ZABBULI

1 Alina essanyu omuntu atakolera ku magezi g’ababi,

Wadde okuyimirira mu kkubo ly’aboonoonyi,+

Wadde okutuula awamu n’abanyoomi.+

 2 Naye amateeka ga Yakuwa ge gamusanyusa,+

Era asoma amateeka ge n’agafumiitirizaako emisana n’ekiro.+

 3 Anaabanga ng’omuti ogwasimbibwa okumpi n’emikutu gy’amazzi,

Ogubala ebibala mu kiseera kyagwo,

Era ebikoola byagwo tebiwotoka.

 4 Ababi bo tebali bwe batyo;

Balinga ebisusunku empewo by’efuumuula.

 5 Eyo ye nsonga lwaki ababi tebalisigala nga bayimiridde ng’omusango gusalibwa;+

Era aboonoonyi tebalisigala nga bayimiridde mu kibiina ky’abatuukirivu.+

 6 Kubanga Yakuwa amanyi ekkubo ly’abatuukirivu,+

Naye ekkubo ly’ababi lirisaanawo.+

2 Lwaki amawanga geegugunga

Era abantu ne balowooza ekintu* ekitaliimu?+

 2 Bakabaka b’ensi beeteekateeka,

N’abakungu bakuŋŋaanye wamu*+

Okulwanyisa Yakuwa n’oyo gwe yafukako amafuta.*+

 3 Bagamba nti: “Ka tukutule enjegere zaabwe

Era tusuule eri emiguwa gyabwe!”

 4 Oyo atudde mu ggulu aliseka;

Yakuwa alibanyoomoola.

 5 Mu kiseera ekyo alyogera gye bali nga musunguwavu

Era alibatiisa mu busungu bwe obubuubuuka,

 6 Ng’agamba nti: “Nze kennyini ntadde kabaka wange+

Ku lusozi lwange olutukuvu, Sayuuni.”+

 7 Ka nnangirire ekiragiro kya Yakuwa;

Yaŋŋamba nti: “Oli mwana wange;+

Olwa leero nfuuse kitaawo.+

 8 Nsaba, nange ndikuwa amawanga okuba obusika bwo

N’ensi yonna okuba eyiyo.+

 9 Oligamenyaamenya ng’okozesa ddamula ey’ekyuma,+

Oligaasaayasa ng’ekintu eky’ebbumba.”+

10 Kale kaakano mmwe bakabaka mube bagezi;

Mmwe abalamuzi b’ensi mukkirize okuwabulwa.*

11 Muweereze Yakuwa n’okutya

Musanyuke nga bwe mukankana.

12 Muwe omwana ekitiibwa;*+ bwe mutakola mutyo, Katonda ajja kusunguwala*

Muzikirire muve mu kkubo,+

Kubanga obusungu bwe bubuubuuka mangu.

 3 Naye ggwe, Ai Yakuwa, oli ngabo enneetoolodde,+

Ggwe kitiibwa kyange+ era ggwe ayimusa omutwe gwange.+

 4 Nja kukoowoola Yakuwa,

Era ajja kunziramu ng’ayima ku lusozi lwe olutukuvu.+ (Seera)

 5 Nja kugalamira wansi nneebake;

Era nja kuzuukuka nga situukiddwako kabi,

Kubanga Yakuwa annyamba.+

 6 Sitya nkumi na nkumi z’abantu

Abasimbye ennyiriri ku buli luuyi okunnwanyisa.+

Ojja kukuba abalabe bange bonna ku luba;

Ojja kumenyaamenya amannyo g’ababi.+

 3 Mukimanye nti Yakuwa ayisa mu ngeri ya njawulo oyo omwesigwa gy’ali;*

Yakuwa ajja kuwulira bwe nnaamukoowoola.

 5 Muweeyo ssaddaaka ez’obutuukirivu,

Era mwesige Yakuwa.+

 7 Omutima gwange ogujjuzza essanyu

Erisinga ery’abo abakungudde emmere ennyingi era abalina omwenge omusu omungi.

 8 Nja kugalamira nneebake mirembe,+

Kubanga, Ai Yakuwa, ggwe wekka andeetera okuba mu mirembe.+

5 Wulira ebigambo byange, Ai Yakuwa;+

Ssaayo omwoyo eri okusinda kwange.

 2 Wulira okuwanjaga kwange,

Ai Kabaka wange era Katonda wange, kubanga ggwe gwe nsaba.

 3 Ai Yakuwa, ku makya ojja kuwulira eddoboozi lyange;+

Ku makya nja kukutegeeza ebinneeraliikiriza+ era nnindirire.

 4 Kubanga oli Katonda atasanyukira bintu bibi;+

Tewali mubi n’omu ayinza kusigala w’oli.+

Okyawa abo bonna abakola ebintu ebibi;+

 6 Ojja kuzikiriza abo aboogera eby’obulimba.+

 7 Naye nze nja kujja mu nnyumba yo+ olw’okwagala kwo okungi okutajjulukuka;+

Nja kuvunnama nga ntunudde eri yeekaalu yo entukuvu* olw’okukutya.+

 8 Nkulembera mu makubo go ag’obutuukirivu, Ai Yakuwa, olw’abalabe abanneetoolodde;

Njerulira ekkubo lyo.+

 9 Tewali kye boogera kiyinza kwesigika;

Munda bajjudde ttima jjereere;

Emimiro gyabwe ntaana ezaasamye;

Olulimi lwabwe lwogera ebigambo ebiwaanawaana.+

10 Naye Katonda ajja kubasalira omusango;

Enkwe zaabwe zijja kubaviirako okugwa.+

Ka bagobebwe olw’ebibi byabwe ebingi,

Kubanga bakujeemedde.

11 Naye abo bonna abaddukira gy’oli bajja kusanyuka;+

Bajja kwogereranga waggulu n’essanyu.

Ojja kubakuuma,

Era abo abaagala erinnya lyo bajja kusanyuka.

12 Abatuukirivu bonna ojja kubawa omukisa, Ai Yakuwa;

Ojja kubakwatirwa ekisa, era ojja kubakuuma ng’olinga akozesa engabo ennene.+

6 Ai Yakuwa, tonnenya ng’oli musunguwavu,

Era tongolola ng’oliko ekiruyi.+

 3 Ndi mweraliikirivu nnyo,+

Era nkubuuza, Ai Yakuwa, onoolindirira kutuusa ddi?+

 4 Ai Yakuwa, jjangu onnunule;+

Ndokola kubanga olina okwagala okutajjulukuka.+

 5 Kubanga abafu tebasobola kukwogerako;*

Ani ayinza okukutendereza emagombe?*+

 6 Nkooye olw’okusinda;+

Ekiro kyonna ekitanda kyange nkitobya amaziga;

Obuliri bwange mbutotobaza nga nkaaba.+

 7 Eriiso lyange linafuye olw’ennaku gye ndimu;+

Liyimbadde* olw’abo bonna abambonyaabonya.

 8 Muve we ndi mmwe mmwenna abakola ebintu ebibi,

Kubanga Yakuwa ajja kuwulira okukaaba kwange.+

 9 Yakuwa ajja kuwulira okwegayirira kwange;+

Yakuwa ajja kukkiriza okusaba kwange.

10 Abalabe bange bonna bajja kuswala era batye;

Bajja kukyuka mangu baddeyo nga baswadde.+

 2 Baleme kuntaagulataagula ng’empologoma,+

Ne bantwala nga tewali n’omu antaasa.

 3 Ai Yakuwa Katonda wange, bwe mba nga nze musobya,

Bwe mba nga nnakola ebitali bya bwenkanya,

 4 Bwe mba nga oyo ankolera ebirungi mmukoze ebibi,+

Oba bwe mba nga nnanyaga ebintu by’omulabe wange awatali nsonga,*

 5 Omulabe wange k’angobe ankwate;

K’anninnyirire ku ttaka nfe

Ekitiibwa kyange kisaanewo mu nfuufu. (Seera)

 6 Situka mu busungu, Ai Yakuwa;

Yimuka olwanyise abalabe bange abaswakidde;+

Golokoka ku lwange, olagire wabeewo obwenkanya.+

 7 Amawanga ka gakwetooloole;

Era ojja kugavunaana ng’oyima waggulu.

Nnamula, Ai Yakuwa, okusinziira ku butuukirivu bwange

N’okusinziira ku bugolokofu bwange.+

Naye kuuma abatuukirivu,+

Kubanga ggwe Katonda omutuukirivu+ akebera emitima+ n’enneewulira.*+

11 Katonda Mulamuzi mutuukirivu,+

Buli lunaku Katonda alangirira emisango gy’asalidde ababi.

12 Omuntu bw’ateenenye,+ Katonda awagala ekitala kye;+

Aleega omutego gwe ogw’obusaale.+

13 Ateekateeka eby’okulwanyisa bye eby’omutawaana;

Ateekateeka obusaale bwe obwakaayakana.+

14 Laba omuntu ali olubuto lw’ebintu ebibi;

Afuna olubuto lw’ebintu ebibi n’azaala obulimba.+

15 Asima ekinnya ekiwanvu,

Naye n’agwa mu kinnya kyennyini ky’asimye.+

16 Emitawaana gy’aleeta gijja kumuddira,+

Ebikolwa eby’obukambwe by’akola bijja kumuddira.

17 Nnaatenderezanga Yakuwa olw’okuba mwenkanya;+

Nnaayimbanga okutendereza erinnya lya Yakuwa+ Oyo Asingayo Okuba Waggulu.+

8 Ai Yakuwa Mukama waffe, erinnya lyo nga kkulu nnyo mu nsi yonna;

Ekitiibwa kyo okitadde waggulu n’okusinga eggulu!+

 2 Oyolesezza amaanyi go okuva mu kamwa k’abaana abato n’abawere+

Olw’abalabe bo,

Okusirisa omulabe n’oyo awoolera eggwanga.

 3 Bwe ntunuulira eggulu lyo, omulimu gw’engalo zo,

Omwezi n’emmunyeenye bye wakola,+ nneebuuza nti,

 4 Omuntu kye ki, ggwe okumulowoozaako,

Omwana w’omuntu kye ki, ggwe okumufaako?+

 5 Wamukola ng’abulako katono okuba nga bamalayika,*

Era wamutikkira engule ey’ekitiibwa n’ettendo.

 6 Wamuwa obuyinza ku mirimu gy’emikono gyo;+

Wateeka ebintu byonna wansi w’ebigere bye:

 7 Ebisibo byonna n’ente,

N’ensolo ez’omu nsiko,+

 8 Ebinyonyi eby’omu bbanga n’ebyennyanja eby’omu nnyanja,

Buli ekiyita mu nnyanja.

9 Ai Yakuwa, nnaakutenderezanga n’omutima gwange gwonna;

Nnaayogeranga ku bikolwa byo byonna eby’ekitalo.+

 2 Nnaasanyukanga era ne njagulizanga mu ggwe;

Nnaayimbanga ennyimba ezitendereza erinnya lyo, Ai ggwe Asingayo Okuba Waggulu.+

 3 Abalabe bange bwe banadduka ne baddayo,+

Bajja kwesittala basaanewo okuva mu maaso go.

 4 Kubanga ondaze obwenkanya n’ompolereza;

Otuula ku ntebe yo n’olamula mu butuukirivu.+

 5 Onenyezza amawanga+ n’ozikiriza ababi,

Erinnya lyabwe n’olisangulirawo ddala emirembe n’emirembe.

 6 Abalabe bazikiriridde ddala;

Ebibuga byabwe obiggyeewo,

Tebaliddamu kujjukirwa.+

 7 Yakuwa atudde ku ntebe ye emirembe n’emirembe;+

Yassaawo entebe ye kw’alamulira mu bwenkanya.+

 8 Ajja kulamula ensi mu butuukirivu;+

Ajja kulamula amawanga mu bwenkanya.+

 9 Yakuwa ajja kuba kiddukiro eri abo abanyigirizibwa,+

Ekiddukiro mu biseera ebizibu.+

10 Abo abamanyi erinnya lyo banaakwesiganga;+

Abo abakunoonya tolibaabulira, Ai Yakuwa.+

11 Muyimbire Yakuwa abeera mu Sayuuni;

Mumanyise ebikolwa bye mu mawanga.+

12 Oyo awoolera eggwanga olw’omusaayi gwabwe ogwayiibwa abajjukira;+

Talyerabira kukaaba kw’abo ababonyaabonyezebwa.+

13 Nkwatirwa ekisa, Ai Yakuwa; laba engeri abo abatanjagala gye bambonyaabonyaamu,

Ggwe annyimusa okunzigya ku miryango gy’okufa,+

14 Ndyoke nnangirire ebikolwa byo eby’ettendo mu miryango gya muwala wa Sayuuni,+

Era nsanyukire mu bikolwa byo eby’obulokozi.+

15 Amawanga gagudde mu kinnya kye gaasima;

Ekigere kyago kikwatiddwa mu kitimba kye gaatega.+

17 Ababi bajja kugenda emagombe,*

Amawanga gonna ageerabira Katonda.

18 Naye abaavu tebeerabirwenga ennaku zonna,+

So n’essuubi ly’abawombeefu teriibenga lya bwereere.+

20 Baleetere okutya, Ai Yakuwa,+

Amawanga ka gamanye nti go bantu buntu. (Seera)

 2 Olw’amalala, omubi akijjanya oyo ateesobola,+

Naye enkwe z’asala zijja kukwasa ye.+

 3 Omubi yeenyumiririza mu kwegomba kwe okubi,+

Era asabira ow’omululu omukisa;*

נ [Nuni]

 4 Mu malala ge, omubi tanoonyereza;

Mu birowoozo bye byonna agamba nti: “Teri Katonda.”+

 5 By’akola bimugendera bulungi,+

Naye amateeka go gamusukkulumyeko, tagategeera;+

Anyooma abalabe be bonna.

