1 Mwenye furaha+ ni mtu ambaye hakutembea katika shauri la waovu,+

Na katika njia ya watenda-dhambi hakusimama,+

Na katika kiti cha wenye dhihaka hakuketi.+

 2 Bali mapendezi yake ni katika sheria ya Yehova,+

Naye huisoma sheria yake kwa sauti ya chini mchana na usiku.+

 3 Naye hakika atakuwa kama mti uliopandwa kando ya vijito vya maji,+

Ambao hutoa matunda yake katika majira yake+

Na ambao majani yake hayanyauki,+

Na kila jambo analofanya litafanikiwa.+

 4 Waovu hawako hivyo,

Bali wako kama makapi ambayo upepo hupeperusha.+

 5 Ndiyo sababu waovu hawatasimama katika hukumu,+

Wala watenda-dhambi katika kusanyiko la waadilifu.+

 6 Kwa maana Yehova anaijua njia ya waadilifu,+

Bali njia ya waovu itaangamia.+

2 Kwa nini mataifa yamekuwa na fujo+

Na vikundi vya mataifa vimeendelea kusema jambo la upuuzi?+

 2 Wafalme wa dunia wanachukua msimamo wao+

Nao maofisa wakuu wamejikusanya pamoja kama mtu mmoja+

Dhidi ya Yehova+ na dhidi ya mtiwa-mafuta wake,+

 3 Wakisema: “Na tuzikate pingu zao+

Na kuzitupa kamba zao mbali nasi!”+

 4 Yule anayeketi mbinguni+ atacheka;

Yehova mwenyewe atawadharau.+

 5 Wakati huo atasema nao katika hasira yake+

Na katika ghadhabu yake atawafadhaisha,+

 6 Na kusema: “Mimi, naam, mimi nimemweka mfalme wangu+

Juu ya Sayuni,+ mlima wangu mtakatifu.”+

 7 Acheni nirejezee agizo la Yehova;

Yeye ameniambia: “Wewe ni mwanangu;+

Mimi, leo, nimekuwa baba yako.+

 8 Niombe,+ ili nikupe mataifa yawe urithi wako+

Na miisho ya dunia iwe miliki yako mwenyewe.+

 9 Utawavunja kwa fimbo ya chuma ya enzi,+

Utawavunja vipande-vipande, kama chombo cha mfinyanzi.”+

10 Na sasa, enyi wafalme, onyesheni ufahamu;

Kubalini kurekebishwa, enyi waamuzi wa dunia.+

11 Mtumikieni Yehova kwa woga+

Na mshangilie kwa kutetemeka.+

12 Mbusuni mwana,+ ili Yeye asikasirike

Nanyi msiangamizwe kutoka njiani,+

Kwa maana hasira yake huwaka kwa urahisi.+

Wenye furaha ni wale wote wanaomkimbilia.+

3 Ee Yehova, kwa nini adui zangu wamekuwa wengi?+

Kwa nini wengi wanainuka dhidi yangu?+

 2 Wengi wanasema juu ya nafsi yangu:

“Hakuna wokovu kwa ajili yake kutoka kwa Mungu.”+ Sela.

 3 Na bado wewe, Ee Yehova, ni ngao inayonizunguka,+

Utukufu+ wangu na Mwenye kuinua kichwa changu.+

 4 Kwa sauti yangu nitamwita Yehova,

Naye atanijibu kutoka katika mlima wake mtakatifu.+ Sela.

 5 Nami nitajilaza nipate kulala usingizi;

Hakika nitaamka, kwa maana Yehova anaendelea kunitegemeza.+

 6 Sitaogopa maelfu kumi ya watu

Ambao wamejipanga dhidi yangu kunizunguka pande zote.+

 7 Usimame,+ Ee Yehova! Uniokoe,+ Ee Mungu wangu!+

Kwa maana utawapiga adui zangu wote kwenye taya.+

Utayavunja meno ya waovu.+

 8 Wokovu ni wa Yehova.+

Baraka yako iko juu ya watu wako.+ Sela.

4 Ninapoita, unijibu, Ee Mungu wangu mwadilifu.+

Katika taabu unifanyie nafasi pana

Nionyeshe kibali+ na kuisikia sala yangu.

 2 Enyi wana wa watu, utukufu+ wangu utatukanwa mpaka wakati gani,

Huku mkiendelea kupenda mambo ya upuuzi,

Huku mkiendelea kutafuta uwongo? Sela.

 3 Basi jueni kwamba hakika Yehova atamtendea mshikamanifu wake kwa njia ya pekee;+

Yehova mwenyewe atasikia ninapomwita.+

 4 Fadhaikeni, lakini msitende dhambi.+

Semeni moyoni mwenu, kitandani mwenu,+ na kunyamaza. Sela.

 5 Toeni dhabihu za uadilifu,+

Na kumtumaini Yehova.+

 6 Kuna wengi wanaosema: “Ni nani atakayetuonyesha mema?”

Inua nuru ya uso wako juu yetu,+ Ee Yehova.

 7 Hakika wewe utaupa moyo wangu shangwe+

Iliyo kubwa kuliko wakati ambapo nafaka yao na divai yao mpya imejaa.+

 8 Katika amani nitajilaza na kulala usingizi,+

Kwa maana wewe peke yako, Ee Yehova, hunifanya nikae kwa usalama.+

5 Kwa maneno yangu utege sikio,+ Ee Yehova;

Uelewe kuugua kwangu.

 2 Sikiliza kwa makini sauti ya kilio changu kwa ajili ya msaada,+

Ee Mfalme+ wangu na Mungu wangu, kwa maana kwako wewe ninasali.+

 3 Ee Yehova, asubuhi utasikia sauti yangu;+

Asubuhi nitajieleza kwako na kukaa macho.+

 4 Kwa maana wewe si Mungu anayependezwa na uovu;+

Hakuna mtu yeyote mbaya atakayekaa na wewe kwa muda wowote.+

 5 Hakuna watu wowote wenye kujisifu watakaosimama mbele za macho yako.+

Wewe huwachukia wote wanaozoea kufanya mambo yenye kuumiza;+

 6 Utawaangamiza wale wanaosema uwongo.+

Mtu anayemwaga damu+ na mdanganyifu+ Yehova anamchukia.

 7 Na mimi, katika wingi wa fadhili zako zenye upendo+

Nitaingia katika nyumba yako,+

Nitainama kulielekea hekalu lako takatifu kwa kukuogopa.+

 8 Ee Yehova, uniongoze katika uadilifu+ wako kwa sababu ya adui zangu;+

Uifanye njia yako iwe laini mbele yangu.+

 9 Kwa maana katika kinywa chao hakuna lolote lenye kutegemeka;+

Sehemu yao ya ndani ni shida kwelikweli.+

Koo yao ni kaburi lililo wazi;+

Wanatumia ulimi laini.+

10 Hakika Mungu atawahesabia hatia;+

Wataanguka kwa sababu ya mashauri yao wenyewe.+

Na watawanywe katika wingi wa makosa yao,+

Kwa sababu wamekuasi wewe.+

11 Lakini wote wanaokukimbilia watashangilia;+

Watapiga vigelegele vya shangwe+ mpaka wakati usio na kipimo.

Nawe utaweka kizuizi wasifikiwe,

Nao wanaolipenda jina lako watakushangilia.+

12 Kwa maana wewe mwenyewe utambariki mtu yeyote aliye mwadilifu,+ Ee Yehova;

Kana kwamba kwa ngao+ kubwa, utawazunguka pande zote+ kwa kibali chako.

6 Ee Yehova, katika hasira yako usinikaripie,+

Na katika ghadhabu yako usinirekebishe.+

 2 Nionyeshe kibali, Ee Yehova, kwa maana mimi ninafifia.+

Niponye,+ Ee Yehova, kwa maana mifupa yangu imesumbuka.

 3 Naam, nafsi yangu imesumbuka sana;+

Nawe, Ee Yehova—hata wakati gani?+

 4 Urudi,+ Ee Yehova, uokoe nafsi yangu;+

Uniokoe kwa ajili ya fadhili zako zenye upendo.+

 5 Kwa maana katika kifo wewe hutajwi;+

Katika Kaburi* ni nani atakayekusifu?+

 6 Nimechoshwa na kuugua kwangu;+

Usiku kucha nafanya kitanda changu kilowane;+

Kwa machozi yangu nafanya kitanda changu kifurike.+

 7 Kutokana na masumbufu jicho langu limekuwa dhaifu,+

Limezeeka kwa sababu ya wale wote wanaonionyesha uadui.+

 8 Ondokeni kwangu, ninyi nyote mnaozoea kutenda mambo yenye kuumiza,+

Kwa maana hakika Yehova atasikia sauti ya kulia kwangu.+

 9 Yehova mwenyewe atasikia kwelikweli ombi langu la kutaka kibali;+

Yehova ataikubali sala yangu.+

10 Adui zangu wote wataona aibu+ sana na kuwa na wasiwasi;

Watageuka, wataona aibu ghafula.+

7 Ee Yehova Mungu wangu,+ nimekukimbilia wewe.+

Uniokoe kutoka kwa wale wote wanaonitesa na unikomboe,+

 2 Ili mtu yeyote asiirarue nafsi yangu vipande-vipande kama simba anavyofanya,+

Kuninyakua wakati ambapo hakuna mkombozi.+

 3 Ee Yehova Mungu wangu, ikiwa nimefanya hili,+

Ikiwa kuna ukosefu wowote wa haki katika mikono yangu,+

 4 Ikiwa nimemlipa ubaya yule anayenipa thawabu,+

Au ikiwa nimempora yeyote anayenionyesha uadui bila kufanikiwa,+

 5 Adui na aifuatilie nafsi yangu+

Naye afikie na kukanyagia chini uhai wangu

Na kufanya utukufu wangu ukae mavumbini. Sela.

 6 Usimame, Ee Yehova, katika hasira yako;+

Uinuke katika milipuko ya ghadhabu ya wale wanaonionyesha uadui,+

Na uamke kwa ajili yangu,+ kwa maana umetoa amri kwa ajili ya hukumu.+

 7 Nalo kusanyiko la vikundi vya mataifa na likuzunguke,

Nawe urudi juu dhidi yake.

 8 Yehova mwenyewe atavihukumu vikundi vya watu.+

Nihukumu, Ee Yehova, kulingana na uadilifu wangu+

Na kulingana na utimilifu+ wangu ulio ndani yangu.

 9 Tafadhali, ubaya wa waovu na ufikie mwisho,+

Nawe umwimarishe mwadilifu;+

Na Mungu akiwa mwadilifu+ anapima moyo+ na figo.+

11 Mungu ni Mwamuzi mwadilifu,+

Na Mungu anazitupa shutuma kila siku.

12 Ikiwa mtu yeyote hatarudi,+ Yeye ataunoa upanga wake,+

Hakika ataupinda upinde wake, naye atauweka tayari ili kufyatuliwa.+

13 Naye atajitayarishia silaha za kifo;+

Mishale yake ataifanya kuwa yenye kuwaka moto.+

14 Tazama! Kuna mtu aliye na mimba ya jambo lenye kuumiza,+

Naye amechukua mimba ya taabu na hatakosa kuzaa uwongo.+

15 Amechimbua shimo, naye akalichimba;+

Lakini ataanguka katika shimo alilolifanyiza.+

16 Taabu yake itarudi juu ya kichwa chake mwenyewe,+

Na jeuri yake mwenyewe itashuka juu ya utosi wa kichwa chake.+

17 Nitamsifu Yehova kulingana na uadilifu wake,+

Nami nitalipigia muziki jina+ la Yehova Aliye Juu Zaidi.+

8 Ee Yehova Bwana wetu, jina lako ni lenye utukufu kama nini katika dunia yote,+

Wewe ambaye utukufu wako unasimuliwa juu ya mbingu!+

 2 Kutoka katika kinywa cha watoto na wanaonyonya umeiweka misingi ya nguvu,+

Kwa sababu ya wale wanaokuonyesha uadui,+

Ili kumkomesha adui na yule anayejilipizia kisasi.+

 3 Ninapoziona mbingu zako, kazi za vidole vyako,+

Mwezi na nyota ambazo umetayarisha,+

 4 Mwanadamu anayeweza kufa+ ni nini hivi kwamba umweke akilini,+

Na mwana wa mtu wa udongo hivi kwamba umtunze?+

 5 Pia ulimfanya mdogo kidogo kuliko wale walio kama Mungu,+

Kisha ulimvika taji+ la utukufu+ na fahari.

 6 Unamfanya atawale juu ya kazi za mikono yako;+

Kila kitu umekiweka chini ya miguu yake:+

 7 Kondoo na mbuzi na ng’ombe, wote hao,+

Na pia wanyama wa porini,+

 8 Ndege wa mbinguni na samaki wa baharini,+

Kitu chochote kinachopita katika njia za baharini.+

9 Nitakusifu wewe, Ee Yehova, kwa moyo wangu wote;+

Nitazitangaza kazi zako zote za ajabu.+

 2 Nitakushangilia na kukufurahia,+

Nitalipigia jina lako muziki, Ee Uliye Juu Zaidi.+

 3 Adui zangu wanapogeuka nyuma,+

Watajikwaa na kuangamia kutoka mbele zako.+

 4 Kwa maana umetekeleza hukumu yangu na kesi yangu;+

Umeketi juu ya kiti cha ufalme ukihukumu kwa uadilifu.+

 5 Umeyakemea mataifa,+ umemwangamiza mwovu.+

Jina lao umelifutilia mbali mpaka wakati usio na kipimo, naam, milele.+

 6 Ewe adui, ukiwa wako umefikia mwisho wake wa kudumu,+

Na majiji ambayo umeyang’oa.+

Kumbukumbu lao hakika litaangamia.+

 7 Yeye Yehova ataketi mpaka wakati usio na kipimo,+

Akifanya imara kiti chake cha ufalme kwa ajili ya hukumu.+

 8 Naye mwenyewe ataihukumu kwa uadilifu nchi yenye kuzaa;+

Atavihukumu vikundi vya mataifa kwa unyoofu.+

 9 Naye Yehova atakuwa kilele salama kwa ajili ya mtu yeyote aliyekandamizwa,+

Kilele salama wakati wa taabu.+

10 Na wale wanaolijua jina lako watakutegemea,+

Kwa maana hakika hutawaacha wale wanaokutafuta, Ee Yehova.+

11 Mpigieni Yehova muziki, yeye anayekaa Sayuni;+

Tangazeni matendo yake katikati ya vikundi vya watu.+

12 Kwa maana, wakati wa kutafuta umwagikaji wa damu,+ hakika atawakumbuka hao;+

Hakika yeye hatakisahau kilio cha wenye kuteseka.+

13 Unionyeshe kibali, Ee Yehova; uone mateso yangu kutoka kwa wale wanaonichukia,+

Ewe unayeniinua kutoka katika malango ya kifo,+

14 Ili niyatangaze matendo yako yote yanayostahili sifa+

Katika malango+ ya binti Sayuni,+

Ili niushangilie wokovu wako.+

15 Mataifa yamezama katika shimo walilolifanya;+

Mguu wao wenyewe umekamatwa+ katika wavu+ waliouficha.

17 Watu waovu+ watarudi katika Kaburi,*+

Naam, mataifa yote yanayomsahau Mungu.+

18 Kwa maana maskini hawatasahauliwa sikuzote,+

Wala tumaini la wapole halitaangamia kamwe.+

19 Usimame, Ee Yehova! Mwanadamu anayeweza kufa asiwe na nguvu zaidi.+

Mataifa na yahukumiwe mbele za uso wako.+

20 Utie woga ndani yao, Ee Yehova,+

Ili mataifa yapate kujua kwamba wao ni wanadamu tu wanaoweza kufa.+ Sela.

10 Ee Yehova, kwa nini unaendelea kusimama mbali?+

Kwa nini unaendelea kujificha nyakati za taabu?+

 2 Katika majivuno yake, mwovu humfuatilia vikali mwenye kuteseka;+

Wanakamatwa na mawazo ambayo wametunga.+

 3 Kwa maana mwovu amejisifu kwa sababu ya tamaa yenye ubinafsi ya nafsi yake,+

Naye anayepata faida asiyostahili+ amejibariki;

נ [Nun]

Amekosa kumheshimu Yehova.+

 4 Kwa sababu ya kujigamba kwake, mwovu hatafuti;+

Mawazo yake yote ni: “Hakuna Mungu.”+

 5 Njia zake zinaendelea kufanikiwa wakati wote.+

Maamuzi yako ya hukumu yako juu sana asiweze kuyafikia;+

Nao wale wote wanaomwonyesha uadui, anawafanyia dhihaka.+

 6 Amesema katika moyo wake: “Sitatikiswa;+

Kizazi baada ya kizazi sitakuwa katika msiba.”+

 7 Kinywa chake kimejaa viapo na udanganyifu na ukandamizaji.+

Chini ya ulimi wake kuna taabu na mambo yenye kuumiza.+

 8 Yeye huketi akivizia makao;

Kutoka mafichoni atamuua mtu asiye na hatia.+

ע [ʽAʹyin]

Macho yake yanamtafuta mtu mwenye taabu.+

 9 Yeye anaendelea kuvizia katika mahali palipofichika kama simba mafichoni mwake.+

Anaendelea kuvizia+ ili amchukue kwa nguvu mtu fulani mwenye kuteseka.

