ZABURI

1 Mwenye furaha ni mtu ambaye hatembei katika mashauri ya waovu

Na hasimami katika njia ya watenda dhambi+

Naye haketi katika kiti cha wenye dhihaka.+

 2 Lakini anapendezwa na sheria ya Yehova,+

Naye huisoma sheria Yake kwa sauti ya chini* mchana na usiku.+

 3 Atakuwa kama mti uliopandwa kando ya vijito vya maji,

Mti unaozaa matunda katika majira yake,

Na majani yake hayanyauki.

 4 Waovu hawako hivyo;

Wao ni kama makapi yanayopeperushwa mbali na upepo.

 5 Ndiyo sababu waovu hawataendelea kusimama katika hukumu;+

Wala watenda dhambi hawataendelea kusimama katika kusanyiko la waadilifu.+

 6 Kwa maana Yehova anaijua njia ya waadilifu,+

Lakini njia ya waovu itaangamia.+

2 Kwa nini mataifa yana msukosuko

Na watu wananong’ona* kuhusu jambo lisilo na maana?+

 2 Wafalme wa dunia wanajipanga

Na maofisa wakuu wanakusanyika* pamoja kama kitu kimoja+

Dhidi ya Yehova na dhidi ya mtiwa-mafuta* wake.+

 3 Wanasema: “Na tuzikate pingu zao

Na kuzitupa kamba zao!”

 4 Yule anayeketi kwenye kiti cha ufalme mbinguni atacheka;

Yehova atawadhihaki.

 5 Wakati huo ataongea nao kwa hasira yake

Na kuwatisha kwa hasira yake inayowaka,

 6 Akisema: “Mimi mwenyewe nimemweka mfalme wangu+

Juu ya Sayuni,+ mlima wangu mtakatifu.”

 7 Acheni nitangaze agizo la Yehova;

Aliniambia: “Wewe ni mwanangu;+

Leo nimekuwa baba yako.+

 8 Niombe, nami nitakupa mataifa kuwa urithi wako

Na miisho ya dunia kuwa miliki yako.+

 9 Utawavunja kwa fimbo ya mfalme ya chuma,+

Nawe utawavunjavunja kama chombo cha udongo.”+

10 Basi sasa, enyi wafalme, onyesheni ufahamu;

Kubalini kurekebishwa,* enyi waamuzi wa dunia.

11 Mtumikieni Yehova kwa woga,

Na mshangilie mkitetemeka.

12 Mheshimuni* mwana,+ la sivyo Mungu atawaka hasira

Nanyi mtaangamia kutoka njiani,+

Kwa maana hasira Yake huwaka upesi.

 3 Lakini wewe, Ee Yehova, ni ngao kunizunguka,+

Utukufu wangu+ na Yule anayekiinua kichwa changu.+

 4 Nitamlilia Yehova kwa sauti kubwa,

Naye atanijibu kutoka kwenye mlima wake mtakatifu.+ (Sela)

 5 Nitajilaza chini na kulala usingizi;

Nami nitaamka nikiwa salama,

Kwa maana Yehova anaendelea kunitegemeza.+

 6 Siogopi makumi ya maelfu

Waliojipanga dhidi yangu kila upande.+

Kwa maana utawapiga maadui wangu wote kwenye utaya;

Utayavunja meno ya waovu.+

 3 Jueni kwamba Yehova atamtendea mshikamanifu wake kwa njia ya pekee;*

Yehova atasikia ninapomlilia.

 5 Toa dhabihu za uadilifu,

Na umtumaini Yehova.+

 7 Umeujaza moyo wangu shangwe nyingi sana

Kuliko wale walio na mavuno mengi sana ya nafaka na divai mpya.

 8 Nitajilaza chini na kulala usingizi kwa amani,+

Kwa maana wewe peke yako, Ee Yehova, hunifanya niishi kwa usalama.+

5 Sikiliza maneno yangu, Ee Yehova;+

Sikiliza kwa makini kilio changu cha uchungu.

 2 Sikiliza kilio changu cha kuomba msaada,

Ee Mfalme wangu na Mungu wangu, kwa sababu ninasali kwako.

 3 Ee Yehova, utasikia sauti yangu asubuhi;+

Asubuhi nitakueleza mahangaiko yangu+ na kusubiri kwa hamu.

 4 Kwa maana wewe si Mungu anayefurahia uovu;+

Hakuna mtu yeyote mwovu anayeweza kukaa nawe.+

Unawachukia wale wote wanaotenda maovu;+

 6 Utawaangamiza wale wanaosema uwongo.+

 7 Lakini nitaingia katika nyumba yako+ kwa sababu ya upendo wako mwingi mshikamanifu;+

Nitainama chini kuelekea hekalu lako takatifu* nikiwa na heshima na woga kukuelekea.+

 8 Niongoze, Ee Yehova, katika uadilifu wako kwa sababu ya maadui wangu;

Ifanye njia yako iwe wazi kwangu.+

 9 Kwa maana hakuna lolote wanalosema linaloweza kutumainiwa;

Ndani yao hamna lolote isipokuwa nia ya kudhuru.

Koo lao ni kaburi lililo wazi;

Wanasifusifu kwa ulimi wao.*+

10 Lakini Mungu atawatangaza kuwa na hatia;

Njama zao wenyewe zitasababisha waanguke.+

Na wafukuzwe kwa sababu ya dhambi zao nyingi,

Kwa maana wamekuasi wewe.

11 Lakini wale wote wanaokukimbilia watashangilia;+

Watapaza sauti kwa shangwe daima.

Nawe utawakinga wasifikiwe,

Na wale wanaolipenda jina lako watashangilia kwa sababu yako.

12 Kwa maana utambariki yeyote aliye mwadilifu, Ee Yehova;

Utawazunguka kwa kibali kana kwamba kwa ngao kubwa.+

6 Ee Yehova, usinikaripie katika hasira yako,

Na usinirekebishe katika ghadhabu yako.+

 3 Naam, ninasumbuka* sana,+

Nami nakuuliza, Ee Yehova—nitasumbuka mpaka lini?+

 4 Rudi, Ee Yehova, uniokoe;*+

Niokoe kwa ajili ya upendo wako mshikamanifu.+

 5 Kwa maana waliokufa hawakutaji;*

Katika kaburi,* ni nani atakayekusifu?+

 6 Nimechoka kwa sababu ya kulia kwa uchungu;+

Usiku kucha ninakilowesha kitanda changu kwa machozi;*

Kochi langu nalifanya lifurike kwa machozi.+

 7 Jicho langu limedhoofika kwa sababu ya huzuni yangu;+

Limeingia giza* kwa sababu ya wote wanaoninyanyasa.

 8 Niondokeeni, ninyi nyote mnaotenda maovu,

Kwa maana Yehova atasikia sauti ya kilio changu.+

 9 Yehova atasikia ombi langu la kutaka kibali;+

Yehova ataikubali sala yangu.

10 Maadui wangu wote wataaibishwa na kutamaushwa;

Watarudi nyuma ghafla kwa aibu.+

 2 La sivyo watanirarua* vipandevipande kama simba anavyofanya,+

Watanibeba na kwenda nami pasipo na yeyote wa kuniokoa.

 3 Ee Yehova Mungu wangu, ikiwa nimekosea katika jambo hili,

Ikiwa nimetenda isivyo haki,

 4 Ikiwa nimemkosea anayenitendea wema,+

Au ikiwa nimempora adui yangu bila sababu,*

 5 Basi acha adui anikimbize na kunipita;*

Acha aukanyagie uhai wangu ardhini

Na kuufanya utukufu wangu utokomee mavumbini. (Sela)

 6 Inuka katika hasira yako, Ee Yehova;

Simama ukabiliane na hasira kali ya maadui wangu;+

Amka kwa ajili yangu, na uamuru kwamba haki itendeke.+

 7 Acha mataifa yakuzingire;

Nawe utachukua hatua dhidi yao kutoka juu.

Nihukumu, Ee Yehova, kulingana na uadilifu wangu

Na kulingana na utimilifu wangu.+

Lakini umwimarishe mwadilifu,+

Kwa kuwa wewe ni Mungu mwadilifu+ anayechunguza mioyo+ na hisia zilizo ndani kabisa.*+

11 Mungu ni Mwamuzi mwadilifu,+

Na Mungu huzitangaza hukumu zake* kila siku.

12 Mtu yeyote asipotubu,+ Yeye huunoa upanga wake;+

Huukunja upinde wake na kuuweka tayari.+

13 Hutayarisha silaha zake zinazoua;

Huweka tayari mishale yake inayowaka moto.+

14 Mtazame yule aliye na mimba ya uovu;

Hutunga mimba ya matatizo na kuzaa uwongo.+

15 Huchimba shimo na kuzidisha kina chake,

Lakini huanguka katika shimo hilohilo alilolichimba.+

16 Matatizo anayosababisha yatarudi juu ya kichwa chake mwenyewe;+

Ukatili wake utaanguka juu ya utosi wa kichwa chake.

17 Nitamsifu Yehova kwa sababu ya haki yake;+

Nitaliimbia sifa* jina la Yehova+ Aliye Juu Zaidi.+

8 Ee Yehova Bwana wetu, jinsi jina lako lilivyo kuu katika dunia yote;

Umeweka fahari yako juu zaidi hata kuliko mbingu!*+

 2 Kutoka katika vinywa vya watoto wadogo na wanaonyonya+ umeimarisha nguvu

Kwa sababu ya maadui wako,

Ili kumnyamazisha adui na yule anayelipiza kisasi.

 3 Ninapoziona mbingu zako, kazi za vidole vyako,

Mwezi na nyota ambazo umetayarisha,+

 4 Mwanadamu anayeweza kufa ni nini hivi kwamba unamweka akilini,

Na mwana wa mtu hivi kwamba unamtunza?+

 5 Ulimfanya awe mdogo kidogo kuliko wale walio kama Mungu,*

Nawe ukamvika taji la utukufu na fahari.

 6 Ulimpa mamlaka juu ya kazi za mikono yako;+

Umeweka kila kitu chini ya miguu yake:

 7 Kondoo wote na ng’ombe wote,

Na pia wanyama wa mwituni,+

 8 Ndege wa angani na samaki wa baharini,

Kitu chochote kinachopita katika njia za baharini.

9 Nitakusifu, Ee Yehova, kwa moyo wangu wote;

Nitasimulia kuhusu kazi zako zote zinazostaajabisha.+

 2 Nitafurahi na kushangilia kwa sababu yako;

Nitaliimbia sifa* jina lako, Ee Uliye Juu Zaidi.+

 3 Maadui wangu wanapokimbia,+

Watajikwaa na kuangamia kutoka mbele zako.

 4 Kwa maana unatetea njia yangu ya haki;

Unaketi kwenye kiti chako cha ufalme ukihukumu kwa uadilifu.+

 5 Umeyakemea mataifa+ na kuwaangamiza waovu,

Na hivyo kulifuta jina lao milele na milele.

 6 Maadui wameangamizwa milele;

Uliyang’oa majiji yao,

Na kumbukumbu lote kuwahusu litatoweka.+

 7 Lakini Yehova ameketi kwenye kiti cha ufalme milele;+

Amekiimarisha kabisa kiti chake cha ufalme kwa ajili ya haki.+

 8 Ataihukumu kwa uadilifu dunia inayokaliwa;+

Atayahukumu mataifa kwa kutoa maamuzi ya uadilifu.+

 9 Yehova atakuwa kimbilio salama* kwa wanaokandamizwa,+

Kimbilio salama katika nyakati za taabu.+

10 Wale wanaolijua jina lako watakutumaini wewe;+

Hutawaacha kamwe wale wanaokutafuta, Ee Yehova.+

11 Mwimbieni sifa Yehova, anayekaa Sayuni;

Tangazeni matendo yake miongoni mwa mataifa.+

12 Kwa maana Yule anayelipiza kisasi kwa ajili ya damu yao anawakumbuka;+

Hatasahau kilio cha wanaoteseka.+

13 Nionyeshe kibali, Ee Yehova; angalia ninavyoteswa na wale wanaonichukia,

Wewe unayeniinua kutoka katika malango ya kifo,+

14 Ili nitangaze katika malango ya binti ya Sayuni matendo yako yanayostahili sifa,+

Na kushangilia kwa sababu ya matendo yako ya wokovu.+

15 Mataifa yamezama chini katika shimo walilochimba;

Mguu wao wenyewe umenaswa katika wavu waliouficha.+

17 Waovu watageuka na kuelekea Kaburini,*

Mataifa yote yanayomsahau Mungu.

18 Lakini maskini hawatasahauliwa daima;+

Wala tumaini la wapole halitapotea kamwe.+

20 Wapige kwa woga, Ee Yehova,+

Acha mataifa yajue kwamba wao ni wanadamu tu wanaoweza kufa. (Sela)

 2 Mwovu humfuatia kwa kiburi mtu asiye na uwezo,+

Lakini atanaswa katika njama anazopanga.+

 3 Kwa maana mwovu hujigamba kuhusu tamaa zake za kichoyo*+

Naye humbariki mwenye pupa;*

נ [Nun]

 4 Kwa sababu ya kiburi chake, mwovu hafanyi uchunguzi wowote;

Mawazo yake yote ni: “Hakuna Mungu.”+

 5 Njia zake huendelea kufanikiwa,+

Lakini hukumu zako zimepita uelewaji wake;+

Huwadhihaki* maadui wake wote.

