Zaburi

119 Wenye furaha ni wale wasio na kosa katika njia yao,+

Wale wanaotembea katika sheria ya Yehova.+

 2 Wenye furaha ni wale wanaoshika vikumbusho vyake;+

Wanaendelea kumtafuta kwa moyo wote.+

 3 Kwa kweli hawakuzoea kufanya ukosefu wowote wa uadilifu.+

Wametembea katika njia zake.+

 4 Wewe mwenyewe umetoa maagizo yako kwa kuamuru+

Yashikwe kwa uangalifu.+

 5 Laiti njia zangu zingefanywa imara+

Ili kushika masharti yako!+

 6 Ndipo singeona aibu,+

Ninapozitazama amri zako zote.+

 7 Nitakusifu katika unyoofu wa moyo,+

Ninapojifunza maamuzi yako ya hukumu yaliyo ya uadilifu.+

 8 Ninaendelea kushika masharti yako.+

Ee, usiniache kabisa.+

 9 Kijana+ ataisafishaje njia yake?

Kwa kujilinda kulingana na neno lako.+

 10 Nimekutafuta kwa moyo wangu wote.+

Usinipotoshe niache amri zako.+

 11 Moyoni mwangu nimeweka hazina ya maneno yako,+

Ili nisikutendee dhambi.+

 12 Umebarikiwa, Ee Yehova.

Unifundishe masharti yako.+

 13 Kwa midomo yangu nimetangaza+

Maamuzi yote ya hukumu ya kinywa chako.+

 14 Nimeshangilia katika njia ya vikumbusho vyako,+

Kama vile katika mambo mengine yote yenye thamani.+

 15 Nitajishughulisha na maagizo yako,+

Nami nitayatazama mapito yako.+

 16 Nitazipenda sheria zako.+

Sitalisahau neno lako.+

 17 Umtendee mtumishi wako inavyofaa, ili nipate kuishi+

Na ili nipate kulishika neno lako.+

 18 Ufunue macho yangu, ili nipate kutazama+

Mambo ya ajabu kutoka katika sheria yako.+

 19 Mimi ni mkaaji mgeni tu katika nchi.+

Usinifiche amri zako.+

 20 Nafsi yangu imepondeka kwa kutamani+

Maamuzi yako ya hukumu wakati wote.+

 21 Umewakemea wenye kimbelembele waliolaaniwa,+

Ambao wanaziacha amri zako.+

 22 Niondolee shutuma na dharau,+

Kwa maana nimeshika vikumbusho vyako.+

 23 Hata wakuu wameketi; Wamesemezana dhidi yangu.+

Naye mtumishi wako, anajishughulisha na masharti yako.+

 24 Pia, ninavipenda vikumbusho vyako,+

Ni kama wanaume wa shauri langu.+

 25 Nafsi yangu imekuwa ikishikamana na mavumbi.+

Nihifadhi hai kulingana na neno lako.+

 26 Nimezitangaza njia zangu mwenyewe, ili unijibu.+

Unifundishe masharti yako.+

 27 Unifanye nielewe njia ya maagizo yako mwenyewe,+

Ili nipate kujishughulisha na kazi zako za ajabu.+

 28 Nafsi yangu imekosa usingizi kwa sababu ya huzuni.+

Uniinue kulingana na neno lako.+

 29 Uniondolee njia ya uwongo,+

Na kunipa kibali kwa sheria yako.+

 30 Nimeichagua njia ya uaminifu.+

Nimeyaona maamuzi yako ya hukumu kuwa yenye kufaa.+

 31 Nimeshikamana na vikumbusho vyako.+

Ee Yehova, usiniaibishe.+

 32 Nitakimbia kwenye njia ya amri zako,+

Kwa sababu wewe huufanya moyo wangu upate nafasi.+

 33 Unifundishe, Ee Yehova, njia ya masharti yako,+

Ili nipate kuishika hata ile ya mwisho.+

 34 Unifanye nielewe, ili nipate kuishika sheria yako+

Nami nipate kuishika kwa moyo wote.+