Humchukua kwa nguvu mtu mwenye kuteseka anapouvuta pamoja wavu wake.+

10 Yeye anapondwa, anainama,

Na jeshi la watu waliohuzunika linaangukia kucha zake zenye nguvu.+

11 Yeye amesema katika moyo wake:+ “Mungu amesahau.+

Ameuficha uso wake.+

Hakika hatauona kamwe.”+

12 Usimame,+ Ee Yehova. Ee Mungu, uinue mkono wako.+

Usiwasahau wenye kuteseka.+

13 Kwa nini mwovu amekosa kumheshimu Mungu?+

Amesema katika moyo wake: “Wewe hutatoza hesabu.”+

14 Kwa maana wewe mwenyewe umeona taabu na masumbufu.

Unaendelea kutazama, uyatie katika mkono wako.+

Mtu mwenye taabu,+ mvulana asiye na baba, anajikabidhi kwako.

Wewe mwenyewe umekuwa msaidizi wake.+

15 Uvunje mkono wa mwovu na mbaya.+

Uutafute uovu wake mpaka usiupate tena.+

16 Yehova ni Mfalme mpaka wakati usio na kipimo, naam, milele.+

Mataifa yameangamia kutoka katika dunia yake.+

17 Tamaa ya wapole hakika utaisikia,+ Ee Yehova.

Utautayarisha moyo wao.+

Utasikiliza kwa makini kwa sikio lako.+

18 Ili kumhukumu mvulana asiye na baba na mtu aliyepondwa,+

Ili mwanadamu anayeweza kufa, aliye wa dunia, asisababishe tena kutetemeka.+

11 Nimemkimbilia Yehova.+

Mnawezaje kuthubutu kuiambia nafsi yangu:

“Kimbieni kwenye mlima wenu kama ndege!+

 2 Kwa maana, tazama! waovu huupinda upinde,+

Huutayarisha mshale wao juu ya kamba ya upinde,

Ili katika giza wawafyatulie walio wanyoofu moyoni.+

 3 Misingi inapobomolewa,

Yeyote aliye mwadilifu afanye nini?”+

 4 Yehova yumo katika hekalu lake takatifu.+

Yehova—kiti chake cha ufalme kiko mbinguni.+

Macho yake yanaangalia, macho yake yanayong’aa yanawachunguza+ wana wa binadamu.

 5 Yehova humchunguza mwadilifu na pia mwovu,+

Na mtu yeyote anayependa jeuri nafsi Yake hakika inamchukia.+

 6 Yeye atawanyeshea waovu mitego, moto na kiberiti+

Na upepo wenye kuunguza, vikiwa fungu la kikombe chao.+

 7 Kwa maana Yehova ni mwadilifu;+ yeye huyapenda matendo ya uadilifu.+

Wanyoofu ndio watakaouona uso wake.+

12 Uniokoe,+ Ee Yehova, kwa maana mshikamanifu amefikia mwisho;+

Kwa maana watu waaminifu wametoweka kutoka katikati ya wana wa binadamu.

 2 Wao huendelea kusemezana mambo yasiyo ya kweli;+

Kwa midomo laini+ wao huendelea kusema wakiwa na mioyo miwili.+

 3 Yehova ataikata midomo yote iliyo laini,

Ulimi unaosema maneno makuu,+

 4 Wale ambao wamesema: “Kwa ulimi wetu tutashinda.+

Midomo yetu iko pamoja nasi. Ni nani atakayekuwa bwana kwetu?”

 5 “Kwa sababu ya kuporwa kwao wenye kuteseka, kwa sababu ya kuugua kwao maskini,+

Nitasimama wakati huu,” asema Yehova.+

“Nitamweka katika usalama mbali na mtu yeyote anayemdhihaki.”+

 6 Maneno ya Yehova ni maneno safi,+

Kama fedha iliyosafishwa katika tanuru ya kuyeyushia kwenye udongo, iliyosafishwa mara saba.

 7 Wewe mwenyewe, Ee Yehova, utawalinda;+

Utamhifadhi kila mmoja kutokana na kizazi hiki mpaka wakati usio na kipimo.

 8 Waovu wanatembea kuzunguka pande zote,

Kwa sababu uovu unatukuzwa katikati ya wana wa binadamu.+

13 Utanisahau mpaka wakati gani, Ee Yehova?+ Milele?+

Utanificha uso wako mpaka wakati gani?+

 2 Nitaweka upinzani katika nafsi yangu mpaka wakati gani,

Huzuni katika moyo wangu wakati wa mchana?

Adui yangu atainuliwa juu yangu mpaka wakati gani?+

 3 Unitazame; unijibu, Ee Yehova Mungu wangu.

Uyafanye macho yangu yang’ae,+ ili nisilale usingizi katika kifo.+

 4 Ili adui yangu asiseme: “Nimemshinda!”

Ili wapinzani wangu wasishangilie kwa sababu nimefanywa niyumbe-yumbe.+

 5 Nami nimezitegemea fadhili zako zenye upendo;+

Moyo wangu na ushangilie katika wokovu wako.+

14 Asiye na akili amesema katika moyo wake:

“Hakuna Yehova.”+

Wametenda kwa uharibifu,+ wametenda kwa njia yenye kuchukiza katika shughuli zao.

Hakuna yeyote anayefanya mema.+

Ili aone kama kuna yeyote ambaye ana ufahamu, yeyote anayemtafuta Yehova.+

 3 Wote wamegeuka kando,+ wote ni wafisadi kwa njia ileile;+

Hakuna yeyote anayefanya mema,+

Hakuna hata mmoja.+

 4 Je, hakuna yeyote kati ya wale wanaotenda mambo yenye kuumiza ambaye ana ujuzi,+

Wakila watu wangu kama vile ambavyo wamekula mkate?+

Hata hawajamwitia Yehova.+

 5 Hapo wao walijawa na hofu kubwa,+

Kwa maana Yehova yuko kati ya kizazi cha mwadilifu.+

 6 Shauri la mwenye kuteseka ninyi huliaibisha,

Kwa sababu Yehova ni kimbilio lake.+

 7 Laiti wokovu wa Israeli ungetoka Sayuni!+

Wakati ambapo Yehova anawakusanya tena mateka wa watu wake,+

Yakobo na ashangilie, Israeli na afurahi.+

15 Ee Yehova, ni nani atakayekuwa mgeni katika hema lako?+

Ni nani atakayekaa katika mlima wako mtakatifu?+

 2 Yeye anayetembea bila kosa+ na kuzoea kutenda uadilifu+

Na kusema kweli katika moyo wake.+

 3 Yeye hakuchongea kwa ulimi wake.+

Hakumfanyia mwenzake jambo lolote baya,+

Wala hakumshutumu rafiki yake.+

 4 Machoni pake mtu yeyote mwenye kudharaulika hakika amekataliwa,+

Lakini yeye anawaheshimu wale wanaomwogopa Yehova.+

Ameapa juu ya jambo lililo baya kwake, na bado yeye habadiliki.+

 5 Pesa zake hakutoa ili apate faida,+

Wala hakuchukua rushwa dhidi ya mtu asiye na hatia.+

Yeye anayefanya mambo hayo hatatikiswa.+

 2 Nimemwambia Yehova: “Wewe ni Yehova; wema wangu si kwa ajili yako,+

 3 Bali kwa watakatifu walio duniani.

Wao, naam, wale mashuhuri, ndio ninaopendezwa nao kabisa.”+

 4 Maumivu huwa mengi kwa wale ambao, wakati kuna mtu mwingine, humfuata haraka.+

Sitamimina matoleo yao ya kinywaji ya damu,+

Nami sitayachukua majina yao juu ya midomo yangu.+

 5 Yehova ndiye sehemu ya fungu langu+ nililogawiwa na ya kikombe changu.+

Wewe unaishika sana kura yangu.

 6 Kamba za kupimia zimeniangukia mahali panapopendeza.+

Kwa kweli, miliki yangu mwenyewe naikubali.

 7 Nitambariki Yehova, ambaye amenipa shauri.+

Kwa kweli, nyakati za usiku figo zangu zimenirekebisha.+

 8 Nimemweka Yehova mbele yangu daima.+

Kwa sababu yuko upande wa mkono wangu wa kuume, sitatikiswa.+

 9 Kwa hiyo moyo wangu unashangilia, nao utukufu wangu una mwelekeo wa kuwa na shangwe.+

Pia, mwili wangu mwenyewe utakaa katika usalama.+

10 Kwa maana hutaiacha nafsi yangu katika Kaburi.*+

Hutamruhusu mshikamanifu wako aone shimo.+

11 Utanijulisha njia ya uzima.+

Shangwe ya kutosha iko pamoja na uso wako;+

Kuna uzuri upande wa mkono wako wa kuume milele.+

17 Usikie jambo la uadilifu, Ee Yehova; Usikilize kwa makini kilio changu cha kusihi;+

Tega sikio kwa sala yangu bila midomo ya udanganyifu.+

 2 Hukumu yangu na itoke mbele zako;+

Macho yako mwenyewe na yaone unyoofu.+

 3 Umeuchunguza moyo wangu, umefanya ukaguzi wakati wa usiku,+

Umenisafisha; utagundua kwamba sijapanga hila.+

Kinywa changu hakitafanya kosa.+

 4 Nao utendaji wa wanadamu,

Kwa maneno ya midomo yako mimi mwenyewe nimejilinda na njia za mnyang’anyi.+

 5 Hatua zangu na zishike njia zako,+

Ambamo hatua za miguu yangu hakika hazitatikiswa.+

 6 Mimi mwenyewe nakuitia wewe, kwa sababu utanijibu, Ee Mungu.+

Tega sikio lako kwangu. Usikilize neno langu.+

 7 Uyafanye matendo yako ya fadhili zenye upendo yawe ya ajabu,+ Ee Mwokozi wa wale wanaotafuta kimbilio

Kutoka kwa waasi walio dhidi ya mkono wako wa kuume.+

 8 Unitunze kama mboni ya jicho,+

Katika kivuli cha mabawa yako unifiche,+

 9 Kwa sababu ya waovu ambao wamenipora.

Adui za nafsi yangu wanazidi kunizingira.+

10 Wamejizungushia mafuta yao wenyewe;+

Kwa vinywa vyao wamesema kwa majivuno;+

11 Sasa wametuzingira hatua zetu;+

Wanakaza macho yao ili kuelekeza duniani.+

12 Mfano wake ni ule wa simba anayetamani kurarua vipande-vipande+

Na ule wa mwana-simba anayekaa mahali palipofichika.

13 Usimame, Ee Yehova; umkabili usoni;+

Mfanye ainame; kwa upanga wako uiokoe nafsi yangu kutoka kwa mwovu,+

14 Kwa mkono wako, Ee Yehova, kutoka kwa watu,+

Kutoka kwa watu wa mfumo huu wa mambo,+ ambao fungu lao liko katika maisha haya,+

Na ambao tumbo lao wewe hulijaza kwa hazina iliyofichwa,+

Ambao wametosheka na wana+

Na ambao huwarundikia watoto wao vitu wanavyoacha.+

15 Nami, katika uadilifu nitauona uso wako;+

Nitatosheka kuliona umbo lako ninapoamka.+

 2 Yehova ni mwamba wangu na ngome yangu na Mwokoaji wangu.+

Mungu wangu ni mwamba wangu. Nitamkimbilia,+

Ngao yangu na pembe yangu ya wokovu, kilele changu salama.+

 3 Nitamwita, Yehova, Yule anayestahili kusifiwa,+

Nami nitaokolewa kutoka kwa adui zangu.+

 4 Kamba za kifo zilinizunguka;+

Mafuriko ya ghafula ya watu wasiofaa kitu pia yaliendelea kuniogopesha.+

 5 Kamba za Kaburi* zilinizunguka;+

Mitego ya kifo ilinikabili.+

 6 Katika taabu yangu niliendelea kumwita Yehova,

Nami niliendelea kumlilia Mungu wangu kwa ajili ya msaada.+

Kutoka katika hekalu lake aliisikia sauti yangu,+

Nacho kilio changu cha msaada mbele zake sasa kikafika masikioni mwake.+

 7 Na dunia ikaanza kutikisika na kutetemeka,+

Nayo misingi ya milima ikasukasuka,+

Nayo ikatikisika huku na huku kwa sababu alikuwa amekasirishwa.+

 8 Moshi ukapanda katika mianzi ya pua yake, nao moto kutoka kinywani mwake ukaendelea kuteketeza;+

Makaa yakawaka moto kutoka kwake.

 9 Naye akaziinamisha mbingu, akashuka.+

Na giza zito lilikuwa chini ya miguu yake.

10 Naye akaja akiwa amepanda juu ya kerubi, akaja akiwa anaruka,+

Naye akaja akiruka juu ya mabawa ya roho.+

11 Kisha akalifanya giza kuwa mahali pake pa kujificha,+

Kama kibanda cha kumzunguka pande zote,

12 Kutoka katika mwangaza ulio mbele yake kulikuwa na mawingu yake yaliyopita,+

Mvua ya mawe na makaa yanayowaka moto.+

13 Na mbinguni Yehova akaanza kunguruma,+

Na Aliye Juu Zaidi akaanza kutoa sauti yake,+

Mvua ya mawe na makaa yanayowaka moto.

