ኢሳይያስ

 2 ሰማያት ሆይ፣ ስሙ፤ ምድር ሆይ፣ አድምጪ፤+

ይሖዋ እንዲህ ሲል ተናግሯልና፦

“ወንዶች ልጆችን ተንከባክቤ አሳደግኩ፤+

እነሱ ግን በእኔ ላይ ዓመፁ።+

 3 በሬ ጌታውን፣

አህያም የባለቤቱን ጋጣ በሚገባ ያውቃል፤

እስራኤል ግን እኔን* አላወቀም፤+

የገዛ ሕዝቤም አላስተዋለም።”

 4 ኃጢአተኛ የሆነው ብሔር፣+

ከባድ በደል የተጫነው ሕዝብ፣

የክፉዎች ዘር፣ ብልሹ የሆኑ ልጆች ወዮላቸው!

እነሱ ይሖዋን ትተዋል፤+

የእስራኤልን ቅዱስ አቃለዋል፤

ጀርባቸውን ሰጥተውታል።

መላው ራስ ታሟል፤

መላው ልብም በበሽታ ተይዟል።+

በቁስልና በሰምበር ተሞልቷል፤ እንዲሁም ተተልትሏል፤

ቁስሉ አልታከመም* ወይም አልታሰረም አሊያም በዘይት አለዘበም።+

 8 የጽዮን ሴት ልጅ በወይን እርሻ ውስጥ እንዳለ መጠለያ፣*

በኪያር የእርሻ ቦታ እንዳለ ጎጆ፣

እንደተከበበችም ከተማ ተትታለች።+

 9 የሠራዊት ጌታ ይሖዋ ጥቂት ሰዎች ከጥፋት እንዲተርፉልን ባያደርግ ኖሮ

እንደ ሰዶም በሆንን፣

ገሞራንም በመሰልን ነበር።+

“የሚቃጠሉ የአውራ በግ መባዎችና+ የደለቡ እንስሳት ስብ+ በቅቶኛል፤

በወይፈኖች፣+ በበግ ጠቦቶችና በፍየሎች+ ደም+ ደስ አልሰኝም።

12 በፊቴ ለመቅረብ የምትመጡት፣+

ይህን እንድታደርጉ፣

የቤተ መቅደሴን ግቢ እንድትረግጡ ማን ጠይቋችሁ ነው?+

ለእኔ ሸክም ሆነውብኛል፤

እነሱንም ከመሸከሜ የተነሳ ዝያለሁ።

15 እጆቻችሁን ስትዘረጉ

ዓይኖቼን ከእናንተ እሰውራለሁ።+

ጸሎት ብታበዙም እንኳ+

አልሰማችሁም፤+

እጆቻችሁ በደም ተሞልተዋል።+

16 ታጠቡ፤ ራሳችሁንም አንጹ፤+

ክፉ ሥራችሁን ከፊቴ አስወግዱ፤

መጥፎ ድርጊት መፈጸማችሁን አቁሙ።+

17 መልካም ማድረግን ተማሩ፤ ፍትሕን ፈልጉ፤+

ጨቋኙ እንዲታረም አድርጉ፤

አባት የሌለውን ልጅ* መብት አስከብሩ፤

ለመበለቲቱም ተሟገቱ።”+

“ኃጢአታችሁ እንደ ደም ቢቀላ

እንደ በረዶ ይነጣል፤+

እንደ ደማቅ ቀይ ጨርቅ ቢቀላም

እንደ ነጭ የሱፍ ጨርቅ ይሆናል።

19 እሺ ብትሉና ብትታዘዙ

የምድሪቱን መልካም ፍሬ ትበላላችሁ።+

20 እንቢ ብትሉና ብታምፁ ግን

ሰይፍ ይበላችኋል፤+

የይሖዋ አፍ ይህን ተናግሯልና።”

ፍትሕ የሞላባትና+

ጽድቅ የሰፈነባት ነበረች፤+

አሁን ግን የነፍሰ ገዳዮች ጎሬ ሆናለች።+

22 ብርሽ እንደ ዝቃጭ ሆኗል፤+

መጠጥሽ* በውኃ ተበርዟል።

አባት የሌለው ልጅ ፍትሕ እንዲያገኝ* አያደርጉም፤

የመበለቲቱም አቤቱታ ወደ እነሱ አይደርስም።+

24 ስለዚህ እውነተኛው ጌታ፣ የሠራዊት ጌታ ይሖዋ፣

የእስራኤል ኃያል አምላክ እንዲህ ይላል፦

“እንግዲያው ስሙ! ባላጋራዎቼን አጠፋለሁ፤

ጠላቶቼንም እበቀላለሁ።+

25 እጄን በአንቺ ላይ አነሳለሁ፤

በመርዝ የማጥራት ያህል ቆሻሻሽን አቅልጬ አወጣለሁ፤

ዝቃጭሽንም ሁሉ አስወግዳለሁ።+

26 መጀመሪያ ላይ እንደነበረው ፈራጆችሽን፣

እንደቀድሞውም አማካሪዎችሽን መልሼ አመጣለሁ።+

27 ጽዮን በፍትሕ፣

የሚመለሱት ነዋሪዎቿም በጽድቅ ይቤዣሉ።+

28 ዓመፀኞችና ኃጢአተኞች በአንድ ላይ ይደቅቃሉ፤+

ይሖዋን የሚተዉም ያከትምላቸዋል።+

29 እናንተ በተመኛችኋቸው ግዙፍ ዛፎች ያፍራሉና፤+

በመረጣችኋቸው የአትክልት ቦታዎች* የተነሳም ትዋረዳላችሁ።+

30 ቅጠሉ እንደጠወለገ ትልቅ ዛፍ፣+

ውኃም እንደሌለው የአትክልት ቦታ ትሆናላችሁና።

31 ብርቱውም ሰው እንደ ተልባ እግር* ይሆናል፤

የሥራውም ውጤት እንደ እሳት ብልጭታ ይሆናል፤

ሁለቱም አብረው ይቃጠላሉ፤

እሳቱንም ማጥፋት የሚችል ማንም የለም።”

 2 በዘመኑ መጨረሻ*

የይሖዋ ቤት ተራራ

ከተራሮች አናት በላይ ጸንቶ ይቆማል፤+

ከኮረብቶችም በላይ ከፍ ከፍ ይላል፤

ብሔራትም ሁሉ ወደዚያ ይጎርፋሉ።+

“ኑ፤ ወደ ይሖዋ ተራራ፣

ወደ ያዕቆብ አምላክ ቤት እንውጣ።+

እሱ ስለ መንገዶቹ ያስተምረናል፤

በጎዳናዎቹም እንሄዳለን።”+

ሕግ* ከጽዮን፣

የይሖዋም ቃል ከኢየሩሳሌም ይወጣልና።+

 4 እሱ በብሔራት መካከል ይፈርዳል፤

ከብዙ ሕዝቦች ጋር በተያያዘም ሁሉንም ነገር ያቀናል።*

እነሱ ሰይፋቸውን ማረሻ፣

ጦራቸውንም ማጭድ ለማድረግ ይቀጠቅጣሉ።+

አንዱ ብሔር በሌላው ብሔር ላይ ሰይፍ አያነሳም፤

ከእንግዲህ ወዲህ ጦርነት አይማሩም።+

 5 እናንተ የያዕቆብ ቤት ሆይ፣ ኑ፤

በይሖዋ ብርሃን እንሂድ።+

 6 አንተ ሕዝብህን ይኸውም የያዕቆብን ቤት ትተሃል፤+

ምክንያቱም እነሱ ከምሥራቅ በመጡ ነገሮች ተሞልተዋል፤

እንደ ፍልስጤማውያን የአስማት ድርጊቶችን ይፈጽማሉ፤+

በባዕድ አገር ሰዎች ልጆችም ተጥለቅልቀዋል።

 7 ምድራቸው በብርና በወርቅ ተሞልታለች፤

ሀብታቸውም ገደብ የለውም።

ምድራቸው በፈረሶች ተሞልታለች፤

ሠረገሎቻቸውም ስፍር ቁጥር የላቸውም።+

የገዛ እጃቸው ለሠራው፣

የገዛ ጣታቸውም ላበጀው ነገር ይሰግዳሉ።

 9 በመሆኑም ሰው አንገቱን ይደፋል፤ ኀፍረትም ይከናነባል፤

አንተም ይቅር ልትላቸው አትችልም።

10 ይሖዋ አስፈሪ ከመሆኑ የተነሳና

ከታላቅ ግርማው የተነሳ

በዓለት ውስጥ ተደበቅ፤ በመሬትም ውስጥ ተሸሸግ።+

11 ትዕቢተኛ ዓይኖች ይዋረዳሉ፤

እብሪተኛ ሰዎችም አንገታቸውን ይደፋሉ።*

ቀኑ ትዕቢተኛና ኩሩ በሆነው ሁሉ ላይ፣

ከፍ ባለውም ሆነ ዝቅ ባለው ሁሉ ላይ ይመጣል፤+

13 ታላላቅ በሆኑትና ከፍ ከፍ ባሉት አርዘ ሊባኖሶች ሁሉ ላይ

እንዲሁም በባሳን የባሉጥ ዛፎች ሁሉ ላይ፣

14 ታላላቅ በሆኑት ተራሮች ሁሉና

በረጃጅም ኮረብቶች ሁሉ ላይ፣

15 ረጅም በሆነ ማማ ሁሉና ጠንካራ በሆነ ግንብ ሁሉ ላይ፣

16 በተርሴስ መርከቦች+ ሁሉና

በሚያማምሩ ጀልባዎች ሁሉ ላይ ይደርሳል።

17 ትዕቢተኛ ሰው ይዋረዳል፤

እብሪተኞችም አንገታቸውን ይደፋሉ።*

19 ይሖዋ ምድርን በሽብር ለማንቀጥቀጥ በሚነሳበት ጊዜ፣

አስፈሪ ከመሆኑ የተነሳና

ከታላቅ ግርማው የተነሳ+

ሰዎች በዓለት ዋሻዎችና

በጉድጓዶች ውስጥ* ይደበቃሉ።+

20 በዚያ ቀን፣ ሰዎች በፊታቸው ይሰግዱ ዘንድ

ለራሳቸው የሠሯቸውን ከንቱ የሆኑ የብርና የወርቅ አማልክት

ለአይጦችና* ለሌሊት ወፎች ይወረውራሉ፤+

21 ይሖዋ ምድርን በሽብር ለማንቀጥቀጥ በሚነሳበት ጊዜ፣

አስፈሪ ከመሆኑ የተነሳና

ከታላቅ ግርማው የተነሳ

በዓለት ዋሻዎችና

በቋጥኝ ስንጥቆች ውስጥ ይደበቃሉ።

22 ለራሳችሁ ስትሉ፣

ከአፍንጫው እንደሚወጣ እስትንፋስ በሆነ ሰው* አትታመኑ።

3 እነሆ፣ እውነተኛው ጌታ፣ የሠራዊት ጌታ ይሖዋ

ኢየሩሳሌምና ይሁዳ ማንኛውም ዓይነት ድጋፍና አቅርቦት

ይኸውም የምግብና የውኃ አቅርቦት ሁሉ እንዲቋረጥባቸው ያደርጋል፤+

 2 ኃያሉን ሰውና ተዋጊውን፣

ዳኛውንና ነቢዩን፣+ ሟርተኛውንና ሽማግሌውን፣

 3 የሃምሳ አለቃውን፣+ ባለሥልጣኑንና አማካሪውን፣

በአስማት የተካነውንና በድግምት የላቀ ችሎታ ያለውን ያስወግዳል።+

 4 በእነሱ ላይ ልጆችን መኳንንት አድርጌ እሾማለሁ፤

ያልሰከነ* ሰውም ይገዛቸዋል።

 5 ሕዝቡ አንዱ ሌላውን፣

እያንዳንዱም ባልንጀራውን ይጨቁናል።+

ልጅ በሽማግሌ ላይ ጥቃት ይሰነዝራል፤

ተራው ሰውም የተከበረውን ይዳፈራል።+

“እኔ ቁስላችሁን አላክምም፤*

በቤቴ ምግብም ሆነ ልብስ የለም።

 8 ኢየሩሳሌም ተሰናክላለችና፤

ይሁዳም ወድቃለች፤

ምክንያቱም እነሱ በአንደበታቸውም ሆነ በሥራቸው ይሖዋን ይቃወማሉ፤

በክብራማው አምላክ ፊት* አሻፈረን ይላሉ።+

 9 የፊታቸው ገጽታ ይመሠክርባቸዋል፤

ደግሞም እንደ ሰዶም+ ኃጢአታቸውን በይፋ ይናገራሉ፤

ኃጢአታቸውን ለመደበቅ አይሞክሩም።

10 ለጻድቃን መልካም እንደሚሆንላቸው ንገሯቸው፤

ለሥራቸው ወሮታ ይከፈላቸዋል።*+

ጥፋት ይደርስበታል፤

በሌሎች ላይ ሲያደርግ የነበረው በራሱ ላይ ይደርሳልና!

12 የሕዝቤ አሠሪዎች ጨቋኞች ናቸው፤

ሴቶችም ይገዟቸዋል።

ሕዝቤ ሆይ፣ የሚመሯችሁ ሰዎች እንድትባዝኑና

በየትኛው መንገድ እንደምትሄዱ ግራ እንድትጋቡ እያደረጓችሁ ነው።+

13 ይሖዋ ለመክሰስ ተሰይሟል፤

በሕዝቦች ላይ ብያኔውን ለማሰማት ተነስቷል።

“የወይኑን እርሻ አቃጥላችኋል፤

ከድሃው የዘረፋችሁት ንብረትም በቤታችሁ ይገኛል።+

15 ሕዝቤን የምታደቁት፣ የድሆችንም ፊት መሬት ላይ የምትፈጩት

እንዴት ብትዳፈሩ ነው?”+ ይላል ሉዓላዊው ጌታ፣ የሠራዊት ጌታ ይሖዋ።

16 ይሖዋ እንዲህ ይላል፦ “የጽዮን ሴቶች ልጆች ትዕቢተኛ ስለሆኑ፣

ራሳቸውን ቀና አድርገው* ስለሚራመዱ፣

በዓይናቸው እየተጣቀሱና እየተውረገረጉ በመሄድ

እግራቸው ላይ ያደረጉትን አልቦ ስለሚያቃጭሉ፣

17 ይሖዋ የጽዮንን ሴቶች አናት በቁስል ይመታል፤

ደግሞም ይሖዋ ግንባራቸውን ይገልጣል።+

18 በዚያ ቀን ይሖዋ ጌጦቻቸውን ሁሉ ይነጥቃል፦

አልቦውን፣ የፀጉር ጌጡን፣ የጨረቃ ቅርጽ ያለውን ጌጥ፣+

19 የጆሮ ጉትቻውን፣* አምባሩን፣ መከናነቢያውን፣

20 የራስ መሸፈኛውን፣ የሰንሰለት አልቦውን፣ ጌጠኛውን መቀነት፣*

የሽቶ ዕቃውን፣* ክታቡን፣

21 የጣት ቀለበቱን፣ የአፍንጫ ቀለበቱን፣

22 የክት ልብሱን፣ መደረቢያውን፣ ካባውን፣ የእጅ ቦርሳውን፣

23 የእጅ መስተዋቱን፣+ የበፍታ ልብሶቹን፣*

ጥምጥሙንና መከናነቢያውን ይወስድባቸዋል።

24 በበለሳን ዘይት+ መዓዛ ፋንታ የጠነባ ሽታ፣

በመታጠቂያ ፋንታ ገመድ፣

አምሮ በተሠራ ፀጉር ፋንታ መላጣነት፣+

ባማረ ልብስ ፋንታ ማቅ፣+

በውበትም ፋንታ ጠባሳ* ይሆናል።

25 ወንዶችሽ በሰይፍ፣

ኃያላኖችሽም በውጊያ ይወድቃሉ።+

26 የከተማዋም መግቢያዎች ያዝናሉ፣ ያለቅሳሉም፤+

እሷም ባዶዋን ቀርታ በሐዘን መሬት ላይ ትቀመጣለች።”+

“የራሳችንን ምግብ እንበላለን፤

የራሳችንንም ልብስ እንለብሳለን፤

ብቻ በእኛ ላይ የደረሰው ውርደት* እንዲወገድ+

በአንተ ስም እንድንጠራ ፍቀድልን።”

5 እስቲ ለወዳጄ መዝሙር ልዘምር።

መዝሙሩ ስለ ወዳጄና ስለ ወይን እርሻው+ የሚገልጽ ነው።

ምርጥ የሆነ ቀይ ወይን ተከለ፤

በመካከሉ ማማ ገነባ፤

ድንጋይ ፈልፍሎም የወይን መጭመቂያ ጉድጓድ ሠራ።+

ከዚያም ‘ወይኑ ጥሩ ፍሬ ያፈራል’ ብሎ ይጠብቅ ጀመር፤

ይሁንና መጥፎ ፍሬ ብቻ አፈራ።+

 3 “እናንተ የኢየሩሳሌም ነዋሪዎችና የይሁዳ ሰዎች ሆይ፣

በእኔና በወይን እርሻዬ መካከል እስቲ ፍረዱ።+

 4 ለወይን እርሻዬ ከዚህ በላይ ላደርግለት የሚገባ

ምን ነገር አለ?+

‘ጥሩ ወይን ያፈራል’ ብዬ ስጠብቅ

መጥፎ ወይን ብቻ ያፈራው ለምንድን ነው?

 5 እንግዲህ በወይን እርሻዬ ላይ

ምን እንደማደርግ ልንገራችሁ፦

በዙሪያው ያለውን የቁጥቋጦ አጥር እነቅላለሁ፤

ለእሳትም ይማገዳል።+

የድንጋይ ቅጥሩን አፈርሳለሁ፤

በእግርም ይረጋገጣል።

 6 ቦታውን ጠፍ መሬት አደርገዋለሁ፤+

የወይን ተክሉ አይገረዝም እንዲሁም አይኮተኮትም።

ቁጥቋጦና አረም ይወርሰዋል፤+

ደመናቱም ዝናብ እንዳያዘንቡበት ትእዛዝ እሰጣለሁ።+

 7 የሠራዊት ጌታ የይሖዋ የወይን እርሻ የእስራኤል ቤት ነውና፤+

የይሁዳ ሰዎች እሱ ይወደው የነበረው የአትክልት ቦታ ናቸው።*

ፍትሕን ሲጠብቅ+

እነሆ፣ ግፍ ይፈጸማል፤

‘ጽድቅ ይሰፍናል’ ብሎ ሲጠብቅ

እነሆ፣ የጭንቅ ጩኸት ይሰማል።”+

 8 ቦታ እስኪጠፋ ድረስ

በቤት ላይ ቤት ለሚጨምሩና+

በመሬት ላይ መሬት ለሚይዙ ወዮላቸው!+

እናንተም በምድሪቱ ላይ ብቻችሁን ትቀመጣላችሁ።

 9 የሠራዊት ጌታ ይሖዋ ጆሮዬ እየሰማ እንዲህ ሲል ማለ፦

ብዙ ቤቶች ታላላቅና ያማሩ ቢሆኑም እንኳ

አንድም ነዋሪ የማይገኝባቸው

አስፈሪ ቦታዎች ይሆናሉ።+

10 ከአራት ሄክታር* የወይን እርሻ አንድ የባዶስ* መስፈሪያ ብቻ ይገኛል፤

ከአንድ የሆሜር* መስፈሪያ ዘርም አንድ የኢፍ* መስፈሪያ ብቻ ይገኛል።+

11 የሚያሰክር መጠጥ ለመጠጣት በማለዳ ለሚነሱ፣+

የወይን ጠጅ እስከሚያቃጥላቸው ድረስ እስከ ሌሊት ለሚያመሹ ወዮላቸው!

