SALAMO

1 Sambatra ny olona tsy manaraka* ny torohevitry ny ratsy fanahy,

Sy tsy mijoro eny amin’ny lalan’ny mpanota,+

Ary tsy mipetraka eny amin’izay ipetrahan’ny mpanesoeso.+

 2 Fa ny lalàn’i Jehovah no mahafinaritra azy,+

Ary ny lalàny no vakiny sy saintsaininy* andro aman’alina.+

 3 Ho toy ny hazo nambolena eo amoron’ny rano mikoriana izy,

Dia hazo mamoa amin’ny fotoanany,

Sady tsy mba malazo ny raviny.

 4 Tsy mba toy izany kosa ny ratsy fanahy;

Toy ny akofa entin’ny rivotra izy ireo.

 5 Izany no mahatonga ny ratsy fanahy tsy hahajoro eo anatrehan’ny fitsarana,+

Sy mahatonga ny mpanota tsy hahajoro eo anivon’ny olo-marina.+

 6 Fantatr’i Jehovah mantsy ny lalan’ny olo-marina,+

Fa ny lalan’ny ratsy fanahy kosa ho foana.+

2 Nahoana no mikorontana ireo firenena,

Ary mingonongonona miteny* zavatra tsy misy dikany ny vahoaka?+

 2 Mitsangana ireo mpanjakan’ny tany

Ary mivondrona* ny manam-pahefana ambony,+

Mba hanohitra an’i Jehovah sy ilay voahosotra notendreny.*+

 3 Hoy izy ireo: “Andao hotapahintsika ny fatotra nataony,

Ary hariantsika ny tady namatorany antsika!”

 4 Hihomehy fotsiny anefa Ilay mipetraka eo amin’ny seza fiandrianana any an-danitra;

Haneso azy ireo i Jehovah.

 5 Ho tezitra be izy amin’izay rehefa hiteny amin’izy ireo,

Ary hampihorohoro azy ireo amin-katezerana mafy,

 6 Ka hilaza hoe: “Izaho mihitsy no efa nametraka ny mpanjakako+

Ao Ziona,+ tendrombohitro masina.”

 7 Hanambara ny didin’i Jehovah aho.

Hoy izy tamiko: “Zanako ianao;+

Androany aho no lasa rainao.+

 8 Angataho amiko ireo firenena, dia homeko ho lovanao,

Ary ny tany manontolo, fa homeko ho fanananao.+

 9 Hopotehinao amin’ny tehina vy+ ireny,

Ary hotorotoroinao toy ny vilany tanimanga.”+

10 Koa asehoy hoe misaina tsara ianareo, ry mpanjaka;

Maneke fanitsiana,* ry mpitsara eto an-tany!

11 Manompoa an’i Jehovah sady matahora azy,

Ary mifalia, nefa koa mangovita.

12 Omeo voninahitra* ilay zanaka+ sao ho tezitra Andriamanitra*

Ka ho ringana* ianareo,+

Fa vetivety dia mirehitra ny fahatezerany.

 3 Ianao anefa no ampinga manodidina ahy, Jehovah ô,+

Ianao no voninahitro,+ ary Ianao no mampitraka ny lohako.+

 4 Hiantso mafy an’i Jehovah aho,

Dia hamaly ahy avy any an-tendrombohiny masina+ izy. (Sela)

 5 Hitsotsotra aho ka hatory,

Ary hifoha sady tsy hanana ahiahy,

Satria manohana ahy foana i Jehovah.+

 6 Tsy atahorako ny olona an’alinaliny,

Izay milahatra manodidina ahy mba hamely ahy.+

Fa hamely an’ireo fahavaloko rehetra eo amin’ny valanoranony ianao;

Hotapatapahinao ny nifin’ny ratsy fanahy.+

 3 Fantaro fa miavaka ny fomba hitondran’i Jehovah* ny olona tsy mivadika aminy;

Hihaino i Jehovah rehefa miantso azy aho.

 5 Manaova sorona araka ny fahamarinana,

Ary matokia an’i Jehovah.+

 7 Ataonao izay hahatonga ny foko ho faly kokoa

Noho ny an’ireo nahavokatra varimbazaha be dia be sy divay vaovao betsaka.

 8 Hitsotsotra sy hatory amim-piadanana aho,+

Satria ianao irery ihany, Jehovah ô, no mahatonga ahy hiadana sy hilamin-tsaina.+

5 Henoy ny teniko, Jehovah ô!+

Misento aho ka mba henoy.

 2 Henoy ny antso vonjy ataoko,

Ry Mpanjakako sy Andriamanitro ô, fa ianao no ivavahako.

 3 Jehovah ô, haheno ny feoko ianao amin’ny maraina;+

Horesahiko aminao amin’ny maraina izay mampanahy ahy,+ ary tsy ho andriko izay hahazoana ny valiny.

 4 Fa tsy mba Andriamanitra faly amin’ny faharatsiana ianao;+

Tsy misy olon-dratsy afaka miara-monina aminao.+

Mankahala an’izay rehetra manao ratsy ianao;+

 6 Haringanao izay milaza lainga.+

 7 Izaho kosa hiditra ao an-tranonao+ satria tena be fitiavana sy tsy mivadika ianao;+

Hiankohoka manandrify ny tempolinao masina* aho, noho ny fahatahorako anao.+

 8 Jehovah ô, manao ny rariny ianao. Tariho aho fa manodidina ahy ny fahavaloko;

Ataovy tsy misy sakantsakana ny lalanao mba handehanako.+

 9 Fa tsy misy azo atokisana izay lazain’izy ireo;

Tsy mieritreritra afa-tsy ny hanisy ratsy izy ireo;

Fasana misokatra ny tendany;

Mandokadoka amin’ny lelany+ izy ireo.

10 Hambaran’Andriamanitra hoe meloka anefa izy ireo;

Ny tetika nataony ihany no hahavoa azy.+

Enga anie izy ireo ho voaroaka fa nandika lalàna imbetsaka,

Satria nikomy taminao!

11 Hifaly kosa izay rehetra mialoka aminao;+

Hihoby foana izy ireo.

Hosakananao izay manatona hamely azy,

Ary hifaly aminao izay tia ny anaranao.

12 Fa hotahinao ny olo-marina, Jehovah ô!

Hataonao manodidina azy toy ny ampinga lehibe ny fankasitrahanao.+

6 Jehovah ô, aza tezitra rehefa mananatra ahy ianao,

Ary aza misafoaka rehefa manitsy ahy.+

 3 Mikorontan-tsaina be aho,+

Ka manontany anao hoe: Jehovah ô, mandra-pahoviana no hitohy izao?+

 4 Miverena ka afaho aho, Jehovah ô!+

Vonjeo aho fa be fitiavana sy tsy mivadika ianao.+

 5 Tsy afaka miresaka* momba anao mantsy ny maty.

Iza ao amin’ny Fasana* no hidera anao?+

 6 Sasatry ny misento aho;+

Vonton’ny ranomasoko* ny fandrianako mandritra ny alina;

Kotsan’ny ranomasoko ny farafarako.+

 7 Reraky ny alahelo ny masoko+

Sady manjavozavo,* noho ny ataon’izay rehetra mampijaly ahy.

 8 Mialà eto amiko ianareo rehetra manao ratsy,

Fa ho ren’i Jehovah ny fitomaniako.+

 9 Ho ren’i Jehovah ny fitalahoako famindram-po;+

Hohenoin’i Jehovah ny vavaka ataoko.

10 Ho menatra be sy ho very hevitra ny fahavaloko rehetra;

Handositra izy ireo ka ho afa-baraka+ tampoka.

 2 Raha tsy izany mantsy, dia hoviravirain’izy ireo toy ny ataon’ny liona aho,+

Ka hoentiny mandositra nefa tsy misy mpamonjy.

 3 Jehovah Andriamanitro ô, raha izaho no diso,

Na nanao ny tsy rariny,

 4 Na nanao ratsy tamin’izay nanisy soa ahy,+

Na nandroba ny fahavaloko tsy amin’antony,*

 5 Dia aoka hanenjika ahy ny fahavalo ka hahatratra ahy;

Aoka hohitsakitsahiny eo amin’ny tany aho,*

Ary hohosihoseny eo amin’ny vovoka ny voninahitro. (Sela)

 6 Mitsangàna, Jehovah ô, ary asehoy hoe tezitra ianao!

Mijoroa hanohitra ny fisafoakan’ny fahavaloko;+

Mifohaza hamonjy ahy, ary asaivo ampiharina ny rariny.+

 7 Aoka hanodidina anao ireo firenena;

Dia hamely azy ireo avy eny amin’ny avo ianao.

Jehovah ô, tsarao araka ny fahamarinako

Sy ny tsy fivadihako+ aho.

Ataovy mafy orina kosa ny olo-marina,+

Satria ianao ilay Andriamanitra tia rariny,+ izay mandinika ny fo+ sy ny fihetseham-po lalina indrindra.*+

11 Mpitsara manao ny rariny Andriamanitra,+

Ary manambara ny didim-pitsarany* isan’andro izy.

12 Rehefa misy olona tsy mibebaka,+ dia mandranitra ny sabany+ izy;

Mamoritra sy manomana ny tsipìkany+ izy.

13 Manomana fitaovam-piadiana mahafaty izy;

Ataony vonona ny zana-tsipìka mirehitra.+

14 Jereo ilay bevohoka faharatsiana;

Fahoriana no miforona ao an-kibony, ka lainga no aterany.+

15 Mihady lavaka izy ary ataony lalina be ilay izy,

Nefa izy ihany no ho latsaka ao.+

16 Hivaly aminy* ihany ny fampahoriana ataony;+

Hilatsaka eo an-tampon-dohany ny herisetra vitany.

17 Hidera an’i Jehovah aho fa manao ny rariny izy;+

Hihira fiderana* aho ho an’ny anaran’i Jehovah,+ ilay Avo Indrindra.+

8 Ry Jehovah Tomponay ô, heni-kaja eran-tany ny anaranao;

Ataonao avo noho ny lanitra* ny voninahitrao!+

 2 Noho ny ataon’ireo manohitra anao,

Dia avy amin’ny vavan’ny ankizy sy ny zaza+ no ampisehoanao ny herinao,

Mba hampangina ny fahavalo sy ny mpamaly faty.

 3 Rehefa jereko ny lanitrao, izay asan’ny rantsantananao,

Sy ny volana ary ny kintana noforoninao,+

 4 Dia inona moa izay olombelona mety maty no tsaroanao?

Ary inona moa izay zanak’olombelona no karakarainao?+

 5 Nataonao ambany kely noho ny anjely* izy,

Ary nosatrohanao haja amam-boninahitra.

 6 Nomenao fahefana hanjaka amin’ny asan’ny tananao izy;+

Nataonao eo ambany tongony ny zava-drehetra:

 7 Ny biby fiompy rehetra, toy ny ondry aman’osy sy ny omby,

Ary koa ny bibidia,*+

 8 Ny voro-manidina, sy ny trondro any an-dranomasina,

Ary izay rehetra mivezivezy any an-dranomasina.

9 Hidera anao amin’ny foko manontolo aho, Jehovah ô!

Hilaza an’ireo zavatra rehetra mahatalanjona nataonao+ aho.

 2 Hifaly sy hiravoravo aho noho ny aminao;

Hihira fiderana* ho an’ny anaranao aho, ry Avo Indrindra ô!+

 3 Rehefa mitsoaka mandositra ny fahavaloko,+

Dia ho tafintohina sy ho ringana eo anatrehanao.

 4 Fa niaro ahy ianao mba hahazoako rariny;

Mipetraka eo amin’ny seza fiandrianana ianao, ka mitsara araka ny rariny.+

 5 Nanarinao mafy ireo firenena+ ary naringanao ny ratsy fanahy,

Ka nofafanao mandrakizay mandrakizay ny anaran’izy ireo.

 6 Ripaka tsy misy intsony ny fahavalo;

Noravanao ny tanànany,

Ka tsy hotsarovana intsony izy ireo.+

 7 I Jehovah kosa mipetraka mandrakizay eo amin’ny seza fiandrianany;+

Ataony mafy orina ny seza fiandrianany mba hampiharana ny rariny.+

 8 Hotsarainy araka ny rariny ny tany misy mponina;*+

Hamoaka didim-pitsarana ara-drariny ho an’ireo firenena izy.+

 9 Ho fialofana* azo antoka i Jehovah ho an’izay ampahorina,+

Dia fialofana azo antoka amin’ny fotoan-tsarotra.+

10 Hatoky anao izay mahalala ny anaranao;+

Tsy hafoinao mihitsy izay mitady anao, Jehovah ô!+

11 Manaova hira fiderana ho an’i Jehovah, ilay mipetraka ao Ziona;

Ampahafantaro an’ireo firenena ny zavatra nataony.+

12 Fa hahatsiaro an’ireo ampijalina Izy ka hamaly an’izay nandatsaka ny ran’izy ireo;+

Tsy hohadinoiny ny fitarainan’izy ireo.+

13 Iantrao aho, Jehovah ô! Jereo ny fahoriako noho ny ataon’ireo mankahala ahy.

Ianao no mampitsangana ahy hiala eo am-bavahadin’ny fahafatesana,+

14 Mba hanambarako eo am-bavahadin’i Ziona zanakavavy+ ny asa mendri-piderana ataonao,

Sy hifaliako noho ny asa famonjena ataonao.+

15 Latsaka ao amin’ny lavaka nataony ireo firenena;

Ny tongony ihany no voafandriky ny harato nafeniny.+

17 Handositra ho any amin’ny Fasana* ny ratsy fanahy,

Dia ny firenena rehetra manadino an’Andriamanitra.

18 Tsy hohadinoina foana kosa ny mahantra;+

Ary tsy ho foana mandrakizay ny fanantenan’ny mpandefitra.+

20 Ataovy raiki-tahotra izy ireo, Jehovah ô!+

Aoka ho fantatr’ireo firenena fa olombelona mety maty ihany izy ireo. (Sela)

 2 Manambony tena ny ratsy fanahy ka enjehiny ny tsy misy mpiaro.+

Ho voafandriky ny tetika nataony anefa izy.+

 3 Fa mirehareha momba ny faniriany feno fitiavan-tena ny ratsy fanahy,+

Ary mitso-drano an’ilay* tsy mety afa-po;

נ [Nona]

Maniratsira an’i Jehovah izy.

 4 Miavonavona ny ratsy fanahy ka tsy mba manadihady;

Izao ihany no ao an-tsainy: “Tsy misy izany Andriamanitra izany.”+

 5 Mahomby foana izay ataony,+

Nefa tsy takatry ny sainy ny didim-pitsaranao.+

Esoesoiny* daholo ny fahavalony.

