NNWOM

1 Anigyeɛ ne onipa a ɔmfa abɔnefoɔ afotuo mmɔ ne bra,

Na ɔnkɔgyina nnebɔneyɛfoɔ kwan so,+

Na ɔntena fɛdifoɔ+ tenabea.

 2 Mmom n’ani gye Yehowa mmara+ ho,

Na ɔkenkan Ne mmara no dwendwene ho* awia ne anadwo.+

 3 Ɔbɛyɛ sɛ dua a wɔadua no nsuo ho;

Ɛso aba wɔ ne berɛ mu,

Na n’ahaban remporo,

 4 Abɔnefoɔ deɛ, wɔnte saa;

Wɔte sɛ ntɛtɛ a mframa hu kɔ.

 5 Ɛno nti sɛ atemmuo ba a, abɔnefoɔ rentumi nnyina,+

Na nnebɔneyɛfoɔ rentumi nnyina ateneneefoɔ badwa mu.+

 6 Ɛfiri sɛ Yehowa nim ateneneefoɔ kwan,+

Na nnebɔneyɛfoɔ kwan deɛ, ɛbɛyera.+

2 Adɛn nti na amanaman yɛ gyegyeegye

Na nkurɔfoɔ no keka nsɛnhunu?*+

 2 Asaase so ahemfo sɔre gyina,

Na atumfoɔ bom sɔre* tia+ Yehowa

Na wɔsɔre tia deɛ wasra no no.*+

 3 Wɔka sɛ: “Momma yɛntete wɔn nkɔnsɔnkɔnsɔn mu,

Na yɛnto wɔn nhoma no ngu!”

 4 Deɛ ɔte ahennwa so wɔ soro no bɛsere;

Yehowa bɛdi wɔn ho fɛ.

 5 Saa berɛ no, ɔbɛkasa akyerɛ wɔn n’abufuo mu,

Na n’abufuhyeɛ nti wɔbɛbɔ hu.

 6 Ɔbɛka sɛ: “Me na masi me hene+

Wɔ Sion,+ me bepɔ kronkron no so.”

 7 Ma menka Yehowa mmara ho asɛm;

Ɔka kyerɛɛ me sɛ: “Woyɛ me ba;+

Ɛnnɛ mabɛyɛ w’agya.+

 8 Bisa me, na mede amanaman bɛma wo sɛ w’agyapadeɛ;

Mede asaase nyinaa bɛma wo ama woadi so.+

 9 Wode dadeɛ poma+ bɛbubu wɔn pasaa,

Na woayam wɔn sɛ ɔnwemfoɔ anwenneɛ.”+

10 Afei ahemfo, monhu nyansa;

Asaase so atemmufoɔ, momma wɔntenetene mo.*

11 Momfa osuro nsom Yehowa,

Na momfa ahopopoɔ nni ahurisie wɔ ne mu.

12 Monhyɛ ɔba+ no animuonyam* na Onyankopɔn bo* amfu,

Na moansɛe wɔ kwan no mu,*+

Ɛfiri sɛ n’abufuo tumi dɛre ntɛm.

 3 Nanso wo Yehowa, wone me kyɛm a ɛbɔ me ho ban,+

Wone m’animuonyam+ ne deɛ ɔma me gyina.*+

 4 Mɛteam afrɛ Yehowa,

Na ɔbɛgye me so afiri ne bepɔ kronkron no so.+ (Sela)

 5 Mɛtɔ hɔ na mada;

Mɛnyane no, na bɔne biara nsiiɛ,

Ɛfiri sɛ Yehowa gyina m’akyi daa.+

 6 Mensuro nnipa mpempem

A wɔatwa me ho ahyia.+

Wobɛbubu m’atamfo nyinaa abɔdwe.

Wobɛdwiri abɔnefoɔ se agu.+

 3 Monhu sɛ obi a ɔdi Yehowa nokorɛ deɛ, ɔrenni ne ho agorɔ koraa;*

Mefrɛ Yehowa a, ɔbɛtie me.

 5 Mommɔ tenenee afɔreɛ,

Na momfa mo ho nto Yehowa so.+

 7 Woama m’akoma ani agye

Asene wɔn a wɔtwa hwiit* pii na bobesa foforɔ bu wɔn so no.

 8 Mɛtɔ hɔ na mada asomdwoeɛ mu,+

Ɛfiri sɛ wo Yehowa, wo nko ara na woma menya ahotɔ.+

5 O Yehowa, yɛ aso ma me;+

Tie m’apinisie.

 2 Tie me sufrɛ,

O me Hene ne me Nyankopɔn, ɛfiri sɛ wo na mebɔ wo mpaeɛ.

 3 O Yehowa, anɔpa wobɛte me nne;+

Mede m’ahiasɛm bɛto w’anim+ anɔpa biara na matwɛn wo.

 4 Woyɛ Onyankopɔn a w’ani nnye bɔne ho;+

Ɔbɔnefoɔ biara rentumi ne wo ntena.+

Wotan amumuyɛfoɔ nyinaa;+

 6 Wobɛsɛe nkontompofoɔ.+

 7 Me deɛ, wo dɔ a ɛnni hwammɔ+ nti mɛba wo fie;+

Obuo kɛseɛ a mewɔ ma wo nti, mɛkoto de m’ani akyerɛ w’asɔrefie kronkron* no.+

 8 O Yehowa, m’atamfo nti, fa wo tenenee kyerɛ me kwan;

Ma wo kwan so nna hɔ mma me.+

 9 Nokorɛ biara nni wɔn anom;

Bɔne nko ara na ɛwɔ wɔn mu.

Wɔn menewa yɛ damena a ɛso abue;

Wɔde wɔn kɛtrɛma dɛfɛdɛfɛ nkurɔfoɔ.*+

10 Nanso Onyankopɔn bɛbu wɔn fɔ;

Wɔn ankasa pɔ bɔne na ɛbɛyi wɔn ahwe fam.+

Wɔn mmarato bebrebe nti pamo wɔn,

Ɛfiri sɛ wɔate atua atia wo.

11 Wɔn a wɔde wo yɛ dwankɔbea no deɛ, wɔn nyinaa bɛdi ahurisie;+

Wɔbɛbɔ ose daa.

Wobɛbɔ wɔn ho ban ahyia,

Na wɔn a wɔdɔ wo din bɛdi wo mu ahurisie.

12 O Yehowa, wobɛhyira obiara a ɔyɛ adetenenee;

W’ani bɛgye ne ho na woabɔ ne ho ban sɛdeɛ ɛkyɛm+ kɛseɛ bɔ obi ho ban.

6 O Yehowa, mfa abufuo nka m’anim,

Na mfa abufuhyeɛ ntene me so.+

 3 Maboto* dodo;+

O Yehowa, mese, ɛnkɔsi da bɛn?+

 4 O Yehowa, san bra bɛgye me;*+

Wo dɔ a ɛnni hwammɔ nti, gye me ɛ.+

 5 Awufoɔ ntumi mmɔ wo din;*

Hwan na ɔbɛyi wo ayɛ wɔ Adamena* mu?+

 6 Masi apini abrɛ;+

Me nisuo fɔ me mpa anadwo mũ nyinaa;

Me nisuo yiri fa me kɛtɛ.+

 7 Awerɛhoɔ ama m’ani ayɛ wisiwisi;+

Nkurɔfoɔ reteetee me nti m’ani so atan me.

 8 Amumuyɛfoɔ nyinaa, momfiri me so nkɔ,

Na Yehowa bɛte me su.+

 9 Yehowa bɛtie me nkotosrɛ;+

Yehowa bɛbua me mpaebɔ.

10 M’atamfo nyinaa ani bɛwu na ehu atɔ wɔn so;

Aniwuo nti, wɔbɛsan wɔn akyi prɛko pɛ.+

 2 Anyɛ saa a wɔbɛtete me* mu asinasini sɛdeɛ gyata tete nam mu no,+

Na wɔbɛhwim me akɔ a obiara rentumi nnye me.

 3 O Yehowa me Nyankopɔn, sɛ mfomsoɔ bi na madi,

Sɛ bɔne bi na mayɛ,

 4 Sɛ mede bɔne atua deɛ wayɛ me papa ka,+

Anaa mafom me tamfo nneɛma kwa a,*

 5 Ɛnneɛ ma ɔtamfo ntaa me, na ɔmmɛkye me;*

Ma no ntiatia me* so wɔ fam

Na ɔmma m’animuonyam nsɛe wɔ dɔteɛ mu. (Sela)

 6 O Yehowa, fa abufuo sɔre;

Sɔre ko tia m’atamfo abufuo,+

Ma wo mu so na boa me, na hwɛ ma wɔmfa atɛntenenee nto deɛ ɛda.+

 7 Ma amanaman no ntwa wo ho nhyia,

Na wofiri soro bɛko atia wɔn.

O Yehowa, sɛdeɛ me tenenee teɛ

Ne sɛdeɛ m’abrabɔ di mu no, hwɛ ho bu me atɛn.+

Na ma ɔteneneeni ase ntim,+

Ɛfiri sɛ woyɛ tenenee Nyankopɔn+ a wohwehwɛ akoma mu+ ne deɛ ɛwɔ nnipa mu.*+

11 Onyankopɔn yɛ Ɔtemmufoɔ a ɔtene,+

Na da biara Onyankopɔn ka n’atemmusɛm.*

12 Sɛ obi ansakra a,+ Onyankopɔn se ne sekan ano,+

Ɔkoa n’agyan mu, na ɔsiesie twɛn.+

13 Ɔsiesie n’akodeɛ a ɛdi awuo;

N’agyan a gyaframa wɔ ano no, ɔyɛ no krado.+

14 Hwɛ! Obi nyem bɔne;

Ɔnyinsɛn ɔhaw, na ɔwo nkontompo.+

15 Ɔbɔ amena, na ɔtu ma no kɔ fam;

Nanso ɛbɔn a watu no, ɔno ara na ɔbɛtɔ mu.+

16 Ɔhaw a ɔkɔfa ba no, ɔno ara ne tiri so na ɛbɛba;+

N’awudisɛm no, n’apampam na ɛbɛba.

17 Mɛyi Yehowa ayɛ, n’atɛntenenee nti;+

Mɛto ayeyi nnwom* ama Ɔsorosoroni Yehowa din.+

8 O yɛn Awurade Yehowa, hwɛ sɛdeɛ wo din yɛ kɛse wɔ asaase nyinaa so,

Woama w’animuonyam atra ɔsoro mpo!*+

 2 Mmɔfra ne nkɔkoaa anom+ na woama ahoɔden afiri aba,

Ɛsiane wɔn a wɔtan wo nti;

Woama ɔtamfo ne ɔwerɛdifoɔ aka wɔn ano atom.

 3 Sɛ mehu ɔsoro nneɛma a woayɛ, wo nsateaa ano adwuma,

Bosome ne nsoromma a woasiesie no a,+

 4 Ɔdasani ne hwan a wokae no,

Na onipa ba ne hwan a wodwene ne ho?+

 5 Womaa no baa fam kakra senee abɔfoɔ,*

Na wode animuonyam ne anidie bɔɔ no abotire.

 6 Wode wo nsa ano adwuma ahyɛ ne nsa;+

Na wode biribiara agu ne nan ase:

 7 Nnwan ne anantwie nyinaa,

Ne wuram mmoa,+

 8 Ewiem nnomaa ne ɛpo mu mpataa,

Biribiara a ɛnenam ɛpo mu; wode ne nyinaa ama no.

9 O Yehowa, mede m’akoma nyinaa bɛyi wo ayɛ;

Mɛka w’anwanwadwuma nyinaa ho asɛm.+

 2 Mɛdi ahurisie na manya wo mu anigyeɛ;

O Ɔsorosoroni, mɛto ayeyi nnwom* ama wo din.+

 3 Sɛ m’atamfo dane wɔn ho dwane a,+

Wɔbɛsunti na wɔayera wɔ w’anim.

 4 Wodi m’asɛm ma me;

Wotena w’ahennwa so bu atɛntenenee.+

 5 Woaka amanaman anim,+ na woasɛe nnebɔneyɛfoɔ.

Woapepa wɔn din afiri hɔ korakora.

 6 Ɔtamfo ahwe ase afebɔɔ;

Woaka wɔn nkuro agu,

Na wɔn din bɛyera koraa.+

 7 Yehowa deɛ, ɔte n’ahennwa so daa;+

Ɔde n’adwa atim hɔ pintinn, na ɔbɛbu atɛntenenee.+

 8 Ɔbɛbu asaase so nnipa atɛn wɔ tenenee mu;+

Ɔbɛbu atɛntenenee ama amanaman no.+

 9 Yehowa bɛyɛ dwankɔbea a ɛyɛ den* ama mmɔborɔwafoɔ;+

Ɔbɛyɛ ahohia berɛ mu dwankɔbea.+

10 Wɔn a wɔnim wo din no de wɔn ho bɛto wo so,+

Na wɔn a wɔhwehwɛ wo no, wo Yehowa, worennya wɔn da.+

11 Monto ayeyi nnwom mma Yehowa a ɔte Sion no;

Monka ne nnwuma ho asɛm wɔ amanaman mu.+

12 Ɔbɛkae mmɔborɔwa na wabisa ne mogya afiri n’atamfo nsam;+

Ne werɛ remfi ne sufrɛ da.+

13 O Yehowa, hwɛ sɛdeɛ m’atamfo ma me ho hiahia me; hu me mmɔbɔ,

Wo a woma me so firi owuo apono ano no.+

14 Ɛno bɛma matumi aka w’ayeyie nnwuma wɔ Sion babaa apono ano,+

Na manya anigyeɛ wɔ wo nkwagyeɛ nnwuma mu.+

15 Amanaman no atɔ amena a wɔatu mu;

Asau a wɔde hintaeɛ no asɔ wɔn ankasa nan.+

17 Nnebɔneyɛfoɔ bɛdane wɔn ho de wɔn ani akyerɛ Adamena;*

Ɛhɔ na aman a wɔn werɛ afi Onyankopɔn no nyinaa bɛkɔ.

18 Onyankopɔn werɛ remfi ohiani,+

Na deɛ ahobrɛasefoɔ ani da so nso renyera da.+

20 O Yehowa, ma wɔmmɔ hu,+

Ma amanaman no nhu sɛ wɔyɛ nnipa ara kwa. (Sela)

 2 Ɔdebɔneyɛfoɔ yɛ ahantan, enti ɔtaataa mmɔborɔwa;+

Nanso deɛ wabɔ ne tirim sɛ ɔbɛyɛ no, ɔno ara na ɛbɛsum no fidie ayi no.+

 3 Ɔdebɔneyɛfoɔ de ɔno ara* n’akɔnnɔ bɔne hoahoa ne ho,+

Na ɔhyira odufudepɛfoɔ;*

נ [Nun]

Ɔbu Yehowa animtia.

 4 Ɔdebɔneyɛfoɔ ahomasoɔ nti, ɔnhwehwɛ Onyankopɔn;

Ne tirim adwene nyinaa ne sɛ: “Onyankopɔn biara nni hɔ.”+

 5 N’akwan si no yie daa.+

Nanso w’atemmusɛm boro ne nteaseɛ so;+

 6 Ɔka no n’akomam sɛ: “Merenhinhim da;

Awoɔ ntoatoasoɔ kɔ ma awoɔ ntoatoasoɔ ba mpo a,

Mmusuo remma me so da.”+

 7 Nnome, nkontompo ne ahunahuna ahyɛ n’anom ma.+

Mmusuo ne bɔne ayɛ ne kɛtrɛma so ma.+

8 Nkuraa-nkuraa na ɔtetɛ;

Ɔkɔhyɛ sum ase kum deɛ ne ho nni asɛm.+

10 Ɔma deɛ ɔmpɛ ne ho asɛm hwe ase;

Ɔmoa* deɛ ne ho nni asɛm.