12 በግብዣቸው ላይ በገና፣ ባለ አውታር መሣሪያ፣

አታሞና ዋሽንት እንዲሁም የወይን ጠጅ አለ፤

እነሱ ግን ይሖዋ ያከናወነውን ተግባር አያስቡም፤

የእጁንም ሥራ አይመለከቱም።

13 ስለዚህ ሕዝቤ እውቀት በማጣቱ+

ተማርኮ ይወሰዳል፤

በመካከላቸው የሚገኙ የተከበሩ ሰዎች ይራባሉ፤+

ሕዝባቸውም እንዳለ በውኃ ጥም ይቃጠላል።

14 በመሆኑም መቃብር* ራሷን* አሰፋች፤

አፏንም ያለልክ ከፈተች፤+

የከተማዋ ውበት፣* የሚንጫጫው ሕዝቧና በውስጧ የሚፈነጥዙት ሰዎች

ወደዚያ ይወርዳሉ።

15 ሰውም አንገቱን ይደፋል፤

የሰው ልጅ ኀፍረት ይከናነባል፤

የትዕቢተኞችም ዓይን ይዋረዳል።

16 የሠራዊት ጌታ ይሖዋ በሚሰጠው ፍርድ* ከፍ ከፍ ይላል፤

ቅዱስ+ የሆነው እውነተኛው አምላክ በጽድቅ ራሱን ይቀድሳል።+

17 የበግ ጠቦቶችም በገዛ መሰማሪያቸው እንደተሰማሩ ሆነው ይግጣሉ፤

የባዕድ አገር ሰዎች፣ የሰቡ እንስሳት ይኖሩባቸው በነበሩ ወና የሆኑ ቦታዎች ይበላሉ።

18 በደላቸውን በአታላይ ገመድ የሚስቡ፣

ኃጢአታቸውንም በሠረገላ ገመድ የሚጎትቱ ወዮላቸው፤

19 “ሥራውን ያፋጥን፤

እናየውም ዘንድ ቶሎ ይምጣ።

እናውቀውም ዘንድ

የእስራኤል ቅዱስ አምላክ ዓላማ* ይፈጸም” የሚሉ ወዮላቸው!+

20 ጥሩውን መጥፎ፣ መጥፎውንም ጥሩ የሚሉ፣+

ጨለማውን በብርሃን፣ ብርሃኑን በጨለማ የሚተኩ

ጣፋጩን መራራ፣ መራራውን ጣፋጭ አድርገው የሚያቀርቡ ወዮላቸው!

21 በገዛ ዓይናቸው ጥበበኛ የሆኑና

በራሳቸው አመለካከት ልባም የሆኑ ወዮላቸው!+

22 የወይን ጠጅ በመጠጣት ረገድ ብርቱዎች የሆኑ፣

መጠጥ በመደባለቅም የተካኑ ወዮላቸው፤+

23 ጉቦ በመቀበል ክፉውን ከበደል ነፃ የሚያደርጉ፣+

ጻድቁንም ፍትሕ የሚነፍጉ ወዮላቸው!+

24 የእሳት ነበልባል ገለባን እንደሚበላ፣

የደረቀም ሣር በነበልባል በንኖ እንደሚጠፋ

የእነሱም ሥር ይበሰብሳል፤

አበባቸውም ልክ እንደ ዱቄት በየቦታው ይበናል፤

ምክንያቱም እነሱ የሠራዊት ጌታ የሆነውን የይሖዋን ሕግ* ለመቀበል አሻፈረን ብለዋል፣

የእስራኤል ቅዱስ የተናገረውንም ቃል ንቀዋል።+

25 የይሖዋ ቁጣ በሕዝቡ ላይ የነደደው በዚህ ምክንያት ነው፤

እሱም እጁን በእነሱ ላይ ይዘረጋል፤ ይመታቸዋልም።+

ተራሮችም ይናወጣሉ፤

አስከሬናቸውም በጎዳናዎች ላይ እንዳለ ቆሻሻ ይሆናል።+

ከዚህ ሁሉ የተነሳ ቁጣው አልተመለሰም፤

ይልቁንም እጁ ለመምታት ገና እንደተዘረጋ ነው።

26 በሩቅ ላለ ታላቅ ሕዝብም ምልክት* አቁሟል፤+

ከምድር ዳርቻ እንዲመጡ በፉጨት ጠርቷቸዋል፤+

እነሆም፣ ሕዝቡ በከፍተኛ ፍጥነት እየመጣ ነው።+

በወገባቸውም ላይ ያለው ቀበቶ አልተፈታም፤

እንዲሁም የጫማቸው ማሠሪያ አልተበጠሰም።

28 ፍላጻዎቻቸው ሁሉ የሾሉ፣

ደጋኖቻቸውም በሙሉ የተወጠሩ* ናቸው።

የፈረሶቻቸው ኮቴ እንደ ባልጩት ድንጋይ ነው፤

የሠረገሎቻቸውም መንኮራኩሮች* እንደ አውሎ ነፋስ ናቸው።+

29 ጩኸታቸው እንደ አንበሳ ነው፤

እንደ ደቦል አንበሳ ያገሳሉ።+

የጉርምርምታ ድምፅ እያሰሙ አድብተው ይይዛሉ፤

ከእጃቸውም የሚያስጥል ስለሌለ ተሸክመውት ይሄዳሉ።

30 በዚያም ቀን እንደ ባሕር ሞገድ

ያጉረመርሙበታል።+

ምድሪቷን ትኩር ብሎ የሚመለከት ማንኛውም ሰው የሚያስጨንቅ ጨለማ ያያል፤

ብርሃኑም እንኳ ከደመናው የተነሳ ጨልሟል።+

ከንፈሮቼ የረከሱብኝ ሰው ስለሆንኩና

የምኖረውም ከንፈራቸው በረከሰ ሕዝብ+ መካከል ስለሆነ

በቃ መሞቴ ነው፤*

ዓይኖቼ ንጉሡን፣ የሠራዊት ጌታ ይሖዋን ራሱን አይተዋልና!”

በደልህ ተወግዶልሃል፤

ኃጢአትህም ተሰርዮልሃል።”

‘ደጋግማችሁ ትሰማላችሁ፣

ነገር ግን አታስተውሉም፤

ደጋግማችሁ ታያላችሁ፣

ነገር ግን ምንም እውቀት አታገኙም።’+

10 በዓይናቸው እንዳያዩ፣

በጆሯቸውም እንዳይሰሙ፣

ልባቸውም እንዳያስተውል፣

ተመልሰውም እንዳይፈወሱ

የዚህን ሕዝብ ልብ አደንድን፤+

ጆሯቸውንም ድፈን፤+

ዓይናቸውንም ሸፍን።”+

“ከተሞች እስኪፈራርሱና የሚኖርባቸው እስኪያጡ፣

ቤቶችም ሰው አልባ እስኪሆኑ፣

ምድሪቱም እስክትጠፋና ባድማ እስክትሆን ድረስ ነው፤+

12 ይሖዋም ሰዎችን ወደ ሩቅ ቦታ እስከሚሰድ፣+

የምድሪቱም በረሃነት በእጅጉ እስኪስፋፋ ድረስ ነው።

“ይህ ሴራ አይሳካም፤

ደግሞም አይፈጸምም።

 8 የሶርያ ራስ ደማስቆ፣

የደማስቆ ራስ ደግሞ ረጺን ነውና።

ኤፍሬም በ65 ዓመት ውስጥ

ብትንትኑ ወጥቶ ሕዝብ መሆኑ ይቀራል።+

 9 የኤፍሬም ራስ ሰማርያ+ ነው፤

የሰማርያም ራስ የረማልያህ ልጅ ነው።+

ጠንካራ እምነት ከሌላችሁ

ጸንታችሁ መቆም አትችሉም።”’”

 6 “ይህ ሕዝብ ቀስ ብለው የሚወርዱትን የሺሎአ* ውኃዎች ንቆ+

በረጺንና በረማልያህ+ ልጅ ሐሴት ስላደረገ

 7 እነሆ፣ ይሖዋ ብርቱ የሆኑትንና ከፍተኛ መጠን ያላቸውን የወንዙን* ውኃዎች ይኸውም

የአሦርን ንጉሥና+ ክብሩን ሁሉ

በእነሱ ላይ ያመጣባቸዋል።

እሱም የውኃ መውረጃዎቹን ሁሉ ሞልቶ ይፈስሳል፤

ዳርቻዎቹንም ሁሉ ያጥለቀልቃል፤

 8 ይሁዳንም ጠራርጎ ይሄዳል።

አካባቢውን እያጥለቀለቀ በማለፍ እስከ አንገት ይደርሳል፤+

አማኑኤል*+ ሆይ፣ የተዘረጉት ክንፎቹ

ምድርህን ከዳር እስከ ዳር ይሸፍናሉ!”

የፈለጋችሁትን ተናገሩ፤ ሆኖም አይሳካም፤

አምላክ ከእኛ ጋር ነውና!*+

እነሱ የሚያስፈራቸውን ነገር አትፍሩ፤

አትንቀጥቀጡለትም።

13 ቅዱስ አድርጋችሁ ልትመለከቱ የሚገባው የሠራዊት ጌታ ይሖዋን ነው፤+

ልትፈሩ የሚገባው እሱን ነው፤

እንዲሁም ልትንቀጠቀጡ የሚገባው ለእሱ ነው።”+

14 እሱ እንደ መቅደስ ይሆናል፤

ለሁለቱ የእስራኤል ቤቶች ግን

እንደሚያሰናክል ድንጋይና

እንደሚያደናቅፍ ዓለት፣+

ለኢየሩሳሌም ነዋሪዎችም

እንደ ወጥመድና እንደ አሽክላ ይሆንባቸዋል።

15 ከእነሱ መካከል ብዙዎቹ ይደናቀፋሉ፣ ይወድቃሉ፣ ይሰበራሉ፤

ወጥመድ ውስጥ ገብተው ይያዛሉ።

16 በጽሑፍ የሰፈረውን ማረጋገጫ* ጠቅልለው፤

ሕጉን* በደቀ መዛሙርቴ መካከል አሽገው!

 2 በጨለማ ውስጥ ይሄዱ የነበሩ ሰዎች

ታላቅ ብርሃን አዩ።

ድቅድቅ ጨለማ ባጠላበት ምድር የሚኖሩ ሰዎችም

ብርሃን ወጣላቸው።+

 3 ሕዝቡን አብዝተሃል፤

ታላቅ ደስታ እንዲያገኝ አድርገሃል።

መከር በሚሰበሰብበት ጊዜ ሐሴት እንደሚያደርጉ፣

ምርኮንም ሲከፋፈሉ እንደሚደሰቱ ሰዎች

በፊትህ ደስ ይሰኛሉ።

 4 ምድያም ድል በተደረገበት ጊዜ እንደሆነው ሁሉ+

የሸክማቸውን ቀንበር፣ በትከሻቸው ላይ ያለውን በትር፣

የተቆጣጣሪያቸውንም ዘንግ ሰባብረሃልና።

 5 መሬቱ እስኪንቀጠቀጥ ድረስ በኃይል የሚረግጡ ሰልፈኞች ጫማ ሁሉ

እንዲሁም በደም የተጨማለቀ ልብስ በሙሉ

ለእሳት ማገዶ ይሆናል።

 6 ልጅ ተወልዶልናልና፤+

ወንድ ልጅም ተሰጥቶናል፤

ገዢነትም* በጫንቃው ላይ ይሆናል።+

 7 በዳዊት ዙፋንና+ በመንግሥቱ ላይ ይቀመጣል፤

እየተጠናከረ የሚሄደው አገዛዙም* ሆነ

ሰላሙ ፍጻሜ አይኖረውም።+

ከአሁን ጀምሮ ለዘላለም

በማይናወጥ ሁኔታ ይመሠረታል፤+

በፍትሕና+ በጽድቅም+ ጸንቶ ይኖራል።

 8 ይሖዋ በያዕቆብ ላይ ቃል ላከ፤

ቃሉም በእስራኤል ላይ ደረሰ።+

 9 ሕዝቡም ሁሉ ይኸውም የኤፍሬምና የሰማርያ ነዋሪዎች

ይህን ያውቃሉ፤

በትዕቢታቸውና በልባቸው እብሪት የተነሳ እንዲህ ይላሉ፦

10 “ጡቦቹ ወድቀዋል፤

እኛ ግን በጥርብ ድንጋይ እንገነባለን።+

የሾላ ዛፎቹ ተቆርጠዋል፤

እኛ ግን በአርዘ ሊባኖስ እንተካቸዋለን።”

11 ይሖዋ የረጺንን ባላጋራዎች በእሱ ላይ ያስነሳል፤

ጠላቶቹንም እርምጃ እንዲወስዱ ይቀሰቅሳቸዋል፤

12 ሶርያን ከምሥራቅ፣ ፍልስጤማውያንን ደግሞ ከምዕራብ* ያመጣበታል፤+

እነሱም አፋቸውን ከፍተው እስራኤልን ይውጡታል።+

ከዚህ ሁሉ የተነሳ ቁጣው አልተመለሰም፤

ይልቁንም እጁ ለመምታት ገና እንደተዘረጋ ነው።+

13 ሕዝቡ ወደመታቸው አልተመለሱምና፤

የሠራዊት ጌታ ይሖዋን አልፈለጉም።+

14 ይሖዋ ራስንና ጅራትን፣ ቀንበጥንና እንግጫን*

ከእስራኤል በአንድ ቀን ይቆርጣል።+

15 ሽማግሌውና የተከበረው ሰው ራስ ነው፤

የሐሰት መመሪያ የሚሰጠው ነቢይ ደግሞ ጅራት ነው።+

16 ይህን ሕዝብ የሚመሩት ሰዎች እንዲባዝን ያደርጉታል፤

በእነሱ የሚመራውም ሕዝብ ግራ ይጋባል።

17 ይሖዋ በወጣቶቻቸው የማይደሰተው ለዚህ ነው፤

በመካከላቸው ላሉት አባት የሌላቸው ልጆችና* መበለቶች ምሕረት አያሳይም፤

ምክንያቱም ሁሉም ከሃዲዎችና ክፉ አድራጊዎች ናቸው፤+

የሁሉም አፍ የማይረባ ነገር ይናገራል።

ከዚህ ሁሉ የተነሳ ቁጣው አልተመለሰም፤

ይልቁንም እጁ ለመምታት ገና እንደተዘረጋ ነው።+

18 ክፋት እንደ እሳት ይቀጣጠላል፤

ቁጥቋጦውንና አረሙንም ይበላል።

በደን ውስጥ ያለውን ጥሻ ያነደዋል፤

ጥሻው በሚቃጠልበት ጊዜም ጭሱ እየተትጎለጎለ ይወጣል።

19 ከሠራዊት ጌታ ከይሖዋ ቁጣ የተነሳ

ምድሪቷ በእሳት ተያያዘች፤

ሕዝቡም እሳት እንደሚበላው ማገዶ ይሆናል።

20 አንዱ በቀኝ በኩል ይቆርጣል፤

ሆኖም ይራባል፤

ሌላው ደግሞ በግራ በኩል ይበላል፤

ሆኖም አይጠግብም።

እያንዳንዳቸው የገዛ ክንዳቸውን ሥጋ ይበላሉ፤

21 ምናሴ ኤፍሬምን፣

ኤፍሬም ደግሞ ምናሴን ይበላል።

ከዚህ ሁሉ የተነሳ ቁጣው አልተመለሰም፤

ይልቁንም እጁ ለመምታት ገና እንደተዘረጋ ነው።+

10 ጉዳት የሚያስከትሉ ሥርዓቶችን የሚያወጡ፣+

ሁልጊዜ ጨቋኝ ድንጋጌዎችን የሚያረቁ ወዮላቸው!

 2 የድሆችን አቤቱታ ላለመስማት፣

በሕዝቤም መካከል የሚገኙትን ምስኪኖች ፍትሕ ለመንፈግ ሕግ የሚያወጡ ወዮላቸው!+

መበለቶችን ይበዘብዛሉ፤

አባት የሌላቸውንም ልጆች* ይዘርፋሉ።+

 3 በምትመረመሩበት* ቀን፣+

ጥፋትም ከሩቅ በሚመጣበት ጊዜ ምን ይውጣችሁ ይሆን?+

እርዳታ ለማግኘት ወደ ማን ትሸሻላችሁ?+

ሀብታችሁንስ* የት ትተዉት ይሆን?

 4 በእስረኞች መካከል ተኮራምታችሁ ከመቀመጥና

በሞቱ ሰዎች መካከል ከመውደቅ በስተቀር የምታተርፉት ነገር የለም።

ከዚህ ሁሉ የተነሳ ቁጣው አልተመለሰም፤

ይልቁንም እጁ ለመምታት ገና እንደተዘረጋ ነው።+

 5 “የቁጣዬ በትር የሆነውንና+

ውግዘቴን የምገልጽበትን ዱላ በእጁ የያዘውን

አሦራዊ+ ተመልከት!

 6 ከሃዲ በሆነው ብሔር ላይ፣

እጅግ ባስቆጣኝም ሕዝብ ላይ እልከዋለሁ፤+

ብዙ ምርኮ እንዲወስድ፣ ብዙ ሀብት እንዲዘርፍና

ሕዝቡን በጎዳናዎች ላይ እንዳለ ጭቃ እንዲረጋግጥ አዘዋለሁ።+

 7 እሱ ግን እንዲህ ያለ ዝንባሌ አይኖረውም፤

ልቡም እንዲህ ለማድረግ አያቅድም፤

የልቡ ፍላጎት መደምሰስና

ጥቂት ሳይሆን ብዙ ብሔራትን ማጥፋት ነውና።

 8 እሱ እንዲህ ይላል፦

‘አለቆች ሆነው የሚያገለግሉኝ ሁሉ ነገሥታት አይደሉም?+

10 እጄ በኢየሩሳሌምና በሰማርያ ካሉት ይበልጥ በርካታ የተቀረጹ ምስሎች ያሏቸውንና

ከንቱ አማልክት የሚያመልኩትን መንግሥታት ይዟል!+

11 በሰማርያና ከንቱ በሆኑት አማልክቷ ላይ እንዳደረግኩት ሁሉ፣

በኢየሩሳሌምና በጣዖቶቿስ ላይ እንዲሁ አላደርግም?’+

12 “ይሖዋ በጽዮን ተራራና በኢየሩሳሌም የሚያከናውነውን ሥራ ሁሉ ሲያጠናቅቅ በእብሪተኛ ልቡ፣ በኩራቱና በትዕቢተኛ ዓይኑ የተነሳ የአሦርን ንጉሥ ይቀጣዋል።*+ 13 እሱ እንዲህ ይላልና፦

‘በእጄ ብርታትና በጥበቤ

ይህን አደርጋለሁ፤ እኔ ጥበበኛ ነኝና።

የሕዝቦችን ድንበር አስወግዳለሁ፤+

ሀብታቸውንም እዘርፋለሁ፤+

እንደ ኃያል ሰውም ነዋሪዎቹን በቁጥጥር ሥር አውላለሁ።+

14 ሰው እጁን ወደ ወፍ ጎጆ እንደሚሰድ፣

እጄ የሕዝቦችን ሀብት ይይዛል፤

አንድ ሰው የተተዉ እንቁላሎችን እንደሚሰበስብ

እኔም መላውን ምድር እሰበስባለሁ!