 6 Agamba mu mutima gwe nti: “Sirisagaasagana;*

Sirituukibwako kabi

Emirembe gyonna.”+

 7 Akamwa ke kajjudde ebikolimo, obulimba, n’okutiisatiisa;+

Olulimi lwe lwogera ebigambo eby’omutawaana era ebirumya.+

 8 Ateega okumpi n’ebyalo;

Avaayo gye yeekwese n’atta omuntu atalina musango.+

10 Oyo ateesobola amaanyi gamuggwa n’agwa wansi;

Abo be biggidde obubi bagwa mu mikono gye.*

Oyo ali mu buzibu addukira gy’oli;+

Ggwe ayamba omwana atalina kitaawe.*+

15 Menya omukono gw’omubi;+

Awo bw’onoonoonya ebintu ebibi by’akola,

Tojja kuddamu kubiraba.

18 Ensonga z’abaana abatalina bakitaabwe n’abo abanyigirizibwa+ ojja kuzikwata mu bwenkanya,

Abantu baleme kuddamu kubatiisatiisa.+

 2 Laba ababi bwe baweta omutego;

Akasaale kaabwe bakateeka ku kaguwa k’omutego,

Balasize mu nzikiza abo abalina omutima omugolokofu.

 3 Emisingi* bwe gimenyebwa,

Kiki abatuukirivu kye bayinza okukola?”

 5 Yakuwa yeetegereza omutuukirivu n’omubi;+

Akyawa omuntu yenna ayagala ebikolwa eby’obukambwe.+

 6 Ajja kutonnyesa ku babi ebyambika;*

Omuliro n’amayinja agookya+ n’embuyaga eyokya bye bijja okuba omugabo gw’ekikopo kyabwe.

12 Ndokola, Ai Yakuwa, kubanga abeesigwa tebakyaliwo;

Abantu ab’amazima baweddewo mu bantu.

 2 Abantu boogera eby’obulimba buli omu eri munne;

Boogera n’emimwa gyabwe ebigambo ebiwaanawaana era nga balina emitima emikuusa.*+

 3 Yakuwa ajja kusaanyaawo emimwa gyonna egyogera ebigambo ebiwaanawaana

Era n’olulimi olwewaana,+

 4 Abo abagamba nti: “Tujja kuwangula nga tukozesa ennimi zaffe.

Emimwa gyaffe tugikozesa nga bwe twagala;

Ani anaatufuga?”+

 5 “Olw’okuba abanaku banyigirizibwa,

Olw’okuba abaavu basinda,+

 6 Ebigambo bya Yakuwa birongoofu;+

Biringa ffeeza alongoosereddwa mu kyoto eky’ebbumba, n’aggibwamu amasengere emirundi musanvu.

 7 Ojja kubakuuma, Ai Yakuwa;+

Buli omu ku bo ojja kumuwonya abantu b’omulembe guno emirembe gyonna.

 8 Ababi beetaaya,

Olw’okuba abaana b’abantu bawagira eby’obugwagwa.+

 2 Ndituusa wa okweraliikirira,

N’okuba n’ennaku mu mutima gwange buli lunaku?

Amaaso gange gawe ekitangaala nneme okufa,*

 4 Omulabe wange aleme kugamba nti: “Mmuwangudde!”

 5 Nneesiga okwagala kwo okutajjulukuka;+

Omutima gwange gujja kusanyukira ebikolwa byo eby’obulokozi.+

 2 Naye Yakuwa ayima mu ggulu n’atunuulira abaana b’abantu

Okulaba obanga waliwo ategeera, okulaba obanga waliwo anoonya Yakuwa.+

 3 Bonna bawabye,+

Bonna boonoonefu.

 5 Balifuna entiisa ey’amaanyi,+

Kubanga Yakuwa ali n’omulembe gw’abatuukirivu.

 6 Mmwe aboonoonyi mugezaako okulemesa enteekateeka z’omunaku,

Naye Yakuwa kye kiddukiro kye.+

Yakuwa ng’akomezzaawo abantu be abaawambibwa,

Yakobo k’asanyuke, Isirayiri k’ajaguze.

 2 Y’oyo atambulira mu bugolokofu,+

Akola ebituufu,+

Era ayogera amazima mu mutima gwe.+

 3 Takozesa lulimi lwe kuwaayiriza balala,+

Takola muntu munne kintu kibi,+

Era tayogera bubi ku* mikwano gye.+

 4 Yeewala omuntu yenna omubi,+

Naye abatya Yakuwa abawa ekitiibwa.

 5 Bw’awola ssente tasaba magoba,+

Era takkiriza kuweebwa nguzi okulumiriza omuntu atalina musango.+

 3 Abatukuvu ab’omu nsi,

Ab’ekitiibwa, bandeetera essanyu lingi.”+

Siiweengayo gye bali biweebwayo eby’okunywa eby’omusaayi,

Era akamwa kange tekaayatulenga mannya gaabwe.+

W’oli waliwo okusanyuka kungi;+

Ku mukono gwo ogwa ddyo waliwo essanyu emirembe n’emirembe.

17 Ai Yakuwa, wulira nga nkusaba wabeewo obwenkanya;

Ssaayo omwoyo nga nkuwanjagira;

Wulira okusaba kwange okutaliimu bukuusa.+

 2 Omusango gwange gusale mu bwenkanya;+

Amaaso go ka galabe ekituufu.

 3 Okebedde omutima gwange, onkebedde ekiro;+

Onnongoosezza.+

Ojja kukiraba nti sirina kibi kye nteeseteese kukola,

Akamwa kange tekoogedde bintu bibi.

 4 Ku bikwata ku bikolwa by’abantu,

Ng’ekigambo ky’akamwa ko bwe kiri, nneewala amakubo g’omunyazi.+

 5 Ka ntambulire mu makubo go,

Ebigere byange bireme kwesittala.+

 7 Mu ngeri ey’ekitalo laga okwagala kwo okutajjulukuka,+

Ai ggwe Omulokozi w’abo abaddukira ku mukono gwo ogwa ddyo

Okuwona abo abakujeemera.

 8 Nkuuma ng’emmunye y’eriiso lyo;+

Nkweka mu kisiikirize ky’ebiwaawaatiro byo.+

 9 Mponya ababi abannumba,

Abalabe bange abatanjagala abanneetooloola.+

10 Emitima gyabwe gyaguba;*

Emimwa gyabwe gyogeza malala;

11 Batukugira;+

Batulabiriza nga baagala okutusuula.

12 Omulabe alinga empologoma egenda okuyuzaayuza omuyiggo gwayo,

Alinga empologoma envubuka ebwamye ng’erina ky’eteeze.

13 Ai Yakuwa, situka omwaŋŋange+ omuwangule;

Kozesa ekitala kyo omponye ababi;

14 Ai Yakuwa, kozesa omukono gwo onnunule

Mu bantu b’omu nsi eno,* abalina omugabo mu bulamu buno,+

Abo b’okkusa ebintu byo ebirungi,+

Era abalekera abaana baabwe abangi eby’obusika.

15 Naye nze olw’okuba ndi mutuukirivu, nja kukulaba;

Mba mumativu bwe nzuukuka ne nkulaba.+

Katonda wange lwe lwazi lwange+ mwe nzirukira,

Ye ngabo yange era lye jjembe* lyange ery’obulokozi;* kye kiddukiro kyange.+

 3 Nkoowoola Yakuwa, oyo agwanidde okutenderezebwa,

Era nja kununulibwa mu mukono gw’abalabe bange.+

 4 Emiguwa gy’okufa gyanneezingirira;+

Abantu abatalina mugaso abalinga mukoka ow’amaanyi bantiisa.+

 5 Emiguwa gy’emagombe* gyanneezingirira;

Ebyambika by’okufa byanjolekera.+

 6 Mu nnaku yange nnakoowoola Yakuwa,

Nnakaabirira Katonda wange annyambe.

Yawulira eddoboozi lyange ng’ali mu yeekaalu ye,+

Era amatu ge gaawulira okuwanjaga kwange.+

 7 Awo ensi n’etandika okukankana n’okuyuuguuma;+

Emisingi gy’ensozi ne gikankana,

Gyakankana kubanga yali asunguwadde.+

 8 Omukka gwava mu nnyindo ze,

Omuliro ogusaanyaawo gwava mu kamwa ke;+

Amanda agamemuka gaava w’ali.

 9 Yassa eggulu ng’akka,+

Era ekire ekikutte kyali wansi w’ebigere bye.+

11 Awo ne yeebikka ekizikiza,+

Era yali yeetooloddwa

Ebire ebikutte era ebijjudde amazzi.+

12 Omuzira n’amanda agaaka byava mu kwakaayakana okwali mu maaso ge

Ne biyita mu bire.

13 Awo Yakuwa n’awuluguma mu ggulu;+

Eddoboozi ly’Oyo Asingayo Okuba Waggulu ne liwulirwa,+

Ne waba omuzira n’amanda agaaka.

14 Yalasa obusaale bwe n’abasaasaanya;+

Yakasuka okumyansa kwe n’abatabulatabula.+

15 Entobo z’emigga zaalabika;+

Emisingi gy’ensi gyeyerula olw’okuboggola kwo, Ai Yakuwa,

Olw’okubwatuka kw’omukka ogw’omu nnyindo zo.+

16 Yayima waggulu n’agolola omukono gwe,

N’ankwata n’anzigya mu mazzi amawanvu.+

17 Yannunula mu mukono gw’omulabe wange ow’amaanyi,+

Yannunula mu mukono gw’abo abatanjagala era abaali bansinga amaanyi.+

18 Bannumba ku lunaku lwe nnali mu buzibu,+

Naye Yakuwa yannyamba.

19 Yantwala mu kifo omutali kabi;*

Yannunula kubanga yali asiima bye nkola.+

20 Yakuwa ampa empeera okusinziira ku butuukirivu bwange;+

Ampa empeera olw’okuba siriiko musango.*+

21 Kubanga ntambulidde mu makubo ga Yakuwa,

Era ekibi eky’okuva ku Katonda wange sikikoze.

22 Amateeka ge gonna gali mu maaso gange;

Era ebiragiro bye sijja kubibuusa maaso.

23 Nja kusigala nga siriiko kya kunenyezebwa mu maaso ge,+

Era nja kwewala okwonoona.+

24 Yakuwa k’ampe empeera olw’okuba ndi mutuukirivu;+

Olw’okuba siriiko musango mu maaso ge.+

25 Eri omwesigwa oba mwesigwa;+

Eri oyo ataliiko kya kunenyezebwa naawe olaga nti toliiko kya kunenyezebwa;+

26 Eri omulongoofu olaga nti oli mulongoofu,+

Naye eri atali mugolokofu olaga nti oli mugezi nnyo.+

27 Olokola abanaku,*+

Naye otoowaza ab’amalala.*+

28 Ggwe okoleeza ettaala yange, Ai Yakuwa,

Katonda wange afuula ekizikiza kyange ekitangaala.+

29 Bw’onnyamba nsobola okulwanyisa ekibinja ky’abazigu;+

Olw’amaanyi ga Katonda nsobola okulinnya bbugwe.+

30 Ekkubo lya Katonda ow’amazima lyatuukirira;+

Ebigambo bya Yakuwa birongoofu.+

32 Katonda ow’amazima y’ampa amaanyi,*+

Era ajja kutereereza ddala ekkubo lyange.+

33 Ebigere byange abifuula ng’eby’empeewo;

Ansobozesa okuyimirira ku bifo ebigulumivu.+

34 Ayigiriza emikono gyange okulwana entalo;

Emikono gyange gisobola okuweta omutego ogw’ekikomo.

35 Ompa engabo yo ey’obulokozi,+

Omukono gwo ogwa ddyo gumpanirira,

Era obwetoowaze bwo bunfuula wa kitiibwa.+

36 Ebigere byange obigaziyiriza ekkubo;

Ebigere byange tebijja* kuseerera.+

37 Nja kuwondera abalabe bange mbatuukeko;

Sijja kudda okutuusa nga basaanyeewo.

38 Nja kubabetenta baleme okusituka;+

Bajja kugwa mbalinnyeko.

39 Ojja kumpa amaanyi nnwane olutalo;

Ojja kuleetera abalabe bange okugwa mu maaso gange.+

40 Ojja kuleetera abalabe bange okunziruka;*

Abo abankyawa nja kubamalawo.*+

41 Bawanjaga, naye tewali abataasa;

Bakaabirira ne Yakuwa, naye tabaddamu.

42 Nja kubasekulasekula babe ng’enfuufu efuumuulibwa empewo;

Nja kubakasuka eri ng’ebisooto eby’omu nguudo.

44 Bajja kuwulira buwulizi ebinkwatako baŋŋondere;

Abagwira bajja kujja gye ndi nga bakankana.+

45 Abagwira bajja kuggwaamu amaanyi;*

Bajja kuva mu bigo byabwe bajje nga bakankana.

47 Katonda ow’amazima awoolera eggwanga ku lwange;+

Assa amawanga wansi w’obuyinza bwange.

48 Annunula mu mukono gw’abalabe bange abakambwe;

Onsitula n’onteeka waggulu w’abo abannwanyisa;+

Omponya omuntu akola eby’obukambwe.