14 Naye akaendelea kuitupa mishale yake, ili awatawanye;+

Naye akatupa umeme, ili awavuruge.+

15 Na sakafu za vijito vya maji zikaonekana,+

Na misingi ya nchi yenye kuzaa ikafunuliwa,+

Kwa kemeo lako, Ee Yehova, kwa mlipuko wa pumzi ya pua yako.+

16 Alikuwa akituma mkono kutoka juu, alikuwa akinichukua,+

Alikuwa akinitoa ndani ya maji makuu.+

17 Alikuwa akinikomboa kutoka kwa adui yangu mwenye nguvu,+

Na kutoka kwa wale wanaonichukia; kwa sababu walikuwa na nguvu kuliko mimi.+

18 Waliendelea kunikabili katika siku ya msiba wangu,+

Lakini Yehova akawa kama tegemeo kwa ajili yangu.+

19 Naye akanitoa nje mpaka mahali penye nafasi tele;+

Alikuwa akiniokoa, kwa sababu alikuwa amependezwa nami.+

20 Yehova hunipa thawabu kulingana na uadilifu wangu;+

Hunilipa kulingana na usafi wa mikono yangu.+

21 Kwa maana nimezishika njia za Yehova,+

Wala kwa uovu sikuondoka kwa Mungu wangu.+

22 Kwa maana maamuzi yake yote ya hukumu yako mbele yangu,+

Nazo sheria zake sitaziondoa kutoka kwangu.+

23 Nami nitajiendesha bila kosa mbele zake,+

Nami nitajiepusha na kosa.+

24 Yehova na anilipe kulingana na uadilifu wangu,+

Kulingana na usafi wa mikono yangu mbele za macho yake.+

25 Kwa mtu mshikamanifu utatenda kwa ushikamanifu;+

Kwa mwanamume asiye na kosa, wewe utatenda kwa njia isiyo na kosa;+

26 Kwa mtu anayebaki safi utakuwa safi;+

Na kwa mpotovu utakuwa mwenye hila;+

27 Kwa sababu watu wenye kuteseka wewe mwenyewe utawaokoa;+

Bali macho yenye majivuno utayashusha.+

28 Kwa maana wewe mwenyewe utaiwasha taa yangu, Ee Yehova;+

Mungu wangu atafanya giza langu liangaze.+

29 Kwa maana kwa msaada wako ninaweza kukimbiza kikundi cha waporaji;+

Na kwa msaada wa Mungu wangu ninaweza kuupanda ukuta.+

30 Mungu wa kweli, njia yake ni kamilifu;+

Neno la Yehova limetakaswa.+

Yeye ni ngao kwa wale wote wanaomkimbilia.+

31 Kwa maana ni nani aliye Mungu ila Yehova?+

Na ni nani aliye mwamba ila Mungu wetu?+

32 Mungu wa kweli Ndiye anayenifunga sana mshipi wa nguvu,+

Naye ataifanya njia yangu kuwa kamilifu,+

33 Kuifanya miguu yangu iwe kama ya paa,+

Na kwenye mahali palipo juu kwangu yeye huendelea kunisimamisha.+

34 Anaifundisha mikono yangu kupigana vita,+

Na mikono yangu imepinda upinde wa shaba.+

35 Nawe utanipa ngao yako ya wokovu,+

Na mkono wako mwenyewe wa kuume utanitegemeza,+

Na unyenyekevu wako mwenyewe utanifanya kuwa mkuu.+

36 Utafanyiza nafasi kubwa ya kutosha kwa ajili ya hatua zangu zilizo chini yangu,+

Navyo vifundo vya miguu yangu hakika havitatetemeka.+

37 Nitawafuatilia adui zangu na kuwafikia;

Nami sitarudi mpaka waangamizwe.+

38 Nitawavunja vipande-vipande hivi kwamba wasiweze kusimama;+

Wataanguka chini ya miguu yangu.+

39 Nawe utanifunga mshipi wa nguvu kwa ajili ya vita;

Utawaangusha chini yangu wale wanaoniinukia.+

40 Nao adui zangu, utanipa upande wa nyuma wa shingo zao;+

Nao wale wanaonichukia vikali, nitawanyamazisha.+

41 Wanalia wapate msaada, lakini hakuna mwokozi,+

Kwa Yehova, lakini yeye hawajibu.+

42 Nami nitawatwanga wawe laini kama mavumbi mbele ya upepo;+

Nitawamwaga kama matope ya barabarani.+

43 Utaniokoa kutokana na watu wenye kutafuta-tafuta makosa.+

Utanichagua kuwa kiongozi wa mataifa.+

44 Kwa kusikia fununu tu watanitii;+

Wageni watanijia wakitetemeka.+

45 Wageni watakuwa dhaifu,

Nao watakuja wakitetemeka kutoka katika maboma yao.+

46 Yehova anaishi,+ na abarikiwe Mwamba wangu,+

Na Mungu wa wokovu wangu atukuzwe.+

47 Mungu wa kweli ndiye Mpaji wa matendo ya kisasi kwangu;+

Naye hutiisha vikundi vya watu chini yangu.+

48 Ananiokoa kutoka kwa adui zangu wenye hasira;+

Utaniinua juu ya wale wanaosimama dhidi yangu,+

Utanikomboa kutoka kwa mtu mwenye jeuri.+

49 Ndiyo sababu nitakusifu wewe kati ya mataifa, Ee Yehova,+

Nami nitalipigia jina lako muziki.+

50 Yeye anafanya matendo makuu ya wokovu kwa ajili ya mfalme wake+

Na kuonyesha fadhili zenye upendo kwa mtiwa-mafuta wake,+

Kwa Daudi na kwa uzao wake mpaka wakati usio na kipimo.+

19 Mbingu zinatangaza utukufu wa Mungu;+

Nalo anga linatangaza kazi ya mikono yake.+

 2 Siku moja baada ya siku nyingine hufanya maneno yabubujike,+

Na usiku mmoja baada ya usiku mwingine huonyesha ujuzi.+

 3 Hakuna usemi, wala hakuna maneno;

Sauti yao haisikiki.+

 4 Kamba yake ya kupimia imefika duniani pote,+

Na maneno yake yamefika kwenye miisho ya nchi yenye kuzaa.+

 5 Nalo ni kama bwana-arusi anapotoka katika chumba chake cha ndoa;+

Linashangilia kama mwanamume mwenye nguvu anapokimbia njiani.+

 6 Linaenda kutoka mwisho mmoja wa mbingu,

Nao mzunguko wake humalizikia katika ile miisho yake mingine;+

 7 Sheria+ ya Yehova ni kamilifu,+ huirudisha nafsi.+

Kikumbusho+ cha Yehova ni chenye kutegemeka,+ humfanya asiye na uzoefu awe na hekima.+

 8 Maagizo+ kutoka kwa Yehova ni manyoofu,+ huufanya moyo ushangilie;+

Amri+ ya Yehova ni safi,+ huyafanya macho yang’ae.+

 9 Kumwogopa+ Yehova ni jambo safi, husimama milele.

Maamuzi ya hukumu+ ya Yehova ni ya kweli;+ yote yameonekana kuwa yenye uadilifu.+

10 Ni ya kutamaniwa kuliko dhahabu, naam, kuliko dhahabu safi sana;+

Na tamu kuliko asali+ na asali yenye kutiririka ya sega.+

11 Pia, mtumishi wako mwenyewe ameonywa kupitia hayo;+

Katika kuyashika kuna thawabu kubwa.+

12 Makosa—ni nani anayeweza kuyatambua?+

Unitangaze kuwa sina hatia ya dhambi zilizofichwa.+

13 Pia umzuie mtumishi wako kutokana na matendo ya kimbelembele;+

Usiyaache yanitawale.+

Hapo ndipo nitakapokuwa kamili,+

Nami nitakuwa sina hatia ya makosa mengi.

14 Maneno ya kinywa changu na kutafakari kwa moyo wangu+

Na yawe yenye kupendeza mbele zako, Ee Yehova Mwamba+ wangu na Mkombozi wangu.+

20 Yehova na akujibu siku ya taabu.+

Jina la Mungu wa Yakobo na likulinde.+

 2 Na atume msaada wako kutoka katika mahali patakatifu,+

Na kukutegemeza kutoka Sayuni.+

 3 Na akumbuke matoleo yako yote ya zawadi,+

Naye na ayakubali matoleo yako ya kuteketezwa kuwa ni mafuta.+ Sela.

 4 Na akupe kulingana na moyo wako,+

Naye na alitimize kusudi lako lote.+

 5 Tutapiga vigelegele kwa shangwe kwa sababu ya wokovu wako,+

Nasi tutainua bendera zetu katika jina la Mungu wetu.+

Yehova na atimize maombi yako yote.+

 6 Sasa najua kwamba hakika Yehova humwokoa mtiwa-mafuta wake.+

Humjibu kutoka katika mbingu zake takatifu+

 7 Wengine hutaja kuhusu magari na wengine kuhusu farasi,+

Lakini sisi, tutataja kuhusu jina la Yehova Mungu wetu.+

 8 Hao wamevunjika na kuanguka;+

Lakini sisi, tumesimama, ili tupate kurudishwa.+

 9 Ee Yehova, umwokoe mfalme!+

Yeye atatujibu siku ambayo tutaita.+

21 Ee Yehova, mfalme hushangilia katika nguvu zako;+

Na katika wokovu wako jinsi anavyotaka kuwa na shangwe sana!+

 2 Tamaa ya moyo wake umempa,+

Na matakwa ya midomo yake hukuyazuilia.+ Sela.

 3 Kwa maana ulikutana naye ukiwa na baraka za mema,+

Na kumvika taji la dhahabu safi kichwani.+

 4 Alikuomba uhai. Ukampa huo,+

Urefu wa siku mpaka wakati usio na kipimo, naam, milele.+

 5 Utukufu wake ni mkuu katika wokovu wako.+

Heshima na fahari unaweka juu yake.+

 6 Kwa maana umemfanya abarikiwe sana milele;+

Unamfanya afurahie kwa shangwe mbele za uso wako.+

 7 Kwa maana mfalme anategemea Yehova,+

Naam, fadhili zenye upendo za Aliye Juu Zaidi. Hatatikiswa.+

 8 Mkono wako utawapata adui zako wote;+

Mkono wako wa kuume utawapata wale wanaokuchukia.

 9 Utawafanya wawe kama tanuru yenye moto wakati wako uliowekwa wa kukaza uangalifu wako;+

Yehova atawameza katika hasira yake, na moto utawateketeza.+

10 Utaangamiza wazaliwa wao kutoka duniani,+

Na uzao wao kutoka kati ya wana wa binadamu.+

11 Kwa maana wamekuelekezea mabaya;+

Wametunga mawazo wasiyoweza kutimiza.+

12 Kwa maana utawafanya wageuze migongo yao kwa kukimbia+

Kwa nyuzi za upinde wako ambazo unatayarisha dhidi ya nyuso zao.+

13 Na utukuzwe katika nguvu zako, Ee Yehova.+

Tutaimba na kuzipigia muziki nguvu zako.+

22 Mungu wangu, Mungu wangu, kwa nini umeniacha?+

Kwa nini uko mbali usiniokoe,+

Mbali na maneno ya mngurumo wangu?+

 2 Ee Mungu wangu, mimi huendelea kuita wakati wa mchana, nawe huitiki;+

Na wakati wa usiku, wala sinyamazi.+

 3 Lakini wewe ni mtakatifu,+

Unayekaa juu ya sifa za Israeli.+

 4 Baba zetu walikutegemea wewe;+

Walikutegemea, nawe ukaendelea kuwaokoa.+

 5 Walikulilia,+ nao wakawa salama;+

Walikutegemea, nao hawakuona aibu.+

 6 Lakini mimi ni mdudu,+ wala si mtu,

Shutuma kwa wanadamu na mwenye kudharaulika kwa watu.+

 7 Wale wote wanaoniona mimi, hunidharau;+

Wanaendelea kufungua vinywa vyao wazi, wanaendelea kutikisa vichwa vyao:+

 8 “Yeye alijitia mikononi mwa Yehova.+ Acha Yeye amwokoe!+

Na amkomboe, kwa kuwa yeye amependezwa naye!”+

 9 Kwa maana Wewe ndiye uliyenitoa tumboni,+

Wewe ndiye unayenifanya niwe na tegemeo nilipokuwa kwenye maziwa ya mama yangu.+

10 Nimetupwa kwako kutoka tumbo la uzazi;+

Kutoka katika tumbo la mama yangu wewe umekuwa Mungu wangu.+

11 Usikae mbali nami, kwa sababu taabu iko karibu,+

Kwa sababu hakuna msaidizi mwingine.+

12 Ng’ombe-dume wengi wachanga wamenizingira;+

Wale wenye nguvu wa Bashani wamenizunguka.+

13 Wamefungua vinywa vyao dhidi yangu,+

Kama simba anayerarua vipande-vipande na kunguruma.+

14 Nimemwagwa kama maji,+

Na mifupa yangu yote imetenganishwa.+

Moyo wangu umekuwa kama nta;+

Umeyeyuka ndani katika sehemu zangu za ndani.+

15 Nguvu zangu zimekauka kama kigae cha udongo,+

Na ulimi wangu umefanywa ushikamane na ufizi wangu;+

Nawe unaniweka katika mavumbi ya kifo.+

16 Kwa maana mbwa wamenizingira;+

Kusanyiko la watenda-maovu limenizunguka.+

Wako kwenye mikono yangu na miguu yangu kama simba.+

17 Naweza kuhesabu mifupa yangu yote.+

Wao hutazama, hunikazia macho.+

18 Wanagawana mavazi yangu,+

Nao wanalipigia kura vazi langu.+

19 Lakini wewe, Ee Yehova, usikae mbali.+

Ewe nguvu zangu,+ ufanye haraka kuja kunisaidia.+

20 Uikomboe nafsi yangu kutokana na upanga,+

Nafsi yangu ya pekee kutokana na wayo wa mbwa;+

21 Uniokoe kutokana na kinywa cha simba,+

Na unijibu na kuniokoa kutokana na pembe za ng’ombe-mwitu.+

22 Nitalitangaza jina lako+ kwa ndugu zangu;+

Katikati ya kutaniko nitakusifu wewe.+

23 Ninyi mnaomwogopa Yehova, msifuni!+

Enyi nyote mlio uzao wa Yakobo, mtukuzeni!+

Na mwogopeni yeye, enyi nyote mlio uzao wa Israeli.+

24 Kwa maana hakudharau+

Wala kuchoshwa na mateso ya mwenye kuteseka;+

Naye hakumficha uso wake,+

Naye alipomlilia amsaidie alisikia.+

25 Kutoka kwako sifa yangu itakuwa katika kutaniko kubwa;+

Nadhiri zangu nitazitimiza mbele ya wale wanaomwogopa.+

26 Wapole watakula na kushiba;+

Wale wanaomtafuta watamsifu Yehova.+

Mioyo yenu na iishi milele.+

27 Miisho yote ya dunia itakumbuka na kurudi kwa Yehova.+

Na familia zote za mataifa zitainama mbele zako.+

28 Kwa maana ufalme ni wa Yehova,+

Naye anayatawala mataifa.+

29 Wote walio wanono wa dunia watakula na kuinama;+

Wote wanaoenda chini mavumbini watainama mbele zake,+

Wala hakuna atakayeihifadhi hai nafsi yake.+

30 Uzao utamtumikia;+

Kizazi hicho kitatangaziwa juu ya Yehova.+

31 Watakuja na kusema juu ya uadilifu wake+

Kwa kikundi cha watu kitakachozaliwa, kwamba ni yeye amefanya hilo.+

23 Yehova ni Mchungaji wangu.+

Sitakosa chochote.+

 2 Ananilaza katika malisho yenye majani mengi;+

Ananiongoza kando ya mahali pa kupumzika palipo na maji ya kutosha.+

 3 Anaiburudisha nafsi yangu.+

Ananiongoza katika mapito ya uadilifu kwa ajili ya jina lake.+

 4 Hata ingawa ninatembea katika bonde lenye kivuli kizito,+

Siogopi chochote kibaya,+

Kwa maana wewe uko pamoja nami;+

Fimbo yako na gongo lako ndivyo vitu vinavyonifariji.+

 5 Mbele yangu wewe unatayarisha meza mbele ya wale wanaonionyesha uadui.+

Umepaka kichwa changu mafuta;+

Kikombe changu kimejazwa vizuri.+

 6 Kwa hakika wema na fadhili zenye upendo zitanifuata siku zote za maisha yangu;+

Nami nitakaa katika nyumba ya Yehova siku nyingi.+

24 Dunia na vyote vinavyoijaza ni vya Yehova,+

Nchi yenye kuzaa na wale wanaokaa ndani yake.+

 2 Kwa maana yeye ameiweka imara juu ya bahari,+

Naye huiweka imara juu ya mito.+

 3 Ni nani anayeweza kuupanda mlima wa Yehova,+

Na ni nani anayeweza kusimama katika mahali pake patakatifu?+

 4 Yeyote asiye na hatia katika mikono yake na aliye safi moyoni,+

Ambaye hajaitendea nafsi Yangu kwa ubatili mtupu,+

Wala kuapa kwa udanganyifu.+

 5 Atachukua baraka kutoka kwa Yehova+

Na uadilifu kutoka kwa Mungu wake wa wokovu.+

 6 Hiki ndicho kizazi cha wale wanaomtafuta,

Cha wale wanaoutafuta uso wako, Ee Mungu wa Yakobo.+ Sela.

 7 “Inueni vichwa vyenu, enyi malango,+

Na mjiinue, enyi miingilio ya kudumu,+

 8 “Basi, Mfalme huyo mtukufu ni nani?”+

“Yehova mwenye nguvu na mwenye uwezo,+

Yehova mwenye uwezo katika vita.”+

 9 “Inueni vichwa vyenu, enyi malango;+

Naam, viinueni juu, enyi miingilio ya kudumu,

Ili Mfalme mtukufu apate kuingia!”+

10 “Basi, yeye ni nani, huyo Mfalme mtukufu?”

“Yehova wa majeshi—yeye ndiye Mfalme mtukufu.”+ Sela.

 2 Ee Mungu wangu, nimekutegemea wewe;+

Ee nisione aibu.