16 ስለዚህ እውነተኛው ጌታ፣ የሠራዊት ጌታ ይሖዋ

በወፈሩት ሰዎች ላይ ክሳትን ይሰዳል፤+

ከክብሩም በታች እንደ እሳት ነበልባል የሚንቦገቦግ እሳት ያነዳል።+

17 የእስራኤል ብርሃን+ እንደ እሳት፣+

ቅዱስ አምላኩም እንደ ነበልባል ይሆናል፤

አረሙንና ቁጥቋጦውን በአንድ ቀን ያጋየዋል፤ ደግሞም ይበላዋል።

18 አምላክ የደኑንና የፍራፍሬ እርሻውን ክብር ፈጽሞ* ያጠፋል፤

ክብሩም እንደታመመ ሰው እየመነመነ ይሄዳል።+

19 በደኑ ውስጥ የሚተርፉት ዛፎች

ጥቂት ከመሆናቸው የተነሳ አንድ ትንሽ ልጅ ቆጥሮ ሊመዘግባቸው ይችላል።

20 በዚያ ቀን ከእስራኤላውያን መካከል የሚቀሩት፣

ከያዕቆብም ቤት የሚተርፉት ሰዎች

ከእንግዲህ ወዲህ፣ በመታቸው ላይ ፈጽሞ አይታመኑም፤+

ከዚህ ይልቅ የእስራኤል ቅዱስ በሆነው በይሖዋ ላይ

በታማኝነት ይደገፋሉ።

21 ጥቂት ቀሪዎች ይኸውም ከያዕቆብ ቤት የሚተርፉት ሰዎች

ወደ ኃያሉ አምላክ ይመለሳሉ።+

22 እስራኤል ሆይ፣

ሕዝብህ እንደ ባሕር አሸዋ ቢሆንም

ከእነሱ መካከል ጥቂት ቀሪዎች ይመለሳሉ።+

ጥፋት ተወስኗል፤+

ፍትሕም* ይውጣቸዋል።+

23 አዎ፣ ሉዓላዊው ጌታ፣ የሠራዊት ጌታ ይሖዋ የወሰነው ጥፋት፣

በመላ ምድሪቱ ላይ ይፈጸማል።+

27 “በዚያ ቀን ሸክሙ ከትከሻህ ላይ፣+

ቀንበሩም ከአንገትህ ላይ ይወርዳል፤+

ከዘይቱም የተነሳ ቀንበሩ ይሰበራል።”+

28 በአያት+ ላይ መጥቷል፤

ሚግሮንን አቋርጦ አልፏል፤

በሚክማሽ+ ጓዙን ያስቀምጣል።

29 መልካውን* ተሻግረዋል፤

በጌባ+ ያድራሉ፤

ራማ ራደች፤ የሳኦል ከተማ ጊብዓ+ ሸሽታለች።+

በጽዮን ሴት ልጅ ተራራ፣

በኢየሩሳሌም ኮረብታ ላይ እጁን በዛቻ ያወዛውዛል።

33 እነሆ፣ እውነተኛው ጌታ፣ የሠራዊት ጌታ ይሖዋ

ቅርንጫፎችን በታላቅ ኃይል እየቆራረጠ ይጥላል፤+

ረጃጅሞቹ ዛፎች ይገነደሳሉ፤

ከፍ ያሉትም ይዋረዳሉ።

34 በደን ውስጥ ያለውን ጥሻ በብረት መሣሪያ* ይቆራርጣል፤

ሊባኖስም በኃያሉ እጅ ይወድቃል።

11 ከእሴይ+ ጉቶ፣ ቅርንጫፍ ይወጣል፤

ከሥሮቹም የሚወጣው ቀንበጥ ፍሬ ያፈራል።+

 2 በእሱም ላይ የይሖዋ መንፈስ፣+

የጥበብና+ የማስተዋል መንፈስ፣

የምክርና የኃይል+ መንፈስ፣

የእውቀትና ይሖዋን የመፍራት መንፈስ ያርፍበታል።

ዓይኑ እንዳየ አይፈርድም

ወይም ጆሮው በሰማው ነገር ላይ ብቻ ተመሥርቶ አይወቅስም።+

 4 ለችግረኞች በትክክል* ይፈርዳል፤

በምድር ላሉ የዋሆች ጥቅም ሲል ሌሎችን ፍትሐዊ በሆነ መንገድ ይወቅሳል።

በአፉም በትር ምድርን ይመታል፤+

በከንፈሩም እስትንፋስ* ክፉዎችን ይገድላል።+

 5 ጽድቅ የወገቡ መታጠቂያ፣

ታማኝነትም የጎኑ መታጠቂያ ይሆናል።+

 6 ተኩላ ከበግ ጠቦት ጋር የሚቀመጥበት ጊዜ ይኖራል፤+

ነብርም ከፍየል ግልገል ጋር ይተኛል፤

ጥጃ፣ አንበሳና* የሰባ ከብት አብረው ይሆናሉ፤*+

ትንሽ ልጅም ይመራቸዋል።

 7 ላምና ድብ አብረው ይበላሉ፤

ልጆቻቸውም አብረው ይተኛሉ።

 8 ጡት የሚጠባ ሕፃንም በእባብ* ጉድጓድ ላይ ይጫወታል፤

ጡት የጣለውም ሕፃን እጁን በመርዘኛ እባብ ጎሬ ላይ ያደርጋል።

 9 በተቀደሰው ተራራዬ ሁሉ ላይ

ምንም ዓይነት ጉዳት ወይም ጥፋት አያደርሱም፤+

ምክንያቱም ውኃ ባሕርን እንደሚሸፍን

ምድርም በይሖዋ እውቀት ትሞላለች።+

ብሔራት ከእሱ መመሪያ ይሻሉ፤*+

ማረፊያ ስፍራውም እጅግ የከበረ ይሆናል።

13 የኤፍሬም ቅናት ይወገዳል፤+

ይሁዳንም የሚጠሉ ይጠፋሉ።

ኤፍሬም በይሁዳ አይቀናም፤

ይሁዳም ኤፍሬምን አይጠላውም።+

14 በምዕራብ በኩል በፍልስጤም ተረተር* ላይ በድንገት ይወርዳሉ፤

ግንባር ፈጥረው በምሥራቅ የሚኖሩ ሕዝቦችን ይዘርፋሉ።

በኤዶምና+ በሞዓብ+ ላይ እጃቸውን* ይዘረጋሉ፤

አሞናውያንም ተገዢዎቻቸው ይሆናሉ።+

15 ይሖዋ የግብፅን ባሕረ ሰላጤ* ይከፍላል፤*+

በወንዙም*+ ላይ እጁን በዛቻ ያወዛውዛል።

በሚያቃጥል እስትንፋሱ* የወንዙን ሰባት ጅረቶች ይመታል፤*

ሰዎችም ከነጫማቸው እንዲሻገሩ ያደርጋል።

16 እስራኤል ከግብፅ ምድር በወጣበት ጊዜ እንደሆነው ሁሉ፣

ከሕዝቡ የተረፉት ቀሪዎችም+ ከአሦር የሚወጡበት ጎዳና+ ይኖራል።

“ይሖዋ ሆይ፣ ተቆጥተኸኝ የነበረ ቢሆንም

ቁጣህ ቀስ በቀስ ስለበረደ

ደግሞም ስላጽናናኸኝ አመሰግንሃለሁ።+

በእሱ እታመናለሁ፤ ምንም የሚያስፈራኝ ነገር የለም፤+

ያህ* ይሖዋ ብርታቴና ኃይሌ ነው፤

ለእኔም አዳኝ ሆኖልኛል።”+

 3 ከመዳን ምንጮች

በደስታ ውኃ ትቀዳላችሁ።+

“ይሖዋን አመስግኑ! ስሙን ጥሩ፤

ሥራውን በሕዝቦች መካከል አስታውቁ!+

 6 እናንተ የጽዮን ነዋሪዎች* ሆይ፣ ጩኹ፤ በደስታም እልል በሉ፤

የእስራኤል ቅዱስ በመካከላችሁ ታላቅ ነውና።”

ታላላቅ ሰዎች ወደሚገቡባቸው በሮች እንዲመጡ

ድምፃችሁን ከፍ አድርጋችሁ ጥሯቸው፤ እጃችሁንም አውለብልቡ።

ቁጣዬን ለመግለጥ

በኩራት ሐሴት የሚያደርጉትን ተዋጊዎቼን ጠርቻለሁ።

 4 ስሙ! በተራሮች ላይ እንደ ታላቅ ሕዝብ ድምፅ ያለ

የብዙ ሰዎች ድምፅ ይሰማል!

አዳምጡ! አንድ ላይ የተሰበሰቡ መንግሥታትና

ብሔራት+ ሁካታ ይሰማል!

 5 ይሖዋና የቁጣው መሣሪያዎች

መላ ምድሪቱን ለመደምሰስ+

ከሩቅ አገር፣+

ከሰማያትም ዳርቻ እየመጡ ነው።

 7 ከዚህም የተነሳ እጆች ሁሉ ይዝላሉ፤

የሰዎችም ልብ ሁሉ በፍርሃት ይቀልጣል።+

ምጥ እንደያዛት ሴት

ብርክና ሥቃይ ይዟቸዋል።

እርስ በርሳቸው በታላቅ ድንጋጤ ይተያያሉ፤

ፊታቸው በጭንቀት ቀልቷል።

 9 እነሆ፣ የይሖዋ ቀን ምድሪቱን አስፈሪ ቦታ ለማድረግና

በምድሪቱ ላይ ያሉትን ኃጢአተኞች ለማጥፋት

በንዴትና በታላቅ ቁጣ

ጨካኝ ሆኖ እየመጣ ነው።+

10 የሰማያት ከዋክብትና የኅብረ ከዋክብት ስብስቦቻቸው*+

ብርሃን አይሰጡም፤

ፀሐይ ስትወጣ ትጨልማለች፤

ጨረቃም ብርሃኗን አትሰጥም።

11 ምድሪቱን ስለ ክፋቷ፣+

ክፉዎችንም ስለ በደላቸው እቀጣለሁ።

የእብሪተኞችን ኩራት አጠፋለሁ፤

የጨቋኞችንም ትዕቢት አዋርዳለሁ።+

12 ሟች የሆነውን ሰው ከጠራ ወርቅ፣

ሰዎችንም ከኦፊር ወርቅ+ ይበልጥ ብርቅ አደርጋለሁ።+

13 ስለዚህ የሠራዊት ጌታ የይሖዋ ቁጣ በሚነድበት ቀን፣

በታላቅ ቁጣ ሰማይን አናውጣለሁ፤

ምድርንም ከቦታዋ አናጋለሁ።+

14 እንደሚታደን የሜዳ ፍየል፣ እረኛም እንደሌለው መንጋ

እያንዳንዱ ወደ ወገኑ ይመለሳል፤

እያንዳንዱም ወደ አገሩ ይሸሻል።+

15 የተገኘ ሁሉ ይወጋል፤

የተያዘም ሁሉ በሰይፍ ይወድቃል።+

16 ልጆቻቸው ዓይናቸው እያየ ይጨፈጨፋሉ፤+

ቤታቸው ይዘረፋል፤

ሚስቶቻቸውም ተገደው ይደፈራሉ።

17 እነሆ፣ ለብር ደንታ የሌላቸውን፣

በወርቅም ደስ የማይሰኙትን

ሜዶናውያንን አስነሳባቸዋለሁ።+

18 ቀስታቸው ወጣቶችን ይፈጃል፤+

ለማህፀን ፍሬ አያዝኑም፤

ለልጆችም አይራሩም።

19 ከመንግሥታትም ሁሉ እጅግ የከበረችው፣*+

የከለዳውያን ውበትና ኩራት የሆነችው ባቢሎን፣+

አምላክ እንደገለበጣቸው እንደ ሰዶምና እንደ ገሞራ ትሆናለች።+

20 ከዚያ በኋላ የሚቀመጥባት አይኖርም፤

እንዲሁም ከትውልድ እስከ ትውልድ ድረስ የመኖሪያ ቦታ አትሆንም።+

በዚያም ዓረብ ድንኳኑን አይተክልም፤

እረኞችም መንጎቻቸውን በዚያ አያሳርፉም።

21 የበረሃ ፍጥረታት በዚያ ይተኛሉ፤

ቤቶቻቸው በጉጉቶች ይሞላሉ።

ሰጎኖች በዚያ ይኖራሉ፤+

የዱር ፍየሎችም* በዚያ ይፈነጫሉ።

22 የሚያላዝኑ ፍጥረታት በማማዎቿ፣

ቀበሮዎችም በሚያማምሩ ቤተ መንግሥቶቿ ውስጥ ሆነው ይጮኻሉ።

 5 ይሖዋ የክፉዎችን ዘንግ፣

የገዢዎችን በትር ሰብሯል፤+

 6 ሕዝቦችን ያለማቋረጥ በቁጣ ሲመታ የነበረውን፣+

ብሔራትን በማያባራ ስደት በቁጣ ሲገዛቸው የቆየውን ሰብሯል።+

 8 የጥድ ዛፎችና አርዘ ሊባኖሶች እንኳ ሳይቀሩ

በአንተ ላይ በደረሰው ነገር ሐሴት ያደርጋሉ።

‘አንተ ከወደቅክ ጀምሮ

ማንም ዛፍ ቆራጭ በእኛ ላይ አልተነሳም’ ይላሉ።

 9 “ከታች ያለው መቃብር* እንኳ

ወደዚያ በወረድክ ጊዜ አንተን ለመቀበል ሲል ተረበሸ።

በሞት የተረቱትን፣ ጨቋኝ የምድር መሪዎች* ሁሉ

በአንተ የተነሳ ቀሰቀሳቸው።

10 ሁሉም እንዲህ በማለት ይናገራሉ፤ እንዲህም ይሉሃል፦

‘አንተም እንደ እኛው ደከምክ ማለት ነው?

11 ኩራትህና ባለ አውታር መሣሪያዎችህ የሚያሰሙት ድምፅ

ወደ መቃብር* ወረዱ።+

እጮች ከበታችህ እንደ አልጋ ተነጥፈውልሃል፤

የአልጋ ልብስህም ትሎች ናቸው።’

12 አንተ የምታበራ ኮከብ፣ የንጋት ልጅ ሆይ፣

እንዴት ከሰማይ ወደቅክ!

አንተ ብሔራትን ድል ያደረግክ፣

እንዴት ተቆርጠህ ወደ ምድር ወደቅክ!+

ዙፋኔን ከአምላክ ከዋክብት በላይ ከፍ አደርጋለሁ፤+

በስተ ሰሜን ርቆ በሚገኘው

የመሰብሰቢያ ተራራም ላይ እቀመጣለሁ።+

14 ከደመናዎች ከፍታ በላይ እወጣለሁ፤

ራሴንም እንደ ልዑል አምላክ አደርጋለሁ።’

15 ከዚህ ይልቅ ወደ መቃብር፣*

ወደ ጥልቁም ጉድጓድ ትወርዳለህ።

16 የሚያዩህ አተኩረው ይመለከቱሃል፤

በሚገባም ይመረምሩሃል፤ እንዲህም ይላሉ፦

‘ምድርን ሲያንቀጠቅጥ፣

መንግሥታትንም ሲያናውጥ የነበረው ይህ ሰው አይደለም?+

17 ሰው የሚኖርበትን ምድር፣ ምድረ በዳ ያደረገው፣

ከተሞቹንም የገለበጠው፣+

እስረኞቹንም ወደ ቤታቸው እንዳይመለሱ የከለከለው እሱ አይደለም?’+

18 ሌሎቹ የብሔራት ነገሥታት ሁሉ፣

አንዳቸውም እንኳ ሳይቀሩ በክብር አንቀላፍተዋል፤

እያንዳንዳቸው በየመቃብራቸው* አርፈዋል።

19 አንተ ግን እንደተጠላ ቀንበጥ*

መቀበሪያ ሳታገኝ ተጥለሃል፤

በሰይፍ ተወግተው

ወደ ዓለታማ ጉድጓድ በወረዱ አስከሬኖች ተሸፍነሃል፤

እንደተረገጠም ሬሳ ሆነሃል።

20 ከእነሱ ጋር አብረህ በመቃብር አትቀበርም፤

የገዛ ምድርህን አጥፍተሃልና፤

የገዛ ሕዝብህንም ፈጅተሃል።

21 ተነስተው ምድሪቱን እንዳይወርሱና

ምድሪቱን በከተሞች እንዳይሞሏት

በአባቶቻቸው በደል የተነሳ

ልጆቹ የሚታረዱበትን ስፍራ አዘጋጁ።”

“ልክ እንዳሰብኩት ይሆናል፤

በወሰንኩትም መሠረት ይፈጸማል።

25 አሦራዊውን በምድሬ ላይ አደቀዋለሁ፤

በተራሮቼም ላይ እረግጠዋለሁ።+

ቀንበሩ ከላያቸው ላይ ይነሳል፤

ሸክሙም ከትከሻቸው ላይ ይወርዳል።”+

26 በመላው ምድር ላይ የተላለፈው ውሳኔ* ይህ ነው፤

በብሔራትም ሁሉ ላይ የተዘረጋው* እጅ ይህ ነው።

27 የሠራዊት ጌታ ይሖዋ ወስኗልና፤

ውሳኔውን ማን ሊያጨናግፍ ይችላል?+

እጁ ተዘርግቷል፤

ማንስ ሊያጥፈው ይችላል?+

29 “ፍልስጤማውያን ሆይ፣ የመቺያችሁ በትር ስለተሰበረ

አንዳችሁም ብትሆኑ ደስ አይበላችሁ።

ከእባቡ ሥር+ መርዘኛ እባብ ይወጣልና፤+

ዘሩም የሚበርና የሚያቃጥል እባብ* ይሆናል።

30 የችግረኞቹ የበኩር ልጆች ሲመገቡ፣

ድሆቹም ያለስጋት ሲተኙ፣

የአንተን ሥር ግን በረሃብ እገድላለሁ፤

ከአንተ የሚተርፈውም ይገደላል።+

ከሰሜን ጭስ እየመጣ ነውና፤

አንዳቸውም ቢሆኑ ከሰልፉ ተነጥለው ወደ ኋላ አይቀሩም።”

