SÁÀMÙ

1 Aláyọ̀ ni ẹni tí kì í tẹ̀ lé ìmọ̀ràn àwọn èèyàn burúkú

Tí kì í dúró ní ọ̀nà àwọn ẹlẹ́ṣẹ̀+

Tí kì í sì í jókòó lọ́dọ̀ àwọn ẹlẹ́gàn.+

 2 Ṣùgbọ́n òfin Jèhófà máa ń mú inú rẹ̀ dùn,+

Ó sì ń fi ohùn jẹ́ẹ́jẹ́ẹ́ ka* òfin Rẹ̀ tọ̀sántòru.+

 3 Ó máa dà bí igi tí a gbìn sétí odò,

Tó ń so èso ní àsìkò rẹ̀,

Tí ewé rẹ̀ kì í sì í rọ.

 4 Àwọn èèyàn burúkú kò rí bẹ́ẹ̀;

Wọ́n dà bí ìyàngbò* tí afẹ́fẹ́ ń gbá lọ.

 5 Ìdí nìyẹn tí àwọn èèyàn burúkú kò fi ní lè dúró nígbà ìdájọ́;+

Tí àwọn ẹlẹ́ṣẹ̀ kò sì ní lè dúró ní àwùjọ àwọn olódodo.+

 6 Nítorí Jèhófà mọ ọ̀nà àwọn olódodo,+

Àmọ́ ọ̀nà àwọn èèyàn burúkú máa ṣègbé.+

2 Kí nìdí tí àwọn orílẹ̀-èdè fi ń ṣe awuyewuye

Tí àwọn èèyàn sì ń sọ ohun asán lẹ́nu wúyẹ́wúyẹ́?*+

 2 Àwọn ọba ayé dúró

Àwọn aláṣẹ sì kóra jọ*+

Láti dojú kọ Jèhófà àti ẹni àmì òróró* rẹ̀.+

 3 Wọ́n sọ pé: “Ẹ jẹ́ ká já ṣẹkẹ́ṣẹkẹ̀ wọn kúrò lára wa

Ká sì ju okùn wọn dà nù!”

 4 Ẹni tó wà lórí ìtẹ́ ní ọ̀run á rẹ́rìn-ín;

Jèhófà máa fi wọ́n ṣẹ̀sín.

 5 Ní àkókò yẹn, á sọ̀rọ̀ sí wọn nínú ìbínú rẹ̀

Á sì kó jìnnìjìnnì bá wọn nínú ìbínú rẹ̀ tó ń jó bí iná,

 6 Á sọ pé: “Èmi fúnra mi ti fi ọba mi jẹ+

Lórí Síónì,+ òkè mímọ́ mi.”

 7 Ẹ jẹ́ kí n kéde àṣẹ Jèhófà;

Ó sọ fún mi pé: “Ìwọ ni ọmọ mi;+

Òní ni mo di bàbá rẹ.+

 8 Béèrè lọ́wọ́ mi, màá fi àwọn orílẹ̀-èdè ṣe ogún fún ọ

Màá sì fi gbogbo ìkángun ayé ṣe ohun ìní fún ọ.+

 9 Wàá fi ọ̀pá àṣẹ onírin+ ṣẹ́ wọn,

Wàá sì fọ́ wọn túútúú bí ìkòkò amọ̀.”+

10 Nítorí náà, ẹ̀yin ọba, ẹ lo ìjìnlẹ̀ òye;

Ẹ gba ìtọ́sọ́nà,* ẹ̀yin onídàájọ́ ayé.

11 Ẹ fi ìbẹ̀rù sin Jèhófà,

Kí inú yín sì máa dùn nínú ìbẹ̀rù.

12 Ẹ bọlá fún ọmọ náà,*+ àìjẹ́ bẹ́ẹ̀ Ọlọ́run* máa bínú

Ẹ sì máa ṣègbé kúrò lójú ọ̀nà,+

Nítorí ìbínú Rẹ̀ tètè máa ń ru.

“Ọlọ́run ò ní gbà á sílẹ̀.”+ (Sélà)*

 3 Àmọ́, ìwọ Jèhófà ni apata tó yí mi ká,+

Ògo mi+ àti Ẹni tó ń gbé orí mi sókè.+

 4 Màá ké pe Jèhófà,

Yóò sì dá mi lóhùn láti òkè mímọ́ rẹ̀.+ (Sélà)

 5 Màá dùbúlẹ̀, màá sùn;

Màá sì jí ní àlàáfíà,

Nítorí Jèhófà ń tì mí lẹ́yìn.+

 6 Mi ò bẹ̀rù ẹgbẹẹgbẹ̀rún èèyàn

Tí wọ́n yí mi ká láti gbógun tì mí.+

Nítorí wàá gbá gbogbo àwọn ọ̀tá mi ní páárì ẹ̀rẹ̀kẹ́;

Wàá ká eyín àwọn ẹni burúkú.+

 3 Kí ẹ mọ̀ pé Jèhófà máa ṣìkẹ́ ẹni ìdúróṣinṣin rẹ̀ lọ́nà àrà ọ̀tọ̀;*

Jèhófà máa gbọ́ nígbà tí mo bá ké pè é.

 5 Ẹ rú ẹbọ òdodo,

Kí ẹ sì gbẹ́kẹ̀ lé Jèhófà.+

 7 O ti fi ayọ̀ púpọ̀ kún ọkàn mi

Ju ti àwọn tó ní ọ̀pọ̀ ọkà àti wáìnì tuntun nígbà ìkórè.

 8 Màá dùbúlẹ̀, màá sì sùn ní àlàáfíà,+

Nítorí ìwọ nìkan, Jèhófà, ló ń mú kí n máa gbé láìséwu.+

5 Fetí sí ọ̀rọ̀ mi, Jèhófà;+

Fiyè sí ẹ̀dùn ọkàn mi.

 2 Fetí sí igbe ìrànlọ́wọ́ mi,

Ìwọ Ọba mi àti Ọlọ́run mi, torí pé ìwọ ni mò ń gbàdúrà sí.

 3 Ní òwúrọ̀, Jèhófà, wàá gbọ́ ohùn mi;+

Ní òwúrọ̀, màá sọ ohun tó ń jẹ mí lọ́kàn fún ọ,+ màá sì dúró dè ọ́.

 4 Nítorí ìwọ kì í ṣe Ọlọ́run tó fẹ́ràn ìwà burúkú;+

Kò sí ẹni burúkú tó lè dúró lọ́dọ̀ rẹ.+

O kórìíra gbogbo àwọn tó ń hùwà ibi;+

 6 Wàá pa àwọn tó ń parọ́ run.+

 7 Àmọ́ màá wá sínú ilé rẹ+ nítorí ìfẹ́ rẹ tí kì í yẹ̀ tó lágbára;+

Màá forí balẹ̀ ní ìdojúkọ tẹ́ńpìlì mímọ́* rẹ nínú ẹ̀rù tí mo ní fún ọ.+

 8 Jèhófà, ṣamọ̀nà mi nínú òdodo rẹ nítorí àwọn ọ̀tá mi;

Mú kí ọ̀nà rẹ là fún mi.+

 9 Nítorí kò sí èyí tó ṣeé gbára lé nínú ọ̀rọ̀ wọn;

Èrò ibi ló kún inú wọn;

Sàréè tó ṣí sílẹ̀ ni ọ̀fun wọn;

Wọ́n ń fi ẹnu wọn pọ́nni.*+

10 Àmọ́ Ọlọ́run á dá wọn lẹ́bi;

Èrò ibi wọn á mú kí wọ́n ṣubú.+

Kí a lé wọn dà nù torí ẹ̀ṣẹ̀ wọn tó pọ̀ gan-an,

Nítorí wọ́n ti ṣọ̀tẹ̀ sí ọ.

11 Àmọ́ gbogbo àwọn tó fi ọ́ ṣe ibi ààbò á máa yọ̀;+

Ìgbà gbogbo ni wọ́n á máa kígbe ayọ̀.

Wàá dáàbò bo ọ̀nà àbáwọlé wọn,

Àwọn tó nífẹ̀ẹ́ orúkọ rẹ yóò sì máa yọ̀ nínú rẹ.

12 Jèhófà, wàá bù kún ẹni tó bá jẹ́ olódodo;

Wàá fi ojú rere dáàbò bò wọ́n bí apata ńlá.+

6 Jèhófà, má ṣe bá mi wí nínú ìbínú rẹ,

Má sì tọ́ mi sọ́nà nínú ìrunú rẹ.+

 3 Bẹ́ẹ̀ ni, ìdààmú ti bá mi* gidigidi,+

Torí náà, mò ń bi ọ́, Jèhófà, ìgbà wo ló máa dópin?+

 4 Pa dà, Jèhófà, kí o sì gbà mí* sílẹ̀;+

Gbà mí là nítorí ìfẹ́ rẹ tí kì í yẹ̀.+

 5 Nítorí òkú kò lè sọ nípa* rẹ;

Àbí, ta ló lè yìn ọ́ nínú Isà Òkú?*+

 6 Àárẹ̀ ti mú mi nítorí ẹ̀dùn ọkàn mi;+

Láti òru mọ́jú ni omijé mi ń rin ibùsùn mi gbingbin;*

Ẹkún mi ti fi omi kún àga tìmùtìmù mi.+

 7 Ìbànújẹ́ ti sọ ojú mi di bàìbàì;+

Ojú mi ti ṣú* nítorí gbogbo àwọn tó ń halẹ̀ mọ́ mi.

 8 Ẹ kúrò lọ́dọ̀ mi, gbogbo ẹ̀yin tó ń hùwà burúkú,

Nítorí pé Jèhófà yóò gbọ́ igbe ẹkún mi.+

 9 Jèhófà yóò gbọ́ ẹ̀bẹ̀ mi fún ojú rere;+

Jèhófà yóò dáhùn àdúrà mi.

10 Ojú á ti gbogbo àwọn ọ̀tá mi, ìdààmú á sì bá wọn;

Ìtìjú òjijì á mú wọn sá pa dà.+

 2 Àìjẹ́ bẹ́ẹ̀, wọ́n á fà mí* ya pẹ́rẹpẹ̀rẹ bíi kìnnìún,+

Wọ́n á gbé mi lọ láìsí ẹni tó máa gbà mí sílẹ̀.

 3 Jèhófà Ọlọ́run mi, tí mo bá jẹ̀bi nínú ọ̀ràn yìí,

Tí mo bá ṣe àìtọ́,

 4 Tí mo bá ṣe àìdáa sí ẹni tó ṣe rere sí mi,+

Tàbí kẹ̀, tí mo bá kó ẹrù ọ̀tá mi lọ láìnídìí,*

 5 Kí ọ̀tá máa lépa mi, kó sì bá mi;*

Kó tẹ ẹ̀mí mi mọ́lẹ̀

Kó sì mú kí ògo mi pa rẹ́ mọ́ ilẹ̀. (Sélà)

 6 Dìde nínú ìbínú rẹ, Jèhófà;

Gbéra láti kojú àwọn ọ̀tá mi nínú ìbínú wọn;+

Jí nítorí mi, kí o sì mú kí wọ́n ṣe ìdájọ́ òdodo.+

 7 Kí àwọn orílẹ̀-èdè yí ọ ká;

Kí o sì gbéjà kò wọ́n látòkè.

Ṣe ìdájọ́ mi, Jèhófà, gẹ́gẹ́ bí òdodo mi

Àti gẹ́gẹ́ bí ìwà títọ́ mi.+

Àmọ́, fìdí olódodo múlẹ̀,+

Nítorí pé Ọlọ́run olódodo ni ọ́,+ tó ń ṣàyẹ̀wò ọkàn+ àti inú lọ́hùn-ún.*+

11 Ọlọ́run jẹ́ Onídàájọ́ òdodo,+

Ọlọ́run sì ń kéde ìdájọ́ rẹ̀* lójoojúmọ́.

12 Bí ẹnikẹ́ni kò bá ronú pìwà dà,+ Á pọ́n idà rẹ̀;+

Á tẹ ọrun rẹ̀, á sì mú kó wà ní sẹpẹ́.+

13 Ó ń ṣètò àwọn ohun ìjà rẹ̀ tó ń ṣekú pani sílẹ̀;

Ó ń mú kí àwọn ọfà rẹ̀ tó ń jó fòfò wà ní sẹpẹ́.+

14 Wo ẹni tó lóyún ìwà ìkà;

Ọmọ* ìjàngbọ̀n wà nínú rẹ̀, ó sì bí èké.+

15 Ó ti wa kòtò, ó sì gbẹ́ ẹ jìn,

Àmọ́ ó já sínú ihò tí òun fúnra rẹ̀ gbẹ́.+

16 Wàhálà tó dá sílẹ̀ á pa dà sí orí òun fúnra rẹ̀;+

Ìwà ipá rẹ̀ á sì já lé àtàrí rẹ̀.

17 Màá yin Jèhófà nítorí òdodo rẹ̀,+

Màá sì fi orin yin* orúkọ Jèhófà+ Ẹni Gíga Jù Lọ.+

8 Jèhófà Olúwa wa, orúkọ rẹ mà níyì ní gbogbo ayé o;

O ti gbé ògo rẹ ga, kódà ó ga ju ọ̀run lọ!*+

 2 O fìdí agbára rẹ múlẹ̀ láti ẹnu àwọn ọmọdé àti àwọn ọmọ jòjòló+

Nítorí àwọn elénìní rẹ,

Kí o lè pa ọ̀tá àti olùgbẹ̀san lẹ́nu mọ́.

 3 Nígbà tí mo rí ọ̀run rẹ, àwọn iṣẹ́ ìka rẹ,

Òṣùpá àti àwọn ìràwọ̀ tí o ti ṣètò sílẹ̀,+

 4 Kí ni ẹni kíkú jẹ́ tí o fi ń fi í sọ́kàn

Àti ọmọ aráyé tí o fi ń tọ́jú rẹ̀?+

 5 O mú kó rẹlẹ̀ díẹ̀ ju àwọn ẹni bí Ọlọ́run,*

O sì fi ògo àti ọlá ńlá dé e ládé.

 6 O fún un ní àṣẹ lórí àwọn iṣẹ́ ọwọ́ rẹ;+

O ti fi ohun gbogbo sábẹ́ ẹsẹ̀ rẹ̀:

 7 Gbogbo àwọn agbo ẹran àti màlúù,

Àti àwọn ẹran inú igbó,*+

 8 Àwọn ẹyẹ ojú ọ̀run àti ẹja inú òkun,

Ohunkóhun tó ń gba inú òkun kọjá.

9 Jèhófà, màá fi gbogbo ọkàn mi yìn ọ́;

Màá sọ nípa gbogbo iṣẹ́ àgbàyanu rẹ.+

 2 Ṣe ni inú mi á máa dùn, tí màá sì máa yọ̀ nínú rẹ;

Màá fi orin yin* orúkọ rẹ, ìwọ Ẹni Gíga Jù Lọ.+

 3 Nígbà tí àwọn ọ̀tá mi bá sá pa dà,+

Wọ́n á ṣubú, wọ́n á sì ṣègbé kúrò níwájú rẹ.

 4 Nítorí pé o gbèjà mi lórí ẹ̀tọ́ mi;

O jókòó sórí ìtẹ́ rẹ, o sì ń fi òdodo ṣe ìdájọ́.+

5 O ti bá àwọn orílẹ̀-èdè wí,+ o sì ti pa àwọn ẹni burúkú run,

O ti nu orúkọ wọn kúrò títí láé àti láéláé.

6 Ọ̀tá ti pa run títí láé;

O ti fa àwọn ìlú wọn tu,

Wọn yóò sì di ẹni ìgbàgbé.+

7 Àmọ́ Jèhófà wà lórí ìtẹ́ títí láé;+

Ó ti fìdí ìtẹ́ rẹ̀ múlẹ̀ gbọn-in láti máa ṣe ìdájọ́ òdodo.+

8 Yóò fi òdodo ṣe ìdájọ́ ilẹ̀ ayé tí à ń gbé;*+

Yóò dá ẹjọ́ òdodo fún àwọn orílẹ̀-èdè.+

 9 Jèhófà yóò di ibi ààbò* fún àwọn tí à ń ni lára,+

Ibi ààbò ní àkókò wàhálà.+

10 Àwọn tó mọ orúkọ rẹ yóò gbẹ́kẹ̀ lé ọ;+

Jèhófà, ìwọ kì yóò pa àwọn tó ń wá ọ tì láé.+

11 Ẹ kọ orin ìyìn sí Jèhófà, ẹni tó ń gbé ní Síónì;

Ẹ jẹ́ kí àwọn èèyàn mọ àwọn ohun tí ó ṣe.+

12 Nítorí Ẹni tó ń gbẹ̀san ẹ̀jẹ̀ wọn ń rántí wọn;+

Kò ní gbàgbé igbe àwọn tí ìyà ń jẹ.+

13 Ṣojú rere sí mi, Jèhófà; wo ìyà tí àwọn tó kórìíra mi fi ń jẹ mí,

Ìwọ tó gbé mi dìde láti àwọn ẹnubodè ikú,+

14 Kí n lè máa kéde àwọn iṣẹ́ rẹ tí ó yẹ fún ìyìn ní àwọn ẹnubodè ọmọbìnrin Síónì,+

Kí àwọn iṣẹ́ ìgbàlà rẹ sì lè máa mú inú mi dùn.+

15 Àwọn orílẹ̀-èdè ti rì sínú kòtò tí wọ́n gbẹ́;

Ẹsẹ̀ wọn ti kó sínú àwọ̀n tí àwọn fúnra wọn dẹ pa mọ́.+

17 Àwọn èèyàn burúkú á sá pa dà, wọ́n á sì forí lé Isà Òkú,*

Gbogbo àwọn orílẹ̀-èdè tó gbàgbé Ọlọ́run.

