यसैया

 २ हे आकाश, सुन! हे पृथ्वी, ध्यान देऊ!+

यहोवाले यसो भन्‍नुभएको छ:

“मैले आफ्ना छोराहरूलाई पालनपोषण गरेर हुर्काएँ+

तर तिनीहरूले मेरो विद्रोह गरेका छन्‌।+

 ३ गोरुले आफ्नो मालिकलाई

अनि गधाले मालिकले दिएको डुँडलाई राम्ररी चिन्छ।

तर इस्राएलले भने मलाई* चिन्दैन।+

मेरा आफ्नै मानिसहरू समझ चलाउँदैनन्‌।”

 ४ धिक्कार छ! ए पापी राष्ट्र!+

ए कुकर्मले भरिएका मानिसहरू!

ए दुष्टहरूको समूह! भ्रष्ट केटाकेटी!

तिमीहरूले यहोवालाई त्यागेका छौ;+

इस्राएलका पवित्र परमेश्‍वरको अनादर गरेका छौ

अनि उहाँलाई आफ्नो पिठिउँ फर्काएका छौ।

तिमीहरूको टाउको घावैघाउले भरिएको छ;

तिमीहरूको हृदय रोगले ग्रस्त छ।+

तिमीहरूको जीउभरि चोटैचोट, नीलडाम अनि खटिरैखटिरा छ।

त्यसको उपचार गरिएको छैन, त्यसमा पट्टी बाँधिएको छैन न त तेल नै घसिएको छ।+

 ८ अङ्‌गुर बगानको झुप्रोजस्तै,

काँक्राबारीको छाप्रोजस्तै

अनि घेराबन्दीमा परेको सहरजस्तै+ सियोनकी छोरी* त्यागिएकी छे।

 ९ सेनाहरूका यहोवाले हामीमध्ये केहीलाई जीवित नराख्नुभएको भए

हामी सदोमजस्तै हुने थियौँ

अनि हाम्रो हालत गमोराको जस्तै हुने थियो।+

तिमीहरूले अग्निभेटीको* रूपमा चढाएका थुमाहरू+ र मोटाघाटा जनावरहरूको बोसोदेखि+ मलाई वाक्कै लागिसक्यो।

तिमीहरूले चढाएका बहरहरू,+ पाठाहरू र बोकाहरूको+ रगत मलाई फिटिक्कै मन पर्दैन।+

१२ मसामु उपस्थित होओ+

र मेरा चोकहरूमा+ पाइला टेक भनेर

तिमीहरूलाई कसले भन्यो?

तिमीहरू औँसी+ अनि विश्रामदिन*+ मनाउँछौ र पवित्र सभाहरू राख्छौ।+

तिमीहरू चाडपर्वको लागि भेला हुन्छौ तर टुनामुना पनि गर्छौ;+ म यो सहन सक्दिनँ।

ती मेरो लागि बोझ भएका छन्‌।

ती बोक्दा-बोक्दा म गलिसकेँ।

१५ तिमीहरूले मेरो अगाडि हात फैलाउँदा

म आँखा चिम्लन्छु।+

म फिटिक्कै सुन्दिनँ+

किनकि तिमीहरूका हात रगतले लतपतिएका छन्‌।+

१६ आफैलाई धोएर चोखो पार।+

तिमीहरूको कुकर्म मेरो नजरदेखि हटाओ।

दुष्ट काम गर्न बन्द गरिहाल।+

१७ असल काम गर्न सिक, न्याय गर।+

अत्याचारीहरूलाई सुधार।

अनाथहरूको* अधिकारको निम्ति लड

र विधवाको हकमा फैसला गरिदेओ।”+

तिमीहरूका पापहरू सिन्दूरे रङ्‌गका भए पनि

ती हिउँजस्तै सेता हुनेछन्‌।+

तिमीहरूका पापहरू गाढा राता रङ्‌गका कपडाजस्तै भए पनि

ती ऊनजस्तै सेता हुनेछन्‌।

१९ मेरो कुरा सुन्‍न राजी भयौ भने

तिमीहरूले यस देशका असल-असल थोक खान पाउनेछौ।+

२० तर मेरो कुरा सुनेनौ र विद्रोही भयौ भने

तिमीहरू तरबारको सिकार हुनेछौ।+

किनकि म यहोवाले नै यो कुरा भनेको हुँ।”

त्यस सहरमा न्याय पाइन्थ्यो।+

त्यहाँ धार्मिकताले* बास गर्थ्यो+

तर अहिले त्यहाँ केवल हत्याराहरू+ छन्‌।

२२ तिम्रो चाँदी कसरजस्तै+ कामै नलाग्ने भएको छ

र तिम्रो रक्सीमा* पानी मिसाइएको छ।

तिनीहरू अनाथहरूको* न्याय गर्दैनन्‌

र विधवाहरूको मुद्दा तिनीहरूकहाँ कहिल्यै पुग्दैन।+

२४ त्यसैले साँचो परमेश्‍वर, सेनाहरूका यहोवा,

इस्राएलका शक्‍तिशाली परमेश्‍वर यस्तो घोषणा गर्नुहुन्छ:

“म आफ्ना विरोधीहरूलाई नाश गर्नेछु,

आफ्ना शत्रुहरूसित बदला लिनेछु।+

२५ म तिमीविरुद्ध आफ्नो हात उठाउनेछु,

चाँदीलाई पगालेर त्यसको कसर फालेजस्तै

म तिम्रा अशुद्ध कुराहरू पूरै हटाइदिनेछु।+

२६ म पहिलेझैँ तिमीमाथि न्यायकर्ताहरू

र सल्लाहकारहरू नियुक्‍त गर्नेछु।+

२७ सियोनलाई न्यायको आधारमा

अनि फर्केर आउने त्यसका बासिन्दाहरूलाई चाहिँ धार्मिकताको आधारमा मुक्‍त गरिनेछ।+

२८ विद्रोहीहरू र पापीहरूलाई सँगसँगै नाश गरिनेछ।+

यहोवालाई त्याग्नेहरूको सर्वनाश हुनेछ।+

२९ जुन बडेमाका रूखहरूको तिमी चाह गर्थ्यौ, त्यही रूखहरूले गर्दा तिमी लाजमा पर्नेछौ।+

जुन बगैँचाहरू तिमीले छानेका थियौ, त्यही बगैँचाहरूले* गर्दा तिम्रो बेइज्जत हुनेछ।+

३० पातहरू सबै सुकेका ठूलो रूखजस्तै तिमी हुनेछौ,+

पानी नभएको बगैँचाजस्तै हुनेछौ।

३१ बलियो मानिस सलेदोजस्तै हुनेछ

र उसको काम आगोको झिल्कोजस्तै हुनेछ।

ती दुवै एकसाथ जल्नेछन्‌।

तिनीहरूलाई निभाउने कोही हुनेछैन।”

 २ आखिरी समयमा

यहोवा परमेश्‍वरको भवनको डाँडा

अरू डाँडाभन्दा माथि उठाइनेछ,+

त्यसलाई टाकुरामाथि नहल्लिनेगरि बसालिनेछ

र त्यहाँ सबै राष्ट्रका मानिसहरू ओइरिनेछन्‌।+

“आओ, हामी यहोवाको डाँडामा जाऔँ।

याकुबका परमेश्‍वरको भवनमा जाऔँ।+

उहाँले हामीलाई आफ्नो मार्ग सिकाउनुहुनेछ

अनि हामी त्यस मार्गमा हिँड्‌नेछौँ।”+

किनकि व्यवस्था* सियोनबाटै दिइनेछ

र यहोवाको वचनचाहिँ यरुसलेमबाटै आउनेछ।+

 ४ उहाँले जातिजातिको इन्साफ गर्नुहुनेछ

र जातिजातिका मानिसहरूसित आफ्नो मामिला सुल्झाउनुहुनेछ।

तिनीहरूले आ-आफ्नो तरबार पिटेर हलोको फाली बनाउनेछन्‌

र भाला पिटेर हँसिया बनाउनेछन्‌।+

एउटा जातिले अर्को जातिको विरुद्धमा तरबार उठाउनेछैन

र तिनीहरूले फेरि युद्ध गर्न सिक्नेछैनन्‌।+

 ५ ए याकुबको घराना, आऊ!

यहोवाले दिनुहुने ज्योतिमा हिँडौँ।+

 ६ तपाईँले आफ्ना मानिसहरूलाई, हो, याकुबको घरानालाई त्याग्नुभएको छ।+

किनकि तिनीहरूले पूर्वका* मानिसहरूको सबै रीतिथिति अङ्‌गालेका छन्‌।

तिनीहरू पलिस्तियालीहरूले जस्तै जादुगरी गर्छन्‌।+

विदेशीका बच्चाहरूले तिनीहरूको देश भरिएको छ।

 ७ तिनीहरूको देश सुनचाँदीले भरिभराउ छ।

तिनीहरूले अकुत सम्पत्ति थुपारेका छन्‌।

तिनीहरूसित अनगिन्ती घोडा छन्‌।

तिनीहरूको रथको कुनै लेखाजोखा छैन।+

तिनीहरू आफ्नै हातले कुँदेका

अनि आफ्नै औँलाले बनाएका मूर्तिहरूसामु घोप्टो पर्छन्‌।

 ९ यसरी तिनीहरू आफ्नै बेइज्जती गर्छन्‌ र आफैलाई लाजमा पार्छन्‌।

तिनीहरूलाई कुनै हालतमा माफ नगर्नुहोस्‌।

१० जब यहोवा भव्य महिमाका साथ+ उपस्थित हुनुहुनेछ

र आफ्नो भयानक रिस प्रकट गर्नुहुनेछ,

तब तिमीहरू चट्टानभित्र पस र खाल्टो खनेर लुक।

११ हठी मानिसहरूका आँखा झुकाइनेछ

र मानिसहरूको सेखी झारिनेछ।

सबै हठी र घमन्डी मानिस

अनि ठूलाबडादेखि साधारण मानिसहरू सबैले त्यो दिनको सामना गर्नुपर्नेछ।+

१३ लेबनानका सबै बडेमाका देवदारले

अनि बासानका सबै फलाँटका रूखले;

१४ सबै विशाल पहाडले

र सबै अग्ला-अग्ला डाँडाले;

१५ सबै ठूलठूला किल्ला र बलिया-बलिया पर्खालले;

१६ तर्सिसका सबै जहाजले+

अनि सबै सुन्दर डुङ्‌गाले त्यो दिनको सामना गर्नुपर्नेछ।

१७ अभिमानी मानिसलाई खसालिनेछ,

तिनीहरूको सेखी झारिनेछ।

१९ पृथ्वीलाई डरलाग्दो गरी हल्लाउनलाई जब यहोवा उठ्‌नुहुन्छ,

तब उहाँको डरको कारण

र उहाँको भव्य महिमाको कारण+

तिनीहरू चट्टानका गुफाहरूमा लुक्नेछन्‌

र दुलाहरूमा पस्नेछन्‌।+

२० आफूले पूजा गर्न बनाएका देवताहरूलाई,

ती सुनचाँदीका व्यर्थका देवताहरूलाई

त्यो दिन मानिसहरूले छुचुन्द्रा र चमेरासामु फ्याँकिदिनेछन्‌।+

२१ अनि तिनीहरू चट्टानका प्वालहरूमा लुक्नेछन्‌

र धाँजाहरूमा पस्नेछन्‌।

किनकि त्यसबेला यहोवा भव्य महिमाका साथ उपस्थित हुनुहुनेछ।

उहाँले आफ्नो भयानक रिस प्रकट गर्नुहुनेछ

र पृथ्वी डरले थरथर काँप्नेछ।

२२ मानिसमा भरोसा गर्न छोड अनि तिमीहरूको भलो हुनेछ।

किनकि मानिसको मोल के नै छ र?

३ हेर! साँचो परमेश्‍वर, सेनाहरूका यहोवाले

यरुसलेम र यहुदालाई न कुनै किसिमको सहारा दिनुहुनेछ न कुनै कुराको आपूर्ति नै गरिदिनुहुनेछ।

उहाँले तिनीहरूको अन्‍न-पानी खोस्नुहुनेछ।+

 २ उहाँले तिनीहरूका वीर मानिसहरू र योद्धाहरू,

न्यायाधीशहरू र भविष्यवक्‍ताहरू,+ जोखना हेर्नेहरू र मुखियाहरू,

 ३ नाइकेहरू,*+ उच्च पदाधिकारीहरू र सल्लाहकारहरू,

निपुण जादुगरहरू र सपेराहरू+ सबैलाई हटाइदिनुहुनेछ।

 ४ म ठिटाहरूलाई तिनीहरूका शासक बनाउनेछु।

तिनीहरूमाथि यस्ता मानिसहरूले शासन गर्नेछन्‌, जो अस्थिर* छन्‌।

 ५ मानिसहरूले एकअर्कामाथि अत्याचार गर्नेछन्‌।

हरेकले आफ्नो साथीभाइलाई शोषण गर्नेछ।+

ठिटोले वृद्धलाई दुर्व्यवहार गर्नेछ

र तुच्छ मानिसले इज्जतदार मानिसको अनादर गर्नेछ।+

“म तिम्रो घाउमा पट्टी बाँध्नेछैनँ।

मेरो आफ्नै घरमा खानेकुरा र लुगाफाटा जुटाउन मलाई धौधौ परेको छ।

 ८ किनकि यरुसलेमले ठेस खाएको छ

र यहुदा लडेको छ।

तिनीहरू आफ्नो बोली र कामले यहोवाको विरोध गर्छन्‌।

महिमावान्‌ परमेश्‍वरसामु तिनीहरू ठाडै उहाँको नियम उल्लङ्‌घन गर्छन्‌।+

 ९ तिनीहरूको अनुहारले नै तिनीहरूविरुद्ध साक्षी दिन्छ।

तिनीहरू सदोमका+ बासिन्दाहरूले जस्तै आफ्नो पापको खुलेआम चर्चा गर्छन्‌।

तिनीहरू त्यसलाई लुकाउन खोज्दैनन्‌।

१० असल मानिसहरूलाई उनीहरूको भलो हुनेछ भनेर बताऊ।

उनीहरूले आफ्नो कामको इनाम पाउनेछन्‌।+

११ तर दुष्टलाई धिक्कार छ!

त्यसमाथि विपत्ति आइपर्नेछ।

त्यसले अरूलाई जसो गरेको थियो, त्यसलाई पनि त्यसै गरिनेछ।

१२ ठेकेदारहरूले मेरा मानिसहरूको शोषण गर्छन्‌।

स्त्रीहरूले तिनीहरूमाथि शासन गर्छन्‌।

हे मेरा मानिसहरू, तिमीहरूका अगुवाहरूले गर्दा तिमीहरू भौँतारिरहेका छौ,

तिनीहरूले तिमीहरूलाई अलमल्याएर गलत बाटोतिर डोऱ्‍याइरहेका छन्‌।+

१३ यहोवा मानिसहरूलाई दोषी ठहराउन

र तिनीहरूलाई सजाय सुनाउन खडा हुनुभएको छ।

“तिमीहरूले अङ्‌गुर बगानमा आगो लगाइदिएका छौ

र गरिबहरूलाई लुटेर आफ्नो घर भरेका छौ।+

१५ मेरा मानिसहरूलाई कुल्चीमिल्ची गर्ने अनि गरिबहरूको अनुहारलाई माटोमा धसिदिने दुस्साहस तिमीहरूले कसरी गऱ्‍यौ?”+

ब्रह्‍माण्डका मालिक, सेनाहरूका यहोवा घोषणा गर्नुहुन्छ।

१६ यहोवा यसो भन्‍नुहुन्छ: “सियोनका छोरीहरू घमन्डी छन्‌।

तिनीहरू आफ्नो शिर ठाडो पार्दै हिँड्‌छन्‌।

आँखा सन्काउँदै अनि पाउजु बजाउँदै

मस्केर हिँड्‌छन्‌।

१७ यहोवाले सियोनका छोरीहरूलाई प्रहार गर्नुहुनेछ र तिनीहरूको टाउको घावैघाउको पाप्राले भरिनेछ।

यहोवाले तिनीहरूको तालु खुइलाइदिनुहुनेछ।+

१८ त्यस दिन यहोवाले तिनीहरूको शृङ्‌गारका यी चिजहरू खोस्नुहुनेछ:

कल्ली, शिरबन्दी, चन्द्र आकारको गहना,+

१९ झुम्का, चुरा, घुम्टो,

२० शिरपोस, पाउजु, पटुका,

अत्तरदानी, जन्तर,

२१ औँठी, नत्थ,

२२ सुन्दर वस्त्र, बाहिरी लुगा, अलखा, थैली,

२३ हाते-ऐना,+ मलमलका लुगा,*

फेटा र पछ्यौरी।

२४ तिनीहरूले सुगन्धित तेल*+ घस्थे तर अब सुगन्धको सट्टा दुर्गन्ध आउनेछ।

तिनीहरूले कम्मरमा पटुका कस्थे तर अब डोरी कस्नुपर्नेछ।

तिनीहरू आफ्नो कपाल राम्ररी सिङ्‌गार्थे तर अब भने खौरनुपर्नेछ।*+

दामी-दामी लुगा लगाउँथे तर अब भाङ्‌ग्रा ओढ्‌नुपर्नेछ।+

तिनीहरूको शरीरमा सौन्दर्यको होइन तर दासत्वको निसानी पाइनेछ।

२५ सियोनका मानिसहरू तरबारले काटिनेछन्‌।

त्यहाँका वीर पुरुषहरू युद्धमा मारिनेछन्‌।+

२६ सियोनका ढोकाहरूले शोक गर्नेछन्‌ र रुनेछन्‌।+

सबै कुरा लुटिएको त्यो सहर भुईँमा थच्चिनेछ।”+

“खानेकुराको बन्दोबस्त हामी आफै मिलाउनेछौँ

अनि लुगाफाटा पनि आफै जुटाउनेछौँ।

केवल हामीसित विवाह गर्नुहोस्‌ र हामी तपाईँको नामले चिनिन पाऔँ।

त्यसो भयो भने हाम्रो अपमान* हुनेछैन।”+

५ म आफ्ना प्रियको निम्ति गीत गाउँछु।

मेरा प्रिय र उनको अङ्‌गुर बगानबारे एउटा गीत गाउँछु।+

अनि त्यहाँ रातो अङ्‌गुरको असल बोट लगाए।

उनले त्यस जमिनको बीचमा एउटा मचान खडा गरे

र अङ्‌गुर पेल्ने कोल बनाए।+

त्यो बोटले असल अङ्‌गुर फलाउला भनेर उनले आशा गरेका थिए

तर त्यसले जङ्‌गली अङ्‌गुर मात्र फलायो।+

 ३ “हे यरुसलेम र यहुदाका बासिन्दाहरू हो!

बिन्ती! म र मेरो अङ्‌गुर बगानबीच फैसला गरिदेओ।+

 ४ मैले आफ्नो अङ्‌गुर बगानको लागि के मात्र गरिनँ?

मैले त्यसको लागि सबथोक गरेँ।+

मैले असल अङ्‌गुरको आशा गरेको थिएँ

तर त्यसले किन जङ्‌गली अङ्‌गुर मात्रै फलायो?

 ५ अब म आफ्नो अङ्‌गुर बगानलाई के गर्नेछु,

त्यो तिमीहरूलाई बताउँछु।

म त्यसको बार भत्काइदिनेछु

अनि त्यो बगान आगोले भस्म हुनेछ।+

म त्यसको ढुङ्‌गाको पर्खाल भत्काइदिनेछु

अनि त्यसमाथि कुल्चीमिल्ची गरिनेछ।

 ६ म त्यसलाई बन्जर जमिन बनाइदिनेछु।+

त्यसलाई छिमल्ने वा गोडमेल गर्ने कोही हुनेछैन।

पूरै बगान काँडा र सिउँडीहरूले भरिनेछ।+

त्यसमा पानी नबर्साउनू भनी म बादललाई आदेश दिनेछु।+

 ७ म सेनाहरूका यहोवा हुँ र इस्राएलको घराना मेरो अङ्‌गुर बगान हो।+

मलाई मन परेको बोट यहुदाका मानिसहरू हुन्‌।

मैले न्यायको आशा गरेको थिएँ+

तर हेर, चारैतिर अन्याय भयो।

धार्मिकताको आशा गरेको थिएँ

तर हेर, चारैतिर रोदनको आवाज सुनियो।”+

 ८ धिक्कार छ ती मानिसहरूलाई, जो अलिकति पनि खाली ठाउँ नरहनेगरि

एउटा घरलाई अर्को घरसँग जोड्‌छन्‌+

र एउटा खेतलाई अर्को खेतमा गाभ्छन्‌।+

तिनीहरू पूरै देशमा आफू एक्लै बस्न खोज्छन्‌।

 ९ सेनाहरूका यहोवाले खानुभएको शपथ मैले सुनेँ;

थुप्रै ठूलठूला र सुन्दर घर निर्जन हुनेछन्‌

अनि तिनीहरूको हालत देखेर मानिसहरू डरले थरथर काँप्नेछन्‌।+

१० किनकि १० एकड* अङ्‌गुर बगानबाट केवल एक बाथ* रक्सी निस्कनेछ।

अनि एक होमेर* बिउबाट केवल एक एपा* अन्‍न फल्नेछ।+

११ धिक्कार छ ती मानिसहरूलाई, जो रक्सी पिउन बिहान सबेरै उठ्‌छन्‌+

अनि मात नलागुन्जेल साँझ अबेरसम्म रक्सी पिइरहन्छन्‌।

१२ तिनीहरू भोजभतेरमा वीणा, तारे बाजा,

खैँजडी र बाँसुरी बजाउँछन्‌ अनि मद्य पिउँछन्‌।

तर यहोवाले गर्नुभएका काममा ध्यान दिँदैनन्‌,

उहाँको हातको कामलाई वास्ता गर्दैनन्‌।

१३ त्यसैले मेरा मानिसहरू कैदमा लगिनेछन्‌।

किनकि तिनीहरू परमेश्‍वरलाई चिन्दैनन्‌।+

तिनीहरूका इज्जतदार मानिसहरू भोकभोकै बस्नुपर्नेछ+

र तिनीहरू सबै तिर्खाले प्याक-प्याक हुनेछन्‌।

१४ त्यसैले चिहानको* भोक बढेको छ।

आफ्नो मुख बाएर त्यो बसेको छ र त्यो कहिल्यै अघाउँदैन।+

त्यस सहरको सान,* त्यहाँका होहल्ला गर्ने मानिसहरूको भीड र मोजमस्ती गर्नेहरू

चिहानको मुखबाट कुनै हालतमा उम्कनेछैनन्‌।

१५ मानिसहरू झुक्नेछन्‌।

तिनीहरूको सेखी झर्नेछ।

हठी मानिसहरूले आफ्नो आँखा झुकाउनेछन्‌।

१६ सेनाहरूका यहोवाले इन्साफ गरेर आफैलाई उच्च पार्नुहुनेछ;

साँचो र पवित्र परमेश्‍वरले+ आफ्नो धार्मिक स्तरद्वारा आफूलाई पवित्र ठहराउनुहुनेछ।+

१७ ती उजाड ठाउँहरू, जहाँ पहिले-पहिले मोटाघाटा जनावरहरू चर्थे, त्यहाँ भेडाका पाठाहरू आफ्नो चरनमा झैँ चर्नेछन्‌।

विदेशीहरूले त्यहाँको उब्जनीले आफ्नो पेट भर्नेछन्‌।

१८ धिक्कार छ ती मानिसहरूलाई, जो आफ्नो दोषलाई छल-कपटको डोरीले

र आफ्नो पापलाई गाडा तान्‍ने डोरीले तान्छन्‌।

१९ धिक्कार छ ती मानिसहरूलाई, जो यसो भन्छन्‌: “परमेश्‍वरले छिटो गरून्‌।

उहाँले आफ्नो काम चाँडै सकून्‌ र हामीले त्यो देख्न पाऔँ।

इस्राएलका पवित्र परमेश्‍वरको उद्देश्‍य पूरा होस्‌

र हामीले त्यो थाह पाउन सकौँ।”+

२० धिक्कार छ ती मानिसहरूलाई, जो असललाई खराब र खराबलाई असल भन्छन्‌;+

जो अँध्यारोलाई उज्यालो र उज्यालोलाई अँध्यारो ठान्छन्‌;

जो तीतोलाई गुलियो र गुलियोलाई तीतो मान्छन्‌।

२१ धिक्कार छ ती मानिसहरूलाई, जो आफ्नै नजरमा बुद्धिमान्‌ छन्‌;

जो आफैलाई बुद्धिमान्‌ सम्झन्छन्‌।+

२२ धिक्कार छ ती मानिसहरूलाई, जसलाई रक्सी पिउन कसैले जित्दैन;

जो रक्सीमा मसला मिसाउन सिपालु छन्‌;+

२३ जो घुस लिएर अपराधीलाई निर्दोष घोषित गर्छन्‌+

र धर्मी मानिसको पक्षमा फैसला गर्न इन्कार गर्छन्‌।+

२४ त्यसकारण जसरी आगोको एउटा लप्कोले भुस खरानी बन्छ

अनि जसरी सुकेको घाँस आगोमा भस्म हुन्छ,

त्यसरी नै तिनीहरू नाश हुनेछन्‌।

तिनीहरूको जरा कुहिनेछ र तिनीहरूको फूल धुलोजस्तै छरपस्ट हुनेछ।

किनकि तिनीहरूले सेनाहरूका यहोवाको व्यवस्था* पालन गरेनन्‌

र इस्राएलका पवित्र परमेश्‍वरको वचनको अनादर गरे।+

२५ त्यसैले यहोवाको क्रोध उहाँका मानिसहरूमाथि दन्कनेछ।

उहाँले आफ्नो हात उठाएर तिनीहरूलाई हिर्काउनुहुनेछ।+

पहाडहरू थरथर काँप्नेछन्‌

र तिनीहरूको लास सडकको फोहोरमैलाझैँ हुनेछ।+

तैपनि उहाँको रिस मरेको छैन।

तिनीहरूलाई हिर्काउन उहाँको हात अझै पनि उठिरहेको छ।

२६ उहाँले झन्डा ठड्‌याएर टाढाको राष्ट्रलाई बोलाउनुभएको छ।+

उहाँले सिटी बजाएर तिनीहरूलाई पृथ्वीको पल्लो छेउबाट बोलाउनुभएको छ।+

अनि हेर! तिनीहरू वेगसित आउँदै छन्‌।+

तिनीहरूको कम्मरको पेटी खुकुलो भएको छैन

र तिनीहरूको जुत्ताको फित्ता पनि चुँडिएको छैन।

२८ तिनीहरूका काँड तीखा-तीखा छन्‌

र तिनीहरूका सबै धनुमा ताँदो चढाइएको छ।*

तिनीहरूका घोडाहरूको टाप चकमक ढुङ्‌गाझैँ कडा छन्‌

र तिनीहरूका रथका पाङ्‌ग्रा हुरीबतासझैँ वेगले गुड्‌छन्‌।+

२९ तिनीहरूको गर्जन सिंहको जस्तै छ।

तिनीहरू जवान सिंहझैँ ङ्‌वार्र-ङुर्र गर्छन्‌।+

तिनीहरू गर्जेर सिकारलाई झम्टन्छन्‌ र त्यसलाई लग्छन्‌;

कसैले त्यसलाई छुटाउन सक्दैन।

३० त्यस दिन तिनीहरू यस देशविरुद्ध समुद्रझैँ गर्जनेछन्‌।+

देशलाई एकटक लगाएर हेर्ने हरेकले अन्धकार र सङ्‌कष्ट देख्नेछ।

म त मरेतुल्य भएँ

किनकि म अशुद्ध ओठ भएको मानिस हुँ

अनि अशुद्ध ओठ भएका मानिसहरूसित बस्छु।+

मेरा आँखाले सेनाहरूका यहोवा, महाराजालाई देखेका छन्‌!”

