wo firii asaase ano baeɛ,+
Wo a mefrɛɛ wo firii n’ahyeɛ so akyirikyiri.
10 Nsuro, ɛfiri sɛ meka wo ho.+
Mma w’ani nnyɛ wo totɔtotɔ, ɛfiri sɛ mene wo Nyankopɔn.+
Mɛhyɛ wo den, aane, mɛboa wo,+
Mede me tenenee nsa nifa bɛsɔ wo mu dendeenden.’
11 Hwɛ! Wɔn a wɔn bo afu wo nyinaa bɛfɛre na wɔn anim agu ase.+
Wɔn a wɔne wo ko no, wɔbɛbrɛ wɔn ase na wɔahye wɔn ase.+
12 Mmarima a wɔne wo di aperepereɛ no, wobɛhwehwɛ wɔn nanso worenhu wɔn;
Mmarima a wɔne wo ko no bɛyɛ sɛ biribi a ɛnni hɔ, adehunu bi.+
13 Ɛfiri sɛ me, Yehowa wo Nyankopɔn, mekura wo nsa nifa mu.
Me na meka kyerɛ wo sɛ, ‘Nsuro. Mɛboa wo.’+
Israel mmarima, mɛboa mo,” mo Gyefoɔ Yehowa,+ Israel Kronkronni no asɛm nie.
15 “Hwɛ! Mayɛ wo afidie a wɔde poro hwiit,+
Ade foforɔ a wɔde poro hwiit a ɛse wɔ animu ne akyire nyinaa.
Wobɛtiatia mmepɔ so ama abubu pasaa,
Na woama nkokoɔ ayɛ sɛ ntɛtɛ.
17 “Abrɛfoɔ ne ahiafoɔ rehwehwɛ nsuo, nanso ebi nni hɔ.
Sukɔm nti, wɔn kɛtrɛma so awo.+
Me, Yehowa, mɛgye wɔn so.+
Me, Israel Nyankopɔn, merennya wɔn.+
Asaase pradadaa so na mɛdua papao dua,
Ne ɔsɛsɛ dua ne kwabɔhorɔ dua,+
20 Sɛdeɛ ɛbɛyɛ a nnipa nyinaa bɛhunu na wɔate aseɛ,
Na wɔatie na wɔahunu sɛ
Yehowa nsa na ayɛ wei,
Na Israel Kronkronni no na wabɔ.”+
21 “Momfa mo asɛm mmɛto dwa,” Yehowa na aka.
“Momfa mo adanseɛ mmra,” Yakob Hene asɛm nie.
22 “Momfa adanseɛ mmra na monkyerɛ yɛn deɛ ɛbɛsie.
Nneɛma a ɛreba no nso, monka mma yɛntie.+
Aane, monyɛ biribi, papa anaa bɔne,
Na sɛ yɛhunu a, yɛn ho adwiri yɛn.+
Obiara a ɔbɛyi mo no yɛ akyiwadeɛ.+
26 Hwan na ɔkaa wei ho asɛm firii mfitiaseɛ, sɛdeɛ ɛbɛyɛ a anka yɛbɛtumi ahunu?
Hwan na ɔkaa biribi firii tete, sɛdeɛ ɛbɛyɛ a anka yɛbɛtumi aka sɛ, ‘Ɔyɛ nokwafoɔ’?+
Nokwasɛm ne sɛ, obiara nni hɔ a ɔde too dwa!
Obiara nni hɔ a ɔkaeɛ!
Obiara ante biribiara amfiri mo hɔ!”+
27 Me na medii kan ka kyerɛɛ Sion sɛ: “Hwɛ! Wɔn nie!”+
Na mɛsoma obi a ɔkura asɛmpa akɔ Yerusalem.+
28 Na mehwɛe ara, nso manhunu obiara.
Wɔn mu biara nso nni hɔ a na ɔbɛtu fo.
Na mekae ara sɛ wɔmma me mmuaeɛ.
29 Hwɛ! Wɔn nyinaa yɛ biribi a ɛnni hɔ.
Wɔn nnwuma yɛ adehunu.
Wɔn dadeɛ ahoni* yɛ mframa ne biribi a mfasoɔ nni so.+
42 Hwɛ! M’akoa+ a mekura ne mu dendeenden!
Deɛ mayi no+ na magye no atom!*+
Ɔde nokorɛdie bɛbu atɛntenenee.+
5 Yehowa ne nokorɛ Nyankopɔn a ɔbɔɔ ɔsoro.
Ɔno ne Opumpuni a ɔtwee mu.+
Ɔno na ɔtrɛɛ asaase ne ɛso nneɛma mu.+
Ɔde home ma nnipa a wɔte so,+
Na ɔde honhom ma wɔn a wɔnam so no.+ Deɛ waka nie:
6 “Me, Yehowa, mafrɛ wo tenenee mu,
Na masɔ wo nsa.
Na woayi nneduafoɔ afiri afiase,
Na woayi wɔn a wɔte sum mu afiri afiase.+
9 Hwɛ, deɛ ɛdi kan no aba mu;
Afei mereka nsɛm foforɔ.
Mereka ho asɛm akyerɛ mo ansa na aba.”+
10 Monto dwom foforɔ mma Yehowa,+
Monyi no ayɛ mfiri asaase ano,+
Mo a monam po so ne deɛ ɛwom nyinaa,
Nsupɔ ne mo a motete so.+
Momma wɔn a wɔtete abotan mu nni ahurisie;
Momma wɔnteam dendeenden mfiri mmepɔ atifi.
13 Yehowa bɛpue sɛ ɛko mu katakyie.+
Ɔbɛkanyan ne ho sɛ ɔsabarima.+
Ɔbɛteam, ɔbɛteam dendeenden;
Ɔbɛkyerɛ sɛ ne ho yɛ den sene n’atamfo.+
14 “Mayɛ komm akyɛ.
Memuaa m’ano, na mehyɛɛ me ho so.
Afei mɛpene sɛ ɔbaa a ɔrewo,
Mɛhome hahyeehahyee, na matwe mframa; mɛyɛ ne nyinaa prɛko pɛ.
15 Mɛsɛe mmepɔ ne nkokoɔ,
Na mɛma ɛso afifideɛ nyinaa ahye.
Esum a ɛda wɔn anim no, mɛma adane hann,+
Na baabi a ɛhɔ yɛ mmonkyimmɔnka no, mɛma adane asaasetraa.+
Wei na mɛyɛ ama wɔn, na merennya wɔn.”
17 Wɔn a wɔde wɔn ho to ahoni a wɔasene so,
Wɔn a wɔka kyerɛ dadeɛ ahoni* sɛ: “Mone yɛn anyame”+ no,
Wɔbɛma wɔasan wɔn akyi, na wɔn ani bɛwu pɔtɔɔ.
19 Hwan na n’ani afira sene m’akoa,
Na n’aso asi sene deɛ mesoma no no?
Hwan na n’ani afira sene deɛ wɔatua no ka,
Na n’ani afira sene Yehowa akoa?+
20 Wohunu nneɛma pii, nanso wonhwɛ.
Wobue w’aso, nanso wontie.+
22 Nanso wɔyɛ nnipa a nkurɔfoɔ afom wɔn de wɔn kɔ;+
Wɔn nyinaa aka ntokuro mu, na wɔde wɔn asie afiase.+
Wɔafom wɔn de wɔn kɔ, na ɔgyefoɔ biara nni hɔ;+
Wɔafom wɔn de wɔn kɔ, na obiara nni hɔ a ɔbɛka sɛ: “Momfa wɔn mmra!”
23 Mo mu hwan na ɔbɛtie asɛm yi?
Hwan na ɔbɛwɛn n’aso atie deɛ wɔbɛka no akyire yi?
24 Hwan na ɔmaa kwan maa wɔfom Yakob nneɛma,
Na ɔde Israel hyɛɛ nkurɔfoɔ a wɔfom nneɛma no nsa?
Ɛnyɛ Yehowa, Deɛ yɛayɛ no bɔne no?
Na ɛhyee biribiara a atwa ne ho ahyia, nanso wanhunu;+
Ɛhyee no, nanso wamfa ansie n’akomam.+
43 Afei asɛm a Yehowa,
Deɛ ɔbɔɔ wo, O Yakob, deɛ ɔnwenee wo, O Israel,+ aka nie;
“Nsuro, na magye wo.+
Mabɔ wo din afrɛ wo.
Woyɛ me dea.
Sɛ wofa egya mu a, ɛrenhye wo,
Na gyaframa renhye wo ho nwi mpo.
3 Ɛfiri sɛ mene Yehowa wo Nyankopɔn,
Israel Kronkronni no, wo Gyefoɔ no.
Mede Egypt ayɛ agyedeɛ ama wo,
Na mede Etiopia ne Seba asi w’ananmu.
Ɛno nti mede nnipa bɛsi w’ananmu,
Na mede aman asi wo nkwa* ananmu.
5 Nsuro, ɛfiri sɛ meka wo ho.+
6 Mɛka akyerɛ atifi fam sɛ, ‘Gyaa wɔn!’+
Na maka akyerɛ anaafoɔ fam sɛ, ‘Nnye wɔn nka hɔ.
Fa me mma mmarima firi akyirikyiri bra, na fa me mma mmaa firi asaase ano bra,+
Ne deɛ mabɔ no de ahyɛ me ho animuonyam,
Deɛ manwene no, ne deɛ mayɛ no biara.’+
Wɔn mu hwan na ɔbɛtumi aka wei?
Anaa wɔbɛtumi ama yɛate kane nneɛma* no ho asɛm?+
Ma wɔmfa wɔn adansefoɔ mmra na wɔmfa mmɛbu wɔn ho bem,
Anaasɛ ma wɔnte na wɔnka sɛ, ‘Ɛyɛ nokorɛ!’”+
10 Yehowa asɛm nie: “Mone m’adansefoɔ,+
Aane, m’akoa a mayi no,+
Na ama moahunu, na moagye me adi,*
Na moahunu sɛ me ara mene no.+
Wɔnnwenee Onyankopɔn bi m’anim,
Na m’akyi nso, obi nni hɔ.+
11 Me ara mene Yehowa,+ na m’akyi no, ɔgyefoɔ biara nni hɔ.”+
12 Yehowa asɛm nie: “Me na mekaeɛ, na megyee nkwa, na memaa wɔteeɛ,
Berɛ a na onyame foforɔ biara nni mo mu no.+
Enti mone m’adansefoɔ, na mene Onyankopɔn.+
Sɛ mekeka me ho a, hwan na ɔbɛtumi asi me kwan?”+
14 Yehowa, mo Gyefoɔ,+ Israel Kronkronni+ no asɛm nie:
“Mo nti, mɛsoma akɔ Babilon akɔbubu apono akyi nnadeɛ nyinaa,+
Na ahoyera nti, Kaldeafoɔ a wɔte po so ahyɛn mu no bɛsu buei! buei!+
15 Mene Yehowa, mo Kronkronni no,+ Israel Bɔfo+ no, mo Hene+ no.”
16 Deɛ Yehowa
A ɔpae kwan to po mu,
Deɛ ɔyi kwan to nsuo a ɛrebu fa so mu,+
17 Deɛ ɔma ɛko nteaseɛnam ne apɔnkɔ firi adi,+
Na ɔma asraafoɔdɔm ne mmarima a wɔnim ko firi adi no aka nie:
“Wɔbɛda fam, na wɔrensɔre.+
Wɔbɛdum wɔn, wɔbɛdum wɔn te sɛ deɛ wɔdum ntomaban a ɛredɛre.”
18 “Monnkae kane nneɛma no,
Na monnnwene tete nneɛma ho.
Monhunu anaa?
20 Wuram mmoa bɛhyɛ me animuonyam,
Sakraman ne nsohori,
Ɛfiri sɛ mɛma nsuo aba serɛ so,
Na nsubɔnten asene anwea pradadaa so,+
Na me man, deɛ mayi no+ no, anom,
21 Ɔman a manwene wɔn afa no,
Sɛdeɛ ɛbɛyɛ a wɔbɛka m’ayeyie akyerɛ.+
23 Womfaa odwan mmɔɔ ɔhyeɛ afɔreɛ mmaa me,
Na womfaa w’afɔreɛ nhyɛɛ me animuonyam.
Na mmom wo bɔne ayɛ adesoa wɔ me so,
Na wo mfomsoɔ ama mabrɛ.+
26 Kaakae me; ma yɛnhyia nni asɛm;
Ka w’asɛm na fa kyerɛ sɛ wodi bem.
28 Enti mɛgu kronkronbea hɔ mpanimfoɔ no ho fĩ,
Na mede Yakob bɛma ɔsɛeɛ
Na mama wɔatwa Israel adapaa.+
5 Obi bɛka sɛ: “Meyɛ Yehowa dea.”+
Na obi foforɔ nso afrɛ ne ho Yakob,
Na foforɔ nso bɛtwerɛ agu ne nsa ho sɛ: “Yehowa dea.”
Na ɔbɛfa Israel din ato ne ho.’
‘Mene deɛ ɔdi kan ne deɛ ɔdi akyire.+
Onyankopɔn biara nni hɔ ka me ho.+
Ma no mpae mu nka; ɔnka, na ɔmfa ho adanseɛ nsi m’anim!+
Sɛdeɛ mayɛ firi berɛ a mede tetefoɔ no baeɛ no,
Momma wɔnka nneɛma a ɛreba
Ne deɛ ɛbɛba daakye.
Memmaa mo mu biara ntee, na menkaa ho asɛm nkyerɛɛ mo anaa?
Mone m’adansefoɔ.+
Onyankopɔn bi wɔ hɔ ka me ho anaa?
Daabi, Ɔbotan biara nni hɔ ka me ho.+ Menhunuu bi.’”
10 Hwan na ɔbɛnwene onyame anaa ɔbɛyɛ dadeɛ honi*
A mfasoɔ biara nni so?+
11 Hwɛ! Wɔn a wɔka ne ho nyinaa ani bɛwu!+
Wɔn a wɔyɛ ahoni no yɛ nnipa kɛkɛ.
Ma wɔn nyinaa nhyia, na wɔnnyina hɔ.
Ehu bɛka wɔn, na wɔn nyinaa ani bɛwu.
12 Ɔtomfoɔ de dadeɛ to gya mu, na ɔde ne dadeɛ yɛ ho adwuma.
Afei ɛkɔm de no, na n’ahoɔden so te.
Ɔnnom nsuo, enti ɔbrɛ.
13 Duadwumfoɔ twe susuhoma, ɔde kyɔɔk kɔkɔɔ sensan dua ho.
Ɔde adeɛ sene, na ɔde kɔmpase sensan ho.
14 Obi nso adwuma ne sɛ ɔbɛbu sida nnua.
Ɔhwehwɛ dua bi, odum,
Na ɔma no nyini wɔ kwaeɛ mu nnua mu.+
Ɔdua ɔsennuro, na nsuo tɔ gu so ma ɛnyini.
15 Afei onipa de sɔ gya.
Ɔyi bi tena ho ma ne ho yɛ no hye;
Ɔde bi sɔ gya de to paanoo.
Na ɔde bi nso yɛ onyame som no.
Ɔde yɛ ohoni, na ɔkoto n’anim.+
16 Ɔde fã sɔ gya;
Saa fã no, ɔde toto nam we mee.
Afei ɔtena gya no ho ma ne ho yɛ no hye, na ɔka sɛ:
“Aa! Egya a merehwɛ yi ama me ho ayɛ me hye.”
17 Na ɔde deɛ aka no yɛ onyame, ɔde yɛ ne honi.
Ɔkoto no, na ɔsom no.
Ɔbɔ no mpaeɛ, na ɔka sɛ:
“Gye me, ɛfiri sɛ wone me nyame.”+
18 Wɔnnim hwee, na wɔnte hwee ase,+
Ɛfiri sɛ wɔaka wɔn ani afemfam so na ɛnhunu adeɛ,
Na wɔn akoma ntumi nte asɛm ase.
19 Obiara nnwene wɔ n’akomam,
Na obi nni nimdeɛ anaa nhunumu a ɔbɛka sɛ:
“Mede fã sɔɔ gya,
Metoo paanoo wɔ ne nsramma so, na metotoo nam wɔ so wee.
Memfa deɛ aka no nyɛ akyiwadeɛ anaa?+
Dua sini* na mensom no anaa?”
20 Ɔdi nsõ.
Ɔno ara n’akoma daadaafoɔ no ama no ayera.
Ɔntumi nnye ne ho,* na ɔntumi mmisa sɛ:
“Enti ɛnyɛ atorɔ na ɛwɔ me nsa nifa mu yi?”
21 “Kae weinom, O Yakob, ne wo, O Israel,
Ɛfiri sɛ woyɛ m’akoa.
Me na meyɛɛ wo, na woyɛ m’akoa.+
O Israel, me werɛ remfi wo.+
22 Mɛpepa wo mmarato te sɛ deɛ mununkum akata so,+
Na mapepa wo bɔne te sɛ deɛ mununkum tumm akata so.
San bra me nkyɛn, na mɛgye wo.+
23 Ɔsoro, monni ahurisie,
Ɛfiri sɛ Yehowa akeka ne ho!