18 Àmọ́, a kò ní gbàgbé àwọn aláìní títí lọ;+

Bẹ́ẹ̀ ni ìrètí àwọn oníwà pẹ̀lẹ́ kò ní já sí asán láé.+

 20 Dẹ́rù bà wọ́n, Jèhófà,+

Jẹ́ kí àwọn orílẹ̀-èdè mọ̀ pé ẹni kíkú lásán ni wọ́n. (Sélà)

 2 Ẹni burúkú ń fi ìgbéraga lépa ẹni tí kò ní olùrànlọ́wọ́,+

Àmọ́ èrò ibi tó gbà máa yí dà lé e lórí.+

 3 Ẹni burúkú ń fọ́nnu nítorí ìfẹ́ ọkàn ara rẹ̀,+

Ó sì ń súre fún àwọn olójúkòkòrò;*

נ [Núnì]

 4 Ìgbéraga kì í jẹ́ kí ẹni burúkú ṣe ìwádìí kankan;

Gbogbo èrò rẹ̀ ni pé: “Kò sí Ọlọ́run.”+

 5 Àwọn ọ̀nà rẹ̀ ń yọrí sí rere,+

Àmọ́ àwọn ìdájọ́ rẹ ga kọjá òye rẹ̀;+

Ó ń fi gbogbo àwọn ọ̀tá rẹ̀ ṣẹ̀sín.*

 6 Ó ń sọ lọ́kàn rẹ̀ pé: “Mìmì kan ò ní mì mí;*

Láti ìran dé ìran

 7 Ègún, irọ́ àti ìhàlẹ̀ kún ẹnu rẹ̀;+

Ìjàngbọ̀n àti jàǹbá wà lábẹ́ ahọ́n rẹ̀.+

 8 Ó ń lúgọ lẹ́gbẹ̀ẹ́ àwọn ibùdó;

Ó ń pa àwọn aláìṣẹ̀ láti ibi tó fara pa mọ́ sí.+

10 Ẹni tó bá kó sí i lọ́wọ́ yóò di àtẹ̀rẹ́, yóò sì ṣubú lulẹ̀;

Àwọn tó rin àrìnfẹsẹ̀sí yóò kó sínú akóló rẹ̀.*

Ọ̀dọ̀ rẹ ni àwọn tó rin àrìnfẹsẹ̀sí yíjú sí;+

Ìwọ ni olùrànlọ́wọ́ ọmọ aláìníbaba.*+

15 Ṣẹ́ apá ẹni burúkú àti ẹni ibi,+

Kó lè jẹ́ pé nígbà tí o bá wá ìwà burúkú rẹ̀,

O ò ní rí i mọ́.

18 Wàá dá ẹjọ́ òdodo fún ọmọ aláìníbaba àti ẹni tí a ni lára,+

Kí ẹni kíkú lásánlàsàn* má bàa dẹ́rù bà wọ́n mọ́.+

 2 Wo bí àwọn ẹni burúkú ṣe tẹ ọrun;

Wọ́n fi ọfà wọn sára okùn ọrun,*

Kí wọ́n lè ta á látinú òkùnkùn lu àwọn tí ọkàn wọn dúró ṣinṣin.

 3 Nígbà tí ìpìlẹ̀* bá bà jẹ́,

Kí ni olódodo lè ṣe?”

 5 Jèhófà ń ṣàyẹ̀wò olódodo àti ẹni burúkú;+

Ó* kórìíra ẹni tó bá nífẹ̀ẹ́ ìwà ipá.+

 6 Yóò dẹ ọ̀pọ̀ pańpẹ́ fún* àwọn ẹni burúkú;

Iná, imí ọjọ́+ àti ẹ̀fúùfù gbígbóná ni yóò wà nínú ife wọn.

12 Gbà mí Jèhófà, nítorí kò sí ẹni ìdúróṣinṣin mọ́;

Àwọn olóòótọ́ ti pòórá láàárín àwọn èèyàn.

 2 Irọ́ ni wọ́n ń pa fún ara wọn;

Wọ́n ń fi ètè wọn pọ́nni,* wọ́n sì ń fi ọkàn ẹ̀tàn* sọ̀rọ̀.+

 3 Jèhófà máa gé gbogbo ètè tó ń pọ́nni kúrò

Àti ahọ́n tó ń sọ̀rọ̀ ìgbéraga,+

 4 Àwọn tó ń sọ pé: “Ahọ́n wa la máa fi ṣàṣeyọrí.

Bó ṣe wù wá ni à ń lo ètè wa;

Ta ló máa jẹ ọ̀gá lé wa lórí?”+

 5 “Nítorí ìnira àwọn tí ìyà ń jẹ,

Nítorí ìkérora àwọn aláìní,+

Màá dìde láti gbé ìgbésẹ̀,” ni Jèhófà wí.

 6 Àwọn ọ̀rọ̀ Jèhófà mọ́;+

Wọ́n dà bíi fàdákà tí a yọ́ mọ́ nínú iná ìléru tí wọ́n fi amọ̀ ṣe,* èyí tí a yọ́ mọ́ ní ìgbà méje.

 7 Jèhófà, wàá máa ṣọ́ wọn;+

Wàá dáàbò bo kálukú wọn lọ́wọ́ ìran yìí títí láé.

 8 Àwọn ẹni burúkú ń rìn káàkiri fàlàlà

Nítorí pé àwọn ọmọ èèyàn ń gbé ìwà ìbàjẹ́ lárugẹ.+

 2 Ìgbà wo ni mi* ò ní dààmú mọ́,

Tí ẹ̀dùn ọkàn mi ojoojúmọ́ á sì dópin?

Tan ìmọ́lẹ̀ sí ojú mi, kí n má bàa sun oorun ikú,

 4 Kí ọ̀tá mi má bàa sọ pé: “Mo ti ṣẹ́gun rẹ̀!”

 5 Ní tèmi, ìfẹ́ rẹ tí kì í yẹ̀ ni mo gbẹ́kẹ̀ lé;+

Àwọn iṣẹ́ ìgbàlà rẹ yóò máa mú ọkàn mi yọ̀.+

Ìwà ìbàjẹ́ ni wọ́n ń hù, ìṣesí wọn sì jẹ́ ohun ìríra;

Kò sí ẹni tó ń ṣe rere.+

 2 Àmọ́ Jèhófà ń bojú wo àwọn ọmọ èèyàn láti ọ̀run

Láti rí i bóyá ẹnì kan wà tó ní ìjìnlẹ̀ òye, bóyá ẹnì kan wà tó ń wá Jèhófà.+

 3 Gbogbo wọn ti kúrò lójú ọ̀nà;+

Gbogbo wọn jẹ́ oníwà ìbàjẹ́.

Kò sí ẹni tó ń ṣe rere,

Kò tiẹ̀ sí ẹyọ kan.

 5 Àmọ́, jìnnìjìnnì á bò wọ́n,+

Nítorí Jèhófà wà pẹ̀lú ìran àwọn olódodo.

 6 Ẹ̀yin oníwà burúkú fẹ́ da èrò aláìní rú,

Àmọ́ Jèhófà ni ibi ààbò rẹ̀.+

Nígbà tí Jèhófà bá kó àwọn èèyàn rẹ̀ tó wà lóko ẹrú pa dà,

Kí inú Jékọ́bù dùn, kí Ísírẹ́lì sì yọ̀.

 2 Ẹni tó ń rìn láìlẹ́bi,*+

Tó ń ṣe ohun tí ó tọ́+

Tó sì ń sọ òtítọ́ nínú ọkàn rẹ̀.+

 3 Kò fi ahọ́n rẹ̀ bani jẹ́,+

Kò ṣe ohun búburú kankan sí ọmọnìkejì rẹ̀,+

Kò sì ba àwọn ọ̀rẹ́ rẹ̀ lórúkọ jẹ́.*+

 4 Kì í bá ẹnikẹ́ni tó jẹ́ oníwàkiwà kẹ́gbẹ́,+

Àmọ́ ó máa ń bọlá fún àwọn tó bẹ̀rù Jèhófà.

 5 Kì í yáni lówó èlé,+

Kì í gba àbẹ̀tẹ́lẹ̀ láti gbógun ti aláìṣẹ̀.+

 3 Àwọn ẹni mímọ́ tó wà láyé

Àti àwọn ọlọ́lá, ń mú inú mi dùn jọjọ.”+

Mi ò ní bá wọn da ọrẹ ohun mímu ẹ̀jẹ̀ sílẹ̀,

Bẹ́ẹ̀ ni ètè mi ò ní dárúkọ wọn.*+

Ayọ̀ púpọ̀+ wà ní iwájú* rẹ,

Ìdùnnú* sì wà ní ọwọ́ ọ̀tún rẹ títí láé.

17 Jèhófà, gbọ́ ẹ̀bẹ̀ mi fún ìdájọ́ òdodo;

Fiyè sí igbe mi fún ìrànlọ́wọ́;

Fetí sí àdúrà tí mo gbà láìṣẹ̀tàn.+

 2 Kí o ṣe ìpinnu tí ó tọ́ nítorí mi;+

Kí ojú rẹ rí ohun tí ó tọ́.

 3 O ti ṣàyẹ̀wò ọkàn mi, o ti bẹ̀ mí wò ní òru;+

O ti yọ́ mi mọ́;+

Wàá rí i pé mi ò ní èrò ibi kankan lọ́kàn,

Ẹnu mi kò sì dẹ́ṣẹ̀.

 4 Ohunkóhun tí àwọn èèyàn ì báà máa ṣe,

Nítorí ọ̀rọ̀ rẹ, mo yẹra fún ọ̀nà àwọn ọlọ́ṣà.+

 5 Má ṣe jẹ́ kí ìṣísẹ̀ mi kúrò ní ọ̀nà rẹ

Kí n má bàa kọsẹ̀.+

 7 Fi ìfẹ́ rẹ tí kì í yẹ̀ hàn lọ́nà àgbàyanu,+

Ìwọ Olùgbàlà àwọn tó ń wá ààbò ní ọwọ́ ọ̀tún rẹ

Kí ọwọ́ àwọn tó ń ṣọ̀tẹ̀ sí ọ má bàa tẹ̀ wọ́n.

 8 Dáàbò bò mí bí ọmọlójú rẹ;+

Fi mí pa mọ́ sábẹ́ òjìji ìyẹ́ apá rẹ.+

10 Wọ́n ti yigbì;*

Wọ́n ń fi ẹnu wọn sọ̀rọ̀ ìgbéraga;

11 Ní báyìí, wọ́n ti ká wa mọ́;+

Wọ́n ń wá ọ̀nà tí wọ́n á fi gbé wa ṣubú.*

12 Ó dà bíi kìnnìún tó fẹ́ fa ẹran ya,

Bí ọmọ kìnnìún tó lúgọ síbi ìkọ̀kọ̀.

13 Dìde Jèhófà, kí o kò ó lójú+ kí o sì mú un balẹ̀;

Fi idà rẹ gbà mí* lọ́wọ́ ẹni burúkú;

14 Jèhófà, fi ọwọ́ rẹ gbà mí sílẹ̀,

Lọ́wọ́ àwọn èèyàn ayé* yìí, àwọn tí ìpín wọn jẹ́ ti ayé yìí,+

Àwọn tí o fún ní àwọn ohun rere tí o ti pèsè,+

Àwọn tí wọ́n fi ogún sílẹ̀ fún ọmọ púpọ̀.

15 Àmọ́ ní tèmi, màá rí ojú rẹ nínú òdodo;

Ó tẹ́ mi lọ́rùn láti máa jí rí ọ.*+

Ọlọ́run mi ni àpáta mi,+ ẹni tí mo fi ṣe ibi ààbò,

Apata mi àti ìwo* ìgbàlà mi,* ibi ààbò mi.*+

 3 Mo ké pe Jèhófà, ẹni tí ìyìn yẹ,

Yóò sì gbà mí lọ́wọ́ àwọn ọ̀tá mi.+

 4 Àwọn okùn ikú yí mi ká;+

Àwọn ọkùnrin tí kò ní láárí ya lù mí bí omi.+

 5 Àwọn okùn Isà Òkú* yí mi ká;

Ikú dẹ pańpẹ́ síwájú mi.+

 6 Mo ké pe Jèhófà nínú wàhálà mi,

Mo sì ń kígbe sí Ọlọ́run mi fún ìrànlọ́wọ́.

Ó gbọ́ ohùn mi láti tẹ́ńpìlì rẹ̀,+

Igbe tí mo ké sọ́dọ̀ rẹ̀ fún ìrànlọ́wọ́ sì dé etí rẹ̀.+

 7 Nígbà náà, ayé bẹ̀rẹ̀ sí í mì, ó sì ń mì jìgìjìgì;+

Ìpìlẹ̀ àwọn òkè mì,

Wọ́n sì ń mì síwá-sẹ́yìn nítorí a ti mú un bínú.+

 8 Èéfín jáde láti ihò imú rẹ̀,

Iná tó ń jóni run jáde láti ẹnu rẹ̀,+

Ẹyin iná sì ń jó láti ọ̀dọ̀ rẹ̀.

11 Ó wá fi òkùnkùn bo ara rẹ̀,+

Ó bò ó yí ká bí àgọ́,

Nínú ojú ọ̀run tó ṣú dẹ̀dẹ̀.+

12 Láti inú ìmọ́lẹ̀ tó wà níwájú rẹ̀,

Yìnyín àti ẹyin iná gba inú àwọsánmà jáde.

13 Nígbà náà, Jèhófà bẹ̀rẹ̀ sí í sán ààrá ní ọ̀run;+

Ẹni Gíga Jù Lọ mú kí a gbọ́ ohùn rẹ̀+

Pẹ̀lú yìnyín àti ẹyin iná.

14 Ó ta àwọn ọfà rẹ̀, ó sì tú wọn ká;+

Ó ju mànàmáná rẹ̀, ó sì kó wọn sínú ìdàrúdàpọ̀.+

15 Ìsàlẹ̀ odò* hàn síta;+

Àwọn ìpìlẹ̀ ayé hàn síta nítorí ìbáwí rẹ, Jèhófà,

Nípa èémí tó tú jáde ní ihò imú rẹ.+

16 Ó na ọwọ́ rẹ̀ láti òkè;

Ó mú mi, ó sì fà mí jáde látinú omi jíjìn.+

17 Ó gbà mí lọ́wọ́ ọ̀tá mi alágbára,+

Lọ́wọ́ àwọn tó kórìíra mi, tí wọ́n sì lágbára jù mí lọ.+

18 Wọ́n kò mí lójú ní ọjọ́ àjálù mi,+

Ṣùgbọ́n Jèhófà ni alátìlẹyìn mi.

19 Ó mú mi jáde wá sí ibi ààbò;*

Ó gbà mí sílẹ̀ nítorí pé inú rẹ̀ dùn sí mi.+

20 Jèhófà san èrè fún mi nítorí òdodo mi;+

Ó san èrè fún mi nítorí pé ọwọ́ mi mọ́.*+

21 Nítorí mo ti pa àwọn ọ̀nà Jèhófà mọ́,

Mi ò hùwà burúkú, kí n wá fi Ọlọ́run mi sílẹ̀.

22 Gbogbo ìdájọ́ rẹ̀ wà ní iwájú mi;

Mi ò ní pa àwọn òfin rẹ̀ tì.

23 Màá jẹ́ aláìlẹ́bi níwájú rẹ̀,+

Màá sì pa ara mi mọ́ kúrò nínú ẹ̀ṣẹ̀.+

24 Kí Jèhófà san èrè fún mi nítorí òdodo mi+

Àti nítorí pé ọwọ́ mi mọ́ ní iwájú rẹ̀.+

25 Ìwọ jẹ́ adúróṣinṣin sí ẹni tó jẹ́ adúróṣinṣin;+

Ìwọ ń hùwà àìlẹ́bi sí ọkùnrin aláìlẹ́bi;+

 26 Ìwọ jẹ́ mímọ́ sí ẹni tí ó mọ́,+

Àmọ́ ìwọ ń jẹ́ kí àwọn oníbékebèke mọ̀ pé òmùgọ̀ ni wọ́n.+

27 Ò ń gba àwọn ẹni rírẹlẹ̀* là+

Ṣùgbọ́n ò ń rẹ àwọn agbéraga*+ wálẹ̀.

28 Jèhófà, ìwọ lò ń tan fìtílà mi,

Ọlọ́run mi tó ń tan ìmọ́lẹ̀ sí òkùnkùn+ mi.

29 Ìrànlọ́wọ́ rẹ ni mo fi lè gbéjà ko àwọn jàǹdùkú;*+

Agbára Ọlọ́run ni mo fi lè gun ògiri.+

30 Pípé ni ọ̀nà Ọlọ́run tòótọ́;+

Ọ̀rọ̀ Jèhófà jẹ́ èyí tí a yọ́ mọ́.+

32 Ọlọ́run tòótọ́ ni ẹni tó ń gbé agbára wọ̀ mí,+

Yóò sì mú kí ọ̀nà mi jẹ́ pípé.+

33 Ó ṣe ẹsẹ̀ mi bíi ti àgbọ̀nrín,

Ó sì mú mi dúró ní àwọn ibi gíga.+

34 Ó ń kọ́ ọwọ́ mi ní ogun,

Apá mi sì lè tẹ ọrun tí a fi bàbà ṣe.

35 O fún mi ní apata rẹ láti gbà mí là,+

Ọwọ́ ọ̀tún rẹ ń tì mí lẹ́yìn,*

Ìrẹ̀lẹ̀ rẹ sì sọ mí di ẹni ńlá.+

36 O fẹ ọ̀nà fún ẹsẹ̀ mi;

Kí ẹsẹ̀* mi má bàa yọ̀.+

37 Màá lépa àwọn ọ̀tá mi, màá sì bá wọn;

Mi ò ní pa dà títí wọ́n á fi pa rẹ́.

38 Màá fọ́ wọn túútúú, kí wọ́n má lè gbérí mọ́;+

Wọ́n á ṣubú sábẹ́ ẹsẹ̀ mi.

39 Wàá fún mi lókun láti jagun,

Wàá sì mú kí àwọn ọ̀tá mi ṣubú sábẹ́ mi.+

40 Wàá mú kí àwọn ọ̀tá mi pa dà lẹ́yìn mi,*

Màá sì pa àwọn tó kórìíra mi run.*+

41 Wọ́n kígbe fún ìrànlọ́wọ́, àmọ́ kò sí ẹni tó máa gbà wọ́n;

Kódà, wọ́n ké pe Jèhófà, àmọ́ kò dá wọn lóhùn.

42 Màá gún wọn kúnná bí eruku inú ẹ̀fúùfù,

Màá sì dà wọ́n nù bí ẹrẹ̀ ojú ọ̀nà.

44 Ohun tí wọ́n bá gbọ́ nìkan yóò mú kí wọ́n ṣègbọràn sí mi;

Àwọn àjèjì á wá ba búrúbúrú níwájú mi.+

45 Ọkàn àwọn àjèjì á domi;*

Wọ́n á jáde tẹ̀rùtẹ̀rù látinú ibi ààbò wọn.

47 Ọlọ́run tòótọ́ ń gbẹ̀san fún mi;+

Ó ń ṣẹ́gun àwọn èèyàn lábẹ́ mi.

