ISAIA

 2 Mihainoa, ry lanitra, ary mihainoa tsara, ry tany!+

Fa izao no nolazain’i Jehovah:

“Efa nitaiza sy nahalehibe zanaka aho,+

Nefa nikomy tamiko izy ireo.+

 3 Mahalala tsara ny tompony ny omby,

Ary ny ampondra mahalala tsara ny fihinanam-bilona natokan’ny tompony ho azy.

Ny Israely kosa tsy mahalala ahy,*+

Ary ny vahoakako tsy mba misaina.”

 4 Hahita loza ilay firenena mpanota,+

Ilay vahoaka efa vesaran’ny fahadisoany,

Taranaka ratsy fanahy sy zanaka tena ratsy toetra!

Efa nahafoy an’i Jehovah izy ireo,+

Sady naniratsira an’Ilay Masin’ny Israely,

Ary efa nanome lamosina azy.

Efa marary ny loha manontolo,

Sady marary koa ny fo manontolo.+

Sady feno ratra sy mangana ary fery.

Tsy nisy notsaboina* anefa ireny, na nofehezina lamba, sady tsy nohosorana menaka.+

 8 Ary i Ziona zanakavavy dia nilaozana hoatran’ny tranokely fialokalofana* eny an-tanimboaloboka,

Sy toy ny trano rantsankazo eny amin’ny saha fambolena kôkômbra,

Ary hoatran’ny tanàna atao fahirano.+

 9 Raha tsy i Jehovah Tompon’ny tafika no namela sisa niangana tamintsika,

Dia ho efa lasa hoatran’i Sodoma isika,

Ary ho efa lasa hoatran’i Gomora.+

“Leon’ny ondrilahy+ ataonareo fanatitra dorana aho, sady tofoky ny tavin’ny biby nohatavezina,+

Ary tsy mahafinaritra ahy ny ran’ny+ vantotr’ombilahy+ sy ny ran’ny zanak’ondry ary ny ran’ny osilahy.+

12 Miseho eo anatrehako ianareo,+

Nefa iza no niteny taminareo hoe

Tongava hanitsakitsaka ny tokotaniko?+

Mankalaza tsinam-bolana+ sy mitandrina sabata+ ianareo, ary manao fivoriambe,+

Nefa tsy zakako ny ataonareo, satria sady mampiasa herin’ny maizina+ ianareo no manao fivoriambe makotrokotroka.

Lasa enta-mavesatra amiko ireny,

Ka reraka aho mitondra azy.

15 Rehefa mamelatra ny tananareo ianareo,

Dia tampenako tsy hijery anareo ny masoko.+

Na mivavaka imbetsaka aza ianareo,+

Dia tsy hihaino aho,+

Fa feno ran’olona ny tananareo.+

16 Misasà ka diovy ny tenanareo.+

Esory tsy ho eo imasoko ny zava-dratsy ataonareo,

Ary aza manao ratsy intsony.+

17 Mianara manao ny tsara, manaova ny rariny,+

Anaro ny mpampijaly,

Arovy ny zon’ny kamboty ray,

Dia arovy koa ny mpitondratena mba hahazo rariny.”+

“Fa na mena midorehitra aza ny fahotanareo,

Dia hatao fotsy mangatsakatsaka.*+

Ary na hoatran’ny ravin-damba mena antitra aza,

Dia ho toy ny volonondry fotsy.

19 Raha manaiky hihaino ianareo,

Dia hihinana ny vokatra tsara avy amin’ny tany.+

20 Fa raha tsy manaiky anefa ianareo fa mikomy,

Dia haripaky ny sabatra,+

Satria i Jehovah no efa niteny.”

Ny rariny no nanjaka tao,+

Ary nanao ny marina daholo ny olona tao,+

Nefa izao mpamono olona daholo no ao.+

22 Lasa tain-drendrika ny volafotsinao,+

Ary mitampoka rano ny labieranao.*

Tsy omeny rariny ny kamboty ray,

Ary tsy raharahiany mihitsy ny fitorian’ny mpitondratena.+

24 Izao àry no tenin’i Jehovah Tompon’ny tafika, ilay tena Tompo,

Dia ilay Maherin’ny Israely:

“Haripako ny fahavaloko,

Ka hovaliako araka izay nataony izy.+

25 Dia hosaziko ianao,

Ary hesoriko tanteraka* ny tain-drendrika eo aminao.

Hesoriko daholo koa ny loto eo aminao.+

26 Haveriko ho toy ny tamin’ny voalohany ny mpitsara ao aminao,

Ary haveriko ho hoatran’ny taloha ny mpanolo-tsaina anao.+

27 Ny rariny no hanavotana an’i Ziona,+

Ary ny fahamarinana no hanavotana ny mponina tao, izay miverina.

28 Hotorotoroina miaraka ny mpikomy sy ny mpanota,+

Ary ho ringana izay mahafoy an’i Jehovah.+

29 Hahamenatra anareo ny hazo ngezabe nirinareo,+

Ary ho afa-baraka ianareo noho ny zaridaina* nofidinareo.+

30 Fa ho toy ny hazobe feno ravina malazo ianareo,+

Ary ho lasa hoatran’ny zaridaina tsy misy rano.

31 Dia ho toy ny mololo* ny lehilahy matanjaka,

Ary ho lasa hoatran’ny pitik’afo ny zavatra ataony.

Samy ho may daholo izy roa ireo,

Ary tsy hisy hahavita hamono an’ilay afo.”

 2 Any am-parany any,*

Ilay tendrombohitra misy ny tranon’i Jehovah

Dia ho mafy orina sady ho avo noho ny tampon’ireo tendrombohitra,+

Ka hasandratra ho avo noho ireo havoana.

Ary hiaraka ho any ny firenena rehetra.+

“Avia! Andao isika hiakatra ho any an-tendrombohitr’i Jehovah,

Ho any an-tranon’Andriamanitr’i Jakoba.+

Hampianatra antsika ny lalany izy,

Dia handeha amin’ny lalana atorony isika.”+

Fa avy ao Ziona no hivoahan’ny lalàna,*

Ary avy ao Jerosalema ny tenin’i Jehovah.+

 4 Hamoaka didim-pitsarana eo amin’ireo firenena izy,

Ka hanitsy* an’izay tsy mety eo amin’izy ireo.

Dia hanefy ny sabany ho angadinomby izy ireo,

Ary ny lefony ho antsy fandrantsanam-boaloboka.+

Tsy hifamely amin’ny sabatra intsony ireo firenena,

Sady tsy hianatra ady intsony.+

 5 Ry taranak’i Jakoba ô,

Andao isika hanaraka ny hazavana avy amin’i Jehovah!+

 6 Fa nafoinao ny vahoakanao, dia ny taranak’i Jakoba,+

Satria lasa feno zavatra avy any Atsinanana ny taniny.

Mampiasa herin’ny maizina+ hoatran’ny ataon’ny Filistinina koa izy ireo,

Ary feno zanaky ny hafa firenena eo aminy.

 7 Feno volafotsy sy volamena ny taniny,

Ary tsy mety lany ny harenany.

Feno soavaly koa ny taniny,

Sady tsy voaisa ny kalesiny.+

Miankohoka amin’ny zavatra nataon’ny tanany ihany izy ireo,

Dia amin’ny zavatra nataon’ny rantsantanany ihany.

 9 Manambany ny tenany àry ny olona ka afa-baraka,

Dia tsy ho afaka hamela ny helony ianao.

10 Midira ao anaty vatolampy ary miafena ao amin’ny vovoka,

Fa mampahatahotra ny fahatezeran’i Jehovah,

Ary mamirapiratra ny fahalehibeazany.+

11 Haetry ny mason’ny olona mianjonanjona,*

Ary ho lasa ambany* ny olona manambony tena.

Ka ho tonga amin’izay mirehareha sy manambony tena,

Amin’ny olona rehetra, na ambony izy na ambany,+

13 Amin’ny sedera avo be mijoalajoala rehetra any Libàna,

Amin’ny hazo oaka rehetra any Basana,

14 Amin’ny tendrombohitra avo rehetra,

Amin’ny havoana rehetra,

15 Amin’ny tilikambo avo rehetra sy ny manda voaro mafy rehetra,

16 Amin’ny sambon’i Tarsisy rehetra+

Ary amin’ny sambo mirenty rehetra.

17 Dia haetry ny olona mianjonanjona,

Ary ho lasa ambany* ny olona manambony tena.

19 Dia hiditra any anaty lava-bato

Sy ao anaty lavaka any ambanin’ny tany ny olona.+

Fa mampahatahotra ny fahatezeran’i Jehovah,

Ary mamirapiratra ny fahalehibeazany,+

Rehefa mitsangana mba hampangovitra sy hampitahotra ny tany izy.

20 Amin’izany andro izany, dia halain’ny olona ny andriamaniny volafotsy sy volamena tsy misy dikany,

Izay nataony hiankohofana,

Ka hariany any amin’ny voalavo matsoko vava sy ny ramanavy.+

21 Dia hiditra any anaty lava-bato

Sy any an-tsefatsefaky ny harambato izy ireo.

Fa mampahatahotra ny fahatezeran’i Jehovah,

Ary mamirapiratra ny fahalehibeazany,

Rehefa mitsangana mba hampangovitra sy hampitahotra ny tany izy.

22 Raha tsy te hahita loza àry ianareo, dia aza matoky olombelona intsony.

Fa fofonaina ihany no eo am-bavorony,*

3 I Jehovah Tompon’ny Tafika no tena Tompo.

Esoriny ao Jerosalema sy Joda ny andry iankinana sy ny vatsy rehetra,

Dia ny sakafo sy ny rano rehetra,+

 2 Ny lehilahy matanjaka sy ny miaramila,

Ny mpitsara sy ny mpaminany,+ ny mpisikidy sy ny anti-panahy,

 3 Ny lehiben’ny 50,+ ny olo-manan-kaja, ny mpanolo-tsaina,

Ny mpimasy tena mahay, ary ny olona mahay mibaiko bibilava.+

 4 Ankizilahy no hataoko ho andrianan’izy ireo,

Ary olona miovaova hevitra* no ho mpitondra azy.

 5 Dia hampijaly ny namany avy ny olona.

Samy hanao hoatr’izany amin’ny namany avy izy rehetra.+

Ny ankizilahy hihetraketraka amin’ny lehilahy efa zokiolona,

Ary ny olona tsisy fotony ho sahy haniratsira ny olona manan-kaja.+

“Tsy hitsabo ny ferinareo* aho,

Ary tsy misy sakafo na akanjo ao an-tranoko.

 8 Fa lavo i Jerosalema,

Ary nianjera i Joda,

Satria manohitra an’i Jehovah amin’ny teniny sy ny ataony izy ireo,

Sady mikomy eo imason’Ilay Be Voninahitra.*+

 9 Na ny endrik’izy ireo aza dia efa miampanga ny tenany.

Resahiny daholo ny fahotany, hoatran’ny nataon’ny mponin’i Sodoma,+

Fa tsy afeniny.

10 Lazao ny olo-marina hoe hahita soa izy ireo,

Ary homena valisoa noho izay ataony.*+

Hahita loza izy,

Fa izay nataony ihany no havaly aminy!

12 Mampijaly ny vahoakako ny mpanery azy hiasa,

Ary vehivavy no mpitondra azy.

Mampirenireny anareo ny mpitarika anareo, ry vahoakako,

Dia ataony tsy hitanareo hoe aiza ny lalana haleha.+

13 Maka toerana i Jehovah mba hiampanga olona,

Ary mitsangana mba hamoaka didim-pitsarana hampiharina amin’ireo firenena.

“Nodoranareo ny tanimboaloboka,

Ary ao an-tranonareo ny zavatra nangalarinareo tamin’ny mahantra.+

15 Dia sahinareo ve ny mamotika ny vahoakako,

Sy mampihosina ny tarehiny ao anaty vovoka?”,+ hoy i Jehovah Tompon’ny tafika, ilay Tompo Fara Tampony.

16 Hoy koa i Jehovah: “Mianjonanjona ireo zanakavavin’i Ziona,

Ary milanjalanja loha* rehefa mandeha.

Manao maso mambabo izy ireo sady jejojejo erỳ rehefa mamindra,

Ka mampikorintsana ny rojo eny an-tongony.

17 Hataon’i Jehovah feno takopery àry ny tampon-dohan’ny zanakavavin’i Ziona,

Ary hataon’i Jehovah miharihary ny tampon-kandriny.+

18 Amin’izany andro izany, dia hesorin’i Jehovah ny firavak’izy ireo:

Ny rojokely haingon-tongotra, ny fehiloha, ny ravaka hoatran’ny volan-tsinana,+

19 Ny kavina,* ny brasele, ny voaly,

20 Ny saron-doha, ny rojon-tongotra, ny fehikibo,*

Ny fitoeran-dranomanitra, ny ody fiaro,*

21 Ny peratra, ny kavin’orona,

22 Ny akanjo mihaja be, ny akanjo lava, ny akanjo ivelany, ny kitapom-bola,

23 Ny fitaratra,+ ny akanjo rongony,*

Ny satroka lamba, ary ny voaly.

24 Fofona masiso no ho solon’ny hanitry ny menaka balsama,+

Tady no ho solon’ny fehikibo,

Loha sola no ho solon’ny volo namboarina tsara,+

Lamba gony no ho solon’ny akanjo lafo vidy,+

Ary tomboka amin’ny vy mahamay no ho solon’ny hatsaran-tarehy.

25 Ho fatin’ny sabatra ny lehilahy ao aminao,

Ary ho faty any an’ady ny lehilahy matanjaka.+

26 Hisaona sy halahelo be ny vavahadin’ny tanàna.+

Ho lasa tsy misy mponina ilay tanàna, ka hipetraka amin’ny tany i Ziona.”+

“Ny sakafonay ihany no hohaninay,

Ary ny akanjonay ihany no hanaovanay,

Fa mba avelao fotsiny izahay hantsoina amin’ny anaranao,

Mba tsy ho afa-baraka intsony.”*+

5 Aleo aho mba hanao hira ho an’ny malalako,

Dia hira momba an’ilay malalako sy ny tanimboalobony.+

Dia namboly voaloboka mena karazany tsara izy.

Nanorina tilikambo teo afovoany koa izy,

Ary nanao lavaka famiazam-boaloboka.+

Nanantena foana izy fa hamoa voaloboka tsara ilay tany,

Saingy tsy namoa afa-tsy voalobokadia.+

 3 “Ry mponin’i Jerosalema sy mponin’i Joda ô!

Mba tsarao izaho sy ny tanimboaloboko.+

 4 Inona koa no mbola tokony ho nataoko tamin’ny tanimboaloboko,

Ka tsy efa nataoko?+

Mba nanantena voaloboka tsara aho,

Nefa nahoana ilay izy no tsy namoa afa-tsy voalobokadia?

 5 Mba avelao aho hampahafantatra anareo hoe

Inona no hataoko amin’ny tanimboaloboko:

Hesoriko ny fefiny,

Dia hodorana ilay tanimboaloboka.+

Harodako ny tamboho vatony,

Ary hohitsakitsahina ilay izy.

 6 Hataoko lasa tany ngazana izy,+

Ka tsy hisy handrantsana na hiava azy.

Dia tsilo sy ahidratsy no handrakotra azy,+

Ary tsy havelako handatsaka orana eo aminy ny rahona.+

 7 Fa ny taranak’Israely no tanimboalobok’i Jehovah Tompon’ny tafika,+

Ary ny mponin’i Joda no tanimboly* tena tiany.

Nanantena foana izy hoe hanjaka ny rariny,+

Saingy indrisy fa tsy nisy nanao ny rariny.

Nanantena koa izy hoe hisy hanao ny marina,

Saingy feon’olona mijaly sy mitaraina no henony!”+

 8 Hahita loza izay mampitombo ny isan’ny tranony,+

Sy mampitombo ny isan’ny sahany,+

Mandra-paha tsy misy toerana malalaka intsony,

Fa ianareo ihany sisa no mipetraka ao amin’ilay tany!

 9 Henoko nianiana i Jehovah Tompon’ny tafika hoe

Hisy trano be dia be ho rava sady tsy hisy mponina,+

Na dia lehibe sy tsara tarehy aza,

Ka hihorohoro ny olona hahita an’izany.