 6 Hoy izy any am-pony any: “Tsy mba hangozohozo* aho.

Tsy hisy loza hanjo ahy mihitsy,+

Hatrany amin’ny taranako fara aman-dimby.”

 7 Feno ozona sy lainga ary fandrahonana ao am-bavany;+

Fampahoriana sy fampijaliana no ao ambany lelany.+

 8 Miafina mba hanafika eny akaikin’ny tanàna kely izy;

Avy ao amin’ny toeram-piafenany izy no mamono ny tsy manan-tsiny.+

10 Torotoro sy voahosihosy izay azony;

Lasa eo ambany fifehezany* ireo marefo.

Ianao no ianteheran’ny marefo;+

Ianao no mpanampy ny kamboty ray.+

15 Tapaho ny sandrin’ny ratsy fanahy sy ny olon-dratsy.+

Amin’izay rehefa mikaroka ny faharatsiany ianao,

Dia tsy hahita an’izany intsony.

18 Hanome rariny ho an’ny kamboty ray sy izay ampijalina ianao,+

Mba tsy hampatahotra azy ireo intsony ny olombelona mety maty, dia ny olona etỳ an-tany.+

 2 Jereo fa manomana* tsipìka ny ratsy fanahy;

Ataon’izy ireo eo amin’ny tadin-tsipìka ny zana-tsipìkany,

Mba hitifirany ny mahitsy fo, avy ao amin’ny maizimaizina.

 3 Raha rava ny fototra,*

Inona no azon’ny olo-marina atao?”

 5 Samy dinihin’i Jehovah na ny olo-marina na ny ratsy fanahy;+

Mankahala an’izay tia herisetra izy.*+

 6 Handrarahany fandrika* ny ratsy fanahy;

Afo sy solifara+ ary rivotra mahamay no ho anjaran’izy ireo.*

12 Vonjeo aho, Jehovah ô, fa tsy misy intsony ny olona tsy mivadika;

Tsy ahitana olona mendri-pitokisana intsony eo amin’ny olombelona.

 2 Mifandainga izy ireo;

Mandokadoka ny vavany ary avy amin’ny fo feno fitaka* ny zavatra lazainy.+

 3 Hataon’i Jehovah mangina ny molotra rehetra tia mandokadoka

Sy ny lela mieboebo be,+

 4 Dia ireo milaza hoe: “Ny lelanay no handresenay.

Azonay ampiasaina araka izay tianay ny molotray;

Iza no ho afaka hifehy anay?”+

 5 “Satria ampahorina ny olona mijaly

Ary misento ny mahantra,+

Dia hitsangana aho ka hanao zavatra”, hoy i Jehovah.

 6 Madio ny tenin’i Jehovah;+

Toy ny volafotsy voadio tao amin’ny fatana tanimanga* izany, eny, voadio impito.

 7 Hiambina azy ireo ianao, Jehovah ô!+

Hiaro azy tsirairay mandrakizay tsy ho azon’ity taranaka ity ianao.

 8 Mivezivezy malalaka etsy sy eroa ny ratsy fanahy,

Satria mampirisika ny olona ho ratsy fitondran-tena ny zanak’olombelona.+

 2 Mandra-pahoviana aho no hitebiteby,

Ka halahelo isan’andro ny foko?

Omeo hazavana ny masoko, mba tsy ho renoky ny torimasom-pahafatesana aho,

 4 Sao hilaza ny fahavaloko hoe: “Resiko izy!”

 5 Fa izaho matoky hoe be fitiavana sy tsy mivadika ianao;+

Hifaly ny foko noho ny asa famonjena ataonao.+

Tena ratsy sy maharikoriko ny zavatra ataony;

Tsy misy manao ny tsara izy ireo.+

 2 I Jehovah anefa mitazana ny zanak’olombelona avy any an-danitra,

Mba hahitana raha misy olona lalin-tsaina ka mitady an’i Jehovah.+

 3 Nivily nankany amin’ny lalan-diso izy rehetra;+

Ratsy toetra daholo izy ireo.

Tsy misy manao ny tsara,

Na iray aza.

 5 Hatahotra be anefa izy ireo,+

Satria i Jehovah no eo amin’ny taranaka manao ny marina.

 6 Ataon’ny mpanao ratsy izay tsy hahatanteraka ny fikasan’ny tsy manana.

I Jehovah anefa no ialofany.+

Rehefa ampodin’i Jehovah ny vahoakany lasa babo,

Dia hifaly i Jakoba, ary hiravoravo i Israely.

 2 Izay mandeha tsy misy tsiny*+

Sy manao izay mahitsy+

Ary milaza ny marina ao am-pony.+

 3 Tsy manendrikendrika amin’ny lelany izy,+

Na manisy ratsy olona,+

Na manala baraka* ny namany.+

 4 Tsy mety miaraka amin’ny olona tsy misy ilana azy+ izy,

Fa hajainy kosa izay matahotra an’i Jehovah.

 5 Tsy mitaky zanabola izy rehefa mampisambotra,+

Ary tsy mandray kolikoly mba hanamelohana ny tsy manan-tsiny.+

 3 Ary ny olona masina etỳ an-tany,

Izany hoe ireo mendrika ny homena voninahitra, no tena mahafinaritra ahy.”+

Tsy handraraka ra atao fanatitra zava-pisotro ho an’ireny mihitsy aho,

Ary tsy hanonona ny anarany ny molotro.+

Mahafaly be ny eo anatrehanao;+

Mahasambatra* mandrakizay ny eo ankavananao.

17 Mba henoy aho fa mangataka ny rariny, Jehovah ô!

Mba henoy aho fa miantso vonjy;

Henoy ny vavaka ataoko amim-pahatsorana.+

 2 Enga anie ianao hanome rariny ahy,+

Ary ho hitan’ny masonao anie fa manao izay mahitsy aho!

 3 Ianao efa nandinika ny foko sy nanara-maso ahy nandritra ny alina;+

Nanadio* ahy ianao;+

Ho hitanao fa tsy nitetika ny hanao ratsy aho,

Ary tsy nandika lalàna aho tamin’izay nolazaiko.

 4 Na inona na inona ataon’ny olona,

Dia ny teninao no arahiko, ka tsy manahaka ny fanaon’ny jiolahy aho.+

 5 Avelao hanaraka foana ny lalanao ny diako,

Amin’izay dia tsy ho tafintohina ny tongotro.+

 7 Asehoy amin’ny fomba miavaka hoe be fitiavana sy tsy mivadika ianao,+

Ry Mpamonjy an’izay mialoka eo amin’ny tananao ankavanana

Mba tsy ho azon’izay mikomy aminao.

 8 Arovy toy ny anakandriamasonao aho.+

Afeno eo ambany aloky ny elatrao aho.+

 9 Arovy aho mba tsy ho azon’izay ratsy fanahy mamely ahy,

Dia ireo fahavaloko mety maty izay manodidina ahy.+

10 Lasa tsy mihontsina intsony* izy ireo;

Teny feno fireharehana no avoakan’ny vavany.

11 Manodidina anay izy ireo izao,+

Miandry kendry tohina handavoana anay.*

12 Toy ny liona efa te hamiravira mafy ny rembiny izy,

Toy ny liona tanora mamitsaka mba hamely.

13 Mitsangàna, Jehovah ô, mba hifanandrina aminy+ sy handresy azy;

Vonjeo amin’ny sabatrao aho mba tsy ho azon’ny ratsy fanahy;

14 Vonjeo amin’ny tananao aho, Jehovah ô,

Mba tsy ho azon’ny olon’izao tontolo izao, izay tsy manana anjara afa-tsy amin’izao fiainana izao,+

Dia ireo mahazo zava-tsoa maro avy aminao+

Ary mamela lova ho an’ireo zanany be dia be.

15 Fa izaho kosa manao ny marina, ka hahita ny tarehinao;

Afa-po aho rehefa mifoha eo anatrehanao.*+

Ilay Andriamanitro no vatolampiko.+ Ao aminy aho no mialoka,

Izy no ampingako sy tandroka* famonjena* ahy, fialofana* azoko antoka.+

 3 I Jehovah, ilay mendrika hoderaina, no antsoiko,

Ka ho voavonjy amin’ny fahavaloko aho.+

 4 Namatotra ahy toy ny tady ny fahafatesana;+

Nampihorohoro ahy ireo olona tsy misy ilana azy, izay toy ny ranotrambo nanafotra ahy.+

 5 Nangeja ahy toy ny tady ny Fasana;*

Ary nivelatra teo anoloako ny fandriky ny fahafatesana.+

 6 Tao anatin’ny sarotra aho no niantso an’i Jehovah;

Tamin’ilay Andriamanitro foana aho no niantso vonjy.

Henony tao amin’ny tempoliny ny feoko,+

Ary ren’ny sofiny ny antso vonjy nataoko.+

 7 Dia nihozongozona sy nihetsiketsika ny tany;+

Nihovotrovotra ny fototry ny tendrombohitra

Sady nihozongozona satria nisy nampahatezitra azy.+

 8 Nisy setroka niakatra avy teo am-bavorony,

Ary nisy afo nandevona avy tamin’ny vavany;+

Nisy vainafo niredareda avy taminy.

 9 Natongilany ny lanitra rehefa nidina izy,+

Ary haizim-pito no teo ambany tongony.+

11 Dia nataony nanarona azy ny haizina.+

Nataony nanodidina azy toy ny tranolay

Ny rahona mainty sy matevina.+

12 Nisy hazavana namirapiratra teo anatrehany

Ka nampirotsaka havandra sy vainafo miredareda avy teny amin’ny rahona.

13 Dia nandefa kotroka tany an-danitra i Jehovah;+

Nataon’ilay Avo Indrindra izay handrenesana ny feony+

Niaraka tamin’ny havandra sy vainafo miredareda.

14 Nandefa ny zana-tsipìkany izy ka niparitaka ny fahavalony;+

Nandefa tselatra izy ka nataony nisahotaka ireny.+

15 Lasa hita ny fanambanin’ny renirano;*+

Niharihary ny fototry ny tany satria niteny mafy azy ianao, Jehovah ô,

Sady nitsoka azy tamin’ny fofonain’ny vavoronao.+

16 Avy any amin’ny avo izy no nanatsotra ny tanany;

Nitazona ahy izy ary nisintona ahy avy tao anaty rano lalina.+

17 Namonjy ahy tamin’ny fahavalo mahery izy,+

Dia tamin’ireo nankahala ahy, izay nahery kokoa noho izaho.+

18 Nanohitra ahy izy ireny tamin’ny andro nahitako loza,+

Nefa nanampy ahy i Jehovah.

19 Nitondra ahy nankeo amin’ny toerana tsy mampidi-doza* izy;

Namonjy ahy izy satria nankasitraka ahy.+

20 Mamaly soa ahy i Jehovah satria manao ny marina+ aho;

Mamaly soa ahy izy satria tsy manan-tsiny+ aho.*

21 Fa narahiko foana ny lalan’i Jehovah,

Ary tsy nanao ratsy aho ka hoe niala tamin’ny Andriamanitro.

22 Eo anatrehako ny didim-pitsarany rehetra;

Tsy mba hanao tsinontsinona ny fitsipiny aho.

23 Tsy hisy tsiny eo anatrehany aho,+

Sady hitandrina mba tsy hanao fahadisoana.+

24 Enga anie i Jehovah hamaly soa ahy satria manao ny marina+ aho,

Sady tsy manan-tsiny*+ eo anatrehany!

25 Ny olona tsy mivadika no tsy ivadihanao,+

Ary tsy misy tsiny ianao rehefa mifandray amin’ny olona tsy misy tsiny;+

26 Ny olona madio no isehoanao hoe madio,+

Fa ny olona fetsifetsy kosa no isehoanao hoe kinga saina.+

27 Mamonjy an’ireo olona ambany* ianao,+

Fa aetrinao kosa ny mpirehareha.*+

28 Fa ianao no mampirehitra ny jiroko, Jehovah ô,

Ilay Andriamanitro manazava ny haizina misy ahy!+

29 Manampy ahy ianao, dia vitako ny miady amin’ny mpandroba;+

Noho ny herin’Andriamanitra, dia vitako ny mianika manda.+

30 Tonga lafatra ny lalan’ilay tena Andriamanitra;+

Madio* ny tenin’i Jehovah.+

32 Ilay tena Andriamanitra no mampitafy hery ahy,+

Ary hataony izay hahalavorary ny lalako.+

33 Ataony toy ny an’ny serfa ny tongotro;

Ampijoroany eo amin’ny toerana avo aho.+

34 Mampiofana ahy* hiady izy;

Mahavita mamoritra tsipìka varahina ny sandriko.

35 Omenao ahy ny ampinga famonjenao,+

Manohana ahy* ny tananao ankavanana,

Ary lasa misandratra aho noho ianao manetry tena.+

36 Ataonao malalaka tsara ny lalana hodiaviko;

Tsy hibolisatra ny tongotro.+

37 Henjehiko ny fahavaloko ka ho tratrako;

Tsy hiverina aho raha tsy efa ringana tanteraka izy ireny.

38 Hotorotoroiko izy ireny, ka tsy ho tafatsangana intsony;+

Ho lavo eo ambany tongotro izy ireny.

39 Homenao hery hoenti-miady aho;

Hataonao lavo eo ambaniko ny fahavaloko.+

40 Hataonao mandositra eo anatrehako ny fahavaloko,*

Ary haringako* izay mankahala ahy.+

41 Miantso vonjy izy ireny, nefa tsy misy mamonjy;

Miantso an’i Jehovah mihitsy aza izy ireny, nefa tsy valiany.

42 Hataoko torotoro toy ny vovoka entin’ny rivotra izy ireny,

Ary hariako hoatran’ny fotaka eny an-dalana.

44 Hankatò ahy izy ireo raha vao mandre ny momba ahy fotsiny;

Hanatona ahy ny olona avy amin’ny firenen-kafa sady hatahotra.+

45 Tsy hanana herim-po intsony* ny olona avy amin’ny firenen-kafa;

Hangovitra izy ireo mivoaka avy ao amin’ny toerany voaro mafy.

47 Mamaly ny ratsy atao amiko ilay tena Andriamanitra;+

Ataony lasa manaiky ahy ireo firenena.

48 Mamonjy ahy amin’ny fahavaloko tezitra be izy;

Manainga ahy ho lasa ambonin’ireo manafika ahy ianao,+

Ary mamonjy ahy amin’ny olona mahery setra.

49 Izany no mahatonga ahy hanome voninahitra anao eo amin’ireo firenena, Jehovah ô,+

Sy hanao hira fiderana* ho an’ny anaranao.+

50 Manao asa famonjena lehibe* ho an’ny mpanjaka voatendriny izy;+

Tiany ny voahosotra notendreny sady tsy mivadika aminy izy,+

Dia amin’i Davida sy ny taranany mandrakizay.+

19 Ny lanitra manambara ny voninahitr’Andriamanitra;+

Ny habakabaka milaza ny asan’ny tanany.+

 2 Miboiboika teny fiderana izy ireo isan’andro,

Ary mampita fahalalana isak’alina.