48 Ó ń gbà mí lọ́wọ́ àwọn ọ̀tá mi tí inú ń bí;

Ìwọ gbé mi lékè àwọn tó ń gbéjà kò mí;+

O gbà mí lọ́wọ́ oníwà ipá.

49 Jèhófà, ìdí nìyẹn tí màá fi yìn ọ́ lógo láàárín àwọn orílẹ̀-èdè,+

Màá sì fi orin yin* orúkọ rẹ.+

50 Ó ń ṣe àwọn iṣẹ́ ìgbàlà* ńlá fún ọba rẹ̀;+

Ó ní ìfẹ́ tí kì í yẹ̀ sí ẹni àmì òróró rẹ̀,+

Sí Dáfídì àti àtọmọdọ́mọ* rẹ̀ títí láé.+

19 Àwọn ọ̀run ń polongo ògo Ọlọ́run;+

Ojú ọ̀run* sì ń kéde iṣẹ́ ọwọ́ rẹ̀.+

 2 Láti ọjọ́ dé ọjọ́, ọ̀rọ̀ wọn ń tú jáde,

Láti òru dé òru, wọ́n ń fi ìmọ̀ hàn.

 3 Wọn kò fọhùn, bẹ́ẹ̀ ni wọn kò sọ̀rọ̀;

A kò gbọ́ ohùn wọn.

 4 Síbẹ̀ ohùn wọn ti dún* jáde lọ sí gbogbo ayé,

Iṣẹ́ tí wọ́n ń jẹ́ sì ti dé ìkángun ilẹ̀ ayé tí à ń gbé.*+

Ọlọ́run ti pàgọ́ fún oòrùn sí ọ̀run;

 5 Ó dà bí ọkọ ìyàwó tó ń jáde bọ̀ látinú yàrá ìgbéyàwó;

Inú rẹ̀ ń dùn bí alágbára ọkùnrin tó ń sáré ní ipa ọ̀nà rẹ̀.

 6 Ó máa ń jáde láti ìkángun kan ọ̀run,

Á sì yí lọ dé ìkángun kejì;+

Kò sí nǹkan kan tó fara pa mọ́ kúrò nínú ooru rẹ̀.

 8 Àwọn ìtọ́sọ́nà látọ̀dọ̀ Jèhófà jẹ́ òdodo, wọ́n ń mú ọkàn yọ̀;+

Àṣẹ Jèhófà mọ́, ó ń mú kí ojú mọ́lẹ̀.+

10 Wọ́n yẹ ní fífẹ́ ju wúrà,

Ju ọ̀pọ̀ wúrà tó dáa,*+

Wọ́n sì dùn ju oyin lọ,+ oyin inú afárá.

11 A ti fi wọ́n kìlọ̀ fún ìránṣẹ́ rẹ;+

Èrè ńlá wà nínú pípa wọ́n mọ́.+

13 Má ṣe jẹ́ kí ìránṣẹ́ rẹ hùwà ògbójú;+

Má ṣe jẹ́ kí ó jọba lé mi lórí.+

Nígbà náà, màá pé pérépéré,+

Ọwọ́ mi á sì mọ́ nínú àwọn ẹ̀ṣẹ̀ ńlá.*

14 Kí ọ̀rọ̀ ẹnu mi àti àṣàrò ọkàn mi

Máa múnú rẹ dùn,+ Jèhófà, Àpáta mi+ àti Olùràpadà mi.+

 2 Kó ràn ọ́ lọ́wọ́ láti ibi mímọ́,+

Kó sì gbé ọ ró láti Síónì.+

 3 Kó rántí gbogbo ọrẹ ẹ̀bùn rẹ;

Kó fi ojú rere gba ẹbọ sísun rẹ.* (Sélà)

 4 Kó fún ọ ní ohun tí ọkàn rẹ fẹ́,+

Kó sì mú kí gbogbo èrò* rẹ ṣẹ.

 5 A ó kígbe ayọ̀ nítorí àwọn iṣẹ́ ìgbàlà rẹ;+

A ó gbé àwọn ọ̀págun wa sókè ní orúkọ Ọlọ́run wa.+

Ó ń dá a lóhùn láti ọ̀run mímọ́

Pẹ̀lú ìgbàlà* ńlá ní ọwọ́ ọ̀tún rẹ̀.+

 7 Àwọn kan gbẹ́kẹ̀ lé kẹ̀kẹ́ ẹṣin, àwọn míì sì gbẹ́kẹ̀ lé ẹṣin,+

Àmọ́, àwa ń ké pe orúkọ Jèhófà Ọlọ́run wa.+

 8 Wọ́n ti kọsẹ̀, wọ́n sì ti ṣubú lulẹ̀,

Àmọ́ àwa ti dìde, a sì ti kọ́fẹ pa dà.+

21 Jèhófà, inú agbára rẹ ni ọba ti ń yọ̀;+

Wo bí ó ṣe ń yọ̀ gidigidi nínú àwọn iṣẹ́ ìgbàlà rẹ!+

 2 O ti fún un ní ohun tí ọkàn rẹ̀ fẹ́,+

Ìwọ kò sì fi ohun tó béèrè dù ú. (Sélà)

 3 Nítorí pé o fi ọ̀pọ̀ ìbùkún pàdé rẹ̀;

O fi adé wúrà tó dáa* dé e ní orí.+

 4 Ó béèrè ẹ̀mí lọ́wọ́ rẹ, o sì fún un,+

Ẹ̀mí gígùn,* títí láé àti láéláé.

 6 O sọ ọ́ di ẹni ìbùkún títí láé;+

O mú kí ó máa yọ̀ ṣẹ̀ṣẹ̀ nítorí o* wà pẹ̀lú rẹ̀.+

 7 Ọba gbẹ́kẹ̀ lé Jèhófà;+

Nítorí ìfẹ́ tí kì í yẹ̀ tí Ẹni Gíga Jù Lọ ní, mìmì kan ò ní mì í* láé.+

 8 Ọwọ́ rẹ á tẹ gbogbo àwọn ọ̀tá rẹ;

Ọwọ́ ọ̀tún rẹ á tẹ àwọn tó kórìíra rẹ.

10 Wàá pa àtọmọdọ́mọ* wọn run kúrò ní ayé,

Àti ọmọ wọn kúrò láàárín àwọn ọmọ èèyàn.

11 Wọ́n fẹ́ ṣe ohun tí kò dáa sí ọ;+

Wọ́n ti gbèrò ibi, àmọ́ kò ní ṣẹ.+

12 Wàá mú kí wọ́n sá pa dà+

Nígbà tí o bá dojú ọfà* rẹ kọ wọ́n.*

Kí nìdí tí o fi jìnnà sí mi láti gbà mí sílẹ̀,

Tí o sì jìnnà sí igbe ìrora mi?+

 2 Ọlọ́run mi, mò ń ké pè ọ́ ní ọ̀sán, àmọ́ o ò dáhùn;+

Kódà ní òru, mi ò dákẹ́.

 3 Àmọ́ ẹni mímọ́+ ni ọ́,

Ìyìn Ísírẹ́lì sì yí ọ ká.*

 4 Ìwọ ni àwọn baba wa gbẹ́kẹ̀ lé;+

Wọ́n gbẹ́kẹ̀ lé ọ, o sì ń gbà wọ́n sílẹ̀.+

 5 Ìwọ ni wọ́n ké pè, o sì gbà wọ́n;

Wọ́n gbẹ́kẹ̀ lé ọ, o ò sì já wọn kulẹ̀.*+

 6 Àmọ́ kòkòrò mùkúlú ni mí, èmi kì í ṣe èèyàn,

Àwọn èèyàn ń fi mí ṣẹ̀sín,* aráyé ò sì kà mí sí.+

 7 Gbogbo àwọn tó ń rí mi ló ń fi mí ṣe yẹ̀yẹ́;+

Wọ́n ń yínmú, wọ́n sì ń mi orí wọn, pé:+

 9 Ìwọ ni Ó gbé mi jáde láti inú ìyá mi,+

Ìwọ ni O mú kí ọkàn mi balẹ̀ ní àyà ìyá mi.

10 Ọwọ́ rẹ ni mo wà* látìgbà tí wọ́n ti bí mi;

Ìwọ ni Ọlọ́run mi láti inú ìyá mi wá.

11 Má jìnnà sí mi, torí wàhálà ti dé tán+

Mi ò sì ní olùrànlọ́wọ́+ míì.

12 Ọ̀pọ̀ akọ ọmọ màlúù yí mi ká;+

Àwọn akọ màlúù Báṣánì tó lágbára rọ̀gbà yí mi ká.+

13 Wọ́n ya ẹnu wọn sí mi,+

Bíi kìnnìún tó ń ké ramúramù, tó sì ń fa ẹran ya.+

14 A tú mi jáde bí omi;

Gbogbo egungun mi ti yẹ̀.

Ọkàn mi ti dà bí ìda;+

Ó yọ́ nínú mi lọ́hùn-ún.+

15 Okun mi ti tán, mo dà bí èéfọ́ ìkòkò;+

Ahọ́n mi lẹ̀ mọ́ ẹran ìdí eyín mi;+

O sì mú mi wálẹ̀ sínú ekuru kí n lè kú.+

16 Nítorí àwọn ajá yí mi ká;+

Wọ́n ká mi mọ́ bí ìgbà tí àwọn aṣebi bá káni mọ́,+

Wọ́n wà níbi ọwọ́ àti ẹsẹ̀ mi bíi kìnnìún.+

18 Wọ́n pín ẹ̀wù mi láàárín ara wọn,

Wọ́n sì ṣẹ́ kèké nítorí aṣọ mi.+

20 Gbà mí* lọ́wọ́ idà,

Gba ẹ̀mí mi tó ṣeyebíye* lọ́wọ́ èékánná* ajá;+

 21 Gbà mí kúrò lẹ́nu kìnnìún  + àti lọ́wọ́ ìwo akọ màlúù igbó;

Dá mi lóhùn, kí o sì gbà mí sílẹ̀.

22 Màá sọ orúkọ rẹ fún àwọn arákùnrin mi;+

Màá sì yìn ọ́ láàárín ìjọ.+

24 Nítorí kò gbójú fo ìyà tó ń jẹ ẹni tí ara ń ni, kò sì ṣàìka ìpọ́njú rẹ̀ sí;+

Kò gbé ojú rẹ̀ pa mọ́ fún un.+

25 Màá yìn ọ́ láàárín ìjọ ńlá;+

Màá san àwọn ẹ̀jẹ́ mi níwájú àwọn tó bẹ̀rù rẹ.

26 Àwọn oníwà pẹ̀lẹ́ á jẹ, wọ́n á sì yó;+

Àwọn tó ń wá Jèhófà yóò yìn ín.+

28 Nítorí pé ti Jèhófà ni ìjọba;+

Ó ń ṣàkóso àwọn orílẹ̀-èdè.

29 Gbogbo àwọn tó láásìkí* nínú ayé á jẹ, wọ́n á sì tẹrí ba;

Gbogbo àwọn tó ń lọ sínú erùpẹ̀ yóò wólẹ̀ níwájú rẹ̀;

Kò sí ìkankan lára wọn tó lè dá ẹ̀mí* rẹ̀ sí.

30 Àwọn àtọmọdọ́mọ wọn* yóò máa sìn ín;

Ìran tó ń bọ̀ yóò gbọ́ nípa Jèhófà.

 2 Ó mú mi dùbúlẹ̀ ní ibi ìjẹko tútù;

Ó darí mi sí àwọn ibi ìsinmi tó lómi dáadáa.*+

 4 Bí mo tilẹ̀ ń rìn nínú àfonífojì tó ṣókùnkùn biribiri,+

Mi ò bẹ̀rù ewukéwu,+

Nítorí o wà pẹ̀lú mi;+

Ọ̀gọ* rẹ àti ọ̀pá rẹ ń fi mí lọ́kàn balẹ̀.*

O fi òróró pa orí mi;*+

Ife mi kún dáadáa.+

 6 Dájúdájú, ire àti ìfẹ́ tí kì í yẹ̀ yóò máa tọ̀ mí lẹ́yìn ní gbogbo ọjọ́ ayé mi,+

Èmi yóò sì máa gbé inú ilé Jèhófà ní gbogbo ọjọ́ ayé mi.+

24 Jèhófà ló ni ayé àti gbogbo ohun tó wà nínú rẹ̀,+

Ilẹ̀ tó ń méso jáde àti àwọn tó ń gbé orí rẹ̀.

 2 Nítorí ó ti fìdí rẹ̀ sọlẹ̀ sórí òkun+

Ó sì fìdí rẹ̀ múlẹ̀ sórí àwọn odò.

 3 Ta ló lè gun orí òkè Jèhófà,+

Ta ló sì lè dúró ní ibi mímọ́ rẹ̀?

 4 Ẹni tí ọwọ́ rẹ̀ mọ́, tí ọkàn rẹ̀ sì mọ́,+

Ẹni tí kò fi ẹ̀mí Mi* búra èké,

Tí kò sì búra ẹ̀tàn.+

 5 Yóò gba ìbùkún látọ̀dọ̀ Jèhófà+

Àti òdodo* látọ̀dọ̀ Ọlọ́run ìgbàlà rẹ̀.+

 6 Ìran àwọn tó ń wá a nìyí,

Ti àwọn tó ń wá ojú rẹ, ìwọ Ọlọ́run Jékọ́bù. (Sélà)

 7 Ẹ gbé orí yín sókè, ẹ̀yin ẹnubodè;+

Ẹ ṣí sílẹ̀,* ẹ̀yin ẹnu ọ̀nà àtijọ́,

Kí Ọba ológo lè wọlé!+

Jèhófà ni, ẹni tó ní okun àti agbára,+

Jèhófà, akin lójú ogun.+

 9 Ẹ gbé orí yín sókè, ẹ̀yin ẹnubodè;+

Ẹ ṣí sílẹ̀, ẹ̀yin ẹnu ọ̀nà àtijọ́,

Kí Ọba ológo lè wọlé!

 2 Ọlọ́run mi, ìwọ ni mo gbẹ́kẹ̀ lé;+

Má ṣe jẹ́ kí ojú tì mí.+

 3 Ó dájú pé ojú ò ní ti ìkankan nínú àwọn tó nírètí nínú rẹ,+

Àmọ́ ojú á ti àwọn tó jẹ́ oníbékebèke láìnídìí.+

 4 Mú mi mọ àwọn ọ̀nà rẹ, Jèhófà;+

Kọ́ mi ní àwọn ipa ọ̀nà rẹ.+

 5 Mú kí n máa rìn nínú òtítọ́ rẹ, kí o sì kọ́ mi,+

Nítorí ìwọ ni Ọlọ́run ìgbàlà mi.

 6 Jèhófà, rántí àánú rẹ àti ìfẹ́ rẹ tí kì í yẹ̀,+

Èyí tí ò ń fi hàn nígbà gbogbo.*+

Rántí mi nínú ìfẹ́ rẹ tí kì í yẹ̀,+

Nítorí oore rẹ, Jèhófà.+

 9 Yóò darí àwọn oníwà pẹ̀lẹ́ láti ṣe ohun tí ó tọ́,*+

Yóò sì kọ́ àwọn oníwà pẹ̀lẹ́ ní ọ̀nà rẹ̀.+

10 Gbogbo ọ̀nà Jèhófà jẹ́ ìfẹ́ tí kì í yẹ̀ àti òtítọ́

Fún àwọn tó ń pa májẹ̀mú rẹ̀+ àti àwọn ìránnilétí+ rẹ̀ mọ́.

11 Nítorí orúkọ rẹ, Jèhófà,+

Dárí ẹ̀ṣẹ̀ mi jì mí, bó tilẹ̀ jẹ́ pé ó pọ̀.

13 Yóò* gbádùn ohun rere,+

Àwọn àtọmọdọ́mọ* rẹ̀ yóò sì jogún ayé.+

14 Àwọn tó bẹ̀rù Jèhófà ni ọ̀rẹ́ rẹ̀ tímọ́tímọ́,+

Ó sì ń jẹ́ kí wọ́n mọ májẹ̀mú rẹ̀.+

15 Ọ̀dọ̀ Jèhófà ni ojú mi ń wò nígbà gbogbo,+

Nítorí ó máa yọ ẹsẹ̀ mi nínú àwọ̀n.+

16 Bojú wò mí, kí o sì ṣojú rere sí mi,

Nítorí mo dá wà, mi ò sì ní olùrànlọ́wọ́.

17 Ìdààmú ọkàn mi ti pọ̀ sí i;+

Yọ mí nínú másùnmáwo tó bá mi.

18 Wo ìpọ́njú mi àti wàhálà mi,+

Kí o sì dárí gbogbo ẹ̀ṣẹ̀ mi jì mí.+

19 Wo bí àwọn ọ̀tá mi ṣe pọ̀ tó,

Àti bí ìkórìíra tí wọ́n ní sí mi ṣe lágbára tó.

 21 Kí ìwà títọ́ àti ìdúróṣinṣin máa dáàbò bò mí,+

Nítorí ìwọ ni mo gbẹ́kẹ̀ lé.+

26 Ṣe ìdájọ́ mi, Jèhófà, nítorí mo ti rìn nínú ìwà títọ́ mi;+

Jèhófà ni mo gbẹ́kẹ̀ lé láìmikàn.+

 2 Yẹ̀ mí wò, Jèhófà, kí o sì dán mi wò;

Yọ́ èrò inú mi* àti ọkàn mi mọ́.+

 3 Nítorí ìfẹ́ rẹ tí kì í yẹ̀ máa ń wà níwájú mi nígbà gbogbo,

Mo sì ń rìn nínú òtítọ́ rẹ.+

 4 Èmi kì í bá àwọn ẹlẹ́tàn kẹ́gbẹ́,*+

Mo sì máa ń yẹra fún àwọn tó ń fi ẹni tí wọ́n jẹ́ pa mọ́.*

 5 Mo kórìíra àwùjọ àwọn aṣebi,+

Mi ò sì jẹ́ bá àwọn ẹni burúkú kẹ́gbẹ́.*+

 6 Màá jẹ́ kí ọwọ́ mi mọ́,

Màá sì rìn yí ká pẹpẹ rẹ, Jèhófà,

 7 Láti mú kí a gbọ́ ohùn ọpẹ́+

Àti láti kéde gbogbo iṣẹ́ àgbàyanu rẹ.