49 Kyennaava nkugulumiza mu mawanga, Ai Yakuwa,+

Era nnaayimbiranga erinnya lyo ennyimba ez’okutendereza.+

50 Alokola kabaka gwe yalonda;*+

Alaga gwe yafukako amafuta okwagala okutajjulukuka,+

Akulaga Dawudi n’ezzadde lye emirembe gyonna.+

19 Eggulu* lirangirira ekitiibwa kya Katonda;+

Ebbanga limanyisa emirimu gy’emikono gye.+

 2 Buli lunaku bifulumya ebigambo byabyo,

Era buli kiro byoleka amagezi.

 3 Tewali kwogera wadde ebigambo;

Era tewali kiwulirwa.

 4 Naye eddoboozi lyabyo* libunye mu nsi yonna,

Era obubaka bwabyo butuuse ensi gy’ekoma.+

Enjuba agisimbidde weema mu ggulu;

 5 Eringa omugole omusajja ava mu kisenge kye;

Eringa omusajja ow’amaanyi asanyuka okudduka embiro z’empaka.

 6 Eva ku luuyi olumu olw’eggulu,

Ne yeetooloola n’edda ku luuyi olulala;+

Era tewali kintu kyonna ekitatuukibwako bbugumu lyayo.

 8 Ebiragiro bya Yakuwa bya butuukirivu, bisanyusa omutima;+

Amateeka ga Yakuwa malongoofu, gawa ekitangaala.+

10 Ebyo birungi nnyo okusinga zzaabu,

Okusinga zzaabu omulungi* omungi;+

Biwoomerera okusinga omubisi gw’enjuki,+ omubisi gw’enjuki ogutonnya okuva mu bisenge byagwo.

11 Era ebyo birabudde omuweereza wo;+

Okubikolerako kulimu empeera nnene.+

13 Era yamba omuweereza wo yeewale ebikolwa eby’okwetulinkiriza;+

Tobikkiriza kunfuga.+

Olwo nja kuba siriiko kya kunenyezebwa,+

Era nja kuba siriiko musango gwa kukola bibi bya maanyi.*

14 Ebigambo by’akamwa kange n’okufumiitiriza kw’omutima gwange,

Ka bikusanyuse,+ Ai Yakuwa Olwazi lwange+ era Omununuzi wange.+

 2 Akuweereze obuyambi okuva mu kifo ekitukuvu,+

Era akubeere okuva mu Sayuuni.+

 3 Ajjukire ebiweebwayo byo byonna;

Akkirize ekiweebwayo kyo ekyokebwa.* (Seera)

 4 Akuwe omutima gwo bye gwagala,+

Era awe enteekateeka zo zonna omukisa.

 5 Tujja kwogerera waggulu n’essanyu olw’ebikolwa byo eby’obulokozi;+

Tujja kuwanika bbendera zaffe mu linnya lya Katonda waffe.+

Addamu okusaba kwe ng’ayima mu ggulu lye ettukuvu

N’amulokola* mu ngeri ey’ekitalo n’omukono gwe ogwa ddyo.+

 7 Abamu beesiga magaali, abalala mbalaasi,+

Naye ffe tukoowoola linnya lya Yakuwa Katonda waffe.+

 8 Beesittadde ne bagwa;

Naye ffe tusituse ne tuddawo.+

21 Ai Yakuwa, kabaka asanyuka olw’amaanyi go; +

Asanyuka nnyo olw’ebikolwa byo eby’obulokozi.+

 2 Omuwadde omutima gwe bye gwagala;+

Tomummye ky’akusaba. (Seera)

 3 Omuwa emikisa n’ebintu ebirungi;

Ossa ku mutwe gwe engule eya zzaabu omulungi.*+

 4 Yakusaba obulamu n’obumuwa,+

Okuwangaala, emirembe n’emirembe.

 6 Omufuula wa mukisa emirembe n’emirembe;+

Omuleetera okuba omusanyufu kubanga oli naye.+

 7 Kabaka yeesiga Yakuwa;+

Talisagaasagana* olw’okwagala okutajjulukuka okw’oyo Asingayo Okuba Waggulu.+

 8 Omukono gwo gulikwata abalabe bo bonna;

Omukono gwo ogwa ddyo gulikwata abo bonna abatakwagala.

10 Bazzukulu* baabwe olibazikiriza ne baggwaawo ku nsi,

N’abaana baabwe olibazikiriza ne baggwaawo mu bantu.

11 Kubanga baayagala okukukola akabi;+

Basaze enkwe ezitaatuukirire.+

12 Olibaleetera okudduka ne baddayo+

Bw’olibaleegamu omutego gwo ogw’obusaale.*

Lwaki ombeera wala n’otonnyamba,

N’otowulira kukaaba kwange nga ndi mu bulumi?+

 3 Naye oli mutukuvu,+

Weetooloddwa okutendereza* kwa Isirayiri.

 4 Bakitaffe beesiganga ggwe;+

Baakwesiganga, era wabawonyanga.+

 5 Baakukaabiriranga ne balokolebwa;

Baakwesiganga, era tebaakwesigiranga bwereere.*+

 6 Naye nze ndi lusiriŋŋanyi, siri muntu,

Abantu bampisaamu amaaso era bannyooma.+

 7 Bonna abandaba bansekerera;+

Beenyinyimbwa era banyeenya emitwe gyabwe olw’obunyoomi nga bagamba nti:+

 9 Ggwe wanzigya mu lubuto,+

Ggwe wandeetera obutabaako kye nneeraliikirira nga ndi ku mabeere ga mmange.

10 Okuva lwe nnazaalibwa, ggwe gwe nnakwasibwa okundabirira;*

Okuviira ddala mu lubuto lwa mmange, ggwe Katonda wange.

11 Tombeera wala kubanga akabi kandi kumpi+

Ate nga sirina mulala annyamba.+

12 Ente ento ennume nnyingi zinneetoolodde;+

Sseddume z’e Basani ez’amaanyi zinneebulunguludde.+

13 Zinjasamiza akamwa kaazo,+

Ng’empologoma ewuluguma eyuzaayuza omuyiggo gwayo.+

14 Nfukibwa ng’amazzi;

Amagumba gange gonna gasowose.

Omutima gwange gulinga envumbo;+

Gusaanuukira munda mu nze.+

15 Amaanyi gange gakaze ng’oluggyo;+

Olulimi lwange lukwatira ku kibuno kyange;+

Onzisa wansi mu nfuufu y’okufa.+

16 Embwa zinneebulungulula;+

Zintaayiza ng’ekibinja ky’abakozi b’ebibi,+

Okufaananako empologoma, ziri ku mikono gyange n’ebigere byange.+

18 Ebyambalo byange babigabana,

Era engoye zange bazikubira akalulu.+

20 Mponya ekitala,

Obulamu bwange obw’omuwendo buwonye embwa ezinnumba.+

21 Mponya akamwa k’empologoma+ n’amayembe ga sseddume ez’omu nsiko;

Nziraamu era omponye.

22 Nja kulangirira erinnya lyo eri baganda bange;+

Nja kukutendereza wakati mu kibiina.+

24 Kubanga tanyoomye era teyeenyiyiddwa kubonaabona kw’oyo anyigirizibwa;+

Tamukwese bwenyi bwe.+

25 Nja kukutendereza mu kibiina ekinene;+

Nja kusasula obweyamo bwange mu maaso g’abo abamutya.

26 Omuwombeefu ajja kulya akkute;+

Abo abanoonya Yakuwa bajja kumutendereza.+

28 Yakuwa ye Kabaka;+

Afuga amawanga.

29 Abagagga* bonna ab’omu nsi bajja kulya era bajja kuvunnama;

Abo bonna abakka mu nfuufu bajja kufukamira mu maaso ge;

Tewali n’omu ku bo ayinza kuwonyaawo bulamu bwe.

30 Bazzukulu baabwe balimuweereza;

Omulembe oguliddawo gulitegeezebwa ebikwata ku Yakuwa.

 2 Angalamiza awali omuddo omungi;

Antwala mu bifo eby’okuwummuliramu omuli amazzi amangi.*+

 4 Ne bwe ntambulira mu kiwonvu ekikutte enzikiza,+

Sirina kabi ke ntya,+

Kubanga oli nange;+

Omuggo gwo guŋŋumya.*

Onsiiga amafuta ku mutwe;+

Ekikopo kyange kijjudde bulungi.+

 6 Mazima ddala obulungi bwo n’okwagala okutajjulukuka bijja kungoberera ennaku zonna ez’obulamu bwange,+

Era nnaabeeranga mu nnyumba ya Yakuwa ennaku zange zonna.+

24 Ensi ne byonna ebigiriko bya Yakuwa,+

Ettaka n’abo abalibeerako.

 2 Kubanga ye yagisimba ku nnyanja,+

Era ye yaginyweza ku migga.

 3 Ani ayinza okwambuka ku lusozi lwa Yakuwa,+

Era ani ayinza okuyimirira mu kifo kye ekitukuvu?

 4 Oyo ataliiko musango era alina omutima omulongoofu,+

Oyo atalayiridde bulamu bwange* kirayiro kya bulimba,

Wadde okulayira mu bukuusa.+

 5 Ajja kufuna emikisa okuva eri Yakuwa+

N’obutuukirivu* okuva eri Katonda ow’obulokozi bwe.+

 6 Guno gwe mulembe gw’abo abamunoonya,

Ogw’abo abaagala obalage ekisa, Ai Katonda wa Yakobo. (Seera)

 7 Mmwe enzigi, muyimuse emitwe gyammwe;+

Mmwe emiryango egy’edda, mweggule,*

Kabaka ow’ekitiibwa ayingire!+

Ye Yakuwa ow’amaanyi era ow’obuyinza,+

Ye Yakuwa ow’amaanyi mu lutalo.+

 9 Mmwe enzigi,+ muyimuse emitwe gyammwe;

Mmwe emiryango egy’edda, mweggule,

Kabaka ow’ekitiibwa ayingire!

 2 Katonda wange, nneesiga ggwe;+

Tondeka kuswala.+

 3 Mazima ddala tewali n’omu assa essuubi lye mu ggwe aliswala,+

Naye abo abasala enkwe awatali nsonga baliswala.+

 4 Mmanyisa amakubo go, Ai Yakuwa;+

Njigiriza empenda zo.+

 5 Nsobozesa okutambulira mu mazima go era njigiriza,+

Kubanga ggwe Katonda ow’obulokozi bwange.

 6 Ai Yakuwa, jjukira okusaasira kwo n’okwagala kwo okutajjulukuka,+

By’olaga bulijjo.*+

Nzijukira ng’okwagala kwo okutajjulukuka bwe kuli,+

Olw’obulungi bwo, Ai Yakuwa.+

 9 Ajja kuluŋŋamya abawombeefu basobole okukola ekituufu,+

Era ajja kuyigiriza abawombeefu amakubo ge.+

10 Eri abo abakuuma endagaano ya Yakuwa+ era abakola by’abalagira,+

Amakubo ge gonna ga kwagala okutajjulukuka era ga bwesigwa.

11 Olw’erinnya lyo, Ai Yakuwa,+

Nsonyiwa ensobi yange, wadde nga nnene nnyo.

13 Anaalabanga ebirungi,+

Era bazzukulu be balitwala ensi n’eba yaabwe.+

14 Abo abatya Yakuwa be baba mikwano gye egy’oku lusegere,+

Era abamanyisa endagaano ye.+

15 Amaaso gange gatunuulira Yakuwa bulijjo,+

Kubanga ajja kuggya ebigere byange mu kitimba.+

16 Tunula gye ndi ondage ekisa,

Kubanga ndi bw’omu era sirina bwe ndi.

17 Ennaku y’omutima gwange yeeyongedde;+

Nzigya mu bulumi bwe ndimu.

18 Laba ennaku yange n’ebizibu byange,+

Era nsonyiwa ebibi byange byonna.+

19 Laba abalabe bange bwe bali abangi,

Era olw’obukyayi bwabwe obungi baagala okunkolako eby’obukambwe.

21 Obugolokofu n’obwesigwa ka binkuume,+

Kubanga essuubi lyange liri mu ggwe.+

26 Nnamula Ai Yakuwa, kubanga ntambulidde mu bugolokofu bwange;+

Nneesize Yakuwa awatali kuddirira.+

 2 Nkebera Ai Yakuwa, era ngezesa;

Longoosa ebirowoozo byange* n’omutima gwange.+

 3 Kubanga okwagala kwo okutajjulukuka kubeera mu maaso gange bulijjo,

Era ntambulira mu mazima go.+

 4 Sibeera* na bantu balimba,+

Era nneewala abo abakweka kye bali.*

 5 Nkyawa ekibiina ky’abantu ababi,+

Era sikkiriza kubeera* n’abo abakola ebibi.+

 6 Nja kunaaba mu ngalo okulaga nti siriiko musango,

Era nja kwetooloola ekyoto kyo, Ai Yakuwa,

 7 Eddoboozi lyange ery’okwebaza liwulirwe,+

Era nnangirire ebikolwa byo byonna eby’ekitalo.

 8 Yakuwa, njagala nnyo ennyumba mw’obeera,+

Ekifo ekitiibwa kyo mwe kibeera.+

 9 Tonsaanyaawo wamu n’aboonoonyi,+

Era obulamu bwange tobuzikiririza wamu n’abo abakola ebikolwa eby’obukambwe,*

10 Abo abalina emikono egikola ebintu ebiswaza,

Era abalina omukono ogwa ddyo ogujjudde enguzi.

12 Ekigere kyange kiyimiridde awatereevu,+

Nja kutendereza Yakuwa mu kibiina ekinene.*+

 2 Abantu ababi, abalabe bange, bwe bannumba nga baagala okundya,+

Be beesittala ne bagwa.