10 Iray bata* fotsiny no mba vokatra ho azo avy amin’ny tanimboaloboka efatra hektara,*

Ary eran’ny efaha* fotsiny no vokatra ho azo avy amin’ny voa afafy iray homera.*+

11 Hahita loza izay mifoha maraina mba hisotro toaka,+

Ka tsy miala eo mihitsy mandra-pahamaizin’ny andro ka efa mamon’ny divay!

12 Manana harpa sy zavamaneno fitendry,

Sy ampongatapaka sy sodina ary divay izy ireo ao amin’ny fanasany,

Kanefa tsy raharahiany ny zavatra ataon’i Jehovah,

Ary tsy hitany ny asan’ny tanany.

13 Hatao sesitany àry ny vahoakako,

Satria tsy mahalala ahy.+

Ho noana ny olona be voninahitra eo aminy,+

Ary hangetaheta be ny sarambabem-bahoaka.

14 Dia nitarin’ny Fasana* ny toerany,

Ary nosokafany be tsy misy hoatr’izany ny vavany.+

Dia hivarina any izay olona ambony* ao an-tanàna,

Sy ny vahoakany be tabataba ary izay miliba manao fety.

15 Ho lasa ambany ny olona,

Ka haetry.

Haetry koa ny mason’ny olona mianjonanjona.

16 Hasandratra kosa i Jehovah Tompon’ny tafika, noho izy mampihatra didim-pitsarana.*

Hanamasina ny tenany ilay tena Andriamanitra, dia Ilay Masina,+ noho izy manao ny rariny.+

17 Dia hiraoka ahitra ny zanak’ondry, hoatran’ny hoe eny amin’ny kijana falehany,

Ary ny hafa firenena indray hihinana eny amin’ny toerana aolo nalehan’ny biby nohatavezina taloha.

18 Hahita loza izay mitaritarika ny fahadisoany amin’ny tady famitahana,

Sy mitaritarika ny fahotany amin’ny tady fitarihana sarety.

19 Miteny izy ireo hoe: “Aleo hataony haingana ny asany.

Aleo ho tonga haingana izany, mba ho hitanay.

Aleo ho tanteraka ny fikasan’Ilay* Masin’ny Israely,

Mba ho fantatray!”+

20 Hahita loza izay milaza ny tsara hoe ratsy sy milaza ny ratsy hoe tsara,+

Dia izay manolo ny maizina amin’ny mazava sy manolo ny mazava amin’ny maizina,

Ary manolo ny mangidy amin’ny mamy sy manolo ny mamy amin’ny mangidy!

21 Hahita loza izay mihevi-tena ho hendry

Sy mihevi-tena ho malina!+

22 Hahita loza izay mahery misotro divay,

Sy izay tena mahay mampifangaro toaka,+

23 Dia izay manafaka ny ratsy fanahy mba hahazoana kolikoly,+

Sady tsy manome rariny ho an’ny olo-marina.+

24 Toy ny vodivary levon’ny lelafo,

Sy toy ny ahitra maina mikarainkona rehefa main’ny afo,

Dia ho lo koa ny fakan’izy ireo,

Sady hiparitaka hoatran’ny vovoka ny felany.

Tsy niraharaha ny lalàn’i* Jehovah Tompon’ny tafika mantsy izy ireo,

Sady tsy nanaja ny tenin’Ilay Masin’ny Israely.+

25 Dia tezitra be amin’ny vahoakany i Jehovah,

Ka hanatsotra ny tanany mba hamely azy.+

Hihovotrovotra ny tendrombohitra,

Ary ho lasa hoatran’ny fako eny an-dalana ny fatin’izy ireo.+

Noho izany rehetra izany, dia mbola tezitra foana Izy,

Ka mbola manatsotra ny tanany mba hamely.

26 Nanangana tsato-kazo famantarana ho an’ny firenena iray any lavitra izy,+

Ka nisioka mba ho tonga ireo avy any amin’ny faran’ny tany,+

Dia tonga haingana izy ireo.+

Tsy mivaha koa ny fehikibo eo amin’ny andilany,

Sady tsy tapaka ny tadin-kapany.

28 Fa maranitra ny zana-tsipìkany,

Sady efa ataony vonona hitifirana* ny tsipìkany rehetra.

Mafy hoatran’ny vato* ny kitron-tsoavaliny,

Ary mitsoriaka hoatran’ny rivo-mahery ny kodiaran’ny kalesiny.+

29 Toy ny fieron’ny liona ny fierony,

Mierona hoatran’ny liona tanora izy ireo.+

Hierona izy dia hisambotra remby,

Ary hoentiny ilay izy ka tsy hisy hamonjy.

30 Amin’izany andro izany, dia hierona izy rehefa mahazo remby,

Toy ny ranomasina midoboka be.+

Hahita haizina mampahatahotra izay mijery an’ilay tany,

Ka na ny andro aza lasa maizina, satria feno rahona.+

Tena ho faty aho izao,*

Satria olona maloto molotra,

Sady miara-mipetraka amin’ny vahoaka maloto molotra,+

Nefa izaho nahita an’ilay Mpanjaka, dia i Jehovah Tompon’ny tafika.”

Ka tsy manan-keloka intsony ianao,

Dia voavela* ny fahotanao.”

‘Haheno foana ianareo,

Nefa tsy hahazo ny dikan’izay henonareo.

Ary hijery foana ianareo,

Saingy tsy hahalala na inona na inona mihitsy.’+

10 Ataovy donto ny fon’ity vahoaka ity,+

Ataovy tsy maheno tsara ny sofiny,+

Dia ataovy miraikitra ny masony,

Amin’izay ny masony tsy hahita,

Ary ny sofiny tsy haheno.

Amin’izay koa ny fony tsy hahazo ny dikan’ny zavatra henony,

Dia tsy hiverina amiko izy ka tsy ho sitrana.”

“Mandra-paharavan’ny tanàna, ka tsy hisy mponina intsony ao,

Sady tsy hisy olona intsony ao amin’ireo trano,

Ary ho simba sy tsy hisy mponina ilay tany,+

12 Mandra-pahatongan’ny fotoana hanalan’i Jehovah ny olona ao sy handefasany azy any lavitra be,+

Ka hahalasa aolo an’ilay tany manontolo.

“Tsy ho tanteraka izany,

Sady tsy hitranga.

 8 Fa i Damaskosy no lohan’i Syria,

Ary i Rezina no lohan’i Damaskosy.

Rehefa afaka 65 taona fotsiny,

Dia ho rava tanteraka i Efraima ka tsy ho firenena intsony.+

 9 I Samaria+ no lohan’i Efraima,

Ary ny zanak’i Remalia+ no lohan’i Samaria.

Raha tsy matanjaka ny finoanareo,

Dia tsy ho mafy orina ny fanjakanareo.”’”

 6 “Satria ity vahoaka ity nanda ny ranon’i Siloa,* izay mikoriana moramora,+

Sady faly noho ny amin’i Rezina sy ny zanak’i Remalia,+

 7 Dia hampiakarin’i Jehovah hamely azy

Ny mpanjakan’i Asyria+ sy ny voninahiny rehetra.

Hoatran’ny rano be mikoriana mafy avy any amin’ny Renirano* izy,

Ary ho tondraka be,

Ka hihoatra ny morony rehetra ny rano,

 8 Dia hibosesika eran’i Joda.

Hiakatra be izy ary hiparitaka, ka hisondrotra hatreny amin’ny vozona.+

Handrakotra ny sakan’ny taninao ny elany rehefa mivelatra,

Ry Imanoela ô!”*+

Lazao izay tianareo hotenenina, nefa tsy ho tanteraka izany,

Satria manampy antsika Andriamanitra!*+

Aza matahotra an’izay atahorany,

Ary aza mihorohoro amin’izany.

13 I Jehovah Tompon’ny tafika no tokony ho masina aminareo.+

Izy no tokony hatahoranareo,

Ary Izy no tokony hampangovitra anareo.”+

14 Dia ho lasa toy ny toerana masina Izy,

Nefa koa ho vato hamelezana,

Sady ho vatolampy mahatafintohina+

Ho an’ny fanjakana roan’ny Israely,

Ary ho fandrika sy vela-pandrika

Ho an’ny mponin’i Jerosalema.

15 Maro amin’izy ireo no ho tafintohina sy ho lavo ary ho torotoro.

Ho voafandrika sy ho voasambotra izy ireo.

16 Ahoròny ny taratasy fanamafisana,*

Ary asio tombo-kase any amin’ny mpianatro ny lalàna!*

 2 Nahita hazavana be+

Ny olona nandeha tao amin’ny haizina,

Ary namirapiratan’ny hazavana

Ireo nipetraka tao amin’ny tanin’ny haizim-pito.

 3 Nataonao be mponina ilay firenena,

Ary nataonao faly be izy.

Mifaly eo anatrehanao izy ireo,

Hoatran’ny olona mifaly amin’ny fotoam-pijinjana,

Sy hoatran’ny olona faly rehefa mizara zavatra azo babo.

 4 Fa toy ny tamin’ny andron’ny Midianina,+

Dia hopotipotehinao ny zioga nentin’izy ireo,

Sy ny tsorakazo nikapohana ny sorony, izany hoe ny tehin’ireo mpanery azy hiasa.

 5 Hatao fandrehetana afo

Ny baotin’izay mampihovotrovotra ny tany rehefa mandeha,

Sy ny akanjo rehetra feno ra.

 6 Fa misy zaza teraka ho antsika,+

Zazalahy no homena antsika,

Ary ho eo am-pelatanany* ny fahefana.*+

 7 Hitombo foana ny fahefany,* ka tsy hifarana mihitsy izany.

Tsy hisy farany koa ny fiadanana+

Eo amin’ny seza fiandrianan’i Davida+ sy ny fanjakany.

Ho mafy orina+ izy io,

Ary ny rariny+ sy ny hitsiny+ no hampaharitra azy,

Manomboka izao ka ho mandrakizay.

 8 Nilaza fanamelohana tamin’i Jakoba i Jehovah,

Ka ho tanteraka amin’ny Israely izany.+

 9 Ary hahalala an’izany ny vahoaka manontolo,

Dia i Efraima sy ny mponin’i Samaria,

Izay mirehareha sy maniratsira, ka milaza hoe:

10 “Nirodana ny biriky,

Fa izahay kosa hanorina amin’ny vato voapaika.+

Nokapaina ny aviavidia,

Fa izahay kosa hanolo azy amin’ny hazo sedera.”

11 Hampirisihin’i Jehovah ny fahavalon’i Rezina mba hanohitra azy,

Ary hoentaniny hanao zavatra ny fahavalon’ny Israely,

12 Dia i Syria avy any atsinanana sy ny Filistinina avy any andrefana.*+

Hanokatra ny vavany mba handrapaka ny Israely izy ireo.+

Noho izany rehetra izany, dia mbola tezitra foana Izy,

Ka mbola manatsotra ny tanany mba hamely.+

13 Tsy niverina tamin’Ilay namely azy mantsy ny vahoaka,

Sady tsy nitady an’i Jehovah Tompon’ny tafika.+

14 Dia hotapahin’i Jehovah ao anatin’ny iray andro

Ny loha sy ny rambo, ary ny tsimoka sy ny harefo,* eo amin’ny Israely.+

15 Ny anti-panahy sy ny olo-manan-kaja no loha,

Ary ny mpaminany mampianatra zavatra diso no rambo.+

16 Ny mpitarika an’ity vahoaka ity ihany no mampirenireny azy,

Ka sahiran-tsaina ny olona tarihiny.

17 Tsy ho faly amin’ny ankizilahin’izy ireo àry i Jehovah,

Sady tsy hamindra fo amin’ny kamboty ray sy ny mpitondratena eo aminy.

Miala amin’Andriamanitra daholo mantsy izy ireo sady mpanao ratsy,+

Ary miteniteny foana daholo ny olona rehetra.

Noho izany rehetra izany, dia mbola tezitra foana Izy,

Ka mbola manatsotra ny tanany mba hamely.+

18 Midedadeda hoatran’ny afo ny faharatsiana,

Ka levoniny ny tsilo sy ny ahidratsy.

Hodorany koa ny kirihitrala,

Ka hidonaka ny setroka avy aminy.

19 Nodorana ilay tany,

Satria tezitra be i Jehovah Tompon’ny tafika.

Ary hatao fandrehetana afo ny olona.

20 Hotetehiny ny eo ankavanana,

Nefa mbola ho noana ihany izy,

Ary hohaniny ny eo ankavia,

Nefa tsy ho voky izy.

Samy hihinana ny nofon-tsandriny izy ireo,

21 Ka i Manase hihinana an’i Efraima,

Ary i Efraima hihinana an’i Manase.

Noho izany rehetra izany, dia mbola tezitra foana Izy,

Ka mbola manatsotra ny tanany mba hamely.+

10 Hahita loza izay mamoaka fitsipika mampidi-doza,+

Dia izay tsy mitsahatra mamorona didy mampahory,

 2 Mba tsy hihainoana ny fitorian’ny mahantra,

Na hanomezana rariny ny madinika eo amin’ny vahoakako,+

Ka halain’izy ireo ny fananan’ny mpitondratena,

Ary horobainy ny kamboty ray!+

 3 Dia ahoana no hataonareo amin’ny andro fitsarana,*+

Rehefa tonga ny fandravana avy any lavitra?+

Any amin’iza ianareo no handositra hitady fanampiana,+

Ary havelanareo aiza ny harenanareo?*

 4 Tsy hisy ho azo atao afa-tsy ny mihohoka miaraka amin’ireo gadra,

Na ny mitsitra miaraka amin’ireo voavono.

Noho izany rehetra izany, dia mbola tezitra foana Izy,

Ka mbola manatsotra ny tanany mba hamely.+

 5 “Jereo ny Asyrianina!+

Izy no tsorakazo hampiasaiko mba hanehoako ny fahatezerako,+

Ary ny tehina eny an-tanany no hoentiko hanasaziana.

 6 Hirahiko hamely firenena mpikomy* izy,+

Hamely vahoaka nampahatezitra be ahy.

Hasaiko maka babo be dia be sy mandroba zavatra maro koa izy,

Ary manosihosy an’ireny toy ny fanosihosy fotaka eny an-dalana.+

 7 Tsy te hanao an’izany anefa izy,

Ary tsy hitetika hanao an’izany ny fony,

Fa efa ao am-pony ny handringana

Sy handripaka firenena be dia be fa tsy vitsy.

 8 Milaza mantsy izy hoe:

‘Tsy mpanjaka daholo koa angaha ireo andrianako?+

10 Nalaiko ny fanjakan’ireo andriamanitra tsy misy dikany,

Izay nanana sary sokitra betsaka noho ny tany Jerosalema sy Samaria.+

11 Koa tsy hataoko amin’i Jerosalema sy ny sampiny ve

Izay efa nataoko tamin’i Samaria sy ny andriamaniny tsy misy dikany?+

12 “Rehefa vitan’i Jehovah daholo ny asany eo amin’ny Tendrombohitra Ziona sy any Jerosalema, dia hosaziny* ny mpanjakan’i Asyria, satria maniratsira sy mirehareha ary manambony tena.+ 13 Miteny mantsy izy hoe:

‘Ho vitako izany noho ny herin-tsandriko

Sy noho ny fahendreko, fa hendry aho.

Ary hofoanako ny sisin-tanin’ireo firenena,+

Sady horobaiko ny harenany.+

Dia hifehy an’ireo mponina aho, hoatran’ny ataon’ny lehilahy matanjaka.+

14 Ho toy ny lehilahy maka tranom-borona aho,

Ka halaiko ny harenan’ireo firenena.

Ary ho tahaka ny olona manangona atody nilaozana aho,

Ka hangoniko ny zava-drehetra eto an-tany.

16 Izao àry no hataon’i Jehovah Tompon’ny tafika, ilay tena Tompo:

Handefasany aretina mankahia ireo matavy eo aminy,+

Ary handrehetany afo miredareda eo ambanin’ny voninahiny.+

17 Ho lasa afo+ ilay Fahazavan’ny Israely,+

Ary ho lasa lelafo Ilay Masiny.