 8 Jèhófà, mo nífẹ̀ẹ́ ilé tí ò ń gbé,+

Ibi tí ògo rẹ wà.+

 9 Má ṣe gbá mi* dà nù pẹ̀lú àwọn ẹlẹ́ṣẹ̀+

Má sì gba ẹ̀mí mi pẹ̀lú àwọn oníwà ipá,*

10 Àwọn tó ń lọ́wọ́ nínú ìwà àìnítìjú,

Tí àbẹ̀tẹ́lẹ̀ sì kún ọwọ́ ọ̀tún wọn.

12 Ẹsẹ̀ mi dúró lórí ilẹ̀ tó tẹ́jú;+

Nínú ìjọ ńlá,* èmi yóò yin Jèhófà.+

 2 Nígbà tí àwọn ẹni ibi gbéjà kò mí láti jẹ ẹran ara mi,+

Àwọn elénìní mi àti àwọn ọ̀tá mi ló kọsẹ̀ tí wọ́n sì ṣubú.

 3 Bí àwọn ọmọ ogun tilẹ̀ pàgọ́ tì mí,

Ọkàn mi kò ní bẹ̀rù.+

Bí ogun tilẹ̀ dìde sí mi,

Síbẹ̀, mi ò ní mikàn.

 4 Ohun kan ni mo béèrè lọ́wọ́ Jèhófà,

Òun ni mo sì ń wá, pé:

Kí n máa gbé inú ilé Jèhófà ní gbogbo ọjọ́ ayé mi,+

Kí n máa rí adùn Jèhófà,

Kí n sì máa fi ìmọrírì* wo tẹ́ńpìlì* rẹ̀.+

 5 Nítorí yóò fi mí pa mọ́ sí ibi kọ́lọ́fín rẹ̀ ní ọjọ́ àjálù;+

Yóò tọ́jú mi pa mọ́ sí ibi ìkọ̀kọ̀ àgọ́ rẹ̀;+

Yóò gbé mi sórí àpáta.+

 6 Báyìí, orí mi yọ sókè ju àwọn ọ̀tá mi tó yí mi ká;

Màá fi igbe ayọ̀ rú àwọn ẹbọ ní àgọ́ rẹ̀;

Màá fi orin yin* Jèhófà.

 7 Fetí sí mi, Jèhófà, nígbà tí mo bá ké pè ọ́;+

Ṣojú rere sí mi, kí o sì dá mi lóhùn.+

Ìwọ ni olùrànlọ́wọ́ mi;+

Má pa mí tì, má sì fi mí sílẹ̀, Ọlọ́run ìgbàlà mi.

10 Kódà, tí bàbá mi àti ìyá mi bá kọ̀ mí sílẹ̀,+

Jèhófà fúnra rẹ̀ yóò tẹ́wọ́ gbà mí.+

11 Jèhófà, kọ́ mi ní ọ̀nà rẹ,+

Darí mi ní ọ̀nà ìdúróṣinṣin nítorí àwọn ọ̀tá mi.

12 Má fi mí lé ọwọ́ àwọn elénìní mi,*+

Nítorí pé àwọn ẹlẹ́rìí èké ti dìde sí mi,+

Wọ́n sì ń halẹ̀ pé àwọn máa ṣe mí léṣe.

13 Ibo ni mi ò bá wà, ká ní mi ò ní ìgbàgbọ́

Pé màá rí oore Jèhófà ní ilẹ̀ alààyè?*+

14 Gbẹ́kẹ̀ lé Jèhófà;+

Ní ìgboyà, kí o sì mọ́kàn le.+

28 Ìwọ ni mò ń ké pè, Jèhófà, Àpáta+ mi;

Má di etí rẹ sí mi.

Tí o ò bá dá mi lóhùn,

Ṣe ni màá dà bí àwọn tó ń lọ sínú kòtò.*+

 2 Gbọ́ ẹ̀bẹ̀ mi nígbà tí mo bá ké pè ọ́ fún ìrànlọ́wọ́

Bí mo ṣe ń gbé ọwọ́ mi sókè sí yàrá inú lọ́hùn-ún ti ibi mímọ́ rẹ.+

 3 Má ṣe fà mí lọ pẹ̀lú àwọn ẹni ibi, pẹ̀lú àwọn tó ń ṣe ohun búburú,+

Àwọn tó ń bá ọmọnìkejì wọn sọ̀rọ̀ àlàáfíà, àmọ́ tó jẹ́ pé ibi ló wà lọ́kàn wọn.+

 4 San ohun tí wọ́n ṣe pa dà fún wọn,+

Gẹ́gẹ́ bí iṣẹ́ ibi wọn.

San iṣẹ́ ọwọ́ wọn pa dà fún wọn,

Gẹ́gẹ́ bí ohun tí wọ́n ṣe.+

 5 Nítorí pé wọn kò fiyè sí àwọn iṣẹ́ Jèhófà,+

Wọn ò sì ka iṣẹ́ ọwọ́ rẹ̀ sí.+

 6 Ìyìn ni fún Jèhófà,

Torí ó ti gbọ́ ẹ̀bẹ̀ mi fún ìrànlọ́wọ́.

 7 Jèhófà ni agbára mi+ àti apata mi;+

Òun ni ọkàn mi gbẹ́kẹ̀ lé.+

Ó ti ràn mí lọ́wọ́, ọkàn mi sì ń yọ̀,

Torí náà, màá fi orin mi yìn ín.

 8 Jèhófà ni agbára àwọn èèyàn rẹ̀;

Ó jẹ́ ibi ààbò, ó ń fún ẹni àmì òróró rẹ̀ ní ìgbàlà ńlá.+

29 Ẹ fún Jèhófà ní ohun tí ó tọ́ sí i, ẹ̀yin ọmọ àwọn alágbára,

Ẹ fún Jèhófà ní ohun tí ó tọ́ sí i nítorí ògo àti agbára rẹ̀.+

 3 A gbọ́ ohùn Jèhófà lórí omi;

Ọlọ́run ológo sán ààrá.+

 4 Ohùn Jèhófà ní agbára;+

Ohùn Jèhófà ní ọlá ńlá.

 5 Ohùn Jèhófà ń fa àwọn igi kédárì ya;

Bẹ́ẹ̀ ni, Jèhófà ń fa àwọn igi kédárì Lẹ́bánónì+ ya pẹ́rẹpẹ̀rẹ.

 6 Ó ń mú kí Lẹ́bánónì* máa ta pọ́n-ún pọ́n-ún bí ọmọ màlúù

Àti Síríónì+ bí akọ ọmọ màlúù igbó.

 7 Ohùn Jèhófà ń mú kí mànàmáná kọ;+

 8 Ohùn Jèhófà ń mú kí aginjù mì tìtì;+

Jèhófà ń mú kí aginjù Kádéṣì+ mì tìtì.

 9 Ohùn Jèhófà kó jìnnìjìnnì bá àwọn àgbọ̀nrín, wọ́n sì bímọ,

Bákan náà, ó ń tú àwọn igbó kìjikìji sí borokoto.+

10 Jèhófà gúnwà sórí ìkún omi;*+

Jèhófà gúnwà bí Ọba títí láé.+

30 Màá gbé ọ ga, Jèhófà, nítorí o ti gbé mi* sókè,

O ò jẹ́ kí àwọn ọ̀tá mi yọ̀ mí.+

 4 Ẹ fi orin yin* Jèhófà, ẹ̀yin ẹni ìdúróṣinṣin rẹ̀,+

Ẹ fi ọpẹ́ fún orúkọ* mímọ́ rẹ̀;+

 5 Nítorí ìbínú rẹ̀ lórí èèyàn kì í pẹ́ rárá,+

Àmọ́ ojú rere* rẹ̀ sí èèyàn wà títí ọjọ́ ayé.+

 8 Jèhófà, ìwọ ni mò ń ké pè;+

Jèhófà ni mo sì ń bẹ̀ fún ojú rere.

11 O ti sọ ọ̀fọ̀ mi di ijó;

O ti bọ́ aṣọ ọ̀fọ̀* mi, o sì fi aṣọ ìdùnnú wọ̀ mí,

12 Kí n* lè máa kọrin ìyìn rẹ, kí n má sì dákẹ́.

Di àpáta ààbò fún mi,

Ibi olódi láti gbà mí sílẹ̀.+

 3 Ìwọ ni àpáta mi àti ibi ààbò mi;+

Wàá darí mi,+ wàá sì ṣamọ̀nà mi, nítorí orúkọ rẹ.+

 4 Wàá yọ mí kúrò nínú àwọ̀n tí wọ́n dẹ pa mọ́ dè mí,+

Nítorí pé ìwọ ni odi ààbò mi.+

 6 Mo kórìíra àwọn tó ń bọ òrìṣà asán, tí kò ní láárí,

Àmọ́ ní tèmi, Jèhófà ni mo gbẹ́kẹ̀ lé.

 7 Ìfẹ́ rẹ tí kì í yẹ̀ yóò máa mú inú mi dùn gidigidi,

Nítorí o ti rí ìpọ́njú mi;+

O mọ ìdààmú ńlá tó bá mi.*

 8 O kò fi mí lé ọ̀tá lọ́wọ́,

Àmọ́ o mú kí n dúró ní ibi ààbò.*

10 Ẹ̀dùn ọkàn+ ti gba ayé mi kan,

Ìrora ni mo sì fi ń lo ọdún ayé mi.+

Agbára mi ń tán lọ nítorí ẹ̀ṣẹ̀ mi;

Àárẹ̀ ti mú egungun mi.+

11 Gbogbo àwọn ọ̀tá mi ń fi mí ṣẹ̀sín,+

Pàápàá àwọn aládùúgbò mi.

Mo ti di ẹni àríbẹ̀rù lójú àwọn ojúlùmọ̀ mi;

Tí wọ́n bá rí mi lóde, ṣe ni wọ́n ń sá fún mi.+

12 Mi ò sí lọ́kàn wọn mọ́,* wọ́n sì ti gbàgbé mi, àfi bíi pé mo ti kú;

Mo dà bí ìkòkò tó fọ́.

13 Mo ti gbọ́ ọ̀pọ̀ àhesọ burúkú;

Àwọn ohun ẹ̀rù yí mi ká.+

Nígbà tí wọ́n kóra jọ lé mi lórí,

Wọ́n gbèrò láti gba ẹ̀mí* mi.+

Kí ojú ti àwọn ẹni burúkú;+

Kí wọ́n dákẹ́ sínú Isà Òkú.*+

18 Kí kẹ́kẹ́ pa mọ́ àwọn òpùrọ́ lẹ́nu,+

Àwọn tó ń sọ̀rọ̀ ìgbéraga àti ẹ̀gàn sí àwọn olódodo.

O ti tò wọ́n jọ fún àwọn tó bẹ̀rù rẹ,+

O sì ti fi wọ́n hàn lójú gbogbo èèyàn, nítorí àwọn tó fi ọ́ ṣe ibi ààbò.+

20 Wàá fi wọ́n pa mọ́ sí ibi ìkọ̀kọ̀ tó wà níwájú rẹ+

Kúrò nínú rìkíṣí àwọn èèyàn;

Wàá fi wọ́n pa mọ́ sínú àgọ́ rẹ

Kúrò lọ́wọ́ àwọn abanijẹ́.*+

21 Ìyìn ni fún Jèhófà,

Nítorí ó ti fi ìfẹ́ tí kì í yẹ̀ hàn sí mi lọ́nà àgbàyanu+ ní ìlú tí ọ̀tá dó tì.+

Jèhófà ń dáàbò bo àwọn olóòótọ́,+

Àmọ́ ó máa ń san èrè tó kún rẹ́rẹ́ fún àwọn tó bá ń gbéra ga.+

24 Ẹ jẹ́ onígboyà, kí ẹ sì mọ́kàn le,+

Gbogbo ẹ̀yin tí ẹ̀ ń dúró de Jèhófà.+

 2 Aláyọ̀ ni ẹni tí Jèhófà kò ka ẹ̀bi sí lọ́rùn,+

Ẹni tí kò sí ẹ̀tàn nínú ẹ̀mí rẹ̀.

 5 Níkẹyìn, mo jẹ́wọ́ ẹ̀ṣẹ̀ mi fún ọ;

Mi ò bo àṣìṣe mi mọ́lẹ̀.+

 6 Ìdí nìyí tí gbogbo adúróṣinṣin yóò máa gbàdúrà sí ọ+

Nígbà tí wọ́n ṣì lè rí ọ.+

 7 Ìwọ ni ibi ìfarapamọ́ mi;

Wàá dáàbò bò mí nínú wàhálà.+

 9 Ẹ má dà bí ẹṣin tàbí kẹ́tẹ́kẹ́tẹ́* tí kò ní òye,+

Tó jẹ́ pé ìjánu tàbí okùn la fi ń kì í wọ̀ tó bá ń ta pọ́n-ún pọ́n-ún

Kó tó lè sún mọ́ni.”

10 Ọ̀pọ̀ ni ìrora ẹni burúkú;

Àmọ́ ìfẹ́ Jèhófà tí kì í yẹ̀ yí ẹni tó gbẹ́kẹ̀ lé E ká.+

11 Ẹ máa yọ̀ nínú Jèhófà, kí inú yín sì máa dùn, ẹ̀yin olódodo;

Ẹ kígbe ayọ̀, gbogbo ẹ̀yin tí ọkàn yín dúró ṣinṣin.

 2 Ẹ fi háàpù dúpẹ́ lọ́wọ́ Jèhófà;

Ẹ fi orin yìn ín* pẹ̀lú ohun ìkọrin olókùn tín-ín-rín mẹ́wàá.

 3 Ẹ kọ orin tuntun sí i;+

Ẹ fi ohun ìkọrin olókùn tín-ín-rín dárà, bí ẹ ti ń kígbe ayọ̀.

 4 Nítorí ọ̀rọ̀ Jèhófà dúró ṣinṣin,+

Gbogbo ohun tó bá ṣe ló ṣeé gbẹ́kẹ̀ lé.

 6 Ọ̀rọ̀ ni Jèhófà fi dá àwọn ọ̀run,+

Nípa èémí* ẹnu rẹ̀ sì ni gbogbo ohun tó wà nínú wọn* fi wà.

 9 Nítorí ó sọ̀rọ̀, ó sì rí bẹ́ẹ̀;+

Ó pàṣẹ, àṣẹ rẹ̀ sì múlẹ̀.+

10 Jèhófà ti mú kí ohun tí àwọn orílẹ̀-èdè gbèrò* já sí òfo;+

Ó ti dojú ìmọ̀ràn* àwọn èèyàn dé.+

11 Àmọ́ àwọn ìpinnu* Jèhófà yóò dúró títí láé;+

Èrò ọkàn rẹ̀ wà láti ìran dé ìran.

12 Aláyọ̀ ni orílẹ̀-èdè tí Jèhófà jẹ́ Ọlọ́run rẹ̀,+

Àwọn èèyàn tí ó ti yàn láti jẹ́ ohun ìní rẹ̀.+

13 Jèhófà bojú wolẹ̀ láti ọ̀run;

Ó ń rí gbogbo ọmọ èèyàn.+

14 Láti ibi tó ń gbé,

Ó ń wo gbogbo àwọn tó ń gbé ayé.

15 Òun ló ń mọ ọkàn gbogbo èèyàn bí ẹni mọ ìkòkò;

Ó ń gbé gbogbo iṣẹ́ wọn yẹ̀ wò.+

16 Ọ̀pọ̀ ọmọ ogun kọ́ ló ń gba ọba là;+

Agbára ńlá kò sì lè gba ẹni tó ni ín sílẹ̀.+

17 Ìgbẹ́kẹ̀lé nínú ẹṣin pé á gbani là* jẹ́ asán;+

Agbára ńlá rẹ̀ kò sọ pé kéèyàn yè bọ́.

18 Wò ó! Ojú Jèhófà ń ṣọ́ àwọn tó bẹ̀rù rẹ̀,+

Àwọn tó ń dúró de ìfẹ́ rẹ̀ tí kì í yẹ̀,

19 Láti gbà wọ́n* sílẹ̀ lọ́wọ́ ikú,

Kí ó sì mú kí wọ́n máa wà láàyè ní àkókò ìyàn.+

21 Ọkàn wa ń yọ̀ nínú rẹ̀,

Nítorí a gbẹ́kẹ̀ lé orúkọ mímọ́ rẹ̀.+

22 Jèhófà, kí ìfẹ́ rẹ tí kì í yẹ̀ wà lórí wa,+

Bí a ti ń dúró dè ọ́.+

34 Èmi yóò máa yin Jèhófà ní gbogbo ìgbà;

Ìyìn rẹ̀ yóò máa wà ní ẹnu mi nígbà gbogbo.

 2 Èmi* yóò máa fi Jèhófà yangàn;+

Àwọn oníwà pẹ̀lẹ́ yóò gbọ́, wọn yóò sì máa yọ̀.

 3 Ẹ bá mi gbé Jèhófà ga;+

Ẹ jẹ́ ká jọ gbé orúkọ rẹ̀ ga.

 5 Ojú àwọn tó gbára lé e ń dán;

Kò sí ohun tó lè kó ìtìjú bá wọn.

 7 Áńgẹ́lì Jèhófà pàgọ́ yí àwọn tó bẹ̀rù Rẹ̀ ká,+

Ó sì ń gbà wọ́n sílẹ̀.+

 8 Ẹ tọ́ ọ wò, kí ẹ sì rí i pé ẹni rere ni Jèhófà,+

Aláyọ̀ ni ọkùnrin tí ó fi í ṣe ibi ààbò.

 9 Ẹ bẹ̀rù Jèhófà, gbogbo ẹ̀yin ẹni mímọ́ rẹ̀,

Nítorí àwọn tó bẹ̀rù rẹ̀ kò ní ṣaláìní.+

10 Bó tilẹ̀ jẹ́ pé ebi máa ń pa àwọn ọmọ kìnnìún* tó lágbára,

Àmọ́ ní ti àwọn tó ń wá Jèhófà, wọn kò ní ṣaláìní ohun rere.+

11 Ẹ wá, ẹ̀yin ọmọ mi, ẹ fetí sí mi;

Màá kọ́ yín ní ìbẹ̀rù Jèhófà.+

12 Ta ló fẹ́ máa gbádùn ìgbésí ayé rẹ̀ nínú yín

Tí ó sì fẹ́ ẹ̀mí gígùn, kó lè máa rí ohun rere?+

13 Nígbà náà, ṣọ́ ahọ́n rẹ, má ṣe sọ ohun búburú,+

Má sì fi ètè rẹ ṣẹ̀tàn.+

14 Jáwọ́ nínú ohun búburú, kí o sì máa ṣe rere;+

Máa wá àlàáfíà, kí o sì máa lépa rẹ̀.+

15 Ojú Jèhófà wà lára àwọn olódodo,+

Etí rẹ̀ sì ṣí sí igbe wọn fún ìrànlọ́wọ́.+

16 Àmọ́, Jèhófà kọjú ìjà sí àwọn tó ń ṣe ohun búburú,

Láti pa wọ́n rẹ́ kúrò láyé kí wọ́n sì di ẹni ìgbàgbé.+

17 Wọ́n ké jáde, Jèhófà sì gbọ́;+

Ó gbà wọ́n sílẹ̀ nínú gbogbo wàhálà wọn.+

18 Jèhófà wà nítòsí àwọn tó ní ọgbẹ́ ọkàn;+

Ó ń gba àwọn tí àárẹ̀ bá ẹ̀mí wọn* là.+

19 Ìṣòro* olódodo máa ń pọ̀,+

Àmọ́ Jèhófà ń gbà á sílẹ̀ nínú gbogbo rẹ̀.+

20 Ó ń dáàbò bo gbogbo egungun rẹ̀;

Kò sí ìkankan nínú wọn tí a ṣẹ́.+

21 Àjálù ló máa pa ẹni burúkú;

A ó sì dẹ́bi fún àwọn tó kórìíra olódodo.