Asaase ase tɔnn, mommɔ ose!
Mmepɔ, monni ahurisie,+
Kwaeɛ ne emu nnua nyinaa!
Ɛfiri sɛ Yehowa agye Yakob,
Na wada n’animuonyam adi wɔ Israel so.”+
“Mene Yehowa, deɛ ɔyɛɛ nneɛma nyinaa.
Hwan na na ɔka me ho?
25 Me na mesɛe wɔn a wɔka nsɛnhunu* no nsɛnkyerɛnne,
Na me na mema wɔn a nkurɔfoɔ kɔ wɔn nkyɛn abisa yɛ sɛ nkwaseafoɔ;+
Me na mema anyansafoɔ adwene tu fra,
Na mema wɔn nimdeɛ dane nkwaseasɛm;+
26 Mene deɛ ɔma n’akoa asɛm yɛ nokorɛ,
Na ɔma wɔn a ɔsoma wɔn no nkɔmhyɛ ba mu korakora;+
Deɛ ɔka fa Yerusalem ho sɛ, ‘Wɔbɛtena mu,’+
Ne Yuda nkuro ho sɛ, ‘Wɔbɛsan akyekyere,+
Na n’amamfo nso, mɛma asi ne dada mu’;+
27 Me na meka kyerɛ nsuo a emu dɔ sɛ, ‘We,
Na mɛma wo nsubɔnten nyinaa awewe’;+
28 Me na meka Kores+ ho asɛm sɛ, ‘Ɔyɛ me dwanhwɛfoɔ,
Na ɔbɛyɛ deɛ mepɛ nyinaa akɔsi aseɛ’;+
Me na meka Yerusalem ho asɛm sɛ, ‘Wɔbɛsan akyekyere,’
Ne asɔrefie no ho sɛ, ‘Wɔbɛto wo fapem.’”+
45 Sei na Yehowa aka akyerɛ Kores, deɛ wasra no no,+
Deɛ masɔ ne nsa nifa mu+
Sɛ mɛbrɛ aman ase n’anim+
Na magye ahemfo akodeɛ,*
Na mabue apono a ɛbɔ ho mmienu wɔ n’anim,
Sɛdeɛ ɛbɛyɛ a wɔrento kuro apono no mu no:
Mɛbubu kɔbere apono mu,
Na mɛtwitwa apono akyi nnadeɛ mu.+
3 Mede agyapadeɛ a ɛwɔ sum mu
Ne agyapadeɛ a ahinta bɛma wo,+
Na ama woahunu sɛ mene Yehowa,
Israel Nyankopɔn no, deɛ wabɔ wo din afrɛ wo no.+
4 M’akoa Yakob ne Israel a mayi no nti,
Mebɔɔ wo din frɛɛ wo.
Memaa wo edin kɛseɛ, ɛwom sɛ na wonnim me.
5 Mene Yehowa, na obiara nni hɔ bio.
Onyankopɔn bi nni hɔ ka me ho.+
Mɛhyɛ wo den,* ɛwom sɛ wonnim me,
6 Na ama nnipa ahunu sɛ
Ɛfiri apueeɛ kɔsi atɔeɛ*
Obiara nni hɔ ka me ho.+
Mene Yehowa, na obiara nni hɔ bio.+
7 Me na mebɔ hann+ na mebɔ sum,+
Mebɔ asomdwoeɛ+ na mede mmusuo ba;+
Me, Yehowa, na meyɛ weinom nyinaa.
Momma asaase mu mmue na ɛnso nkwagyeɛ,
Na ɛmma tenenee mfifi wɔ berɛ korɔ no ara mu.+
Me, Yehowa, na mebɔeɛ.”
9 Deɛ ɔne ne Yɛfoɔ* di asie* no nnue,
Ɛfiri sɛ ɔyɛ kukuo sini kɛkɛ
A ɛka kukuo asinasini foforɔ a ɛgu fam ho!
Wohwɛ a, ɛsɛ sɛ dɔteɛ ka kyerɛ ne Nwemfoɔ* sɛ: “Deɛn na woreyɛ yi?”+
Anaa ɛsɛ sɛ w’adwuma ka sɛ: “Wonni nsa”?*
10 Ɔnnue, deɛ ɔbisa agya sɛ: “Deɛn na wowoeɛ?”
Na ɔbisa ɔbaa sɛ: “Ɛdeɛn na woawo yi?”*
11 Deɛ Yehowa, Israel Kronkronni no,+ ne Nwemfoɔ no seɛ nie:
“Mo na mobɛbisa me deɛ ɛbɛba?
Anaa mo na mobɛkyerɛ me deɛ menyɛ wɔ me mma+ ne me nsa ano adwuma ho?
12 Me na meyɛɛ asaase+ na mebɔɔ onipa too so.+
Ɔno na ɔbɛkyekyere me kuro,+
Na ɔbɛgyaa me nkurɔfoɔ a wɔtuu wɔn firii wɔn man mu no.+ Ɔrennye akatua anaa adanmudeɛ* biara,”+ asafo Yehowa asɛm nie.
14 Deɛ Yehowa aka nie:
Wɔbɛdi w’akyi berɛ a nkɔnsɔnkɔnsɔn gu wɔn.
Wɔbɛba wo nkyɛn na wɔabɛkoto wo.+
Wɔbɛbɔ wo mpaeɛ aka sɛ, ‘Ampa, Onyankopɔn ne wo na ɛwɔ hɔ,+
Na obiara nni hɔ bio; Onyankopɔn foforɔ biara nni hɔ.’”
17 Nanso Israel deɛ, Yehowa de daa nkwagyeɛ bɛgye no.+
Mo ani renwu, na mo anim rengu ase da biara da.+
18 Ɛfiri sɛ Yehowa,
Deɛ ɔbɔɔ ɔsoro,+ nokorɛ Nyankopɔn no,
Deɛ ɔnwenee asaase, na ɔyɛeɛ, na ɔde tim hɔ,+
Deɛ wammɔ no kwa* na mmom ɔnwenee sɛ wɔntena so+ no, n’anom asɛm nie:
“Mene Yehowa, na obiara nni hɔ bio.
19 Mankasa wɔ ahintaeɛ mu,+ asaase a esum wɔ soɔ so;
Manka ankyerɛ Yakob asefoɔ* sɛ,
‘Monhwehwɛ me kwa.’*
Mene Yehowa, deɛ ɔka asɛntenenee, na ɔka deɛ ɛtene.+
20 Mommoa mo ano na mommra.
Montwe mmɛn, mo a moadwane afiri amanaman mu.+
Wɔn a wɔsoso ahoni a wɔde dua ayɛ
Na wɔbɔ onyame a ɔntumi nnye wɔn nkwa mpaeɛ no, wɔnnim hwee.+
21 Monkasa, momfa mo asɛm nto dwa.
Momma wɔmmom ntu agyina.
Hwan na ɔkaa weinom too hɔ firi teteete,
Na ɔkaa ho asɛm firi tete?
Ɛnyɛ me Yehowa?
M’akyi no, Onyankopɔn foforɔ biara nni hɔ;
22 Mo a mowɔ asaase afanan nyinaa, mommra me nkyɛn na monnya nkwa,+
Ɛfiri sɛ mene Onyankopɔn, na obiara nni hɔ bio.+
Me na nkotodwe nyinaa bɛkoto me,
Kɛtrɛma nyinaa bɛka ntam sɛ wɔbɛdi nokorɛ ama me+
24 Na wɔbɛka sɛ, ‘Ampa, Yehowa mu na tenenee ne ahoɔden wɔ.
Wɔn a wɔn bo afu no nyinaa de aniwuo bɛba n’anim.
46 Bel butu hɔ,+ na Nebo abɔ ne mu ase.
Wɔde wɔn ahoni asoa mmoa, wɔde asoa mmoa a wɔde wɔn soa nneɛma,+
Te sɛ nnesoa duruduro a wɔde asoa mmoa a wɔabrɛ.
2 Wɔbɔ wɔn mu ase, na wɔbom butu hɔ;
Wɔrentumi nnye wɔn nnesoa no,*
Na wɔn ankasa* nso, wɔbɛkye wɔn akɔ.
3 “Montie me, O Yakob fie, ne mo a moaka wɔ Israel fie nyinaa,+
Mo a meboaa mo firii awoɔ mu, na mesoaa mo firii yafunu mu no.+
Sɛdeɛ mayɛ no, mɛturu wo, mɛsoa wo, na magye wo.+
Wɔbɔ ɔtomfoɔ paa, na ɔde yɛ onyame.+
Afei wɔbɔ wɔn mu ase, aane, wɔsom no.*+
Ɛntumi ntu ne nan nkɔ baabiara.+
Wɔteam frɛ no, nanso ɛmmua;
Ɛrentumi nnye obi mfiri amanehunu mu.+
8 Monkae wei na monnya akokoɔduro.
Momfa nhyɛ mo akomam, mo mmaratofoɔ.
Mene Onyankopɔn, na obiara nni hɔ a ɔte sɛ me.+
11 Mɛfrɛ ɔkɔdeɛ kɛseɛ afiri apueeɛ,*+
Na mɛfrɛ ɔbarima bi afiri akyirikyiri; ɔno na ɔbɛma me gyinaeɛsie* aba mu.+
Makasa, na mɛma no aba mu.
Mabɔ me tirim, na mɛyɛ nso.+
12 Montie me, mo a mo akoma apirim,
Mo a mo ne tenenee ntam kwan ware.
Mede nkwagyeɛ bɛba Sion, na mede m’animuonyam ama Israel.”+
Tena fam, baabi a akonnwa* nnie.+
O Kaldeafoɔ babaa,
Ɛfiri sɛ nkurɔfoɔ renkorɔkorɔ wo, na wɔrennyegye wo so bio da.
Yi adeɛ a ɛkata w’anim no.
Yi wo fam ataadeɛ ma wo nan ho ngu hɔ,
Na twa nsuo no.
3 Wɔbɛyi w’adagya so.
Wɔbɛhunu w’animguaseɛ.
Mɛtua wo ka,+ na onipa biara rentumi nsi me kwan.*
Nanso woanhu wɔn mmɔbɔ.+
Mpanimfoɔ mpo, wode kɔndua a emu yɛ duru too wɔn so.+
7 Wokaa sɛ: “Mɛyɛ Ɔhemmaa* daa.”+
Woannwene deɛ na woreyɛ no ho,
Na woanhwɛ deɛ ɛbɛkɔ akɔwie.
“Obiara ne me nsɛ. M’akyi no, obiara nni hɔ bio.+
Merenyɛ okunafoɔ,
Na me mma renwu da.”+
9 Nanso nneɛma mmienu yi bɛba wo so prɛko pɛ; ɛbɛba da koro:+
Wo mma bɛwuwu na wobɛyɛ okunafoɔ.
10 Wode wo ho too wo bɔne so.
Wokaa sɛ: “Obiara nhu me.”
Wo nyansa ne wo nimdeɛ na ama woayera,
Na woka no wɔ w’akomam sɛ: “Obiara ne me nsɛ. M’akyi no, obiara nni hɔ bio.”
Amanehunu bɛba wo so, na worentumi nsi no kwan.
Ɔsɛeɛ a wonhuu bi da bɛba wo so prɛko pɛ.+
12 Afei kɔ so, yɛ wo kaberekyerɛ na di w’asumansɛm bebrebe no,+
Deɛ wofiri wo mmɔfraase abrɛ ho no.
Ebia ɛbɛboa wo;
Ebia wode bɛbɔ nkurɔfoɔ hu.
13 W’afotufoɔ bebrebe no ama woabrɛ.
Ma wɔnsɔre seesei ara na wɔmmɛgye wo,
Wɔn a wɔsom ɔsoro abɔdeɛ,* wɔn a wɔhwɛ nsoromma mu,+
Wɔn a wɔhwɛ abosome foforɔ,
A wɔka deɛ ɛbɛba wo so no.
14 Hwɛ! Wɔte sɛ aburoo dua.
Egya bɛhye wɔn.
Wɔrentumi nnye wɔn ho* mfiri egya a ɛredɛre dendeenden no mu.
Wei nyɛ nsramma a wɔde ka wɔn ho hye,
Na ɛnyɛ egya a wɔtena ho.
15 Wei na ɛbɛto wo kaberekyerɛfoɔ no,
Wɔn a wo ne wɔn abrɛ firi wo mmɔfraase no.
Wɔde wɔn tiri bɛpempem; obiara bɛfa ne kwan.*
Obiara nni hɔ a ɔbɛgye wo.+
48 Montie wei, O Yakob fie,
Mo a mode Israel din ato mo so+
Na mofiri Yuda nsuo mu,*
Mo a mode Yehowa din ka ntam+
Na mofrɛ Israel Nyankopɔn no,
Nanso ɛnyɛ nokorɛ anaa tenenee mu.+
2 Wɔde kuro kronkron no din frɛ wɔn ho,+
Na wɔde wɔn ani ato Israel Nyankopɔn no so;+
Ɔno na ne din de asafo Yehowa.
3 “Tete* nneɛma no, meka kyerɛɛ wo akyɛ.
Ɛpue firii me ara m’anom,
Na memaa wɔhunui.+
Mekekaa me ho prɛko pɛ na ɛbaeɛ.+
4 Ɛsiane sɛ menim sɛ w’aso yɛ den,
Na wo kɔn yɛ dadeɛ ntini, na wo moma yɛ kɔbere+ nti,
5 Meka kyerɛɛ wo akyɛ.
Ɛnnya mmaeɛ no, memaa wotee,
Na amma woanka sɛ, ‘Me bosom na ɛyɛeɛ,
Me honi a wɔasene ne me dadeɛ honi* na ɛmaa ɛbaeɛ.’
6 Moate na moahunu wei nyinaa.
Morenka ho asɛm anaa?+
Ɛfiri nnɛ merema moate nsɛm foforɔ,+
Nsɛm a wɔde asie a monnim ho hwee.
7 Afei na merebɔ, na ɛmfiri tete.
Ɛyɛ biribi a wontee da, gye nnɛ,
Sɛdeɛ ɛbɛyɛ a worentumi nka sɛ, ‘Hwɛ! Menim dada.’
9 Nanso me din nti, mɛtwentwɛn m’abufuo so;+
M’ayeyie nti, mɛhyɛ me ho so wɔ wo ho,
Na merenyi wo mfiri hɔ.+
10 Hwɛ! Manane wo, nanso ɛnte sɛ dwetɛ.+
Masɔ wo ahwɛ* wɔ ahoyera fononoo* mu.+
Meremfa m’animuonyam mma obiara.*
12 Tie me, O Yakob, ne Israel a mafrɛ wo.
Mete sɛdeɛ meteɛ.+ Mene odikanfoɔ, na me ara nso mene okyikafoɔ.+
Sɛ mefrɛ wɔn a, wɔn nyinaa sɔre gyina hɔ.
14 Mo nyinaa, mommoaboa mo ho ano, na montie.
Wɔn mu hwan na ɔde weinom ato dwa?
Yehowa dɔ no.+
15 Me ara na makasa, na mafrɛ no.+
Mede no aba, na ne kwan bɛsi yie.+
16 Montwe mmɛn me, na montie wei.
Ɛfiri mfitiaseɛ pɛɛ menkaa biribiara wɔ ahintaeɛ mu.+
Berɛ a ɛsiiɛ no, na mewɔ hɔ.”
Na afei Awurade Tumfoɔ Yehowa asoma me, ne ne honhom.*
17 Deɛ Yehowa, wo Gyefoɔ, Israel Kronkronni no,+ seɛ nie:
“Me, Yehowa, mene wo Nyankopɔn,
Deɛ ɔkyerɛkyerɛ wo ma ɛsi wo yie,*+
Deɛ ɔkyerɛ wo ɛkwan a ɛsɛ sɛ wofa so no.+
18 Sɛ wobɛtie me mmara nsɛm a,+
Wɔrentwa wɔn din ntwene, na wɔrenhye wɔn ase mfiri m’anim da.”
Monnwane mfiri Kaldeafoɔ nkyɛn!
Momfa anigyeɛ nka ho asɛm! Momfa nto dwa!+
Momma no nnuru asaase ano baabiara.+
Monka sɛ: “Yehowa agye n’akoa Yakob.+
21 Berɛ a ɔde wɔn nam anwea pradadaa so no, sukɔm anne wɔn.+
Ɔmaa nsuo firii ɔbotan mu ba maa wɔn;
Ɔpaee ɔbotan mu maa nsuo tueeɛ.”+
22 “Asomdwoeɛ nni hɔ mma abɔnefoɔ,”+ Yehowa na aka.
Yehowa frɛɛ me ansa na wɔrewo me.*+
Berɛ a mehyɛ me maame yam na ɔbɔɔ me din.
Ɔyɛɛ me sɛ agyan a wɔase ano;
Ɔde me siee n’agyan kotokuo mu.
4 Nanso mekaa sɛ: “Mabrɛ agu.
Masɛe m’ahoɔden wɔ biribi a mfasoɔ nni so ho, adehunu ho.
