መዝሙር

1 በክፉዎች ምክር የማይሄድ፣

በኃጢአተኞች መንገድ+ የማይቆም፣

በፌዘኞችም+ ወንበር የማይቀመጥ ሰው ደስተኛ ነው።

 2 ይልቁንም በይሖዋ ሕግ ደስ ይለዋል፤+

ሕጉንም በቀንና በሌሊት በለሆሳስ ያነበዋል።*+

 3 በጅረቶች ዳር እንደተተከለ፣

ፍሬውን በወቅቱ እንደሚሰጥ፣

ቅጠሉም እንደማይጠወልግ ዛፍ ይሆናል።

 4 ክፉዎች እንዲህ አይደሉም፤

ነፋስ ጠርጎ እንደሚወስደው ገለባ ናቸው።

 5 ከዚህም የተነሳ ክፉዎች በፍርድ ፊት ለዘለቄታው አይቆሙም፤+

ኃጢአተኞችም በጻድቃን ጉባኤ ጸንተው አይቆሙም።+

 6 ይሖዋ የጻድቃንን መንገድ ያውቃልና፤+

የክፉዎች መንገድ ግን ይጠፋል።+

2 ብሔራት የታወኩት ለምንድን ነው?

ሕዝቦችስ ከንቱ ነገር የሚያጉተመትሙት* ለምንድን ነው?+

 2 የምድር ነገሥታት ተሰለፉ፤

ከፍተኛ ባለሥልጣናትም በአንድነት ተሰብስበው*+

በይሖዋና እሱ በቀባው ላይ*+ ተነሱ።

 3 “ሰንሰለታቸውን እንበጥስ፤

ገመዳቸውንም እናስወግድ!” ይላሉ።

 4 በሰማያት በዙፋን ላይ የተቀመጠው ይስቃል፤

ይሖዋ ይሳለቅባቸዋል።

 5 በዚያን ጊዜ በቁጣ ይናገራቸዋል፤

በሚነድ ቁጣውም ያሸብራቸዋል፤

 6 እንዲህም ይላቸዋል፦ “እኔ ራሴ በተቀደሰው ተራራዬ በጽዮን+ ላይ

ንጉሤን ሾምኩ።”+

 7 የይሖዋን ድንጋጌ ልናገር፤

እንዲህ ብሎኛል፦ “አንተ ልጄ ነህ፤+

እኔ ዛሬ ወለድኩህ።+

 8 ጠይቀኝ፤ ብሔራትን ርስትህ፣

የምድርንም ዳርቻዎች ግዛትህ አድርጌ እሰጥሃለሁ።+

 9 በብረት በትረ መንግሥት ትሰብራቸዋለህ፤+

እንደ ሸክላ ዕቃም ታደቃቸዋለህ።”+

10 እንግዲህ እናንተ ነገሥታት አስተውሉ፤

እናንተ የምድር ፈራጆች እርማት ተቀበሉ።*

11 ይሖዋን በፍርሃት አገልግሉ፤

ለእሱ በመንቀጥቀጥም ሐሴት አድርጉ።

12 ልጁን አክብሩ፤*+ አለዚያ አምላክ* ይቆጣል፤

ከመንገዱም ትጠፋላችሁ፤+

ቁጣው ፈጥኖ ይነድዳልና።

 3 ይሖዋ ሆይ፣ አንተ ግን በዙሪያዬ ያለህ ጋሻ ነህ፤+

አንተ ክብሬና+ ራሴን ቀና የምታደርግ ነህ።+

 4 ድምፄን ከፍ አድርጌ ይሖዋን እጣራለሁ፤

እሱም ከተቀደሰ ተራራው ይመልስልኛል።+ (ሴላ)

 5 እተኛለሁ፣ አንቀላፋለሁም፤

ይሖዋም ዘወትር ስለሚደግፈኝ

በሰላም እነቃለሁ።+

 6 በየአቅጣጫው የተሰለፉብኝን

በአሥር ሺዎች የሚቆጠሩ ሰዎች አልፈራም።+

የጠላቶቼን ሁሉ መንጋጋ ትመታለህና፤

የክፉዎችን ጥርስ ትሰባብራለህ።+

 3 ይሖዋ ለእሱ ታማኝ የሆነውን ሰው ልዩ በሆነ መንገድ እንደሚይዘው እወቁ፤*

ይሖዋ በጠራሁት ጊዜ ይሰማኛል።

 5 የጽድቅ መሥዋዕቶች አቅርቡ፤

በይሖዋም ታመኑ።+

 7 የተትረፈረፈ እህል ከሰበሰቡና አዲስ የወይን ጠጅ በብዛት ካመረቱ ሰዎች ይበልጥ

ልቤ በሐሴት እንዲሞላ አደረግክ።

 8 በሰላም እተኛለሁ፤ አንቀላፋለሁም፤+

ይሖዋ ሆይ፣ ተረጋግቼ እንድኖር የምታደርገኝ አንተ ብቻ ነህና።+

5 ይሖዋ ሆይ፣ ቃሌን አዳምጥ፤+

መቃተቴን ልብ በል።

 2 ንጉሤና አምላኬ ሆይ፣ ወደ አንተ እጸልያለሁና፣

ለእርዳታ የማሰማውን ጩኸት በትኩረት አዳምጥ።

 3 ይሖዋ ሆይ፣ በማለዳ ድምፄን ትሰማለህ፤+

ያሳሰበኝን ነገር በማለዳ ለአንተ እናገራለሁ፤+ በተስፋም እጠባበቃለሁ።

 4 አንተ በክፋት የምትደሰት አምላክ አይደለህምና፤+

ክፉ ሰው ከአንተ ጋር አይቀመጥም።+

መጥፎ ምግባር ያላቸውን ሁሉ ትጠላለህ፤+

 6 ውሸት የሚናገሩትን ታጠፋለህ።+

 7 እኔ ግን ታላቅ ከሆነው ታማኝ ፍቅርህ የተነሳ+ ወደ ቤትህ እገባለሁ፤+

አንተን በመፍራት* ቅዱስ ወደሆነው ቤተ መቅደስህ እሰግዳለሁ።+

 8 ይሖዋ ሆይ፣ ጠላቶቼ በዙሪያዬ ስላሉ በጽድቅህ ምራኝ፤

ከመንገድህ ላይ እንቅፋቶችን አስወግድልኝ።+

 9 የሚሉት ነገር ሁሉ ሊታመን አይችልም፤

ውስጣቸው በተንኮል የተሞላ ነው።

ጉሮሯቸው የተከፈተ መቃብር ነው፤

በምላሳቸው ይሸነግላሉ።*+

10 አምላክ ግን ይፈርድባቸዋል፤

የገዛ ራሳቸው ዕቅድ ለጥፋት ይዳርጋቸዋል።+

ከበደላቸው ብዛት የተነሳ ይባረሩ፤

በአንተ ላይ ዓምፀዋልና።

11 አንተን መጠጊያ የሚያደርጉ ሁሉ ግን ሐሴት ያደርጋሉ፤+

ምንጊዜም በደስታ እልል ይላሉ።

ሊጎዷቸው ከሚፈልጉ ሰዎች ትጠብቃቸዋለህ፤

ስምህን የሚወዱም በአንተ ሐሴት ያደርጋሉ።

12 ይሖዋ ሆይ፣ አንተ ጻድቅ የሆነውን ሁሉ ትባርካለህና፤

ሞገስህ እንደ ትልቅ ጋሻ ይሆንላቸዋል።+

6 ይሖዋ ሆይ፣ በቁጣህ አትውቀሰኝ፤

በታላቅ ቁጣህም አታርመኝ።+

 3 አዎ፣ እጅግ ተረብሻለሁ፤*+

ይሖዋ ሆይ፣ ይህ እስከ መቼ ድረስ ነው? ብዬ እጠይቅሃለሁ።+

 4 ይሖዋ ሆይ፣ ተመለስ፤ ደግሞም ታደገኝ፤*+

ለታማኝ ፍቅርህ ስትል አድነኝ።+

 5 ሙታን አንተን አያነሱም፤*

በመቃብር* ማን ያወድስሃል?+

 6 ከመቃተቴ የተነሳ ዝያለሁ፤+

ሌሊቱን ሙሉ መኝታዬን በእንባ አርሳለሁ፤*

በለቅሶ አልጋዬን አጥለቀልቃለሁ።+

 7 በሐዘኔ ምክንያት ዓይኔ ደክሟል፤+

ከሚያጠቁኝ ሰዎች ሁሉ የተነሳ ዓይኔ ፈዟል።*

 8 እናንተ መጥፎ ምግባር ያላችሁ ሁሉ ከእኔ ራቁ፤

ይሖዋ የለቅሶዬን ድምፅ ይሰማልና።+

 9 ይሖዋ ሞገስ እንዲያሳየኝ የማቀርበውን ልመና ይሰማል፤+

ይሖዋ ጸሎቴን ይቀበላል።

10 ጠላቶቼ በሙሉ ያፍራሉ፤ ደግሞም እጅግ ይደነግጣሉ፤

በድንገት ውርደት ተከናንበው ወደ ኋላ ያፈገፍጋሉ።+

 2 አለዚያ እንደ አንበሳ ይዘነጣጥሉኛል፤*+

የሚታደገኝ በሌለበት ነጥቀው ይወስዱኛል።

 3 አምላኬ ይሖዋ ሆይ፣ የሠራሁት አንዳች ጥፋት ካለ፣

አግባብ ያልሆነ ድርጊት ፈጽሜ ከሆነ፣

 4 መልካም ያደረገልኝን ሰው በድዬ ከሆነ፣+

ወይም ያላንዳች ምክንያት ጠላቴን ዘርፌ ከሆነ፣*

 5 ጠላት አሳዶ ይያዘኝ፤*

ሕይወቴን መሬት ላይ ይጨፍልቃት፤

ክብሬንም ከአፈር ይደባልቀው። (ሴላ)

 6 ይሖዋ ሆይ፣ በቁጣህ ተነስ፤

በእኔ ላይ በቁጣ በሚገነፍሉት ጠላቶቼ ላይ ተነስ፤+

ለእኔ ስትል ንቃ፤ ፍትሕ እንዲሰፍንም እዘዝ።+

 7 ብሔራት ይክበቡህ፤

አንተም ከላይ ሆነህ በእነሱ ላይ እርምጃ ትወስዳለህ።

ይሖዋ ሆይ፣ እንደ ጽድቄ፣

እንደ ንጹሕ አቋሜም* ፍረድልኝ።+

ጻድቁን ሰው ግን አጽና፤+

ልብንና+ ጥልቅ ስሜትን የምትመረምር*+ ጻድቅ አምላክ ነህና።+

11 አምላክ ጻድቅ ፈራጅ ነው፤+

በየቀኑም ፍርዱን ያውጃል።*

12 ማንም ሰው ንስሐ የማይገባ ከሆነ፣+ አምላክ ሰይፉን ይስላል፤+

ደጋኑን ወጥሮ ያነጣጥራል።+

13 ገዳይ የሆኑ መሣሪያዎቹን ያሰናዳል፤

የሚንበለበሉ ፍላጻዎቹን ያዘጋጃል።+

14 ክፋትን ያረገዘውን ሰው ተመልከት፤

ችግርን ይፀንሳል፤ ሐሰትንም ይወልዳል።+

15 ጉድጓድ ይምሳል፤ ጥልቅ አድርጎም ይቆፍረዋል፤

ሆኖም በቆፈረው ጉድጓድ ውስጥ ራሱ ይወድቃል።+

16 የሚያመጣው ችግር በራሱ ላይ ይመለሳል፤+

የዓመፅ ድርጊቱ በገዛ አናቱ ላይ ይወርዳል።

17 ይሖዋን ለፍትሑ አወድሰዋለሁ፤+

ለልዑሉ አምላክ+ ለይሖዋ ስም የውዳሴ መዝሙር እዘምራለሁ።+

8 ጌታችን ይሖዋ ሆይ፣ ስምህ በመላው ምድር ላይ ምንኛ የከበረ ነው፤

ግርማህ ከሰማያትም በላይ ከፍ ከፍ እንዲል አድርገሃል!*+

 2 ከባላጋራዎችህ የተነሳ፣

ከልጆችና ከሕፃናት አፍ በሚወጡ ቃላት+ ብርታትህን አሳየህ፤

ይህም ጠላትንና ተበቃይን ዝም ለማሰኘት ነው።

 3 የጣቶችህን ሥራ ሰማያትን፣

አንተ የሠራሃቸውን ጨረቃንና ከዋክብትን ስመለከት፣+

 4 ታስበው ዘንድ ሟች ሰው ምንድን ነው?

ትንከባከበውስ ዘንድ የሰው ልጅ ምንድን ነው?+

 5 ከመላእክት* በጥቂቱ አሳነስከው፤

የክብርና የግርማ ዘውድም ደፋህለት።

 6 በእጆችህ ሥራዎች ላይ ሥልጣን ሰጠኸው፤+

ሁሉንም ነገር ከእግሩ በታች አደረግክለት፦

 7 መንጎቹንና ከብቶቹን ሁሉ፣

እንዲሁም የዱር አራዊትን፣+

 8 የሰማይ ወፎችንና የባሕር ዓሣዎችን፣

በባሕር ውስጥ የሚርመሰመሱትን ሁሉ ከእግሩ በታች አደረግክለት።

9 ይሖዋ ሆይ፣ በሙሉ ልቤ አወድስሃለሁ፤

ስለ ድንቅ ሥራዎችህ ሁሉ እናገራለሁ።+

 2 በአንተ ደስ ይለኛል፤ ሐሴትም አደርጋለሁ፤

ልዑል አምላክ ሆይ፣ ለስምህ የውዳሴ መዝሙር እዘምራለሁ።+

 3 ጠላቶቼ ወደ ኋላ ሲያፈገፍጉ+

ተሰናክለው ከፊትህ ይጠፋሉ።

 4 ለማቀርበው ትክክለኛ ክስ ትሟገትልኛለህና፤

በዙፋንህ ላይ ተቀምጠህ በጽድቅ ትፈርዳለህ።+

 5 ብሔራትን ገሠጽክ፤+ ክፉውንም አጠፋህ፤

ስማቸውን ለዘላለም ደመሰስክ።

 6 ጠላቶች ለዘላለም ጠፍተዋል፤

ከተሞቻቸውን አፈራርሰሃል፤

መታሰቢያቸውም ሁሉ ይደመሰሳል።+

 7 ይሖዋ ግን በዙፋኑ ላይ ለዘላለም ተቀምጧል፤+

ዙፋኑንም ለፍትሕ ሲል አጽንቷል።+

 8 ዓለምን* በጽድቅ ይዳኛል፤+

ለብሔራት ትክክለኛ የፍርድ ውሳኔዎች ያስተላልፋል።+

 9 ይሖዋ ለተጨቆኑ አስተማማኝ መጠጊያ ይሆናል፤+

በመከራ ጊዜ አስተማማኝ መጠጊያ ነው።+

10 ስምህን የሚያውቁ በአንተ ይታመናሉ፤+

ይሖዋ ሆይ፣ አንተን የሚሹትን ፈጽሞ አትተዋቸውም።+

11 በጽዮን ለሚኖረው ለይሖዋ የውዳሴ መዝሙር ዘምሩ፤

ሥራውንም በሕዝቦች መካከል አስታውቁ።+

12 ደማቸውን የሚበቀለው እሱ ያስታውሳቸዋልና፤+

የተጎሳቆሉ ሰዎች የሚያሰሙትን ጩኸት አይረሳም።+

13 ይሖዋ ሆይ፣ ቸርነት አሳየኝ፤

ከሞት ደጆች የምታነሳኝ አምላክ ሆይ፣+ የሚጠሉኝ ሰዎች የሚያደርሱብኝን እንግልት ተመልከት፤

14 ያን ጊዜ የሚያስመሰግኑ ተግባሮችህን በጽዮን ሴት ልጅ ደጆች አውጃለሁ፤+

በማዳን ሥራህም ሐሴት አደርጋለሁ።+

15 ብሔራት፣ ራሳቸው በቆፈሩት ጉድጓድ ውስጥ ገቡ፤

የገዛ እግራቸው በስውር ባስቀመጡት መረብ ተያዘ።+

17 ክፉ ሰው፣ አምላክን የሚረሱ ብሔራትም ሁሉ

ወደ መቃብር* ይሄዳሉ።

18 ድሃ ግን ለዘላለም ተረስቶ አይቀርም፤+

የየዋሆችም ተስፋ ፈጽሞ ከንቱ ሆኖ አይቀርም።+

20 ይሖዋ ሆይ፣ ፍርሃት ልቀቅባቸው፤+

ሕዝቦች ሟች መሆናቸውን ይወቁ። (ሴላ)

 2 ክፉ ሰው በእብሪት ተነሳስቶ ምስኪኑን ያሳድዳል፤+

ይሁንና በወጠነው ሴራ ይያዛል።+

 3 ክፉው ሰው በራስ ወዳድነት ምኞቱ ይኩራራልና፤*+

ስግብግብ የሆነውንም ሰው ይባርካል፤*

נ [ኑን]

 4 ክፉው ሰው ከትዕቢቱ የተነሳ ምንም ምርምር አያደርግም፤

“አምላክ የለም” ብሎ ያስባል።+

 5 መንገዱ ሁልጊዜ የተሳካ ነው፤+

ሆኖም ፍርድህ እሱ ሊገነዘበው ከሚችለው በላይ ነው፤+

በጠላቶቹ ሁሉ ላይ ያፌዛል።*

 6 በልቡ እንዲህ ይላል፦ “ፈጽሞ አልናወጥም፤*

ከትውልድ እስከ ትውልድ

ምንም መከራ አይደርስብኝም።”+

 7 አፉ በእርግማን፣ በውሸትና በዛቻ የተሞላ ነው፤+

ከምላሱ ሥር ችግርና ጉዳት የሚያስከትል ነገር አለ።+

 8 በመንደሮቹ አጠገብ አድብቶ ይጠብቃል፤

ከተደበቀበት ቦታ ወጥቶ ንጹሑን ሰው ይገድላል።+

10 ሰለባው ይደቅቃል፤ ደግሞም ይወድቃል፤

ያልታደሉ ሰዎች መዳፉ ውስጥ ይወድቃሉ።

ያልታደለው ሰለባ ወደ አንተ ይጮኻል፤+

አንተ አባት ለሌለው ልጅ* ረዳቱ ነህ።+

15 ክፉና መጥፎ የሆነውን ሰው ክንድ ስበር፤+

ከዚያ በኋላ ክፋቱን በምትፈልግበት ጊዜ

ጨርሶ አታገኘውም።

18 በምድር ላይ ያለ ሟች የሆነ ሰው ከእንግዲህ እንዳያሸብራቸው፣+

አባት ለሌለው ልጅና ለተደቆሱ ሰዎች ፍትሕ ታሰፍናለህ።+

 2 ክፉዎች ደጋናቸውን እንዴት እንደወጠሩ ተመልከት፤

በጨለማ፣ ልበ ቀና የሆኑትን ለመውጋት፣

ፍላጻቸውን በአውታሩ ላይ ደግነዋል።

 3 መሠረቶቹ* ከተናዱ፣

ጻድቁ ሰው ምን ማድረግ ይችላል?”