अनि तिम्रो पाप क्षमा भएको छ

किनकि मैले यो भुङ्‌ग्रोले तिम्रो ओठ छोएको छु।”

‘तिमीहरूले बारम्बार सुन्‍नेछौ

तर केही बुझ्नेछैनौ।

तिमीहरूले बारम्बार देख्नेछौ

तर केही सिक्नेछैनौ।’+

१० तिनीहरूको मन बोधो बनाइदेऊ,+

तिनीहरूको कान बन्द गरिदेऊ+

र तिनीहरूको आँखा टालिदेऊ

ताकि तिनीहरूले केही पनि नदेखून्‌,

तिनीहरूले केही पनि नसुनून्‌

र तिनीहरूको मनले केही पनि नबुझोस्‌

अनि तिनीहरू मकहाँ नफर्कून्‌ र निको नहोऊन्‌।”+

“जबसम्म सहरहरू तहसनहस भएर सुनसान हुँदैनन्‌,

घरहरू खाली हुँदैनन्‌

र भूमि उजाड हुँदैन;+

१२ जबसम्म म यहोवाले मानिसहरूलाई निकालेर टाढा पठाउँदिनँ+

र पूरै देश सुनसान हुँदैन, तबसम्म।

“तिनीहरूको षड्‌यन्त्र सफल हुनेछैन।

त्यो कहिल्यै पूरा हुनेछैन।

 ८ सिरियाको शिर दमिसक हो

र दमिसकको शिरचाहिँ रजिन हो।

केवल ६५ वर्षभित्र एप्रैम पूरै तहसनहस हुनेछ,

त्यसको नामोनिसान मेटिनेछ।+

 ९ एप्रैमको शिर सामरिया हो+

र सामरियाको शिरचाहिँ रमल्याहको छोरा हो।+

तिमीहरूको विश्‍वास अटल नभएसम्म

तिमीहरूको राज्य स्थिर हुनेछैन।”’”

 ६ “यी मानिसहरूले सिलोहको* कलकल बग्ने पानीलाई तिरस्कार गरे+

अनि रमल्याहका+ छोराको र रजिनको पछि लागे।

 ७ त्यसैले हेर, म यहोवाले तिनीहरूविरुद्ध

अस्सेरियाका राजा+ र तिनका सबै सेनालाई पठाउनेछु।

तिनी उर्लेर आउने युफ्रेटिस नदीको भेलजस्तै छन्‌।

जसरी नदी उर्लेर आउँदा सबै नाला भरिन्छन्‌

र पानी किनार बाहिरसम्म पुग्छ, त्यसरी नै तिनी आउनेछन्‌।

 ८ अनि यहुदालाई स्वात्तै बगाएर लैजानेछन्‌।

तिनले यहुदामा बाढी ल्याउनेछन्‌ र यहुदाको गर्दनसम्मै पुग्नेगरि पानीको भल ल्याउनेछन्‌।+

हे इम्मानुएल,*+

तिनले आफ्नो पखेटा फिँजाउँदा तिम्रो देश वारिदेखि पारिसम्मै ढाकिनेछ।”

जे भन्‍न चाहन्छौ, भन तर त्यो बेकार जानेछ

किनकि परमेश्‍वर हामीसँग हुनुहुन्छ।*+

यिनीहरू जेदेखि डराउँछन्‌, तिमीहरू त्यसदेखि नडराउनू;

थरथर नकाँप्नू।

१३ सेनाहरूका यहोवालाई नै तिमीहरूले पवित्र मान्‍नू;+

उहाँकै डर मान्‍नू।

उहाँबाहेक अरू कसैसामु डरले नकाँप्नू।”+

१४ उहाँ शरणस्थान बन्‍नुहुनेछ

तर इस्राएलका दुवै घरानाको लागि

उहाँ ठक्कर दिने ढुङ्‌गा+

र ठेस लाग्ने चट्टान साबित हुनुहुनेछ।

यरुसलेमका बासिन्दाहरूका लागि

उहाँ पासो र जाल बन्‍नुहुनेछ।

१५ धेरै जना ठेस खाएर लड्‌नेछन्‌ र घाइते हुनेछन्‌।

तिनीहरू पासोमा पर्नेछन्‌ र समातिनेछन्‌।

१६ साक्षीहरूले लेखेरै दिएको प्रमाणलाई बेरेर राख।

मैले दिएको व्यवस्थामा* मेरा चेलाहरूसामु लाहाछाप लगाऊ!

 २ अँध्यारोमा हिँडिरहेका मानिसहरूले

चहकिलो ज्योति देखे।

अनि घोर अन्धकारमा बसिरहेकाहरूमाथि

ज्योति चम्कियो।+

 ३ तपाईँले त्यस देशका मानिसहरूको सङ्‌ख्या बढाइदिनुभएको छ,

तपाईँले गर्दा त्यहाँ खुसीयाली छाएको छ।

बाली काट्‌ने बेला मानिसहरू रमाएझैँ,

लुटको माल बाँड्‌दा खुसीले उफ्रिएझैँ

तिनीहरू तपाईँसामु रमाउँछन्‌।

 ४ किनकि मिद्यानीहरूको समयमा+ जस्तै

तपाईँले तिनीहरूको बोझिलो जुवा टुक्राटुक्रा पारिदिनुभएको छ,

तिनीहरूका काँधको लौरो र तिनीहरूलाई काम अह्राउनेको छडी भाँचिदिनुभएको छ।

 ५ जमिन थर्काउँदै अघि बढ्‌ने सिपाहीहरूका जुत्ता

र रगतमा लतपतिएका सबै लुगा

आगोमा भस्म गरिनेछ।

 ६ किनकि हाम्रो निम्ति एउटा बालकको जन्म भएको छ।+

हाम्रो लागि एउटा छोरा दिइएको छ।

शासन गर्ने जिम्मा तिनकै काँधमा हुनेछ।+

 ७ तिनको शासन सबैतिर फैलँदै जानेछ

र तिनको शासनकालमा सधैँ शान्ति छाउनेछ।+

दाउदको सिंहासनमा+ बसेर तिनले शासन गर्नेछन्‌।

आफ्नो शासनलाई बलियो बनाएर कायमै राख्न+

तिनले अहिले र सदासर्वदा

धार्मिकता+ र न्यायसाथ+ शासन गर्नेछन्‌।

 ८ यहोवाले याकुबविरुद्ध एउटा सन्देश पठाउनुभएको छ,

इस्राएलविरुद्ध त्यो सन्देश आएको छ।+

 ९ अनि मानिसहरू सबैले,

हो, एप्रैम र सामरियाका बासिन्दाहरू सबैले त्यो थाह पाउनेछन्‌।

तिनीहरू हठी र अहङ्‌कारी हुँदै यसो भन्छन्‌:

१० “इँटाका घरहरू ढले

तर हामी ढुङ्‌गाले बनाउनेछौँ+

खनिउँका रूखहरू काटिए

तर हामी देवदारको रूख रोप्नेछौँ।”

११ यहोवाले रजिनका शत्रुहरूलाई सुऱ्‍याउनुहुनेछ

र तिनीहरूका दुस्मनहरूलाई जुरमुऱ्‍याउनुहुनेछ।

१२ पूर्वबाट सिरिया र पश्‍चिमबाट पलिस्तियालीहरू आउनेछन्‌।+

तिनीहरूले आफ्नो मुख बाएर इस्राएललाई कप्लक्कै निल्नेछन्‌।+

तैपनि उहाँको रिस अझै मरेको छैन।

तिनीहरूलाई हिर्काउन उहाँको हात अझै पनि उठिरहेको छ।+

१३ किनकि मानिसहरूले सेनाहरूका यहोवाको+ खोजी गरेका छैनन्‌,

तिनीहरूलाई सजाय दिनुहुने परमेश्‍वरकहाँ तिनीहरू फर्केका छैनन्‌।

१४ यहोवाले एकै दिनमा इस्राएलको शिर र पुच्छर

अनि त्यहाँका टुसा र कुशलाई* काटिदिनुहुनेछ।+

१५ शिरचाहिँ नाइके र आदरणीय व्यक्‍तिहरू हुन्‌

अनि पुच्छरचाहिँ झूटा निर्देशन दिने भविष्यवक्‍ताहरू हुन्‌।+

१६ यस प्रजाका अगुवाहरूले तिनीहरूलाई अलमल्याएका छन्‌।

अनि यिनीहरूको कुरा सुन्‍ने ती मानिसहरू पनि रनभुल्लमा परेका छन्‌।

१७ त्यसैले तिनीहरूका युवाहरूलाई देखेर यहोवा खुसी हुनुहुनेछैन।

तिनीहरूमाझ भएका अनाथ* र विधवालाई उहाँले दया देखाउनुहुनेछैन।

किनकि तिनीहरू सबै धर्मत्यागी* र दुष्ट भएका छन्‌।+

अनि तिनीहरू सबै बेमतलबका कुरा गर्छन्‌।

त्यसैले उहाँको रिस अझै मरेको छैन।

तिनीहरूलाई हिर्काउन उहाँको हात अझै पनि उठिरहेको छ।+

१८ किनकि दुष्ट्‌याइँ आगोझैँ दनदनी बल्छ।

त्यसले काँडेझार र घाँसपातलाई भस्म पार्छ।

त्यसले जङ्‌गलका झाडीलाई सखाप पार्छ

र धुवाँको मुस्लो मास्तिर उठ्‌छ।

१९ सेनाहरूका यहोवाको भयानक रिसले गर्दा

पूरै देशमा आगो दन्केको छ।

अनि मानिसहरूलाई आगोले भस्म गर्नेछ।

२० तिनीहरूले आफ्नो दाहिनेतिरको भाग काटेर खानेछन्‌,

तैपनि भोकै हुनेछन्‌

अनि आफ्नो देब्रेतिरको भाग पनि खानेछन्‌

तैपनि तिनीहरूको भोक मेटिनेछैन।

प्रत्येकले आफ्नै पाखुराको मासु खानेछ।

२१ मनस्सेले एप्रैमलाई

अनि एप्रैमले मनस्सेलाई निल्नेछ।

त्यसैले उहाँको रिस अझै मरेको छैन।

तिनीहरूलाई हिर्काउन उहाँको हात अझै पनि उठिरहेको छ।+

१० धिक्कार छ तिनीहरूलाई, जो अरूको हानि हुने नियमहरू बनाउँछन्‌;+

जो सधैँ मानिसहरूलाई दमन गर्न उर्दी जारी गर्छन्‌।

 २ तिनीहरूले गर्दा गरिबहरूको मुद्दाको सुनुवाइ हुँदैन;

थिचोमिचोमा परेका मेरा मानिसहरूले न्याय पाउँदैनन्‌।+

तिनीहरू विधवाहरूलाई लुट्‌छन्‌

र अनाथहरूलाई* लुटको माल सम्झन्छन्‌।+

 ३ तिमीहरूको लेखा लिने* दिन आउँदा तिमीहरू के गर्छौ?+

जब टाढाबाट तिमीहरूको विनाश आउँछ,+

तब तिमीहरू कसलाई गुहार्छौ?+

आफ्नो सरसम्पत्ति कहाँ छोड्‌छौ?

 ४ कैदीहरूसँगसँगै कोचिएर बस्नु

वा मारिएकाहरूसित लम्पसार पर्नुबाहेक

तिमीहरूसामु अरू विकल्प रहनेछैन।

तैपनि उहाँको* रिस अझै मरेको छैन।

तिमीहरूलाई हिर्काउन उहाँको हात अझै पनि उठिरहेको छ।+

 ५ “अस्सेरियालाई हेर!+

ऊ मेरो क्रोधको लौरो हो।+

उसको हातमा भएको लाठी चलाएर म सजाय दिनेछु।

 ६ म उसलाई धर्मत्यागी* राष्ट्रविरुद्ध पठाउनेछु;+

मलाई रिस उठाउने मानिसहरूविरुद्ध पठाउनेछु।

तिनीहरूको सबथोक लुटेर लैजान

र तिनीहरूलाई बाटोको हिलोसरि कुल्चन उसलाई आदेश दिनेछु।+

 ७ तर उसको चाहना भने अर्कै हुनेछ।

उसको मनले अर्कै योजना बनाउनेछ

किनकि ऊ सबैको नामोनिसान मेटाउन चाहन्छ।

थोरैलाई नभई धेरै राष्ट्रलाई नाश गर्ने उसको इच्छा छ।

 ८ किनकि ऊ यसो भन्छ,

‘मेरा सबै भारदार राजा नै थिएनन्‌ र?+

१० मैले आफ्नो हातले व्यर्थका देवताहरूका राज्यहरू खोसेको छु,

जहाँ यरुसलेम र सामरियामा+ भन्दा धेरै मूर्ति थिए।

११ मैले सामरिया र त्यसका व्यर्थका देवताहरूलाई जे गरेँ,

यरुसलेम र त्यसका मूर्तिहरूलाई पनि त्यसै गर्न सक्दिनँ र?’+

१२ “यहोवाले सियोन डाँडा र यरुसलेममा आफ्ना सबै काम फत्ते गरिसक्नुभएपछि अस्सेरियाका राजालाई उसको अभिमानी हृदय र अहङ्‌कारी आँखाको निम्ति दण्ड दिनुहुनेछ।+ १३ किनकि ऊ यसो भन्छ,

‘म आफ्नै हातको बलले

र आफ्नै बुद्धिले यी सब गर्नेछु किनकि म बुद्धिमान्‌ छु।

म जातिजातिको सिमाना भत्काइदिनेछु,+

तिनीहरूको सरसम्पत्ति लुट्‌नेछु+

र वीर योद्धाले झैँ तिनीहरूमाथि कब्जा जमाउनेछु।+

१४ जसरी कुनै मानिसले अण्डा झिक्न गुँडतिर हात लम्काउँछ,

त्यसरी नै म आफ्नो हातले जातिजातिका मानिसहरूको धनसम्पत्ति लुट्‌नेछु।

गुँडमा छोडिएका बेवारिसे अण्डा बटुल्ने मानिसले झैँ

म पृथ्वीका पूरै मानिसलाई बटुल्नेछु!

१६ त्यसैले साँचो परमेश्‍वर, सेनाहरूका यहोवाले

उसका मोटाघाटा मानिसहरूलाई ख्याउटे पारिदिनुहुनेछ+

र उसको वैभवलाई आगोले सखाप बनाइदिनुहुनेछ।+

१७ ‘इस्राएलका ज्योति’+ आगो बन्‍नुहुनेछ,+

इस्राएलका पवित्र परमेश्‍वर आगोको ज्वाला बन्‍नुहुनेछ

र एकै दिनमा उसका* झार र काँडेदार झाडीहरू जलेर नष्ट हुनेछन्‌।

१८ परमेश्‍वरले उसका जङ्‌गल र फलफूल बगानहरूको गौरव माटोमा मिलाइदिनुहुनेछ,

त्यसको हालत सुक्दै गएको बिरामीको शरीरजस्तै हुनेछ।+

१९ उसको जङ्‌गलमा यत्ति थोरै रूख बाँकी रहनेछन्‌

कि एउटा सानो केटोले पनि त्यो गन्‍न सक्नेछ।

२० त्यस उपरान्त इस्राएलका बाँकी रहेकाहरू

र याकुबको घरानाका बचेका मानिसहरू

तिनीहरूमाथि भर पर्नेछैनन्‌, जसले उनीहरूलाई प्रहार गरे।+

बरु तिनीहरू इस्राएलका पवित्र परमेश्‍वर यहोवामाथि भर पर्नेछन्‌

र उहाँप्रति वफादार हुनेछन्‌।

२१ बाँकी रहेका थोरै मानिस मात्र,

याकुबका बाँकी रहेकाहरू मात्र पराक्रमी परमेश्‍वरकहाँ फर्कनेछन्‌।+

२२ किनकि ए इस्राएल!

तिम्रा मानिसहरू समुद्रका बालुवाजत्तिकै भए पनि

तिनीहरूमध्ये एकदमै थोरै मात्र फर्कनेछन्‌।+

तिम्रा मानिसहरूको कुनै नामोनिसान बाँकी नराख्ने निश्‍चित भइसकेको छ,+

सजायको बाढीले तिनीहरूलाई छोप्नेछ।+

२३ हो, ब्रह्‍माण्डका मालिक, सेनाहरूका यहोवाले

जुन सर्वनाश ल्याउने निधो गर्नुभएको छ, त्यो सारा देशमाथि आइपर्नेछ।+

२७ त्यो दिन त्यसको भारी तिम्रो काँधबाट+

र त्यसको जुवा तिम्रो गर्दनबाट हटाइनेछ।+

अनि तेलले* गर्दा त्यो जुवा भाँचिनेछ।”+

२८ अस्सेरियालीहरू ऐयाथमा+ आएका छन्‌।

तिनीहरू मिग्रोन भएर आएका छन्‌।

मिक्मासमा+ तिनीहरूले आफ्नो सरसामान छोडेका छन्‌।

२९ तिनीहरूले जँघार* तरेका छन्‌

र गेबामा+ रात काटेका छन्‌।

रामा थरथर काँपिरहेको छ, साउलको सहर गिबाह+ भागेर गएको छ।+

त्यसले सियोनकी छोरीको* डाँडालाई,

यरुसलेमको डाँडालाई मुड्‌की ताकेर धम्काउनेछ।

३३ हेर! साँचो परमेश्‍वर, सेनाहरूका यहोवाले

डरलाग्दो आवाज निस्कनेगरि रूखका हाँगाबिँगा काट्‌नुहुनेछ।+

अग्ला-अग्ला रूखहरू काटिनेछन्‌

र उच्च पारिएकाहरू होच्याइनेछन्‌।

३४ उहाँले जङ्‌गलको बाक्लो झाडीलाई बन्चरोले काट्‌नुहुनेछ।

एक जना पराक्रमी व्यक्‍तिले लबानोनलाई ढाल्नेछ।

११ यिसैको+ ठुटाबाट एउटा हाँगा+ पलाउनेछ,

उनको जराबाट उम्रेको एउटा टुसाले+ फल फलाउनेछ।

 २ यहोवाको शक्‍ति तिनमा बास गर्नेछ।+

त्यसैले तिनी बुद्धिमान्‌+ र समझदार हुनेछन्‌।

तिनी असल सल्लाहकार हुनेछन्‌ र शक्‍तिशाली+ हुनेछन्‌।

तिनी ज्ञानले भरिपूर्ण हुनेछन्‌ र तिनले यहोवाको भय मान्‍नेछन्‌।

आँखाले देखेको भरमा मात्र तिनले कसैको इन्साफ गर्नेछैनन्‌।

अनि कानले सुनेको भरमा कसैलाई सच्याउनेछैनन्‌।+

 ४ तिनले कुनै पक्षपात नगरी गरिबहरूको इन्साफ गर्नेछन्‌।

पृथ्वीमा नम्रहरूको भलो होस्‌ भनेर तिनले ठीकसित सच्याउनेछन्‌।

तिनले आफ्नो मुखको छडीले पृथ्वीलाई हिर्काउनेछन्‌।+

अनि आफ्नो मुखको सासले दुष्टलाई नाश गर्नेछन्‌।+

 ५ धार्मिकतालाई तिनले आफ्नो कम्मरमा पटुकाझैँ बाँध्नेछन्‌

अनि वफादारीलाई आफ्नो कम्मरपेटी बनाउनेछन्‌।+

 ६ ब्वाँसो पाठोसित बस्नेछ+

अनि चितुवा बाख्राको पाठोसित ढल्कनेछ।

सिंह, बाछो र मोटोघाटो जनावर सँगसँगै रहनेछन्‌।*+

अनि एउटा सानो बालकले तिनीहरूलाई डोऱ्‍याउनेछ।

 ७ गाई र भालु सँगसँगै चर्नेछन्‌

अनि तिनीहरूका बच्चाहरू सँगै ढल्केर बस्नेछन्‌।

 ८ दूधे-बालक गोमन सर्पको दुलोनजिकै खेल्नेछ

र भर्खरै दूध छोडेको बालकले विषालु सर्पको दुलोमा हात हाल्नेछ।

 ९ मेरो पवित्र डाँडामा

तिनीहरूले कुनै हानि गर्नेछैनन्‌+

किनकि समुद्र पानीले भरिएझैँ

पृथ्वी यहोवाको ज्ञानले भरिनेछ।+

१० त्यस दिन यिसैको जरा+ झन्डाझैँ खडा हुनेछ

र त्यसले जातिजातिका मानिसहरूलाई सङ्‌केत दिनेछ।+

जातिजातिका मानिसहरूले तिनको डोऱ्‍याइ खोज्नेछन्‌+

अनि तिनको वासस्थान महिमाले भरिनेछ।

१३ एप्रैमले ईर्ष्या गर्न छोड्‌नेछ+

अनि यहुदासित दुस्मनी राख्नेहरू सबै नामेट पारिनेछन्‌।

एप्रैमले यहुदालाई देखेर डाह गर्नेछैन

अनि यहुदाले पनि एप्रैमसित दुस्मनी मोल्नेछैन।+

१४ तिनीहरू पश्‍चिमतिर पलिस्तियालीहरूको भिरालो ठाउँमा वेगसित हानिनेछन्‌।

तिनीहरूले एकसाथ पूर्वका मानिसहरूलाई लुट्‌नेछन्‌।

तिनीहरूले एदोम+ र मोआबविरुद्ध+ आफ्नो हात उठाउनेछन्‌

अनि अम्मोनीहरूलाई आफ्नो वशमा पार्नेछन्‌।+

१५ यहोवाले मिश्रको समुद्रको खाडीलाई भाग-भाग पार्नुहुनेछ।*+

उहाँले युफ्रेटिस नदीमाथि आफ्नो हात उठाउनुहुनेछ।+

आफ्नो तातो सासले त्यसका सात वटा खोलालाई आक्रमण गर्नुहुनेछ

अनि मानिसहरूले जुत्ता लगाएरै नदी तर्न सक्नेछन्‌।

१६ अनि जसरी इस्राएल मिश्रबाट निस्केर आएको दिन उहाँले तिनीहरूको लागि मूलबाटो बनाउनुभएको थियो,