Hiredareda izy io, ka holevoniny ao anatin’ny iray andro ny ahidratsy sy ny tsilon’i Asyria.

18 Hofoanany tanteraka ny ala sy ny saham-boankazo tsara tarehin’i Asyria,

Ka ho lasa hoatran’ny olona marary lanin’ny aretina.+

19 Ho vitsy kely ny hazo sisa tavela ao amin’ny alany,

Ka na ny ankizy kely aza hahavita hanoratra ny isany.

20 Amin’izany andro izany, dia tsy hiantehitra amin’ilay namely azy intsony+

Ireo sisa tavela amin’i Israely,

Sy izay sisa miangana amin’ny taranak’i Jakoba.

Fa hiantehitra amin’i Jehovah, Ilay Masin’ny Israely, kosa izy ireo,

Sady tsy hivadika aminy.

21 Izay sisa miangana no hiverina amin’ilay Andriamanitra Mahery,

Dia izay sisa amin’ny taranak’i Jakoba.+

22 Ry Israely ô, na betsaka aza ny vahoakanao,

Hoatran’ny fasika any an-dranomasina,

Dia ny sisa amin’izy ireo ihany no hiverina.+

Efa tapaka hoe haringana ny vahoaka,+

Ka hampiharina tanteraka aminy ny rariny.*+

23 Efa tapa-kevitra ny handringana i Jehovah Tompon’ny tafika, ilay Tompo Fara Tampony,

Ka hampiharina amin’ilay tany manontolo izany.+

27 Amin’izany andro izany, dia hiala tsy ho eo an-tsorokao+ ny entana nampitondrain’i Asyria,

Ary hiala tsy ho eo am-bozonao ny ziogany.+

Dia hopotipotehina+ ilay zioga, noho ny fisian’ny menaka.”*

28 Tonga ao Aiata+ i Asyria,

Ary mandalo an’i Migrona.

Dia apetrany ao Mikmasy+ ny entany.

29 Ary mandeha eo amin’ny toerana fiampitana izy,

Ka matory ao Geba.+

Mihorohoro i Rama, ary mandositra i Gibea+ tanànan’i Saoly.+

Hambanany totohondry ny tendrombohitr’i Ziona zanakavavy,

Dia ilay havoanan’i Jerosalema.

33 Manapaka an’ireo sampan-kazo i Jehovah Tompon’ny tafika, ilay tena Tompo,

Ka midaraboka mafy ireny.+

Kapaina ireo hazo faran’izay avo,

Ary aetry izay ambony.

34 Kapainy amin’ny fitaovana vy* ireo kirihitra any an’ala,

Ary hisy mahery handavo an’i Libàna.

11 Hisy rantsana+ hitsiry avy amin’ny foto-kazon’i Jese,+

Ary hisy tsimoka+ hipoitra avy amin’ny fakany ka hamoa.

 2 Ho feno ny fanahin’i Jehovah izy,+

Dia fanahy mahatonga azy ho hendry+ sy hahira-tsaina,

Fanahy manome azy torohevitra sy hery,+

Fanahy manome azy fahalalana sy mahatonga azy hatahotra an’i Jehovah.

Tsy hitsara araka izay hitan’ny masony fotsiny izy,

Sady tsy hananatra araka izay henon’ny sofiny.+

 4 Fa hitsara ny mahantra araka ny rariny* izy,

Sady hananatra araka ny hitsiny, mba hahasoa ny mpandefitra eto an-tany.

Hokapohiny amin’ny tehin’ny vavany+ ny tany,

Ary hovonoiny amin’ny fofonain’ny vavany+ ny ratsy fanahy.

 5 Ny fahamarinana no ho fehikibo eo amin’ny andilany.

Ho fehikibo eo amin’ny andilany koa ny tsy fivadihana.+

 6 Dia hiaraka tsindraindray amin’ny zanak’ondry ny amboadia,+

Hatoritory hiaraka amin’ny zanak’osy ny leopara,

Ary hiaraka daholo ny zanak’omby sy ny liona* ary ny biby nohatavezina,*+

Ka ankizilahikely no hitarika azy ireo.

 7 Hiara-misakafo ny ombivavy sy ny orsa,

Dia hiara-matoritory ny zanany,

 8 Hilalao eo amin’ny lavaky ny kôbrà ny zaza minono,

Ary hametraka ny tanany eo amin’ny lavaky ny bibilava misy poizina ny zaza nisara-nono.

 9 Tsy hanisy ratsy an’iza na iza izy ireo,+

Sady tsy hanimba na inona na inona eran’ny tendrombohitro masina,+

Satria ho feno fahalalana an’i Jehovah ny tany,

Hoatran’ny rano manarona ny fanambanin’ny ranomasina.+

Any aminy ny firenena no hangataka tari-dalana,*+

Ary ho be voninahitra ny fonenany.*

13 Tsy hialona intsony i Efraima,+

Ary haripaka ireo mankahala an’i Joda.

I Efraima tsy hialona an’i Joda,

Ary i Joda tsy hankahala an’i Efraima.+

14 Dia hanidina hifaoka remby eny amin’ny tehezan-kavoanan’ny* Filistinina any andrefana izy ireo,

Ka hiaraka handroba an’ireo Tatsinanana.

Dia hanatsotra ny tanany hamely an’i Edoma+ sy Moaba+ izy ireo,*

Ary ho lasa vahoakany ny Amonita.+

15 Hosarahin’i* Jehovah ny hoalan’ny* ranomasin’i Ejipta,+

Ary hambanany amin’ny tanany ny Renirano.*+

Ny fofonainy mahamay no hamelezany azy eo amin’ireo* sampany fito,

Dia hataony afaka miampita eo tsy miala kapa akory ny olona.

16 Ary hisy lalambe+ avy any Asyria ho an’izay sisa miangana amin’ny vahoakany, dia izay sisa tavela,+

Hoatran’ilay lalambe ho an’ny Israely, tamin’ilay andro nivoahany avy tany Ejipta.

“Misaotra anao aho, Jehovah ô,

Fa na dia tezitra tamiko aza ianao,

Dia nitony tsikelikely ny fahatezeranao, ary nampionona ahy ianao.+

Hatoky aho ka tsy hatahotra be,+

Fa i Jah* Jehovah no tanjako sy heriko,

Ary izy no lasa mpamonjy ahy.”+

 3 Ho faly ianareo rehefa manovo rano

Ao amin’ny loharanon’ny famonjena.+

“Misaora an’i Jehovah, ary miantsoa ny anarany.

Ampahafantaro an’ireo firenena ny zavatra nataony,+

 6 Mihorakoraha sy mihobia, ry mponin’i Ziona,

Fa lehibe Ilay Masin’ny Israely eo anivonareo.”

Antsoy izy ireo, dia kopahy tanana,

Mba hiditra eo amin’ny fidiran’ny olona ambony.

Ary nampanantsoiko hampihatra ny fahatezerako ny miaramilako,

Dia ireo faly sady mirehareha.

 4 Izany ny feon’ny vahoaka any an-tendrombohitra,

Hoatran’ny feon’ny vahoaka mitabataba!

Izany ny tabataban’ireo fanjakana,

Dia ireo firenena voangona!+

 5 Tonga avy any an-tany lavitra,+

Avy any amin’ny faravodilanitra, i Jehovah,

Sady mitondra ny fitaovam-piadiana fampiasany rehefa tezitra,

Mba handrava ny tany manontolo.+

 7 Hiraviravy àry ny tanana rehetra,

Ary hihorohoro noho ny tahotra daholo ny fon’ny olona.+

Tratran’ny fanintona izy ireo,

Sady manaintaina hoatran’ny vehivavy mihetsi-jaza.

Mifampijery izy ireo sady mihorohoro,

Ary boramena ny tarehiny satria mitebiteby izy.

 9 Ho avy ny andron’i Jehovah,

Dia ilay andro ahitan-doza sady ipoahan’ny fahatezerana sy fisafoahana,

Mba hahatonga ny olona hihorohoro rehefa mahita an’ilay tany,+

Sy mba handripahana ny mpanota tsy ho ao intsony.

10 Tsy hampamirapiratra ny hazavany

Ny kintana eny amin’ny lanitra sy ireo antokon-kintana.*+

Ho maizina ny masoandro rehefa miposaka,

Ary tsy hampamirapiratra ny hazavany ny volana.

11 Dia hataoko ampamoaka ny tany noho ny faharatsiany,+

Hataoko ampamoaka koa ny ratsy fanahy noho ny fahadisoany.

Dia hatsahatro ny fireharehan’izay sahisahy ratsy,

Ary haetriko ny mpitondra jadona miavonavona.+

12 Ny olona indray no hataoko vitsy kely raha oharina amin’ny volamena voadio,+

Ary ny olombelona hataoko vitsy kely raha oharina amin’ny volamena avy any Ofira.+

13 Hataoko mangovitra àry ny lanitra,

Ary hihozongozona hiala amin’ny toerany ny tany,+

Satria misafoaka i Jehovah Tompon’ny tafika, amin’ny andro anamparany ny hatezerany.

14 Ho toy ny gazela hazaina sy ho toy ny andian’ondry tsy misy manangona izy ireo,

Ka samy hiverina any amin’ny fireneny avy,

Ary samy handositra any amin’ny taniny avy.+

15 Ho voatrobaka izay rehetra hita ao,

Ary ho fatin’ny sabatra izay rehetra tratra ao.+

16 Ny zanany hatao torotoro eo imasony,+

Ny tranony horobaina,

Ary ny vadiny hisy hanolana.

17 Hoentaniko hamely azy ireo ny Medianina,+

Izay tsy miraharaha volafotsy

Sady tsy tia volamena.

18 Dia handripaka tovolahy ny tsipìkany.+

Tsy hananany antra ireo naloaky ny kibo,

Ary tsy hamindrany fo ny ankizy.

19 Dia ho rava hoatran’ny nandravan’Andriamanitra an’i Sodoma sy Gomora i Babylona,+

Ilay fanjakana be voninahitra indrindra,*+

Dia ilay tanàna tsara tarehy sy mampirehareha ny Kaldeanina.+

20 Tsy hisy mponina intsony any,

Ary tsy hisy hipetraka hatramin’ny taranaka fara aman-dimby.+

Tsy hisy Arabo hanangana ny tranolainy any,

Ary tsy hisy mpiandry ondry hitondra ny andian’ondriny hiala sasatra any.

21 Fa ny biby izay mipetraka any amin’ny faritra karakaina no hatoritory any,

Ary ho feno vorondolo lehibe ireo trano.

Ny aotirisy koa no hipetraka any,+

Ary ny osidia* no hitsambikimbikina any.

22 Hisy biby hinaonaona eny amin’ireo tilikambony,

Ary hisy alikadia ao amin’ireo lapany mirenty.

 5 Notapahin’i Jehovah ny tsorakazon’ny ratsy fanahy

Sy ny tehin’ny mpitondra,+

 6 Dia ilay misafoaka sady mikapoka vahoaka tsy an-kijanona,+

Ary tezitra sady manjakazaka amin’ireo firenena ka manenjika azy foana.+

 8 Na ny hazo zenevrie aza dia faly noho izay manjo anao,

Ary faly koa ny sederan’i Libàna.

Dia hoy izy ireo: ‘Tsy misy olona mikapa anay intsony,

Hatramin’izay nianjeranao izay.’

 9 Na ny Fasana* any ambany aza taitra

Ka hitsena anao rehefa tonga ianao.

Noho ianao, dia fohaziny ireo maty izay tsy mahavita na inona na inona,

Izany hoe ny mpitarika rehetra mampitondra fahoriana* eto an-tany.

10 Dia hoy izy rehetra aminao:

‘Ianao koa angaha lasa malemy hoatr’anay?

11 Navarina atỳ amin’ny Fasana* ny reharehanao,

Dia ny feon’ny zavamaneno fitendrinao.+

Olitra no velarina mba hatorianao,

Ary kankana no irakofanao.’

12 Angaha nianjera avy any an-danitra ianao,

Ry ilay mamirapiratra, zanaky ny maraina?

Angaha voakapa hianjera amin’ny tany ianao,

Ry ilay nandresy an’ireo firenena?+

Hasandratro any ambonin’ny kintana ny seza fiandrianako,+

Ary hipetraka eny amin’ny tendrombohitra fivoriana aho,

Dia any amin’ny farany avaratra.+

14 Hiakatra eny ambonin’ny tampon’ny rahona aho,

Ka hataoko izay hampitovy ahy amin’ny Avo Indrindra.’

15 Hampidinina ho any amin’ny Fasana* anefa ianao,

Dia any amin’ny farany ambany amin’ny lavaka.

16 Hibanjina anao izay mahita anao,

Ary handinika tsara anao izy sady hiteny hoe:

‘Ity ve ilay lehilahy nampihovotrovotra ny tany,

Sy nampangovitra fanjakana,+

17 Sy nahatonga ny tany misy mponina ho lasa tany efitra,

Ka nandrava an’ireo tanàna tao,+

Ary tsy namela an’ireo olona nogadrainy handeha hody?’+

18 Ny mpanjaka rehetran’ireo firenena,

Dia samy matory amim-boninahitra,

Ao amin’ny fasany* avy.

19 Ianao kosa ariana fa tsy ampidirina ao am-pasana,

Toy ny tsimoka* tsy tiana.

Mandrakotra anao ny fatin’ireo voatsindrona sabatra,

Izay midina any amin’ireo vato ao anaty lavaka.

Ary hoatran’ny faty voahitsakitsaka ianao.

20 Tsy hiara-milevina amin’ireo mpanjaka ao am-pasana ianao,

Satria nosimbanao ny taninao,

Ary novonoinao ny vahoakanao.

21 “Manomàna toerana hamonoana ny zanany,

Noho ny fahadisoan’ny razambeny.

Sao izy ireo ho lasa mahery ka haka ny tany,

Dia hofenoiny tanàna ilay tany.”

“Izay efa noeritreretiko no hitranga,

Ary izay hevitra efa notapahiko no ho tanteraka.

25 Hotorotoroiko ao amin’ny taniko ny Asyrianina,

Ary hohitsakitsahiko eny amin’ny tendrombohitro.+

Hesorina amin’ny vahoakako ny ziogany,

Ary hesorina tsy ho eo an-tsorony ny entany.”+

26 Izany no fanapahan-kevitra* momba ny tany manontolo,

Ary izany no tanana atsotra hamelezana* ny firenena rehetra.

27 Fa i Jehovah Tompon’ny tafika no nanapa-kevitra,

Ka iza no afaka manakana an’izany?+

Ary manatsotra ny tanany izy,

Ka iza no afaka mampihemotra an’izany?+

29 “Aza misy mifaly ny ao aminao, ry Filistia,

Satria hoe tapaka ny tehin’ilay namely anao.

Fa hisy bibilava misy poizina+ hipoitra avy amin’ilay menarana,+

Ka ny taranany dia ho bibilava misy poizina* sady afaka misidina.

30 Hisakafo ny lahimatoan’ny madinika,

Ary hatory tsy hanana ahiahy ny mahantra.

Fa ny fakanao kosa hataoko matin’ny mosary,

Ary hovonoina izay tavela eo aminao.+

Fa misy setroka avy any avaratra,

Ary tsy misy taraiky ny miaramilany na iray aza.”

Efa nametraka ny fototr’i Ziona,+ hono hoe, i Jehovah,

Ary hialoka ao ny madinika eo amin’ny vahoakany.

Indray alina izay, dia voaroba i Aran’i+ Moaba,

Ka nangina.

Indray alina izay koa, dia voaroba i Kiran’i+ Moaba,

Ka nangina.

 2 Niakatra nankany amin’ny Trano* sy nankany Dibona+ izy,

Dia tany amin’ny toerana avo, mba hitomany.

Midradradradra eny an-tampon-tranony sy eny amin’ny tany malalaka ny olona rehetra ao.

Sady midina izy ireo no mitomany.+

 4 Miantsoantso i Hesbona sy Elale,+

Ka heno hatrany Jahaza+ ny feony.

Samy mitomany izy ireo miakatra ny fiakarana any Lohita,

Ary mitaraindraina eny an-dalana mankany Horonaima, noho ilay loza mitranga.+

 6 Ritra tanteraka ny ranon’i Nimrima.

Maina ny ahi-maitso,

Maty ny ahitra, ary tsy misy zava-maitso intsony.