 35 Unitembeze katika njia ya amri zako,+

Kwa maana nimependezwa nayo.+

 36 Uelekeze moyo wangu kwa vikumbusho vyako,+

Wala si kwa faida.+

 37 Uyafanye macho yangu yapite ili yasione jambo lisilofaa;+

Unihifadhi hai katika njia yako mwenyewe.+

 38 Umtimizie mtumishi wako maneno yako+

Ambayo yanamwelekeza kukuogopa wewe.+

 39 Ufanye shutuma yangu ipitilie mbali, ambayo nimeiogopa,+

Kwa maana maamuzi yako ya hukumu ni mema.+

 40 Tazama! nimeyatamani maagizo yako.+

Unihifadhi hai katika uadilifu wako.+

 41 Na fadhili zako zenye upendo na zinijie, Ee Yehova,+

Wokovu wako kulingana na maneno yako,+

 42 Nipate kumjibu yeye anayenishutumu kwa neno,+

Kwa maana nimelitegemea neno lako.+

 43 Wala usiondoe kabisa neno la kweli kutoka kinywani mwangu,+

Kwa maana nimengojea uamuzi wako mwenyewe wa hukumu.+

 44 Nami nitaishika sheria yako daima,+

Mpaka wakati usio na kipimo, naam, milele.+

 45 Nami nitatembea huku na huku katika mahali penye nafasi tele,+

Kwa maana nimeyatafuta maagizo yako.+

 46 Pia nitasema juu ya vikumbusho vyako mbele ya wafalme,+

Wala sitaona aibu.+

 47 Nami nitapendezwa na amri zako+

Ambazo nimezipenda.+

 48 Nami nitainua mikono yangu kwenye amri zako ambazo nimezipenda,+

Nami nitajishughulisha mwenyewe na masharti yako.+

 49 Ulikumbuke neno lako kwa mtumishi wako,+

Ambalo umenifanya nilingojee.+

 50 Hii ndiyo faraja yangu katika mateso yangu,+

Kwa maana maneno yako mwenyewe yamenihifadhi hai.+

 51 Wenye kimbelembele wamenidharau kupindukia.+

Sijageuka kando kutoka kwenye sheria yako.+

 52 Nimeyakumbuka maamuzi yako ya hukumu tangu wakati usio na kipimo, Ee Yehova,+

Nami najipatia faraja.+

 53 Hasira inayowaka imenishika kwa sababu ya waovu,+

Wanaoiacha sheria yako.+

 54 Masharti yako yamekuwa muziki kwangu+

Katika nyumba ya makao yangu ya kigeni.+

 55 Nimekumbuka jina lako usiku, Ee Yehova,+

Ili nipate kuishika sheria yako.+

 56 Yote hayo yamekuwa yangu,

Kwa sababu nimeyashika maagizo yako.+

 57 Yehova ni fungu langu;+

Nimeahidi kuyashika maneno yako.+

 58 Nimeutuliza uso wako kwa moyo wangu wote.+

Unionyeshe kibali kulingana na maneno yako.+

 59 Nimezifikiria njia zangu,+

Ili nipate kuirudisha miguu yangu kwenye vikumbusho vyako.+

 60 Nilifanya haraka, nami sikukawia+

Kuzishika amri zako.+

 61 Kamba za waovu zilinizingira.+

Sikuisahau sheria yako.+

 62 Katikati ya usiku mimi huamka ili kukushukuru+

Kwa ajili ya maamuzi yako ya hukumu ya uadilifu.+

 63 Mimi ni mwenzao watu wote wanaokuogopa wewe,+

Na wale wanaoyashika maagizo yako.+

 64 Fadhili zako zenye upendo, Ee Yehova, zimeijaza dunia.+

Unifundishe masharti yako mwenyewe.+

 65 Umemtendea mtumishi wako vema,+

Ee Yehova, kulingana na neno lako.+

 66 Unifundishe wema,+ kuwa na akili+ na ujuzi,+

Kwa maana nimeonyesha imani katika amri zako.+