 3 Eggye ne bwe lisiisira okunnumba,

Omutima gwange tegujja kutya.+

Ne bwe nnumbibwa mu lutalo,

Nja kusigala nga ndi mugumu.

 4 Waliwo ekintu kimu kye nsaba Yakuwa

—Era kye nnaanoonyanga—

Okubeeranga mu nnyumba ya Yakuwa obulamu bwange bwonna,+

Ntunulenga ku bulungi bwa Yakuwa

Era nsanyukire okutunuulira yeekaalu ye.*+

 5 Ku lunaku olw’obuyinike alinkweka mu kifo kye eky’okwekwekamu;+

Alinkweka mu kifo eky’ekyama eky’omu weema ye;+

Alinteeka waggulu ku lwazi.+

 6 Omutwe gwange guyiseemu waggulu w’abalabe bange abanneetoolodde;

Nja kuwaayo ssaddaaka ku weema ye nga njaguza;

Nja kuyimba ennyimba ezitendereza Yakuwa.

 7 Ai Yakuwa, mpulira bwe nkukoowoola,+

Ndaga ekisa onziremu.+

Ggwe annyamba;+

Tonjabulira era tondeka, Ai Katonda ow’obulokozi bwange.

10 Kitange ne mmange ne bwe banjabulira,+

Yakuwa ajja kumbudamya.+

11 Njigiriza ekkubo lyo, Ai Yakuwa,+

Nkulembera mu kkubo ery’obutuukirivu olw’abalabe bange.

12 Tompaayo eri abalabe bange,+

Kubanga bampaayiriza,+

Era baagala kunkolako eby’obukambwe.

13 Nnandibadde wa singa saalina kukkiriza

Nti nja kulaba obulungi bwa Yakuwa nga nkyali mulamu?*+

14 Essuubi lyo lisse mu Yakuwa;+

Ba muvumu era ba n’omutima omugumu.+

28 Ggwe gwe nkoowoola, Ai Yakuwa Olwazi lwange;+

Toziba matu go nga nkukoowoola.

Bw’ononsiriikirira,

Nja kuba ng’abo abakka mu kinnya.*+

 2 Wulira okuwanjaga kwange nga nkusaba onnyambe,

Nga nnyimusa emikono gyange eri ekisenge ekisingayo okuba munda mu kifo kyo ekitukuvu.+

 3 Tonzigyaawo wamu n’ababi, wamu n’abo abakola ebirumya,+

Abo aboogera ebigambo eby’emirembe ne bannaabwe, so nga mu mitima gyabwe mulimu bintu bibi.+

 4 Basasule olw’ebikolwa byabwe,+

Okusinziira ku bikolwa byabwe ebibi.

Basasule olw’emirimu gy’emikono gyabwe,

Okusinziira ku bye bakoze.+

 5 Kubanga tebalowooza ku bikolwa bya Yakuwa,+

Wadde ku mirimu gy’emikono gye.+

 6 Yakuwa atenderezebwe,

Kubanga awulidde okuwanjaga kwange.

 7 Yakuwa ge maanyi gange+ era ye ngabo yange;+

Omutima gwange gwesiga ye.+

Annyambye, era omutima gwange gujaguza,

Nja kumuyimbira oluyimba lwange nga mmutendereza.

 8 Yakuwa ge maanyi g’abantu be;

Alinga ekigo, era alokola gwe yafukako amafuta.+

29 Mutendereze Yakuwa, mmwe abaana b’ab’amaanyi,

Mutendereze Yakuwa olw’ekitiibwa kye n’olw’amaanyi ge.+

 3 Eddoboozi lya Yakuwa liwulirwa waggulu w’amazzi;

Katonda ow’ekitiibwa awuluguma.+

 4 Eddoboozi lya Yakuwa lya maanyi;+

Eddoboozi lya Yakuwa lya kitiibwa.

 6 Aleetera Lebanooni* okuligita ng’ennyana,

Ne Siriyooni+ okuligita ng’ente ento ennume ey’omu nsiko.*

 7 Eddoboozi lya Yakuwa limansula ennimi z’omuliro;+

 8 Eddoboozi lya Yakuwa likankanya eddungu;+

Yakuwa akankanya eddungu ly’e Kadesi.+

 9 Eddoboozi lya Yakuwa likankanya empeewo ne zizaala,

Era likunkumula ebikoola by’emiti gyonna egiri mu kibira.+

10 Yakuwa atudde ku ntebe ye waggulu w’amazzi aganjaala;*+

Yakuwa atudde ku ntebe ye ey’obwakabaka emirembe n’emirembe.+

30 Nnaakugulumizanga Ai Yakuwa, kubanga onnyimusizza;

Tolese balabe bange kusanyukira nnaku yange.+

 4 Muyimbire Yakuwa ennyimba ez’okutendereza mmwe abeesigwa gy’ali,+

Mutendereze erinnya lye ettukuvu.*+

 5 Kubanga omuntu amusunguwalira kaseera buseera,+

Naye amulaga ekisa obulamu bwe bwonna.+

11 Okukaaba kwange okufudde mazina;

Onzigyeemu ebibukutu n’onnyambaza essanyu,

12 Ndyoke nnyimbe* nga nkutendereza era nneme kusirika.

Beera gye ndi ng’ekigo ku lusozi,

Ng’ekifo ekiriko bbugwe, ondokole.+

 3 Kubanga oli lwazi lwange era oli kigo kyange;+

Ojja kunkulembera era onnuŋŋamye+ olw’erinnya lyo.+

 4 Ojja kunzigya mu kitimba kye banteze,+

Kubanga oli kigo kyange.+

 6 Nkyawa abo abasinza ebifaananyi ebitalina mugaso,

Naye nneesiga Yakuwa.

 7 Nja kusanyuka nnyo olw’okwagala kwo okutajjulukuka,

Kubanga olabye obuyinike bwange;+

Omanyi obulumi obw’amaanyi bwe ndimu.

 8 Tompaddeeyo eri abalabe bange,

Wabula onnyimiriza mu kifo omutali kabi.*

10 Obulamu bwange buggwaawo olw’ennaku,+

N’emyaka gyange olw’okusinda.+

Amaanyi gange gakendedde olw’ensobi yange;

Amagumba gange ganafuye.+

11 Abalabe bange bonna bannyooma,+

Naddala baliraanwa bange.

Bannange bantya;

Bwe bandaba ebweru banziruka.+

12 Banzigya mu birowoozo byabwe* ne banneerabira, nga gy’obeera nnafa;

Nninga ensumbi eyayatika.

13 Mpulidde eŋŋambo ez’akabi nnyingi;

Entiisa enneetoolodde.+

Bakuŋŋaana wamu,

Ne bakola enkwe okunzita.+

Ababi ka baswale;+

Ka basirisibwe emagombe.*+

18 Emimwa emirimba ka gibunire;+

Emimwa egyogeza amalala n’obunyoomi nga giduulira abatuukirivu.

Obuterekedde abo abakutya,+

Era obulaze mu maaso g’abantu bonna ku lw’abo abaddukira gy’oli.+

20 Olibakweka mu kifo kyo eky’ekyama+

N’obawonya enkwe z’abantu;

Olibakweka mu weema yo

N’obawonya abo ababoogerera eby’ettima.*+

21 Yakuwa atenderezebwe,

Kubanga mu ngeri ey’ekitalo, andaze okwagala okutajjulukuka+ nga ndi mu kibuga ekizingiziddwa.+

Yakuwa akuuma abeesigwa,+

Naye omuntu yenna ow’amalala amubonerereza ddala.+

24 Mube bavumu era mube n’omutima omugumu,+

Mmwe mmwenna abalindirira Yakuwa.+

 2 Alina essanyu oyo Yakuwa gw’atwala nti taliiko musango,+

Oyo alina omutima ogutaliimu bulimba.

 5 Kyaddaaki nnakwatulira ekibi kyange;

Saabikka ku nsobi yange.+

 6 Eyo ye nsonga lwaki buli muntu omwesigwa anaasabanga ggwe+

Ng’okyayinza okufunika.+

 7 Oli kifo kyange eky’okwekwekamu;

Ojja kunkuuma nneme kulaba nnaku.+

 9 Tobeera ng’embalaasi oba ennyumbu etalina magezi,+

Gy’olina okusooka okuteeka ekyuma mu kamwa n’enkoba mu kifuba okugikkakkanya

N’eryoka ejja w’oli.”

10 Ababi baba n’ebibaleetera obulumi bingi;

Naye oyo eyeesiga Yakuwa okwagala kwe okutajjulukuka kumwetooloola.+

11 Mmwe abatuukirivu musanyuke olw’ebyo Yakuwa by’akoze, era mujaganye;

Mwogerere waggulu n’essanyu, mmwe mmwenna abalina omutima omugolokofu.

 2 Mwebaze Yakuwa nga mumusunira entongooli;

Mumuyimbire ennyimba ezitendereza nga bwe musuna ekivuga eky’enkoba ekkumi.

 3 Mumuyimbire oluyimba olupya;+

Musune bulungi ebivuga eby’enkoba nga bwe mwogerera waggulu n’essanyu.

 4 Kubanga ekigambo kya Yakuwa kya mazima,+

Era buli ky’akola kyesigika.

 6 Olw’ekigambo kya Yakuwa eggulu lyakolebwa,+

N’olw’omukka gw’omu kamwa ke byonna ebiririmu byakolebwa.*

 7 Akuŋŋaanya amazzi g’ennyanja ne gaba ng’ebbibiro;+

Ateeka mu materekero amazzi aganjaala.

 9 Kubanga yayogera, ne bibaawo;+

Yalagira, byonna ne binywera.+

10 Yakuwa alemesezza entegeka z’amawanga;*+

Agootaanyizza enteekateeka z’abantu.*+

11 Naye ebyo Yakuwa by’ateekateeka bijja kubeerawo emirembe gyonna;+

Ebirowoozo by’omu mutima gwe bibeerawo emirembe n’emirembe.

12 Lirina essanyu eggwanga eririna Yakuwa nga Katonda waalyo,+

Abantu b’alonze okuba ababe.+

13 Yakuwa ayima mu ggulu n’atunula wansi;

N’alaba abaana b’abantu bonna.+

14 Ayima mu kifo gy’abeera

N’atunuulira ababeera ku nsi.

15 Y’akola emitima gyabwe bonna;

Akebera byonna bye bakola.+

16 Tewali kabaka awonawo olw’okuba alina eggye ddene;+

Omusajja ow’amaanyi tawonawo olw’okuba alina amaanyi mangi.+

17 Okussa obwesige mu mbalaasi ng’osuubira nti esobola okukulokola* kuba kwerimba;+

Amaanyi gaayo amangi tegasobola kukulokola.

18 Laba! Eriiso lya Yakuwa liri ku abo abamutya,+

Abo abalindirira okwagala kwe okutajjulukuka,

19 Okubanunula mu kufa,

N’okubakuuma nga balamu mu kiseera eky’enjala.+

21 Emitima gyaffe gisanyukira mu ye,

Olw’okuba obwesige bwaffe tubutadde mu linnya lye ettukuvu.+

22 Okwagala kwo okutajjulukuka ka kutubeereko, Ai Yakuwa,+

Nga bwe tukulindirira.+

34 Nnaatenderezanga Yakuwa ekiseera kyonna;

Ettendo lye linaabanga ku mimwa gyange buli kaseera.

 2 Nja kwenyumiririza mu Yakuwa;+

Abawombeefu bajja kuwulira basanyuke.

 3 Mugulumize Yakuwa wamu nange;+

Ka tutenderereze wamu erinnya lye.

 5 Abo abaali bamwesiga baasanyuka;

Tebaaswala.

 7 Malayika wa Yakuwa asiisira okwetooloola abo bonna abatya Katonda,+

Era abanunula.+

 8 Mulegeeko mulabe nti Yakuwa mulungi;+

Alina essanyu oyo addukira gy’ali.

 9 Mutye Yakuwa mmwe mmwenna abatukuvu be,

Kubanga abo abamutya tebalina kye bajula.+

10 Empologoma envubuka ez’amaanyi oluusi zirumwa enjala;

Naye abanoonya Yakuwa tebaajulenga kirungi kyonna.+

11 Mujje baana bange mumpulirize;

Nja kubayigiriza okutya Yakuwa.+

12 Ani ku mmwe ayagala obulamu,

Era ayagala okuwangaala alabe ebirungi?+

13 Kale ziyiza olulimi lwo luleme okwogera ebintu ebibi,+

Ziyiza emimwa gyo gireme kwogera bya bulimba.+

14 Weewale ebibi okolenga ebirungi;+

Noonyanga emirembe era ogigobererenga.+

15 Amaaso ga Yakuwa gali ku batuukirivu,+

N’amatu ge gabawuliriza bwe bamukoowoola abayambe.+

16 Naye Yakuwa yeesambira ddala abo abakola ebibi,

Ajja kubazikiriza waleme kubaawo abajjukira ku nsi.+

17 Abatuukirivu baakoowoola Yakuwa n’abawulira;+

Yabawonya ennaku yaabwe yonna.+

18 Yakuwa ali kumpi n’abo abalina omutima ogumenyese;+

Alokola abo bonna abalina omwoyo oguboneredde.*+

19 Omutuukirivu aba n’ebizibu bingi,+

Naye byonna Yakuwa abimuyisaamu.+

20 Akuuma amagumba ge gonna;

Tewali na limu ku go limenyeddwa.+

21 Akabi kalitta ababi;

Abo abakyawa abatuukirivu balibaako omusango.