 5 ይሖዋ ጻድቁንም ሆነ ክፉውን ይመረምራል፤+

ዓመፅን* የሚወድን ማንኛውንም ሰው ይጠላል።*+

 6 በክፉዎች ላይ ወጥመድ* ያዘንባል፤

እሳትና ድኝ+ እንዲሁም የሚለበልብ ነፋስ ጽዋቸው ይሆናል።

12 ይሖዋ ሆይ፣ አንድም ታማኝ ሰው ስለሌለ አድነኝ፤

ከሰው ልጆች መካከል ታማኞች ጠፍተዋል።

 2 እርስ በርሳቸው ውሸት ይነጋገራሉ፤

በከንፈራቸው ይሸነግላሉ፤* አታላይ በሆነ ልብም* ይናገራሉ።+

 3 ይሖዋ የሚሸነግልን ከንፈር ሁሉ፣

ጉራ የሚነዛውንም ምላስ ይቆርጣል፤+

 4 እነሱ “በምላሳችን እንረታለን።

አንደበታችንን እንዳሻን እንጠቀምበታለን፤

በእኛ ላይ ጌታ ሊሆን የሚችል ማን ነው?” ይላሉ።+

 5 “የተጎሳቆሉት ሰዎች በመጨቆናቸው፣

ድሆችም በመቃተታቸው፣+

እርምጃ ለመውሰድ እነሳለሁ” ይላል ይሖዋ።

 6 የይሖዋ ቃል የጠራ ነው፤+

ከሸክላ በተሠራ ምድጃ* እንደተጣራ ብር ሰባት ጊዜ የነጠረ ነው።

 7 ይሖዋ ሆይ፣ አንተ ትጋርዳቸዋለህ፤+

እያንዳንዳቸውን ከዚህ ትውልድ ለዘላለም ትጠብቃቸዋለህ።

 8 የሰው ልጆች ብልሹ ምግባርን ስለሚያስፋፉ፣

ክፉዎች እንዳሻቸው ይፈነጫሉ።+

 2 ልቤ በየዕለቱ በሐዘን እየተደቆሰ፣

በጭንቀት ተውጬ የምኖረው* እስከ መቼ ነው?