22 Jèhófà ń ra ẹ̀mí* àwọn ìránṣẹ́ rẹ̀ pa dà;

Kò sí ìkankan lára àwọn tó fi í ṣe ibi ààbò tí a ó dá lẹ́bi.+

35 Jèhófà, gbèjà mi níwájú àwọn tó ń ta kò mí;+

Dojú ìjà kọ àwọn tó ń bá mi jà.+

 2 Gbé asà* rẹ àti apata ńlá,+

Kí o sì dìde láti gbèjà mi.+

 5 Kí wọ́n dà bí ìyàngbò* nínú afẹ́fẹ́;

Kí áńgẹ́lì Jèhófà lé wọn dà nù.+

 6 Kí ọ̀nà wọn ṣókùnkùn, kí ó sì máa yọ̀ bọ̀rọ́

Bí áńgẹ́lì Jèhófà ṣe ń lépa wọn.

 7 Nítorí pé wọ́n ti dẹ àwọ̀n dè mí láìnídìí;

Wọ́n ti gbẹ́ kòtò fún mi* láìnídìí.

 8 Kí àjálù dé bá a lójijì;

Kí àwọ̀n tí ó dẹ mú òun fúnra rẹ̀;

Kí ó kó sínú rẹ̀, kí ó sì pa run.+

 9 Àmọ́ èmi* yóò máa yọ̀ nínú Jèhófà;

Èmi yóò máa yọ̀ nínú àwọn iṣẹ́ ìgbàlà rẹ̀.

Ò ń gba àwọn tí kò ní olùrànlọ́wọ́ sílẹ̀ lọ́wọ́ àwọn tó lágbára jù wọ́n lọ,+

O sì ń gba àwọn tí kò ní olùrànlọ́wọ́ àti tálákà lọ́wọ́ àwọn tó ń jà wọ́n lólè.”+

11 Àwọn ẹlẹ́rìí èké jáde wá,+

Wọ́n ń bi mí ní àwọn ohun tí mi ò mọ̀.

12 Wọ́n ń fi ibi san rere fún mi,+

Èyí sì mú kí n* máa ṣọ̀fọ̀.

13 Àmọ́ nígbà tí wọ́n ń ṣàìsàn, mo wọ aṣọ ọ̀fọ̀,*

Mo gbààwẹ̀ láti fi pọ́n ara mi* lójú,

Nígbà tí àdúrà mi kò sì gbà,*

14 Mò ń rìn kiri, mo sì ń ṣọ̀fọ̀ bí ẹni tí ọ̀rẹ́ rẹ̀ tàbí ọmọ ìyá rẹ̀ kú;

Ìbànújẹ́ dorí mi kodò bí ẹni tó ń ṣọ̀fọ̀ ìyá rẹ̀.

15 Àmọ́ nígbà tí mo kọsẹ̀, inú wọn dùn, wọ́n sì kóra jọ;

Wọ́n kóra jọ láti pa mí ní ibi tí wọ́n lúgọ sí dè mí;

Wọ́n ya mí sí wẹ́wẹ́, wọn ò sì dákẹ́ ọ̀rọ̀ ìbàjẹ́.

16 Àwọn tí kò ṣe ìfẹ́ Ọlọ́run fi mí ṣẹ̀sín,*

Wọ́n ń wa eyín wọn pọ̀ sí mi.+

Yọ mí* nínú ogun tí wọ́n gbé tì mí,+

Gba ẹ̀mí mi tó ṣeyebíye* lọ́wọ́ àwọn ọmọ kìnnìún.*+

18 Nígbà náà, èmi yóò máa dúpẹ́ lọ́wọ́ rẹ nínú ìjọ ńlá;+

Èmi yóò máa yìn ọ́ láàárín ọ̀pọ̀lọpọ̀ èèyàn.

19 Má ṣe jẹ́ kí àwọn tó sọ ara wọn di ọ̀tá mi láìnídìí yọ̀ mí;

Má ṣe jẹ́ kí àwọn tó kórìíra mi láìnídìí+ wò mí tìkà-tẹ̀gbin.+

20 Nítorí wọn kì í sọ ọ̀rọ̀ àlàáfíà,

Ṣe ni wọ́n ń fẹ̀tàn hùmọ̀ ibi sí àwọn èèyàn àlàáfíà ilẹ̀ náà.+

 21 Wọ́n lanu gbàù láti fẹ̀sùn kàn mí,

Wọ́n sọ pé: “Àháà! Àháà! Ojú wa ti rí i.”

23 Dìde, kí o sì wá gbèjà mi,

Jèhófà, Ọlọ́run mi, gbèjà mi nínú ẹjọ́ mi.

24 Jèhófà Ọlọ́run mi, ṣe ìdájọ́ mi nítorí òdodo rẹ;+

Má ṣe jẹ́ kí wọ́n yọ̀ mí.

26 Kí ojú ti gbogbo wọn, kí wọ́n sì tẹ́,

Àwọn tó ń yọ̀ nítorí àjálù mi.

27 Àmọ́ kí àwọn tí inú wọn ń dùn sí òdodo mi kígbe ayọ̀;

Kí wọ́n máa sọ nígbà gbogbo pé:

 28 Nígbà náà, ahọ́n mi yóò máa ròyìn* òdodo rẹ,+

Yóò sì máa yìn ọ́ láti àárọ̀ ṣúlẹ̀.+

36 Ẹ̀ṣẹ̀ jinlẹ̀ lọ́kàn ẹni burúkú;

Kò sí ìbẹ̀rù Ọlọ́run lójú rẹ̀.+

 2 Ó ń pọ́n ara rẹ̀ lé ju bó ṣe yẹ lọ

Débi pé kò rí àṣìṣe ara rẹ̀, kí ó sì kórìíra rẹ̀.+

 3 Ọ̀rọ̀ ìkà àti ẹ̀tàn ló wà lẹ́nu rẹ̀;

Kì í ronú bó ṣe máa ṣe rere.

Ọ̀nà tí kò dáa ló forí lé;

Kì í kọ ohun búburú sílẹ̀.

 5 Jèhófà, ìfẹ́ rẹ tí kì í yẹ̀ ga dé ọ̀run,+

Òtítọ́ rẹ ga títí dé àwọsánmà.

 6 Òdodo rẹ dà bí àwọn òkè ńlá;*+

Àwọn ìdájọ́ rẹ dà bí alagbalúgbú ibú omi.+

 8 Wọ́n ń mu àwọn ohun tó dára jù lọ ní* ilé rẹ ní àmutẹ́rùn,+

O sì mú kí wọ́n máa mu nínú adùn rẹ tó ń ṣàn bí odò.+

 9 Ọ̀dọ̀ rẹ ni orísun ìyè wà;+

Ipasẹ̀ ìmọ́lẹ̀ rẹ ni a fi lè rí ìmọ́lẹ̀.+

10 Máa fi ìfẹ́ rẹ tí kì í yẹ̀ hàn nìṣó sí àwọn tó mọ̀ ọ́,+

Àti òdodo rẹ sí àwọn tí ọkàn wọn dúró ṣinṣin.+

11 Má ṣe jẹ́ kí ẹsẹ̀ àwọn agbéraga tẹ̀ mí mọ́lẹ̀

Tàbí kí ọwọ́ àwọn ẹni burúkú lé mi dà nù.

12 Ẹ wo àwọn aṣebi níbi tí wọ́n ṣubú sí;

A ti là wọ́n mọ́lẹ̀, wọn kò sì lè dìde.+

37 Má banú jẹ́* nítorí àwọn ẹni burúkú

Tàbí kí o jowú àwọn aṣebi.+

 2 Kíákíá ni wọ́n á gbẹ dà nù bíi koríko+

Wọ́n á sì rọ bíi koríko tútù.

 3 Gbẹ́kẹ̀ lé Jèhófà, kí o sì máa ṣe rere;+

Máa gbé ayé,* kí o sì máa hùwà òtítọ́.+

 4 Jẹ́ kí inú rẹ máa dùn jọjọ* nínú Jèhófà,

Yóò sì fún ọ ní àwọn ohun tí ọkàn rẹ fẹ́.

 5 Fi ọ̀nà rẹ lé Jèhófà lọ́wọ́;*+

Gbẹ́kẹ̀ lé e, yóò sì gbé ìgbésẹ̀ nítorí rẹ.+

 6 Yóò mú kí òdodo rẹ yọ bí ọjọ́,

Àti ìwà títọ́ rẹ bí oòrùn ọ̀sán gangan.

 7 Dákẹ́ jẹ́ẹ́ níwájú Jèhófà+

Kí o sì dúró* dè é.

Má banú jẹ́ nítorí ẹni

Tó gbèrò ibi, tó sì mú un ṣẹ.+

 8 Fi ìbínú sílẹ̀, kí o sì pa ìrunú tì;+

Má ṣe bínú kí o wá bẹ̀rẹ̀ sí í ṣe ibi.*

 9 Nítorí a ó mú àwọn ẹni ibi kúrò,+

Àmọ́ àwọn tó gbẹ́kẹ̀ lé Jèhófà ni yóò jogún ayé.+

ו [Wọ́ọ̀]

10 Láìpẹ́, àwọn ẹni burúkú ò ní sí mọ́;+

Wàá wo ibi tí wọ́n wà tẹ́lẹ̀,

Wọn ò ní sí níbẹ̀.+

11 Àmọ́ àwọn oníwà pẹ̀lẹ́ ni yóò jogún ayé,+

Inú wọn yóò sì máa dùn jọjọ nínú ọ̀pọ̀lọpọ̀ àlàáfíà.+

12 Ẹni burúkú ń dìtẹ̀ olódodo;+

Ó ń wa eyín pọ̀ sí i.

13 Àmọ́ Jèhófà yóò fi í rẹ́rìn-ín,

Nítorí Ó mọ̀ pé ọjọ́ rẹ̀ máa dé.+

14 Àwọn ẹni burúkú fa idà wọn yọ, wọ́n sì tẹ* ọrun wọn

Láti mú àwọn tí à ń ni lára àti àwọn aláìní balẹ̀,

Láti pa àwọn tí ọ̀nà wọn tọ́.

15 Àmọ́ idà àwọn fúnra wọn yóò gún ọkàn wọn;+

A ó sì ṣẹ́ ọrun wọn.

16 Ohun díẹ̀ tí olódodo ní

Sàn ju ọ̀pọ̀ nǹkan tí àwọn ẹni burúkú ní.+

17 A ó ṣẹ́ apá àwọn ẹni burúkú,

Àmọ́ Jèhófà yóò ti àwọn olódodo lẹ́yìn.

18 Jèhófà mọ ohun tí àwọn aláìlẹ́bi ń bá yí,*

Ogún wọn yóò sì wà títí láé.+

19 Ní àkókò àjálù, ojú kò ní tì wọ́n;

Ní àkókò ìyàn, wọ́n á ní ọ̀pọ̀ oúnjẹ.

20 Àmọ́ àwọn ẹni burúkú yóò ṣègbé;+

Àwọn ọ̀tá Jèhófà yóò pòórá bí ibi ìjẹko tó léwé dáadáa;

Wọ́n á pòórá bí èéfín.

21 Ẹni burúkú ń yá nǹkan, kì í sì í san án pa dà,

Àmọ́ olódodo lawọ́,* ó sì ń fúnni ní nǹkan.+

22 Àwọn tí Ọlọ́run bù kún yóò jogún ayé,

Àmọ́ àwọn tí Ọlọ́run gégùn-ún fún yóò pa rẹ́.+

 23 Jèhófà máa ń darí ẹsẹ̀ ẹni*+

Nígbà tí inú Rẹ̀ bá dùn sí ọ̀nà ẹni náà.+

 24 Bí onítọ̀hún bá tiẹ̀ ṣubú, kò ní balẹ̀ pátápátá,+

Nítorí pé Jèhófà dì í lọ́wọ́ mú.*+

25 Mo ti jẹ́ ọ̀dọ́ rí, àmọ́ ní báyìí mo ti darúgbó,

Síbẹ̀, mi ò tíì rí i kí a pa olódodo tì,+

Tàbí kí àwọn ọmọ rẹ̀ máa wá oúnjẹ* kiri.+

26 Ó máa ń yáni ní nǹkan látọkàn wá,+

Ìbùkún sì ń dúró de àwọn ọmọ rẹ̀.

27 Yẹra fún ohun búburú, máa ṣe rere,+

Wàá sì máa gbé ayé títí láé.

28 Nítorí Jèhófà nífẹ̀ẹ́ ìdájọ́ òdodo,

Kò sì ní kọ àwọn ẹni ìdúróṣinṣin rẹ̀ sílẹ̀.+

Ìgbà gbogbo ni yóò máa ṣọ́ wọn;+

Àmọ́ a ó pa àtọmọdọ́mọ àwọn ẹni burúkú rẹ́.+

 29 Àwọn olódodo ni yóò jogún ayé,+

Wọn yóò sì máa gbé inú rẹ̀ títí láé.+

30 Ẹnu olódodo ń sọ ọ̀rọ̀ ọgbọ́n,*

Ahọ́n rẹ̀ sì ń sọ nípa ìdájọ́ òdodo.+

31 Òfin Ọlọ́run rẹ̀ wà ní ọkàn rẹ̀;+

Ẹsẹ̀ rẹ̀ kò ní tàsé.+

32 Ẹni burúkú ń ṣọ́ olódodo,

Ó sì ń wá ọ̀nà láti pa á.

33 Àmọ́ Jèhófà kò ní jẹ́ kí ọwọ́ ẹni yẹn tẹ̀ ẹ́,+

Kò sì ní dá a lẹ́bi nígbà tí wọ́n bá ṣèdájọ́ rẹ̀.+

34 Gbẹ́kẹ̀ lé Jèhófà, kí o sì máa rìn ní ọ̀nà rẹ̀,

Yóò gbé ọ ga láti jogún ayé.

35 Mo ti rí ìkà ẹ̀dá tó jẹ́ olubi

Tó ń tẹ́ rẹrẹ bí igi tó gbẹ̀rẹ̀gẹ̀jigẹ̀ ní ilẹ̀ tó dàgbà sí.+

36 Àmọ́, ó kọjá lọ lójijì, kò sì sí mọ́;+

Mo wá a kiri, mi ò sì rí i.+

37 Máa fiyè sí aláìlẹ́bi,*

Kí o sì máa wo adúróṣinṣin,+

Nítorí àlàáfíà ń dúró de ẹni yẹn ní ọjọ́ ọ̀la.+

38 Àmọ́ a ó pa gbogbo àwọn ẹlẹ́ṣẹ̀ rẹ́,

Ìparun ló sì ń dúró de àwọn ẹni burúkú ní ọjọ́ ọ̀la.+

39 Ọ̀dọ̀ Jèhófà ni ìgbàlà àwọn olódodo ti wá;+

Òun ni odi ààbò wọn ní àkókò wàhálà.+

Á gbà wọ́n sílẹ̀ lọ́wọ́ àwọn ẹni burúkú, á sì gbà wọ́n là,

Nítorí òun ni wọ́n fi ṣe ibi ààbò.+

38 Jèhófà, má ṣe bá mi wí nínú ìbínú rẹ,

Má sì tọ́ mi sọ́nà nínú ìrunú rẹ.+

 2 Nítorí àwọn ọfà rẹ ti gún mi wọnú,

Ọwọ́ rẹ sì rìn mí mọ́lẹ̀.+

 4 Àwọn àṣìṣe mi rọ̀ dẹ̀dẹ̀ lórí mi;+

Bí ẹrù tó wúwo, wọ́n ti wúwo ju ohun tí mo lè gbé.

 5 Àwọn egbò mi ti kẹ̀, wọ́n sì ń rùn

Nítorí ìwà òmùgọ̀ mi.

 6 Ìdààmú àti ìrẹ̀wẹ̀sì tó lé kenkà bá mi;

Mò ń rìn kiri nínú ìbànújẹ́ láti àárọ̀ ṣúlẹ̀.

 7 Iná ń jó nínú mi lọ́hùn-ún;*

Gbogbo ara mi ń ṣàìsàn.+

 8 Ara mi ti kú tipiri, àárẹ̀ sì ti bá mi gidigidi;

Mò ń kérora* nítorí ìdààmú tó bá ọkàn mi.

 9 Jèhófà, gbogbo ìfẹ́ ọkàn mi wà níwájú rẹ,

Ẹ̀dùn ọkàn mi kò sì pa mọ́ fún ọ.

10 Ọkàn mi ń lù kì-kì, agbára mi ti tán,

Ojú mi sì ti ṣú.*+

11 Àwọn ọ̀rẹ́ mi àti àwọn ẹlẹgbẹ́ mi yẹra fún mi nítorí ìyọnu tó dé bá mi,

Àwọn ojúlùmọ̀ tó sún mọ́ mi sì ta kété sí mi.

12 Àwọn tó ń wá ẹ̀mí* mi dẹ pańpẹ́ sílẹ̀;

Àwọn tó fẹ́ ṣe mí léṣe ń sọ nípa ìparun;+

Ẹ̀tàn ni wọ́n ń sọ lẹ́nu wúyẹ́wúyẹ́ láti àárọ̀ ṣúlẹ̀.

13 Àmọ́, màá ṣe bí adití, mi ò ní fetí sí wọn;+

Màá ṣe bí ẹni tí kò lè sọ̀rọ̀, mi ò ní la ẹnu mi.+

14 Mo dà bí ẹni tí kò gbọ́ràn,

Tí kò ní nǹkan kan tó máa sọ láti gbèjà ara rẹ̀.