त्यसैगरि बाँकी रहेका आफ्ना मानिसहरूलाई अस्सेरियाबाट निकालेर ल्याउन उहाँले मूलबाटो+ बनाउनुहुनेछ।+

“धन्यवाद छ, हे यहोवा

किनकि तपाईँ मसित रिसाउनुभए पनि

तपाईँको रिस बिस्तारै सेलायो र तपाईँले मलाई सान्त्वना दिनुभयो।+

म उहाँमाथि भरोसा गर्नेछु, मलाई कुनै कुराको डर हुनेछैन+

किनकि याह* यहोवा नै मेरो बल र मेरो शक्‍ति हुनुहुन्छ।

उहाँ मेरा उद्धारक हुनुभएको छ।”+

 ३ उद्धार दिने मूलबाट

तिमीले रमाउँदै पानी भर्नेछौ।+

“यहोवालाई धन्यवाद चढाओ! उहाँको नाम पुकार।

जातिजातिका मानिसहरूमाझ उहाँका कामहरूको बयान गर।+

 ५ यहोवाको जयजयकार गाओ*+ किनकि उहाँले अचम्मलाग्दा कामहरू गर्नुभएको छ।+

सारा पृथ्वीभरि यसको घोषणा गर।

 ६ ए सियोनका बासिन्दा हो, रमाहट गर

किनकि तिमीहरूमाझ हुनुहुने इस्राएलका पवित्र परमेश्‍वर महान्‌ हुनुहुन्छ।”

आफ्नो हात हल्लाउँदै तिनीहरूलाई बोलाओ

र तिनीहरू ठूलाबडाका ढोकाहरूबाट छिरेर भित्र आऊन्‌।

मेरो रिस पोखाउन मैले आफ्ना योद्धाहरूलाई भेला गरेको छु।

तिनीहरू घमन्डले फुल्छन्‌ र खुसी मनाउँछन्‌।

 ४ सुन! डाँडाहरूबाट भीडको आवाज आइरहेको छ,

असङ्‌ख्य मानिसहरू जम्मा भएजस्तो सुनिन्छ।

सुन! राष्ट्रहरू जम्मा भएको कोलाहल सुनिँदै छ,

 ५ पूरै पृथ्वीको विनाश गर्न+

यहोवा आफ्नो क्रोधका हातहतियारसहित

टाढाको देशबाट आउँदै हुनुहुन्छ,

आकाशको पल्लो छेउबाट आउँदै हुनुहुन्छ।+

 ७ त्यसैले सबैका हात लल्याकलुलुक हुनेछन्‌

र हरेकको मुटु डरले काँप्नेछ।+

सुत्केरी बेथा लागेकी स्त्रीलाई झैँ

तिनीहरूलाई पीडाले छोपेको छ; तिनीहरू छटपटाइरहेका छन्‌।

तिनीहरू अक्क न बक्क भएर एकअर्कालाई हेर्छन्‌।

तिनीहरूको अनुहारमा त्रास छाएको छ।

 ९ हेर! यहोवाको दिन क्रोध र बल्दो रिससहित आउँदै छ,

त्यस दिन कसैमाथि दया देखाइनेछैन।

त्यस दिन देशका पापीहरूको नामोनिसान मेटाइनेछ+

र मानिसहरू देशको हालत देखेर डरले थरथर काँप्नेछन्‌।

१० किनकि आकाशका तारा र तारामण्डलहरूले*+

आफ्नो चमक दिनेछैनन्‌।

उदाउँदै गरेको सूर्यसमेत अँध्यारो हुनेछ

र चन्द्रमाले आफ्नो ज्योति छर्नेछैन।

११ म पृथ्वीका बासिन्दाहरूसँग तिनीहरूको खराबीको लेखा लिनेछु+

र दुष्टहरूलाई तिनीहरूको गल्तीको सजाय दिनेछु।

म अहङ्‌कारीहरूको सेखी झारिदिनेछु

र तानासाहहरूको घमन्डलाई चूरचूर पारिदिनेछु।+

१२ अनि म मानिसको यस्तो हालत बनाउनेछु कि

निखुर सुन र ओपिरको सुन फेला पार्न सकिनेछ तर मानिसलाई भने फेला पार्न सकिनेछैन।+

१३ त्यसैले म आकाशलाई थरथर काँप्न लगाउनेछु

र पृथ्वीलाई हल्लाएर त्यसको ठाउँबाट उखेलिदिनेछु।+

सेनाहरूका यहोवाले आफ्नो बल्दो रिस पोख्ने दिनमा त्यसो गर्नुहुनेछ।

१४ सिकारीले खेदेको हरिणझैँ अनि गोठालो नभएर तितरबितर भएको बगालझैँ

तिनीहरू सबै आ-आफ्नै मानिसहरूकहाँ

र आ-आफ्नो भूमिमा फर्कनेछन्‌।+

१५ जो-जो फेला पर्छन्‌, ती सबै वारपार हुनेगरि छेडिनेछन्‌

अनि जो-जो पक्राउ पर्छन्‌, ती सबै तरबारले काटिनेछन्‌।+

१६ तिनीहरूका छोराछोरीलाई तिनीहरूकै आँखाअगाडि पछारी-पछारी मारिनेछ।+

तिनीहरूको घर लुटिनेछ।

तिनीहरूका स्वास्नीहरूको इज्जत लुटिनेछ।

१७ म मादीहरूलाई तिनीहरूविरुद्ध उठ्‌न सुऱ्‍याउनेछु।+

उनीहरूका लागि चाँदी त केही पनि होइन।

अनि सुन देखेर पनि उनीहरू लोभिँदैनन्‌।

१८ उनीहरूका धनुले युवकहरूलाई धुजाधुजा पार्नेछ।+

गर्भको शिशुलाई अनि केटाकेटीलाई

उनीहरूले रतीभर दयामाया देखाउनेछैनन्‌।

१९ अनि सबैभन्दा महिमित राज्य बेबिलोन,+

जुन कल्दियालीहरूको शान हो र जसमा तिनीहरू गर्व गर्छन्‌,+

त्यसलाई परमेश्‍वरले नाश गर्नुहुनेछ र त्यसको हालत सदोम र गमोराको जस्तै हुनेछ।+

२० त्यहाँ कहिल्यै कुनै मानिस बस्नेछैन।

पुस्तौँपुस्तासम्म त्यहाँ कसैले बसोबास गर्नेछैन।+

कुनै अरबीले त्यहाँ आफ्नो पाल टाँग्नेछैन।

अनि कुनै गोठालोले आफ्नो बगाललाई त्यहाँ विश्राम गराउनेछैन।

२१ मरुभूमिका जीवहरू त्यहाँ बस्नेछन्‌।

तिनीहरूका घर लाटोकोसेरोले भरिनेछन्‌।

त्यो सुतुरमुर्गहरूको* घर हुनेछ+

र जङ्‌गली बाख्राहरू त्यहाँ बुर्लुक-बुर्लुक उफ्रनेछन्‌।

२२ त्यसका किल्लाहरूमा जनावरहरू स्वर उचाली-उचाली कराउनेछन्‌

अनि त्यसका भव्य महलहरूमा स्यालहरू कराउनेछन्‌।

 ५ दुष्टको लौरो अनि शासकहरूको डन्डा

यहोवाले भाँचिदिनुभएको छ,+

 ६ जसले क्रोधित हुँदै जातिजातिलाई अन्धाधुन्ध हिर्काउँथ्यो+

अनि रिसाएर राष्ट्रहरूलाई सताउँथ्यो।+

 ८ तिम्रो पतन देखेर धुपीका रूखहरू

र लेबनानका देवदारहरूसमेत रमाइरहेका छन्‌।

तिनीहरू यसो भन्छन्‌: ‘तिम्रो पतन भएदेखि

हामीलाई काट्‌न कोही पनि आएको छैन।’

 ९ तिमीलाई भेट्‌न

चिहानसमेत* आतुर छ।

तिम्रै कारण त्यसले मृत्युमा परेका

पृथ्वीका तानासाहहरूलाई ब्युँझाउँछ

१० तिनीहरू सबैले तिमीलाई यसो भन्छन्‌,

‘के तिमी पनि हामीजस्तै कमजोर भयौ?

११ हेर! चिहानमा* तिम्रो घमन्ड चूरचूर पारिएको छ,

तिम्रो तारे बाजाको धुन बन्द भएको छ।+

औँसाहरू तिम्रो ओछ्यान

र किराहरू तिम्रो ओढ्‌ने बनेका छन्‌।’

१२ ए चम्किलो तारा, प्रभातको छोरा!

तिमी आकाशबाट खसालियौ!

तिमी जातिजातिलाई पराजित गर्थ्यौ+

तर अहिले तिमी नै काटिएर जमिनमा ढलेका छौ।

म मेरो सिंहासनलाई उचालेर परमेश्‍वरका ताराहरूभन्दा माथि पुऱ्‍याउनेछु।+

अनि म उत्तरतिर सबैभन्दा टाढा पर्ने

भेला हुने पर्वतमा बस्नेछु।+

१४ म उक्लेर बादलहरूभन्दा पनि माथि पुग्नेछु

र म सर्वोच्च परमेश्‍वरजस्तै हुनेछु।’

१५ तर तिमीलाई झारेर चिहानमा* पुऱ्‍याइनेछ,

तिमी गहिरो खाडलको पिँधमा पुग्नेछौ।

१६ तिमीलाई देख्नेहरूले तिमीलाई एकटक लगाएर हेर्नेछन्‌।

तिनीहरूले तिमीलाई नियाल्नेछन्‌ र यसो भन्‍नेछन्‌:

‘सारा पृथ्वीलाई हल्लाउने

अनि राष्ट्रहरूलाई थर्काउने मानिस यही होइन?+

१७ पृथ्वीलाई उजाड बनाउने,

त्यसका सहरहरूलाई ध्वस्त पार्ने+

अनि आफ्ना कैदीहरूलाई मुक्‍त नगर्ने मानिस यही होइन?’+

१८ अरू सबै देशका राजाहरूलाई

हो, तिनीहरू सबैलाई स-सम्मान

आ-आफ्नो चिहानमा गाडियो।

१९ तर तिमीलाई चाहिँ चिहानमा गाडिएन।

हेला गरिएको बिरुवाझैँ* तिमीलाई मिल्काइयो।

तरबारले रोपिएकाहरूको लासले तिमी पुरियौ।

ढुङ्‌गै-ढुङ्‌गा भएको खाल्टोमा तिमीलाई तिनीहरूसितै फ्याँकियो।

कुल्चीमिल्ची गरिएको सिनुजस्तै तिमी भयौ।

२० तिमी ती राजाहरूजस्तै चिहानमा गाडिनेछैनौ

किनकि तिमीले आफ्नै देशलाई उजाड बनायौ

अनि आफ्नै मानिसहरूको ज्यान लियौ।

२१ उसका सन्तानलाई काट्‌न अचानो तयार पार,

तिनीहरूका पितापुर्खा दोषी भएकोले तिनीहरू मारिनेछन्‌

ताकि तिनीहरू फेरि खडा भएर पूरै पृथ्वीलाई ढाक्न नपाऊन्‌

र जताततै आफ्नो सहर बसाल्न नपाऊन्‌।”

“मैले जस्तो सोचेको छु, त्यस्तै हुनेछ।

मैले जे निर्णय गरेको छु, त्यो पूरा भएरै छोड्‌नेछ।

२५ म अस्सेरियालाई मेरो भूमिमा धुलोपिठो पार्नेछु।

मेरा डाँडाहरूमा त्यसलाई कुल्चनेछु।+

मेरा मानिसहरूको गर्दनबाट त्यसको जुवा हटाउनेछु

अनि तिनीहरूको काँधबाट त्यसको भारी हटाउनेछु।”+

२६ सारा पृथ्वीविरुद्ध यही फैसला भइसकेको छ

अनि सबै देशलाई प्रहार गर्न पसारिएको हात यही हो।

२७ सेनाहरूका यहोवाले नै यो निर्णय गर्नुभएको हो;

त्यसलाई कसले बदल्न सक्छ?+

उहाँले आफ्नो हात पसारिसक्नुभएको छ;

कसले त्यसलाई रोक्न सक्छ?+

२९ “ए पलिस्तियालीहरू हो, रमाउन छोड।

तिमीहरूलाई हिर्काउनेको लौरो भाँचियो भन्दैमा खुसी नहोऊ।

किनकि माउ साँपले+ विषालु साँपलाई+ जन्माउनेछ

अनि त्यसको बच्चा उड्‌ने विषालु साँप हुनेछ।

३० दरिद्रका सन्तानले* पेटभरि खान पाउनेछन्‌

र गरिबहरू ढुक्कसित ढल्कनेछन्‌।

तर तिम्रा सन्तानलाई भने म भोकमरीले मार्नेछु

अनि बाँकी रहेकाहरूको पनि म ज्यान लिनेछु।+

किनकि उत्तरतिर उठेको धुवाँ तिमीहरूतर्फ आइरहेको छ

अनि शत्रुको सेना एकसाथ आउँदै छ, तिनीहरूमध्ये कोही पनि पछि परेको छैन।”

यहोवाले सियोनको जग बसाल्नुभएको छ+

र दरिद्रहरूले त्यहाँ शरण लिनेछन्‌ भनेर तिनीहरूले सुनाउनेछन्‌।

मोआबको अर+ सहरको बोली बन्द भएको छ

किनकि त्यो एकै रातमा ध्वस्त भयो।

मोआबको किर+ सहरको बोली बन्द भएको छ

किनकि त्यो एकै रातमा तहसनहस भयो।

 २ त्यो मन्दिरमा उक्लेको छ, त्यो दिबोनसम्मै+ पुगेको छ।

शोक गर्नलाई त्यो अग्ला थानहरूमा* उक्लेको छ।

तिनीहरू घरका छत-छतमा र चोक-चोकमा डाँको छोडी रुन्छन्‌;

रुँदा-रुदै तिनीहरू लड्‌छन्‌।+

 ४ हेस्बोन र एलालेह+ ठूलो स्वरले रुँदै छन्‌।

तिनीहरूको रोदन टाढा याहजसम्मै+ सुनिन्छ।

मानिसहरू रुँदै लुहिथको उकालो चढ्‌छन्‌,

होरोनैमतिर जाँदा तिनीहरू विपत्ति सम्झेर रुँदै हिँड्‌छन्‌।+

 ६ निम्रिमका नदीहरू सुकेका छन्‌।

हरिया घाँस सबै ओइलाएका छन्‌।

घाँस सुकेकोले कतै पनि हरियाली छैन।

 ७ त्यसैले आफूसित बाँकी रहेका सबै सरसामान र सरसम्पत्ति लिएर तिनीहरू गइरहेका छन्‌।

तिनीहरू चिनारको* बेँसी* पार गर्दै छन्‌।

तिनीहरू रोएको आवाज एग्लैमसम्मै

र बेर-एलिमसम्मै सुनिएको छ।

 ९ दिमोनका नदीहरू रगतै-रगत भएका छन्‌।+

तर म दिमोनमाथि अझै अर्को विपत्ति ल्याउनेछु:

मोआबबाट उम्केकाहरू अनि मोआबमा बाँकी रहेकाहरूजति सबै

सिंहको सिकार हुनेछन्‌।

१६ देशका शासकको निम्ति एउटा थुमा पठाऊ।

त्यसलाई सेलाबाट निर्जनभूमिको बाटो हुँदै

सियोनकी छोरीको* डाँडामा पठाऊ।

 २ अर्नोनका जँघारहरूमा*+ मोआबका छोरीहरूको हालत

गुँडबाट धपाइएको चराको जस्तै हुनेछ।+

अत्याचारीको नाश हुनेछ,

विनाश रोकिनेछ,

अरूलाई कुल्चीमिल्ची गर्नेहरू पृथ्वीबाट मेटिनेछन्‌।

दाउदको पालमा बसेर त्यसमा विराजमान हुने शासक भरोसायोग्य हुनेछन्‌।+

तिनले ठीकसित न्याय गर्नेछन्‌ र असल काम गर्न ढिला गर्नेछैनन्‌।”+

 ६ हामीले मोआबको घमन्डबारे सुनेका छौँ; ऊ निकै हठी छ।+

उसको अहङ्‌कार, घमन्ड र क्रोधबारे हामीले सुनेका छौँ।+

तर उसका खोक्रा कुरा बेकार साबित हुनेछन्‌।

 ७ त्यसैले मोआबले आफ्नो पतनमा विलाप गर्नेछ।

त्यहाँका सबै बासिन्दाले शोक गर्नेछन्‌।+

 ८ किनकि हेस्बोनका+ खेतका गराहरू सुकेका छन्‌।

सिब्माहको+ अङ्‌गुरको बोटका चहकिला राता हाँगाबिँगालाई*

जातिजातिका राजाहरूले कुल्चीमिल्ची गरेका छन्‌।

ती हाँगाबिँगा टाढा याजेरसम्म+ फैलिएका थिए;

ती निर्जनभूमिसम्मै पुगेका थिए;

ती फैलिएर समुद्रसम्मै पुगेका थिए।

ए हेस्बोन र एलालेह!+ म तिमीहरूलाई आफ्नो आँसुले भिजाउनेछु।

किनकि ग्रीष्म ऋतुका फलहरू र उब्जनीको निम्ति तिमीहरूको रमाहट खतम भएको छ।*

१० बगानबाट हर्ष र खुसीयाली लुटिएको छ।

तिम्रा अङ्‌गुर बगानहरूमा खुसी र उमङ्‌गको गीत वा रमाहटको स्वर गुञ्जिँदैन।+

कोलमा अङ्‌गुर कुल्चेर मद्य निकाल्ने काम बन्द भएको छ

किनकि मैले तिनीहरूको रमाहटको स्वर बन्द गरिदिएको छु।+

११ त्यसैले म भित्रभित्रै मोआबको निम्ति विलाप गर्दै छु।+

वीणाका तारहरूको झन्कारझैँ

मेरो मनले किर-हरेसेथको+ निम्ति शोक गरिरहेको छ।

“हेर! दमिसक सहरको नामोनिसान रहनेछैन।

त्यो भग्नावशेषको थुप्रो बन्‍नेछ।+

 २ अरोएरका सहरहरू+ अलपत्र छोडिनेछन्‌,

ती ठाउँहरू वस्तुभाउ चर्ने ठाउँ हुनेछन्‌

अनि कसैले तिनीहरूलाई धपाउनेछैन।

 ३ पर्खालले घेरिएका एप्रैमका सहरहरूको नामोनिसान मेटिनेछ+

अनि दमिसकको राज्य नाश हुनेछ।+

इस्राएलीहरूको गौरव मेटिएझैँ

सिरियामा बाँकी रहेकाहरूको गौरव पनि मेटिनेछ,” सेनाहरूका यहोवा घोषणा गर्नुहुन्छ।

 ४ “त्यस दिन याकुबको गौरव माटोमा मिल्नेछ

अनि उसको हृष्टपुष्ट शरीर लिखुरो हुनेछ।

 ५ ऊ कटनी गरिसकेको

रेफाई बेँसीको+ खेतजस्तो हुनेछ,

जहाँ सिलाबाला बटुल्न अन्‍नका केही बाला मात्रै बाँकी रहन्छ।

 ६ जसरी जैतुनको रूखबाट फल टिपेपछि

सबैभन्दा माथिल्लो हाँगामा दुई-तीन वटा पाकेका जैतुन मात्र बाँकी रहन्छन्‌

र लटरम्म फल फलेका त्यसका हाँगाहरूमा चार-पाँच वटा जैतुन मात्र बाँकी रहन्छन्‌,

त्यसैगरि याकुबको पनि सिलाबाला मात्र बाँकी रहनेछ,”+ इस्राएलका परमेश्‍वर यहोवा घोषणा गर्नुहुन्छ।

 ९ त्यस दिन बलिया-बलिया गढ भएका उसका सहरहरूको हालत जङ्‌गलमा उजाड छोडिएको बस्तीजस्तै हुनेछ,+

त्यो त्यागिएको हाँगाजस्तै हुनेछ, जसलाई इस्राएलीहरूको सामु फ्याँकिएको थियो;

ती सबै खण्डहरमा परिणत हुनेछन्‌।

१० किनकि तिमीले उद्धार गर्नुहुने आफ्ना परमेश्‍वरलाई बिर्स्यौ;+

आफ्नो किल्लाको चट्टानलाई सम्झेनौ।+

त्यसैले तिमीले सुन्दर बगानहरू लगायौ

र त्यसमा परदेशीको* बोट कलमी गऱ्‍यौ।

११ दिउँसो तिमी आफ्नो बगानमा राम्ररी छेकबार लगाउँछौ।

बिहान तिम्रो बिउ टुसाउँछ

तर रोग अनि असह्‍य पीडाको दिनमा तिम्रो फसल बिलाउनेछ।+

१२ सुन! जातिजातिका मानिसहरूले होहल्ला मच्चाइरहेका छन्‌।

तिनीहरू समुद्रका छालझैँ उर्लिरहेका छन्‌।

ठूलठूला छाल उर्लेको आवाजजस्तै

देश-देशका मानिसहरूको चर्को आवाज सुनिन्छ।

उहाँले तिनीहरूलाई हप्काउनुहुनेछ र तिनीहरू टाढा भागेर जानेछन्‌।

डाँडामा बतासले उडाएको भुसझैँ,

हुरीबतासले उडाएको काँडेझारझैँ तिनीहरू हुनेछन्‌।

हामीलाई लुट्‌नेहरूको हालत यस्तै हुनेछ।

हामीलाई रित्याउन खोज्नेहरूको हालत यस्तै हुनेछ।

१८ भुनभुनाउने किराहरूले भरिएको देशलाई धिक्कार छ!

इथियोपियाका नदीहरूको छेउमा भएको त्यस देशलाई धिक्कार छ!+

 २ त्यसले आफ्ना दूतहरूलाई समुद्रको बाटोबाट मालिङ्‌गोका* डुङ्‌गाहरूमा पठाउँछ।

अनि तिनीहरूलाई यसो भन्छ:

“ए फुर्तिला सन्देशवाहकहरू हो, जाओ!

अग्लो कद र चिल्ला छाला भएका मानिसहरू बस्ने देशमा जाओ,

जहाँका मानिसहरूदेखि सारा संसार डराउँछ।+

जातिजातिमाथि विजय हासिल गर्ने त्यस शक्‍तिशाली देशमा जाओ,

जसको भूमि नदीहरूले बगाएर लगेका छन्‌।”

 ३ ए देशका बासिन्दाहरू र पृथ्वीका मानिसहरू हो!