 7 Entin’izy ireo àry ny zavatra sisa tavela tao amin’ny trano fitehirizany sy izay sisa tamin’ny harenany,

Dia miampita ny lohasaha* misy hazo aravaha izy ireo.

Ary heno hatrany Eglaima ny fidradradradrana,

Sady heno hatrany Bera-elima.

 9 Lasa feno ra mantsy ny ranon’i Dimona,

Ary misy zavatra hafa koa homeko an’i Dimona:

Liona hamely an’ireo tafavoaka avy any Moaba,

Sy hamely an’ireo sisa tavela ao amin’ilay tany.+

16 Andefaso ondrilahy ny mpitondra eo amin’ilay tany,

Dia ondry avy any Sela hamakivaky ny tany efitra

Hatrany amin’ny tendrombohitr’i Ziona zanakavavy.

 2 Hoatran’ny voro-manidina voaroaka ao amin’ny akaniny,+

Dia ho toy izany ny zanakavavin’i Moaba eny amin’ny toerana fiampitana an’i Arnona.+

Tsy hisy mpampijaly intsony,

Ary ho tapitra ny fandringanana.

Haripaka tsy hisy eto an-tany intsony koa izay manao tsinontsinona olona.

Dia ho be fitiavana sy tsy hivadika ary ho mendri-pitokisana ilay mpanjaka hipetraka eo, ao amin’ny tranolain’i Davida.+

Hitsara araka ny rariny izy, ary hampihariny haingana izay mahitsy.”+

 6 Efa henonay ny fireharehan’i Moaba, fa mirehareha be izy.+

Manambony tena sy mirehareha izy sady romotra.+

Miteniteny foana anefa izy ka tsy hahavita na inona na inona akory.

 7 Hidradradradra àry i Moaba noho ny fahoriany,

Hidradradradra daholo ny olona any.+

 8 Malazo ny voly eny amin’ny tanimboly mikitohatohatr’i Hesbona.+

Malazo koa ny voalobok’i Sibma.+

Nohitsakitsahin’ny mpitondran’ireo firenena ny sampany mena midorehitra.*

Tonga hatrany Jazera ireny sampany ireny,+

Ary nisandrahaka hatrany an-tany efitra.

Hataoko kotsan’ny ranomasoko ianareo, ry Hesbona sy Elale,+

Satria tsy mihorakoraka intsony ny mpioty voankazo masaka fahavaratra sy ny mpijinja.*

10 Tsy misy mifalifaly sy miravoravo intsony eny amin’ny saham-boankazo,

Ary tsy misy mihirahira sy mihorakoraka intsony eny an-tanimboaloboka.+

Tsy manitsakitsaka voaloboka ao anaty lavaka famiazam-boaloboka intsony ny olona mpanao an’izany,

Satria natsahatro tanteraka ny horakoraka.+

11 Mipararetra ny foko noho ny amin’i Moaba,+

Ka mangovitra hoatran’ny harpa tendrena.

Mangovitra koa ny any anatiko lalina any, noho ny amin’i Kira-haresa.+

“Tsy ho tanàna intsony i Damaskosy any aoriana any,

Fa ho lasa korontam-bato mivangongo sisa.+

 2 Hiala ao amin’ireo tanànan’i Aroera+ daholo ny mponina ao.

Ho lasa toerana fatorian’ny andiam-biby ireo tanàna ireo,

Ary tsy hisy hampatahotra an’ireny any.

 3 Tsy hisy tanàna voaro mafy intsony any Efraima,+

Ary tsy hisy fanjakana intsony ao Damaskosy.+

Dia hitovy amin’izay nanjo ny voninahitry ny Israelita*

No hanjo ny voninahitr’izay sisa tavela any Syria”, hoy i Jehovah Tompon’ny tafika.

 4 “Hihena ny voninahitr’i Jakoba, amin’izany andro izany,

Ary ho lasa mahia kely ilay vatany salama.*

 5 Izany dia ho toy ny rehefa misy mpijinja manangona varimbazaha eny an-tanimbary,

Ka mampiasa ny sandriny mba hijinjana salohim-bary,

Ary ho toy ny rehefa misy olona mitsimpona varimbazaha eny amin’ny Lohasahan’ny* Refaima.+

 6 Dia kely sisa no ho azo tsimponina,

Toy ny rehefa manintsana voan’oliva,

Ka voan’oliva masaka roa na telo sisa no eny amin’ny sampany ambony indrindra,

Ary efatra na dimy sisa no eny amin’ireo sampany mamoa”,+ hoy i Jehovah Andriamanitry ny Israely.

 9 Amin’izany andro izany, dia ho lasa hoatran’ny tanàna nilaozana any an’ala ireo tanànany voaro mafy,+

Hoatran’ny sampan-kazo nilaozan’ny olona teo alohan’ny Israelita.

Dia ho ngazana ilay toerana.

10 Efa nanadino an’ilay Andriamanitra+ mpamonjy anao mantsy ianao,

Sady tsy nahatsiaro an’ilay Vatolampy,+ ilay manda miaro anao.

Izany no antony anaovanao saha tsara tarehy,*

Sy ambolenao tsimoka avy any an-tany hafa.*

11 Fefenao tsara ny volinao mandritra ny andro,

Ary ataonao mitsimoka ny voa afafinao, amin’ny maraina,

Kanefa tsy hisy ny vokatra, rehefa marary be ianao sady azon’ny fanaintainana tsy misy fanafany.+

12 Izany ny feon’ny vahoaka maro misahotaka,

Izay mitabataba hoatran’ny ranomasina misamboaravoara!

Mitabataba be ireo firenena,

Ka hoatran’ny rano mikoriana mafy ny feony!

Dia hoteneniny mafy izy ireo, ka handositra lavitra,

Ary horoahina toy ny akofa entin’ny rivotra eny an-tendrombohitra,

Sy toy ny tsilo avadibadiky ny tafio-drivotra.

Izany no anjaran’ireo mamabo antsika

Sy ireo mandroba antsika.

18 Hahita loza ilay tany feno bibikely manana elatra,*

Dia ilay tany any amin’ny faritry ny reniranon’i Etiopia!+

 2 Io tany io no mandefa iraka handeha eny ambony ranomasina,

Sy handeha lakan-jozoro eny ambony rano, ka miteny hoe:

“Ry iraka haingam-pandeha!

Mandehana any amin’ny firenena lava ranjanana sy malama hoditra,*

Any amin’ny vahoaka atahoran’ny olona hatraiza hatraiza,+

Sady firenena matanjaka sy mpandresy.*

Lasan’ny renirano koa ny taniny.”

 3 Ry mponina rehetra ao amin’ilay tany, sy ianareo mipetraka etỳ ambonin’ny tany!

Izay hitanareo dia ho toy ny tsato-kazo famantarana atsangana eny an-tendrombohitra.

Ary haheno feo toy ny feon’anjombona ianareo.

“Ho tony aho, sady hijery eo* amin’ny toerana onenako,

Hoatran’ny hafanana mandoro sy ny hazavan’ny masoandro,

Ary hoatran’ny ando mirotsaka ao anatin’ny hafanana amin’ny fotoam-pijinjana.

 5 Fa alohan’ny fijinjana,

Rehefa mivelatra tanteraka ny felam-boaloboka ka lasa voaloboka masaka ny voniny,

Dia hotapahina amin’ny antsy fandrantsanam-boaloboka ny tsimoka,

Ary hotapahina sy hesorina koa ny sakelika.

 6 Havela ho an’ny vorona mpihaza eny an-tendrombohitra daholo ireny,

Ary ho an’ny bibidia etỳ an-tany.

Ho eny foana ny vorona mpihaza, mandritra ny fahavaratra,

Ary ho eny foana koa ny bibidia rehetra etỳ an-tany, mandritra ny fotoam-pijinjana.

 7 Amin’izay fotoana izay, dia hisy fanomezana haterina any amin’i Jehovah Tompon’ny tafika,

Dia fanomezana avy any amin’ny firenena lava ranjanana sy malama hoditra,*

Avy any amin’ny vahoaka atahoran’ny olona hatraiza hatraiza,

Avy any amin’ny firenena matanjaka sy mpandresy.*

Lasan’ny renirano koa ny taniny,

Ka tonga any amin’ny toerana mitondra ny anaran’i Jehovah Tompon’ny tafika, dia ny Tendrombohitra Ziona.”+

Hangovitra eo anatrehany ireo andriamanitra tsy misy dikany ivavahan’i Ejipta,+

Ary hihorohoro ny fon’ny olona any.

 2 “Hampirisihiko hifamely ny Ejipsianina,

Ka hiady izy samy izy.

Samy hiady amin’ny rahalahiny sy amin’ny namany avy izy ireo.

Ny tanàna hiady amin’ny tanàna, ary ny fanjakana hiady amin’ny fanjakana.

 3 Dia ho sahiran-tsaina i Ejipta,

Ary hataoko mikorontana ny tetika ataony.+

Hitady fanampiana any amin’ny andriamanitra tsy misy dikany izy ireo,

Sy any amin’ny mpilalao ody sy ny mpamoha angatra ary ny mpilaza ny hoavy.+

 4 Havelako ho resin’ny mpitondra masiaka i Ejipta,

Ka mpanjaka masiaka no hifehy azy”,+ hoy i Jehovah Tompon’ny tafika, ilay tena Tompo.

 5 Ho ritra ny ranomasina,

Ary ho maina tanteraka sy ho ritra koa ny renirano.+

 6 Ho maimbo ireo renirano,

Ary hihena sady ho maina tanteraka ireo lakandranon’i Neily any Ejipta,

 7 Ho maina+ ny zavamaniry eny amoron’ny Reniranon’i Neily, eo amin’ny vinaniny,

Sy ny tany rehetra namafazam-boa eny amoron’i Neily.+

 8 Dia hitomany ny mpanjono,

Hitaraina ny mpamintana eo amin’ny Reniranon’i Neily,

Ary hihavitsy ireo mpamelatra harato eo amin’ny rano.

 9 Hatao afa-baraka ireo mpanao lamba amin’ny rongony voakarakara,+

Sy ny mpanenona lamba fotsy.

10 Ho torotoro ny mpanenona lamba,

Ary halahelo ny mpikarama rehetra.

“Taranaky ny olon-kendry aho,

Sady taranaky ny mpanjaka fahiny”?

13 Manao hadalana ny andrianan’i Zoana.

Voafitaka ny andrianan’i Nofa,*+

Ary nanoro vohony an’i Ejipta ny lehibem-pokony.

14 Nataon’i Jehovah sahiran-tsaina i Ejipta,+

Ary manoro vohony an’i Ejipta amin’izay rehetra ataony ny mpitarika azy,

Ka hoatran’ny olona mamo mibolisatra eo amin’ny zavatra naloany izy.

15 Tsy hisy asa hatao mihitsy koa any Ejipta,

Na ho an’ny loha izany na ho an’ny rambo, na ho an’ny tsimoka na ho an’ny harefo.*

Tonga toy ny tafio-drivotra mifofofofo any atsimo izany,

Ary avy any an-tany efitra, avy any amin’ny tany mampahatahotra.+

Mivadika ny mpivadika,

Ary mandringana ny mpandringana.

Marary be tampoka ny hozatro,

Hoatran’ny an’ny vehivavy efa ho teraka.

Kivy loatra aho ka tsy maheno,

Ary sahiran-tsaina loatra ka tsy mahita.

 7 Dia nahita kalesin’ady tarihin’ny soavaly roa izy,

Sy kalesin’ady tarihin’ny ampondra,

Ary kalesin’ady tarihin’ny rameva.

“Mijoro mandritra ny andro eto amin’ny tilikambo fiambenana aho, Jehovah ô,

Ary mijanona eto amin’ny toeram-piambenako aho isak’alina!+

10 Ry vahoakako voahosihosy toy ny varimbazaha,

Ry vokatra* avy eny amin’ny famoloana!+

Notantaraiko taminareo izay henoko tamin’i Jehovah Tompon’ny tafika, ilay Andriamanitry ny Israely.

Any anaty ala eny amin’ny lemaka karakaina no hatorianareo,

Ry andian’olona avy any Dedana.+

14 Mitondrà rano hitsenana an’izay mangetaheta,

Ry mponin’i Tema,+

Dia mitondrà mofo ho an’izay mandositra.

15 Fa nandositra sabatra izy ireo, dia sabatra efa voatsoaka tao anaty tranony,

Sady nandositra tsipìka efa vonona hitifirana,* sy nandositra ady mahatsiravina.

 2 Feno tabataba tao aminao,

Ry tanàna mikotaba sy mirehareha!

Tsy matin’ny sabatra ny olona ripaka tao aminao,

Sady tsy maty tany an’ady.+

Nentina hogadraina daholo izay tratra,+

Na dia efa nandositra lavitra be aza.

 4 Izany no antony nilazako hoe: “Aza mijery ahy intsony.

Hitomany aho fa malahelo be.+

Dia aza misisika hampionona ahy,

Amin’izao fandringanana ny zanakavavin’ny* fireneko izao.+

 5 Fa andron’ny sahotaka sy ny faharesena ary ny tahotra izany,+

Ary i Jehovah Tompon’ny tafika, ilay Tompo Fara Tampony, no mahatonga an’izany,

Ao amin’ilay Lohasahan’ny Fahitana.

Misy mandrodana ny manda,+

Ary misy antsoantso heno hatrany an-tendrombohitra.

 6 Raisin’i Elama+ ny tranon-jana-tsipìka,

Ary iny izy fa mitaingina kalesin’ady tarihin’ny soavaly.*

Dia esorin’i Kira+ ny saron’ny* ampinga.

 7 Ho lasa feno kalesy fitondra miady

Eny amin’ny lohasaha* tsara indrindra eo aminao.

Ary haka ny toerany eny am-bavahady ny soavaly.*

 8 Hesorina koa ny zavatra miaro an’i Joda.

12 Amin’izany andro izany, dia izao no hasaina hataonareo, araka ny baikon’i Jehovah Tompon’ny tafika, ilay Tompo Fara Tampony:

Mila mitomany sy misaona ianareo,+

Ary mila manasola loha sy mitafy lamba gony.

13 Tsy izany anefa no ataonareo fa ilaozanareo manao fety sy mifalifaly,

Mamono omby aman’ondry,

Ary mihinan-kena sy misotro divay.+

 3 Ary nentina teny ambonin’ny rano ny varimbazahan’i* Sihora,*+

Dia ny vokatr’i Neily, izay fidiram-bolan’i Tyro.

Lasa tombony ho an’ireo firenena izany.+

 4 Ho menatra ianao, ry Sidona, ilay tanàna voaro mafy eny amoron-dranomasina.

Hoy mantsy ny ranomasina:

“Tsy nihetsi-jaza aho, na niteraka,

Sady tsy nitaiza ankizilahy na nitaiza ankizivavy.”*+

 5 Hitebiteby ny olona rehefa maheno an’izay manjo an’i Tyro,+

Toy ny rehefa naheno an’izay nanjo an’i Ejipta.+

 8 Iza no nandray an’ilay fanapahan-kevitra hoe hamely an’i Tyro,

Ilay mpanome satroboninahitra?

Andriana no mpivarotra tao aminy,

Ary nomena voninahitra eran-tany ny mpivaro-mandeha tao aminy.+

 9 I Jehovah Tompon’ny tafika no nanapa-kevitra hanao an’izany,

Amin’izay i Tyro tsy hirehareha noho ny hatsaran-tarehiny rehetra intsony,

Ary ho afa-baraka izay rehetra nomena voninahitra eran-tany.+

11 Manatsotra ny tanany eo ambonin’ny ranomasina i Jehovah,

Sady manozongozona fanjakana,

12 Hoy koa izy: “Tsy hifaly intsony ianao,+

Ry ilay ampijalina, ilay virjiny zanakavavin’i Sidona.

Io firenena io, fa tsy i Asyria,+

No nanao azy* ho toerana ho an’ny biby mpirenireny any an-tany efitra.