 3 Tsy miteny tsy mivolana izy ireo;

Tsy re ny feony.

 4 Efa nivoaka eran-tany anefa ny tenin’izy ireo,*

Ary tonga hatrany amin’ny faran’ny tany misy mponina* ny hafatra nentiny.+

Nanangana tranolay ho an’ny masoandro, eny amin’ny lanitra, Andriamanitra;

 5 Toy ny mpampaka-bady mivoaka avy ao amin’ny efitranon’ny mpampakatra ny masoandro,

Ary mifaly toy ny lehilahy matanjaka mihazakazaka eny amin’ny lalany.

 6 Mipoitra avy any amin’ny faravodilanitra iray izy,

Ary mihodidina mankany amin’ny faravodilanitra iray;+

Tsy misy tsy azon’ny hafanany.

 8 Marina ny fitsipik’i Jehovah, mahafaly ny fo;+

Madio ny didin’i Jehovah, mampahiratra ny maso.+

10 Irina noho ny volamena ireny,

Irina noho ny volamena tena tsara* be dia be,+

Ary mamy noho ny tantely,+ dia ny tantely mitete avy amin’ny toho-tantely.

11 Fampitandremana ho an’ny mpanomponao ireny,+

Ary lehibe ny valisoa azon’izay manaraka an’ireny.+

13 Ary aza avela ho sahisahy hanao an’izay tsy tokony hatao ny mpanomponao;+

Aza avela hanjaka ao amiko izany toe-tsaina izany.+

Amin’izay dia tsy hanan-tsiny aho,+

Ary tsy ho meloka ho nanao fahotana lehibe.*

14 Enga anie ny teny aloaky ny vavako sy izay saintsainiko ato am-poko

Ka hahafaly anao,+ Jehovah ô, ry Vatolampiko+ sy Mpanavotra ahy!+

 2 Hanampy anao avy ao amin’ny toerana masina+ anie izy,

Ary hanohana anao avy ao Ziona!+

 3 Hotsaroany anie ny fanatitra rehetra ataonao fanomezana ho azy;

Enga anie izy hankasitraka* ny fanatitra dorana atolotrao! (Sela)

 4 Homeny anao anie izay irin’ny fonao,+

Ary hataony izay hahatanteraka an’izay rehetra kasainao!

 5 Hihoby izahay noho ny asa famonjena ataonao;+

Hasandratray amin’ny anaran’ny Andriamanitray ny saina kely entinay.+

Mamaly azy avy any amin’ny lanitra masina izy,

Ka mitondra famonjena* lehibe ny tanany ankavanana.+

 7 Ny sasany mitoky amin’ny kalesy fitondra miady, ary ny hafa amin’ny soavaly,+

Fa isika kosa miantso ny anaran’i Jehovah Andriamanitsika.+

 8 Mitolefika izy ireo dia mianjera,

Fa isika kosa mitsangana ka tafajoro.+

21 Jehovah ô, faly ny mpanjaka satria nasehonao fa mahery ianao;+

Faly erỳ izy noho ny asa famonjenao!+

 2 Nomenao azy izay nirin’ny fony,+

Ary tsy nolavinao izay nangatahin’ny molony. (Sela)

 3 Notsenainao izy ka nomenao fitahiana be dia be;

Nasianao satroboninahitra volamena tena tsara* teo amin’ny lohany.+

 4 Ny ho velona no nangatahiny taminao, dia nomenao azy izany;+

Nataonao ela velona izy,* eny, velona mandrakizay mandrakizay.

 6 Ataonao izay hahazoany fitahiana mandrakizay;+

Ataonao izay hahatsapany fifaliana eo anatrehanao.*+

 7 Fa matoky an’i Jehovah ny mpanjaka;+

Tsy hangozohozo* mihitsy izy satria be fitiavana sy tsy mivadika ilay Avo Indrindra.+

 8 Ho azon’ny tananao ny fahavalonao rehetra;

Ho azon’ny tananao ankavanana ireo mankahala anao.

10 Haringanao tsy ho etỳ an-tany ny zanany,

Ary hofoananao tsy ho eo amin’ny zanak’olombelona ny taranany.

11 Fa nitady hanisy ratsy anao izy ireny;+

Manao tetika izy ireny, nefa tsy hahomby izany.+

12 Fa hampandositra azy ireny ianao,+

Rehefa mikendry azy* amin’ny tsipìkanao.*

Nahoana no lavitra ahy ianao, ka tsy mamonjy ahy

Sady tsy mihaino ny fitarainako?+

 2 Andriamanitro ô, miantso anao foana aho rehefa antoandro nefa tsy mamaly ianao,+

Ary tsy mangina mihitsy ny vavako rehefa alina.

 3 Masina anefa ianao,+

Ary heniky ny* fiderana avy amin’ny Israely.

 4 Ianao no nitokisan’ny razambenay;+

Nitoky taminao izy ireo, ka namonjy azy foana ianao.+

 5 Ianao no nitarainany, dia voavonjy izy ireo;

Natoky anao izy ireo, ka tsy diso fanantenana.*+

 6 Kankana anefa aho fa tsy olona,

Ary ataon’ny olona tsinontsinona* sady ambanimbanin’ny vahoaka.+

 7 Maneso ahy izay rehetra mahita ahy;+

Mihomehy manaraby sy mihivingivin-doha+ izy ireo, ka miteny hoe:

 9 Ianao no namoaka ahy avy tao an-kibo,+

Sy nanao izay tsy hananako ahiahy teo an-tratran-dreniko.

10 Vao teraka aho, dia efa nankinina taminao mba hokarakarainao;*

Mbola tany an-kibon’i Neny aho, dia efa ianao no Andriamanitro.

11 Aza mijanona lavitra ahy, fa mananontanona ny loza,+

Ary tsy manana olon-kafa aho mba hanampy ahy.+

12 Itangoronan’ny vantotr’ombilahy maro be aho;+

Manodidina ahy ny omby matanjaka avy any Basana.+

13 Misanasana vava hamely ahy izy ireo,+

Toy ny liona mierona mamiravira ny rembiny.+

14 Araraka toy ny rano aho;

Ary miala amin’ny tonon-taolana ny taolako rehetra.

Lasa toy ny savoka ny foko,+

Ka mitsonika ao anatiko lalina ao.+

15 Tsy manana hery intsony aho, fa maina hoatran’ny silaka vilany tanimanga;+

Miraikitra amin’ny lanilaniko ny lelako;+

Entinao midina ao amin’ny vovoky ny fahafatesana aho.+

16 Fa itangoronan’ny alika aho;+

Manodidina ahy toy ny andiana mpanao ratsy izy ireo,+

Toy ny liona manaikitra ny tanako sy ny tongotro.+

18 Ifampizaran’izy ireo ny fitafiako,

Ary anaovany antsapaka ny akanjoko.+

20 Afaho tsy ho azon’ny sabatra aho,

Avoty tsy ho azon’ny alika ny aiko sarobidy.*+

21 Vonjeo aho mba tsy ho lanin’ny liona+ sy tsy ho voatrobaky ny tandroky ny ombidia;

Valio aho ka vonjeo.

22 Hanambara ny anaranao amin’ny rahalahiko aho;+

Eo anivon’ny fiangonana no hiderako anao.+

24 Fa tsy ataony tsinontsinona na hoe odiany tsy hita ny fahorian’ny olona mijaly;+

Tsy mba mihodina tsy hijery azy Izy.*+

25 Hidera anao eo anivon’ny fiangonana lehibe aho;+

Hanefa ny voadiko eo anatrehan’ireo matahotra azy aho.

26 Hisakafo ny mpandefitra ka ho voky;+

Hidera an’i Jehovah ireo mitady azy.+

28 Fa an’i Jehovah ny fanjakana;+

Izy no mitondra an’ireo firenena.

29 Hisakafo sy hiankohoka eo anatrehany daholo ny mpanankarena* eto an-tany;

Handohalika eo anatrehany izay rehetra hidina any amin’ny vovoka;

Tsy misy mahavita miaro ny ainy izy ireo.

30 Hanompo azy ny taranak’izy ireo;

Horesahina amin’ny taranaka ho avy ny momba an’i Jehovah.

 2 Asainy mitsotsotra eny amin’ny toerana feno ahi-maitso aho,

Ary mitarika ahy ho eny amin’ny toeram-pialan-tsasatra azon-drano tsara* izy.+

 4 Na dia mamakivaky lohasaha maizim-pito aza aho,+

Dia tsy misy loza atahorako,+

Satria ianao no eo anilako.+

Manome toky* ahy ny tsorakazonao sy ny tehinao.

Mahatsiaro ho velombelona aho rehefa hosoranao menaka ny lohako;+

Feno mitafotafo ny kaopiko.+

 6 Ho tsara toetra amiko tokoa ianao sady ho tia ahy sy tsy hivadika amiko, mandritra ny androm-piainako.+

Dia hipetraka ao an-tranon’i Jehovah aho, amin’ny andro rehetra ahavelomako.+

24 An’i Jehovah ny tany sy izay rehetra eo aminy,+

Dia ny tany lonaka sy izay monina eo amboniny.

 2 Fa naoriny teo ambonin’ny ranomasina izy io,+

Ary nataony mafy orina teo ambonin’ny renirano.

 3 Iza no afaka miakatra mankany an-tendrombohitr’i Jehovah?+

Ary iza no afaka mijoro ao amin’ny toerany masina?

 4 Izay tsy manan-tsiny amin’izay ataon’ny tanany sady madio fo,+

Ary tsy mianiana lainga amin’ny anarako,*

Na mianiana mba hamitahana.+

 5 Handray fitahiana avy amin’i Jehovah izy,+

Ary hanaiky azy ho marina* ilay Andriamanitry ny famonjena azy.+

 6 Hoatr’izany ny taranak’izay mitady Azy,

Dia ny taranak’izay mitady sitraka aminao,* ry Andriamanitr’i Jakoba ô! (Sela)

 7 Ry vavahady ô, ataovy avo be ny tamponareo;+

Misokafa,* ry varavarana efa nisy hatry ny ela,

Mba hidiran’ilay Mpanjaka be voninahitra!+

I Jehovah, ilay matanjaka sy mahery!+

I Jehovah, ilay mpiady mahery!+

 9 Ry vavahady ô, ataovy avo be ny tamponareo;+

Misokafa, ry varavarana efa nisy hatry ny ela,

Mba hidiran’ilay Mpanjaka be voninahitra!

 2 Andriamanitro ô, ianao no itokisako;+

Aza avela ho menatra aho.+

 3 Azo antoka fa tsy hisy ho menatra izay manantena anao,+

Fa ho menatra kosa ireo mamitaka tsy amin’antony.+

 4 Ampahafantaro ahy ny lalanao, Jehovah ô!+

Ampianaro ahy ny lalanao.+

 5 Ataovy izay handehanako amin’ny fahamarinanao ary ampianaro aho,+

Fa ianao no Andriamanitra mpamonjy ahy.

 6 Jehovah ô, tadidio hoe mamindra fo ianao sady be fitiavana sy tsy mivadika,+

Ary naneho an’ireo toetra ireo foana ianao hatramin’izay.*+

Tsarovy aho, noho ianao be fitiavana sy tsy mivadika+

Sy noho ianao tsara toetra, Jehovah ô!+

 9 Hitarika ny mpandefitra hanao ny marina* izy,+

Ary hampianariny ny lalany ny mpandefitra.+

10 Hita amin’izay rehetra ataon’i* Jehovah fa be fitiavana izy sady tsy mivadika

Amin’ireo manaja ny fifanekena+ nataony sy manaraka ny fampahatsiahivany.+

11 Noho ny anaranao, Jehovah ô,+

Dia mamelà ny fahadisoako, na dia lehibe aza izany.

13 Hahita soa izy,+

Ary ho lasa fananan’ny taranany ny tany.+

14 Izay matahotra an’i Jehovah no namany akaiky,+

Ary ampahafantariny azy ireo ny fifanekena nataony.+

15 Mibanjina an’i Jehovah foana ny masoko,+

Satria izy no hanafaka ny tongotro amin’ny harato.+

16 Mba mitodiha atỳ amiko ka iantrao aho,

Fa irery aho sady tsy misy mpiaro.

17 Mihamaro ny fahorian’ny foko;+

Afaho amin’ny fijaliako aho.

18 Jereo ny fahoriako sy ny olana mahazo ahy,+

Ary mamelà ny fahotako rehetra.+

19 Jereo fa be dia be ny fahavaloko,

Ary tsy tia maizina ahy izy ireo.

21 Ho voaro anie aho satria tsy mivadika sady manao izay mahitsy.+

Ianao mantsy no antenaiko.+

26 Tsarao aho, Jehovah ô, fa tsy mivadika;+

I Jehovah no itokisako, ary tsy miovaova ny fatokisako azy.+

 2 Diniho aho, Jehovah ô, ka sedrao;

Diovy* ny eritreritro lalina indrindra* sy ny foko.+

 3 Fa toy ny hoe eo alohako eo foana ny fitiavanao sy ny tsy fivadihanao,

Ary mandeha amin’ny fahamarinanao aho.+

 4 Tsy mifanerasera* amin’ny olona mamitaka aho,+

Ary tsy miaraka amin’ireo manafina ny tena maha izy azy.*

 5 Halako ny andian’olona mpanao ratsy,+

Ary tsy manaiky hifanerasera* amin’ny ratsy fanahy aho.+

 6 Hanasa tanana aho fa tsy manan-tsiny,

Ary handeha manodidina ny alitaranao aho, Jehovah ô,

 7 Mba handrenesana ny fisaorako anao+

Sy hanambarako ny zavatra mahatalanjona rehetra nataonao.

 8 Jehovah ô, tiako ny trano ipetrahanao,+

Dia ilay toerana misy ny voninahitrao.+

 9 Aza aringana miaraka amin’ny mpanota aho,+

Ary aza aripaka miaraka amin’ny olona mahery setra,*

10 Izay mampiasa ny tanany mba hanaovana zavatra mahamenatra,

Sady feno kolikoly ny tanany ankavanana.

12 Mijoro eo amin’ny toerana tsy mikitoantoana ny tongotro;+

Eo anivon’ny fiangonana lehibe no hiderako an’i Jehovah.+

 2 Rehefa nanafika ahy mba hihinana ny nofoko ny mpanao ratsy,+

Izay fahavaloko sy mpanohitra ahy, dia izy ireo ihany no tafintohina ka lavo.

 3 Na misy tafika manangana toby hamelezana ahy aza,

Dia tsy mba hatahotra ny foko.+

Na misy miady amiko aza,

Dia mbola hatoky an’Andriamanitra ihany aho.