በሞት እንዳላንቀላፋ ዓይኖቼን አብራልኝ፤

 4 እንዲህ ከሆነ ጠላቴ “አሸነፍኩት!” አይልም፤

 5 እኔ በበኩሌ በታማኝ ፍቅርህ እታመናለሁ፤+

ልቤ በማዳን ሥራህ ሐሴት ያደርጋል።+

ሥራቸው ብልሹ ነው፤ ተግባራቸውም አስጸያፊ ነው፤

መልካም የሚሠራ ማንም የለም።+

 2 ሆኖም ጥልቅ ማስተዋል ያለውና ይሖዋን የሚፈልግ ሰው ይኖር እንደሆነ ለማየት፣

ይሖዋ ከሰማይ ሆኖ ወደ ሰው ልጆች ይመለከታል።+

 3 ሁሉም መንገድ ስተዋል፤+

ሁሉም ብልሹ ናቸው።

መልካም የሚሠራ ማንም የለም፤

አንድ እንኳ የለም።

 5 ይሁንና በታላቅ ሽብር ይዋጣሉ፤+

ይሖዋ ከጻድቅ ትውልድ ጋር ነውና።

 6 እናንተ ክፉ አድራጊዎች የችግረኛውን ሰው ዕቅድ ለማጨናገፍ ትሞክራላችሁ፤

ይሖዋ ግን መጠጊያው ነው።+

ይሖዋ የተማረከውን ሕዝቡን በሚመልስበት ጊዜ፣

ያዕቆብ ደስ ይበለው፤ እስራኤል ሐሴት ያድርግ።

 2 ያለነቀፋ* የሚመላለስ፣+

ትክክል የሆነውን የሚያደርግ፣+

በልቡም እውነትን የሚናገር ሰው ነው።+

 3 በአንደበቱ ስም አያጠፋም፤+

በባልንጀራው ላይ መጥፎ ነገር አይሠራም፤+

የወዳጆቹንም ስም አያጎድፍም።*+

 4 ነውረኛ የሆነን ሰው ሁሉ ይንቃል፤+

ይሖዋን የሚፈሩትን ግን ያከብራል።

 5 ገንዘቡን በወለድ አያበድርም፤+

ንጹሕ የሆነውን ሰው ለመወንጀልም ጉቦ አይቀበልም።+

 3 ደግሞም በምድር ላይ ያሉት ቅዱሳን፣

ክብር የተላበሱት አገልጋዮች እጅግ ደስ ያሰኙኛል።”+

እንደ እነሱ ደምን የመጠጥ መባ አድርጌ አላቀርብም፤

በከንፈሬም ስማቸውን አላነሳም።+

በፊትህ* ብዙ ደስታ አለ፤+

በቀኝህ ለዘላለም ደስታ* አለ።

17 ይሖዋ ሆይ፣ ፍትሕ ለማግኘት የማቀርበውን ልመና ስማ፤

እርዳታ ለማግኘት የማሰማውን ጩኸት በጥሞና አዳምጥ፤

ያለምንም ማታለል ያቀረብኩትን ጸሎት ስማ።+

 2 ለእኔ ስትል ፍትሐዊ ውሳኔ አድርግ፤+

ዓይኖችህ ትክክለኛ የሆነውን ነገር ይዩ።

 3 ልቤን መረመርክ፤ በሌሊት በሚገባ አጤንከኝ፤+

ደግሞም አጠራኸኝ፤+

አንዳች መጥፎ ነገር እንዳላሰብኩ ታውቃለህ፤

አንደበቴም አልበደለም።

 4 የሰዎችን ሥራ በተመለከተ ደግሞ፣

የከንፈርህን ቃል በማክበር ከዘራፊዎች መንገድ ርቄአለሁ።+

 5 እግሮቼ እንዳይደነቃቀፉ፣

አረማመዴ በመንገድህ ላይ ይጽና።+

 7 በቀኝ እጅህ እንድትጠብቃቸው የሚሹትን፣

በአንተ ላይ ከሚያምፁ ሰዎች የምታድን ሆይ፣

ታማኝ ፍቅርህን ድንቅ በሆነ መንገድ አሳይ።+

 8 እንደ ዓይንህ ብሌን ጠብቀኝ፤+

በክንፎችህ ጥላ ሰውረኝ።+

 9 ጥቃት ከሚሰነዝሩብኝ ክፉዎች፣

ከሚከቡኝና ሊገድሉኝ ከሚፈልጉ ጠላቶቼ* ጠብቀኝ።+

10 ደንታ ቢሶች ሆነዋል፤*

በአፋቸው በእብሪት ይናገራሉ፤

11 መፈናፈኛ አሳጡን፤+

እኛን መጣል* የሚችሉበትን አጋጣሚ ነቅተው ይጠባበቃሉ።

12 እያንዳንዳቸው ያደነውን ለመዘነጣጠል እንደሚጓጓ አንበሳ፣

በስውር እንደሚያደባ ደቦል አንበሳ ናቸው።

13 ይሖዋ ሆይ፣ ተነስተህ ፊት ለፊት ግጠመው፤+ ደግሞም ጣለው፤

በሰይፍህ ከክፉው ሰው ታደገኝ፤*

14 ይሖዋ ሆይ፣ ከዚህ ዓለም* ሰዎች በእጅህ ታደገኝ፤

እነዚህ ሰዎች ድርሻቸው አሁን ያለው ሕይወት ነው፤+

አንተ በሰጠሃቸው መልካም ነገሮች አጥግበሃቸዋል፤+

ደግሞም ለብዙ ወንዶች ልጆቻቸው ርስት ያስተላልፋሉ።

15 እኔ ግን ፊትህን በጽድቅ አያለሁ፤

በምነቃበት ጊዜ አንተን በማየት እደሰታለሁ።+

አምላኬ የምሸሸግበት ዓለቴ ነው፤+

ጋሻዬ፣ የመዳኔ ቀንድና* አስተማማኝ መጠጊያዬ ነው።+

 3 ውዳሴ የሚገባውን ይሖዋን እጠራለሁ፤

ከጠላቶቼም እድናለሁ።+

 4 የሞት ገመዶች ተተበተቡብኝ፤+

የማይረቡ ሰዎች የለቀቁት ድንገተኛ ጎርፍ አሸበረኝ።+

 5 የመቃብር* ገመድ ተጠመጠመብኝ፤

የሞት ወጥመድ ተጋረጠብኝ።+

 6 በጭንቅ ውስጥ ሳለሁ ይሖዋን ጠራሁት፤

እርዳታ ለማግኘት አምላኬን አጥብቄ ተማጸንኩት።

በመቅደሱ ሆኖ ድምፄን ሰማ፤+

እርዳታ ለማግኘት የማሰማውም ጩኸት ወደ ጆሮው ደረሰ።+

 7 ምድርም ትንቀጠቀጥና ትናወጥ ጀመር፤+

የተራሮች መሠረቶች ተንቀጠቀጡ፤

እሱ ስለተቆጣም ራዱ።+

 8 ከአፍንጫው ጭስ ወጣ፤

የሚባላም እሳት ከአፉ ወጣ፤+

ፍምም ከእሱ ፈለቀ።

 9 ወደ ታች ሲወርድ ሰማያት እንዲያጎነብሱ አደረገ፤+

ከእግሮቹም በታች ጥቅጥቅ ያለ ደመና ነበር።+

11 ከዚያም በጨለማ ራሱን ሸፈነ፤+

ጥቁር ውኃና ጥቅጥቅ ያለ ደመና+

እንደ መጠለያ በዙሪያው ነበር።

12 በፊቱ ካለው ብርሃን፣

ከደመናቱ መካከል በረዶና ፍም ወጣ።

13 ከዚያም ይሖዋ በሰማያት ያንጎደጉድ ጀመር፤+

ልዑሉ አምላክ ድምፁን አሰማ፤+

ደግሞም በረዶና ፍም ነበር።

14 ፍላጻዎቹን አስፈንጥሮ በታተናቸው፤+

መብረቁን አዥጎድጉዶ ግራ አጋባቸው።+

15 ይሖዋ ሆይ፣ ከተግሣጽህ፣ ከአፍንጫህም ከሚወጣው ኃይለኛ እስትንፋስ የተነሳ+

የጅረቶች ወለል ታየ፤*+

የምድር መሠረቶችም ተገለጡ።

16 ከላይ ሆኖ እጁን ሰደደ፤

ከጥልቅ ውኃ ውስጥም አወጣኝ።+

17 ከብርቱ ጠላቴ አዳነኝ፤+

ከእኔ ይበልጥ ብርቱዎች ከሆኑት፣ ከሚጠሉኝ ሰዎች ታደገኝ።+

18 ችግር ላይ በወደቅኩበት ቀን ተነሱብኝ፤+

ይሖዋ ግን ድጋፍ ሆነልኝ።

19 ከዚያም ደህንነት ወደማገኝበት ስፍራ* አመጣኝ፤

በእኔ ስለተደሰተ ታደገኝ።+

20 ይሖዋ እንደ ጽድቄ ወሮታ ይከፍለኛል፤+

እንደ እጄ ንጽሕና ብድራት ይመልስልኛል።+

21 የይሖዋን መንገድ ጠብቄአለሁና፤

አምላኬን በመተው ክፉ ድርጊት አልፈጸምኩም።

22 ፍርዱ ሁሉ በፊቴ ነው፤

ደንቦቹን ቸል አልልም።

23 በፊቱ እንከን የለሽ ሆኜ እኖራለሁ፤+

ራሴንም ከስህተት እጠብቃለሁ።+

24 ይሖዋ እንደ ጽድቄ፣+

በፊቱ ንጹሕ እንደሆኑት እጆቼ ብድራት ይመልስልኝ።+

25 ታማኝ ለሆነ ሰው ታማኝ ትሆናለህ፤+

እንከን የለሽ ለሆነ ሰው እንከን የለሽ ትሆናለህ፤+

26 ከንጹሕ ሰው ጋር ንጹሕ ሆነህ ትገኛለህ፤+

ጠማማ ለሆነ ሰው ግን ብልህ መሆንህን ታሳያለህ።+

27 ችግረኞችን* ታድናለህና፤+

ትዕቢተኛውን* ግን ታዋርዳለህ።+

28 ይሖዋ ሆይ፣ መብራቴን የምታበራው አንተ ነህና፤

አምላኬ ሆይ፣ ጨለማዬን ብርሃን የምታደርገው አንተ ነህ።+

29 በአንተ እርዳታ ወራሪውን ቡድን መጋፈጥ እችላለሁ፤+

በአምላክ ኃይል ቅጥር መውጣት እችላለሁ።+

30 የእውነተኛው አምላክ መንገድ ፍጹም ነው፤+

የይሖዋ ቃል የነጠረ ነው።+

32 ብርታትን የሚያስታጥቀኝ እውነተኛው አምላክ ነው፤+

መንገዴንም ፍጹም ያደርግልኛል።+

33 እግሮቼን እንደ ዋልያ እግሮች ያደርጋል፤

በከፍታ ቦታዎች ላይ ያቆመኛል።+

34 እጆቼን ለጦርነት ያሠለጥናል፤

ክንዶቼ የመዳብ ደጋን ማጠፍ ይችላሉ።

35 የመዳን ጋሻህን ትሰጠኛለህ፤+

ቀኝ እጅህ ይደግፈኛል፤

ትሕትናህም ታላቅ ያደርገኛል።+

36 ለእርምጃዬ መንገዱን ታሰፋልኛለህ፤

እግሮቼ* አያዳልጣቸውም።+

37 ጠላቶቼን አሳድጄ እደርስባቸዋለሁ፤

ተጠራርገው እስኪጠፉ ድረስ ወደ ኋላ አልመለስም።

38 እንዳያንሰራሩ አድርጌ አደቃቸዋለሁ፤+

እግሬ ሥር ይወድቃሉ።

39 ለውጊያው ብርታት ታስታጥቀኛለህ፤

ጠላቶቼ ሥሬ እንዲወድቁ ታደርጋለህ።+

40 ጠላቶቼ ከእኔ እንዲሸሹ ታደርጋለህ፤*

እኔም የሚጠሉኝን አጠፋቸዋለሁ።*+

41 እርዳታ ለማግኘት ይጮኻሉ፤ ሆኖም የሚያድናቸው የለም፤

ወደ ይሖዋም ይጮኻሉ፤ እሱ ግን አይመልስላቸውም።

42 በነፋስ ፊት እንዳለ አቧራ ፈጽሜ አደቃቸዋለሁ፤

በመንገድ ላይ እንዳለ ጭቃ አውጥቼ እጥላቸዋለሁ።

44 ስለ እኔ በሰሙት ነገር ብቻ ይታዘዙኛል፤

የባዕድ አገር ሰዎችም አንገታቸውን ደፍተው ወደ ፊቴ ይቀርባሉ።+

45 የባዕድ አገር ሰዎች ወኔ ይከዳቸዋል፤*

ከምሽጎቻቸው እየተንቀጠቀጡ ይወጣሉ።

47 እውነተኛው አምላክ ይበቀልልኛል፤+

ሕዝቦችንም ከበታቼ ያስገዛልኛል።

48 በቁጣ ከተሞሉ ጠላቶቼ ይታደገኛል፤

ከሚያጠቁኝ ሰዎች በላይ ከፍ ከፍ ታደርገኛለህ፤+

ከዓመፀኛ ሰው ታድነኛለህ።

49 ይሖዋ ሆይ፣ በብሔራት መካከል የማከብርህ ለዚህ ነው፤+

ለስምህም የውዳሴ መዝሙር እዘምራለሁ።+

50 እሱ ለንጉሡ ታላላቅ የማዳን ሥራዎች ያከናውናል፤*+

ለቀባውም ታማኝ ፍቅር ያሳያል፤+

ለዳዊትና ለዘሩ ለዘላለም ይህን ያደርጋል።+

19 ሰማያት የአምላክን ክብር ይናገራሉ፤+

ጠፈርም የእጆቹን ሥራ ያውጃል።+

 2 በየዕለቱ ንግግራቸው ይሰማል፤

በእያንዳንዱም ሌሊት እውቀትን ይገልጣሉ።

 3 ንግግር የለም፤ ቃልም የለም፤

ድምፃቸው አይሰማም።

 4 ይሁንና ጩኸታቸው* ወደ መላው ምድር ወጣ፤

መልእክታቸውም እስከ ዓለም* ዳርቻዎች ተሰማ።+

እሱ በሰማያት ለፀሐይ ድንኳን ተክሏል፤

 5 ፀሐይም ከጫጉላ ቤት እንደሚወጣ ሙሽራ ነው፤

በጎዳናው ላይ እንደሚሮጥ ብርቱ ሰው ደስ ይለዋል።

 6 ከአንደኛው የሰማያት ዳርቻ ይወጣል፤

ዞሮም ወደ ሌላኛው ዳርቻ ይሄዳል፤+

ከሙቀቱም የሚሰወር አንዳች ነገር የለም።

 8 የይሖዋ መመሪያዎች ትክክል ናቸው፤ ልብን ደስ ያሰኛሉ፤+

የይሖዋ ትእዛዝ ንጹሕ ነው፤ ዓይንን ያበራል።+

10 ከወርቅ እንዲያውም ብዛት ካለው ምርጥ ወርቅ*

የበለጠ የሚወደዱ ናቸው፤+

ደግሞም ከማርና ከማር እንጀራ ከሚንጠባጠብ ወለላ ይበልጥ ይጣፍጣሉ።+

11 ለአገልጋይህ ማስጠንቀቂያ ሆነውለታል፤+

እነሱን መጠበቅ ትልቅ ወሮታ አለው።+

13 አገልጋይህንም ከእብሪት ድርጊቶች ጠብቀው፤+

እንዲቆጣጠሩኝም አትፍቀድ።+

ያን ጊዜ እንከን የሌለብኝ እሆናለሁ፤+

ዓይን ካወጣ ኃጢአትም* ነፃ እሆናለሁ።

14 ዓለቴና+ አዳኜ+ ይሖዋ ሆይ፣ የአፌ ቃልና በልቤ የማሰላስለው ነገር

አንተን ደስ የሚያሰኝ ይሁን።+

 2 ከቅዱሱ ስፍራ እርዳታ ይላክልህ፤+

ከጽዮንም ደግፎ ይያዝህ።+

 3 በስጦታ የምታቀርበውን መባ ሁሉ ያስብልህ፤

የሚቃጠል መባህን በሞገስ ዓይን* ይቀበልህ። (ሴላ)

 4 የልብህን ፍላጎት ያሟላልህ፤+

ዕቅድህንም* ሁሉ ያሳካልህ።

 5 በማዳን ሥራህ በደስታ እልል እንላለን፤+

በአምላካችን ስም ዓርማችንን ወደ ላይ ከፍ እናደርጋለን።+

በቀኝ እጁ በሚያከናውነው ታላቅ የማዳን ሥራ፣*+

ቅዱስ ከሆኑት ሰማያቱ ይመልስለታል።

 7 አንዳንዶች በሠረገሎች፣ ሌሎች ደግሞ በፈረሶች ይታመናሉ፤+

እኛ ግን የአምላካችንን የይሖዋን ስም እንጠራለን።+

 8 እነሱ ተዝለፍልፈው ወድቀዋል፤

እኛ ግን ተነስተን ቀጥ ብለን ቆመናል።+

21 ይሖዋ ሆይ፣ ንጉሡ በአንተ ብርታት ደስ ይለዋል፤+

በማዳን ሥራህ እጅግ ሐሴት ያደርጋል!+

 2 የልቡን ፍላጎት አሟልተህለታል፤+

የከንፈሩንም ልመና አልከለከልከውም። (ሴላ)

 3 የተትረፈረፉ በረከቶች ይዘህ ተቀበልከው፤

ምርጥ ከሆነ* ወርቅ የተሠራ አክሊልም በራሱ ላይ ደፋህለት።+

 4 ሕይወትን ለመነህ፤

አንተም ረጅም ዕድሜ* ብሎም የዘላለም ሕይወት ሰጠኸው።+

 6 ለዘላለም እንዲባረክ አደረግከው፤+

ከእሱ ጋር እንዳለህ ሲያውቅ* በጣም ደስ ይለዋል።+

 7 ንጉሡ በይሖዋ ይተማመናልና፤+

በልዑሉ አምላክ ታማኝ ፍቅር የተነሳ ፈጽሞ አይናወጥም።*+

 8 እጅህ ጠላቶችህን ሁሉ ይይዛቸዋል፤

ቀኝ እጅህም የሚጠሉህን ይይዛቸዋል።

10 የሆዳቸውን ፍሬ ከምድር ገጽ፣

ዘራቸውንም ከሰው ልጆች መካከል ታጠፋለህ።

11 በአንተ ላይ ክፉ ለመሥራት አስበዋልና፤+

ሊሳካ የማይችል ሴራ ጠንስሰዋል።+

12 ቀስትህን* በእነሱ ላይ* በማነጣጠር

እንዲያፈገፍጉ ታደርጋለህና።+

እኔን ከማዳን፣ ከደረሰብኝም ሥቃይ የተነሳ የማሰማውን ጩኸት+ ከመስማት

የራቅከው ለምንድን ነው?

 2 አምላኬ ሆይ፣ በቀን ደጋግሜ እጣራለሁ፤ አንተ ግን አትመልስልኝም፤+

በሌሊትም ዝም ማለት አልቻልኩም።

 3 አንተ ግን ቅዱስ ነህ፤+

እስራኤል በሚያቀርበው ውዳሴ ተከበሃል።*

 4 አባቶቻችን እምነታቸውን በአንተ ላይ ጣሉ፤+

በአንተ ተማመኑ፤ አንተም ሁልጊዜ ትታደጋቸው ነበር።+

 5 ወደ አንተ ጮኹ፤ ደግሞም ዳኑ፤

በአንተ ተማመኑ፤ የጠበቁት ሳይፈጸም ቀርቶም አላዘኑም።*+

 6 እኔ ግን ትል እንጂ ሰው አይደለሁም፤

ሰው ያፌዘብኝ፣* ሕዝብም የናቀኝ ነኝ።+

 7 የሚያዩኝ ሁሉ ያላግጡብኛል፤+

በንቀትና በፌዝ ጭንቅላታቸውን እየነቀነቁ እንዲህ ይሉኛል፦+

 9 ከማህፀን ያወጣኸኝ አንተ ነህ፤+

በእናቴ ጡት ተማምኜ እንድኖር ያደረግከኝ አንተ ነህ።

10 ስወለድ ጀምሮ ለአንተ በአደራ ተሰጠሁ፤*

ከእናቴ ማህፀን ጀምሮ አንተ አምላኬ ነህ።

11 ችግር ሊደርስብኝ ስለሆነ ከእኔ አትራቅ፤+

ደግሞም ሌላ ረዳት የለኝም።+

12 ብዙ ወይፈኖች ከበውኛል፤+

የባሳን ኃይለኛ ኮርማዎችም በዙሪያዬ ናቸው።+

13 ያደነውን እንደሚቦጫጭቅ የሚያገሳ አንበሳ+

አፋቸውን በእኔ ላይ ከፈቱ።+

14 እንደ ውኃ ፈሰስኩ፤

አጥንቶቼ ሁሉ ከመጋጠሚያቸው ወለቁ።

ልቤ እንደ ሰም ሆነ፤+

በውስጤም ቀለጠ።+

15 ኃይሌ እንደ ገል ደረቀ፤+

ምላሴ ከላንቃዬ ጋር ተጣበቀ፤+

እንድሞትም ወደ ጉድጓድ አወረድከኝ።+

16 ውሾች ከበውኛልና፤+

እንደ ክፉ አድራጊዎች ሸንጎ በዙሪያዬ ሰፍረዋል፤+

እንደ አንበሳ ሆነው እጆቼና እግሮቼ ላይ ተረባረቡ።*+

18 መደረቢያዎቼን እርስ በርሳቸው ተከፋፈሉ፤

በልብሴም ላይ ዕጣ ተጣጣሉ።+

20 ከሰይፍ አድነኝ፤*

ውድ ሕይወቴን* ከውሾች መዳፍ* ታደጋት፤+

21 ከአንበሳ አፍና ከዱር በሬዎች ቀንድ አድነኝ፤+

መልስ ስጠኝ፤ ታደገኝም።

22 ስምህን ለወንድሞቼ አሳውቃለሁ፤+

በጉባኤ መካከልም አወድስሃለሁ።+

24 እሱ የተጨቆነውን ሰው መከራ አልናቀምና፤+ ደግሞም አልተጸየፈም፤

ፊቱን ከእሱ አልሰወረም።+

25 በታላቅ ጉባኤ መካከል አወድስሃለሁ፤+

እሱን በሚፈሩት ፊት ስእለቴን እፈጽማለሁ።

26 የዋሆች በልተው ይጠግባሉ፤+

ይሖዋን የሚፈልጉት እሱን ያወድሱታል።+

28 ንግሥና የይሖዋ ነውና፤+

ብሔራትን ይገዛል።

29 በምድር ያሉ ባለጸጎች ሁሉ* ይበላሉ፤ ይሰግዳሉም፤

ወደ አፈር የሚወርዱ ሁሉ በእሱ ፊት ይንበረከካሉ፤

ከእነሱ መካከል አንዳቸውም ሕይወታቸውን* ማቆየት አይችሉም።

30 ዘሮቻቸው ያገለግሉታል፤

መጪው ትውልድ ስለ ይሖዋ ይነገረዋል።

 2 በለመለመ መስክ ያሳርፈኛል፤

ውኃ ወዳለበት የእረፍት ቦታም* ይመራኛል።+

 4 ድቅድቅ ጨለማ በዋጠው ሸለቆ ውስጥ ብሄድ እንኳ+

አንተ ከእኔ ጋር ስለሆንክ፣+

ጉዳት ይደርስብኛል ብዬ አልፈራም፤+

በትርህና ምርኩዝህ ያበረታቱኛል።*

ራሴን በዘይት ቀባህ፤+

ጽዋዬ ጢም ብሎ ሞልቷል።+

 6 ጥሩነትህና ታማኝ ፍቅርህ በሕይወቴ ዘመን ሁሉ ይከተሉኛል፤+

ዕድሜዬንም በሙሉ በይሖዋ ቤት እኖራለሁ።+

24 ምድርና በውስጧ ያለው ነገር ሁሉ፣

ፍሬያማ የሆነችው ምድርና በእሷ ላይ የሚኖር ሁሉ የይሖዋ ነው።+

 2 እሱ በባሕሮች ላይ መሥርቷታልና፤+

በወንዞችም ላይ አጽንቶ አስቀምጧታል።

 3 ወደ ይሖዋ ተራራ መውጣት የሚችል ማን ነው?+

በቅዱስ ስፍራውስ ሊቆም የሚችል ማን ነው?

 4 ከክፋት የጸዱ እጆችና ንጹሕ ልብ ያለው፣+

በእኔ ሕይወት* በሐሰት ያልማለ፣

በማታለልም መሐላ ያልፈጸመ።+

 5 እሱ በረከትን ከይሖዋ ያገኛል፤+

ጽድቅንም* አዳኝ ከሆነው አምላኩ ይቀበላል።+

 6 እሱን የሚፈልጉ ሰዎች ትውልድ ይህ ነው፤

የያዕቆብ አምላክ ሆይ፣ ፊትህን የሚፈልጉ ሰዎች ትውልድ እንዲህ ያለ ነው። (ሴላ)

 7 እናንተ ደጆች፣ ራሳችሁን ቀና አድርጉ፤+

እናንተ ጥንታዊ በሮች፣

ክብር የተጎናጸፈው ንጉሥ ይገባ ዘንድ ተከፈቱ!*+

ብርቱና ኃያል የሆነው ይሖዋ ነው፤+

በውጊያ ኃያል የሆነው ይሖዋ ነው።+

 9 እናንተ ደጆች፣ ራሳችሁን ቀና አድርጉ፤+

እናንተ ጥንታዊ በሮች፣

ክብር የተጎናጸፈው ንጉሥ ይገባ ዘንድ ተከፈቱ!