Adui zangu na wasishangilie juu yangu.+

 3 Pia, hakuna yeyote kati ya wale wanaokutumainia atakayeona aibu.+

Wale wanaotenda kwa hila bila kupata mafanikio wataona aibu.+

 4 Nijulishe njia zako, Ee Yehova;+

Nifundishe mapito yako mwenyewe.+

 5 Nitembeze katika kweli yako na kunifundisha,+

Kwa maana wewe ni Mungu wangu wa wokovu.+

ו [Waw]

Nimekutumainia mchana kutwa.+

 6 Ukumbuke rehema zako,+ Ee Yehova, na fadhili zako zenye upendo,+

Kwa maana ni za tangu wakati usio na kipimo.+

 7 Usizikumbuke dhambi za ujana wangu na maasi yangu.+

Unikumbuke kulingana na fadhili zako zenye upendo,+

Kwa ajili ya wema wako, Ee Yehova.+

 8 Yehova ni mwema na mnyoofu.+

Ndiyo sababu yeye huwafundisha watenda-dhambi katika ile njia.+

 9 Atawafanya wapole watembee katika uamuzi wake wa hukumu,+

Naye atawafundisha wapole njia yake.+

10 Mapito yote ya Yehova ni fadhili zenye upendo na ukweli

Kwa wale wanaoshika agano lake+ na vikumbusho vyake.+

11 Kwa ajili ya jina lako, Ee Yehova,+

Usamehe kosa langu, kwa maana ni kubwa.+

12 Sasa, ni nani anayemwogopa Yehova?+

Atamfundisha katika njia ambayo yeye ataichagua.+

13 Nafsi yake itakaa katika wema,+

Na uzao wake mwenyewe utaimiliki dunia.+

14 Urafiki wa karibu pamoja na Yehova ni wa wale wanaomwogopa,+

Pia agano lake, ili kuwafanya walijue.+

15 Macho yangu yanamwelekea Yehova daima,+

Kwa maana yeye ndiye huitoa miguu yangu katika wavu.+

16 Unielekezee uso wako, na unionyeshe kibali;+

Kwa maana mimi niko peke yangu nami ni mwenye kuteseka.+

17 Taabu za moyo wangu zimeongezeka;+

Uniondoe katika mikazo iliyo juu yangu.+

18 Uone mateso yangu na taabu yangu,+

Na unisamehe dhambi zangu zote.+

19 Uone jinsi adui zangu wamekuwa wengi,+

Nao wamenichukia kwa chuki yenye jeuri.+

20 Uilinde nafsi yangu na kunikomboa.+

Nisione aibu, kwa maana nimekukimbilia wewe.+

21 Utimilifu na unyoofu na zinilinde,+

Kwa maana nimekutumainia wewe.+

26 Unihukumu,+ Ee Yehova, kwa maana nimetembea katika utimilifu wangu,+

Nami nimemtumaini Yehova, nisipate kutikisika.+

 2 Unichunguze, Ee Yehova, na kunijaribu;+

Usafishe figo zangu na moyo wangu.+

 3 Kwa maana fadhili zako zenye upendo ziko mbele ya macho yangu,

Nami nimetembea katika kweli yako.+

 4 Sikuketi na watu wasiosema kweli;+

Wala siingii pamoja na wale wanaoficha jinsi walivyo.+

 5 Nimelichukia kutaniko la watenda-maovu,+

Wala siketi pamoja na waovu.+

 6 Nitaiosha mikono yangu katika kutokuwa na hatia,+

Nami nitatembea nikizunguka madhabahu yako, Ee Yehova,+

 7 Ili kufanya utoaji shukrani usikiwe kwa sauti kubwa,+

Na kutangaza kazi zako zote za ajabu.+

 8 Yehova, nimependa makao ya nyumba yako+

Na mahali ambapo utukufu wako hukaa.+

 9 Usiiondoe nafsi yangu pamoja na watenda-dhambi,+

Wala uhai wangu pamoja na watu wenye hatia ya damu,+

10 Ambao mikononi mwao wana mwenendo mpotovu,+

Na ambao mkono wao wa kuume umejaa rushwa.+

11 Mimi nami nitatembea katika utimilifu wangu.+

Ee unikomboe+ na kunionyesha kibali.+

12 Mguu wangu utasimama mahali tambarare;+

Kati ya makundi yaliyokutanika nitambariki Yehova.+

Nitamwogopa nani?+

Yehova ni ngome ya uhai wangu.+

Nitamhofu nani?+

 2 Watenda-maovu walipokuja karibu juu

yangu ili wapate kuila nyama yangu,+

Wao wakiwa ni wapinzani wangu na adui zangu,+

Wao walijikwaa na kuanguka.+

 3 Hata kambi ijapopiga hema dhidi yangu,+

Moyo wangu hautaogopa.+

Vita vijapozuka dhidi yangu,+

Bado nitakuwa na tegemeo wakati huo.+

 4 Nimemwomba Yehova jambo moja+—

Ndilo nitakalolitafuta,+

Kwamba nipate kukaa katika nyumba ya Yehova siku zote za maisha yangu,+

Ili kuuona uzuri wa Yehova+

Na kulitazama kwa uthamini hekalu lake.+

 5 Kwa maana atanificha mafichoni mwake katika siku ya msiba;+

Atanificha katika mahali pa siri pa hema lake;+

Ataniweka juu kwenye mwamba.+

 6 Na sasa kichwa changu kitakuwa juu, juu ya adui zangu wanaonizunguka pande zote;+

Nami nitatoa kwenye hema lake dhabihu za vigelegele vya shangwe;+

Nitamwimbia Yehova na kumpigia muziki.+

 7 Usikie, Ee Yehova, ninapoita kwa sauti yangu,+

Na unionyeshe kibali na kunijibu.+

 8 Moyo wangu umesema hivi juu yako: “Utafuteni uso wangu.”+

Nitautafuta uso wako, Ee Yehova.+

 9 Usinifiche uso wako.+

Usimgeuzie mbali mtumishi wako kwa hasira.+

Uwe msaada wangu.+

Usinitupe wala usiniache, Ee Mungu wa wokovu wangu.+

10 Hata ikiwa baba yangu na mama yangu wangeniacha,+

Yehova mwenyewe angenichukua.+

11 Unifundishe njia yako, Ee Yehova,+

Na uniongoze katika njia ya unyoofu kwa sababu ya adui zangu.

12 Usinitie mikononi mwa nafsi ya wapinzani wangu;+

Kwa maana dhidi yangu wamesimama mashahidi wa uwongo,+

Na yeye anayetokeza jeuri.+

14 Mtumaini Yehova;+ uwe hodari na moyo wako uwe na nguvu.+

Naam, mtumaini Yehova.+

28 Mimi huendelea kukuita wewe, Ee Yehova.+

Ee Mwamba wangu, usiwe kwangu kama kiziwi,+

Ili usininyamazie+

Nami nisilazimike kuwa kama wale wanaoshuka chini shimoni.+

 2 Uisikie sauti ya kusihi kwangu ninapokulilia unisaidie,

Wakati ninapoinua mikono+ yangu katika chumba cha ndani kabisa cha mahali pako patakatifu.+

 3 Usinikokote pamoja na watu waovu na pamoja na wanaotenda mambo yenye kuumiza,+

Wale wanaosema amani na wenzao+ lakini ambao katika mioyo yao mna jambo lililo baya.+

 4 Uwape kulingana na matendo yao+

Na kulingana na ubaya wa mazoea yao.+

Uwape kulingana na kazi ya mikono yao.+

Uwalipe matendo yao wenyewe.+

 5 Kwa maana hawajali utendaji wa Yehova,+

Wala kazi ya mikono yake.+

Yeye atawabomoa wala hatawajenga.

 7 Yehova ni nguvu+ zangu na ngao+ yangu.

Moyo wangu umemtegemea yeye,+

Nami nimesaidiwa, hivi kwamba moyo wangu unashangilia,+

Nami nitamsifu kwa wimbo wangu.+

 8 Yehova ni nguvu kwa watu wake,+

Naye ni ngome ya wokovu mkuu wa mtiwa-mafuta wake.+

 9 Uwaokoe watu wako, na kuubariki urithi wako;+

Na uwachunge na kuwabeba mpaka wakati usio na kipimo.+

29 Mhesabieni Yehova, enyi wana wa wenye nguvu,

Mhesabieni Yehova utukufu na nguvu.+

 2 Mhesabieni Yehova utukufu wa jina lake.+

Mwinamieni Yehova katika pambo takatifu.+

 3 Sauti ya Yehova iko juu ya maji;+

Mungu mtukufu+ mwenyewe amenguruma.+

Yehova yuko juu ya maji mengi.+

 4 Sauti ya Yehova ina nguvu;+

Sauti ya Yehova ni yenye fahari.+

 5 Sauti ya Yehova inaivunja mierezi;

Naam, Yehova anaivunja vipande-vipande mierezi ya Lebanoni,+

 6 Naye huifanya irukeruke kama ndama,+

Lebanoni na Sirioni+ kama wana wa ng’ombe-mwitu.

 7 Sauti ya Yehova inapasua kwa miali ya moto;+

 8 Sauti ya Yehova huifanya nyika itetemeke,+

Yehova huifanya nyika ya Kadeshi+ itetemeke.

 9 Sauti ya Yehova huwafanya paa watetemeke kwa maumivu ya kuzaa+

Na kuivua kabisa misitu.+

Na katika hekalu lake kila mmoja anasema: “Utukufu!”+

10 Yehova ameketi juu ya gharika;+

Na Yehova huketi akiwa mfalme mpaka wakati usio na kipimo.+

11 Yehova atawapa watu wake nguvu kwelikweli.+

Yehova atawabariki kwa amani watu wake.+

30 Nitakutukuza wewe, Ee Yehova, kwa maana umeniinua+

Nawe hukuwaruhusu adui zangu washangilie juu yangu.+

 3 Ee Yehova, umeitoa nafsi yangu kutoka katika Kaburi;*+

Umeendelea kuniweka nikiwa hai, ili nisipate kushuka ndani ya shimo.+

 4 Mpigieni Yehova muziki, enyi washikamanifu wake,+

Utoleeni shukrani ukumbusho wake mtakatifu;+

 5 Kwa sababu kuwa chini ya hasira yake ni kwa muda kidogo tu,+

Kuwa chini ya nia yake njema ni kwa muda wote wa maisha.+

Huenda kilio kikakaa wakati wa jioni,+ lakini asubuhi kuna vigelegele vya shangwe.+

 6 Mimi nimesema katika starehe yangu:+

“Sitatikiswa kamwe.”+

 7 Ee Yehova, umeusimamisha mlima wangu katika nguvu kwa nia yako njema.+

Uliuficha uso wako; nikawa na wasiwasi.+

 8 Niliendelea kukuita, Ee Yehova;+

Nami niliendelea kumsihi Yehova anipe kibali.+

 9 Damu yangu ina faida gani ninaposhuka katika shimo?+

Je, mavumbi yatakusifu wewe?+ Je, yatasema juu ya ukweli wako?+

10 Usikie, Ee Yehova, na kunionyesha kibali.+

Ee Yehova, uwe msaidizi wangu.+

11 Umenibadilishia maombolezo yangu yakawa kucheza dansi;+

Umefungua nguo yangu ya gunia, nawe unaendelea kunifunga shangwe,+

12 Ili utukufu wangu upate kukupigia muziki wala usinyamaze.+

Ee Yehova Mungu wangu, nitakusifu mpaka wakati usio na kipimo.+

31 Nimekukimbilia wewe, Ee Yehova.+

Ee nisiaibike kamwe.+

Niokoe katika uadilifu wako.+

 2 Unitegee sikio lako.+

Unikomboe haraka.+

Uwe ngome yangu yenye miamba,+

Nyumba yenye ngome ili kuniokoa.+

 3 Kwa maana wewe ni mwamba wangu na ngome yangu;+

Nawe utaniongoza na kunielekeza+ kwa ajili ya jina lako.+

 4 Utanitoa katika wavu ambao wameuficha kwa ajili yangu,+

Kwa maana wewe ni ngome yangu.+

 5 Naikabidhi roho yangu mkononi mwako.+

Umenikomboa,+ Ee Yehova Mungu wa ukweli.+

 6 Nawachukia wale wanaoonyesha kujali sanamu zisizo na faida, za ubatili;+

Lakini mimi, namtegemea Yehova.+

 7 Nitakuwa na shangwe na kushangilia katika fadhili zako zenye upendo,+

Kwa kuwa umeona mateso yangu;+

Umejua juu ya taabu za nafsi yangu.+

 8 Wala hujanitia mkononi mwa adui.+

Umeisimamisha miguu yangu mahali penye nafasi tele.+

 9 Unionyeshe kibali, Ee Yehova, kwa maana niko katika dhiki kali.+

Mambo yenye kukera yamefanya jicho langu liwe dhaifu,+ naam, nafsi yangu na tumbo langu.+

10 Kwa maana uhai wangu umefikia mwisho kwa huzuni,+

Na miaka yangu kwa kuugua.+

Kwa sababu ya kosa langu nguvu zangu zimejikwaa,+

Na mifupa yangu imekuwa dhaifu.+

11 Nimekuwa shutuma+ kwa wale wote wanaonionyesha uadui,+

Na nimekuwa hivyo hata zaidi kwa jirani zangu,+

Na kitu chenye kutia hofu kwa rafiki zangu.+

Wakati wanaponiona nje, wamenikimbia.+

12 Nimesahaulika kama mtu ambaye amekufa na ambaye hayumo moyoni;+

Nimekuwa kama chombo kilichoharibika;+

13 Kwa maana nimeisikia habari mbaya kutoka kwa wengi,+

Pande zote kukiwa na woga.+

Wanapoungana kama kitu kimoja dhidi yangu,+

Wanapanga hila ili kuiondoa nafsi yangu.+

14 Lakini mimi⁠—​nimekutegemea wewe, Ee Yehova.+

Nimesema: “Wewe ni Mungu wangu.”+

15 Nyakati zangu ziko katika mkono wako.+

Unikomboe kutoka katika mkono wa adui zangu na kutoka kwa wale wanaonifuatilia.+

16 Uufanye uso wako umwangazie mtumishi wako.+

Uniokoe katika fadhili zako zenye upendo.+

17 Ee Yehova, nisiaibike, kwa maana nimekuita wewe.+

Waovu na waaibike;+

Na wakae kimya katika Kaburi.*+

18 Midomo inayosema uwongo na ishindwe kusema,+

Inayosema mambo dhidi ya mwadilifu,+ bila kujizuia katika majivuno na dharau.+

19 Jinsi ulivyo mwingi wema wako,+ ambao umewawekea hazina wale wanaokuogopa!+

Ambao umewapa wale wanaokukimbilia wewe,

Mbele ya wana wa binadamu.+

20 Utawaficha katika mahali pa siri pa uso wako+

Mbali na ukusanyikaji pamoja wa watu.+

Utawaficha katika kibanda chako mbali na kugombana kwa ndimi.+

21 Yehova na abarikiwe,+

Kwa maana amenionyesha fadhili zenye upendo za ajabu+ katika jiji lililo katika mkazo.+

22 Mimi nilisema hivi niliposhikwa na wasiwasi:+

“Hakika nitaangamizwa kutoka mbele za macho yako.”+

Bila shaka umeisikia sauti ya kusihi kwangu nilipokulilia unisaidie.+

23 Enyi washikamanifu wake wote, mpendeni Yehova.+

Yehova anawalinda waaminifu,+

Lakini anampa malipo tele yeyote anayeonyesha majivuno.+

24 Iweni hodari, nayo mioyo yenu na iwe na nguvu,+

Ninyi nyote mnaomngojea Yehova.+

 2 Mwenye furaha ni mtu ambaye Yehova hamhesabii kosa,+

Na ambaye katika roho yake hamna udanganyifu.+

 4 Kwa maana mkono wako ulikuwa mzito juu yangu mchana na usiku.+

Umajimaji wa uhai wangu umenyauka kama wakati wa joto kavu la kiangazi.+ Sela.

 5 Mwishowe niliungama dhambi yangu kwako, wala sikufunika kosa langu.+

Nilisema: “Nitaungama makosa yangu kwa Yehova.”+

Nawe mwenyewe ukanisamehe kosa la dhambi zangu.+ Sela.

 6 Kwa sababu hiyo kila aliye mshikamanifu atasali kwako+

Katika wakati ule tu ambao wewe unaweza kupatikana.+

Nayo mafuriko ya maji mengi hayatamgusa.+

 7 Wewe ni mahali pangu pa kujificha; utanilinda kutokana na taabu.+

Utanizingira kwa vigelegele vya shangwe kwa sababu ya kuniokoa.+ Sela.

 8 “Nitakufanya uwe na ufahamu na kukufundisha katika njia unayopaswa kuiendea.+

Nitakupa shauri jicho langu likiwa linakutazama.+

 9 Msijifanye kama farasi au nyumbu wasio na uelewaji,+

Ambao roho yao yenye nguvu huzuiwa na hatamu au lijamu+

Kabla wao hawajakukaribia wewe.”+

10 Mwovu ana maumivu mengi;+

Lakini mtu anayemtegemea Yehova, fadhili zenye upendo humzingira.+

11 Shangilieni katika Yehova na kuwa na shangwe, enyi waadilifu;+

Na mpige vigelegele vya shangwe, ninyi nyote mlio wanyoofu katika moyo.+

33 Pigeni vigelegele vya shangwe, enyi waadilifu, kwa sababu ya Yehova.+

Sifa ni jambo linalofaa kwa wanyoofu.+

 2 Mtoleeni Yehova shukrani kwa kinubi;+

Mpigieni muziki kwa kinanda+ chenye nyuzi kumi.