तिमीहरूले जे देख्नेछौ, त्यो डाँडाहरूमा सङ्‌केत दिन खडा गरिएको झन्डाझैँ हुनेछ।

अनि तिमीहरूले जे सुन्‍नेछौ, त्यो सिङ फुकेको आवाजझैँ हुनेछ।

“भतभती पोल्ने घामको रापझैँ

र बाली काट्‌ने बेलाको चर्को घाम लाग्दा उडेको शीतको बादलझैँ

म चुपचाप बस्नेछु र स्थापित गरिएको मेरो ठाउँलाई* हेर्नेछु।

 ५ किनकि कटनीको समय आउनुअघि नै,

जब फूल फुलेर झरिसकेको हुन्छ र चिचिला लागेर अङ्‌गुर पाक्न थाल्छ,

तब त्यसका हाँगाबिँगा हँसियाले काटिनेछ

र बेरिएका हाँगाहरू फ्याँकिनेछन्‌।

 ६ ती सब पहाडका सिकारी पन्छीहरूको निम्ति

र पृथ्वीका जङ्‌गली जनावरहरूको निम्ति छोडिनेछन्‌।

सिकारी पन्छीहरूले ग्रीष्म ऋतुभरि ती खानेछन्‌

र पृथ्वीका जङ्‌गली जनावरहरूले कटनीको समयभरि ती खानेछन्‌।

 ७ त्यतिबेला सेनाहरूका यहोवाको लागि सौगात ल्याइनेछ।

अग्लो कद र चिल्ला छाला भएका मानिसहरू बस्ने देशबाट त्यो ल्याइनेछ,

जहाँका मानिसहरूदेखि सारा संसार डराउँछ।

जातिजातिमाथि विजय हासिल गर्ने त्यस शक्‍तिशाली देशबाट त्यो ल्याइनेछ,

जसको भूमि नदीहरूले बगाएर लगेका छन्‌।

त्यो सौगात सेनाहरूका यहोवाको नामले चिनिएको सियोन डाँडामा लगिनेछ।”+

मिश्रका बेकामका देवताहरू उहाँलाई देखेर थरथर काँप्नेछन्‌+

अनि मिश्रको मुटु डरले पग्लनेछ।

 २ “म मिश्रीहरूलाई एकअर्काविरुद्ध सुऱ्‍याउनेछु

अनि मिश्रीहरू मिश्रीहरूमाथि नै जाइलाग्नेछन्‌;

तिनीहरू आफ्नै दाजुभाइ र आफ्नै छिमेकीविरुद्ध उठ्‌नेछन्‌।

एउटा सहर अर्को सहरसित अनि एउटा राज्य अर्को राज्यसित लड्‌नेछ।

 ३ अनि मिश्रका मानिसहरूको मन ठेगानमा हुनेछैन।

तिनीहरूको योजना म विफल पारिदिनेछु।+

तिनीहरूले आफ्ना बेकामका देवताहरूलाई पुकार्नेछन्‌।

तन्त्रमन्त्र गर्नेहरू, भूतप्रेत खेलाउनेहरू र भावी बताउनेहरूकहाँ तिनीहरू जानेछन्‌।+

 ४ म मिश्रलाई क्रूर मालिकको हातमा सुम्पिनेछु,

एक जना निरङ्‌कुश राजाले तिनीहरूमाथि शासन गर्नेछ,”+ साँचो परमेश्‍वर, सेनाहरूका यहोवा घोषणा गर्नुहुन्छ।

 ५ समुद्रको पानी सुक्नेछ,

नदीहरू पनि सुक्खा हुनेछन्‌।+

 ६ नदीहरू गन्हाउनेछन्‌।

मिश्रको नाइल नदीका नहरहरूमा पानी घट्‌दै जानेछ र ती सुक्नेछन्‌।

नर्कट र कुशका बोटहरू कुहिनेछन्‌।+

 ७ नाइल नदीको मुहान अनि नदी छेउछाउका बोटहरू+

र नदीको किनारमा खेतीपाती गरिएको जमिन सबै सुक्खा हुनेछ।+

अनि सुकेका ती बालीलाई हावाले उडाएर लग्नेछ; त्यहाँ एक गेडो अन्‍न पनि बाँकी रहनेछैन।

 ८ माझीहरूले शोक गर्नेछन्‌,

नाइल नदीमा बल्छी थाप्नेहरूले अलाप-विलाप गर्नेछन्‌।

पानीमा जाल फ्याँक्ने जलारीहरूको सङ्‌ख्या घट्‌नेछ।

 ९ आलसको+ धागोको काम गर्नेहरू

अनि तानमा सेतो कपडा बुन्‍नेहरू सबै लाजमा पारिनेछन्‌।

१० मिश्रका कपडा बुन्‍नेहरू दुःखी हुनेछन्‌

र ज्यामीहरूले शोक गर्नेछन्‌।

११ जोअनका+ राजकुमारहरू मूर्ख छन्‌।

फारोका* सबैभन्दा बुद्धिमान्‌ सल्लाहकारहरूले समेत बेतुकको सल्लाह दिन्छन्‌।+

तिमीहरूले फारोलाई कसरी यसो भन्‍न सक्यौ:

“म बुद्धिजीवीहरूको सन्तान हुँ,

म परापूर्वकालका राजाहरूको वंशबाट आएको हुँ”?

१२ तिम्रा बुद्धिमान्‌ मानिसहरू कता छन्‌?+

सेनाहरूका यहोवाले मिश्रमा के गर्न लाग्नुभएको छ, सक्छन्‌ भने तिनीहरूले तिमीलाई बताऊन्‌।

१३ जोअनका शासकहरूले मूर्ख काम गरेका छन्‌।

नोफका*+ शासकहरूले धोका पाएका छन्‌।

मिश्रका कुलहरूका नाइकेहरूले मिश्रलाई बहकाएका छन्‌।

१४ यहोवाले मिश्रमा गोलमाल मच्चाइदिनुभएको छ।+

मिश्रले गर्ने हरेक काममा त्यसका अगुवाहरूले त्यसलाई अलमल्याइदिएका छन्‌।

मिश्र रक्सीले मातेर आफ्नै बान्तामा लरखराइरहेको मान्छेझैँ भएको छ।

१५ अनि आफ्नो शिर र पुच्छर वा टुसा र कुशको लागि*

मिश्रले केही पनि गर्न सक्नेछैन।

२१ समुद्रछेउको निर्जनभूमिविरुद्ध* घोषणा:+

निर्जनभूमिबाट, त्यो डरलाग्दो भूमिबाट,

दक्षिणको आँधीबेहरीझैँ त्यो आइरहेको छ।+

 २ मैले असाध्यै डरलाग्दो दर्शन* देखेँ:

छल गर्नेले छल गर्दै छ,

नाश गर्नेले नाश गर्दै छ।

हे एलाम, अघि बढ! हे मादी,+ घेरा हाल!

त्यसले मानिसहरूलाई दिएको सबै दुःखको सुस्केरा म अन्त गरिदिनेछु।+

 ३ यो दर्शन देखेपछि मलाई असह्‍य वेदनाले+ छोपेको छ।

सुत्केरी बेथा लागेकी स्त्रीझैँ

म छटपटाइरहेको छु।

मलाई परेको चोट र पीडाले गर्दा

म केही पनि सुन्‍न र देख्न नसक्ने भएको छु।

 ४ मेरो मुटुले ठाउँ छोड्‌छ, म डरले थरथराउँछु।

जुन साँझको म प्रतीक्षा गर्थेँ, त्यसलाई सम्झिँदा पनि अहिले मलाई डरले छोप्छ।

 ५ टेबुल तयार पार, कुर्सी मिलाऊ!

खाऊ! पिऊ!+

ए शासकहरू हो, उठ! ढाललाई अभिषेक गर!*

 ६ किनकि यहोवाले मलाई यसो भन्‍नुभयो:

“जाऊ, एउटा पहरेदारलाई खटाऊ र उसले जे देख्छ, त्यो बताउन लगाऊ।”

 ७ अनि उसले घोडाहरूले दौडाइरहेको युद्धको रथ,

गधाहरूले दौडाइरहेको युद्धको रथ

र उँटहरूले दौडाइरहेको युद्धको रथ देख्यो।

उसले खुब ध्यान दिएर हेऱ्‍यो।

 ८ त्यसपछि उसले सिंहझैँ गर्जँदै यसो भन्यो:

“हे यहोवा, म पहरा दिने किल्लामा दिनभरि उभिरहेको छु,

हरेक रात चौकीमा म पहरा दिँदै छु।+

 ९ हेर्नुहोस्‌ त, के आइरहेको छ?

घोडाहरूले दौडाइरहेको रथमा सेना आइरहेको छ!”+

त्यसपछि उसले भन्यो:

“पतन भएको छ! बेबिलोन पतन भएको छ!+

त्यसका देवीदेवताका मूर्तिहरू टुक्राटुक्रा हुनेगरि उहाँले भुईँमा बजारिदिनुभएको छ।”+

१० अन्‍न चुटेझैँ चुटिएका हे मेरा मानिसहरू हो,

हे खलाका मेरा अन्‍नहरू हो,+

इस्राएलका परमेश्‍वर, सेनाहरूका यहोवाबाट मैले जे-जे सुनेँ,

त्यो तिमीहरूलाई बताइदिएको छु।

११ दुमाविरुद्ध* घोषणा:

सेइरबाट कोही यसो भन्दै कराइरहेको छ:+

“ए पहरेदार, रात अझै कति बाँकी छ?

ए पहरेदार, रात अझै कति बाँकी छ?”

१२ त्यस पहरेदारले यसो भन्यो:

“बिहान हुनै लागेको छ अनि फेरि रात परिहाल्नेछ।

तिमी केही सोध्न चाहन्छौ भने सोध,

फेरि आऊ!”

१३ मरुभूमिविरुद्ध घोषणा:

ए ददानका यात्रीहरू हो,+

तिमीहरूले मरुभूमिको झाडीमा* रात काट्‌नेछौ।

१४ ए तेमाका बासिन्दाहरू हो,+

तिर्खाएकाहरूको लागि पानी लिएर आऊ

र भागेकाहरूको लागि खानेकुरा लिएर आऊ।

१५ किनकि काट्‌नलाई थुतिएको तरबारदेखि,

काँड हान्‍न तन्काइएको धनुदेखि र भयानक युद्धदेखि तिनीहरू भागेर आएका छन्‌।

 २ ए खैलाबैला र रमाहटले भरिएको सहर!

तिमी रमझममा चुर्लुम्मै डुबेका थियौ।

मारिएका तिम्रा मानिसहरू तरबारले काटिएका होइनन्‌,

तिनीहरू युद्धमा मारिएका पनि होइनन्‌।+

 ३ तिम्रा सबै तानासाह एकसाथ भागेका छन्‌।+

धनु नचलाईकनै तिनीहरूलाई कैदी बनाएर लगियो।

जो-जो फेला परे, तिनीहरू सबैलाई कैदी बनाएर लगियो,+

भागेर टाढा-टाढा पुगेकाहरूसमेत बच्न सकेनन्‌।

 ४ त्यसैले मैले यसो भनेँ: “तिम्रो नजर मबाट हटाऊ!

म धुरुधुरु रुनेछु।+

मलाई सान्त्वना दिने कोसिस नगर!

मेरा मानिसहरूकी छोरीको* विनाश भएकोले म शोक गर्नेछु।+

 ५ किनकि ब्रह्‍माण्डका मालिक, सेनाहरूका यहोवाको तर्फबाट+

दर्शन बेँसीमा गोलमाल, हार

र आतङ्‌कको दिन आएको हो।

सहरको पर्खाल भत्काइएको छ+

र मानिसहरूको चीत्कार डाँडासम्मै सुनिएको छ।

 ६ एलामले+ ठोक्रो बोकेको छ;

रथ र घोडचढीसहित त्यो आउँदै छ।

किरले+ आफ्नो ढाल तयार पारेको छ।

 ७ तिम्रा राम्रा-राम्रा बेँसीहरू

युद्धका रथहरूले भरिनेछन्‌

अनि मूलढोकामा घोडचढीहरू आ-आफ्नो स्थानमा खडा हुनेछन्‌।

 ८ यहुदाको पर्दा* हटाइनेछ।

१२ त्यस दिन ब्रह्‍माण्डका मालिक, सेनाहरूका यहोवाले

तिमीलाई रुन र शोक गर्न,+

कपाल खौरन र भाङ्‌ग्रा ओढ्‌न भन्‍नुभयो।

१३ तर तिमीले भने उत्सव मनायौ र रमाहट गऱ्‍यौ,

भेडा र वस्तुभाउ काट्‌यौ,

मासु खायौ र रक्सी पियौ।+

अनि यसो भन्यौ, ‘आओ, खाऔँ र पिऔँ किनकि भोलि त हामी मर्नेछौँ।’”+

 ३ सिहोरको*+ अन्‍न समुद्री मार्ग हुँदै लगियो,

नाइल नदीको बाली बेचेर तिनीहरूले मुनाफा कमाए+

अनि देश-देशबाट धनसम्पत्ति बटुले।

 ४ ए समुद्रको गढ सिदोन, तँ लज्जित हो।

किनकि समुद्रले यसो भनेको छ:

“मैले सुत्केरी बेथा भोगेकी छैनँ, बच्चा पनि जन्माएकी छैनँ।

मैले न छोराहरू हुर्काएकी छु न त छोरीहरू।”+

 ५ मिश्रको हालत सुनेर तिनीहरूलाई बेचैनी भएझैँ+

टायरको खबर सुनेर पनि तिनीहरूलाई बेचैनी हुनेछ।+

 ८ मुकुट पहिराउने सहर टायर,

जसका व्यापारीहरू शासक थिए,

जसका किनबेच गर्नेहरूलाई सारा पृथ्वीले मान गर्थ्यो,

त्यसविरुद्ध कसले यस्तो निर्णय गऱ्‍यो?+

 ९ सेनाहरूका यहोवा स्वयम्‌ले यस्तो निर्णय गर्नुभएको हो।

त्यसले आफ्नो सौन्दर्यमाथि गर्ने घमन्डलाई चूरचूर पार्न

अनि सारा पृथ्वीमा ज-जसले सम्मान पाएका थिए, तिनीहरू सबैको अपमान गर्न उहाँले यो निर्णय गर्नुभएको हो।+

११ उहाँले समुद्रमाथि आफ्नो हात पसार्नुभएको छ।

उहाँले राज्यहरूलाई हल्लाउनुभएको छ।

१२ उहाँ यसो भन्‍नुहुन्छ: “ए शोषणमा परेकी सिदोनकी कुमारी छोरी!

अबदेखि तैँले रमाहट गर्नेछैनस्‌।+

१३ कल्दियालीहरूको+ देशलाई हेर!

अस्सेरियाले+ होइन,

कल्दियालीहरूले त्यसलाई मरुभूमिका जनावरहरूको अखडा बनाइदिए।

त्यसलाई घेरा हाल्न तिनीहरूले मचानहरू खडा गरे।

अनि त्यसका बलिया-बलिया गढहरू ढालिदिए।+

तिनीहरूले त्यसलाई टुक्राटुक्रा पारेर नाश गरे।

१४ ए तर्सिसका जहाजहरू हो! धुरुधुरु रोओ!

किनकि तिमीहरूको किल्ला ध्वस्त भएको छ!+

१६ “ए सबैले बिर्सेको वेश्‍या!

एउटा वीणा ली र सहरलाई एक फन्को मार्‌।

राम्ररी वीणा बजा अनि धेरै गीत गा

र तिनीहरूले तँलाई फेरि सम्झिऊन्‌।”

न मानिसहरू न पुजारी

न नोकर न मालिक

न नोकर्नी न मालिक्नी

न बेच्ने न किन्‍ने

न सापटी दिने न सापटी लिने

न ऋण दिने न ऋण लिने।+

 ३ पूरै भूमि निर्जन हुनेछ;

त्यहाँ भएका सबै कुरा लुटिनेछन्‌+

किनकि यहोवाले नै यो कुरा भन्‍नुभएको हो।

 ४ भूमिले विलाप गर्दै छ;*+ त्यो नाश भएर जाँदै छ।

उर्वर भूमि ओइलाउँदै छ; त्यसको नामोनिसान मेटिँदै छ।

देशका ठूलाबडा मानिसहरू कमजोर हुँदै छन्‌।

 ५ देशलाई त्यहाँकै बासिन्दाहरूले दूषित पारिदिएका छन्‌+

किनकि तिनीहरूले व्यवस्था उल्लङ्‌घन गरेका छन्‌।+

नियमहरूलाई बदलेका छन्‌+

र सधैँभरि रहने* करारलाई तोडेका छन्‌।+

 ६ त्यसैले सरापले भूमिलाई कप्लक्कै निलेको छ+

र त्यहाँका बासिन्दाहरू दोषी ठहरिएका छन्‌।

त्यसैले देशका बासिन्दाहरू घट्‌दै गएका छन्‌

र असाध्यै थोरै मानिस मात्र बाँकी रहेका छन्‌।+

 ७ नयाँ रक्सीले शोक मनाउँदै छ;* अङ्‌गुरको बोट ओइलाएको छ।+

मनमा खुसी हुनेहरू सबै सुस्केरा हाल्दै छन्‌।+

 ८ खैँजडीको खुसीयाली बन्द भएको छ।

मोजमस्ती गर्नेहरूको हल्लाखल्ला बन्द भएको छ।

वीणाले खुसीको धुन दिन छोडेको छ।+

 ९ रक्सी पिउँदा तिनीहरू कोही पनि गाउँदैनन्‌।

रक्सी खानेहरूलाई त्यसको स्वाद तीतो लाग्न थालेको छ।

१० उजाड पारिएको सहर भत्काइएको छ।+

कोही पनि भित्र नपसोस्‌ भनेर हरेक घरको ढोका थुनिएको छ।

११ रक्सी नपाएकोले मानिसहरू बाटो-बाटोमा चिच्याइरहेका छन्‌।

कतै पनि खुसीयाली छैन।

सारा देशको रमाहट बिलाएर गएको छ।+

१२ सहर खण्डहरमा बदलिएको छ।

सहरको मूलढोका टुक्राटुक्रा पारिएको छ।+

१३ किनकि जातिजातिका मानिसहरूमाझ देशको हालत

फल झारिसकेपछि दुई-चार दाना फल बाँकी भएको जैतुनको रूखजस्तै+

अनि कटनीपछि फाट्टफुट्ट फल बाँकी रहेको अङ्‌गुरको बोटजस्तै हुनेछ।+

१४ तिनीहरू ठूलो स्वरले कराउनेछन्‌।

तिनीहरू खुसीले चिच्याउनेछन्‌।

पश्‍चिमबाट* तिनीहरूले यहोवाको वैभवको घोषणा गर्नेछन्‌।+

१५ अनि पूर्वमा* तिनीहरूले यहोवाको महिमा गर्नेछन्‌।+

समुद्रका टापुहरूमा तिनीहरूले इस्राएलका परमेश्‍वर यहोवाको नामको जयजयकार गर्नेछन्‌।+

१६ पृथ्वीको कुनाकुनाबाट यस्तो गीत सुनिन्छ:

“न्यायी परमेश्‍वरको महिमा होस्‌!”+

तर म भन्छु: “म कमजोर हुँदै छु! म कमजोर हुँदै छु!

धिक्कार छ मलाई! छलकपट गर्नेले छलकपट गर्दै छ;

छलकपट गर्नेले छलकपट गर्दै छ!”+

१८ जो डरलाग्दो आवाजदेखि भाग्छ, त्यो खाडलमा पर्नेछ

अनि जो खाडलबाट निस्केर आउँछ, त्यो पासोमा पर्नेछ।+

किनकि आकाशका पानीका मूलहरू फुट्‌नेछन्‌

र पृथ्वीका जगहरू हल्लिनेछन्‌।

१९ जमिन फाटेको छ;

भूमि थरथर काँपेको छ;

त्यो जोडसित हल्लिएको छ।+

२० त्यो रक्सी लागेको मान्छेझैँ लरखराउँदै छ;

आँधीले दायाँबायाँ हल्लाएको झुपडीझैँ भएको छ;

त्यो आफ्नो पापको गह्रौँ भारीले थिचिएको छ;+

त्यो लड्‌नेछ अनि फेरि कहिल्यै उठ्‌नेछैन।

२१ त्यो दिन यहोवाले माथि आकाशका सेना

र तल पृथ्वीका राजाहरूलाई सजाय दिनुहुनेछ।

२२ कैदीहरूलाई खाडलमा जम्मा गरिएझैँ

तिनीहरूलाई एकसाथ जम्मा गरिनेछ।

तिनीहरू कालकोठरीमा थुनिनेछन्‌।

अनि धेरै दिनपछि तिनीहरूको लेखा लिइनेछ।

२३ पूर्णिमाको जून अँध्यारो हुनेछ

र चम्किरहेको सूर्यले पनि लाज मान्‍नेछ+

किनकि सेनाहरूका यहोवा सियोन डाँडा+ र यरुसलेममा राजा हुनुभएको छ।+

आफ्ना मानिसहरूका नाइकेहरूसामु उहाँ महिमित हुनुहुन्छ।+

२५ हे यहोवा, तपाईँ मेरा परमेश्‍वर हुनुहुन्छ।

म तपाईँको प्रशंसा गर्छु;

तपाईँको नाउँको स्तुति गाउँछु।

किनकि तपाईँले अचम्मलाग्दा कामहरू गर्नुभयो,+ जुन तपाईँले पहिल्यैदेखि गर्छु भनी निश्‍चय गर्नुभएको थियो।+

यसरी तपाईँले आफूलाई वफादार अनि भरोसायोग्य+ साबित गर्नुभयो।

 २ तपाईँले सहरलाई ढुङ्‌गाको थुप्रो बनाइदिनुभएको छ;

एउटा बलियो सहरलाई खण्डहरमा परिणत गरिदिनुभएको छ।

विदेशीहरूको किल्ला भएको सहर अब रहेन;

त्यो फेरि कहिल्यै बनाइनेछैन।

 ३ त्यसैले शक्‍तिशाली जातिले तपाईँको महिमा गर्नेछ।

क्रूर जातिहरूको सहरले तपाईँको डर मान्‍नेछ।+

 ४ किनकि भित्तामा जोडसित ठोक्किने आँधीबेहरीझैँ अत्याचारीहरूको क्रोध आइपर्दा

तपाईँ दीनदुःखीहरूको निम्ति आड हुनुभएको छ।+

दुःख आइपर्दा गरिबहरूको निम्ति आड-भरोसा हुनुभएको छ।+

आँधीबेहरीमा शरण

र गर्मीमा छाया हुनुभएको छ।

 ५ निर्जल भूमिको गर्मीलाई जस्तै

तपाईँ बिराना मानिसहरूको होहल्लालाई शान्त पारिदिनुहुन्छ।

जसरी बादलको छायाले गर्मी भगाउँछ,

त्यसरी नै तपाईँले शोषकहरूको गीत बन्द गरिदिनुहुन्छ।

 ६ सेनाहरूका यहोवाले यस डाँडामा+ सबै जातिका मानिसहरूका लागि

थरीथरीका परिकार भएको भोज दिनुहुनेछ;+

असल मद्य टक्य्राउनुहुनेछ।

हड्डीको मासी भएका थरीथरीका परिकार

र छानेको असल मद्यको भोज लगाउनुहुनेछ।

 ७ यसै डाँडामा उहाँले सारा जातिका मानिसहरूलाई ढाकिराखेको कपडा

र सबै देशमाथि परेको घुम्टो हटाइदिनुहुनेछ।

 ८ उहाँले मृत्युलाई सधैँको निम्ति निल्नुहुनेछ।+

ब्रह्‍माण्डका मालिक यहोवाले सबैको अनुहारबाट आँसु पुछिदिनुहुनेछ।+

उहाँले आफ्ना मानिसहरूमाथि परेको निन्दा पूरै पृथ्वीबाट हटाइदिनुहुनेछ।

यहोवा स्वयम्‌ले यो कुरा भन्‍नुभएको हो।

 ९ त्यस दिन तिनीहरूले यसो भन्‍नेछन्‌:

“हेर! उहाँ नै हाम्रा परमेश्‍वर हुनुहुन्छ!+

हामीले उहाँमै आशा राखेका छौँ+

र उहाँले हामीलाई बचाउनुहुनेछ।+

उहाँ यहोवा हुनुहुन्छ!