 6 Anasema moyoni mwake: “Sitatikiswa kamwe;*

Kizazi baada ya kizazi

Sitaona msiba kamwe.”+

 7 Kinywa chake kimejaa laana, uwongo, na vitisho;+

Chini ya ulimi wake kuna taabu na madhara.+

 8 Huvizia karibu na makao;

Kutoka mahali anapojificha humuua mtu asiye na hatia.+

10 Mtu huyo hupondwa na kuangushwa chini;

Watu wasio na kosa huanguka mikononi mwake.*

Mtu huyo asiye na kosa hukugeukia wewe;+

Wewe ndiye msaidizi wa yatima.+

15 Uvunje mkono wa mtu mwovu na mbaya,+

Ili utakapoutafuta uovu wake,

Hutaupata tena.

18 Utawatendea haki mayatima na wale wanaopondwa,+

Ili mwanadamu anayeweza kufa ambaye ni mavumbi asiwaogopeshe tena.+

 2 Tazama jinsi waovu wanavyoukunja upinde;

Huutia mshale wao kwenye kamba ya upinde,

Ili wawapige kutoka gizani wale walio wanyoofu moyoni.

 3 Misingi* inapobomolewa,

Mtu mwadilifu anaweza kufanya nini?”

 5 Yehova humchunguza mwadilifu na pia mwovu;+

Humchukia* mtu yeyote anayependa ukatili.+

 6 Atawanyeshea waovu mitego;*

Moto na kiberiti+ na upepo unaounguza vitakuwa fungu la kikombe chao.

12 Niokoe, Ee Yehova, kwa maana mtu mshikamanifu hayupo tena;

Watu waaminifu wametoweka kutoka miongoni mwa wanadamu.

 2 Wanaambiana uwongo;

Wanasifusifu kwa midomo yao* na kuzungumza kwa mioyo midanganyifu.*+

 3 Yehova ataikata kabisa midomo yote inayosifusifu

Na ulimi unaojigamba kupindukia,+

 4 Wale wanaosema: “Tutashinda kwa ndimi zetu.

Tunatumia midomo yetu tupendavyo;

Ni nani atakayekuwa bwana mkubwa wetu?”+

 5 “Kwa sababu wale wanaoteswa wanakandamizwa,

Kwa sababu ya kilio cha uchungu cha maskini,+

Nitainuka na kutenda,” asema Yehova.

 6 Maneno ya Yehova ni safi;+

Ni kama fedha iliyosafishwa katika tanuru la udongo,* iliyosafishwa mara saba.

 7 Utawalinda, Ee Yehova;+

Utamlinda kila mmoja wao milele kutokana na kizazi hiki.

 8 Waovu wanatembea huku na huku kwa uhuru

Kwa sababu wanadamu wanaendeleza upotovu.+

 2 Nitahangaika kwa wasiwasi mpaka lini,

Nikiwa na huzuni moyoni mwangu kila siku?

Yatie nuru macho yangu, ili nisilale usingizi katika kifo,

 4 Ili adui yangu asiseme: “Nimemshinda!”

 5 Lakini mimi, ninautumaini upendo wako mshikamanifu;+

Moyo wangu utashangilia kwa sababu ya matendo yako ya wokovu.+

Matendo yao yamepotoka, na shughuli zao zinachukiza;

Hakuna yeyote anayetenda mema.+

 2 Lakini Yehova anawatazama wanadamu kutoka mbinguni

Ili aone ikiwa kuna yeyote aliye na ufahamu, ikiwa kuna yeyote anayemtafuta Yehova.+

 3 Wote wamegeuka kando;+

Wote wamepotoka.

Hakuna yeyote anayetenda mema,

Hakuna hata mmoja.

 5 Lakini watajawa na hofu kubwa,+

Kwa maana Yehova yuko pamoja na kizazi cha waadilifu.

 6 Ninyi waovu hujaribu kuharibu mipango ya mtu wa hali ya chini,

Lakini Yehova ni kimbilio lake.+

Yehova anapowakusanya tena watu wake waliotekwa,

Yakobo na ashangilie, Israeli na afurahi.

 2 Yule anayetembea bila kosa,*+

Anayezoea kutenda yaliyo sawa+

Na kusema ukweli moyoni mwake.+

 3 Hachongei kwa ulimi wake,+

Hamtendei jirani yake jambo lolote ovu,+

Naye hawaharibii sifa* rafiki zake.+

 4 Humkataa mtu yeyote anayedharauliwa,+

Lakini huwaheshimu wale wanaomwogopa Yehova.

 5 Hakopeshi pesa zake kwa faida,+

Naye hakubali rushwa ili kumkandamiza asiye na hatia.+

 3 Na watakatifu walio duniani,

Watukufu, ndio ninaopendezwa nao sana.”+

Sitamimina kamwe matoleo yao ya vinywaji ya damu,

Wala midomo yangu haitataja majina yao.+

Shangwe tele iko mbele zako;*+

Kuna furaha* kwenye mkono wako wa kuume milele.

17 Sikia sihi yangu ya kuomba haki, Ee Yehova;

Sikiliza kilio changu cha kuomba msaada;

Sikiliza sala yangu ninayosema bila udanganyifu.+

 2 Nawe ufanye uamuzi wa haki kwa niaba yangu;+

Macho yako na yaone yaliyo sawa.

 3 Umeuchunguza moyo wangu, umenikagua wakati wa usiku;+

Umenisafisha;+

Utagundua kwamba sijapanga njama ya kutenda uovu wowote,

Na kinywa changu hakijatenda dhambi.

 4 Kuhusiana na shughuli za wanadamu,

Kulingana na neno la midomo yako, ninaepuka njia za mnyang’anyi.+

 5 Acha hatua zangu zibaki kwenye njia zako

Ili miguu yangu isijikwae.+

 7 Onyesha upendo wako mshikamanifu kwa njia yenye kustaajabisha,+

Ee Mwokozi wa wale wanaokimbilia mkono wako wa kuume

Kutoka kwa wale wanaokuasi.

 8 Nilinde kama mboni ya jicho lako;+

Nifiche katika kivuli cha mabawa yako.+

 9 Nilinde kutokana na waovu wanaonishambulia,

Kutokana na maadui wangu* wanaoweza kufa ambao wananizingira.+

10 Wamekufa ganzi;*

Kwa kinywa chao wanaongea kwa kiburi;

11 Sasa wanatuzingira;+

Wanatafuta nafasi ya kutuangusha.*

12 Yeye ni kama simba anayetamani kurarua windo lake vipandevipande,

Kama mwanasimba anayenyemelea mafichoni.

13 Inuka, Ee Yehova, ukabiliane naye+ na kumwangusha chini;

Niokoe* kutoka kwa mwovu kwa kutumia upanga wako;

14 Niokoe kwa mkono wako, Ee Yehova,

Kutoka kwa watu wa ulimwengu huu,* ambao fungu lao liko katika maisha haya,+

Wale ambao unawajaza kwa vitu vizuri unavyoandaa+

Na ambao huwaachia urithi wana wao wengi.

15 Lakini mimi, nitauona uso wako kwa sababu ya uadilifu wangu;

Ninaridhika kuamka mbele zako.*+

Mungu wangu ni mwamba wangu,+ ninayemkimbilia,

Ngao yangu na pembe* yangu ya wokovu,* kimbilio langu salama.*+

 3 Ninamlilia Yehova, anayestahili kusifiwa,

Nami nitaokolewa kutoka kwa maadui wangu.+

 4 Kamba za kifo zilinizunguka;+

Mafuriko ya ghafla ya watu wasiofaa kitu yaliniogopesha.+

 5 Kamba za Kaburi* zilinizunguka;

Mitego ya kifo ilinikabili.+

 6 Katika taabu yangu nilimwita Yehova,

Niliendelea kumlilia Mungu wangu anisaidie.

Akiwa katika hekalu lake aliisikia sauti yangu,+

Na kilio changu cha kumwomba msaada kilifika masikioni mwake.+

 7 Kisha dunia ikaanza kutetemeka na kutikisika;+

Misingi ya milima ikasukasuka

Nayo ikatikisika huku na huku kwa sababu alikuwa amekasirishwa.+

 8 Moshi ulipanda kutoka katika mianzi ya pua yake,

Na moto unaoteketeza kabisa ukatoka kinywani mwake;+

Makaa ya mawe yanayowaka moto mkali yakatoka kwake.

 9 Alizifanya mbingu zijikunje alipokuwa akishuka,+

Na giza zito lilikuwa chini ya miguu yake.+

11 Kisha akajifunika giza,+

Pande zote kama banda,

Maji yenye giza na mawingu mazito.+

12 Kutoka katika mwangaza ulio mbele zake

Mvua ya mawe na makaa ya mawe yanayowaka moto yakapasua mawingu.

13 Kisha Yehova akaanza kunguruma mbinguni;+

Aliye Juu Zaidi aliifanya sauti yake isikike+

Kwa mvua ya mawe na makaa ya mawe yanayowaka moto.

14 Alipiga mishale yake akawatawanya;+

Alivurumisha radi yake akawavuruga.+

15 Sakafu za vijito zikaonekana;*+

Misingi ya nchi ikafunuliwa kwa kemeo lako, Ee Yehova,

Kwa mlipuko wa pumzi kutoka katika mianzi ya pua yako.+

16 Aliunyoosha mkono wake kutoka juu;

Alinishika na kunivuta kutoka katika maji yenye kina.+

17 Aliniokoa kutoka kwa adui yangu mwenye nguvu,+

Kutoka kwa wale wanaonichukia, waliokuwa na nguvu nyingi kuliko mimi.+

18 Walinikabili katika siku ya msiba wangu,+

Lakini Yehova alikuwa tegemeo langu.

19 Alinitoa nje na kunileta mahali penye usalama;*

Aliniokoa kwa sababu alipendezwa nami.+

20 Yehova hunithawabisha kulingana na uadilifu wangu;+

Hunilipa kulingana na usafi* wa mikono yangu.+

21 Kwa maana nimezishika njia za Yehova,

Nami sijamwacha kwa uovu Mungu wangu.

22 Hukumu zake zote ziko mbele yangu;

Sitazipuuza sheria zake.

23 Nitabaki bila lawama mbele zake,+

Nami nitajiepusha na uovu.+

24 Yehova na anilipe kulingana na uadilifu wangu,+

Kulingana na usafi* wa mikono yangu mbele zake.+

25 Kwa mtu mshikamanifu unatenda kwa ushikamanifu;+

Kwa mtu asiye na lawama unatenda bila lawama;+

26 Kwa walio safi unajidhihirisha mwenyewe kuwa safi,+

Lakini kwa waliopotoka unajidhihirisha mwenyewe kuwa mwenye busara.+

27 Kwa maana wewe huwaokoa watu wa hali ya chini*+

Lakini unawashusha wenye kiburi.*+

28 Kwa maana ni wewe unayeiwasha taa yangu, Ee Yehova,

Mungu wangu ambaye hulifanya giza langu liangaze.+

29 Kwa msaada wako ninaweza kukabiliana na kundi la wavamizi;+

Kwa nguvu za Mungu ninaweza kuupanda ukuta.+

30 Njia ya Mungu wa kweli ni kamilifu;+

Neno la Yehova ni safi.+

32 Mungu wa kweli ndiye anayenivisha nguvu,+

Naye ataifanya njia yangu iwe kamilifu.+

33 Huifanya miguu yangu iwe kama ya paa;

Hunifanya nisimame mahali palipo juu.+

34 Huizoeza mikono yangu kupigana vita;

Mikono yangu inaweza kuukunja upinde wa shaba.

35 Wewe hunipa ngao yako ya wokovu,+

Mkono wako wa kuume hunitegemeza,*

Na unyenyekevu wako hunifanya niwe mkuu.+

36 Unapanua njia kwa ajili ya hatua zangu;

Miguu yangu haitateleza.*+

37 Nitawafuatia maadui wangu na kuwapita;

Sitarudi mpaka watakapoangamizwa kabisa.

38 Nitawaponda wasiweze kuinuka;+

Wataanguka chini ya miguu yangu.

39 Utanipa nguvu kwa ajili ya vita;

Utawafanya maadui wangu waanguke chini yangu.+

40 Utawafanya maadui wangu wanikimbie,*

Nami nitawakomesha* wale wanaonichukia.+

41 Wanalilia msaada, lakini hakuna mtu wa kuwaokoa;

Hata wanamlilia Yehova, lakini yeye hawajibu.

42 Nitawaponda wawe laini kama mavumbi katika upepo;

Nitawatupa nje kama matope barabarani.

44 Watanitii watakaposikia fununu tu;

Wageni watakuja wakijikunyata mbele zangu.+

45 Wageni watakosa ujasiri;*

Watakuja wakitetemeka kutoka katika ngome zao.

47 Mungu wa kweli hunilipizia kisasi;+

Huyatiisha mataifa chini yangu.