 2 አምላኬ ሆይ፣ በአንተ እታመናለሁ፤+

ለኀፍረት እንድዳረግ አትፍቀድ።+

 3 አንተን ተስፋ የሚያደርግ ሁሉ በፍጹም አያፍርም፤+

ያላንዳች ምክንያት ክህደት የሚፈጽሙ ግን ለኀፍረት ይዳረጋሉ።+

 4 ይሖዋ ሆይ፣ መንገድህን አሳውቀኝ፤+

ጎዳናህንም አስተምረኝ።+

 5 አንተ አዳኝ አምላኬ ስለሆንክ

በእውነትህ እንድመላለስ አድርገኝ፤ አስተምረኝም።+

 6 ይሖዋ ሆይ፣ ምንጊዜም ታሳያቸው የነበሩትን*+

ምሕረትህንና ታማኝ ፍቅርህን አስታውስ።+

ይሖዋ ሆይ፣ ለጥሩነትህ ስትል+

እንደ ታማኝ ፍቅርህ መጠን አስበኝ።+

 9 የዋሆችን በትክክለኛ መንገድ* ይመራቸዋል፤+

እንዲሁም ለየዋሆች መንገዱን ያስተምራል።+

10 የይሖዋ መንገዶች ሁሉ፣ ቃል ኪዳኑንና+ ማሳሰቢያዎቹን+ ለሚጠብቁ፣

ታማኝ ፍቅር የሚንጸባረቅባቸውና እምነት የሚጣልባቸው ናቸው።

11 ይሖዋ ሆይ፣ ኃጢአቴ ታላቅ ቢሆንም እንኳ

ለስምህ ስትል ይቅር በለኝ።+

13 እሱ ጥሩ የሆነውን ነገር ያገኛል፤*+

ዘሮቹም ምድርን ይወርሳሉ።+

14 ከይሖዋ ጋር የጠበቀ ወዳጅነት የሚኖራቸው እሱን የሚፈሩ ሰዎች ናቸው፤+

ቃል ኪዳኑንም ያሳውቃቸዋል።+

15 ዓይኖቼ ሁልጊዜ ወደ ይሖዋ ያያሉ፤+

እግሮቼን ከወጥመድ ያወጣቸዋልና።+

16 ብቸኛና ምስኪን ስለሆንኩ

ፊትህን ወደ እኔ መልስ፤ ቸርነትም አሳየኝ።

17 የልቤ ጭንቀት በዝቷል፤+

ከሥቃዬ ገላግለኝ።

18 ጉስቁልናዬንና መከራዬን ተመልከት፤+

ኃጢአቴንም ሁሉ ይቅር በል።+

19 ጠላቶቼ ምን ያህል ብዙ እንደሆኑ ተመልከት፤

ምን ያህል አምርረው እንደሚጠሉኝም እይ።

21 ንጹሕ አቋሜና* ቅንነቴ ይጠብቁኝ፤+

አንተን ተስፋ አድርጌአለሁና።+

26 ይሖዋ ሆይ፣ በንጹሕ አቋም* ተመላልሻለሁና ፍረድልኝ፤+

ያለምንም ማወላወል በይሖዋ ታምኛለሁ።+

 2 ይሖዋ ሆይ፣ መርምረኝ፤ ፈትነኝም፤

በውስጤ ያለውን ሐሳብና* ልቤን አጥራልኝ።+

 3 ታማኝ ፍቅርህ ምንጊዜም በፊቴ ነውና፤

በእውነትህም እመላለሳለሁ።+

 4 አታላይ ከሆኑ ሰዎች ጋር አልቀራረብም፤*+

ማንነታቸውን ከሚደብቁም እርቃለሁ።*

 5 ከክፉ ሰዎች ጋር መሆን እጠላለሁ፤+

ከክፉዎችም ጋር መቀራረብ* አልፈልግም።+

 6 ንጹሕ መሆኔን ለማሳየት እጆቼን እታጠባለሁ፤

ይሖዋ ሆይ፣ መሠዊያህን እዞራለሁ፤

 7 ይህም የምስጋናን ድምፅ አሰማ ዘንድ፣+

ድንቅ ሥራዎችህንም ሁሉ አውጅ ዘንድ ነው።

 8 ይሖዋ ሆይ፣ የምትኖርበትን ቤት፣+

የክብርህንም ማደሪያ ቦታ እወዳለሁ።+

 9 ከኃጢአተኞች ጋር አታጥፋኝ፤*+

ሕይወቴንም ከዓመፀኞች* ጋር አታስወግድ፤

10 እጆቻቸው አሳፋሪ ድርጊት ይፈጽማሉ፤

ቀኝ እጃቸውም በጉቦ የተሞላ ነው።

12 እግሬ በደልዳላ ስፍራ ቆሟል፤+

በታላቅ ጉባኤ መካከል* ይሖዋን አወድሳለሁ።+

 2 ክፉዎች ሥጋዬን ለመብላት ባጠቁኝ ጊዜ፣+

ተሰናክለው የወደቁት ባላጋራዎቼና ጠላቶቼ ናቸው።

 3 ሠራዊት በዙሪያዬ ቢሰፍርም፣

ልቤ በፍርሃት አይዋጥም።+

ጦርነት ቢከፈትብኝም እንኳ

በልበ ሙሉነት እመላለሳለሁ።

 4 ይሖዋን አንድ ነገር ለመንኩት፤

ምኞቴም ይኸው ነው፦

በሕይወቴ ዘመን ሁሉ በይሖዋ ቤት እኖር ዘንድ፣+

ይሖዋ ደስ የሚያሰኝ መሆኑን በትኩረት እመለከት ዘንድ፣

ቤተ መቅደሱንም በአድናቆት አይ* ዘንድ ነው።+

 5 በመዓት ቀን በመጠለያው ይሸሽገኛል፤+

ሚስጥራዊ ቦታ በሆነው ድንኳኑ ውስጥ ይሰውረኛል፤+

ከፍ ባለ ዓለት ላይ ያስቀምጠኛል።+

 6 በመሆኑም ራሴ በዙሪያዬ ካሉ ጠላቶቼ በላይ ከፍ ብሏል፤

በድንኳኑ ውስጥ በእልልታ መሥዋዕት አቀርባለሁ፤

ለይሖዋ የውዳሴ መዝሙር እዘምራለሁ።

 7 ይሖዋ ሆይ፣ በምጮኽበት ጊዜ ስማኝ፤+

ሞገስ አሳየኝ፤ መልስም ስጠኝ።+

አንተ ረዳቴ ነህ፤+

አዳኝ አምላኬ ሆይ፣ ከእኔ አትለይ፤ አትተወኝም።

10 የገዛ አባቴና እናቴ ቢተዉኝ እንኳ+

ይሖዋ ራሱ ይቀበለኛል።+

11 ይሖዋ ሆይ፣ መንገድህን አስተምረኝ፤+

ከጠላቶቼ ጥበቃ እንዳገኝ ቀና በሆነ መንገድ ምራኝ።

12 ለጠላቶቼ* አሳልፈህ አትስጠኝ፤+

ሐሰተኛ ምሥክሮች በእኔ ላይ ተነስተዋልና፤+

ደግሞም እኔን ለማጥቃት ይዝቱብኛል።

13 በሕያዋን ምድር የይሖዋን ጥሩነት አያለሁ የሚል እምነት ባይኖረኝ ኖሮ

ምን ይውጠኝ ነበር!*+

14 ይሖዋን ተስፋ አድርግ፤+

ደፋር ሁን፤ ልብህም ይጽና።+

28 ዓለቴ ይሖዋ ሆይ፣ ሁልጊዜ ወደ አንተ እጣራለሁ፤+

አንተም ጆሮ አትንፈገኝ።

ዝም ካልከኝ፣

ወደ ጉድጓድ* እንደሚወርዱ ሰዎች እሆናለሁ።+

 2 ወደ መቅደስህ ውስጠኛ ክፍል እጆቼን አንስቼ፣

እርዳታ ለማግኘት ወደ አንተ በምጮኽበት ጊዜ ልመናዬን ስማ።+

 3 ከክፉዎችና መጥፎ ነገር ከሚያደርጉ ሰዎች ጋር ጎትተህ አትውሰደኝ፤+

እነሱ በልባቸው ክፋት እያለ ከባልንጀሮቻቸው ጋር የሰላም ቃል የሚያወሩ ናቸው።+

 4 ለሠሩት ሥራ፣

እንደ ክፉ ልማዳቸው ክፈላቸው።+

ለእጃቸው ሥራ መልሰህ ክፈላቸው፤

እንዳደረጉትም መልስላቸው።+

 5 ይሖዋ ላከናወናቸው ነገሮች፣

ለእጆቹም ሥራ ትኩረት አይሰጡምና።+

 6 እርዳታ ለማግኘት ያቀረብኩትን ልመና ስለሰማ

ይሖዋ የተመሰገነ ይሁን።

 7 ይሖዋ ብርታቴና+ ጋሻዬ ነው፤+

ልቤ በእሱ ይተማመናል።+

ከእሱ እርዳታ ስላገኘሁ ልቤ ሐሴት ያደርጋል፤

በመዝሙሬም አወድሰዋለሁ።

 8 ይሖዋ ለሕዝቡ ብርታት ነው፤

ለቀባው ታላቅ መዳን የሚያስገኝ መሸሸጊያ ነው።+

29 እናንተ የኃያላን ልጆች፣ ለይሖዋ የሚገባውን ስጡ፤

ከክብሩና ከብርታቱ የተነሳ ለይሖዋ የሚገባውን ስጡ።+

 3 የይሖዋ ድምፅ ከውኃዎች በላይ ተሰማ፤

ክብር የተጎናጸፈው አምላክ አንጎደጎደ።+

 4 የይሖዋ ድምፅ ኃይለኛ ነው፤+

የይሖዋ ድምፅ ክብራማ ነው።

 5 የይሖዋ ድምፅ አርዘ ሊባኖስን ይሰብራል፤

አዎ፣ ይሖዋ አርዘ ሊባኖስን ይሰባብራል።+

 6 ሊባኖስን* እንደ ጥጃ፣

ሲሪዮንንም+ እንደ ዱር በሬ እንቦሳ እንዲዘሉ ያደርጋል።

 7 የይሖዋ ድምፅ የእሳት ነበልባል ይረጫል፤+

 8 የይሖዋ ድምፅ ምድረ በዳውን ያናውጣል፤+

ይሖዋ የቃዴስን+ ምድረ በዳ ያናውጣል።

 9 የይሖዋ ድምፅ ርኤሞች* እንዲርበተበቱና እንዲወልዱ ያደርጋል፤

ደኖችንም ያራቁታል።+

10 ይሖዋ ከሚያጥለቀልቁት ውኃዎች*+ በላይ በዙፋን ላይ ይቀመጣል፤

ይሖዋ ለዘላለም ንጉሥ ሆኖ በዙፋን ላይ ይቀመጣል።+

30 ይሖዋ ሆይ፣ ወደ ላይ ስላነሳኸኝ* ከፍ ከፍ አደርግሃለሁ፤

ጠላቶቼ በእኔ ሥቃይ እንዲደሰቱ አልፈቀድክም።+

 4 እናንተ የእሱ ታማኝ አገልጋዮች፣ ለይሖዋ የውዳሴ መዝሙር ዘምሩ፤+

ለቅዱስ ስሙ*+ ምስጋና አቅርቡ፤

 5 ምክንያቱም የሚቆጣው ለአጭር ጊዜ ነው፤+

ሞገስ የሚያሳየው* ግን ለዕድሜ ልክ ነው።+

 8 ይሖዋ ሆይ፣ ወደ አንተ ደጋግሜ ተጣራሁ፤+

ሞገስ ለማግኘትም ይሖዋን አብዝቼ ተማጸንኩ።

11 ሐዘኔን ወደ ጭፈራ ለወጥክ፤

ማቄን አውልቀህ ደስታን አለበስከኝ፤

12 ይህም እኔ* ዝም ከማለት ይልቅ ለአንተ የውዳሴ መዝሙር እዘምር ዘንድ ነው።

እኔን ለማዳን በተራራ ላይ ያለ ምሽግ፣

የተመሸገ ስፍራም ሁንልኝ።+

 3 አንተ ቋጥኜና ምሽጌ ነህና፤+

ለስምህ ስትል+ ትመራኛለህ፤ የምሄድበትንም መንገድ ታሳየኛለህ።+

 4 አንተ መሸሸጊያዬ ስለሆንክ፣+

እነሱ በስውር ከዘረጉብኝ ወጥመድ ታስጥለኛለህ።+

 6 የማይረቡና ከንቱ የሆኑ ጣዖቶችን የሚያመልኩ ሰዎችን እጠላለሁ፤

እኔ ግን በይሖዋ እታመናለሁ።

 7 በታማኝ ፍቅርህ እጅግ ሐሴት አደርጋለሁ፤

ጉስቁልናዬን አይተሃልና፤+

በጭንቀት መዋጤን* ታውቃለህ።

 8 ለጠላት አሳልፈህ አልሰጠኸኝም፤

ይልቁንም ደህንነት በማገኝበት ስፍራ አቆምከኝ።*

10 ሕይወቴ በሐዘን፣

ዕድሜዬም በመቃተት አልቋል።+

ከፈጸምኩት ኃጢአት የተነሳ ጉልበቴ ተሟጠጠ፤

አጥንቶቼ ደከሙ።+

11 ባላጋራዎቼ ሁሉ፣

በተለይ ደግሞ ጎረቤቶቼ ተሳለቁብኝ።+

የሚያውቁኝ ሰዎችም እጅግ ፈሩኝ፤

በአደባባይ ሲያዩኝ ከእኔ ይሸሻሉ።+

12 የሞትኩ ያህል ከልባቸው ወጣሁ፤* ደግሞም ተረሳሁ፤

እንደተሰበረ ማሰሮ ነኝ።

13 ብዙ መጥፎ ወሬ ሰምቻለሁ፤

ሽብር ከቦኛል።+

ግንባር ፈጥረው በእኔ ላይ በተነሱ ጊዜ

ሕይወቴን* ለማጥፋት ያሴራሉ።+

ክፉዎች ግን ይፈሩ፤+

በመቃብር* ውስጥ ዝም ይበሉ።+

18 በትዕቢትና በንቀት በጻድቁ ላይ በእብሪት የሚናገሩ

ሐሰተኛ ከንፈሮች ዱዳ ይሁኑ።+

አንተን ለሚፈሩ ጠብቀህ አቆይተኸዋል፤+

እንዲሁም አንተን መጠጊያ ለሚያደርጉ ስትል በሰዎች ሁሉ ፊት አሳይተኸዋል።+

20 አንተ ባለህበት ሚስጥራዊ ቦታ፣

ከሰዎች ሴራ ትሸሽጋቸዋለህ፤+

በመጠለያህ ውስጥ

ከክፉ ጥቃት* ትሰውራቸዋለህ።+

21 በተከበበ ከተማ ውስጥ+ ታማኝ ፍቅሩን በአስደናቂ ሁኔታ ስላሳየኝ+

ይሖዋ የተመሰገነ ይሁን።

ይሖዋ ታማኞችን ይጠብቃል፤+

ትዕቢተኛ የሆነን ሰው ግን ክፉኛ ይቀጣል።+

24 እናንተ ይሖዋን የምትጠባበቁ ሁሉ፣+

ደፋር ሁኑ፤ ልባችሁም ይጽና።+

 2 ይሖዋ በጥፋተኝነት የማይጠይቀው፣

በመንፈሱ ሽንገላ የሌለበት ሰው ደስተኛ ነው።+

 5 በመጨረሻ ኃጢአቴን ለአንተ ተናዘዝኩ፤

ስህተቴን አልሸፋፈንኩም።+

 6 ታማኝ የሆነ ሁሉ

አንተ በምትገኝበት ጊዜ ወደ አንተ የሚጸልየው ለዚህ ነው።+

 7 አንተ መሸሸጊያዬ ነህ፤

ከጭንቀት ትሰውረኛለህ።+

 9 በልጓም ወይም በልባብ ካልተገራ በስተቀር አልገዛም ብሎ

ወደ እናንተ እንደማይቀርብ፣

ማስተዋል እንደሌለው ፈረስ ወይም በቅሎ አትሁኑ።”+

10 የክፉ ሰው ሥቃይ ብዙ ነው፤

በይሖዋ የሚታመን ሰው ግን ታማኝ ፍቅሩ ይከበዋል።+

11 ጻድቃን ሆይ፣ በይሖዋ ደስ ይበላችሁ፤ ሐሴትም አድርጉ፤

ልበ ቀና የሆናችሁ ሁሉ፣ እልል በሉ።

 2 ይሖዋን በበገና አመስግኑት፤

አሥር አውታር ባለው መሣሪያ የውዳሴ መዝሙር ዘምሩለት።

 3 አዲስ መዝሙር ዘምሩለት፤+

በባለ አውታር መሣሪያ ጥሩ አድርጋችሁ ተጫወቱ፤ እልልም በሉ።

 4 የይሖዋ ቃል ትክክል ነውና፤+

ሥራውም ሁሉ እምነት የሚጣልበት ነው።

 6 ሰማያት በይሖዋ ቃል፣

በውስጣቸው ያሉትም ሁሉ ከአፉ በሚወጣው መንፈስ* ተሠሩ።+

 7 የባሕርን ውኃዎች እንደ ግድብ ያከማቻል፤+

የሚናወጠውንም ውኃ በማከማቻ ቦታ ይሰበስባል።

 9 እሱ ተናግሯልና፣ ሆኗል፤+

እሱ አዟል፤ ደግሞም ተፈጽሟል።+

10 ይሖዋ የብሔራትን ሴራ* አክሽፏል፤+

የሕዝቦችን ዕቅድ* አጨናግፏል።+

11 ይሁንና የይሖዋ ውሳኔዎች ለዘላለም ይጸናሉ፤*+

የልቡ ሐሳብ ከትውልድ እስከ ትውልድ ጸንቶ ይኖራል።

12 ይሖዋ አምላኩ የሆነ ብሔር፣

የራሱ ንብረት አድርጎ የመረጠው ሕዝብ ደስተኛ ነው።+

13 ይሖዋ ከሰማይ ሆኖ ይመለከታል፤

የሰው ልጆችን ሁሉ ያያል።+

14 ከመኖሪያ ቦታው ሆኖ

በምድር የሚኖሩትን በትኩረት ይመለከታል።

15 የሁሉንም ልብ የሚሠራው እሱ ነው፤

ሥራቸውን ሁሉ ይመረምራል።+

16 በሠራዊት ብዛት የዳነ ንጉሥ የለም፤+

ኃያል ሰው በታላቅ ኃይሉ አይድንም።+

17 ፈረስ ያድነኛል* ብሎ መታመን ከንቱ ተስፋ ነው፤+

ታላቅ ኃይሉ ለመዳን ዋስትና አይሆንም።

18 እነሆ፣ የይሖዋ ዓይን የሚፈሩትን፣

ደግሞም ታማኝ ፍቅሩን የሚጠባበቁትን በትኩረት ይመለከታል፤+

19 ይህም እነሱን* ከሞት ለመታደግ፣

በረሃብ ወቅትም እነሱን በሕይወት ለማኖር ነው።+

21 ልባችን በእሱ ሐሴት ያደርጋል፤

በቅዱስ ስሙ እንታመናለንና።+

22 ይሖዋ ሆይ፣ አንተን ስንጠባበቅ፣+

ታማኝ ፍቅርህ በእኛ ላይ ይሁን።+

34 ይሖዋን ሁልጊዜ አወድሰዋለሁ፤

ውዳሴው ምንጊዜም ከአፌ አይለይም።

 2 በይሖዋ እኩራራለሁ፤*+

የዋሆች ሰምተው ሐሴት ያደርጋሉ።

 3 ይሖዋን ከእኔ ጋር አወድሱት፤+

በኅብረት ስሙን ከፍ ከፍ እናድርግ።

 5 እሱን ተስፋ ያደረጉ በደስታ ፈኩ፤

ፊታቸው ፈጽሞ ለኀፍረት አይዳረግም።

 7 የይሖዋ መልአክ አምላክን በሚፈሩ ሰዎች ዙሪያ ይሰፍራል፤+

ደግሞም ይታደጋቸዋል።+

 8 ይሖዋ ጥሩ መሆኑን ቅመሱ፤ እዩም፤+

እሱን መጠጊያ የሚያደርግ ሰው ደስተኛ ነው።

 9 ቅዱሳን አገልጋዮቹ ሁሉ፣ ይሖዋን ፍሩ፤

እሱን የሚፈሩ የሚያጡት ነገር የለምና።+

10 ብርቱ ደቦል አንበሶች እንኳ የሚበሉት አጥተው ይራባሉ፤

ይሖዋን የሚሹ ግን መልካም ነገር አይጎድልባቸውም።+