5 Na afei, Yehowa, Deɛ ɔyɛɛ me firii yafunu mu sɛ memmɛyɛ n’akoa no,
Ɔse memfa Yakob nsan mmrɛ no,
Sɛdeɛ ɛbɛyɛ a wɔbɛboaboa Israel ano aba ne nkyɛn.+
Wɔbɛhyɛ me animuonyam wɔ Yehowa anim,
Na me Nyankopɔn ayɛ m’ahoɔden.
6 Na ɔkaa sɛ: “Woyɛ m’akoa
A wobɛma Yakob mmusua so
Na wode Israelfoɔ a wɔakora wɔn so no asan aba; nanso ɛnyɛ ɛno nko ara.
7 Asɛm a Yehowa, Israel Gyefoɔ, Israel Kronkronni+ no, aka akyerɛ deɛ wɔbu no animtia,*+ deɛ ɔman no kyiri no, deɛ ɔyɛ atumfoɔ akoa no nie:
“Ahemfo bɛhunu na wɔasɔre,
Na aberempɔn bɛkoto
Ɛsiane Yehowa a ɔyɛ ɔnokwafoɔ,+
Israel Kronkronni no, deɛ wayi wo no nti.”+
8 Deɛ Yehowa aka nie:
Nkwagyeɛ da na meboaa wo;+
Na mekɔɔ so bɔɔ wo ho ban sɛ mede wo bɛyɛ apam ama nnipa,+
Na woasiesie asaase no,
Na woama wɔasan anya wɔn agyapadeɛ a na asɛe no bio,+
Na woaka akyerɛ wɔn a wɔwɔ sum mu+ no sɛ, ‘Monyi mo ho adi!’
Akwan ho na wɔbɛdidie,
Na anammɔnkwan nyinaa ho* bɛyɛ wɔn adidibea.
12 Hwɛ! Weinom bɛfiri akyirikyiri aba,+
Na hwɛ! Weinom bɛfiri atifi ne atɔeɛ aba,
Na weinom bɛfiri Sinim asaase so aba.”+
13 Ɔsoro, bɔ ose; asaase, di ahurisie.+
Momma mmepɔ mfa anigyeɛ mmɔ ose.+
14 Nanso Sion kɔɔ so kaa sɛ:
“Yehowa apo me;+ Yehowa werɛ afi me.”+
15 Ɔbaa werɛ bɛtumi afi ne ba a ɔtua nufoɔ ano anaa?
Ne yam renhyehye no mma ne yam ba anaa?
Sɛ mmaa yi werɛ bɛfi mpo a, me deɛ, me werɛ remfi wo da.+
16 Hwɛ! Matwerɛ* wo din agu me nsayam; ɛrempepa.
W’afasuo wɔ m’anim daa.
17 Wo mma de ahoɔherɛ bɛsan aba.
Na wɔn a wɔdwirii wo guiɛ na wɔsɛee wo no bɛfiri wo nkyɛn akɔ.
18 Ma w’ani so na hwɛ wo ho hyia.
Wɔn nyinaa reboaboa wɔn ho ano.+
Wɔreba wo nkyɛn.
Na Yehowa aka sɛ: “Sɛ́ mete ase yi,
Wobɛhyɛ wɔn nyinaa te sɛ ataadeɛ a ɛyɛ fɛ,
Na wode wɔn ato wo kɔn mu sɛdeɛ ayeforɔ de kɔnmuadeɛ to ne kɔn mu no.
19 Ɛwom sɛ wɔsɛee w’asaase, ɛdaa mpan, na ɛdanee amamfo,+
Nanso afei deɛ, ɛhɔ bɛyɛ ketewa ama wɔn a wɔte hɔ no,+
20 Na mma a wowoo wɔn berɛ a wo mma wuiɛ no, wɔbɛka ama woate sɛ,
‘Ɛha sua dodo ma me.
Ma me baabi wɔ ha ntena.’+
21 Na wobɛka no wɔ w’akomam sɛ,
‘Hwan na ɔwoo weinom maa me?
Ɛfiri sɛ meyɛ ɔbaa a mahwere me mma na meyɛ bonini,
Na wɔtuu me firii m’asaase so kɔe, na mekɔyɛɛ deduani.
Hwan na ɔtetee weinom?+
Hwɛ! Ɛkaa me nko ara,+
Wɔbɛkoto wo de wɔn anim abutubutu fam,+
Na wɔatafere wo nan ase mfuturo;+
Na wobɛhunu sɛ mene Yehowa;
Wɔn a wɔde wɔn ho to me so no ani renwu.”+
24 Wɔn a ɔsabarima akye wɔn no, obi bɛtumi agye wɔn afiri ne nsam anaa?
Na wɔn a otirimuɔdenfoɔ akye wɔn no, obi bɛtumi agye wɔn anaa?
25 Nanso deɛ Yehowa aka nie:
“Wɔn a ɔsabarima akye wɔn mpo, wɔbɛgye wɔn afiri ne nsam,+
Na wɔn a otirimuɔdenfoɔ akye wɔn no, wɔbɛgye wɔn.+
Deɛ ɔne wo di asie no, me ne no bɛdi asie,+
Na mɛgye wo mma.
50 Deɛ Yehowa aka nie:
“Awaregyaeɛ krataa a mede gyaa mo maame awareɛ no wɔ he?+
Na hwan na mede no ka a enti metɔn mo maa no?
2 Adɛn nti na mebaeɛ no na obiara nni ha?
Na adɛn nti na mefrɛeɛ no obiara annye so?+
Me nsa yɛ tia dodo sɛ ɛbɛgye mo anaa?
Anaa menni tumi a mede bɛyi mo?+
Emu nam porɔ, nsuo a ɛnni mu nti,
Na sukɔm nti, wɔwuwu.
Ɔnyane me anɔpa biara;
Ɔnyane m’aso ma metie te sɛ asuafoɔ.+
Mansan m’akyi.+
Mamfa m’anim anhinta animguaseɛ ne ntasuo.+
7 Nanso Awurade Tumfoɔ Yehowa bɛboa me.+
Enti m’anim rengu ase.
Ɛno nti, mama m’anim ayɛ sɛ ɛboɔ a ɛyɛ den,+
Na menim sɛ m’ani renwu.
8 Deɛ ɔbu me bem no bɛn me.
Hwan na ɔbɛtumi abɔ me soboɔ?*+
Ɔmma yɛnsɔre nnyina hɔ.*
Hwan na ɔne me wɔ asɛm?
Ma no mmɛn me.
9 Hwɛ! Awurade Tumfoɔ Yehowa bɛboa me.
Hwan na ɔbɛbu me fɔ?
Hwɛ! Wɔn nyinaa bɛgo sɛ ntomago.
Nweweboaa bɛwe wɔn ama wɔasa.
Hwan na wafa esum kabii mu a hann biara nni hɔ?
Ma no mfa ne ho nto Yehowa din so, na ɔmfa ne werɛ nhyɛ ne Nyankopɔn mu.
Deɛ mobɛnya afiri me nsam nie:
Yea mu na mobɛdeda hɔ.
51 “Montie me, mo a modi tenenee akyi,
Mo a morehwehwɛ Yehowa.
Monhwɛ ɔbotan a wɔpaee mo firii mu
Ne baabi a wɔpae aboɔ a wɔtuu mo firiiɛ no.
Ɔbɛkyekye ne nkuro a asɛe nyinaa werɛ,+
Na ɔbɛma ne serɛ ayɛ sɛ Eden+
Na n’asaase pradadaa ayɛ sɛ Yehowa turo.+
Anigyeɛ ne ahurisie,
Aseda ne nnwom a ɛyɛ dɛ bɛyɛ no ma.+
6 Momma mo ani so nhwɛ soro,
Na monhwɛ asaase wɔ fam.
Ɛfiri sɛ ɔsoro bɛhu akɔ te sɛ wisie,
Na asaase ago sɛ ntomago.
Wɔn a wɔtete so no bɛwuwu te sɛ ntontom.
Mommma onipa dasani adapaatwa mmmɔ mo hu,
Na mommma wɔn kasatia nntu mo akoma.
8 Ɛfiri sɛ nweweboaa bɛwe wɔn te sɛ ataadeɛ,
Na mmoawammoawa awe wɔn te sɛ ataadeɛ a wɔde odwan nwi ayɛ.+
Nanso me tenenee bɛtena hɔ daa,
Na me nkwagyeɛ bɛtena hɔ awoɔ ntoatoasoɔ nyinaa mu.”+
Nyane te sɛ deɛ woyɛɛ tete no, te sɛ deɛ woyɛɛ awoɔ ntoatoasoɔ a atwam no mu no.
10 Ɛnyɛ wo na womaa ɛpo weeɛ, na nsuo a emu dɔ mu nsuo saeɛ no?+
Ɛnyɛ wo na wopaee kwan too po ase maa wɔn a wɔagye wɔn no faa so twaeɛ?+
Anigyeɛ ne ahurisie ne wɔn bɛtena,
Na awerɛhoɔ ne apinisie bɛdwane.+
12 “Me ara na mɛkyekye mo werɛ.+
Adɛn nti na ɛsɛ sɛ wosuro onipa dasani a ɔbɛwuo+
Ne onipa ba a ɔbɛtwintwam sɛ ɛserɛ mono?
Deɛ ɔhyɛ wo so* no abufuo nti, da biara da na wosuro,
Te sɛ deɛ ɔrebɛsɛe wo ara ni.
Seesei, ɛhe na deɛ ɔhyɛ wo so no abufuo wɔ?
14 Deɛ wɔde nkɔnsɔnkɔnsɔn agu no ama ne mu akõa no, ɛrenkyɛ wɔbɛgyaa no;+
Ɔrenwu nkɔ amena mu,
Na n’ano aduane remmɔ no.
16 Mede me nsɛm bɛhyɛ w’anom,
Na mede me nsa ase nwunu bɛkata wo so,+
Na mede ɔsoro asi hɔ, na mato asaase fapem,+
Na maka akyerɛ Sion sɛ, ‘Wone me man.’+
Woanom kuruwa no ano;
Kuruwa a ɛma nnipa kɔ afã-afã no, woatafere mu nyinaa.+
18 Ne mma a ɔwoo wɔn no mu biara nni hɔ a ɔbɛkyerɛ no kwan,
Na ne mma a ɔtetee wɔn no mu biara nni hɔ a ɔbɛsɔ ne nsa.
19 Nneɛma mmienu yi na ato wo.
Hwan na w’asɛm bɛyɛ no mmɔbɔ?
Ɔsɛeɛ ne amamfoyɛ, ɛkɔm ne sekan!+
Hwan na ɔbɛkyekye wo werɛ?+
Wɔdeda mmantwea* wɔ mmɔnten so baabiara
Te sɛ wuram dwan a fidie ayi no.
Yehowa abufuhyeɛ ne wo Nyankopɔn animka amee wɔn.”
22 Deɛ wo wura Yehowa, wo Nyankopɔn a ɔko ma ne nkurɔfoɔ aka nie:
“Hwɛ! Mɛgye kuruwa a ɛma nnipa kɔ afã-afã no afiri wo nsam,+
Kuruwa no, m’abufuhyeɛ kuruwa no;
Worennom ano bio da.+
Enti wode w’akyi yɛɛ sɛ fam,
Te sɛ kurom kwan maa wɔnantee so.”
52 O Sion,+ nyane! Nyane! Fa ahoɔden hyɛ!+
O Yerusalem, kuro kronkron, hyɛ w’ataadeɛ
fɛfɛɛfɛ no!+
Ɛfiri sɛ deɛ wɔntwaa no twetia* ne deɛ ne ho nteɛ biara renwura wo mu bio.+
2 O Yerusalem, poroporo wo ho mfuturo, sɔre na tena ase.
O Sion babaa a wɔakye wo, sane nhoma a ɛkyekyere wo kɔn no.+
3 Na deɛ Yehowa aka nie:
4 Deɛ Awurade Tumfoɔ Yehowa aka nie:
“Me man dii kan siane kɔɔ Egypt kɔtenaa hɔ sɛ ahɔhoɔ;+
Na Asiria nso hyɛɛ wɔn so kwa.”
5 “Enti afei, deɛn na menyɛ wɔ ha?” Yehowa asɛm nie.
“Ɛfiri sɛ wɔfaa me man kwa.
Wɔn a wɔdi wɔn so no kɔ so hoahoa wɔn ho,”+ Yehowa asɛm nie.
“Na da biara da, da mũ nyinaa, wɔbu me din animtia.+
Hwɛ, ɛyɛ me a!”
7 Deɛ ɔde asɛmpa nam mmepɔ so reba no, ne nan ase yɛ fɛ dodo!+
Deɛ ɔka asomdwoeɛ asɛm,+
Deɛ ɔka adepa ho asɛmpa,
Deɛ ɔka nkwagyeɛ asɛm,
Deɛ ɔka kyerɛ Sion sɛ: “Wo Nyankopɔn abɛyɛ Ɔhene!”+
8 Tie! W’awɛmfoɔ ama wɔn nne so.
Wɔn nyinaa abom rebɔ ose,
Ɛfiri sɛ Yehowa boaboa Sion ano ba a, wɔbɛhu no pefee.*
11 Montwe mo ho, montwe mo ho, momfiri hɔ,+ mommfa mo nsa nnka biribiara a ɛho nteɛ!+
12 Na ɛnyɛ ahopopoɔ na mode bɛfiri hɔ,
Na morennwane nso.
Ɛfiri sɛ Yehowa bɛdi mo anim akɔ,+
Na Israel Nyankopɔn bɛdi mo akyi abɔ mo ho ban.+
13 Hwɛ! M’akoa+ de nteaseɛ* bɛyɛ adeɛ.
Wɔbɛma no diberɛ a ɛwɔ soro,
Wɔbɛma no gyinabea a ɛkorɔn, na wɔbɛma ne so papaapa.+
14 Nnipa pii a wɔhuu no no ho dwirii wɔn,
Ɛfiri sɛ wɔsɛee n’anim senee onipa biara deɛ,
Na wɔsɛee ne nipaban senee onipa deɛ;
Ahemfo bɛka wɔn ano atom* wɔ n’anim,+
Ɛfiri sɛ deɛ wɔnka nkyerɛɛ wɔn no, wɔbɛhunu,
Na deɛ wɔntee da no, wɔbɛte.+
53 Hwan na wagye deɛ wate afiri yɛn nkyɛn no adi?+
Na hwan na wɔayi Yehowa basa akyerɛ no?+
2 Ɔbɛyɛ sɛ dua a afifi+ wɔ n’anim,* te sɛ nhini wɔ asaase a ɛso awo so.
Ɔnyɛ onipa a ɔdi mu, na ɔnni animuonyam biara,+
Na yɛhu no a, biribiara nni ne ho a ɛbɛma yɛaka akɔ ne ho.*
Ná ɛte sɛ deɛ wɔde n’anim ahinta yɛn.*
Nnipa buu no animtia, na yɛamfa no anyɛ hwee.+
Nso yɛbuu no sɛ obi a Onyankopɔn atwe n’aso, wahwe no, na wama ne ho ayera no.
Wɔde no kɔɔ te sɛ odwan a wɔrekɔku no,+
Te sɛ odwan a wɔretwitwa ne nwi a wayɛ komm,
Na wammue n’ano.+
8 Wɔhyɛɛ ne so, na wɔde no kɔe a wɔammu atɛntenenee amma no;
Na hwan na ɔbɛha ne ho sɛ ɔbɛhunu n’awoɔ ntoatoasoɔ?*
10 Nanso, na ɛsɔ Yehowa ani* sɛ ɔbɛbubu no, enti ɔmaa no yaree.
11 Ɔbɛhunu n’amanehunu,* na n’akoma atɔ ne yam.
M’akoa+ a ɔyɛ teneneeni no nam ne nimdeɛ so
Bɛma nnipa pii anya tenenee gyinabea,+
Na wasoa wɔn bɔne.+
12 Ɛno nti, mɛma no anya kyɛfa wɔ nnipa pii mu,
Na ɔne mmarima a wɔnim ko akyɛ nneɛma a wɔanya wɔ ɛko mu,
Ɛfiri sɛ ɔde ne nkwa* too hɔ maa owuo,+
Na wɔkan no fraa mmaratofoɔ;+
Ɔsoaa nnipa pii bɔne,+
Na ɔgyinaa mu maa mmaratofoɔ.+
54 “Bonini a wonwoeɛ, di ahurisie!+
Ma wo ntomadan kɛseɛ no ntoma mu ntrɛ.
Twe mu ara. Ma wo ntomadan nhoma nyɛ atenten,
Na nnua a wode bɛbobɔ wo ntomadan mu atim fam no, ma emu nyɛ den.+
3 Ɛfiri sɛ wobɛtrɛtrɛ akɔ nifa ne benkum.
Wo mma bɛfa aman adi so,
Na wɔbɛkyekyere nkuro a asɛe na wɔatena mu.+
Ɛfiri sɛ wo werɛ bɛfi wo mmabaaberɛm aniwuo,
Na worenkae wo kunayɛ mu animguaseɛ bio.”