48 Yeye huniokoa kutoka kwa maadui wangu wenye hasira;

Unaniinua juu ya wale wanaonishambulia;+

Unaniokoa kutoka kwa mtu mkatili.

49 Ndiyo sababu nitakutukuza wewe miongoni mwa mataifa, Ee Yehova,+

Nami nitaliimbia sifa* jina lako.+

50 Yeye hutenda matendo makuu ya wokovu kwa ajili ya mfalme wake;*+

Humtendea mtiwa-mafuta wake kwa upendo mshikamanifu,+

Kwa Daudi na kwa uzao wake* milele.+

19 Mbingu zinatangaza utukufu wa Mungu;+

Na anga lililo juu linatangaza kazi ya mikono yake.+

 2 Siku baada ya siku zinabubujisha maneno yake,

Na usiku baada ya usiku zinafunua ujuzi.

 3 Hakuna usemi, wala hakuna maneno;

Sauti zake hazisikiki.

 4 Lakini sauti zake zimefika* katika dunia yote,

Na ujumbe wake umefika mpaka kwenye miisho ya dunia inayokaliwa.+

Amepiga hema mbinguni kwa ajili ya jua;

 5 Ni kama bwana harusi anayetoka katika chumba chake;

Linashangilia kama mwanamume hodari anayekimbia kwenye njia yake.

 6 Linachomoza kutoka mwisho mmoja wa mbingu,

Nalo huzunguka mpaka mwisho mwingine;+

Na hakuna chochote kinachojificha joto lake.

 8 Maagizo kutoka kwa Yehova ni ya uadilifu, huufanya moyo ushangilie;+

Amri ya Yehova ni safi, huyafanya macho yang’ae.+

10 Zinatamanika kuliko dhahabu,

Kuliko dhahabu nyingi bora,*+

Na tamu zaidi kuliko asali,+ asali inayodondoka kutoka katika sega.

11 Mtumishi wako ameonywa kupitia hizo;+

Anapozishika anapata thawabu kubwa.+

13 Na unizuie mimi mtumishi wako nisitende matendo ya kimbelembele;+

Usiruhusu yanitawale.+

Ndipo nitakapokuwa kamili,+

Na sitakuwa na hatia ya dhambi zilizo wazi.*

14 Maneno ya kinywa changu na kutafakari kwa moyo wangu

Na yakupendeze wewe,+ Ee Yehova, Mwamba wangu+ na Mkombozi wangu.+

 2 Na akuletee msaada kutoka mahali patakatifu+

Na kukutegemeza kutoka Sayuni.+

 3 Na akumbuke matoleo yako yote ya zawadi;

Na aikubali kwa upendeleo* dhabihu yako ya kuteketezwa. (Sela)

 4 Na atosheleze tamaa za moyo wako+

Na kufanikisha mipango yako yote.*

 5 Tutapaza sauti kwa shangwe kwa sababu ya matendo yako ya wokovu;+

Tutainua bendera zetu katika jina la Mungu wetu.+

Humjibu kutoka katika mbingu zake takatifu

Kwa wokovu* mkubwa kupitia mkono wake wa kuume.+

 7 Wengine hutegemea magari ya vita na wengine farasi,+

Lakini sisi tunaliitia jina la Yehova Mungu wetu.+

 8 Wamedondoka na kuanguka,

Lakini sisi tumeinuka na kurudishwa.+

21 Ee Yehova, mfalme hushangilia kwa sababu ya nguvu zako;+

Jinsi anavyoshangilia sana kwa sababu ya matendo yako ya wokovu!+

 2 Umetosheleza tamaa ya moyo wake,+

Nawe hujamnyima ombi la midomo yake. (Sela)

 3 Kwa maana unamlaki kwa baraka tele;

Unamvika taji la dhahabu bora* kichwani.+

 4 Alikuomba uhai, nawe ukampa,+

Maisha marefu,* milele na milele.

 6 Unamfanya awe na baraka milele;+

Unamfanya afurahi kwa shangwe ya kuwa mbele zako.*+

 7 Kwa maana mfalme anamtumaini Yehova;+

Kwa sababu ya upendo mshikamanifu wa Aliye Juu Zaidi, hatatikiswa kamwe.*+

 8 Mkono wako utawapata maadui wako wote;

Mkono wako wa kuume utawapata wale wanaokuchukia.

10 Utawaangamiza wazao wao kutoka duniani,

Na uzao wao kutoka kati ya wanadamu.

11 Kwa maana walikusudia kukutendea maovu;+

Wamepanga njama ambazo hazitafanikiwa.+

12 Kwa maana utawafanya wakimbie+

Kwa kuwalenga* kwa upinde wako.*

Kwa nini uko mbali usiweze kuniokoa,

Mbali na vilio vyangu vya maumivu makali?+

 2 Mungu wangu, ninaendelea kukuita wakati wa mchana, nawe hunijibu;+

Na wakati wa usiku sinyamazi.

 3 Lakini wewe ni mtakatifu,+

Umezungukwa na* sifa za Israeli.

 4 Baba zetu walikutumaini wewe;+

Walikutumaini, nawe ulikuwa ukiwaokoa.+

 5 Walikulilia kwa sauti, wakaokolewa;

Walikutumaini, nao hawakukatishwa tamaa.*+

 6 Lakini mimi ni mnyoo wala si mwanadamu,

Ninadhihakiwa na wanadamu na kudharauliwa na watu.*+

 7 Wote wanaoniona hunikejeli;+

Wanafyonya midomo na kutikisa vichwa vyao kwa dharau:+

 9 Wewe ndiye uliyenitoa tumboni,+

Ni Wewe uliyenifanya nihisi nikiwa salama kwenye matiti ya mama yangu.

10 Nimewekwa chini ya utunzaji wako* tangu nilipozaliwa;

Tangu nilipokuwa katika tumbo la mama yangu, umekuwa Mungu wangu.

11 Usikae mbali nami, kwa maana taabu iko karibu+

Nami sina msaidizi mwingine.+

12 Ng’ombe dume wengi wachanga wananizunguka;+

Ng’ombe dume wenye nguvu wa Bashani wananizingira.+

13 Wanafungua vinywa vyao wazi dhidi yangu,+

Kama simba anayenguruma ambaye anararua windo lake vipandevipande.+

14 Nimemwagwa kama maji;

Mifupa yangu yote imeteguka.

Moyo wangu umekuwa kama nta;+

Unayeyuka katika sehemu zangu za ndani kabisa.+

15 Nguvu zangu zimekauka kama kigae;+

Ulimi wangu unashikamana na fizi zangu;+

Unanishusha chini kwenye mavumbi ya kifo.+

16 Kwa maana mbwa wananizunguka;+

Wananizingira kama kundi la watenda maovu,+

Kama simba, wanaishambulia mikono yangu na miguu yangu.+

18 Wanagawana mavazi yangu,

Nao wanalipigia kura vazi langu.+

20 Niokoe* kutoka kwa upanga,

Uhai wangu wenye thamani* kutoka katika makucha ya* mbwa;+

21 Niokoe kutoka katika kinywa cha simba+ na pembe za ng’ombe dume wa mwituni;

Nijibu na uniokoe.

22 Nitalitangaza jina lako kwa ndugu zangu;+

Katikati ya kutaniko nitakusifu.+

24 Kwa maana hajadharau wala kuchukizwa na mateso ya yule anayekandamizwa;+

Hajauficha uso wake kutoka kwake.+

25 Nitakusifu katika kutaniko kubwa;+

Nitatimiza nadhiri zangu mbele ya wale wanaomwogopa.

26 Wapole watakula na kushiba;+

Wale wanaomtafuta Yehova watamsifu.+

28 Kwa maana ufalme ni wa Yehova;+

Anayatawala mataifa.

29 Watu wote wenye ufanisi* duniani watakula na kumwinamia;

Wote wanaoshuka mavumbini watapiga magoti mbele zake;

Hakuna yeyote kati yao anayeweza kuokoa uhai wao.*

30 Wazao wao watamtumikia;*

Kizazi kitakachokuja kitaambiwa kumhusu Yehova.

 2 Hunilaza katika malisho yenye majani mengi;

Huniongoza kwenye sehemu za kupumzika zenye maji mengi.*+

 4 Hata nikitembea katika bonde lenye kivuli kizito,+

Siogopi madhara yoyote,+

Kwa maana wewe uko pamoja nami;+

Fimbo yako na gongo lako hunipa uhakika.*

Unakiburudisha* kichwa changu kwa mafuta;+

Kikombe changu kimejazwa vizuri.+

 6 Kwa hakika wema na upendo mshikamanifu utanifuatia sikuzote za maisha yangu,+

Nami nitakaa katika nyumba ya Yehova siku zangu zote.+

24 Dunia na vyote vilivyomo ni vya Yehova,+

Nchi inayozaa na wale wanaokaa ndani yake.

 2 Kwa maana ameiweka imara kabisa juu ya bahari+

Na kuiweka imara kabisa juu ya mito.

 3 Ni nani anayeweza kuupanda mlima wa Yehova,+

Na ni nani anayeweza kusimama mahali pake patakatifu?

 4 Yeyote mwenye mikono isiyo na hatia na mwenye moyo safi,+

Ambaye hajaapa kwa uwongo kwa uhai Wangu,*

Wala kuapa kwa udanganyifu.+

 5 Atapokea baraka kutoka kwa Yehova+

Na uadilifu* kutoka kwa Mungu wa wokovu wake.+

 6 Hiki ndicho kizazi cha wale wanaomtafuta,

Cha wale wanaoutafuta uso wako, Ee Mungu wa Yakobo. (Sela)

 7 Inueni vichwa vyenu, enyi malango;+

Fungukeni,* enyi milango ya kale,

Ili Mfalme mtukufu aingie!+

Yehova, mwenye nguvu na hodari,+

Yehova, hodari katika vita.+

 9 Inueni vichwa vyenu, enyi malango;+

Fungukeni, enyi milango ya kale,

Ili Mfalme mtukufu aingie!

 2 Mungu wangu, ninakutumaini wewe;+

Usiruhusu niaibishwe.+

 3 Kwa hakika hakuna yeyote anayekutumaini atakayeaibishwa,+

Lakini aibu inawangoja wale wanaotenda kwa hila bila sababu.+

 4 Nijulishe njia zako, Ee Yehova;+

Nifundishe vijia vyako.+

 5 Nitembeze katika kweli yako na kunifundisha,+

Kwa maana wewe ni Mungu wa wokovu wangu.

 6 Kumbuka rehema zako, Ee Yehova, na upendo wako mshikamanifu,+

Ambazo umedhihirisha sikuzote.*+

Nikumbuke kulingana na upendo wako mshikamanifu,+

Kwa ajili ya wema wako, Ee Yehova.+

 9 Atawaongoza wapole katika yaliyo sawa,*+

Naye atawafundisha wapole njia yake.+

10 Njia zote za Yehova ni upendo mshikamanifu na uaminifu

Kwa wale wanaoshika agano lake+ na vikumbusho vyake.+

11 Kwa ajili ya jina lako, Ee Yehova,+

Nisamehe kosa langu, ingawa ni kubwa.

13 Atajionea* yaliyo mema,+

Na wazao wake wataimiliki* dunia.+

14 Urafiki wa karibu pamoja na Yehova ni wa wale wanaomwogopa,+

Naye huwajulisha agano lake.+

15 Macho yangu humtazama Yehova daima,+

Kwa maana ataiweka huru miguu yangu kutoka katika wavu.+

16 Nielekezee uso wako na kunionyesha kibali,

Kwa maana niko peke yangu na sina uwezo.

17 Taabu za moyo wangu zimeongezeka;+

Niondolee maumivu yangu makali.

18 Yaone mateso yangu na shida yangu,+

Nawe unisamehe dhambi zangu zote.+

19 Tazama jinsi maadui wangu walivyo wengi

Na jinsi wanavyonichukia vikali.

21 Utimilifu na unyoofu na vinilinde,+

Kwa maana ninakutumaini wewe.+

26 Unihukumu, Ee Yehova, kwa maana nimetembea katika utimilifu wangu;+

Nimemtumaini Yehova bila kuyumbayumba.+

 2 Nichunguze, Ee Yehova, na unijaribu;

Safisha mawazo yangu ya ndani kabisa* na pia moyo wangu.+

 3 Kwa maana upendo wako mshikamanifu uko mbele yangu daima,

Nami ninatembea katika kweli yako.+

 4 Sishirikiani* na watu wadanganyifu,+

Nami huwaepuka wale wanaoficha jinsi walivyo.*

 5 Ninachukia kundi la waovu,+

Nami ninakataa kushirikiana* na waovu.+

 6 Nitanawa mikono yangu katika ukosefu wa hatia,

Nami nitapiga mwendo kuzunguka madhabahu yako, Ee Yehova,

 7 Ili niifanye sauti ya utoaji shukrani isikike+

Na kutangaza kazi zako zote zinazostaajabisha.

 8 Yehova, ninaipenda nyumba ambamo unakaa,+

Mahali ambapo utukufu wako hukaa.+

 9 Usinifagilie mbali* pamoja na watenda dhambi+

Wala kuniua pamoja na watu wakatili,*

10 Ambao mikono yao hutenda matendo ya* aibu,

Na ambao mkono wao wa kulia umejaa rushwa.