11 ልጆቼ ሆይ፣ ኑ፣ አዳምጡኝ፤

ይሖዋን መፍራት አስተምራችኋለሁ።+

12 ከእናንተ መካከል በሕይወት የሚደሰት፣

ብዙ መልካም ዘመን ማየት የሚወድስ ማን ነው?+

13 እንግዲያው ምላስህን ከክፉ ነገር ጠብቅ፤+

በከንፈሮችህም ከማታለል ተቆጠብ።+

14 ክፉ ከሆነ ነገር ራቅ፤ መልካም የሆነውንም አድርግ፤+

ሰላምን ፈልግ፤ ተከተለውም።+

15 የይሖዋ ዓይኖች ጻድቃንን ይመለከታሉ፤+

ጆሮዎቹም እርዳታ ለማግኘት የሚያሰሙትን ጩኸት ይሰማሉ።+

16 ሆኖም የክፉዎችን መታሰቢያ ሁሉ ከምድር ለማጥፋት፣

የይሖዋ ፊት በእነሱ ላይ ነው።+

17 ጻድቃን ጮኹ፤ ይሖዋም ሰማቸው፤+

ከጭንቀታቸውም ሁሉ ገላገላቸው።+

18 ይሖዋ ልባቸው ለተሰበረ ቅርብ ነው፤+

መንፈሳቸው የተደቆሰባቸውንም* ያድናል።+

19 የጻድቅ ሰው መከራ* ብዙ ነው፤+

ይሖዋ ግን ከመከራው ሁሉ ይታደገዋል።+

20 አጥንቶቹን ሁሉ ይጠብቃል፤

አንዳቸውም ቢሆኑ አልተሰበሩም።+

21 ክፉ ሰው በአደጋ ይሞታል፤

ጻድቁን የሚጠሉ ሰዎችም ይፈረድባቸዋል።

22 ይሖዋ የአገልጋዮቹን ሕይወት* ይዋጃል፤

እሱን መጠጊያ የሚያደርጉ ሁሉ አይፈረድባቸውም።+

35 ይሖዋ ሆይ፣ ባላጋራዎቼን በመቃወም ተሟገትልኝ፤+

የሚዋጉኝን ተዋጋቸው።+

 2 ትንሹንና* ትልቁን ጋሻህን ያዝ፤+

ለእኔ ለመከላከልም ተነስ።+

 5 በነፋስ ፊት እንዳለ ገለባ ይሁኑ፤

የይሖዋ መልአክም ያባርራቸው።+

 6 የይሖዋ መልአክ ሲያሳድዳቸው

መንገዳቸው በጨለማ የተዋጠና የሚያዳልጥ ይሁን።

 7 ያላንዳች ምክንያት እኔን ለማጥመድ በስውር መረብ ዘርግተዋልና፤

ያላንዳች ምክንያት ጉድጓድ ቆፍረውልኛል።*

 8 ሳያስቡት ጥፋት ይምጣባቸው፤

በስውር ያስቀመጡት መረብም እነሱኑ ይያዛቸው፤

እዚያም ውስጥ ወድቀው ይጥፉ።+

 9 እኔ ግን በይሖዋ ሐሴት አደርጋለሁ፤*

በማዳን ሥራውም እጅግ ደስ ይለኛል።

ምስኪኑን ብርቱ ከሆኑት፣

ምስኪኑንና ድሃውን ከሚዘርፏቸው ሰዎች ትታደጋለህ።”+

11 ክፉ ምሥክሮች ቀረቡ፤+

ምንም ስለማላውቀው ነገር ጠየቁኝ።

12 ለመልካም ነገር ክፉ መለሱልኝ፤+

ደግሞም ሐዘን ላይ ጣሉኝ።*

13 እኔ ግን እነሱ በታመሙ ጊዜ ማቅ ለበስኩ፤

ራሴን* በጾም አጎሳቆልኩ፤

ጸሎቴም መልስ ሳያገኝ በተመለሰ ጊዜ፣*

14 ለጓደኛዬ ወይም ለወንድሜ እንደማደርገው እየተንቆራጠጥኩ አለቀስኩ፤

እናቱ ሞታበት እንደሚያለቅስ ሰው አንገቴን በሐዘን ደፋሁ።

15 እኔ ስደናቀፍ ግን እነሱ ደስ ብሏቸው ተሰበሰቡ፤

አድብተው እኔን ለመምታት ተሰበሰቡ፤

ዘነጣጠሉኝ፤ በነገር መጎንተላቸውንም አልተዉም።

16 ፈሪሃ አምላክ የሌላቸው ሰዎች በንቀት ያፌዙብኛል፤*

በእኔ ላይ ጥርሳቸውን ያፋጫሉ።+

ከሚሰነዝሩብኝ ጥቃት ታደገኝ፤*+

ውድ ሕይወቴን* ከደቦል አንበሶች አድናት።+

18 ያን ጊዜ በታላቅ ጉባኤ መካከል አመሰግንሃለሁ፤+

በብዙ ሕዝብ መካከል አወድስሃለሁ።

19 ያላንዳች ምክንያት ጠላቶቼ የሆኑ እኔን አይተው እንዲፈነድቁ፣

ያለምክንያት የሚጠሉኝ+ በተንኮል እንዲጠቃቀሱብኝ አትፍቀድ።+

20 የሰላም ቃል ከአፋቸው አይወጣምና፤

ከዚህ ይልቅ በምድሪቱ በሰላም በሚኖሩት ላይ ተንኮል ይሸርባሉ።+

21 እኔን ለመወንጀል አፋቸውን ይከፍታሉ፤

“እሰይ! እሰይ! ዓይናችን ይህን አየ” ይላሉ።

23 ለእኔ ጥብቅና ለመቆም ንቃ፤ ተነሳም፤

ይሖዋ አምላኬ ሆይ፣ ተሟገትልኝ።

24 ይሖዋ አምላኬ ሆይ፣ እንደ ጽድቅህ ፍረድልኝ፤+

በእኔ እንዲፈነድቁ አትፍቀድ።

26 እኔ ላይ በደረሰው ጉዳት የሚፈነድቁ ሁሉ

ይፈሩ፣ ይዋረዱም።

27 በእኔ ጽድቅ የሚደሰቱ ግን እልል ይበሉ፤

ሁልጊዜም እንዲህ ይበሉ፦

28 በዚህ ጊዜ ምላሴ ስለ ጽድቅህ ይናገራል፤*+

ቀኑን ሙሉም ያወድስሃል።+

36 ኃጢአት፣ ክፉውን ሰው በልቡ ውስጥ ሆኖ ያናግረዋል፤

በዓይኖቹ ፊት አምላክን መፍራት የሚባል ነገር የለም።+

 2 ስህተቱ ምን እንደሆነ ተረድቶ የሠራውን ነገር እንዳይጠላው፣

ለራሱ ባለው አመለካከት ራሱን እጅግ ይሸነግላልና።+

 3 ከአፉ የሚወጣው የክፋትና የሽንገላ ቃል ነው፤

መልካም ነገር ለማድረግ ማስተዋል የለውም።

ጥሩ ባልሆነ መንገድ ላይ ይቆማል፤

መጥፎ የሆነውን ነገር ገሸሽ አያደርግም።

 5 ይሖዋ ሆይ፣ ታማኝ ፍቅርህ እስከ ሰማያት፣+

ታማኝነትህ እስከ ደመናት ይደርሳል።

 6 ጽድቅህ ግርማ እንደተላበሱ ተራሮች* ነው፤+

ፍርዶችህ እንደ ጥልቅ ባሕር ናቸው።+

 8 በቤትህ ውስጥ ተትረፍርፎ የሚገኘውን ነገር* እስኪረኩ ድረስ ይጠጣሉ፤+

መልካም ነገሮች ከሚፈስሱበት ወንዝህ ታጠጣቸዋለህ።+

 9 የሕይወት ምንጭ ከአንተ ዘንድ ነው፤+

በብርሃንህ፣ ብርሃን ማየት እንችላለን።+

10 ለሚያውቁህ ታማኝ ፍቅርህን፣

ቀና ልብ ላላቸው ደግሞ ጽድቅህን ዘወትር አሳያቸው።+

11 የትዕቢተኛ እግር እንዲረግጠኝ፣

ወይም የክፉዎች እጅ እንዲያፈናቅለኝ አትፍቀድ።

12 ክፉ አድራጊዎች የት እንደወደቁ ተመልከት፤

ተመተው ወድቀዋል፤ መነሳትም አይችሉም።+

37 በክፉዎች አትበሳጭ፤*

ወይም በክፉ አድራጊዎች አትቅና።+

 2 እንደ ሣር በፍጥነት ይደርቃሉ፤+

እንደለመለመ ተክልም ይጠወልጋሉ።

 3 በይሖዋ ታመን፤ መልካም የሆነውንም አድርግ፤+

በምድር ላይ ኑር፤ ለሰዎችም ታማኝ ሁን።+

 4 በይሖዋ ሐሴት አድርግ፤*

እሱም የልብህን መሻት ይሰጥሃል።

 5 መንገድህን ለይሖዋ አደራ ስጥ፤*+

በእሱ ታመን፤ እሱም ለአንተ ሲል እርምጃ ይወስዳል።+

 6 ጽድቅህን እንደ ንጋት ብርሃን፣

የአንተንም ፍትሕ እንደ ቀትር ፀሐይ ያበራዋል።

 7 በይሖዋ ፊት ዝም በል፤+

እሱንም በተስፋ* ተጠባበቅ።

የጠነሰሰውን ሴራ

በተሳካ ሁኔታ እየፈጸመ ባለ ሰው አትበሳጭ።+

 8 ከቁጣ ተቆጠብ፤ ንዴትንም ተው፤+

ተበሳጭተህ ክፉ ነገር አትሥራ።*

 9 ክፉ አድራጊዎች ይጠፋሉና፤+

ይሖዋን ተስፋ የሚያደርጉ ግን ምድርን ይወርሳሉ።+

10 ለጥቂት ጊዜ ነው እንጂ ክፉዎች አይኖሩም፤+

በቀድሞ ቦታቸው ትፈልጋቸዋለህ፤

እነሱ ግን በዚያ አይገኙም።+

11 የዋሆች ግን ምድርን ይወርሳሉ፤+

በብዙ ሰላምም እጅግ ደስ ይላቸዋል።+

12 ክፉ ሰው በጻድቁ ላይ ያሴራል፤+

በእሱ ላይ ጥርሱን ያፋጫል።

13 ይሖዋ ግን ይስቅበታል፤

የሚጠፋበት ቀን እንደሚደርስ ያውቃልና።+

14 ክፉዎች የተጨቆነውንና ድሃውን ለመጣል፣

እንዲሁም ቀና የሆነውን መንገድ የሚከተሉትን ለማረድ

ሰይፋቸውን ይመዛሉ፤ ደጋናቸውንም ይወጥራሉ።

15 ሆኖም ሰይፋቸው የገዛ ልባቸውን ይወጋል፤+

ደጋኖቻቸው ይሰበራሉ።

16 ብዙ ክፉ ሰዎች ካላቸው የተትረፈረፈ ሀብት ይልቅ

ጻድቅ ሰው ያለው ጥቂት ነገር ይሻላል።+

17 የክፉዎች ክንድ ይሰበራልና፤

ይሖዋ ግን ጻድቃንን ይደግፋል።

18 ይሖዋ ነቀፋ የሌለባቸውን ሰዎች የሕይወት ጎዳና* ያውቃል፤

ርስታቸውም ለዘላለም ይኖራል።+

19 በአደጋ ወቅት ለኀፍረት አይዳረጉም፤

በረሃብ ዘመን የተትረፈረፈ ምግብ ይኖራቸዋል።

20 ክፉዎች ግን ይጠፋሉ፤+

የይሖዋ ጠላቶች እንደ መስክ ውበት ይከስማሉ፤

እንደ ጭስ ይበናሉ።

21 ክፉ ሰው ይበደራል፤ መልሶም አይከፍልም፤

ጻድቅ ሰው ግን ለጋስ ነው፤* ደግሞም ይሰጣል።+

22 አምላክ የባረካቸው ምድርን ይወርሳሉ፤

እሱ የረገማቸው ግን ይጠፋሉ።+

23 ይሖዋ በሰው መንገድ ደስ ሲሰኝ፣+

አካሄዱን ይመራለታል።*+

24 ቢወድቅም እንኳ አይዘረርም፤+

ይሖዋ እጁን ይዞ* ይደግፈዋልና።+

25 በአንድ ወቅት ወጣት ነበርኩ፤ አሁን ግን አርጅቻለሁ፤

ይሁንና ጻድቅ ሰው ሲጣል፣+

ልጆቹም ምግብ* ሲለምኑ አላየሁም።+

26 ሁልጊዜ ሳይሰስት ያበድራል፤+

ልጆቹም በረከት ያገኛሉ።

27 ከክፉ ራቅ፤ መልካሙንም አድርግ፤+

ለዘላለምም ትኖራለህ።

28 ይሖዋ ፍትሕን ይወዳልና፤

ታማኝ አገልጋዮቹንም አይተዋቸውም።+

ምንጊዜም ጥበቃ ያገኛሉ፤+

የክፉዎች ዘር ግን ይጠፋል።+

29 ጻድቃን ምድርን ይወርሳሉ፤+

በእሷም ላይ ለዘላለም ይኖራሉ።+

30 የጻድቅ አፍ ጥበብን ይናገራል፤*

ምላሱም ስለ ፍትሕ ያወራል።+

31 የአምላኩ ሕግ በልቡ አለ፤+

በሚሄድበት ጊዜም እግሮቹ አይብረከረኩም።+

32 ክፉ ሰው ጻድቁን ለመግደል

በዓይነ ቁራኛ ይከታተለዋል።

33 ይሖዋ ግን በክፉው እጅ አይጥለውም፤+

ወይም ለፍርድ በሚቀርብበት ጊዜ ጥፋት አያገኝበትም።+

34 ይሖዋን ተስፋ አድርግ፤ መንገዱንም ተከተል፤

እሱም ከፍ ከፍ ያደርግሃል፤ ምድርንም ትወርሳለህ።

35 ጨካኝ የሆነውን ክፉ ሰው፣

በበቀለበት መሬት ላይ እንደለመለመ ዛፍ ተንሰራፍቶ አየሁት።+

36 ይሁንና ሕይወቱ በድንገት አለፈ፤ በቦታውም አልነበረም፤+

አጥብቄ ፈለግኩት፤ ላገኘው ግን አልቻልኩም።+

37 ነቀፋ የሌለበትን* ሰው ልብ በል፤

ቀና የሆነውንም ሰው+ በትኩረት ተመልከት፤

የዚህ ሰው የወደፊት ሕይወት ሰላማዊ ይሆናልና።+

38 ኃጢአተኞች ሁሉ ግን ይጠፋሉ፤

ክፉዎች ምንም ተስፋ አይኖራቸውም።+

39 ጻድቃን መዳን የሚያገኙት ከይሖዋ ነው፤+

በጭንቅ ጊዜ መሸሸጊያቸው እሱ ነው።+

እሱን መጠጊያ ስላደረጉ፣

ከክፉዎች ይታደጋቸዋል፤ ደግሞም ያድናቸዋል።+

38 ይሖዋ ሆይ፣ በቁጣህ አትውቀሰኝ፤

ተናደህም አታርመኝ።+

 2 ፍላጻዎችህ እስከ ውስጥ ድረስ ወግተውኛልና፤

እጅህም ተጭኖኛል።+

 4 የፈጸምኳቸው ስህተቶች በራሴ ላይ ያንዣብባሉና፤+

እንደ ከባድ ሸክም በጣም ከብደውኛል።

 5 ከሞኝነቴ የተነሳ

ቁስሌ ሸተተ፤ ደግሞም አመረቀዘ።

 6 በጭንቀት ተዋጥኩ፤ አንገቴንም ደፋሁ፤

ቀኑን ሙሉ በሐዘን ተውጬ እመላለሳለሁ።

 7 ውስጤ ተቃጠለ፤*

መላ ሰውነቴ ታመመ።+

 8 ደነዘዝኩ፤ ፈጽሞም ደቀቅኩ፤

በጭንቀት ከተዋጠው ልቤ የተነሳ እጅግ እቃትታለሁ።*

 9 ይሖዋ ሆይ፣ ምኞቴ ሁሉ በፊትህ ነው፤

የማሰማው ሲቃም ከአንተ የተሰወረ አይደለም።

10 ልቤ በኃይል ይመታል፤ ጉልበቴ ከድቶኛል፤

የዓይኔም ብርሃን ጠፍቷል።+

11 ከቁስሌ የተነሳ ወዳጆቼና ጓደኞቼ ሸሹኝ፤

በቅርብ የሚያውቁኝ ሰዎችም ከእኔ ራቁ።

12 ሕይወቴን* የሚሹ ሰዎች ወጥመድ ዘረጉብኝ፤

እኔን መጉዳት የሚፈልጉም ስለ ጥፋት ያወራሉ፤+

ቀኑን ሙሉ ተንኮል ሲሸርቡ ይውላሉ።

13 እኔ ግን እንደ ደንቆሮ አልሰማቸውም፤+

እንደ ዱዳም አፌን አልከፍትም።+

14 መስማት እንደማይችል፣

በአፉም የመከላከያ መልስ እንደማይሰጥ ሰው ሆንኩ።

15 ይሖዋ ሆይ፣ አንተን በተስፋ ተጠባብቄአለሁና፤+

ይሖዋ አምላኬ ሆይ፣ አንተም መልስ ሰጥተኸኛል።+

16 “በእኔ ውድቀት አይፈንድቁ፤

ወይም እግሬ ቢንሸራተት በእኔ ላይ አይኩራሩ” ብያለሁና።

17 ልወድቅ ምንም አልቀረኝም ነበርና፤

ሥቃዬም ከእኔ አልተለየም።+

18 በደሌን ተናዘዝኩ፤+

ኃጢአቴም አስጨንቆኝ ነበር።+

19 ይሁንና ጠላቶቼ ብርቱዎችና* ኃያላን ናቸው፤*

ያላንዳች ምክንያት የሚጠሉኝ ተበራከቱ።

20 ላደረግኩት መልካም ነገር ክፉ መለሱልኝ፤

መልካም የሆነውን ነገር በመከተሌ ይቃወሙኝ ነበር።

22 አዳኜ ይሖዋ ሆይ፣

እኔን ለመርዳት ፍጠን።+

39 እኔ “በምላሴ ኃጢአት እንዳልፈጽም+

አካሄዴን እጠብቃለሁ።

ክፉ ሰው ከእኔ ጋር እስካለ ድረስ

አፌን ለመጠበቅ ልጓም አስገባለሁ”*+ አልኩ።

 2 ዱዳ ሆንኩ፤ ደግሞም ዝም አልኩ፤+

መልካም ነገር ከመናገር እንኳ ታቀብኩ፤

ይሁንና ሥቃዬ ከባድ ነበር።*

 4 “ይሖዋ ሆይ፣ መጨረሻዬ ምን እንደሚሆን፣

የዕድሜዬም ርዝማኔ ምን ያህል እንደሆነ እንዳውቅ እርዳኝ፤+

ይህም ሕይወቴ ምን ያህል አጭር እንደሆነ* አውቅ ዘንድ ነው።

 5 በእርግጥም ቀኖቼን ጥቂት* አደረግካቸው፤+

የሕይወት ዘመኔም በፊትህ ከምንም አይቆጠርም።+

 9 ዱዳ ሆንኩ፤

ይህን ያደረግከው አንተ ስለሆንክ+

አፌን መክፈት አልቻልኩም።+

11 ሰውን በሠራው ስህተት የተነሳ በመቅጣት ታርመዋለህ፤+

እንደ ውድ ሀብት የሚመለከታቸውን ነገሮች እንደ ብል ትበላበታለህ።

12 ይሖዋ ሆይ፣ ጸሎቴን ስማ፤

ለእርዳታ የማሰማውን ጩኸት አዳምጥ።+

እኔ በአንተ ዘንድ የባዕድ አገር ሰው ነኝና፤+

እንደ አባቶቼ አልፌ የምሄድ ተጓዥ* ነኝ።+

13 ከመሞቴና ከሕልውና ውጭ ከመሆኔ በፊት፣

ፊቴ እንዲፈካ በክፉ ዓይን አትየኝ።”