Wo na mmɔborɔwa ani da wo so.+

Agyanka boafoɔ ne wo.+

15 Bubu ɔdebɔneyɛfoɔ ne omumɔyɛfoɔ basa,+

Sɛdeɛ ɛbɛyɛ a, wohwehwɛ n’amumuyɛ a,

Worenhunu bio.

18 Wobɛdi agyanka ne ɔwerɛhoni asɛm ama wɔn,+

Na onipa dasani* anhunahuna wɔn bio.+

 2 Hwɛ sɛdeɛ nnebɔneyɛfoɔ akuntunu agyan mu,

Wɔde agyan dua no asi ahoma no so

Sɛ wɔrebɛto no sum mu akɔwɔ akomam teefoɔ.

 3 Berɛ a fapem no asɛe yi,

Ɛdeɛn na ɔteneneeni bɛtumi ayɛ?”

 5 Yehowa pɛɛpɛɛ ɔteneneeni ne ɔdebɔneyɛfoɔ mu;+

Ɔkyiri* obiara a n’ani gye awudisɛm ho.+

 6 Ɔbɛma mmusuo* atɔ agu nnebɔneyɛfoɔ so;

Kuruwa a ɛbɛyɛ wɔn kyɛfa ne egya ne sɔfe*+ ne mframa a emu yɛ hye.

12 O Yehowa, gye me, na nokorɛdifoɔ asa;

Anokwafoɔ ayera wɔ nnipa mu.

 2 Nkontomposɛm na obiara keka kyerɛ ne yɔnko;

Wɔdɛfɛdɛfɛ nkurɔfoɔ,* na wɔdaadaa wɔn.*+

 3 Yehowa bɛtwa ano biara a ɛdɛfɛdɛfɛ nkurɔfoɔ

Ne kɛtrɛma a ɛhoahoa ne ho afiri hɔ;+

 4 Wɔn na wɔka sɛ: “Yɛde yɛn kɛtrɛma bɛdi nkonim.

Yɛde yɛn ano bɛka deɛ yɛpɛ biara;

Hwan na ɔbɛtumi adi yɛn so?”+

 5 “Mmɔborɔwa a wɔhyɛ ne so

Ne ohiani apinisie nti,+

Mɛsɔre akeka me ho,” Yehowa na ɔseɛ.

 6 Yehowa nsɛm ho te;+

Ɛte sɛ dwetɛ a wɔayiyi mu wɔ egya fononoo* mu, deɛ wɔapa mu mprɛ nson.

 7 O Yehowa, wobɛhwɛ wɔn so;+

Wobɛbɔ wɔn mu biara ho ban daa afiri awoɔ ntoatoasoɔ yi ho.

 8 Nnebɔneyɛfoɔ tumi kɔ baabiara a wɔpɛ,

Ɛfiri sɛ brabɔne na nnipa mma bɔ gye so.+

 2 Ɛnkɔsi da bɛn na dadwene bɛhyɛ me so*

Na awerɛhoɔ atena m’akomam da biara?

Ma m’ani nhu hann, na manwu,*

 4 Na me tamfo anka sɛ: “Madi ne so nkonim!”

 5 Me deɛ, wo dɔ a ɛnni hwammɔ na mede me ho ato so;+

M’akoma ani bɛgye wo nkwagyeɛ mu.+

Wɔn suban asɛe koraa, na wɔyɛ akyiwadeɛ.

Wɔn mu biara nni hɔ a ɔyɛ adepa.+

 2 Yehowa deɛ, ɔfiri soro hwɛ nnipa mma;

Ɔrehwɛ sɛ ɔbɛhu obi a ɔwɔ nhunumu anaa obi a ɔhwehwɛ Yehowa.+

 3 Wɔn nyinaa afom kwan;+

Wɔn nyinaa aporɔ.

Obiara nni hɔ a ɔyɛ adepa,

Baako mpo nni hɔ.

 5 Ehu kɛseɛ bɛka wɔn,+

Ɛfiri sɛ Yehowa ka ateneneefoɔ badwa* ho.

 6 Mo, abɔnefoɔ, mode asi mo ani so sɛ mobɛsɛe mmɔborɔwa nhyehyɛeɛ,

Nanso Yehowa ne ne dwankɔbea.+

Na sɛ Yehowa bɛsan aboaboa ne nkurɔfoɔ a wɔakɔdi obi man so no ano aba a,

Ɛnneɛ ma Yakob ani nnye na Israel nni ahurisie.

 2 Deɛ ne ho nni asɛm,*+

Ɔyɛ adetenenee,+

Na ɔka nokorɛ wɔ n’akoma mu.+

 3 Ɔmfa ne kɛtrɛma nkeka nkurɔfoɔ ho nsɛmmɔne,+

Ɔnyɛ ne mfɛfoɔ bɔne biara,+

Na ne nnamfo nso, ɔnsɛe wɔn din.*+

 4 Ɔne ahuhufoɔ nnante,+

Na ɔdi wɔn a wɔsuro Yehowa no ni.

 5 Ɔde ne sika bɔ bosea a, ɔnnye nsiho,+

Na ɔnnye deɛ ne ho nni asɛm nkyɛn adanmudeɛ.*+

 3 Akronkronfoɔ a wɔwɔ asaase so no,

M’ani gye saa animuonyamfoɔ no ho paa.”+

Mogya a wɔde yɛ afɔrebɔ nsã no, merenhwie bi da,

Na meremmɔ wɔn din nso.+

Ahurisidie kɛseɛ wɔ w’anim;

Anigyeɛ wɔ wo nifa so daa.+

17 O Yehowa, tie m’adesrɛ na bu atɛntenenee ma me;

Wɛn w’aso tie me sufrɛ;

Yɛ aso ma me mpaebɔ a ɛfiri m’akoma mu.+

 2 Bu atɛntenenee ma me;+

Ma w’ani nhwɛ deɛ ɛtene.

 3 Wopɛɛpɛɛ m’akomam, na wohwehwɛ me mu anadwo;+

Woyiyi me mu;+

Berɛ biara a wobɛyɛ saa no, wobɛhu sɛ memmɔɔ pɔ bɔne biara,

Na memfaa m’ano nkaa asɛmmɔne.

 4 Yɛka nnipa nneyɛɛ ho asɛm a,

W’anom asɛm nti matwe me ho afiri akorɔmfoɔ kwan ho.+

 5 Mma m’anammɔn mmfiri w’akwan so

Sɛdeɛ ɛbɛyɛ a me nan renwatiri.+

 7 O Ɔgyefoɔ, wo na wogye wɔn a wɔde wo nsa nifa yɛ dwankɔbea

Firi wɔn a wɔte atua tia wo no nsam.

Yɛ anwanwadwuma fa kyerɛ sɛ wo dɔ nni hwammɔ.+

 8 Bɔ me ho ban sɛ w’ani kosua,+

Na fa me hinta wo ntaban* ase.+

 9 Nnebɔneyɛfoɔ a wɔto hyɛ me so no, bɔ me ho ban firi wɔn ho.

M’atamfo a wɔpɛ me wuo* nso, gye me firi wɔn nsam.+

10 Wɔn akoma apirim;*

Wɔkasa ahantan so;

11 Wɔaka yɛn ahyem;+

Deɛ wɔpɛ ara ne sɛ wɔbɛnya yɛn ayi yɛn ahwe fam.*

12 Wɔn mu biara te sɛ gyata a ɔrepɛ nam ateteɛ,

Gyata a ɔtetɛ baabi.

13 O Yehowa, sɔre kɔ n’anim+ kɔdi ne so nkonim;

Fa wo sekan gye me* firi ɔdebɔneyɛfoɔ nsam,

14 O Yehowa, fa wo nsa gye me;

Wiase* mu nnipa a asetena yi mu na wɔn kyɛfa wɔ no,+ gye me firi wɔn nsam.

Wɔn na wɔnya nneɛma pa a ɛfiri wo nkyɛn ma no so wɔn,+

Na wɔde agyapadeɛ gya wɔn mma a wɔdɔɔso.

15 Me deɛ, tenenee mu na mɛhwɛ w’anim;

Sɛ menyane na mehu wo a, m’akoma tɔ me yam.+

Me Nyankopɔn yɛ me botan.+ Ɔno ne me dwankɔbea,

Me kyɛm ne me nkwagyeɛ* abɛn,* me hintabea.*+

 3 Yehowa fata ayeyie paa, na ɔno na mesu frɛ no;

Ɔbɛgye me afiri m’atamfo nsam.+

 5 Adamena* nhoma twaa me ho hyiaeɛ;

Owuo sum mfidie wɔ m’anim.+

 6 Mesu frɛɛ Yehowa wɔ m’ahohia mu;

Mesu frɛɛ me Nyankopɔn daa.

Ɔtee me nne wɔ n’asɔrefie hɔ,+

Na me sufrɛ no duruu n’asom.+

 7 Ɛnna asaase hinhimiiɛ, na ɛwosoeɛ;+

Mmepɔ fapem wosoeɛ,

Na n’abufuo nti, ɛwosoo biribiri.+

 8 Wisie firi ne hwene mu pueeɛ,

Na egya a ɛhye adeɛ firi n’anom bae;+

Nnyasramma firi ne mu dɛreeɛ.

 9 Ɔmaa ɔsoro kuntunuiɛ, na ɔsianeeɛ.+

Ná mununkum kusuu wɔ ne nan ase.+

11 Afei ɔde esum twaa ne ho hyiae;+

Ɔde nsuo a amuna tumm ne mununkum kusuu+

Kataa ne so te sɛ apata.

12 Hann a ɛfiri n’anim nti,

Asukɔtweaa ne nnyasramma firi mununkum mu bae.

13 Ɛnna Yehowa firi soro boboom;+

Ɔsorosoroni no maa ne nne so,+

Na asukɔtweaa ne nnyasramma nso bae.

14 Ɔtotoo n’agyan, na ɛbɔɔ wɔn hweteeɛ;+

Ɔmaa n’anyinam pae guu wɔn so, na wɔn ani so tan wɔn.+

15 Nsuo ase daa adi;+

O Yehowa, asaase fapem yii ne ho adi,

W’animka ne wo hwene mu home* nti.+

16 Ɔtenee ne nsa firii soro;

Ɔsɔɔ me mu yii me firii nsuo a emu dɔ mu.+

17 Ɔgyee me firii me tamfo hoɔdenfoɔ nsam,+

Wɔn a wɔkyiri me na wɔn ho yɛ den sene me no.+

18 Wɔbɛtoaa me m’amanehunu da,+

Nanso Yehowa twitwa gyee me.

19 Ɔde me kɔɔ baabi a bɔne biara renka me;*

Ɔpɛ m’asɛm nti, ɔgyee me.+

20 Me tenenee nti, Yehowa tua me ka;+

Me ho a ɛnni asɛm* nti, ɔma me akatua.+

21 Mafa Yehowa akwan so,

Na mennyaa me Nyankopɔn nkɔyɛɛ bɔne.

22 N’atemmusɛm nyinaa wɔ m’anim;

N’ahyɛdeɛ nso, meremmu no animtia.

23 Meremma asɛm mma me ho wɔ n’anim,+

Na mɛtwe me ho afiri bɔne ho.+

24 Me tenenee ne me ho a ɛnni asɛm nti,+

Ma Yehowa mma me akatua.+

25 Deɛ ɔyɛ ɔnokwafoɔ no, wo nso wobɛdi no nokorɛ;+

Ɔbarima a ne ho nni asɛm no, wobɛma no ahu sɛ wo ho nni asɛm;+

26 Deɛ ɔyɛ kronkron no, wo nso wobɛyɛ kronkron ama no,+

Na deɛ ɔyɛ ɔdaadaafoɔ no, wobɛkyerɛ no sɛ w’ani ate kyɛn no.+

27 Wotwitwa gye mmɔborɔwafoɔ;+

Na ahantanfoɔ* deɛ, wobrɛ wɔn ase.+

28 O Yehowa, wo na woma me kanea hyerɛn;

Me Nyankopɔn, wo na woma esum dane hann ma me.+

29 Woboa me ma meto hyɛ akorɔmfo-werɛmfoɔ dɔm so;+

Onyankopɔn tumi nti, metumi foro fasuo.+

30 Nokorɛ Nyankopɔn no kwan di mu;+

Yehowa asɛm nso, wɔasɔne so.+

32 Nokorɛ Nyankopɔn no na ɔde ahoɔden kata me ho,+

Na ɔbɛma me kwan adi mu.+

33 Ɔma me nan yɛ sɛ wansane deɛ,

Na ɔma megyina sorosoro.+

34 Ɔkyerɛ me nsa akodie;

Me basa tumi kuntunu kɔbere agyan mu.

35 Wode wo nkwagyeɛ kyɛm ma me,+

Wo nsa nifa na ekura me mu,*

Na w’ahobrɛaseɛ ma meyɛ kɛseɛ.+

36 Wotrɛ m’anammɔn kwan mu;

Me nan* renwatiri.+

37 Mɛti m’atamfo akɔto wɔn;

Merensan kɔsi sɛ mɛtɔre wɔn ase.

38 Mɛbubu wɔn na wɔrentumi nsɔre bio;+

Wɔbɛhwe ase me nan ase.

39 Wobɛma me ahoɔden a mede bɛdi ako;

Wobɛma m’atamfo ahwe ase me nan ase.+

40 Wobɛma m’atamfo adane wɔn ho adwane,*

Na wɔn a wɔkyiri me no, mɛsɛe wɔn.*+

41 Wɔsu hwehwɛ mmoa, nanso ɔgyefoɔ biara nni hɔ;

Wɔsu frɛ Yehowa mpo, nanso ɔmmua wɔn.

42 Mɛyam wɔn muhumuhu sɛ mfuturo a ɛnam mframa mu;

Mɛto wɔn agu sɛ abɔnten so atɛkyɛ.

44 Atesɛm kɛkɛ bɛma wɔayɛ aso ama me;

Ahɔhoɔ bɛbrɛ wɔn ho ase ama me.+

45 Ahɔhoɔ bɛpa aba;*

Wɔde ahopopoɔ bɛfiri wɔn hintabea apue.

47 Nokorɛ Nyankopɔn no na ɔtua m’atamfo so ka ma me;+

Ɔka aman gu me nan ase.

48 Ɔgye me firi m’atamfo a wɔn bo afu nsam;

Woma me so, na wɔn a wɔto hyɛ me so no annya me;+

Wogye me firi wudini nsam.

49 O Yehowa, ɛno nti, mɛkamfo wo wɔ amanaman mu,+

Na mɛto ayeyi nnwom* ama wo din.+

50 Nkwagyeɛ nnwuma akɛseɛ na ɔyɛ* ma ne hene,+

Ɔda ɔdɔ a ɛnni hwammɔ adi kyerɛ deɛ wasra no no,+

Dawid ne n’aseni* daa.+

19 Ɔsoro pae mu ka Onyankopɔn animuonyam;+

Ewiem nneɛma bɔ ne nsa ano adwuma dawuro.+

 2 Adekyeeɛ biara, wɔkasa,

Na anadwo biara, wɔma yɛnya nimdeɛ.