हामीले उहाँमै आशा राखेका छौँ।

उहाँले हाम्रो उद्धार गर्नुहुनेछ; त्यसैले हामी रमाऔँ र खुसी होऔँ!”+

१० किनकि यहोवाको हातले यस डाँडामा विश्राम गर्नेछ।+

अनि जसरी मलको थुप्रोमा छ्‌वाली मिसाउन कुल्चीमिल्ची गरिन्छ,+

त्यसरी नै मोआबलाई त्यसको ठाउँमा कुल्चीमिल्ची गरिनेछ।

११ जसरी पौडी खेल्नेले आफ्नो हात पसारेर पानीलाई हिर्काउँछ,

त्यसरी नै उहाँले मोआबलाई आफ्नो हातले हिर्काउनुहुनेछ।

कुशलतासाथ आफ्नो हात चलाएर

उहाँले त्यसको घमन्डलाई चूरचूर पार्नुहुनेछ।+

१२ अनि अग्ला-अग्ला पर्खाल भएको बलियो सहरलाई

उहाँले नाश गर्नुहुनेछ।

उहाँले त्यसलाई भुईँमा पछार्नुहुनेछ, त्यसलाई माटोमा मिलाइदिनुहुनेछ।

 २ सहरका ढोकाहरू खोल+

ताकि धर्मी र विश्‍वासयोग्य जाति भित्र पस्न सकोस्‌।

 ३ तपाईँमा पूरै भर पर्नेहरूलाई* तपाईँले जोगाउनुहुनेछ।

तपाईँले तिनीहरूलाई निरन्तर शान्ति दिनुहुनेछ+

किनकि तिनीहरू तपाईँमा भरोसा गर्छन्‌।+

 ४ सधैँ यहोवामा भरोसा गर्नू+

किनकि याह* यहोवा सनातनका चट्टान हुनुहुन्छ।+

 ५ उहाँले अग्लो ठाउँमा, भव्य सहरमा बस्नेहरूलाई खसाल्नुभएको छ।

उहाँले त्यस सहरलाई तल झार्नुहुन्छ।

त्यसलाई भुईँमा पछार्नुहुन्छ।

त्यसलाई माटोमा मिलाइदिनुहुन्छ।

 ६ दीनदुःखी र गरिबहरूका खुट्टाले

त्यसलाई कुल्चनेछ।”

 ७ धर्मी मानिसको बाटो सीधा* हुन्छ।

तपाईँ न्यायी हुनुहुन्छ,

त्यसैले धर्मी मानिसको बाटोलाई तपाईँ समतल पारिदिनुहुन्छ।

 ८ हे यहोवा, तपाईँको न्यायको मार्गमा चल्दा

हामी तपाईँमै भर पर्छौँ।

हामी तपाईँको नाम र तपाईँको स्मृतिको* औधी चाह गर्छौँ।

 ९ रातमा म आफ्नो तनमनले तपाईँलाई खोज्दछु।

हो, मेरो हृदयले तपाईँलाई खोजिरहन्छ+

किनकि जब तपाईँ पृथ्वीको इन्साफ गर्नुहुन्छ,

तब मानिसहरूले धार्मिक स्तर सिक्छन्‌।+

१० दुष्टलाई दया देखाए पनि

त्यसले धार्मिक स्तर सिक्दैन।+

सोझाहरूको देशमा पनि त्यसले दुष्ट काम गर्छ।+

त्यसले यहोवाको गौरव देख्नेछैन।+

११ हे यहोवा, तपाईँले आफ्नो हात उठाउनुभएको छ तर तिनीहरूले देख्दैनन्‌।+

आफ्ना मानिसहरूको निम्ति तपाईँको जोस तिनीहरूले देख्नेछन्‌ र लाजमा पर्नेछन्‌।

हो, शत्रुहरूको निम्ति तपाईँले साँचेर राख्नुभएको आगोले तिनीहरूलाई खरानी बनाउनेछ।

१२ हे यहोवा, तपाईँले हामीलाई शान्ति दिनुहुनेछ+

किनकि हामीले अहिलेसम्म गरेका सबै कुरा

तपाईँले नै पूरा गरिदिनुभएको हो।

१३ हे यहोवा हाम्रा परमेश्‍वर, तपाईँबाहेक अरू मालिकले पनि हामीमाथि शासन गरे+

तर हामी तपाईँको नाउँको मात्र प्रशंसा गर्छौँ।+

१४ तिनीहरू त मरिसके, अब फेरि बाँच्नेछैनन्‌।

तिनीहरू शक्‍तिहीन छन्‌, फेरि उठ्‌नेछैनन्‌+

किनकि तिनीहरूलाई नाश गर्न र तिनीहरूको नामोनिसान मेटाउन

तपाईँ तिनीहरूविरुद्ध उठ्‌नुभएको छ।

१५ हे यहोवा, तपाईँले यस जातिलाई ठूलो बनाउनुभएको छ।

हो, तपाईँले यस जातिलाई ठूलो बनाउनुभएको छ।

तपाईँले आफूलाई महिमित पार्नुभएको छ।+

तपाईँले देशको सिमाना चारैतिर फैलाउनुभएको छ।+

१६ हे यहोवा, कष्ट आइपर्दा तिनीहरू तपाईँतर्फ फर्के।

तपाईँले तिनीहरूलाई अनुशासन दिनुहुँदा+ तिनीहरूले मधुरो स्वरमा प्रार्थना गरे र आफ्नो मनको बह पोखाए।

१७ जसरी बच्चा जन्माउन लागेकी स्त्रीलाई

सुत्केरी बेथाले च्याप्छ र ऊ पीडाले कराउँछे,

हे यहोवा, तपाईँले हामीलाई पनि त्यस्तै अवस्थामा पुऱ्‍याउनुभयो।

१८ हामीले गर्भधारण गऱ्‍यौँ; हामीलाई सुत्केरी बेथाले च्याप्यो।

तर हामीले त हावालाई पो जन्माएछौँ।

हामीले देशको उद्धार गर्न सकेनौँ।

देशमा बसोबास गर्नलाई कोही पनि जन्मिएन।

१९ “मरिसकेका तिम्रा मानिसहरू फेरि बाँच्नेछन्‌।

मेरा मानिसहरूका लास* फेरि जिउँदो हुनेछन्‌।+

हे माटोमा बस्नेहरू हो,

उठ! खुसीले कराओ!+

किनकि तिमीहरूको शीत बिहानीको शीतजस्तै* छ।

पृथ्वीले मृत्युको पन्जामा परेर निस्सहाय भएकाहरूलाई फिर्ता गर्नेछ र तिनीहरू फेरि जिउँदो हुनेछन्‌।

२० हे मेरा मानिसहरू हो, जाओ!

आ-आफ्नो भित्री कोठामा पस र ढोका बन्द गर।+

मेरो क्रोध शान्त नहोउन्जेल

केहीबेर लुकेर बस।+

२१ किनकि हेर! देशका बासिन्दाहरूसँग तिनीहरूको गल्तीको लेखा लिन

यहोवा आफ्नो ठाउँबाट आउँदै हुनुहुन्छ।

भूमिले आफूमाथि पोखिएको रगत प्रकट गर्नेछ

र आफ्ना मरेकाहरूलाई फेरि कहिल्यै लुकाउनेछैन।”

२७ त्यो दिन यहोवाले आफ्नो भयानक, क्रूर र बलियो तरबार लिनुहुनेछ;+

घस्रँदै अनि घुम्रिँदै हिँड्‌ने सर्प

अर्थात्‌ लेवियातानमाथि* उहाँ जाइलाग्नुहुनेछ।

समुद्रमा बस्ने त्यो विशाल जलजन्तुलाई उहाँले मार्नुहुनेछ।

 २ त्यो दिन त्यस स्त्रीको* लागि यस्तो गीत गाऊ:

“हेर, अङ्‌गुर बगानमा मद्य* बनिँदै छ!+

 ३ म यहोवाले त्यस बगानको सुरक्षा गरिरहेको छु।+

म हरपल त्यसमा पानी लगाउँछु।+

त्यसलाई कसैले हानि नपुऱ्‍याओस्‌ भनेर

म रातदिन पहरा दिन्छु।+

 ४ मेरो रिस मरिसकेको छ।+

त्यसमा काँडेझार र सामा छरेर कसले मसित जोरी खोज्न सक्छ?

म ती काँडेझार र सामालाई कुल्चेर आगो लगाइदिनेछु।

 ५ होइन भने उसले मेरो किल्लामा आएर शरण लेओस्‌।

उसले मसित मिलाप गरोस्‌,

हो, उसले मिलाप गरोस्‌।”

 ६ आगामी दिनहरूमा याकुबले जरा गाड्‌नेछ।

इस्राएल फक्रनेछ र त्यसले फल फलाउनेछ;+

तिनीहरूले आफ्नो उब्जनीले देश भर्नेछन्‌।+

 ७ त्यसलाई हिर्काउनेले जति जोडले हिर्कायो, त्यति जोडले हिर्काउनुपर्थ्यो र?

त्यसलाई प्रहार गरेर ज्यान लिनेले के त्यसरी त्यसको ज्यान खोस्नुहुन्थ्यो र?

 ८ तपाईँले त्यस स्त्रीलाई ठूलो स्वरले हपारेर धपाउनुहुनेछ।

पूर्वीय बतास चल्ने दिनमा तपाईँले हावाको डरलाग्दो झोक्काले त्यसलाई उडाइदिनुहुनेछ।+

 ९ यसरी याकुबको गल्तीको प्रायश्‍चित गरिनेछ।+

अनि उसको पाप पखालिँदा नतिजा यस्तो हुनेछ:

उहाँले वेदीका सबै ढुङ्‌गालाई

खरीढुङ्‌गालाई जस्तै धुलोपिठो पारिदिनुहुनेछ।

त्यहाँ पवित्र खामाहरू* र धूपदानी केही बाँकी रहनेछैन।+

१० किनकि पर्खालले घेरिएको त्यो बलियो सहर उजाड छोडिनेछ।

त्यहाँका चरनहरू निर्जन ठाउँजस्तै सुनसान हुनेछन्‌।+

बाछाहरू त्यहाँ चर्नेछन्‌ र ढल्कनेछन्‌

अनि तिनीहरूले त्यसका हाँगाबिँगा लुछेर खानेछन्‌।+

११ त्यसका डाँठहरू सुकेपछि

स्त्रीहरू आएर ती भाँच्नेछन्‌

र ती झिँजा सल्काउनेछन्‌।

किनकि यी मानिसहरू समझ नभएका मानिसहरू हुन्‌।+

त्यसकारण तिनीहरूलाई बनाउनुहुनेले तिनीहरूलाई पटक्कै दया गर्नुहुनेछैन।

तिनीहरूको रचना गर्नुहुनेले तिनीहरूमाथि कृपा देखाउनुहुनेछैन।+

२८ एप्रैमका जँड्‌याहाहरूको+ देखावटी* मुकुटलाई* धिक्कार छ!

ओइलाउँदै गरेको त्यसको सुन्दर फूललाई धिक्कार छ!

जुन रक्सीले लट्ठिएका मानिसहरू बस्ने मलिलो बेँसीको शिरमा सजिएको छ।

 २ हेर! यहोवाले एक बलियो र शक्‍तिशाली जन पठाउनुहुनेछ।

गर्जनसहित पर्ने असिना र विनाशकारी आँधीले जस्तै,

उर्लँदो बाढीले ल्याउने डरलाग्दो तुफानले जस्तै

तिनले त्यसलाई पृथ्वीमा हुर्ऱ्याइदिनेछन्‌।

 ३ एप्रैमका जँड्‌याहाहरूका देखावटी* मुकुटहरूलाई

खुट्टाले कुल्चीमिल्ची गरिनेछ।+

 ४ अनि ओइलाउँदै गरेको त्यसको सुन्दर फूल,

जुन मलिलो बेँसीको शिरमा सजिएको छ,

त्यो ग्रीष्म ऋतु आउनुअघि नै पाकेको अन्जिरझैँ हुनेछ,

जसलाई कसैले देख्नेबित्तिकै हत्केलामा लिएर क्वाप्प खाइहाल्छ।

 ७ पुजारी र भविष्यवक्‍ताहरू पनि रक्सीले बहकिएका छन्‌।

मात लागेर तिनीहरू लर्खराउँछन्‌।

रक्सी खाएर तिनीहरू बहकिएका छन्‌।

रक्सीले गर्दा तिनीहरू अलमलमा पर्छन्‌।

नशा चढेकोले तिनीहरू लर्खराउँछन्‌।

तिनीहरूले देखेको दर्शनले* तिनीहरूलाई बहकाउँछ

र तिनीहरू सही न्याय गर्न सक्दैनन्‌।+

 ८ किनकि तिनीहरूका टेबुलहरू घिनलाग्दो बान्तै बान्ताले भरिएका छन्‌।

तिनीहरूले बान्ता नगरेको ठाउँ कुनै छैन।

 ९ तिनीहरू भन्छन्‌, “ऊ कसलाई ज्ञान दिन खोज्दै छ?

कसलाई आफ्नो सन्देश सुनाउन खोज्दै छ?

के हामी भर्खरै दूध छोडेका बालकहरू हौँ?

भर्खरै आमाको स्तनबाट अलग गरिएका बच्चाहरू हौँ?

१० किनकि ऊ घरीघरी यसो भन्छ, ‘आदेशमाथि आदेश, आदेशमाथि आदेश!

नियममाथि नियम,* नियममाथि नियम!+

अलिकता यहाँ, अलिकता त्यहाँ।’”*

“आदेशमाथि आदेश, आदेशमाथि आदेश!

नियममाथि नियम,* नियममाथि नियम!+

अलिकता यहाँ, अलिकता त्यहाँ।”

तर तिनीहरूले सुन्‍नेछैनन्‌।

त्यसैले तिनीहरू ठक्कर खाएर लड्‌नेछन्‌ र तिनीहरूको पिठिउँ बजारिनेछ।

तिनीहरू घाइते हुनेछन्‌, पासोमा पर्नेछन्‌ र पक्राउ पर्नेछन्‌।+

१४ त्यसैले ए धाक लगाउनेहरू हो, ए यरुसलेमका बासिन्दाहरूमाथि शासन गर्नेहरू हो!

यहोवाको वचन सुन!

१५ किनकि तिमीहरू यसो भन्छौ:

“हामीले मृत्युसित करार बाँधेका छौँ।+

चिहानसित* सम्झौता गरेका छौँ।*

अचानक बाढी उर्लेर आए तापनि

त्यसले हामीलाई भेट्टाउनेछैन।

किनकि हामीले झूटलाई आफ्नो शरणस्थान बनाएका छौँ

र छलकपटको आडमा हामी लुकेका छौँ।”+

१६ त्यसैले ब्रह्‍माण्डका मालिक यहोवा यसो भन्‍नुहुन्छ:

“म सियोनको जग बसाल्न पारख गरिएको ढुङ्‌गा हाल्दै छु,+

त्यो कुनाको अनमोल ढुङ्‌गा,+ जसले जगलाई बलियो बनाउनेछ।+

अनि त्यसमाथि विश्‍वास गर्ने कोही पनि आत्तिनुपर्नेछैन।+

१७ अनि म न्यायलाई नाप्ने डोरी बनाउनेछु+

र न्यायोचित कामलाई साहुल* बनाउनेछु।+

तिनीहरूको झूटको शरणस्थानलाई असिनाले सखाप पारिदिनेछ

अनि लुक्ने ठाउँलाई बाढीले बगाइदिनेछ।

१८ मृत्युसित तिमीहरूले गरेको करार रद्द हुनेछ।

अनि चिहानसित* तिमीहरूले गरेको सम्झौता टिक्नेछैन।+

अचानक बाढी उर्लेर आउँदा

त्यसले तिमीहरूलाई तहसनहस पार्नेछ।

१९ जब-जब त्यो बाढी उर्लन्छ,

तब-तब त्यसले तिमीहरूलाई बगाएर लग्नेछ।+

त्यो हरेक बिहान उर्लनेछ;

दिउँसो अनि राती पनि उर्लनेछ।

त्रासले छोपेपछि मात्र आफूले सुनेको सन्देश तिनीहरूले बुझ्नेछन्‌।”*

२० किनकि लम्पसार पर्नलाई ओछ्यान अति सानो छ

अनि ओढ्‌नलाई कम्बल निकै छोटो छ।

२१ जसरी पेराजिम डाँडामा यहोवा उठ्‌नुभएको थियो, त्यसरी नै उहाँ फेरि उठ्‌नुहुनेछ।

जसरी गिबोन नजिकैको बेँसीमा उहाँ खडा हुनुभएको थियो,+ त्यसरी नै उहाँ फेरि खडा हुनुहुनेछ।

आफ्नो अनौठो काम पूरा गर्नलाई,

हो, आफ्नो असाधारण काम पूरा गर्नलाई उहाँ उठ्‌नुहुनेछ।+

२२ खिसी नगर+

नत्र त तिमीहरूको बन्धन अझ कसिनेछ।

किनकि पूरै पृथ्वीलाई नाश गर्ने निधो भएको छ+ भनेर

मैले ब्रह्‍माण्डका मालिक, सेनाहरूका यहोवाबाट सुनेको छु।

२३ कान थापेर मेरो कुरा सुन।

म जे भन्छु, त्यो ध्यान दिएर सुन।

२४ के हलो जोत्नेले बिउ नछरी दिनभरि जोत्छ र?

के उसले खन्‍ने र डल्ला फोर्ने काम मात्रै गरिरहन्छ र?+

२५ जमिनलाई सम्याइसकेपछि

के उसले जीरा र कालो जीरा छर्दैन र?

के उसले गहुँ, कोदो र जौ रोप्दैन र?

अनि खेतको डिलमा कठिया गहुँ*+ रोप्दैन र?

२६ किनकि उहाँले उसलाई सही बाटो देखाउनुहुन्छ।*

उसको परमेश्‍वरले उसलाई निर्देशन दिनुहुन्छ।+

२७ कालो जीरालाई दाँदे लगाएर मसिनो धुलो पारिँदैन+

र जीरालाई गाडाको पाङ्‌ग्राले पेलिँदैन।

बरु कालो जीरालाई लौरोले

अनि जीरालाई लट्ठीले चुटिन्छ।

२८ के कसैले रोटी बनाउने पीठो तयार पार्न अन्‍नलाई दाइँ गरेको गऱ्‍यै गर्छ र?

अहँ! कसैले पनि अन्‍नलाई दाइँ गरेको गऱ्‍यै गर्दैन।+

अनि अन्‍न धुलोपिठो हुनेगरि

घोडा-गाडा त्यसमाथि चलाउँदैन।+

२९ यो पनि सेनाहरूका यहोवाबाटै आएको हो,

जसका सल्लाहहरू* उदेकका छन्‌

र जो आफूले गर्ने हर काममा सफल हुनुहुन्छ।*+

२९ “अरिएललाई* धिक्कार छ! दाउदले छाउनी हालेको त्यस सहरलाई धिक्कार छ!+

तिमीहरू वर्षैपिच्छे चाड मनाइरहो,+

हरेक वर्ष त्यसै गर।

 २ तर म अरिएलमा+ दुःख ल्याउनेछु;

त्यहाँका बासिन्दाहरू शोकमा पर्नेछन्‌ र विलाप गर्नेछन्‌+

अनि अरिएल मेरो नजरमा वेदीको अगेनुजस्तै हुनेछ।+

 ३ म तिम्रो वरिपरि छाउनी हाल्नेछु।

म तिखातिखा बारले तिमीविरुद्ध घेरा हाल्नेछु।

तिमीलाई घेरा हाल्न पर्खाल ठड्‌याउनेछु।+

 ४ तिमी तल खसालिनेछौ।

तल जमिनबाट तिमीले बोल्नेछौ।

अनि तिम्रो बोलीलाई धुलोले ओझेलमा पार्नेछ।

भूतप्रेत खेलाउने झाँक्रीको आवाजजस्तै

तिम्रो आवाज जमिनबाट आउनेछ।+

अनि माटोबाट तिम्रो चिरबिर सुनिनेछ।

 ५ तिम्रा शत्रुहरूको भीड धुलोको कणझैँ हुनेछ;+

दमनकारीहरूको हुल बतासले उडाउने भुसजस्तै हुनेछ।+

कसैले चालै नपाउनेगरि अचानक त्यसो हुनेछ।+

 ६ सेनाहरूका यहोवाले आफ्नो नजर तिमीतिर फर्काउनुहुनेछ।

त्यसबेला ठूलो गर्जनको आवाज सुनिनेछ, भूकम्प जानेछ, होहल्ला मच्चिनेछ,

आँधीहुरी र तुफान चल्नेछ अनि भस्म गर्ने आगो दन्किनेछ।”+

 ७ तब अरिएलसित+ युद्ध गर्न आउने जातिहरू,

उसलाई आक्रमण गर्न आउनेहरूको भीड,

उसलाई दुःख दिन खोज्नेहरू

अनि उसलाई घेरा हाल्न बनाइएका किल्लाहरू

सपनाजस्तै अनि रातको दर्शनजस्तै* हुनेछन्‌।

 ८ सियोन डाँडासित+ युद्ध लड्‌न आउने जातिजातिको भीडको हालत यस्तो हुनेछ,

मानौँ, भोकले भाउन्‍न छुटेको मानिसले खानेकुरा खाएको सपना देख्छ

तर ब्युँझिँदा ऊ भोकै हुन्छ।

अथवा तिर्खाले प्याकप्याक भएको मानिसले पानी पिएको सपना देख्छ

तर ब्युँझिँदा ऊ थाकेको र तिर्खाएको हुन्छ।

 ९ छक्क पर अनि अचम्म मान।+

केही पनि नदेख्नेगरि अन्धा होओ।+

तिनीहरू मात्तिएका छन्‌ तर रक्सीले होइन।

तिनीहरू लर्खराएका छन्‌ तर रक्सीको मात लागेर होइन।

१० यहोवाले तिमीहरूलाई गहिरो निद्रामा पारिदिनुभएको छ।+

उहाँले तिमीहरूका आँखालाई—तिमीहरूका भविष्यवक्‍ताहरूलाई अन्धो बनाइदिनुभएको छ।+

अनि तिमीहरूका शिरलाई—तिमीहरूका दर्शीहरूलाई घुम्टोले ढाकिदिनुभएको छ।+

१३ यहोवा यसो भन्‍नुहुन्छ: “यी मानिसहरू मुखले त मेरो नजिक आउँछन्‌

अनि ओठले त मलाई आदर गर्छन्‌+

तर तिनीहरूको हृदय भने मदेखि धेरै टाढा छ।

भन्‍न त तिनीहरू ‘म परमेश्‍वरको डर मान्छु’ भन्छन्‌ तर मानिसहरूले बनाएको नियममा चल्छन्‌।+

१४ त्यसैले म फेरि यी मानिसहरूमाझ छक्कलाग्दो काम गर्नेछु,+

एकपछि अर्को छक्कलाग्दो काम।

तिनीहरूमाझ भएका बुद्धिमान्‌हरूको बुद्धि नष्ट हुनेछ

अनि समझदारहरूको समझ बिलाएर जानेछ।”+

१५ धिक्कार छ तिनीहरूलाई, जो आफ्ना योजनाहरू* यहोवाको नजरबाट लुकाउन मरिमेट्‌छन्‌।+

तिनीहरू अँध्यारो ठाउँमा आफ्नो काम गर्छन्‌

अनि यसो भन्छन्‌: “हामीलाई कसले देखेको छ र?

हामी के गर्दै छौँ, कसलाई के थाह?”+

१६ कुरा बङ्‌ग्याउन तिमीहरू कत्ति सिपालु छौ!