22 Yakuwa anunula obulamu bw’abaweereza be;

Tewali n’omu ku abo abaddukira gy’ali alibaako omusango.+

35 Ai Yakuwa, mpolereza nga mpoza n’abalabe bange;+

Lwanyisa abo abannwanyisa.+

 2 Kwata engabo yo entono* n’ennene,+

Ojje onnyambe.+

 5 Ka babeere ng’ebisusunku ebitwalibwa embuyaga;

Malayika wa Yakuwa k’abagobe.+

 6 Ekkubo lyabwe ka libeemu enzikiza n’obuseerezi,

Nga malayika wa Yakuwa abagoba.

 7 Kubanga banteze ekitimba awatali nsonga;

Bansimidde ekinnya awatali nsonga.

 8 Akabi ka kabatuukeko nga tebamanyi;

Ekitimba kye bateze ka kibakwase;

Ka bakigwemu bazikirire.+

 9 Naye nze nja kusanyuka olw’ebyo Yakuwa by’akoze;

Nja kujaganya olw’ebikolwa bye eby’obulokozi.

Ateesobola omuwonya abamusinga amaanyi,+

Ateesobola n’omunaku obawonya abo ababanyaga.”+

11 Abajulizi ab’ettima bavaayo,+

Ne bambuuza ebintu bye sirina kye mmanyiiko.

12 Mu birungi bansasulamu bibi,+

Bandeetera okuwulira ng’afiiriddwa.

13 Naye bwe baali abalwadde, nnayambala ebibukutu;

Nneerumya ne nsiiba,

Era essaala zange bwe zitaddibwangamu,*

14 Nnatambulatambulanga nga nkungubaga ng’akungubagira mukwano gwange oba muganda wange;

Nnakutama olw’ennaku ng’omuntu akungubagira nnyina.

15 Naye bwe nneesittala, baasanyuka ne bakuŋŋaana;

Baakuŋŋaana wamu banteege bankube;

Banjuzaayuza era tebaasirika.

16 Abatatya Katonda banduulira,

Bannumira obugigi.+

18 Kale nnaakwebazanga nga ndi mu kibiina ekinene;+

Nnaakutenderezanga nga ndi mu bantu abangi.

19 Abo abankyawa awatali nsonga tobakkiriza kusanyukira nnaku yange;

Abo abankyawa awatali nsonga+ tobakkiriza kuntunuuliza bunyoomi.+

20 Kubanga teboogera bigambo bya mirembe;

Naye bateesa eby’obulimba ku bantu ab’emirembe abali mu nsi.+

21 Baasamya akamwa kaabwe okunvunaana,

Nga bagamba nti: “Otyo! Amaaso gaffe gakirabye.”

24 Ai Yakuwa Katonda wange, nnamula okusinziira ku butuukirivu bwo,+

Tobakkiriza kusanyukira nnaku yange.

26 Ka bonna baswale era bakwatibwe ensonyi,

Abo abasanyukira obuyinike bwange.

27 Naye abo abasanyuka olw’obutuukirivu bwange ka boogerere waggulu n’essanyu;

Buli kiseera ka bagambe nti:

28 Olwo olulimi lwange lunaayogeranga* ku butuukirivu bwo,+

Era lunaakutenderezanga okuzibya obudde.+

36 Okwonoona kwogera n’omubi munda mu mutima gwe;

Tatya Katonda.+

 2 Olw’okuba yeetwala nti wa kitalo nnyo,

Tasobola kulaba nsobi ze azikyawe.+

 3 Ebigambo by’omu kamwa ke birumya era bya bulimba;

Akiraga nti talina magezi ga kukola birungi.

Akwata ekkubo eritali ddungi;

Teyeesamba bintu bibi.

 5 Ai Yakuwa, okwagala kwo okutajjulukuka kutuuka ku ggulu,+

Obwesigwa bwo butuuka ku bire.

 6 Obutuukirivu bwo bulinga ensozi engulumivu;*+

Ennamula yo eringa amazzi amangi amawanvu,+

Ai Yakuwa, okuuma* abantu n’ensolo.+

Abaana b’abantu baddukira

wansi w’ebiwaawaatiro byo.+

 8 Banywa ebintu ebisingayo obulungi eby’omu* nnyumba yo ne bamatira,+

Era obanywesa ku bintu byo ebirungi ebikulukuta ng’omugga.+

 9 Ggwe nsibuko y’obulamu;+

Ekitangaala kyo kye kitusobozesa okulaba ekitangaala.+

10 Weeyongere okulaga okwagala kwo okutajjulukuka eri abo abakumanyi,+

N’obutuukirivu bwo eri abo abalina omutima omugolokofu.+

11 Ekigere ky’abo abeekulumbaza tokikkiriza kunninnyako,

Wadde omukono gw’ababi okungoba we ndi.

12 Laba, aboonoonyi bagudde;

Bameggeddwa era tebasobola kusituka.+

37 Tokwatibwanga busungu olw’ababi,

Oba okukwatirwa aboonoonyi ensaalwa.+

 2 Kubanga baliwotoka mangu ng’omuddo,+

Era balikala ng’omuddo ogwakamera.

 3 Weesigenga Yakuwa era kolanga ebirungi;+

Beera mu nsi, era beeranga mwesigwa mu by’okola.+

 4 Yakuwa abeerenga ensibuko y’essanyu lyo,*

Era ajja kukuwa omutima gwo bye gwagala.

 5 Amakubo go gakwasenga* Yakuwa;+

Mwesigenga, era naye ajja kukuyamba.+

 6 Ajja kuleetera obutuukirivu bwo okwakaayakana ng’ekitangaala eky’oku makya ennyo,

N’obwenkanya bwo okwakaayakana ng’omusana ogw’omu ttuntu.

 7 Sirika mu maaso ga Yakuwa+

Era mulindirire n’obugumiikiriza.

Tokwatibwa busungu olw’oyo

Atuukiriza ebintu ebibi by’aba ateeseteese.+

 8 Tosunguwalanga era toswakiiranga;+

Tonyiiganga n’okola ebintu ebibi.*

 9 Kubanga ababi baliggibwawo,+

Naye abo abatadde essuubi lyabwe mu Yakuwa balisikira ensi.+

10 Mu kaseera katono, ababi tebalibaawo;+

Olitunula we baabeeranga,

Naye tebalibaawo.+

11 Naye abawombeefu balisikira ensi,+

Era baliba basanyufu nnyo kubanga walibaawo emirembe mingi.+

12 Omubi asalira omutuukirivu enkwe;+

Amulumira obugigi.

13 Naye Yakuwa amusekerera,

Kubanga amanyi nti olunaku lwe lujja kutuuka.+

14 Ababi basowolayo ebitala byabwe era baweta emitego gyabwe egy’obusaale

Okusuula abanyigirizibwa n’abaavu,

Okutta abo abatambulira mu kkubo eggolokofu.

15 Naye ekitala kyabwe kijja kufumita emitima gyabwe;+

Emitego gyabwe gijja kumenyeka.

16 Akatono omutuukirivu k’alina

Kasinga ebingi ababi abangi bye balina.+

17 Kubanga emikono gy’ababi gijja kumenyebwa,

Naye Yakuwa ajja kuwanirira abatuukirivu.

18 Yakuwa amanyi ebituuka ku abo* abataliiko kya kunenyezebwa,

Era obusika bwabwe buliba bwa mirembe na mirembe.+

19 Mu kiseera eky’akabi tebaliswala;

Mu kiseera eky’enjala baliba na bingi.

20 Naye ababi balisaanawo;+

Abalabe ba Yakuwa baliggwaawo ng’omuddo ogutinta;

Baliggwaawo ng’omukka.

21 Omubi yeewola naye tasasula,

Naye omutuukirivu musaasizi era mugabi.+

22 Abo Katonda b’awa omukisa balisikira ensi,

Naye abo b’akolimira baliggibwawo.+

23 Yakuwa bw’asanyukira amakubo g’omuntu,+

Amulaga bw’alina okutambula.+

24 Ne bwe yeesittala tagwa wansi,+

Kubanga Yakuwa amukwata ku mukono n’amuwanirira.*+

25 Nnali muto, naye kati nkaddiye,

Kyokka sirabangako mutuukirivu ayabuliddwa,+

Wadde abaana be nga basabiriza emmere.+

26 Bulijjo alaga abalala ekisa n’abawola,+

Era abaana be balifuna omukisa.

27 Leka ebibi okole ebirungi,+

Obeerewo emirembe gyonna.

28 Kubanga Yakuwa ayagala obwenkanya,

Era talyabulira abo abeesigwa gy’ali.+

Anaabakuumanga bulijjo;+

Naye ezzadde ly’ababi liriggibwawo.+

29 Abatuukirivu balisikira ensi,+

Era baligibeeramu emirembe gyonna.+

30 Akamwa k’omutuukirivu koogera eby’amagezi,*

Era olulimi lwe lwogera ku bwenkanya.+

31 Amateeka ga Katonda we gali mu mutima gwe;+

Era bw’anaatambulanga taaseererenga.+

32 Omubi atunuulira omutuukirivu,

Ng’ayagala okumutta.

33 Naye Yakuwa talimuleka kugwa mu mukono gw’omubi+

Wadde okumusingisa omusango ng’alamulwa.+

34 Essuubi lyo liteekenga mu Yakuwa era otambulire mu kkubo lye,

Naye alikugulumiza n’osikira ensi.

35 Nnalaba omuntu omukambwe era omubi ennyo,

Ng’ayagaagadde ng’omuti ogulina ebikoola ebingi oguli ku ttaka lyagwo.+

36 Naye mangu ddala yavaawo n’aba nga takyaliwo;+

Nnamunoonya, naye saamuzuula.+

37 Weetegereze oyo ataliiko kya kunenyezebwa,*

Era tunuulira omugolokofu,+

Kubanga ebiseera bye eby’omu maaso biriba bya mirembe.+

38 Naye aboonoonyi bonna balizikirizibwa;

Abantu ababi balizikirira.+

39 Obulokozi bw’abatuukirivu buva eri Yakuwa;+

Ye kye kigo kyabwe mu biseera eby’obuyinike.+

38 Ai Yakuwa, tonnenya ng’oli musunguwavu,

Era tongolola ng’oliko ekiruyi.+

 2 Obusaale bwo bunfumitidde ddala munda,

Era omukono gwo gunnyigiriza.+

 4 Ensobi zange zeetuumye ku mutwe gwange;+

Ziringa omugugu omuzito, siyinza kuzeetikka.

 5 Ebiwundu byange biwunya era bitanye

Olw’obusirusiru bwange.

 6 Nnina ennyiike era ndi mwennyamivu nnyo;

Mbeera munakuwavu okuzibya obudde.

 7 Munda yange mwokya;*

Omubiri gwange gwonna gulwadde.+

 8 Nsannyaladde era mmenyesemenyese;

Nsinda* olw’obulumi obw’omu mutima gwange.

 9 Ai Yakuwa, byonna bye njagala biri mu maaso go,

Era okusinda kwange tekukukwekeddwa.

11 Bannange ne mikwano gyange banneewala olw’ekirwadde kye nnina,

Era banywanyi bange tebasembera we ndi.

12 Abo abanoonya obulamu bwange bantega emitego,

Abo abaagala okunkola ekikyamu boogera eby’akabi;+

Boogera eby’obulimba okuzibya obudde.

13 Naye okufaananako kiggala, siwuliriza;+

Okufaananako omuntu atayogera, siyasamya kamwa kange.+

14 Nfuuse ng’omuntu atawulira,

Atalina ky’asobola kwogera okwewozaako.

15 Ai Yakuwa, ggwe gwe nnalindirira,+

Era wanziramu, Ai Yakuwa Katonda wange.+

16 Kubanga nnagamba nti: “Ka baleme kusanyukira nnaku yange

Wadde okunneekulumbalizaako ng’ekigere kyange kiseeredde.”

17 Nnabulako katono okugwa,

Era nnalinga mu bulumi ekiseera kyonna.+

18 Nnayatula ensobi yange;+

Ekibi kyange kyali kinneeraliikiriza.+

19 Abalabe bange balamu era ba maanyi,*

Abo abankyawa awatali nsonga beeyongedde obungi.

20 Mu birungi bansasulamu bibi;

Bafuuse balabe bange olw’okuba nkola ebirungi.

22 Yanguwa onnyambe,

Ai Yakuwa, obulokozi bwange.+

39 Nnagamba nti: “Nja kwegenderezanga

Nneme kwonoona na lulimi lwange.+

Nja kusibanga emimwa gyange+

Ng’omubi ali we ndi.”

 2 Nnasirika ne soogera;+

Nnabunira n’ekirungi ne sikyogerako,

Naye obulumi bwange bwali bwa maanyi nnyo.*

 4 “Ai Yakuwa, nnyamba mmanye enkomerero yange bw’eriba,

N’omuwendo gw’ennaku zange bwe guli,+

Ndyoke mmanye obulamu bwange bwe buli obumpi.*

 5 Ompadde obulamu bumpi;*+

Ekiseera kye nnaawangaala tekirina bwe kiri mu maaso go.+

 9 Nnasirika;

Saayasamya kamwa kange+

Kubanga kino ggwe wakikola.+

11 Omuntu omugolola ng’omubonereza olw’ensobi ye;+

Ng’ekiwuka bwe kisaanyaawo ebintu, naawe bw’osaanyaawo ebintu by’atwala ng’eby’omuwendo.

12 Wulira okusaba kwange Ai Yakuwa,

Wuliriza okuwanjaga kwange.+

Kubanga ndi mugwira gy’oli,+

Omutambuze ayita obuyisi,* nga bajjajjange bonna bwe baali.+

13 Lekera awo okuntunuulira n’obusungu, nsobole okusanyuka

Nga sinnafa ne mba nga sikyaliwo.”