40 ተስፋዬን ሙሉ በሙሉ በይሖዋ ላይ ጣልኩ፤*

እሱም ጆሮውን ወደ እኔ አዘነበለ፤* ለእርዳታ ያሰማሁትንም ጩኸት ሰማ።+

 2 የሚያስገመግም ድምፅ ካለበት ጉድጓድ፣

ከሚያዘቅጥ ማጥም አወጣኝ።

እግሮቼንም በዓለት ላይ አቆመ፤

አረማመዴንም አጸና።

 3 ከዚያም በአፌ ላይ አዲስ መዝሙር፣+

ለአምላካችን የሚቀርብ ውዳሴ አኖረ።

ብዙዎች በፍርሃት* ተውጠው ይመለከታሉ፤

በይሖዋም ይታመናሉ።

 4 በይሖዋ የሚታመን፣ እንቢተኛ ወደሆኑት ወይም

ሐሰት* ወደሆኑት ፊቱን ያላዞረ ሰው ደስተኛ ነው።

 5 ይሖዋ አምላኬ ሆይ፣

ያደረግካቸው ድንቅ ሥራዎች፣

ለእኛ ያሰብካቸው ነገሮችም ብዙ ናቸው።+

ከአንተ ጋር ሊወዳደር የሚችል ማንም የለም፤+

ስለ እነዚህ ነገሮች ላውራ፣ ልናገር ብል፣

ዘርዝሬ ልጨርሳቸው አልችልም!+

 6 መሥዋዕትንና መባን አልፈለግክም፤*+

ከዚህ ይልቅ እንድሰማ ጆሮዎቼን ከፈትክልኝ።*+

 8 አምላኬ ሆይ፣ ፈቃድህን ማድረግ ያስደስተኛል፤*+

ሕግህም በልቤ ውስጥ ነው።+

ይሖዋ ሆይ፣ አንተ ራስህ በሚገባ እንደምታውቀው፣

እነሆ፣ ከንፈሮቼን አልከለክልም።+

የፈጸምኳቸው በርካታ ስህተቶች ስለዋጡኝ መንገዴን ማየት ተስኖኛል፤+

በራሴ ላይ ካሉት ፀጉሮች እጅግ ይበዛሉ፤

ደግሞም ተስፋ ቆረጥኩ።

14 ሕይወቴን* ለማጥፋት የሚሹ ሁሉ፣

ኀፍረትና ውርደት ይከናነቡ።

በእኔ ላይ በደረሰው ጉዳት ደስ የሚሰኙ

አፍረው ወደ ኋላ ይመለሱ።

16 አንተን የሚፈልጉ+ ግን

በአንተ ይደሰቱ፤ ሐሴትም ያድርጉ።+

17 እኔ ግን ምስኪንና ድሃ ነኝ፤

ይሖዋ ትኩረት ይስጠኝ።

አንተ ረዳቴና ታዳጊዬ ነህ፤+

አምላኬ ሆይ፣ አትዘግይ።+

41 ለተቸገረ ሰው የሚያስብ ደስተኛ ነው፤+

በመከራ ቀን ይሖዋ ይታደገዋል።

በምድር ላይ ደስተኛ ይባላል፤+

ለጠላቶቹ ምኞት* አሳልፈህ አትሰጠውም።+

 3 ታሞ በአልጋ ላይ ተኝቶ ሳለ ይሖዋ ይደግፈዋል፤+

በታመመበት ወቅት መኝታውን ሙሉ በሙሉ ትቀይርለታለህ።

እኔን የሚጎዳ ወሬ ይቃርማል፤

ከዚያም ወደ ውጭ ወጥቶ በየቦታው ያወራዋል።

 7 የሚጠሉኝ ሁሉ እርስ በርስ ይንሾካሾካሉ፤

በእኔ ላይ ክፉ ነገር ይሸርባሉ፤

 8 “ክፉ ነገር ደርሶበታል፤

ከእንግዲህ ከወደቀበት አይነሳም” ይላሉ።+

 9 ሌላው ቀርቶ ከእኔ ጋር ሰላም የነበረው፣ እምነት የጣልኩበትና+

ከማዕዴ ይበላ የነበረ ሰው ተረከዙን በእኔ ላይ አነሳ።*+

10 ይሖዋ ሆይ፣ አንተ ግን ብድራታቸውን እከፍል ዘንድ

ሞገስ አሳየኝ፤ ደግሞም አንሳኝ።

12 እኔ በበኩሌ ንጹሕ አቋሜን* በመጠበቄ ትደግፈኛለህ፤+

በፊትህም ለዘላለም ታኖረኛለህ።+

13 የእስራኤል አምላክ ይሖዋ

ከዘላለም እስከ ዘላለም ይወደስ።+

42 ርኤም* ጅረቶችን እንደምትናፍቅ፣

አምላክ ሆይ፣ አንተን እናፍቃለሁ።*

 3 እንባዬ ቀን ከሌት ምግብ ሆነኝ፤

ሰዎች ቀኑን ሙሉ “አምላክህ የት አለ?” እያሉ ይሳለቁብኛል።+

 4 እነዚህን ነገሮች አስታውሳለሁ፤ ነፍሴንም* አፈሳለሁ፤

በአንድ ወቅት ከብዙ ሰዎች ጋር እጓዝ ነበር፤

በእልልታና በምስጋና ድምፅ፣

በዓል በሚያከብር ሕዝብ ድምፅ፣

ከፊታቸው ሆኜ ወደ አምላክ ቤት በኩራት* እሄድ ነበር።+

አምላክን በትዕግሥት እጠባበቃለሁ፤+

እሱን እንደ ታላቅ አዳኜ አድርጌ ገና አወድሰዋለሁና።+

ከዮርዳኖስ ምድርና ከሄርሞን አናት፣

ከሚዛር ተራራ*

የማስብህ ለዚህ ነው።+

 7 በፏፏቴህ ድምፅ አማካኝነት

ጥልቁ ውኃ፣ ጥልቁን ውኃ ይጣራል።

 8 ይሖዋ በቀን ታማኝ ፍቅሩን ያሳየኛል፤

እኔ ደግሞ በሌሊት ስለ እሱ እዘምራለሁ፤ ሕይወት ለሰጠኝ አምላክ ጸሎት አቀርባለሁ።+

10 ለእኔ ካላቸው ጥላቻ የተነሳ ሊገድሉኝ የሚሹ* ጠላቶቼ ይሳለቁብኛል፤

ቀኑን ሙሉ “አምላክህ የት አለ?” እያሉ ይሳለቁብኛል።+

አምላክን በትዕግሥት እጠባበቃለሁ፤+

እሱን እንደ ታላቅ አዳኜና አምላኬ አድርጌ ገና አወድሰዋለሁና።+

43 አምላክ ሆይ፣ ፍረድልኝ፤+

ከከዳተኛ ብሔር ጋር ያለብኝን ሙግት አንተ ተሟገትልኝ።+

እነሱ ይምሩኝ፤+

ወደተቀደሰው ተራራህና ወደ ታላቁ የማደሪያ ድንኳንህ ይውሰዱኝ።+

 4 ከዚያም ወደ አምላክ መሠዊያ፣+

እጅግ ሐሴት ወደማደርግበት አምላክ እመጣለሁ።

አምላክን በትዕግሥት እጠባበቃለሁ፤+

እሱን እንደ ታላቅ አዳኜና አምላኬ አድርጌ ገና አወድሰዋለሁና።+

44 አምላክ ሆይ፣ በገዛ ጆሯችን ሰምተናል፤

ከረጅም ጊዜ በፊት፣

በእነሱ ዘመን ያከናወንካቸውን ተግባሮች፣

አባቶቻችን ተርከውልናል።+

 2 በእጅህ ብሔራትን አባረርክ፤+

በዚያም አባቶቻችንን አሰፈርክ።+

 3 ምድሪቱን የወረሱት በገዛ ሰይፋቸው አይደለም፤+

ድል ያጎናጸፋቸውም የገዛ ክንዳቸው አይደለም።+

ከዚህ ይልቅ በእነሱ ደስ ስለተሰኘህ+

ቀኝ እጅህ፣ ክንድህና የፊትህ ብርሃን ይህን አድርጓል።+

 4 አምላክ ሆይ፣ አንተ ንጉሤ ነህ፤+

ለያዕቆብ ፍጹም ድል* እዘዝ።*

 5 በአንተ ኃይል ጠላቶቻችንን እንመክታለን፤+

በእኛ ላይ የተነሱትን በስምህ እንረግጣለን።+

 6 በቀስቴ አልታመንምና፤

ሰይፌም ሊያድነኝ አይችልም።+

 7 ከጠላቶቻችን ያዳንከን፣

የሚጠሉንን ሰዎች ያዋረድካቸው አንተ ነህ።+

 8 ቀኑን ሙሉ ለአምላክ ውዳሴ እናቀርባለን፤

ስምህንም ለዘላለም እናመሰግናለን። (ሴላ)

 9 አሁን ግን ትተኸናል፤ ደግሞም አዋርደኸናል፤

ከሠራዊታችንም ጋር አብረህ አትወጣም።

10 ከጠላታችን ፊት እንድንሸሽ ታደርገናለህ፤+

የሚጠሉን ሰዎች የፈለጉትን ሁሉ ይወስዱብናል።

11 እንደ በግ እንዲበሉን ለጠላቶቻችን አሳልፈህ ሰጠኸን፤

በብሔራት መካከል በተንከን።+

12 ሕዝብህን በማይረባ ዋጋ ሸጥክ፤+

ከሽያጩ ያገኘኸው ትርፍ የለም።

13 በጎረቤቶቻችን ዘንድ መሳለቂያ አደረግከን፤

በዙሪያችን ያሉት ሁሉ እንዲያላግጡብንና እንዲዘብቱብን አደረግክ።

14 በብሔራት መካከል መቀለጃ እንድንሆን፣*

ሕዝቦችም ራሳቸውን እንዲነቀንቁብን አደረግክ።+

15 ቀኑን ሙሉ በኀፍረት ተውጫለሁ፤

ውርደትም ተከናንቤአለሁ፤

16 ይህም ከሚሳለቁና ከሚሳደቡ ሰዎች ድምፅ፣

እንዲሁም ከሚበቀለን ጠላታችን የተነሳ ነው።

17 ይህ ሁሉ በእኛ ላይ ደርሷል፤ እኛ ግን አልረሳንህም፤

ቃል ኪዳንህንም አላፈረስንም።+

18 ልባችን አልሸፈተም፤

እግራችንም ከመንገድህ አልወጣም።

19 ይሁንና ቀበሮዎች በሚኖሩበት ቦታ ሰባብረኸናል፤

በድቅድቅ ጨለማም ሸፍነኸናል።

20 የአምላካችንን ስም ረስተን፣

ወይም ወደ ባዕድ አምላክ ለመጸለይ እጃችንን ዘርግተን ከሆነ፣

21 አምላክ ይህን አይደርስበትም?

22 ስለ አንተ ቀኑን ሙሉ ሞትን እንጋፈጣለን፤

እንደ እርድ በጎችም ተቆጠርን።+

25 ወደ አፈር ተጥለናልና፤*

ሰውነታችን ከመሬት ጋር ተጣብቋል።+

 3 ኃያል ሆይ፣+ ሰይፍህን+ በጎንህ ታጠቅ፤

ክብርህንና ግርማህንም+ ተጎናጸፍ።

 4 በግርማህም ድል ለመቀዳጀት* ገስግስ፤+

ፈረስህን እየጋለብክ ለእውነት፣ ለትሕትናና ለጽድቅ ተዋጋ፤+

ቀኝ እጅህም የሚያስፈሩ ተግባሮችን ያከናውናል።*

 5 ፍላጻዎችህ የሾሉ ናቸው፤ ሰዎችን በፊትህ ይረፈርፋሉ፤+

የንጉሡን ጠላቶች ልብ ይወጋሉ።+

 6 አምላክ ለዘላለም ዙፋንህ ነው፤+

የመንግሥትህ በትር የቅንነት* በትረ መንግሥት ነው።+

 8 ልብሶችህ ሁሉ የከርቤ፣ የእሬትና* የብርጉድ መዓዛ አላቸው፤

በዝሆን ጥርስ ካጌጠው ታላቅ ቤተ መንግሥት የሚወጣው የባለ አውታር መሣሪያዎች* ድምፅ ያስደስትሃል።

10 ልጄ ሆይ፣ አዳምጪ፣ ልብ በዪ፣ ጆሮሽንም አዘንብዪ፤

ሕዝብሽንና የአባትሽን ቤት እርሺ።

11 ንጉሡም በውበትሽ ተማርኳል፤

እሱ ጌታሽ ነውና፣

እጅ ንሺው።

12 የጢሮስ ሴት ልጅ ስጦታ ይዛ ትመጣለች፤

እጅግ ባለጸጋ የሆኑትም በአንቺ ዘንድ ሞገስ ለማግኘት ጥረት ያደርጋሉ።

13 የንጉሡ ሴት ልጅ እጅግ ተውባ በቤተ መንግሥቱ ውስጥ ተቀምጣለች፤*

ልብሷ በወርቅ ያጌጠ* ነው።

15 በደስታና በሐሴት ይመሯቸዋል፤

ወደ ንጉሡ ቤተ መንግሥት ይገባሉ።

46 አምላክ መጠጊያችንና ብርታታችን፣+

በጭንቅ ጊዜ ፈጥኖ የሚደርስልን ረዳታችን ነው።+

 2 በመሆኑም በምድር ላይ ነውጥ ቢከሰት፣

ተራሮች ተንደው ወደ ጥልቁ ባሕር ቢሰምጡ አንፈራም፤+

 3 ውኃዎቹ ቢያስገመግሙና አረፋ ቢደፍቁ፣+

ተራሮችም ከውኃዎቹ ነውጥ የተነሳ ቢንቀጠቀጡ አንሸበርም። (ሴላ)

 4 የአምላክን ከተማ+ ደስ የሚያሰኙ ጅረቶች ያሉት ወንዝ አለ፤

ከተማዋም የልዑሉ አምላክ የተቀደሰ ታላቅ ማደሪያ ነች።

 6 ብሔራት ሁከት ፈጠሩ፤ መንግሥታት ተገለበጡ፤

እሱ ድምፁን ከፍ አድርጎ አሰማ፤ ምድርም ቀለጠች።+

 7 የሠራዊት ጌታ ይሖዋ ከእኛ ጋር ነው፤+

የያዕቆብ አምላክ አስተማማኝ መጠጊያችን ነው። (ሴላ)

 8 ኑና የይሖዋን ሥራዎች እዩ፤

በምድርም ላይ አስደናቂ ነገሮችን እንዴት እንዳከናወነ ተመልከቱ።

ቀስትን ይሰባብራል፤ ጦርንም ያነክታል፤

የጦር ሠረገሎችን* በእሳት ያቃጥላል።

በብሔራት መካከል ከፍ ከፍ እላለሁ፤+

በምድርም ላይ ከፍ ከፍ እላለሁ።”+

11 የሠራዊት ጌታ ይሖዋ ከእኛ ጋር ነው፤+

የያዕቆብ አምላክ አስተማማኝ መጠጊያችን ነው።+ (ሴላ)

 2 ልዑሉ ይሖዋ እጅግ የሚያስፈራ ነውና፤+

በመላው ምድር ላይ ታላቅ ንጉሥ ነው።+

 3 ሕዝቦችን ለእኛ ያስገዛል፤

ብሔራትም ከእግራችን በታች እንዲሆኑ ያደርጋል።+

 4 የሚወደውን የያዕቆብን+ መመኪያ

ርስታችን አድርጎ ይመርጥልናል።+ (ሴላ)

 5 አምላክ በእልልታ አረገ፤

ይሖዋ በቀንደ መለከት* ድምፅ ወደ ላይ ወጣ።

 7 አምላክ የምድር ሁሉ ንጉሥ ነውና፤+

የውዳሴ መዝሙር ዘምሩ፤ ማስተዋልም ይኑራችሁ።

 9 የሕዝቡ መሪዎች ከአብርሃም አምላክ ሕዝብ ጋር

አንድ ላይ ተሰብስበዋል።

48 ይሖዋ ታላቅ ነው፤

በአምላካችን ከተማ፣ በቅዱስ ተራራው እጅግ ሊወደስ ይገባዋል።

 2 በከፍታ ቦታ ላይ ተውባ የምትታየው፣ የምድር ሁሉ ደስታ፣+

በስተ ሰሜን ርቃ የምትገኘው የጽዮን ተራራ ነች፤

ደግሞም የታላቁ ንጉሥ ከተማ ነች።+

 3 አምላክ በማይደፈሩ ማማዎቿ ውስጥ

አስተማማኝ መጠጊያ መሆኑን አስመሥክሯል።+

 4 እነሆ፣ ነገሥታት ተሰብስበዋልና፤*

አንድ ላይ ሆነው ገሰገሱ።

 6 በዚያም በፍርሃት ተንቀጠቀጡ፤

እንደምትወልድ ሴት ጭንቅ ያዛቸው።

 8 የሰማነውን ነገር፣ በሠራዊት ጌታ በይሖዋ ከተማ

ይኸውም በአምላካችን ከተማ አሁን በገዛ ዓይናችን አይተናል።

 9 አምላክ ሆይ፣ በቤተ መቅደስህ ውስጥ ሆነን

ስለ ታማኝ ፍቅርህ እናሰላስላለን።+

10 አምላክ ሆይ፣ እንደ ስምህ ሁሉ ውዳሴህም

እስከ ምድር ዳርቻ ይደርሳል።+

11 ከፍርድህ የተነሳ የጽዮን ተራራ+ ደስ ይበላት፤

የይሁዳ ከተሞችም* ሐሴት ያድርጉ።+

12 በጽዮን ዙሪያ ሂዱ፤ በዙሪያዋም ተጓዙ፤

ማማዎቿን ቁጠሩ።+

ለመጪዎቹ ትውልዶች መናገር ትችሉ ዘንድ፣

የማይደፈሩ ማማዎቿን በሚገባ አጢኑ።

በዓለም ላይ* የምትኖሩ ሁሉ፣ ልብ በሉ፤

 2 ታናናሾችም ሆናችሁ ታላላቆች፣*

ባለጸጎችና ድሆች፣ ሁላችሁም ስሙ።

 3 አፌ ጥበብን ይናገራል፤

በልቤም የማሰላስለው ነገር+ ማስተዋልን ይገልጣል።

 4 ጆሮዬን ወደ ምሳሌ አዘነብላለሁ፤

እንቆቅልሼንም በበገና እፈታለሁ።

 5 በአስቸጋሪ ወቅት፣

እኔን ለመጣል የሚፈልጉ ሰዎች ክፋት* በከበበኝ ጊዜ ለምን እፈራለሁ?+

 6 በሀብታቸው የሚመኩትን፣+

በታላቅ ብልጽግናቸው የሚኩራሩትንም+ ለምን እፈራለሁ?