Nanangana tilikambo fanaovana fahirano izy ireo,

Ary narodany ny tilikambo voaro mafy tao aminy.+

Dia noravany ilay tanàna ka lasa korontam-bato.

14 Midradradradrà, ry sambon’i Tarsisy,

Fa rava ny toerana voaro mafy any aminareo.+

Tendreo tsara ny harpanao,

Dia manaova hira be dia be,

Mba ho tsaroan’izy ireo ianao.”

Ny vahoaka sy ny mpisorona,

Ny mpanompo sy ny tompony,

Ny mpanompovavy sy ny tompovaviny,

Ny mpividy sy ny mpivarotra,

Ny mpampindram-bola sy ny mpindram-bola,

Ary ny tompon-trosa sy ny mpitrosa.+

 3 Ho foana tsy misy na inona na inona ilay tany.

Horobaina daholo ny zavatra ao,+

Fa i Jehovah no efa niteny an’izany.

 5 Nandoto an’ilay tany ny mponina ao aminy,+

Satria nandika ny lalàna izy ireo,+

Sady nanova ny fitsipika,+

Ary nivadika tamin’ilay fifanekena natao haharitra ela be.*+

 6 Rava àry ilay tany satria voaozona,+

Ary meloka ny mponina ao.

Mihena koa ny isan’ny mponina ao,

Ka vitsy kely ny olona sisa tavela.+

 7 Misaona* ny divay vaovao, ary malazo ny voaloboka,+

Ka misento daholo izay olona falifaly tany am-pony tany.+

 8 Vita hatreo ny fifaliana fa tsy misy feon’ampongatapaka intsony,

Tsy heno intsony ny tabataban’ny olona miliba manao fety,

Ary nijanona koa ny feo falifaly navoakan’ny harpa.+

 9 Misotro divay izy ireo nefa tsy mihira intsony,

Ary mangidy amin’izay misotro azy ny tsiron’ny toaka.

10 Ravarava ilay tanàna aolo.+

Mihidy ny trano rehetra ka tsy misy afaka miditra.

Tsy misy falifaly intsony,

Sady tsy misy ravoravo intsony ao amin’ilay tany.+

12 Lasa ravarava ilay tanàna.

Nopotipotehina ny vavahady, ka lasa korontam-bato mivangongo sisa.+

Dia hoatran’ny rehefa manintsana voan’oliva,+

Sy hoatran’ny mioty voaloboka sisa tavela rehefa tapitra ny fotoam-piotazana.+

14 Hiteny mafy izy ireo

Ka hihorakoraka sy ho faly be.

15 Hanome voninahitra an’i Jehovah àry izy ireo any amin’ilay faritry ny hazavana,*+

Ary hanome voninahitra ny anaran’i Jehovah Andriamanitry ny Israely izy ireo any amin’ireo nosin-dranomasina.+

Hahita loza aho! Mivadika mantsy ny mpivadika.

Mivadika sady mamitaka ny mpivadika.”+

18 Izay mandositra feon-javatra mampihorohoro dia ho latsaka ao anaty lavaka,

Ary izay miakatra avy ao anaty lavaka dia ho tratran’ny fandrika.+

Fa hosokafana ny vavahadin-drano any ambony,

Ary hihozongozona ny fototr’ilay tany.

19 Mitresaka ilay tany!

Mihozongozona ilay tany!

Mihovotrovotra be ilay tany!+

20 Mivembena hoatran’ny lehilahy mamo ilay tany,

Ka mihetsiketsika hoatran’ny trano rantsankazo tsofin’ny rivotra.

Mitambesatra be amin’ilay tany ny fahadisoany,+

Dia hianjera izy ka tsy ho tafarina intsony.

21 Amin’izany andro izany, dia hotsarain’i Jehovah ny tafika eny ambony,

Sy ny mpanjaka eto ambonin’ny tany.

22 Dia hangonina izy ireo,

Toy ny gadra angonina ao anaty lavaka.

Hohidiana ao amin’ny lakaly figadrana izy ireo,

Dia hojerena indray rehefa afaka andro maro.

23 Ho afa-baraka ny volana fenomanana,

Ary ho menatra ny masoandro mamirapiratra,+

Satria lasa Mpanjaka+ eny amin’ny Tendrombohitra Ziona+ sy any Jerosalema i Jehovah Tompon’ny tafika,

Sady lasa be voninahitra eo anatrehan’ny anti-panahin’ny vahoakany.*+

Mankalaza anao aho ary midera ny anaranao.

Fa nanao zava-mahagaga be dia be ianao,+

Dia zavatra efa nokasainao* hatramin’ny taloha ela be,+

Satria tsy mivadika ianao sady mendri-pitokisana foana.+

 2 Fa nataonao lasa korontam-bato ny tanàna,

Ary lasa zavatra efa ravarava sisa ny tanàna voaro mafy.

Tsy tanàna intsony ilay tilikambo fonenan’ny vahiny,

Ary tsy haorina intsony koa.

 3 Hanome voninahitra anao àry ny vahoaka matanjaka,

Dia hatahotra anao ny tanànan’ireo firenena mpanjakazaka.+

 4 Lasa manda fiarovana ho an’ny madinika mantsy ianao,

Fiarovana mafy ho an’ny mahantra mijaly,+

Fialofana amin’ny oram-baratra,

Ary alokaloka amin’ny hafanana.+

Rehefa mamely hoatran’ny oram-baratra mifafy amin’ny manda ny mpanjakazaka,

 5 Toy ny hafanana migaingaina any amin’ny tany karakaina,

Dia ataonao mangina ny tabataban’ny vahiny.

Hoatran’ny hafanana mihamalefaka rehefa tratry ny aloky ny rahona,

Dia ampanginina koa ny hiran’ny mpanjakazaka.

 6 Hanao fanasambe ho an’ny firenena rehetra i Jehovah Tompon’ny tafika, eto amin’ity tendrombohitra ity,+

Dia fanasambe misy hanim-pito loha,+

Fanasambe misy divay tena tsara,*

Sy hanim-pito loha sady be tsoka,

Ary divay tena tsara efa notantavanina.

 7 Hesoriny* eto amin’ity tendrombohitra ity ny lamba manarona ny vahoaka rehetra,

Sy ny lamba* voatenona mandrakotra ny firenena rehetra.

 8 Hofoanany* tsy hisy mandrakizay ny fahafatesana,+

Ary hofafan’i Jehovah Tompo Fara Tampony ny ranomaso amin’ny tarehy rehetra.+

Hataony tsy afa-baraka intsony ny vahoakany, na aiza na aiza eran-tany,

Fa i Jehovah no efa niteny an’izany.

Manantena azy isika,+

Dia hamonjy antsika izy.+

10 Fa hiaro an’ity* tendrombohitra ity ny tanan’i Jehovah.+

Dia hohitsakitsahina ao amin’ny taniny ihany i Moaba,+

Hoatran’ny mololo hitsakitsahina ao anaty zezika.

11 Hikapoka azy ny tanany,

Toy ny ataon’ny mpilomano mikapoka rano amin’ny tanany rehefa milomano.

Haetriny i Moaba fa mirehareha loatra,+

Ka mailaka erỳ izy hikapoka azy amin’ny tanany.

12 Dia harodany ilay tanàna voaro mafy

Sy ny manda fiarovany avo be.

Hazerany amin’ny tany, eo amin’ny vovoka, izany.

 2 Vohay ny vavahady+ mba hidiran’ilay firenena marina,

Dia firenena mendri-pitokisana.

 3 Harovanao izay miantehitra tanteraka aminao.*

Hampiadaninao foana izy ireo,+

Satria ianao no itokisany.+

 4 Matokia an’i Jehovah mandrakizay,+

Fa i Jah* Jehovah no Vatolampy mandrakizay.+

Azerany koa ilay tanàna,

Azerany amin’ny tany,

Dia atsipiny eny amin’ny vovoka.

 6 Hanitsakitsaka an’ilay tanàna

Ny tongotry ny ampijalina sy ny faladian’ny madinika.”

Mahitsy ianao,

Ka hataonao mitovy tantana ny lalan’ny olo-marina.

 8 Jehovah ô, manaraka ny lalana atoronao izahay,

Ka ianao no antenainay.

 9 Maniry anao amin’ny foko manontolo aho amin’ny alina,

Ary mitady anao mafy aho, ao anatiko lalina ao.+

Rehefa mitsara ny tany mantsy ianao,

Dia hianatra momba ny fahamarinana ny mponina ao amin’ilay tany.+

10 Na dia iantrana aza ny ratsy fanahy,

Dia tsy hianatra fahamarinana.+

Ary na dia ao amin’ny tanin’ny fahitsiana aza izy, dia hanao ratsy ihany,+

Ka tsy hahita ny voninahitr’i Jehovah.+

12 Hanome anay fiadanana+ ianao, Jehovah ô,

Satria izay rehetra ataonay,

Dia noho ianao no ahavitanay an’izany.

13 Jehovah Andriamanitray ô, misy tompo hafa ankoatra anao lasa mifehy anay.+

Ny anaranao ihany anefa no derainay.+

Fa nitsara azy ireo ianao,

Mba handringana azy ka tsy horesahina intsony ny momba azy.

15 Nataonao lasa be dia be ny mponina ao amin’ilay firenena, Jehovah ô.

Nataonao lasa be dia be tokoa ny mponina ao.

Nomenao voninahitra ny tenanao,+

16 Jehovah ô, nitodika tany aminao izy ireo tao anatin’ny fahoriany.

Namboraka ny tao am-pony izy ireo rehefa nibitsibitsika nivavaka, tamin’izy nofaizinao.+

17 Toy ny vehivavy bevohoka efa ho teraka,

Ka mihetsi-jaza sady mitaraina fa manaintaina,

Dia hoatr’izany izahay noho ny aminao, Jehovah ô!

18 Bevohoka izahay, ary nihetsi-jaza,

Kanefa hoatran’ny hoe niteraka rivotra.

Tsy nahavonjy an’ilay tany izahay,

Ary tsy nisy zaza teraka mba hipetraka ao amin’ilay tany.

Mifohaza ka mihobia,

Ianareo izay mipetraka ao anaty vovoka!+

Fa ny andonao dia ho toy ny andon’ny maraina,*

Ary havelan’ny tany ho velona indray ny maty tsy mahavita na inona na inona.*

20 Mandehana miditra ao amin’ny efitranonareo anatiny, ry vahoakako,

Dia hidio ny varavarana.+

Miafena kely vetivety,

Mandra-pahalasan’ny fahatezerana.*+

21 Fa mivoaka avy any amin’ny toerany i Jehovah,

Mba hanao ampamoaka ny mponina ao amin’ilay tany, noho ny fahadisoana nataon’izy ireo.

Dia hasehon’ilay tany ny ra nalatsak’ilay tanàna,

Ary tsy hafeniny intsony ireo novonoina tao.”

27 Amin’izany andro izany, dia hampiasain’i Jehovah ny sabany maranitra sy lehibe ary mafy,+

Ka hofaiziny ny Leviatana,* ilay bibilava mitsoriaka.

Hofaiziny ny Leviatana, ilay bibilava miolanolana,

Ary hovonoiny ilay biby ngezabe any an-dranomasina.

Dia harovako andro aman’alina izy,

Mba tsy hisy hanimba.+

Tokony hitady fihavanana amiko izy,

Ary hitady ahy mba hihavana izahay.”

 6 Amin’ny andro ho avy, dia hisy fakany i Jakoba,

Ary hamony sy hitsimoka i Israely.+

Dia hofenoin’izy ireo vokatra ilay tany.+

 9 Hoatr’izao àry no handrakofana ny fahadisoan’i Jakoba,+

Ary izao no ho vokany rehefa esorina ny fahotany:

Hataony toy ny vatosokay nopotipotehina

Ny vato rehetra eo amin’ny alitara,

Ary tsy hisy tsato-kazo masina* na fandoroana emboka manitra ho tavela intsony.+

10 Fa hiala ao amin’ilay tanàna voaro mafy ny mponina rehetra ao,

Ary ho hadino sy hilaozana toy ny tany efitra ny kijana.+

Any ny zanak’omby no hiraoka ahitra sy hatory,

Ary hihinana sampan-kazo.+

11 Rehefa maina ireo rantsany kely,

Dia ho tonga hanapaka an’ireny ny vehivavy

Mba hataony kitay.

Ka tsy hamindra fo aminy ny Mpanao azy,

Ary tsy hiantra azy+ ny Mpamolavola azy.

28 Hahita loza ilay satroboninahitra* mirenty* anaovan’ireo mamo lava ao Efraima!+

Hahita loza koa ilay voninkazo tsara tarehy mihamalazo,

Eo amin’ny lohan’ilay lohasaha lonaka, izay misy an’ireo mamon-divay ireo!

Hoatran’ny oram-be misy kotroka sy havandra izy, toy ny tafio-drivotra mandravarava,

Hoatran’ny oram-baratra mahatonga tondra-drano,

Ka hanipy mafy an’ilay satroboninahitra eny ambonin’ny tany.

 3 Hohitsakitsahina ireo satroboninahitra mirenty,*

Izay anaovan’ireo mamo lava ao Efraima.+

 4 Ary ilay voninkazo tsara tarehy be nefa mihamalazo,

Eo an-tampon’ilay lohasaha lonaka,

Dia ho toy ny aviavy vokatra voalohany, izay masaka alohan’ny fahavaratra.

 7 Diso lalana izy ireny noho ny divay,

Ary lasa mivembena noho ny toaka.

Diso lalana ny mpisorona sy ny mpaminany noho ny toaka,

Ary tsy misaina tsara izy ireo noho ny divay,

Sady mivembena noho ny toaka.

Diso lalana izy ireo noho ny fahitana hitany,

Ka tsy mahay manapa-kevitra tsara intsony.+

 8 Fa feno loa maharikoriko ny latabatr’izy ireo,

Ka tsy misy faritra madio intsony.

 9 Fa iza no tadiaviny hizarana fahalalana?

Ary iza no hanazavany an’ilay hafatra?

Zaza vao nosarahi-nono ve,

Dia zaza vao nesorina teny amin’ny nonon-dreniny?

10 Fa izany dia “didy miampy didy, didy miampy didy,

Fitsipika miampy fitsipika, fitsipika miampy fitsipika.*+

Kely itsy, kely irỳ.”

“Didy miampy didy, didy miampy didy,

Fitsipika miampy fitsipika, fitsipika miampy fitsipika.*+

Kely itsy, kely irỳ.”

Rehefa mandeha àry izy ireo,

Dia ho tafintohina ka hidaboka any aoriana,

Ary ho tapatapaka sy ho voafandrika ary ho voasambotra.+

14 Henoy àry ny tenin’i Jehovah, ry mpirehareha

Sy mpitondra an’ity vahoaka ity, eto Jerosalema.

15 Nilaza mantsy ianareo hoe:

“Efa nanao fifanekena tamin-dRafahafatesana+ izahay,

Ary efa nifanaraka* tamin’ny Fasana.*

Rehefa mandalo ny ranotrambo* mahery be,

Dia tsy hahavoa anay izany.

Mialoka amin’ny lainga mantsy izahay,

Sady miafina ao amin’ny fitaka.”+

“Mametraka vato fototra ao Ziona aho, dia vato efa voasedra.+

Io no vato fehizoro+ sarobidy izay fototra azo antoka.+

17 Ny rariny no hataoko tady fandrefesana,+

Ary ny fahamarinana no hataoko fitaovana hijerena an’izay tsy mitovy tantana.*+

Hopaohin’ny havandra ny lainga fialofana,

Ary ho difotry ny rano ny toerana fiafenana.

18 Ho foana ny fifanekena nifanaovanareo tamin-dRafahafatesana,

Ary tsy haharitra ilay fifanarahana nataonareo tamin’ny Fasana.*+

Rehefa mandalo ny ranotrambo mahery be,

Dia ho torotoro ianareo.

19 Hifaoka anareo izy io,

Isaky ny mandalo.+

Handalo isa-maraina mantsy izy io,

Mandritra ny andro sy mandritra ny alina.

20 Fa fohy loatra ny fandriana ka tsy ampy hitsorana,

Ary kely loatra ny lamba notenomina ka tsy ampy hirakofana.