40 Nnalindirira Yakuwa n’obugumiikiriza,

Era yatega okutu n’awulira* okuwanjaga kwange.+

 2 Yanzigya mu kinnya omwali amazzi agayira,

Yanzigya mu bitosi.

Ebigere byange yabiteeka ku lwazi;

Yantambuliza awagumu.

 3 Era yateeka oluyimba olupya mu kamwa kange,+

Oluyimba olw’okutendereza Katonda waffe.

Bangi baliraba ne bawuniikirira

Era baliteeka obwesige bwabwe mu Yakuwa.

 4 Alina essanyu omuntu eyeesiga Yakuwa

Era ateesiga abo abawaganyavu oba abatali ba mazima.*

 5 Ai Yakuwa Katonda wange,

Bye wakola nga bingi,

Ebikolwa byo eby’ekitalo n’ebyo bye watutegekera.+

Tewali alinga ggwe;+

Ne bwe nnandigezezzaako okubyogerako,

Bisusse obungi, tebimalikayo!+

 6 Ssaddaaka n’ebiweebwayo tewabyagala,*+

Naye waggula amatu gange nsobole okuwulira.+

 8 Ai Katonda wange, nsanyukira* okukola by’oyagala,+

Era amateeka go gali munda mu nze.+

Nga bw’okimanyi Ai Yakuwa,+

Emimwa gyange sigikomako.

Ensobi zange ennyingi zinsukkiriddeko, tezikyaŋŋanya kulaba gye ŋŋenda;+

Zisinga enviiri z’oku mutwe gwange obungi,

Era mpeddemu amaanyi.

14 Abo bonna abaagala okunzita

Ka bakwatibwe ensonyi era baswale.

Abo abasanyukira ennaku yange

Ka baddeyo emabega nga bafeebezeddwa.

16 Naye abo abakunoonya+

Ka basanyuke era bajagulize mu ggwe,+

Abo abaagala ebikolwa eby’obulokozi ka bulijjo bagambenga nti:

17 Naye nze ndi mwavu era seesobola;

Yakuwa andowoozeeko.

Ggwe annyamba era ggwe annunula;+

Ai Katonda wange, tolwawo.+

41 Alina essanyu oyo afaayo ku munaku;+

Yakuwa alimununula ku lunaku olw’obuyinike.

Anaayitibwanga musanyufu mu nsi;+

Toomuwengayo eri abalabe be.+

 3 Yakuwa anaamulabiriranga ng’ali ku ndiri;+

Onookyusiza ddala obuliri bwe nga mulwadde.

Anoonya ekintu ekibi eky’okwogera;

Era n’agenda n’akisaasaanya.

 7 Abo bonna abatanjagala boogera obwama;

Bankolera olukwe ne bagamba nti:

 8 “Ekintu ekibi ennyo kimutuuseeko;

Kati agidde abeere wansi, tajja kuddamu kuyimuka.”+

 9 Ne mukwano gwange ennyo gwe mbadde nneesiga,+

Era abadde alya ku mmere yange, anneefuulidde.*+

10 Naye ggwe, Ai Yakuwa, nkwatirwa ekisa onnyimuse,

Ndyoke mbeesasuze.

12 Ompaniridde olw’obugolokofu bwange;+

Ojja kunteeka mu maaso go emirembe gyonna.+

13 Yakuwa Katonda wa Isirayiri atenderezebwe

Emirembe n’emirembe.*+

42 Ng’empeewo bw’eyaayaanira amazzi,

Nange bwe ntyo bwe nkuyaayaanira, Ai Katonda.

 3 Amaziga gange ye mmere yange emisana n’ekiro;

Abantu bankudaalira okuzibya obudde nga bagamba nti “Katonda wo ali ludda wa?”+

Nnatambulanga n’ekibiina;

Nnatambulanga mpolampola nga mbakulembeddemu okugenda mu nnyumba ya Katonda,

Nga twogerera waggulu n’amaloboozi ag’essanyu era ag’okwebaza

Ng’ag’ekibiina ky’abantu abali ku mbaga.+

Lindirira Katonda,+

Kubanga nja kuddamu mmutendereze ng’Omulokozi wange.+

Mu nsi ya Yoludaani ne ku ntikko za Kerumooni,

Ne ku Lusozi Mizali.*

 7 Obuziba bukoowoola obuziba

Ebiyiriro byo bwe biyira.

 8 Emisana Yakuwa ajja kundaganga okwagala kwe okutajjulukuka,

Ate ekiro nja kuyimba ebimukwatako, era nja kusaba Katonda ampa obulamu.+

10 Nga balina obukyayi obw’ekitalo* abalabe bange bankudaalira;

Bankudaalira okuzibya obudde nga bagamba nti: “Katonda wo ali ludda wa?”+

Lindirira Katonda,+

Kubanga nja kuddamu mmutendereze ng’Omulokozi wange era Katonda wange.+

43 Nnamula, Ai Katonda,+

Mpolereza nga mpoza+ n’eggwanga eritali lyesigwa.

Ka binkulembere;+

Ka binnuŋŋamye bintuuse ku lusozi lwo olutukuvu ne ku weema yo ey’ekitiibwa.+

 4 Awo nja kutuuka ku kyoto kya Katonda,+

Eri Katonda, essanyu lyange ery’ensusso.

Lindirira Katonda,+

Kubanga nja kuddamu mmutendereze ng’Omulokozi wange era Katonda wange.+

44 Ai Katonda, twawulira n’amatu gaffe,

Bajjajjaffe baatubuulira+

Bye wakola mu kiseera kyabwe,

Mu biseera eby’edda.

 2 Wagoba amawanga n’omukono gwo,+

We gaali n’osenzaawo bajjajjaffe.+

 3 Ekitala kyabwe si kye kyabasobozesa okutwala ensi,+

Era omukono gwabwe si gwe gwabatuusa ku buwanguzi.+

 4 Ggwe Kabaka wange, Ai Katonda;+

Sobozesa Yakobo okuwangulira ddala.

 5 Olw’amaanyi go abalabe baffe tujja kubazza emabega;+

Mu linnya lyo tujja kulinnyirira abo abatulumba.+

 6 Omutego gwange ogw’obusaale si gwe nneesiga,

Era ekitala kyange tekiyinza kundokola.+

 7 Ggwe watuwonya abalabe baffe,+

Ggwe wafeebya abo abatatwagala.

 8 Tujja kutendereza Katonda okuzibya obudde,

Era tujja kutendereza erinnya lyo emirembe gyonna. (Seera)

 9 Naye kaakano otusudde eri era n’otufeebya,

Era togenda naffe mu lutalo.

10 Otuleetera okudduka abalabe baffe;+

Abo abatatwagala batwala buli kye baagala.

11 Otuwaayo okuliibwa ng’endiga;

Otusaasaanyizza mu mawanga.+

12 Abantu bo obatunda omuwendo mutono nnyo;+

Tobafunamu magoba.

13 Otufuula kivume eri baliraanwa baffe,

Eky’okuyeeya era eky’okusekererwa eri abo bonna abatwetoolodde.

14 Otufuula ekintu ekinyoomebwa* amawanga,+

Ekyo abantu kye banyeenyeza emitwe.

15 Olunaku lwonna mpulira nga mpeebuuse,

Era obuswavu bumpitirirako,

16 Olw’eddoboozi ly’abo abanjeeya era abanvuma,

Olw’omulabe waffe awoolera eggwanga.

17 Bino byonna bitutuuseeko, kyokka tetukwerabidde,

Era tetumenye ndagaano yo.+

18 Omutima gwaffe tegukyamye;

Ebigere byaffe tebiwaba kuva mu kkubo lyo.

19 Naye otubetentedde mu kifo ebibe we bibeera;

Otubisse ekizikiza ekikutte.

20 Bwe tuba nga twerabidde erinnya lya Katonda waffe,

Oba nga tuyimusa emikono gyaffe ne tusaba katonda omulala,

21 Katonda taakitegeere?

22 Ku lulwo tuttibwa okuzibya obudde;

Tubalibwa ng’endiga ez’okusalibwa.+

25 Tussiddwa mu nfuufu;

Emibiri gyaffe ginyigirizibwa ku ttaka.+

 3 Weesibe ekitala kyo+ mu kiwato, ggwe ow’amaanyi,+

Mu kitiibwa kyo n’obulungi bwo.+

 4 Mu kitiibwa kyo genda owangule;+

Weebagale embalaasi yo olw’amazima n’obwetoowaze n’obutuukirivu,+

Omukono gwo ogwa ddyo gujja kukola* ebintu ebiwuniikiriza.

 5 Obusaale bwo bwogi, buleetera abantu okugwa mu maaso go;+

Bufumita emitima gy’abalabe ba kabaka.+

 6 Katonda ye ntebe yo ey’obwakabaka emirembe n’emirembe;+

Ddamula y’obwakabaka bwo ya bwenkanya.+

 8 Ebyambalo byo byonna biwunya obuloosa bwa miira ne alowe ne kasiya;

Ebivuga eby’enkoba ebivugira mu lubiri olunene oluyooyooteddwa n’amasanga bikusanyusa.

10 Wulira, ggwe omuwala; ssaayo omwoyo era otege okutu;

Weerabire abantu bo n’ennyumba ya kitaawo.

11 Obulungi bwo bujja kusikiriza kabaka,

Kubanga ye mukama wo,

Kale muvunnamire.

12 Muwala wa Ttuulo alijja n’ekirabo;

Abantu abasingayo obugagga balyagala okusiimibwa mu maaso go.

13 Munda mu lubiri,* muwala wa kabaka alina ekitiibwa kya maanyi;

Ebyambalo bye bitonaatoneddwako zzaabu.

15 Bajja kubaleetera mu ssanyu ne mu kujaganya;

Bajja kuyingira mu lubiri lwa kabaka.

46 Katonda kye kiddukiro kyaffe era ge maanyi gaffe,+

Bulijjo abaawo okutuyamba nga tuli mu buzibu.+

 2 Eyo ye nsonga lwaki tetujja kutya, ensi ne bw’eneekyuka,

Ensozi ne bwe zinaagwa mu buziba bw’ennyanja,+

 3 Amazzi gaayo ne bwe ganaayira ne gabimba,+

Ensozi ne bwe zinaayuuguuma olw’okwesiikuula kwayo. (Seera)

 4 Waliwo omugga ogulina emikutu egisanyusa abantu b’omu kibuga kya Katonda,+

Weema ey’ekitiibwa entukuvu ey’oyo Asingayo Okuba Waggulu.

 6 Amawanga gaali mu luyoogaano, obwakabaka bwawangulwa;

Yayogera mu ddoboozi erya waggulu ensi n’esaanuuka.+

 7 Yakuwa ow’eggye ali naffe;+

Katonda wa Yakobo kye kiddukiro kyaffe. (Seera)

 8 Mujje mulabe ebikolwa bya Yakuwa,

Mulabe engeri gy’akoze ebyewuunyisa mu nsi.

Amenya emitego gy’obusaale era amenyaamenya amafumu;

Ayokya amagaali ag’olutalo.*

Nja kugulumizibwa mu mawanga;+

Nja kugulumizibwa mu nsi.”+

11 Yakuwa ow’eggye ali naffe;+

Katonda wa Yakobo kye kiddukiro kyaffe.+ (Seera)

 2 Kubanga Yakuwa, oyo Asingayo Okuba Waggulu, wa ntiisa;+

Ye Kabaka omukulu afuga ensi yonna.+

 3 Assa amawanga wansi waffe;

Ateeka amawanga wansi w’ebigere byaffe.+

 4 Atulondera obusika,+

Obusika Yakobo gw’ayagala bwe yeenyumiririzaamu.+ (Seera)

 5 Katonda alinnye waggulu ng’abantu bwe bakuba emizira;

Yakuwa alinnye waggulu ng’abantu bwe bafuuwa eŋŋombe.*

 7 Kubanga Katonda ye Kabaka w’ensi yonna;+

Muyimbe ennyimba ezitendereza era mwoleke amagezi.

 9 Abakulembeze b’amawanga bakuŋŋaanye wamu

N’abantu ba Katonda wa Ibulayimu.

48 Yakuwa mukulu era agwanira nnyo okutenderezebwa

Mu kibuga kya Katonda waffe, ku lusozi lwe olutukuvu.

 2 Olusozi Sayuuni oluli ebukiikakkono

Lulabika bulungi mu bugulumivu bwalwo, era lye ssanyu ly’ensi yonna,+

Kye kibuga kya Kabaka ow’Ekitiibwa.+

 3 Mu bigo byakyo,

Katonda alaze nga bw’ali ekiddukiro.+

 4 Laba! bakabaka bakuŋŋaanye;

Bagendera wamu.

 6 Baakankanira eyo,

Baafuna obulumi ng’obw’omukazi azaala.

 8 Bye twawulira kaakano tubirabye

Mu kibuga kya Yakuwa ow’eggye, mu kibuga kya Katonda waffe.

 9 Ai Katonda, tufumiitiriza ku kwagala kwo okutajjulukuka,+

Nga tuli mu yeekaalu yo.

10 Ai Katonda, erinnya lyo n’ettendo lyo

Bituukira ddala ensi gy’ekoma.+

11 Olusozi Sayuuni+ ka lusanyuke,

Ebibuga bya* Yuda ka bijaganye, olw’emisango gy’osala.+

12 Mutambule okwetooloola Sayuuni; mukyetooloole;

Mubale eminaala gyakyo.+

Mulambule eminaala gyakyo,

Musobole okubibuulirako emirembe egiriddawo.