 3 Wɔmmue wɔn ano, wɔnte wɔn anom kasa,

Na wɔnte wɔn nne nso.

 4 Nanso yɛte wɔn nka wɔ* wiase nyinaa,

Na wɔn nsɛm duru asaase ano baabiara.+

Onyankopɔn asi ntomadan ama awia wɔ ɔsoro;

 5 Ɛte sɛ ayeforɔkunu a ɔfiri n’ayeforɔ dan mu repue;

Ɛdi ahurisie te sɛ ɔhoɔdenfoɔ a ɔretu mmirika.

 6 Ɔhyɛ n’akwantuo ase wɔ ɔsoro ano,

Na ɔkɔwie wɔ ɛfã nohoa;+

Ɛhyeɛ a ɛfiri mu ba deɛ, baabiara nni hɔ a ɛntumi nnuru.

 8 Yehowa ahyɛdeɛ tene, na ɛma akoma di ahurisie;+

Yehowa mmara nsɛm ho te, na ɛbue nnipa ani.+

10 Ɛyɛ akɔnnɔ sene sika kɔkɔɔ;

Ɛsene sika kɔkɔɔ amapa* mpo.+

Ɛyɛ dɛ sene ɛwoɔ,+ ɛwoɔ a ɛsosɔ firi ɛwoɔkyɛm mu.

11 Ɛno na ɛbɔ w’akoa kɔkɔ;+

Deɛ ɔdi so no nya akatua kɛseɛ.+

13 Hwɛ w’akoa na manyɛ aniammɔnho;+

Mma no nnni me so.+

Ɛba saa a, me ho remma asɛm,+

Na mɛde me ho afiri anidaho bɔne* ho.

14 O Yehowa, me Botan+ ne me Gyefoɔ,+

Ma m’anom nsɛm ne m’akomam nsusuiɛ nyɛ wo fɛ.+

 2 Ɔmfiri kronkronbea hɔ mmoa wo,+

Na ɔmfiri Sion mmɛsɔ wo mu.+

 3 Ma no nkae w’akyɛdeɛ afɔreɛ nyinaa,

Na n’ani nsɔ wo hyeɛ afɔreɛ.* (Sela)

 4 Ɔmma wo w’akoma so adeɛ,+

Na ɔmma deɛ woabɔ wo tirim sɛ wobɛyɛ nyinaa mmra mu.

 5 Gye a woagye yɛn nti, yɛbɛdi ahurisie,+

Na yɛn Nyankopɔn din mu na yɛbɛmema yɛnfrankaa so.+

Ɔfiri ne kronkronbea wɔ soro tie no;

Ɔde ne nsa nifa yɛ nnwuma* akɛseɛ de gye no.+

 7 Ebinom de wɔn werɛ hyɛ nteaseɛnam mu, ebinom nso de wɔn ho to apɔnkɔ so;+

Yɛn deɛ, yɛbɔ Yehowa yɛn Nyankopɔn din frɛ no.+

 8 Wɔadi nkoguo na wɔahwehwe ase;

Yɛn deɛ, yɛasɔre agyina yɛn nan so bio.+

21 O Yehowa, w’ahoɔden mu na ɔhene di ahurisie;+

Hwɛ sɛdeɛ ɔdi ahurisie kɛse wɔ wo nkwagyeɛ nnwuma mu!+

 2 Woama no n’akoma so adeɛ,+

Na n’abisadeɛ* nso, woamfa ankame no. (Sela)

 3 Wode nhyira pii hyia no;

Wode ahenkyɛ a wɔde sika kɔkɔɔ amapa* ayɛ ahyɛ no.+

 4 Ɔbisaa wo hɔ nkwa, na wode maa no,+

Womaa no nkwa tenten, womaa no nkwa a ɛnni awieeɛ.

 6 Woayɛ no obi a wɔahyira no daa;+

Woma n’ani gye, ɛfiri sɛ woka ne ho.+

 7 Ɔhene de ne ho ato Yehowa so;+

Ɔsorosoroni no dɔ a ɛnni hwammɔ nti, ɔrenhinhim da.+

 8 Wo nsa bɛka w’atamfo nyinaa;

Wo nsa nifa bɛsɔ wɔn a wɔtan wo no mu.

10 Wobɛtɔre wɔn mma ase afiri asaase so,

Na wobɛpepa wɔn asefoɔ afiri nnipa mma mu;

11 Ɛfiri sɛ wɔrepɛ wo adi wo bɔne;+

Wɔabɔ pɔ bɔne, nanso ɛremma mu.+

12 W’agyan* a wode akyerɛ wɔn so nti,

Wɔbɛdane wɔn ho adwane.+

Adɛn nti na wommɛgye me?

Adɛn nti na wontie me sufrɛ?+

 2 Me Nyankopɔn, mefrɛ wo adekyeeɛ, nanso

wommua me;+

 3 Ne nyinaa mu no, woyɛ kronkron,+

Na Israel ayeyie atwa wo ho ahyia.*

 4 Wo na yɛn agyanom de wɔn ho too wo so;+

Wɔde wɔn ho too wo so, na wogyee wɔn.+

 5 Wo na wɔsu frɛɛ wo, na wogyee wɔn nkwa;

Wɔde wɔn ho too wo so, na wɔn nsa ansi fam.*+

 6 Nanso me deɛ, meyɛ sonsono, menyɛ onipa.

Nkurɔfoɔ dii me ho fɛ,* na aman buu me animtia.+

 9 Wo na woyii me firii yafunu mu;+

Berɛ a metua me maame nufoɔ ano no, womaa m’akoma tɔɔ me yam.

10 Wɔwoo me ara pɛ na wɔde me hyɛɛ wo nsa;*

Wone me Nyankopɔn firi me maame yam.

11 Ntwe wo ho mfiri me ho, ɛfiri sɛ ahohia abɛn me,+

Na menni ɔboafoɔ foforɔ biara.+

12 Anantwinini bebree atwa me ho ahyia;+

Basan anantwinini a wɔn ho yɛ den atwa me ho kanko.+

13 Wɔbaabae wɔn anom kyerɛ me+

Te sɛ gyata a ɔrebobom na ɔretete nam mu.+

14 Wɔahwie me agu sɛ nsuo,

Na me nnompe nyinaa ahwinhwan.

M’akoma ayɛ sɛ ɛwoɔkyɛm;+

Anane wɔ me mu tɔnn.+

15 M’ahoɔden asa; mete sɛ ayowa sini,+

Me kɛtrɛma afam me dodom;+

Woretwe me akɔ owuo mu akɔhyɛ dɔteɛ mu.+

16 Nkraman atwa me ho ahyia;+

Wɔaka me ahyem sɛdeɛ nnebɔneyɛfoɔ asafodɔm yɛ.+

Wɔrekeka me nsa ne me nan te sɛ gyata.+

18 Wɔkyekyɛ me ntaadeɛ mu fa,

Na wɔbɔ m’ataadeɛ so ntonto.+

20 Gye me* firi sekan ano;

Me nkwa* a ɛsom bo no, gye firi kraman nsam.+

21 Gye me firi gyata anom;+

Tie me na gye me firi ɛkoɔ* mmɛn mu.

22 Mɛbɔ wo din akyerɛ me nuanom;+

Mɛyi wo ayɛ wɔ asafo no mu.+

24 Ɔno na wammu mmɔborɔwa animtia, na wammu n’ani angu n’amanehunu so;+

Wamfa n’anim anhinta no.+

25 Mɛyi wo ayɛ wɔ asafo kɛseɛ mu;+

Mɛtua me bɔhyɛ adeɛ wɔ wɔn a wɔsuro wo no anim.

26 Ahobrɛasefoɔ bɛdidi amee;+

Wɔn a wɔhwehwɛ Yehowa no bɛyi no ayɛ.+

28 Yehowa na ahennie wɔ no;+

Ɔno na ɔdi amanaman no so hene.

29 Asaase so asikafoɔ* nyinaa bɛdidi na wɔakoto;

Wɔn a wɔkɔ dɔteɛ mu nyinaa bɛkoto n’anim;

Wɔn mu biara rentumi nkora ne nkwa* so.

30 Wɔn asefoɔ* bɛsom no;

Wɔbɛka Yehowa ho asɛm akyerɛ awoɔ ntoatoasoɔ a ɛbɛba.

 2 Ɔma meda adidibea a ɛhɔ wura yɛ frɔmfrɔm.

Ɔde me kɔ homebea a nsuo pii wɔ.*+

 4 Sɛ menam ɛbɔn a emu yɛ sum kabii+ mu mpo a,

Mensuro bɔne biara,+

Ɛfiri sɛ woka me ho;+

W’abaa ne wo poma na ɛkyekye me werɛ.

Wode ngo sra me tirim ma me ho tɔ me;+

Me kuruwa yɛ ma bu so.+

 6 Anokwa, papayɛ ne ɔdɔ a ɛnni hwammɔ bɛdi m’akyi me nkwa nna nyinaa;+

Na mɛtena Yehowa fie me nkwa nna nyinaa.+

24 Asaase ne ɛso nneɛma nyinaa yɛ Yehowa dea.+

Asaase a ɛma nnɔbaeɛ ne wɔn a wɔtete so nyinaa yɛ ne dea.

 2 Ɔde atim ɛpo so,+

Na ɔde atim nsubɔnten so.

 3 Hwan na ɔbɛtumi aforo akɔ Yehowa bepɔ so,+

Na hwan na ɔbɛtumi agyina ne kronkronbea hɔ?

 4 Deɛ ne ho nni asɛm,* na n’akoma mu te,+

Deɛ ɔmfaa Onyankopɔn din* nkaa ntam a ɛyɛ atorɔ,

Anaa deɛ ɔnkaa ntam a ɛyɛ nkontompo.+

 5 Ɔbɛnya Yehowa hɔ nhyira,+

Na ne nkwagyeɛ Nyankopɔn no bɛbu no ɔteneneeni.+

 6 Weinom ne wɔn a wɔhwehwɛ no no asefoɔ,

Wɔn a wɔhwehwɛ w’anim adom no, O Yakob Nyankopɔn. (Sela)

 7 O apono, momma mo ti so;+

Tete apono, mommuebue*

Mma Ɔhene nimuonyamfoɔ no mfa mu!+

Ɔne Yehowa, ɔhoɔdenfoɔ ne otumfoɔ no,+

Ɔsabarima Yehowa.+

 9 O apono, momma mo ti so;+

Tete apono, mommuebue

Mma Ɔhene nimuonyamfoɔ no mfa mu!

 2 Me Nyankopɔn, mede me ho ato wo so;+

Mma m’anim nngu ase.+

 3 Ampa, wɔn a wɔn ani da wo so no, wɔn mu biara ani renwu.+

Nanso nnipa* a wɔtwa wɔn yɔnko nkontompo kwa no, wɔn anim bɛgu ase.+

 4 O Yehowa, ma menhu w’akwan;+

Kyerɛ me w’atempɔn.+

 5 Ma mennante wo nokorɛ mu na kyerɛkyerɛ me,+

Ɛfiri sɛ wone me nkwagyeɛ Nyankopɔn.

 6 O Yehowa, kae wo mmɔborɔhunu ne wo dɔ a ɛnni hwammɔ;+

Ɛfiri tete na woada no adi.+

O Yehowa, wo papayɛ nti,+

Kae me sɛdeɛ wo dɔ a ɛnni hwammɔ no teɛ.+

 9 Ɔbɛma ahobrɛasefoɔ ahunu tenenee kwan,*+

Na wakyerɛkyerɛ ahobrɛasefoɔ ne kwan.+

10 Ɔdɔ a ɛnni hwammɔ ne nokorɛdie na ɛwɔ Yehowa atempɔn so

Ma wɔn a wɔdi n’apam+ ne ne nkaesɛm so.+

11 O Yehowa, me mfomsoɔ so,

Nanso wo din nti,+ fa kyɛ me.

13 Ne* nsa bɛka nneɛma pa,+

Na n’asefoɔ* bɛnya asaase no so atena.+

14 Wɔn a wɔsuro Yehowa na wɔyɛ ne nnamfo paa,+

Na ɔma wɔhu n’apam.+

15 M’ani da Yehowa so daa;+

Ɔno na ɔbɛyi me nan afiri asau mu.+

16 Twa w’ani bɛhwɛ me na dom me,

Ɛfiri sɛ mayɛ ankonam, na mayɛ mmɔbɔ.

17 M’akoma mu ahohia adɔɔso;+

Gye me firi m’adwennwene mu.

18 Hwɛ m’amanehunu ne me haw,+

Na fa me bɔne nyinaa kyɛ me.+

19 Hwɛ sɛdeɛ m’atamfo adɔɔso;

Wɔkyiri me kɔkɔkɔkɔ, enti wɔrepɛ me adi me bɔne.

21 Ma abrabɔ a ɛdi mu ne tenenee mmɔ me ho ban,+

Ɛfiri sɛ m’anidasoɔ ne wo.+

26 O Yehowa, bu me atɛn, ɛfiri sɛ m’abrabɔ di mu;+

Yehowa na mede me ho ato ne so, na mekura m’ahotɔsoɔ no mu dendeenden.+

 2 O Yehowa, hwehwɛ me mu na sɔ me hwɛ;

Siesie me tirim adwene* ne m’akoma.+

 3 Medwene wo dɔ a ɛnni hwammɔ no ho berɛ nyinaa,

Na menante wo nokorɛ kwan so.+

 4 Me ne nkontompofoɔ mmɔ,*+

Na metwe me ho firi nyaatwomfoɔ ho.*

 5 Mekyiri abɔnefoɔ fekuo,+

Na me ne nnebɔneyɛfoɔ mmɔ.*+

 6 Mɛhohoro me nsa de akyerɛ sɛ medi bem.

O Yehowa, mɛtwa w’afɔrebukyia ho ahyia,

 7 Na mama nkurɔfoɔ ate m’aseda,+

Na maka w’anwanwadwuma nyinaa ho asɛm.

 8 Yehowa, efie a wote mu no, m’akoma da so;+

Baabi a w’animuonyam te no.+

 9 Mpra me* nka abɔnefoɔ ho nkɔ,+

Na mfa me mfra awudifoɔ* nkum me.

10 Wɔn na wɔde wɔn nsa yɛ aniwudeɛ

Na adanmudeɛ* ayɛ wɔn nsa nifa ma.

12 Me nan gyina baabi a ɛhɔ da fam;+

Asafo kɛseɛ mu* na mɛyi Yehowa ayɛ.+

 2 Berɛ a nnebɔneyɛfoɔ baa me so sɛ wɔrebɛkye me awe no,+

M’atamfo ne wɔn a wɔkyiri me no, wɔn na wɔsunti hwehwee ase.

 3 Sɛ dɔm bɛtwa me ho hyia a,

M’akoma rentu.+

Sɛ ɛko mpo na ɛbɛba a,

Mede me ho bɛto ne so.

 4 Adeɛ baako na mesrɛ Yehowa,

Na ɛno na mehwehwɛ akyire kwan;

Ɛne sɛ mɛtena Yehowa fie me nkwa nna nyinaa,+

Na mahwɛ Yehowa papayɛ,

Na mede anigyeɛ* ahwɛ n’asɔrefie.*+

 5 Ɔbɛkora me so wɔ ne hintabea ahohia da;+

Ɔde me bɛsie ahintaeɛ wɔ ne ntomadan mu;+

Ɔde me bɛgyina ɔbotan so wɔ sorosoro.+

 6 M’atamfo a wɔatwa me ho ahyia no, afei madi wɔn so nkonim;

Mede osebɔ bɛbɔ afɔreɛ wɔ ne ntomadan mu;

Mɛto ayeyi nnwom* ama Yehowa.