21 Fa hitsangana hoatran’ny teo amin’ny Tendrombohitra Perazima i Jehovah,

Ary hihetsika toy ny teo amin’ny lohasaha* eo akaikin’i Gibeona,+

Mba hanao zavatra, dia zavatra hafahafa,

Ary mba hanatanteraka ny asany, dia ilay asany tsy mahazatra.+

22 Aza manesoeso àry,+

Sao hogejaina mafy kokoa ny tady mamatotra anareo.

Henoko tamin’i Jehovah Tompon’ny tafika, ilay Tompo Fara Tampony, mantsy hoe

Efa nanapa-kevitra handripaka ny tany manontolo izy.+

23 Aoka ianao hanongilan-tsofina, dia henoy ny teniko.

Mihainoa tsara, dia henoy izay lazaiko.

25 Tsy mandravona ny tany ve izy aloha,

Izay vao manaparitaka ny komina mainty sy mamafy ny komina?*

Tsy samy amboleny eny amin’ny toerana voatokana ho azy ve ny varimbazaha sy ny ampemby ary ny vary orza,

Ary ny vary spelta+ eny amin’ny sisin’ny tanimboly?

26 Mampianatra* azy araka ny tokony ho izy mantsy Izy.

Mampianatra azy ny Andriamaniny.+

27 Fa tsy fitaovana fanosihosena varimbazaha+ no anosihosena ny komina mainty,

Ary tsy ampandehanina eo ambonin’ny komina ny kodiaran-tsarety.

Tsorakazo kosa no fivelezana ny komina mainty,

Ary tehina no fivelezana ny komina.

Tsy misy. Tsy hosihoseny tsy an-kijanona ilay izy,+

Ary tsy torotoroiny koa,+

Rehefa ampandehaniny eo amboniny ny kodiaran-tsaretiny sy ny soavaliny.

29 Izany koa dia avy amin’i Jehovah Tompon’ny tafika.

Tena tsara ny toroheviny,*

Ary vitany tsara foana ny zavatra ataony.*+

Tohizo isan-taona ny fetinareo,+

Dia ankalazao foana.

 2 Fa hataoko mijaly i Ariela+

Ka hisaona sy hitomany.+

Dia ho toy ny fitoeran’afo eo amin’ny alitaran’Andriamanitra izy amiko.+

 3 Hitoby manodidina anao aho ka hanafika anao.

Hataoko fahirano ianao ka hasiako fefy hazo manodidina anao.

Dia hofefeko ny manodidina anao mba hanaovana fahirano anao.+

 4 Haetry ianao,

Dia avy ao anaty tany ianao no hiteny,

Ary ho tototry ny vovoka ianao ka ho zara raha heno izay teneninao.

Hivoaka avy ao anaty tany ny feonao,+

Hoatran’ny feon’ny mpamoha angatra.

Ho toy ny bitsibitsika avy ao anaty vovoka ny teninao.

 5 Ho lasa hoatran’ny vovoka manify ny fahavalonao* be dia be,+

Ary ho toy ny akofa manidina ny mpitondra jadona maro be.+

 6 Hamonjy anao i Jehovah Tompon’ny tafika,

Ka hisy kotroka sy horohoron-tany ary feo mipoaka mafy rehefa manao an’izany izy,

Sady hisy tafio-drivotra sy oram-baratra ary lelafo mandevona.”+

 7 Ho toy ny nofy sy fahitana amin’ny alina,

Ilay vahoakan’ny firenena rehetra miady amin’i Ariela,+

Dia izay rehetra miady aminy,

Sy ny tilikambo fanaovana fahirano hamelezana azy,

Ary izay mampijaly azy.

 8 Izany dia hoatran’ny olona noana manonofy hoe mihinan-kanina,

Kanjo rehefa mifoha izy dia mbola noana ihany,

Ary toy ny olona mangetaheta manonofy hoe misotro,

Kanjo rehefa mifoha izy dia mbola reraka sy mangetaheta ihany!

Dia izany no hanjo ny vahoakan’ny firenena rehetra,

Izay miady amin’ny Tendrombohitra Ziona.+

 9 Tsy maintsy ho gaga ianareo ka ho gina tsy mahateny.+

Ho jamba ianareo ka tsy hahita.+

Mamo izy ireo nefa tsy noho ny divay,

Ary mivembena nefa tsy noho ny toaka.

10 Fa efa nataon’i Jehovah renoky ny torimaso lalina ianareo.+

Dia akimpiny ny masonareo, izany hoe ny mpaminany,+

Ary saronany ny lohanareo, izany hoe ny mpahita fahitana.+

13 Hoy i Jehovah: “Milaza fa manatona ahy ity vahoaka ity, nefa resaka fotsiny izany.

Ary an-tendro-molotra fotsiny no anajan’izy ireo ahy,+

Fa ny fony kosa lavitra ahy.

Matahotra ahy izy ireo, nefa noho ny didin’olombelona nampianarina azy fotsiny izany.+

14 Noho izany, dia hanao zava-mahagaga amin’ity vahoaka ity indray aho,+

Dia zava-mahagaga be dia be.

Dia ho foana ny fahendren’ny olon-kendriny,

Ary tsy hahazo hevitra intsony ny olona malina eo aminy.”+

Tanterahiny ao amin’ny maizimaizina ilay izy,

Sady hoy izy: “Iza koa no mahita antsika eo?

17 Kely sisa dia hovana ho saham-boankazo i Libàna,+

Ary hoheverina hoe ala ny saham-boankazo.+

18 Amin’izany andro izany, dia haheno ny teny ao anatin’ilay boky ny marenina,

Ary hahita ao amin’ny maizina sy ny haizim-pito ny mason’ny jamba.+

19 Dia ho faly be ny mpandefitra, noho ny amin’i Jehovah,

Ary ho ravoravo ny mahantra, noho ny amin’Ilay Masin’ny Israely.+

20 Fa tsy hisy intsony ny mpitondra jadona,

Ary ho faty ny mpirehareha.

Haripaka izay rehetra te hanisy ratsy olona foana,+

21 Dia ireo mandainga mba hahatonga ny olona ho meloka,

Sady mamandrika an’izay miaro ny tenany* eo amin’ny vavahadin’ny tanàna,+

Ary manendrikendrika ny olo-marina mba tsy hanomezana rariny azy.+

“Tsy ho menatra intsony i Jakoba,

Ary tsy ho hatsatra intsony ny tarehiny.*+

23 Fa rehefa hitany eo aminy ny zanany,

Izay asan’ny tanako,+

Dia hanamasina ny anarako izy ireo.

Tena hanamasina an’Ilay Masin’i Jakoba izy ireo,

Sady hatahotra sy hanaja an’ilay Andriamanitr’i Israely.+

24 Ho lasa mahira-tsaina izay tsy misaina tsara,

Ary hanaiky torohevitra izay mimenomenona.”

30 “Hahita loza ireo zanaka mafy loha”,+ hoy i Jehovah,

“Dia izay manatanteraka izay kasainy hatao, fa tsy izay kasaiko hatao,+

Sy manao fifanekena,* nefa tsy notarihin’ny fanahiko,

Ka vao mainka mitombo ny fahotany.

 2 Mandeha midina any Ejipta+ izy ireo nefa tsy manontany ahy akory.+

Te hitady fiarovana amin’i Farao,*

Sy hialokaloka amin’i Ejipta izy ireo.

 3 Lasa hahamenatra anareo anefa ny fiarovan’i Farao,

Ary hanala baraka anareo ny mialokaloka amin’i Ejipta.+

 4 Fa any Zoana ny andrianany,+

Ary tonga hatrany Hanesa ny olona nirahiny.

 5 Ho menatra daholo izy ireo,

Noho ny amin’ny firenena iray tsy mitondra soa ho azy,

Izay sady tsy afaka manampy no tsy mitondra soa,

Fa mahamenatra sy manala baraka fotsiny.”+

Mandeha mamakivaky ny tany misy fijaliana sy zava-tsarotra izy ireo,

Dia tany misy liona, eny, liona mierona,

Sy bibilava misy poizina, ary bibilava misidina.*

Eny an-damosin’ny ampondra no itondrany ny harenany,

Ary eny amin’ny trafon’ny rameva no itondrany ny vatsiny.

 8 “Mandehana àry, soraty eo amin’ny takela-kazo eo anatrehany izany,

Ary soraty ao amin’ny boky,+

Mba ho azo atao vavolombelona eny foana,

Amin’ny andro ho avy.+

 9 Fa vahoaka mpikomy izy ireo,+ ary zanaka mpamitaka,+

Dia zanaka tsy vonona hihaino ny lalàn’i* Jehovah.+

“Tsy manaiky ny teniko ianareo,+

Fa lainga sy fitaka no itokisanareo,

Sady ianteheranareo.+

13 Ho toy ny manda mitresaka àry izany fahadisoanareo izany,

Ary hoatran’ny manda avo be efa mibontsina ka mitady hianjera.

14 Hovakivakina toy ny siniben’ny mpanefy tanimanga izany,

Dia ho potika tanteraka ka tsy hisy potiny ho tavela

Mba hakana afo avy ao am-patana,

Na hanovozana rano eny amin’ny ranom-potaka kely.”*

“Ho voavonjy ianareo raha miverina amiko sy miezaka ho tony.

Hatanjaka ianareo raha tony foana sy feno toky.”+

17 Olona iray fotsiny no mandrahona, dia hangovitra ny arivo.+

Olona dimy fotsiny no mandrahona, dia handositra ianareo,

Ka izay sisa tavela aminareo dia ho toy ny andry tokana eny an-tampon-tendrombohitra,

Sy ho toy ny tsato-kazo famantarana iray eny amin’ny havoana.+

18 Mbola maharitra miandry* foana anefa i Jehovah, satria te hiantra anareo,+

Ary hitsangana izy satria te hamindra fo aminareo.+

27 Tonga avy any lavitra ny anaran’i Jehovah.

Tezitra be izy ary misy rahona matevina miaraka aminy.

Feno hatezerana ny molony,

Ary hoatran’ny afo mandoro ny lelany.+

28 Toy ny riaka be tafakatra hatreny amin’ny hatoka ny fanahiny,*

Mba hanozongozona an’ireo firenena ao anaty sivana, ka ho ringana daholo izy ireo.*

Ary hasiana lamboridy ny valanoranon’ny vahoaka+ ka ho diso lalana izy ireo.

29 Hanao hira kosa ianareo, hoatran’ny hira fanaonareo amin’ny alina,

Rehefa miomana* hanao fety.+

Ho falifaly ny fonareo,

Ka amin’izay ianareo dia ho toy ny olona mitsoka sodina eny am-pandehanana*

Mankany an-tendrombohitr’i Jehovah, ho any amin’ilay Vatolampin’ny Israely.+

30 Hataon’i Jehovah heno ny feony matanjaka be,+

Ary hasehony ny sandriny+ ka hakapony mafy ny tanany rehefa tezitra be izy.+

Hisy afo mandevona+ rehefa manao an’izany izy,

Sady hisy oram-be mivatravatra+ sy oram-baratra ary havandra.+

31 Fa hihorohoro i Asyria+ noho ny feon’i Jehovah.

Hamely azy amin’ny tehina mantsy Izy.+

32 Isaky ny mikapoka amin’ny tehiny i Jehovah

Mba hanafaizana an’i Asyria,

Dia hampiarahina amin’ny feon’ampongatapaka sy harpa izany.+

Hanambana azy ireo amin’ny tanany Izy amin’izay, ka hiady aminy.+

33 Fa efa vonona ny Tofeta*+ natao ho an’i Asyria.

Efa nomanina ho an’ny mpanjaka koa izy io.+

Nataony mivangongo ao anaty lavaka lehibe sady lalina ny kitay,

Ary nataony miredareda ny afo, sady be dia be ny kitay.

Handrehitra azy io ny fofonain’i Jehovah,

Izay hoatran’ny solifara mitosaka be.

31 Hahita loza izay mandeha midina any Ejipta mba hitady fanampiana,+

Sy izay miantehitra amin’ny soavaly,+

Sy izay mitoky amin’ny kalesy fitondra miady satria hoe be dia be ireny,

Ary mitoky amin’ny soavaly fitondra miady* satria hoe tena mahery ireny.

Tsy mba mitodika any amin’Ilay Masin’ny Israely izy ireo,

Sady tsy mitady an’i Jehovah.

 2 Hendry koa anefa Izy ka handefa loza,

Ary tsy hanatsoaka ny teniny.

Fa hitsangana Izy ka hamely ny ankohonan’ny ratsy fanahy,

Sy izay manampy ny mpanao ratsy.+

 3 Olombelona ihany ny Ejipsianina, fa tsy Andriamanitra.

Nofo ihany ny soavaliny, fa tsy fanahy.+

Rehefa manatsotra ny tanany i Jehovah,

Dia ho tafintohina izay manampy,

Ary hianjera izay ampiana.

Dia hiaraka ho faty daholo izy rehetra.

“Mierona ny liona, dia ny liona tanora matanjaka, mba hiarovana ny remby azony.

Na dia mpiandry ondry be dia be aza no antsoina mba hampandositra azy,

Dia tsy hatahotra izy na dia miantsoantso aza ireo,

Ary tsy hihontsina izy na dia mihorakoraka aza ireo.

Dia ho toy izany koa i Jehovah Tompon’ny tafika,

Rehefa midina hiady izy mba hiarovana ny Tendrombohitra Ziona sy ny havoanany.

 8 Ho fatin’ny sabatra ny Asyrianina, nefa tsy sabatr’olona izany.

Tsy sabatr’olombelona no handripaka azy.+

Handositra noho ny sabatra izy,

Ary hampanaovina asa an-terivozona ny tovolahy ao aminy.

 9 Hanjavona ny vatolampiny satria matahotra be,

Ary hihorohoro ny andrianany noho ilay tsato-kazo famantarana”, hoy i Jehovah.

Ao Ziona ny hazavany* ary ao Jerosalema ny lafaorony.

32 Hisy mpanjaka+ hitondra mba hampanjaka ny fahamarinana,+

Ary hisy andriana hitondra mba hampanjaka ny rariny.

 2 Samy ho toy ny toerana fiafenana* amin’ny rivotra izy ireo,

Sy fialofana* amin’ny oram-baratra,

Sady ho toy ny rano mikoriana any amin’ny tany karakaina,+

Ary ho toy ny aloky ny vatolampy lehibe any amin’ny tany ngazana.

 3 Dia tsy hisy hanakimpy intsony ny mason’izay mahita,

Ary hihaino tsara ny sofin’izay mandre.

 4 Handinika fahalalana ny fon’izay taitaitra,

Ary hahay hiteny misosa sy mazava tsara ny lelan’izay miakanakam-piteny.+

 5 Tsy hatao hoe malala-tanana intsony ny olona tsy misy saina,

Ary tsy hantsoina hoe olona ambony ny olona maty eritreritra.

 6 Fa hiteniteny foana ny olona tsy misy saina,

Ary hamorona teti-dratsy ao am-pony izy.+

Te hampirisika ny olona hivadika amin’Andriamanitra* mantsy izy, sady te hilaza lainga momba an’i Jehovah.

Tiany halefa mody maina koa ny noana,

Ary tsy tiany hahazo zavatra hosotroina ny mangetaheta.

 7 Ratsy ny fanaon’ny olona maty eritreritra.+

Mampirisika ny olona hanana fitondran-tena manala baraka mantsy izy,

Ka mampiasa lainga, mba ho voa mafy izay mijaly,+

Na dia efa milaza ny marina aza ny mahantra.

 8 Ny olona malala-tanana kosa dia ny halala-tanana foana no masaka ao an-tsainy.

Tia manome* izy ary miezaka manao an’izany foana.

10 Hangovitra be ianareo izay tsy miasa saina, rehefa afaka herintaona mahery kely,

Satria tsy hisy voaloboka voangona, na dia rehefa tapitra aza ny fotoam-piotazana voaloboka.+

Esory daholo ny akanjonareo,

Dia misikìna lamba gony.+

12 Kapohy ny tratranareo dia mitomania,

Noho ny amin’ireo saha nahafinaritra sy ny voaloboka nahavokatra.