‘የጽዮንን መሠረት የጣለው ይሖዋ ነው፤+

በሕዝቡም መካከል ያሉት ችግረኛ ሰዎች እሷን መጠጊያ ያደርጋሉ’ ብለው ይመልሱላቸዋል።

የሞዓብ ኤር+ በሌሊት ስለወደመች

ጸጥ ረጭ ብላለች።

የሞዓብ ቂር+ በሌሊት ስለወደመች

ጸጥ ረጭ ብላለች።

 2 ወደ ቤቱ፣* ወደ ዲቦን፣+

ወደ ከፍታ ቦታዎቹም ለማልቀስ ወጥቷል።

ሁሉም በጣሪያዎቻቸውና በአደባባዮቻቸው ላይ ዋይ ዋይ ይላሉ፤

እያለቀሱም ይወርዳሉ።+

 4 ሃሽቦንና ኤልዓሌ+ ያለቅሳሉ፤

ድምፃቸው እስከ ያሃጽ+ ድረስ ተሰምቷል።

እያለቀሱ የሉሂትን ዳገት ይወጣሉ፤

በደረሰባቸው ድንገተኛ ጥፋት የተነሳ ወደ ሆሮናይም በሚወስደው መንገድ ላይ ሲሄዱ ይጮኻሉ።+

 6 የኒምሪም ውኃዎች ደርቀዋልና፤

ለምለሙ የግጦሽ መስክ ደርቋል፤

ሣሩ ጠፍቷል፤ አንድም የለመለመ ነገር አይታይም።

 7 በመሆኑም ካከማቹት ንብረት ውስጥ የተረፈውን እንዲሁም ሀብታቸውን ተሸክመው

የአኻያ ዛፎች የሚገኙበትን ሸለቆ* ይሻገራሉ።

ዋይታቸው እስከ ኤግላይም፣

እስከ በኤርዔሊም ድረስም ተሰምቷል።

 9 የዲሞን ውኃዎች በደም ተሞልተዋልና፤

በዲሞንም ላይ ተጨማሪ ነገሮች አመጣለሁ፦

በሚሸሹት ሞዓባውያንና

በምድሪቱ ላይ በሚቀሩት ሰዎች ላይ አንበሶች እሰዳለሁ።+

16 ከሴላ በምድረ በዳው በኩል አድርጋችሁ

በጽዮን ሴት ልጅ ተራራ ለሚገኘው

ለምድሪቱ ገዢ አውራ በግ ላኩ።

 2 የሞዓብ ሴቶች ልጆች በአርኖን+ መልካ*

ከጎጆው እንደተባረረ ወፍ ይሆናሉ።+

ጨቋኙ ፍጻሜው ይመጣል፤

ጥፋቱም ያበቃል፤

ሌሎችን የሚረግጡትም ከምድር ገጽ ይጠፋሉ።

በዳዊት ድንኳን ላይ በዙፋኑ የሚቀመጠው ታማኝ ይሆናል፤+

በትክክል ይፈርዳል፤ ጽድቅንም በቶሎ ያስፈጽማል።”+

 6 ስለ ሞዓብ ኩራት ይኸውም በጣም ኩሩ እንደሆነ ሰምተናል፤+

ስለ ትዕቢቱ፣ ስለ ኩራቱና ስለ ታላቅ ቁጣው ሰምተናል፤+

ይሁንና ድንፋታው ሁሉ ከንቱ ይሆናል።

 7 በመሆኑም ሞዓብ፣ ስለ ሞዓብ ዋይ ዋይ ይላል፤

አዎ፣ ሁሉም ዋይ ዋይ ይላሉ።+

 8 በሃሽቦን+ እርከኖች ላይ የሚገኙት ተክሎች ጠውልገዋልና፤

የሲብማ+ የወይን ተክሎች ረግፈዋል፤

የብሔራት ገዢዎች ቀያይ ቅርንጫፎቹን* ረጋግጠዋል፤

እስከ ያዜር+ ደርሰዋል፤

በምድረ በዳውም ተንሰራፍተዋል።

ሃሽቦንና ኤልዓሌ+ ሆይ፣ በእንባዬ አርሳችኋለሁ፤

ምክንያቱም የበጋ ፍሬና መከር በምትሰበስቡበት ወቅት የሚሰማው ጩኸት አብቅቷል።*

10 ሐሴትና ደስታ ከፍራፍሬ እርሻው ተወስዷል፤

በወይን እርሻዎቹም የደስታ ዝማሬ ወይም ጩኸት አይሰማም።+

ወይን የሚረግጥ ሰው ከእንግዲህ በወይን መጭመቂያው ውስጥ ወይን አይረግጥም፤

ጩኸቱን ሁሉ ጸጥ አሰኝቻለሁና።+

11 ከዚህም የተነሳ እንደሚርገበገብ የበገና ክር

ውስጤ ስለ ሞዓብ፣

አንጀቴም ስለ ቂርሃረሰት ይታወካል።+

“እነሆ፣ ደማስቆ ከተማ መሆኗ ይቀራል፤

የፍርስራሽ ክምርም ትሆናለች።+

 2 የአሮዔር+ ከተሞች ወና ይሆናሉ፤

የመንጎች ማረፊያ ይሆናሉ፤

የሚያስፈራቸውም አይኖርም።

 3 የተመሸጉ ከተሞች ከኤፍሬም፣+

መንግሥትም ከደማስቆ ይወገዳል፤+

የተረፉት የሶርያ ሰዎች ክብርም

ልክ እንደ እስራኤላውያን ክብር ይጠፋል” ይላል የሠራዊት ጌታ ይሖዋ።

 4 “በዚያን ቀን የያዕቆብ ክብር ይከስማል፤

ጤናማ የሆነው ሰውነቱም* ይከሳል።

 5 አጫጁ በማሳ ውስጥ ያለውን እህል በሚሰበስብበትና

በእጁ ዛላውን በሚቆርጥበት ጊዜ እንደሚሆነው፣

ደግሞም ሰው በረፋይም ሸለቆ*+ እህል በሚቃርምበት ጊዜ እንደሚሆነው እንዲሁ ይሆናል።

 6 የወይራ ዛፍ ሲመታ

ከፍ ባለው ቅርንጫፍ ላይ ሁለት ወይም ሦስት የወይራ ፍሬዎች ብቻ፣

ፍሬ በሚይዙት ቅርንጫፎችም ላይ አራት ወይም አምስት ፍሬዎች ብቻ እንደሚቀሩ፣

በእሱም ላይ ቃርሚያ ብቻ ይቀራል”+ ይላል የእስራኤል አምላክ ይሖዋ።

 9 በዚያም ቀን፣ የተመሸጉ ከተሞቹ በጫካ እንዳለ የተተወ ቦታ፣+

በእስራኤላውያን ዘንድ እንደተተወ ቅርንጫፍ ይሆናሉ፤

ቦታው ጠፍ መሬት ይሆናል።

10 አንቺ፣* አዳኝ አምላክሽን ረስተሻልና፤+

መሸሸጊያ ዓለትሽንም+ አላስታወስሽም።

ያማሩ ተክሎችን ያለማሽውና

በመካከሉም የባዕድ* ቡቃያ የተከልሽው ለዚህ ነው።

11 በቀን በተክሎችሽ ዙሪያ አጥር ትሠሪያለሽ፤

በማለዳም ዘርሽ እንዲበቅል ታደርጊያለሽ፤

ይሁን እንጂ በበሽታና በማይሽር ሕመም ቀን አዝመራው ይጠፋል።+

12 አዳምጡ! እንደሚናወጥ ባሕር ያለ

የብዙ ሕዝቦች ትርምስ ይሰማል!

እንደ ኃይለኛ ውኃዎች ድምፅ ያለ

የሚያስገመግም የብሔራት ጫጫታ ይሰማል!

እሱ ይገሥጻቸዋል፤ እነሱም ወደ ሩቅ ቦታ ይሸሻሉ፤

በተራራ ላይ እንዳለ በነፋስ እንደሚበን ገለባና

አውሎ ነፋስ እያሽከረከረ እንደሚወስደው ኮሸሽላ ይሆናሉ።

የዘረፉን ሰዎች ድርሻ፣

የበዘበዙንም ሰዎች ዕጣ ይህ ነው።

18 በክንፋቸው ጥዝ የሚል ድምፅ የሚያሰሙ ጥቃቅን ነፍሳት ላሉባት

በኢትዮጵያ ወንዞች አካባቢ ለምትገኝ ምድር ወዮላት!+

 2 ይህች ምድር በባሕር ላይ፣

በደንገል ጀልባ ውኃዎችን አቋርጠው የሚሄዱ መልእክተኞችን እንዲህ በማለት ትልካለች፦

“እናንተ ፈጣን መልእክተኞች፣

ረጃጅም የሆኑና ለስላሳ ቆዳ ያላቸው ሰዎች ወደሚገኙበት ብሔር፣*

ከቅርብም ሆነ ከሩቅ ወደሚፈራ ሕዝብ፣+

ጥንካሬ ወዳለውና ድል አድራጊ ወደሆነው*

እንዲሁም መሬቱ በወንዞች ተጠርጎ ወደተወሰደበት ብሔር ሂዱ።”

 3 እናንተ በአገሪቱ የምትኖሩ ሁሉና እናንተ የምድር ነዋሪዎች ሁሉ፣

በተራሮች ላይ እንደሚቆም ምልክት* ያለ ነገር ትመለከታላችሁ፤

እንዲሁም ቀንደ መለከት ሲነፋ የሚሰማው ዓይነት ድምፅ ትሰማላችሁ።

“በቀን ብርሃን እንዳለ የሚያጥበረብር ሐሩር፣

በመከርም ሙቀት እንዳለ የደመና ጠል፣

ጸጥ ብዬ ተቀምጬ ጽኑ ሆኖ የተመሠረተውን ስፍራዬን* እመለከታለሁ።

 5 ከመከር በፊት፣

አበባው በሚረግፍበትና የወይን ፍሬው በሚበስልበት ጊዜ

ቀንበጦቹ በማጭድ ይቆረጣሉና፤

ሐረጎቹም ተቆርጠው ይወገዳሉ።

 6 ሁሉም በተራሮች ላይ ላሉ አዳኝ አሞሮችና

ለምድር አራዊት ይተዋሉ።

አዳኝ አሞሮቹም እነሱን በመመገብ በጋውን ያሳልፋሉ፤

በምድር ላይ ያሉ አራዊትም ሁሉ እነሱን በመመገብ የመከሩን ወቅት ያሳልፋሉ።

 7 በዚያን ጊዜ ረጃጅም የሆኑና ለስላሳ ቆዳ ያላቸው ሰዎች የሚገኙበት ብሔር፣*

ከቅርብም ሆነ ከሩቅ የሚፈራው ሕዝብ፣

ጥንካሬ ያለው፣ ድል አድራጊ የሆነውና*

መሬቱ በወንዞች ተጠርጎ የተወሰደበት ብሔር

ለሠራዊት ጌታ ለይሖዋ ስጦታ ያመጣል፤

ስጦታውንም የሚያመጣው የሠራዊት ጌታ የይሖዋ ስም ወዳለበት ወደ ጽዮን ተራራ+ ነው።”

የግብፅ ከንቱ አማልክት በእሱ ፊት ይንቀጠቀጣሉ፤+

የግብፅም ልብ በውስጧ ይቀልጣል።

 2 “ግብፃውያንን በግብፃውያን ላይ አስነሳለሁ፤

እርስ በርሳቸውም ይጨራረሳሉ፤

እያንዳንዱ ወንድሙን፣ እያንዳንዱም ባልንጀራውን፣

ከተማም ከተማን፣ መንግሥትም መንግሥትን ይወጋል።

 3 የግብፅም መንፈስ በውስጧ ይረበሻል፤

ዕቅዷንም አፋልሳለሁ።+

እነሱም እርዳታ ለማግኘት ከንቱ ወደሆኑት አማልክት፣

ወደ ድግምተኞች፣ ወደ መናፍስት ጠሪዎችና ወደ ጠንቋዮች ይዞራሉ።+

 4 ግብፅ በኃይለኛ ገዢ እጅ እንድትወድቅ አደርጋለሁ፤

ጨካኝ ንጉሥም ይገዛቸዋል”+ ይላል እውነተኛው ጌታ፣ የሠራዊት ጌታ ይሖዋ።

 5 የባሕሩ ውኃ ይደርቃል፤

ወንዙም ይተናል፤ ጨርሶም ይደርቃል።+

 6 ወንዞቹም ይገማሉ፤

በግብፅ የሚገኙት የአባይ የመስኖ ቦዮች ይጎድላሉ፤ ይደርቃሉም።

 7 በአባይ ወንዝ መዳረሻ አካባቢ፣ በአባይ ዳር ያለው ተክል

እንዲሁም በአባይ ወንዝ አጠገብ ዘር የተዘራበት መሬት+ ሁሉ ይደርቃል።+

 8 ዓሣ አጥማጆቹም ያዝናሉ፤

ወደ አባይ ወንዝ የዓሣ መንጠቆ የሚወረውሩም ሁሉ ያለቅሳሉ፤

በውኃው ላይ የዓሣ ማጥመጃ መረቦችን የሚጥሉም ይመናመናሉ።

 9 በተነደፈ የተልባ እግር+ የሚሠሩም ሆኑ

ነጭ ሸማ የሚሠሩ ሸማኔዎች ለኀፍረት ይዳረጋሉ።

10 የሽመና ባለሙያዎቿ ይደቆሳሉ፤

ቅጥር ሠራተኞቹ ሁሉ ያዝናሉ።*

የጥንት ነገሥታትም ዘር ነኝ”

እንዴት ትሉታላችሁ?

13 የጾዓን መኳንንት የሞኝ ሥራ ሠርተዋል፤

የኖፍ*+ መኳንንት ተታለዋል፤

የነገዶቿ አለቆች ግብፅ እንድትባዝን አድርገዋል።

14 ይሖዋ በእሷ ላይ ግራ የመጋባት መንፈስ አፍስሷል፤+

የሰከረ ሰው በትፋቱ ላይ እንደሚንገዳገድ ሁሉ

እነሱም ግብፅ በሥራዋ ሁሉ እንድትባዝን አድርገዋል።

15 ግብፅ ለራስም ሆነ ለጅራት፣ ለቀንበጥም ሆነ ለእንግጫ*

ልታደርገው የምትችለው ምንም ነገር የለም።

ከደቡብ አቅጣጫ አውሎ ነፋሳት እየጠራረጉ እንደሚመጡ፣

ከምድረ በዳ ይኸውም አስፈሪ ከሆነው ምድር የሆነ ነገር እየመጣ ነው።+

ከሃዲው ክህደት ይፈጽማል፤

አጥፊውም ያጠፋል።

ልትወልድ እንደተቃረበች ሴት፣

ምጥ ያዘኝ።

እጅግ ከመጨነቄ የተነሳ መስማት ተሳነኝ፤

እጅግ ከመረበሼም የተነሳ ማየት አቃተኝ።

 7 እሱም በፈረሶች የሚጎተቱ የጦር ሠረገሎች፣

በአህዮች የሚጎተቱ የጦር ሠረገሎች፣

በግመሎች የሚጎተቱ የጦር ሠረገሎች አየ።

“ይሖዋ ሆይ፣ በየቀኑ በመጠበቂያው ግንብ ላይ ቆሜአለሁ፤

በየሌሊቱም በጥበቃ ቦታዬ ላይ ተሰይሜአለሁ።+

10 እንደ እህል የተወቃኸው ሕዝቤ፣

የአውድማዬ ውጤት* ሆይ፣+

ከእስራኤል አምላክ፣ ከሠራዊት ጌታ ከይሖዋ የሰማሁትን ነግሬሃለሁ።

እናንተ የዴዳን+ ተጓዥ ነጋዴዎች ሆይ፣

በበረሃማው ሜዳ በሚገኘው ዱር ሌሊቱን ታሳልፋላችሁ።

14 የተጠማውን ለመገናኘት ውኃ ይዛችሁ ኑ፤

እናንተ የቴማ+ ነዋሪዎች ሆይ፣

ለሚሸሸውም ሰው ምግብ አምጡ።

15 እነሱ ከሰይፍ፣ ከተመዘዘ ሰይፍ፣

ከተደገነ ቀስትና ከተፋፋመ ጦርነት ሸሽተዋልና።

 2 አንቺ ሁከት የነገሠብሽ መዲና፣ የፈንጠዝያም ከተማ፣

በትርምስ ተሞልተሻል።

ነዋሪዎችሽ ያለቁት በሰይፍ

ወይም በጦርነት ተገድለው አይደለም።+

ወደ ሩቅ ቦታ ሸሽተው ቢሄዱም

የተገኙት ሁሉ ተማርከዋል።+

 4 ስለዚህ እንዲህ አልኩ፦ “ዓይናችሁን ከእኔ ላይ አንሱ፤

እኔም አምርሬ አለቅሳለሁ።+

የሕዝቤ ሴት ልጅ* ከደረሰባት ጥፋት የተነሳ

እኔን ለማጽናናት አትድከሙ።+

 5 ከሉዓላዊው ጌታ፣ ከሠራዊት ጌታ ከይሖዋ ዘንድ

በራእይ ሸለቆ

ግራ የመጋባት፣ የሽንፈትና የመደናገጥ ቀን ሆኗልና።+

ቅጥሩ ይፈርሳል፤+

ወደ ተራራውም ይጮኻሉ።*

 6 ኤላም+ ሰዎችን ባሳፈሩ ሠረገሎችና በፈረሶች* ላይ

የፍላጻ ኮሮጆዋን ይዛለች፤

ቂርም+ የጋሻውን ልባስ አወለቀች።*

 7 ምርጥ የሆኑት ሸለቆዎችሽ*

በጦር ሠረገሎች ይሞላሉ፤

ፈረሶቹም* የከተማዋ በር ላይ ይቆማሉ፤

 8 የይሁዳም መከለያ*+ ይወገዳል።

12 በዚያም ቀን ሉዓላዊው ጌታ፣ የሠራዊት ጌታ ይሖዋ

እንድታለቅሱና እንድታዝኑ፣+

ፀጉራችሁን እንድትላጩና ማቅ እንድትለብሱ ይጠራችኋል።

13 ይሁን እንጂ ድግስና ፈንጠዝያ፣

ፍሪዳ መጣልና ሙክት ማረድ፣

ሥጋ መብላትና የወይን ጠጅ መጠጣት ሆኗል።+

 3 የገቢ ምንጮቿ የሆኑት የሺሆር*+ እህልና*

የአባይ መከር በብዙ ውኃዎች ላይ ተጓጉዘው

የብሔራትን ትርፍ ያመጡላት ነበር።+

 4 አንቺ የባሕር ምሽግ ሲዶና ሆይ፣ እፈሪ፤

ምክንያቱም ባሕሩ እንዲህ ብሏል፦

“አላማጥኩም፤ አልወለድኩምም፤

ወጣት ወንዶችንም ሆነ ሴቶችን* አላሳደግኩም።”+

 5 ስለ ግብፅ በተነገረው ወሬ እንደሆነው ሁሉ+

ስለ ጢሮስም በሚነገረው ወሬ ሰዎች ጭንቅ ይይዛቸዋል።+

 8 ዘውድ በምታጎናጽፈው፣

እንዲሁም መኳንንት የሆኑ ነጋዴዎች፣

በመላውም ምድር ላይ የተከበሩ ሻጮችና ለዋጮች በነበሯት

በጢሮስ ላይ ይህን ውሳኔ ያስተላለፈው ማን ነው?+

 9 በውበቷ ሁሉ የተነሳ የሚሰማትን ኩራት ለማርከስ

እንዲሁም በመላው ምድር ላይ የተከበሩትን ሁሉ ለማዋረድ

ይህን ውሳኔ ያስተላለፈው የሠራዊት ጌታ ይሖዋ ራሱ ነው።+

11 አምላክ እጁን በባሕሩ ላይ ዘርግቷል፤

መንግሥታትን አንቀጥቅጧል።

12 እሱም እንዲህ ይላል፦ “አንቺ የተጨቆንሽ የሲዶና ድንግል ሆይ፣

ዳግመኛ ሐሴት አታደርጊም።+

በበረሃ የሚኖሩ እንስሳት መፈንጫ ያደረጓት

አሦራውያን+ ሳይሆኑ እነዚህ ሰዎች ናቸው።

ጥቃት ለመሰንዘር የሚያስችል ማማ አቁመዋል፤

የማይደፈሩ ማማዎቿን በማፈራረስ+

የፍርስራሽ ክምር አድርገዋታል።

14 እናንተ የተርሴስ መርከቦች፣

ምሽጋችሁ ስለወደመ ዋይ ዋይ በሉ።+

በገናሽንም ጥሩ አድርገሽ ተጫወቺ፤

እነሱም እንዲያስታውሱሽ

ብዙ ዘፈን ዝፈኚ።”