5 “Na wo Yɛfoɔ Kɛseɛ+ no te sɛ wo kunu,*+
Asafo Yehowa ne ne din,
Na Israel Kronkronni no ne wo Gyefoɔ.+
Wɔbɛfrɛ no asaase nyinaa Nyankopɔn.+
6 Yehowa frɛɛ wo te sɛ ɔbaa a ne kunu apo no ama ɔredi awerɛhoɔ,*+
Te sɛ ɔbaa a ɔwaree ne mmabaaberɛm na wɔapo no,” wo Nyankopɔn na aka.
8 Berɛ a me bo fuiɛ no,* mede m’anim hintaa wo berɛ tiaa bi,+
Nanso me dɔ a ɛnni hwammɔ a ɛwɔ hɔ daa nti, mɛhu wo mmɔbɔ,”+ wo Gyefoɔ+ Yehowa na aka.
9 “Wei te sɛ Noa nna no ma me.+
Sɛdeɛ maka ntam sɛ Noa nsuo no renkata asaase so bio no,+
Saa ara na mereka ntam sɛ, me bo remfu wo bio, na merenka w’anim bio.+
10 Mmepɔ bɛfiri hɔ,
Na nkokoɔ bɛhinhim,
Nanso me dɔ a ɛnni hwammɔ remfiri wo so,+
Na m’asomdwoeɛ apam nso renhinhim,”+ Yehowa a ɔhu wo mmɔbɔ no na aka.+
11 “O ɔbaa a wo ho yera wo,+ wo a mframa abɔ wo a wonni awerɛkyekyerɛ biara,+
Mede dɔteɛ* a ɛyɛ den bɛhyehyɛ w’aboɔ,
Na mede hoaboɔ+ bɛto wo fapem.
12 W’aban atifi no, aboɔden aboɔ kɔkɔɔ na mede bɛsi,
Na mede aboɔ a ɛtwa yerɛwyerɛw* bɛyɛ wo kuro apono,
Na mede aboɔ a ne boɔ yɛ den ato w’ahyeɛ nyinaa.
14 W’ase bɛtim wɔ tenenee mu.+
15 Sɛ obi bɛto hyɛ wo so a,
Ɛnneɛ na ɛmfiri me.
Obiara a ɔbɛto ahyɛ wo so no, wo nti ɔbɛhwe ase.”+
Me ara nso na mebɔɔ ɔsɛefoɔ sɛ ɔnsɛe adeɛ.+
17 Akodeɛ biara a wɔbɛyɛ de aba wo so no renyɛ yie,+
Na kɛtrɛma biara a ɛbɛkasa atia wo wɔ atemmuo mu no, wobɛbu no fɔ.
Wei ne Yehowa asomfoɔ agyapadeɛ,
Na wɔn tenenee firi me,” Yehowa na aka.+
55 Mommra, mo a nsukɔm de mo nyinaa,+ mommra nsuo ho!+
Mo a monni sika, mommra, mommɛtɔ, na monni!
Mommra, mommɛtɔ nsã* ne nufosuo;+ ɛnyɛ sika na wɔde tɔ, na ɛboɔ biara nna so.+
2 Adɛn nti na mokɔ so te sika tɔ deɛ ɛnyɛ aduane,
Na adɛn nti na mosɛe sika a moabrɛ anya* wɔ biribi a ɛmmee ho?
3 Monyɛ aso na mommra me nkyɛn.+
Montie, na mobɛnya* nkwa,
Na sɛdeɛ ɛteɛ biara me ne mo bɛyɛ daa apam;+
Ɛfa ɔdɔ a ɛnni hwammɔ a mehyɛɛ Dawid bɔ sɛ mɛda no adi akyerɛ no no ho. Saa bɔhyɛ no, sɛdeɛ ɛteɛ biara, ɛbɛba mu.*+
5 Hwɛ! Wobɛfrɛ ɔman a wonnim wɔn,
Na ɔman a wɔnnim wo de mmirika bɛba wo nkyɛn,
Yehowa wo Nyankopɔn, Israel Kronkronni no nti,+
Ɛfiri sɛ ɔbɛhyɛ wo animuonyam.+
6 Monhwehwɛ Yehowa berɛ a mobɛhu no.+
Momfrɛ no berɛ a ɔbɛn yi.+
Na onipabɔnefoɔ nsakra n’adwene;
Ma ɔnsan mmra Yehowa nkyɛn, na ɔbɛhu no mmɔbɔ,+
9 “Na sɛdeɛ ɔsoro korɔn sene asaase no,
Saa ara na m’akwan korɔn sene mo akwan,
Na m’adwene korɔn sene mo adwene.+
10 Sɛdeɛ nsuo ne sukyerɛmma tɔ firi soro gu fam
Na ɛnsan nkɔ hɔ bio, gye sɛ ɛfɔ asaase ma nneɛma fifi na ɛso,
Na ogufoɔ nya aba, na odifoɔ nya aduane no,
Ɛrensan mma me nkyɛn kwa.+
Mmom, sɛdeɛ ɛteɛ biara, ɛbɛyɛ deɛ mepɛ,+
Na deɛ ɛbɛyɛ biara, ɛbɛwie deɛ enti a mesomaa no no.
Na ɛbɛgye din ama Yehowa,+
Na ɛbɛyɛ sɛnkyerɛnne daa a ɛrensɛe da.”
56 Deɛ Yehowa aka nie:
2 Anigyeɛ ne onipa a ɔdi weinom so,
Ne onipa dasani a ɔkura mu dendeenden,
Na ɔdi Homeda a ɔngu ho fĩ,+
Na ɔhwɛ ne nsa yie na wanyɛ bɔne biara.
3 Ɔhɔhoɔ a waba Yehowa nkyɛn no,+ ɛnsɛ sɛ ɔka sɛ,
‘Sɛdeɛ ɛteɛ biara Yehowa bɛyi me afiri ne nkurɔfoɔ mu.’
Na ɛnsɛ sɛ ɔbarima a wɔasa no ka sɛ, ‘Hwɛ! Meyɛ dua a awuo.’”
4 Ɛfiri sɛ deɛ Yehowa aka akyerɛ mmarima a wɔasa wɔn a wɔdi me homeda na wɔpaw deɛ mepɛ na wɔkura m’apam mu dendeenden nie:
5 “Mɛma wɔn nkaeɛdum ne edin wɔ me fie ne m’afasuo mu,
Biribi a ɛsene mma mmarima ne mma mmaa.
Mɛma wɔn edin a ɛwɔ hɔ daa,
Deɛ ɛrensɛe da.
6 Na ahɔhoɔ a wɔaba Yehowa nkyɛn sɛ wɔrebɛsom no
Na wɔadɔ Yehowa din,+
Na wɔayɛ n’asomfoɔ,
Wɔn a wɔdi Homeda a wɔngu ho fĩ
Na wɔkura m’apam mu dendeenden nyinaa no,
7 Me nso mede wɔn
bɛba me bepɔ kronkron no so+
Na mama wɔadi ahurisie wɔ me mpaebɔ fie.
Wɔn hyeɛ afɔreɛ ne wɔn afɔreɛ ahodoɔ nyinaa, wɔbɛgye no wɔ m’afɔrebukyia so.
Na wɔbɛfrɛ me fie mpaebɔ fie ama aman nyinaa.”+
8 Deɛ Awurade Tumfoɔ Yehowa a ɔreboaboa Israelfoɔ a wɔahwete ano no+ aka nie:
“Mɛboaboa nnipa foforɔ ano aka ne nkurɔfoɔ a maboaboa wɔn ano dada no ho.”+
10 N’awɛmfoɔ yɛ anifirafoɔ.+ Wɔn mu biara nnim deɛ ɛrekɔ so.+
Wɔn nyinaa yɛ nkraman mum; wɔntumi mpɔ.+
Wɔhome hahyeehahyee, na wɔdeda hɔ; deɛ wɔpɛ ara ne sɛ wɔbɛtɔ nko.
Na wɔyɛ nnwanhwɛfoɔ a wɔnni nteaseɛ.+
Obiara afa ɔno ara ne kwan so;
Wɔn mu biara pɛ mfaso bɔne, na wɔka sɛ:
Ɔkyena bɛyɛ sɛ nnɛ; ɛbɛyɛ dɛ koraa akyɛn nnɛ!”
57 Ɔteneneeni ayera,
Nanso ɛmfa obiara ho.
2 Ɔkɔ asomdwoeɛ mu.
Wɔhome wɔ wɔn mpa so,* wɔn a wɔnam tenenee mu nyinaa.
4 Hwan na moredi ne ho agorɔ no?
Hwan na moatɛɛ mo anom wɔ ne so, na moatwe mo kɛtrɛma yi?
Ɛnyɛ mo na moyɛ bɔne mma
Ne atorɔ asefoɔ no?+
5 Ɛnyɛ mo na nna ho akɔnnɔ ahyɛ mo mã wɔ nnua akɛseɛ ntam+
Ne dua biara a ayɛ kusuu ase no?+
Ɛnyɛ mo na mokum mmɔfra wɔ abɔn* mu+
Ne abotan mu ntokuro mu no?
6 Subɔn mu aboɔ a ɛho yɛ toromtorom ne wo kyɛfa.+
Na ɛno na wofaeɛ.
Wogu afɔrebɔ nsã mpo wɔ so, na wode akyɛdeɛ gu so.+
Menka m’akoma nto me yam* wɔ weinom ho anaa?
8 Wode wo nkaeɛ adeɛ sii ɛpono ne aponnwa akyi.
Wogyaa me hɔ, na woyii wo ho;
Woforoe, na wotrɛɛ wo mpa mu.
Na wo ne wɔn yɛɛ apam.
Wosomaa nnipa kɔɔ akyirikyiri,
Na wosiane kɔɔ Adamena* mu.
10 Wode wo tiri apempem wɔ w’akwan dodoɔ no mu.
Nanso woanka sɛ: ‘Ɛyɛ brɛ hunu!’
Wonyaa ahoɔden foforɔ.
Ɛno nti na wompa aba* no.
Woankae me.+
Na woamfa hwee ansie w’akoma mu.+
Mayɛ komm, na mapɛ me baabi atena.*+
Ɛno nti wonsuro me.
Mframa bɛhu wɔn nyinaa akɔ,
Na hwenem mframa kɛkɛ de wɔn nyinaa bɛkɔ.
Nanso deɛ ɔbɛdwane atoa me no bɛnya asaase no atena so,
Na ɔbɛfa me bepɔ kronkron no.+
14 Na wɔbɛka sɛ, ‘Mompae kwan, mompae kwan! Monsiesie kwan mu!+
Monyi akwansideɛ biara mfiri me man kwan mu.’”
“Mete baabi a ɛkorɔn na ɛyɛ kronkron,+
Me ne wɔn a wɔabubuo ne mmɔborɔwafoɔ na ɛteɛ,
Sɛ mɛma mmɔborɔwafoɔ agyina wɔn nan so bio,
Na mama wɔn a wɔabubuo no akoma asan anya ahoɔden.+
17 Ne bɔne, ne mfaso bɔne+ a ɔdi akyire nti, me bo fui.
Enti mebɔɔ no, na mede m’anim hintae, na me bo fui.
Nanso ɔkɔɔ so nantee sɛ kobɔfoɔ,+ ɔdii n’akoma akyi.
18 Mahunu n’akwan,
Nanso mɛsa no yareɛ+ na madi n’anim.+
Na mɛsan ama ɔne wɔn a wɔne no redi awerɛhoɔ+ no anya awerɛkyekyerɛ.”+
19 Yehowa aka sɛ: “Mede ayeyie bɛhyɛ obi anom.*
Deɛ ɔwɔ akyirikyiri ne deɛ ɔbɛn bɛnya asomdwoeɛ daa,+
Na mɛsa no yareɛ.”
20 “Nanso abɔnefoɔ te sɛ po a ɛrebu fa so a ɛntumi nyɛ komm,
Na emu nsuo kɔ so pu wura ne atɛkyɛ.
21 Asomdwoeɛ nni hɔ mma abɔnefoɔ,”+ me Nyankopɔn na aka.
58 “Team dendeenden; ntwentwɛn wo nan ase!
Ma wo nne nnyegye sɛ abɛn.
Ka me man atuateɛ kyerɛ wɔn,+
Na ka Yakob fie bɔne kyerɛ wɔn.
2 Wɔhwehwɛ me da biara da,
Na wɔn ani gye+ ho sɛ wɔbɛhunu m’akwan,
Wɔayɛ wɔn ho sɛ ɔman a wɔdi asɛntenenee
A wɔmpoo wɔn Nyankopɔn atɛntenenee.+
Wɔbisa atɛntenenee firi me nkyɛn,
Na wɔn ani gye ho sɛ wɔbɛtwe abɛn Onyankopɔn:
3 ‘Adɛn nti na yɛyɛ akɔnkyene* na wonhunu?+
Na adɛn nti na yɛdi* awerɛhoɔ na ɛmfa wo ho yi?’+
4 Sɛ moyɛ akɔnkyene a, ɛkɔwie akasakasa ne ntɔkwa mu,
Na mobobɔ akuturuku atirimuɔden so.
Sɛ moyɛ akɔnkyene sɛdeɛ moyɛ no nnɛ yi a, ɛnyɛ adeɛ a wɔbɛte mo nne
wɔ soro.
5 Sei na ɛsɛ sɛ moyɛ akɔnkyene a maka sɛ monyɛ no anaa?
Ɛsɛ sɛ mode yɛ ɛda a obi di awerɛhoɔ,*
Na ɔsi ne tiri ase te sɛ ɛserɛ tenten,
Na ɔde awerɛhoɔ ntoma* ne nsõ yɛ ne mpa anaa?
Wei na mofrɛ no akɔnkyene ne ɛda a Yehowa ani sɔ no?
6 Daabi, akɔnkyene a mepɛ nie:
Ɛne sɛ mobɛsanesane nkɔnsɔnkɔnsɔn a mode mia nkurɔfoɔ atirimuɔden so no,
Na moayi kɔndua nhoma,+
Na moama wɔn a wɔteetee wɔn no afa wɔn ho adi,+
Na moabubu kɔndua biara mu;
7 Ɛne sɛ mo ne deɛ ɛkɔm de no bɛkyɛ mo aduane,+
Na mode ahiafoɔ ne wɔn a wɔnni baabi teɛ akɔ mo fie,
Mohunu sɛ obi da adagya a, mobɛkata ne ho,+
Na moremfa mo ho nhinta mo nua.
Mo tenenee bɛdi mo anim,
Na Yehowa animuonyam bɛdi mo akyi abɔ mo ho ban.+
9 Afei wobɛfrɛ, na Yehowa bɛgye so;
Wobɛsu ahwehwɛ mmoa, na ɔbɛka sɛ, ‘Menie!’
Sɛ woyi kɔndua firi wo mu,
Na wogyae wo nsa a wode kyerɛkyerɛ nkurɔfoɔ so ne kasatia,+
10 Sɛ wode deɛ wo kɔn dɔ* ma deɛ ɛkɔm de no,+
Na woma deɛ ne werɛ aho* mee a,
Ɛnneɛ esum mu mpo, wo hann bɛhyerɛn,
Na wo sum kabii bɛyɛ sɛ awia ketee.+
11 Yehowa bɛdi w’anim daa,
Na ɔbɛma woamee* wɔ asaase a ɛso awo mpo so;+
Ɔbɛma wo nnompe mu ayɛ den,
Na woayɛ sɛ turo a nsuo nam mu yɔɔ,+
Te sɛ asutire a emu nsuo rensa da.
12 Wo nti nnipa bɛkyekyere tete nkuro a asɛe,+
Na awoɔ ntoatoasoɔ a atwam no, wobɛsan ato wɔn fapem.+
13 Sɛ Homeda nti woanyɛ deɛ wopɛ,* wɔ me da kronkron no mu,+
Na wofrɛ Homeda sɛ anigyedeɛ, Yehowa da kronkron, ɛda a ɛsɛ sɛ wɔhyɛ no animuonyam,+
Na wohyɛ no animuonyam, na woanyɛ deɛ wopɛ, na woankeka nsɛnhunu a,
14 Ɛnneɛ wobɛdi ahurisie wɔ Yehowa mu,
Na mɛma woafa asaase so mmepɔ ne nkokoɔ so.+
Na mɛma woadidi wo nana Yakob agyapadeɛ so,+
Ɛfiri sɛ Yehowa ano na aka.”
2 Mmom, mo ara mo mmarato na ama mo ne Onyankopɔn ntam atete.+
Mo bɔne nti, ɔde n’anim ahinta mo,
Na ɔntie mo.+
Mo ano ka atosɛm,+ na mo kɛtrɛma ka deɛ ɛntene.
Wɔde wɔn ho to biribi a mfasoɔ nni soɔ*+ so, na wɔkeka nsɛnhunu.
Wɔnyinsɛn ɔhaw, na wɔwo mmusuo.+
Obiara a ɔdi wɔn nkosua no bɛwu,
Na sɛ wotia kosua no so a, ɛpae ahuritia.*
Wɔn nnwuma yɛ mmusuo,
Na awudisɛm wɔ wɔn nsam.+
Wɔn adwene nyinaa yɛ adwemmɔne;
Ɔsɛeɛ ne ahoyera wɔ wɔn akwan so.+
Wɔakyeakyea wɔn akwan,
Na obiara a ɔfa so no renhunu asomdwoeɛ.+
9 Ɛno nti na atɛntenenee ne yɛn ntam kwan aware,
Na tenenee nto yɛn no.