12 Mguu wangu umesimama mahali tambarare;+

Katika kutaniko kubwa,* nitamsifu Yehova.+

 2 Waovu waliponishambulia ili waunyafue mwili wangu,+

Wapinzani wangu na maadui wangu ndio waliojikwaa na kuanguka.

 3 Hata jeshi likipiga kambi ili kunishambulia,

Moyo wangu hautaogopa.+

Hata vita vikizuka dhidi yangu,

Bado nitaendelea kuwa jasiri.

 4 Nimemwomba Yehova jambo moja

—Ndilo nitakalolitafuta—

Kwamba nikae katika nyumba ya Yehova sikuzote za maisha yangu,+

Ili kuutazama uzuri wa Yehova

Na kutazama kwa uthamini* hekalu lake.*+

 5 Kwa maana atanificha katika banda lake siku ya msiba;+

Atanificha mahali pa siri katika hema lake;+

Ataniweka juu kwenye mwamba.+

 6 Sasa kichwa changu kiko juu sana ya maadui wangu wanaonizingira;

Nitatoa dhabihu katika hema lake kwa kelele za shangwe;

Nitamwimbia sifa* Yehova.

 7 Nisikie, Ee Yehova, ninapolia kwa sauti;+

Nionyeshe kibali na kunijibu.+

Wewe ni msaidizi wangu;+

Usinitupe wala usiniache, Mungu wa wokovu wangu.

10 Hata baba yangu na mama yangu wakiniacha,+

Yehova mwenyewe atanichukua.+

11 Nifundishe njia yako, Ee Yehova,+

Niongoze katika kijia cha unyoofu kwa sababu ya maadui wangu.

12 Usinitie mikononi mwa maadui wangu,+

Kwa maana mashahidi wa uwongo wameinuka dhidi yangu,+

Nao wanatoa vitisho vya kunitendea kwa ukatili.

13 Ningekuwa wapi ikiwa singekuwa na imani

Kwamba nitauona wema wa Yehova katika nchi ya walio hai?*+

14 Mtumaini Yehova;+

Uwe jasiri na uwe na moyo mkuu.+

28 Ninaendelea kukulilia wewe, Ee Yehova Mwamba wangu;+

Usiwe kama kiziwi kwangu.

Ukininyamazia,

Nitakuwa kama wale wanaoshuka shimoni.*+

 2 Sikia sihi zangu ninapokulilia unisaidie

Ninapoinua mikono yangu kuelekea chumba cha ndani zaidi cha mahali pako patakatifu.+

 3 Usinikokote pamoja na waovu, pamoja na wale wanaotenda mambo yanayodhuru,+

Wale wanaoongea na jirani yao maneno ya amani lakini uovu uko mioyoni mwao.+

 4 Walipe kulingana na matendo yao,+

Kulingana na mazoea yao maovu.

Walipe kulingana na kazi ya mikono yao,

Kulingana na mambo waliyotenda.+

 5 Kwa maana hawazingatii utendaji wa Yehova,+

Wala kazi ya mikono yake.+

 6 Yehova na asifiwe,

Kwa maana amesikia sihi zangu za kuomba msaada.

 7 Yehova ni nguvu zangu+ na ngao yangu;+

Moyo wangu unamtumaini yeye.+

Amenisaidia, na moyo wangu unashangilia,

Kwa hiyo nitamsifu kwa wimbo wangu.

 8 Yehova ni nguvu kwa watu wake;

Yeye ni ngome, anamletea mtiwa-mafuta wake wokovu mkubwa.+

29 Mpeni Yehova anachostahili, enyi wana wa watu hodari,

Mpeni Yehova anachostahili kwa sababu ya utukufu wake na nguvu zake.+

 3 Sauti ya Yehova husikika juu ya maji;

Mungu mtukufu hunguruma.+

 4 Sauti ya Yehova ina nguvu;+

Sauti ya Yehova ina fahari.

 5 Sauti ya Yehova inavunja mierezi;

Naam, Yehova anaipasua-pasua mierezi ya Lebanoni.+

 6 Hufanya Lebanoni* irukeruke kama ndama,

Na Sirioni+ kama ng’ombe dume mchanga wa mwituni.

 7 Sauti ya Yehova hupiga kwa miali ya moto;+

 8 Sauti ya Yehova huifanya nyika itetemeke;+

Yehova huifanya nyika ya Kadeshi+ itetemeke.

 9 Sauti ya Yehova humfanya paa atetemeke na kuzaa

Nayo huivua kabisa misitu.+

10 Yehova huketi kwenye kiti cha ufalme juu ya mafuriko ya maji;*+

Yehova huketi kwenye kiti cha ufalme akiwa Mfalme milele.+

30 Nitakukweza, Ee Yehova, kwa maana umeniinua* juu;

Hukuruhusu maadui wangu washangilie juu yangu.+

 4 Mwimbieni sifa* Yehova, enyi washikamanifu wake,+

Lishukuruni jina lake takatifu;*+

 5 Kwa sababu hasira yake ni ya muda mfupi tu,+

Lakini kibali chake* hudumu maisha yote.+

 8 Niliendelea kukulilia wewe, Ee Yehova;+

Nami niliendelea kukusihi wewe, Ee Yehova, unionyeshe kibali.

11 Umebadili maombolezo yangu kuwa dansi;

Umenivua nguo zangu za magunia, nawe unanivisha shangwe,

12 Ili niimbe* sifa yako, nisinyamaze.

Uwe kwangu mlima ambao ni ngome,

Ngome ya kuniokoa.+

 3 Kwa maana wewe ni jabali langu na ngome yangu;+

Kwa ajili ya jina lako,+ utaniongoza na kunielekeza.+

 4 Utanitoa katika wavu walionitegea kwa siri,+

Kwa maana wewe ni ngome yangu.+

 6 Ninawachukia wale wanaoabudu sanamu zisizo na faida, za ubatili,

Lakini mimi, ninamtumaini Yehova.

 7 Nitashangilia sana kwa sababu ya upendo wako mshikamanifu,

Kwa maana umeona dhiki yangu;+

Unajua mateso makali yaliyo ndani yangu.*

 8 Hujanitia mikononi mwa adui,

Lakini unanifanya nisimame mahali salama.*

10 Maisha yangu yamejaa huzuni+

Na miaka yangu kilio cha maumivu makali.+

Nguvu zangu zinapungua kwa sababu ya dhambi yangu;

Mifupa yangu inadhoofika.+

11 Ninadhihakiwa na maadui wangu wote,+

Hasa majirani wangu.

Na rafiki zangu wananiogopa;

Wanaponiona hadharani, wananikimbia.+

12 Wameniondoa moyoni* mwao na kunisahau, kana kwamba nimekufa;

Mimi ni kama gudulia lililovunjika.

13 Nimesikia uvumi mwingi wa uovu;

Nimezungukwa na hofu.+

Wanapokusanyika pamoja kama kitu kimoja dhidi yangu,

Wanapanga njama ya kuniua.*+

Waovu na waaibishwe;+

Na wanyamazishwe Kaburini.*+

18 Midomo inayosema uwongo na iwe bubu,+

Midomo inayoongea kwa kiburi dhidi ya mwadilifu, kwa majivuno na dharau.

Umewahifadhia wale wanaokuogopa,+

Nawe umeuonyesha mbele ya wanadamu wote, kwa niaba ya wale wanaokukimbilia wewe.+

20 Utawaficha mahali pa siri mbele zako*+

Mbali na njama za wanadamu;

Utawaficha katika banda lako

Dhidi ya mashambulizi ya watu wenye nia mbaya.*+

21 Yehova na asifiwe,

Kwa maana kwa njia yenye kustaajabisha, amenionyesha upendo wake mshikamanifu+ katika jiji lililozingirwa.+

Yehova huwalinda waaminifu,+

Lakini humlipa vilivyo yeyote anayeonyesha kiburi.+

24 Iweni jasiri, na muwe na moyo mkuu,+

Ninyi nyote mnaomngojea Yehova.+

 2 Mwenye furaha ni mtu ambaye Yehova hamwoni kuwa mwenye hatia,+

Asiye na udanganyifu katika roho yake.

 5 Mwishowe nikaungama dhambi yangu kwako;

Sikufunika kosa langu.+

 6 Ndiyo sababu kila mtu aliye mshikamanifu atasali kwako+

Maadamu unapatikana.+

 7 Wewe ni mahali pangu pa kujificha;

Utanilinda nisipatwe na taabu.+

 9 Usiwe kama farasi au nyumbu, asiye na uelewaji,+

Ambaye ni lazima msisimko wake udhibitiwe kwa hatamu au lijamu

Kabla hajakukaribia.”

10 Mwovu ana maumivu mengi;

Lakini mtu anayemtumaini Yehova amezungukwa na upendo Wake mshikamanifu.+

11 Furahini kwa sababu ya Yehova na kushangilia, enyi waadilifu;

Pazeni sauti kwa shangwe, ninyi nyote mlio wanyoofu moyoni.

 2 Mshukuruni Yehova kwa kinubi;

Mwimbieni sifa* kwa kinanda chenye nyuzi kumi.

 3 Mwimbieni wimbo mpya;+

Pigeni nyuzi kwa ustadi, na kupaza sauti kwa shangwe.

 4 Kwa maana neno la Yehova limenyooka,+

Na kila jambo analofanya linategemeka.

 6 Kwa neno la Yehova mbingu ziliumbwa,+

Na kwa roho ya* kinywa chake kila kitu kilichomo kiliumbwa.*

 7 Huyakusanya maji ya bahari kana kwamba ni bwawa;+

Huyaweka mawimbi makubwa ya maji katika maghala.

 9 Kwa maana alisema, ikawa;+

Aliamuru, ikasimama imara.+

10 Yehova amevuruga njama za* mataifa;+

Ameharibu mipango* ya mataifa.+

11 Lakini maamuzi* ya Yehova yatasimama milele;+

Mawazo ya moyo wake ni ya kizazi baada ya kizazi.

12 Lenye furaha ni taifa ambalo Mungu wake ni Yehova,+

Watu ambao amewachagua kuwa miliki yake mwenyewe.+

13 Yehova anatazama chini kutoka mbinguni;

Anawaona wanadamu wote.+

14 Kutoka katika makao yake,

Anawakazia macho wakaaji wa dunia.

15 Yeye ndiye anayeumba mioyo ya wote;

Huchunguza kazi zao zote.+

16 Hakuna mfalme anayeokolewa na jeshi kubwa;+

Mtu hodari haokolewi na nguvu zake nyingi.+

17 Farasi ni tumaini la uwongo la wokovu;*+

Nguvu zake nyingi hazimhakikishii mtu kwamba ataponyoka.

18 Tazama! Jicho la Yehova linawalinda wale wanaomwogopa,+

Wale wanaongojea upendo wake mshikamanifu,

19 Ili awaokoe* kutoka katika kifo

Na kuwahifadhi hai wakati wa njaa kali.+

21 Mioyo yetu hushangilia kwa sababu yake,

Kwa maana tunalitumaini jina lake takatifu.+

22 Upendo wako mshikamanifu na ukae juu yetu, Ee Yehova,+

Tunapoendelea kukungojea.+

34 Nitamsifu Yehova nyakati zote;

Sifa yake itakuwa midomoni mwangu daima.

 2 Nitajigamba* kwa sababu ya Yehova;+

Wapole watasikia na kushangilia.

 3 Mtukuzeni Yehova pamoja nami;+

Na tulikweze jina lake pamoja.

 5 Wale waliomtazama waling’aa;

Nyuso zao hazingeweza kuona aibu.

 7 Malaika wa Yehova hupiga kambi pande zote kuwazunguka wanaomwogopa Yeye,+

Naye huwaokoa.+

 8 Onjeni mwone kwamba Yehova ni mwema;+

Mwenye furaha ni mtu anayemkimbilia.

 9 Mwogopeni Yehova, ninyi nyote watakatifu wake,

Kwa maana wale wanaomwogopa hawakosi chochote.+

10 Hata wanasimba* wenye nguvu wamelemewa na njaa,

Lakini wale wanaomtafuta Yehova hawatakosa chochote chema.+

11 Njooni, wanangu, nisikilizeni;

Nitawafundisha kumwogopa Yehova.+

12 Ni nani miongoni mwenu anayependa uzima

Na angependa kuishi siku nyingi njema?+

13 Basi ulinde ulimi wako usiseme mabaya,+

Midomo yako isiseme uwongo.+

14 Acha uovu, utende mema;+

Tafuta amani na uifuatie.+

15 Macho ya Yehova yanawatazama waadilifu,+

Na masikio yake yanasikiliza kilio chao cha kuomba msaada.+

16 Lakini uso wa Yehova uko dhidi ya wale wanaotenda maovu,

Ili afutilie mbali kumbukumbu lao lote kutoka duniani.+

17 Walilia kwa sauti, na Yehova akasikia;+

Aliwaokoa kutoka katika taabu zao zote.+

18 Yehova yuko karibu na wale waliovunjika moyo;+

Huwaokoa waliopondeka roho.*+

19 Mwadilifu ana matatizo mengi,*+

Lakini Yehova humwokoa kutoka katika matatizo hayo yote.+

20 Anailinda mifupa yake yote;

Haujavunjwa hata mmoja.+

21 Msiba utamuua mwovu;

Wale wanaomchukia mwadilifu watahesabiwa kuwa na hatia.