 4 Zavatra iray monja no angatahiko amin’i Jehovah,

—Izay ihany no hotadiaviko—

Dia ny hipetraka ao an-tranon’i Jehovah mandritra ny androm-piainako.+

Amin’izay aho dia handinika ny hatsaran’i Jehovah

Ary hahafinaritra ahy ny hijery* ny tempoliny.*+

 5 Fa hanafina ahy ao amin’ny trano fialofany izy amin’ny andro hiavian’ny loza,+

Ary hanafina ahy ao amin’ny toerana miafina, ao amin’ny tranolainy.+

Eny ambony vatolampy avo be no hametrahany ahy.+

 6 Misandratra ambonin’ireo fahavaloko manodidina ahy aho* izao;

Hihorakoraka sady ho faly aho rehefa manao sorona ao amin’ny tranolain’Andriamanitra;

Hihira fiderana* ho an’i Jehovah aho.

 7 Jehovah ô, henoy aho rehefa mitaraina;+

Iantrao aho ka valio.+

Ianao no mpanampy ahy;+

Aza mahafoy na mandao ahy, ry Andriamanitra mpamonjy ahy!

10 Na mahafoy ahy aza ny raiko sy ny reniko,+

I Jehovah kosa handray ahy.+

11 Ampianaro ny lalanao aho, Jehovah ô,+

Ary tariho amin’ny lala-mahitsy aho mba tsy ho azon’ny fahavaloko.

12 Aza atolotra eo an-tanan’ny fahavaloko aho,+

Fa misy vavolombelona mandainga mitsangana hiampanga ahy,+

Ary mandrahona ny hamely ahy izy ireo.

13 Taiza no ho niafarako raha tsy nino aho

Hoe hahita ny hatsaran-toetran’i Jehovah eo amin’ny tanin’ny velona?*+

14 Aoka ianao hanantena an’i Jehovah;+

Manàna herim-po ary hatanjaho ny fonao.+

28 Ianao foana no antsoiko, Jehovah ô, ry Vatolampiko!+

Aza manampin-tsofina tsy hihaino ahy.

Raha mangina tsy mamaly ahy ianao,

Dia ho lasa tahaka an’ireo midina any an-davaka* aho.+

 2 Henoy ny fitalahoako rehefa miantso vonjy aminao aho,

Ka mivavaka* manandrify ny efitra anatiny indrindra amin’ny toeranao masina.+

 3 Aza taritaritina miaraka amin’ny ratsy fanahy aho, miaraka amin’ireo zatra manao ratsy,+

Dia ireo miresaka fihavanana amin’ny namany nefa ratsy ny ao am-pony.+

 4 Valio araka izay nataony izy ireny,+

Araka ny ratsy fanaony.

Valio araka ny asan’ny tanany izy ireny,

Araka izay nataony.+

 5 Fa tsy raharahian’izy ireny izay ataon’i Jehovah+

Sy ny asan’ny tanany.+

 6 Hoderaina anie i Jehovah

Fa nohenoiny ny fitalahoako fanampiana!

 7 I Jehovah no heriko+ sy ampingako;+

Izy no itokian’ny foko.+

Nanampy ahy izy, ka faly ny foko.

Hidera azy amin’ny hirako àry aho.

 8 I Jehovah no herin’ny vahoakany;

Izy no manda fiarovana, izay mitondra famonjena lehibe ho an’ny voahosotra notendreny.+

29 Omeo an’i Jehovah izay tokony homena azy, ry zanaky ny mahery!

Omeo an’i Jehovah izay tokony homena azy, satria be voninahitra sady matanjaka izy.+

 3 Heno eny ambonin’ny rano ny feon’i Jehovah;

Mikotrokotroka ny feon’ilay Andriamanitra be voninahitra.+

 4 Mahery ny feon’i Jehovah;+

Be voninahitra ny feon’i Jehovah.

 5 Manapatapaka sedera ny feon’i Jehovah;

Ataon’i Jehovah potipotika ny sederan’i Libàna.+

 6 Ataony mitsambikimbikina toy ny zanak’omby i Libàna,*

Ary toy ny zanak’ombidia i Siriona.+

 7 Mampisy tselatra ny feon’i Jehovah;+

 8 Mahatonga ny tany efitra ho tora-kovitra ny feon’i Jehovah;+

Ataon’i Jehovah tora-kovitra ny tany efitr’i Kadesy.+

 9 Mahatonga ny serfa ho tora-kovitra sy ho teraka ny feon’i Jehovah,

Sady mampihintsan-dravina an’ireo ala.+

10 Mipetraka eo amin’ny seza fiandrianany eo ambonin’ny rano be* i Jehovah;+

Mipetraka eo amin’ny seza fiandrianany i Jehovah; Mpanjaka mandrakizay izy.+

30 Hanandratra anao aho, Jehovah ô, fa nisintona ahy hiakatra ianao;

Tsy navelanao hifaly amin’ny fahavoazako ny fahavaloko.+

 4 Manaova hira fiderana* ho an’i Jehovah, ry olona tsy mivadika aminy!+

Isaory ny anarany masina;*+

 5 Vetivety ihany mantsy izy no tezitra,+

Fa mandritra ny androm-piainana kosa izy no mankasitraka.+

 8 Ianao foana no nantsoiko, Jehovah ô!+

I Jehovah foana no nitalahoako famindram-po.

11 Novanao ho fandihizana ny fisaonako;

Nesorinao ny akanjo gony nanaovako, dia nampitafianao fifaliana aho,

12 Mba hahafahako* hihira fiderana ho anao, fa tsy hangina fotsiny.

Aoka ianao ho fiarovana mafy ho ahy eny an-tendrombohitra,

Ho toerana voaro mafy mba hahavoavonjy ahy.+

 3 Fa ianao no harambatoko sy manda fiarovana+ ho ahy;

Hitari-dalana sy hitondra ahy ianao,+ noho ny anaranao.+

 4 Hafahanao avy ao anaty harato namandrihana ahy an-tsokosoko aho,+

Fa ianao no fiarovana mafy ho ahy.+

 6 Halako ireo mivavaka amin’ny sampy tsy misy dikany sy tsy misy ilana azy,

Fa izaho kosa hitoky amin’i Jehovah.

 7 Ho faly be aho noho ianao be fitiavana sy tsy mivadika,

Satria hitanao ny fijaliako;+

Fantatrao ny fahoriana mafy manjo ahy.

 8 Tsy nanolotra ahy teo an-tanan’ny fahavalo ianao,

Fa mampijoro ahy eo amin’ny toerana tsy mampidi-doza.*

10 Lany tamin’ny alahelo ny fiainako,+

Ary lany tamin’ny fitarainana ny taona iainako.+

Mihena ny heriko noho ny fahadisoako;

Mihamalemy ny taolako.+

11 Manao tsinontsinona ahy daholo ny fahavaloko,+

Indrindra fa ny mpiara-monina amiko.

Ary atahoran’ny olom-pantatro aho;

Andosiran’izy ireo aho rehefa hitany eny ivelany eny.+

12 Tsy ao am-pon’izy ireo* intsony aho sady efa hadinony, toy ny hoe efa maty;

Hoatran’ny vilany vaky aho.

13 Maheno fanaratsiana etsy sy eroa aho;

Manjaka hatraiza hatraiza ny horohoro.+

Rehefa mivondrona hanohitra ahy izy ireo,

Dia mitetika ny hanapitra ny aiko.+

Enga anie ny ratsy fanahy hatao afa-baraka,+

Ary hatao tsy mahateny intsony ao amin’ny Fasana!*+

18 Aoka tsy hahateny ny molotra mandainga,+

Dia ny molotra miteny an’avona hanohitra ny olo-marina, ka mirehareha sy manambany azy.

Tehirizinao ho an’ireo matahotra anao izany,+

Sady asehonao amin’ireo mialoka aminao, eo anatrehan’ny olona rehetra.+

20 Hafeninao ao amin’ny toerana miafina eo anatrehanao izy ireo,+

Mba tsy ho voan’ny teti-dratsy ataon’ny olona;

Hanafina azy ireo ao amin’ny trano fialofanao ianao,

Mba tsy hotafihin’ny olona ratsy saina* izy ireo.+

21 Hoderaina anie i Jehovah,

Fa nasehony tamin’ny fomba miavaka hoe tia ahy sy tsy nivadika tamiko izy,+ tao amin’ny tanàna natao fahirano.+

Arovan’i Jehovah ny olona mendri-pitokisana,+

Fa saziny mafy dia mafy kosa izay mirehareha.+

24 Manàna herim-po ary enga anie hatanjaka ny fonareo,+

Dia ianareo rehetra izay miandry an’i Jehovah.+

 2 Sambatra ny olona izay tsy lazain’i Jehovah hoe meloka,+

Dia ny olona tsy mieritreritra ny hamitaka.

 5 Niaiky ny fahotako teo anatrehanao aho tamin’ny farany;

Tsy mba nosarontsaronako ny fahadisoako.+

 6 Izany no mahatonga an’izay rehetra tsy mivadika hivavaka aminao,+

Dieny mbola hita ianao.+

 7 Toeram-piafenana ho ahy ianao;

Hiaro ahy tsy hijaly ianao.+

 9 Aza manao hoatran’ny soavaly na ny ramole tsisy saina.+

Tsy maintsy tazonina amin’ny lamboridy na tady izy mba tsy hitrifana,

Amin’izay izy vao hanatona anao.”

10 Be ny fijalian’ny ratsy fanahy;

Fa manodidina an’izay matoky an’i Jehovah kosa ny fitiavany sy ny tsy fivadihany.+

11 Mifalia amin’i Jehovah ianareo olo-marina, ary miravoravoa;

Mihobia ianareo rehetra mahitsy fo.

 2 Misaora an’i Jehovah amin’ny harpa;

Manaova hira fiderana* ho azy amin’ny zavamaneno misy tadiny folo.

 3 Mihirà hira vaovao ho azy;+

Tendreo tsara ny zavamaneno misy tadiny, ary mihobia.

 4 Fa marina ny tenin’i Jehovah,+

Ary mendri-pitokisana izy amin’izay rehetra ataony.

 6 Ny tenin’i Jehovah no nampisy ny lanitra,+

Ary ny fofonain’ny vavany no nampisy ny zava-drehetra eny.*

 7 Angoniny ny rano ao amin’ny ranomasina, ka toy ny hoe misy tohodrano;+

Ataony ao anaty trano fitehirizana ny rano manonja be.

 9 Fa niteny izy, dia nisy izany;+

Namoaka didy izy, dia lasa mafy orina izany.+

10 Ataon’i Jehovah tsy mahomby ny tetik’ireo firenena;+

Ataony tsy tanteraka ny fikasan’ny* vahoaka.+

11 Ny fikasan’i Jehovah kosa maharitra mandrakizay;+

Tsy miova ny hevitra ao am-pony, na dia hatramin’ny taranaka fara aman-dimby aza.

12 Sambatra ny firenena manana an’i Jehovah ho Andriamaniny,+

Dia ny vahoaka nofidiny ho fananany.+

13 Mitazana avy any an-danitra i Jehovah;

Hitany daholo ny zanak’olombelona.+

14 Avy any amin’ny toerana onenany izy

No mandinika an’ireo mponina eto an-tany.

15 Izy no namorona ny fon’izy rehetra;

Dinihiny daholo izay ataon’izy ireo.+

16 Tsy misy mpanjaka voavonjin’ny tafika lehibe ananany;+

Ny lehilahy matanjaka tsy voavonjin’ny hery lehibe ananany.+

17 Tsy azo antenaina hahazoana famonjena* ny soavaly,+

Sady tsy azo antoka hoe hahafahana hitsoaka na dia matanjaka be aza.

18 Ny mason’i Jehovah mitsinjo an’izay matahotra azy,+

Dia ireo miandry ny hanehoany fitiavana sy tsy fivadihana,

19 Mba hamonjena azy ireo tsy ho faty,

Sy hitsimbinana ny ainy mandritra ny mosary.+

21 Faly ny fontsika noho ny zavatra ataony,

Satria matoky ny anarany masina isika.+

22 Enga anie ianao ho tia anay sy tsy hivadika aminay, Jehovah ô,+

Fa miandry anao foana izahay!+

34 Hidera an’i Jehovah foana aho;

Ho eo am-bavako foana ny fiderana azy.

 2 I Jehovah no ho reharehako;+

Handre an’izany ny mpandefitra ka ho faly.

 3 Andao hiara-mankalaza an’i Jehovah amiko;+

Andao isika hiara-manandratra ny anarany.

 5 Miramirana izay mitodika any aminy;

Tsy ho menatra izy ireo.*

 7 Ny anjelin’i Jehovah mitoby manodidina an’izay rehetra matahotra Azy,+

Ka mamonjy azy ireo.+

 8 Andramo dia ho hitanao fa tsara i Jehovah;+

Sambatra ny olona mialoka aminy.

 9 Matahora an’i Jehovah, ianareo olony masina rehetra,

Fa tsy ory na inona na inona izay matahotra azy.+

10 Na ny liona tanora matanjaka aza mety ho noana ihany,

Fa izay mitady an’i Jehovah kosa tsy mba ho ory zava-tsoa.+

11 Avia ianareo, ry zanako! Henoy aho;

Hampianariko hatahotra an’i Jehovah+ ianareo.

12 Iza aminareo no mankafy fiainana,

Ka te ho sambatra sy ho ela velona?+

13 Tandremo àry ny lelanao mba tsy hilaza zava-dratsy,+

Ary ny molotrao mba tsy hiteny fitaka.+

14 Mialà amin’ny ratsy ka manaova ny tsara;+

Mitadiava fihavanana ka tandrovy izany.+

15 Ny mason’i Jehovah mitsinjo ny olo-marina,+

Ary ny sofiny mihaino ny antso vonjy ataon’izy ireo.+

16 Manohitra an’izay manao ratsy kosa i Jehovah,*

Mba ho voafafa tsy hisy eto an-tany ny fahatsiarovana azy rehetra.+

17 Nitaraina ny olo-marina, dia nihaino i Jehovah;+

Nafahany tamin’ny fahoriany rehetra izy ireo.+

18 Akaiky an’izay torotoro fo* i Jehovah,+

Ary mamonjy an’izay kivy.+

19 Maro ny zava-tsarotra* atrehin’ny olo-marina,+

Nefa manafaka azy amin’izany rehetra izany i Jehovah.+

20 Arovany daholo ny taolany,

Ka tsy misy tapaka ireny na iray aza.+

21 Ho fatin’ny loza ny ratsy fanahy;

Hambara ho meloka izay mankahala ny olo-marina.