Yɛhwɛ kwan sɛ yɛbɛnya kanea, nanso hwɛ! esum na ɛba;
Yɛhwɛ kwan sɛ yɛbɛnya hann, nanso yɛkɔ so nante esum tumm mu.+
Yɛsunti awia ketee te sɛ deɛ yɛnam anadwo sum mu;
Yɛwɔ ahoɔdenfoɔ mu a, na yɛayɛ sɛ awufoɔ.
11 Yɛn nyinaa kɔ so pɔ te sɛ asisire,
Na yesũ mmɔbɔmmɔbɔ te sɛ mmuruburo.
Yɛtwɛn atɛntenenee, nanso ebi nni hɔ;
Yɛhwɛ nkwagyeɛ kwan, nanso ɛmmɛn yɛn koraa.
Yɛnim yɛn atuateɛ,
Na yɛn bɔne nso, yɛnim.+
13 Yɛato mmara, na yɛapo Yehowa;
Yɛadane yɛn akyi akyerɛ yɛn Nyankopɔn.
Nhyɛsoɔ ne atuateɛ na yɛka ho asɛm;+
Yɛsusu atosɛm wɔ yɛn akomam, na nkontomposɛm pue firi yɛn anom.+
14 Wɔapamo atɛntenenee kɔ n’akyi,+
Na adetenenee akɔgyina akyirikyiri;+
Ɛfiri sɛ nokorɛ ahwe ase wɔ dwa so,
Na deɛ ɛtene ntumi mma hɔ.
16 Ɔhuu sɛ obiara nni hɔ,
Na ɛyɛɛ no nwanwa sɛ kamafoɔ biara nni hɔ.
Enti ɔno ara n’abasa de nkwagyeɛ bae,*
Na ɔno ara ne tenenee hyɛɛ no den.
18 Deɛ wɔayɛ no, wɔbɛma wɔn ɛho akatua:+
Wɔn a wɔkyiri no no bɛnya n’abufuo; n’atamfo bɛnya asotwe.+
Na nsupɔ nso, ɔbɛtua wɔn ka.
19 Na wɔbɛsuro Yehowa din afiri atɔeɛ,*
Na wɔahyɛ no animuonyam afiri apueeɛ.*
Na ɔbɛba sɛ asubɔnten a ɛrebu fa so
A Yehowa honhom repia no.
21 “Na me deɛ, wei ne apam a me ne wɔn ayɛ,”+ Yehowa asɛm nie. “Me honhom a ɛwɔ wo so ne me nsɛm a mede ahyɛ w’anom no remfiri w’anom anaa wo mma* anom anaa wo mma mma* anom firi nnɛ kɔsi daa,” Yehowa na aka.
60 “O ɔbaa, sɔre+ na hyerɛn, ɛfiri sɛ wo hann apue.
Yehowa animuonyam ahyerɛn wo so.+
2 Hwɛ! Esum bɛkata asaase so,
Na esum kabii akata amanaman so;
Nanso wo deɛ, Yehowa bɛhyerɛn wo so,
Na wɔbɛhunu n’animuonyam wɔ wo so.
4 Ma w’ani so, na hwɛ wo ho nyinaa hyia!
Wɔaboaboa wɔn nyinaa ano; wɔreba wo nkyɛn.
5 Saa berɛ no, wobɛhunu na w’ani agye,+
Na w’akoma bɛhurihuri na adi ahurisie,
Ɛfiri sɛ wɔbɛma ɛpo mu ahonyadeɛ aba wo nkyɛn,
Na amanaman ahodeɛ bɛba wo nkyɛn.+
Wɔn a wɔfiri Saba nyinaa bɛba;
Wɔbɛsoa sika kɔkɔɔ ne ɛhyɛ.*
Wɔbɛka Yehowa ayeyie akyerɛ.+
7 Wɔbɛboaboa Kedar+ nnwan nyinaa ano abrɛ wo.
Na Nebaiot+ adwennini bɛsom wo.
8 Hwannom na wɔtu ba sɛ mununkum yi,
Te sɛ mmuruburo a wɔreba wɔn buo mu yi?
9 Me na nsupɔ de wɔn ani bɛto me so,+
Na Tarsis ahyɛn bɛdi animu,*
Na ɛde wo mma afiri akyirikyiri aba,+
Wɔne wɔn dwetɛ ne wɔn sika kɔkɔɔ.
Wɔde rebrɛ Yehowa wo Nyankopɔn din ne Israel Kronkronni no,
10 Ahɔhoɔ bɛto w’afasuo,
Na wɔn ahemfo bɛsom wo.+
M’abufuo mu na mebɔɔ wo,
Nanso m’adom mu na mɛhu wo mmɔbɔ.+
11 Wɔbɛbuebue w’apono ato hɔ daa;+
Wɔrentoto mu awia anaa anadwo.
Wɔde aman ahodeɛ bɛbrɛ wo,
Na wɔn ahemfo bɛdi animu.+
13 Lebanon animuonyam bɛba wo nkyɛn,+
Papao dua ne ɔsɛsɛ dua ne kwabɔhorɔ dua nyinaa bɛbom aba,+
Na ɛbɛma me tenabea kronkron ayɛ fɛ;
Mɛhyɛ baabi a me nan si no animuonyam.+
14 Wɔn a wɔteetee wo no, wɔn mma bɛba abɛkoto w’anim;
Wɔn a wɔmfa wo nyɛ hwee no, wɔn nyinaa bɛkoto wo nan ase,
Na wɔbɛfrɛ wo Yehowa kuro,
Israel Kronkronni no Sion.+
15 Wo a anka wɔagya wo koraa, na wɔtan wo, a obiara mfa wo kwan so no,+
Mɛma nkurɔfoɔ de wo ahoahoa wɔn ho daa,
Na wo nti, awoɔ ntoatoasoɔ nyinaa bɛdi ahurisie.+
17 Mede sika kɔkɔɔ bɛsi kɔbere ananmu,
Na mede dwetɛ asi dadeɛ ananmu,
Na kɔbere asi dua ananmu,
Na dadeɛ asi aboɔ ananmu.
Na mɛyi asomdwoeɛ sɛ wo hwɛfoɔ,
Wobɛfrɛ w’afasuo sɛ Nkwagyeɛ+ na woafrɛ wo nkuro apono sɛ Ayeyie.
19 Ɛnyɛ awia na ɛbɛma wo hann awiaberɛ bio,
Na ɛnyɛ bosome hann na ɛbɛhyerɛn wo so.
Mmom Yehowa bɛyɛ wo hann daa,+
Na wo Nyankopɔn bɛyɛ w’ahoɔfɛ.+
20 W’awia rentɔ bio,
Na wo bosome rennum bio,
Ɛfiri sɛ Yehowa bɛyɛ wo hann daa,+
Na w’awerɛhoɔ nna bɛba awieeɛ.+
21 Wo man nyinaa bɛyɛ ateneneefoɔ,
Na wɔbɛfa asaase no adi so daa.
Me Yehowa, mɛyɛ no ntɛm wɔ ne berɛ mu.”
61 Awurade Tumfoɔ Yehowa honhom wɔ me so,+
Ɛfiri sɛ Yehowa asra me sɛ memmɛka asɛmpa nkyerɛ ahobrɛasefoɔ.+
Wasoma me sɛ memmɛkyekyere akoma a abubuo,
Na memmɛka ɔgyeɛ ho asɛm nkyerɛ wɔn a wɔakye wɔn,
Na menka nkyerɛ wɔn a wɔda afiase no sɛ wɔn ani bɛbue kɛse.+
2 Wasoma me sɛ memmɛka Yehowa adom* afe
Ne ɛda a yɛn Nyankopɔn de bɛtua bɔne so ka,+
Na menkyekye wɔn a wɔdi awerɛhoɔ nyinaa werɛ.+
3 Wasoma me sɛ memmɛboa wɔn a wɔredi Sion ho awerɛhoɔ no,
Na memma wɔn abotire mfa nsi nsõ ananmu,
Na memma wɔn ahurisie ngo mfa nsi awerɛhoɔ ananmu,
Ne ayeyie ataadeɛ mfa nsi abasamtuo honhom ananmu.
4 Wɔbɛsan akyekyere tete nkuro a asɛe no bio;
Wɔbɛma mmeaeɛ a asɛe firi teteete no so agyina hɔ bio.+
Wɔbɛsan ama nkuro a asɛe no ayɛ foforɔ,+
Mmeaeɛ a obiara antena hɔ awoɔ ntoatoasoɔ pii mu no.+
Aane, wɔbɛnya agyapadeɛ mmɔho wɔ wɔn asaase so.+
Na wɔbɛdi ahurisie daa.+
Mɛtua wɔn ka nokorɛ mu,
Na me ne wɔn bɛyɛ daa apam.+
10 Mɛdi ahurisie kɛse wɔ Yehowa mu.
Me nipadua nyinaa* ani bɛgye wɔ me Nyankopɔn mu.+
Ɛfiri sɛ ɔde nkwagyeɛ ataadeɛ ahyɛ me;+
Ɔde tenenee ataadeɛ* ahyɛ me,
Te sɛ ayeforɔkunu a wabɔ abotire sɛ ɔsɔfoɔ,+
Te sɛ ayeforɔ a ɔde n’agudeɛ ahyehyɛ ne ho.
11 Na sɛdeɛ asaase ma nneɛma fifi,
Na turo ma nneɛma a wɔadua wom fifi no,
Saa ara na Awurade Tumfoɔ Yehowa
Na Yerusalem nti, merenkɔ so ntena hɔ dinn,
Kɔsi sɛ ne tenenee bɛpue sɛ kanea a ɛhyerɛn,+
Na ne nkwagyeɛ adɛre sɛ gya.+
Na wɔde din foforɔ bɛfrɛ wo,+
Edin a Yehowa ankasa ano bɛkyerɛ no.
3 Wobɛyɛ ahenkyɛ fɛfɛɛfɛ wɔ Yehowa nsam,
Ne ahemfo abotire wɔ wo Nyankopɔn nsayam.
Wɔbɛfrɛ wo M’ani Gye Ne Ho,+
Na wɔbɛfrɛ w’asaase Deɛ Waware.
Ɛfiri sɛ Yehowa ani bɛgye ne ho,
Na w’asaase bɛyɛ sɛ obi a waware.
5 Sɛdeɛ aberanteɛ ware ɔbaabunu no,
Saa ara na wo mma mmarima bɛware wo.
Na sɛdeɛ ayeforɔkunu di ayeforɔ ho ahurisie no,
Saa ara na wo Nyankopɔn bɛdi wo ho ahurisie.+
6 O Yerusalem, mede awɛmfoɔ asisi w’afasuo so.
Daa, awia ne anadwo nyinaa, ɛnsɛ sɛ wɔyɛ komm.
Mo a mobɔ Yehowa din nyinaa,
Monnhome.
7 Mommma no nnhome kɔsi sɛ ɔbɛma Yerusalem agyina pintinn,
Aane, kɔsi sɛ ɔde no bɛyɛ asaase so ayeyie.”+
8 Yehowa de ne nsa nifa ne ne basa denden aka ntam sɛ:
“Meremfa w’aduane mma w’atamfo bio,
Na ahɔhoɔ rennom bobesa foforɔ a woabrɛ ho no bio.+
9 Mmom wɔn a wɔboaboa aduane ano no na wɔbɛdie, na wɔayi Yehowa ayɛ;
Na wɔn a wɔsesa bobe no na wɔbɛnom nsã* wɔ m’adihɔ kronkron hɔ.”+
10 Monsene, monsene mfa kuro no apono mu.
Monsiesie kwan mma ɔman no.+
Mompae, mompae kwantempɔn no.
Monyiyi ɛso aboɔ nyinaa.+
Momfa ahyɛnsodeɛ* nsi hɔ mma nkurɔfoɔ no.+
11 Hwɛ! Yehowa ama wɔate akɔduru asaase ano nohoa sɛ:
“Monka nkyerɛ Sion babaa sɛ,
‘Hwɛ! Wo nkwagyeɛ reba.+
Hwɛ! N’akatua ka ne ho,
Na deɛ ɔde tua ka di n’anim.’”+
12 Wɔbɛfrɛ wɔn ɔman kronkron, wɔn a Yehowa agye wɔn,+
Na wɔbɛfrɛ wo Deɛ Wɔahwehwɛ No, Kuro a Wɔannya No.+
63 Hwan na ɔfiri Edom+ reba yi,
Deɛ ɔhyɛ ataadeɛ a ɛhyerɛn* firi Bosra+ reba,
Deɛ n’ataadeɛ yɛ fɛ,
Na ɔde tumi mmorosoɔ reyi akyẽa yi?
“Ɛyɛ me, Deɛ ɔkasa tenenee mu,
Deɛ ɔwɔ tumi kɛseɛ a ɔde gye nkwa no.”
2 Adɛn nti na w’ataadeɛ ayɛ kɔɔ,
Na adɛn nti na w’ataadeɛ te sɛ obi a ɔtiatia amena a wɔkyĩ nsã wom mu yi?+
3 “Me nko ara na metiatiaa amena a wɔkyĩ nsã wom no mu.
Ná ɔmanfoɔ no mu biara nka me ho.
Wɔn mogya bɔ petee me ntaadeɛ mu
Maa me ntaadeɛ nyinaa mu sɛee.
4 Ɛda a mede bɛtua bɔne so ka no,+ masi ho gyinaeɛ wɔ m’akomam,
Na afe a mede bɛgye me nkurɔfoɔ no aduru.
5 Mehwɛe, nanso na ɔboafoɔ biara nni hɔ;
Ɛyɛɛ me nwanwa sɛ obiara ammɛboa.
7 Mɛka Yehowa dɔ a ɛnni hwammɔ akyerɛ,
Nneɛma a Yehowa ayɛ a ɛfata ayeyie no.
Mɛka akyerɛ, ɛsiane deɛ Yehowa ayɛ ama yɛn no nyinaa nti,+
Nneɛma pa bebree a wayɛ ama Israel fie,
Sɛdeɛ ne mmɔborɔhunu ne ne dɔ bebrebe a ɛnni hwammɔ teɛ no.
8 Na ɔkaa sɛ: “Wɔyɛ me man ampa, mma a wɔrenni hwammɔ.”*+
Enti ɔbɛyɛɛ wɔn Agyenkwa.+
9 Berɛ a wɔn ho hiahiaa wɔn no, ne ho hiahiaa no.+
Na ɔno ara ne bɔfoɔ* gyee wɔn.+
10 Nanso wɔtee atua+ na wɔmaa ne honhom kronkron no werɛ hoe.+
11 Na wɔkaee tete mmerɛ no,
N’akoa Mose berɛ so:
“Deɛ ɔyii wɔn ne ne nnwan so ahwɛfoɔ+ firii po mu no wɔ he?+
Na deɛ ɔde Ne honhom kronkron hyɛɛ ne mu no wɔ he?+
12 Deɛ ɔmaa Ne basa a ɛwɔ animuonyam no dii Mose nsa nifa so kɔeɛ,+
Na ɔpaee nsuo no mu wɔ wɔn anim+
De gyee din+ a ɛwɔ hɔ daa no wɔ he?
13 Deɛ ɔmaa wɔnantee nsuo a ɛrebu fa so* mu
Sɛdeɛ pɔnkɔ nante serɛ so,
Na wɔansunti no, ɔwɔ he?
Saa na wodii wo man anim
De gyee din a animuonyam wom maa wo ho.+
Woatwe afiri me ho.
Wo din ne yɛn Gyefoɔ+ firi tete.
17 O Yehowa, adɛn nti na woma yɛmane firi w’akwan so?
Adɛn nti na woma yɛn akoma pirim na yɛnsuro wo yi?+
Wo nkoa nti san bra,
Mmusua a wɔyɛ w’agyapadeɛ nti.+
18 Ɛbɛdii wo man kronkron no nsam berɛ tiaa bi.
Yɛn atamfo atiatia wo tenabea kronkron so.+
19 Berɛ tenten nie, yɛayɛ sɛ nnipa a wonnii yɛn so da,
Te sɛ wɔn a wɔmfaa wo din mfrɛɛ wɔn da.
64 O, sɛ anka wotetee ɔsoro mu siane baa fam
Maa wo nti, mmepɔ wosoe,
2 Sɛdeɛ egya hye anyina,
Na egya ma nsuo huru no a,
Anka w’atamfo bɛhunu wo din,
Na aman ho apopo w’anim!
4 Ɛfiri tete, obiara nteeɛ na ɛntwaa obiara aso mu,
Na ani biara nhuu Onyankopɔn bi a ɔdi ma wɔn a wɔkɔ so twɛn no,*+
Gye wo nko ara.
Hwɛ! Wo bo fui berɛ a yɛkɔɔ so yɛɛ bɔne no;+
Yɛtenaa bɔne no mu kyɛe.
Afei wobɛgye yɛn nkwa anaa?
6 Yɛn nyinaa abɛyɛ sɛ obi a ne ho nteɛ,
Na adetenenee a yɛyɛ nyinaa te sɛ ntoma a ɔbaa yɛ bra a ɔde siesie ne ho.*+
Yɛn nyinaa yɛbɛtwintwam te sɛ ahaban,
Na yɛn bɔne bɛsoa yɛn akɔ sɛ mframa.