በሕዝቡ ላይ የሚሆነው በካህኑ፣

በአገልጋዩ ላይ የሚሆነው በጌታው፣

በአገልጋይዋ ላይ የሚሆነው በእመቤቷ፣

በገዢው ላይ የሚሆነው በሻጩ፣

በአበዳሪው ላይ የሚሆነው በተበዳሪው፣

በወለድ ተቀባዩ ላይ የሚሆነው በወለድ ከፋዩ ላይ ይደርሳል።+

 3 ምድሪቱ ሙሉ በሙሉ ወና ትሆናለች፤

ፈጽሞ ትበዘበዛለች፤+

ይሖዋ ይህን ቃል ተናግሯልና።

 5 ሕጎቹን ስለተላለፉ፣+

ሥርዓቱን ስለለወጡና+

ዘላቂውን* ቃል ኪዳን ስላፈረሱ+

ምድሪቱ በገዛ ነዋሪዎቿ ተበክላለች።+

 6 ስለዚህ እርግማኑ ምድሪቱን በላት፤+

በላይዋም የሚኖሩ ሰዎች በደለኞች ሆነው ተገኝተዋል።

የምድሪቱ ነዋሪዎች ቁጥር የመነመነው በዚህ ምክንያት ነው፤

የቀሩት ሰዎችም በጣም ጥቂት ናቸው።+

 7 አዲሱ የወይን ጠጅ ያለቅሳል፤* የወይን ተክሉም ይጠወልጋል፤+

በልባቸውም ሐሴት አድርገው የነበሩ ሁሉ ያዝናሉ።+

 8 አስደሳች የሆነው የአታሞ ድምፅ መሰማት አቁሟል፤

ይፈነጥዙ የነበሩት ሰዎች ድምፅ ጠፍቷል፤

ደስ የሚያሰኘው የበገና ድምፅ መሰማቱ ቀርቷል።+

 9 ዘፈን በሌለበት የወይን ጠጅ ይጠጣሉ፤

መጠጡም ለሚጠጡት ሰዎች መራራ ይሆናል።

10 የተተወችው ከተማ ፈራርሳለች፤+

እያንዳንዱ ቤት ማንም እንዳይገባበት ተዘግቷል።

ሐሴት ጨርሶ ጠፍቷል፤

ምድሪቱም ደስታ ርቋታል።+

12 ከተማዋ ፈራርሳለች፤

በሩም ተሰባብሮ የፍርስራሽ ክምር ሆኗል።+

ወይንም ተሰብስቦ ካበቃ በኋላ እንደሚቀር ቃርሚያ፣+

ሕዝቤም በምድሪቱና በሌሎች ሕዝቦች መካከል እንዲሁ ይሆናል።

14 ድምፃቸውን ከፍ ያደርጋሉ፤

በደስታ እልል ይላሉ።

15 ከዚህም የተነሳ በብርሃን ምድር*+ ለይሖዋ ክብር ይሰጣሉ፤

በባሕር ደሴቶችም የእስራኤልን አምላክ የይሖዋን ስም ከፍ ከፍ ያደርጋሉ።+

ወዮልኝ! ከሃዲዎች ክህደት ፈጽመዋል፤

ከሃዲዎች በማታለል ክህደት ፈጽመዋል።”+

18 ከሚያሸብረው ድምፅ የሚሸሽ ሁሉ ጉድጓድ ውስጥ ይወድቃል፤

ከጉድጓዱም የሚወጣ ሁሉ በወጥመዱ ይያዛል።+

የሰማይ የውኃ በሮች ይከፈታሉና፤

የምድርም መሠረቶች ይናወጣሉ።

19 ምድሪቱ ተሰነጣጥቃለች፤

ምድሪቱ ተንቀጥቅጣለች፤

ምድሪቱ በኃይል ትናወጣለች።+

20 ምድሪቱ እንደሰከረ ሰው ትንገዳገዳለች፤

ነፋስ እንደሚወዘውዘው ጎጆም በነፋስ ወዲያና ወዲህ ትወዛወዛለች።

በደሏም በላይዋ ላይ እጅግ ከብዷል፤+

ዳግመኛም እንደማትነሳ ሆና ትወድቃለች።

21 በዚያን ቀን ይሖዋ በላይ፣ በከፍታ ቦታ ባለው ሠራዊት ላይ፣

እንዲሁም በታች፣ በምድር ባሉት ነገሥታት ላይ ትኩረቱን ያደርጋል።

22 እነሱም እንደ እስረኞች ጉድጓድ ውስጥ

አንድ ላይ ይታጎራሉ፤

በእስር ቤት ውስጥም ይዘጋባቸዋል፤

ከብዙ ቀናት በኋላ ጉዳያቸው ይታያል።

23 ሙሉ ጨረቃ ትዋረዳለች፤

የምታበራው ፀሐይም ታፍራለች፤+

የሠራዊት ጌታ ይሖዋ በጽዮን ተራራና+ በኢየሩሳሌም ነግሦአልና፤+

በሕዝቡ ሽማግሌዎች ፊት* ክብር ተጎናጽፏል።+

ድንቅ ነገሮችን ስላደረግክና+

ከጥንት ዘመን ጀምሮ ያሰብካቸውን ነገሮች*+

በታማኝነትና+ እምነት በሚጣልበት መንገድ ስለፈጸምክ

ከፍ ከፍ አደርግሃለሁ፤ ስምህንም አወድሳለሁ።

 2 ከተማዋን የድንጋይ ቁልል፣

የተመሸገችውንም ከተማ የፍርስራሽ ክምር አድርገሃልና።

የባዕዳኑ ማማ፣ ከተማ መሆኑ አብቅቶለታል፤

ከተማዋ በምንም ዓይነት ዳግመኛ አትገነባም።

 3 ከዚህም የተነሳ ኃያል የሆነ ሕዝብ ያከብርሃል፤

የጨቋኝ ብሔራት ከተማም ትፈራሃለች።+

 4 ለችግረኛው ምሽግ ሆነሃልና፤

ለድሃውም ከደረሰበት ጭንቀት መሸሸጊያ፣+

ከውሽንፍርም መጠለያ፣

ከፀሐይ ንዳድም ጥላ ሆነሃል።+

የጨቋኞች ቁጣ ከግንብ ጋር እንደሚላተም ውሽንፍር በሚሆንበት ጊዜ ጥበቃ ታደርጋለህ፤

 5 ውኃ በተጠማ ምድር እንዳለ ሙቀት

የባዕዳንን ሁከት ጸጥ ታደርጋለህ።

በደመና ጥላ እንደሚበርድ ሙቀት፣

የጨቋኞችም ዝማሬ ጸጥ ረጭ ይላል።

 6 የሠራዊት ጌታ ይሖዋ በዚህ ተራራ+ ላይ ለሕዝቦች ሁሉ

ምርጥ ምግቦች* የሚገኙበት ታላቅ ግብዣ ያዘጋጃል፤+

ያረጀ የወይን ጠጅ ግብዣ፣

መቅኒ የሞላባቸው ምርጥ ምግቦች

እንዲሁም የተጣራና ጥሩ የወይን ጠጅ የሚቀርቡበት ታላቅ ግብዣ ያደርጋል።

 7 በዚህ ተራራ ላይ ሕዝቦችን ሁሉ የሸፈነውን ከፈን

እንዲሁም ብሔራትን ሁሉ ተብትቦ የያዘውን መሸፈኛ ያስወግዳል።*

 8 ሞትን ለዘላለም ይውጣል፤*+

ሉዓላዊው ጌታ ይሖዋ ከፊት ሁሉ እንባን ያብሳል።*+

በሕዝቡ ላይ የደረሰውን ነቀፋ ከመላው ምድር ያስወግዳል፤

ይሖዋ ራሱ ይህን ተናግሯልና።

እሱን ተስፋ አድርገናል፤+

እሱም ያድነናል።+

10 የይሖዋ እጅ በዚህ ተራራ ላይ ያርፋልና፤+

ጭድ በፍግ ክምር ላይ እንደሚረገጥ

ሞዓብም በስፍራው እንዲሁ ይረገጣል።+

11 አንድ ዋናተኛ በሚዋኝበት ጊዜ በእጆቹ ውኃውን እንደሚመታ

እሱም እጁን ዘርግቶ ሞዓብን ይመታዋል፤

በእጆቹ በጥበብ በመምታት

ትዕቢቱን ያበርድለታል።+

12 የተመሸገውን ከተማ

ከረጃጅም የመከላከያ ግንቦችህ ጋር ያፈርሳል፤

ምድር ላይ ጥሎ ከአፈር ይደባልቀዋል።

 2 ጻድቅ ብሔር ይኸውም በታማኝነት የሚመላለሰው ብሔር

እንዲገባ በሮቹን ክፈቱ።+

 3 ሙሉ በሙሉ በአንተ የሚመኩትን* ትጠብቃለህ፤

በአንተ ስለሚታመኑ+

ዘላቂ ሰላም ትሰጣቸዋለህ።+

 4 በይሖዋ ለዘላለም ታመኑ፤+

ያህ* ይሖዋ የዘላለም ዓለት ነውና።+

ከፍ ያለችውንም ከተማ ዝቅ አድርጓልና።

ያዋርዳታል፤ ወደ ምድር ይጥላታል፤

ከአፈርም ይደባልቃታል።

 6 የጎስቋላ ሰው እግር፣

የችግረኞችም ኮቴ ይረግጣታል።”

አንተ ቅን ስለሆንክ

የጻድቁን መንገድ ደልዳላ ታደርጋለህ።

 8 ይሖዋ ሆይ፣ የፍትሕ ጎዳናህን ስንከተል፣

ተስፋ የምናደርገው አንተን ነው።

 9 ሁለንተናዬ* በሌሊት አንተን ለማግኘት ይጓጓል፤

አዎ፣ መንፈሴ አንተን በጥብቅ ትፈልጋለች፤+

በምድር ላይ በምትፈርድበት ጊዜ

የምድሪቱ ነዋሪዎች ስለ ጽድቅ+ ይማራሉና።

10 ክፉ ሰው ቸርነት ቢደረግለት እንኳ

ፈጽሞ ጽድቅን አይማርም።+

በቅንነት* ምድር እንኳ ክፋት ይሠራል፤+

የይሖዋንም ግርማ አያይም።+

12 ይሖዋ ሆይ፣ አንተ ሰላም ትሰጠናለህ፤+

ምክንያቱም የሠራነውን ነገር ሁሉ

ያከናወንክልን አንተ ነህ።

13 ይሖዋ አምላካችን ሆይ፣ ከአንተ ሌላ፣ ሌሎች ጌቶች ገዝተውናል፤+

እኛ ግን የአንተን ስም ብቻ እንጠራለን።+

ታጠፋቸውና ስማቸው ጨርሶ እንዳይነሳ ታደርግ ዘንድ

ትኩረትህን ወደ እነሱ አዙረሃልና።

15 ሕዝቡን አበዛህ፤ ይሖዋ ሆይ፣

ሕዝቡን አበዛህ፤

ራስህን አስከበርክ።+

16 ይሖዋ ሆይ፣ በተጨነቁ ጊዜ አንተን ፈለጉ፤

በገሠጽካቸው ጊዜ በሹክሹክታ ድምፅ በመጸለይ ልባቸውን አፈሰሱ።+

17 ይሖዋ ሆይ፣ ነፍሰ ጡር ሴት ልትወልድ ስትል

ምጥ እንደሚይዛትና በምጥ ጣር እንደምትጮኽ ሁሉ

እኛም በአንተ የተነሳ እንዲሁ ሆነናል።

18 አርግዘን ነበር፤ ደግሞም አምጠን ነበር፤

ይሁንና ነፋስን የወለድን ያህል ነበር።

ለምድሪቱ መዳን አላስገኘንም

እንዲሁም በምድሪቱ ላይ እንዲኖር የተወለደ አንድም ልጅ የለም።

እናንተ በአፈር ውስጥ የምትኖሩ፣+

ተነሱ፤ በደስታም እልል በሉ!

ጠልህ እንደ ማለዳ ጠል ነውና፤*

ምድርም በሞት የተረቱት ዳግም ሕይወት እንዲያገኙ ታደርጋለች።*

20 ሕዝቤ ሆይ፣ ሂድ ወደ ውስጠኛው ክፍልህ ግባ፤

በርህንም ከኋላህ ዝጋ።+

ቁጣው* እስኪያልፍ ድረስ

ለጥቂት ጊዜ ተሸሸግ።+

21 እነሆ፣ ይሖዋ የምድሪቱ ነዋሪ የፈጸመውን በደል ለመፋረድ

ከመኖሪያ ቦታው ይመጣልና፤

ምድሪቱም በላይዋ የፈሰሰውን ደም ትገልጣለች፤

በላይዋም የተገደሉትን ከዚህ በኋላ አትደብቅም።”

27 በዚያን ቀን ይሖዋ፣ በፍጥነት እየተሳበ የሚሄደውን እባብ ሌዋታንን፣*

ደግሞም እየተጥመለመለ የሚጓዘውን እባብ ሌዋታንን

ትልቅ፣ ኃይለኛና ምሕረት የለሽ በሆነው ሰይፉ ይቀጣዋል፤+

በባሕር ውስጥ ያለውንም ግዙፍ ፍጥረት ይገድለዋል።

ማንም ጉዳት እንዳያደርስባት

ሌት ተቀን እጠብቃታለሁ።+

ከእኔ ጋር ሰላም ይፍጠር፤

አዎ፣ ከእኔ ጋር ሰላም ይፍጠር።”

 6 በመጪዎቹ ቀናት ያዕቆብ ሥር ይሰዳል፤

እስራኤል ያብባል እንዲሁም ይለመልማል፤+

ምድሩንም በምርት ይሞሉታል።+

 9 በመሆኑም የያዕቆብ በደል በዚህ መንገድ ይሰረይለታል፤+

ኃጢአቱ በሚወገድበት ጊዜ ፍሬው በሙሉ ይህ ይሆናል፦

የመሠዊያ ድንጋዮቹን ሁሉ

እንደደቀቀ የኖራ ድንጋይ ያደርጋል፤

የማምለኪያ ግንዶቹም* ሆኑ የዕጣን ማጨሻዎቹ አይተርፉም።+

10 የተመሸገችው ከተማ ትተዋለችና፤

የግጦሽ መሬቱም ወና ይሆናል፤ እንደ ምድረ በዳም የተተወ ይሆናል።+

በዚያ ጥጃ ይግጣል፤ ይተኛልም፤

ቅርንጫፎቿንም ይበላል።+

11 ቀንበጦቿ በሚደርቁበት ጊዜ

ሴቶች መጥተው ይሰብሯቸዋል፤

ከዚያም ማገዶ ያደርጓቸዋል።

በዚህም ምክንያት ፈጣሪያቸው ምንም ምሕረት አያደርግላቸውም፤

ሠሪያቸውም ምንም ዓይነት ሞገስ አያሳያቸውም።+

28 ጎልታ ለምትታየው* ለኤፍሬም+ ሰካራሞች አክሊል* ወዮላት!

ይህች የምታምር ጌጥ በወይን ጠጅ የተሸነፉ ሰዎች በሚኖሩበት

ለም ሸለቆ አናት ላይ የምትገኝ የምትጠወልግ አበባ ናት።

እሱም እንደ ነጎድጓዳማ የበረዶ ውሽንፍር፣ እንደ አጥፊ አውሎ ነፋስ፣

ኃይለኛ ጎርፍ እንደሚያስከትል ነጎድጓዳማ ውሽንፍር

በኃይል አሽቀንጥሮ ወደ ምድር ይጥላታል።

 3 ጎልተው የሚታዩት* የኤፍሬም ሰካራሞች ያደረጓቸው አክሊሎች

በእግር ይረገጣሉ።+

 4 ለም በሆነው ሸለቆ አናት ላይ የምትገኘውና

የምታምር ጌጥ የሆነችው የምትጠወልግ አበባ

ከበጋ በፊት፣ በመጀመሪያው ወቅት እንደምትበስል በለስ ትሆናለች።

 7 እነዚህም ከወይን ጠጅ የተነሳ መንገድ ይስታሉ፤

ከሚያሰክር መጠጥ የተነሳም ይንገዳገዳሉ።

ካህኑና ነቢዩ ከጠጡት መጠጥ የተነሳ መንገድ ይስታሉ፤

ከወይን ጠጅ የተነሳ ግራ ይጋባሉ፤

ከሚያሰክር መጠጥ የተነሳም ይንገዳገዳሉ፤

የሚያዩት ራእይ መንገድ ያስታቸዋል፤

ፍርድ ሲሰጡም ይሳሳታሉ።+

 8 ገበታቸው ሁሉ በሚያስጸይፍ ትውከት ተሞልቷል፤

ያልተበላሸ ቦታም የለም።

 9 እነሱም እንዲህ ይላሉ፦ “እውቀትን የሚያካፍለው ለማን ነው?

መልእክቱንስ የሚያስረዳው ለማን ነው?

ገና ወተት ለተዉ፣

ጡትም ለጣሉ ሕፃናት ነው?

10 ‘በትእዛዝ ላይ ትእዛዝ፣ በትእዛዝ ላይ ትእዛዝ፣

በሥርዓት ላይ ሥርዓት፣ በሥርዓት ላይ ሥርዓት፣*+

እዚህ ጥቂት፣ እዚያ ጥቂት’ ነውና።”

“በትእዛዝ ላይ ትእዛዝ፣ በትእዛዝ ላይ ትእዛዝ፣

በሥርዓት ላይ ሥርዓት፣ በሥርዓት ላይ ሥርዓት፣*+

እዚህ ጥቂት፣ እዚያ ጥቂት” ይሆንባቸዋል፤

በመሆኑም ሲሄዱ፣

ተሰናክለው ወደ ኋላ ይወድቃሉ፤

ደግሞም ይሰበራሉ፣ ይጠመዳሉ እንዲሁም ይያዛሉ።+

14 ስለዚህ እናንተ ጉረኞች፣

በኢየሩሳሌም የሚኖረው ሕዝብ ገዢዎች፣ የይሖዋን ቃል ስሙ፦

15 እናንተ እንዲህ ብላችኋልና፦

“ከሞት ጋር ቃል ኪዳን ገብተናል፤+

ከመቃብርም * ጋር ስምምነት አድርገናል።*

በድንገት የሚያጥለቀልቅ ጎርፍ ሲያልፍ

እኛን አይነካንም፤

ውሸትን መጠጊያችን አድርገናልና፤

በሐሰትም ውስጥ ተደብቀናል።”+

“እነሆ፣ በጽዮን የመሠረት ድንጋይ ይኸውም የተፈተነ ድንጋይ፣+

አስተማማኝ መሠረት+ ሆኖ የተጣለ ክቡር የማዕዘን ድንጋይ+ አኖራለሁ።

17 እኔም ፍትሕን የመለኪያ ገመድ፣+

ጽድቅንም ውኃ ልክ* አደርጋለሁ።+

የውሸት መጠጊያውን፣ በረዶ ጠራርጎ ይወስደዋል፤

ውኃዎቹም መደበቂያ ቦታውን ያጥለቀልቁታል።

18 ከሞት ጋር የገባችሁት ቃል ኪዳን ይፈርሳል፤

ከመቃብርም * ጋር ያደረጋችሁት ስምምነት አይጸናም።+

በድንገት የሚያጥለቀልቀው ጎርፍ ሲያልፍ

ድምጥማጣችሁን ያጠፋል።

19 ጎርፉ ባለፈ ቁጥር

ጠራርጎ ይወስዳችኋል፤+

በየማለዳው እንዲሁም

በቀንና በሌሊት ያልፋልና።

20 እግር ተዘርግቶ እንዳይተኛ አልጋው አጭር ነውና፤

ተሸፋፍኖም እንዳይተኛ ጨርቁ በጣም ጠባብ ነው።

21 ይሖዋ ተግባሩን ይኸውም እንግዳ የሆነ ተግባሩን ያከናውን ዘንድ

እንዲሁም ሥራውን ይኸውም ያልተለመደ ሥራውን ይሠራ ዘንድ+

በጰራጺም ተራራ እንዳደረገው ይነሳልና፤

በገባኦን አቅራቢያ ባለው ሸለቆ* እንዳደረገውም ራሱን ያነሳሳል።+

22 እንግዲህ ፌዘኞች አትሁኑ፤+

አለዚያ እስራቱ ይበልጥ ይጠብቅባችኋል፤

ሉዓላዊው ጌታ፣ የሠራዊት ጌታ ይሖዋ

አገሪቱን በሙሉ* ለማጥፋት ያስተላለፈውን ፍርድ ሰምቻለሁና።+

23 ጆሯችሁን አዘንብሉ፤ ድምፄንም ስሙ፤

ለምናገረው ነገር ትኩረት ስጡ፤ በጥሞናም አዳምጡ።

25 ከዚህ ይልቅ መሬቱን ከደለደለ በኋላ

ጥቁር አዝሙድና ከሙን አይዘራም?