22 Manavotra ny ain’ny mpanompony i Jehovah;

Tsy hisy hambara ho meloka izay mialoka aminy.+

35 Jehovah ô, arovy amin’ireo manohitra ahy aho;+

Miadia amin’ireo miady amiko.+

 2 Raiso ny ampinga kelinao* sy ny ampinga lehibe,+

Ka mitsangàna hiaro ahy.+

 5 Ho lasa hoatran’ny akofa entin’ny rivotra anie izy ireo!

Handroaka azy ireo anie ny anjelin’i Jehovah!+

 6 Ho maizina sy halama anie ny lalany

Rehefa manenjika azy ny anjelin’i Jehovah!

 7 Fa nanafina harato hamandrihana ahy tsy amin’antony izy ireo;

Nihady lavaka izy ireo mba hisamborana ahy tsy amin’antony.

 8 Enga anie hisy loza hanjo azy tampoka!

Enga anie ka izy ihany no ho voafandrik’ilay harato nafeniny!

Enga anie izy ho latsaka ao ka ho ringana!+

 9 Fa izaho kosa hifaly noho ny zavatra ataon’i Jehovah;

Ho ravoravo aho noho ny asa famonjeny.

Vonjenao ny tsy misy mpiaro mba tsy ho azon’ny mahery noho izy;+

Vonjenao ny tsy misy mpiaro sy ny mahantra mba tsy ho azon’ireo mandroba azy.”+

11 Misy vavolombelona ratsy saina tonga hiampanga ahy,+

Ka manontany zavatra tsy fantatro.

12 Mamaly ratsy ny soa nataoko+ izy ireo,

Ka hoatran’ny hoe nidonam-pahoriana aho.

13 Rehefa narary anefa izy ireo, dia niakanjo gony aho;

Nampijaly tena aho ka nifady hanina.

Ary rehefa tsy nivaly* ny vavaka nataoko,

14 Dia toy ireny nisaona namana na rahalahy ireny ny fandehako;

Nalahelo be aho ka nitanondrika, toy ny olona misaona an-dreniny.

15 Rehefa tafintohina anefa aho, dia nifaly sy nivondrona izy ireo;

Nivondrona izy ireo ka niafina mba hamely ahy tampoka;

Namiravira ahy izy ireo, ary tsy nety nangina.

16 Maneso sy manambanimbany ahy* ireo tsy matahotra an’Andriamanitra;

Mihidy vazana izy ireo satria tezitra amiko.+

Vonjeo amin’ny fanafihan’izy ireo aho,+

Mba tsy ho azon’ny liona tanora ny aiko sarobidy.*+

18 Dia hisaotra anao eo anivon’ny fiangonana lehibe aho;+

Hidera anao eo anivon’ny vahoaka maro be aho.

19 Aza avela ho faly amin’ny fahavoazako ireo manohitra ahy tsy amin’antony;

Aza avela hifanao pimaso ireo ratsy saina+ mankahala ahy tsy amin’antony.+

20 Tsy milaza teny mampihavana mantsy izy ireo,

Fa manao tetika mamitaka mba hamelezana an’ireo tia fihavanana eto an-tany.+

21 Sokafan’izy ireo be ny vavany mba hiampangana ahy,

Ka hoy izy ireo: “Tsara ho azy izay! Ny masonay mihitsy no nahita.”

23 Mifohaza ka miarena mba hiaro ahy;

Jehovah Andriamanitro ô, arovy aho amin’ilay adiko eny amin’ny fitsarana.

24 Tsarao araka izay hitanao fa rariny+ aho, Jehovah Andriamanitro ô!

Aza avela ho faly amin’ny fahavoazako izy ireo.

26 Aoka ho menatra sy ho afa-baraka daholo izy ireo,

Dia ireo faly amin’ny fahavoazako.

27 Aoka kosa hihoby ireo faly mahita ahy manao ny marina;

Enga anie izy ireo hilaza foana hoe:

28 Dia hitantara* ny fahamarinanao ny lelako,+

Sady hidera anao tontolo andro.+

36 Ny fandikan-dalàna no mandrisika ny fon’ny ratsy fanahy;

Tsy hitany izay antony tokony hatahorana an’Andriamanitra.+

 2 Fa mandoka tena loatra izy,

Dia tsy tsapany ny fahadisoany, ka tsy ankahalainy.+

 3 Teny mandratra sy mamitaka no lazain’ny vavany;

Tsy lalin-tsaina izy ka tsy mahay manao ny tsara.

Lalan-diso no arahiny;

Ny ratsy tsy mba laviny.

 5 Jehovah ô, tonga hatrany an-danitra ny fitiavanao,+

Ary tonga hatreny amin’ny rahona ny tsy fivadihanao.

 6 Toy ny tendrombohitra tsara tarehy* ny fahamarinanao;+

Toy ny rano lalina midadasika ny didim-pitsaranao.+

 8 Manaram-po amin’ireo zavatra tsara be dia be* ao an-tranonao izy ireo,+

Ary omenao zavatra mahafinaritra maro be, ka toy ny hoe ataonao migoka rano avy amin’ny renirano.+

 9 Ianao no loharanon’aina;+

Ny hazavana avy aminao no ahitanay hazavana.+

10 Asehoy foana amin’ireo mahalala anao fa be fitiavana sy tsy mivadika+ ianao,

Ary amin’ireo mahitsy fo fa manao ny marina ianao.+

11 Aza avela hanosihosy ahy ny tongotry ny mpirehareha,

Na handroaka ahy ny tanan’ny ratsy fanahy.

12 Ireo fa lavo ny mpanao ratsy;

Nisy namely izy ireo ka tsy tafarina intsony.+

37 Aza sosotra* amin’ny ataon’ny mpanao ratsy,

Na mitsiriritra an’izay manao ny tsy marina.+

 2 Ho vetivety dia maina toy ny ahitra izy ireo,+

Ary halazo toy ny ahi-maitso.

 3 Matokia an’i Jehovah ka manaova ny tsara;+

Aoka ianao honina amin’ny tany sy ho mendri-pitokisana amin’izay ataonao.+

 4 Aoka ianao ho finaritra tanteraka amin’i Jehovah,*

Dia homeny anao izay irin’ny fonao.

 5 Ankino amin’i Jehovah ny lalanao;+

Miantehera aminy, dia hanampy anao izy.+

 6 Hataony miharihary toy ny hazavana vao maraina ny fahamarinanao,

Ary toy ny masoandro amin’ny mitataovovonana ny fitiavanao ny rariny.

 7 Aoka ianao hangina eo anatrehan’i Jehovah,+

Ka hanam-paharetana hiandry azy.

Aza sorena amin’ny olona

Mahavita manatanteraka ny tetika ataony.+

 8 Ialao ny hatezerana ary atsaharo ny fahavinirana;+

Aza tezitra ary aza manaiky hanao ratsy.*

 9 Fa horinganina ny mpanao ratsy,+

Ary izay manantena an’i Jehovah kosa no handova ny tany.+

10 Kely sisa dia tsy hisy intsony ny ratsy fanahy;+

Hijery an’izay nisy azy ianao,

Nefa tsy ho eo intsony izy.+

11 Fa ny mpandefitra kosa no handova ny tany,+

Ka ho faly be mihitsy satria tena hiadana.+

12 Manao tetika hamelezana ny olo-marina ny ratsy fanahy;+

Mihidy vazana aminy izy.

13 Hihomehy azy anefa i Jehovah,

Satria fantany fa ho avy ny androny.+

14 Manatsoaka ny sabany ny ratsy fanahy sady manomana* ny tsipìkany,

Mba handavoana an’izay ampahorina sy ny mahantra,

Ary hamonoana an’ireo manao izay mahitsy.

15 Hitsatoka amin’ny fony ihany anefa ny sabany;+

Ho tapaka ny tsipìkany.

16 Aleo ny kely ananan’ny olona iray manao ny marina,

Toy izay ny be ananan’ny ratsy fanahy maro.+

17 Ho tapaka mantsy ny sandrin’ny ratsy fanahy,

Fa i Jehovah kosa hanampy ny olo-marina.

18 Fantatr’i Jehovah izay manjo* ny olona tsy misy tsiny,

Ary haharitra mandrakizay ny lovan’izy ireo.+

19 Tsy ho menatra izy ireo amin’ny fotoam-pahoriana;

Hanana sakafo be dia be izy ireo amin’ny fotoanan’ny mosary.

20 Ho ringana kosa ny ratsy fanahy;+

Ho foana tahaka ny kijana maitso be ny fahavalon’i Jehovah;

Tsy ho hita intsony toy ny setroka izy ireny.

21 Mindrana ny ratsy fanahy, nefa tsy mamerina,

Fa ny olo-marina kosa malala-tanana* sy tia manome.+

22 Izay tahin’Andriamanitra no handova ny tany,

Fa izay ozoniny kosa ho ringana.+

23 Mitarika ny dian’ny olona i Jehovah,*+

Rehefa mahafaly azy izay ataon’ilay olona.*+

24 Na dia solafaka aza izy dia tsy hidaraboka,+

Fa i Jehovah no mitantana azy.+

25 Efa mba tanora ihany aho, ary efa antitra aho izao,

Nefa mbola tsy nahita olo-marina nafoy,+

Na nahita ny zanany nangataka sakafo.*+

26 Vonona hampisambotra foana izy,+

Ary hahazo fitahiana ny zanany.

27 Aza manao ratsy intsony fa manaova ny tsara,+

Dia honina eto an-tany mandrakizay ianao.

28 Fa tia rariny i Jehovah,

Ka tsy hahafoy an’izay tsy mivadika aminy.+

Ho voaro foana izy ireo,+

Fa horinganina kosa ny taranaky ny ratsy fanahy.+

29 Ny olo-marina no handova ny tany,+

Ka honina eo mandrakizay.+

30 Mampita fahendrena* ny vavan’ny olo-marina,

Ary miresaka momba ny rariny ny lelany.+

31 Ao am-pony ny lalàn’Andriamanitra;+

Tsy ho solafaka izy rehefa mandeha.+

32 Ny ratsy fanahy mitsikilo ny olo-marina,

Ka mitady fomba hamonoana azy ho faty.

33 Fa i Jehovah kosa tsy hahafoy azy ho eo an-tanan’ny ratsy fanahy,+

Na hanameloka azy rehefa tsaraina izy.+

34 Aoka ianao hanantena an’i Jehovah sy hanaraka ny lalany,

Dia hanandratra anao izy ka handova ny tany ianao.

35 Hitako hoe ny olona ratsy fanahy sy tsy misy antra,

Dia miroborobo toy ny hazo midoroboka eo amin’ny tany naniriany hatramin’izay.+

36 Nanjavona tampoka anefa izy, ka tsy eo intsony;+

Nitady azy foana aho, nefa tsy hita izy.+

37 Diniho ny olona tsy misy tsiny,*

Ary jereo ny olona manao izay mahitsy,+

Fa hiadana izy amin’ny hoavy.+

38 Ho ripaka daholo kosa ny mpandika lalàna;

Ho ringana ny ratsy fanahy amin’ny hoavy.+

39 Avy amin’i Jehovah ny famonjena ny olo-marina;+

Izy no fiarovana mafy ho azy ireo amin’ny fotoam-pahoriana.+

Hanafaka azy ireo tsy ho azon’ny ratsy fanahy izy ka hamonjy azy,

Satria mialoka aminy izy ireo.+

38 Jehovah ô, aza tezitra rehefa mananatra ahy,

Ary aza misafoaka rehefa manitsy ahy.+

 2 Fa mitsatoka lalina any anatiko ny zana-tsipìkanao,

Ary manindry ahy mafy ny tananao.+

 4 Fa efa mihoatra ny lohako ny fahadisoako;+

Toy ny enta-mavesatra ireny ka tsy zakako.

 5 Maimbo sy mamoro-nana ny feriko,

Noho ny hadalana vitako.

 6 Sahiran-tsaina aho ary mamoy fo tanteraka;

Malahelo foana aho tontolo andro rehefa mandehandeha eny.

 7 Mamaivay ny any anatiko;*

Marary ny vatako manontolo.+

 8 Reraka ny foko sady kivy tanteraka aho;

Mitaraindraina* mafy aho noho ny tebiteby ato am-poko.

 9 Jehovah ô, fantatrao daholo ny faniriako rehetra,

Ary tsy miafina aminao ny fisentoako.

10 Midobodoboka be ny foko, lany ny heriko,

Ary tsy mahita tsara intsony ny masoko.*+

11 Mandosindositra ahy ny namako sy ny olona mpiaraka amiko, noho ny loza manjo ahy,

Ary mihatakataka amiko ny namako akaiky.

12 Mamelatra fandrika ireo mitady hamono ahy;*

Ny hamotika ahy no resahin’izay mitady hanisy ratsy ahy;+

Mingonongonona milaza fitaka izy ireo tontolo andro.

13 Izaho kosa toy ny marenina ka tsy maheno,+

Ary toy ny moana ka tsy miloa-bava.+

14 Lasa toy ny olona tsy mandre aho,

Izay tsy manan-kolazaina mba hiarovan-tena.

15 Fa ianao no nandrasako, Jehovah ô!+

Dia namaly ahy ianao, ry Jehovah Andriamanitro ô!+

16 Fa hoy aho: “Enga anie ka tsy hifaly amin’ny fahavoazako izy ireo,

Na hanambony tena ka hanambanimbany ahy, raha sendra mibolisatra ny tongotro.”

17 Fa efa saika torana aho,

Sady nanaintaina foana.+

18 Niaiky ny fahadisoako aho;+

Nampiady saina ahy ny fahotako.+

19 Ny fahavaloko anefa matanjaka* sady mahery;*

Lasa be dia be ireo mankahala ahy tsy amin’antony.

20 Namaly ratsy ny soa nataoko izy ireo,

Ary nanohitra ahy satria manao ny tsara aho.

22 Ampio haingana aho,

Ry Jehovah mpamonjy ahy ô!+

39 Hoy aho: “Hitandrina tsara* aho

Mba tsy hanota amin’izay lazaiko.*+

Hohidiako* ny vavako,+

Raha mbola misy ratsy fanahy eo akaikiko.”

 2 Tsy niteny aho fa nangina,+

Ka tsy nilaza na dia zavatra tsara aza.

Tena mafy* anefa ny fanaintainako.

 4 “Jehovah ô, ampio aho hahafantatra an’izay hiafarako

Sy ny halavan’ny androm-piainako,+

Mba hahalalako fa fohy ihany ny fiainako.*

 5 Nataonao vitsy* tokoa ny androko,+

Ary tsinontsinona eo anatrehanao ny halavan’ny androm-piainako.+

 9 Nangina aho;

Tsy afaka nanoka-bava aho+

Satria ianao no nahatonga an’izao rehetra izao hitranga.+

11 Anarinao ny olona, ka sazinao noho ny fahadisoany;+

Ataonao potipotika toy ny nohanin’ny bibikely* ny zavatra sarobidy aminy.