14 Kubanga Katonda ono ye Katonda waffe+ emirembe n’emirembe,

Ajja kutuluŋŋamya emirembe gyonna.*+

Musseeyo omwoyo mmwe mmwenna abali mu nsi,*

 2 Ab’ekitiibwa n’abatali ba kitiibwa,*

Abagagga n’abaavu.

 3 Akamwa kange kajja kwogera eby’amagezi,

N’okufumiitiriza kw’omutima gwange+ kujja kwoleka okutegeera.

 4 Nja kwekkaanya olugero;

Nja kunnyonnyola ekikokyo kyange nga bwe nsuna entongooli.

 5 Lwaki nnanditidde mu biseera ebizibu,+

Nga nneetooloddwa ensobi z’abo abagezaako okunsuula?

 6 Abo abeesiga obugagga bwabwe,+

Era abeewaana olw’eby’obugagga byabwe ebingi,+

 7 Tewali n’omu ku bo ayinza kununula muganda we

Wadde okumuweerayo eri Katonda ekinunulo,+

 8 (Omuwendo ogusobola okununula obulamu bwabwe munene nnyo

Ne kiba nti tebasobola kugwesasulira);

 9 Asobole okubeerawo emirembe gyonna aleme kulaba kinnya.*+

10 Buli omu akiraba nti n’ab’amagezi bafa;

Abasirusiru n’abatalina magezi bazikiririra wamu,+

Obugagga bwabwe ne babulekera abalala.+

11 Emitima gyabwe gyagala ennyumba zaabwe zibeerewo emirembe n’emirembe,

Weema zaabwe zibeerewo emirembe gyonna.

12 Omuntu ne bw’aba wa kitiibwa, tasigalawo;+

Tasinga nsolo ezisaanawo.+

13 Eryo lye kkubo ly’abasirusiru,+

N’abo ababagoberera, abasanyukira ebigambo byabwe ebitaliimu. (Seera)

Okufa kwe kunaabeeranga omusumba waabwe;

Abagolokofu be bajja okubafuga+ ku makya.

Bajja kuggweerawo ddala;+

Amagombe*+ ge gajja okuba amaka gaabwe so si lubiri.+

15 Naye Katonda ajja kunnunula okuva mu maanyi* g’amagombe,*+

Ajja kunzigyayo. (Seera)

16 Totya omuntu bw’agaggawala,

Oba ekitiibwa ky’ennyumba ye bwe kyeyongera.

17 Kubanga bw’afa talina na kimu ky’ayinza kutwala;+

Ekitiibwa kye takka nakyo.+

20 Omuntu atategeera kino, ne bw’aba wa kitiibwa,+

Tasinga nsolo ezisaanawo.

50 Yakuwa Katonda wa bakatonda+ ayogedde;

Ayita ensi

Okuva ebuvanjuba okutuukira ddala ebugwanjuba.

Mu maaso ge waliwo omuliro ogusaanyaawo,+

Era yeetooloddwa omuyaga ogukunta.+

 4 Ayita eggulu n’ensi,+

Alamule abantu be:+

 5 “Nkuŋŋaanyiza abeesigwa gye ndi,

Abo abakola nange endagaano okuyitira mu ssaddaaka.”+

 6 Eggulu lirangirira obutuukirivu bwe,

Kubanga Katonda ye Mulamuzi.+ (Seera)

 7 “Muwulirize mmwe abantu bange, nange nnaayogera;

Isirayiri nja kukulumiriza.+

 8 Sikunenya lwa ssaddaaka zo,

Wadde olw’ebiweebwayo byo ebyokebwa ebibeera mu maaso gange bulijjo.+

 9 Tekinneetaagisa kuggya nte nnume mu kiraalo kyo,

Wadde embuzi* mu bisibo byo.+

10 Kubanga ensolo zonna ez’omu nsiko zange,+

Ensolo zonna eziri ku nsozi olukumi.

11 Mmanyi ebinyonyi byonna ebibeera mu nsozi;+

Ensolo ez’oku ttale ezitabalika zange.

12 Ne bwe nnandibadde nnumwa enjala, sandikubuulidde,

Kubanga ensi ne byonna ebigiriko byange.+

13 Nnaalya ennyama y’ente

Ne nnywa n’omusaayi gw’embuzi?+

14 Weebaze Katonda ekyo kibeere nga ssaddaaka gy’owaayo gy’ali,+

Sasula oyo Asingayo Okuba Waggulu ebyo bye weeyama;+

15 Onkoowoolanga ng’oli mu buzibu.+

“Ani eyakuwa olukusa okwogera ku mateeka gange,+

Oba okwogera ku ndagaano yange?+

17 Toyagala kukangavvulwa,*

Era ebigambo byange obisuula muguluka.*+

18 Bw’olaba omubbi, omuwagira,*+

Era oyita wamu n’abenzi.

20 Otuula n’oyogera ku muganda wo;+

Obikkula ensobi z’omwana* wa nnyoko.

21 Bwe wakola ebintu ebyo nnasirika,

N’olowooza nti nja kuba nga ggwe.

Naye kaakano nja kukunenya,

Era nja kukulaga ensobi zo.+

22 Mulowooze ku ekyo mmwe abeerabira Katonda,+

Nneme kubayuzaayuza nga tewali abataasa.

23 Oyo awaayo gye ndi okwebaza nga ssaddaaka, angulumiza;+

Oyo amalirira okutambulira mu kkubo ettuufu,

Ajja kulaba obulokozi obuva gye ndi.”+

 2 Nnaalizaako ddala ensobi yange,+

Nnaazaako ekibi kyange.+

 3 Ebyonoono byange mbimanyi bulungi,

Era ekibi kyange kiri mu maaso gange* buli kiseera.+

 4 Okusingira ddala nnayonoona mu maaso go,+

Nnakola ekibi mu maaso go.+

N’olwekyo obeera mutuukirivu bw’oyogera,

Era osala omusango mu ngeri entuufu.+

 5 Laba! Nnazaalibwa ndiko ekibi,

Era mu kwonoona mmange mwe yafunira olubuto lwange.*+

 6 Osanyukira amazima agali mu mutima;+

Yigiriza omutima gwange amagezi aga nnamaddala.

 7 Nnaazaako ekibi kyange ng’okozesa ezobu, mbeere mulongoofu;+

Nnaaza mbeere mweru okusinga omuzira.+

 8 Nsobozesa okuwulira amaloboozi ag’okusanyuka n’okujaguza,

Amagumba ge wabetenta gasanyuke.+

 9 Totunuulira* bibi byange,+

Era sangula ensobi zange zonna.+

10 Ntondaamu omutima omulongoofu, Ai Katonda,+

Era nteekaamu omwoyo omuggya,+ omunywevu.

11 Tongoba mu maaso go;

Era tonzigyaako mwoyo gwo omutukuvu.

12 Nziriza essanyu lye nnalina lwe wandokola;+

Nzisaamu omwoyo ogwagala okukugondera.

13 Nja kuyigiriza aboonoonyi amakubo go,+

Abakola ebibi basobole okudda gy’oli.

14 Ai Katonda, Katonda ow’obulokozi bwange,+ mponya omusango gw’okuyiwa omusaayi,+

Olulimi lwange lulyoke lulangirire n’essanyu obutuukirivu bwo.+

15 Ai Yakuwa, yasamya emimwa gyange,

Akamwa kange kalangirire ettendo lyo.+

16 Ssaddaaka si gy’oyagala—singa gy’oyagala nnandigikuwadde;+

Tosanyukira kiweebwayo ekyokebwa.+

17 Ssaddaaka ezisanyusa Katonda gwe mwoyo oguboneredde;

Omutima ogumenyese era oguboneredde toogugayenga,+ Ai Katonda.

18 Olw’obulungi bwo, kolera Sayuuni ebirungi;

Zimba bbugwe wa Yerusaalemi.

19 Awo lw’ojja okusanyukira ssaddaaka eziweebwayo mu butuukirivu,

Ssaddaaka ezookebwa era n’ebiweebwayo;

Awo ente ennume lwe zijja okuweebwayo ku kyoto kyo.+

52 Ggwe ow’amaanyi, lwaki weenyumiririza mu bikolwa byo ebibi?+

Okwagala kwa Katonda okutajjulukuka kubaawo okuzibya obudde.+

 2 Olulimi lwo olwogi ng’akamweso+

Lusala enkwe era luyiiya eby’obulimba.+

 3 Oyagala ebibi okusinga ebirungi,

Oyagala okulimba okusinga okwogera ebituufu. (Seera)

 4 Oyagala buli kigambo eky’akabi,

Ai ggwe olulimi olulimba!

 5 Katonda kyanaava akusika n’akusuulira ddala wansi;+

Ajja kukukwakkula era akusikambule mu weema yo;+

Ajja kukusimbula mu nsi y’abalamu.+ (Seera)

 6 Abatuukirivu bajja kukiraba bawuniikirire,+

Era bajja kusekerera omukozi w’ebibi.+

 7 “Omuntu ono teyafuula Katonda kiddukiro kye,*+

Naye yeesiga obugagga bwe obungi,+

Era yeesiga enkwe z’asala.”*

 8 Naye nze nja kuba ng’omuzeyituuni ogunyirira oguli mu nnyumba ya Katonda;

Obwesige bwange buli mu kwagala kwa Katonda okutajjulukuka,+ emirembe n’emirembe.

 9 Nnaakutenderezanga emirembe n’emirembe olw’ebyo by’okoze;+

Mu maaso g’abantu bo abeesigwa,

Nnaasuubiriranga mu linnya lyo,+ kubanga ky’okoze kirungi.

 2 Naye Katonda ayima mu ggulu n’atunuulira abaana b’abantu,+

Okulaba obanga waliwo ategeera, okulaba obanga waliwo anoonya Yakuwa.+

 3 Bonna bawabye,

Bonna boonoonefu;

Tewali akola birungi.

 5 Naye balifuna entiisa ey’amaanyi,

Entiisa gye batafunangako,*

Kubanga Katonda alisaasaanya amagumba g’abo abakulumba.

Yakuwa ng’akomezzaawo abantu be abaawambibwa,

Yakobo k’asanyuke, Isirayiri k’ajaguze.

54 Ai Katonda, ndokola ogulumize erinnya lyo,+

Nnwanirira+ ng’okozesa amaanyi go.

 2 Ai Katonda, wulira okusaba kwange;+

Wuliriza ebigambo ebiva mu kamwa kange.

 3 Kubanga abalabe* bannumba,

Abantu abakambwe baagala okusaanyaawo obulamu bwange.+

 4 Laba! Katonda ye muyambi wange;+

Yakuwa ali n’abo abannyamba.

55 Ai Katonda, wulira okusaba kwange,+

Era tolema kuwuliriza bwe nkusaba onsaasire.*+

Ebinneeraliikiriza bimmazeeko emirembe,+

Era nsobeddwa

 3 Olw’ebyo omulabe by’ayogera

N’olw’omubi okunkijjanya.

Bansombera emitawaana,

Bansunguwalidde era bampalana.+

 4 Omutima gwange gunnuma nnyo munda yange,+

Era entiisa y’okufa embuutikidde.+

 5 Okutya n’okukankana bintuuseeko,

N’okujugumira kunnywezezza.

 8 Nnandyanguye ne ŋŋenda mu kifo eky’okwewogomamu

Ne nva awali empewo ekunta, ne nva awali omuyaga.”

 9 Batabuletabule, Ai Yakuwa, era gootaanya enteekateeka zaabwe,*+

Kubanga ndabye ebikolwa eby’obukambwe n’obukuubagano mu kibuga.

10 Emisana n’ekiro bitambulira ku bbugwe waakyo;

Kirimu ettima n’emitawaana.+

11 Akabi kali wakati mu kyo;

Okubonyaabonya abalala n’obulimba tebiva mu kibangirizi kyakyo.+

12 Omulabe wange si y’anvuma;+

Singa bwe kiri, nnandibadde nkigumira.

Oyo ampalana si y’annumbye;

Singa bwe kibadde, nnandibadde mmwekweka.

13 Naye akola ebyo ye ggwe, omuntu alinga nze,*+

Munnange gwe mmanyi obulungi.+

14 Twali ba mukwano nnyo;

Twatambulanga n’ekibinja ky’abantu nga tugenda mu nnyumba ya Katonda.

Ka bakke emagombe* nga balamu;

Kubanga ebintu ebibi bibeera wamu nabo, era bibeera munda mu bo.

16 Naye nze, nja kukoowoola Yakuwa Katonda,

Era ajja kundokola.+

17 Akawungeezi ne ku makya ne mu ttuntu mba mweraliikirivu era nga nsinda,+

Era awulira eddoboozi lyange.+

18 Ajja kumponya* abo abannwanyisa, era ampe emirembe,

Kubanga waliwo bangi abannumba.+

19 Katonda ajja kuwulira era abeeko ky’abakola,+

Oyo atuula ku ntebe y’obwakabaka okuva edda.+ (Seera)

Abo abatatya Katonda,+

Bajja kugaana okukyuka.

21 Ebigambo bye bigonvu okusinga omuzigo,+

Naye mu mutima gwe mulimu olutalo.

Ebigambo bye biweweevu okusinga amafuta,

Naye biringa ebitala ebisowoddwayo.+

22 Omugugu gwo gutikke Yakuwa,+

Era naye anaakuwaniriranga.+

 2 Abalabe bange bannumba okuzibya obudde;

Bangi abannwanyisa n’amalala.

 4 Katonda—nnannyini kigambo kye ntendereza—

Gwe nneesiga, era sitya.