 7 O Yehowa, mesu frɛ wo a tie me;+

Hu me mmɔbɔ na gye me so.+

Wone me boafoɔ;+

O me nkwagyeɛ Nyankopɔn, nto me ntwene, na nnya me.

10 Sɛ me ara me papa ne me maame mpo po me a,+

Yehowa bɛgye me.+

11 O Yehowa, kyerɛkyerɛ me wɔ wo kwan so,+

M’atamfo nti, kyerɛ me ɛkwantenenee.

12 Mfa me nhyɛ m’atamfo* nsa;+

Wɔdi adanseɛ tia me,+

Na wɔrepɛ me adi me bɔne.

13 Sɛ mannya gyidie sɛ mɛhu Yehowa papayɛ wɔ ateasefoɔ asaase so a,

Anka mewɔ he?*+

14 Fa w’ani to Yehowa so;+

Nya akokoɔduro na ma wo bo nyɛ duru.+

28 O Yehowa me Botan,+ wo na mefrɛ wo daa.

Nsisi w’aso, m’adesrɛ ho.

Sɛ woyɛ komm wɔ me ho a,

Mɛyɛ sɛ wɔn a wɔrekɔ amena* mu no.+

 2 Mesu frɛ wo a, tie me,

Sɛ mede m’ani kyerɛ wo tenabea kronkron no pia mu pia no na mema me nsa so kyerɛ wo a, tie me.+

 3 Nkan me mfra nnebɔneyɛfoɔ, wɔn a wɔdi amumuyɛsɛm no.+

Wɔde wɔn ano ka asomdwoeɛsɛm kyerɛ wɔn yɔnko nnipa, nanso bɔne na ɛwɔ wɔn akomam.+

 4 Tua wɔn ka sɛdeɛ wɔn suban teɛ,+

Sɛdeɛ wɔn nnwuma bɔne teɛ.

Tua wɔn ka sɛdeɛ wɔn nsa ano adwuma teɛ,

Sɛdeɛ wɔn nneyɛɛ teɛ,+

 5 Ɛfiri sɛ wɔmma Yehowa nnwuma nhia wɔn,+

Na ne nsa ano adwuma nso, wɔmmu.+

 6 Ayeyie nka Yehowa,

Ɛfiri sɛ watie me sufrɛ.

 7 Yehowa ne m’ahoɔden+ ne me kyɛm.+

Ɔno na mede m’akoma to ne so;+

Waboa me, na m’akoma di ahurisie,

Enti mɛto dwom ayi no ayɛ.

 8 Yehowa yɛ ahoɔden ma ne nkurɔfoɔ,

Ɔyɛ abandenden a ɔde nkwagyeɛ kɛseɛ brɛ deɛ wasra no no.+

29 Akatakyie mma, momfa Yehowa anidie mma no;

Yehowa animuonyam ne n’ahoɔden nti, momfa anidie mma no.+

 2 Momfa animuonyam a ɛfata Yehowa din mma no;

Monhyɛ ntaade kronkron mfa nkoto* Yehowa.*

 3 Yɛte Yehowa nne firi nsuo so;

Animuonyam Nyankopɔn no nne bobom sɛ aprannaa.+

 4 Ahoɔden wɔ Yehowa nne mu;+

Yehowa nne wɔ animuonyam.

 5 Yehowa nne bubu sida nnua;

Ampa, Yehowa bubu sida a ɛfiri Lebanon mu asinasini.+

 6 Ɔma Lebanon* hurihuri sɛ nantwie ba,

Na ɔma Sirion+ hurihuri sɛ ɛkoɔ* ba.

 7 Yehowa nne pa gyaframa;+

 8 Yehowa nne ma serɛ so asaase woso,+

Yehowa ma Kades+ serɛ so asaase woso.

 9 Yehowa nne ma awoɔ ka wansane mpofirim ma no wo;

Ɛma kwaeɛ mu nnua yɛ pasaa.+

10 Yehowa te nsuo a ɛyiri* so;+

Yehowa bɛyɛ Ɔhene wɔ hɔ daa.+

30 O Yehowa, mɛkamfo wo, ɛfiri sɛ woama me so;*

Woamma m’atamfo anni me ho ahurisie.+

 4 Yehowa anokwafoɔ nyinaa, monto ayeyi nnwom* mma no,+

Monyi ne din* kronkron no ayɛ,+

 5 Ɛfiri sɛ n’abufuo nkyɛ wɔ onipa so,+

Na n’adom deɛ, ɛtena hɔ afebɔɔ.+

 8 O Yehowa, wo na daa na mefrɛ wo;+

Yehowa na mekoto srɛɛ no daa sɛ ɔmmoa me.

11 Woama m’awerɛhoɔ adane asa;

Woayi me ho awerɛhoɔ ntoma,* na wode ahurisie afira me;

12 Ɛno nti mɛto ayeyi nnwom ama wo, na merenyɛ komm.

Bɛyɛ sɛ abandenden a ɛwɔ botan mu ma me,

Na yɛ sɛ dwankɔbea a ɛhɔ yɛ den, na gye me.+

 3 Wone me botan ne m’abandenden,+

Na wo din nti,+ wobɛdi m’anim na woakyerɛ me kwan.+

 4 Sɛ wɔsum me fidie a, wobɛgye me na anyi me,*+

Ɛfiri sɛ wone me dwankɔbea.+

 6 Wɔn a wɔdi abosonhuhuo a mfasoɔ biara nni so akyi no, mekyiri wɔn;

Me deɛ, Yehowa na mede me ho ato ne so.

 7 Wo dɔ a ɛnni hwammɔ nti, mɛdi ahurisie kɛse,

Ɛfiri sɛ woahu m’amanehunu,+

Na wonim m’ahohia* bebrebe no.

 8 Woamfa me anhyɛ atamfo nsa.

Mmom woama magyina baabi a bɔne biara renka me.*

10 Awerɛhoɔ ahyɛ m’asetena ma,+

Na me nkwa nna nyinaa mesi apini.+

Me mfomsoɔ nti m’ahoɔden so rete,

Na me nnompe mu ayɛ mmerɛ.+

11 M’atamfo nyinaa di me ho fɛ,+

Titire wɔn a wɔte bɛn me;

M’amannifoɔ suro me.

Wɔhu me wɔ abɔnten a, na wɔredwane.+

12 Wɔayi me adi wɔ wɔn akoma mu te sɛ obi a wawuo; wɔnkae me bio.

Mayɛ sɛ ahina a abɔ.

13 Mate nsɛmmɔne pii a wɔkeka fa me ho no;

Nneɛma a ɛyɛ hu atwa me ho ahyia.+

Sɛ wɔka wɔn tiri bom na wɔfa me ho adwene a,

Wɔbɔ pɔ sɛ wɔbɛyi me afiri hɔ.*+

Ma nnebɔneyɛfoɔ ani nwu;+

Ma wɔnka wɔn ano ntom wɔ Adamena* mu.+

18 Ma atorofoɔ nka wɔn ano ntom;+

Wɔn na wɔde ahantan ne ahomasoɔ keka ateneneefoɔ ho nsɛm de gu wɔn anim ase.

Wode asie ama wɔn a wɔsuro wo no,+

Na wɔn a wɔde wo yɛ dwankɔbea no, woda no adi kyerɛ wɔn wɔ nnipa nyinaa anim.+

20 Wobɛkora wɔn so w’anim wɔ wo hintabea+

Na nnipa a abɔ wɔn ho pɔ no annya wɔn.

Wode wɔn bɛsie wo ntomadan mu

Afiri adapaatwa* ho.+

21 Ayeyie nka Yehowa,

Ɛfiri sɛ wada ɔdɔ a ɛnni hwammɔ adi akyerɛ me paa+ wɔ kuro a atamfo atwa ho ahyia mu.+

Yehowa bɔ anokwafoɔ ho ban,+

Na ahantanfoɔ deɛ, ɔtua wɔn ka ma no boro so.+

24 Mo a moretwɛn Yehowa nyinaa,+

Monnya akokoɔduro na mo bo nyɛ duru.+

 2 Anigyeɛ ne onipa a Yehowa mmu ne mfomsoɔ ngu ne so,+

Na nnaadaa nni n’akoma mu.

 5 Afei mekaa me bɔne kyerɛɛ wo;

Mankata me mfomsoɔ so.+

 6 Ɛno nti na ɔnokwafoɔ biara bɛbɔ wo mpaeɛ+

Berɛ a hokwan da so wɔ hɔ sɛ ɔba w’anim no.+

 7 Wone me hintabea;

Wobɛkora me so na mankɔ ahohia mu.+

 9 Monnyɛ mo ho sɛ apɔnkɔ anaa mfunumupɔnkɔ a wɔnnim nyansa;+

Nnareka anaa ahoma na wɔde twe wɔn

Ansa na wɔabrɛ wɔn ho ase aba mo nkyɛn.”

10 Ɔdebɔneyɛfoɔ yea dɔɔso,

Nanso deɛ ɔde ne ho to Yehowa so no, ne dɔ a ɛnni hwammɔ twa ne ho hyia.+

11 Ateneneefoɔ, monni ahurisie wɔ Yehowa mu, na momma mo ani nnye;

Akomam teefoɔ nyinaa, monto ahurisi dwom.

 2 Momfa sankuten nna Yehowa ase;

Momfa sankuo a ɛso nhoma yɛ du nto ayeyi nnwom* mma no.

 3 Monto dwom foforɔ mma no;+

Monyere mo ho mmɔ sankuo ma no nyɛ dɛ na mommɔ ose nka ho,

 4 Ɛfiri sɛ Yehowa asɛm di mu,+

Na sɛdeɛ ɔyɛ ne nnwuma nyinaa kyerɛ sɛ ɔyɛ ɔnokwafoɔ.

 6 Yehowa de n’anom asɛm na ɛyɛɛ ɔsoro,+

Na honhom* a ɛfiri n’anom na ɔde yɛɛ emu biribiara.*

 7 Ɔno na ɔboaboa ɛpo mu nsuo ano te sɛ deɛ wagye ho ban,+

Na ɔma nsuo a ɛrebu fa so kɔgu akoraeɛ.

 9 Ɔno na ɔkaeɛ, na ɛbaa mu;+

Ɔno na ɔhyɛeɛ, na ɛyɛɛ hɔ.+

10 Amanaman no tu agyina a, Yehowa bɔ gu;+

Sɛ aman no fa adwene a, ɔma no yɛ kwa.+

11 Yehowa apɛdeɛ* deɛ, ɛbɛgyina daa;+

N’akomam nsusuiɛ wɔ hɔ firi awoɔ ntoatoasoɔ so kɔsi awoɔ ntoatoasoɔ so.

12 Anigyeɛ ne ɔman a wɔn Nyankopɔn ne Yehowa;+

Nnipa a wayi wɔn sɛ n’agyapadeɛ.+

13 Yehowa firi soro hwɛ fam,

Na ɔhu nnipa mma nyinaa.+

14 Ɔte ne tenabea hɔ,

Na ɔhwɛ wɔn a wɔtete asaase so.

15 Ɔno na ɔnwene obiara akoma;

Ɔpɛɛpɛɛ wɔn nnwuma nyinaa mu.+

16 Ɔhene biara nni hɔ a asraafoɔ dodoɔ bɛtumi agye no nkwa;+

Ɔkatakyie nso, ɛnyɛ n’ahoɔden dodoɔ na ɛbɛgye no.+

17 Mfa wo ho nto pɔnkɔ so, ɛfiri sɛ ɔrentumi nnye wo nkwa.*+

Ahoɔden dodoɔ a pɔnkɔ wɔ no ntumi nnye onipa nkwa.

18 Hwɛ! Yehowa hwɛ wɔn a wɔsuro no no so;+

Wɔn a wɔtwɛn ne dɔ a ɛnni hwammɔ no, ɔhwɛ wɔn so,

19 Ɔpɛ sɛ ɔgye wɔn* firi owuo mu,

Na ɔgye wɔn nkwa wɔ ɛkɔm berɛ mu.+

21 Ne mu na yɛn akoma di ahurisie,

Ɛfiri sɛ yɛgye ne din kronkron no di.+

22 O Yehowa, ma wo dɔ a ɛnni hwammɔ ntena yɛn so,+

Na wo na yɛn ani da wo so.+

34 Mɛyi Yehowa ayɛ berɛ nyinaa;

N’ayeyie rempa m’anom da.

 2 Mede Yehowa bɛhoahoa me ho;*+

Ahobrɛasefoɔ bɛte na wɔadi ahurisie.

 3 Mo ne me mmom nkamfo Yehowa;+

Momma yɛmma ne din so.

 5 Nnipa a wɔde wɔn ani too ne so no ani gyeeɛ,

Na wɔn anim angu ase.

 7 Yehowa bɔfoɔ bɔ wɔn a wɔsuro no no ho ban,+

Na ɔgye wɔn.+

 8 Monka nhwɛ na monhu sɛ Yehowa yɛ;+

Anigyeɛ ne onipa a ɔde no yɛ ne dwankɔbea.

 9 Yehowa akronkronfoɔ nyinaa, monsuro no,

Ɛfiri sɛ wɔn a wɔsuro no no, biribiara nhia wɔn.+

10 Agyata* a wɔn ho yɛ den mpo, adeɛ tumi hia wɔn ma ɛkɔm de wɔn,

Nanso wɔn a wɔhwehwɛ Yehowa no deɛ, adepa biara remmɔ wɔn.+

11 Me mma, mommra mmɛtie me;

Mɛkyerɛ mo Yehowa suro.+

12 Mo mu hwan na ɔpɛ sɛ ɔdi dɛ wɔ asetenam,

Na ɔpɛ sɛ n’ani gye mfeɛ pii?+

13 Ɛnneɛ hwɛ wo kɛtrɛma yie na anka asɛmmɔne,+

Na hwɛ w’ano yie na anka nnaadaasɛm.+

14 Twe wo ho firi bɔne ho na yɛ papa;+

Hwehwɛ asomdwoeɛ na di akyire.+

15 Yehowa ani wɔ ateneneefoɔ so,+

Na ɔyɛ aso ma wɔn sufrɛ.+

16 Wɔn a wɔyɛ bɔne no deɛ, Yehowa ani sa wɔn,

Na ɔbɛpepa wɔn din afiri asaase so koraa.+

17 Ateneneefoɔ teaam, na Yehowa nso tiee wɔn;+

Ɔgyee wɔn firii wɔn ahohia nyinaa mu.+

18 Yehowa bɛn wɔn a wɔn akoma abubuo;+

Ɔgye wɔn a wɔn abam abu.*+

19 Ɔteneneeni amanehunu* dɔɔso,+

Nanso Yehowa gye no firi ne nyinaa mu.+

20 Ɔhwɛ ne nnompe nyinaa so;

Emu baako mpo mmu.+

21 Mmusuo na ɛde ɔdebɔneyɛfoɔ bɛkɔ wuo mu;

Ɔteneneeni atamfo nso, wɔbɛbu wɔn fɔ.