7 Obiara nni hɔ a ɔbɔ wo din,
Na obiara nni hɔ a ɔkanyan ne ho na ɔsɔ wo mu,
Ɛfiri sɛ wode w’anim ahinta yɛn,+
8 Afei, O Yehowa, wone yɛn Agya.+
Yɛsrɛ wo, hwɛ yɛn, na yɛn nyinaa yɛ wo man.
10 Wo nkuro kronkron adane serɛ.
Sion adane serɛ,
Na Yerusalem asɛe.+
11 Yɛn fie* kronkron a ɛwɔ animuonyam* no,
Baabi a yɛn agyanom yii wo ayɛ no,
Wɔde gya ahye,+
Na nneɛma a na ɛsom bo ma yɛn no nyinaa asɛe.
12 O Yehowa, wei nyinaa akyi, wobɛkɔ so ara ayi w’ani?
Wobɛtena hɔ dinn ama yɛn ho akyere yɛn dendeenden saa?+
Ɔman a wɔammɔ me din no, meka kyerɛɛ wɔn sɛ, ‘Menie, menie!’+
2 Matrɛ me nsam da mu nyinaa ama ɔman asoɔdenfoɔ,+
Wɔn a wɔnam kwammɔne so+
A wɔdi wɔn ankasa adwene akyi;+
3 Ɔman a wɔgyina m’anim daa hyɛ me abufuo,+
Na wɔbɔ afɔreɛ wɔ nturo mu,+ na wɔhye afɔrebɔdeɛ wɔ birikisi so.
Weinom yɛ wisie wɔ me hwenem, egya a ɛdɛre daa.
6 Hwɛ! Wɔatwerɛ wɔ m’anim;
Merentena hɔ komm,
Na mmom mɛtua wɔn ka,+
Mede wɔn akatua nyinaa bɛma wɔn.*
7 Mɛtua wɔn bɔne ne wɔn agyanom bɔne so ka,”+ Yehowa na aka.
“Ɛsiane sɛ wɔhyee afɔrebɔdeɛ wɔ mmepɔ so,
Na wɔguu me ho fĩ wɔ nkokoɔ so+ nti,
Mɛdi kan asusu wɔn akatua nyinaa ama wɔn.”*
8 Asɛm a Yehowa aka nie:
Saa ara na me nkoa nti mɛyɛ;
Merensɛe wɔn nyinaa.+
9 Mede aseni* bi bɛfiri Yakob mu aba,
Na Yuda mu na mɛyi deɛ me mmepɔ bɛyɛ ne dea;+
Wɔn a mayi wɔn no bɛfa,
Na me nkoa atena hɔ.+
Na Akor Bɔn*+ ayɛ anantwie ahomegyebea
Ama me nkurɔfoɔ a wɔhwehwɛ me no.
11 Nanso moka wɔn a wɔagya Yehowa hɔ no ho,+
Wɔn a wɔn werɛ afi me bepɔ kronkron no,+
Wɔn a wɔto pono ma onyame a ɔma nkurɔfoɔ tiri yɛ yie
Ne wɔn a wɔhyɛ nsã* a wɔafrafra wɔ kuruwa mu ma Nkrabea nyame.
Na mo nyinaa mobɛkoto ama wɔaku mo,+
Ɛfiri sɛ mefrɛe, nanso moannye so,
Mekasae, nanso moantie;+
Mokɔɔ so yɛɛ bɔne wɔ m’ani so,
Na mopaw deɛ m’ani nnye ho.”+
13 Wei nti, deɛ Awurade Tumfoɔ Yehowa aka nie:
“Hwɛ! Me nkoa bɛdidi, na mo deɛ, ɛkɔm bɛde mo.+
Hwɛ! Me nkoa bɛnya nsuo anom,+ na mo deɛ, sukɔm bɛde mo.
Hwɛ! Me nkoa ani bɛgye,+ na mo deɛ, mo ani bɛwu.+
14 Hwɛ! Akoma mu anigyeɛ nti, me nkoa bɛdi ahurisie,
Na mo deɛ, akoma mu yea nti, mobɛsu,
Na honhom a abubuo nti, mobɛsu ateatea mu.
15 Mobɛgya din, na wɔn a mayi wɔn no de bɛka ntam,
Na Awurade Tumfoɔ Yehowa bɛkunkum mo mmaako mmaako,
Na ɔno ara ne nkoa deɛ, ɔde din foforɔ bɛfrɛ wɔn,+
16 Sɛdeɛ ɛbɛyɛ a, obiara a ɔhwehwɛ nhyira wɔ asaase so no,
Nokorɛ* Nyankopɔn no bɛhyira no.
Na obiara a ɔka ntam wɔ asaase so no,
Na wɔrenkae kane amanehunu no;
M’ani renhunu bio.+
17 Na hwɛ! Merebɔ ɔsoro foforɔ ne asaase foforɔ;+
Na wɔrenkae kane nneɛma no bio,
Na ɛremma akomam bio.+
18 Enti monni ahurisie na momma mo ani nnye daa, adeɛ a merebɔ no nti.
Na hwɛ! Merebɔ Yerusalem ama ɛde anigyeɛ aba,
Na merebɔ emufoɔ ama wɔde ahurisie aba.+
19 M’ani bɛgye Yerusalem ho na madi me man ho ahurisie;+
Wɔrente sɛ obi resu anaa obi rebɔ bena wɔ mu bio.”+
20 “Wɔrenhunu akɔkoaa a wannyini ankyɛ bio,
Anaa akɔkoraa a wanni ne nna anwie.
Sɛ obi di mfeɛ ɔha na ɔwu a, wɔbɛbu no sɛ ɔyɛ abarimaa.
Na ɔbɔnefoɔ deɛ, sɛ ɔdi mfeɛ ɔha mpo a, wɔbɛdome no.*
22 Wɔrensisi adan mma obi foforɔ mmɛtena mu,
Na wɔrennua mma obi mmɛdi.
Ɛfiri sɛ me man nna bɛyɛ sɛ dua nna,+
Na wɔn a mayi wɔn no bɛdi wɔn nsa ano adwuma amee.
23 Wɔrenyɛ adwuma* mmrɛ ngu kwa,+
Na mma a wɔbɛwo wɔn no, mmusuo renka wɔn,
Ɛfiri sɛ wɔyɛ mma* a Yehowa ahyira wɔn,+
Wɔne wɔn asefoɔ.+
24 Ansa na wɔbɛfrɛ mpo, na magye so;
Na wɔgu so rekasa no, mɛtie.
25 Pataku ne odwan ba bɛbom adidi,
Na gyata awe wura sɛ nantwie,+
Na ɔwɔ deɛ, dɔteɛ na ɛbɛyɛ n’aduane.
Wɔrenyɛ bɔne, na wɔrensɛe adeɛ, me bepɔ kronkron no nyinaa so,”+ Yehowa na aka.
66 Deɛ Yehowa aka nie:
“Ɔsoro yɛ m’ahennwa, na asaase yɛ me nan ntiasoɔ.+
3 Deɛ ɔkum nantwie no te sɛ deɛ ɔkum onipa.+
Deɛ ɔde odwan bɔ afɔreɛ no te sɛ deɛ ɔbu kraman kɔn mu.+
Deɛ ɔde afɔrebɔdeɛ ba no te sɛ deɛ ɔde prako
mogya ba.+
Deɛ ɔhye ɛhyɛ*+ de yɛ nkaeɛ no te sɛ deɛ ɔkankye de hyira obi.*+
Wɔafa wɔn ankasa akwan,
Na wɔn ani gye akyiwadeɛ ho.*
Ɛfiri sɛ berɛ a mefrɛeɛ no, obiara annye so;
Berɛ a mekasaeɛ no, obiara antie.+
Wɔkɔɔ so yɛɛ bɔne wɔ m’ani so,
Na deɛ m’ani nnye ho na wɔpaw sɛ wɔbɛyɛ.”+
5 Montie Yehowa asɛm, mo a n’asɛm nti mo ho popo:*
“Mo nuanom a me din nti wɔtan mo na wɔpo mo no kaa sɛ, ‘Animuonyam nka Yehowa!’+
Nanso Ɔbɛba na wama mo ani agye,
Na wɔn mmom na wɔn ani bɛwuo.”+
6 Gyegyeegye bi wɔ kuro no mu, na dede bi wɔ asɔrefie hɔ!
Ɛyɛ Yehowa na ɔretua n’atamfo ka sɛdeɛ ɛsɛ wɔn.
7 Awoɔ nnya nkaa no no, na wawo dada.+
Ɔnnya ntee awoɔ mu yea* no, na wawo ɔbabarima.
8 Hwan na wate asɛm yi bi pɛn?
Hwan na wahunu biribi a ɛte sɛ wei pɛn?
Wɔwo asaase da koro anaa?
Anaa wɔwo ɔman prɛko pɛ?
Nanso awoɔ kaa Sion pɛ na ɔwoo ne mma mmarima.
9 “Mɛma abɔfra abɛduru awodeɛ ano a meremma wɔnwo no anaa?” Yehowa na aka.
“Anaa mɛma awoɔ aka obi na mato n’awodeɛ mu?” Wo Nyankopɔn na aka.
10 Mo a modɔ Yerusalem nyinaa,+ mo ne no nni ahurisie+ na mo ani nnye.
Mo a moredi ne ho awerɛhoɔ nyinaa, mo ne no nni ahurisie kɛseɛ,
11 Ɛfiri sɛ mobɛnom n’awerɛkyekyerɛ nufoɔ amee,
Na mobɛtwe nufoɔ no mii, na moanya anigyeɛ wɔ n’animuonyam mmorosoɔ no mu.
12 Na deɛ Yehowa aka nie:
Mobɛnom nufoɔ, na wɔbɛturu mo wɔ wɔn nkyɛnmu.
Na wɔbɛgyegye mo agorɔ wɔ wɔn nan so.
13 Sɛdeɛ ɔbaa kyekye ne babarima werɛ no,
Saa ara na mɛkɔ so akyekye mo werɛ;+
Na Yerusalem nti, mo werɛ bɛkyekye.+
14 Mobɛhunu wei, na mo akoma ani bɛgye,
Mo nnompe bɛyɛ kama te sɛ ɛserɛ mono.
15 “Na Yehowa bɛba te sɛ egya,+
Na ne nteaseɛnam bɛba te sɛ ahum,+
Na ɔde aniberɛ bɛtua wɔn ka n’abufuo mu,
Na ɔde egya a ɛredɛre aka wɔn anim.+
16 Na Yehowa de egya bɛbu atɛn,
Aane, ɔde ne sekan bɛkunkum ɔhonam nyinaa;*
Na wɔn a Yehowa bɛkunkum wɔn no bɛdɔɔso.
17 “Wɔn a wɔte wɔn ho na wɔdwira wɔn ho kɔ nturo* mu,+ na wɔkɔdi deɛ ɛwɔ mfimfini no akyi, na wɔwe prakonam+ ne nneɛma a ɛyɛ akyiwadeɛ ne nkura+ no, wɔn nyinaa awieeɛ bɛba abom,” Yehowa na aka. 18 “Menim wɔn nnwuma ne wɔn adwene. Enti mereba abɛboaboa amanaman ne kasa hodoɔ nyinaa mu nnipa ano, na wɔbɛba abɛhunu m’animuonyam.”
19 “Na mede sɛnkyerɛnne bi bɛsi wɔn mu, na mɛsoma wɔn a wɔnyaa wɔn tiri didii mu no bi akɔ amanaman no mu; wɔbɛkɔ Tarsis,+ Pul ne Lud,+ wɔn a wɔkuntunu agyan no nkyɛn. Wɔbɛkɔ Tubal ne Yawan;+ wɔbɛkɔ nsupɔ a ɛwɔ akyirikyiri, wɔn a wɔntee me ho asɛm na wɔnhunuu m’animuonyam no nkyɛn. Na wɔbɛka m’animuonyam wɔ amanaman mu.+ 20 Wɔde mo nuanom nyinaa bɛfiri amanaman nyinaa mu abrɛ Yehowa+ sɛ akyɛdeɛ. Wɔbɛtenatena apɔnkɔ so, ɛko nteaseɛnam mu, nteaseɛnam a wɔakuru so mu, ne mfunumupɔnkɔ ne yoma a wɔn ho yɛ hare so, na wɔaba Yerusalem, me bepɔ kronkron no so sɛdeɛ Israelfoɔ de wɔn akyɛdeɛ gu adeɛ* a emu teɛ mu ba Yehowa fie no,” Yehowa na aka.
21 “Na mɛyi wɔn mu bi nso ayɛ wɔn asɔfoɔ ne Lewifoɔ,” Yehowa na aka.
22 “Na sɛdeɛ ɔsoro foforɔ ne asaase foforɔ+ a mereyɛ no bɛkɔ so agyina m’anim no, saa ara na mo asefoɔ* ne mo din bɛkɔ so agyina,” Yehowa na aka.+
23 “Na bosome foforɔ biara ne homeda biara,
Ɔhonam* nyinaa bɛba abɛbu nkotodwe wɔ m’anim,”*+ Yehowa na aka.
24 “Na wobɛfiri adi akɔhwɛ nnipa a wɔte me so atua no afunu;
Mmoaa a adɔre afunu no renwu,
Na egya a ɛhye wɔn no nso, ɛrennum da,+
Na wɔbɛyɛ abofonodeɛ ama nnipa* nyinaa.”
Ɛkyerɛ, “Yehowa Nkwagyeɛ.”
Anaa “Mayɛn.”
Anaa “deɛ ɔtɔɔ no.”
Anaa “ne wura.”
Anaa “wɔasɛe!”
Anaa “asɛm nni ho.’
Anaa “Wɔntotõeɛ.”
Anaa “sese.”
Anaa “bobeturo.”
Anaa “sodifoɔ.”
Anaa “akwankyerɛ.”
Anaa “Nkonyaa.”
Anaa “Me kra kyiri.”
Anaa “Monnware.”
Anaa “hwiit nsã.”
Anaa “braeb.”
Anaa “dɔw.”
Ɛbɛyɛ sɛ ɛyɛ nnua ne nturo a wɔde som abosom.
Anaa “ahoma.”
Anaa “egya a ɛreturituri.”
Anaa “Awieeɛ mmerɛ.”
Anaa “n’atempɔn.”
Anaa “akwankyerɛ.”
Anaa “nsekan a wɔde kɔ ɛko.”
Ɛbɛyɛ sɛ na ɛyɛ dadeɛ bi a ɛyɛ nnam a ɛhyɛ dua ano. Ɛte sɛ kookoo sɔsɔ.
Anaa “ananafoɔ.”
Anaa “Abosonhunu.”
Anaa “Onipa ahantan ani.”
Anaa “Na wɔbɛbrɛ nnipa ahomasoɔ ase.”
Anaa “ne obiara a n’ani tra n’ani ntɔn.”
Anaa “Na wɔbɛbrɛ nnipa ahomasoɔ ase.”
Anaa “abotan ntokuro.”
Aboa bi a ɔte sɛ akura; ɔdidi paa.
Anaa “Ɔyɛ onipa a ɔhome fa ne hwenem.”
Anaa “Merenyɛ mo yaresafoɔ.”
Nt., “Wɔate n’animuonyam anim atua.”
Anaa “bu wɔn fɔ.”
Anaa “Wɔn kra nnue.”
Nt., “Wɔbɛdi wɔn nneyɛɛ so aba.”
Anaa “bobeturo.”
Nt., “wɔnante twetwe wɔn kɔn (wɔn mene).”
Anaa “adɔre ntwom.”
Anaa “abomu.”
Nt., “Akra adan.”
Anaa “Nkawa a yɛde hyɛ nsateaa.”
Anaa “Atweaatam.” Hwɛ Nkyerɛkyerɛmu afã hɔ.
Kyerɛ sɛ, etwã a nkoa ne nneduafoɔ nya berɛ a wɔde dadeɛ to gya mu hye wɔn de hyɛ wɔn nso.
Kyerɛ sɛ, sugyadie ne boniniyɛ ho aniwuo.
Anaa “Yehowa nkorabata.”
Anaa “honhom a ɛredɛre.”
Nt., “tiafi.”
Anaa “sese.”
Anaa “bobeturo.”
Anaa “bobe pa kɔkɔɔ.”
Anaa “bobesa.”
Anaa “ahoma du.”
Hwɛ Nkh. B14.
Hwɛ Nkh. B14.
Hwɛ Nkh. B14.
Anaa “bobesa.”
Anaa “bobesa.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Anaa “ama ne kra yam abae.”
Anaa “kuro no animuonyam.”
Anaa “atɛntenenee.”
Anaa “Mmoa a wɔadɔre sradeɛ amamfo so na ahɔhoɔ bɛdidie.”
Anaa “gyinaeɛsie; agyinatuo.”
Anaa “bobesa nom.”
Anaa “nsã a ano yɛ den a wɔde frafra.”
Anaa “braeb.”
Anaa “akwankyerɛ.”
Anaa “bɔɔla.”