 67 Kabla ya kuteseka nilikuwa nikifanya dhambi bila kukusudia,+

Bali sasa nimelishika neno lako.+

 68 Wewe ni mwema nawe unatenda mema.+

Unifundishe masharti yako.+

 69 Wenye kimbelembele wamenipaka uwongo.+

Bali mimi, nitayashika maagizo yako kwa moyo wangu wote.+

 70 Moyo wao umekosa hisia kama mafuta.+

Mimi nami, nimependezwa na sheria yako.+

 71 Ni vema kwamba nimeteseka,+

Ili nipate kujifunza masharti yako.+

 72 Sheria+ ya kinywa chako ni njema kwangu,+

Kuliko maelfu ya vipande vya dhahabu na fedha.+

 73 Mikono yako mwenyewe imenifanya, nayo ikaniweka imara.+

Unifanye nielewe, ili nipate kujifunza amri zako.+

 74 Wale wanaokuogopa ndio wanaoniona na kushangilia,+

Kwa maana nimelingojea neno lako mwenyewe.+

 75 Najua vema, Ee Yehova, kwamba maamuzi yako ya hukumu ni uadilifu+

Na kwamba umenitesa kwa uaminifu.+

 76 Tafadhali, fadhili zako zenye upendo na zinifariji,+

Kulingana na maneno yako kwa mtumishi wako.+

 77 Rehema zako na zinijie, ili nipate kuendelea kuishi;+

Kwa maana sheria yako ndiyo inayonipendeza.+

 78 Wenye kimbelembele na waone aibu, kwa maana wamenipotosha bila sababu.+

Bali mimi, najishughulisha na maagizo yako.+

 79 Wale wanaokuogopa na warudi kwangu,+

Wale pia wanaovijua vikumbusho vyako.+

 80 Moyo wangu uwe hauna kosa katika masharti yako,+

Ili nisione aibu.+

 81 Nafsi yangu imedhoofika kwa kutamani wokovu wako;+

Neno lako nimelingojea.+

 82 Macho yangu yamedhoofika kwa kutamani maneno yako,+

Huku mimi nikisema: “Utanifariji wakati gani?”+

 83 Kwa maana nimekuwa kama kiriba+ katika moshi.

Masharti yako sijayasahau.+

 84 Siku za mtumishi wako ni ngapi?+

Utatekeleza hukumu wakati gani juu ya wale wanaonitesa?+

 85 Wenye kimbelembele wamechimba mashimo ya mtego ili wanipate,+

Wale ambao hawakubaliani na sheria yako.+

 86 Amri zako zote ni uaminifu.+

Wamenitesa bila sababu. Ee unisaidie.+

 87 Baada ya muda kidogo wangeniangamiza duniani;+

Bali mimi sikuyaacha maagizo yako.+

 88 Unihifadhi hai kulingana na fadhili zako zenye upendo,+

Ili nipate kushika kikumbusho cha kinywa chako.+

 89 Mpaka wakati usio na kipimo, Ee Yehova,+

Neno lako limesimama mbinguni.+

 90 Uaminifu wako ni wa kizazi baada ya kizazi.+

Umeiweka dunia imara, ili ipate kuendelea kusimama.+

 91 Kulingana na maamuzi yako ya hukumu, vimesimama mpaka leo,+

Kwa maana vyote hivyo ni watumishi wako.+

 92 Ikiwa singaliipenda sheria yako,+

Basi ningaliangamia katika mateso yangu.+

 93 Sitayasahau maagizo yako mpaka wakati usio na kipimo,+

Kwa sababu umenihifadhi hai kupitia hayo.+

 94 Mimi ni wako. Uniokoe,+

Kwa sababu nimeyatafuta maagizo yako.+

 95 Waovu wameningojea wapate kuniangamiza.+

Nami ninaendelea kuvikazia fikira vikumbusho vyako.+

 96 Nimeona mwisho wa ukamilifu wote.+

Amri yako ni pana sana.