 3 Mwimbieni wimbo mpya;+

Fanyeni yote mnayoweza katika kumpigia vinanda pamoja na vigelegele vya shangwe.+

 4 Kwa maana neno la Yehova ni la unyoofu,+

Nayo kazi yake yote ni kwa uaminifu.+

 5 Anapenda uadilifu na haki.+

Dunia imejawa na fadhili zenye upendo za Yehova.+

 6 Mbingu zilifanywa kwa neno la Yehova,+

Nayo majeshi yake yote yalifanywa kwa roho ya kinywa chake.+

 7 Anayakusanya maji ya bahari kana kwamba ni kwa bwawa,+

Akiweka katika maghala maji yenye kututumuka.

 8 Wale wote walio wa dunia na wamwogope Yehova.+

Wote wanaokaa katika nchi yenye kuzaa na wamhofu.+

 9 Kwa maana yeye mwenyewe alisema, na ikawa hivyo;+

Yeye mwenyewe alitoa amri, nayo ikasimama hivyo.+

10 Yehova mwenyewe amevunja shauri la mataifa;+

Amezuia fikira za vikundi vya watu.+

11 Shauri la Yehova litasimama milele;+

Mawazo ya moyo wake ni kwa kizazi kimoja baada ya kizazi kingine.+

12 Lenye furaha ni taifa ambalo Mungu wake ni Yehova,+

Watu ambao amewachagua wawe urithi wake.+

13 Kutoka mbinguni Yehova ametazama,+

Amewaona wana wote wa binadamu.+

14 Kutoka katika mahali palipofanywa imara ambako yeye hukaa+

Amewakazia macho wale wote wanaokaa duniani.

15 Anaifanyiza mioyo yao wote pamoja;+

Anazifikiria kazi zao zote.+

16 Hakuna mfalme anayeokolewa kwa wingi wa majeshi yake;+

Mtu mwenye nguvu haokolewi kwa wingi wa nguvu.+

17 Farasi ni udanganyifu kwa ajili ya wokovu,+

Na kwa wingi wa nguvu zake haokoi.+

18 Tazama! Jicho la Yehova linawaelekea wale wanaomwogopa,+

Wale wanaozingojea fadhili zake zenye upendo,+

19 Ili kuikomboa nafsi yao na kifo,+

Na kuwahifadhi hai wakati wa njaa.+

20 Nafsi yetu imekuwa ikimtarajia Yehova.+

Yeye ni msaidizi wetu na ngao yetu.+

21 Kwa maana moyo wetu hushangilia katika yeye;+

Kwa maana tumelitegemea jina lake takatifu.+

22 Fadhili zako zenye upendo, Ee Yehova, na ziwe juu yetu,+

Kwa vile tumeendelea kukungojea.+

34 Nitambariki Yehova nyakati zote;+

Daima sifa yake itakuwa katika kinywa changu.+

 2 Nafsi yangu itajisifu katika Yehova;+

Wapole watasikia na kushangilia.+

 3 Mtukuzeni Yehova pamoja nami,+

Na tulikweze jina lake pamoja.+

 4 Nilimuuliza Yehova, naye akanijibu,+

Naye akanikomboa kutoka katika mambo yote yenye kuniogopesha.+

 5 Walimtazama, wakang’aa,+

Nazo nyuso zao hazingeweza kuona haya kamwe.+

 6 Huyu mwenye kuteseka aliita, na Yehova mwenyewe akasikia.+

Na Yeye akamwokoa kutoka katika taabu zake zote.+

 7 Malaika wa Yehova anapiga kambi pande zote kuwazunguka wanaomwogopa,+

Na yeye huwaokoa.+

 8 Onjeni mwone ya kuwa Yehova ni mwema;+

Mwenye furaha ni mwanamume ambaye humkimbilia.+

 9 Mwogopeni Yehova, enyi watakatifu wake,+

Kwa maana wale wanaomwogopa hawakosi chochote.+

10 Wana-simba wenye manyoya shingoni wamekuwa na vichache na kukaa njaa;+

Lakini kwa wale wanaomtafuta Yehova, hawatakosa chochote chema.+

11 Njooni, enyi wana, nisikilizeni;+

Nitawafundisha kumwogopa Yehova.+

12 Ni nani mtu yule anayependezwa na uhai,+

Ambaye anapenda siku za kutosha ili kuona mema?+

13 Linda ulimi wako na yaliyo mabaya,+

Na midomo yako isiseme udanganyifu.+

14 Geuka kutoka katika yaliyo mabaya, na kufanya yaliyo mema;+

Utafute amani, na kuifuatia.+

15 Macho ya Yehova yanawaelekea waadilifu,+

Na masikio yake yanakielekea kilio chao cha kuomba msaada.+

16 Uso wa Yehova uko dhidi ya wale wanaotenda yaliyo mabaya,+

Ili kumbukumbu lao liondolewe mbali duniani.+

17 Wao walilia kwa sauti, naye Yehova mwenyewe akasikia,+

Naye akawakomboa kutoka katika taabu zao zote.+

18 Yehova yuko karibu na wale waliovunjika moyo;+

Naye huwaokoa wale waliopondwa roho.+

19 Mwadilifu ana misiba mingi,+

Lakini Yehova humkomboa kutoka katika yote hiyo.+

20 Yeye anailinda mifupa yote ya mtu huyo;

Hakuna hata mmoja uliovunjwa.+

21 Msiba utamuua mwovu;+

Na wale wanaomchukia mwadilifu watahesabiwa kuwa na hatia.+

22 Yehova anaikomboa nafsi ya watumishi wake;+

Wala hakuna yeyote kati ya wale wanaomkimbilia atakayehesabiwa kuwa na hatia.+

35 Endesha kesi yangu dhidi ya wapinzani wangu, Ee Yehova;+

Upigane na wale wanaopigana nami.+

 2 Ushike ngao ndogo na ngao kubwa,+

Na usimame ili unisaidie.+

 3 Na uchomoe mkuki na shoka lenye makali kuwili ili kukutana na wale wanaonifuatilia.+

Uiambie nafsi yangu: “Mimi ni wokovu wako.”+

 4 Wale wanaoiwinda nafsi yangu na waone aibu na kufedheheka.+

Wale wanaonipangia hila nipatwe na msiba na warudishwe nyuma na kufedheheka.+

 5 Na wawe kama makapi mbele ya upepo,+

Naye malaika wa Yehova na awe akiwasukuma.+

 6 Njia yao na iwe giza na mahali penye kuteleza,+

Naye malaika wa Yehova na awe akiwafuatilia.

 7 Kwa maana wamenifichia bila sababu shimo lao lenye wavu;+

Wamelichimba bila sababu kwa ajili ya nafsi yangu.+

 8 Uharibifu na umjie bila yeye kujua,+

Na wavu wake mwenyewe aliouficha na umkamate;+

Na aanguke ndani yake apatwe na uharibifu.+

 9 Lakini nafsi yangu mwenyewe na iwe na shangwe katika Yehova;+

Na ishangilie katika wokovu wake.+

10 Mifupa yangu yote na iseme:+

“Ee Yehova, ni nani aliye kama wewe,+

Anayemkomboa mwenye kuteseka kutoka kwa mwenye nguvu kuliko yeye,+

Na kumkomboa mwenye kuteseka na maskini kutoka kwa mwenye kumnyang’anya?”+

11 Mashahidi wenye jeuri husimama;+

Huniuliza mambo nisiyojua.+

12 Hunilipa mema yangu kwa mabaya,+

Hasara kwa nafsi yangu.+

13 Lakini mimi, walipokuwa wagonjwa, mavazi yangu yalikuwa ni magunia,+

Nikaitesa nafsi yangu kwa kufunga,+

Nayo sala yangu mwenyewe ikawa ikirudi kifuani pangu.+

14 Kana kwamba ni kwa ajili ya mwenzangu, kana kwamba ni kwa ajili ya ndugu yangu,+

Nilitembea huku na huku kama mtu anayemwombolezea mama yake.+

Nikainama nikiwa na huzuni.

15 Lakini walishangilia na kukusanyika pamoja kuhusu kuchechemea kwangu;+

Walikusanyika pamoja dhidi yangu,+

Wakinipiga na kuniangusha wakati sikujua;+

Walinirarua vipande-vipande wala hawakukaa kimya.+

16 Kati ya wenye dhihaka, walioasi imani, kwa ajili ya keki,+

Kulikuwako kusaga meno yao dhidi yangu.+

17 Ee Yehova, utaendelea kuona hayo mpaka wakati gani?+

Uirudishe nafsi yangu kutoka katika maangamizi yao,+

Naam, yangu iliyo ya pekee+ kutoka kwa wana-simba wenye manyoya shingoni.

18 Nitakusifu katika kutaniko kubwa;+

Nitakusifu kati ya kikundi cha watu wengi.+

19 Wale ambao ni adui zangu bila sababu yoyote wasishangilie juu yangu;+

Nao wale wanaonichukia bila sababu, wasikonyeze jicho.+

20 Kwa maana hawasemi mambo ya amani;+

Bali juu ya wanyamavu wa dunia

Wanaendelea kupanga mambo ya udanganyifu.+

21 Nao hufungua kinywa chao wazi dhidi yangu.+

Wamesema: “Aha! Aha! jicho letu limeyaona.”+

22 Ee Yehova, umeona.+ Usikae kimya.+

Ee Yehova, usikae mbali nami.+

23 Uamke na ukae macho kwa ajili ya hukumu yangu,+

Kwa ajili ya kesi yangu,+ Ee Mungu wangu, naam, Yehova.

24 Nihukumu kulingana na uadilifu wako, Ee Yehova Mungu wangu,+

Nao wasishangilie juu yangu.+

25 Na wasiseme moyoni mwao: “Aha, nafsi yetu!”+

Na wasiseme: “Tumemmeza.”+

26 Na waone aibu na kufedheheka wote pamoja+

Wanaoshangilia msiba wangu.+

Na wavikwe aibu+ na fedheha wale wanaojivuna sana dhidi yangu.+

27 Wale wanaopendezwa na uadilifu wangu na wapige vigelegele kwa shangwe na kushangilia.+

Nao waseme daima:+

“Yehova na atukuzwe, ambaye anapendezwa na amani ya mtumishi wake.”+

28 Nao ulimi wangu mwenyewe na utamke uadilifu wako kwa sauti ya chini,+

Sifa yako mchana kutwa.+

36 Maneno ya ukosaji kwa mtu mwovu yako katikati ya moyo wake;+

Hakuna hofu ya Mungu mbele ya macho yake.+

 2 Kwa maana ametenda kwa ulaini machoni pake mwenyewe+

Asiweze kuliona kosa lake ili alichukie.+

 3 Maneno ya kinywa chake ni kuumiza na udanganyifu;+

Ameacha kuwa na ufahamu wa kufanya mema.+

 4 Yeye anaendelea kupanga hila ya kuumiza kitandani mwake.+

Husimama katika njia isiyo nzuri.+

Hakatai lililo baya.+

 5 Ee Yehova, fadhili zako zenye upendo ziko mbinguni;+

Uaminifu wako umefika mawinguni.+

 6 Uadilifu wako ni kama milima ya Mungu;+

Uamuzi wako wa hukumu ni kilindi kikubwa cha maji.+

Wewe huokoa mwanadamu na mnyama, Ee Yehova.+

 7 Jinsi zilivyo na thamani fadhili zako zenye upendo, Ee Mungu!+

Nao wana wa binadamu hupata kimbilio katika kivuli cha mabawa yako.+

 8 Wao hunywa na kushiba vinono vya nyumba yako;+

Nawe huwanywesha kwenye mito ya raha zako.+

 9 Kwa maana kwako wewe iko chemchemi ya uzima;+

Kwa nuru inayotoka kwako sisi tunaweza kuona nuru.+

10 Endeleza fadhili zako zenye upendo kwa wale wanaokujua,+

Na uadilifu wako kwa wale walio wanyoofu moyoni.+

11 Mguu wa majivuno usinijie;+

Nao mkono wa watu waovu, usinifanye kuwa mtu wa kutanga-tanga.+

12 Huko wanaotenda mambo yenye kuumiza wameanguka;+

Wamesukumwa chini nao wameshindwa kusimama.+

37 Usijionyeshe umewaka hasira kwa sababu ya watenda-maovu.+

Usiwaonee wivu wale wanaofanya mambo yasiyo ya uadilifu.+

 2 Kwa maana watakauka haraka kama majani,+

Nao watafifia kama majani mapya ya kijani kibichi.+

 3 Mtegemee Yehova na ufanye mema;+

Ukae duniani, na utende kwa uaminifu.+

 4 Pia upate furaha tele katika Yehova,+

Naye atakupa maombi ya moyo wako.+

 5 Mkabidhi Yehova njia yako,+

Na kumtegemea,+ naye mwenyewe atatenda.+

 6 Naye atauleta uadilifu wako kama nuru,+

Na haki yako kama katikati ya mchana.+

 7 Kaa kimya mbele za Yehova+

Na kumngojea kwa kutamani.+

Usijionyeshe umewaka hasira kwa sababu ya mtu yeyote anayeifanikisha njia yake,+

Kwa sababu ya mtu anayetimiza mawazo yake.+

 8 Acha hasira na uache ghadhabu;+

Usijionyeshe umewaka hasira ili tu kufanya uovu.+

 9 Kwa maana watenda-maovu watakatiliwa mbali,+

Bali wale wanaomtumaini Yehova ndio watakaoimiliki dunia.+

10 Na bado muda kidogo tu, na mtu mwovu hatakuwako tena;+

Nawe hakika utapaangalia mahali pake, naye hatakuwapo.+

11 Bali wapole wataimiliki dunia,+

Nao watapata furaha yao tele katika wingi wa amani.+

12 Mwovu anampangia hila mwadilifu,+

Naye anamsagia meno yake.+

13 Yehova mwenyewe atamcheka,+

Kwa maana hakika yeye anaona kwamba siku yake itakuja.+

14 Waovu wamechomoa upanga na kuupinda upinde wao,+

Ili kumwangusha mwenye kuteseka na maskini,+

Ili kuwachinja walio wanyoofu katika njia yao.+

15 Upanga wao wenyewe utaingia katika moyo wao,+

Nazo pinde zao zitavunjwa.+

16 Afadhali kidogo alicho nacho mtu mwadilifu+

Kuliko wingi wa watu wengi waovu.+

17 Kwa maana mikono ya waovu itavunjwa,+

Bali Yehova atakuwa anawategemeza watu waadilifu.+

18 Yehova anazijua siku za watu wasio na kosa,+

Nao urithi wao wenyewe utaendelea mpaka wakati usio na kipimo.+

19 Hawataona aibu wakati wa msiba,+

Na katika siku za njaa watashiba.+

20 Kwa maana waovu wataangamia,+

Nao adui za Yehova watakuwa kama malisho bora;

Lazima wao waufikie mwisho wao.+ Katika moshi lazima waufikie mwisho wao.+

21 Mwovu anakopa lakini halipi,+

Lakini mwadilifu anaonyesha kibali na anatoa zawadi.+

22 Kwa maana wale wanaobarikiwa naye wataimiliki dunia,+

Lakini wale anaowalaani watakatiliwa mbali.+

23 Hatua za mwanamume zimetayarishwa na Yehova,+

Na Yeye hupendezwa na njia yake.+

24 Ijapokuwa huenda akaanguka, yeye hatatupwa chini,+

Kwa maana Yehova anautegemeza mkono wake.+

25 Nilikuwa kijana, pia nimezeeka,+

Na bado sijamwona mtu yeyote mwadilifu akiwa ameachwa kabisa,+

Wala uzao wake ukitafuta mkate.+

26 Anaonyesha kibali na kukopesha mchana kutwa,+

Na kwa hiyo wazao wake watapata baraka.+

27 Geuka mbali kutoka kwa mambo mabaya na ufanye yaliyo mema,+

Na hivyo ukae mpaka wakati usio na kipimo.+

28 Kwa maana Yehova ni mpenda-haki,+

Naye hatawaacha washikamanifu wake.+

ע [ʽAʹyin]