Anaa “frankaa.”
Anaa “n’ani twan so.”
Anaa “ayɛ krado sɛ wɔde bɛto agyan.”
Anaa “twerɛboɔ.”
Anaa “agyatanini.”
Nt., “deɛ ɔfrɛeɛ no nne.”
Anaa “afɔdie.”
Anaa “aba.”
Ɛbɛtumi nso akyerɛ, “wantumi.”
Ɛkyerɛ, “Nkaefoɔ Kakraa Bi Na Wɔbɛsan Aba.”
Ɛbɛtumi nso akyerɛ, “nkɔhunahuna no.”
Anaa “yɛnkɔbu n’afasuo ngu mu.” Nt., “yɛnkɔpae mu.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Anaa “Ɔbaabunu.”
Ɛkyerɛ, “Onyankopɔn Ne Yɛn Wɔ Hɔ.”
Anaa “nsuwansuwa.”
Kyerɛ sɛ, Eufrate.
Nt., “ɔdasani twerɛdua.”
Ɛbɛtumi akyerɛ “Ɔde Mmirika Reba Asadeɛ No Ho, Ɔde Ahoɔherɛ Reba Asadeɛ No Ho.”
Kyerɛ sɛ, Yesaia yere.
Nt., “mekɔɔ odiyifoɔbaa no ho.”
Kyerɛ sɛ, Eufrate.
Hwɛ Yes 7:14.
Anaa “Momma mo akodeɛ so.”
Ɛkyerɛ pɔ bɔne a nkurɔfoɔ bɔ wɔ obi ho.
Anaa “akwankyerɛ.”
Anaa “mɛhwɛ no kwan dendeenden.”
Nt., “ahomakye.”
Anaa “aban; adedie.”
Anaa “N’aban; N’adedie.”
Nt., “akyire.”
Anaa “aboa dua.”
Anaa “Dua nkorabata.”
Ɛbɛtumi nso akyerɛ, “berɛ ne demmire.”
Anaa “Asotwe.”
Anaa “animuonyam.”
Anaa “Me nsa agye.”
Nt., “Mɛtwe.”
Anaa “ɔrensu te sɛ anomaa.”
Anaa “Ɔbɛsɛe ne kwaeɛ ne ne turo animuonyam firi ɔkra so akɔsi honam so.”
Anaa “asotwe.”
Anaa “mpire.”
Anaa “nnua nkorabata.”
Anaa “akuma.”
Anaa “atɛntenenee.”
Anaa “honhom.”
Kyerɛ sɛ, wɔbɛhyiam berɛ ne berɛ mu.
Anaa “gyatanini a ne ho yɛ den.”
Ɛbɛtumi nso akyerɛ, “Na nantwie ba ne gyata bɛdidi abom.”
Ɔwɔ bi a n’ano wɔ borɔ paa.
Anaa “frankaa.”
Anaa “Amanaman bɛhwehwɛ n’akyiri akwan.”
Kyerɛ sɛ, Babilonia.
Anaa “frankaa.”
Nt., “abatire.”
Anaa “Wɔbɛdi Edom ne Moab so.”
Nt., “Egypt po no kɛtrɛma.”
Ɛbɛtumi nso akyerɛ, “bɛma awe.”
Kyerɛ sɛ, Eufrate.
Anaa “honhom.”
Ɛbɛtumi nso akyerɛ, “bɛkyɛ n’asutene no mu nson.”
“Yah” yɛ edin Yehowa a wɔatwa no tia.
Anaa “Mommɔ nnwom.”
Nt., “ɔbaa a ɔte Sion.” Ɛkyerɛ kuro no mufoɔ nyinaa a wɔaka wɔn ho asɛm sɛ ɔbaa.
Anaa “frankaa.”
Nt., “wɔn a mate wɔn ho no.”
Nt., “ne wɔn mu biara Kesil.” Ebia ɛgyina hɔ ma Orion nsorommakuo ne nsoromma akuo a atwa ho ahyia no.
Anaa “hoɔfɛfoɔ.”
Ɛbɛtumi nso akyerɛ, “abosom a wɔte sɛ mpɔnkye.”
Anaa “Ɔbɛma wɔahome wɔ.”
Anaa “wɔbɛbɔ Babilon hene akutia.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Nt., “mpɔnkyenini no.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Nt., “fie.”
Anaa “nkorabata.”
Anaa “ɔwora.”
Nt., “agyina a wɔatuo.”
Anaa “wei ne nsa a ayɛ krado sɛ ɛbɛbɔ aman nyinaa.”
Ɔwɔ bi a n’ano wɔ borɔ paa.
Anaa “ɔwɔ a ɔto ne ho a n’ano borɔ te sɛ egya.”
Anaa “abɔfoɔ a ɔman no atu wɔn.”
Anaa “Asɔrefie.”
Hwɛ Nkyerɛkyerɛmu afã hɔ.
Anaa “atweaatam.” Hwɛ Nkyerɛkyerɛmu afã hɔ.
Anaa “Ne kra.”
Anaa “ɔdɔ a ɛnni hwammɔ.”
Anaa “akusa; atwintwam.”
Ɛbɛtumi nso akyerɛ, “Ɛfiri sɛ ɛko nteateamu no asiane aba w’ahuhuro berɛ mu aba ne wo twaberɛ so.”
Anaa “bobesa.”
Hwɛ Nkyerɛkyerɛmu afã hɔ.
Anaa “wɔbɛkan no pɛpɛɛpɛ te sɛ deɛ ɔpaani yɛ no”; kyerɛ sɛ, mfeɛ mmiɛnsa pɛpɛɛpɛ.
Anaa “ɛbɛdane amamfo.”
Nt., “Israel mma.”
Nt., “ne honam mu sradeɛ no.”
Ɛbɛtumi aba sɛ ɛyɛ baali.
Ɛbɛtumi aba sɛ ɛyɛ baali.
Ɛbɛtumi aba sɛ ɛyɛ baali.
Anaa “Asaasetraa so.”
Hwɛ Nkyerɛkyerɛmu afã hɔ.
Anaa “ananafoɔ nyame.”
Anaa “nkyɛkyerɛ.”
Anaa “abɔfoɔ.”
Ɛyɛ afifideɛ bi a ɛwɔ nsuo ho.
Anaa “abɔfoɔ.”
Anaa “ɔman twintwann a ɔtiatia aman so.”
Anaa “frankaa.”
Ɛbɛtumi nso akyerɛ, “Mɛyɛ komm na mafiri m’atenaeɛ ahwɛ.”
Ɛbɛyɛ sɛ na ɛyɛ dadeɛ bi a ɛyɛ nnam a ɛhyɛ dua ano. Ɛte sɛ kookoo sɔsɔ.
Anaa “Ɔman twintwann a ɔtiatia aman so.”
Anaa “tirimbɔ.”
Anaa “kaberekyerɛfoɔ.”
Anaa “bɛkusa.”
Anaa “Wɔn a wɔto asaawa.”
Anaa “kra bɛdi awerɛhoɔ.”
Anaa “Memfis.”
Anaa “aboa dua.”
Ɛbɛtumi nso akyerɛ, “berɛ anaa demmire.”
Anaa “Israel bɛtɔ Egypt ne Asiria so mmiɛnsa.”
Anaa “asraafoɔ panin.”
Anaa “atweaatam.” Hwɛ Nkyerɛkyerɛmu afã hɔ.
Anaa “na ɔnantee a na ɔnhyɛ ataade papa biara.”
Anaa “ani bɛwu.”
Anaa “Egypt animuonyam a ɛyɛ wɔn fɛ no nti.”
Ɛbɛyɛ sɛ ɛkyerɛ tete Babilonia mpɔtamu.
Nt., “me dwonku mu tutu me.”
Anaa “momfa ngo nsra.”
Anaa “aban a wɔgyina so wɛn.”
Nt., “m’ayuporobea ba.”
Ɛkyerɛ, “Kommyɛ.”
Anaa “akwantufoɔ ne wɔn mmoa.”
Anaa “wɔbɛkan no pɛpɛɛpɛ te sɛ deɛ ɔpaani yɛ no”; kyerɛ sɛ, afe baako pɛpɛɛpɛ.
Ɛbɛyɛ sɛ ɛfa Yerusalem ho.
Ɛyɛ anwensɛm a wɔde ka ɔman no ho asɛm te sɛ nipa. Ebia wɔde rekyerɛ tema ne ayamhyehyeɛ.
Anaa “nnipa a wɔtete apɔnkɔ so.”
Anaa “Kir asiesie ne kyɛm.”
Anaa “w’abɔn.”
Anaa “nnipa a wɔtete apɔnkɔ so.”
Anaa “bammɔ.”
Anaa “atweaatam.” Hwɛ Nkyerɛkyerɛmu afã hɔ.
Anaa “bobesa.”
Anaa “ahemfie.”
Anaa “tenabea.”
Anaa “w’ahemman.”
Anaa “pɛɛwa.”
Nt., “mu duro.”
Anaa “bɛsɛn ne so.”
Anaa “mmanana.”
Kyerɛ sɛ, Asubɔnten Nil no nkorabata bi.
Ɛbɛtumi aba sɛ ɛyɛ baali. Nt., “aba.”
Nt., “mmaabunu.”
Esie anaa fasuo a wɔgyina so ko anaa wɔde bɔ kuro ho ban.
Nt., “nna.”
Anaa “n’apaadeɛ.”
Anaa “n’apaadeɛ.”
Anaa “n’apaadeɛ.”
Ɛbɛtumi nso akyerɛ, “Asaase no mu nsuo atwe.”
Anaa “Wiase.”
Anaa “tete.”
Ɛbɛtumi nso akyerɛ, “Nsã foforɔ awe.”
Anaa “bobesa.”
Anaa “bobesa.”
Anaa “atɔeɛ.”
Anaa “apueeɛ.”
Anaa “Ahoɔfɛ.”
Nt., “ne mpanimfoɔ.”
Anaa “Nneɛma a wɔtuu ho agyina.”
Anaa “kunkumaboɔ.”
Anaa “Ananafoɔ.”
Anaa “home.”
Anaa “ananafoɔ.”
Anaa “bobesa a ada aseɛ.”
Nt., “ɔbɛmene.”
Anaa “nkataanimu.”
Anaa “Ɔbɛyi owuo afiri hɔ.”
Anaa “ahohora.”
Anaa “bɔɔla.”
Esie anaa fasuo a wɔgyina so ko anaa wɔde bɔ kuro ho ban.
Ɛbɛtumi nso akyerɛ, “Wɔn a wɔn akoma si pi no.”
“Yah” yɛ edin Yehowa a wɔatwa no tia.
Anaa “pɛpɛɛpɛ.”
Anaa “Yɛn kra.”
Kyerɛ sɛ, ma wɔnkae Onyankopɔn ne ne din anaa ma nkurɔfoɔ nhunu Onyankopɔn ne ne din.
Anaa “me kra.”
Anaa “awoko yea.”
Anaa “awoko yea.”
Nt., “Afunu a ɛyɛ me dea.”
Ɛbɛtumi nso akyerɛ, “nwura (ɛfan) so bosuo.”
Anaa “Na asaase bɛwo awufoɔ a wɔnni tumi biara no.”
Hwɛ Nkyerɛkyerɛmu afã hɔ.
Ɛbɛyɛ sɛ ɛfa Israel ho. Ɛha yi wɔka ne ho asɛm sɛ ɔbaa bi a wɔde no toto bobefuo ho.
Anaa “Bobeturo.”
Anaa “bobesa.”
Hwɛ Nkyerɛkyerɛmu afã hɔ.
Kyerɛ sɛ, Eufrate.
Ɛbɛyɛ sɛ ɛfa Efraim ahenkuro Samaria ho.
Anaa “ahantan abotire; dwɛɛ abotire.”
Anaa “bobesa.”
Anaa “ahantan abotire; dwɛɛ abotire.”
Anaa “bobesa.”
Anaa “Bobesa.”
Nt., “ano a ɛworo dodoɔ.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Ɛbɛtumi nso akyerɛ, “anya anisoadehunu baako.”
Ɛyɛ ahoma bi a dadeɛ hyɛ ano a wɔde susu ɛdan hwɛ sɛ ɛdan no tene anaa.
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Ɛbɛtumi nso akyerɛ, “Sɛ wɔte aseɛ a, ɛbɛma wɔn ho apopo.”
Kyerɛ sɛ, ntoma a wɔanwene.
Anaa “asaasetraa so.”
Ɛyɛ biribi a yɛde yɛ aduane ma ɛyɛ hwam.
Ebinom nso frɛ no “atokoɔ.”
Ɛyɛ afifideɛ bi a ɛte sɛ ɛmo.
Ɛte sɛ hwiit, na na wɔtaa dua wɔ tete Egypt.
Anaa “Ɔtene ne so kwampa so; Ɔtwe n’aso kwampa so.”
Ɛyɛ biribi a yɛde yɛ aduane ma ɛyɛ hwam.
Ɛbɛtumi aba sɛ ɛyɛ baali.
Anaa “n’atirimpɔ.”
Anaa “Na ne nyansa nni ano no.”
Ɛbɛtumi akyerɛ “Onyankopɔn Afɔrebukyia.” Ɛbɛyɛ sɛ ɛgyina hɔ ma Yerusalem.
Anaa “Mɛbɔ wo ho nsra.”
Esie anaa fasuo a wɔgyina so ko anaa wɔde bɔ kuro ho ban.
Nt., “Nnipakuo a wɔnnim wɔn.”
Anaa “ɛkɔm da so ara de ne kra.”
Anaa “ne kra mu nsuo atwe.”
Anaa “bobesa.”
Anaa “Yehowa ahwie nnahɔɔ honhom agu mo so.”
Anaa “agyinatuo.”
Anaa “Mo a mo adwene akyea!”
Nt., “deɛ ɔnya nkurɔfoɔ kasakyerɛ.”
Kyerɛ sɛ, deɛ fɛreɛ ne hwammɔdie de ba.
Anaa “tirimbɔ.”
Nt., “Wɔn a wɔgu nsã.” Ɛbɛyɛ sɛ ɛkyerɛ sɛ nnipa bi apene so sɛ wɔbɛyɛ biribi.
Anaa “wɔmmisaa m’anom asɛm.”
Nt., “Farao abandenden ase.”
Anaa “n’abɔfoɔ.”
Ɔwɔ bi a n’ano wɔ borɔ paa.
Anaa “ɔwɔ a ɔto ne ho a n’ano borɔ te sɛ egya.”
Anaa “akwankyerɛ.”
Ɛbɛtumi nso akyerɛ, “abura.”
Anaa “wɔtwɛn no dendeenden.”
Anaa “ahoni a wɔaguo.”
Anaa “bratam.”
Ɛbɛtumi nso akyerɛ, “na wobɛfrɛ no efĩ.”
Nt., “ɛbɛyɛ sɔkyee, deɛ ahoɔden wom.”
Anaa “N’ahome.”
Nt., “adehunu sɔneeɛ.”
Anaa “morete.”
Wɔde “Tofet” di dwuma wɔ ha sɛ kasakoa de gyina hɔ ma baabi a wɔhye adeɛ; ɛkyerɛ ɔsɛeɛ.
Adeɛ bi a ɛte sɛ atuduro a wɔde gu gya mu ma no dɛre.
Anaa “nnipa a wɔtete apɔnkɔ so.”
Anaa “gyatanini.”
Anaa “gya.”
Anaa “ɔrenkyerɛ obuo mma Yehowa.”
Anaa “ɔbɛma ɔkra a ɛkɔm de no.”
Anaa “n’adwinnadeɛ.”
Anaa “adwempa.”
Anaa “atweaatam.” Hwɛ Nkyerɛkyerɛmu afã hɔ.
Anaa, “aban a wɔgyina so wɛn.”
Anaa “ahoɔden.”
Nt., “wo nna.”
Kyerɛ sɛ, ɔtamfo no abu apam no so.
Ɛbɛtumi nso akyerɛ, “Asaase no mu nsuo atwe.”
Anaa “Wɔabrɛ Lebanon ase.”
Anaa “braeb.”
Anaa “abantenten.”
Anaa “Wobɛdwendwene adeɛ a ɛyɛ hu no ho wɔ w’akoma mu.”
Anaa “wɔn mogya bɛtene afa mmepɔ so.”
Anaa “wuram nantwie.”
Anaa “Yehowa wɔ awerɛdi da.”
Ɛbɛyɛ sɛ ɛyɛ Bosra, Edom ahenkuro.
Adeɛ bi a ɛte sɛ atuduro a wɔde gu gya mu ma no dɛre.
Ɛyɛ ahoma bi a dadeɛ hyɛ ano a wɔde susu dan hwɛ sɛ ɛdan no tene a.
Ɛbɛtumi nso akyerɛ, “abosom a wɔte sɛ mpɔnkye.”
Anomaa bi a ɔte sɛ patuo.
Nt., “ɔde susuhoma akyɛ ama wɔn.”
Nt., “tadeɛ a demmire afifi wom.”
Ɛyɛ afifideɛ bi a ɛwɔ nsuo ho.
Ɛyɛ afifideɛ bi a ɛwɔ nsuo ho.