 7 አንዳቸውም ቢሆኑ ሌላውን ሰው መዋጀት፣

ወይም ለእሱ ቤዛ የሚሆን ነገር ለአምላክ መክፈል ጨርሶ አይችሉም፤+

 8 (ለሕይወታቸው* የሚከፈለው የቤዛ* ዋጋ እጅግ ውድ ስለሆነ

መቼም ቢሆን ከአቅማቸው በላይ ነው)፤

 9 ለዘላለም እንዲኖርና ወደ ጉድጓድ* እንዳይወርድ ቤዛ ሊከፍሉ አይችሉም።+

10 ጥበበኞች እንኳ ሲሞቱ ያያል፤

ሞኞችና ማመዛዘን የሚጎድላቸው ሰዎች አብረው ይጠፋሉ፤+

ሀብታቸውንም ለሌሎች ትተውት ያልፋሉ።+

11 ምኞታቸው ቤቶቻቸው ለዘላለም እንዲኖሩ፣

ድንኳናቸውም ከትውልድ ወደ ትውልድ እንዲተላለፍ ነው።

12 ይሁንና የሰው ልጅ የተከበረ ቢሆንም እንኳ በሕይወት አይዘልቅም፤+

ከሚጠፉ እንስሳት ምንም አይሻልም።+

13 የሞኞች መንገድ ይህ ነው፤+

እነሱ በሚናገሩት ከንቱ ቃል ተደስተው የሚከተሏቸው ሰዎች መንገድም ይኸው ነው። (ሴላ)

ሞት እረኛቸው ይሆናል፤

በማለዳ ቅኖች ይገዟቸዋል።+

ደብዛቸው ይጠፋል፤+

በቤተ መንግሥት ፋንታ መቃብር* መኖሪያቸው ይሆናል።+

15 ሆኖም አምላክ ከመቃብር* እጅ ይዋጀኛል፤*+

እሱ ይይዘኛልና። (ሴላ)

16 ሰው ሀብታም ሲሆንና

የቤቱ ክብር ሲጨምር አትፍራው፤

17 በሚሞትበት ጊዜ ከእሱ ጋር አንዳች ነገር ሊወስድ አይችልምና፤+

ክብሩም አብሮት አይወርድም።+

20 የተከበረ ቢሆንም እንኳ ይህን የማይረዳ ሰው

ከሚጠፉ እንስሳት ምንም አይሻልም።+

50 የአማልክት አምላክ የሆነው ይሖዋ+ ተናግሯል፤

ከፀሐይ መውጫ አንስቶ እስከ መግቢያው* ድረስ

ምድርን ይጠራል።

በፊቱ የሚባላ እሳት አለ፤+

በዙሪያውም ሁሉ ኃይለኛ አውሎ ነፋስ ይነፍሳል።+

 4 በሕዝቡ ላይ ለመፍረድ፣+

በላይ ያሉትን ሰማያትና ምድርን ይጠራል፤+

 5 “በመሥዋዕት አማካኝነት ከእኔ ጋር ቃል ኪዳን የሚያደርጉትን፣+

ታማኝ አገልጋዮቼን ወደ እኔ ሰብስቡ” ይላል።

 6 ሰማያት ጽድቁን ያውጃሉ፤

አምላክ ራሱ ፈራጅ ነውና።+ (ሴላ)

 7 “ሕዝቤ ሆይ፣ ስማ፤ እኔም እናገራለሁ፤

እስራኤል ሆይ፣ በአንተ ላይ እመሠክርብሃለሁ።+

 8 በመሥዋዕቶችህም ሆነ

ዘወትር በፊቴ ባሉት የሚቃጠሉ መባዎችህ የተነሳ አልወቅስህም።+

 9 ከቤትህ ኮርማ፣

ከጉረኖህም ፍየሎች* መውሰድ አያስፈልገኝም።+

10 በጫካ ውስጥ ያሉ የዱር እንስሳት ሁሉ፣

በሺህ ተራሮች ላይ ያሉ አራዊትም እንኳ የእኔ ናቸውና።+

11 በተራሮች ላይ የሚኖሩትን ወፎች ሁሉ አውቃለሁ፤+

በመስክ ያሉ ስፍር ቁጥር የሌላቸው እንስሳት የእኔ ናቸው።

12 ብራብ እንኳ ለአንተ አልነግርህም፤

ፍሬያማ የሆነችው ምድርና በውስጧ ያለው ሁሉ የእኔ ነውና።+

13 የኮርማዎችን ሥጋ እበላለሁ?

የፍየሎችንስ ደም እጠጣለሁ?+

14 ምስጋናን ለአምላክ መሥዋዕት አድርገህ አቅርብ፤+

ስእለትህንም ለልዑሉ አምላክ ስጥ፤+

15 በጭንቅ ቀን ጥራኝ።+

“ስለ ሥርዓቴ ለማውራት፣

ወይም ደግሞ ስለ ቃል ኪዳኔ ለመናገር ምን መብት አለህ?+

17 ተግሣጼን* ትጠላለህና፤

ለቃሌም ጀርባህን ትሰጣለህ።*+

18 ሌባ ስታይ ትደግፈዋለህ፤*+

ከአመንዝሮችም ጋር ትወዳጃለህ።

19 አንደበትህን ክፉ ወሬ ለመንዛት ትጠቀምበታለህ፤

ማታለያም ከምላስህ አይጠፋም።+

20 ከሌሎች ጋር ተቀምጠህ ወንድምህን ታማለህ፤+

የገዛ እናትህን ልጅ ድክመት ታወራለህ።*

21 እነዚህን ሁሉ ነገሮች ስታደርግ፣ ዝም አልኩ፤

በመሆኑም እንደ አንተ የምሆን መስሎህ ነበር።

አሁን ግን እወቅስሃለሁ፤

ከአንተ ጋር ያለኝንም ሙግት አሳውቃለሁ።+

22 እናንተ አምላክን የምትረሱ፣ እባካችሁ ይህን ልብ በሉ፤+

አለዚያ ብትንትናችሁን አወጣለሁ፤ የሚታደጋችሁም አይኖርም።

23 ምስጋናን መሥዋዕት አድርጎ የሚያቀርብልኝ ያከብረኛል፤+

ደግሞም ትክክለኛውን መንገድ በጥብቅ የሚከተልን ሰው፣

የአምላክን ማዳን እንዲያይ አደርገዋለሁ።”+

 2 ከበደሌ ሙሉ በሙሉ እጠበኝ፤+

ከኃጢአቴም አንጻኝ።+

 3 መተላለፌን በሚገባ አውቃለሁና፤

ኃጢአቴም ሁልጊዜ በፊቴ ነው።*+

 4 አንተን፣ አዎ ከማንም በላይ አንተን* በደልኩ፤+

በአንተ ዓይን ክፉ የሆነውን ነገር ፈጸምኩ።+

ስለዚህ አንተ በምትናገርበት ጊዜ ጻድቅ ነህ፤

በምትፈርድበት ጊዜም ትክክል ነህ።+

 5 እነሆ፣ በደለኛ ሆኜ ተወለድኩ፤

እናቴም በኃጢአት ፀነሰችኝ።*+

 6 ከልብ የመነጨ እውነት ደስ ያሰኝሃል፤+

ልቤን* እውነተኛ ጥበብ አስተምረው።

 7 ንጹሕ እሆን ዘንድ በሂሶጵ ከኃጢአቴ አንጻኝ፤+

ከበረዶም የበለጠ እነጣ ዘንድ እጠበኝ።+

 8 ያደቀቅካቸው አጥንቶች ደስ እንዲላቸው፣+

የደስታንና የሐሴትን ድምፅ አሰማኝ።

 9 ፊትህን ከኃጢአቴ መልስ፤*+

የፈጸምኳቸውንም ስህተቶች ሁሉ አስወግድ።*+

10 አምላክ ሆይ፣ ንጹሕ ልብ ፍጠርልኝ፤+

በውስጤም ጽኑ የሆነ አዲስ መንፈስ አኑር።+

11 ከፊትህ አትጣለኝ፤

ቅዱስ መንፈስህንም ከእኔ አትውሰድ።

12 የአንተ ማዳን የሚያስገኘውን ደስታ መልስልኝ፤+

አንተን የመታዘዝ ፍላጎት በውስጤ እንዲቀሰቀስ አድርግ።*

13 ኃጢአተኞች ወደ አንተ እንዲመለሱ፣

ለሕግ ተላላፊዎች መንገድህን አስተምራለሁ።+

14 አምላክ ሆይ፣ የመዳኔ አምላክ፣+ አንደበቴ ጽድቅህን በደስታ ያስታውቅ ዘንድ+

የደም ባለዕዳ ከመሆን አድነኝ።+

15 ይሖዋ ሆይ፣ አፌ ምስጋናህን እንዲያውጅ

ከንፈሮቼን ክፈት።+

16 መሥዋዕት እንዲቀርብልህ አትፈልግምና፤ ቢሆንማ ኖሮ ባቀረብኩልህ ነበር፤+

ሙሉ በሙሉ የሚቃጠል መባ አያስደስትህም።+

17 አምላክን የሚያስደስተው መሥዋዕት የተሰበረ መንፈስ ነው፤

አምላክ ሆይ፣ የተሰበረንና የተደቆሰን ልብ ችላ አትልም።*+

18 በበጎ ፈቃድህ ለጽዮን መልካም ነገር አድርግላት፤

የኢየሩሳሌምን ግንቦች ገንባ።

19 በዚያን ጊዜ የጽድቅ መሥዋዕቶች፣

የሚቃጠሉ መሥዋዕቶችና ሙሉ በሙሉ የሚቀርቡ መባዎች ደስ ያሰኙሃል፤

በዚያን ጊዜ ኮርማዎች በመሠዊያህ ላይ ይቀርባሉ።+

 2 ምላስህ እንደ ምላጭ የተሳለ ነው፤+

ጥፋትን ይሸርባል፤ ተንኮልንም ያቀነባብራል።+

 3 መልካም ከሆነው ነገር ይልቅ ክፋትን፣

ትክክል የሆነውን ነገር ከመናገር ይልቅ ሐሰትን ትወዳለህ። (ሴላ)

 4 አንተ አታላይ ምላስ!

ጎጂ ቃልን ሁሉ ትወዳለህ።

 5 በመሆኑም አምላክ ለአንዴና ለመጨረሻ ጊዜ ያንኮታኩትሃል፤+

መንጭቆ ይወስድሃል፤ ከድንኳንህም ጎትቶ ያወጣሃል፤+

ከሕያዋን ምድር ይነቅልሃል።+ (ሴላ)

 6 ጻድቃንም ይህን አይተው በፍርሃት* ይዋጣሉ፤+

በእሱም ላይ ይስቃሉ።+

 7 “እንዲህ ያለ ሰው አምላክን መጠጊያው* አያደርግም፤+

ይልቁንም በታላቅ ሀብቱ ይታመናል፤+

ራሱ በሚጠነስሰውም ሴራ* ይመካል።”*

 8 እኔ ግን በአምላክ ቤት እንዳለ የለመለመ የወይራ ዛፍ እሆናለሁ፤

ለዘላለም በአምላክ ታማኝ ፍቅር እታመናለሁ።+

 9 እርምጃ ስለወሰድክ ለዘላለም አወድስሃለሁ፤+

መልካም ነውና፣ በታማኝ አገልጋዮችህ ፊት

በስምህ ተስፋ አደርጋለሁ።+

የዓመፅ ድርጊታቸው ብልሹና አስጸያፊ ነው፤

መልካም የሚሠራ ማንም የለም።+

 2 ሆኖም ጥልቅ ማስተዋል ያለውና ይሖዋን የሚፈልግ ሰው ይኖር እንደሆነ ለማየት+

አምላክ ከሰማይ ሆኖ ወደ ሰው ልጆች ይመለከታል።+

 3 ሁሉም ወደ ሌላ ዞር ብለዋል፤

ሁሉም ብልሹ ናቸው።

መልካም የሚሠራ ማንም የለም፤

አንድ እንኳ የለም።+

 5 ይሁንና በታላቅ ሽብር፣

ከዚህ በፊት ተሰምቷቸው በማያውቅ ታላቅ ፍርሃት ይዋጣሉ፤*

በአንተ ላይ ጥቃት የሚሰነዝሩትን* ሰዎች አጥንት አምላክ ይበታትነዋልና።

ይሖዋ የተማረከውን ሕዝቡን በሚመልስበት ጊዜ፣

ያዕቆብ ደስ ይበለው፤ እስራኤል ሐሴት ያድርግ።

54 አምላክ ሆይ፣ በስምህ አድነኝ፤+

በኃይልህም ደግፈኝ።*+

 2 አምላክ ሆይ፣ ጸሎቴን ስማ፤+

ለአፌም ቃል ትኩረት ስጥ።

 3 ባዕዳን በእኔ ላይ ተነስተዋልና፤

ጨካኝ ሰዎችም ሕይወቴን* ይሻሉ።+

 4 እነሆ፣ አምላክ ረዳቴ ነው፤+

ይሖዋ እኔን* ከሚደግፉ ጋር ነው።

 5 የገዛ ክፋታቸውን በጠላቶቼ ላይ ይመልስባቸዋል፤+

በታማኝነትህ አስወግዳቸው።*+

 7 ከጭንቅ ሁሉ ያድነኛልና፤+

ጠላቶቼንም በድል አድራጊነት እመለከታለሁ።+

55 አምላክ ሆይ፣ ጸሎቴን ስማ፤+

ምሕረት እንድታደርግልኝ የማቀርበውንም ልመና ቸል አትበል።*+

ያሳሰበኝ ጉዳይ እረፍት ነስቶኛል፤+

ደግሞም በጣም ተጨንቄአለሁ፤

 3 ይህም ጠላት ከሚናገረው ቃል፣

ክፉውም ሰው ከሚያሳድረው ጫና የተነሳ ነው።

እነሱ በእኔ ላይ መከራ ይከምራሉና፤

በቁጣም ተሞልተው በጥላቻ ዓይን ያዩኛል።+

 4 ልቤ በውስጤ በጣም ተጨነቀ፤+

የሞት ፍርሃትም ዋጠኝ።+

 5 ፍርሃት አደረብኝ፤ ደግሞም ተንቀጠቀጥኩ፤

ብርክም ያዘኝ።

 8 ከአውሎ ነፋስና ከውሽንፍር ሸሽቼ

መጠለያ ወደማገኝበት ቦታ ፈጥኜ በሄድኩ ነበር።”