Hakika watalindwa mpaka wakati usio na kipimo;+

Lakini wazao wa waovu, hakika watakatiliwa mbali.+

29 Waadilifu wenyewe wataimiliki dunia,+

Nao watakaa milele juu yake.+

30 Kinywa cha mwadilifu ndicho kinachotamka hekima kwa sauti ya chini,+

Na ulimi wake ndio unaosema kwa njia ya haki.+

31 Sheria ya Mungu wake imo katika moyo wake;+

Hatua zake hazitayumba-yumba.+

32 Mwovu anaendelea kumwangalia mwadilifu+

Naye anatafuta kumuua.+

33 Lakini Yehova hatamwacha mkononi mwa huyo,+

Naye hatamtangaza kuwa mwovu anapohukumiwa.+

34 Mtumaini Yehova na kuishika njia yake,+

Naye atakuinua uimiliki dunia.+

Watu waovu watakapokatiliwa mbali, wewe utaona hilo.+

35 Nimemwona mwovu akiwa mwonevu+

Na akijitandaza kama mti wenye majani mengi katika udongo wa asili.+

36 Na bado yeye akapitilia mbali, naye hakuwepo;+

Nami nikaendelea kumtafuta, wala hakupatikana.+

37 Mwangalie mtu asiye na lawama na uendelee kumwangalia mnyoofu,+

Kwa maana wakati ujao wa mtu huyo utakuwa wenye amani.+

38 Lakini wakosaji hakika wataangamizwa pamoja;+

Wakati ujao wa watu waovu hakika utakatiliwa mbali.+

39 Nao wokovu wa watu waadilifu ni kutoka kwa Yehova;+

Yeye ni ngome yao wakati wa taabu.+

40 Na Yehova atawasaidia na kuwaokoa.+

Atawaponya kutoka kwa watu waovu na kuwaokoa,+

Kwa sababu wamemkimbilia yeye.+

38 Ee Yehova, usinikaripie katika hasira yako,+

Wala usinirekebishe katika ghadhabu yako.+

 2 Kwa maana mishale yako imepenya sana ndani yangu,+

Nao mkono wako umeshuka juu yangu.+

 3 Hakuna mahali popote pazima katika mwili wangu kwa sababu ya shutuma yako.+

Hakuna amani katika mifupa yangu kwa sababu ya dhambi yangu.+

 4 Kwa maana makosa yangu yamepita juu ya kichwa changu;+

Kama mzigo mzito, ni mazito sana kwangu.+

 5 Vidonda vyangu vinanuka, vina usaha,

Kwa sababu ya upumbavu wangu.+

 6 Nimeingiwa na wasiwasi, nimeinama kupita kiasi;+

Nimetembea huku na huku kwa huzuni mchana kutwa.+

 7 Kwa maana viuno vyangu vimejaa moto,

Wala hakuna mahali popote pazima katika mwili wangu.+

 8 Nimekufa ganzi na kupondwa kupita kiasi;

Nimenguruma kwa sababu ya kuugua kwa moyo wangu.+

 9 Ee Yehova, tamaa yangu yote iko mbele zako,

Wala kuugua kwangu hakujafichwa mbele zako.+

10 Moyo wangu mwenyewe umepiga-piga kwa nguvu, nguvu zangu zimeniacha,

Na nuru ya macho yangu mwenyewe haiko pamoja nami.+

11 Nao wenye kunipenda na wenzangu wanaendelea kusimama mbali na pigo langu,+

Na rafiki zangu wamesimama mbali.+

12 Lakini wale wanaoitafuta nafsi yangu wanatega mitego,+

Na wale wanaotaka kuniletea msiba wamesema mabaya,+

Nao kwa sauti ya chini wanaendelea kusema udanganyifu mchana kutwa.+

13 Lakini mimi, kama kiziwi, nikawa siwasikilizi;+

Na kama mtu asiyeweza kusema, nikawa sifungui kinywa changu.+

14 Nami nikawa kama mtu ambaye hasikii,

Na kinywani mwangu hamkuwa na hoja zozote za kupinga.

15 Kwa maana nilikungojea wewe, Ee Yehova;+

Wewe mwenyewe ukanijibu, Ee Yehova Mungu wangu.+

16 Kwa maana nilisema: “Kama sivyo watashangilia kwa sababu yangu;+

Mguu wangu uliposonga kwa kuyumba-yumba,+ hakika walijivuna sana dhidi yangu.”+

17 Kwa maana nilikuwa tayari kuchechemea,+

Na maumivu yangu yalikuwa mbele yangu daima.+

18 Kwa maana nilisema juu ya kosa langu mwenyewe;+

Nikaanza kuhangaikia dhambi yangu.+

19 Na adui zangu walio hai wakawa wenye nguvu,+

Na wale wenye kunichukia bila sababu wakawa wengi.+

20 Nao walikuwa wakinilipa mema yangu kwa mabaya;+

Wakaendelea kushindana nami kwa sababu ya kufuatilia kwangu mambo yaliyo mema.+

21 Usiniache, Ee Yehova.

Ee Mungu wangu, usikae mbali nami.+

22 Ufanye haraka unisaidie,+

Ee Yehova wokovu wangu.+

39 Nilisema: “Nitalinda njia zangu+

Ili nisiendelee kutenda dhambi kwa ulimi wangu.+

Nitaweka lijamu kama mlinzi wa kinywa changu mwenyewe,+

Maadamu mtu yeyote mwovu yuko mbele yangu.”+

 2 Nikawa asiyeweza kusema kwa kukaa kimya;+

Nikaendelea kulinyamazia lililo jema,+

Na kuumia kwangu kukatengwa.

 3 Moyo wangu ukawa na moto ndani yangu;+

Wakati wa kuugua kwangu moto ukaendelea kuwaka.

Nilisema kwa ulimi wangu:

 4 “Ee Yehova, nijulishe mwisho wangu,+

Na kipimo cha siku zangu—ni kipimo gani,+

Ili nipate kujua kadiri nilivyo wa muda mfupi.+

 5 Tazama! Umezifanya siku zangu kuwa chache tu;+

Na urefu wa maisha yangu si kitu mbele zako.+

Kwa kweli kila mtu wa udongo, ingawa anasimama imara, si kitu ila pumzi tu.+ Sela.

 6 Kwa kweli mtu hutembea huku na huku kama kivuli tu.+

Kwa kweli wana msukosuko ambao ni ubatili.+

Mmoja anarundika vitu wala hajui ni nani atakayevikusanya.+

 7 Na sasa, nimetumainia nini, Ee Yehova?

 8 Unikomboe kutoka katika makosa yangu yote.+

Usiniweke kama shutuma ya mtu asiye na akili.+

 9 Niliendelea kuwa asiyeweza kusema;+ sikuweza kufungua kinywa changu,+

Kwa maana wewe mwenyewe ulichukua hatua.+

10 Uniondolee pigo lako.+

Nimefikia mwisho kwa sababu ya uadui wa mkono wako.+

11 Umemrekebisha mtu kwa makaripio dhidi ya kosa,+

Nawe unakula vitu vyake vyenye kutamanika kama nondo.+

Kwa kweli kila mtu wa udongo ni pumzi tu.+ Sela.

12 Uisikie sala yangu, Ee Yehova,

Na usikilize kilio changu cha kutaka msaada.+

Usikae kimya machozi yangu yanapotoka.+

Kwa maana, kwako, mimi ni mkaaji mgeni tu,+

Mhamiaji kama vile mababu zangu wote.+

13 Usinitazame, ili nipate kung’aa+

Kabla sijaenda, nisiwepo.”+

40 Nilimtumainia Yehova kwa bidii,+

Kwa hiyo akanitegea sikio lake na kusikia kilio changu cha kuomba msaada.+

 2 Yeye pia akaniinua kutoka katika shimo lenye kunguruma,+

Kutoka katika matope ya nchi.+

Kisha yeye akainua miguu yangu juu ya mwamba;+

Akazifanya imara hatua zangu.+

 3 Tena, akatia wimbo mpya katika kinywa changu,

Sifa kwa Mungu wetu.+

Wengi wataona hilo na kuogopa,+

Nao watamtegemea Yehova.+

 4 Mwenye furaha ni mwanamume ambaye amemfanya Yehova kuwa tegemeo lake+

Na ambaye hakuelekeza uso wake kwa watu wakaidi,

Wala kwa wale wanaogeukia uwongo.+

 5 Wewe mwenyewe umefanya mambo mengi,+

Ee Yehova Mungu wangu, naam, kazi zako za ajabu na mawazo yako kutuelekea;+

Hakuna wa kulinganishwa nawe.+

Ikiwa ningetaka kueleza na kusema juu yake,

Zimekuwa nyingi sana kuliko vile ninavyoweza kusimulia.+

 6 Hukupendezwa na dhabihu na toleo;+

Haya masikio yangu uliyafungua.+

Hukutaka toleo la kuteketezwa na toleo la dhambi.+

 7 Kwa hiyo, nilisema: “Tazama nimekuja,+

Katika kitabu cha kukunjwa imeandikwa juu yangu.+

 8 Ee Mungu wangu, nimependezwa na kufanya mapenzi yako,+

Na sheria yako imo ndani yangu.+

 9 Nimetangaza habari njema ya uadilifu katika kutaniko kubwa.+

Tazama! Siizuii midomo yangu.+

Ee Yehova, wewe mwenyewe unajua hivyo vema.+

10 Uadilifu wako sikuufunika moyoni mwangu.+

Nimetangaza uaminifu wako na wokovu wako.+

Sikuficha fadhili zako zenye upendo na ukweli wako katika kutaniko kubwa.”+

11 Wewe mwenyewe, Ee Yehova, usinizuilie huruma zako.+

Fadhili zako zenye upendo na ukweli wako zinilinde daima.+

12 Kwa maana misiba ilinizunguka mpaka ikawa haihesabiki.+

Makosa yangu mengi zaidi yalinifikia kuliko vile nilivyoweza kuona;+

Yakawa mengi sana kuliko nywele za kichwa changu,+

Nao moyo wangu mwenyewe uliniacha.+

13 Ee Yehova, upendezwe na kunikomboa.+

Ee Yehova, ufanye haraka kuja kunisaidia.+

14 Na waone aibu na kufedheheka wote pamoja+

Wale wanaoitafuta nafsi yangu wapate kuifagilia mbali.+

Wale wanaopendezwa na msiba wangu na wageuke na kufedheheshwa.+

15 Na wakodoe macho kwa mshangao kwa sababu ya aibu yao+

Wale wanaoniambia: “Aha! Aha!”+

16 Na hao washangilie na kukufurahia wewe,+

Wale wote wanaokutafuta.+

Na waseme daima: “Yehova na atukuzwe,”+

Wale wanaopenda wokovu wako.+

17 Lakini mimi ninateseka nami ni maskini.+

Yehova mwenyewe ananijali.+

Wewe ni msaidizi wangu na Mwokoaji wangu.+

Ee Mungu wangu, usichelewe mno.+

41 Mwenye furaha ni mtu yeyote anayetenda kwa kumfikiria mtu wa hali ya chini;+

Katika siku ya msiba Yehova atamwokoa.+

 2 Yehova mwenyewe atamlinda na kumhifadhi hai.+

Atatangazwa kuwa mwenye furaha duniani;+

Nawe huwezi kamwe kumtia mkononi mwa nafsi ya adui zake.+

 3 Yehova mwenyewe atamtegemeza katika kitanda cha ugonjwa;+

Kitanda chake chote hakika utakibadilisha wakati wa ugonjwa wake.+

 4 Mimi nami, nilisema: “Ee Yehova, nionyeshe kibali.+

Uiponye nafsi yangu, kwa maana nimekutendea dhambi.”+

 5 Nao adui zangu, wanasema mabaya juu yangu:+

“Atakufa wakati gani na jina lake kwa kweli lipotee?”

 6 Na mtu akija kuniona, moyo wake utasema mambo yasiyo ya kweli;+

Atajikusanyia jambo lenye kuumiza;

 7 Wote wanaonichukia wananong’onezana juu yangu kwa muungano;+

Wanaendelea kupanga hila ya jambo baya juu yangu:+

 8 “Jambo lisilofaa kitu linamiminwa juu yake;+

Sasa kwa kuwa amelala chini, hatasimama tena.”+

 9 Pia mtu mwenye kuwa na amani nami, ambaye nimemtegemea,+

Ambaye alikuwa akila mkate wangu,+ amekiinua kisigino chake dhidi yangu.+

10 Wewe, Ee Yehova, unionyeshe kibali na kuniinua,+

Ili nipate kuwalipa.+

11 Kwa jambo hili ninajua kwamba umependezwa nami,

Kwa sababu adui yangu hapigi kelele za ushindi juu yangu.+

12 Nami, umenitegemeza kwa sababu ya utimilifu wangu,+

Nawe utaniweka mbele za uso wako mpaka wakati usio na kipimo.+

13 Yehova Mungu wa Israeli na abarikiwe+

Tangu wakati usio na kipimo mpaka wakati usio na kipimo.+

Amina na Amina.+

42 Kama vile paa ambaye hutamani vijito vya maji,

Ndivyo nafsi yangu inavyokutamani wewe, Ee Mungu.+

 2 Kwa kweli nafsi yangu ina kiu kwa ajili ya Mungu,+ kwa ajili ya Mungu aliye hai.+

Ni wakati gani nitakapokuja nionekane mbele za Mungu?+

 3 Machozi yangu yamekuwa chakula changu mchana na usiku,+

Huku wakiniambia mchana kutwa: “Mungu wako yuko wapi?”+

 4 Nitakumbuka mambo haya, nami nitaimimina nafsi yangu iliyo ndani yangu.+

Kwa maana nilikuwa nikipita pamoja na watu wengi,

Nilikuwa nikitembea polepole mbele yao kwenda kwenye nyumba ya Mungu,+

Kwa sauti ya vigelegele vya shangwe na shukrani,+

Ya umati unaofanya sherehe.+

 5 Kwa nini umekata tamaa, Ee nafsi yangu,+

Na kwa nini una msukosuko ndani yangu?+

Mngojee Mungu,+

Kwa maana bado nitamsifu kuwa ndiye wokovu wangu mkuu.+

 6 Ee Mungu wangu, nafsi yangu mwenyewe imekata tamaa ndani yangu.+

Ndiyo sababu ninakukumbuka,+

Kutoka katika nchi ya Yordani na vilele vya Hermoni,+

Kutoka katika ule mlima mdogo.+

 7 Kilindi cha maji kinaita kilindi cha maji

Kwa sauti ya mabubujiko yako ya maji.

Mashuu yako yote na mawimbi yako+—

Yamepita juu yangu.+

 8 Wakati wa mchana Yehova ataamuru fadhili zake zenye upendo,+

Na wakati wa usiku wimbo wake utakuwa nami;+

Kutakuwako sala kwa Mungu wa uhai wangu.+

 9 Nitamwambia Mungu mwamba wangu:+

“Kwa nini umenisahau?+

Kwa nini natembea kwa huzuni kwa sababu ya ukandamizaji wa adui?”+

10 Wale wanaonionyesha uadui wamenishutumu kwa mauaji dhidi ya mifupa yangu,+

Huku wakiniambia mchana kutwa: “Mungu wako yuko wapi?”+

11 Kwa nini umekata tamaa, Ee nafsi yangu,+

Na kwa nini una msukosuko ndani yangu?+

Mngojee Mungu,+

Kwa maana bado nitamsifu kuwa ndiye wokovu wangu mkuu na kuwa ndiye Mungu wangu.+

Na uendeshe kesi+ yangu dhidi ya taifa lisilo shikamanifu.

Uniokoe kutoka kwa mtu wa udanganyifu na mwenye kukosa uadilifu.+

 2 Kwa maana wewe ni Mungu wa ngome yangu.+

Kwa nini umenitupilia mbali?

Kwa nini natembea kwa huzuni kwa sababu ya ukandamizaji wa adui?+

 3 Tuma nuru yako na kweli yako.+

Na hivyo vyenyewe viniongoze.+

Navyo vinilete kwenye mlima wako mtakatifu na kwenye maskani yako kuu.+

 4 Nami nitakuja kwenye madhabahu ya Mungu,+

Kwa Mungu, ambaye ni kushangilia kwangu kwa furaha.+

Nami nitakusifu kwa kinubi, Ee Mungu, Mungu wangu.+

 5 Kwa nini umekata tamaa, Ee nafsi yangu,+

Na kwa nini una msukosuko ndani yangu?