22 Yehova anaukomboa uhai wa* watumishi wake;

Hakuna yeyote anayemkimbilia atakayepatikana na hatia.+

35 Ee Yehova, itetee kesi yangu dhidi ya wapinzani wangu;+

Pigana na wale wanaopigana nami.+

 2 Chukua ngao yako ndogo* na ngao yako kubwa,+

Inuka unitetee.+

 5 Na wawe kama makapi katika upepo;

Malaika wa Yehova na awafukuze.+

 6 Njia yao na iwe na giza na utelezi

Malaika wa Yehova anapowafuatia.

 7 Kwa maana bila sababu wameficha wavu wa kunitega;

Na bila sababu wamenichimbia shimo.

 8 Msiba na umjie kwa ghafla;

Wavu aliouficha na umnase;

Na aanguke ndani yake na kuangamizwa.+

 9 Lakini mimi nitashangilia kwa sababu ya Yehova;

Nitakuwa na shangwe kwa sababu ya matendo yake ya wokovu.

Unawaokoa wasio na uwezo kutoka kwa wale wanaowazidi nguvu,+

Wasio na uwezo na maskini kutoka kwa wale wanaowanyang’anya.”+

11 Mashahidi wenye nia mbaya hunikabili,+

Na kuniuliza mambo nisiyoyajua.

12 Wananilipa uovu kwa mema niliyotenda,+

Na kunifanya nihisi kama mtu aliyefiwa.

13 Lakini walipokuwa wagonjwa, nilivaa nguo za magunia;

Nilijitesa kwa kufunga,

Na sala yangu ilipokosa kujibiwa,*

14 Nilitembea huku na huku nikiomboleza kana kwamba ninamwombolezea rafiki au ndugu yangu;

Niliinama chini kwa huzuni, kama mtu anayemwombolezea mama yake.

15 Lakini nilipojikwaa, walishangilia na kukusanyika pamoja;

Walikusanyika pamoja ili wanivizie na kuniua;

Walinirarua vipandevipande nao hawakunyamaza.

16 Wasiomwogopa Mungu wananidhihaki kwa dharau,*

Wananisagia meno yao.+

Niokoe dhidi ya mashambulizi yao,+

Uhai wangu wenye thamani* kutoka kwa wanasimba.*+

18 Kisha nitakushukuru katika kutaniko kubwa;+

Nitakusifu katikati ya umati wa watu.

19 Usiruhusu wale ambao ni maadui wangu bila sababu wanicheke;

Usiruhusu wale wanaonichukia bila sababu+ wakonyeze macho yao kwa hila.+

20 Kwa maana hawasemi maneno ya amani,

Lakini wanapanga njama kwa hila dhidi ya watu wenye amani nchini.+

21 Wanafungua kinywa chao wazi ili wanishtaki,

Wakisema: “Aha! Aha! Macho yetu yameliona.”

23 Amka, inuka unitetee,

Mungu wangu, Yehova, nitetee katika kesi yangu.

24 Nihukumu kulingana na uadilifu wako,+ Ee Yehova Mungu wangu;

Usiruhusu wanicheke.

26 Acha wote waaibishwe na kufedheheshwa,

Wale wanaonicheka kwa sababu ya msiba wangu.

27 Lakini acha wale wanaofurahia uadilifu wangu wapaze sauti kwa shangwe;

Na waseme daima:

28 Kisha ulimi wangu utasimulia* uadilifu wako+

Na kukusifu mchana kutwa.+

36 Dhambi huzungumza na mwovu ndani kabisa ya moyo wake;

Hakuna hofu ya Mungu mbele ya macho yake.+

 2 Kwa maana hujisifusifu sana machoni pake mwenyewe

Hivi kwamba hawezi kutambua kosa lake na kulichukia.+

 3 Maneno ya kinywa chake yanadhuru na ni ya udanganyifu;

Haonyeshi ufahamu wowote wa kutenda mema.

Hufuatia njia isiyo njema;

Hakatai lililo baya.

 5 Ee Yehova, upendo wako mshikamanifu unafika mpaka mbinguni,+

Uaminifu wako mpaka mawinguni.

 6 Uadilifu wako ni kama milima mikubwa;*+

Hukumu zako ni kama maji mengi yenye kina.+

Katika kivuli cha mabawa yako,

Wanadamu hukimbilia.+

 8 Wanakunywa na kushiba vitu vinono vya* nyumba yako,+

Nawe huwanywesha kwenye kijito cha vitu vyako vinavyofurahisha.+

 9 Wewe ndiye chanzo cha uhai;+

Kwa nuru yako tunaweza kuona nuru.+

10 Endelea kuwatendea kwa upendo wako mshikamanifu wale wanaokujua,+

Na kuwaonyesha uadilifu wako walio wanyoofu moyoni.+

11 Usiruhusu mguu wa mwenye kiburi unikanyage

Wala mkono wa mwovu unifukuze.

12 Watenda maovu wameanguka huko;

Wamepigwa na kuangushwa chini na hawawezi kusimama.+

37 Usikasirike* kwa sababu ya waovu

Wala usiwaonee wivu watenda dhambi.+

 2 Watanyauka haraka kama majani+

Na kusinyaa kama majani yaliyochipuka ya kijani kibichi.

 3 Mtumaini Yehova na utende mema;+

Kaa duniani,* na utende kwa uaminifu.+

 4 Pata furaha tele* katika Yehova,

Naye atatosheleza tamaa za moyo wako.

 5 Mkabidhi* Yehova njia yako;+

Mtegemee yeye, naye atatenda kwa niaba yako.+

 6 Ataufanya uadilifu wako ung’ae kama mapambazuko,

Na haki yako kama jua la adhuhuri.

 7 Nyamaza mbele za Yehova+

Na umngojee kwa matumaini.*

Usikasirishwe na mtu

Anayefanikiwa kutekeleza njama zake.+

 8 Acha hasira na uache ghadhabu;+

Usikasirike na kuanza kutenda uovu.*

 9 Kwa maana waovu wataangamizwa,+

Lakini wale wanaomtumaini Yehova wataimiliki dunia.+

10 Bado muda mfupi tu, na watu waovu hawatakuwepo tena;+

Utapaangalia mahali walipokuwa,

Nao hawatakuwepo.+

11 Lakini wapole wataimiliki dunia,+

Nao watafurahia kwelikweli wingi wa amani.+

12 Mtu mwovu hupanga njama dhidi ya mwadilifu;+

Humsagia meno yake.

13 Lakini Yehova atamcheka,

Kwa maana Anajua kwamba siku yake itakuja.+

14 Waovu huchomoa panga zao na kuzikunja* pinde zao

Ili kumwangusha chini aliyekandamizwa na pia maskini,

Ili kuwachinja wale ambao njia yao imenyooka.

15 Lakini upanga wao utauchoma moyo wao wenyewe;+

Pinde zao zitavunjwa.

16 Kidogo alicho nacho mwadilifu ni bora

Kuliko wingi wa vitu walivyo navyo watu wengi waovu.+

17 Kwa maana mikono ya waovu itavunjwa,

Lakini Yehova atawategemeza waadilifu.

18 Yehova anajua mambo wanayokabili watu wasio na lawama,*

Na urithi wao utadumu milele.+

19 Hawataaibishwa wakati wa msiba;

Wakati wa njaa kali watakuwa na chakula tele.

20 Lakini waovu wataangamia;+

Maadui wa Yehova watatoweka kama malisho bora kabisa;

Watatoweka kama moshi.

21 Mwovu hukopa lakini halipi,

Lakini mwadilifu ni mkarimu* naye hutoa.+

22 Wale Anaowabariki wataimiliki dunia,

Lakini wale Anaowalaani wataangamizwa.+

23 Yehova huongoza* hatua za mtu+

Njia ya mtu huyo inapompendeza Yeye.+

24 Hata akianguka, hataangushwa chini kabisa,+

Kwa maana Yehova anaushika mkono wake na kumtegemeza.*+

25 Nilikuwa kijana lakini sasa nimezeeka,

Lakini sijamwona mtu yeyote mwadilifu akiwa ameachwa,+

Wala watoto wake wakitafuta mkate.*+

26 Sikuzote anakopesha bila faida,+

Na watoto wake watapata baraka.

27 Acha uovu, utende mema,+

Nawe utaishi milele.

28 Kwa maana Yehova anapenda haki,

Naye hatawaacha washikamanifu wake.+

Watalindwa sikuzote;+

Lakini wazao wa waovu wataangamizwa.+

29 Waadilifu wataimiliki dunia,+

Nao wataishi humo milele.+

30 Kinywa cha mwadilifu hufundisha hekima,*

Na ulimi wake huongea kuhusu haki.+

31 Sheria ya Mungu wake imo moyoni mwake;+

Hatua zake hazitayumbayumba.+

32 Mwovu humtazama mwadilifu,

Akitafuta kumuua.

33 Lakini Yehova hatamwacha mikononi mwa mtu huyo+

Wala hatampata na hatia anapohukumiwa.+

34 Mtumaini Yehova na ufuate njia yake,

Naye atakukweza uimiliki dunia.

35 Nimemwona mtu mkatili, mwovu

Akisambaa kama mti wenye majani mengi katika udongo wake wa asili.+

36 Lakini alikufa ghafla naye akatoweka;+

Niliendelea kumtafuta, lakini sikuweza kumpata.+

37 Mwangalie mtu asiye na lawama,*

Na uendelee kumwangalia mnyoofu,+

Kwa maana wakati ujao wa mtu huyo utakuwa na amani.+

38 Lakini watenda dhambi wote wataangamizwa;

Wakati ujao wa watu waovu utakomeshwa.+

39 Wokovu wa watu waadilifu unatoka kwa Yehova;+

Yeye ndiye ngome yao wakati wa taabu.+

Atawanusuru kutoka kwa waovu na kuwaokoa,

Kwa sababu wanamkimbilia yeye.+

38 Ee Yehova, usinikaripie kwa hasira yako,

Wala usinirekebishe kwa ghadhabu yako.+

 2 Kwa maana mishale yako imenichoma ndani kabisa,

Na mkono wako unanikandamiza chini.+

 4 Kwa maana dhambi zangu zimetanda juu ya kichwa changu;+

Kama mzigo mzito, ni nzito sana siwezi kuzibeba.

 5 Vidonda vyangu vinanuka na vina usaha

Kwa sababu ya upumbavu wangu.

 6 Nimesononeka na kushuka moyo kupita kiasi;

Ninatembea huku na huku mchana kutwa kwa huzuni.

 7 Ninaungua ndani ya mwili wangu;*

Mwili wangu wote ni mgonjwa.+

 8 Nimekufa ganzi na kupondeka kabisa;

Moyo wangu wenye maumivu makali unanifanya nilie kwa sauti kubwa.*

 9 Ee Yehova, unajua mambo yote ninayotamani,

Na kilio changu cha maumivu hakijafichwa machoni pako.

10 Moyo wangu unadundadunda, nguvu zangu zimetoweka,

Na nuru ya macho yangu imetoweka.+

11 Rafiki zangu na wenzangu wananiepuka kwa sababu ya pigo langu,

Na rafiki zangu wa karibu wanasimama mbali.

12 Wale wanaotafuta uhai wangu* wanatega mitego;

Wale wanaojaribu kunidhuru wanazungumza kuhusu kuniangamiza;+

Wananong’onezana uwongo mchana kutwa.

13 Lakini kama kiziwi, sikuwasikiliza;+

Na kama bubu, sikufumbua kinywa changu.+

14 Nimekuwa kama mtu asiyeweza kusikia,

Ambaye kinywa chake hakina lolote la kujitetea.

15 Kwa maana nilikungojea wewe, Ee Yehova,+

Nawe ukanijibu, Ee Yehova Mungu wangu.+

16 Kwa maana nilisema: “Acha wasinicheke

Wala kujikweza juu yangu mguu wangu ukiteleza.”

17 Kwa maana nilikuwa karibu kuanguka,

Na maumivu yangu yalikuwa pamoja nami daima.+

18 Niliungama kosa langu;+

Nilihangaishwa na dhambi yangu.+

19 Lakini maadui wangu wana juhudi* na ni hodari,*

Wale wanaonichukia bila sababu wameongezeka sana.

20 Walinilipa uovu kwa mema niliyotenda;

Walinipinga kwa sababu ya kufuatia mambo mema.

22 Njoo haraka unisaidie,

Ee Yehova, wokovu wangu.+

39 Nilisema: “Nitailinda hatua yangu

Ili niepuke kutenda dhambi kwa ulimi wangu.+

Nitakilinda kinywa changu kwa lijamu+

Maadamu mtu yeyote mwovu yuko mbele yangu.”