22 Yehowa gye n’asomfoɔ nkwa,*

Na obiara a ɔde no yɛ ne dwankɔbea no, wɔremmu no fɔ.+

35 O Yehowa, m’atamfo ne me anya, enti di m’asɛm ma me;+

Wo ne wɔn a wɔne me ko no nko.+

 2 Fa ɛkyɛm ketewa* ne ɛkyɛm kɛseɛ,+

Na sɔre bɛko ma me.+

 5 Ma wɔnyɛ sɛ ntɛtɛ wɔ mframa mu;

Ma Yehowa bɔfoɔ mpamo wɔn.+

 6 Sɛ Yehowa bɔfoɔ taa wɔn so a,

Ma wɔn kwan mu nyɛ sum, na ɛso nyɛ toro.

 7 Wɔasum me fidie sɛ ɛnyi me berɛ a menyɛɛ wɔn hwee;

Menyɛɛ wɔn hwee, nanso wɔatu amena sɛ wɔde bɛkye me.*

 8 Ma ɔsɛeɛ mmra wɔn so mpofirim,

Na ma fidie a wɔasum no nyi wɔn ankasa;

Ma wɔnhwe mu, na wɔnsɛe korakora.+

 9 Na me deɛ, mɛdi* ahurisie wɔ Yehowa mu;

M’ani bɛgye ne nkwagyeɛ nnwuma mu.

Wo na wogye mmɔborɔwa firi deɛ ɔyɛ den sene no nsam;+

Wogye mmɔborɔwa ne ohiani firi deɛ ɔsisi no nsam.”+

11 Nkurɔfoɔ di adanseɛ tia me,+

Na deɛ mennim ho hwee na wɔde ho soboɔ bɔ me.

12 Wɔde bɔne tua papa a meyɛ so ka,+

Na ɛma medi awerɛhoɔ.*

13 Me deɛ, berɛ a wɔyareeɛ no, mefiraa awerɛhoɔ ntoma,*

Meyɛɛ akɔnkyene* brɛɛ me ho ase,*

Na berɛ a mebɔɔ mpaeɛ a mannya ho mmuaeɛ no,*

14 Menante dii awerɛhoɔ te sɛ deɛ meregyam me yɔnko anaa me nua;

Mede awerɛhoɔ sii me tiri ase te sɛ obi a ɔregyam ne maame.

15 Nanso berɛ a mehwee ase* no, wɔdii ahurisie na wɔkaa wɔn ho boaa ano;

Wɔka boom tetɛɛ me sɛ wɔbɛbɔ me ahwe fam;

Wɔtetee me mu pasaa, na wɔanka wɔn ano antom.

16 Nnebɔneyɛfoɔ tweetwee me di me ho fɛ;*

Wɔtwɛre wɔn se gu me so.+

Gye me* firi wɔn nsam;+

Me nkwa a ɛsom bo* no, gye firi agyata* a wɔn ho yɛ den nsam.+

18 Ɛno na mɛkamfo wo wɔ asafo kɛseɛ mu;+

Mɛyi wo ayɛ wɔ nnipa dodoɔ mu.

19 Mma wɔn a wɔkyiri me kwa no nnni me ho ahurisie;

Na wɔn a wɔtan me kwa+ no, mma wɔnnnya me nnni me ho fɛ,+

20 Ɛfiri sɛ wɔnka asomdwoeɛsɛm;

Mmom, wɔdwene nnaadaasɛm tia wɔn a wɔdwo wɔ asaase so no.+

21 Wɔbae wɔn anom bɔ me soboɔ;

Wɔka sɛ: “Ahaa! Ahaa! Yɛde yɛn ani ahunu.”

23 Nyane na sɔre bɛtwitwa gye me,

Me Nyankopɔn Yehowa, di m’asɛm ma me.

24 O Yehowa me Nyankopɔn, bu me atɛn sɛdeɛ wo tenenee teɛ;+

Mma wɔnnni me ho ahurisie.

26 Wɔn a wɔdi m’amanehunu ho ahurisie no,

Ma wɔn nyinaa mfɛre na wɔn anim ngu ase.

27 Na wɔn a wɔn ani gye sɛ meyɛ adetenenee no deɛ, ma wɔnni ahurisie;

Ma wɔnka daa sɛ:

28 Ɛno na me kɛtrɛma bɛka wo tenenee ho asɛm*+

Na mayi wo ayɛ daa nyinaa.+

36 Mmarato na ɛkyerɛ ɔdebɔneyɛfoɔ akoma kwan;

Onyankopɔn ho suro nni n’ani so.+

 2 Ɔdaadaa ne ho paa wɔ n’akomam,

Enti ɔnhu ne mfomsoɔ mpo na ayɛ no tan.+

 3 N’anom nsɛm di awu na ɛyɛ nnaadaa;

Ɔnni nhunumu a ɛbɛma no ayɛ papa.

Ɛkwammɔne so na ɔnam;

Ɔmpo adebɔne.

 5 O Yehowa, wo dɔ a ɛnni hwammɔ kɔduru soro;+

Wo nokorɛdie nso kɔduru mununkum mu.

 6 Wo tenenee te sɛ mmepɔ akɛseɛ;*+

W’atemmuo te sɛ nsuo kɛseɛ a emu dɔ.+

 8 Wɔdi wo fie nneɛma pa* mee;+

Wɔnom nneɛma pa pii a wohwie ma wɔn sɛ asubɔnten no ma wɔn ani gye.+

 9 Wo na nkwa firi wo;*+

Wo hann mu na yɛhu hann.+

10 Kɔ so da wo dɔ a ɛnni hwammɔ adi kyerɛ wɔn a wɔnim wo no,+

Na ma wo tenenee ntena akomam teefoɔ so.+

11 Mma ɔhantanni nan nntiatia me so,

Na mma ɔdebɔneyɛfoɔ mmpamo me.

12 Amumuyɛfoɔ ahwehwe ase;

Wɔabɔ wɔn ahwe fam, na wɔntumi nsɔre.+

37 Mma wo bo mmfu ɛsiane nnebɔneyɛfoɔ nti,

Na mma w’ani mmmere amumuyɛfoɔ.+

 2 Wɔbɛkusa ntɛm sɛ serɛ,+

Na wɔbɛtwintwam sɛ wura mono.

 3 Fa wo ho to Yehowa so na yɛ papa;+

Tena asaase so na di nokorɛ.+

 4 Di ahurisie wɔ Yehowa mu,*

Na ɔbɛma wo deɛ w’akoma pɛ.

 5 Fa wo kwan hyɛ Yehowa nsa,+

Na fa wo ho to ne so, na ɔbɛsɔ wo mu.+

 6 Ɔbɛma wo tenenee ada adi sɛ adekyeeɛ hann,

Na w’atɛntenenee ada adi sɛ awia ketee.

 7 Yɛ komm hwɛ Yehowa;+

To wo bo ase* twɛn no.

Sɛ obi bɔ pɔ bɔne na ɔtumi yɛ ho adwuma a,

Mma no nnha wo.+

 8 Mma abufuo nnhyɛ wo so, na mma abufuhyeɛ kwan;+

Mma nneɛma nnha wo na woankɔyɛ bɔne,*

 9 Ɛfiri sɛ wɔbɛyi nnebɔneyɛfoɔ hɔ,+

Na wɔn a wɔtwɛn Yehowa no, wɔn na asaase no bɛyɛ wɔn dea.+

10 Aka kakraa bi na nnebɔneyɛfoɔ nni hɔ bio;+

Wobɛhwehwɛ wɔn tenabea,

Nanso worenhu wɔn.+

11 Ahobrɛasefoɔ na asaase no bɛyɛ wɔn dea,+

Na wɔbɛgye wɔn ani wɔ asomdwoeɛ bebree mu.+

12 Ɔdebɔneyɛfoɔ fa ɔteneneeni ho adwemmɔne,+

Na ɔde abufuo twɛre ne se gu ne so.

13 Nanso Yehowa bɛsere no,

Ɛfiri sɛ Ɔnim sɛ n’awieeɛ bɛba.+

14 Nnebɔneyɛfoɔ twe wɔn sekan, na wɔkuntunu wɔn agyan mu

Sɛdeɛ ɛbɛyɛ a wɔbɛma mmɔborɔwa ne ohiani ahwe ase,

Na wɔakum wɔn a wɔn kwan tene.

15 Wɔn ankasa sekan na ɛbɛwɔ wɔn akoma mu;+

Wɔn agyan bɛbubu.

16 Nneɛma kakra a ɔteneneeni wɔ no,

Ɛyɛ sene adedodoɔ a nnebɔneyɛfoɔ pii wɔ,+

17 Ɛfiri sɛ nnebɔneyɛfoɔ nsam bɛgo,

Na ateneneefoɔ deɛ, Yehowa bɛboa wɔn.

18 Ɔhaw a wɔn a wɔn ho nni asɛm fa mu no, Yehowa nim,*

Na wɔn agyapadeɛ bɛtena hɔ daa.+

19 Ahohia ba a, wɔn ani renwu,

Na ɛkɔm berɛ mu nso, wɔbɛmee.

20 Nnebɔneyɛfoɔ deɛ, wɔbɛyera,+

Sɛdeɛ wura frɔmfrɔm hye no, saa ara na Yehowa atamfo ase bɛhye;

Wɔbɛyera te sɛ wisie.

21 Ɔdebɔneyɛfoɔ fɛm adeɛ a, ɔntua;

Ɔteneneeni deɛ, ne yam yɛ* na ɔkyɛ adeɛ.+

22 Wɔn a Onyankopɔn hyira wɔn no, wɔn na asaase no bɛyɛ wɔn dea,

Na wɔn a ɔdome wɔn no deɛ, wɔbɛsɛe.+

23 Sɛ ɔbarima kwan sɔ Yehowa ani a,+

Ɔkyerɛ no sɛdeɛ ɔbɛtutu n’anammɔn.*+

24 Sɛ ɔhwe ase mpo a, ɔrenka hɔ,+

Ɛfiri sɛ Yehowa bɛsɔ ne nsa* ama ne so.+

25 Ná meyɛ abɔfra, na afei mabɔ akɔkoraa,

Nanso menhuu sɛ Onyankopɔn apo ɔteneneeni+

Anaasɛ n’asefoɔ srɛsrɛ aduane.*+

26 Ɔyi ne yam de adeɛ fɛm nkurɔfoɔ daa,+

Na nhyira da hɔ retwɛn ne mma.

27 Firi bɔne ho na yɛ papa,+

Na wobɛtena ase daa.

28 Ɛfiri sɛ Yehowa dɔ atɛntenenee,

Na ɔrennya n’anokwafoɔ.+

Ɔbɛhwɛ wɔn so daa;+

Na nnebɔneyɛfoɔ asefoɔ deɛ, wɔbɛsɛe.+

29 Ateneneefoɔ na asaase no bɛyɛ wɔn dea,+

Na wɔbɛtena so daa.+

30 Ɔteneneeni de n’ano ka nsɛm a ɛma nkurɔfoɔ hunu nyansa,*

Na ne kɛtrɛma ka nsɛm a ɛtene.+

31 Ne Nyankopɔn mmara wɔ n’akoma mu;+

Sɛ ɔtutu n’anammɔn a, ɔrensunti.+

32 Ɔdebɔneyɛfoɔ ani sa ɔteneneeni;

Ɔrehwehwɛ no aku no.

33 Nanso Yehowa rennya ɔteneneeni nhyɛ ne nsa,+

Na sɛ ɔrebu atɛn a, ɔremmu ɔteneneeni fɔ.+

34 Twɛn Yehowa, na fa ne kwan so;

Ɔbɛma wo so na ɔde asaase no ama wo.

35 Mahu ɔdebɔneyɛfoɔ a ne tirim yɛ sum;

Ɔtrɛtrɛ yɛɛ frɔmm sɛ dua a anya baabi pa asi.+

36 Nanso mpofirim ara ɔtwaam kɔe, na na ɔnni hɔ bio;+

Mehwehwɛɛ no ara nso manhu no.+

37 Hwɛ onipa a asɛm biara nni ne ho,*

Na hwɛ deɛ ɔtene;+

Saa onipa no awieeɛ bɛyɛ asomdwoeɛ.+

38 Mmaratofoɔ deɛ, wɔbɛsɛe wɔn nyinaa,

Na anidasoɔ biara nni hɔ mma nnebɔneyɛfoɔ.+

39 Ateneneefoɔ nkwagyeɛ firi Yehowa;+

Ɔno ne wɔn ahohia berɛ mu dwankɔbea.+

Ɔbɛyi wɔn afiri nnebɔneyɛfoɔ nsam, na wagye wɔn,

Ɛfiri sɛ wɔde no ayɛ wɔn dwankɔbea.+

38 O Yehowa, mfa abufuo nka m’anim,

Na mfa abufuhyeɛ ntene me so.+

 2 W’agyan awurawura me mu tɔnn,

Na wo nsa ayɛ duru wɔ me so.+

 4 Ɛfiri sɛ me mfomsoɔ aboro me so,+

Na ɛdɛn me sɛ adesoa duruduro.

 5 Me nkwaseasɛm nti,

M’akuro bɔn, na aporɔ.

 6 Mayɛ basaa, na maboto;

Mede awerɛhoɔ nantenante da mu nyinaa.

 7 Me ho hyehye me,*

Na me ho baabiara nnwo me.+

 8 Madwodwo, na mabubu koraa;

M’akoma aboto, enti mesi apini dendeenden.*

 9 O Yehowa, deɛ ɛhia me nyinaa wonim,

Na m’ahomeguo nso, w’ani tua.

10 M’akoma bɔ dendeenden na m’ahoɔden asa.

M’ani nhu hann bio.+

11 Me yareɛ nti, me nnamfo ne me mfɛfoɔ mpɛ sɛ wɔbɛbɛn me,

Na m’amannifoɔ atwe wɔn ho afiri me ho.

12 Wɔn a wɔrehwehwɛ me aku me* no sum me mfidie,

Na wɔn a wɔpɛ sɛ wɔdi me bɔne no ka sɛdeɛ wɔbɛsɛe me ho asɛm.+

Wɔka nnaadaasɛm da mu nyinaa.

13 Nanso mayɛ sɛ obi a n’aso asi, enti mentie;+

Mayɛ sɛ mum, enti memmue m’ano.+

14 Mayɛ sɛ onipa a ɔnte asɛm;

Menni anoyie biara.

15 O Yehowa, wo na metwɛn wo,+

Na wotiee me, O Yehowa, me Nyankopɔn.+

16 Mekaa sɛ: “Mma wɔnnni me ho ahurisie

Anaa wɔmmmema wɔn ho so nntia me berɛ a me nan awatiri no.”

17 Anka mereyɛ ahwe ase,

Ná mewɔ yea mu daa.+

18 Mekaa me mfomsoɔ;+

Me bɔne yɛɛ me so dadwene.+

19 Nanso m’atamfo ani so yɛ hye* na wɔn ho yɛ den;*

Wɔn a wɔtan me kwa no adɔɔso.

20 Wɔde bɔne tuaa papa a meyɛeɛ so ka;

Adepa a meyɛeɛ nti, wɔko tiaa me.

22 Yɛ ntɛm bɛboa me,

O Yehowa, m’agyenkwa.+

39 Mekaa sɛ: “Mɛhwɛ m’anammɔn yie

Na mamfa me kɛtrɛma anyɛ bɔne.+

Sɛ ɔdebɔneyɛfoɔ bi wɔ baabi a mewɔ a,

Mede adeɛ bɛhyɛ m’ano.”+

 2 Metɔree mum na mankasa;+

Adepa mpo, manka ho asɛm,

Nanso me yea no mu yɛɛ den.