12 Henoy ny vavaka ataoko, Jehovah ô,

Ary mihainoa rehefa miantso vonjy aho.+

Fa mpivahiny ihany aho aminao,+

Dia mpanao dia lavitra* mandalo fotsiny toy ny razambeko rehetra.+

13 Avilio tsy hijery ahy amin-katezerana ny masonao mba ho falifaly aho

Alohan’ny hahafatesako sy tsy hisiako intsony.”

40 Nanantena mafy* an’i Jehovah aho,

Dia nanongilan-tsofina* nihaino ahy izy ka naheno ny antso vonjy nataoko.+

 2 Nampiakariny avy tao amin’ny lavaka misy rano misasasasa aho,

Dia avy tao amin’ny fotaka mandrevo.

Ary nataony teo ambony harambato ny tongotro;

Nataony azo antoka tsara izay nandehanako.

 3 Nampianariny hira vaovao+ aho avy eo,

Dia hira fiderana an’Andriamanitsika.

Maro no hahita an’izany, dia ho gaga,

Ka hatoky an’i Jehovah.

 4 Sambatra ny olona matoky an’i Jehovah,

Sy tsy miantehitra amin’ny mpikomy na amin’ny mpamitaka.*

 5 Maro ny zavatra nataonao,

Jehovah Andriamanitro ô,

Dia ireo asanao mahatalanjona sy ny fikasanao momba anay.+

Tsy misy azo ampitahaina aminao;+

Raha mba te hilaza sy hiresaka momba an’ireny aho,

Dia tsy ho vitako ny hitantara an’izany satria be dia be loatra.+

 6 Tsy nila* sorona sy fanatitra ianao,+

Fa nosokafanao ny sofiko mba hihaino an’izay lazainao.+

 8 Ny manao ny sitraponao no mahafinaritra ahy,* Andriamanitra ô,+

Ary ao anatiko lalina ao ny lalànao.+

Tsy manakombona ny vavako aho,+

Jehovah ô, araka ny efa fantatrao tsara.

Be loatra ny fahadisoana vitako ka tsy hitako izay lalan-kizorana;+

Maro noho ny volon-dohako ireny,

Ka kivy aho.

14 Enga anie izay rehetra mitady hamono ahy*

Mba ho menatra sy ho afa-baraka!

Enga anie ireo faly amin’ny fahavoazako

Handositra sady ho menatra!

16 Fa aoka kosa izay mitady anao+

Hifaly sy hiravoravo aminao.+

17 Fa tsy misy mpiaro aho sady mahantra;

Enga anie i Jehovah hikarakara ahy!

Ianao no mpanampy sy mpanafaka ahy;+

Andriamanitro ô, aza ela loatra.+

41 Sambatra izay miahy ny madinika,+

Fa i Jehovah hamonjy azy amin’ny fotoan-tsarotra.

Holazaina hoe sambatra izy eto an-tany;+

Tsy hanolotra azy hoviravirain’ny fahavalony mihitsy ianao.+

 3 Hanohana azy eo amin’ny fandriana aharariany i Jehovah;+

Hovanao tanteraka ny fandrianany, mandritra ny fotoana aharariany.

Manangona zava-dratsy holazaina momba ahy izy.

Lasa mandeha izy avy eo, dia manely an’izany etsy sy eroa.

 7 Mitakoritsika ireo rehetra mankahala ahy;

Mitetika ny hanisy ratsy ahy izy ireo, ka milaza hoe:

 8 “Misy zavatra mampahatahotra manjo azy;

Lavo izy izao ka tsy ho tafarina intsony.”+

 9 Ilay olona tsara fihavanana tamiko sy nitokisako,+

Izay niara-nihinana mofo tamiko no nanainga ny voditongony hamely ahy.*+

10 Fa ianao kosa Jehovah ô, iantrao aho ka areno,

Amin’izay aho ho afaka hamaly ny nataon’izy ireny.

12 Tohananao aho satria tsy mivadika aminao;+

Hataonao eo anatrehanao mandrakizay aho.+

13 Enga anie i Jehovah Andriamanitry ny Israely hoderaina

Mandrakizay doria!*+

42 Toy ny serfa mitady mafy renirano,

Dia mba mitady mafy anao koa aho, Andriamanitra ô!

 3 Ny ranomasoko no sakafoko na andro na alina;

Maneso ahy tontolo andro ny olona hoe: “Aiza ny Andriamanitrao?”+

 4 Mahatsiaro ny lasa aho, ka avoakako daholo ny ato am-poko.*

Niara-dia tamin’ny maro mantsy aho taloha;

Fanaoko ny nandeha moramora* teo alohan’ny vahoaka, nankany an-tranon’Andriamanitra.

Nihorakoraka sy falifaly ary nisaotra an’Andriamanitra izahay.

Vahoaka be nanao fety+ izahay, tamin’izany.

Hiandry an’Andriamanitra aho,+

Satria mbola hidera azy, fa izy no Mpamonjy Lehibe+ nanavotra ahy.

Izany no mahatonga ahy hahatsiaro anao,+

Atỳ amin’ny tanin’i Jordana sy ny tampon’i Hermona,

Atỳ amin’ny Tendrombohitra Mizara.*

 7 Ny rano lalina miantso ny rano lalina,

Rehefa maheno ny feon’ny riandranonao.

 8 Amin’ny antoandro, dia hasehon’i Jehovah hoe tia ahy sy tsy mivadika amiko izy,

Ary amin’ny alina, dia hihira momba azy aho—hivavaka amin’ilay Andriamanitra nanome aina ahy.+

10 Maneso ahy ny fahavaloko, ka mankahala ahy sy mifofo ny aiko;*

Maneso ahy tontolo andro izy ireo hoe: “Aiza ny Andriamanitrao?”+

Hiandry an’Andriamanitra aho,+

Satria mbola hidera azy, fa izy no Mpamonjy Lehibe nanavotra ahy sady Andriamanitro.+

43 Tsarao aho, Andriamanitra ô!+

Arovy aho amin’ilay adiko eny amin’ny fitsarana,+ izay ifanaovako amin’ny firenena mpivadika.

Hitarika ahy anie ireny;+

Enga anie ireny hitondra ahy ho any amin’ny tendrombohitrao masina sy ny tranolainao be voninahitra!+

 4 Dia hankeo amin’ny alitaran’Andriamanitra+ aho,

Dia any amin’Andriamanitra, ilay manome fifaliana be ho ahy.

Hiandry an’Andriamanitra aho,+

Satria mbola hidera azy, fa izy no Mpamonjy Lehibe nanavotra ahy sady Andriamanitro.+

44 Andriamanitra ô, ny sofinay no nandre,

Ny razambenay no nitantara taminay+

Ny zavatra nataonao tamin’ny androny,

Tamin’ny andro fahiny.

 2 Noroahinao tamin’ny tananao ireo firenena,+

Ary napetrakao teo amin’izay nisy azy ireny ny razambenay.+

 3 Tsy ny sabany no nahazoany an’ilay tany,+

Ary tsy ny sandriny no nahatonga azy ireo handresy,+

Fa ny tananao ankavanana sy ny sandrinao+ ary ny fahazavan’ny tarehinao,

Satria tianao izy ireo.+

 4 Ianao no Mpanjakako, Andriamanitra ô!+

Aoka ianao hamoaka didy mba handresy tanteraka* i Jakoba.

 5 Noho ny herinao, dia ho vitanay ny hampihemotra ny fahavalonay.+

Amin’ny anaranao no hanosihosenay an’izay manohitra anay.+

 6 Fa tsy mba miantehitra amin’ny tsipìkako aho,

Ary tsy afaka mamonjy ahy ny sabatro.+

 7 Fa ianao no namonjy anay tamin’ny fahavalonay,+

Sy nampahamenatra an’ireo mankahala anay.

 8 Andriamanitra ô, ianao no hoderainay tontolo andro,

Ary hisaoranay mandrakizay ny anaranao. (Sela)

 9 Izao anefa ianao nanary anay, ary nanala baraka anay,

Sady tsy miaraka amin’ny tafikay.

10 Ataonao mandositra an’ireo fahavalonay foana izahay;+

Maka an’izay tiany ireo mankahala anay.

11 Atolotrao an’ireo fahavalonay izahay, mba hovonoiny hoatran’ny ondry;

Aparitakao any amin’ireo firenena izahay.+

12 Ataonao varo-boba ny vahoakanao,+

Ka tsy maka tombony amin’ilay izy ianao na kely aza.*

13 Avelanao handatsa anay ireo firenena.

Avelanao haneso sy hanaraby anay ny olona rehetra manodidina anay.

14 Avelanao hesoesoin’ireo firenena* izahay,+

Ka mihivingivin-doha ireo vahoaka mahita anay.

15 Mahatsiaro ho afa-baraka aho tontolo andro,

Sady menatra be,

16 Noho ny teny manesoeso sy manambanimbany ataon’izy ireo,

Satria mamaly faty anay ny fahavalonay.

17 Izany rehetra izany no manjo anay, nefa tsy manadino anao izahay,

Sady tsy mivadika amin’ny fifanekena+ nataonao taminay.

18 Tsy mivily ny fonay,

Ary tsy miala amin’ny lalanao ny dianay.

19 Notorotoroinao tany amin’ny fonenan’ny alikadia anefa izahay,

Ary nosaronanao haizim-pito.

20 Raha nanadino ny anaran’Andriamanitray izahay,

Na namelatra ny tananay mba hivavaka tamin’andriamani-kafa,

21 Dia tsy ho hitan’Andriamanitra ve izany?

22 Hoatran’ny hoe vonoina ho faty izahay isan’andro noho ny aminao;

Toy ny ondry hovonoina no fiheverana anay.+

25 Fa ahohoka amin’ny vovoka izahay;

Adaboka amin’ny tany izahay.+

 3 Ataovy eo amin’ny andilanao ny sabatrao,+ ry ilay mahery ô!+

Misikìna haja amam-boninahitra.+

 4 Asehoy hoe be voninahitra ianao, ary mandrosoa mba handresy!*+

Taingeno ny soavalinao ary miadia mba hisian’ny fahamarinana+ sy ny fanetren-tena ary ny fahitsiana,

Ary ny tananao ankavanana hahavita* zavatra mahagaga.

 5 Firenena maro no lavo eo anatrehanao, satria maranitra ny zana-tsipìkanao;+

Mitsatoka eo amin’ny fon’ny fahavalon’ny mpanjaka ireny.+

 6 Andriamanitra no seza fiandriananao mandrakizay mandrakizay;+

Ny tehin’ny fanjakanao dia tehina mampanjaka ny rariny.*+

 8 Manitra miora sy aloesy ary kasia ny akanjonao rehetra;

Mampifaly anao ny feon’ny zavamaneno* avy ao amin’ny lapa mirenty voaravaka ivoara.

10 Henoy tsara, ry zanakavavy ô, ka aoka ianao hanongilan-tsofina;

Hadinoy ny firenenao sy ny ankohonan-drainao.

11 Tsy ho andrin’ny mpanjaka ny hahita ny hatsaran-tarehinao,

Fa izy no tomponao,

Koa miondreha eo anatrehany.

12 Ho tonga ny zanakavavin’i Tyro sady hitondra fanomezana;

Hila sitraka aminao* ireo lehilahy mpanankarena indrindra.

13 Tena be voninahitra ilay zanakavavin’ny mpanjaka, ao an-dapa.

Voaravaka volamena ny akanjony.

15 Ao anatin’ny fifaliana sy firavoravoana no hitondrana azy ireo;

Hiditra ao an-dapan’ny mpanjaka izy ireo.

46 Fialofana sy hery ho antsika Andriamanitra.+

Vonona hanampy foana izy amin’ny fotoan-tsarotra.+

 2 Koa tsy hatahotra isika, na miova aza ny tany,

Na mianjera any amin’ny ranomasina lalina aza ny tendrombohitra,+

 3 Na midoboka mafy sy mandroatra aza ny ranomasina,+

Ary na mihovotrovotra aza ny tendrombohitra noho ny ranomasina misamboaravoara. (Sela)

 4 Misy renirano misy sampany maro mampifaly ny tanànan’Andriamanitra+

Sy ilay tranolay be voninahitra sy masina, izay an’ny Avo Indrindra.

 6 Nitabataba be ireo firenena, ary naongana ireo fanjakana;

Nampiaka-peo Izy, ka nitsonika ny tany.+

 7 Momba antsika i Jehovah Tompon’ny tafika.+

Fialofana* azo antoka ho antsika ilay Andriamanitr’i Jakoba. (Sela)

 8 Avia hijery ny asan’i Jehovah,

Dia ny zava-mahagaga ataony eto an-tany.

Tapatapahiny ny tsipìka, ary potipotehiny ny lefona;

Dorany ny kalesy fitondran’ny miaramila miady.*

Hisandratra eo amin’ireo firenena aho,+

Ary hisandratra eran-tany.”+

11 Momba antsika i Jehovah Tompon’ny tafika;+

Fialofana azo antoka ho antsika+ ilay Andriamanitr’i Jakoba. (Sela)

 2 Fa mendrika hatahorana i Jehovah, ilay Avo Indrindra;+

Izy ilay Mpanjaka lehibe manerana ny tany manontolo.+

 3 Ataony manaiky antsika ny vahoaka;

Ataony ao ambany tongotsika ireo firenena.+

 4 Mifidy lova ho antsika izy,+

Dia ilay lova reharehan’i Jakoba, izay olona tiany.+ (Sela)

 5 Miakatra any amin’ny toerany Andriamanitra raha mbola mihorakoraka sy faly ny olona;

Miakatra any amin’ny toerany i Jehovah ary arahina feon’anjombona* izany.

 7 Fa Mpanjakan’ny tany manontolo Andriamanitra;+

Manaova hira fiderana, ary aoka ho hita hoe olona misaina ianareo.

 9 Mivondrona ny mpitarika vahoaka,

Miaraka amin’ny vahoakan’ilay Andriamanitr’i Abrahama.

48 Tena miavaka i Jehovah, ka izy no mendrika hoderaina indrindra

Ao amin’ny tanànan’Andriamanitsika, ao amin’ny tendrombohiny masina.

 2 Avo be sady tsara tarehy erỳ ilay fifalian’ny tany manontolo,+

Dia ny Tendrombohitra Ziona any amin’ny farany avaratra,

Any amin’ny tanànan’ilay Mpanjaka Be Voninahitra.+

 3 Tao amin’ireo tilikambony voaro mafy

No nampahafantaran’Andriamanitra fa fialofana* azo antoka izy.+

 4 Fa nivondrona* ireo mpanjaka;

Niara-nandroso izy ireo.

 6 Tora-kovitra izy ireo tany,

Nijalijaly toy ny vehivavy efa ho teraka.