के कुमाले र माटो बराबर हुन्छ?+

के बनेको चिजले बनाउनेलाई यसो भन्छ:

“उसले मलाई बनाएकै होइन”?+

अनि के रचिएको चिजले रचनाकारलाई यसो भन्‍न सुहाउँछ:

“ऊसित फिटिक्कै समझ छैन”?+

१७ केही बेरमै लेबनान फलफूल बगानमा परिणत हुनेछ+

अनि त्यो बगान वनजस्तै हुनेछ।+

१८ त्यस दिन बहिरोले त्यस पुस्तकमा लेखिएको कुरा सुन्‍नेछ

अनि अन्धोले बादल र घोर अन्धकारबाट पनि देख्नेछ।+

१९ नम्रहरूले यहोवाको कारण ठूलो रमाहट गर्नेछन्‌

अनि गरिबहरू इस्राएलका पवित्र परमेश्‍वरको कारण आनन्दित हुनेछन्‌।+

२० किनकि दमन गर्ने कोही पनि बाँकी रहनेछैन।

घमन्ड गर्नेको विनाश हुनेछ

अनि अरूलाई कसरी हानि पुऱ्‍याऊँ भनेर बाटो हेर्दै बस्ने सबै नाश हुनेछन्‌।+

२१ ज-जसले झूटो बयान दिएर अरूलाई दोषी साबित गर्छन्‌,

ज-जसले सहरको मूलढोकामा न्याय कायम गर्नेलाई* फसाउन पासो थाप्छन्‌+

अनि ज-जसले फोस्रा तर्कहरू गरेर धर्मी मानिसमाथि अन्याय गर्छन्‌, तिनीहरू सबै नाश हुनेछन्‌।+

“याकुब अबदेखि लज्जित हुनुपर्नेछैन।

अब उपरान्त उसको अनुहारको रङ्‌ग उड्‌नेछैन।*+

२३ किनकि जब उसले आफ्नो वरिपरि आफ्ना छोराछोरीलाई—मेरा हातका कामलाई देख्नेछ,+

तब तिनीहरू सबैले मेरो नामको सम्मान गर्नेछन्‌;

हो, तिनीहरूले याकुबका पवित्र परमेश्‍वरको आदर गर्नेछन्‌।

अनि तिनीहरू इस्राएलका परमेश्‍वरप्रति श्रद्धाले भरिनेछन्‌।+

२४ ज-जसको मन बरालिएको थियो, तिनीहरू समझदार हुनेछन्‌

अनि गनगन गर्नेहरूले निर्देशन पालन गर्नेछन्‌।”

३० यहोवा यस्तो घोषणा गर्नुहुन्छ, “धिक्कार छ ती हठी छोराहरूलाई!+

जो मेरो इच्छाविपरीत आफ्ना योजना पूरा गर्छन्‌।+

जो सन्धि गर्छन्‌* तर मेरो चाहनाअनुसार होइन।

यसरी तिनीहरू पापमाथि पाप थप्दै जान्छन्‌।

 २ फारोले दिने सुरक्षामा* आड लिन

अनि मिश्रको छत्रछायामा शरण लिन

तिनीहरू मलाई सोध्दै नसोधी+ मिश्र जान्छन्‌।+

 ३ तर फारोले दिने सुरक्षामा आड लिएकोले तिमीहरू लाजमा पर्नेछौ;

मिश्रको छत्रछायामा शरण लिएकोले तिमीहरूको अपमान हुनेछ।+

 ४ किनकि उसका शासकहरू जोअनमा+ छन्‌

र उसका दूतहरू हनेससम्मै पुगेका छन्‌।

 ५ तिनीहरू सबै लाजमा पर्नेछन्‌

किनकि मिश्रीहरूसित लागेर तिनीहरूलाई केही फाइदा हुनेछैन;

उनीहरूले तिनीहरूलाई केही मदत गर्नेछैनन्‌।

तिनीहरूले केवल अपमान र बेइज्जती भोग्नेछन्‌।”+

६ दक्षिणका जनावरहरूविरुद्ध यस्तो घोषणा गरियो:

दुःख र पीडाको देश,

गर्जने सिंहको देश,

विषालु सर्प र उड्‌ने विषालु सर्पको देश हुँदै

तिनीहरू आफ्नो सम्पत्ति गधाको काँधमा लादेर

अनि सरसामान उँटको जुरोमा राखेर आउँछन्‌।

तर ती सम्पत्ति र सरसामान कसैलाई काम लाग्नेछैन

 ७ किनकि मिश्रले दिने सहायता व्यर्थको छ।+

त्यसैले मैले त्यसलाई “चलहल नगरी बस्ने राहाब”*+ भनेको छु।

 ८ “अब गएर यी कुरा तिनीहरूकै सामने पाटीमा खोप

अनि पुस्तकमा लेख+

र त्यो सधैँभरिको लागि साक्षी होस्‌।+

 ९ किनकि तिनीहरू विद्रोही मानिस,+ कपटी छोरा हुन्‌।+

तिनीहरू यहोवाको व्यवस्था* सुन्‍न नचाहने छोराहरू हुन्‌।+

१० तिनीहरू दर्शीहरूलाई यसो भन्छन्‌, ‘दर्शन* देख्न बन्द गर!’

अनि भविष्यवक्‍ताहरूलाई यसो भन्छन्‌, ‘हामीलाई साँचो भविष्यवाणीहरू नसुनाओ!+

बरु हाम्रो मन बहलाउने कुराहरू सुनाओ; भ्रममा पार्ने दर्शनहरू देख!+

११ सही मार्ग हिँड्‌न छोडिदेओ, त्यसबाट तर्केर जाओ।

इस्राएलका पवित्र परमेश्‍वरबारे हामीलाई बताउन बन्द गर!’”+

१२ त्यसकारण इस्राएलका पवित्र परमेश्‍वर यसो भन्‍नुहुन्छ:

“तिमीहरूले मेरो वचन सुन्‍न इन्कार गरेर+

छलकपट र झूटा कुराहरूमा भरोसा गऱ्‍यौ।

ती कुराहरूमै तिमीहरू भर पऱ्‍यौ।+

१३ त्यसैले तिमीहरूको यो गल्ती चिरैचिरा परेको पर्खालझैँ हुनेछ।

भुक्क उठेर भत्कनै लागेको अग्लो पर्खालझैँ हुनेछ;

त्यो अचानक, क्षणभरमै ढल्नेछ।

१४ माटोको ठूलो घ्याम्पोलाई झैँ त्यसलाई टुक्राटुक्रा पारिनेछ।

त्यसलाई धुलोपिठो पारिनेछ।

अगेनुबाट आगो झिक्न अथवा खाल्डाबाट* पानी निकाल्न

एउटा खपटो पनि बाँकी रहनेछैन।”

१५ किनकि ब्रह्‍माण्डका मालिक, इस्राएलका पवित्र परमेश्‍वर यसो भन्‍नुहुन्छ:

“मकहाँ फर्क र चुपचाप बस, तब तिमीहरू बाँच्नेछौ।

शान्त होऊ र ममाथि भरोसा गर, तब तिमीहरूले बल पाउनेछौ।”+

तर तिमीहरू मेरो कुरा मान्‍न राजी भएनौ।+

१६ बरु तिमीहरूले यसो भन्यौ: “होइन, हामी त घोडा चढेर भाग्नेछौँ!”

भाग्नु त तिमीहरू पर्ने नै छ।

तिमीहरूले भन्यौ: “हामी बेतोडले कुद्‌ने घोडामा चढ्‌नेछौँ!”+

तर तिमीहरूलाई खेद्‌नेहरू तिमीहरूभन्दा छिटो हुनेछन्‌।+

१७ केवल एक जनाले धम्काउँदा तिमीहरूका हजार जना थरथर काँप्नेछन्‌।+

केवल पाँच जनाको धम्की सुनेर तिमीहरू भाग्नेछौ

र अन्तमा जो-जो बाँकी हुनेछौ, तिमीहरू पहाडको टुप्पोमा ठिङ्‌ग उभिएको खाँबोझैँ हुनेछौ;

डाँडामा ठड्‌याइएको झन्डाझैँ हुनेछौ।+

१८ तर यहोवा तिमीहरूलाई दया देखाउन धैर्य गरेर पर्खँदै हुनुहुन्छ।+

उहाँ तिमीहरूलाई कृपा गर्न उठ्‌नुहुनेछ।+

किनकि यहोवा न्यायी परमेश्‍वर हुनुहुन्छ।+

आनन्दित हुन्‌ ती सबै, जसले उहाँमा आशा राख्छन्‌।*+

२७ हेर! यहोवा* टाढाबाट आउँदै हुनुहुन्छ।

उहाँ आफ्नो बल्दो रिस र घना बादलसहित आउँदै हुनुहुन्छ।

उहाँका ओठ क्रोधले भरिएका छन्‌

र उहाँको जिब्रो भस्म गर्ने आगोजस्तै छ।+

२८ उहाँको शक्‍ति उर्लेर आएको खोलाजस्तै छ, जसको पानी गर्दनसम्मै पुग्छ।

उहाँले राष्ट्रहरूलाई विनाशको चाल्नीमा हालेर हल्लाउनुहुनेछ

र जातिजातिका मानिसहरूलाई विनाशतिर लैजान तिनीहरूको चिउँडोमा+ लगाम कस्नुहुनेछ।

२९ तर तिमीले भने गीत गाउनेछौ।

तिम्रो गीत चाडको तयारीको रातमा+ गाइने गीतजस्तै हुनेछ।

अनि बाँसुरी बजाउँदै*

इस्राएलका चट्टान यहोवाको+ डाँडामा उक्लिरहेको मानिसको जस्तै

तिम्रो हृदय हर्षले गद्‌गद हुनेछ।

३० यहोवाले आफ्नो जोडदार आवाज+ सुनाउनुहुनेछ।

उहाँले आफ्नो भयङ्‌कर क्रोधमा+

भस्म गर्ने आगोको ज्वाला,+ मुसलधारे पानी,+ आँधीबेहरी र असिना+ पठाएर

आफ्नो पाखुराको+ बल प्रकट गर्नुहुनेछ।

३१ किनकि यहोवाको आवाज सुनेर अस्सेरिया डरले थरथर काँप्नेछ।+

उहाँले त्यसलाई लौरोले हिर्काउनुहुनेछ।+

३२ यहोवाले युद्धमा आफ्नो हात अस्सेरियामाथि उठाउनुहुँदा,+

त्यसलाई सजाय दिने छडीले हिर्काउनुहुँदा

उहाँको प्रत्येक प्रहारमा

खैँजडी र वीणा बज्नेछ।+

३३ उहाँले त्यसको विनाश गर्न ठाउँ*+ तयार पारिसक्नुभएको छ।

राजाको लागि पनि त्यो ठाउँ तयार भइसकेको छ।+

उहाँले दाउरा राख्ने ठाउँ गहिरो र चौडा बनाउनुभएको छ

अनि दनदनी आगो बाल्न उहाँले त्यहाँ प्रशस्तै दाउरा राख्नुभएको छ।

गन्धकको खोलासरी यहोवाको सासले

त्यहाँ आगो लगाउनेछ।

३१ मिश्रमा झरेर गुहार माग्नेहरूलाई धिक्कार छ,+

जो घोडाहरूमा भर पर्छन्‌,+

जो युद्धका रथहरूमा भरोसा गर्छन्‌ किनकि ती अनगिन्ती छन्‌

अनि युद्धका घोडाहरूको* मुख ताक्छन्‌ किनकि ती शक्‍तिशाली छन्‌।

तर इस्राएलका पवित्र परमेश्‍वरको बाटो हेर्दैनन्‌

र यहोवाको खोजी गर्दैनन्‌।

 २ तर उहाँ बुद्धिमान्‌ पनि हुनुहुन्छ, उहाँले तिनीहरूमाथि विपत्ति ल्याउनुहुनेछ।

उहाँले आफ्नो बोली फिर्ता लिनुहुनेछैन।

दुष्टको घरानामाथि उहाँ जाइलाग्नुहुनेछ

अनि कुकर्मीहरूलाई सघाउनेहरूविरुद्ध उहाँ खडा हुनुहुनेछ।+

 ३ मिश्रीहरू त केवल मानिस हुन्‌, तिनीहरू परमेश्‍वर होइनन्‌।

तिनीहरूका घोडाहरू हाड-मासुका हुन्‌, स्वर्गका जीव होइनन्‌।+

यहोवाले आफ्नो हात पसार्नुहुँदा

सहायता दिनेहरूले ठेस खानेछन्‌

अनि सहायता लिनेहरू लड्‌नेछन्‌।

तिनीहरू सबै सँगसँगै नाश हुनेछन्‌।

 ४ किनकि यहोवाले मलाई यसो भन्‍नुभएको छ:

“जसरी जवान र पट्ठो सिंहले गर्जँदै आफ्नो सिकारलाई जोगाउँछ

अनि गोठालाहरू हुलै बाँधेर आए पनि

तिनीहरूको होहल्ला सुनेर त्यो डराउँदैन

र तिनीहरूले तर्साउन खोजे पनि त्यो पटक्कै तर्सिँदैन,

त्यसैगरि सेनाहरूका यहोवा तल ओर्लनुहुनेछ

अनि सियोन डाँडाको निम्ति र त्यसको थुम्कोको निम्ति लड्‌नुहुनेछ।

 ५ सेनाहरूका यहोवा वेगसित हानिएर आउने पन्छीझैँ आउनुहुनेछ र यरुसलेमलाई जोगाउनुहुनेछ।+

उहाँले त्यसको रक्षा गर्नुहुनेछ र त्यसलाई बचाउनुहुनेछ।

त्यसको पक्षमा लडेर उहाँले त्यसको उद्धार गर्नुहुनेछ।”

 ८ तब अस्सेरियालीहरू तरबारले काटिनेछन्‌, जुन तरबार मानिसको होइन;

तरबारले तिनीहरूलाई सखाप पार्नेछ तर मानिसको तरबारले त होइन।+

त्यो तरबार देखेर तिनीहरू भाग्नेछन्‌।

तिनीहरूका युवकहरूलाई काममा जोताइनेछ।

 ९ त्रासले गर्दा तिनीहरूको चट्टान बिलाएर जानेछ।

झन्डा ठड्‌याइएको देखेर तिनीहरूका राजकुमारहरू थरथर काँप्नेछन्‌,” यहोवा घोषणा गर्नुहुन्छ,

जसको ज्योति* सियोनमा छ र जसको आगोको भट्टी यरुसलेममा छ।

३२ हेर! राजाले+ न्यायोचित+ शासन गर्नेछन्‌;

राजकुमारहरूले न्यायसित शासन गर्नेछन्‌।

 २ तिनीहरू हरेक हुरीबतास चल्दा लुक्ने ठाउँ

अनि आँधीबेहरी आउँदा आड लिने ठाउँ हुनेछन्‌।

निर्जल भूमिमा खोलाझैँ+

र सुक्खा ठाउँमा ठूलो चट्टानको छायाझैँ हुनेछन्‌।

 ३ तब देख्नेहरूको आँखा फेरि कहिल्यै बन्द हुनेछैन

अनि सुन्‍नेहरूको कानले ध्यान दिएर सुन्‍नेछ।

 ४ चञ्चल मन भएकाहरूले ज्ञानगुनका कुरा गहिरिएर सोच्नेछन्‌

अनि भकभकेहरूले नअड्‌कीकन स्पष्ट रूपमा बोल्नेछन्‌।+

 ५ मूर्ख फेरि कहिल्यै उदार मानिस भनेर चिनिनेछैन

अनि बेकाइदासँग चल्ने मानिस असल मानिस भनेर चिनिनेछैन।

 ६ किनकि मूर्ख मानिसले मूर्खै कुरा गर्छ

र त्यसले आफ्नो मनमा कुटिल योजनाहरू रच्छ।+

त्यसले यहोवाबारे झूटो कुरा गर्छ र मानिसहरूलाई बहकाएर गलत बाटोमा लैजान्छ।*

त्यसले गर्दा भोकाएकाहरू भोकै रहन्छन्‌

र तिर्खाएकाहरूले केही पनि पिउन पाउँदैनन्‌।

 ७ बेकाइदासँग चल्ने मानिसको चाल निको हुँदैन।+

त्यसले निर्लज्ज व्यवहार गर्न अप्ठेरो मान्दैन,

झूट बोलेर दीनदुःखीलाई सताउँछ,+

गरिबहरूले सत्य नै बोले तापनि तिनीहरूलाई पिरोल्छ।

 ८ तर उदार मानिस खुला मनको हुन्छ,

उसले उदारचित्तले दिइरहन्छ।

 ९ “ए बेफिक्री बस्ने स्त्रीहरू हो, उठ र मेरो कुरा सुन!

ए सुर्ता नमान्‍ने छोरीहरू हो,+ मेरो कुरामा ध्यान देओ!

१० तिमीहरू जो अहिले निश्‍चिन्त छौ, वर्षदिनभित्रै थरथर काँप्नेछौ

किनकि अङ्‌गुरको कटनी सकिँदा पनि एउटै फल जम्मा गरिनेछैन।+

११ ए बेफिक्री बस्ने स्त्रीहरू हो, डरले लगलग काँप!

ए निश्‍चिन्त रहनेहरू हो, थरथराओ!

आफ्नो वस्त्र उतारिदेओ

र कम्मरमा भाङ्‌ग्रा लगाओ।+

१२ रहरलाग्दा खेतहरू र प्रशस्त उब्जनी दिने अङ्‌गुर बगानको निम्ति

छाती पिटेर विलाप गर

१३ किनकि मेरा मानिसहरूको जमिन काँडैकाँडाको झाडीले भरिनेछ।

खुसीयाली मनाइने तिनीहरूका सबै घरभरि,

हो, रमाहटको त्यो पूरै सहरभरि+ नै काँडा र सिउँडी उम्रनेछ।

१४ किनकि बलियो धरहरा रित्तो भएको छ;

धेरै चहलपहल हुने सहर सुनसान भएको छ।+

ओफेल*+ र पहरा दिने किल्ला सधैँभरिका लागि उजाड भएका छन्‌।

जङ्‌गली गधाहरू त्यहाँ रमाउँदै उफ्रन्छन्‌,

भेडाबाख्राका बगाल+ आएर त्यहाँ चर्छन्‌।

१५ तर त्यसपछि परमेश्‍वरले आफ्नो शक्‍ति हामीमाथि खन्याउनुहुनेछ+

अनि उजाड ठाउँ फलफूल बगान हुनेछ

र त्यो बगान हराभरा जङ्‌गलजस्तै हुनेछ।+

१६ अनि निर्जनभूमिमा न्याय कायम हुनेछ

र फलफूल बगानमा धार्मिकताले बास गर्नेछ।+

१७ साँचो धार्मिकताको कारण सबैतिर शान्ति छाउनेछ।+

साँचो धार्मिकताको फल सदासर्वदै रहने शान्ति र सुरक्षा हुनेछ।+

१८ मेरा मानिसहरू जहाँ बस्नेछन्‌, त्यहाँ शान्तिले बास गर्नेछ;

तिनीहरू शान्ति र सुरक्षा छाएको ठाउँमा बसोबास गर्नेछन्‌।+

१९ तर असिनाले जङ्‌गललाई सखाप पार्नेछ

र पूरै सहर ध्वस्त हुनेछ।

२० आनन्दित हौ तिमीहरू, जो खोलाको किनारमा बिउ छर्छौ

अनि आफ्ना गोरु र गधालाई छोडिदिन्छौ।”+

३३ धिक्कार तिमीलाई, जो अरूलाई नाश गर्छौ तर आफूचाहिँ नाश भएका छैनौ;+

जो अरूलाई धोका दिन्छौ तर आफूले चाहिँ धोका पाएका छैनौ!

तिमीले नाश गरेपछि तिमीलाई पनि नाश गरिनेछ।+

तिमीले अरूलाई धोका दिएपछि तिमीलाई पनि धोका दिइनेछ।

 २ हे यहोवा, हामीमाथि कृपा देखाउनुहोस्‌।+

हामीले तपाईँमै आशा गरेका छौँ।

हरेक बिहानी तपाईँ हाम्रो बाहुबल बन्‍नुहोस्‌,+

दुःखको समयमा हाम्रो उद्धारक बन्‍नुहोस्‌।+

 ३ तपाईँ गर्जनुहुँदा जातिजातिका मानिसहरू भाग्छन्‌;

तपाईँ उठ्‌नुहुँदा राष्ट्रहरू तितरबितर हुन्छन्‌।+

 ४ भोका सलहहरू बालीमाथि जाइलागेझैँ मानिसहरू तिमीहरूको लुटको मालमाथि जाइलाग्नेछन्‌;

सलहको बथानले झैँ तिनीहरू त्यसमाथि झम्टिनेछन्‌।

 ५ यहोवा उच्च पारिनुहुनेछ

किनकि उहाँ उच्च ठाउँमा विराजमान हुनुहुन्छ।

उहाँले सियोनलाई न्याय र सुकर्मले भरिपूर्ण पार्नुहुनेछ।

 ६ अनि उहाँले तिमीहरूलाई स्थिर गराउनुहुनेछ;

प्रशस्त मात्रामा उद्धार,+ बुद्धि र ज्ञानका साथै यहोवाको निम्ति श्रद्धा दिनुहुनेछ+

—यही नै तिमीहरूको सम्पत्ति हुनेछ।

 ७ हेर, तिनीहरूका* शूरवीरहरू सडकमा रुँदै छन्‌;

शान्तिका दूतहरू धुरुधुरु रुँदै छन्‌।

 ८ राजमार्ग सुनसान भएको छ;

बाटोमा हिँड्‌नेहरू कोही छैन।

उसले* करार भङ्‌ग गरेको छ,

सहरहरूलाई तुच्छ ठानेको छ,

उसले मानिसलाई कुनै मोलको ठान्दैन।+

 ९ देशले विलाप गर्दै छ* र त्यो उजाड भएको छ।

लेबनान लाजमा परेको छ;+ त्यो ओइलाएको छ।

सारोनचाहिँ मरुभूमिजस्तै भएको छ

अनि बासान र कर्मेलका पातहरू झरेका छन्‌।+

१० यहोवा भन्‍नुहुन्छ, “अब म उठ्‌नेछु,

म आफूलाई उच्च पार्नेछु;+

म आफूलाई महिमित पार्नेछु।

११ तिमीहरू सुक्खा घाँसलाई गर्भधारण गर्छौ र ठोसोलाई जन्म दिन्छौ।

तिमीहरूको आफ्नै सोचाइले तिमीहरूलाई आगोले झैँ भस्म गर्नेछ।+

१२ अनि जातिजातिका मानिसहरूको हालत जलेको चुनझैँ हुनेछ।

काटेको काँडालाई झैँ तिनीहरूलाई आगोमा जलाइनेछ।+

१३ ए टाढा-टाढाका मानिसहरू हो, म के गर्नेछु भनेर सुन।

अनि ए नजिकका मानिसहरू हो, मेरो पराक्रमलाई स्विकार।

१४ सियोनका पापी मानिसहरू त्रसित भएका छन्‌;+

धर्मत्यागीहरू थरथर काँपेका छन्‌।

तिनीहरू एकअर्कालाई यसो भन्छन्‌: ‘भस्म गर्ने आगोसामु को टिक्न सक्छ र?+

निभाउनै नसकिने आगोसामु को खडा हुन सक्छ र?’

१५ जो सही बाटोमा हिँडिरहन्छ,+

जसले सत्य बोल्छ,+

जसले छलकपट र बेइमानीको नाफा लिन इन्कार गर्छ,

जसले घुस थाप्नदेखि आफ्नो हातलाई रोक्छ,+

जसले अरूको रगत बगाउने योजना सुन्‍नदेखि आफ्नो कान थुन्छ

अनि जसले खराब कुरा नहेर्न आफ्नो आँखा बन्द गर्छ,

१६ त्यस्तो मानिस उच्च ठाउँमा बस्नेछ,

चट्टानका गढीहरू उसको शरणस्थान* हुनेछन्‌,

उसलाई खानेकुराको कुनै कमी हुनेछैन

अनि उसलाई कहिल्यै पानीको अभाव हुनेछैन।”+

१७ अनि तिमीहरूका आँखाले राजालाई उसको पूरा वैभवसहित देख्नेछन्‌

अनि टाढाको देशलाई देख्नेछ।

१८ तिमीहरूको मनले पहिलेको त्रासलाई सम्झेर* यसो भन्‍नेछ:

“सचिव कहाँ छ?

तिरो तिर्ने मानिस कहाँ गयो?+

धरहरा गन्‍ने मानिस खै?”