13 Ho rakotra tsilo sy kirihitra misy tsilo mantsy ny tanin’ny vahoakako,

Ka ho rakotra an’ireny daholo ny trano feno fifaliana fahiny,

Dia ilay tanàna nisy haravoana be.+

14 Fa nafoy ny tilikambo voaro mafy,

Ary nilaozana ilay tanàna naresaka be.+

Lasa ngazana tanteraka i Ofela+ sy ny tilikambo fiambenana,

Ka lasa toerana ifalifalian’ny ampondradia,

Sady lasa kijana ho an’ny andian’ondry.+

15 Tsy hiova mihitsy izany raha tsy rehefa milatsaka amintsika ny fanahy,+

Sady lasa saham-boankazo ny tany efitra,

Ary heverina hoe ala ny saham-boankazo.+

16 Dia hanjaka any an-tany efitra ny rariny,

Ary hanjaka ao amin’ilay saham-boankazo ny fahamarinana.+

17 Hiadana+ izay manaraka ny tena fahamarinana,

Ary hilamina foana sady tsy hanana ahiahy mihitsy+ izay manaraka ny tena fahamarinana.

18 Hipetraka ao amin’ny toerana anjakan’ny fiadanana ny vahoakako,

Ao amin’ny toerana tsy misy mampatahotra sady milamina.+

19 Handripaka an’ilay ala anefa ny havandra,

Ary ho rava tanteraka ilay tanàna.

20 Sambatra ianareo izay mamafy voa eny amoron’ny rano rehetra,

Ka mandefa ny* omby sy ny ampondra.”+

33 Hahita loza ianao, ry ilay mpandrava tsy nisy nandrava,+

Dia ilay mpamadika tsy nisy namadika!

Tohano amin’ny sandrinao*+ izahay isa-maraina,

Ary vonjeo amin’ny fotoam-pahoriana.+

 4 Hatangorona ny zavatra ataonareo babo, hoatran’ny valala mirangorango mitangorona,

Ka hirohotra ho eny amin’ireny ny olona, hoatran’ny andiam-balala.

 5 Hasandratra i Jehovah,

Satria mipetraka eny amin’ny avo.

 6 Izy no mahatonga anao hilamina sy tsy hitebiteby.

Betsaka ny zavatra ataony mba hamonjena+ anao. Omeny fahendrena sy fahalalana ianao, ary ampianariny hatahotra an’i Jehovah.+

Izany no harenany.

 7 Miantsoantso eny an-dalana ny lehilahy mahery fo eo amin’izy ireo,

Ary mitomany be ny iraka mitady fihavanana.

 8 Tsy misy olona intsony eny an-dalambe,

Ary tsy misy mpandeha intsony eny an-dalana.

Nivadika tamin’ny fifanekena ny fahavalo,

Sady nanambany an’ireo tanàna,

Ary tsy miraharaha olona.+

Lasa hoatran’ny tany efitra i Sarôna,

Ary mihintsan-dravina i Basana sy Karmela.+

10 “Hitsangana aho izao”, hoy i Jehovah,

“Dia hasandratro ny tenako,+

Ka homeko voninahitra.

14 Matahotra be+ ny mpanota ao Ziona,

Ary lasa mangovitra ireo miala amin’Andriamanitra, ka miteny hoe:

15 Izay manao ny marina foana,+

Sy milaza ny marina,+

Sy tsy tia tombony azo amin’ny fitaka sy ny tsy rariny,

Sady tsy mety mandray tsolotra mihitsy,+

Sy manampina ny sofiny tsy hihaino ny resaky ny olona te handatsa-dra,

Ary manakimpy ny masony tsy hahita zava-dratsy,

16 Dia izy no hipetraka eny amin’ny toerana avo.

Ho eny amin’ny vatolampy sarotra aleha ny fialofany.*

Homena azy koa ny sakafony,

Ary tsy ho ritra mihitsy ny tahirin-dranony.”+

17 Hahita mpanjaka be voninahitra ny masonao,

Sady hahatazana tany eny lavitra eny.

19 Tsy hahita an’ilay firenena sahisahy ratsy intsony ianao,

Izany hoe firenena mampiasa fiteny sarotra* be ka tsy mety azo,

Sy miakanakam-piteny ka tsy azonao ny teniny.+

Ho hitan’ny masonao i Jerosalema, izay fonenana milamina,

Dia tranolay tsy hafindrafindra.+

Tsy hotsoahana mihitsy ny fantsika be fanenjanan-day eo aminy,

Ary tsy hisy hotapahina ny tadiny.

21 Fa ao i Jehovah, Ilay Manan-kaja,

No hiaro antsika hoatran’ny renirano sy ny lakandrano lehibe,

Ka tsy hisy andian-tsambon’ny fahavalo handeha eny amin’ireny,

Ary tsy hisy sambo lehibe handalo eny.

22 Fa i Jehovah no Mpitsara antsika,+

I Jehovah no Mpanao Lalàna ho antsika.+

I Jehovah no Mpanjakantsika,+

Ary izy no hamonjy antsika.+

23 Higoragora ny tady,

Ka tsy mahavita mitazona ny andrin-tsambo hijoro tsara, na mahavita mamelatra ny lay.

Amin’izay fotoana izay, dia hozaraina ny zavatra be dia be azo babo,

Ka na ny malemy tongotra aza haka be dia be amin’izay norobaina.+

34 Manatòna mba hihaino, ry firenena!

Mihainoa tsara, ry vahoaka!

Mihainoa, ry tany sy izay rehetra eo aminy,

Dia ny tany sy izay rehetra mipetraka ao.

 2 Fa tezitra be amin’ny firenena rehetra i Jehovah,+

Sady misafoaka amin’ny tafik’izy ireo manontolo.+

Hatokany haringana ireny,

Ka haripany.+

 3 Hariana ireo novonoina eo amin’izy ireo,

Ary hidofaka ny fofon’ny fatiny.+

Hampitsonika ny tendrombohitra* ny rany.+

 4 Ho lo daholo ny ao amin’ny tafiky ny lanitra,

Ary ny lanitra dia hahorona toy ny horonam-boky.

Halazo ny tafik’izy ireo manontolo,

Hoatran’ny ravina malazo mihintsana avy amin’ny voaloboka,

Ary hoatran’ny voan’aviavy malazo mihintsana.

Hidina hampihatra didim-pitsarana amin’i Edoma izy io,+

Ka hamely ny olona efa natokako haringana.

Sady hihoso-menaka,+

Ka ho feno ran’ondrilahy sy ran’osy,

Ary tavin’ny voan’ondrilahy.

Fa manao sorona ao Bozra i Jehovah,

Ka be dia be no aripany ao Edoma.+

 7 Hiara-midina amin’ireny ny ombidia,

Ary ny vantotr’ombilahy hiaraka amin’ireo matanjaka.

Ho vonton-dra ny tanin’izy ireo,

Ary ho vonto menaka ny vovo-taniny.”

 8 Fa manana andro famaliana i Jehovah,+

Dia taona hamaliana ny ratsy natao tamin’i Ziona.+

 9 Hovana ho godorao* ny reniranony,*

Hovana ho solifara ny vovoka ao aminy,

Ary ho lasa toy ny godorao mirehitra ny taniny.

10 Tsy hovonoina izany afo izany na andro na alina,

Dia hiakatra mandrakizay ny setroka avy aminy.

Ho rava hatramin’ny taranaka fara aman-dimby izy,

Ka tsy hisy olona handalo eo aminy intsony mandrakizay mandrakizay.+

11 Ho lasa fonenan’ny gisandrano sy ny sokina izy,

Ary hipetraka ao ny vorondolo lava sofina sy ny goaika.

Horefesin’Andriamanitra amin’ny tady fandrefesana sy ny pilao* ilay tany,

Mba ho hita hoe tsy misy na inona na inona sady tsy misy ilana azy.

12 Tsy misy hatao mpanjaka ny olona ambony ao aminy,

Ary tsy hisy intsony ny andrianany rehetra.

13 Hisy tsilo haniry eny amin’ny tilikambony voaro mafy,

Ary hisy tsilo sy ahidratsy eny amin’ny toerany voaro mafy.

Ho lasa toerana ipetrahan’ny alikadia koa izy,+

Sady ho vala ho an’ny aotirisy.

14 Hifankahita amin’ny biby minaonaona* ny biby mipetraka any an-tany efitra,

Ary hiantso ny namany ny osidia.*

15 Any ny bibilava mitsambikina no hanao ny tranony sy hanatody.

Dia hikotrika ny atodiny izy, ka hiaro an’ireny.

Tsy misy tsy ho eo ireny biby ireny,

Ary samy hanana ny vadiny avy.

Fa i Jehovah no efa nanome baiko,

Ary ny fanahiny no nanangona an’ireny.

17 Izy no nanao antsapaka an’izay ho anjaran’ireny,

Ary ny tanany no nandrefy ny anjara taniny.*

Ho lasa fonenan’ireny mandrakizay ilay taniny,

Ary hipetraka ao ireny hatramin’ny taranaka fara aman-dimby.

35 Hifaly ny tany efitra sy ny tany ngazana,+

Ary hiravoravo ny lemaka karakaina sady ho feno voninkazo.*+

 2 Hamony tokoa ny lemaka karakaina,+

Sady ho faly sy hihoby.

Homena azy ny voninahitr’i Libàna,+

Sy ny hatsaran-tarehin’i Karmela+ sy Sarôna.+

 3 Hatanjaho ny tanana malemy,

Sy ny lohalika mangozohozo.+

Ho avy hamaly ny fahavalonareo ilay Andriamanitrareo,

Ho avy hanasazy Andriamanitra,+

 5 Amin’izany fotoana izany, dia hatao lasa mahita ny mason’ny jamba,+

Ary hatao mandre ny sofin’ny marenina.+

 6 Amin’izany fotoana izany koa, dia hitsambikina hoatran’ny serfa* ny malemy tongotra,+

Ary hihoby ny lelan’ny moana.+

Fa hisy rano hiboiboika any an-tany efitra,

Ary hisy rano mikoriana any amin’ny lemaka karakaina.

 7 Ho lasa farihy anirian’ny bararata ny tany ngazana,

Ary ho lasa loharano ny tany karakaina.+

Hisy ahitra maitso sy bararata ary zozoro ny toerana ipetrahan’ny alikadia,+

Dia ny toerana fialany sasatra.

 8 Hisy lalambe any,+

Dia lalana hatao hoe Lalan’ny Fahamasinana.

Fa natokana ho an’izay mahazo mandeha eny ihany izy io,

Ka tsy hisy olona adala handehandeha eny.

 9 Tsy hisy liona eny,

Sady tsy hankeny ny bibidia masiaka.

Tsy hisy ho hita eny ireny,+

Fa izay babo efa navotana ihany no handeha eny.+

Ho falifaly sy ho ravoravo foana izy ireo,

Fa tsy halahelo na hisento intsony.+

Iza no tabatabainao,+

Ary mianjonanjona amin’iza ianao?

24 Ny mpanomponao no nirahinao hila ady amin’i Jehovah,+ ka hoy ianao:

‘Hoentiko ny kalesy be dia be fitondra miady

Dia hiakatra eny amin’ny tendrombohitra avo indrindra aho,+

Any amin’ny faritra lavitra indrindra ao Libàna.

25 Handavaka lava-drano aho dia hisotro rano.

Hataoko ritra ny renirano* any Ejipta ka ny faladiako no hanaovako an’izany.’

27 Tsy ho afa-manoatra ny mponina ao.

Hatahotra be sy ho menatra izy ireo.

Ho lasa hoatran’ny zavamaniry eny an-tsaha sy ny ahitra maitso izy ireo,

Ary ho lasa hoatran’ny ahitra eny amin’ny tafo, dia ahitra mainan’ny rivotra avy any atsinanana.

28 Fantatro tsara anefa ianao rehefa mipetraka, na rehefa miditra, na rehefa mivoaka.+

Fantatro tsara koa rehefa tezitra be amiko ianao,+

29 Satria efa tonga atỳ am-poto-tsofiko+ ny teninao tamin’ianao tezitra be tamiko+ sy nitabataba be.

Dia hasiako faraingo ny oronao, ary hasiako lamboridy+ eo amin’ny vavanao,

Ka hotaritiko hiverina any amin’ny lalana niavianao ianao.”

“Tsy ho tafiditra ato amin’ity tanàna ity izy,+

Na handefa zana-tsipìka ato,

Na hiady amin’ity tanàna ity miaraka amin’ny ampinga,

Na hampiakatra dongon-tany* hanaovana fahirano azy.”’+

34 ‘Ny lalana niaviany ihany no hiverenany.

Tsy ho tafiditra ato amin’ity tanàna ity izy’, hoy i Jehovah.

35 ‘Fa hiaro an’ity tanàna ity aho,+ ka hamonjy azy noho ny anarako,+

Sy noho ny amin’i Davida mpanompoko.’”+

10 Hoy aho: “Hiditra eo am-bavahadin’ny Fasana* aho,

Amin’izao mbola tsy antitra izao.

Tsy hahita olombelona intsony aho,

Rehefa any amin’ny maty.

12 Nongotana sy nesorina tamiko ny fonenako,+

Hoatran’ny tranolain’ny mpiandry ondry.

Ahoroko toy ny lamba ahoron’ny mpanenona ny fiainako.

Tapahiny ny kofehin’ny fiainako, hoatran’ny mpanenona manapaka kofehy amin’ny lamba.

Hoatran’ny liona izy, ka tapatapahiny foana ny taolako rehetra.

Ataonao tapitra tsikelikely ny aiko, hatramin’ny maraina ka hatramin’ny alina.+

14 Mitaraindraina foana toy ny sidintsidina na ny fitatrala* aho,+

Ary mitoreo foana toy ny voromailala.+

‘Mijaly be aho, Jehovah ô!

Mba tohano aho!’*+

Hanetry tena aho mandritra ny taona rehetra iainako,

Satria nangidy loatra ny nanjo ahy.

16 ‘Jehovah ô, ireo zavatra ireo* no mahavelona ny olona rehetra,

Ary ireo no mbola mahavelona ny aiko.

17 Tsy mba niadana aho fa nangidy loatra ny nanjo ahy.

Tia ahy anefa ianao,

Ka niaro ahy tsy ho any amin’ny lavaky ny fandringanana.+

18 Fa tsy afaka manome voninahitra anao ny Fasana,*+

Ary tsy afaka midera anao ny fahafatesana.+

19 Ny velona, ny velona no afaka midera anao,

Hoatr’izao ataoko androany izao.

20 Vonjeo aho, Jehovah ô!

Dia hotendrenay amin’ny zavamaneno ny hirako,+

Mandritra ny andro rehetra iainanay ao an-tranon’i Jehovah.’”+

 2 “Manaova teny manohina ny fon’i* Jerosalema.

Lazao aminy fa efa vita ny asa an-terivozona nataony,

Ary efa voaonitra ny fahadisoany.+

 4 Aoka hisondrotra ny lohasaha rehetra,

Ary hietry daholo kosa ny tendrombohitra sy ny havoana.

Ataovy mitovy tantana ny tany misy dongodongona,

Ary ataovy lasa lemaka ny tany mikitoantoana.+

 5 Dia hiharihary ny voninahitr’i Jehovah,+

Ka samy hahita an’izany ny olombelona* rehetra,+

Satria i Jehovah no efa niteny.”

 7 Maina ny ahi-maitso,

Ary malazo ny voninkazo,+

Satria notsofin’i Jehovah tamin’ny fofonainy.*+

 8 Maina ny ahi-maitso,

Ary malazo ny voninkazo,

Fa ny tenin’ilay Andriamanitsika kosa maharitra mandrakizay.”+

 9 Miakara any an-tendrombohitra avo,

Ry vehivavy mitondra vaovao tsara ho an’i Ziona.+

Ataovy mafy ny feonao,

Ry vehivavy mitondra vaovao tsara ho an’i Jerosalema.

10 Ho avy i Jehovah Tompo Fara Tampony ka hampiseho ny heriny,

Ary ny sandriny no hanjaka.+

Efa eny aminy ny valisoa homeny,

Ary efa any aminy ny karama haloany.+

Ny sandriny no hanangonany ny zanak’ondry,

Dia hotrotroiny eo an-tratrany ireny.