 4 “O Yehowa, ma menhunu sɛdeɛ m’awieeɛ bɛyɛ,

Na menhu me nna a aka,+

Sɛdeɛ ɛbɛyɛ a mɛhu sɛ me nkwa nna yɛ tiaa.*

 5 Anokwa, woama me nna ayɛ kakraa bi;*+

Na me nkwa nna nyɛ hwee wɔ w’ani so.+

 9 Metɔree mum;

Mantumi ammue m’ano,+

Ɛfiri sɛ wo na womaa no baa saa.+

11 Onipa mfomsoɔ nti, wotwe n’aso de tenetene no;+

Sɛdeɛ nwewemmoa sɛe adeɛ no, saa ara na wobɛyɛ n’agyapadeɛ.

12 O Yehowa, tie me mpaebɔ;

Yɛ aso ma me sufrɛ.+

Na meyɛ ɔhɔhoɔ ma wo;+

Meyɛ ɔkwantuni a ɔretwam* te sɛ m’agyanom nyinaa.+

13 W’ani si me so dodo; yi firi me so ma m’ani nnye,

Ansa na mawu a wonhu me bio.”

40 Mede me werɛ nyinaa hyɛɛ Yehowa mu,*

Na ɔtiee me,* na ɔyɛɛ aso maa me sufrɛ.+

 2 Ɔyii me firii amena a emu nsuo rebu fa so

Ne atɛkyɛ kyakaa mu.

Na ɔde me nan sii ɔbotan so;

Ɔmaa me nan timiiɛ.

 3 Afei ɔmaa me dwom foforɔ;+

Metoo ayeyi dwom maa yɛn Nyankopɔn.

Nnipa pii bɛhunu deɛ Onyankopɔn ayɛ na wɔasuro,

Na wɔde wɔn ho bɛto Yehowa so.

 4 Anigyeɛ ne ɔbarima a ɔde ne ho to Yehowa so

Na ɔnni asobrakyefoɔ ne nkontompofoɔ* akyi.

 5 O Yehowa me Nyankopɔn,

Nneɛma a woayɛ ama yɛn dɔɔso;

W’anwanwadwuma ne adwene a woadwene wɔ yɛn ho.+

Obiara ne wo nsɛ;+

Sɛ mese mereka ho asɛm na makyerɛkyerɛ mu a,

Anka merenwie, ɛfiri sɛ ɛdɔɔso dodo.+

 6 W’ani annye afɔreɛ ne ayɛyɛdeɛ ho,*+

Nanso wobuee m’aso maa metee wo nsɛm ase.+

 8 O me Nyankopɔn, deɛ mepɛ* ne sɛ mɛyɛ w’apɛdeɛ,+

Na wo mmara wɔ m’akoma mu tɔnn.+

Hwɛ! Merentumi nka m’ano ntom,+

O Yehowa, wonim saa.

Me mfomsoɔ bebree bu fa me so ma menhu me kwan mu yie;+

Ɛdɔɔso sene me tiri nwi,

Na mapa aba.

14 Ma wɔn a wɔrepɛ me aku me* no nyinaa

Ani nwu na wɔmfɛre.

Ma wɔn a wɔpɛ me sɛeɛ no

Mfa aniwuo nnane wɔn ho nnwane.

16 Wɔn a wɔhwehwɛ wo no deɛ,+

Ma wɔn ani nnye na wɔnni wo mu ahurisie.+

17 Me deɛ, meyɛ mmɔborɔwa ne ohiani.

Ma Yehowa ntwa n’ani mmɛhwɛ me.

Wone me boafoɔ ne me gyefoɔ.+

Me Nyankopɔn, ntwentwɛn wo nan ase.+

41 Anigyeɛ ne deɛ ɔhu ɔbrɛfoɔ mmɔbɔ;+

Ɛduru ahohia da a Yehowa bɛgye no.

 2 Yehowa bɛhwɛ ne so na wama no nkwa.

Nkurɔfoɔ bɛfrɛ no anigyeɛ wɔ asaase so.+

 3 Sɛ ɔyare da mpa so a, Yehowa bɛhwɛ no;+

Wobɛdanedane no wɔ yareɛ mpa so.

Ɔbɛpɛ me ho nsɛmmɔne a ɔbɛtumi de akɔ;

Afei ɔnam a, ɔkeka kyerɛ nkurɔfoɔ.

 7 Wɔn a wɔtan me no, obiara keka me ho nsɛm gu ne yɔnko asom;

Wɔbɔ me ho pɔ bɔne. Wɔka sɛ:

 8 “Adebɔne bi ayɛ no;

Afei a watɔ fam yi, ɔrensɔre bio.”+

 9 Deɛ me ne no te asomdwoeɛ mu mpo a mede me ho too ne so,+

Na ɔdi m’aduane* no, wasɔre atia me.*+

10 O Yehowa, hu me mmɔbɔ na ma me so,

Na ama matua wɔn so ka.

12 Me deɛ, m’abrabɔ a ɛdi mu nti woma me so,+

Na wobɛma magyina w’anim daa.+

13 Ayeyie nka Israel Nyankopɔn Yehowa

Daa daa.*+

42 O Onyankopɔn, m’ani* agyina wo

Sɛdeɛ wansane ani gyina nsuo.

 3 Me nisuo adane m’aduane awia ne anadwo;

Daa nkurɔfoɔ di me ho fɛ sɛ: “Wo Nyankopɔn no wɔ he?”+

 4 Sɛ mekae saa nneɛma yi a, mehwie m’akoma mu nsɛm gu hɔ.*

Ɛfiri sɛ berɛ bi me ne nnipadɔm no boom nanteeɛ;

Medii wɔn anim ne wɔn nantee komm* kɔɔ Onyankopɔn fie.

Yɛde ahurisie ne aseda nne na ɛkɔeɛ

Sɛ nnipakuo a wɔrehyɛ fã.+

 5 Adɛn nti na mabotoɔ?*+

Twɛn Onyankopɔn,+

Na mɛkɔ so ayi no ayɛ sɛ me Nkwagyeɛ Kɛseɛ.+

Enti mekae wo+

Wɔ Yordan asaase ne Hermon mmepɔ so,

Misar Bepɔ* so.

 7 Wo nsuo a ɛbu fa so nnyegyeeɛ nti,

Asorɔkye ma so a, na asorɔkye agye so.

 8 Yehowa bɛda ne dɔ a ɛnni hwammɔ adi akyerɛ me adekyeeɛ,

Na mɛto ne dwom anadwo; ɛyɛ mpaeɛ a mɛbɔ me nkwagyeɛ Nyankopɔn no.+

10 M’atamfo kyiri me kɔkɔkɔkɔ, enti wɔdi me ho fɛ;*

Daa wɔdi me ho fɛ sɛ: “Wo Nyankopɔn no wɔ he?”+

Twɛn Onyankopɔn,+

Na mɛkɔ so ayi no ayɛ sɛ me Nkwagyeɛ Kɛseɛ ne me Nyankopɔn.+

43 O Onyankopɔn, bu me atɛn,+

Me ne ɔman a wɔnka nokorɛ anya, enti di m’asɛm ma me.+

Ma no mmɛdi m’anim;+

Ma no nkyerɛ me kwan nkɔ wo bepɔ kronkron no so, ne wo ntomadan kɛseɛ no mu.+

 4 Ɛba saa a, mɛkɔ me Nyankopɔn afɔrebukyia ho,+

Mɛkɔ me Nyankopɔn a ɔma m’ani gye boro so no nkyɛn.

Twɛn Onyankopɔn,+

Na mɛkɔ so ayi no ayɛ sɛ me Nkwagyeɛ Kɛseɛ ne me Nyankopɔn.+

44 O Onyankopɔn, yɛde yɛn ankasa aso ate,

Yɛn agyanom aka akyerɛ yɛn,+

Nnwuma a woyɛɛ no wɔn berɛ so

Wɔ tete mmerɛ mu no.

 2 Wode wo nsa pamoo amanaman,+

Na wode yɛn agyanom kɔtenaa hɔ.+

 3 Ɛnyɛ wɔn ankasa sekan na wɔde nyaa asaase no,+

Na ɛnyɛ wɔn ankasa basa na ɛgyee wɔn;+

Mmom ɛyɛ wo nsa nifa ne wo basa+ ne w’anim hann,

Ɛfiri sɛ na wopɛ wɔn asɛm.+

 4 O Onyankopɔn, wone me Hene;+

Ma* Yakob nni nkonim korakora.*

 5 Yɛnam wo tumi so bɛpamo yɛn atamfo;+

Ahotɔsoɔ a yɛwɔ wɔ wo din mu nti, yɛbɛtiatia wɔn a wɔsɔre tia yɛn no so,+

 6 Ɛfiri sɛ ɛnyɛ m’agyan na mede me ho to so,

Na me sekan rentumi nnye me.+

 7 Wo na wogyee yɛn firii yɛn atamfo nsam;+

Wo na womaa wɔn a wɔtan yɛn no anim guu ase.

 8 Onyankopɔn na yɛbɛyi no ayɛ daa nyinaa,

Na yɛbɛkamfo wo din daa daa. (Sela)

 9 Nanso afei deɛ, woato yɛn atwene na woama yɛn anim agu ase,

Na wonka yɛn asraafoɔ ho nkɔ bio.

10 Woma yɛdwane firi yɛn atamfo anim;+

Wɔn a wɔtan yɛn no, wɔfa biribiara a wɔpɛ.

11 Wode yɛn hyɛ yɛn atamfo nsa sɛ wɔnku yɛn sɛ nnwan;

Woabɔ yɛn ahwete amanaman mu.+

12 Wotɔn wo nkurɔfoɔ fofoofo,+

Na wonnya mfasoɔ biara.*

13 Woama yɛn anim agu ase wɔ wɔn a wɔtete bɛn yɛn no anim;

Wɔn a wɔatwa yɛn ho ahyia nyinaa di yɛn ho fɛ, na wɔhwɛ yɛn sere.

14 Woama aman no anya yɛn retweetwee yɛn,*+

Na yɛn nti, nkurɔfoɔ wosowoso wɔn ti.

15 Daa nyinaa m’anim gu ase,

Na aniwuo amene me,

16 Ɛsiane wɔn nne a wɔde twa me adapaa ne nsɛmmɔne a wɔka tia me nti;

Ɛsiane yɛn tamfo a ɔretua yɛn so ka nti.

17 Weinom nyinaa aba yɛn so, nanso yɛn werɛ mfii wo,

Na yɛmmuu w’apam so.+

18 Yɛn akoma nnyaee w’akyiri die;

Yɛn anammɔn nso mmane mfirii wo kwan so.

19 Nanso woabubu yɛn pasaa wɔ sakraman tenabea;

Wode sum kabii akata yɛn so.

20 Sɛ yɛn werɛ afi yɛn Nyankopɔn din

Anaasɛ yɛatrɛ yɛn nsam abɔ onyame foforɔ bi mpaeɛ a,

21 Anka Onyankopɔn renhu anaa?

22 Wo nti wɔku yɛn daa nyinaa;

Wɔbu yɛn sɛ nnwan a wɔrekɔku wɔn.+

25 Wɔabrɛ yɛn* ase ama yɛaba fam sɛ mfuturo;

Wɔaka yɛn nipadua atim fam.+

 3 O Otumfoɔ,+ fa wo sekan bɔ w’asene+

Wɔ animuonyam ne anidie mu.+

 4 Na kɔdi nkonim w’animuonyam mu;+

Nokorɛ, ahobrɛaseɛ ne tenenee nti, tena wo pɔnkɔ so na ko,+

Na wo nsa nifa bɛyɛ* anwanwadwuma.

 5 W’agyan ano yɛ nnam, ɛma aman hwehwe ase wɔ w’anim;+

Ɛwowɔ ɔhene no atamfo akoma mu.+

 6 Onyankopɔn ne w’ahennwa daa daa,+

Na w’ahennie poma yɛ atɛntenenee* ahempoma.+

 8 Kurobo ne pɛprɛ ne kasia dua yi hwa wɔ wo ntaadeɛ nyinaa mu;

Sɛ wɔbɔ sankuo wɔ ahemfie kɛseɛ a wɔde asonse* ayɛ no mu a, wodi ahurisie.

10 O ɔbabaa, tie, na yɛ aso;

Yi w’adwene firi wo nkurɔfoɔ ne wo papa fie so.

11 Na ɔhene ani bɛgyina w’ahoɔfɛ,

Ɛfiri sɛ ɔno ne wo wura,

Enti koto no.

12 Tiro babaa de akyɛdeɛ bɛba;

Adefoɔ mu adefoɔ bɛhwehwɛ w’anim adom.

13 Ɔhene babaa ho yɛ fɛ boro so wɔ ahemfie hɔ;

Wɔde sika kɔkɔɔ abobɔ n’ataadeɛ mu.*

15 Ahurisie ne anigyeɛ mu na wɔde wɔn bɛba;

Wɔbɛwura ɔhene ahemfie.

46 Onyankopɔn ne yɛn dwankɔbea ne yɛn ahoɔden,+

Ahohia mu boafoɔ a ɔwɔ hɔ daa.+

 2 Ɛno nti sɛ asaase woso,

Na mmepɔ tutu kɔgu ɛpo ase,+

 3 Sɛ emu nsuo bu fa so, na ɛtwa ahuro,+

Na mmepɔ woso biribiri mpo a, yɛrensuro. (Sela)

 4 Asubɔnten bi wɔ hɔ a ne nsuwansuwa ma Onyankopɔn kuro di ahurisie,+

Ɛma Ɔsorosoroni no ntomadan kronkron kɛseɛ no di ahurisie.

 6 Amanaman no yɛɛ gyegyeegye, wɔtuu ahennie guiɛ;

Ɔmaa ne nne so, na asaase naneeɛ.+

 7 Asafo Yehowa ka yɛn ho;+

Yakob Nyankopɔn yɛ yɛn dwankɔbea.* (Sela)

 8 Mommra mmɛhwɛ Yehowa nnwuma,

Sɛdeɛ wayɛ anwanwadwuma pii wɔ asaase so.

Ɔbubu agyan mu, na ɔtwitwa pea mu asinasini;

Ɔde gya hye asraafoɔ nteaseɛnam.*

Wɔbɛma me so wɔ amanaman mu;+

Wɔbɛma me so, asaase so.”+

11 Asafo Yehowa ka yɛn ho;+

Yakob Nyankopɔn yɛ yɛn dwankɔbea.+ (Sela)

 2 Ɛfiri sɛ Yehowa, Ɔsorosoroni no ho yɛ nwanwa,+

Ɔyɛ Ɔhenkɛseɛ wɔ asaase nyinaa so.+

 3 Ɔma yɛdi aman so nkonim,

Na ɔde amanaman hyɛ yɛn nan ase.+

 4 Ɔyi yɛn agyapadeɛ ma yɛn,+

Agyapadeɛ a Yakob a ɔdɔ no no de hoahoa ne ho.+ (Sela)

 5 Nkurɔfoɔ rebɔ ose na Onyankopɔn aforo kɔ ne tenabea;

Nkurɔfoɔ rebɔ abɛn* na Yehowa aforo kɔ ne tenabea.

 7 Na Onyankopɔn ne asaase nyinaa so Hene;+

Monto ayeyi dwom, na momfa nhunumu nyɛ adwuma.

 9 Aman no mpanimfoɔ aboaboa wɔn ho ano,

Wɔne Abraham Nyankopɔn man.

48 Yehowa yɛ kɛseɛ, na ɔfata ayeyie paa

Wɔ yɛn Nyankopɔn kuro mu, wɔ ne bepɔ kronkron no so.