 97 Jinsi ninavyoipenda sheria yako!+

Ndiyo ninayoihangaikia mchana kutwa.+

 98 Amri yako hunifanya kuwa na hekima kuliko adui zangu,+

Kwa sababu ni yangu mpaka wakati usio na kipimo.+

 99 Nimepata kuwa na ufahamu kuliko walimu wangu wote,+

Kwa sababu vikumbusho vyako ndivyo ninavyohangaikia.+

100 Najiendesha kwa uelewaji mwingi kuliko wanaume wazee,+

Kwa sababu nimeyashika maagizo yako.+

101 Nimeizuilia mbali miguu yangu kutoka katika kila pito baya,+

Kusudi nipate kulishika neno lako.+

102 Sijageuka kando kutoka katika maamuzi yako ya hukumu,+

Kwa maana wewe mwenyewe umenifundisha.+

103 Jinsi maneno yako yamekuwa laini katika kaakaa langu,

Kuliko asali kinywani mwangu!+

104 Ninajiendesha kwa uelewaji kwa sababu ya maagizo yako.+

Ndiyo sababu nimeichukia kila njia ya uwongo.+

105 Neno lako ni taa ya mguu wangu,+

Na nuru kwa barabara yangu.+

106 Nimetoa ahadi yenye kiapo, nami nitaitimiza,+

Kuyashika maamuzi yako ya hukumu ya uadilifu.+

107 Nimeteseka kwa kiasi kikubwa.+

Ee Yehova, unihifadhi hai kulingana na neno lako.+

108 Tafadhali furahia matoleo ya hiari ya kinywa changu, Ee Yehova,+

Na unifundishe maamuzi yako ya hukumu.+

109 Nafsi yangu imo mkononi mwangu daima;+

Lakini sheria yako sijaisahau.+

110 Waovu wamenitegea mtego,+

Lakini sijaondoka katika maagizo yako.+

111 Nimevichukua vikumbusho vyako kuwa ni urithi mpaka wakati usio na kipimo,+

Kwa maana hivyo ni furaha ya moyo wangu.+

112 Nimeuelekeza moyo wangu ili kuyatenda masharti yako+

Mpaka wakati usio na kipimo, mpaka lile la mwisho.+

113 Nimewachukia wenye moyo nusu nusu,+

Lakini sheria yako nimeipenda.+

114 Wewe ni mahali pangu pa kujificha na ngao yangu.+

Kwa maana nimelingojea neno lako.+

115 Ondokeni kwangu, enyi watenda-maovu,+

Ili nipate kuzishika amri za Mungu wangu.+

116 Unitegemeze kulingana na neno lako, ili niendelee kuishi,+

Wala usiniaibishe kwa ajili ya tumaini langu.+

117 Unitegemeze, ili nipate kuokolewa,+

Nami nitayaangalia masharti yako daima.+

118 Umewarusha mbali wale wote wanaoondoka katika masharti yako;+

Kwa maana ujanja wao ni uwongo.+

119 Umewakomesha waovu wote wa dunia kama takataka.+

Kwa hiyo nimevipenda vikumbusho vyako.+

120 Mwili wangu umetetemeka kwa sababu ya kukuhofu;+

Nami nimeogopa kwa sababu ya maamuzi yako ya hukumu.+

121 Nimetekeleza hukumu na uadilifu.+

Usiniache mikononi mwa wale wanaonipunja!+

122 Uwe mdhamini wa mtumishi wako kwa ajili ya lililo jema.+

Wenye kimbelembele wasinipunje.+

123 Macho yangu yamedhoofika kwa ajili ya wokovu wako+

Na kwa ajili ya neno lako la uadilifu.+

124 Mtendee mtumishi wako kulingana na fadhili zako zenye upendo,+

Na unifundishe masharti yako mwenyewe.+

125 Mimi ni mtumishi wako.+ Nifanye nielewe,+

Ili nipate kuvijua vikumbusho vyako.+

126 Ni wakati wa Yehova kutenda.+

Wameivunja sheria yako.+

127 Ndiyo sababu nimezipenda amri zako+

Kuliko dhahabu, naam, dhahabu safi.+

128 Ndiyo sababu nimeyaona maagizo yote juu ya mambo yote kuwa ni sawa;+

Nimechukia kila njia ya uwongo.+

129 Vikumbusho vyako ni vizuri ajabu.+

Ndiyo sababu nafsi yangu imevishika.+

130 Kufunuliwa kwa maneno yako hutoa nuru,+

Kukiwafanya wasio na uzoefu waelewe.+

131 Nimekifungua kinywa changu wazi, ili nipate kupumua,+

Kwa sababu nimezitamani amri zako.+

132 Unigeukie na kunionyesha kibali,+

Kulingana na uamuzi wako wa hukumu kuwaelekea wale wanaolipenda jina lako.+

133 Uweke imara hatua zangu katika maneno yako,+

Wala namna yoyote ya jambo lenye kuumiza lisinitawale.+

134 Unikomboe na yeyote anayewapunja wanadamu,+

Nami nitayashika maagizo yako.+

135 Ufanye uso wako umwangazie mtumishi wako,+