12 Iza no mahavita mamatra ny rano rehetra amin’ny felatanany,+

Sy mandrefy ny lanitra amin’ny irain-jehy?*

Iza no mahavita mamatra ny vovoky ny tany amin’ny kapoaka,+

Na mandanja ny tendrombohitra amin’ny fandanjana,

Sy mandanja ny havoana amin’ny mizana?

13 Iza no mahavita mandrefy* ny fanahin’i Jehovah?

Ary iza no afaka mampianatra azy ka hanoro hevitra azy?+

14 Iza no nanontaniany mba hanampy azy hisaina tsara,

Ary iza no mampianatra azy ny lalan’ny rariny?

Iza no mampita fahalalana aminy,

Na mampiseho azy ny atao hoe tena fahiratan-tsaina?+

15 Hoatran’ny rano indray mitete avy amin’ny siny ireo firenena,

Ary toy ny vovoka manify eo amin’ny mizana no fiheverana azy.+

16 Na ny hazo ao Libàna aza tsy ampy hatao kitay,*

Ary na ny bibidia ao aza tsy ampy hatao fanatitra dorana.

17 Ny firenena rehetra dia toy ny tsy misy, eo anatrehany.+

Tsinontsinona sy tsy misy dikany ireny aminy.+

19 Manamboatra sampy* ny mpanao asa tanana,

Ary mametaka takela-bolamena+ eo amin’ilay izy ny mpanefy,

Sady manefy rojo volafotsy.

20 Mifidy hazo ny olona mba hataony fanomezana,+

Dia hazo tsy ho lo.

Mitady mpanao asa tanana mahay izy,

Mba hanamboatra sary sokitra izay tsy hitongilangilana.+

22 Izy Ilay mipetraka any amin’ny avo, any ambonin’ity tany boribory* ity,+

Ary hoatran’ny valala ny mponina eo aminy.

Izy no mamelatra ny lanitra toy ny lamba manify,

Sy mamelatra azy toy ny tranolay ipetrahana.+

23 Ataony lasa tsinontsinona ny manam-pahefana ambony,

Ary ataony tsy misy dikany ny mpitsara* eto an-tany.

24 Toy ny zavamaniry vao nambolena izy ireo,

Hoatran’ny voa vao nafafy,

Ary mbola tsy mamaka tsara ao anaty tany ny fotony.

Dia tsofin’ny rivotra izy ireo ka maina,

Ary entin’ny rivotra toy ny mololo.+

Izy Ilay mamoaka azy ireny hoatran’ny mamoaka tafika, sady manisa azy tsirairay,

Ary miantso azy rehetra amin’ny anarany avy.+

Matanjaka be izy ary tena mahatalanjona ny heriny,+

Ka tsy misy banga ireny na iray aza.

27 Maninona ianao, ry Jakoba no miteny an’izao, ary maninona ianao, ry Israely, no milaza hoe:

‘Tsy hitan’i Jehovah ny manjo ahy,

Ary tsy mba mahazo rariny amin’Andriamanitra aho’?+

29 Omeny hery ny reraka,

Ary ataony matanjaka be izay kely hery.+

30 Ho reraka sy ho sasatra ny ankizilahy,

Ary ho tafintohina ny tovolahy ka hianjera.

31 Fa izay manantena an’i Jehovah kosa hahazo hery indray.

Hihazakazaka izy nefa tsy ho vizana,

Ary handeha nefa tsy ho reraka.”+

41 “Mangìna, ry nosy, dia henoy aho.*

Avelao hahazo hery indray ireo firenena.

 2 Iza no nampirisika olona iray avy any amin’ny fiposahan’ny masoandro?*+

Iza no niantso azy araka ny fahamarinana mba ho eo an-tongony,*

Amin’izay dia hatolotra eo anatrehany ireo firenena,

Ary havela ho resiny ireo mpanjaka?+

Iza no manorotoro azy ireo amin’ny sabatra mba ho lasa vovoka,

Sady manaparitaka azy ireo amin’ny tsipìka, hoatran’ny mololo tsofin’ny rivotra?

 3 Manenjika an’ireny firenena ireny izy ary tsy misy manakantsakana

Eny amin’ny lalana mbola tsy nandehanany.

 4 Iza no nanao sy nahavita an’izany,

Ka niantso an’ireo taranaka mifandimby, efa hatramin’ny voalohany?

Tsy iza fa izaho Jehovah, Ilay Voalohany.+

Ary tsy miova aho na dia hatrany amin’ny taranaka farany aza.”+

 6 Samy manampy ny namany izy ireo,

Ary samy milaza amin’ny rahalahiny hoe: “Mahereza!”

 7 Ny mpanao asa tanana dia mampahery ny mpanefy.+

Ilay manafisaka vy amin’ny marotoa kosa

Mampahery an’ilay mively eo amin’ny riandriana.*

 8 “Fa ianao kosa, ry Israely, dia mpanompoko,+

Ary ianao no nofidiko, ry Jakoba,+

Ilay taranak’i Abrahama namako.+

 9 Ianao ilay nalaiko avy any amin’ny faran’ny tany,+

Ary ianao ilay nantsoiko avy any amin’ny toerana lavitra indrindra.

Dia hoy aho taminao: ‘Mpanompoko ianao.+

Efa nifidy anao aho, ka tsy manary anao.+

Hanatanjaka anao aho ka hanampy anao.+

Hitazona anao mafy amin’ny tanako ankavanana aho, dia ny tanako manao ny rariny.’

12 Hitady an’ireo olona mamely anao ianao, fa tsy hahita.

Ho lasa toy ny tsy misy sy ho tsinontsinona ny olona miady aminao.+

13 Fa izaho Jehovah Andriamanitrao no mitazona anao mafy amin’ny tananao ankavanana,

Dia Ilay milaza aminao hoe: ‘Aza matahotra fa hanampy anao aho.’+

14 Aza matahotra, ry Jakoba kankana,*+

Hanampy anao aho, ry vahoakan’Israely”, hoy i Jehovah Mpanavotra anao,+ Ilay Masin’ny Israely.

15 “Nataoko hoatran’ny fitaovana fanosihosena varimbazaha ianao,+

Hoatran’ny fitaovana vaovao sy maranitra fanosihosena varimbazaha.

Hohitsakitsahinao ny tendrombohitra ka hopotipotehinao,

Ary hataonao toy ny akofa ny havoana.

16 Hokororohinao ireny,

Ka hoentin’ny rivotra,

Ary haelin’ny tafio-drivotra.

Dia hifaly noho ny amin’i Jehovah ianao,+

Ary Ilay Masin’ny Israely no ho reharehanao.”+

18 Hasiako renirano mikoriana eny amin’ny havoana mangadihady,+

Dia hasiako loharano eny amin’ny lohasaha.+

Hovako ho farihy anirian’ny bararata ny tany efitra,

Ary hovako ho loharano ny tany tsy misy rano.+

19 Hamboleko hazo sedera,

Sy hazo akasia, sy mirta, ary hazo kesika+ ny tany karakaina.

Hamboleko hazo zenevrie

Sy hazo volondavenona ary siprey+ ny lemaka karakaina.

20 Amin’izay dia ho hitan’ny olon-drehetra sy ho fantany,

Ary ho henony tsara sy ho takany

Fa ny tanan’i Jehovah no nanao an’izany,

Ary Ilay Masin’ny Israely no namorona an’izany.”+

Teneno anay koa ny zavatra taloha,*

Mba hosaintsaininay* ka ho fantatray izay hiafarany.

23 Teneno anay izay hitranga amin’ny hoavy,

Dia ho fantatray hoe andriamanitra ianareo.+

Manaova zavatra, na tsara na ratsy,

Mba ho gaga izahay rehefa mahita an’izany.+

24 Jereo anefa fa hoatran’ny tsy misy ianareo,

Ary tsinontsinona ny zava-bitanareo.+

25 Nampirisika olona iray avy any avaratra aho, ka ho tonga izy,+

Olona iray avy any amin’ny fiposahan’ny masoandro,*+ izay hiantso ny anarako.

Hohitsakitsahiny hoatran’ny manitsakitsaka tanimanga+ ny mpitondra,*

Hoatran’ny ataon’ny mpanefy tanimanga manosihosy tanimanga mbola lena.

26 Iza no nilaza an’izany zavatra izany hatrany am-boalohany mba ho fantatray,

Na nilaza an’izany hatramin’ny taloha, mba ho afaka hiteny izahay hoe: ‘Marina ny azy’?+

28 Nijery foana anefa aho, fa tsy nahita olona.

Tsy nisy tamin’izy ireo afaka nanoro hevitra.

Nomeko ny fanahiko izy,+

Ka hampihatra ny rariny amin’ireo firenena.*+

 2 Tsy hiantsoantso izy na hihogahoga,

Ary tsy hataony heno eny an-dalana ny feony.+

 3 Tsy hotapahiny ny bararata folaka,

Ary tsy hovonoiny ny lahin-jiro mitsilopilopy.+

 4 Tsy ho reraka na ho sasatra izy mandra-panaovany ny rariny eto an-tany.+

Ary hiandry ny lalàny* foana ireo nosy.

 5 Izao no tenin’i Jehovah, ilay tena Andriamanitra,

Dia ilay Mpamorona ny lanitra, Ilay Be Voninahitra izay namelatra ny lanitra,+

Ilay nanao* ny tany sy ny vokatra eo aminy,+

Ilay manome fofonaina ho an’ny mponina eny ambonin’ny tany,+

Sy manome aina ho an’izay mandeha eny ambonin’ny tany:+

 6 “Izaho Jehovah no miantso anao araka ny fahamarinana.

Mitazona ny tananao aho.

Hiaro anao aho, ary ianao no hataoko antoka* ho an’ny olona,+

Sy fahazavana ho an’ny firenena,+

 7 Mba hataonao mahita ny mason’ny jamba,+

Ary havoakanao avy any ambany lakaly figadrana ny voafonja,

Sady havoakanao avy ao am-ponja izay mipetraka ao anaty haizina.+

 8 Izaho no Jehovah. Izany no anarako.

Tsy homeko an’iza na iza* ny voninahitro,

Ary tsy homeko ho an’ny sary sokitra ny fiderana ahy.+

 9 Jereo fa efa tanteraka ny zavatra nolazaina taloha be,

Fa milaza zava-baovao kosa aho izao.

10 Mihirà hira vaovao ho an’i Jehovah!+

Hirao avy any amin’ny faran’ny tany ny fiderana azy,+

Ry olona mivelona amin’ny ranomasina sy izay rehetra ao anatiny,

Ry nosy sy ny mponina eo aminy!+

11 Aoka hanandra-peo ny tany efitra sy ny tanànany+

Ary ny tanàna kely ipetrahan’i Kedara.+

Aoka hihoby sy ho falifaly ny mponina eny amin’ny harambato,

Sady hiantsoantso avy eny an-tampon-tendrombohitra.

12 Aoka izy ireo hanome voninahitra an’i Jehovah,

Sy hidera azy eny amin’ireo nosy.+

Ary hiantsoantso mafy hanao hiakan’ady.

Dia hasehony fa mahery noho ny fahavalony izy.+

Hitaraina sady hisefosefo ary ho sempotsempotra anefa aho,

Toy ny vehivavy efa ho teraka.

15 Handrava tendrombohitra sy havoana aho,

Dia hataoko maina ny zavamaniry rehetra eny.

Hovako ho nosy* ny renirano,

Ary hataoko ritra ny farihy anirian’ny bararata.+

16 Hotarihiko amin’ny lalana tsy fantany ny jamba,+

Ka hoentiko ho eny amin’ny lalana tsy mahazatra azy.+

Hataoko mazava ny haizina eo alohan’izy ireo,+

Ary hataoko mitovy tantana ny tany mikitoantoana.+

17 Hitsoaka sady ho menatra tanteraka izy ireo,

Dia izay mitoky amin’ny sary sokitra,

Sy miteny amin’ny sarivongana metaly* hoe: “Ianareo no andriamanitray.”+

18 Mihainoa, ry marenina!

Mijere tsara, ry jamba!+

19 Iza moa no jamba raha tsy ny mpanompoko ihany?

Iza no tena marenina hoatran’ilay nirahiko?

Iza no tena jamba hoatran’ilay nahazo valisoa,

Na tena jamba toy ny mpanompon’i Jehovah?+

21 Fa tia rariny i Jehovah,

Ka mahafinaritra azy ny mampiseho hoe tena miavaka sy be voninahitra ny lalàna.*

22 Nangalarina sy norobaina ny fananan’ny vahoaka.+

Voafandrika ao anaty lavaka daholo izy ireo, ary afenina ao am-ponja.+

Nangalarina ny fananany nefa tsy nisy namonjy azy.+

Norobaina koa ny fananany nefa tsy nisy niteny hoe: “Avereno atỳ ireny!”

24 Iza no nanolotra an’i Jakoba tamin’ny mpandroba,

Sy nanolotra an’i Israely tamin’ny mpangalatra?

Sady tsy nety nanaraka an’izay natorony,

Ary tsy nankatò ny lalàny.*+

25 Nanampatra ny hatezerany taminy àry Izy,

Ary nisafoaka mafy sady namela azy hijalijaly tao anatin’ny ady mangotraka.+

43 Izao no tenin’i Jehovah,

Ilay Mpamorona anao, ry Jakoba, dia Ilay namolavola anao, ry Israely:+

 2 Hanampy anao aho rehefa miampita rano ianao.+

Tsy ho tondraka sy tsy handifotra anao ny renirano rehefa miampita eny ianao.+

Tsy ho may ianao rehefa mandeha eo amin’ny afo,

Ary tsy handoro anao ny lelafo.

 3 Fa izaho no Jehovah Andriamanitrao,

Ilay Masin’ny Israely, Mpamonjy anao.

Nomeko mba ho vidin’ny nanavotana anao i Ejipta,

Ary nataoko takalonao i Etiopia sy Seba.

 4 Lasa sarobidy teo imasoko+ mantsy ianao

Sady nohajaina, ary tiako.+

Hanome vahoaka ho solonao àry aho,

Ary hanome firenena maro ho takalon’ny ainao.

Hoentiko avy any atsinanana ny taranakao,

Ary hangoniko avy any andrefana ianao.+

Ento avy any lavitra any ny zanako lahy, ary ento avy any amin’ny faran’ny tany+ ny zanako vavy,

 7 Dia izay rehetra antsoina amin’ny anarako,+

Sy noforoniko mba hanomezana voninahitra ahy,

Ary izay novolavolaiko sy nataoko.’+

 8 Avoahy ilay vahoaka jamba nefa manana maso,

Ary marenina nefa manana sofina.+

 9 Asaivo mivory eo amin’ny toerana iray ny firenena rehetra,

Ary asaivo miangona ny vahoaka rehetra.+

Asaivo entiny ny vavolombelony mba hahitana raha marina izy,

Na asaivo mihaino sy miteny ny vavolombelony hoe: ‘Marina izany!’”+

10 “Ianareo no vavolombeloko”,+ hoy i Jehovah,

“Sady mpanompoko izay nofidiko,+

Amin’izay ianareo hahafantatra sy hino ahy,*

Sady hahalala hoe tsy miova Aho.+

Tsy nisy Andriamanitra noforonina talohako,

Ary tsy hisy koa ao aoriako.+

12 “Izaho Ilay nilaza sy namonjy ary nampahafantatra,

Tamin’ny mbola tsy nisy andriamani-kafa teo aminareo.+

13 Tsy miova mihitsy koa Aho.+

Tsy misy mahavita mandrombaka an’izay etỳ an-tanako.+

“Handefa tafika ho any Babylona aho, noho ny aminareo, ary hampidiniko daholo ny bara hidin’ny vavahady.+

Hasiako koa ny Kaldeanina mandeha sambo, ka hitaraina satria mafy ny manjo azy.+

16 Izao no tenin’i Jehovah,

Ilay manisy lalana eny an-dranomasina

Sady manisy lalana eny amin’ny rano mahery,+

17 Ilay mamoaka ny kalesy fitondra miady sy ny soavaly,+

Ary ny tafika sy ny miaramila matanjaka:

18 “Aza tsarovana ny zavatra taloha,

Ary aza mifantoka amin’ny lasa.

19 Manao zavatra vaovao aho!+