 2 Nilinyamaza na kukaa kimya;+

Niliendelea kunyamaza hata kuhusu jambo jema,

Lakini maumivu yangu yalikuwa makali.*

 4 “Ee Yehova, nisaidie kujua mwisho wangu,

Na idadi ya siku zangu,+

Ili nijue ufupi wa maisha yangu.*

 5 Kwa kweli, umefanya siku zangu ziwe chache tu;*+

Na urefu wa maisha yangu kuwa si kitu mbele zako.+

 9 Niliendelea kunyamaza;

Sikuweza kufumbua kinywa changu,+

Kwa maana wewe ndiye uliyefanya hayo.+

11 Unamrekebisha mwanadamu kwa kumwadhibu kwa sababu ya kosa lake;+

Unaharibu kabisa vitu anavyothamini sana kama nondo* anavyoharibu.

12 Sikia sala yangu, Ee Yehova,

Sikiliza kilio changu cha kuomba msaada.+

Kwa maana kwako, mimi ni mkaaji mgeni tu,+

Msafiri apitaye,* kama mababu zangu wote.+

13 Usinitazame kwa ukali ili nichangamke

Kabla sijafa* na kutoweka.”

40 Nilimtumaini Yehova kwa bidii,*

Naye akanitegea sikio lake na kusikia* kilio changu cha kuomba msaada.+

 2 Akanipandisha kutoka katika shimo linalonguruma,

Kutoka katika matope yenye utelezi.

Akaiweka miguu yangu juu ya jabali;

Akanifanya nisimame mahali palipo imara.

 3 Kisha akaweka wimbo mpya kinywani mwangu,+

Asifiwe Mungu wetu.

Wengi watatazama kwa hofu

Na kumtumaini Yehova.

 4 Mwenye furaha ni mtu anayemtumaini Yehova

Na ambaye hawatumaini wakaidi au watu wadanganyifu.*

 5 Jinsi ulivyotenda mambo mengi sana,

Ee Yehova Mungu wangu,

Kazi zako zinazostaajabisha na mawazo yako kutuelekea.+

Hakuna yeyote anayeweza kulinganishwa nawe;+

Ikiwa ningejaribu kusimulia na kuongea kuzihusu,

Zingekuwa nyingi sana kwangu kusimulia!+

 6 Hukutamani* dhabihu na toleo,+

Lakini ulifungua masikio yangu ili yasikie.+

 8 Ee Mungu wangu, ninafurahia* kufanya mapenzi yako,+

Na sheria yako imo ndani yangu kabisa.+

Tazama! Siizuii midomo yangu,+

Ee Yehova, kama unavyojua vema.

Makosa yangu mengi yananilemea hivi kwamba siwezi kuona njia yangu;+

Ni mengi sana kuliko nywele za kichwa changu,

Nami nimevunjika moyo.

14 Wote wanaotaka kuniua*

Na waaibishwe na kufedheheshwa.

Wale wanaofurahia msiba wangu

Na wakimbie kwa aibu.

16 Lakini acha wale wanaokutafuta+

Wafurahi na kushangilia kwa sababu yako.+

17 Lakini sina uwezo, nami ni maskini;

Yehova na anitunze.

Wewe ni msaidizi wangu na mwokozi wangu;+

Mungu wangu, usikawie.+

41 Mwenye furaha ni mtu yeyote anayemjali mtu wa hali ya chini;+

Yehova atamwokoa siku ya msiba.

Atatangazwa kuwa mwenye furaha duniani;+

Hutamtia kamwe mikononi mwa maadui wake ili wamtendee wapendavyo.*+

 3 Yehova atamtegemeza kwenye kitanda chake cha ugonjwa;+

Wakati huo wa ugonjwa utakibadili kabisa kitanda chake.

Hukusanya mambo yenye kudhuru ya kusema;

Kisha hutoka nje na kuyaeneza kotekote.

 7 Wote wanaonichukia wananong’onezana;

Wanapanga njama ya uovu dhidi yangu:

 8 “Amepatwa na jambo linaloogopesha;

Sasa kwa kuwa yuko chini, hatainuka tena.”+

 9 Hata mtu niliyekuwa na amani naye, ambaye nilimwamini,+

Aliyekuwa akila mkate wangu, amekiinua kisigino chake dhidi yangu.*+

10 Lakini wewe, Ee Yehova, nionyeshe kibali na kuniinua,

Ili niwalipize.

12 Lakini mimi, unanitegemeza kwa sababu ya utimilifu wangu;+

Utaniweka mbele zako* milele.+

13 Yehova, Mungu wa Israeli, na asifiwe

Kwa umilele wote.*+

42 Kama paa anayetamani vijito vya maji,

Ndivyo ninavyokutamani, Ee Mungu.

 3 Machozi yangu ni chakula changu usiku na mchana;

Mchana kutwa watu wananidhihaki wakisema: “Mungu wako yuko wapi?”+

 4 Ninayakumbuka mambo haya, nami naimwaga nafsi* yangu,

Kwa maana wakati fulani nilitembea pamoja na umati;

Nilikuwa nikitembea kimyakimya* mbele zao kwenda katika nyumba ya Mungu,

Kwa sauti za shangwe na shukrani,

Za umati unaofanya sherehe.+

Mngojee Mungu,+

Kwa maana bado nitamsifu kwa kuwa yeye ni Mwokozi wangu Mtukufu.+

Ndiyo sababu ninakukumbuka,+

Kutoka katika nchi ya Yordani na vilele vya Hermoni,

Kutoka Mlima Mizari.*

 7 Vilindi vya maji vinaita vilindi vya maji

Kwa sauti ya maporomoko yako ya maji.

 8 Wakati wa mchana Yehova atanipa upendo wake mshikamanifu,

Na usiku wimbo wake utakuwa pamoja nami—sala kwa Mungu wa uhai wangu.+

Mngojee Mungu,+

Kwa maana bado nitamsifu kwa kuwa yeye ni Mwokozi wangu Mtukufu na Mungu wangu.+

43 Nihukumu, Ee Mungu,+

Itetee kesi yangu+ dhidi ya taifa lisilo na ushikamanifu.

Navyo viniongoze;+

Viniongoze kwenye mlima wako mtakatifu na kwenye hema lako tukufu la ibada.+

 4 Kisha nitakuja kwenye madhabahu ya Mungu,+

Kwa Mungu, shangwe yangu inayofurika.

Mngojee Mungu,+

Kwa maana bado nitamsifu kwa kuwa yeye ni Mwokozi wangu Mtukufu na Mungu wangu.+

44 Ee Mungu, tumesikia kwa masikio yetu wenyewe,

Mababu zetu wametusimulia,+

Mambo uliyotimiza katika siku zao,

Siku za zamani za kale.

 2 Kwa mkono wako uliyafukuza mataifa+

Ukawafanya mababu zetu waishi huko.+

 3 Hawakuimiliki nchi kwa upanga wao wenyewe,+

Na mkono wao wenyewe haukuwaletea ushindi.+

Badala yake, waliimiliki kwa mkono wako wa kuume na uwezo wako+ na nuru ya uso wako,

Kwa maana ulipendezwa nao.+

 4 Wewe ni Mfalme wangu, Ee Mungu;+

Amuru* ushindi kamili* kwa ajili ya Yakobo.

 5 Kwa nguvu zako tutawafukuza maadui wetu;+

Katika jina lako tutawakanyagia chini wale wanaoinuka dhidi yetu.+

 6 Kwa maana siutumaini upinde wangu,

Na upanga wangu hauwezi kuniokoa.+

 7 Ni wewe uliyetuokoa kutoka kwa maadui wetu,+

Wewe uliyewaaibisha wale wanaotuchukia.

 8 Tutamsifu Mungu mchana kutwa,

Nasi tutalishukuru jina lako milele. (Sela)

 9 Lakini sasa umetutupa na kutuaibisha,

Nawe huendi pamoja na majeshi yetu.

10 Unaendelea kutufanya tumkimbie adui yetu;+

Wale wanaotuchukia wanachukua chochote wanachotaka.

11 Unatutia mikononi mwao ili tunyafuliwe kama kondoo;

Umetutawanya miongoni mwa mataifa.+

12 Unawauza watu wako kwa bei ya chini kabisa;+

Hupati faida yoyote kwa kuwauza.*

13 Unatufanya kuwa shutuma kwa majirani wetu,

Kitu cha kudhihakiwa na kufanyiwa mzaha na wale wote wanaotuzunguka.

14 Unatufanya kuwa kitu cha kudharauliwa* miongoni mwa mataifa,+

Kitu cha kutikisiwa kichwa na mataifa.

15 Ninaaibika mchana kutwa,

Nami nimelemewa na aibu yangu,

16 Kwa sababu ya sauti za wale wanaonidhihaki na kunitukana,

Kwa sababu ya adui yetu anayelipiza kisasi.

17 Tumepatwa na mambo haya yote, lakini hatujakusahau,

Wala hatujavunja agano lako.+

18 Moyo wetu haujakengeuka;

Hatua zetu hazitoki katika njia yako.

19 Lakini umetuponda mahali ambapo mbwamwitu wanakaa;

Umetufunika kwa kivuli kizito.

20 Ikiwa tumelisahau jina la Mungu wetu

Au ikiwa tutamnyooshea mungu wa kigeni mikono yetu tunaposali,

21 Je, Mungu hatagundua hilo?

22 Kwa ajili yako tunauawa mchana kutwa;

Tumehesabiwa kuwa kondoo wa kuchinjwa.+

25 Kwa maana tumeshushwa chini mavumbini;

Miili yetu imegandamizwa ardhini.+

 3 Jifunge upanga wako+ pajani, Ee mwenye nguvu,+

Katika heshima na fahari yako.+

 4 Na katika fahari yako endelea mpaka ushinde;*+

Panda utetee kweli na unyenyekevu na uadilifu,+

Na mkono wako wa kulia utatimiza* mambo yanayoogopesha.

 5 Mishale yako ni mikali, inaangusha mataifa mbele yako;+

Inachoma mioyo ya maadui wa mfalme.+

 6 Mungu ni kiti chako cha ufalme milele na milele;+

Fimbo ya ufalme wako ni fimbo ya unyoofu.*+

 8 Mavazi yako yote yametiwa manukato ya manemane na udi na kida;

Kutoka katika jumba tukufu la mfalme lililotengenezwa kwa pembe za tembo, vinanda vinakufanya ushangilie.

10 Sikiliza, Ee binti, sikiliza kwa makini na utege sikio lako;

Wasahau watu wako na nyumba ya baba yako.

11 Naye mfalme atautamani urembo wako,

Kwa maana yeye ni bwana wako,

Kwa hiyo mwinamie.

12 Binti ya Tiro ataleta zawadi;

Watu matajiri zaidi watatafuta kibali chako.*

13 Katika jumba la mfalme,* binti ya mfalme ana utukufu mwingi ajabu;

Mavazi yake yamepambwa kwa* dhahabu.

15 Wataletwa kwa furaha na shangwe;

Wataingia katika jumba la mfalme.

46 Mungu ni kimbilio letu na nguvu zetu,+

Msaada unaopatikana kwa urahisi nyakati za taabu.+

 2 Ndiyo sababu hatutaogopa, hata dunia ikibadilika,

Hata milima ikianguka katika vilindi vya bahari,+

 3 Hata maji yake yakinguruma na povu lake kufurika,+

Hata milima ikitikiswa na msukosuko wake. (Sela)

 4 Kuna mto ambao vijito vyake hufanya jiji la Mungu lishangilie,+

Hema la ibada la Aliye Juu Zaidi lililo takatifu na tukufu.

 6 Mataifa yalikuwa katika msukosuko, falme zilipinduliwa;

Alipaza sauti yake, dunia ikayeyuka.+

 7 Yehova wa majeshi yuko pamoja nasi;+

Mungu wa Yakobo ni kimbilio letu salama.* (Sela)

 8 Njooni mtazame matendo ya Yehova,

Jinsi alivyotenda mambo yanayostaajabisha duniani.

Anauvunja upinde na kuuvunja mkuki vipandevipande;

Anayateketeza magari ya vita motoni.*

Nitakwezwa miongoni mwa mataifa;+

Nitakwezwa duniani.”+

11 Yehova wa majeshi yuko pamoja nasi;+

Mungu wa Yakobo ni kimbilio letu salama.+ (Sela)

 2 Kwa maana Yehova, Aliye Juu Zaidi, ni mwenye kuogopesha;+

Yeye ndiye Mfalme mkuu juu ya dunia yote.+

 3 Huyatiisha mataifa chini yetu;

Huyaweka mataifa chini ya miguu yetu.+

 4 Hutuchagulia urithi wetu,+

Fahari ya Yakobo, ambaye anampenda.+ (Sela)

 5 Mungu amepanda juu kwa kelele za shangwe;

Yehova, kwa sauti ya pembe.*

 7 Kwa maana Mungu ni Mfalme wa dunia yote;+

Mwimbieni sifa, na mwonyeshe ufahamu.

 9 Viongozi wa mataifa wamekusanyika pamoja

Pamoja na watu wa Mungu wa Abrahamu.

48 Yehova ni mkuu na anastahili kabisa kusifiwa

Katika jiji la Mungu wetu, katika mlima wake mtakatifu.