 9 ይሖዋ ሆይ፣ ግራ አጋባቸው፤ ዕቅዳቸውንም አጨናግፍ፤+

በከተማዋ ውስጥ ዓመፅና ብጥብጥ አይቻለሁና።

10 ቅጥሮቿ ላይ ወጥተው ቀንና ሌሊት ይዞራሉ፤

በውስጧም ተንኮልና መከራ አለ።+

11 ጥፋት በመካከሏ አለ፤

ጭቆናና ማታለል ከአደባባይዋ ፈጽሞ አይጠፉም።+

12 የሚዘልፈኝ ጠላት አይደለምና፤+

ቢሆንማ ኖሮ በቻልኩት ነበር።

በእኔ ላይ የተነሳው ባላጋራ አይደለም፤

ቢሆንማ ኖሮ ከእሱ በተሸሸግኩ ነበር።

13 ነገር ግን ይህን ያደረግከው እንደ እኔው ሰው* የሆንከው አንተ ነህ፤+

በሚገባ የማውቅህ የገዛ ጓደኛዬ ነህ።+

14 በመካከላችን የጠበቀ ወዳጅነት ነበር፤

ከብዙ ሕዝብ ጋር ወደ አምላክ ቤት አብረን እንሄድ ነበር።

በሕይወት ሳሉ ወደ መቃብር* ይውረዱ፤

ክፋት በመካከላቸውና በውስጣቸው ያድራልና።

16 እኔ በበኩሌ አምላክን እጣራለሁ፤

ይሖዋም ያድነኛል።+

17 በማታ፣ በጠዋትና በቀትር እጨነቃለሁ፤ ደግሞም እቃትታለሁ፤*+

እሱም ድምፄን ይሰማል።+

18 በእኔ ላይ ጦርነት ከከፈቱ ሰዎች ይታደገኛል፤* ሰላም እንዳገኝም ያደርጋል፤

እጅግ ብዙ ሰዎች በእኔ ላይ ተነስተዋልና።+

19 ከጥንት ጀምሮ በዙፋኑ ላይ የተቀመጠው አምላክ+ ይሰማል፤

ምላሽም ይሰጣቸዋል።+ (ሴላ)

አምላክን የማይፈሩት እነዚህ ሰዎች+

ለመለወጥ ፈቃደኞች አይደሉም።

20 ከእሱ* ጋር ሰላም በነበራቸው ሰዎች ላይ ጥቃት ሰንዝሯል፤+

የገባውን ቃል ኪዳን አፍርሷል።+

21 የሚናገራቸው ቃላት ከቅቤ ይልቅ የለሰለሱ ናቸው፤+

በልቡ ውስጥ ግን ጠብ አለ።

ቃሎቹ ከዘይት ይልቅ የለሰለሱ ቢሆኑም

እንደተመዘዘ ሰይፍ ናቸው።+

22 ሸክምህን በይሖዋ ላይ ጣል፤+

እሱም ይደግፍሃል።+

 2 ጠላቶቼ ቀኑን ሙሉ እኔን ለመንከስ ይሞክራሉ፤

ብዙዎች በእብሪት ተነሳስተው ይዋጉኛል።

 4 ቃሉን በማወድሰው አምላክ፣

አዎ፣ በአምላክ እታመናለሁ፤ አልፈራም።

 5 ቀኑን ሙሉ የእኔን ጉዳይ ለማበላሸት ይጥራሉ፤

ሐሳባቸው እኔን መጉዳት ብቻ ነው።+

 6 እኔን ለማጥቃት ራሳቸውን ይሰውራሉ፤

ሕይወቴን* ለማጥፋት በመሻት+

እርምጃዬን አንድ በአንድ ይከታተላሉ።+

10 ቃሉን በማወድሰው አምላክ፣

ቃሉን በማወድሰው በይሖዋ፣

11 አዎ፣ በአምላክ እታመናለሁ፤ አልፈራም።+

12 አምላክ ሆይ፣ ለአንተ በተሳልኳቸው ስእለቶች የተነሳ ግዴታ ውስጥ ገብቻለሁ፤+

ለአንተ የምስጋና መሥዋዕት አቀርባለሁ።+

13 አንተ ከሞት ታድገኸኛልና፤*+

እግሮቼንም ከእንቅፋት አድነሃል፤+

ይህም በሕያዋን ብርሃን በአምላክ ፊት እመላለስ ዘንድ ነው።+

57 ሞገስ አሳየኝ፤ አምላክ ሆይ፣ ሞገስ አሳየኝ፤

አንተን መጠጊያ አድርጌአለሁና፤*+

መከራው እስኪያልፍ ድረስ በክንፎችህ ጥላ ሥር እጠለላለሁ።+

 2 ወደ ልዑሉ አምላክ፣

ለእኔ ሲል መከራውን ወደሚያስቆመው ወደ እውነተኛው አምላክ እጣራለሁ።

 4 አንበሶች ከበውኛል፤*+

ሊውጡኝ በሚፈልጉ ሰዎች መካከል ለመተኛት ተገድጃለሁ፤

ጥርሳቸው ጦርና ፍላጻ ነው፤

ምላሳቸውም የተሳለ ሰይፍ ነው።+

 5 አምላክ ሆይ፣ ከሰማያት በላይ ከፍ ከፍ በል፤

ክብርህ በምድር ሁሉ ላይ ይሁን።+

 6 እግሮቼን ለመያዝ ወጥመድ አዘጋጅተዋል፤+

ከጭንቅ የተነሳ ጎብጫለሁ።*+

በፊቴ ጉድጓድ ቆፈሩ፤

ነገር ግን ራሳቸው ገቡበት።+ (ሴላ)

 7 ልቤ ጽኑ ነው፤

አምላክ ሆይ፣ ልቤ ጽኑ ነው።+

 9 ይሖዋ ሆይ፣ በሕዝቦች መካከል አወድስሃለሁ፤+

በብሔራት መካከል የውዳሴ መዝሙር እዘምርልሃለሁ።+

10 ታማኝ ፍቅርህ ታላቅ ነውና፤ እንደ ሰማያት ከፍ ያለ ነው፤+

ታማኝነትህም እስከ ደመናት ድረስ ነው።

11 አምላክ ሆይ፣ ከሰማያት በላይ ከፍ ከፍ በል፤

ክብርህ በምድር ሁሉ ላይ ይሁን።+

 2 ይልቁንም በልባችሁ ክፋት ትጠነስሳላችሁ፤+

እጆቻችሁም በምድሪቱ ላይ ዓመፅ ያስፋፋሉ።+

 3 ክፉዎች፣ ከተወለዱበት ጊዜ* ጀምሮ መንገድ ስተዋል፤*

ከተወለዱበት ጊዜ አንስቶ ሥርዓት የሌላቸውና ውሸታሞች ናቸው።

 4 መርዛቸው እንደ እባብ መርዝ ነው፤+

ጆሮውን እንደ ደፈነ ጉበና* ደንቆሮ ናቸው።

 5 ድግምተኞቹ ምንም ያህል ችሎታ ቢኖራቸው

ጉበናው ድምፃቸውን አይሰማም።

 8 ሲሄድ እንደሚቀልጥ ቀንድ አውጣ ይሁኑ፤

ፀሐይን ፈጽሞ እንደማያይ ከሴት የተወለደ ጭንጋፍ ይሁኑ።

 9 በእሳት የተቀጣጠለው እሾህ ድስታችሁን ሳያሞቀው፣

አምላክ እርጥቡንም ሆነ የሚነደውን ቅርንጫፍ እንደ አውሎ ነፋስ ጠራርጎ ይወስደዋል።+

10 ጻድቅ ሰው በክፉዎች ላይ የተወሰደውን የበቀል እርምጃ በማየቱ ደስ ይለዋል፤+

እግሮቹ በእነሱ ደም ይርሳሉ።+

59 አምላኬ ሆይ፣ ከጠላቶቼ ታደገኝ፤+

በእኔ ላይ ከተነሱት ሰዎች ጠብቀኝ።+

 2 ከክፉ አድራጊዎች ታደገኝ፤

ከጨካኝ* ሰዎችም አድነኝ።

 3 እነሆ፣ እኔን* ለማጥቃት አድፍጠው ይጠብቃሉ፤+

ይሖዋ ሆይ፣ ምንም ዓይነት ዓመፅም ሆነ ኃጢአት ሳይገኝብኝ

ብርቱ የሆኑ ሰዎች ያጠቁኛል።+

 6 በየምሽቱ ተመልሰው ይመጣሉ፤+

እንደ ውሾች እያጉረመረሙ* በከተማዋ ዙሪያ ያደባሉ።+

 7 ከአፋቸው የሚዥጎደጎደውን* ተመልከት፤

ከንፈሮቻቸው እንደ ሰይፍ ናቸው፤+

“ማን ይሰማል?” ይላሉና።+

 8 ይሖዋ ሆይ፣ አንተ ግን ትስቅባቸዋለህ፤+

ብሔራትን ሁሉ ታላግጥባቸዋለህ።+

 9 ብርታቴ ሆይ፣ አንተን እጠባበቃለሁ፤+

አምላክ አስተማማኝ መጠጊያዬ ነውና።+

10 ታማኝ ፍቅር የሚያሳየኝ አምላክ ይረዳኛል፤+

አምላክ ጠላቶቼን በድል አድራጊነት ስሜት እንዳያቸው ያደርገኛል።+

በኃይልህ እንዲቅበዘበዙ አድርጋቸው፤

ጋሻችን ይሖዋ ሆይ፣ ለውድቀት ዳርጋቸው።+

12 ከአፋቸው ኃጢአትና ከከንፈራቸው ቃል፣

ከሚናገሩት እርግማንና የማታለያ ቃል የተነሳ

በኩራታቸው ይጠመዱ።+

13 በቁጣህ አጥፋቸው፤+

ከሕልውና ውጭ እንዲሆኑ ደምስሳቸው፤

አምላክ ያዕቆብንና መላውን ምድር በመግዛት ላይ እንደሆነ አሳውቃቸው።+ (ሴላ)

14 ምሽት ላይ ተመልሰው ይምጡ፤

እንደ ውሾች እያጉረመረሙ* በከተማዋ ዙሪያ ያድቡ።+

15 ምግብ ፍለጋ ወዲያ ወዲህ ይንከራተቱ፤+

በልተውም አይጥገቡ፤ የሚያርፉበት ቦታም ይጡ።

16 እኔ ግን ስለ ብርታትህ እዘምራለሁ፤+

በማለዳ ስለ ታማኝ ፍቅርህ በደስታ እናገራለሁ።

አንተ አስተማማኝ መጠጊያዬ፣

ደግሞም በጭንቀቴ ቀን መሸሸጊያዬ ነህና።+

17 ብርታቴ ሆይ፣ ለአንተ የውዳሴ መዝሙር እዘምራለሁ፤+

ታማኝ ፍቅር የሚያሳየኝ አምላክ አስተማማኝ መጠጊያዬ ነውና።+

 4 አንተን የሚፈሩ ከቀስት መሸሽና ማምለጥ እንዲችሉ

ምልክት አቁምላቸው።* (ሴላ)

 5 የምትወዳቸው ሰዎች እንዲድኑ

በቀኝ እጅህ ታደገን፤ ደግሞም መልስ ስጠን።+

“ሐሴት አደርጋለሁ፤ ሴኬምን ርስት አድርጌ እሰጣለሁ፤+

የሱኮትንም ሸለቆ* አከፋፍላለሁ።+

 7 ጊልያድም ሆነ ምናሴ የእኔ ናቸው፤+

ኤፍሬምም የራስ ቁሬ ነው፤*

ይሁዳ በትረ መንግሥቴ ነው።+

10 አምላክ ሆይ፣ ገሸሽ ያደረግከን አንተ አይደለህም?

አምላካችን ሆይ፣ ከሠራዊታችን ጋር አብረህ አትወጣም።+

11 ከጭንቅ እንድንገላገል እርዳን፤

የሰው ማዳን ከንቱ ነውና።+

12 አምላክ ኃይል ይሰጠናል፤+

ጠላቶቻችንንም ይረጋግጣቸዋል።+

 2 ልቤ ተስፋ በቆረጠ* ጊዜ

ከምድር ዳርቻ ወደ አንተ እጮኻለሁ።+

 3 አንተ መጠጊያዬ ነህና፤

ከጠላት የምትጠብቀኝ ጽኑ ግንብ ነህ።+

 4 በድንኳንህ ለዘላለም በእንግድነት እቀመጣለሁ፤+

በክንፎችህ ጥላ ሥር እጠለላለሁ።+ (ሴላ)

 6 የንጉሡን ሕይወት* ታረዝምለታለህ፤+

ዕድሜውም ከትውልድ እስከ ትውልድ ድረስ ይሆናል።

 7 በአምላክ ፊት ለዘላለም ይነግሣል፤*+

ታማኝ ፍቅርና ታማኝነት እንዲጠብቁት እዘዝ።*+

 8 እኔም ስእለቴን በየቀኑ ስፈጽም፣+

ለስምህ ለዘላለም የውዳሴ መዝሙር እዘምራለሁ።+

 2 በእርግጥም እሱ ዓለቴና አዳኜ እንዲሁም አስተማማኝ መጠጊያዬ ነው፤+

ከልክ በላይ አልናወጥም።+

 4 ካለበት ከፍ ያለ ቦታ ሊጥሉት* እርስ በርሳቸው ይማከራሉና፤

በመዋሸት ደስ ይሰኛሉ።

 5 ዝም ብዬ አምላክን እጠባበቃለሁ፤*+

ምክንያቱም ተስፋዬ የሚመጣው ከእሱ ዘንድ ነው።+

 6 በእርግጥም እሱ ዓለቴና አዳኜ እንዲሁም አስተማማኝ መጠጊያዬ ነው፤

በምንም ዓይነት አልናወጥም።+

 9 የሰው ልጆች እስትንፋስ ናቸው፤

ሰዎች ከንቱ መመኪያ ናቸው።+

10 በዝርፊያ አትታመኑ፤

ወይም በስርቆት እጠቀማለሁ ብላችሁ በከንቱ ተስፋ አታድርጉ።

12 ይሖዋ ሆይ፣ ታማኝ ፍቅርም የአንተ ነው፤+

ለእያንዳንዱ እንደ ሥራው ትከፍላለህና።+

ውኃ በሌለበት ደረቅና የተጠማ ምድር

አንተን ከመናፈቄ የተነሳ እጅግ ዝያለሁ።*+

 2 ስለዚህ በቅዱሱ ስፍራ አንተን ተመለከትኩ፤

ብርታትህንና ክብርህን አየሁ።+

 3 ታማኝ ፍቅርህ ከሕይወት ስለሚሻል+

የገዛ ከንፈሮቼ ያመሰግኑሃል።+

 4 በመሆኑም በሕይወቴ ዘመን ሁሉ አወድስሃለሁ፤

በአንተም ስም እጆቼን ወደ ላይ አነሳለሁ።

 5 ምርጥ የሆነውንና ስቡን በልቼ ጠገብኩ፤*

ስለዚህ በከንፈሬ እልልታ አፌ ያወድስሃል።+

 6 መኝታዬ ላይ ሆኜ አንተን አስታውሳለሁ፤

ሌሊት* ስለ አንተ አሰላስላለሁ።+

 7 አንተ ረዳቴ ነህና፤+

በክንፎችህም ጥላ ሥር ሆኜ እልል እላለሁ።+

 8 አንተን የሙጥኝ እላለሁ፤*

ቀኝ እጅህ አጥብቆ ይይዘኛል።+

 9 ሕይወቴን ለማጥፋት* የሚሹ ሰዎች ግን

ወደ ምድር ጥልቅ ይወርዳሉ።

10 ለሰይፍ ስለት አልፈው ይሰጣሉ፤

የቀበሮዎችም ምግብ ይሆናሉ።

በእሱ የሚምል ሰው ሁሉ ይደሰታል፤*

ሐሰትን የሚናገሩ ሰዎች አፍ ይዘጋልና።

 2 ከክፉ ሰዎች ስውር ሴራ፣

ከክፉ አድራጊዎች ሸንጎ ጠብቀኝ፤+

 3 እነሱ ምላሳቸውን እንደ ሰይፍ ይስላሉ፤

መርዘኛ ቃላቸውን እንደ ቀስት ያነጣጥራሉ፤

 4 ይህን የሚያደርጉት ከተደበቁበት ቦታ ሆነው ንጹሑን ሰው ለመምታት ነው፤

ያላንዳች ፍርሃት በድንገት ይመቱታል።

 5 ክፉ ዓላማቸውን ከመፈጸም ወደኋላ አይሉም፤*

በስውር እንዴት ወጥመድ እንደሚዘረጉ ይነጋገራሉ።

 6 ክፉ ነገር ለመሥራት አዳዲስ መንገዶች ይቀይሳሉ፤

የረቀቀ ሴራቸውን በስውር ይሸርባሉ፤+

በእያንዳንዳቸው ልብ ውስጥ ያለው ሐሳብ አይደረስበትም።

 7 ሆኖም አምላክ ይመታቸዋል፤+

እነሱም በድንገት በቀስት ይቆስላሉ።

 8 የገዛ ምላሳቸው ለውድቀት ይዳርጋቸዋል፤+

ይህን የሚመለከቱ ሁሉ ራሳቸውን ይነቀንቃሉ።

 9 በዚህ ጊዜ ሰዎች ሁሉ ይፈራሉ፤

አምላክ ያደረገውንም ነገር ያውጃሉ፤

ሥራውንም በሚገባ ያስተውላሉ።+

10 ጻድቅ ሰው በይሖዋ ሐሴት ያደርጋል፤ እሱንም መጠጊያው ያደርጋል፤+

ቀና ልብ ያላቸውም ሁሉ ይደሰታሉ።*

65 አምላክ ሆይ፣ በጽዮን+ ውዳሴ ይቀርብልሃል፤

የተሳልነውን ለአንተ እንሰጣለን።+

 3 የፈጸምኳቸው በደሎች አሸንፈውኛል፤+

አንተ ግን መተላለፋችንን ይቅር አልክ።+

 4 በቅጥር ግቢዎችህ ይኖር ዘንድ

የመረጥከውና ያቀረብከው ሰው ደስተኛ ነው።+

እኛም በቤትህ፣

ቅዱስ በሆነው ቤተ መቅደስህ+ ውስጥ ባሉ ጥሩ ነገሮች እንረካለን።+