 2 Bepɔ so kuro fɛfɛ, deɛ ɛma asaase sofoɔ nyinaa ani gye,+

Ɛno ne Sion Bepɔ a ɛwɔ atifi fam nohoa,

Ɔhenkɛseɛ no kuro no.+

 3 Kuro no abandenden mu no,

Onyankopɔn ada ne ho adi sɛ ɔyɛ dwankɔbea.*+

 4 Hwɛ! Ahemfo ahyiam,*

Wɔabom yuu rekɔ wɔn anim.

 6 Wɔn ho wosoo biribiribiri wɔ hɔ,

Wɔn ho yeraa wɔn te sɛ ɔbaa a ɔrewo.

 8 Deɛ yɛateɛ no, afei deɛ yɛde yɛn ani ahunu

Wɔ asafo Yehowa kuro, yɛn Nyankopɔn kuro no mu.

 9 O Onyankopɔn, yɛdwendwene wo dɔ a ɛnni hwammɔ no ho+

Wɔ w’asɔrefie hɔ.

10 O Onyankopɔn, sɛdeɛ wo din kɔduru asaase ano nohoa no,+

Saa ara na w’ayeyie nso kɔduru asaase ano nohoa.

11 Ma Sion Bepɔ+ nni ahurisie;

W’atemmuo nti, ma Yuda nkuro* ani nnye.+

12 Montwa Sion ho nhyia; momfa ho nyinaa nhyia.

Monkan n’abantenten.+

Monhwɛ n’abandenden,

Na moatumi aka akyerɛ nkyirimma.

Mo a mowɔ wiase* nyinaa, monyɛ aso,

 2 Nketewa ne akɛseɛ,*

Adefoɔ ne ahiafoɔ nyinaa.

 3 M’ano bɛka nyansasɛm,

Na deɛ medwendwene ho wɔ m’akoma mu+ no bɛkyerɛ sɛ mewɔ nteaseɛ.

 4 Mɛyɛ aso atie abebusɛm;

Mede sankuten bɛkyerɛkyerɛ m’akasabebuo* mu.

 5 Adɛn nti na ɛsɛ sɛ mesuro nna bɔne,+

Berɛ a wɔn a wɔpɛ sɛ wɔyi me hwe hɔ no de wɔn abɔnefosɛm* atwa me ho ahyia?

 6 Wɔn a wɔde wɔn ho to wɔn ahonyadeɛ so,+

Na wɔde wɔn ahonyadeɛ bebree hoahoa wɔn ho no,+

 7 Wɔn mu biara rentumi nnye ne nua,*

Anaa ɔrentumi mpata Onyankopɔn* mfa nnye no da,+

 8 (Adeɛ a ɛsɛ sɛ wɔtua de gye* onipa nkwa* no som bo paa

Ma enti wɔrentumi ntua da),

 9 Na ama no atena ase daa a ɔnhu amena.*+

10 Ɔhu sɛ anyansafoɔ mpo wuwu;

Ɔkwasea ne deɛ ɔnni adwene nyinaa sɛe,+

Na deɛ ɛbɛba ara ne sɛ wɔbɛgyaa wɔn ahonyadeɛ ama ebinom.+

11 Wɔn akoma mu no, wɔnyaeɛ a anka wɔn afie wɔ hɔ daa,

Na wɔn ntomadan nso wɔ hɔ awoɔ ntoatoasoɔ nyinaa mu.

12 Ɛwom sɛ ɔdasani wɔ animuonyam deɛ, nanso ɔrentena ase daa;+

Ɔnkyɛn mmoa a wɔsɛe kwa no.+

13 Saa kwan yi na agyimifoɔ+

Ne wɔn a wɔdi wɔn akyi na wɔpɛ wɔn nsɛnhunu no fa so. (Sela)

Owuo bɛhwɛ wɔn so;

Teefoɔ bɛdi wɔn so+ anɔpa,

Wɔrenhu wɔn ho mpopoeɛ biara bio;+

Adamena+ na ɛbɛyɛ wɔn fie, na ɛnyɛ ahemfie.+

15 Nanso Onyankopɔn bɛgye me* afiri Adamena* nsam,+

Ɛfiri sɛ ɔbɛsɔ me mu. (Sela)

16 Sɛ obi nya ne ho a, nsuro,

Sɛ ne fie animuonyam redɔɔso a, mmɔ hu.

17 Ɛfiri sɛ ɔwu a, ɔrentumi mfa hwee nkɔ;+

N’animuonyam renni n’akyi.+

20 Onipa dasani a ɔnte wei ase no, ɛwom sɛ ɔwɔ animuonyam deɛ,+

Nanso ɔnkyɛn mmoa a wɔsɛe kwa no.

50 Yehowa,* Onyankopɔn a onyame biara ne no nsɛ no+ akasa;

Ɔfrɛ asaase

Firi apueeɛ kɔsi atɔeɛ.*

Egya a ɛhye adeɛ di n’anim,+

Na ahum kɛseɛ atwa ne ho ahyia.+

 4 Ɔfrɛ ɔsoro ne asaase,+

Sɛdeɛ ɛbɛyɛ a ɔbɛbu ne nkurɔfoɔ atɛn:+

 5 “Mommoaboa m’anokwafoɔ ano mma me,

Wɔn a wɔnam afɔrebɔ so ne me ayɛ apam no.”+

 6 Ɔsoro ka ne tenenee kyerɛ,

Ɛfiri sɛ Onyankopɔn ankasa ne Ɔtemmufoɔ.+ (Sela)

 7 “O me man, montie, na merebɛkasa;

Israel, merebɛdi adanseɛ atia wo.+

 8 Ɛnyɛ mo afɔrebɔ nti na mereka mo anim,

Na ɛnyɛ mo hyeɛ afɔreɛ a ɛwɔ m’anim daa ntira.+

 9 Ɛnhia sɛ mefa nantwinini firi mo fie,

Na ɛnhia nso sɛ mefa mpɔnkyenini firi mo mpɔnkyebuo mu.+

10 Ɛfiri sɛ kwaeɛ mu mmoadoma nyinaa yɛ me dea,+

Mmepɔ apem so mmoa nyinaa mpo yɛ me dea.

11 Menim mmepɔ so nnomaa nyinaa;+

Na wuram mmoadoma a wɔn dodoɔ nni ano nyinaa yɛ me dea.

12 Sɛ ɛkɔm de me a, ɛnyɛ wo na mɛka akyerɛ wo,

Ɛfiri sɛ asaase ne emu nneɛma nyinaa yɛ me dea.+

13 Anantwinini nam na mewe anaa?

Na mpɔnkye mogya na menom anaa?+

14 Fa aseda yɛ afɔrebɔdeɛ ma Onyankopɔn,+

Na tua wo bɔhyɛ adeɛ ma Ɔsorosoroni no;+

15 Frɛ me ahohia da mu,+

“Hwan na ɔmaa wo kwan sɛ ka m’ahyɛdeɛ ho asɛm+

Anaa ka m’apam ho asɛm?+

17 Ɛfiri sɛ wokyiri ntenesoɔ,*

Na womfa me nsɛm nyɛ hwee.*+

18 Sɛ wohu korɔmfoɔ a, w’ani gye ne ho,*+

Na wo ne awaresɛefoɔ na ɛbɔ.

19 Wode w’ano keka nsɛmmɔne,

Na nnaadaasɛm wɔ wo kɛtrɛma so.+

20 Wotena ase kasa tia wo ara wo nua;+

Wo maame ba mpo, wodi ne ho nsekuro.*

21 Berɛ a woyɛɛ weinom nyinaa no, meyɛɛ dinn,

Enti ɛyɛɛ wo sɛ mɛyɛ sɛ wo ara.

Afei, merebɛkasa akyerɛ wo,

Na mɛka deɛ woayɛ asi w’anim.+

22 Mo a mo werɛ afi Onyankopɔn, mesrɛ mo, monsusu wei ho,+

Na mantete mo mu pasaa a morennya ɔgyefoɔ biara.

23 Deɛ ɔde aseda yɛ afɔrebɔdeɛ no hyɛ me animuonyam,+

Na deɛ ɔde si n’ani so sɛ ɔbɛfa kwampa so no,

Mɛma no ahu Onyankopɔn nkwagyeɛ.”+

 2 Hohoro me mfomsoɔ firi me ho koraa,+

Na hohoro* me ho firi me bɔne ho.+

 3 Me mmarato no, menim paa,

Na me bɔne wɔ m’anim* daa nyinaa.+

 4 Wo paa na mayɛ wo bɔne;+

Mayɛ deɛ ɛnyɛ wɔ w’ani so.+

Enti sɛ wokasa a, wodi bem,

Na wotene wɔ w’atemmuo mu.+

 5 Hwɛ! Wɔwoo me no, na bɔne wɔ me ho,

Na bɔne mu na me maame nyinsɛnee me.*+

 6 Hwɛ! Akoma mu nokorɛdie na w’ani gye ho;+

Kyerɛkyerɛ me na menhu nyansa ankasa wɔ m’akoma mu.

 7 Fa sommɛ* dwira me ho firi me bɔne ho na ama me ho ate;+

Hohoro me ho na me ho nyɛ fitaa nsene sukyerɛmma.+

 8 Ma mente ahosɛpɛ ne ahurisie nne,

Na ama m’ani agye ɛmfa ho sɛ woabubu me nnompe no.+

 9 Yi w’ani firi me bɔne so,*+

Na pepa me mfomsoɔ nyinaa.+

10 O Onyankopɔn, bɔ akoma a emu teɛ ma me,+

Na fa honhom foforɔ hyɛ me mu,+ honhom a aseɛ atim.

11 Nto me mfiri w’anim ntwene,

Na nyi wo honhom kronkron mfiri me so.

12 Ma menni wo nkwagyeɛ ho ahurisie bio,+

Na ma mennya ɔpɛ sɛ mɛtie wo.

13 Mɛkyerɛkyerɛ mmaratofoɔ w’akwan,+

Na ama abɔnefoɔ asan aba wo nkyɛn.

14 O Onyankopɔn, me nkwagyeɛ Nyankopɔn,+ gye me firi mogya ho afɔdie mu,+

Na ama me kɛtrɛma de anigyeɛ aka wo tenenee ho asɛm.+

15 O Yehowa, bue m’ano,

Na m’ano atumi aka w’ayeyie ho asɛm.+

16 W’ani nnye afɔrebɔ ho, anka mede bɛma wo;+

Ɔhyeɛ afɔreɛ nsɔ w’ani.+

17 Afɔreɛ a ɛsɔ Onyankopɔn ani ne honhom a abubu;

O Onyankopɔn, worempo akoma a abubu na apɛkyɛ.+

18 W’adom nti, wo ne Sion nni no yie;

San to Yerusalem afasuo no.

19 Ɛno na w’ani bɛgye tenenee afɔreɛ ho,

Ɔhyeɛ afɔreɛ ne afɔrebɔ nyinaa ho;

Afei, wɔde anantwinini bɛbɔ afɔreɛ wɔ w’afɔrebukyia so.+

 2 Wo kɛtrɛma a ano yɛ nnam sɛ yiwan no,+

Ɛbɔ pɔ bɔne, na ɛyɛ nnaadaa nnwuma.+

 3 Wodɔ bɔne sene papa,

Na wodɔ nkontompo sene sɛ wobɛka nsɛm a ɛtene. (Sela)

 4 O kɛtrɛma a woyɛ nkontomponi;

W’ani gye asɛm biara a ɛpira ho.

 5 Ɛno nti Onyankopɔn bɛma woahwe ase;+

Ɔbɛtwe wo, na watu wo afiri wo ntomadan mu;+

Ɔbɛtu w’ase afiri ateasefoɔ asaase so.+ (Sela)

 6 Ateneneefoɔ bɛhunu na wɔn ho adwiri wɔn,+

Na wɔbɛsere no+ aka sɛ:

 7 “Wei ne ɔbarima a wamfa Onyankopɔn anyɛ ne dwankɔbea* no,+

Mmom, ɔde ne ho too n’ahonyadeɛ bebrebe no so,+

Na ɔde ne ho too pɔ bɔne a ɔno ara bɔeɛ so.”*

 8 Nanso me deɛ, mɛyɛ sɛ ngodua frɔmfrɔm wɔ Onyankopɔn fie;

Mede me ho bɛto Onyankopɔn dɔ a ɛnni hwammɔ no so+ daa daa.

 9 Ɛsiane deɛ woayɛ nti, mɛyi wo ayɛ daa;+

Mede m’ani bɛto wo din so+

Wɔ w’anokwafoɔ anim ɛfiri sɛ ɛyɛ.

Wɔn nneyɛɛ a ɛntene no nyɛ koraa, na wɔyɛ akyiwadeɛ.

Wɔn mu biara nni hɔ a ɔyɛ adepa.+

 2 Onyankopɔn deɛ, ɔfiri soro hwɛ nnipa mma;+

Ɔrehwɛ sɛ ɔbɛhu obi a ɔwɔ nhunumu anaa obi a ɔhwehwɛ Yehowa.+

 3 Wɔn nyinaa afom kwan;

Wɔn nyinaa aporɔ.

Obiara nni hɔ a ɔyɛ adepa,

Baako mpo nni hɔ.+

 5 Ehu kɛseɛ bɛka wɔn,

Ehu a ebi nkaa wɔn da,*

Ɛfiri sɛ wɔn a wɔto hyɛ wo so no,* Onyankopɔn bɛbɔ wɔn nnompe apete.

Na sɛ Yehowa bɛsan aboaboa ne nkurɔfoɔ a wɔakɔdi obi man so no ano aba a,

Ɛnneɛ ma Yakob ani nnye na Israel nni ahurisie.

54 O Onyankopɔn, fa wo din no gye me,+

Na fa wo tumi di m’asɛm ma me.+

 2 O Onyankopɔn, tie me mpaebɔ,+

Na yɛ aso tie m’anom nsɛm.

 3 Na ananafoɔ asɔre atia me,

Na atirimuɔdenfoɔ rehwehwɛ me aku me.*+

 4 Hwɛ! Onyankopɔn ne me boafoɔ;+

Wɔn a wɔkurakura me* no, Yehowa wɔ wɔn afã.

 5 Bɔne a m’atamfo di no, ɛno ara na ɔde bɛtua wɔn so ka;+

Wo nokorɛdie nti, yi wɔn firi hɔ.*+

 7 Ɔgye me firi ahohia nyinaa mu,+

Na m’atamfo bɛhwe ase ama madi ahurisie.+

55 O Onyankopɔn, tie me mpaebɔ,+

Na sɛ mesrɛ wo sɛ hu me mmɔbɔ a, mmu w’ani ngu m’adesrɛ so.*+

Me dadwene ama me ho yera me,+

Na maboto,

 3 Ɛsiane deɛ ɔtamfo rekeka

Ne ɔdebɔneyɛfoɔ nhyɛsoɔ nti.

Wɔde mmusuo ba me so daa,

Na abufuo nti, wɔnya me ho menasepɔ.+

 4 M’akoma di yea wɔ me mu,+

Na owuo ho hu akyekyere me.+

 5 Ehu ne ahopopoɔ ahyɛ me so,

Na me ho woso biribiri.

 8 Anka mɛtu mmirika akɔ me dwankɔbea,

Afiri mframa kɛseɛ ne ahum no mu.”

 9 O Yehowa, ma wɔn adwene ntu mfra, na ma wɔn agyinatuo nyɛ kwa,*+

Na mahunu aniɛdensɛm ne akasakasa wɔ kuro no mu.