ስንዴውን፣ ማሽላውንና ገብሱንስ በቦታ በቦታቸው አይዘራም?

ደግሞስ አጃውን+ ዳር ላይ አይዘራም?

26 አምላክ ሰውን በትክክለኛው መንገድ ያስተምረዋል፤*

ደግሞም ይመራዋል።+

27 ጥቁር አዝሙድ በማሄጃ*+ አይወቃም፤

በከሙንም ላይ የመውቂያ መንኮራኩር* እንዲሄድ አይደረግም።

ጥቁር አዝሙድ በበትር፣

ከሙንም በዘንግ ይወቃል።

በጭራሽ፤ እስኪደቅ ድረስ አይወቃውም፤+

በፈረሶቹ የሚጎተተውን የመውቂያ መንኮራኩር በሚያስኬድበት ጊዜ፣

እህሉን አያደቀውም።+

29 ይህም የተገኘው፣ አስደናቂ ምክር* ካለውና

ታላላቅ ሥራዎችን ካከናወነው*

ከሠራዊት ጌታ ከይሖዋ ነው።+

በዓመት ላይ ዓመት ጨምሩ፤

ዓመታዊ በዓሎቻችሁን+ ማክበራችሁን ቀጥሉ።

 2 እኔ ግን በአርዔል ላይ የሚያስጨንቅ ነገር አመጣለሁ፤+

ለቅሶና ዋይታም ይሆናል፤+

እሷም ለእኔ፣ እንደ አምላክ የመሠዊያ ምድጃ ትሆናለች።+

 3 አንቺን ለማጥቃት በዙሪያሽ እሰፍራለሁ፤

በሹል እንጨት አጥርሻለሁ፤

በአንቺም ዙሪያ ቅጥር እገነባለሁ።+

 4 ትወድቂያለሽ፤ ትዋረጃለሽም፤

መሬት ላይ ሆነሽ ትናገሪያለሽ፤

የምትናገሪው ነገር በአፈር ይታፈናል።

ድምፅሽ እንደ መናፍስት ጠሪ ድምፅ

ከመሬት ይመጣል፤+

ቃልሽም ከአፈር ይጮኻል።

 5 የጠላቶችሽ* ሠራዊት እንደላመ ዱቄት ይሆናል፤+

የጨቋኞች መንጋ ተጠርጎ እንደሚሄድ ገለባ ይሆናል።+

 6 የሠራዊት ጌታ ይሖዋ ትኩረቱን ወደ አንቺ በማዞር

በነጎድጓድ፣ በምድር መናወጥ፣ በታላቅ ድምፅ፣

በውሽንፍር፣ በአውሎ ነፋስና በሚባላ የእሳት ነበልባል ያድንሻል።”+

 7 በዚያን ጊዜ አርዔልን የሚወጉ የብሔራት ሠራዊት ሁሉ፣+

ይኸውም ጦርነት የሚከፍቱባት ሁሉ፣

በእሷ ላይ ጥቃት ለመሰንዘር ማማዎችን የሚሠሩና

ጭንቀት ላይ የሚጥሏት ሁሉ

እንደ ሕልም፣ በሌሊትም እንደሚታይ ራእይ ይሆናሉ።

 8 አዎ፣ የተራበ ሰው በሕልሙ ሲበላ ቆይቶ

ሲነቃ ግን ረሃቡ እንደማይለቀው* ሁሉ፣

ደግሞም የተጠማ ሰው በሕልሙ ሲጠጣ ቆይቶ

ሲነቃ ግን ዝሎና ተጠምቶ እንደሚነሳ* ሁሉ እንዲሁ ይሆናል።

በጽዮን ተራራ ላይ ጦርነት የሚከፍቱ የብሔራት ሠራዊትም ሁሉ

ተመሳሳይ ነገር ይደርስባቸዋል።+

 9 ክው በሉ፤ ተደነቁም፤+

ዓይናችሁን ጨፍኑ፤ ዕውሮችም ሁኑ።+

በወይን ጠጅ አይሁን እንጂ ሰክረዋል፤

በሚያሰክር መጠጥ አይሁን እንጂ ተንገዳግደዋል።

10 ይሖዋ ኃይለኛ የእንቅልፍ መንፈስ አፍስሶባችኋልና፤+

ዓይኖቻችሁን ይኸውም ነቢያትን ጨፍኖባችኋል፤+

ራሶቻችሁን ይኸውም ባለ ራእዮችን ሸፍኖባችኋል።+

13 ይሖዋ እንዲህ ይላል፦ “ይህ ሕዝብ ወደ እኔ የሚቀርበው በአፉ ብቻ ነው፤

በከንፈሩም ያከብረኛል፤+

ልቡ ግን ከእኔ እጅግ የራቀ ነው፤

እኔንም የሚፈራው፣ ሰዎች ያስተማሩትን ትእዛዛት በማክበር ነው።+

14 ስለዚህ እኔ በእነዚህ ሰዎች ላይ ዳግመኛ የሚያስደንቁ ነገሮች አደርጋለሁ፤+

በድንቅ ላይ ድንቅ ነገር እፈጽማለሁ፤

የጥበበኞቻቸውም ጥበብ ይጠፋል፤

የአስተዋዮቻቸውም ማስተዋል ይሰወራል።”+

“ማን ያየናል?

ማንስ ያውቅብናል?” በማለት

17 በአጭር ጊዜ ውስጥ ሊባኖስ ወደ ፍራፍሬ እርሻነት ይለወጣል፤+

የፍራፍሬ እርሻውም እንደ ጫካ ይቆጠራል።+

18 በዚያ ቀን፣ መስማት የተሳናቸው ሰዎች የመጽሐፉን ቃል ይሰማሉ፤

የዓይነ ስውራኑም ዓይኖች ከጭጋግና ከጨለማ ተላቀው ያያሉ።+

19 የዋሆች በይሖዋ እጅግ ሐሴት ያደርጋሉ፤

በሰዎች መካከል ያሉ ድሆችም በእስራኤል ቅዱስ ደስ ይላቸዋል።+

20 ጨቋኙ ያከትምለታልና፤

ጉረኛውም ያበቃለታል፤

ሌሎችን ለመጉዳት አሰፍስፈው የሚጠባበቁ ሁሉ ይጠፋሉ፤+

21 ሌሎችን በውሸት ቃል በደለኛ የሚያደርጉ፣

በከተማዋ በር፣+ በተሟጋቹ* ላይ ወጥመድ የሚዘረጉና

መሠረተ ቢስ በሆነ ክስ ጻድቁን ሰው ፍትሕ የሚነፍጉ ይጠፋሉ።+

“ያዕቆብ ከእንግዲህ አያፍርም፤

ፊቱም ከእንግዲህ አይገረጣም።*+

23 የእጆቼ ሥራ የሆኑትን ልጆቹን

በመካከሉ በሚያይበት ጊዜ፣+

ስሜን ይቀድሳሉና፤

አዎ፣ የያዕቆብን ቅዱስ ይቀድሳሉ፤

የእስራኤልንም አምላክ ይፈራሉ።*+

24 በመንፈስ የባዘኑ ማስተዋል ያገኛሉ፤

የሚያጉረመርሙም የሚሰጣቸውን ትምህርት ይቀበላሉ።”

30 “ግትር ለሆኑ ልጆች ወዮላቸው”+ ይላል ይሖዋ፤

“በኃጢአት ላይ ኃጢአት ለመጨመር

የእኔን ሳይሆን የራሳቸውን ዕቅድ ይፈጽማሉ፤+

ደግሞም ኅብረት ይፈጥራሉ፤* ይህን የሚያደርጉት ግን በመንፈሴ አይደለም።

 2 በፈርዖን ጥበቃ ሥር* ለመሸሸግና

በግብፅ ጥላ ሥር ለመጠለል

እኔን ሳያማክሩ*+ ወደ ግብፅ ይወርዳሉ!+

 3 ይሁንና ፈርዖን የሚያደርግላችሁ ጥበቃ ለኀፍረት፣

በግብፅ ጥላ ሥር መጠለልም ለውርደት ይዳርጋችኋል።+

 4 መኳንንቱ በጾዓን+ ናቸውና፤

መልእክተኞቹም ሃኔስ ደርሰዋል።

 5 ምንም ሊጠቅማቸው በማይችል፣

እርዳታ በማይሰጥና ጥቅም በማያስገኝ፣

ይልቁንም ለውርደትና ለነቀፋ በሚዳርግ ሕዝብ

ሁሉም ኀፍረት ይከናነባሉ።”+

አንበሳ፣ አዎ የሚያገሳ አንበሳ ባለበት፣

እፉኝት እንዲሁም የሚበርና የሚያቃጥል እባብ* በሚገኙበት፣

አስጨናቂና አስቸጋሪ ሁኔታዎች በሞሉበት ምድር

ሀብታቸውን በአህያ ላይ፣

ቁሳቁሳቸውንም በግመል ሻኛ ላይ ጭነው ይሄዳሉ።

 8 “በል ሂድ፤ ለመጪዎቹ ዘመናት፣

ቋሚ ምሥክር እንዲሆን

እነሱ ባሉበት በጽላት ላይ ጻፈው፤

በመጽሐፍም ላይ ክተበው።+

 9 እነሱ ዓመፀኛ ሕዝብ፣+ አታላይ ልጆችና+

የይሖዋን ሕግ* ለመስማት እንቢተኛ የሆኑ ልጆች ናቸውና።+

“ይህን ቃል ስለናቃችሁ፣+

በማጭበርበርና በማታለል ስለታመናችሁ፣

በዚያም ላይ ስለተደገፋችሁ፣+

13 ይህ በደል እንደተሰነጠቀ ቅጥር፣

ሊወድቅ እንደተቃረበ ያዘመመ ረጅም ቅጥር ይሆንባችኋል።

14 ሸክላ ሠሪ እንደሠራው ትልቅ እንስራ ይሰባበራል፤

እንክትክቱ ከመውጣቱ የተነሳ ከምድጃ ፍም ለመውሰድ

ወይም ከረግረጋማ ቦታ* ውኃ ለመጨለፍ የሚያስችል

አንድም ገል አይገኝም።”

“ወደ እኔ በመመለስና በማረፍ ትድናላችሁ፤

ሳትረበሹ፣ ተማምናችሁ በመኖር ብርቱ መሆናችሁን ታሳያላችሁ።”+

17 አንድ ሰው ከሚሰነዝረው ዛቻ የተነሳ ሺዎች ይሸበራሉ፤+

በተራራ አናት ላይ እንደተተከለ ምሰሶና

በኮረብታ ላይ እንደቆመ ለምልክት የሚያገለግል ግንድ ሆናችሁ እስክትቀሩ ድረስ፣

አምስት ሰዎች ከሚሰነዝሩት ዛቻ የተነሳ ትሸሻላችሁ።+

18 ይሁንና ይሖዋ ሞገስ ሊያሳያችሁ በትዕግሥት* ይጠባበቃል፤+

ምሕረት ሊያሳያችሁም ይነሳል።+

27 እነሆ፣ የይሖዋ ስም በቁጣው እየነደደ

ጥቅጥቅ ካለ ደመና ጋር ከሩቅ ይመጣል።

ከንፈሮቹ በቁጣ ተሞልተዋል፤

ምላሱም እንደሚባላ እሳት ነው።+

28 መንፈሱ* እስከ አንገት ድረስ እንደሚደርስ የሚያጥለቀልቅ ወንዝ ነው፤

ብሔራትን በጥፋት ወንፊት* ይነፋቸዋል፤

በሕዝቦች መንጋጋም መንገድ እንዲስቱ የሚያደርግ ልጓም ይገባል።+

29 እናንተ ግን፣ ለበዓል በምትዘጋጁበት* ጊዜ+

በሌሊት እንደሚዘመረው ያለ መዝሙር ትዘምራላችሁ፤

ደግሞም ወደ እስራኤል ዓለት፣+ ወደ ይሖዋ ተራራ ሲጓዝ

ዋሽንት ይዞ* እንደሚሄድ ሰው

ልባችሁ ሐሴት ያደርጋል።

30 ይሖዋ ግርማ የተላበሰ ድምፁ+ እንዲሰማ ያደርጋል፤

የክንዱንም ብርታት ይገልጣል፤+

ይህን የሚያደርገው በሚነድ ቁጣ፣+ በሚባላ የእሳት ነበልባል፣+

ሳይታሰብ በሚወርድ ዶፍ፣+ ነጎድጓድ በቀላቀለ ውሽንፍርና በበረዶ ድንጋይ+ ታጅቦ ክንዱ ጥቃት ለመሰንዘር ወደ ታች በሚወርድበት ጊዜ ነው።

31 ከይሖዋ ድምፅ የተነሳ አሦር በሽብር ይናጣልና፤+

በበትርም ይመታዋል።+

32 ይሖዋ በጦርነት ክንዱን በእነሱ ላይ በሚያነሳበት ጊዜ+

በአሦር ላይ የሚያወርደው

የቅጣት በትር ሁሉ

በአታሞና በበገና የታጀበ ይሆናል።+

33 ቶፌቱ*+ ከወዲሁ ተዘጋጅቷልና፤

ለንጉሡም ተዘጋጅቶለታል።+

የእንጨት ክምሩ ጥልቀትና ስፋት ያለው እንዲሆን አድርጓል፤

ብዙ እሳትና እንጨትም አለ።

የይሖዋ እስትንፋስ ልክ እንደ ድኝ ጅረት

በእሳት ያያይዘዋል።

31 እርዳታ ለማግኘት ወደ ግብፅ ለሚወርዱ፣+

በፈረሶች ለሚመኩ፣+

ብዛት ባላቸው የጦር ሠረገሎችና

ብርቱ በሆኑ የጦር ፈረሶች* ለሚታመኑ ወዮላቸው!