१९ तिमीहरूले सोमत नभएका ती मानिसहरूलाई फेरि कहिल्यै देख्नेछैनौ,

जसको भाषा बुझ्न असाध्यै गाह्रो छ,

जसको भकभके बोली तिमीहरू बुझ्न सक्दैनौ।+

२० हामीले चाडहरू मनाउने गरेको सहर सियोनलाई हेर!+

तिमीहरूका आँखाले यरुसलेमलाई शान्त वासस्थानको रूपमा देख्नेछन्‌,

एउटा यस्तो पाल जो कहिल्यै हटाइनेछैन।+

त्यसका किलाहरू कहिल्यै उखेलिनेछैनन्‌

अनि त्यसका डोरीहरू कहिल्यै चुँडाइनेछैनन्‌।

२१ तर हाम्रा शक्‍तिशाली परमेश्‍वर यहोवाले

हाम्रो निम्ति नदी र ठूलठूला नहर बनेर हाम्रो रक्षा गर्नुहुनेछ।

हामीसित लड्‌न युद्धपोतहरू आउनेछैनन्‌

अनि ठूलठूलो जहाज एउटै पनि त्यहाँबाट जानेछैन।

२२ किनकि यहोवा हाम्रा न्यायकर्ता हुनुहुन्छ,+

यहोवा हाम्रा कानुनदाता हुनुहुन्छ,+

यहोवा हाम्रा राजा हुनुहुन्छ;+

हामीलाई बचाउने उहाँ नै हुनुहुन्छ।+

२३ तिमीहरूका* जहाजका डोरीहरू खुकुलो हुनेछन्‌;

तिनीहरूले मस्तुललाई बलियोगरि थाम्न अनि पाललाई फैलाउन सक्नेछैनन्‌।

त्यसबेला लुटका मालहरू प्रशस्तै बाँडिनेछ;

लङ्‌गडोले समेत थुप्रै मालसामान लैजानेछ।+

२४ अनि त्यस देशको कुनै बासिन्दाले यसो भन्‍नेछैन: “म बिरामी छु।”+

किनकि त्यहाँका मानिसहरूको पाप क्षमा गरिनेछ।+

३४ ए राष्ट्रहरू हो, नजिक आएर सुन।

ए जातिजातिका मानिसहरू हो, ध्यान देओ।

पृथ्वी र त्यसमा भएका सबै थोकले

अनि जमिन र त्यसका सबै उब्जनीले पनि सुनून्‌।

 २ किनकि यहोवा सबै राष्ट्रसित क्रोधित हुनुभएको छ।+

अनि तिनीहरूको सबै सेनादेखि उहाँ क्रोधित हुनुभएको छ।+

उहाँले तिनीहरूलाई नाश गर्नुहुनेछ;

उहाँले तिनीहरूलाई तरबारले मार्नुहुनेछ।+

 ३ मारिएकाहरूको लासहरू त्यतिकै फालिनेछ;

त्यसको दुर्गन्ध माथिसम्मै फैलिनेछ;+

तिनीहरूको रगत पहाडहरूमा बग्नेछ।*+

 ४ आकाशका सारा सेना नाश हुनेछन्‌

अनि आकाशलाई पनि मुठालाई जस्तै बेरिनेछ।

अङ्‌गुरको बोटबाट सुकेको पात झरेझैँ

अनि अन्जिरको बोटबाट सुकेको फल झरेझैँ

आकाशका सारा सेना झर्नेछन्‌।

 ५ “किनकि मेरो तरबार आकाशमा रगतले लतपत हुनेछ।+

एदोमलाई सजाय दिन मेरो तरबार त्यसमाथि उठ्‌नेछ;+

नाशको लागि मैले सुम्पेका मानिसहरूलाई त्यसले प्रहार गर्नेछ।

 ६ यहोवाले तरबार लिनुभएको छ र त्यो रगतले लतपत हुनेछ,

त्यो बोसोले ढाकिनेछ।

थुमा र बाख्राहरूको रगतले त्यो भिज्नेछ+

अनि थुमाको मिर्गौलाको बोसोले त्यो ढाकिनेछ।

किनकि यहोवाले बोज्राहमा एउटा बलिदान तयार पार्नुभएको छ

अनि एदोममा भयङ्‌कर काटमार गर्न लाग्नुभएको छ।+

 ७ जङ्‌गली साँढे पनि तिनीहरूसितै काटिनेछन्‌;

बाछाहरू र बलिया-बलिया साँढे पनि सँगसँगै काटिनेछन्‌।

तिनीहरूको भूमि रगतले भिज्नेछ

अनि त्यहाँको माटो बोसोले ढाक्नेछ।”

 ८ किनकि यहोवाले बदला लिने दिन तोक्नुभएको छ,+

सियोनको पक्षमा फैसला गर्ने र त्यसमाथि भएको अन्यायको साटो फेर्ने वर्ष उहाँले तोक्नुभएको छ।+

 ९ त्यसका* नदीहरूको पानी अलकत्रामा परिणत हुनेछ

र त्यसको माटो गन्धकमा परिणत हुनेछ।

अनि त्यो भूमि बलिरहेको अलकत्राजस्तो हुनेछ।

१० त्यसको आगो दिनरात बलिरहनेछ।

त्यसबाट धुवाँ उठ्‌न कहिल्यै बन्द हुनेछैन।

पुस्तौँपुस्तासम्म त्यो उजाड रहनेछ।

त्यसको बाटो भएर कुनै मानिस फेरि कहिल्यै हिँड्‌नेछैन।+

११ घाउँके हावासील* र दुम्सीले त्यहाँ अड्डा जमाउनेछन्‌।

लामकाने लाटोकोसेरो र काग त्यहाँ बस्नेछन्‌।

त्यस भूमिलाई निर्जन र उजाड तुल्याउन

उहाँले त्यसलाई नाप्ने डोरी र साहुलले* नाप्नुहुनेछ।

१२ त्यसका प्रतिष्ठित मानिसहरूमध्ये कोही पनि राजा हुनेछैन।

अनि त्यसका सबै राजकुमार नाश हुनेछन्‌।

१३ त्यसका बलिया किल्लाहरूमा काँडाको बोट उम्रिनेछ।

अनि त्यसका गढहरूमा सिस्नु र काँडे झार पलाउनेछ।

त्यो स्यालको ओडार+

र सुतुरमुर्ग* बस्ने ठाउँ हुनेछ।

१४ मरुभूमिका जन्तुहरू र हु-हु गर्दै कराउने जन्तुहरू त्यहाँ भेला हुनेछन्‌।

अनि जङ्‌गली बाख्राले आफ्नो साथीलाई डाक्नेछ।

चैतेचरा* त्यहाँ आउनेछ र बास बस्नेछ।

१५ उड्‌ने सर्पले त्यहाँ गुँड लगाउनेछ र अण्डा पार्नेछ

अनि अण्डा कोरलेर त्यसलाई सुरक्षित राख्नेछ।

त्यहाँ चीलहरू आ-आफ्नो जोडी लिएर ओत लाग्नेछन्‌।

१६ यहोवाको पुस्तकमा यो कुरा खोज र ठूलो स्वरले पढ:

तीमध्ये एउटै पनि हराउनेछैन।

त्यहाँ तिनीहरू सबै आ-आफ्नो जोडीसित हुनेछन्‌

किनकि यहोवाकै मुखबाट यो आज्ञा निस्किएको हो

र उहाँको शक्‍तिले नै तिनीहरूलाई भेला गराएको हो।

१७ उहाँले नै गोला हालेर र साहुलले* नापेर

तिनीहरूलाई आ-आफ्नो ठाउँमा बसाउनुभएको छ।

तिनीहरूले त्यहाँ सधैँको लागि अड्डा जमाउनेछन्‌।

पुस्तौँपुस्तासम्म तिनीहरू त्यहीँ बस्नेछन्‌।

३५ उजाड र सुक्खा भूमिले हर्ष मनाउनेछ।+

मरुभूमि रमाउनेछ र केशरको फूलझैँ फक्रनेछ।+

 २ त्यो अवश्‍य फक्रनेछ।+

त्यसले खुसी मनाउनेछ र जयजयकार गर्नेछ।

लेबनानको गौरव त्यसलाई दिइनेछ+

अनि त्यसको वैभव कर्मेल+ र सारोनको जस्तै हुनेछ।+

तिनीहरूले यहोवाको गौरव देख्नेछन्‌, हाम्रा परमेश्‍वरको वैभव देख्नेछन्‌।

 ३ दुर्बल हातहरूलाई बलिया पार।

थरथर काँपिरहेका घुँडाहरूलाई दह्रो बनाओ।+

 ४ ज-जसको मन भयभीत भएको छ, तिनीहरूलाई यसो भन:

“साहस गर! नडराऊ!

हेर, तिम्रा परमेश्‍वर बदला लिन आउनुहुनेछ,

उहाँ साटो फेर्न आउनुहुनेछ;+

उहाँ आउनुहुनेछ र तिमीलाई बचाउनुहुनेछ।”+

 ५ त्यसबेला अन्धाहरूका आँखा खोलिनेछन्‌+

र बहिराहरूका कान उघारिनेछन्‌।+

 ६ त्यसबेला लङ्‌गडो मृगझैँ उफ्रनेछ+

र गुँगोको जिब्रोले जयजयकार गर्नेछ+

किनकि उजाड भूमिमा पानीका मूल फुट्‌नेछन्‌

र मरुभूमिमा खोलाहरू बग्नेछन्‌।

 ७ चर्को घामले चिरा-चिरा परेको जमिन नर्कटै-नर्कट उम्रिएको दह बन्‍नेछ।

ओबानो भूमिमा पानीको मूल फुट्‌नेछ।+

स्यालहरूको ओडारमा+

हरिया-हरिया घाँस, नर्कट र मालिङ्‌गो* उम्रिनेछ।

 ८ त्यहाँ एउटा मूलबाटो हुनेछ;+

त्यसलाई पवित्र मार्ग भनिनेछ;

अशुद्ध मानिस त्यसमा हिँड्‌नेछैन।+

ज-जसका लागि त्यो मार्ग बनाइएको हो, तिनीहरू मात्र त्यसमा हिँड्‌नेछन्‌।

कुनै मूर्खले त्यसमा पाइला टेक्न पाउनेछैन।

 ९ त्यहाँ एउटै सिंह हुनेछैन,

कुनै पनि हिंस्रक जनावरले त्यहाँ पाइला टेक्नेछैन।

ती त्यहाँ पाइनेछैनन्‌।+

ज-जसलाई मोल तिरेर छुटाइएको छ, तिनीहरू मात्र त्यहाँ हिँड्‌नेछन्‌।+

१० यहोवाले उद्धार गर्नुभएकाहरू फर्कनेछन्‌+ र खुसीले कराउँदै सियोनमा आउनेछन्‌।+

कहिल्यै अन्त नहुने आनन्द तिनीहरूको शिरको मुकुट हुनेछ।+

तिनीहरूले रमाहट गर्नेछन्‌ र हर्ष मनाउनेछन्‌।

अनि शोक र दुःख तिनीहरूको सामनेबाट भाग्नेछ।+

२३ तैँले कसलाई हाँक दिइस्‌+ र कसको निन्दा गरिस्‌?

कसको विरुद्धमा तँ ठूलठूलो स्वरले कराइस्‌?+

तैँले कोविरुद्ध आफ्नो अहङ्‌कारी आँखा उठाइस्‌?

तैँले इस्राएलका पवित्र परमेश्‍वरविरुद्ध यी सब गरिस्‌!+

२४ तैँले आफ्ना सेवकहरूमार्फत यहोवालाई हाँक दिँदै यसो भनिस्‌,+

‘म आफ्ना अनगिन्ती रथसहित आउनेछु

र पहाडहरूको टुप्पोमा उक्लनेछु।+

म लेबनानको टाढा-टाढासम्मै पुग्नेछु।

म देवदारका अग्ला-अग्ला रूखहरू, धुपीका असल-असल रूखहरू काट्‌नेछु।

अनि अग्ला-अग्ला ठाउँमा भएका त्यसका शरणस्थान र त्यसका घना जङ्‌गलहरूमा छिर्नेछु।

२५ म इनार खन्‍नेछु र पानी पिउनेछु।

म आफ्नो पैतालाले मिश्रका खोलाहरू* सुकाइदिनेछु।’

२६ के तैँले सुनेको छैनस्‌? मैले धेरै अघि यो कुरा निश्‍चय गरिसकेको थिएँ।

मैले धेरै पहिले यसको तयारी गरेको थिएँ।+

अब म त्यो पूरा गर्नेछु।+

तैँले पर्खालले घेरिएका बलिया-बलिया सहरहरू उजाड पार्नेछस्‌।+

२७ ती सहरहरूका बासिन्दाहरू निस्सहाय हुनेछन्‌।

तिनीहरू डरले थरथर काँप्नेछन्‌ र लाजमा पर्नेछन्‌।

तिनीहरू खेतको बोटबिरुवा र हरियो घाँसपातझैँ ओइलाउनेछन्‌।

तिनीहरू घरको छतमा उम्रने घाँसझैँ हुनेछन्‌, जुन पूर्वीय बतासले गर्दा सुकिहाल्छ।

२८ तर तँ कहिले बस्छस्‌, कहिले बाहिर जान्छस्‌ अनि कहिले भित्र छिर्छस्‌, त्यो सब मलाई थाह छ।+

अनि तँ कहिले मसित रिसाउँछस्‌, त्यो पनि मलाई थाह छ।+

२९ किनकि मविरुद्धको तेरो रिस+ र तेरो गर्जन मेरो कानसम्मै पुगेको छ।+

त्यसैले म तेरो नाकमा अङ्‌कुसे र तेरो ओठमा लगाम लगाउनेछु+

अनि तँ जुन बाटो भएर आएको थिइस्‌, त्यही बाटोबाट तँलाई फर्काउनेछु।”

“ऊ यस सहरमा छिर्नेछैन,+

उसले यता काँड हान्‍नेछैन,

ढाल लिएर यसलाई आक्रमण गर्नेछैन

अनि यसविरुद्ध घेरा-मचान* पनि बनाउनेछैन।”’+

३४ यहोवा परमेश्‍वर यस्तो घोषणा गर्नुहुन्छ, ‘ऊ जुन बाटो भएर आएको थियो, त्यही बाटो भएर फर्कनेछ।

ऊ यस सहरमा छिर्नेछैन।’

३५ ‘म यस सहरको रक्षा गर्नेछु;+

म आफ्नो खातिर+ र आफ्नो सेवक दाउदको खातिर यसलाई जोगाउनेछु।’”+

१० मैले भनेँ, “मेरो आधा जीवन पनि नबित्दै

म चिहानको* ढोकामा छिर्नुपर्ने भयो।

मेरो जीवनका बाँकी वर्षहरू मैले देख्न पाउनेछैनँ।”

११ मैले भनेँ: “मैले जीवितहरूको देशमा याहलाई,* हो, याहलाई देख्न पाउनेछैनँ।+

जब म मरेकाहरूसित मिल्नेछु,

तब मैले मानवजातिलाई नियाल्न पाउनेछैनँ।

१२ गोठालोको पाललाई जस्तै

मेरो वासस्थानलाई उखेलिएको छ र मबाट खोसिएको छ।+

तानमा कपडा बुन्‍नेले कपडा बुनेर बेरेझैँ मैले आफ्नो जीवनलाई बेरेको छु।

उहाँले मलाई तानको डोरी काटेझैँ काटिदिनुभएको छ।

बिहानको मिरमिरेदेखि रात नपरेसम्म तपाईँ मलाई दुःख दिइरहनुहुन्छ।+

१३ म बिहानसम्म आफूलाई जसोतसो सम्हाल्छु।

तर उहाँ सिंहले झैँ मेरा हड्डीहरूलाई कऱ्‍याककुरुक पारिदिनुहुन्छ।

बिहानको मिरमिरेदेखि रात नपरेसम्म तपाईँ मलाई दुःख दिइरहनुहुन्छ।+

१४ गौँथली र चाँचरले* जस्तै म चिरबिर गरिरहन्छु।+

म ढुकुरले जस्तै कुर्लिरहन्छु।+

मास्तिर हेर्दा-हेर्दा मेरा आँखा थाकिसके।+

‘हे यहोवा, म साह्रै पीडामा छु,

मेरो सहारा बन्‍नुहोस्‌!’+

१५ म के नै भन्‍न सक्छु र?

उहाँले जसो भन्‍नुभएको थियो, त्यसै गर्नुभयो।

ममाथि आइपरेको यो दुःखको कारण

म जीवनभर नम्र भएर हिँड्‌नेछु।

१६ ‘हे यहोवा, प्रत्येक मानिस यी नै कुराको* भरमा बाँच्दछ।

मेरो जीवन पनि यी नै कुरामा अडिएको छ।

तपाईँले मलाई निको पार्नुहुनेछ र जीवितै राख्नुहुनेछ।+

१७ हेर्नुहोस्‌! म शान्तिको साटो तीतोपनाले भरिएको थिएँ।

तर तपाईँले मलाई विनाशको खाडलमा जाकिनदेखि जोगाउनुभयो,+

मेरा सबै पापहरूलाई तपाईँले आफ्नो नजरबाट हटाउनुभयो*+

किनकि तपाईँ मदेखि खुसी हुनुहुन्थ्यो।

१८ चिहानले* तपाईँको महिमा गर्न सक्दैन।+

मृत्युले तपाईँको जयजयकार गर्न सक्दैन।+

मृत्युको खाडलमा जानेहरूले तपाईँको वफादारीको आशा गर्न सक्दैनन्‌।+

१९ जिउँदाहरूले, हो, जिउँदाहरूले मात्र तपाईँको प्रशंसा गर्न सक्छन्‌,

जसरी आज म गर्दै छु।

अनि बुबाले आफ्ना छोराहरूलाई तपाईँको वफादारीबारे शिक्षा दिन सक्छन्‌।+

२० हे यहोवा! मलाई बचाउनुहोस्‌

अनि हामी आफ्नो जीवनभर यहोवाको भवनमा रहेर+

मैले रचेका गीतहरू तारे बाजाहरूमा गाउनेछौँ।’”+

 २ यरुसलेमलाई सान्त्वना देओ।

उसका दुःखका दिनहरू* सकिएका छन्‌

र उसले आफ्नो गल्तीको मोल चुकाइसकेको छ भनेर उसलाई बताओ।+

यहोवाको हातबाट उसले आफ्ना पापहरूको पूरा* हिसाब पाइसकेको छ।”+

 ३ उजाड ठाउँमा कोही यसो भन्दै कराइरहेको छ,

“यहोवाको बाटो तयार पार!+

हाम्रा परमेश्‍वरका लागि मरुभूमिमा सम्म परेको* मूलबाटो बनाऊ।+

 ४ हरेक बेँसी अग्लो बनाइयोस्‌।

हरेक पहाड र हरेक डाँडा होच्याइयोस्‌।

खाल्टाखुल्टी परेको बाटो सम्म पारियोस्‌

र खल्ड्‌याङखुल्डुङ परेको जमिनलाई समतल बनाइयोस्‌।+

 ५ यहोवाको महिमा प्रकट हुनेछ।+

सबै मानिसले त्यो देख्नेछन्‌+

किनकि यहोवाले नै यो कुरा भन्‍नुभएको हो।”

 ६ सुन! कोही यसो भन्दै छ: “घोषणा गर!”

अर्कोले भन्छ: “म के घोषणा गरूँ?”

“सबै मानिस हरिया घाँसजस्तै छन्‌।

तिनीहरूको अटल प्रेम मैदानको फूलजस्तै छ।+

 ७ जब यहोवाको सास त्यसमाथि पर्छ,

तब हरियो घाँस सुक्छ

र फूल ओइलाउँछ।+

साँच्चै, मानिसहरू हरिया घाँस मात्र हुन्‌।

 ८ हरियो घाँस सुकेर जान्छ

र फूल ओइलाइहाल्छ

तर हाम्रा परमेश्‍वरको वचन सदासर्वदै रहिरहन्छ।”+

 ९ ए सियोनका लागि शुभसमाचार ल्याउने स्त्री!+

अग्लो पर्वतमा उक्ल।

ए यरुसलेमका लागि शुभसमाचार ल्याउने स्त्री!

ठूलठूलो स्वरले भन।

नडराऊ, आफ्नो आवाज ठूलो पार!

यहुदाका सहरहरूलाई यसो भन: “हेर! तिमीहरूका परमेश्‍वर यहाँ हुनुहुन्छ।”+

१० हेर! ब्रह्‍माण्डका मालिक यहोवा आफ्नो पराक्रमका साथ आउनुहुनेछ।

उहाँको बाहुलीले उहाँको तर्फबाट शासन गर्नेछ।+

हेर! उहाँ इनाम लिएर आउँदै हुनुहुन्छ

अनि उहाँले दिनुहुने ज्याला उहाँसितै छ।+

११ गोठालोले झैँ उहाँले आफ्नो बगालको हेरचाह गर्नुहुनेछ।+

आफ्नो पाखुराले उहाँले पाठाहरूलाई जम्मा गर्नुहुनेछ

र तिनीहरूलाई आफ्नो छातीमा बोक्नुहुनेछ।

दूध खुवाइरहेका माउहरूलाई चाहिँ उहाँले बिस्तारै-बिस्तारै डोऱ्‍याउनुहुनेछ।+

१२ कसले समुद्रको पानीलाई आफ्नो अँजुलीमा नापेको छ?+

अनि कसले आकाशलाई आफ्नो बित्ताले* नापेको छ?

कसले पृथ्वीको धुलोलाई नाप्ने भाँडोमा जम्मा गरेको छ?+

अथवा कसले पहाडहरूलाई तराजुमा तौलेको छ?

अनि कसले डाँडाहरूलाई जोखेको छ?

१३ कसले यहोवाको शक्‍तिलाई नापेको छ?*

अनि उहाँको सल्लाहकार बनेर कसले उहाँलाई निर्देशन दिन सक्छ?+

१४ समझ पाउन उहाँले कसको सल्लाह लिनुभयो?

अथवा कसले उहाँलाई न्यायको मार्गमा चल्न सिकायो?

कसले उहाँलाई ज्ञान दियो?

कसले उहाँलाई सही समझको मार्ग देखायो?+

१५ हेर! राष्ट्रहरू त उहाँको लागि बाल्टिनबाट चुहिएको पानीको थोपाजस्तै छन्‌;

उहाँको नजरमा तिनीहरू तराजुमा टाँसिएको धुलोजस्तै छन्‌।+

हेर! उहाँ टापुहरूलाई मसिनो धुलोलाई झैँ उठाउनुहुन्छ।

१६ लेबनानका सारा रूखहरू काटे पनि वेदीको आगो बालिरहन पुग्दैन

न त त्यहाँका सारा जङ्‌गली जनावर अग्निभेटी चढाउनलाई पुग्छ।

१७ सारा राष्ट्रहरू उहाँको नजरमा केही पनि होइनन्‌;+

उहाँको लागि तिनीहरू व्यर्थका छन्‌, मानौँ तिनीहरूको कुनै अस्तित्व नै छैन।+

१८ तिमीहरू कोसित परमेश्‍वरको तुलना गर्छौ?+

उहाँको बराबरीमा आउन सक्ने कोही छ र?+

१९ कालिगडले धातु पगालेर मूर्ति बनाउँछ।

सुनारले त्यसलाई सुनले मोहोर्छ+

अनि त्यसका लागि चाँदीका सिक्रीहरू बनाउँछ।

२० मानिसले मूर्ति बनाउन किराले नखाने रूख छान्छ+

अनि नढलीकन बस्ने मूर्ति बनाउन

उसले निपुण कालिगड खोज्छ।+

२१ के तिमीहरूलाई थाह छैन?

के तिमीहरूले सुनेका छैनौ?

के तिमीहरूलाई सुरुदेखि नै बताइएको थिएन र?

पृथ्वीको जग बसालिएको समयदेखि नै साबित भएको कुरा के तिमीहरूले बुझेका छैनौ?+

२२ परमेश्‍वर पृथ्वीको घेराभन्दा* माथि विराजमान हुनुहुन्छ+

र उहाँको नजरमा पृथ्वीका बासिन्दाहरू फट्‌याङ्‌ग्राजस्तै छन्‌।

उहाँ आकाशलाई पातलो पर्दाझैँ फिँजाउनुहुन्छ

र त्यसलाई पालझैँ फैलाउनुहुन्छ।+

२३ उहाँले उच्च अधिकारीहरूलाई तल झार्नुहुन्छ

र पृथ्वीका न्यायाधीशहरूलाई* धुलोको कण तुल्याइदिनुहुन्छ।

२४ तिनीहरूलाई रोप्न नपाउँदै,

तिनीहरूलाई छर्न नपाउँदै,

तिनीहरूले माटोमा जरा गाड्‌न नपाउँदै

तिनीहरूलाई बतासले हान्छ र तिनीहरू सुकिहाल्छन्‌।

हावाले तिनीहरूलाई ठोसोलाई झैँ उडाएर लैजान्छ।+

२६ आफ्नो आँखा उठाएर आकाशतिर हेर।

यी सब कसले बनाएका हुन्‌?+

उहाँले नै होइन र, जसले तिनीहरूका सेनालाई गन्ती गरेर बोलाउनुहुन्छ?

उहाँले तिनीहरूलाई नाम काढेरै बोलाउनुहुन्छ।+

उहाँको अथाह शक्‍ति र विस्मयकारी सामर्थ्यले गर्दा+

तिनीहरूमध्ये एउटै हराउँदैन।

२७ ए याकुब! तिमी किन यसो भन्छौ,

अनि ए इस्राएल! तिमी किन यस्तो घोषणा गर्छौ,

‘मेरो मार्ग यहोवादेखि लुकेको छ।

मैले परमेश्‍वरबाट इन्साफ पाएकै छैनँ’?+

२८ के तिमीलाई थाह छैन? के तिमीले सुनेका छैनौ?