 2 Urefu wake unavutia, shangwe ya dunia yote,+

Ni Mlima Sayuni ulio mbali sana kaskazini,

Jiji la Mfalme Mkuu.+

 3 Katika minara yake yenye ngome,

Mungu ametangaza kwamba yeye ni kimbilio salama.*+

 4 Kwa maana tazama! wafalme wamekusanyika;*

Wamesonga mbele pamoja.

 6 Wakaanza kutetemeka wakiwa huko,

Wakashikwa na uchungu kama wa mwanamke anayezaa.

 8 Mambo tuliyosikia, tumejionea wenyewe

Katika jiji la Yehova wa majeshi, katika jiji la Mungu wetu.

 9 Tunautafakari upendo wako mshikamanifu, Ee Mungu,+

Katika hekalu lako.

10 Kama jina lako, Ee Mungu, sifa yako

Hufika mpaka kwenye miisho ya dunia.+

11 Mlima Sayuni+ na ushangilie,

Miji ya Yuda na ishangilie,* kwa sababu ya hukumu zako.+

12 Pigeni mwendo kuzunguka Sayuni; lizungukeni pande zote;

Hesabuni minara yake.+

Kagueni minara yake yenye ngome,

Ili msimulie vizazi vijavyo kulihusu.

Sikilizeni, enyi wakaaji wote wa ulimwengu,*

 2 Wakubwa kwa wadogo,*

Matajiri na pia maskini.

 3 Kinywa changu mwenyewe kitasema maneno ya hekima,

Na kutafakari kwa moyo wangu+ kutaonyesha kwamba nina uelewaji.

 4 Nitasikiliza methali;

Nitategua kitendawili changu kwa kinubi.

 5 Kwa nini niogope nyakati za taabu,+

Ninapozungukwa na uovu wa* wale wanaojaribu kunipindua?

 6 Wale wanaotumaini mali zao+

Na kujigamba kuhusu utajiri wao mwingi,+

 7 Hakuna yeyote kati yao anayeweza kamwe kumkomboa ndugu yake

Wala kumpa Mungu fidia kwa ajili yake,+

 8 (Bei ya fidia* kwa ajili ya uhai wao* ni yenye thamani sana

Hivi kwamba hawawezi kamwe kulipa);

 9 Ili kwamba aishi milele asilione shimo.*+

10 Anaona kwamba hata watu wenye hekima hufa;

Wapumbavu na wasiotumia akili huangamia pamoja,+

Nao hulazimika kuwaachia wengine mali zao.+

11 Ndani yao wanatamani nyumba zao zidumu milele,

Mahema yao kizazi baada ya kizazi.

12 Lakini mwanadamu, ingawa anaheshimiwa, hataendelea kuishi;+

Yeye si bora kuliko wanyama wanaoangamia.+

13 Hiyo ndiyo njia ya wapumbavu+

Na ya wale wanaowafuata, wanaofurahia maneno yao yasiyo na maana. (Sela)

Kifo kitawachunga;

Wanyoofu watawatawala+ asubuhi.

Kila sehemu ya mwili wao itatoweka kabisa;+

Kaburi*+ litakuwa makao yao badala ya jumba la mfalme.+

15 Lakini Mungu atanikomboa* kutoka katika nguvu za* Kaburi,*+

Kwa maana atanishika. (Sela)

16 Usiogope mtu anapotajirika,

Fahari ya nyumba yake ikiongezeka,

17 Kwa maana akifa hawezi kwenda na kitu chochote;+

Fahari yake haitashuka shimoni pamoja naye.+

20 Mtu ambaye haelewi jambo hili, ingawa anaheshimiwa,+

Yeye si bora kuliko wanyama wanaoangamia.

50 Mungu wa miungu, Yehova,*+ amesema;

Anaiita dunia

Kutoka mapambazuko ya jua mpaka machweo yake.*

Mbele zake kuna moto unaoteketeza kabisa,+

Na dhoruba kali inamzunguka pande zote.+

 4 Anaziita mbingu zilizo juu na pia dunia,+

Ili awahukumu watu wake:+

 5 “Nikusanyieni washikamanifu wangu,

Wale wanaofanya agano pamoja nami kwa dhabihu.”+

 6 Mbingu zinatangaza uadilifu wake,

Kwa maana Mungu mwenyewe ni Mwamuzi.+ (Sela)

 7 “Sikilizeni, enyi watu wangu, nami nitaongea;

Israeli, nitatoa ushahidi dhidi yako.+

 8 Siwakaripii kwa sababu ya dhabihu zenu,

Wala kwa sababu ya dhabihu zenu nzima za kuteketezwa ambazo daima ziko mbele zangu.+

 9 Sihitaji kuchukua ng’ombe dume katika nyumba yako,

Wala mbuzi* katika mazizi yako.+

10 Kwa maana kila mnyama wa mwituni ni wangu,+

Hata wanyama walio juu ya milima elfu moja.

11 Ninamjua kila ndege wa milimani;+

Wanyama wasio na idadi wa mbugani ni wangu.

12 Ningekuwa na njaa, nisingekwambia,

Kwa maana nchi inayozaa na kila kitu kilichomo ni changu.+

13 Je, nitakula nyama ya ng’ombe dume

Na kunywa damu ya mbuzi?+

14 Toa shukrani zikiwa dhabihu yako kwa Mungu,+

Na utimize nadhiri zako kwa Aliye Juu Zaidi;+

15 Nililie wakati wa taabu.+

“Una haki gani ya kusimulia masharti yangu+

Au kuongea kuhusu agano langu?+

17 Kwa maana unachukia nidhamu,*

Nawe unaendelea kuyageuzia mgongo maneno yangu.*+

18 Unapomwona mwizi, unapendezwa naye,*+

Nawe unashirikiana na wazinzi.

19 Unatumia kinywa chako kueneza mabaya,

Na udanganyifu umeshikamana na ulimi wako.+

20 Unaketi na kumsema vibaya ndugu yako mwenyewe;+

Unafunua makosa ya* mwana wa mama yako mwenyewe.

21 Ulipofanya mambo hayo, niliendelea kunyamaza,

Kwa hiyo ukafikiri kwamba nitakuwa kama wewe.

Lakini sasa nitakukaripia,

Nami nitatangaza kesi yangu dhidi yako.+

22 Tafadhali, zingatieni jambo hili, ninyi mnaomsahau Mungu,+

Nisije nikawararua vipandevipande asiwepo yeyote wa kuwaokoa.

23 Yule anayetoa shukrani kuwa dhabihu yake ananitukuza,+

Na yule anayefuata njia iliyowekwa,

Nitamfanya aone wokovu wa Mungu.”+

 2 Nioshe kabisa kutoka katika kosa langu,+

Na unisafishe kutoka katika dhambi yangu.+

 3 Kwa maana ninajua vizuri makosa yangu,

Na dhambi yangu iko mbele yangu* daima.+

 4 Dhidi yako wewe—wewe zaidi ya wote*—nimetenda dhambi;+

Nimetenda yaliyo mabaya machoni pako.+

Kwa hiyo, wewe ni mwadilifu unapoongea,

Wewe ni mwenye haki katika hukumu yako.+

 5 Tazama! Nilizaliwa nikiwa na hatia ya kosa,

Na mama yangu alinichukua mimba katika dhambi.*+

 6 Tazama! Unapendezwa na ukweli katika utu wa ndani;+

Ufundishe utu wangu wa ndani kabisa* hekima ya kweli.

 7 Nisafishe kutoka katika dhambi yangu kwa hisopo, ili niwe safi;+

Nioshe, ili niwe mweupe kuliko theluji.+

 8 Acha nisikie sauti za shangwe na furaha,

Ili mifupa uliyoiponda ishangilie.+

 9 Ugeuze uso wako* mbali na dhambi zangu,+

Na uyafutilie mbali* makosa yangu yote.+

10 Umba moyo safi ndani yangu, Ee Mungu,+

Na uweke roho mpya ndani yangu,+ iliyo imara.

11 Usinitupe kutoka mbele zako;*

Wala usiniondolee roho yako takatifu.

12 Nirudishie shangwe ya wokovu wako;+

Chochea ndani yangu utayari wa kukutii.*

13 Nitawafundisha wakosaji njia zako,+

Ili watenda dhambi wakurudie.

14 Niokoe kutoka katika hatia ya damu,+ Ee Mungu, Mungu wa wokovu wangu,+

Ili ulimi wangu utangaze uadilifu wako kwa shangwe.+

15 Ee Yehova, ifungue midomo yangu,

Ili kinywa changu kitangaze sifa yako.+

16 Kwa maana hutaki dhabihu—la sivyo ningeitoa;+

Hupendezwi na dhabihu nzima ya kuteketezwa.+

17 Dhabihu zinazompendeza Mungu ni roho iliyovunjika;

Moyo uliovunjika na kupondeka, Ee Mungu, hutaukataa.*+

18 Kwa nia yako njema litendee jiji la Sayuni jambo jema;

Zijenge kuta za Yerusalemu.

19 Ndipo utakapopendezwa na dhabihu za uadilifu,

Dhabihu za kuteketezwa na matoleo mazima;

Kisha ng’ombe dume watatolewa kwenye madhabahu yako.+

 2 Ulimi wako, wenye makali kama wembe,+

Hupanga madhara na kutunga mambo ya udanganyifu.+

 3 Unapenda uovu kuliko mema,

Kusema uwongo kuliko kusema ukweli. (Sela)

 4 Unapenda kila neno linalodhuru,

Ewe ulimi mdanganyifu!

 5 Ndiyo sababu Mungu atakubomoa milele na milele;+

Atakunyakua na kukurarua kutoka katika hema lako;+

Atakung’oa kutoka katika nchi ya walio hai.+ (Sela)

 6 Waadilifu wataona jambo hilo na kujawa na woga,+

Nao watamcheka.+

 7 “Huyu ndiye mwanamume ambaye hakumfanya Mungu kuwa kimbilio lake,*+

Lakini aliutumaini utajiri wake mwingi+

Na kutegemea* njama zake mwenyewe za uovu.”*

 8 Lakini mimi nitakuwa kama mzeituni wenye majani mengi katika nyumba ya Mungu;

Ninautumaini upendo mshikamanifu wa Mungu,+ milele na milele.

 9 Nitakusifu milele kwa sababu umechukua hatua;+

Mbele ya washikamanifu wako,

Nitalitumaini jina lako,+ kwa maana ni jema.

Matendo yao maovu yamepotoka na yanachukiza;

Hakuna yeyote anayetenda mema.+

 2 Lakini Mungu anawatazama wanadamu kutoka mbinguni+

Ili aone ikiwa kuna yeyote aliye na ufahamu, ikiwa kuna yeyote anayemtafuta Yehova.+

 3 Wote wamekengeuka;

Wote wamepotoka.

Hakuna yeyote anayetenda mema,

Hakuna hata mmoja.+

 5 Lakini watajawa na hofu kubwa,

Hofu ambayo hawajawahi kamwe kuwa nayo,*

Kwa maana Mungu ataitawanya mifupa ya wale wanaowashambulia ninyi.*

Yehova anapowakusanya tena watu wake waliotekwa,

Yakobo na ashangilie, Israeli na afurahi.

54 Ee Mungu, niokoe kwa jina lako,+

Na unitetee*+ kwa nguvu zako.

 2 Ee Mungu, isikie sala yangu;+

Sikiliza maneno ya kinywa changu.

 3 Kwa maana wageni wanainuka dhidi yangu,

Na wanaume wakatili wanatafuta uhai wangu.*+

 4 Tazama! Mungu ni msaidizi wangu;+

Yehova yuko pamoja na wale wanaonitegemeza.

 5 Utawalipa maadui wangu+ uovu wao wenyewe;

Katika uaminifu wako, waangamize.*+

 7 Kwa maana wewe huniokoa kutoka katika kila taabu,+

Nami nitawatazama maadui wangu wakishindwa.+

55 Sikiliza sala yangu, Ee Mungu,+

Na usiipuuze sala yangu ya kuomba rehema.*+

Hangaiko langu linanisumbua,+

Nami nimefadhaika

 3 Kwa sababu ya mambo ambayo adui anasema

Na mkazo kutoka kwa mwovu.

Kwa maana wananirundikia taabu,

Na kwa hasira wana chuki kali kunielekea.+

 4 Moyo wangu una maumivu makali,+

Na hofu ya kifo inanilemea.+

 5 Hofu na kutetemeka hunijia,

Na woga hunishika.

 8 Ningeenda haraka mahali pa kujificha

Mbali na upepo mkali, mbali na dhoruba.”

 9 Wavuruge, Ee Yehova, na uvuruge mipango yao,*+

Kwa maana nimeona ukatili na mizozo jijini.

10 Usiku na mchana wanazunguka juu ya kuta zake;

Ndani yake kuna fitina na taabu.+

11 Uharibifu uko ndani yake;

Ukandamizaji na udanganyifu hauondoki kamwe katika uwanja wake.+

12 Kwa maana si adui anayenidhihaki;+

La sivyo ningevumilia.

Si adui aliyeinuka dhidi yangu;

La sivyo ningeweza kujificha.

13 Lakini ni wewe, mwanadamu kama mimi,*+

Rafiki yangu mwenyewe ninayemjua vizuri.+

14 Tulikuwa tukifurahia pamoja urafiki wa karibu sana;

Katika nyumba ya Mungu tulikuwa tukitembea pamoja na umati.