15 Nítorí ìwọ Jèhófà ni mo dúró dè,+

O sì dá mi lóhùn, Jèhófà Ọlọ́run mi.+

16 Torí mo sọ pé: “Kí wọ́n má yọ̀ mí,

Kí wọ́n má sì gbé ara wọn ga sí mi tí ẹsẹ̀ mi bá yẹ̀.”

17 Nítorí mo ti fẹ́ ṣubú lulẹ̀,

Ara sì ń ro mí nígbà gbogbo.+

18 Mo jẹ́wọ́ àṣìṣe mi;+

Ẹ̀ṣẹ̀ mi dààmú mi.+

19 Àmọ́ àwọn ọ̀tá mi lókun,* wọ́n sì lágbára,*

Àwọn tó kórìíra mi láìnídìí ti pọ̀ gan-an.

20 Wọ́n ń fi ibi san ire fún mi;

Wọ́n ń ta kò mí nítorí mò ń lépa ohun rere.

 22 Tètè wá ràn mí lọ́wọ́,

Jèhófà, ìgbàlà mi.+

39 Mo sọ pé: “Màá ṣọ́ ẹsẹ̀ mi

Kí n má bàa fi ahọ́n mi dẹ́ṣẹ̀.+

Màá fi ìbonu bo ẹnu mi+

Ní gbogbo ìgbà tí ẹni burúkú bá wà níwájú mi.”

 2 Mi ò lè sọ̀rọ̀, ṣe ni mo dákẹ́;+

Mi ò sọ nǹkan kan, kódà nípa ohun rere,

Síbẹ̀, ìrora mi le kọjá sísọ.*

 4 “Jèhófà, jẹ́ kí n mọ ohun tó máa gbẹ̀yìn mi

Àti bí ọjọ́ ayé mi ṣe máa gùn tó,+

Kí n lè mọ bí ẹ̀mí mi ṣe kúrú tó.*

 5 Lóòótọ́, o ti mú kí ọjọ́ ayé mi kéré;*+

Gbogbo ọjọ́ ayé mi kò sì jẹ́ nǹkan kan lójú rẹ.+

 9 Mi ò lè sọ̀rọ̀;

Mi ò lè la ẹnu mi,+

Nítorí iṣẹ́ ọwọ́ rẹ ni.+

11 O fi ìyà tọ́ èèyàn sọ́nà nítorí ẹ̀ṣẹ̀ rẹ̀;+

O run nǹkan tó kà sí iyebíye bí ìgbà tí òólá* bá jẹ nǹkan.

12 Gbọ́ àdúrà mi, Jèhófà,

Fetí sí igbe mi fún ìrànlọ́wọ́.+

Nítorí àjèjì lásán ni mo jẹ́ sí ọ,+

Arìnrìn-àjò tó ń kọjá lọ* ni mí, bíi gbogbo àwọn baba ńlá mi.+

13 Má ṣe wò mí nínú ìbínú rẹ, kí n lè túra ká

Kí n tó kọjá lọ tí mi ò sì ní sí mọ́.”

40 Taratara ni mo fi* dúró de Jèhófà,

Ó fetí sí mi,* ó sì gbọ́ igbe mi fún ìrànlọ́wọ́.+

 2 Ó gbé mi jáde látinú kòtò tó ní ìró omi púpọ̀,

Láti inú ẹrẹ̀.

Ó sì fi ẹsẹ̀ mi lé orí àpáta;

Ó fi ẹsẹ̀ mi múlẹ̀ ṣinṣin.

 3 Ó wá fi orin tuntun sí mi lẹ́nu,+

Ìyìn sí Ọlọ́run wa.

Ọ̀pọ̀ èèyàn á rí nǹkan yìí, ẹ̀rù Ọlọ́run á bà wọ́n,

Wọ́n á sì gbẹ́kẹ̀ lé Jèhófà.

 4 Aláyọ̀ ni ọkùnrin tó gbẹ́kẹ̀ lé Jèhófà,

Tí kò sì yíjú sí àwọn aláfojúdi tàbí àwọn ẹlẹ́tàn.*

 5 Wo bí àwọn ohun tí o ṣe ti pọ̀ tó,

Jèhófà Ọlọ́run mi,

Àwọn iṣẹ́ àgbàyanu rẹ àti èrò rẹ sí wa.+

Kò sí ẹni tí a lè fi ọ́ wé;+

Tí mo bá ní kí n máa wí, kí n sì máa sọ nípa wọn,

Wọ́n pọ̀ ju ohun tí mo lè ròyìn!+

 6 Ẹbọ àti ọrẹ kọ́ ni ohun tó wù ọ́,*+

Àmọ́ o la etí mi sílẹ̀ kí n lè gbọ́.+

 8 Láti ṣe ìfẹ́ rẹ, Ọlọ́run mi, ni inú mi dùn sí,*+

Òfin rẹ sì wà nínú mi lọ́hùn-ún.+

Wò ó! Mi ò pa ẹnu mi mọ́,+

Bí ìwọ náà ṣe mọ̀ dáadáa, Jèhófà.

Àwọn àṣìṣe mi pọ̀ débi pé mi ò tiẹ̀ mọ ibi tí mo forí lé;+

Wọ́n pọ̀ ju irun orí mi lọ,

Ìrẹ̀wẹ̀sì sì ti bá ọkàn mi.

14 Kí ìtìjú àti ẹ̀tẹ́ bá

Gbogbo àwọn tó fẹ́ gba ẹ̀mí mi.*

Kí àwọn tí inú wọn ń dùn sí àjálù tó bá mi

Sá pa dà nínú ẹ̀tẹ́.

16 Àmọ́ kí àwọn tó ń wá ọ+

Máa yọ̀, kí inú wọn sì máa dùn nítorí rẹ.+

17 Àmọ́ aláìní ni mí, mi ò sì ní olùrànlọ́wọ́;

Kí Jèhófà fiyè sí mi.

Ìwọ ni olùrànlọ́wọ́ mi àti olùgbàlà mi;+

Ọlọ́run mi, má ṣe jẹ́ kó pẹ́.+

41 Aláyọ̀ ni ẹni tó bá ń ro ti àwọn aláìní;+

Jèhófà yóò gbà á sílẹ̀ ní ọjọ́ àjálù.

A ó pè é ní aláyọ̀ ní ayé;+

O kò sì ní jẹ́ kí èrò* àwọn ọ̀tá rẹ̀ ṣẹ lé e lórí.+

 3 Jèhófà yóò fún un lókun lórí ibùsùn àìsàn rẹ̀;+

Ìwọ yóò pààrọ̀ ibùsùn rẹ̀ nígbà tó ń ṣàìsàn.

Ọ̀rọ̀ tó ń dunni lá máa kó jọ;

Lẹ́yìn náà, á jáde lọ, á sì máa sọ ọ́ kiri.

 7 Gbogbo àwọn tó kórìíra mi ń bára wọn sọ̀rọ̀ wúyẹ́wúyẹ́;

Wọ́n ń gbèrò ibi sí mi pé:

 8 “Ohun tó ń bani lẹ́rù ti dé bá a;

Ní báyìí tó ti ṣubú lulẹ̀, kò ní dìde mọ́.”+

 9 Kódà, ẹni tó wà ní àlàáfíà pẹ̀lú mi, tí mo fọkàn tán,+

Ẹni tí a jọ ń jẹun, ti jìn mí lẹ́sẹ̀.*+

10 Àmọ́, Jèhófà, ṣojú rere sí mi, kí o sì gbé mi dìde,

Kí n lè san án pa dà fún wọn.

12 Ní tèmi, o ti dì mí mú nítorí ìwà títọ́ mi;+

Wàá fi mí sí iwájú rẹ títí láé.+

42 Bí ọkàn àgbọ̀nrín ṣe máa ń fà sí odò,

Bẹ́ẹ̀ ni ọkàn mi ṣe ń fà sí ọ, ìwọ Ọlọ́run mi.

 3 Omijé mi ni oúnjẹ mi lọ́sàn-án àti lóru;

Láti àárọ̀ ṣúlẹ̀, wọ́n ń fi mí ṣẹ̀sín, wọ́n ń sọ pé: “Ọlọ́run rẹ dà?”+

 4 Mo rántí àwọn nǹkan yìí, mo sì tú ọkàn* mi jáde,

Torí pé, nígbà kan, mo ti bá ọ̀pọ̀lọpọ̀ èèyàn rìn;

Mo máa ń rìn tọ̀wọ̀tọ̀wọ̀* níwájú wọn lọ sí ilé Ọlọ́run,

Pẹ̀lú igbe ayọ̀ àti ti ọpẹ́,

Ti ọ̀pọ̀ rẹpẹtẹ èèyàn tó ń ṣàjọyọ̀.+

Dúró de Ọlọ́run,+

Nítorí mo ṣì máa yìn ín torí òun ni Olùgbàlà mi Atóbilọ́lá.+

Ìdí nìyẹn tí mo fi rántí rẹ,+

Láti ilẹ̀ Jọ́dánì àti àwọn téńté orí Hámónì,

Láti Òkè Mísárì.*

 7 Ibú omi ń pe ibú omi

Nígbà tí àwọn omi rẹ tó ń dà ṣọ̀ọ̀rọ̀ ń dún.

 8 Ní ọ̀sán, Jèhófà yóò fi ìfẹ́ rẹ̀ tí kì í yẹ̀ hàn sí mi,

Ní òru, orin rẹ̀ yóò wà lẹ́nu mi, ìyẹn àdúrà sí Ọlọ́run tó fún mi ní ẹ̀mí.+

10 Àwọn ọ̀tá mi ń fi mí ṣẹ̀sín nítorí ìkórìíra tó lágbára tí wọ́n ní sí mi;*

Láti àárọ̀ ṣúlẹ̀, wọ́n ń fi mí ṣẹ̀sín, wọ́n ń sọ pé: “Ọlọ́run rẹ dà?”+

Dúró de Ọlọ́run,+

Nítorí mo ṣì máa yìn ín torí òun ni Olùgbàlà mi Atóbilọ́lá àti Ọlọ́run mi.+

43 Ṣe ìdájọ́ mi, Ọlọ́run,+

Gbèjà mi+ níwájú orílẹ̀-èdè aláìṣòótọ́.

Kí wọ́n máa darí mi;+

Kí wọ́n ṣamọ̀nà mi sí òkè mímọ́ rẹ àti sí àgọ́ ìjọsìn rẹ títóbi.+

 4 Nígbà náà, màá wá síbi pẹpẹ Ọlọ́run,+

Sọ́dọ̀ Ọlọ́run, tí ó jẹ́ ayọ̀ ńlá mi.

Dúró de Ọlọ́run,+

Nítorí mo ṣì máa yìn ín torí òun ni Olùgbàlà mi Atóbilọ́lá àti Ọlọ́run mi.+

44 Ọlọ́run, a ti fi etí wa gbọ́,

Àwọn baba ńlá wa ti ròyìn fún wa,+

Àwọn ohun tí o ṣe nígbà ayé wọn,

Ní àwọn ọjọ́ tó ti pẹ́.

 2 Ọwọ́ rẹ ni o fi lé àwọn orílẹ̀-èdè jáde,+

O sì mú kí àwọn baba ńlá wa máa gbé níbẹ̀.+

 3 Kì í ṣe idà wọn ni wọ́n fi gba ilẹ̀ náà,+

Kì í sì í ṣe apá wọn ló mú kí wọ́n ṣẹ́gun.+

Kàkà bẹ́ẹ̀, ọwọ́ ọ̀tún rẹ àti apá rẹ+ àti ìmọ́lẹ̀ ojú rẹ ló ṣe é,

Nítorí pé inú rẹ dùn sí wọn.+

 4 Ìwọ Ọlọ́run ni Ọba mi;+

Pàṣẹ ìṣẹ́gun pípé fún Jékọ́bù.*

 5 Agbára rẹ la ó fi lé àwọn ọ̀tá wa pa dà;+

Orúkọ rẹ la ó fi tẹ àwọn tó dìde sí wa rẹ́.+

 6 Torí mi ò gbẹ́kẹ̀ lé ọfà* mi,

Idà mi ò sì lè gbà mí là.+

 7 Ìwọ lo gbà wá lọ́wọ́ àwọn ọ̀tá wa,+

Ìwọ lo sì kó ìtìjú bá àwọn tó kórìíra wa.

 8 A ó máa yin Ọlọ́run láti àárọ̀ ṣúlẹ̀,

A ó sì máa fi ọpẹ́ fún orúkọ rẹ títí láé. (Sélà)

 9 Àmọ́ ní báyìí, o ti ta wá nù, o ti kó ìtìjú bá wa,

O ò sì bá àwọn ọmọ ogun wa jáde.

10 Ò ń mú kí a sá pa dà níwájú àwọn ọ̀tá wa;+

Àwọn tó kórìíra wa ń kó ohun tí wọ́n fẹ́.

11 O fi wá lé wọn lọ́wọ́ kí wọ́n lè pa wá jẹ bí àgùntàn;

O ti tú wa ká sáàárín àwọn orílẹ̀-èdè.+

12 O ta àwọn èèyàn rẹ lọ́pọ̀;+

O ò jẹ èrè kankan lórí wọn.*

13 O sọ wá di ẹni ẹ̀gàn lójú àwọn aládùúgbò wa,

Ẹni ẹ̀sín àti ẹni yẹ̀yẹ́ lójú àwọn tó yí wa ká.

14 O sọ wá di ẹni ẹ̀gàn* láàárín àwọn orílẹ̀-èdè,+

Ẹni tí àwọn èèyàn ń rí, tí wọ́n ń mi orí.

15 Ẹ̀tẹ́ bá mi láti àárọ̀ ṣúlẹ̀,

Ìtìjú mi sì ti bò mí mọ́lẹ̀,

16 Torí ẹ̀sín tí wọ́n ń fi mí ṣe àti èébú wọn,

Nítorí pé ọ̀tá wa ń gbẹ̀san lára wa.

17 Gbogbo èyí ti ṣẹlẹ̀ sí wa, síbẹ̀ a kò gbàgbé rẹ,

A kò sì da májẹ̀mú rẹ.+

18 Ọkàn wa kò kúrò lọ́dọ̀ rẹ;

Ẹsẹ̀ wa kò yà kúrò ní ọ̀nà rẹ.

19 Àmọ́ o ti tẹ̀ wá rẹ́ níbi tí àwọn ajáko* ń gbé;

O ti fi òkùnkùn biribiri bò wá mọ́lẹ̀.

20 Ká ní a ti gbàgbé orúkọ Ọlọ́run wa

Tàbí tí a tẹ́wọ́ àdúrà sí ọlọ́run àjèjì,

21 Ṣé Ọlọ́run kò ní mọ̀ ni?

22 Torí rẹ ni wọ́n ṣe ń pa wá láti àárọ̀ ṣúlẹ̀;

Wọ́n ti kà wá sí àgùntàn tó wà fún pípa.+

25 Nítorí wọ́n ti bá wa* kanlẹ̀;

Wọ́n sì ti tẹ̀ wá mọ́lẹ̀.+

 3 Sán idà rẹ+ mọ́ ìdí rẹ, ìwọ alágbára ńlá,+

Nínú iyì rẹ àti ọlá ńlá rẹ.+

 4 Nínú ọlá ńlá rẹ, kí o ṣẹ́gun;*+

Máa gẹṣin lọ nítorí òtítọ́ àti ìrẹ̀lẹ̀ àti òdodo,+

Ọwọ́ ọ̀tún rẹ yóò sì ṣe* àwọn ohun àgbàyanu.

 5 Àwọn ọfà rẹ mú, wọ́n ń mú kí àwọn èèyàn ṣubú níwájú rẹ;+

Wọ́n ń gún ọkàn àwọn ọ̀tá ọba.+

 6 Ọlọ́run ni ìtẹ́ rẹ títí láé àti láéláé;+

Ọ̀pá àṣẹ ìjọba rẹ jẹ́ ọ̀pá àṣẹ ìdúróṣinṣin.*+

 8 Òjíá àti álóè àti kaṣíà ń já fíkán lára gbogbo aṣọ rẹ;

Ìró àwọn ohun ìkọrin olókùn tín-ín-rín látinú ààfin títóbi lọ́lá tí a fi eyín erin ṣe lọ́ṣọ̀ọ́ ń mú inú rẹ dùn.

10 Gbọ́, ìwọ ọmọbìnrin, fiyè sí i, kí o sì fetí sílẹ̀;

Gbàgbé àwọn èèyàn rẹ àti ilé bàbá rẹ.

11 Ọkàn ọba yóò máa fà sí ọ nítorí ẹwà rẹ,

Torí òun ni olúwa rẹ,

Nítorí náà, tẹrí ba fún un.

12 Ọmọbìnrin Tírè máa mú ẹ̀bùn wá;

Àwọn tó lọ́rọ̀ jù lọ máa wá ojú rere rẹ.*

13 Nínú ààfin,* ọmọbìnrin ọba gbé ògo wọ̀ bí aṣọ;

A fi wúrà ṣe aṣọ rẹ̀ lọ́ṣọ̀ọ́.*

15 A ó mú wọn wá pẹ̀lú ayọ̀ àti ìdùnnú,

Wọ́n á sì wọ ààfin ọba.

46 Ọlọ́run ni ibi ààbò wa àti okun wa,+

Ìrànlọ́wọ́ tó wà lárọ̀ọ́wọ́tó ní àkókò wàhálà.+

 2 Ìdí nìyẹn tí a kò fi ní bẹ̀rù, bí ayé tilẹ̀ ń mì tìtì,

Bí àwọn òkè tilẹ̀ ń ṣubú sínú ibú òkun,+

 3 Bí omi rẹ̀ tilẹ̀ ń pariwo, tó sì ń ru sókè,*+

Bí àwọn òkè tilẹ̀ ń mì jìgìjìgì nítorí ìrugùdù rẹ̀. (Sélà)

 4 Odò kan wà tí ṣíṣàn rẹ̀ ń mú kí ìlú Ọlọ́run máa yọ̀,+

Àgọ́ ìjọsìn mímọ́ títóbi ti Ẹni Gíga Jù Lọ.

 6 Àwọn orílẹ̀-èdè wà nínú rúkèrúdò, àwọn ìjọba ń ṣubú;

Ó gbé ohùn rẹ̀ sókè, ayé sì yọ́.+

 7 Jèhófà Ọlọ́run àwọn ọmọ ogun wà pẹ̀lú wa;+

Ọlọ́run Jékọ́bù ni ibi ààbò wa.* (Sélà)

 8 Ẹ wá wo àwọn iṣẹ́ Jèhófà,

Bí ó ṣe gbé àwọn ohun àgbàyanu ṣe ní ayé.