Mngojee Mungu,+

Kwa maana bado nitamsifu kuwa ndiye wokovu wangu mkuu na kuwa ndiye Mungu wangu.+

44 Ee Mungu, tumesikia kwa masikio yetu,

Mababu zetu wenyewe wametusimulia+

Utendaji ambao ulifanya katika siku zao,+

Siku za zamani za kale.+

 2 Wewe mwenyewe kwa mkono wako uliwafukuzia mbali mataifa,+

Nawe ukawapanda hao badala yao.+

Ukavunja vikundi vya mataifa na kuwafukuza.+

 3 Kwa maana hawakuimiliki nchi hiyo kwa upanga wao wenyewe,+

Wala wokovu haukuletwa kwa mkono wao wenyewe.+

Kwa maana ulikuwa ni mkono wako wa kuume,+ naam, mkono wako na nuru ya uso wako,

Kwa sababu ulipendezwa nao.+

 4 Wewe mwenyewe ni Mfalme wangu, Ee Mungu.+

Amuru wokovu mkuu kwa ajili ya Yakobo.+

 5 Kupitia wewe tutawasukuma wapinzani wetu;+

Katika jina lako tutawakanyagia chini wale wanaosimama dhidi yetu.+

 6 Kwa maana sikuendelea kuutegemea upinde wangu+

Wala si upanga wangu uliokuwa ukiniokoa.+

 7 Kwa maana ulituokoa kutoka kwa wapinzani wetu,+

Nawe ukawafanya waone aibu wale wanaotuchukia vikali.+

 8 Tutamtolea Mungu sifa mchana kutwa,+

Nasi tutalisifu jina lako mpaka wakati usio na kipimo.+ Sela.

 9 Lakini sasa umetutupilia mbali na unaendelea kutufedhehesha,+

Wala huendi pamoja na majeshi yetu.+

10 Wewe unaendelea kutufanya tugeuke kutoka kwa adui zetu,+

Na wale wanaotuchukia vikali wamejinyakulia vitu.+

11 Wewe unatutoa kama kondoo, kama chakula,+

Nawe umetutawanya kati ya mataifa.+

12 Unawauza watu wako kwa bei ndogo sana,+

Wala hujapata faida yoyote kwa bei yao.

13 Unatuweka kuwa shutuma kwa jirani zetu,+

Kuwa dharau na dhihaka kwa wale wanaotuzunguka pande zote.+

14 Umetufanya kuwa neno la kimethali kati ya mataifa,+

Kuwa kitu cha kutikisiwa kichwa kati ya vikundi vya mataifa.+

15 Fedheha yangu iko mbele yangu mchana kutwa,

Nayo aibu ya uso wangu mwenyewe imenifunika,+

16 Kwa sababu ya sauti ya mtu anayeshutumu na kusema vibaya,

Kwa sababu ya adui na mtu anayejilipizia kisasi.+

17 Yote hayo ndiyo yametujia, nasi hatujakusahau,+

Wala hatujatenda kwa njia ya uwongo katika agano lako.+

18 Moyo wetu haujageuka nyuma kwa kukosa imani,+

Wala hatua za miguu yetu hazitoki katika njia yako.+

19 Kwa maana umetuponda katika mahali pa mbwa-mwitu,+

Nawe unatufunika kwa kivuli kizito.+

20 Ikiwa tumelisahau jina la Mungu wetu,

Au kumnyooshea mungu mgeni mikono yetu,+

21 Je, Mungu mwenyewe hatachunguza hilo?+

Kwa maana yeye anajua siri za moyo.+

22 Lakini kwa ajili yako tumeuawa mchana kutwa;

Tumehesabiwa kuwa kondoo wa kuchinjwa.+

23 Uamke. Kwa nini unaendelea kulala usingizi, Ee Yehova?+

Uamke. Usiendelee kututupilia mbali milele.+

24 Kwa nini unaendelea kuuficha uso wako?

Kwa nini unasahau mateso yetu na ukandamizaji wetu?+

25 Kwa maana nafsi yetu imeinama chini mavumbini;+

Tumbo letu limeshikamana na udongo.

26 Usimame, utusaidie+

Na kutukomboa kwa ajili ya fadhili zako zenye upendo.+

45 Moyo wangu umesisimuka kwa sababu ya jambo jema.+

Ninasema: “Kazi zangu zinamhusu mfalme.”+

Ulimi wangu na uwe kalamu+ ya mwandikaji stadi.+

 2 Kwa kweli wewe una sura nzuri kuliko wana wa binadamu.+

Uvutio umemiminwa juu ya midomo yako.+

Ndiyo sababu Mungu amekubariki mpaka wakati usio na kipimo.+

 3 Funga upanga+ wako kwenye paja lako, ewe mwenye nguvu,+

Pamoja na utukufu wako na fahari yako.+

 4 Na katika fahari yako endelea mpaka ufanikiwe;+

Panda kwa kutetea kweli na unyenyekevu na uadilifu,+

Na mkono wako wa kuume utakufundisha mambo yenye kuogopesha.+

 5 Mishale yako ni mikali​—⁠vikundi vya watu vinaendelea kuanguka chini yako+—

Katika moyo wa adui za mfalme.+

 6 Mungu ni kiti chako cha ufalme mpaka wakati usio na kipimo, naam, milele;+

Fimbo ya enzi ya ufalme wako ni fimbo ya unyoofu.+

 7 Umependa uadilifu+ nawe unachukia uovu.+

Ndiyo sababu Mungu, Mungu wako,+ amekutia mafuta+ kwa mafuta ya kushangilia+ kuliko wenzako.+

 8 Mavazi yako yote ni manemane na udi na kida;+

Kutoka katika jumba kuu la mfalme la pembe,+ vinanda vimekufanya ushangilie.

 9 Binti+ za wafalme wamo kati ya wanawake wako wenye thamani.

Malkia+ amesimama kwenye mkono wako wa kuume akiwa amevaa dhahabu ya Ofiri.+

10 Sikiliza, ewe binti, uone, na utege sikio lako;

Na uwasahau watu wako na nyumba ya baba yako.+

11 Naye mfalme atautamani urembo wako,+

Kwa maana yeye ni bwana wako,+

Kwa hiyo mwinamie.+

12 Binti Tiro na zawadi pia+—

Walio matajiri kati ya watu watautuliza uso wako mwenyewe.+

13 Binti ya mfalme ana utukufu wote ndani ya nyumba;+

Mavazi yake yamepambwa kwa dhahabu.

14 Atapelekwa kwa mfalme akiwa na mavazi yaliyofumwa.+

Mabikira katika msafara wake ambao ni rafiki zake wanaingizwa ndani kwako.+

15 Watapelekwa kwa furaha na shangwe;

Wataingia katika jumba la mfalme.

16 Mahali pa mababu+ zako patachukuliwa na wana wako,+

Ambao utawaweka kuwa wakuu katika dunia yote.+

17 Nitalitaja jina lako katika vizazi vyote vitakavyokuja.+

Ndiyo sababu vikundi vya watu vitakusifu mpaka wakati usio na kipimo, naam, milele.

46 Kwetu Mungu ni kimbilio na nguvu,+

Msaada unaopatikana kwa utayari wakati wa

taabu.+

 2 Ndiyo sababu hatutaogopa, hata dunia ikibadilika+

Na hata milima ikitikisika na kuingia katika moyo wa bahari kuu;+

 3 Hata maji yake yakiwa na msukosuko, na kutoa povu,+

Hata milima ikitikiswa na ghasia yake.+ Sela.

 4 Kuna mto ambao vijito vyake hulifanya jiji la Mungu lishangilie,+

Maskani kuu takatifu zaidi ya Aliye Juu Zaidi.+

 5 Mungu yuko katikati ya jiji;+ halitatikisika.+

Mungu atalisaidia wakati wa mapambazuko ya asubuhi.+

 6 Mataifa yakawa na msukosuko,+ falme zikatikisika;

Akavumisha sauti yake, dunia ikayeyuka.+

 7 Yehova wa majeshi yuko pamoja nasi;+

Mungu wa Yakobo ni kilele chetu salama.+ Sela

 8 Njooni, tazameni matendo ya Yehova,+

Jinsi ambavyo ameweka matukio ya kushangaza duniani.+

 9 Anakomesha vita mpaka kwenye mwisho wa dunia.+

Upinde anauvunja na kuukata mkuki vipande-vipande;+

Magari ya kukokotwa anayateketeza motoni.+

10 “Salimuni amri, na mjue ya kwamba mimi ni Mungu.+

Nitatukuzwa kati ya mataifa,+

Nitatukuzwa duniani.”+

11 Yehova wa majeshi yuko pamoja nasi;+

Mungu wa Yakobo ni kilele chetu salama.+ Sela.

47 Enyi vikundi vyote vya watu, pigeni makofi.+

Mpigieni Mungu kelele za ushindi kwa vigelegele vya shangwe.+

 2 Kwa maana Yehova, Aliye Juu Zaidi, ni mwenye kuogopesha,+

Mfalme mkuu juu ya dunia yote.+

 3 Atatiisha vikundi vya watu chini yetu+

Na vikundi vya mataifa chini ya miguu yetu.+

 4 Atatuchagulia urithi wetu,+

Fahari ya Yakobo, ambaye amempenda.+ Sela.

 5 Mungu amepanda juu kwa vigelegele vya shangwe,+

Yehova kwa sauti ya baragumu.+

 6 Mpigieni Mungu muziki, pigeni muziki.+

Mpigieni Mfalme wetu muziki, pigeni muziki.

 7 Kwa maana Mungu ni Mfalme wa dunia yote;+

Pigeni muziki, mkitenda kwa busara.+

 8 Mungu amekuwa mfalme juu ya mataifa.+

Mungu mwenyewe ameketi juu ya kiti chake kitakatifu cha ufalme.+

 9 Wakuu wa watu wamekusanyika pamoja,+

Pamoja na watu wa Mungu wa Abrahamu.+

Kwa maana ngao za dunia ni za Mungu.+

Yeye amepanda juu sana.+

48 Yehova ni mkuu na wa kusifiwa sana+

Katika jiji la Mungu wetu,+ katika mlima wake mtakatifu.+

 2 Wenye ukuu wa kupendeza, shangwe ya dunia yote,+

Ni Mlima Sayuni ulioko sehemu za mbali za kaskazini,+

Mji wa Mfalme Mkuu.+

 4 Kwa maana, Tazama! wafalme wenyewe wamekutana kwa mapatano,+

Wamepita karibu wakiwa pamoja.+

 5 Wao wenyewe waliona; nao wakashangaa.

Wakasumbuka, wakakimbizwa wakiwa na wasiwasi mkubwa.+

 6 Wakashikwa na kutetemeka wakiwa huko,+

Uchungu wa kuzaa kama ule wa mwanamke anayezaa.+

 8 Kama vile tulivyosikia, ndivyo tumeona+

Katika jiji la Yehova wa majeshi, katika jiji la Mungu wetu.+

Mungu mwenyewe atalifanya imara mpaka wakati usio na kipimo.+ Sela

 9 Tumefikiria kwa uzito, Ee Mungu, juu ya fadhili zako zenye upendo+

Katikati ya hekalu lako.+

10 Kama jina lako,+ Ee Mungu, ndivyo ilivyo sifa yako

Mpaka kwenye miisho ya dunia.

Mkono wako wa kuume umejaa uadilifu.+

11 Mlima Sayuni+ na ushangilie,

Miji ya kandokando ya Yuda na ishangilie,+ kwa sababu ya maamuzi yako ya hukumu.+

12 Pigeni mwendo mkizunguka Sayuni, na kuuzunguka-zunguka;+

Hesabuni minara yake.+

13 Wekeni mioyo yenu juu ya boma lake.+

Kagueni minara ya makao yake,

Ili mpate kukisimulia kizazi cha wakati ujao.+

14 Kwa maana Mungu huyu ni Mungu wetu mpaka wakati usio na kipimo, naam, milele.+

Yeye mwenyewe atatuongoza mpaka tufe.+

49 Sikieni hili, enyi vikundi vyote vya watu.

Tegeni sikio, enyi wakaaji wote wa mfumo wa mambo,+

 2 Enyi wana wa wanadamu, naam, ninyi wana wa binadamu.

Wewe tajiri pamoja nawe maskini.+

 3 Kinywa changu mwenyewe kitasema mambo ya hekima,+

Na moyo wangu utatafakari mambo ya uelewaji.+

 4 Nitatega sikio langu nisikie maneno ya kimethali;+

Nitafumbua kitendawili+ changu kwa kinubi.

 5 Kwa nini niogope katika siku za uovu,+

Wakati ambapo kosa la wanaonipindua linanizingira?+

 6 Wale wanaotegemea riziki zao,+

Na ambao wanaendelea kujisifu juu ya wingi wa utajiri wao,+

 7 Hakuna hata mmoja wao anayeweza kumkomboa hata ndugu,+

Wala kumpa Mungu fidia kwa ajili yake;

 8 (Nayo bei ya ukombozi wa nafsi yao ni yenye thamani sana+

Hivi kwamba imekoma mpaka wakati usio na kipimo)

10 Kwa maana yeye huona kwamba hata wenye hekima wanakufa,+

Mjinga na asiyetumia akili huangamia wote pamoja,+

Nao hulazimika kuwaachia wengine mali yao.+

11 Tamaa yao ya ndani ni kwamba nyumba zao ziwepo mpaka wakati usio na kipimo,+

Maskani zao mpaka kizazi baada ya kizazi.+

Wameyaita mashamba yao kwa majina yao.+

12 Na bado mtu wa udongo, ingawa katika heshima, hawezi kuendelea kukaa;+

Kwa kweli analingana na wanyama ambao wameangamizwa.+

13 Hiyo ndiyo njia ya wale wenye ujinga,+

Na ya wale wanaowafuata ambao wanapendezwa na maneno yao wenyewe. Sela.

14 Kama kondoo, wao wamewekewa Kaburi;*+

Kifo chenyewe kitawachunga;+

Nao wanyoofu watawatawala asubuhi,+

Nayo maumbo yao hayatakosa kuchakaa;+

Kaburi* badala ya makao yaliyo juu ni kwa ajili ya kila mmoja.+

15 Hata hivyo, Mungu mwenyewe ataikomboa nafsi yangu kutoka katika mkono wa Kaburi,*+

Kwa maana atanipokea. Sela.

16 Usiogope kwa sababu mtu fulani anapata utajiri,+

Kwa sababu utukufu wa nyumba yake unaongezeka,+

17 Kwa maana anapokufa hawezi kuchukua kitu chochote;+

Utukufu wake hautashuka chini pamoja naye.+

18 Kwa maana muda wote wa maisha yake alikuwa akiibariki nafsi yake mwenyewe;+

(Na watu watakusifu kwa sababu unajiendeleza vizuri)+

19 Nafsi yake mwishowe inafikia tu kwenye kizazi cha mababu zake.+

Hawataona nuru tena kamwe.+

20 Mtu wa udongo, ingawa katika heshima, ambaye haelewi,+

Kwa kweli analingana na wanyama ambao wameangamizwa.+

50 Mwenye Uwezo,+ Mungu, Yehova,+ amesema mwenyewe,+

Naye anaiita dunia,+

Kutoka mashariki mpaka magharibi.+

 3 Mungu wetu atakuja naye hawezi kukaa kimya.+

Mbele zake kuna moto unaoteketeza,+

Na kumzunguka pande zote hali ya hewa imekuwa yenye dhoruba kali sana.+

 4 Yeye anaziita mbingu juu na dunia+

Ili atekeleze hukumu juu ya watu wake:+

 5 “Wakusanye kwangu washikamanifu wangu,+

Wale wanaofanya agano langu juu ya dhabihu.”+

 6 Na mbingu zinasema juu ya uadilifu wake,+

Kwa maana Mungu mwenyewe ni Mwamuzi.+ Sela.

 7 “Sikilizeni, enyi watu wangu, nami nitasema,+

Ee Israeli, nami nitatoa ushahidi dhidi yako.+

Mimi ni Mungu, Mungu wako.+

 8 Mimi siwakaripii kuhusiana na dhabihu zenu,+

Wala kuhusiana na matoleo yako mazima ya kuteketezwa yaliyo mbele zangu daima.+

 9 Sitachukua ng’ombe-dume katika nyumba yako,+

Wala mbuzi-dume katika mazizi yako.