Na unifundishe masharti yako.+

136 Vijito vya maji vimetiririka kutoka machoni pangu+

Kwa sababu hawakuishika sheria yako.+

137 Wewe ni mwadilifu, Ee Yehova,+

Nayo maamuzi yako ya hukumu ni manyoofu.+

138 Umeviamuru vikumbusho+ vyako kwa uadilifu

Na kwa uaminifu mwingi.+

139 Bidii yangu imenimaliza,+

Kwa sababu wapinzani wangu wameyasahau maneno yako.+

140 Neno lako ni safi sana,+

Na mtumishi wako analipenda.+

141 Mimi ni mnyonge na wa kudharaulika.+

Sijayasahau maagizo

yako.+

142 Uadilifu wako ni uadilifu wa mpaka wakati usio na kipimo,+

Na sheria yako ni kweli.+

143 Nilipata taabu na magumu.+

Nilipendezwa na amri zako.+

144 Uadilifu wa vikumbusho vyako ni wa mpaka wakati usio na kipimo.+

Nifanye nielewe, ili nipate kuendelea kuishi.+

145 Nimeita kwa moyo wangu wote.+ Unijibu, Ee Yehova.+

Nitayashika masharti yako.+

146 Nimekuitia wewe. Uniokoe!+

Nami nitavishika vikumbusho vyako.+

147 Nimeamka mapema wakati wa mapambazuko ya asubuhi,+ ili nipate kulilia msaada.+

Kwa maana nimeyangojea maneno yako.+

148 Macho yangu yametangulia makesha ya usiku,+

Ili nijishughulishe na neno lako.+

149 Uisikie sauti yangu kulingana na fadhili zako zenye upendo.+

Ee Yehova, unihifadhi hai kulingana na uamuzi wako wa hukumu.+

150 Wale wanaofuatilia mwenendo mpotovu+ wamekaribia;

Wameenda mbali na sheria yako.+

151 Wewe uko karibu, Ee Yehova+

Na amri zako zote

ni kweli.+

152 Zamani za kale nimejua baadhi ya vikumbusho vyako,+

Kwa maana umeviwekea msingi tangu zamani za kale.+

153 Uone mateso yangu na kuniokoa;+

Kwa maana sijaisahau sheria yako mwenyewe.+

154 Uendeshe kesi yangu na kunikomboa;+

Unihifadhi hai kulingana na neno lako.+

155 Wokovu uko mbali sana na waovu,+

Kwa maana hawajayatafuta masharti yako.+

156 Rehema zako ni nyingi, Ee Yehova.+

Unihifadhi hai kulingana na maamuzi yako ya hukumu.+

157 Wanaonitesa na adui zangu ni wengi.+

Sijaondoka katika vikumbusho vyako.+

158 Nimewaona wale wanaotenda kwa hila,+

Nami nimechukizwa, kwa sababu hawakulishika neno lako.+

159 Uone kwamba nimeyapenda maagizo yako.+

Ee Yehova, unihifadhi hai kulingana na fadhili zako zenye upendo.+

160 Kiini cha neno lako ni kweli,+

Na kila uamuzi wako wa hukumu wa uadilifu ni wa mpaka wakati usio na kipimo.+

161 Wakuu wamenitesa bila sababu,+

Lakini moyo wangu umekuwa ukiyahofu maneno yako.+

162 Ninafurahi kwa sababu ya neno lako+

Kama vile mtu anavyofanya anapopata nyara nyingi.+

163 Nimeuchukia uwongo,+ nami naendelea kuuchukia.+

Sheria yako nimeipenda.+

164 Mara saba wakati wa mchana nimekusifu+

Kwa sababu ya maamuzi yako ya hukumu ya uadilifu.+

165 Wale wanaoipenda sheria yako wana amani nyingi,+

Na hakuna kitu cha kuwakwaza.+

166 Nimeutumainia wokovu wako, Ee Yehova,+

Nami nimezitenda amri zako.+

167 Nafsi yangu imeshika vikumbusho vyako,+

Nami navipenda sana.+

168 Nimeyashika maagizo yako na vikumbusho vyako,+

Kwa maana njia zangu zote ziko mbele zako.+

169 Kilio changu cha kusihi na kije karibu mbele zako,

Ee Yehova.+

Kulingana na neno lako, nifanye nielewe.+

170 Ombi langu la kutaka kibali na liingie mbele zako.+

Kulingana na neno lako, unikomboe.+

171 Midomo yangu na ibubujike sifa,+

Kwa maana unanifundisha masharti yako.+

172 Ulimi wangu na uimbe maneno yako,+

Kwa maana amri zako zote ni uadilifu.+

173 Mkono wako na unisaidie,+

Kwa sababu nimeyachagua maagizo yako.+

174 Nimeutamani wokovu wako, Ee Yehova,+

Nami naipenda sheria yako.+

175 Nafsi yangu na iendelee kuishi na kukusifu,+

Nayo maamuzi yako ya hukumu na yanisaidie.+

176 Nimetanga-tanga kama kondoo aliyepotea.+ Umtafute mtumishi wako,+

Kwa maana sijazisahau amri zako.+