Ó ṣẹ́ ọrun, ó sì kán ọ̀kọ̀ sí wẹ́wẹ́;

Ó sun àwọn kẹ̀kẹ́ ogun* nínú iná.

A ó gbé mi ga láàárín àwọn orílẹ̀-èdè;+

A ó gbé mi ga ní ayé.”+

11 Jèhófà Ọlọ́run àwọn ọmọ ogun wà pẹ̀lú wa;+

Ọlọ́run Jékọ́bù jẹ́ ibi ààbò fún wa.+ (Sélà)

 2 Nítorí Jèhófà Ẹni Gíga Jù Lọ yẹ lẹ́ni tí à ń bẹ̀rù;+

Òun ni Ọba ńlá lórí gbogbo ayé.+

 3 Ó tẹ àwọn èèyàn lórí ba lábẹ́ wa;

Ó fi àwọn orílẹ̀-èdè sábẹ́ ẹsẹ̀ wa.+

 4 Ó yan ogún wa fún wa,+

Ògo Jékọ́bù, ẹni tó nífẹ̀ẹ́.+ (Sélà)

 5 Ọlọ́run ti gòkè nígbà tí àwọn èèyàn ń kígbe ayọ̀,

Jèhófà ti gòkè nígbà tí àwọn èèyàn ń fun ìwo.*

 7 Nítorí Ọlọ́run ni Ọba gbogbo ayé;+

Ẹ kọ orin ìyìn, kí ẹ sì fi ìjìnlẹ̀ òye hàn.

 9 Àwọn olórí àwọn èèyàn ti kóra jọ

Pẹ̀lú àwọn èèyàn Ọlọ́run Ábúráhámù.

48 Jèhófà tóbi, òun sì ni ìyìn yẹ jù lọ

Ní ìlú Ọlọ́run wa, ní òkè mímọ́ rẹ̀.

 2 Gíga rẹ̀ rẹwà, ayọ̀ gbogbo ayé,+

Òkè Síónì tó jìnnà réré ní àríwá,

Ìlú Ọba Títóbi Lọ́lá.+

 3 Nínú àwọn ilé gogoro rẹ̀ tó láàbò,

Ọlọ́run ti jẹ́ kí a mọ̀ pé òun ni ibi ààbò.*+

 4 Wò ó! àwọn ọba ti kóra jọ;*

Wọ́n jọ tẹ̀ síwájú.

 6 Ìbẹ̀rù mú wọn níbẹ̀,

Ìrora bíi ti obìnrin tó ń rọbí.

 8 A ti wá fi ojú wa rí ohun tí a ti gbọ́

Ní ìlú Jèhófà Ọlọ́run àwọn ọmọ ogun, ní ìlú Ọlọ́run wa.

 9 A ronú lórí ìfẹ́ rẹ tí kì í yẹ̀, Ọlọ́run,+

Nínú tẹ́ńpìlì rẹ.

10 Bí orúkọ rẹ ṣe lọ, Ọlọ́run, bẹ́ẹ̀ ni ìyìn rẹ

Ṣe lọ títí dé ìkángun ayé.+

11 Kí inú Òkè Síónì+ máa dùn,

Kí àwọn ìlú* Júdà sì máa yọ̀, nítorí àwọn ìdájọ́ rẹ.+

12 Ẹ rìn yí ká Síónì; ẹ lọ káàkiri inú rẹ̀;

Ẹ ka àwọn ilé gogoro rẹ̀.+

Ẹ ṣàyẹ̀wò àwọn ilé gogoro rẹ̀ tó láàbò,

Kí ẹ lè ròyìn rẹ̀ fún ìran ọjọ́ iwájú.

Ẹ fiyè sí i, gbogbo ẹ̀yin tó ń gbé ayé,*

 2 Ẹni kékeré àti ẹni ńlá,*

Àti olówó àti tálákà.

 3 Ẹnu mi yóò sọ̀rọ̀ ọgbọ́n,

Àṣàrò ọkàn mi+ yóò sì fi òye hàn.

 4 Màá fiyè sí òwe;

Màá fi háàpù pa àlọ́ mi.

 5 Kí nìdí tí màá fi máa bẹ̀rù nígbà wàhálà,+

Nígbà tí ìwà ibi* àwọn tó fẹ́ lé mi kúrò yí mi ká?

 6 Àwọn tí wọ́n gbẹ́kẹ̀ lé ọrọ̀ wọn,+

Tí wọ́n sì ń fi ọrọ̀ rẹpẹtẹ wọn fọ́nnu,+

 7 Kò sí ìkankan nínú wọn tó lè ra arákùnrin kan pa dà

Tàbí tí ó lè fún Ọlọ́run ní ìràpadà nítorí rẹ̀,+

 8 (Iye owó ìràpadà ẹ̀mí* wọn ṣe iyebíye

Débi pé ó kọjá ohun tí ọwọ́ wọn lè tẹ̀);

 9 Tí á fi wà láàyè títí láé, tí kò sì ní rí kòtò.*+

10 Gbogbo èèyàn ló mọ̀ pé àwọn ọlọ́gbọ́n pàápàá ń kú;

Àwọn òmùgọ̀ àti àwọn aláìnírònú ń ṣègbé pa pọ̀,+

Wọ́n á sì fi ọrọ̀ wọn sílẹ̀ fún àwọn ẹlòmíì.+

11 Ohun tó ń wù wọ́n lọ́kàn ni pé kí ilé wọn wà títí láé,

Kí àgọ́ wọn wà láti ìran dé ìran.

12 Àmọ́ bí a tilẹ̀ dá èèyàn lọ́lá, kò lè máa wà nìṣó;+

Kò sàn ju àwọn ẹranko tó ń ṣègbé.+

13 Bí ọ̀nà àwọn òmùgọ̀ ṣe rí nìyí+

Àti ti àwọn tó ń tẹ̀ lé wọn, tí inú wọn ń dùn sí ọ̀rọ̀ asán tí wọ́n ń sọ. (Sélà)

Ikú yóò ṣe olùṣọ́ àgùntàn wọn;

Àwọn adúróṣinṣin yóò ṣàkóso wọn+ ní òwúrọ̀.

Wọ́n á pa rẹ́, tí a ò ní rí ipa wọn mọ́;+

Isà Òkú*+ ló máa di ilé wọn dípò ààfin.+

15 Àmọ́, Ọlọ́run máa rà mí* pa dà kúrò lọ́wọ́ agbára* Isà Òkú,*+

Nítorí ó máa dì mí mú. (Sélà)

16 Má bẹ̀rù nítorí pé ẹnì kan di ọlọ́rọ̀,

Nítorí pé ògo ilé rẹ̀ ń pọ̀ sí i,

17 Nítorí tí ó bá kú, kò lè mú ohunkóhun lọ;+

Ògo rẹ̀ kò ní bá a sọ̀ kalẹ̀ lọ.+

20 Ẹni tí kò bá lóye èyí, bí a tilẹ̀ dá a lọ́lá,+

Kò sàn ju àwọn ẹranko tó ń ṣègbé.

50 Ọlọ́run àwọn ọlọ́run, Jèhófà,*+ ti sọ̀rọ̀;

Ó pe ayé

Láti yíyọ oòrùn títí dé wíwọ̀ rẹ̀.*

Iná tó ń jó nǹkan run wà níwájú rẹ̀,+

Ìjì tó lágbára sì ń jà ní gbogbo àyíká rẹ̀.+

 4 Ó pe ọ̀run lókè, ó sì pe ayé,+

Kí ó lè ṣèdájọ́ àwọn èèyàn rẹ̀,+ ó ní:

 5 “Ẹ kó àwọn ẹni ìdúróṣinṣin mi jọ sọ́dọ̀ mi,

Àwọn tí wọ́n fi ẹbọ bá mi dá májẹ̀mú.”+

 6 Àwọn ọ̀run ń kéde òdodo rẹ̀,

Nítorí Ọlọ́run fúnra rẹ̀ jẹ́ Onídàájọ́.+ (Sélà)

 7 “Ẹ fetí sílẹ̀, ẹ̀yin èèyàn mi, mo fẹ́ sọ̀rọ̀;

Ìwọ Ísírẹ́lì, màá ta kò ọ́.+

 8 Mi ò bá ọ wí nítorí àwọn ẹbọ rẹ

Tàbí nítorí àwọn odindi ẹbọ sísun rẹ tó wà níwájú mi nígbà gbogbo.+

 9 Mi ò nílò akọ màlúù láti ilé rẹ,

Bẹ́ẹ̀ ni mi ò nílò àwọn ewúrẹ́* látinú ọgbà ẹran rẹ.+

10 Nítorí pé tèmi ni gbogbo ẹran inú igbó,+

Títí kan àwọn ẹranko tó wà lórí gbogbo òkè.

11 Mo mọ gbogbo ẹyẹ tó wà lórí àwọn òkè;+

Àìlóǹkà àwọn ẹran tó wà nínú pápá jẹ́ tèmi.

12 Ká ní ebi ń pa mí, mi ò ní sọ fún ọ,

Nítorí ilẹ̀ eléso àti gbogbo ohun tó wà nínú rẹ̀ jẹ́ tèmi.+

13 Ṣé mo fẹ́ jẹ ẹran màlúù* ni

Àbí mo fẹ́ mu ẹ̀jẹ̀ òbúkọ?+

14 Rú ẹbọ ọpẹ́ sí Ọlọ́run,+

Kí o sì san ẹ̀jẹ́ rẹ fún Ẹni Gíga Jù Lọ;+

15 Pè mí ní àkókò wàhálà.+

“Ẹ̀tọ́ wo lo ní láti máa sọ àwọn ìlànà mi+

Tàbí láti máa sọ nípa májẹ̀mú mi?+

17 Nítorí o kórìíra ìbáwí,*

O sì ń kọ ẹ̀yìn sí ọ̀rọ̀ mi.*+

18 Nígbà tí o rí olè, o tẹ́wọ́ gbà á,*+

O sì ń bá àwọn alágbèrè kẹ́gbẹ́.

19 Ò ń fi ẹnu rẹ sọ ohun búburú kiri,

Ẹ̀tàn sì wà lórí ahọ́n rẹ.+

20 O jókòó, o sì sọ̀rọ̀ tí kò dáa sí arákùnrin rẹ;+

O fi àléébù ọmọ ìyá rẹ hàn.*

21 Nígbà tí o ṣe àwọn nǹkan yìí, mi ò sọ̀rọ̀,

Torí náà, o rò pé màá dà bíi tìẹ.

Àmọ́ ní báyìí, màá bá ọ wí,

Màá sì pè ọ́ lẹ́jọ́.+

22 Ẹ jọ̀wọ́, ẹ rò ó wò ná, ẹ̀yin tí ẹ gbàgbé Ọlọ́run,+

Kí n má bàa fà yín ya pẹ́rẹpẹ̀rẹ láìsí ẹni tó máa gbà yín sílẹ̀.

23 Ẹni tó mú ọpẹ́ wá, tí ó fi rúbọ sí mi ń yìn mí lógo,+

Ní ti ẹni tó sì ń rin ọ̀nà tí ó tọ́,

Màá mú kí ó rí ìgbàlà látọ̀dọ̀ mi.”+

Sí olùdarí. Orin Dáfídì, nígbà tí

wòlíì Nátánì wọlé wá bá a lẹ́yìn tí Dáfídì bá Bátí-ṣébà lò pọ̀.+

 2 Wẹ̀ mí mọ́ tónítóní kúrò nínú ìṣìnà mi,+

Kí o sì wẹ̀ mí mọ́ kúrò nínú ẹ̀ṣẹ̀ mi.+

 3 Nítorí mo mọ àwọn àṣìṣe mi dáadáa,

Ẹ̀ṣẹ̀ mi sì wà níwájú mi* nígbà gbogbo.+

 4 Ìwọ gan-an* ni mo dẹ́ṣẹ̀ sí,+

Mo ti ṣe ohun tó burú ní ojú rẹ.+

Torí náà, olódodo ni ọ́ nígbà tí o bá ń sọ̀rọ̀,

Ìdájọ́ rẹ sì tọ́.+

 5 Wò ó! A bí mi ní ẹlẹ́ṣẹ̀,

Inú ẹ̀ṣẹ̀ sì ni ìyá mi* lóyún mi.+

 6 Wò ó! Inú rẹ máa ń dùn sí òtítọ́ tó ti ọ̀kan ẹni wá;+

Kọ́ inú mi lọ́hùn-ún* ní ọgbọ́n tòótọ́.

 7 Fi hísópù wẹ̀ mí mọ́ kúrò nínú ẹ̀ṣẹ̀ mi, kí n lè mọ́;+

Wẹ̀ mí, kí n lè funfun ju yìnyín lọ.+

 8 Jẹ́ kí n gbọ́ ìró ayọ̀ àti ti ìdùnnú,

Kí àwọn egungun mi tí ìwọ ti fọ́ lè máa yọ̀.+

 9 Gbé ojú rẹ* kúrò lára àwọn ẹ̀ṣẹ̀ mi,+

Kí o sì pa gbogbo ìṣìnà mi rẹ́.*+

10 Dá ọkàn mímọ́ sí inú mi, Ọlọ́run,+

Kí o sì fi ẹ̀mí tuntun sí inú mi,+ èyí tó fìdí múlẹ̀.

11 Má ṣe gbé mi sọ nù kúrò níwájú rẹ;

Má sì gba ẹ̀mí mímọ́ rẹ kúrò lára mi.

12 Dá ayọ̀ ìgbàlà rẹ pa dà fún mi;+

Kí o sì jẹ́ kó máa wù mí láti ṣègbọràn sí ọ.*

13 Màá kọ́ àwọn arúfin ní àwọn ọ̀nà rẹ,+

Kí àwọn ẹlẹ́ṣẹ̀ lè pa dà sọ́dọ̀ rẹ.

14 Gbà mí lọ́wọ́ ẹ̀bi ẹ̀jẹ̀,+ ìwọ Ọlọ́run, Ọlọ́run ìgbàlà mi,+

Kí ahọ́n mi lè máa fi ìdùnnú kéde òdodo rẹ.+

15 Jèhófà, ṣí ètè mi,

Kí ẹnu mi lè máa kéde ìyìn rẹ.+

16 Nítorí kì í ṣe ẹbọ ni ìwọ fẹ́, ká ní bẹ́ẹ̀ ni, mi ò bá ti rú u,+

Kì í sì í ṣe odindi ẹbọ sísun ló ń mú inú rẹ dùn.+

17 Àwọn ẹbọ tó ń mú inú Ọlọ́run dùn ni ọkàn tó gbọgbẹ́;

Ìwọ Ọlọ́run, o kò ní pa ọkàn tó gbọgbẹ́ tó sì ní ìdààmú tì.*+

18 Ṣe ohun rere fún Síónì nítorí inú rere rẹ;

Mọ ògiri Jerúsálẹ́mù.

19 Nígbà náà, inú rẹ yóò máa dùn sí àwọn ẹbọ òdodo,

Àwọn ẹbọ sísun àti àwọn odindi ẹbọ;

A ó sì fi àwọn akọ màlúù rúbọ lórí pẹpẹ rẹ.+

 2 Ahọ́n rẹ mú bí abẹ fẹ́lẹ́,+

Ó ń pète ibi, ó sì ń ṣiṣẹ́ ẹ̀tàn.+

 3 Ìwọ nífẹ̀ẹ́ ohun búburú ju ohun rere lọ,

O sì nífẹ̀ẹ́ pípa irọ́ ju sísọ ohun tí ó tọ́. (Sélà)

 4 O nífẹ̀ẹ́ gbogbo ọ̀rọ̀ tó ń pani run,

Ìwọ ahọ́n ẹ̀tàn!

 5 Ìdí nìyẹn tí Ọlọ́run yóò fi mú ọ balẹ̀ láìtún gbérí mọ́;+

Yóò gbá ọ mú, yóò sì fà ọ́ kúrò nínú àgọ́ rẹ;+

Yóò fà ọ́ tu kúrò ní ilẹ̀ alààyè.+ (Sélà)

 6 Àwọn olódodo á rí i, ẹnu á yà wọ́n,+

Wọ́n á sì fi í rẹ́rìn-ín.+

 7 “Ọkùnrin yìí kò fi Ọlọ́run ṣe ibi ààbò* rẹ̀,+

Àmọ́ ó gbẹ́kẹ̀ lé ọ̀pọ̀ ọrọ̀ tó ní,+

Èrò ibi tó wà lọ́kàn rẹ̀* ló sì gbára lé.”*

 8 Ṣùgbọ́n màá dà bí igi ólífì tó gbẹ̀rẹ̀gẹ̀jigẹ̀ nínú ilé Ọlọ́run;

Ìfẹ́ Ọlọ́run tí kì í yẹ̀ ni mo gbẹ́kẹ̀ lé+ títí láé àti láéláé.

 9 Èmi yóò máa yìn ọ́ títí láé torí pé o ti gbé ìgbésẹ̀;+

Níwájú àwọn ẹni ìdúróṣinṣin rẹ,

Màá gbẹ́kẹ̀ lé orúkọ rẹ,+ nítorí ó dára.

Ìwà àìtọ́ wọn burú, ó sì jẹ́ ohun ìríra;

Kò sí ẹni tó ń ṣe rere.+

 2 Àmọ́ Ọlọ́run ń bojú wo àwọn ọmọ èèyàn láti ọ̀run+

Láti rí i bóyá ẹnì kan wà tó ní ìjìnlẹ̀ òye, bóyá ẹnì kan wà tó ń wá Jèhófà.+

 3 Gbogbo wọn ti kúrò lójú ọ̀nà;

Gbogbo wọn jẹ́ oníwà ìbàjẹ́.

Kò sí ẹni tó ń ṣe rere,

Kò tiẹ̀ sí ẹyọ kan.+

 5 Àmọ́, jìnnìjìnnì á bò wọ́n,

Irú èyí tí kò ṣẹlẹ̀ sí wọn rí,*

Ọlọ́run yóò tú egungun àwọn tó ń gbéjà kò ọ́* ká.

Nígbà tí Jèhófà bá kó àwọn èèyàn rẹ̀ tó wà lóko ẹrú pa dà,

Kí inú Jékọ́bù dùn, kí Ísírẹ́lì sì yọ̀.