Anaa “nsahyɛfoɔ panin.”
Anaa “ahemfie.”
Ɛyɛ afifideɛ bi a ɛwɔ nsuo ho.
Hwɛ Nkyerɛkyerɛmu afã hɔ.
Anaa “Siria kasa.”
Nt., “Mo ne me nyɛ nhyira na mommra me nkyɛn.”
Ɛbɛtumi aba sɛ ɛyɛ baali.
Nt., “paanoo.”
Anaa “bobeturo.”
Anaa “ahemfie.”
Anaa “atweaatam.” Hwɛ Nkyerɛkyerɛmu afã hɔ.
Anaa “ahemfie.”
Anaa “adapaatwa.”
Nt., “ɔbaa a mma abɛduru n’awotwaa ano.”
Nt., “Mede honhom bi bɛhyɛ ne mu.”
Anaa “ɔsan tuu abɔfoɔ.”
Ɛbɛtumi nso akyerɛ, “wote kerubim mfimfini.”
Anaa “nammuromu; nammɔn mu.”
Anaa “Nil nsuka.”
Nt., “Ɛfiri tete na meyɛeɛ.”
Anaa “adane kunkumaboɔ akuakuo.”
Anaa “awoɔ.”
Kyerɛ sɛ, Hesekia.
Ɛbɛtumi aba sɛ ɛyɛ baali.
Anaa “hwiit aba a agu fam afifi.”
Anaa “bobeturo.”
Esie anaa fasuo a wɔgyina so ko anaa wɔde bɔ kuro ho ban.
Anaa “abosomfie.”
Nt., “wo nna.”
Ɛbɛyɛ sɛ na wɔde saa stɛps yi hwɛ berɛ. Wɔhwɛ deɛ awia sunsum da a, ɛma wɔhunu berɛ a abɔ.
Anaa “hyehyɛeɛ.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
“Yah” yɛ edin Yehowa a wɔatwa no tia.
Ɛyɛ dua a wɔnwene ntoma wɔ so.
Ɛbɛtumi nso akyerɛ, “asukɔnkɔn.”
Nt., “Gyina m’akyi.”
Anaa “kommyɛ.”
Anaa “Me kra awerɛhoɔ nti.”
Kyerɛ sɛ, Onyankopɔn asɛm ne ne nnwuma.
Anaa “me kra ho.”
Anaa “Woayi me bɔne nyinaa afiri w’anim.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Nt., “Hesekia dii wɔn ho ahurisie.”
Anaa “ahemfie.”
Anaa “w’ahemfie.”
Anaa “m’ahemfie.”
Anaa “w’ahemfie.”
Anaa “nokorɛ.”
Nt., “me nna mu.”
Anaa “Monka awerɛkyekyesɛm nkyerɛ Yerusalem.”
Anaa “akatua mmɔho.”
Anaa “nnipa nyinaa.”
Anaa “Nnipa nyinaa.”
Anaa “Yehowa honhom ahu afa so.”
Bɛyɛ sɛnt. 7.4 (ntk. 2.9). Hwɛ Nkh. B14.
Ɛfiri kokuromotie kɔsi nsateaa ketewa so berɛ a obi abue ne nsam. Hwɛ Nkh. B14.
Adeɛ a wɔde susu biribi mu duro.
Ɛbɛtumi nso akyerɛ, “Hwan na ɔnim Yehowa honhom mu?”
Anaa “rentumi mma anyina a ɛbɛma egya akɔ so adɛre.”
Anaa “ohoni a wɔaguo.”
Anaa “dwetɛ nkɔnsɔnkɔnsɔn.”
Anaa “tumidifoɔ.”
Anaa “Obiara ntumi nhunu ne nteaseɛ mu.”
Anaa “monyɛ komm wɔ m’anim.”
Anaa “awiapueeɛ.”
Kyerɛ sɛ, ɔmmɛsom No.
Anaa “asaeɛ; abɔsobaa.”
Ɛyɛ dadeɛ bi a ɔtomfoɔ bɔ ne dadeɛ wɔ so.
Nt., “aba.”
Kyerɛ sɛ, ɔnni ahobammɔ biara na ɔyɛ mmɔbɔ.
Nt., “tadeɛ a demmire afifi wom.”
Nt., “nneɛma a ɛdi kan.”
Anaa “yɛde yɛn akoma bɛsi so.”
Anaa “awiapueeɛ.”
Anaa “asoafoɔ; amradofoɔ.”
Anaa “Wɔn ahoni a wɔaguo.”
Anaa “me kra agye no atom!”
Ɛyɛ afifideɛ bi a ɛwɔ nsuo ho.
Anaa “n’akwankyerɛ.”
Anaa “Me ne obi biara nkyɛ m’animuonyam.”
Anaa “nsaase a ɛda mpoano.”
Nt., “atadeɛ a demmire afifi wom.”
Anaa “ahoni a wɔaguo.”
Anaa “akwankyerɛ.”
Anaa “N’akwankyerɛ.”
Anaa “wo kra.”
Nt., “w’aba.”
Ɛbɛtumi akyerɛ nneɛma a ɛbɛdi kan aba daakye.
Anaa “na mode mo werɛ ahyɛ me mu.”
Hwɛ Nkyerɛkyerɛmu afã hɔ.
Ɛyɛ afifideɛ bi a ɛyɛ hwam. Nanso obiara nhyɛ da nnim afifideɛ pɔtee a ɛyɛ.
Anaa “w’atuateɛ.”
Ɛbɛtumi akyerɛ wɔn a wɔkyerɛkyerɛ Mmara no.
Anaa “awoɔ mu.”
Ɛkyerɛ, “Deɛ Ɔtene.” Ɛyɛ abodin a wɔde maa Israel.
Anaa “asaase a sukɔm de no.”
Nt., “w’aba.”
Kyerɛ sɛ, ahoni no.
Kyerɛ sɛ, ahoni no.
Anaa “honi a wɔaguo.”
Anaa “asaeɛ; abɔsobaa.”
Anaa “abosomfie.”
Anaa “Duawuiɛ.”
Anaa “ne kra.”
Anaa “atorɔ adiyifoɔ.”
Anaa “Na masane ahemfo abɔsoɔ.”
Nt., “Mɛbɔ wo abɔsoɔ.”
Anaa “Ɛfiri awiapueeɛ kɔsi awiatɔeɛ.”
Anaa “Deɛ ɔbɔɔ no.”
Anaa “ham.”
Anaa “Deɛ ɔyɛɛ no.”
Ɛbɛtumi nso akyerɛ, “Anaa ɛsɛ sɛ dɔteɛ ka sɛ: ‘W’adwuma no nni nsa’?”
Anaa “Deɛn na worebrɛ akyem awoɔ yi?”
Anaa “braeb.”
Ɛbɛtumi nso akyerɛ, “apaafoɔ.”
Ɛbɛtumi nso akyerɛ, “Etiopia adwadifoɔ.”
Ɛbɛtumi nso akyerɛ, “wammɔ no sɛ ɛnna hɔ kwa.”
Nt., “aba.”
Anaa “kɛkɛ.”
Nt., “aba.”
Kyerɛ sɛ, ahoni a wɔde asoa mmoa no.
Anaa “wɔn akra.”
Adeɛ a wɔde susu biribi mu duro.
Nt., “wɔkoto no.”
Nt., “kane.”
Anaa “Tweaduampɔn.”
Anaa “M’atirimpɔ; Me tirimbɔ.”
Anaa “awiapueeɛ.”
Anaa “m’atirimpɔ; me tirimbɔ.”
Anaa “ahennwa.”
Anaa “owiyammoɔ.”
Ɛbɛtumi nso akyerɛ, “na merennya obiara ho akoma.”
Anaa “Awuraa.”
Anaa “Awuraa.”
Ɛbɛtumi nso akyerɛ, “Ɛmfa ho sɛ.”
Anaa “Na worenhunu kwan a wobɛfa so de wo nnusɛm no asi no kwan.”
Ɛbɛtumi nso akyerɛ, “Wɔn a wɔkyekyɛ ɔsoro mu; Nsoromma mu ahwɛfoɔ.”
Anaa “wɔn kra.”
Nt., “obiara akɔ n’asaase so.”
Ɛbɛtumi nso akyerɛ, “mo a mofiri Yuda mu.”
Nt., “Kane.”
Anaa “honi a wɔaguo.”
Anaa “Mapɛɛpɛɛ wo mu.” Ɛbɛtumi nso akyerɛ, “Mayi wo; Mapaw wo.”
Ɛyɛ fononoo a wɔde nane dadeɛ.
Anaa “Me ne obiara nkyɛ m’animuonyam.”
Anaa “de ne honhom aka me ho.”
Anaa “wonya so mfasoɔ.”
Nt., “W’aba.”
Nt., “ɔfrɛɛ me firii yafunu mu.”
Nt., “Ɔde me siee ne nsa nwunu ase.”
Anaa “Yehowa bɛma manya atɛntenenee.”
Anaa “deɛ wɔbu ne kra animtia.”
Anaa “Anisɔ.”
Ɛbɛtumi nso akyerɛ, “nkokoɔ a hwee nni so.”
Anaa “ɔhu ne mmɔborɔfoɔ mmɔbɔ.”
Anaa “Makurukyire.”
Anaa “me frankaa.”
Anaa “Wɔde wo mma mmarima bɛgu wɔn nsa so aba.”
Anaa “bobesa.”
Nt., “ɔhonam.”
Anaa “atweaatam.” Hwɛ Nkyerɛkyerɛmu afã hɔ.
Anaa “kɛtrɛma a wɔatete no yie.”
Nt., “asɛm.”
Ɛbɛtumi nso akyerɛ, “mede bɛhyɛ deɛ wabrɛ den.”
Anaa “maa wɔtutuu m’abɔdwesɛ.”
Anaa “ɔbɛtumi ne me adi asie?”
Anaa “yɛnnyina hɔ animu ne animu.”
Anaa “Sara a ɔde yea kyem woo mo no.”
Anaa “me tumi.”
Anaa “rensɛe da.”
Anaa “m’akwankyerɛ.”
Hwɛ Nkyerɛkyerɛmu afã hɔ.
Nt., “bɛtena wɔn atifi.”
Anaa “Deɛ ɔka wo hyem.”
Nt., “nkwantia.”
Anaa “bobesa.”
Anaa “wo kra.”
Anaa “wɔntwaa ne dua.”
Anaa “ani kann.”
Anaa “nkonimdie.”
Anaa “nhunumu.”
Anaa “Ahemfo renhunu deɛ wɔnka.”
“N’anim” bɛtumi akyerɛ onipa bi anim anaa Onyankopɔn anim.
Anaa “biribiara nni ne ho a ɛbɛma ne ho ayɛ yɛn akɔnnɔ.”
Ɛbɛtumi nso akyerɛ, “Ná ɔte sɛ obi a nnipa ayi wɔn ani afiri n’anim.”
Anaa “n’abrabɔ?”
Anaa “wɔbɔɔ no kum no.”
Nt., “sikani bi.”
Anaa “wanni nsɛmmɔne.”
Anaa “Nanso Yehowa ani gyee ho.”
Anaa “ne kra.”
Anaa “n’aba.”
Anaa “deɛ Yehowa pɛ; deɛ Yehowa ani gye ho.”
Anaa “ne kra ahoyera.”
Anaa “ne kra.”
Anaa “mma.”
Anaa “wura.”
Anaa “wura.”
Nt., “ɔredi honhom mu yea.”
Anaa “m’abufuo yiriiɛ no.”
Anaa “mɔɔta.”
Anaa “egya aboɔ.”
Anaa “wo mma.”
Anaa “wo mma.”
Anaa “gyabidie gya.”
Anaa “bobesa.”
Anaa “mo akatua.”
Anaa “mo kra bɛdi.”
Nt., “sradeɛ.”
Anaa “mo kra bɛnya.”
Anaa “ɛyɛ nokorɛ.”
Anaa “ɔbɛyi ne yam de akyɛ no.”
Anaa “nkraman a wɔn kra yɛ den.”
Anaa “bobesa.”
Anaa “nsã a ɛborɔ.”
Kyerɛ sɛ, wɔafa nnipa pa kɔ owuo mu.
Ɛbɛtumi nso akyerɛ, “Sɛdeɛ ɛbɛyɛ a mmusuo renka no.”
Kyerɛ sɛ, adamena mu.
Anaa “subɔn.”
Anaa “Memma me bo nnwo.”
Ɛbɛyɛ sɛ na ɛfa abosonsom ho.
Ɛbɛtumi nso akyerɛ, “ɔhene no nkyɛn.”
Anaa “Sheol,” kyerɛ sɛ, adasamma adamena. Hwɛ Nkyerɛkyerɛmu afã hɔ.
Nt., “wommotoɔ.”
Anaa “na mabu m’ani agu mo nnwuma so.”
Anaa “ɔte hɔ daa.”
Nt., “nnipa honhom.”
Nt., “Merebɔ anofafa aba.”
Anaa “yɛdi mmuada.”
Anaa “yɛn kra di.”
Anaa “deɛ mo ani gye ho.”
Anaa “obi ma ne kra di awerɛhoɔ.”
Anaa “atweaatam.” Hwɛ Nkyerɛkyerɛmu afã hɔ.
Anaa “deɛ wo kra kɔn dɔ.”
Anaa “ne kra werɛ aho.”
Anaa “wo kra amee.”
Anaa “deɛ ɔsiesie afasuo a abubuo.”
Anaa “deɛ w’ani gye ho.”
Nt., “nyɛ duru.”
Anaa “adehunu.”
Ɔwɔ bi a n’ano wɔ borɔ paa.
Nt., “na ɛyɛɛ n’ani so bɔne.”
Anaa “brɛɛ no.”
Anaa “nkonim.”
Anaa “ataadeɛ nsasini.”
Anaa “awiatɔeɛ.”
Anaa “awiapueeɛ.”
Nt., “w’aba.”
Nt., “w’aba aba.”
Anaa “aba w’adekyeeɛ hann a ɛhyerɛn no ho.”
Nt., “wo.”
Hwɛ Nkyerɛkyerɛmu afã hɔ.
Anaa “me fie fɛfɛɛfɛ.”
Anaa “bɛyɛ sɛ kane no.”
Anaa “ɔbɛma wo ho ayɛ fɛ.”
Anaa “deɛ ɔkyerɛ wo adwuma a wobɛyɛ.”
Anaa “ɔman kɛseɛ.”
Anaa “anisɔ.”
Anaa “sɛdeɛ ɛbɛyɛ a ɔbɛma ne ho ayɛ fɛ.”
Anaa “bobeturo.”
Anaa “ahonyadeɛ.”
Anaa “kyɛfa.”
Nt., “aba.”
Nt., “aba.”
Anaa “Me kra.”
Anaa “ataadeɛ nsasini.”
Anaa “bobesa.”
Anaa “frankaa.”
Ɛbɛtumi nso akyerɛ, “ɛbere kɔɔ.”
Anaa “mewɔɔ wɔn.”
Anaa “de nkonim brɛɛ me.”
Anaa “wɔrenni atorɔ.”
Anaa “ɔbɔfoɔ a ɔgyina n’anim; n’anim bɔfoɔ.”
Anaa “nsuo a emu dɔ.”
Anaa “fɛfɛɛfɛ.”
Anaa “wɔto wɔn bo ase twɛn no.”
Anaa “bratam.”
Nt., “Ɛnam yɛn bɔne nsa so nti.”
Nt., “yɛanane.”
Anaa “wo na woyɛɛ yɛn.”
Anaa “asɔrefie.”
Anaa “a ɛyɛ fɛ.”
Ɛbɛtumi nso akyerɛ, “awɛneeɛ.”
Anaa “nkwan a ɛho nteɛ.”
Ɛbɛtumi nso akyerɛ, “Na mamma woanyɛ kronkron.”
Nt., “Mede akatua no bɛgu wɔn kokom.”
Nt., “Mɛdi kan asusu wɔn akatua de agu wɔn kokom.”
Kyerɛ sɛ, bobe sia.
Nt., “nhyira.”
Nt., “aba.”
Anaa “Asaasetraa.”
Anaa “bobesa.”
Anaa “Nokorɛdie.” Nt., “Amen.”
Anaa “Nokorɛdie.” Nt., “Amen.”
Ɛbɛtumi nso akyerɛ, “Sɛ obi anni mfeɛ ɔha na ɔwu a, wɔbɛbu no sɛ wɔadome no.”
Anaa “bobeturo.”
Anaa “adwumaden.”
Nt., “aba.”
Anaa “m’asɛm ho hia no.”
Hwɛ Nkyerɛkyerɛmu afã hɔ.
Ɛbɛtumi nso akyerɛ, “deɛ ɔyi ohoni ayɛ.”
Anaa “wɔn kra ani gye akyiwadeɛ ho.”
Anaa “n’asɛm ho hia mo.”
Anaa “awoko yea.”
Anaa “tumi.”
Anaa “nnipa nyinaa.”
Kyerɛ sɛ, nturo soronko bi a wɔsom abosom wom.
Anaa “ɛsɛn.”
Nt., “aba.”
Anaa “Nnipa.”
Anaa “bɛba abɛsom me.”
Nt., “ɔhonam.”