 6 Beekweka bannumbe;

Baketta buli kye nkola,+

Nga baagala okunzita.+

10 Katonda—nnannyini kigambo kye ntendereza—

Yakuwa—nnannyini kigambo kye ntendereza—

11 Katonda gwe nneesiga, era sitya.+

12 Nnina okutuukiriza bye nneeyama gy’oli, Ai Katonda;+

Nja kuwaayo gy’oli ssaddaaka ez’okwebaza.+

13 Kubanga onnunudde mu kufa+

Era ebigere byange tobiganyizza kwesittala,+

Nsobole okutambulira mu maaso ga Katonda mu kitangaala ky’abalamu.+

57 Nkwatirwa ekisa, Ai Katonda, nkwatirwa ekisa,

Kubanga nzirukira gy’oli;+

Nzirukira mu kisiikirize ky’ebiwaawaatiro byo okutuusa ng’akabi kavuddewo.+

 2 Nkoowoola Katonda Asingayo Okuba Waggulu,

Nkoowoola Katonda ow’amazima anzigya mu mitawaana.

 4 Nneetooloddwa empologoma;+

Ngalamidde mu bantu abaagala okundya,

Abalina amannyo agalinga amafumu n’obusaale,

Era abalina olulimi olulinga ekitala ekyogi.+

 5 Ogulumizibwe okusinga eggulu, Ai Katonda;

Ekitiibwa kyo ka kibeere ku nsi yonna.+

 6 Baatega ekitimba okukwasa ebigere byange;+

Nkutaamiridde olw’ennaku.+

Baasima ekinnya mu kkubo lyange;

Naye bo bennyini baakigwamu.+ (Seera)

 7 Omutima gwange munywevu, Ai Katonda,+

Omutima gwange munywevu.

 9 Ai Yakuwa, nja kukutenderereza mu bantu;+

Nja kukuyimbira mu mawanga ennyimba ezikutendereza.+

10 Kubanga okwagala kwo okutajjulukuka kungi nnyo, kuli waggulu nnyo ng’eggulu,+

N’obwesigwa bwo butuukira ddala ku bire.

11 Ogulumizibwe okusinga eggulu, Ai Katonda;

Ekitiibwa kyo ka kibeere ku nsi yonna.+

 2 Mu kifo ky’okukola bwe mutyo, mugunja ebitali bya butuukirivu mu mitima gyammwe,+

Era emikono gyammwe gibunyisa ebintu eby’akabi mu nsi.+

 3 Ababi bakwata ekkubo ekkyamu* okuva lwe bazaalibwa;*

Baba bajeemu era balimba okuva lwe bazaalibwa.

 4 Obusagwa bwabwe bulinga obusagwa bw’emisota;+

Baggavu b’amatu ng’enswera eziba amatu gaayo.

 5 Tewulira ddoboozi ly’abalogo,

Ne bwe baba bakugu batya mu by’obulogo.

 8 Ka babeere ng’ekkovu eritambula nga bwe lisaanuuka;

Ka babeere ng’omwana azaalibwa ng’afudde n’atalaba ku njuba.

 9 Ng’entamu zo tezinnayitamu muliro gw’akati ak’amaggwa,

Katonda ajja kuggyawo ettabi ebbisi n’eryo eryaka, bibe ng’ebitwalibwa omuyaga.+

59 Ai Katonda, mponya abalabe bange;+

Ntaasa abo abannwanyisa.+

 2 Mponya abo abakola ebitali bya butuukirivu,

Mponya abasajja abatemu.

 3 Laba! Banteega;+

Abasajja ab’amaanyi bannumba,

Naye si lwa kuba nti njeemye oba nti nnyonoonye,+ Ai Yakuwa.

 6 Bakomawo buli kawungeezi;+

Baboggola ng’embwa+ era batambulatambula mu kibuga.+

 7 Laba ebiva mu kamwa kaabwe;

Emimwa gyabwe giringa ebitala,+

Bagamba nti: “Ani awulira?”+

 8 Naye ggwe, Ai Yakuwa, ojja kubasekerera;+

Ojja kunyoomoola amawanga gonna.+

 9 Ai Amaanyi gange, nja kutunuulira ggwe;+

Kubanga Katonda kye kiddukiro kyange.+

10 Katonda andaga okwagala okutajjulukuka ajja kunnyamba;+

Katonda ajja kundeetera okulaba okugwa kw’abalabe bange.+

Kozesa amaanyi go obaleetere okubundabunda;

Ai Yakuwa engabo yaffe, baleetere okugwa.+

12 Olw’okwonoona kw’akamwa kaabwe, olw’ebigambo by’emimwa gyabwe,

Amalala gaabwe ka gabasuule mu mutego,+

Olw’okukolima n’okulimba olutatadde.

13 Basaanyeewo mu busungu bwo;+

Basaanyeewo baggweerewo ddala;

Baleetere okukimanya nti Katonda y’afuga mu Yakobo n’okutuuka ensi gy’ekoma.+ (Seera)

14 Ka bakomewo akawungeezi;

Ka baboggole ng’embwa era batambuletambule mu kibuga.+

15 Ka babungeete nga banoonya eky’okulya;+

Tobakkiriza kukkuta wadde okufuna aw’okusula.

16 Naye nze nja kuyimba ku maanyi go;+

Ku makya nja kwogera n’essanyu ku kwagala kwo okutajjulukuka.

Kubanga ggwe kiddukiro kyange+

Era ekifo mwe nzirukira nga ndi mu buzibu obw’amaanyi.+

17 Ai Amaanyi gange, nja kukuyimbira ennyimba ezikutendereza,+

Kubanga Katonda kye kiddukiro kyange, Katonda andaga okwagala okutajjulukuka.+

 4 Abo abakutya bawe* akabonero

Badduke baleme kulasibwa kasaale.* (Seera)

 5 Tulokole n’omukono gwo ogwa ddyo era otuddemu,+

Abo b’oyagala basobole okununulibwa.

“Nja kujaguza, Sekemu nja kumuwa abantu bange okuba obusika;+

Ekiwonvu ky’e Sukkosi+ nja kukiwa abantu bange.

 7 Gireyaadi wange ne Manase wange,+

Efulayimu ye sseppeewo y’oku mutwe gwange;*

Yuda ye ddamula* yange.+

10 Si ye ggwe, Ai Katonda eyatwesamba,

Katonda waffe atakyagenda naffe mu lutalo?+

11 Tuyambe mu buzibu bwe tulimu,

Kubanga obulokozi bw’abantu tebugasa.+

12 Katonda ajja kutuwa amaanyi,+

Era ajja kulinnyirira abalabe baffe.+

 2 Omutima gwange bwe gunaaba mu nnaku,*+

Nja kukukaabirira nga nnyima ensi gy’ekoma.

 3 Kubanga oli kiddukiro kyange,

Oli munaala oguntaasa abalabe.+

 4 Nja kubeeranga mu weema yo emirembe n’emirembe;+

Nja kuddukira wansi w’ebiwaawaatiro byo.+ (Seera)

 6 Ojja kuwangaaza kabaka,+

Era anaabeerawo emyaka n’emyaka okuva ku mulembe ogumu okutuuka ku mulembe omulala.

 7 Ajja kutuula ku ntebe y’obwakabaka* mu maaso ga Katonda emirembe n’emirembe;+

Mulage okwagala okutajjulukuka n’obwesigwa, bimukuume.+

 8 Olwo nnaayimbanga okutendereza erinnya lyo emirembe n’emirembe+

Nga bwe nsasula obweyamo bwange buli lunaku.+

 2 Lwe lwazi lwange era bwe bulokozi bwange, ekiddukiro kyange;+

Siritagala ne ngwa.+

 4 Kubanga bateesaganya okumuggya mu kifo kye ekya waggulu;*

Banyumirwa okulimba.

 5 Nnindirira Katonda+

Kubanga ye nsibuko y’essuubi lyange.+

 6 Lwe lwazi lwange era bwe bulokozi bwange, ekiddukiro kyange;

Sirisagaasagana.+

 9 Abaana b’abantu mukka bukka,

Abaana b’abantu bulimba.+

10 Teweesiganga kunyaga,

Era tolowoozanga nti oyinza okuganyulwa mu kubba.

12 Okwagala okutajjulukuka nakwo kukwo, Ai Yakuwa,+

Kubanga buli omu omusasula okusinziira ku bikolwa bye.+

Omwoyo gukunnumira,

Mu nsi enkalu era erakaasidde, etaliimu mazzi.+

 2 Kyenvudde nkulaba mu kifo ekitukuvu;

Ndabye amaanyi go n’ekitiibwa kyo.+

 3 Kubanga okwagala kwo okutajjulukuka kusinga obulamu,+

Emimwa gyange ginaakugulumizanga.+

 4 Kale nnaakutenderezanga obulamu bwange bwonna;

Nnaayimusanga emikono gyange mu linnya lyo.

 5 Mmatidde ng’omuntu alidde n’akkuta emmere esingayo obulungi,

Kyennaava nkutendereza mu ddoboozi ery’essanyu.+

 6 Nkujjukira nga ndi ku kitanda kyange;

Nkufumiitirizaako mu bisisimuka eby’ekiro.+

 7 Kubanga ggwe annyamba,+

Njogerera waggulu n’essanyu nga ndi mu kisiikirize ky’ebiwaawaatiro byo.+

 8 Nkunywereddeko;

Omukono gwo ogwa ddyo gunnyweza.+

 9 Naye abo abaagala okuzikiriza obulamu bwange*

Bajja kukka mu kinnya eky’okufa.

10 Bajja kuttibwa n’ekitala;

Bajja kufuuka mmere ya bibe.

Buli alayirira mu linnya lya Katonda ajja kujaguza,*

Kubanga akamwa k’abo aboogera eby’obulimba kajja kusirisibwa.

 2 Mponya enkwe ababi ze basala mu kyama,+

Mponya ekibinja ky’abakozi b’ebibi.

 3 Olulimi lwabwe baluwagala ng’ekitala;

Ebigambo byabwe eby’obukambwe babireega ng’obusaale,

 4 Okulasa ataliiko musango nga basinziira mu bifo gye beekweka;

Bamulasa mangu ddala awatali kutya.

 5 Banywerera ku bigendererwa byabwe ebibi;*

Bateesa ku ngeri gye bayinza okukweka emitego gyabwe.

 6 Banoonyayo engeri endala ez’okukolamu ebibi;

Basala enkwe mu kyama,+

Ebirowoozo ebiri mu mutima gwa buli omu ku bo tebitegeerekeka.

 7 Naye Katonda ajja kubalasa;+

Mangu ddala akasaale kajja kubafumita.

 8 Olulimi lwabwe lujja kubaleetera okugwa;+

Abo bonna abanaakiraba bajja kunyeenya emitwe.

 9 Abantu bonna bajja kutya;

Bajja kulangirira Katonda by’akoze,

Era bajja kutegeera ebikolwa bye.+

10 Omutuukirivu ajja kusanyuka olw’ebyo Yakuwa by’amukoledde era ajja kuddukira gy’ali;+

Abo bonna abalina omutima omugolokofu bajja kujaganya.*

65 Ai Katonda, ettendo likulindiridde mu Sayuuni;+

Tujja kutuukiriza ebyo bye tweyama gy’oli.+

 3 Ensobi zange zimpitiriddeko,+

Naye ggwe obikka ku kwonoona kwaffe.+

 4 Alina essanyu oyo gw’olonda era n’omusembeza

Okubeera mu mpya zo.+

Tujja kuba bamativu n’ebirungi eby’omu nnyumba yo,+

Yeekaalu yo entukuvu.*+

 5 Ojja kutwanukula ng’okola ebintu ebiwuniikiriza+ eby’obutuukirivu,

Ai Katonda ow’obulokozi bwaffe;

Ggwe Bwesige bw’abantu mu nsi yonna,+

N’abo abali ewala emitala w’ennyanja.

 6 Wanyweza* ensozi n’amaanyi go;

Oyambadde* amaanyi.+

 7 Okkakkanya* ennyanja ezeefuukuula,+

Okkakkanya* okuyira kw’amayengo gaazo n’oluyoogaano lw’amawanga.+

 8 Ababeera mu bitundu eby’ewala bajja kuwuniikirira olw’obubonero bwo;+

Ojja kuleetera abantu okuva ebuvanjuba okutuuka ebugwanjuba okwogerera waggulu n’essanyu.

 9 Olabirira ensi,

Ogisobozesa okubala ennyo era n’okubaamu eby’obugagga bingi nnyo.+

Omugga oguva eri Katonda gujjudde amazzi;

Owa abantu emmere,+

Bw’otyo bwe wateekateeka ensi.

10 Onnyikiza embibiro zaayo era otereeza ettaka lyayo erikabaddwa;

Otonnyesa enkuba n’oligonza; owa ebimera byayo omukisa.+

11 Omwaka ogujjuza ebirungi, n’oba ng’agutikkidde engule;

Amakubo go gajjudde ne gabooga.*+

12 Amalundiro ag’oku ttale gajjudde omuddo ogutonnyolokoka amazzi,+

N’obusozi bwambadde essanyu.+

13 Amalundiro gajjudde ebisibo,

Ebiwonvu bijjudde emmere ey’empeke.+

Olw’amaanyi go amangi,

Abalabe bo balikankanira mu maaso go.+

 4 Ensi yonna erikuvunnamira;+

Baliyimba ennyimba ezikutendereza;

Baliyimba ennyimba ezitendereza erinnya lyo.”+ (Seera)

 6 Ennyanja yagifuula olukalu;+

Baasomoka omugga ku bigere.+