Na washuke Kaburini* wakiwa hai;

Kwa maana uovu hukaa miongoni mwao na ndani yao.

16 Lakini mimi, nitamlilia Mungu,

Na Yehova ataniokoa.+

17 Jioni na asubuhi na adhuhuri, ninahangaika na kulia kwa uchungu,*+

Naye huisikia sauti yangu.+

18 Ataniokoa* na kunipa amani mbali na wale wanaopigana nami,

Kwa maana umati huja kunishambulia.+

19 Mungu atasikia na kukabiliana nao,+

Yule anayeketi kwenye kiti cha ufalme tangu zamani.+ (Sela)

Watakataa kubadilika,

Wale ambao hawajamwogopa Mungu.+

20 Aliwashambulia* walio na amani pamoja naye;+

Alilivunja agano lake.+

21 Maneno yake ni laini kuliko siagi,+

Lakini mzozo umo moyoni mwake.

Maneno yake ni laini kuliko mafuta,

Lakini ni panga zilizochomolewa.+

22 Mtupie Yehova mzigo wako,+

Naye atakutegemeza.+

 2 Maadui wangu wanajaribu mchana kutwa kuning’ata;

Wengi wanapigana nami kwa kiburi.

 4 Katika Mungu—ninayelisifu neno lake—

Katika Mungu ninaweka tumaini langu; siogopi.

 5 Mchana kutwa wanavuruga mambo yangu;

Jambo pekee wanalowazia ni kunidhuru.+

 6 Wanajificha ili wanishambulie,

Wanachunguza kila hatua yangu,+

Wakikusudia kuuondoa uhai wangu.+

10 Katika Mungu—ninayelisifu neno lake—

Katika Yehova—ninayelisifu neno lake—

11 Katika Mungu ninaweka tumaini langu; siogopi.+

12 Nimefungwa na nadhiri nilizokuwekea, Ee Mungu;+

Nitakutolea matoleo ya shukrani.+

13 Kwa maana umeniokoa kutoka katika kifo+

Na kuizuia miguu yangu isijikwae,+

Ili nitembee mbele za Mungu katika nuru ya walio hai.+

57 Nionyeshe kibali, Ee Mungu, nionyeshe kibali,

Kwa maana ninakukimbilia,+

Ninakimbilia kivuli cha mabawa yako mpaka matatizo haya yapite.+

 2 Ninamlilia Mungu Aliye Juu Zaidi,

Mungu wa kweli, anayeyakomesha kwa ajili yangu.

 4 Nimezungukwa na simba;+

Nimelazimika kulala miongoni mwa watu wanaotaka kuninyafua,

Ambao meno yao ni mikuki na mishale

Na ambao ulimi wao ni upanga mkali.+

 5 Ukwezwe juu ya mbingu, Ee Mungu;

Utukufu wako na uwe juu ya dunia yote.+

 6 Wameutayarisha wavu ili kuinasa miguu yangu;+

Taabu zimenifanya niiname chini.+

Wamechimba shimo mbele yangu,

Lakini wao wenyewe wameanguka ndani yake.+ (Sela)

 7 Moyo wangu uko imara, Ee Mungu,+

Moyo wangu uko imara.

 9 Nitakusifu miongoni mwa mataifa, Ee Yehova;+

Nitakuimbia sifa* miongoni mwa mataifa.+

10 Kwa maana upendo wako mshikamanifu ni mkubwa, uko juu kama mbingu,+

Na uaminifu wako, unafika mpaka angani.

11 Ukwezwe juu ya mbingu, Ee Mungu;

Utukufu wako na uwe juu ya dunia yote.+

 2 Badala yake, mnatunga uovu moyoni mwenu,+

Na mikono yenu inatawanya ukatili nchini.+

 3 Waovu wanakengeuka* tangu kuzaliwa;

Ni wakaidi, waongo tangu wanapozaliwa.

 4 Sumu yao ni kama sumu ya nyoka;+

Wao ni viziwi kama swila anayeziba sikio lake.

 5 Hataisikiliza sauti ya wanaomchezesha,

Hata wafanye uchawi kwa ustadi kadiri gani.

 8 Na wawe kama konokono anayeyeyuka anapotembea;

Kama mtoto anayefia tumboni mwa mwanamke, mtoto asiyeona jua kamwe.

 9 Kabla vyungu vyenu vya kupikia havijapata moto wa kuni za mkwamba,

Atazifagilia mbali kuni zenye unyevu na zinazowaka moto, kama kwa kimbunga.+

10 Mwadilifu atashangilia kwa sababu ameona kisasi;+

Miguu yake italowa damu ya waovu.+

59 Niokoe kutoka kwa maadui wangu, Ee Mungu wangu;+

Nilinde kutoka kwa wale wanaoinuka dhidi yangu.+

 2 Niokoe kutoka kwa wale wanaotenda uovu,

Na uniokoe kutoka kwa watu wakatili.*

 3 Tazama! Wananivizia;+

Wanaume wenye nguvu wananishambulia

Lakini si kwa sababu nimeasi au kutenda dhambi,+ Ee Yehova.

 6 Wanarudi kila jioni;+

Wanabweka* kama mbwa+ na kuzungukazunguka jijini.+

 7 Tazama kinachomwagika* kutoka katika kinywa chao;

Midomo yao ni kama panga,+

Kwa maana wanauliza: “Ni nani anayesikiliza?”+

 8 Lakini wewe, Ee Yehova, utawacheka;+

Utayadhihaki mataifa yote.+

 9 Ee Nguvu zangu, nitaendelea kukutarajia;+

Kwa maana Mungu ni kimbilio langu salama.*+

10 Mungu anayenitendea kwa upendo mshikamanifu atanisaidia;+

Mungu ataniwezesha niwatazame maadui wangu wakishindwa.+

Kwa nguvu zako wafanye watangetange;

Waangushe, Ee Yehova, ngao yetu.+

12 Kwa sababu ya dhambi ya kinywa chao, neno la midomo yao,

Kiburi chao na kiwanase,+

Kwa sababu ya matusi na udanganyifu wanaosema.

13 Waangamize kwa hasira yako kali;+

Waangamize kabisa, ili wasiwepo tena;

Wafanye wajue kwamba Mungu anatawala katika Yakobo na mpaka kwenye miisho ya dunia.+ (Sela)

14 Acha warudi jioni;

Acha wabweke* kama mbwa na kuzungukazunguka jijini.+

15 Acha watangetange wakitafuta chakula;+

Usiwaruhusu washibe au kupata makao.

16 Lakini mimi, nitaimba kuhusu nguvu zako;+

Asubuhi nitatangaza kwa shangwe kuhusu upendo wako mshikamanifu.

Kwa maana wewe ni kimbilio langu salama+

Na mahali pangu pa kukimbilia wakati wa taabu.+

17 Ee Nguvu zangu, nitakuimbia sifa,*+

Kwa maana wewe Mungu ni kimbilio langu salama, Mungu unayenitendea kwa upendo mshikamanifu.+

 4 Wape* ishara wale wanaokuogopa

Wakimbie na kuukwepa upinde. (Sela)

 5 Ili wapendwa wako waokolewe,

Tuokoe kwa mkono wako wa kuume na utujibu.+

“Nitashangilia, nitawagawia Shekemu kuwa urithi,+

Nami nitawapimia Bonde la* Sukothi.+

 7 Gileadi ni yangu, na Manase ni yangu,+

Na Efraimu ni kofia ya kukinga* kichwa changu;

Yuda ni fimbo yangu ya kiongozi.+

10 Je, si wewe, Ee Mungu, ambaye umetukataa,

Mungu wetu, ambaye haendi tena na majeshi yetu?+

11 Tusaidie katika taabu yetu,

Kwa maana wokovu kutoka kwa wanadamu hauna faida yoyote.+

12 Kwa msaada wa Mungu tutapata nguvu,+

Naye atawakanyagia chini maadui wetu.+

 2 Nitakulilia kwa sauti kutoka katika miisho ya dunia

Ninapovunjika moyo.*+

 3 Kwa maana wewe ni kimbilio langu,

Mnara ulio imara unaonilinda dhidi ya adui.+

 4 Nitakuwa mgeni katika hema lako milele;+

Nitakimbilia katika kivuli cha mabawa yako.+ (Sela)

 6 Utamwongezea mfalme siku za maisha yake,+

Na miaka yake itatoka kizazi hadi kizazi.

 7 Ataketi kwenye kiti cha ufalme* milele mbele za Mungu;+

Mpe upendo wako mshikamanifu na uaminifu, ili vimlinde.+

 8 Kisha nitaliimbia sifa* jina lako milele+

Ninapotimiza nadhiri zangu siku baada ya siku.+

 2 Kwa kweli, yeye ni mwamba wangu na wokovu wangu, kimbilio langu salama;*+

Kamwe, sitatikiswa sana.+

 4 Kwa maana wanashauriana ili kumwangusha kutoka katika cheo chake cha juu;*

Wanafurahia kusema uwongo.

 5 Kwa kweli, ninamngojea* Mungu kimyakimya+

Kwa sababu tumaini langu linatoka kwake.+

 6 Kwa kweli, yeye ni mwamba wangu na wokovu wangu, kimbilio langu salama;

Sitatikiswa kamwe.+

 9 Wanadamu ni pumzi tu,

Wana wa binadamu ni njozi ya uwongo.+

10 Msitegemee upunjaji

Wala kuwa na matumaini ya uwongo katika unyang’anyi.

12 Pia upendo mshikamanifu ni wako, Ee Yehova,+

Kwa maana unamlipa kila mtu kulingana na matendo yake.+

Ninazimia* kwa sababu ninakutamani

Katika nchi kame iliyokauka, ambayo haina maji.+

 2 Kwa hiyo nimekutazama mahali patakatifu;

Nimeziona nguvu zako na utukufu wako.+

 3 Kwa sababu upendo wako mshikamanifu ni bora kuliko uhai,+

Midomo yangu mwenyewe itakutukuza.+

 4 Basi nitakusifu maisha yangu yote;

Katika jina lako nitaiinua mikono yangu.

 5 Nimeridhika na fungu bora ambalo ni zuri kabisa,*

Kwa hiyo kinywa changu kitakusifu kwa midomo yenye shangwe.+

 6 Ninakukumbuka wewe nikiwa kitandani mwangu;

Ninatafakari kukuhusu katika makesha ya usiku.+

 7 Kwa maana wewe ni msaidizi wangu,+

Nami ninapaza sauti kwa shangwe katika kivuli cha mabawa yako.+

 8 Ninashikamana nawe;

Mkono wako wa kuume hunishika kwa nguvu.+

 9 Lakini wale wanaotaka kuniua*

Watashuka katika sehemu zenye kina zaidi za dunia.

10 Watatiwa katika nguvu za upanga;

Watakuwa chakula cha mbwamwitu.*

Kila mtu anayeapa katika jina la Mungu atashangilia,*

Kwa maana kinywa cha wale wanaosema uwongo kitanyamazishwa.

 2 Nikinge kutokana na njama za siri za waovu,+

Kutoka kwa umati wa watenda maovu.

 3 Wanaunoa ulimi wao kama upanga;

Wanayalenga maneno yao ya ukatili kama mishale,

 4 Ili wampige mtu asiye na hatia wakiwa mafichoni;

Wanampiga ghafla, bila kuogopa.

 5 Wanashikamana sana na kusudi lao ovu;*

Wanazungumzia jinsi ya kuficha mitego yao.

 6 Wanatafuta njia mpya za kutenda uovu;

Wanatunga kwa siri mbinu zao za ujanja;+

Fikira zilizo ndani ya moyo wa kila mmoja wao hazieleweki kamwe.

 7 Lakini Mungu atawapiga mishale;+

Watajeruhiwa kwa ghafla na mshale.

 8 Ulimi wao wenyewe utasababisha waanguke;+

Wote wanaowatazama watatikisa kichwa.

 9 Ndipo watu wote wataogopa,

Nao watatangaza mambo ambayo Mungu ametenda,

Nao watayafahamu matendo yake.+

10 Mwadilifu atashangilia kwa sababu ya Yehova na kumkimbilia;+

Wote walio wanyoofu moyoni watashangilia.*

65 Ee Mungu, sifa inakungojea Sayuni;+

Tutatimiza nadhiri zetu kwako.+

 3 Dhambi zangu zimenilemea,+

Lakini unafunika makosa yetu.+

 4 Mwenye furaha ni yule unayemchagua na kumleta karibu

Ili akae katika nyua zako.+

Tutaridhika na wema wa nyumba yako,+

Hekalu lako takatifu.*+

 5 Utatujibu kwa matendo ya uadilifu yanayoogopesha,+

Ee Mungu wa wokovu wetu;

Wewe ndiye Tegemeo la miisho yote ya dunia+

Na wa wale walio mbali ng’ambo ya bahari.

 6 Uliimarisha kabisa milima kwa nguvu zako;

Umevaa uwezo.+

 7 Unazituliza bahari zilizochafuka,+

Kishindo cha mawimbi yake na msukosuko wa mataifa.+