10 Wɔnenam n’afasuo so awia ne anadwo;

Amumuyɛsɛm ne ɔhaw wɔ kuro no mu.+

11 Mmusuo wɔ kuro no mu;

Na nhyɛsoɔ ne nnaadaa mpa n’abɔnten so.+

12 Ɛnyɛ ɔtamfo na ɔtwa me adapaa;+

Sɛ saa a, anka ɛrenha me.

Ɛnyɛ ɔtamfo na wasɔre atia me;

Anka mɛtumi de me ho ahinta no.

13 Mmom ɛyɛ wo, me yɔnko nipa,*+

Me ara me mannifoɔ a menim wo yie.+

14 Ná woyɛ me yɔnko berɛboɔ;

Yɛne nnipadɔm bɔɔ anan kɔɔ Onyankopɔn fie.

Ma wɔmfa anikan nkɔ Adamena* mu,

Ɛfiri sɛ bɔne wɔ wɔn akoma mu ne baabi a wɔteɛ.

16 Me deɛ, Onyankopɔn na mɛfrɛ no;

Na Yehowa na ɔbɛgye me.+

18 Ɔbɛgye me,* na wama manya asomdwoeɛ ɛmfa ho sɛ nkurɔfoɔ ko tia me no;

Nnipadɔm na wɔreko tia me.+

19 Onyankopɔn bɛte na wako atia wɔn;+

Ɔno na ɔte ahennwa so firi tete.+ (Sela)

Wɔn deɛ, wɔrensesa;

Wɔnsuro Onyankopɔn.+

20 Wato* ahyɛ wɔn a wɔne no te asomdwoeɛ mu so;+

Wabu apam a ɔne me yɛeɛ no so.+

21 N’anom nsɛm yɛ fekɔfekɔ sene bɔta,+

Nanso ntɔkwa na ɛwɔ n’akomam.

Ahomeka wɔ ne nsɛm mu* sene ngo,

Nanso ano yɛ nnam sene sekan.+

22 Dane w’adesoa to Yehowa so,+

Na ɔbɛboa wo.+

 2 Daa m’atamfo pɛ sɛ wɔmene me;

Ahantan nti, wɔn mu bebree ko tia me.

 4 Onyankopɔn a meyi n’asɛm ayɛ no,

Ɔno ne Onyankopɔn a mede me werɛ ahyɛ ne mu; mensuro.

 5 Daa nyinaa wɔtan m’ani;

Me ho pɔ bɔne nko ara na wɔbɔ.+

 6 Wɔtetɛ sɛdeɛ ɛbɛyɛ a wɔbɛto ahyɛ me so;

Metu anammɔn biara a, na wɔn ani si me so,+

Na wɔrepɛ me aku me.*+

10 Onyankopɔn a meyi n’asɛm ayɛ no,

Yehowa a meyi n’asɛm ayɛ no,

11 Ɔno ne Onyankopɔn a mede me werɛ ahyɛ ne mu; mensuro.+

12 O Onyankopɔn, mahyɛ wo bɔ, na mɛdi so.+

Mede aseda bɛma wo.+

13 Wo na woagye me* afiri owuo mu,+

Na woamma me nan ansunti;+

Ɛno bɛma masom Onyankopɔn wɔ ateasefoɔ hann mu.+

57 Hu me mmɔbɔ, O Onyankopɔn, hu me mmɔbɔ,

Na wo na mede wo ayɛ me* dwankɔbea;+

Wo ntaban nwunu ase na mede ayɛ me dwankɔbea kɔsi sɛ ɔhaw no bɛtwam.+

 2 Ɔsorosoroni Nyankopɔn na mesu frɛ no,

Mesu frɛ nokorɛ Nyankopɔn no, na me nti ɔma ɔhaw no to twa.

 4 Agyata atwa me* ho ahyia;+

Nnipa a wɔpɛ sɛ wɔmene me no ntam na meda;

Wɔn se te sɛ mpea ne agyan,

Na wɔn kɛtrɛma te sɛ sekan a ano yɛ nnam.+

 5 O Onyankopɔn, ma wo ho so tra soro;

Ma w’animuonyam nkata asaase nyinaa so.+

 6 Wɔayɛ asau a wɔde bɛsum me* fidie;+

Ɔhaw ama maboto.*+

Wɔatu amena wɔ m’anim,

Nanso wɔn ankasa akɔtɔ mu.+ (Sela)

 7 M’akoma nhinhim, O Onyankopɔn,+

M’akoma nhinhim.

 9 O Yehowa, mɛyi wo ayɛ wɔ amanaman mu;+

Mɛto ayeyi dwom* ama wo wɔ aman nyinaa mu.+

10 Ɛfiri sɛ wo dɔ a ɛnni hwammɔ no so, na ɛkɔduru soro,+

Na wo nokorɛdie kɔduru wiem.

11 O Onyankopɔn, ma wo ho so tra soro;

Ma w’animuonyam nkata asaase nyinaa so.+

 2 Mmom, amumuyɛsɛm nko ara na mobɔ ho pɔ wɔ mo akoma mu,+

Na mode mo nsa bɔ kwan ma awudisɛm.+

 3 Nnebɔneyɛfoɔ afom kwan* firi yafunu mu;*

Wɔabɔ ko, na wɔadi atorɔ firi awoɔ mu tɔnn.

 4 Wɔn borɔ te sɛ ɔwɔ borɔ,+

Wɔn aso nte asɛm; wɔayɛ sɛ prammire a wasisi n’aso.

 5 Sɛ nkonyaayifoɔ a wɔaben yɛ no deɛn mpo a,

Ɔntie wɔn nne.

 8 Ma wɔnyɛ sɛ nwa a ne mu nsuo retwe.

Ma wɔnyɛ sɛ abɔfra a ne maame apɔn no a wanhu awia.

 9 Mode nkasɛɛ nnua bɛsɔ gya, nanso ansa na egya no bɛka dadesɛn no,

Onyankopɔn de ahum bɛpra dua mono ne deɛ ɛrehye no nyinaa akɔ.+

10 Ɔteneneeni bɛdi ahurisie, ɛfiri sɛ ɔbɛhu abɔnefoɔ akatua.+

Ɔdebɔneyɛfoɔ mogya bɛduru ɔteneneeni nan ho.+

59 O me Nyankopɔn, gye me firi m’atamfo nsam;+

Bɔ me ho ban firi wɔn a wɔsɔre tia me no ho.+

 2 Gye me firi amumuyɛfoɔ nsam,

Na gye me firi awudifoɔ* nsam.

 3 Hwɛ! Wɔtetɛ me;*+

O Yehowa, ahoɔdenfoɔ to hyɛ me so,

Nanso mentee atua na menyɛɛ bɔne biara.+

 6 Wɔba anwummerɛ biara;+

Wɔpɔ sɛ kraman,+ na wɔtwa kuro no ho hyia.+

 7 Hwɛ nsɛm a wɔde wɔn ano keka;*

Wɔn anom asɛm* te sɛ sekan;+

Wɔka sɛ: “Hwan na ɔretie?”+

 8 Nanso wo, Yehowa, wobɛsere wɔn;+

Wobɛdi amanaman nyinaa ho fɛ.+

 9 O Onyankopɔn, wone m’ahoɔden, na wo na m’ani da wo so;+

Onyankopɔn ne me dwankɔbea.*+

10 Onyankopɔn a ɔda ɔdɔ a ɛnni hwammɔ adi kyerɛ me no bɛtwitwa agye me;+

Onyankopɔn bɛma m’atamfo ahwe ase ama madi ahurisie.+

Wo tumi nti ma wɔmmɔ asesa;

O Yehowa, yɛn kyɛm, ma wɔnhwe ase.+

12 Wɔde wɔn ano yɛ bɔne keka nsɛm,

Enti ma wɔn ahantan nsum wɔn fidie,+

Ɛfiri sɛ wɔdome nkurɔfoɔ na wɔka nnaadaasɛm.

13 Fa abufuo yɛ wɔn pasaa;+

Yɛ wɔn pasaa na wɔn ase nhye;

Ma wɔnhu sɛ Onyankopɔn na ɔdi Yakob so kɔsi asaase ano nohoa.+ (Sela)

14 Ma wɔmmra anwummerɛ;

Ma wɔmpɔ sɛ kraman, na wɔntwa kuro no ho nhyia.+

15 Ma wɔnnantenante basabasa nhwehwɛ wɔn ano aduane;+

Mma wɔmmmee, na mma wɔnnnya baabi nntena.

16 Me deɛ, mɛto w’ahoɔden ho dwom.+

Anɔpa, mede anigyeɛ bɛka wo dɔ a ɛnni hwammɔ no ho asɛm.

Ɛfiri sɛ wone me hintabea+

Ne m’ahohia berɛ mu dwankɔbea.+

17 Wone m’ahoɔden, na wo na mɛto ayeyi nnwom* ama wo;+

Onyankopɔn ne me dwankɔbea, Onyankopɔn a ɔda ɔdɔ a ɛnni hwammɔ adi kyerɛ me no.+

 4 Wɔn a wɔsuro wo no, ma wɔn ahyɛnsodeɛ*

Na wɔatumi adwane agyan. (Sela)

 5 Deɛ ɛbɛyɛ a w’adɔfoɔ bɛnya ɔgyeɛ no,

Fa wo nsa nifa gye yɛn, na tie yɛn adesrɛ.+

“Mɛdi ahurisie, mede Sekem bɛma wɔn sɛ wɔn kyɛfa,+

Na mɛsusu Sukot Bɔn* ama wɔn.+

 7 Gilead yɛ me dea, Manase+ nso wɔ me,

Na Efraim yɛ dadeɛ kyɛ* a ɛhyɛ me;

Yuda yɛ m’ahempoma.*+

10 O Onyankopɔn, ɛnyɛ wo na woato yɛn atwene?

Ɛnyɛ wone yɛn Nyankopɔn a wo ne yɛn asraafoɔ nkɔ ɛko bio no?+

11 Gye yɛn firi ahohia mu,

Ɛfiri sɛ nkwagyeɛ a ɛfiri onipa hɔ deɛ, mfasoɔ nni so.+

12 Onyankopɔn hɔ na yɛbɛnya ahoɔden,+

Na ɔno na ɔbɛtiatia yɛn atamfo so.+

 2 Sɛ m’akoma bubu a,+

Mɛfiri asaase ano nohoa asu afrɛ wo.

 3 Ɛfiri sɛ wone me dwankɔbea

Ne abandenden a wobɔ me ho ban firi m’atamfo ho.+

 4 Mɛsoɛ wo ntomadan mu afebɔɔ;+

Wo ntaban ase na mede bɛyɛ me dwankɔbea.+ (Sela)

 6 Wode nna pii bɛka ɔhene nkwa nna ho,+

Na ɔbɛtena hɔ akɔsi awoɔ ntoatoasoɔ pii so.

 7 Ɔbɛtena ahennwa so wɔ Onyankopɔn anim* daa;+

Ma ɔdɔ a ɛnni hwammɔ ne nokorɛ mmɛsoɛ no, na abɔ ne ho ban.+

 8 Ɛno na mɛto ayeyi nnwom* ama wo din daa,+

Na matua me bɔhyɛ adeɛ da biara.+

 2 Ampa ara, ɔno ne me botan ne me nkwagyeɛ, me dwankɔbea;*+

Merenhinhim mmoro so da.+

 4 Wɔtu agyina sɛdeɛ ɛbɛyɛ a wɔbɛdidi n’ase ayi no ahwe fam;*

Atorɔ na wɔn ani gye ho.

 5 Onyankopɔn na mayɛ komm retwɛn no,*+

Ɛfiri sɛ ɔno ne m’anidasoɔ.+

 6 Ampa ara, ɔno ne me botan ne me nkwagyeɛ, me dwankɔbea;

Merenhinhim da.+

 9 Nnipa mma te sɛ hwenem mframa,

Adasamma yɛ dwankɔbea hunu.+

10 Mommfa mo ho nnto apoobɔ so,

Na mommfa korɔno nnyɛ mo anidasoɔ.

12 O Yehowa, ɔdɔ a ɛnni hwammɔ nso yɛ wo dea,+

Na wo na wotua obiara ka sɛdeɛ ne nnwuma teɛ.+

M’ani* agyina wo ara ama mayɛ hagyaa

Wɔ asaase wesee a nsuo nni soɔ so.+

 2 Enti mahu wo wɔ kronkronbea hɔ;

Mahunu w’ahoɔden ne w’animuonyam.+

 3 Ɛsiane sɛ wo dɔ a ɛnni hwammɔ yɛ sene

nkwa nti,+

 4 Enti mɛhyira wo me nkwa nna nyinaa;

Wo din mu na mɛma me nsa so abɔ wo mpaeɛ.

 5 Manya* nneɛma pa ne akɔnnɔdeɛ* adi amee,

Enti m’ano de ahurisi dwom bɛyi wo ayɛ.+

 6 Mekae wo wɔ me kɛtɛ so,

Na anadwo dasuom,* medwendwene wo ho.+

 7 Wone me boafoɔ,+

Na wo ntaban nwunu ase na meto ahurisi dwom.+

 8 Mebata* wo ho dendeenden;

Wo nsa nifa kura me mu yie.+

 9 Wɔn a wɔrehwehwɛ me nkwa* no deɛ,

Asaase ase tɔnn na wɔbɛkɔ.

10 Wɔbɛwuwu sekan ano;

Wɔbɛdane aduane ama sakraman.

Obiara a ɔka no ntam no ho bɛsɛpɛ no,*

Ɛfiri sɛ wɔbɛma nkontompofoɔ aka wɔn ano atom.

 2 Sɛ nnebɔneyɛfoɔ bɔ pɔ bɔne a, bɔ me ho ban firi ho,+

Na bɔ me ho ban firi amumuyɛfoɔ dɔm ho;

 3 Wɔse wɔn kɛtrɛma te sɛ sekan;

Wɔhwehwɛ nsɛm a ano yɛ ya a wɔbɛto no sɛ agyan.

 4 Wɔkɔtɛ baabi a wɔbɛtumi ato awɔ deɛ ne ho nni asɛm.

Wɔto wɔ no mpofirim; wɔnsuro mpo.

 5 Adwemmɔne no ara na wɔkura mu;*

Wɔtu agyina hwehwɛ akwan a wɔbɛfa so asum mfidie asie.

 6 Daa wɔhwehwɛ akwan foforɔ a wɔbɛfa so adi bɔne;

Wɔfa nyansakwan so sum fidie sie;+

Obi akomam asɛm nso deɛ, obi rentumi nhunu.

 7 Nanso Onyankopɔn bɛto agyan awɔ wɔn,+

Na ɛbɛpirapira wɔn mpofirim.

 8 Wɔn ankasa anom asɛm na ɛbɛma wɔahwe ase.+

Obiara a ɔbɛhu wɔn no bɛwoso ne ti.

 9 Ɛbɛma nnipa nyinaa asuro

Na wɔaka deɛ Onyankopɔn ayɛ ho asɛm,

Na wɔbɛte ne nnwuma ase.+

10 Ɔteneneeni bɛdi ahurisie wɔ Yehowa mu, na ɔde no ayɛ ne dwankɔbea;+

Akoma mu teefoɔ nyinaa bɛdi ahurisie.*

65 O Onyankopɔn, ayeyie retwɛn wo wɔ Sion;+

Yɛahyɛ wo bɔ, na yɛbɛdi so.+