ነገር ግን በእስራኤል ቅዱስ ተስፋ አያደርጉም፤

ይሖዋንም አይሹም።

 2 ይሁንና እሱም ጥበበኛ ነው፤ ጥፋትም ያመጣል፤

ቃሉንም አያጥፍም።

በክፉ አድራጊዎች ቤት ላይ፣

እንዲሁም መጥፎ ነገር የሚሠሩ ሰዎችን በሚረዱ ላይ ይነሳል።+

 3 ግብፃውያን ግን ተራ ሰዎች እንጂ አምላክ አይደሉም፤

ፈረሶቻቸው ሥጋ እንጂ መንፈስ አይደሉም።+

ይሖዋ እጁን ሲዘረጋ፣

እርዳታ የሚሰጥ ሁሉ ይሰናከላል፤

እርዳታ ተቀባዩም ሁሉ ይወድቃል፤

ሁሉም አንድ ላይ ይጠፋሉ።

“አንበሳ ይኸውም ደቦል አንበሳ ባደነው እንስሳ ላይ ቆሞ እንደሚያገሳ፣

ብዙ እረኞች ተጠራርተው ሲመጡበትም

ጩኸታቸው እንደማያሸብረው፣

የሚያሰሙትም ሁካታ እንደማያስፈራው ሁሉ

የሠራዊት ጌታ ይሖዋም ለጽዮን ተራራና ለኮረብታዋ ሲል

ለመዋጋት ይወርዳል።

 8 አሦራዊውም የሰው ባልሆነ ሰይፍ ይወድቃል፤

የሰው ያልሆነም ሰይፍ ይበላዋል።+

እሱም ሰይፉን ፈርቶ ይሸሻል፤

ወጣቶቹም የግዳጅ ሥራ ይሠራሉ።

 9 ቋጥኙ እጅግ ከመፍራቱ የተነሳ ደብዛው ይጠፋል፤

መኳንንቱም ምልክት ሆኖ የሚያገለግለውን ምሰሶ ሲያዩ ይሸበራሉ” ይላል

ብርሃኑ* በጽዮን፣ እቶኑም በኢየሩሳሌም የሆነው ይሖዋ።

32 እነሆ፣ ንጉሥ+ ለጽድቅ ይነግሣል፤+

መኳንንትም ፍትሕ ለማስፈን ይገዛሉ።

 2 እያንዳንዱም ከነፋስ እንደ መከለያ፣*

ከውሽንፍር እንደ መሸሸጊያ፣*

ውኃ በሌለበት ምድር እንደ ጅረት፣+

በደረቅ ምድርም እንደ ትልቅ ቋጥኝ ጥላ ይሆናል።

 3 በዚያ ጊዜ፣ የሚያዩ ሰዎች ዓይኖች አይጨፈኑም፤

የሚሰሙ ሰዎችም ጆሮዎች በትኩረት ያዳምጣሉ።

 4 የችኩሎች ልብ እውቀትን ያሰላስላል፤

የሚንተባተብ ምላስም አቀላጥፎና አጥርቶ ይናገራል።+

 5 የማመዛዘን ችሎታ የጎደለው ሰው ከእንግዲህ ለጋስ አይባልም፤

ሥርዓት የሌለው ሰውም ትልቅ ሰው አይባልም፤

 6 የማመዛዘን ችሎታ የጎደለው ሰው የማይረባ ነገር ይናገራልና፤

ደግሞም በይሖዋ ላይ ክህደት ለመፈጸምና* የውሸት ቃል ለመናገር፣

እንዲሁም የተራበ ሰው የሚበላ ነገር እንዳያገኝና*

የተጠማ ሰው የሚጠጣ ነገር እንዳያገኝ ለማድረግ

ልቡ ክፋትን ያውጠነጥናል።+

 7 ሥርዓት የሌለው ሰው የሚጠቀምባቸው ዘዴዎች መጥፎ ናቸው፤+

ድሃው ትክክል የሆነውን ነገር በሚናገርበት ጊዜም እንኳ

የተጎሳቆለውን ሰው በውሸት ቃል ለማጥፋት

አሳፋሪ ለሆነ ምግባር ድጋፍ ይሰጣል።+

 8 ለጋስ ሰው ግን ስለ ልግስና ያስባል፤

ዘወትር የልግስና* ተግባር ለመፈጸም ይተጋል።

10 እናንተ ግድየለሾች፣ ከአንድ ዓመት ብዙም ባልበለጠ ጊዜ ውስጥ ትሸበራላችሁ፤

ምክንያቱም የወይን ፍሬ የምትለቅሙበት ጊዜ ሲያልፍ የተሰበሰበ ፍሬ አይኖርም።+

ልብሳችሁን በሙሉ አውልቁ፤

በወገባችሁም ላይ ማቅ ታጠቁ።+

12 ስለ መልካሙ እርሻና ፍሬያማ ስለሆነው ወይን

በሐዘን ደረታችሁን ምቱ።

13 የሕዝቤን ምድር እሾህና አሜኬላ ይወርሱታልና፤

በደስታ ተሞልተው የነበሩትን ቤቶች ሁሉ፣

አዎ፣ በሐሴት ተሞልታ የነበረችውን ከተማ ይሸፍናሉ።+

14 የማይደፈረው ማማ ባዶ ሆኗልና፤

ሁካታ የነበረበት ከተማ ወና ቀርቷል።+

ኦፌልና+ መጠበቂያ ግንቡ ለዘለቄታው ጠፍ ሆነዋል፤

የዱር አህዮች መፈንጫና

የመንጎች መሰማሪያ ሆነዋል፤+

15 ይህም የሚሆነው መንፈስ ከላይ እስኪፈስብን፣+

ምድረ በዳውም የፍራፍሬ እርሻ እስከሚሆን፣

የፍራፍሬ እርሻውም እንደ ጫካ እስከሚቆጠር ድረስ ነው።+

16 ከዚያም በምድረ በዳ ፍትሕ ይሰፍናል፤

በፍራፍሬ እርሻም ጽድቅ ይኖራል።+

17 የእውነተኛ ጽድቅ ውጤት ሰላም፣+

የእውነተኛ ጽድቅ ፍሬም ዘላቂ ጸጥታና ደህንነት ይሆናል።+

18 ሕዝቤ ሰላማዊ በሆነ የመኖሪያ ስፍራ፣

አስተማማኝ በሆነ መኖሪያና ጸጥታ በሰፈነበት የማረፊያ ቦታ ይኖራል።+

19 ሆኖም በረዶው ጫካውን ያወድማል፤

ከተማዋም ሙሉ በሙሉ ትፈራርሳለች።

20 እናንተ በውኃዎች ሁሉ ዳር ዘር የምትዘሩ፣

በሬውንና አህያውንም የምትለቁ* ደስተኞች ናችሁ።”+

33 አንተ ሳትጠፋ የምታጠፋ፣+

ክህደት ሳይፈጸምብህ ክህደት የምትፈጽም ወዮልህ!

በየማለዳው በክንድህ ደግፈን፤*+

አዎ፣ በጭንቅ ጊዜ አዳኛችን ሁን።+

 4 የማይጠግቡ አንበጦች በሚሰበሰቡበት ጊዜ እንደሚሆነው ከእናንተም የሚወሰደው ምርኮ እንዲሁ ይሰበሰባል፤

ሰዎች እንደ አንበጣ መንጋ ምርኮውን ይቀራመቱታል።

 5 ይሖዋ ከፍ ከፍ ይላል፤

በከፍታ ቦታ ይኖራልና።

 6 እሱ የዘመንህ መተማመኛ ነው፤

የመዳን፣+ የጥበብና የእውቀት ብዛት እንዲሁም ይሖዋን መፍራት፣+

ይህ የእሱ ውድ ሀብት ነው።

 7 እነሆ፣ ጀግኖቻቸው በጎዳና ላይ ይጮኻሉ፤

የሰላም መልእክተኞቹም አምርረው ያለቅሳሉ።

 8 አውራ ጎዳናዎቹ ጭር ብለዋል፤

በመንገድ ላይ የሚጓዝ ሰው የለም።

እሱ* ቃል ኪዳኑን አፍርሷል፤

ከተሞቹን ንቋል፤

ሟች ለሆነው ሰው ደንታ የለውም።+

ሳሮን እንደ በረሃ ሆነች፤

ባሳንና ቀርሜሎስም ቅጠላቸውን አረገፉ።+

10 “አሁን እነሳለሁ” ይላል ይሖዋ፤

“አሁን ራሴን ከፍ ከፍ አደርጋለሁ፤+

አሁን ራሴን አከብራለሁ።

14 በጽዮን ያሉ ኃጢአተኞች እጅግ ፈሩ፤+

ከሃዲዎቹም ብርክ ያዛቸው፦

15 ዘወትር በጽድቅ የሚመላለስ፣+

ቅን+ የሆነውን ነገር የሚናገር፣

በማታለልና በማጭበርበር የሚገኝን ጥቅም የሚጠላ፣

ጉቦ ከመቀበል እጁን የሚሰበስብ፣+

ደም ለማፍሰስ የሚጠነሰስን ሴራ ላለመስማት ጆሮውን የሚደፍን

እንዲሁም ክፉ የሆነውን ላለማየት ዓይኑን የሚጨፍን ሰው፣

16 በከፍታ ቦታዎች ይኖራል፤

ዓለታማ ምሽጎች አስተማማኝ መጠጊያው ይሆናሉ፤

ምግቡም ይቀርብለታል፤

የውኃ አቅርቦትም ፈጽሞ አይቋረጥበትም።”+

17 ዓይኖችህ ንጉሡን ግርማ ተላብሶ ያዩታል፤

በሩቅ ያለችውን ምድር ያያሉ።

19 የማይገባ ቋንቋ የሚናገረውንና*

ለመረዳት የሚያስቸግር ተብታባ አንደበት ያለውን+

ጋጠወጥ ሕዝብ ከእንግዲህ አታይም።

ጸጥታ የሰፈነባት መኖሪያ፣

የማትነቃነቅ ድንኳን+ የሆነችውን ኢየሩሳሌምን ዓይኖችህ ያያሉ።

የድንኳን ካስማዎቿ ፈጽሞ አይነቀሉም፤

ከገመዶቿም አንዱ እንኳ አይበጠስም።

21 ይልቁንም ግርማ ሞገስ የተላበሰው ይሖዋ

በዚያ ስፍራ እንደ ወንዞችና እንደ ሰፋፊ ቦዮች ሆኖ ይጠብቀናል፤

በእነሱም ላይ ጠላት የሚያሰልፋቸው ባለ መቅዘፊያ ጀልባዎችም ሆኑ

ትላልቅ መርከቦች አያልፉም።

22 ይሖዋ ዳኛችን ነው፤+

ይሖዋ ሕግ ሰጪያችን ነው፤+

ይሖዋ ንጉሣችን ነው፤+

የሚያድነን እሱ ነው።+

23 ገመዶችህ ይላላሉ፤

የመርከቡን ምሰሶ አጽንተው ማቆምም ሆነ ሸራውን ወጥረው መያዝ አይችሉም።

በዚያን ጊዜ ብዛት ያለው ምርኮ ይከፋፈላል፤

አንካሶችም እንኳ ብዙ የሚበዘበዝ ነገር ያገኛሉ።+

34 እናንተ ብሔራት፣ ለመስማት ወደዚህ ቅረቡ፤

እናንተ ሕዝቦች፣ በትኩረት አዳምጡ።

ምድርና በውስጧ ያለው ነገር ሁሉ፣

ምድርና ከእሷ የሚገኘው ምርት ሁሉ ይስሙ።

 2 ይሖዋ በሁሉም ብሔራት ላይ ተቆጥቷልና፤+

በሠራዊታቸውም ሁሉ ላይ ተቆጥቷል።+

ፈጽሞ ያጠፋቸዋል፤

ለእርድም አሳልፎ ይሰጣቸዋል።+

 3 የተገደሉባቸው ሰዎች ይጣላሉ፤

የአስከሬኖቻቸውም ግማት ወደ ላይ ይወጣል፤+

ከደማቸውም የተነሳ ተራሮቹ ይሸረሸራሉ።*+

 4 የሰማያት ሠራዊት ሁሉ ይበሰብሳሉ፤

ሰማያትም እንደ መጽሐፍ ጥቅልል ይጠቀለላሉ።

ደርቆ እንደረገፈ የወይን ቅጠልና

ደርቆ እንደወደቀ በለስ

ሠራዊታቸውም ሁሉ ደርቀው ይረግፋሉ።

በኤዶም ይኸውም እንዲጠፋ

ፍርድ ባስተላለፍኩበት ሕዝብ ላይ ትወርዳለች።+

በስብ፣+ በበግ ጠቦቶችና በፍየሎች ደም

እንዲሁም በአውራ በጎች ኩላሊት ስብ ትለወሳለች።

ይሖዋ በቦስራ መሥዋዕት፣

በኤዶምም ምድር

ታላቅ እርድ ያዘጋጃልና።+

 7 የዱር በሬዎች ከእነሱ ጋር ይወድቃሉ፤

ወይፈኖችም ከብርቱ ኮርማዎች ጋር ይወድቃሉ።

ምድራቸውም በደም ይሸፈናል፤

አፈራቸውም በስብ ይርሳል።”

 8 ይሖዋ የሚበቀልበት ቀን፣+

በጽዮን ላይ ለተፈጸመው በደል ቅጣት የሚያስፈጽምበት ዓመት አለውና።+

 9 በእሷ* የሚገኙት ጅረቶች ወደ ዝፍት ይለወጣሉ፤

አፈሯም ወደ ድኝ ይቀየራል፤

ምድሪቱም እንደሚቃጠል ዝፍት ትሆናለች።

10 እሳቱ በሌሊትም ሆነ በቀን አይጠፋም፤

ጭሷም ለዘላለም ይወጣል።

ከትውልድ እስከ ትውልድም እንደወደመች ትቀራለች፤

ለዘላለም ማንም በእሷ አያልፍም።+

11 ሻላና* ጃርት ይወርሷታል፤

ባለ ረጅም ጆሮ ጉጉቶችና ቁራዎችም በእሷ ውስጥ ይኖራሉ።

አምላክ፣ ምድሪቱ ባዶ እንደምትሆንና እንደምትጠፋ ለማሳየት

በመለኪያ ገመድና በቱንቢ* ይለካታል።

12 ከታላላቅ ሰዎቿ መካከል ለንግሥና የሚበቃ አንድም ሰው አይኖርም፤

መኳንንቷም ሁሉ ይጠፋሉ።

13 በማይደፈሩ ማማዎቿ ላይ እሾህ፣

በምሽጎቿም ላይ ሳማና ኩርንችት ይበቅላል።

የቀበሮዎች ማደሪያ፣+

የሰጎኖችም መኖሪያ ትሆናለች።

14 የበረሃ ፍጥረታት ከሚያላዝኑ እንስሶች ጋር ይገናኛሉ፤

የዱር ፍየልም* ባልንጀራውን ይጠራል።

15 ተወንጫፊ እባብ በዚያ ጎጆዋን ትሠራለች፤ እንቁላልም ትጥላለች፤

ከዚያም ትቀፈቅፋለች፤ በጥላዋም ሥር ትሰበስባቸዋለች።

ከእነሱ መካከል አንዳቸውም አይጎድሉም፤

ሁሉም ተጓዳኝ አያጡም፤

ይህ ትእዛዝ የወጣው ከይሖዋ አፍ ነውና፤

አንድ ላይ የሰበሰባቸውም የእሱ መንፈስ ነው።

17 ዕጣ የጣለላቸው እሱ ነው፤

የተመደበላቸውን ቦታ የለካው የገዛ እጁ ነው።*

እነሱም ለዘለቄታው ይወርሱታል፤

ከትውልድ እስከ ትውልድም በዚያ ይኖራሉ።

35 ምድረ በዳውና ደረቁ ምድር ሐሴት ያደርጋል፤+

በረሃማው ቦታም ደስ ይለዋል፤ እንደ ሳሮን አበባም * ያብባል።+

 2 በእርግጥ ያብባል፤+

ሐሴት ያደርጋል፤ በደስታም እልል ይላል።

የሊባኖስ ክብር ይሰጠዋል፤+

የቀርሜሎስንና+ የሳሮንን+ ግርማ ይለብሳል።

 3 የደከሙትን እጆች አበርቱ፤

የሚብረከረኩትንም ጉልበቶች አጽኑ።+

እነሆ፣ አምላካችሁ ሊበቀል ይመጣል፤

አምላክ ብድራት ሊከፍል ይመጣል።+

 5 በዚያን ጊዜ የዓይነ ስውራን ዓይን ይገለጣል፤+

መስማት የተሳናቸው ሰዎች ጆሮም ይከፈታል።+

 6 በዚያን ጊዜ አንካሳ እንደ ሚዳቋ ይዘላል፤+

የዱዳም ምላስ በደስታ እልል ይላል።+

በምድረ በዳ ውኃ ይፈልቃልና፤

በበረሃማ ሜዳም ጅረት ይፈስሳል።

 7 በሐሩር የተቃጠለው ምድር ቄጠማ የሞላበት ኩሬ፣

የተጠማውም ምድር የውኃ ምንጭ ይሆናል።+

ቀበሮዎች ይኖሩበት የነበረው ጎሬ+

ለምለም ሣር፣ ሸምበቆና ደንገል ይበቅልበታል።

 8 በዚያም አውራ ጎዳና ይኖራል፤+

ደግሞም “የቅድስና ጎዳና” ተብሎ ይጠራል።

ጎዳናው፣ በመንገዱ ላይ ለሚሄዱት ብቻ ይሆናል፤

ሞኞችም አይሄዱበትም።

 9 በዚያ አንበሳ አይኖርም፤

አዳኝ አራዊትም ወደዚያ አይወጡም።

አንዳቸውም በዚያ አይገኙም፤+

የተቤዡት ብቻ በዚያ ይሄዳሉ።+

ደስታንና ሐሴትን ያገኛሉ፤

ሐዘንና ሲቃም ከዚያ ይርቃሉ።+

ድምፅህን ከፍ ያደረግከው፣+

እብሪተኛ ዓይንህንም ያነሳኸው በማን ላይ ነው?

24 በአገልጋዮችህ በኩል ይሖዋን አቃለሃል፤+ እንዲህም ብለሃል፦

‘ብዛት ባላቸው የጦር ሠረገሎቼ፣

ወደ ተራሮች ከፍታ፣

ርቀው ወደሚገኙትም የሊባኖስ ስፍራዎች እወጣለሁ።+

25 ጉድጓድ ቆፍሬ ውኃ እጠጣለሁ፤

የግብፅን ጅረቶች* በእግሬ ረግጬ አደርቃለሁ።’

27 ነዋሪዎቻቸው አቅመ ቢስ ይሆናሉ፤

ይሸበራሉ፤ ደግሞም ያፍራሉ።

እንደ ሜዳ ተክል፣ እንደ ለምለም ሣር፣

እንዲሁም የምሥራቅ ነፋስ እንዳቃጠለው በጣሪያ ላይ የበቀለ ሣር ይሆናሉ።

28 ይሁንና መቼ እንደምትቀመጥ፣ መቼ እንደምትወጣና መቼ እንደምትገባ፣

እንዲሁም መቼ በእኔ ላይ እንደተቆጣህ በሚገባ አውቃለሁ፤+

29 ምክንያቱም በእኔ ላይ የተቆጣኸው ቁጣና+ ጩኸትህ ወደ ጆሮዬ ደርሷል።+

ስለዚህ ስናጌን በአፍንጫህ፣ ልጓሜንም+ በአፍህ አስገባለሁ፤

በመጣህበትም መንገድ እንድትመለስ አደርግሃለሁ።”

“ወደዚህች ከተማ አይመጣም፤+

ፍላጻም አይወረውርባትም፤

ጋሻም ይዞ አይመጣባትም፤

ከበባ ለማድረግም በዙሪያዋ የአፈር ቁልል አይደለድልም።”’+

34 ‘በመጣበት መንገድ ይመለሳል፤

ወደዚህች ከተማ አይገባም’ ይላል ይሖዋ።

35 ‘ስለ እኔና+ ስለ አገልጋዬ ስለ ዳዊት ስል+

ይህችን ከተማ እጠብቃታለሁ፤+ ደግሞም አድናታለሁ።’”

10 እኔ “በዕድሜዬ አጋማሽ ላይ

ወደ መቃብር* በሮች እገባለሁ።

ሁሉም ነገር ከሕልውና ውጭ በሆነበት ስፍራ ከሚኖሩት ጋር በምሆንበት ጊዜ

የሰው ልጆችን አልመለከትም።+

12 መኖሪያዬ ልክ እንደ እረኛ ድንኳን

ተነቅሎ ተወስዶብኛል።+

ሕይወቴን እንደ ሸማኔ ጠቀለልኩ፤

ተሠርቶ ያለቀ ጨርቅ ከሽመና መሣሪያው ላይ እንደሚቆረጥ እኔንም ይቆርጠኛል።

አጥንቶቼን ሁሉ እንደ አንበሳ ይሰባብራል፤

ከማለዳ አንስቶ እስከ ምሽት ድረስ ትጨርሰኛለህ።+

14 እንደ ወንጭፊት ወይም እንደ ጭሪ* እጮኻለሁ፤+

እንደ ርግብ አልጎመጉማለሁ።+

‘ይሖዋ ሆይ፣ እጅግ ተጨንቄአለሁ፤

ድጋፍ ሁነኝ!’*+

ከደረሰብኝ አስከፊ ጭንቀት* የተነሳ

በሕይወት ዘመኔ ሁሉ በትሕትና* እመላለሳለሁ።

16 ‘ይሖዋ ሆይ፣ ሁሉም ሰው በእነዚህ ነገሮች* በሕይወት ይኖራል፤

በእነሱም የእኔ መንፈስ በሕይወት ይኖራል።

17 እነሆ፣ ሰላም ከማግኘት ይልቅ በጣም ተመርሬ ነበር፤

አንተ ግን ለእኔ* ካለህ ፍቅር የተነሳ፣

ከጥፋት ጉድጓድ ጠበቅከኝ።+

18 መቃብር* ከፍ ከፍ ሊያደርግህ አይችልምና፤+

ሞትም ሊያወድስህ አይችልም።+

19 እኔ ዛሬ እንደማደርገው፣

አንተን ሊያወድስ የሚችለው ሕያው፣ አዎ ሕያው የሆነ ሰው ነው።

20 ይሖዋ ሆይ፣ አድነኝ፤

በሕይወታችን ዘመን ሁሉ በይሖዋ ቤት፣+

በባለ አውታር መሣሪያዎች መዝሙሮቼን እንዘምራለን።’”+

 2 “ለኢየሩሳሌም ልብ ተናገሩ፤*

የግዳጅ አገልግሎቷ እንዳበቃና

የበደሏ ዋጋ እንደተከፈለ ንገሯት።+

 4 ሸለቆው ሁሉ ይሞላ፤

ተራራውና ኮረብታውም ሁሉ ዝቅ ይበል።

ወጣ ገባውም መሬት ይስተካከል፤

ጎርበጥባጣውም ምድር ሸለቋማ ሜዳ ይሁን።+

 5 የይሖዋ ክብር ይገለጣል፤+

ሥጋም ሁሉ በአንድነት ያየዋል፤*+

የይሖዋ አፍ ተናግሯልና።”

 7 ለምለሙ ሣር ይደርቃል፤

አበባው ይጠወልጋል፤+

ምክንያቱም የይሖዋ እስትንፋስ* ይነፍስበታል።+

 8 ለምለሙ ሣር ይደርቃል፤

አበባው ይጠወልጋል፤

የአምላካችን ቃል ግን ለዘላለም ጸንቶ ይኖራል።”+

 9 አንቺ ለጽዮን ምሥራች የምትነግሪ ሴት ሆይ፣+

ከፍ ወዳለ ተራራ ውጪ።

አንቺ ለኢየሩሳሌም ምሥራች የምትነግሪ ሴት ሆይ፣

ድምፅሽን በኃይል ከፍ አድርጊ።

10 እነሆ፣ ሉዓላዊው ጌታ ይሖዋ በኃይል ይመጣል፤

ክንዱም ስለ እሱ ይገዛል።+

እነሆ፣ የሚከፍለው ወሮታ ከእሱ ጋር ነው፤

የሚመልሰውም ብድራት በፊቱ አለ።+

ግልገሎቹን በክንዱ ይሰበስባል፤

በእቅፉም ይሸከማቸዋል።

12 ውኃዎችን በእፍኙ የሰፈረ፣+

ሰማያትን በስንዝሩ* የለካ፣

የምድርን አፈር ሰብስቦ በመስፈሪያ የያዘ+

ወይም ተራሮችን በመለኪያ፣

ኮረብቶችንም በሚዛን የመዘነ ማን ነው?