 8 Ny zavatra henontsika mihitsy izao no hitan’ny masontsika,

Ao amin’ny tanànan’i Jehovah Tompon’ny tafika, dia ny tanànan’Andriamanitsika.

 9 Andriamanitra ô, misaintsaina ny fitiavanao sy ny tsy fivadihanao+ izahay,

Ao amin’ny tempolinao.

10 Toy ny anaranao, Andriamanitra ô, ny fiderana anao.

Tonga hatrany amin’ny faran’ny tany izany.+

11 Enga anie hifaly ny Tendrombohitra Ziona!+

Enga anie ireo tanànan’i* Joda hiravoravo noho ny didim-pitsaranao!+

12 Mandehana mihodidina an’i Ziona; mandehana manodidina azy;

Isao ny tilikambony.+

Jereo tsara ny tilikambo voaro mafy eo aminy,

Mba hisy hotantarainareo amin’ny taranaka any aoriana.

Aoka ianareo hihaino tsara, ry mponina rehetra eo amin’izao tontolo izao,

 2 Na ny kely na ny lehibe,*

Na ny manankarena na ny mahantra.

 3 Hilaza tenim-pahendrena ny vavako,

Ary hisaintsaina hevi-dalina* ny foko.+

 4 Hohenoiko tsara ny ohabolana;

Hanazava ny ankamantatra ataoko aho sady hitendry harpa.

 5 Inona moa no atahorako mandritra ny fotoan-tsarotra,+

Rehefa feno zava-dratsy* manodidina ahy noho ny ataon’ireo mitady hamingana ahy?

 6 Na ireo matoky ny harenany,+

Na ireo mirehareha amin’ny zavatra be dia be ananany,+

 7 Dia samy tsy mahavita manavotra ny rahalahiny mihitsy,

Na manome an’Andriamanitra vidim-panavotana hamonjena azy,+

 8 —Fa lafo loatra ny vidiny hanavotana ny ain’izy ireo,

Ka tsy ho voaloany mihitsy—

 9 Mba ho velona mandrakizay izy ka tsy ho lasa any amin’ny lavaka.*+

10 Hitany fa na ny hendry aza maty;

Samy maty daholo na ny tsy misaina na ny adala,+

Ka voatery mamela ny fananany ho an’olon-kafa.+

11 Ny faniriany dia ny hoe haharitra mandrakizay ny tranony,

Ary haharitra hatramin’ny taranaka fara aman-dimby ny tranolainy.

12 Tsy haharitra anefa ny olombelona,+ na dia omem-boninahitra aza;

Mitovy amin’ny biby ihany izy ka ho faty.+

13 Izany no manjo ny tsisy saina+

Sy ny mpanara-dia azy, izay finaritra amin’ny zavatra tsy misy dikany lazainy. (Sela)

Ny fahafatesana no ho mpiandry azy;

Ny olona manao izay mahitsy no ho mpitondra eo aminy+ rehefa maraina.

Hanjavona tsy ho hita intsony izy ireo.+

Fasana*+ fa tsy lapa no ho fonenany.+

15 Fa Andriamanitra kosa hanavotra ahy tsy ho voagejan’ny* Fasana,*+

Satria handray ahy izy. (Sela)

16 Aza matahotra raha misy olona lasa mpanankarena,

Ka lasa tsara tarehy ny tranony.

17 Rehefa maty mantsy izy, dia tsy hahatondra na inona na inona;+

Tsy hidina hanaraka azy ny voninahiny.+

20 Izay olona tsy mahatakatra an’izany, na dia omem-boninahitra aza,+

Dia mitovy amin’ny biby ihany ka ho faty.

50 Ilay Andriamanitry ny andriamanitra, dia i Jehovah,*+ no miteny;

Miantso ny tany izy,

Hatrany amin’ny fiposahan’ny masoandro ka hatrany amin’ny filentehany.*

Misy afo mandevona eo alohany,+

Ary misy tafio-drivotra mahery mifofofofo manodidina azy.+

 4 Miantso ny lanitra sy ny tany izy,+

Mba hitsara ny vahoakany.+ Hoy izy:

 5 “Vorio eto anatrehako ny olona tsy mivadika amiko,

Dia ireo nanao fifanekena tamiko tamin’ny alalan’ny sorona.”+

 6 Ny lanitra manambara ny fahamarinan’Andriamanitra,

Fa Andriamanitra no Mpitsara.+ (Sela)

 7 “Mihainoa, ry vahoakako, fa hiteny aho;

Ry Israely, hijoro ho vavolombelona hiampanga anao aho.+

 8 Tsy noho ny sorona nataonao no ananarako anao,

Na noho ny fanatitra dorana natolotrao, izay eto anatrehako foana.+

 9 Tsy mila maka ombilahy any an-tranonao aho,

Na osy* ao am-balanao.+

10 Fa ahy ny bibidia rehetra any an’ala,+

Na dia ny bibidia eny amin’ireo tendrombohitra arivo aza.

11 Fantatro ny vorona rehetra eny an-tendrombohitra;+

Ahy ny biby tsy hita isa eny an-tsaha.

12 Raha noana aho, dia tsy hiteny aminao,

Satria ahy ny tany lonaka sy izay rehetra ao aminy.+

13 Hihinana henan’ombilahy angaha aho

Sa hisotro ran’osy?+

14 Fisaorana no atolory ho sorona ho an’Andriamanitra,+

Ary tanteraho ny voady nataonao tamin’ny Avo Indrindra;+

15 Antsoy aho rehefa ao anatin’ny sarotra ianao.+

“Ianao angaha manana zo hanonona ny fitsipiko,+

Na hiresaka momba ny fifanekena nataoko?+

17 Ianao mantsy mankahala anatra,*

Ary tsy raharahianao foana ny teniko.*+

18 Rehefa mahita mpangalatra ianao, dia mankasitraka ny ataony,*+

Ary miaraka foana amin’ny mpanitsakitsa-bady ianao.

19 Avelanao hanely zava-dratsy ny vavanao,

Ary tsy mitsahatra miteny fitaka ny lelanao.+

20 Mipetraka manaratsy ny rahalahinao ianao;+

Resadresahinao ny fahadisoan’ny* zanaky ny reninao.

21 Rehefa nanao an’izany rehetra izany ianao, dia nangina tsy niteny aho,

Ka nieritreritra ianao hoe hoatr’anao ihany aho.

Hananatra anao anefa aho izao,

Ary hilaza an’izay hiampangako anao.+

22 Aoka ianareo izay manadino an’Andriamanitra+ handinika an’izany,

Sao hamiravira anareo aho ka tsy hisy hamonjy anareo.

23 Izay manolotra fisaorana ho sorona no manome voninahitra ahy.+

Ary izay tapa-kevitra ny hanao ny tsara foana,

Dia hataoko izay hahitany ny famonjen’Andriamanitra.”+

 2 Sasao tanteraka aho ho afaka amin’ny fahadisoako,+

Ary diovy ho afaka amin’ny fahotako.+

 3 Fa fantatro tsara ny heloka vitako,

Ary eo anatrehako* foana ny fahotako.+

 4 Taminao aho no tena nanota;*+

Izay ratsy eo imasonao no nataoko.+

Koa manana ny marina ianao rehefa miteny,

Ary ara-drariny ny didim-pitsaranao.+

 5 Efa meloka ho nanao fahadisoana aho raha vao teraka.

Ary efa mpanota aho raha vao niforona tao an-kibon-dreniko.*+

 6 Mahafinaritra anao ny fahamarinana vokatry ny fo;+

Ampianaro ny tena fahendrena ny foko.

 7 Diovy amin’ny hysopa* aho mba ho afaka amin’ny fahotako, ka hadio;+

Sasao aho mba ho fotsy noho ny lanezy.+

 8 Ataovy izay hahatonga ahy ho faly sy ho ravoravo indray,

Mba ho falifaly ny taolako izay nopotipotehinao.+

 9 Mihodìna* fa aza mijery ny fahotako,+

Ary fafao* daholo ny fahadisoako.+

10 Amoròny fo madio aho, Andriamanitra ô,+

Ary omeo toe-tsaina vaovao+ tsy miova mihitsy.

11 Aza mandroaka ahy tsy ho eo anatrehanao;

Ary aza esorina amiko ny fanahinao masina.

12 Ataovy faly amin’ny famonjenao+ indray aho;

Ataovy izay hahatonga ahy haniry hankatò anao.*

13 Hampianariko an’ireo mpandika lalàna ny lalanao,+

Mba hiverina aminao ny mpanota.

14 Vonjeo ho afaka amin’ny trosan-dra aho,+ Andriamanitra ô, ry Andriamanitra mpamonjy ahy,+

Mba ho faly hanambara ny fahamarinanao ny lelako.+

15 Jehovah ô, sokafy ny molotro,

Mba ho afaka hidera anao ny vavako.+

16 Tsy sorona mantsy no tadiavinao, fa raha izany dia ho efa nanao an’izany aho;+

Tsy mahafinaritra anao ny fanatitra dorana manontolo.+

17 Ny alahelo mafy vokatry ny nenina no sorona ankasitrahan’Andriamanitra.

Tsy holavinao* ny fo torotoro sy kivy, Andriamanitra ô!+

18 Manaova soa amin’i Ziona fa tsara fanahy ianao;

Hamafiso ny mandan’i Jerosalema.

19 Amin’izay ianao dia ho finaritra amin’ny sorona araka ny fahamarinana,

Sy ny fanatitra dorana ary ny fanatitra manontolo;

Dia hisy ombilahy hatolotra eo amin’ny alitaranao.+

 2 Ny lelanao, izay maranitra toy ny hareza,+

Dia mitetika ny hanao ratsy sy hamitaka.+

 3 Ny ratsy no tianao kokoa noho ny tsara,

Ary ny mandainga noho ny milaza ny marina. (Sela)

 4 Tianao daholo izay teny mandratra,

Ry lela mpamitaka ô!

 5 Noho izany, dia horinganin’Andriamanitra tanteraka ianao.+

Hisambotra anao izy, ary hisintona anao avy ao amin’ny tranolainao;+

Hanongotra anao hiala eo amin’ny tanin’ny velona izy.+ (Sela)

 6 Hahita izany ny olo-marina, ka ho talanjona+

Sy hihomehy azy,+ ary hilaza hoe:

 7 “Tsy nanao an’Andriamanitra ho fialofany*+ io lehilahy io,

Fa natoky ny harem-beny+

Sady niantehitra* tamin’ny teti-dratsiny.”*

 8 Fa izaho kosa ho toy ny hazo oliva midoroboka ao an-tranon’Andriamanitra;

Matoky aho hoe be fitiavana sy tsy mivadika+ mandrakizay mandrakizay Andriamanitra.

 9 Hidera anao mandrakizay aho noho izay nataonao;+

Hasehoko eo anatrehan’ireo tsy mivadika aminao

Fa manantena ny anaranao aho,+ satria tsara izany.

Tena ratsy sy maharikoriko ny tsy rariny ataony;

Tsy misy manao ny tsara izy ireo.+

 2 Andriamanitra anefa mitazana ny zanak’olombelona avy any an-danitra,+

Mba hahitana raha misy olona lalin-tsaina ka mitady an’i Jehovah.+

 3 Nivily nankany amin’ny lalan-diso izy rehetra;

Ratsy toetra daholo izy ireo.

Tsy misy manao ny tsara,

Na iray aza.+

 5 Hatahotra be anefa izy ireo,

Dia tahotra izay mbola tsy tsapany hatramin’izay.*

Fa haparitak’Andriamanitra ny taolan’izay manafika anareo.*

Rehefa ampodin’i Jehovah ny vahoakany lasa babo,

Dia hifaly i Jakoba, ary hiravoravo i Israely.

54 Andriamanitra ô, mba vonjeo amin’ny anaranao aho,+

Ary ampiasao hiarovana ahy*+ ny herinao.

 2 Andriamanitra ô, henoy ny vavaka ataoko;+

Mba henoy ny teny aloaky ny vavako.

 3 Fa misy olon-tsy fantatra mitsangana hamely ahy,

Ary misy olona tsy mifaditrovana mitady hamono ahy.*+

 4 Andriamanitra no mpanampy ahy.+

Manohana an’izay manohana ahy i Jehovah.

 5 Havaliny amin’ny fahavaloko+ ihany ny ratsy nataon’izy ireo;

Aringano* izy ireo satria ianao tsy mivadika.+

 7 Fa mamonjy ahy amin’ny fahoriako rehetra+ izy,

Ary ho faly aho hahita hoe resy ny fahavaloko.+

55 Henoy ny vavaka ataoko, Andriamanitra ô,+

Ary aza odiana tsy hita ny fangatahako famindram-po.*+

Tsy mahatombina aho noho ny tebiteby ato anatiko,+

Ary miady saina aho

 3 Noho izay lazain’ny fahavalo

Sy ny fampijaliana ataon’ny ratsy fanahy.

Fa ataon’izy ireo tototry ny loza aho,

Ary mitana lolompo amiko izy ireo sady tezitra.+

 4 Tena ory ny foko ato anatiko,+

Ary matahotra be mihitsy aho hoe ho faty.+

 5 Raiki-tahotra sy tora-kovitra aho,

Ary mipararetra mafy.

 8 Hamonjy fialofana haingana aho,

Mba tsy ho azon’ny tafio-drivotra sy ny oram-baratra.”

 9 Ataovy tsy mifanara-tsaina izy ireo, Jehovah ô, ary ataovy tsy tanteraka ny fikasany,*+

Fa mahita herisetra sy ady aho ao an-tanàna.

10 Mandehandeha eny ambonin’ny mandan’ny tanàna izy ireo,* na andro na alina;

Faharatsiana sy fahoriana no hita ao.+

11 Misy loza ao;

Tsy miala eo amin’ny tany malalak’ilay tanàna mihitsy ny fampahoriana sy ny fitaka.+

12 Tsy fahavalo mantsy no manaratsy ahy,+

Fa raha izany, dia ho zakako ihany.

Tsy olona mankahala ahy no mitsangana hanohitra ahy,

Fa raha izany, dia ho niafina azy aho.

13 Fa ianao, izay olombelona toa ahy,* no nanao an’izany,+

Dia ilay namako izay fantatro tsara.+

14 Mpinamana be isika hatramin’izay,

Ary mpandeha tany an-tranon’Andriamanitra niaraka tamin’ny vahoaka.

Ka hidina velona any amin’ny Fasana!*

Fa zava-dratsy foana no ao am-pony na aiza na aiza misy azy.