54 Ọlọ́run, fi orúkọ rẹ gbà mí,+

Sì fi agbára rẹ gbèjà mi.*+

 2 Ọlọ́run, gbọ́ àdúrà mi;+

Fetí sí ọ̀rọ̀ ẹnu mi.

 3 Nítorí àwọn àjèjì dìde sí mi,

Àwọn ìkà ẹ̀dá sì ń wá ẹ̀mí* mi.+

 4 Wò ó! Ọlọ́run ni olùrànlọ́wọ́ mi;+

Jèhófà wà pẹ̀lú àwọn tó ń tì mí* lẹ́yìn.

 5 Yóò san ìwà ìkà àwọn ọ̀tá mi pa dà fún wọn;+

Pa wọ́n run* nínú òtítọ́ rẹ.+

 7 Nítorí o gbà mí nínú gbogbo wàhálà,+

Màá sì máa wo ìṣubú àwọn ọ̀tá mi.+

55 Gbọ́ àdúrà mi, Ọlọ́run,+

Má sì ṣàìka ẹ̀bẹ̀ àánú mi sí.*+

Àníyàn mi ò jẹ́ kí n ní ìsinmi,+

Ọkàn mi ò sì balẹ̀

 3 Nítorí ohun tí ọ̀tá ń sọ

Àti bí ẹni burúkú ṣe ń dà mí láàmú.

Wọ́n ń rọ̀jò wàhálà lé mi lórí,

Wọ́n sì dì mí sínú torí pé wọ́n ń bínú mi.+

 4 Ọkàn mi ń jẹ̀rora nínú mi,+

Jìnnìjìnnì ikú sì bò mí.+

 5 Ìbẹ̀rù àti ìwárìrì dé bá mi,

Gbogbo ara mi sì ń gbọ̀n pẹ̀pẹ̀.

 8 Màá yára lọ sí ibi tó láàbò

Kúrò lọ́wọ́ ẹ̀fúùfù líle àti kúrò lọ́wọ́ ìjì.”

 9 Da èrò wọn rú, Jèhófà, sì mú kí èrò wọn já sófo,*+

Nítorí mo ti rí ìwà ipá àti ìjà nínú ìlú náà.

10 Tọ̀sántòru ni wọ́n ń rìn kiri lórí ògiri rẹ̀;

Èrò ibi àti ìjàngbọ̀n ló wà nínú rẹ̀.+

11 Ìparun wà nínú rẹ̀;

Ìnilára àti ẹ̀tàn kì í kúrò ní ojúde rẹ̀.+

12 Kì í ṣe ọ̀tá ló ń pẹ̀gàn mi;+

Tó bá jẹ́ bẹ́ẹ̀, mi ò bá fara dà á.

Kì í ṣe elénìní ló dìde sí mi;

Tó bá jẹ́ bẹ́ẹ̀, mi ò bá sá pa mọ́ fún un.

13 Àmọ́ ìwọ ni, èèyàn bíi tèmi,*+

Alábàákẹ́gbẹ́ mi tí mo mọ̀ dáadáa.+

14 Ọ̀rẹ́ tímọ́tímọ́ ni wá tẹ́lẹ̀, a sì gbádùn ọ̀rẹ́ wa;

A máa ń bá ọ̀pọ̀ èèyàn rìn lọ sí ilé Ọlọ́run.

Kí wọ́n wọnú Isà Òkú* láàyè;

Nítorí ìwà ibi wà láàárín wọn, ó sì ń gbé inú wọn.

16 Ní tèmi, màá ké pe Ọlọ́run,

Jèhófà yóò sì gbà mí sílẹ̀.+

17 Ní alẹ́, ní òwúrọ̀ àti ní ọ̀sán, ìdààmú bá mi, mò ń kérora,*+

Ó sì ń gbọ́ ohùn mi.+

18 Yóò gbà mí sílẹ̀* lọ́wọ́ àwọn tó ń bá mi jà, yóò sì jẹ́ kí n* ní àlàáfíà,

Nítorí ọ̀pọ̀ rẹpẹtẹ èèyàn ló ń gbéjà kò mí.+

19 Ọlọ́run yóò gbọ́, yóò sì fún wọn lésì,+

Ẹni tó ti ń jókòó lórí ìtẹ́ tipẹ́tipẹ́.+ (Sélà)

Wọn ò ní yí pa dà,

Àwọn tí kò bẹ̀rù Ọlọ́run.+

20 Ó* gbéjà ko àwọn tó wà ní àlàáfíà pẹ̀lú rẹ̀;+

Ó da májẹ̀mú rẹ̀.+

21 Ọ̀rọ̀ ẹnu rẹ̀ jọ̀lọ̀ ju bọ́tà lọ,+

Àmọ́ ìjà ló wà lọ́kàn rẹ̀.

Ọ̀rọ̀ rẹ̀ tuni lára ju òróró lọ,

Àmọ́ idà tí a fà yọ ni wọ́n.+

22 Ju ẹrù rẹ sọ́dọ̀ Jèhófà,+

Yóò sì gbé ọ ró.+

 2 Àwọn ọ̀tá mi ń kù gìrì mọ́ mi láti àárọ̀ ṣúlẹ̀;

Ọ̀pọ̀ èèyàn ló ń gbéra ga sí mi, tí wọ́n sì ń bá mi jà.

 4 Ìwọ Ọlọ́run, ẹni tí mò ń yin ọ̀rọ̀ rẹ̀,

Ìwọ ni mo gbẹ́kẹ̀ lé; ẹ̀rù ò bà mí.

 5 Láti àárọ̀ ṣúlẹ̀, wọn ò jẹ́ kí n gbádùn ayé mi;

Bí wọ́n ṣe máa ṣe mí léṣe ni wọ́n ń rò ṣáá.+

 6 Wọ́n fara pa mọ́ láti gbéjà kò mí;

Wọ́n ń ṣọ́ gbogbo ìrìn ẹsẹ̀ mi,+

10 Ìwọ Ọlọ́run, ẹni tí mò ń yin ọ̀rọ̀ rẹ̀,

Ìwọ Jèhófà, ẹni tí mò ń yin ọ̀rọ̀ rẹ̀,

11 Ìwọ Ọlọ́run ni mo gbẹ́kẹ̀ lé; ẹ̀rù ò bà mí.+

12 Ọlọ́run, ẹ̀jẹ́ tí mo jẹ́ fún ọ dè mí;+

Màá rú ẹbọ ọpẹ́ sí ọ.+

13 Nítorí pé o ti gbà mí* lọ́wọ́ ikú,+

O ò sì jẹ́ kí n fẹsẹ̀ kọ,+

57 Ṣojú rere sí mi, Ọlọ́run, ṣojú rere sí mi,

Nítorí ìwọ ni mo* fi ṣe ibi ààbò,+

Abẹ́ òjìji ìyẹ́ apá rẹ sì ni mo sá sí títí wàhálà fi kọjá lọ.+

 2 Mo ké pe Ọlọ́run, Ẹni Gíga Jù Lọ,

Ọlọ́run tòótọ́, ẹni tó bá mi pa wọ́n rẹ́.

 4 Àwọn kìnnìún yí mi* ká;+

Àárín àwọn tó fẹ́ fà mí ya ni mo dùbúlẹ̀ sí,

Àwọn tí eyín wọn jẹ́ ọ̀kọ̀ àti ọfà,

Tí ahọ́n wọn sì jẹ́ idà mímú.+

 5 Kí a gbé ọ ga ju ọ̀run lọ, ìwọ Ọlọ́run;

Kí ògo rẹ wà lórí gbogbo ayé.+

 6 Wọ́n ti dẹ àwọ̀n láti fi mú ẹsẹ̀ mi;+

Ìdààmú dorí mi* kodò.+

Wọ́n ti gbẹ́ kòtò dè mí,

Àmọ́ àwọn fúnra wọn kó sínú rẹ̀.+ (Sélà)

 7 Ọkàn mi dúró ṣinṣin, Ọlọ́run,+

Ọkàn mi dúró ṣinṣin.

 9 Jèhófà, màá yìn ọ́ láàárín àwọn èèyàn;+

Màá fi orin yìn ọ́* láàárín àwọn orílẹ̀-èdè.+

10 Nítorí ìfẹ́ rẹ tí kì í yẹ̀ ga gan-an, ó dé ọ̀run,+

Òtítọ́ rẹ sì ga dé sánmà.

11 Kí a gbé ọ ga ju ọ̀run lọ, ìwọ Ọlọ́run;

Kí ògo rẹ wà lórí gbogbo ayé.+

 2 Kàkà bẹ́ẹ̀, ẹ̀ ń hùmọ̀ àìṣòdodo nínú ọkàn yín,+

Ọwọ́ yín sì ń gbé ìwà ipá jáde ní ilẹ̀ náà.+

 3 Àwọn ẹni burúkú ti ṣìnà* látìgbà tí wọ́n ti bí wọn;*

Oníwàkiwà ni wọ́n, òpùrọ́ sì ni wọ́n látìgbà tí wọ́n ti bí wọn.

 4 Oró wọ́n dà bí oró ejò;+

Wọ́n jẹ́ adití bí ejò ṣèbé tó di etí rẹ̀.

 5 Kì í fetí sí ohùn àwọn atujú,

Kò sí bí wọ́n ṣe mọ ọfọ̀ pè tó.

 8 Kí wọ́n dà bí ìgbín tó ń yọ́ dà nù bó ṣe ń lọ;

Bí ọmọ tí obìnrin kan bí ní òkú, tí kò rí oòrùn.

 9 Kí àwọn ìkòkò oúnjẹ yín tó mọ iná igi ẹlẹ́gùn-ún lára,

Ọlọ́run yóò gbá ẹ̀ka tútù àti èyí tó ń jó, bí ìgbà tí ìjì bá gbá nǹkan dà nù.+

10 Olódodo yóò máa yọ̀ nítorí pé ó ti rí ẹ̀san;+

Ẹ̀jẹ̀ ẹni burúkú yóò rin ẹsẹ̀ rẹ̀ gbingbin.+

59 Ọlọ́run mi, gbà mí lọ́wọ́ àwọn ọ̀tá mi;+

Dáàbò bò mí lọ́wọ́ àwọn tó ń dìde sí mi.+

 2 Gbà mí lọ́wọ́ àwọn tó ń hùwà burúkú,

Kí o sì gbà mí sílẹ̀ lọ́wọ́ àwọn oníwà ipá.*

 3 Wò ó! wọ́n lúgọ dè mí;*+

Àwọn alágbára gbéjà kò mí

Àmọ́ Jèhófà, kì í ṣe torí pé mo ṣọ̀tẹ̀ tàbí pé mo dẹ́ṣẹ̀.+

Má ṣe ṣàánú ẹnikẹ́ni tó jẹ́ ọ̀dàlẹ̀ abatẹnijẹ́.+ (Sélà)

 6 Wọ́n ń wá ní ìrọ̀lẹ́ ìrọ̀lẹ́;+

 7 Wo ohun tó ń tú* jáde lẹ́nu wọn;

Ètè wọn dà bí idà,+

Wọ́n ń sọ pé: “Ta ló ń gbọ́ wa?”+

 8 Àmọ́ ìwọ, Jèhófà, yóò fi wọ́n rẹ́rìn-ín;+

Wàá fi gbogbo àwọn orílẹ̀-èdè ṣẹ̀sín.+

 9 Ìwọ Okun mi, ìwọ ni èmi yóò máa wò;+

Nítorí Ọlọ́run ni ibi ààbò mi.*+

10 Ọlọ́run tó ń fi ìfẹ́ tí kì í yẹ̀ hàn sí mi yóò ràn mí lọ́wọ́;+

Ọlọ́run yóò mú kí n rí ìṣubú àwọn ọ̀tá mi.+

Fi agbára rẹ mú kí wọ́n máa rìn gbéregbère;

Mú kí wọ́n ṣubú, ìwọ Jèhófà, apata wa.+

12 Nítorí ẹ̀ṣẹ̀ tó wà lẹ́nu wọn àti ọ̀rọ̀ ètè wọn,

Kí ìgbéraga wọn dẹkùn mú wọn,+

Nítorí ègún àti ẹ̀tàn tí wọ́n ń sọ lẹ́nu.

13 Yanjú wọn nínú ìbínú rẹ;+

Yanjú wọn, kí wọ́n má bàa sí mọ́;

Jẹ́ kí wọ́n mọ̀ pé Ọlọ́run ń ṣàkóso ní Jékọ́bù títí dé gbogbo ìkángun ayé.+ (Sélà)

14 Jẹ́ kí wọ́n pa dà wá ní ìrọ̀lẹ́;

Jẹ́ kí wọ́n máa kùn* bí ajá, kí wọ́n sì máa dọdẹ kiri ìlú.+

15 Jẹ́ kí wọ́n máa wá ohun tí wọ́n á jẹ kiri;+

Má ṣe jẹ́ kí wọ́n yó tàbí kí wọ́n rí ibi sùn.

16 Àmọ́ ní tèmi, màá kọrin nípa okun rẹ;+

Ní àárọ̀, màá fi ìdùnnú sọ nípa ìfẹ́ rẹ tí kì í yẹ̀.

Nítorí ìwọ ni ibi ààbò mi+

Àti ibi tí mo lè sá sí ní ọjọ́ wàhálà mi.+

17 Ìwọ Okun mi, ìwọ ni màá fi orin yìn,*+

Nítorí Ọlọ́run ni ibi ààbò mi, Ọlọ́run tó ń fi ìfẹ́ tí kì í yẹ̀ hàn sí mi.+

 4 Fún* àwọn tó bẹ̀rù rẹ ní àmì

Kí wọ́n lè sá, kí wọ́n sì yẹ ọfà.* (Sélà)

 5 Kí a lè gba àwọn olùfẹ́ rẹ sílẹ̀,

Fi ọwọ́ ọ̀tún rẹ gbà wá sílẹ̀, kí o sì dá wa lóhùn.+

“Màá yọ ayọ̀ ìṣẹ́gun, màá fi Ṣékémù ṣe ogún fún àwọn èèyàn mi,+

Màá sì díwọ̀n Àfonífojì* Súkótù fún ẹni tí mo bá fẹ́.+

 7 Gílíádì jẹ́ tèmi, bí Mánásè ṣe jẹ́ tèmi,+

Éfúrémù sì ni akoto* orí mi;

Júdà ni ọ̀pá àṣẹ mi.+

10 Ìwọ Ọlọ́run tí o ti kọ̀ wá sílẹ̀ náà ni,

Ìwọ Ọlọ́run wa, tí o kò bá àwọn ọmọ ogun wa jáde mọ́.+

11 Ràn wá lọ́wọ́ nínú wàhálà wa,

Nítorí asán ni ìgbàlà látọwọ́ èèyàn.+

12 Ọlọ́run ló máa fún wa lágbára,+

Yóò sì tẹ àwọn ọ̀tá wa rẹ́.+

 2 Màá ké pè ọ́ láti ìkángun ayé

Nígbà tí ìrẹ̀wẹ̀sì bá bá* ọkàn mi.+

 3 Nítorí ìwọ ni ibi ààbò mi,

Ilé gogoro alágbára tó ń dáàbò bò mí lọ́wọ́ àwọn ọ̀tá.+

 4 Màá wà* nínú àgọ́ rẹ títí láé;+

Màá fi abẹ́ ìyẹ́ apá rẹ ṣe ibi ààbò.+ (Sélà)

 6 Wàá mú kí ẹ̀mí ọba gùn,*+

Àwọn ọdún rẹ̀ yóò sì jẹ́ láti ìran dé ìran.

 7 Yóò jókòó lórí ìtẹ́* níwájú Ọlọ́run títí láé;+

Fún un ní ìfẹ́ tí kì í yẹ̀ àti òtítọ́,* kí wọ́n lè máa dáàbò bò ó.+

 8 Nígbà náà, màá fi orin yin* orúkọ rẹ títí láé+

Bí mo ṣe ń san àwọn ẹ̀jẹ́ mi láti ọjọ́ dé ọjọ́.+

 2 Ní tòótọ́, òun ni àpáta mi àti ìgbàlà mi, ibi ààbò mi;*+

Mìmì kan ò ní mì mí débi tí màá ṣubú.+

 4 Nítorí wọ́n gbìmọ̀ pọ̀ láti taari rẹ̀ kúrò ní ipò gíga tó wà;*

Wọ́n fẹ́ràn láti máa parọ́.

 5 Ní tòótọ́, mo* dúró jẹ́ẹ́ de Ọlọ́run+

Nítorí pé ọ̀dọ̀ rẹ̀ ni ìrètí mi ti wá.+

 6 Ní tòótọ́, òun ni àpáta mi àti ìgbàlà mi, ibi ààbò mi;

Mìmì kan ò ní mì mí.+

 9 Èémí lásán ni àwọn ọmọ èèyàn,

Ẹ̀tàn ni àwọn ọmọ aráyé.+

10 Ẹ má rò pé lílọ́ni lọ́wọ́ gbà máa mú kí ẹ ṣàṣeyọrí,

Ẹ má sì rò pé olè jíjà máa ṣe yín láǹfààní.

12 Bákan náà, ìfẹ́ tí kì í yẹ̀ jẹ́ tìrẹ, Jèhófà,+

Nítorí o máa ń san kálukú lẹ́san iṣẹ́ ọwọ́ rẹ̀.+

Àárẹ̀ ti mú mi* nítorí bó ṣe ń wù mí láti rí ọ

Ní ilẹ̀ tó gbẹ táútáú, níbi tí kò sí omi.+

 2 Torí náà, mo wò ọ́ ní ibi mímọ́;

Mo rí agbára rẹ àti ògo rẹ.+

 3 Nítorí ìfẹ́ rẹ tí kì í yẹ̀ sàn ju ìyè,+

Ètè mi yóò máa yìn ọ́ lógo.+

 4 Torí náà, èmi yóò máa yìn ọ́ ní gbogbo ọjọ́ ayé mi;

Èmi yóò máa gbé ọwọ́ mi sókè ní orúkọ rẹ.

 5 Ìpín tó dára jù lọ, tó sì ṣeyebíye jù lọ la fi tẹ́ mi* lọ́rùn,*

Torí náà, ẹnu mi yóò yìn ọ́, ètè mi yóò sì kọrin.+

 6 Mo rántí rẹ lórí ibùsùn mi;

Mò ń ṣe àṣàrò nípa rẹ nígbà ìṣọ́ òru.+

 7 Nítorí ìwọ ni olùrànlọ́wọ́ mi,+

Mo sì ń kígbe ayọ̀ lábẹ́ òjìji ìyẹ́ apá rẹ.+

 8 Mo* rọ̀ mọ́ ọ;