13 የይሖዋን መንፈስ የለካ*

እንዲሁም አማካሪው ሆኖ ሊያስተምረው የሚችል ማን ነው?+

14 ማስተዋል ለማግኘት ከማን ጋር ተማከረ?

የፍትሕን መንገድ ያስተማረው

አሊያም እውቀትን ያካፈለው ማን ነው?

ደግሞስ የእውነተኛ ማስተዋልን ጎዳና ያሳየው ማን ነው?+

15 እነሆ፣ ብሔራት በገንቦ ውስጥ እንዳለች ጠብታ ናቸው፤

በሚዛንም ላይ እንዳለ አቧራ ይቆጠራሉ።+

16 እሳት መንደዱን እንዲቀጥል ለማድረግ የሊባኖስ ዛፎች እንኳ አይበቁም፤*

በውስጡም ያሉት የዱር እንስሳት የሚቃጠል መባ ለማቅረብ በቂ አይደሉም።

17 ብሔራት ሁሉ በፊቱ የሌሉ ያህል ናቸው፤+

በእሱም ዘንድ ከምንም የማይቆጠሩና ዋጋ ቢስ ናቸው።+

19 የእጅ ጥበብ ባለሙያ ብረት አቅልጦ ጣዖት* ይሠራል፤

አንጥረኛውም በወርቅ ይለብጠዋል፤+

የብር ሰንሰለትም ይሠራለታል።

20 አንድ ሰው መዋጮ አድርጎ ለመስጠት

የማይበሰብስ ዛፍ ይመርጣል።+

የማይወድቅ ምስል ቀርጾ እንዲያዘጋጅለት

በእጅ ጥበብ ሥራ የተካነ ባለሙያ ይፈልጋል።+

22 እሱ ክብ* ከሆነችው ምድር በላይ ይኖራል፤+

በእሷም ላይ የሚኖሩት እንደ ፌንጣ ናቸው።

እሱ ሰማያትን እንደ ስስ ጨርቅ ይዘረጋል፤

እንደ መኖሪያ ድንኳንም ይወጥራቸዋል።+

23 ከፍተኛ ባለሥልጣናትን ያስወግዳል፤

የምድር ፈራጆችንም* እንዳልነበሩ ያደርጋል።

24 ገና እንደተተከለ፣

ገና እንደተዘራ፣

ግንዱም በአፈር ውስጥ ሥር እንዳልሰደደ ተክል ናቸው፤

ሲነፍስባቸውም ይደርቃሉ፤

ነፋስም እንደ ገለባ ጠራርጎ ይወስዳቸዋል።+

እንደ ሠራዊት በቁጥር የሚመራቸው እሱ ነው፤

ሁሉንም በየስማቸው ይጠራቸዋል።+

ገደብ ከሌለው ብርቱ ጉልበቱና ከሚያስደምመው ኃይሉ+ የተነሳ

አንዳቸውም አይጎድሉም።

27 ያዕቆብ ሆይ፣ እስራኤልም ሆይ፣

‘መንገዴ ከይሖዋ ተሰውሯል፤

ከአምላክ ፍትሕ አላገኝም’ ለምን ትላለህ? ለምንስ እንዲህ ትናገራለህ?+

29 ለደከመው ኃይል፣

ጉልበት ለሌላቸውም የተሟላ ብርታት* ይሰጣል።+

30 ወንዶች ልጆች ይደክማሉ፤ ደግሞም ይዝላሉ፤

ወጣቶችም ተደናቅፈው ይወድቃሉ፤

31 ይሖዋን ተስፋ የሚያደርጉ ግን ኃይላቸው ይታደሳል።

ይሮጣሉ፣ አይዝሉም፤

ይሄዳሉ፣ አይደክሙም።”+

41 “እናንተ ደሴቶች፣ ዝም ብላችሁ አዳምጡኝ፤*

ብሔራትም ኃይላቸውን ያድሱ።

 2 ብሔራትን አሳልፎ ይሰጠውና

ነገሥታትን ድል ይነሳ ዘንድ+

ከፀሐይ መውጫ* አንዱን ያስነሳው፣+

በጽድቅ ወደ እግሩ የጠራው* ማን ነው?

በሰይፉ ፊት አቧራ የሚያደርጋቸው፣

በቀስቱ ፊት በነፋስ እንደተወሰደ ገለባ የሚያደርጋቸው ማን ነው?

 3 እግሩ ባልረገጠው መንገድ በመጓዝ

ምንም ነገር ሳያግደው እነሱን ያሳድዳል።

 4 ይህን የሠራና ያደረገ፣

ትውልዶቹንም ከመጀመሪያ አንስቶ የጠራ ማን ነው?

እኔ ይሖዋ የመጀመሪያው ነኝ፤+

ከመጨረሻዎቹም ጋር እኔ ያው ነኝ።”+

 6 እያንዳንዱም ባልንጀራውን ይረዳል፤

ወንድሙንም “አይዞህ፣ በርታ” ይለዋል።

 7 የእጅ ጥበብ ባለሙያውም አንጥረኛውን ያበረታታል፤+

በመዶሻ ብረቱን የሚያሳሳው

በመስፍ ላይ የሚቀጠቅጠውን ያበረታታዋል።

 8 “እስራኤል ሆይ፣ አንተ ግን አገልጋዬ ነህ፤+

ያዕቆብ ሆይ፣ አንተን መርጬሃለሁ፤+

የወዳጄ የአብርሃም ዘር ነህ፤+

 9 አንተን ከምድር ዳርቻዎች ወሰድኩህ፤+

እጅግ ርቀው ከሚገኙ ቦታዎችም ጠራሁህ።

እንዲህ ብዬሃለሁ፦ ‘አንተ አገልጋዬ ነህ፤+

እኔ መርጬሃለሁ፤ ገሸሽ አላደረግኩህም።+

አበረታሃለሁ፤ አዎ እረዳሃለሁ፤+

በጽድቅ ቀኝ እጄ አጥብቄ እይዝሃለሁ።’

12 ከአንተ ጋር የሚፋለሙትን ሰዎች ትፈልጋቸዋለህ፤ ሆኖም አታገኛቸውም፤

ከአንተ ጋር የሚዋጉ ሰዎች እንደሌሉና ፈጽሞ እንዳልነበሩ ያህል ይሆናሉ።+

13 ‘አትፍራ። እረዳሃለሁ’ የምልህ

እኔ፣ አምላክህ ይሖዋ ቀኝ እጅህን ይዣለሁና።+

14 ትል* የሆንከው አንተ ያዕቆብ አትፍራ፤+

እናንተ የእስራኤል ሰዎች፣ እረዳችኋለሁ” ይላል የሚቤዥህ+ የእስራኤል ቅዱስ ይሖዋ።

15 “እነሆ፣ ማሄጃ፣ በሁለቱም በኩል የተሳሉ ጥርሶች ያሉት

አዲስ የመውቂያ መሣሪያ አድርጌሃለሁ።+

አንተም ተራሮቹን ረግጠህ ታደቃቸዋለህ፤

ኮረብቶቹንም እንደ ገለባ ታደርጋቸዋለህ።

16 ወደ ላይ ትበትናቸዋለህ፤

ነፋስም ይወስዳቸዋል፤

አውሎ ነፋስ ይበትናቸዋል።

በይሖዋ ደስ ይልሃል፤+

በእስራኤልም ቅዱስ ትኮራለህ።”+

18 በተራቆቱ ኮረብቶች ላይ ወንዞች እንዲፈስሱ አደርጋለሁ፤+

በሸለቋማ ሜዳዎች መካከል ምንጮችን አፈልቃለሁ።+

ምድረ በዳውን ቄጠማ የሞላበት ኩሬ፣

ውኃ የሌለበትንም ምድር የውኃ ምንጭ አደርጋለሁ።+

19 በበረሃ አርዘ ሊባኖስ፣

ግራር፣ አደስና ዘይት የሚሰጥ ዛፍ እተክላለሁ።+

በበረሃማ ሜዳ የጥድ ዛፍ፣

የአሽ ዛፍና* የፈረንጅ ጥድ በአንድነት እተክላለሁ፤+

20 ይህም የሚሆነው የይሖዋ እጅ ይህን እንዳደረገና

የእስራኤል ቅዱስ ይህን እንደፈጠረ

ሰዎች ሁሉ እንዲያዩና እንዲያውቁ፣

ልብ እንዲሉና በጥልቅ እንዲያስተውሉ ነው።”+

በጥሞና እንድናስብባቸውና* ፍጻሜያቸውን እንድናውቅ

ስለቀድሞዎቹ* ነገሮች ንገሩን።

23 አማልክት መሆናችሁን እንድናውቅ

ወደፊት የሚሆነውን ነገር ንገሩን።+

አዎ፣ አይተን በአድናቆት እንድንዋጥ

መልካምም ሆነ ክፉ፣ የሆነ ነገር አድርጉ።+

24 እነሆ፣ እናንተ ጨርሶ ሕልውና የሌላችሁ ናችሁ፤

ምንም የምታከናውኑት ነገር የለም።+

25 አንዱን ከሰሜን አስነስቻለሁ፤ እሱም ይመጣል፤+

የሚመጣው ከፀሐይ መውጫ*+ ሲሆን ስሜንም ይጠራል።

ጭቃውን እንደሚረግጥ ሸክላ ሠሪ

ገዢዎችን* እንደ ሸክላ አፈር ይረግጣቸዋል።+

26 እኛ እናውቅ ዘንድ ስለዚህ ነገር ከመጀመሪያው የተናገረ

ወይም ‘እሱ ትክክል ነው’ እንድንል ከጥንት ጀምሮ የተናገረ ማን ነው?+

28 ሆኖም እኔ መመልከቴን ቀጠልኩ፤ አንድም ሰው አልነበረም፤

ከእነሱ መካከል ምክር የሚሰጥ አልነበረም።

መንፈሴን በእሱ ላይ አድርጌአለሁ፤+

እሱ ለብሔራት ፍትሕን ያመጣል።+

 2 አይጮኽም ወይም ድምፁን ከፍ አያደርግም፤

ድምፁንም በጎዳና ላይ አያሰማም።+

 3 የተቀጠቀጠን ሸምበቆ አይሰብርም፤

የሚጨስንም የጧፍ ክር አያጠፋም።+

 4 እሱ ፍትሕን በምድር ላይ እስኪያሰፍን ድረስ አይሰበርም ወይም ብርሃኑ አይደክምም፤+

ደሴቶችም ሕጉን* በተስፋ ይጠባበቃሉ።

 5 ሰማያትን የፈጠረውና የዘረጋው፣+

ምድርንና በውስጧ ያሉትን ነገሮች ሁሉ የሠራው፣+

በላይዋም ለሚኖሩ ሰዎች እስትንፋስን፣+

በእሷም ላይ ለሚመላለሱ መንፈስን የሰጠው+

እውነተኛው አምላክ ይሖዋ እንዲህ ይላል፦

 6 “እኔ ይሖዋ በጽድቅ ጠርቼሃለሁ፤

እጅህን ይዣለሁ።

እጠብቅሃለሁ፤ እንዲሁም ለሰዎች ቃል ኪዳን፣

ለብሔራትም ብርሃን አድርጌ እሰጥሃለሁ፤+

 7 አንተም የዓይነ ስውራንን ዓይን ታበራለህ፤+

እስረኛውን ከወህኒ ቤት፣

በጨለማ ውስጥ የተቀመጡትንም ከእስር ቤት ታወጣለህ።+

 8 እኔ ይሖዋ ነኝ። ስሜ ይህ ነው፤

ክብሬን ለሌላ፣*

ምስጋናዬንም ለተቀረጹ ምስሎች አልሰጥም።+

 9 እነሆ፣ የቀደሙት ነገሮች ተፈጽመዋል፤

አሁን ደግሞ አዳዲስ ነገሮችን እናገራለሁ።

10 እናንተ በባሕር ላይና በውስጡ ባሉት ፍጥረታት መካከል የምትጓዙ፣

እናንተ ደሴቶችና በእነሱ ላይ የምትኖሩ ሁሉ፣+

ለይሖዋ አዲስ መዝሙር ዘምሩ፤+

ከምድር ዳርቻም ውዳሴውን አሰሙ።+

11 ምድረ በዳውና በዚያ ያሉ ከተሞች፣

ቄዳር+ ያለችባቸውም ሰፈሮች ድምፃቸውን ከፍ ያድርጉ።+

ዓለታማ በሆኑ ቦታዎች የሚኖሩ ሰዎች በደስታ እልል ይበሉ፤

በተራሮችም አናት ላይ ሆነው ይጩኹ።

12 ለይሖዋ ክብር ይስጡ፤

በደሴቶችም ላይ ውዳሴውን ያውጁ።+

ይጮኻል፤ አዎ፣ ቀረርቶ ያሰማል፤

ከጠላቶቹ ይበልጥ ኃያል መሆኑን ያሳያል።+

ምጥ እንደያዛት ሴት

እቃትታለሁ፣ አለከልካለሁ እንዲሁም ቁና ቁና እተነፍሳለሁ።

15 ተራሮችንና ኮረብቶችን አወድማለሁ፤

ደግሞም በላያቸው ላይ ያለውን ተክል ሁሉ አደርቃለሁ።

ወንዞችን ደሴቶች* አደርጋለሁ፤

ቄጠማ የሞላባቸውንም ኩሬዎች አደርቃለሁ።+

16 ዓይነ ስውራንን በማያውቁት መንገድ እመራቸዋለሁ፤+

ባልለመዱት ጎዳናም እንዲሄዱ አደርጋቸዋለሁ።+

ጨለማውን በፊታቸው ብርሃን፣+

ወጣ ገባ የሆነውንም ምድር ደልዳላ ሜዳ አደርጋለሁ።+

17 በተቀረጸ ምስል የሚታመኑ፣

ከብረት የተሠሩትን ሐውልቶች* “እናንተ አምላኮቻችን ናችሁ” የሚሉ

ወደ ኋላ ይመለሳሉ፤ እጅግም ያፍራሉ።+

18 እናንተ ደንቆሮዎች፣ ስሙ፤

እናንተ ዕውሮች እዩ፤ ተመልከቱም።+

19 ከአገልጋዬ በቀር የታወረ፣

እንደምልከው መልእክተኛዬም ደንቆሮ የሆነ ማን አለ?

ብድራት እንደተከፈለው ሰው ዕውር የሆነ

ወይም እንደ ይሖዋ አገልጋይ የታወረ ማን ነው?+

21 ይሖዋ ለጽድቁ ሲል

ሕጉን* ታላቅና ክብራማ በማድረግ ደስ ተሰኝቷል።

22 ይህ ሕዝብ ግን የተበዘበዘና የተዘረፈ ነው፤+

ሁሉም ጉድጓድ ውስጥ ተይዘዋል፤ በእስር ቤትም ተሰውረዋል።+

የሚታደጋቸው በሌለበት ተበዝብዘዋል፤+

“መልሷቸው!” የሚል በሌለበትም ተዘርፈዋል።

24 ያዕቆብን ለዘረፋ፣

እስራኤልንም ለበዝባዦች አሳልፎ የሰጠ ማን ነው?

እነሱ በመንገዱ ለመሄድ አልፈለጉም፤

ሕጉንም* አይታዘዙም።+

25 ስለዚህ ንዴቱን፣ ቁጣውንና የጦርነቱን መዓት

በእስራኤል ላይ አፈሰሰ።+

43 አሁን ግን፣ ያዕቆብ ሆይ ፈጣሪህ፣

እስራኤልም ሆይ የሠራህ ይሖዋ+ እንዲህ ይላል፦

 2 በውኃዎች መካከል ስታልፍ እኔ ከአንተ ጋር እሆናለሁ፤+

በወንዞችም መካከል ስትሻገር አያሰምጡህም።+

በእሳት መካከል ስትሄድ አትቃጠልም፤

ነበልባሉም አይፈጅህም።

 3 እኔ ይሖዋ አምላክህ፣

የእስራኤል ቅዱስ፣ አዳኝህ ነኝና።

ግብፅን ለአንተ ቤዛ አድርጌ ሰጥቻለሁ፤

ኢትዮጵያንና ሴባን በአንተ ምትክ ሰጥቻለሁ።

 4 አንተ በዓይኔ ፊት ውድ ሆነሃልና፤+

የተከበርክም ነህ፤ እኔም ወድጄሃለሁ።+

ስለዚህ በአንተ ምትክ ሰዎችን፣

በሕይወትህም* ምትክ ብሔራትን እሰጣለሁ።

ዘርህን ከምሥራቅ አመጣለሁ፤

ከምዕራብም እሰበስብሃለሁ።+

ወንዶች ልጆቼን ከሩቅ፣ ሴቶች ልጆቼንም ከምድር ዳርቻ አምጣ፤+

 7 በስሜ የተጠራውን፣+

ለክብሬም የፈጠርኩትን፣

የሠራሁትንና ያበጀሁትን ሁሉ አምጣ።’+

 8 ዓይን ቢኖራቸውም ዕውር የሆኑትን፣

ጆሮ ቢኖራቸውም ደንቆሮ የሆኑትን ሰዎች አውጣ።+

 9 ብሔራት ሁሉ አንድ ቦታ ይሰብሰቡ፤

ሕዝቦችም በአንድነት ይሰብሰቡ።+

ትክክል መሆናቸውን እንዲያረጋግጡ ምሥክሮቻቸውን ያቅርቡ፤

ወይም ሰምተው ‘ይህ እውነት ነው!’ ይበሉ።”+

10 “እናንተ ምሥክሮቼ ናችሁ”+ ይላል ይሖዋ፤

“አዎ፣ የመረጥኩት አገልጋዬ ናችሁ፤+

ይህም ታውቁና ታምኑብኝ ዘንድ*

ደግሞም እኔ ምንጊዜም ያው እንደሆንኩ ታስተውሉ ዘንድ ነው።+

ከእኔ በፊት አምላክ አልተሠራም፤

ከእኔም በኋላ የለም።+