16 Fa izaho kosa hiantso an’Andriamanitra,

Ka hamonjy ahy i Jehovah.+

17 Na hariva na maraina na antoandro, dia mitebiteby sy mitaraindraina* aho,+

Ka maheno ny feoko izy.+

18 Hanafaka* ahy amin’ireo miady amiko izy ka homeny fiadanana aho,

Fa maro be no miady amiko.+

19 Handre Andriamanitra ka hamaly an’ireny,+

Dia ilay Andriamanitra mipetraka eo amin’ny seza fiandrianana efa hatramin’ny taloha ela be.+ (Sela)

Tsy hanaiky hiova mantsy izy ireny,

Dia ireo tsy matahotra an’Andriamanitra.+

20 Nanafika an’ireo tsara fihavanana taminy izy,*+

Ary tsy nanaja ny fifanekena nataony.+

21 Malefaka noho ny dibera ny teniny,+

Nefa ady no ao am-pony.

Malefaka noho ny menaka ny teniny,

Nefa toy ny sabatra efa notsoahana tao anaty tranony.+

22 Apetraho amin’i Jehovah izay manavesatra anao,+

Fa hanohana anao izy.+

 2 Mitady handrapaka ahy foana ny fahavaloko;

Maro no mirehareha miady amiko.

 4 Andriamanitra no itokisako, ary deraiko ny teniny,

Andriamanitra no itokisako, ka tsy matahotra aho.

 5 Ataon’izy ireo foana izay tsy hampahomby an’izay ataoko;

Ny hanisy ratsy ahy ihany no masaka ao an-tsainy.+

 6 Miafina izy ireo mba hanafika ahy;

Arahiny maso daholo ny diako,+

Satria te hamono ahy* izy ireo.+

10 Andriamanitra no itokisako, ary deraiko ny teniny;

I Jehovah no itokisako, ary deraiko ny teniny;

11 Andriamanitra no itokisako, ka tsy matahotra aho.+

12 Voafatotry ny voady nataoko taminao aho, Andriamanitra ô!+

Hanolotra fisaorana ho anao aho.+

13 Fa novonjenao tsy ho faty aho+

Ary nosakananao tsy ho tafintohina ny tongotro,+

Mba handehanako eo anatrehan’Andriamanitra, miaraka amin’ny* velona.+

57 Iantrao aho Andriamanitra ô! Iantrao aho,

Fa mialoka aminao.+

Mialoka eo ambany aloky ny elatrao aho, mandra-pahalasan’ny loza.+

 2 Miantso an’Andriamanitra Avo Indrindra aho,

Dia ilay tena Andriamanitra, izay mampitsahatra ny loza mba hiarovana ahy.

 4 Voahodidin’ny liona aho;+

Voatery matory eo anivon’ny olona te handrapaka ahy aho.

Toy ny lefona sy zana-tsipìka ny nifin’izy ireo

Ary toy ny sabatra maranitra ny lelany.+

 5 Misandrata any ambonin’ny lanitra, Andriamanitra ô!

Enga anie ny voninahitrao hanerana ny tany manontolo!+

 6 Nanomana harato hamandrihana ny tongotro izy ireo;+

Mitanondrika noho ny fahoriana aho.+

Nihady lavaka hamandrihana ahy izy ireo,

Nefa izy ireo ihany no latsaka tao.+ (Sela)

 7 Tsy miovaova mihitsy ny foko, Andriamanitra ô!+

Tsy miovaova mihitsy ny foko.

 9 Hidera anao eo amin’ny vahoaka aho, Jehovah ô!+

Hihira fiderana* ho anao eo amin’ireo firenena aho.+

10 Fa tena lehibe ny fitiavanao ka tonga hatreny amin’ny lanitra,+

Ary ny tsy fivadihanao mipaka hatreny amin’ny rahona.

11 Misandrata any ambonin’ny lanitra, Andriamanitra ô!

Enga anie ny voninahitrao hanerana ny tany manontolo!+

 2 Tsia! Mitetika ny hanao ny tsy marina ianareo ao am-ponareo ao,+

Ary mampirongatra herisetra ao amin’ilay tany ny tananareo.+

 3 Vao teraka* ny ratsy fanahy dia efa diso lalana;*

Mpikomy izy ireo sady mpandainga hatramin’ny vao teraka.

 4 Toy ny poizin’ny bibilava ny poizina avy amin’izy ireo;+

Marenina hoatran’ny kôbrà manampin-tsofina izy ireo.

 5 Tsy hihaino ny feon’ireo mpilalao ody mibaiko azy izy,

Na dia mahay manao fandraikiraikena tahaka ny inona aza izy ireo.

 8 Enga anie izy ireo ho toy ny sifotra mihalevona eny am-pandehanana,

Ho toy ny zaza vao teraka dia maty ka tsy mahita masoandro!

 9 Mbola tsy mafana akory ny vilaninareo eo ambonin’ny afon-tsilo,

Dia efa hesorin’Andriamanitra ny rantsany mando sy ny efa mirehitra, ka ho toy ny nopaohin’ny tafio-drivotra.+

10 Hifaly ny olo-marina satria hitany ny amaliana ny ratsy fanahy;+

Hiroboka ao anatin’ny ran’izy ireny ny tongony.+

59 Vonjeo amin’ny fahavaloko aho, Andriamanitro ô!+

Arovy aho mba tsy ho azon’ireo mitsangana hanohitra ahy.+

 2 Afaho tsy ho azon’ireo manao ratsy aho,

Ary vonjeo tsy ho azon’ny olona mahery setra.*

 3 Jereo fa miafina hamely ahy izy ireo!+

Manafika ahy ny lehilahy mahery,

Nefa izaho tsy mba nikomy na nanota,+ Jehovah ô!

 6 Miverina izy ireo isan-kariva;+

Mierona* hoatran’ny alika+ izy ireo ary mandehandeha eran’ny tanàna.+

 7 Jereo izay mivoaka* amin’ny vavany;

Hoatran’ny sabatra ny molony,+

Fa hoy izy ireo: “Iza moa no maheno antsika?”+

 8 Hihomehezanao anefa izy ireo, Jehovah ô!+

Hesoinao ny firenena rehetra.+

 9 Ry Heriko ô, ianao no handrasako;+

Fa Andriamanitra no fialofana* azoko antoka.+

10 Ho avy hanampy ahy ilay Andriamanitra tia ahy sy tsy mivadika amiko;+

Hataon’Andriamanitra faly mahita ny fahavaloko resy aho.+

Ampiasao ny herinao ka ataovy mirenireny izy ireo;

Ataovy resy izy ireo, ry Jehovah ampinganay ô!+

12 Noho ny fahotan’ny vavany, eny, noho ny tenin’ny molony,

Dia enga anie izy ireo ho voafandriky ny fireharehany,+

Noho ny ozona sy fitaka lazainy!

13 Aringano ao anatin’ny hatezerana izy ireo amin’ny farany;+

Aringano izy ireo mba tsy hisy intsony;

Ataovy fantany fa Andriamanitra no manjaka eo amin’i Jakoba ka hatrany amin’ny faran’ny tany.+ (Sela)

14 Avelao izy ireo hiverina rehefa hariva;

Avelao izy ireo hierona* hoatran’ny alika sy handehandeha eran’ny tanàna.+

15 Aoka izy ireo hirenireny hitady hanina;+

Aza avela ho voky na hahita toerana hilasiana izy ireo.

16 Fa izaho kosa hihira momba ny herinao;+

Hiresaka momba ny fitiavanao sy ny tsy fivadihanao aho, rehefa maraina.

Fa ianao no fialofana azoko antoka,+

Sy toerana fandosirako amin’ny andro ahitako fahoriana.+

17 Ry Heriko ô, hihira fiderana* ho anao aho!+

Fa fialofana azoko antoka Andriamanitra, dia ilay Andriamanitra tia ahy sy tsy mivadika amiko.+

 4 Omeo* famantarana ireo matahotra anao,

Mba handositra sy ho afa-miala tsy ho voan’ny tsipìka. (Sela)

 5 Vonjeo amin’ny tananao ankavanana izahay ka valio,+

Mba ho avotra ireo tianao.

“Ho faly aho hanome an’i Sekema ho lovan’ny vahoakako,+

Ary horefesiko ny Lohasahan’i* Sokota.+

 7 Ahy i Gileada, ary ahy koa i Manase;+

I Efraima no fiarovan-dohako;*

Ary i Joda no ataoko tehim-pahefana.+

10 Tsy ianao ve, Andriamanitra ô, ilay nanary anay,

Ilay Andriamanitray nefa tsy miaraka amin’ny tafikay intsony?+

11 Ampio izahay rehefa misy fahoriana mahazo anay,

Fa tsy misy dikany ny famonjena avy amin’ny olombelona.+

12 Hahazo hery avy amin’Andriamanitra izahay,+

Ary hanosihosy an’ireo fahavalonay izy.+

 2 Avy any amin’ny faran’ny tany aho no hitaraina aminao,

Rehefa kivy* ny foko.+

 3 Fa ianao no fialofako,

Tilikambo mafy miaro ahy amin’ny fahavaloko.+

 4 Hivahiny ao an-tranolainao mandrakizay aho;+

Hialoka eo ambany elatrao aho.+ (Sela)

 6 Hampianao ny andro hiainan’ny mpanjaka,+

Ary hahatratra ny taranaka fara aman-dimby ny taona hiainany.

 7 Hipetraka eo amin’ny seza fiandrianana* eo anatrehan’Andriamanitra mandrakizay izy;+

Anehoy fitiavana sy tsy fivadihana izy* mba hiaro azy izany.+

 8 Dia hihira fiderana* ho an’ny anaranao mandrakizay aho,+

Sady hanefa isan’andro an’ireo voady nataoko.+

 2 Izy tokoa no vatolampiko sy mpamonjy ahy, fialofana* azoko antoka;+

Tsy hangozohozo be loatra mihitsy aho.+

 4 Fa mikaon-doha izy ireo mba hanonganana azy hiala amin’ny toerana ambony tanany;*

Mahafinaritra azy ireo ny mandainga.

 5 Miandry an’Andriamanitra amim-panginana tokoa aho,+

Satria izy no antenaiko.+

 6 Izy tokoa no vatolampiko sy mpamonjy ahy, fialofana azoko antoka;

Tsy hangozohozo mihitsy aho.+

 9 Toy ny fofonaina fotsiny ny zanak’olombelona,

Tsy azo ianteherana ny taranak’olombelona.+

10 Aza miantehitra amin’ny fanaovana an-keriny,

Na manantena ny hahazo tombony avy amin’ny fandrobana.

12 Anao koa, Jehovah ô, ny fitiavana sy ny tsy fivadihana,+

Fa mamaly ny tsirairay araka ny nataony ianao.+

Tsy misy hery intsony aho* satria maniry mafy anao

Eto amin’ity tany maina sy karakaina tsy misy rano ity.+

 2 Dia nijery anao tao amin’ny toerana masina aho;

Hitako ny herinao sy ny voninahitrao.+

 3 Tsara noho ny aina ny fitiavanao sy ny tsy fivadihanao,+

Ka hanome voninahitra anao ny molotro.+

 4 Koa hidera anao aho mandritra ny androm-piainako;

Amin’ny anaranao no hivavahako.*

 5 Afa-po aho amin’ny anjara tsara indrindra sy faran’izay tsara omenao,*

Ka hidera anao ny vavako ary ho faly hihira ho anao ny molotro.+

 6 Mahatsiaro anao aho rehefa eo am-pandrianako;

Misaintsaina momba anao aho mandritra ny fotoam-piambenana amin’ny alina.+

 7 Fa ianao no mpanampy ahy,+

Ary mihoby eo ambany aloky ny elatrao aho.+

 8 Mifikitra aminao aho;

Mitazona mafy ahy foana ny tananao ankavanana.+

 9 Fa izay mifofo ny aiko* kosa

Hidina any amin’ny faritra lalina amin’ny tany.

10 Hatolotra ho fatin’ny sabatra izy ireny,

Ary ho sakafon’ny alikadia.*

Hiravoravo* izay rehetra mianiana amin’ny anaran’Andriamanitra,

Satria ho tampina ny vavan’izay mandainga.

 2 Arovy amin’ny tetika mangingina ataon’ny ratsy fanahy aho,+

Sy amin’ny andiana mpanao ratsy.

 3 Mandranitra ny lelany ho toy ny sabatra ireny;

Mikendry amin’ny zana-tsipìkany, dia ny teny mandratra ataony, ireny

 4 Mba hitifirana ny tsy manan-tsiny, avy ao amin’ny toeram-piafenany;

Mitifitra azy tampoka ireny, sady tsy mba matahotra.

 5 Mikiry hanatanteraka ny teti-dratsiny* ireny,

Ary mifampiresaka hoe ahoana no hanafenana ny fandrika ampiasainy.

 6 Mitady hevitra vaovao hanaovan-dratsy izy ireny,

Ary mikononkonona tetika maty paika;+

Tsy fantatra mihitsy ny eritreritra ao am-pon’ny tsirairay aminy.

 7 Hotifirin’Andriamanitra anefa ireny;+

Handratra azy ireny tampoka ny zana-tsipìka.

 8 Izy ihany no ho voan’ny tetika ataony;*+

Hihivingivin-doha izay rehetra mahita azy.

 9 Dia hatahotra daholo ny olona,

Ka hanambara an’izay nataon’Andriamanitra,

Ary hahafantatra tsara ny asany.+

10 Hifaly amin’i Jehovah ny olo-marina, ka hialoka aminy;+

Hiravoravo* daholo ny mahitsy fo.

65 Hoderaina any Ziona+ ianao, Andriamanitra ô!

Hanefa ny voady nataonay taminao izahay.+

 3 Tototry ny fahadisoako aho,+

Nefa ianao mamela* ny fandikan-dalàna nataonay.+

 4 Sambatra izay fidinao sy asainao manatona anao

Mba hipetraka eo an-tokotaninao.+

Hahafa-po anay ny zava-tsoa ao an-tranonao,+

Dia ny tempolinao masina.*+

 5 Ry Andriamanitra mpamonjy anay ô,

Hamaly ny fangatahanay ianao, ka hanao zavatra miavaka+ ho fampiharana ny rariny.

Ianao ilay Itokisan’ny olona hatrany amin’ny faran’ny tany+

Sy ireo any an-dranomasina lavitra.

 6 Mampiorina mafy ny tendrombohitra amin’ny herinao ianao;*

Ny tanjakao no akanjo anaovanao.+

 7 Mampitony ny ranomasina misamboaravoara ianao,*+

Dia ny fidoboky ny onjany sy ny tabataban’ireo firenena.+

 8 Ho talanjona amin’ireo famantarana ataonao ny mponina any amin’ny faritra lavitra;+

Hataonao izay hihobian’ireo mipetraka any amin’ny fiposahan’ny masoandro ka hatrany amin’ny filentehany.

 9 Mikarakara ny tany ianao,

Ka ataonao mahavokatra be* sy tena lonaka izy io.+

Mikoriana foana ny renirano avy amin’Andriamanitra;