पृथ्वीमा भएका सबै थोक बनाउनुहुने यहोवा सदाको लागि* परमेश्‍वर हुनुहुन्छ।+

उहाँ कहिल्यै थाक्नुहुन्‍न न त कहिल्यै गल्नुहुन्छ।+

उहाँको समझलाई कसैले बुझ्न सक्दैन।+

२९ उहाँ थकितहरूलाई बल दिनुहुन्छ

र निर्बलहरूलाई शक्‍तिले भरिपूर्ण पार्नुहुन्छ।+

३० ठिटाहरू थाकेर शिथिल हुनेछन्‌

र युवकहरू ठक्कर खाएर लड्‌नेछन्‌।

३१ तर यहोवामा आशा राख्नेहरूले भने फेरि बल पाउनेछन्‌।

तिनीहरू चीलझैँ पखेटा फिँजाएर माथि-माथि उड्‌नेछन्‌।+

तिनीहरू दगुर्नेछन्‌ तर थाक्नेछैनन्‌;

तिनीहरू हिँड्‌नेछन्‌ तर गल्नेछैनन्‌।”+

४१ “ए टापुहरू हो! चुपचाप मेरो कुरा सुन।

जातिजातिले फेरि साहस देखाऊन्‌।

तिनीहरू मेरो अगाडि आऊन्‌ र आफ्नो कुरा राखून्‌।+

आओ! हामी भेला होऔँ अनि म तिमीहरूको मुद्दाको फैसला गर्नेछु।

 २ पूर्वमा उसलाई खडा गर्ने को हो?+

न्याय गर्न आफ्नो पाउनजिकै* उसलाई उभ्याउने को हो?

जातिजातिलाई उसको वशमा पार्न

अनि राजाहरूलाई उसको अधीनमा राख्न उसलाई खडा गर्ने को हो?+

उसको तरबारको अगाडि जातिजातिलाई धुलोपिठो पार्ने

र उसको धनुको सामने तिनीहरूलाई बतासले उडाएको ठोसोझैँ तुल्याउने को हो?

 ३ ऊ कहिल्यै नहिँडेको बाटोमा समेत

उसले तिनीहरूलाई सजिलै खेद्‌नेछ।

 ४ यी सब कुरा कसले गरेर देखाएको छ?

सुरुदेखिका पुस्ताहरूलाई कसले आज्ञा दिएको छ?

म यहोवा नै सबैभन्दा पहिलो हुँ+

अनि आखिरी पुस्ताका लागि पनि म त्यस्तै रहनेछु।”+

 ५ टापुहरू यी कुरा देखेर त्रसित भएका छन्‌;

पृथ्वीका टाढा-टाढाका देशहरूसमेत थरथर काँप्छन्‌

अनि तिनीहरू एकसाथ भेला हुन्छन्‌।

 ६ प्रत्येकले आफ्नो साथीलाई सघाउँछ

र आफ्नो भाइलाई यसो भन्छ: “हिम्मत नहार!”

 ७ कालिगडले सुनारको हिम्मत बढाउँछ+

अनि धातु पिट्‌न घन चलाउनेले

लिहिलीमा* धातु पिट्‌नेलाई हौसला दिन्छ।

धातुहरू जोड्‌ने काम सकिएपछि उसले यसो भन्छ: “राम्रो भयो!”

अनि त्यो नलडोस्‌ भनेर उसले त्यसलाई किला ठोकेर अड्‌याउँछ।

 ८ “तर ए इस्राएल, तिमी त मेरो सेवक हौ।+

अनि ए याकुब, तिमीलाई मैले रोजेको हुँ।+

तिमी मेरो मित्र अब्राहामका सन्तान हौ।+

 ९ तिमीलाई मैले पृथ्वीको पल्लो छेउबाट ल्याएँ।+

पृथ्वीको सबैभन्दा टाढाका देशहरूबाट मैले तिमीलाई बोलाएँ।

मैले तिमीलाई यसो भनेँ: ‘तिमी मेरो सेवक हौ।+

मैले तिमीलाई रोजेको छु, मैले तिमीलाई त्यागेको छैनँ।+

१० नडराऊ किनकि म तिमीसित छु;+

फिक्री नगर किनकि म तिम्रा परमेश्‍वर हुँ।+

म तिमीलाई बलियो पार्नेछु र तिमीलाई मदत गर्नेछु।+

धार्मिकता कायम गर्ने मेरो दायाँ हातले म तिमीलाई पक्रिराख्नेछु।’

११ तिमीसित क्रोधित हुनेहरू सबै लाजमा पर्नेछन्‌ र अपमानित हुनेछन्‌।+

तिमीलाई आक्रमण गर्नेहरूको नामोनिसान मेटिनेछ।+

१२ तिमीमाथि आइलाग्नेहरूलाई तिमीले खोज्नेछौ तर कतै फेला पार्नेछैनौ।

तिमीसित युद्ध गर्नेहरू सबै नामेट हुनेछन्‌, तिनीहरू बिलाएर जानेछन्‌।+

१३ किनकि म यहोवा तिम्रा परमेश्‍वरले तिम्रो दाहिने हात समातेको छु।

म तिमीलाई भन्छु, ‘नडराऊ, म तिमीलाई मदत गर्नेछु।’+

१४ ए याकुब, तिमी किराजस्तै कमजोर भए पनि नडराऊ।+

ए इस्राएलीहरू हो, म तिमीहरूलाई मदत गर्नेछु,”

तिमीहरूलाई मोल तिरेर छुटाउनुहुने+ इस्राएलका पवित्र परमेश्‍वर यहोवा भन्‍नुहुन्छ।

१५ “हेर, मैले तिमीलाई दाँदेजस्तै तुल्याएको छु,+

दुई लहर धारिलो दाँती भएको दाँदेजस्तै बनाएको छु।

तिमीले पहाडहरूलाई कुल्चेर धुलोपिठो पार्नेछौ

र डाँडाहरूलाई भुसजस्तै बनाउनेछौ।

१६ तिमीले तिनीहरूलाई निफन्‍नेछौ

र तिनीहरूलाई हावाले उडाएर लैजानेछ।

आँधीले तिनीहरूलाई छरपस्ट पार्नेछ।

यहोवाको कारण तिमी रमाउनेछौ।+

इस्राएलका पवित्र परमेश्‍वरमा तिमीले गर्व गर्नेछौ।”+

१७ “गरिब र दीनदुःखीहरू पानी खोज्छन्‌ तर कतै फेला पार्दैनन्‌।

तिर्खाले तिनीहरूको मुख सुकिसकेको छ+

तर म यहोवा तिनीहरूको पुकारा सुन्‍नेछु।+

म इस्राएलका परमेश्‍वरले तिनीहरूलाई त्याग्नेछैनँ।+

१८ नाङ्‌गा डाँडाहरूबाट म नदी बगाउनेछु+

र बेँसीका मैदानहरूमा खोला बगाउनेछु।+

मरुभूमिलाई म नर्कटले भरिएको पोखरी बनाउनेछु।

अनि सुक्खा ठाउँमा पानीको मूल फुटाउनेछु।+

१९ म मरुभूमिमा देवदारको रूख,

बबुलको रूख, मेहदीको बोट र सल्लाको रूख रोप्नेछु।+

अनि सुक्खा ठाउँमा धुपीको रूख,

लाँकुरीको रूख र राइसल्लाको रूख रोप्नेछु।+

२० जब मानिसहरूले यी सब देख्नेछन्‌

तब यहोवाको हातले नै यी गरेका हुन्‌

र इस्राएलका पवित्र परमेश्‍वरले नै यी काम गर्नुभएको हो+

भनेर तिनीहरूले बुझ्नेछन्‌।”

२१ यहोवा भन्‍नुहुन्छ, “तिमीहरूको मुद्दा सुरु गर।”

याकुबका राजा भन्‍नुहुन्छ, “प्रमाण पेस गर।”

२२ “ए मूर्तिहरू हो! सक्छौ भने प्रमाण देखाओ र पछि हुने कुराहरू बताओ।

उहिले-उहिलेका कुराहरू पनि सुनाओ

अनि हामी त्यसमा मनन गरौँ र नतिजा विचार गरौँ।

अथवा अब के हुन लागेको छ, त्यो बताओ।+

२३ भविष्यवाणी गरेर देखाओ

अनि तिमीहरू ईश्‍वर हौ भनेर हामी मानौँला।+

असल होस्‌ वा खराब, एउटा अचम्मको काम गर,

जुन देखेर हामी तीनछक परौँ।+

२४ हेर, तिमीहरूको त अस्तित्व नै छैन।

तिमीहरूका काम पनि व्यर्थका हुन्‌।+

अनि तिमीहरूको पछि लाग्नेहरू सबै घृणित हुन्‌।+

२५ मैले कसैलाई खडा गरेको छु र उसले उत्तरतिरबाट आक्रमण गर्नेछ।+

पूर्वतिरबाट* आउने जो हो, उसले+ मेरो नाम पुकार्नेछ।

उसले शासकहरूलाई माटोलाई झैँ कुल्चनेछ।+

कुमालेले गिलो माटोलाई कुल्चेझैँ उसले तिनीहरूलाई कुल्चीमिल्ची पार्नेछ।

२६ हामीलाई कसले सुरुदेखि नै यी कुरा बतायो र हामीले थाह पाउन सक्यौँ?

‘उसको कुरा ठीकै रहेछ’ भन्‍नलाई कसले यी कुरा पहिल्यै बतायो?+

कसैले बताएन!

कसैले पनि यी कुराहरूको घोषणा गरेन!

तिमीहरूको मुखबाट कसैले केही सुनेन!”+

२७ “हेर, यी कुराहरू हुनेछन्‌!” भनेर सियोनलाई सबैभन्दा पहिला बताउने मै हुँ।+

अनि यरुसलेमलाई शुभ समाचार दिन म एउटा दूत पठाउनेछु।+

२८ मैले यताउता हेरिरहेँ तर त्यहाँ कोही थिएन;

सल्लाह दिने एक जना पनि त्यहाँ थिएन।

मैले सोधिरहेँ तर कसैले जवाफ दिएन।

२९ हेर, तिनीहरूको त अस्तित्व नै छैन।

तिनीहरूका काम व्यर्थ हुन्‌;

धातुका मूर्तिहरू* हावा मात्र हुन्‌।+

४२ हेर! मेरो सेवक,+ जसलाई मैले साथ दिएको छु;

मैले रोजेको व्यक्‍ति,+ जसलाई मैले स्विकारेको छु।+

मैले तिनीमाथि आफ्नो पवित्र शक्‍ति खन्याएको छु।+

न्याय के हो भनेर तिनले जातिजातिका मानिसहरूलाई देखाउनेछन्‌।+

 २ तिनी चिच्याउनेछैनन्‌ वा ठूलो आवाज निकाल्नेछैनन्‌,

तिनले सडकमा गएर आफ्नो स्वर सुनाउनेछैनन्‌।+

 ३ तिनले फुटेको नर्कट भाँच्नेछैनन्‌,

धिपधिप बलिरहेको सलेदो निभाउनेछैनन्‌।+

तिनको न्याय भरपर्दो हुनेछ।+

 ४ तिनी दुर्बल वा थकित हुनेछैनन्‌;

तिनले पृथ्वीमा न्याय कायम गर्नेछन्‌+

र टापुहरू तिनको निर्देशनको* लागि पर्खिरहनेछन्‌।

 ५ यहोवा साँचो परमेश्‍वर हुनुहुन्छ; आकाश बनाउने पनि उहाँ नै हुनुहुन्छ।

उहाँ आकाशलाई फैलाउनुहुने महान्‌ परमेश्‍वर हुनुहुन्छ।+

उहाँले पृथ्वी र यसमा भएका सबै थोक बनाउनुभयो।+

उहाँले नै पृथ्वीका मानिसहरूलाई जीवन दिनुभयो

र त्यसमा हिँडडुल गर्नेहरूलाई सास दिनुभयो।+

उहाँ यसो भन्‍नुहुन्छ:

 ६ “म यहोवाले मेरो न्यायोचित उद्देश्‍यको लागि तिमीलाई बोलाएको छु;

मैले तिम्रो हात समातेको छु।

म तिम्रो रक्षा गर्नेछु अनि मानिसहरू र मबीच तिमी एउटा करार हुनेछौ+

अनि जातिजातिका मानिसहरूको निम्ति तिमी ज्योति बन्‍नेछौ।+

 ७ अनि तिमीले अन्धाको आँखा खोल्नेछौ,+

कैदीलाई कालकोठरीबाट मुक्‍त गर्नेछौ

र झ्यालखानाको अँध्यारोमा बसिरहेकाहरूलाई छुटाउनेछौ।+

 ८ म यहोवा हुँ। मेरो नाम त्यही हो।

मेरो महिमा म अरू कसैलाई दिन्‍नँ;*

मैले पाउनुपर्ने प्रशंसा मूर्तिहरूलाई दिन्‍नँ।+

 ९ हेर! पहिलेका कुराहरू पूरा भइसकेका छन्‌;

अब म नयाँ कुराहरू बताउँछु।

ती कुराहरू हुनुअघि नै म तिमीलाई त्यसबारे बताउँछु।”+

१० ए समुद्रमा यात्रा गर्नेहरू र त्यसमा भएका जीवहरूको नजिकै जानेहरू हो,

ए टापुहरू र त्यसमा बसोबास गर्नेहरू हो,+

यहोवाको लागि एउटा नयाँ गीत गाओ।+

पृथ्वीको कुनाकुनामा उहाँको प्रशंसा गर।+

११ उजाड भूमि र त्यसका सहरहरूले

अनि केदारका+ बस्तीहरूले समेत आफ्नो स्वर उचालून्‌।+

चट्टानका बासिन्दाहरू पनि रमाउँदै कराऊन्‌;

पहाडका टुप्पाहरूबाट तिनीहरू ठूलो स्वरले कराऊन्‌।

१२ तिनीहरूले यहोवाको महिमा गरून्‌

र टापुहरूमा उहाँको प्रशंसा गरून्‌।+

१३ यहोवा पराक्रमी योद्धाझैँ निस्कनुहुनेछ।+

उहाँ योद्धाझैँ जोसका साथ आउनुहुनेछ।+

ठूलो स्वरले कराएर उहाँले युद्धको घोषणा गर्नुहुनेछ।

उहाँले आफूलाई शत्रुहरूभन्दा पराक्रमी साबित गर्नुहुनेछ।+

१४ “म निकै बेरसम्म चुपचाप बसेँ।

म शान्त रहेँ र आफैलाई रोकिराखेँ।

तर अब म सुत्केरी बेथा लागेकी स्त्रीझैँ

कराउनेछु, सुस्केरा हाल्नेछु र लामो-लामो सास फेर्नेछु।

१५ म पहाड र डाँडाहरूलाई उजाड पार्नेछु

र त्यहाँका सबै वनस्पति सुकाइदिनेछु।

म नदीहरूलाई सुक्खा जमिन* बनाइदिनेछु

र नर्कट उम्रने पोखरीहरूलाई सुकाइदिनेछु।+

१६ म अन्धाहरूलाई अन्जान बाटोमा लैजानेछु,+

तिनीहरूले नचिनेको बाटोमा हिँडाउनेछु।+

तिनीहरूसामु छाएको अन्धकारलाई उज्यालोमा परिणत गर्नेछु+

र खाल्टाखुल्टी परेको बाटोलाई सम्म पार्नेछु।+

म तिनीहरूका लागि यी सब काम गर्नेछु, म तिनीहरूलाई त्याग्नेछैनँ।”

१७ कुँदेर बनाइएका मूर्तिहरूमा भरोसा राख्नेहरू

र धातु पगालेर बनाइएका मूर्तिहरूलाई “हाम्रो ईश्‍वर” भन्‍नेहरू

लाजमा पर्नेछन्‌ र पछि हट्‌नेछन्‌।+

१८ ए बहिरा हो, सुन!

ए अन्धा हो, आँखा खोल र हेर।+

१९ मेरो सेवकबाहेक अरू को अन्धो छ र?

मैले पठाएको दूतजस्तो बहिरो अरू को छ र?

जसलाई मैले इनाम दिएँ, ऊजस्तो अन्धो अरू को छ र?

यहोवाको सेवकजस्तो अन्धो अरू को छ र?+

२० तिमीहरू थुप्रै कुरा देख्छौ तर ध्यान दिएर हेर्दैनौ।

तिमीहरूको कान खुल्लै छ तर तिमीहरू सुन्दैनौ।+

२१ यहोवा जे सही छ, त्यही गर्नुहुन्छ;

त्यसैले आफ्नो व्यवस्था* शानदार र महान्‌ छ भनेर उहाँले खुसीसाथ देखाउनुभएको छ।

२२ तर तिनीहरू लुटपाटमा परेका मानिसहरू हुन्‌;+

तिनीहरू सबै गुफामा फसेका छन्‌ र झ्यालखानामा बन्द छन्‌।+

तिनीहरू लुटिएका छन्‌ तर तिनीहरूलाई बचाउने कोही छैन।+

तिनीहरूको निम्ति कसैले यसो भन्दैन: “यिनीहरूको उद्धार गर।”

२३ तिमीहरूमध्ये कसले यो कुरा सुन्छ?

आउने समयलाई विचार गरेर कसले यस कुरामा ध्यान दिन्छ?

२४ कसले याकुबलाई लुटिन दियो?

अनि कसले इस्राएललाई लुटेराको हातमा सुम्पियो?

यहोवाले नै होइन र?

किनकि उहाँको विरुद्धमा तिनीहरूले पाप गरे।

उहाँको मार्गमा हिँड्‌न तिनीहरूले इन्कार गरे

अनि उहाँको व्यवस्था* पालन गरेनन्‌।+

२५ त्यसैले उहाँले तिनीहरूमाथि आफ्नो क्रोध खन्याउनुभयो,

उहाँको रिस र युद्धको आगो।+

त्यसले तिनीहरूवरपरका सबै कुरालाई सखाप पाऱ्‍यो तर तिनीहरूले ध्यानै दिएनन्‌।+

आगो तिनीहरूमाथि पनि दन्कियो तैपनि तिनीहरूले वास्तै गरेनन्‌।+

४३ हे याकुब, जसले तिमीलाई सृष्टि गर्नुभयो,

हे इस्राएल, जसले तिमीलाई बनाउनुभयो,+

उनै परमेश्‍वर यहोवा यसो भन्‍नुहुन्छ:

“नडराऊ, मैले तिमीलाई मोल तिरेर छुटाएको छु।+

मैले तिमीलाई नामै काढेर बोलाएको छु।

तिमी मेरै हौ।

 २ तिमी पानीबाट जाँदा म तिमीसित हुनेछु,+

तिमी नदीबाट जाँदा त्यसले तिमीलाई डुबाउनेछैन।+

तिमी आगोबाट जाँदा त्यसले तिमीलाई डढाउनेछैन,

त्यसको ज्वालाले तिमीलाई पोल्नेछैन।

 ३ किनभने म यहोवा तिम्रा परमेश्‍वर हुँ,

इस्राएलका पवित्र परमेश्‍वर, तिम्रा उद्धारक।

तिमीलाई छुटाउन मैले फिरौतीस्वरूप मिश्र दिएको छु,

इथियोपिया र सिबा दिएर मैले तिमीलाई छुटाएको छु।

 ४ किनकि मेरो नजरमा तिमी अनमोल छौ,+

तिमी आदर गर्न लायकको छौ, म तिमीलाई माया गर्छु।+

त्यसैले तिम्रो बदलामा म मानिसहरू दिनेछु,

तिम्रो जीवनको लागि म देशहरू दिनेछु।

 ५ नडराऊ किनकि म तिमीसित छु।+

तिम्रा सन्तानलाई म पूर्वबाट ल्याउनेछु

अनि तिमीहरूलाई पश्‍चिमबाट जम्मा गर्नेछु।+

 ६ म उत्तरलाई यस्तो आदेश दिनेछु, ‘तिनीहरूलाई छोडिदेऊ!’+

अनि दक्षिणलाई यसो भन्‍नेछु, ‘तिनीहरूलाई नरोक!

मेरा छोराहरूलाई टाढाबाट र मेरा छोरीहरूलाई पृथ्वीको कुनाकुनाबाट लिएर आऊ।+

 ७ मेरो नामबाट चिनिएका हरेकलाई+

र मेरो महिमाको लागि मैले सृष्टि गरेका सबैलाई,

जसलाई मैले रचेँ र बनाएँ,+ तिनीहरूलाई लिएर आऊ।’

 ८ आँखा भएर पनि नदेख्ने

अनि कान भएर पनि नसुन्‍ने ती मानिसहरूलाई लिएर आऊ।+

 ९ सबै देश जम्मा होऊन्‌,

देश-देशका मानिसहरू एक ठाउँमा भेला होऊन्‌।+

तिनीहरूमध्ये कसलाई यो कुरा थाह छ?

पहिलेका कुरा* कसले भन्‍न सक्छ?+

आफूलाई सही साबित गर्न तिनीहरूले साक्षीहरू पेस गरून्‌,

अरूले तिनीहरूको कुरा सुनून्‌ र यसो भन्‍न सकून्‌, ‘यो कुरा सत्य हो!’”+

१० यहोवा घोषणा गर्नुहुन्छ, “तिमीहरू मेरा साक्षी हौ,+

तिमीहरूले मलाई चिन्‍न र ममाथि विश्‍वास* गर्न सक

र म त्यही हुँ भन्‍ने कुरा बुझ्न सक भनेर+

मैले तिमीहरूलाई आफ्नो सेवकको रूपमा छानेको हुँ।+

मेरो अघि कुनै ईश्‍वर थिएन

न त मेरो पछि कोही हुनेछ।+

१२ “तिमीहरूमाझ अरू कुनै विदेशी देवता नहुँदै

तिमीहरूसित कुरा गर्ने, तिमीहरूलाई बचाउने र समझ दिने मै थिएँ।+

त्यसैले म साँचो परमेश्‍वर हुँ र तिमीहरू मेरा साक्षी हौ,” यहोवा घोषणा गर्नुहुन्छ।+

१३ “अनि म सधैँ उही रहनेछु;+

मेरो हातबाट कसैले केही खोस्न सक्दैन।+

जब म केही गर्छु, तब कसले मलाई रोक्न सक्छ?”+

१४ तिमीहरूलाई मोल तिरेर छुटाउनुहुने+ इस्राएलका पवित्र परमेश्‍वर यहोवा+ यसो भन्‍नुहुन्छ:

“तिमीहरूको खातिर म बेबिलोनमा मानिसहरू पठाउनेछु र त्यसका ढोकाहरू भत्काउनेछु।+

अनि जहाजमा भएका कल्दियालीहरू आफूमाथि आइपरेको दुःखले गर्दा रुनेछन्‌।+

१६ यहोवा परमेश्‍वर,

जसले समुद्रको बीचमा बाटो खोल्नुहुन्छ,

जसले उर्लँदो छालको बीचमा पनि गोरेटो बाटो बनाउनुहुन्छ,+

१७ जो युद्धको रथ र घोडासहित निस्कनुहुन्छ,+

जो शक्‍तिशाली योद्धाहरूको फौज लिएर निस्कनुहुन्छ,

उहाँ यसो भन्‍नुहुन्छ: “तिनीहरू ढल्नेछन्‌ तर फेरि उठ्‌नेछैनन्‌।+

बलिरहेको सलेदोलाई जस्तै तिनीहरूलाई निभाइनेछ।”

१८ “बितेका कुराहरूलाई बिर्सिदेओ,

विगतका कुराहरूमा घोरिएर नबस।

१९ हेर, म एउटा नयाँ काम गर्दै छु,+

त्यसको सुरुवात भइसकेको छ।

के तिमीहरू देख्दैनौ?

म उजाड ठाउँमा बाटो बनाउनेछु+

र मरुभूमिमा नदी बगाउनेछु।+

२० तब स्याल, सुतुरमुर्ग*

र जङ्‌गली जनावरहरूले मेरो आदर गर्नेछन्‌।

किनकि मेरा मानिसहरू, मैले रोजेका जनले पिऊन्‌ भनेर+

म उजाड ठाउँमा पानीको मूल फुटाउनेछु+

र मरुभूमिमा नदी बगाउनेछु।

२१ मैले आफ्नो निम्ति खडा गरेको जातिको लागि म यसो गर्नेछु,

तिनीहरूले मेरो प्रशंसा गरून्‌ भनेर मैले तिनीहरूलाई खडा गरेँ।+

२२ तर ए याकुब, तिमीले मलाई पुकारेनौ।+

ए इस्राएल, तिमी मदेखि अघायौ।+

२३ मेरो लागि अग्निभेटी चढाउन तिमीले भेडाहरू ल्याएनौ

अनि मेरो महिमा गर्न तिमीले कुनै बलिदान चढाएनौ।

मैले तिमीसँग जबरजस्ती भेटी मागेको छैनँ