10 Kwa maana kila mnyama wa mwituni ni wangu,+

Wanyama walio juu ya milima elfu moja.+

11 Najua vizuri kila kiumbe chenye mabawa cha milimani,+

Na makundi ya wanyama wa porini yako pamoja nami.+

12 Ningalikuwa na njaa, singalikuambia;

Kwa maana nchi yenye kuzaa+ na vyote vinavyoijaza ni vyangu.+

13 Je, nile nyama ya ng’ombe-dume wenye nguvu,+

Na je, ninywe damu ya mbuzi-dume?+

14 Toa shukrani zikiwa dhabihu yako kwa Mungu,+

Na umtimizie Aliye Juu Zaidi nadhiri zako;+

15 Na uniite katika siku ya taabu.+

Nitakuokoa, nawe utanitukuza.”+

16 Lakini Mungu atamwambia mwovu:+

“Una haki gani ya kuyataja masharti yangu,+

Na kwamba ulichukue agano langu kinywani mwako?+

17 Tazama, wewe—wewe umechukia nidhamu,+

Nawe unaendelea kuyatupa maneno yangu nyuma yako.+

18 Wakati wowote ulipomwona mwizi, naam, ulipendezwa naye;+

Nawe ulishirikiana na wazinzi.+

19 Umefungua kinywa chako kutoa lililo baya,+

Na ulimi wako unaushikamanisha na udanganyifu.+

20 Unaketi na kusema vibaya juu ya ndugu yako mwenyewe,+

Juu ya mwana wa mama yako unafichua kosa.+

21 Umeyafanya mambo hayo, nami nikaendelea kukaa kimya.+

Ulidhani kwamba kwa hakika mimi ningekuwa kama wewe.+

Nitakukaripia,+ nami nitayarekebisha mambo mbele ya macho yako.+

22 Tafadhali, enyi mnaomsahau Mungu eleweni hili,+

Nisije nikawararua vipande-vipande bila ya kuwa na mkombozi.+

23 Yule anayetoa shukrani zikiwa dhabihu yake ndiye anayenitukuza;+

Naye anayedumisha njia iliyowekwa,

Nitamfanya aone wokovu wa Mungu.”+

51 Ee Mungu, unionyeshe kibali kulingana na fadhili zako zenye upendo.+

Ufutilie mbali makosa yangu kulingana na wingi wa rehema zako.+

 2 Unioshe kabisa kutokana na kosa langu,+

Na kunitakasa kutokana na dhambi yangu.+

 3 Kwa maana mimi mwenyewe nayajua makosa yangu,+

Na dhambi yangu iko mbele yangu daima.+

 4 Dhidi yako wewe, wewe peke yako, nimetenda dhambi,+

Nami nimefanya lililo baya machoni pako,+

Ili uwe mwadilifu unapoongea,+

Ili usiwe na lawama unapohukumu.+

 5 Tazama! Nilizaliwa kwa maumivu nikiwa na kosa,+

Na mama yangu alinichukua mimba katika dhambi.+

 6 Tazama! Umependezwa na ukweli wenyewe katika sehemu za ndani;+

Na katika mtu wa sirini unijulishe hekima tupu.+

 7 Unitakase kwa hisopo kutokana na dhambi, ili nipate kuwa safi;+

Unioshe, ili nipate kuwa mweupe kuliko theluji.+

 8 Unifanye nisikie kufurahi na kushangilia,+

Ili mifupa uliyoiponda ipate kuwa na shangwe.+

 9 Ufiche uso wako kutoka kwa dhambi zangu,+

Na ufutilie mbali makosa yangu yote.+

10 Uumbe moyo safi ndani yangu, Ee Mungu,+

Na kuweka ndani yangu roho mpya, iliyo imara.+

11 Usinitupilie mbali na uso wako;+

Wala usiniondolee roho yako takatifu.+

12 Unirudishie shangwe ya wokovu wako,+

Nawe unitegemeze kwa roho ya kupenda.+

13 Nitawafundisha wakosaji njia zako,+

Ili watenda-dhambi wageuke na kurudi kwako kabisa.+

14 Unikomboe kutokana na hatia ya damu,+ Ee Mungu, Mungu wa wokovu wangu,+

Ili ulimi wangu upate kutangaza uadilifu wako kwa shangwe.+

15 Ee Yehova, na uifungue hii midomo yangu,+

Ili kinywa changu mwenyewe kipate kutangaza sifa yako.+

16 Kwa maana hupendezwi na dhabihu—kama sivyo ningeitoa;+

Hupendezwi na toleo zima la kuteketezwa.+

17 Dhabihu kwa Mungu ni roho iliyovunjika;+

Moyo uliovunjika na kupondwa, Ee Mungu, hutaudharau.+

18 Kwa nia yako njema utendee Sayuni vema;+

Na ujenge kuta za Yerusalemu.+

19 Ndipo utakapopendezwa na dhabihu za uadilifu,+

Na dhabihu za kuteketezwa na toleo zima;+

Ndipo ng’ombe-dume watakapotolewa katika madhabahu yako mwenyewe.+

52 Kwa nini unajisifia yaliyo mabaya, ewe mwenye nguvu?+

Fadhili zenye upendo za Mungu ni za mchana kutwa.+

 2 Ulimi wako hupanga hila za kuleta shida, ukiwa umenolewa kama wembe,+

Ukifanya kazi kwa udanganyifu.+

 3 Umependa yaliyo mabaya kuliko yaliyo mema,+

Kusema uwongo kuliko kusema yaliyo ya uadilifu.+ Sela.

 4 Umependa maneno yote yenye kumeza,+

Ewe ulimi wenye udanganyifu.+

 5 Mungu mwenyewe pia atakubomoa milele;+

Atakupiga na kukuangusha na kukurarua kutoka katika hema lako,+

Naye atakung’oa kutoka katika nchi ya walio hai.+ Sela.

 6 Nao waadilifu wataona hilo na kuogopa,+

Nao watamcheka.+

 7 Huyo ndiye mwanamume ambaye hamweki Mungu kuwa ngome yake,+

Lakini anategemea wingi wa utajiri wake,+

Ambaye hulindwa kutokana na shida anazoleta.+

 8 Lakini nitakuwa kama mzeituni+ wenye majani mengi katika nyumba ya Mungu;

Nazitegemea fadhili zenye upendo za Mungu mpaka wakati usio na kipimo, naam, milele.+

 9 Nitakusifu mpaka wakati usio na kipimo, kwa maana wewe umechukua hatua;+

Nami nitalitumainia jina lako, kwa sababu ni jema, mbele ya washikamanifu wako.+

53 Asiye na akili amesema katika moyo wake:

“Hakuna Yehova.”+

Wametenda kwa uharibifu na kutenda kwa njia yenye kuchukiza katika ukosefu wa uadilifu;+

Hakuna yeyote anayefanya mema.+

 2 Kutoka mbinguni Mungu amewatazama wana wa binadamu walio chini,+

Aone kama kuna yeyote ambaye ana ufahamu, yeyote anayemtafuta Yehova.+

 3 Wote wamegeuka nyuma, wote ni wafisadi katika njia ileile;+

Hakuna yeyote anayefanya mema,+

Hakuna hata mmoja.

4 Je, hakuna yeyote kati ya wale wanaotenda mambo yenye kuumiza ambaye ana ujuzi,+

Wakila watu wangu kama vile ambavyo wamekula mkate?+

Hata hawajamwitia Yehova.+

 5 Hapo wamejawa na hofu kubwa,+

Mahali ambapo hapakuwa na kitu chenye kutia hofu;+

Kwa maana hakika Mungu ataitawanya mifupa ya mtu yeyote anayepiga kambi dhidi yako.+

Hakika utawafanya waone aibu, kwa maana Yehova mwenyewe amewakataa.+

 6 Laiti wokovu mkuu wa Israeli ungetoka Sayuni!+

Wakati ambapo Yehova anawakusanya tena mateka wa watu wake,+

Yakobo na ashangilie, Israeli na afurahi.+

54 Ee Mungu, uniokoe kwa jina lako,+

Nawe unitetee katika kesi yangu kwa uwezo wako.+

 2 Ee Mungu, uisikie sala yangu;+

Utege sikio usikie maneno ya kinywa changu.+

 3 Kwa maana kuna wageni ambao wameinuka dhidi yangu,

Na waonevu wanaoitafuta nafsi yangu.+

Hawajamweka Mungu mbele yao.+ Sela.

 4 Tazama! Mungu ni msaidizi wangu;+

Yehova yuko kati ya wale wanaoitegemeza nafsi yangu.

 5 Atawalipa adui zangu ubaya;+

Katika ukweli wako uwanyamazishe.+

 6 Nitakutolea dhabihu kwa kupenda.+

Nitalisifu jina lako, Ee Yehova, kwa maana ni jema.+

 7 Kwa maana alinikomboa kutoka katika kila taabu,+

Nalo jicho langu limewatazama adui zangu.+

55 Utege sikio, Ee Mungu, kwa sala yangu;+

Wala usijifiche kutoka kwa ombi langu la kutaka kibali.+

 2 Unisikilize kwa makini na kunijibu.+

Mahangaiko yangu yananisukuma huku na huku bila kuwa na utulivu,+

Sina jambo lingine la kufanya ila kuonyesha wasiwasi.

 3 Kwa sababu ya sauti ya adui, kwa sababu ya mkazo wa yule mwovu.+

Kwa maana wanaendelea kuniangushia mambo yenye kuumiza,+

Na kwa hasira wanadumisha uadui juu yangu.+

 4 Moyo wangu una maumivu makali ndani yangu,+

Na woga wa kifo umeniangukia.+

 5 Woga, naam, kutetemeka kunaingia ndani yangu,+

Na mtetemeko unanifunika.

 6 Nami naendelea kusema: “Laiti ningekuwa na mabawa kama ya njiwa!+

Ningeruka mbali na kukaa.+

 7 Tazama! ningeruka mbali;+

Ningekaa nyikani.+—Sela—

 8 Ningefanya haraka kwenda mahali pangu pa kuponyokea

Kutokana na upepo wenye kuvuma, kutokana na tufani.”+

 9 Uwavuruge, Ee Yehova, ugawanye ulimi wao,+

Kwa maana nimeona jeuri na kuzozana jijini.+

10 Mchana na usiku wanalizunguka pande zote juu ya kuta zake;+

Na mambo yenye kuumiza na taabu ziko ndani yake.+

11 Shida ziko ndani yake;

Na katika viwanja vyake vya watu wote ukandamizaji na udanganyifu haujaondoka.+

12 Kwa maana sikushutumiwa na adui;+

Kama ndivyo ningaliweza kuvumilia hilo.

Si mtu anayenichukia vikali aliyejivuna sana dhidi yangu;+

Kama ndivyo ningaliweza kujificha kutoka kwake.+

13 Lakini ilikuwa ni wewe, mwanadamu anayeweza kufa tunayelingana,+

Mtu tunayejuana na ambaye ni rafiki yangu,+

14 Kwa sababu tulikuwa tukifurahia pamoja urafiki ulio mtamu;+

Tulikuwa tukitembea kuingia katika nyumba ya Mungu pamoja na watu wengi.+

15 Ukiwa na uwe juu yao!+

Na washuke katika Kaburi* wakiwa hai;+

Kwa maana wakati wao wa kukaa ugenini mambo mabaya yamekuwa ndani yao.+

16 Mimi nami nitamlilia Mungu;+

Na Yehova mwenyewe ataniokoa.+

17 Jioni na asubuhi na katikati ya mchana sikosi kuhangaika nami naomboleza,+

Naye huisikia sauti yangu.+

18 Hakika ataikomboa na kuiweka nafsi yangu katika amani mbali na vita vinavyofanywa juu yangu,+

Kwa maana wakiwa umati wamekuja kuwa dhidi yangu.+

19 Mungu atasikia na kuwajibu,+

Naam, Yeye anayeketi juu ya kiti cha ufalme kama zamani+—Sela—

Wale ambao hawafanyi mabadiliko+

Na ambao hawajamwogopa Mungu.+

20 Amenyoosha mikono yake dhidi ya wale walio na amani pamoja naye;+

Amelitia unajisi agano lake.+

21 Maneno ya kinywa chake ni laini kuliko siagi,+

Lakini moyo wake una mwelekeo wa kupigana.+

Maneno yake ni laini kuliko mafuta,+

Lakini ni panga zilizochomolewa.+

22 Mtupie Yehova mzigo wako,+

Naye mwenyewe atakutegemeza.+

Hatamwacha kamwe mwadilifu atikisike.+

23 Lakini wewe mwenyewe, Ee Mungu, utawashusha mpaka kwenye shimo lililo chini kabisa.+

Nao watu wenye hatia ya damu na wadanganyifu, hawataishi nusu ya siku zao.+

Lakini mimi, nitakutegemea wewe.+

56 Unionyeshe kibali, Ee Mungu, kwa sababu mwanadamu anayeweza kufa amenikamata.+

Akiwa anafanya vita mchana kutwa, yeye anaendelea kunikandamiza.+

 2 Adui zangu wameendelea kutanua kinywa mchana kutwa,+

Kwa maana kuna wengi wanaofanya vita juu yangu kwa kujitakia makuu.+

 4 Katika umoja na Mungu nitalisifu neno lake.+

Nimeliweka tegemeo langu kwa Mungu; Sitaogopa.+

Mwenye mwili wa nyama anaweza kunitenda nini?+

 5 Mchana kutwa wanaendelea kuharibu mambo yangu ya kibinafsi;

Mawazo yao yote yako juu yangu kwa ajili ya ubaya.+

 6 Wao wanashambulia, wanajificha,+

Wao wanaendelea kuziangalia hatua zangu,+

Huku wakiwa wameingojea nafsi yangu.+

 7 Uwatupe kwa sababu ya madhara yao.+

Uvibomoe vikundi vya watu kwa hasira, Ee Mungu.+

 8 Wewe mwenyewe umetoa habari juu ya kuwa kwangu mkimbizi.+

Uyaweke machozi yangu katika kiriba chako.+

Je, hayamo katika kitabu chako?+

 9 Wakati huo, adui zangu watageuka, siku ambayo nitaita;+

Najua hili vema, kwamba Mungu yuko kwa ajili yangu.+

10 Katika umoja na Mungu,+ nitalisifu neno lake;

Katika umoja na Yehova, nitalisifu neno lake.+

11 Nimeweka tegemeo langu katika Mungu. Sitaogopa.+

Mtu wa udongo anaweza kunitenda nini?+

12 Juu yangu, Ee Mungu, kuna nadhiri zako.+

Nitakutolea maneno ya shukrani.+

13 Kwa maana umeikomboa nafsi yangu na kifo+—

Je, hukuikomboa miguu yangu isijikwae?+—

Ili nipate kutembea mbele za Mungu katika nuru ya wale walio hai.+

57 Unionyeshe kibali, Ee Mungu, unionyeshe kibali,+

Kwa maana nafsi yangu imekukimbilia wewe;+

Na katika kivuli cha mabawa yako nimekimbilia mpaka shida zipitilie mbali.+

 3 Atatuma kutoka mbinguni na kuniokoa.+

Hakika atamvuruga yule anayenitanulia kinywa.+ Sela.

Mungu atatuma fadhili zake zenye upendo na ukweli wake.+

 4 Nafsi yangu iko katikati ya simba;+

Sina jambo lingine la kufanya ila kulala katikati ya wamezaji, naam, wana wa binadamu,

Ambao meno yao ni mikuki na mishale,+

Na ambao ulimi wao ni upanga mkali.+

 5 Utukuzwe juu ya mbingu, Ee Mungu;+

Utukufu wako na uwe juu ya dunia yote.+

 6 Wametayarisha wavu kwa ajili ya hatua zangu;+

Nafsi yangu imeinama chini.+

Wamechimba mtego wa shimo mbele yangu;

Wameanguka ndani yake.+ Sela.

 7 Moyo wangu uko imara, Ee Mungu,+

Moyo wangu uko imara.

Nitaimba na kupiga muziki.+

 8 Amka, Ee utukufu wangu;+

Amka, Ee kinanda; nawe pia, Ee kinubi.+

 9 Nitakusifu katikati ya vikundi vya watu, Ee Yehova;+

Nitakupigia muziki katikati ya vikundi vya mataifa.+

10 Kwa maana fadhili zako zenye upendo ni kuu kufika mbinguni,+

Na ukweli wako mpaka angani.+

11 Utukuzwe juu ya mbingu, Ee Mungu;+

Utukufu wako na uwe juu ya dunia yote.

58 Katika kimya chenu je, kweli mnaweza kusema juu ya uadilifu?+

Je, mnaweza kuhukumu kwa unyoofu, enyi wana wa binadamu?+

 2 Badala yake, kwa moyo mnafanya mambo ambayo ni ya kukosa uadilifu kabisa duniani,+

Na kutayarisha barabara kwa ajili ya jeuri ya mikono yenu!+

 3 Waovu wamekuwa wapotovu kutoka katika tumbo la uzazi;+

Wametanga-tanga tangu tumboni na kuendelea;

Wanasema uwongo.+

 4 Sumu yao ni kama sumu ya nyoka,+

Viziwi kama swila anayeziba sikio lake,+

 5 Ambaye hataisikiliza sauti ya watumbuizaji,+

Ingawa mtu mwenye hekima anapiga mafundo kwa uganga.+

 6 Ee Mungu, yang’oe meno yaliyo kinywani mwao.+

Uvunje mifupa ya taya za wana-simba wenye manyoya shingoni, Ee Yehova.

 7 Na wayeyuke kana kwamba ni ndani ya maji yanayoenda zake;+